رواية غرام ابليس الفصل التاسع عشر 19 بقلم مريم عبدالرحمن

رواية غرام ابليس الفصل التاسع عشر 19 بقلم مريم عبدالرحمن

 الفصل التاسع عشر ....غرام إبليس (قبل الاخيره)

لمريم عبدالرحمن

____________________________________
إي هو الحب؟ انتوا فاكرين إن الحب ده سهل عشان هو كلمه من حرفين ؟ الحب كفاح و وارد جدًا إنك تتحط في مشاكل لأجله. توصل للموت بس إذا كان يستحق! عشان دلوقت نقرر نحب فالعصر ده و الواقع ده يبقا ناخد احتياطاتنا بالظبط لنخاف نفقد شغفنا تجاه الحب نهائي..و بعد كل ده نقدر نقول اخر حاجه " لنهرم سوياً في ذات الوساده"
___________________________________
حمزه قبل ما يشرب العصير دلقه على فستان ورد ب حجة إن هو غصب عنه ...
حمزه / حبيبتي بجد أسف مخدتش باااالي نهاااائي
ورد بدموع / ولا يهمك
حمزه باستعباط/ مااالك؟؟
ورد بتوتر / مفيش

_قرب همس في ودنها كلمات قشعرت بدنها "المهم إنك بقيتي مراتي نتحاسب بعدين "

ورد بتوتر / نتحاسب على اي
حمزه بضحك/ المشكله إنك فاهمه أكتر مني

_ نظرة حمزه ليها كانت مليانه شر و حقد و إنتقام و غل و كل حاجه وحشه نظره مصاحباها قلق و خوف إزاي ياسين هيبقا جمبها من اللحظه دي؟؟ ياريته هو كان جوزها فعلا ؟؟ عمرها ما حست معاه غير بالأمان و نظرته ليها امان ابتسامته ليها امان الحرف منه أمان مجرد سيرة وجوده فالمكان أمان و رغم دلوقت وجودها مع حمزه إلا إن قلبها متأكد و حاسس بالأمان ان هييجي المعجزه و مش هيبقا عاجز انه ينقذها

ياسين بدموع و صدمه / استحاله أخليه ياخدها مني دي كمان مش هخليه يكسب
محمود بقهره / هتعمل اي بقا كل حاجه انتهت كااانت فكره **** قبل ما نفكر فيها هي انتهت و انت انتهيت و كلنا انتهينا
ياسين بخبث / فين سلوى

_سلوى بعد ما سمعت نور فالمطبخ بتوصي الحارس يجيب كوبايات تانيه غير اللي هتطلع لان هيبقا محطوط سم فالكوبايات التانيه و عرفت انهم عارفين جريت برا القاعه و الفندق كله و عارفه انهم هيتحطوا في مصيبه و هي المنقذ الوحيد

سلوى بخوف/ مش هينفع اسيبهم لازم الحقها و لازم اتصرف
____________________________________
بعد نهاية الفرح طلعوا اوضتهم فالفندق ..
_كانت هي في عالم تاني كأنها بتندم كل ثانيه على إنها عملت كده ، دخلت في حياه ملهاش خروج، دلوقتي مفيش في بالها غير هو ليه مماتش؟ هل ممكن واحده زي دي تحبه!تبقا اصلا بتحبه؟ الحب أصله مش كلام يا عااالم، عقلها ف ثواني اداها إشاره إن ياسين هو اكتر حد حلو ف حياتها مش هو، ازاي يكون هو الاحلى ف حياتي و أنا مبحسش جمبه بأمان، إزاي كنت بقول كلام من قلبي ليه؟، مجاش في بالها دلوقت غير إنها لازم تقنعه ب أي حاجه، تقنع حمزه إن هي كانت مجبوره، كل دي أفكار كانت بتفكر فيها و هي على سلم الفندق طالعين اوضتهم بس، بس هي مش بتحبه مش هتسمحله يلمسها، إبليس على وشَك الإنفجار، هيبدأ ينفجر منين، منين هينتقم، ازاي هينتقم من قلبه عشان حبها؟ مكنش عارف يتصرف، حس إن قلبه وقف، قال إنه دايمًا بينتقم من الشخص بأعز الناس ليه، إفتكر للحظه موقف من الماضي مكنش ليه لزوم فالوقت الحالي..
_____________________________________
قبل ٤ سنين..
_طالع حمزه على سلم فندق في شرم الشيخ ..

حمزه بعصبيه/ بيقضولي شهر العسل ولاد الكلب في شرم الشيخ

_وقف بيراقب اوضه من اخر الممر لحد ما اتفتح بابها و ياسين خرج منها و نزل ، و هنا بدأ يتحرك تجاه نفس الاوضه و بدأ يخبط..

نادين بدلع/إي يا حبيبي نسيت المو....

_ حست بلسان عجز عن الكلام كأنها أخرست أول ما شافت حمزه ، هو مسكها من رقابتها و دخل و قفل الباب

حمزه بزعيق / بقا انتي بتضحكي عليا يا ****** و تتجوزيه
نادين بخوف / حمزه إسمعني أرجوك انا كنت مراااتك
حمزه بزعيق / عرفيي كنتي مراتي عرفي يا زباله و روحتي اتجوزتيه ازاااااي اتجوزتيه و احنا متجوزين
نادين بدموع / انا بحبك

_مسكت دموعها من النزول خايفه منو لكن مش متمكنه من شعورها رغم ثقتها ف نفسها إلا إنها قدامه قلبها ضعيف مش ممكن تحاربه..

نادين /انت فاكر إني هخاف منك؟
ضحك بهيستريا..
حمزه/ إنتي أصلاً خايفه مني
هي بدموع..
نادين /أنا كنت مراتك
حمزه/ونتي فاكره اما تبقي مراتي هتخلصي من العذاب؟منكرش إني أذيتك لكن محدش يقدر يإذي حمزه نجيب الصاوي

هي بلعت ريقها بصعوبه..
نادين/ مش هتصدق لو قلتلك بحبك و كل ده كان فيلم انا حبيتك من قلبي هو قالي أتجوزه انا مقدرتش أرجوك لو تقدر تخش جوا قلبي و تعرف اللي جوه...

قاطعها قلم منه..
حمزه/ هو ده الغباء !!إنك فاكراني غبي و هصدق حرف منك تاني

هي منزلتش دمعه واحده لكن قلبها نزل دموع دم كأنها ندمانه على حاجه معينه

نادين/ ياسين بإيده يثبتلك إني بحبك إنت روحله و اتأكد منه بس ساعتها هتكون خسرتني للأبد يا حمزه هتكون خسرتني فاهم!

حمزه بزعيق/ انتي غبيه هروح اقوله مراتك كانت بتحبني!!ياسين عمره ما يعرف اني كنت بحب حد و يتجوزه ده اعز صديق ليا استحااااله يكون متجوزك و هو عارف اللي بينا

نادين بدموع/ارجوك سيبني و نتفاوض و بعدين بس متنخدعش في ياسين اوي كده هو عارف انك بتحبني و على رغم من كده اتجوزني عند فيك خلينا نتكلم معاه و يثبتلك هو هددني مش اكتر

هو ب شر..
حمزه /م أنا مقولتلكيش الجديد !! إنتي دقيقه بالظبط و هتبقي مش موجوده فالوجود لكن بالنسبالي ده مش خساره

هي بدموع...
نادين/حمزه أنا حامل و منننك

جملتها نزلت عليه كالصاعقه كأن الحرب اللي فقلبه وقفت أو لحظه من حياته وقفت أكتر شخصيه حبها ف حياته و إعتقد إنها خذلته ..بتقول إنها حامل !!تصرف غير لائق بالمره!!

حمزه بزعيق/ انتي كدااااااابه كدااااابه في كل حاااااااجه

_طلع مسدس و من غير نقاش ضرب رصاصتين فيها و هي وقعت عالارض..

حمزه بصدمه/ انا عملت اي

_ عيونه اتملت دموع و نزل قعد جمبها ..

حمزه بعياط/ نادين اصحي أنا..انا مقصدش
بصريخ/ نادين اصحيييي ارجووكي و وعد مش هعملك حاجه تاني هسيبك .. مش عاوز اقتلك ..مش عاوز ابقا زي ابويا..انا مش قاااتل ..اااصحييييي ارجوكي

_فتح ياسين الباب و قفله و اتصدم من اللي شافه..

ياسين بزعيق/ انت هنا...انت عملت ايييي
حمزه بعياط/ كان ..كان..كان غصب عني
ياسين بدموع / انت قتلتها !! قتلتها ليه؟؟ هي عملت اي حرام عليك !حمزه انت... انت ليييه كده انت مكنتش كده انت قتلت مراااااااااتي!! قتلتها لييييييييه؟؟؟
حمزه بزعييق/ دي مش مرااااااتك دي مراتي انا اناااا اللي كنت بحبهااا انت اللي خدتها
ياسين بزعيق و دموع / انت بتقول اي !!!

_قام حمزه من الأرض و واجهه ياسين و الاتنين في عيونهم دموع
حمزه ب شماته/ نادين كنت متجوزها عرفي قبلك
ياسين تنح/ انت بتقول اي؟
حمزه بقهره/ انت كنت عارف اللي بينا متكدبش و اتجوزت عند فيا
ياسين بزعيق/ اتجوز عنِد فيك ليه!!! انا بحبها و هي بتحبني من بدري و اتجوزنا انت مريض نفسي؟؟؟؟
حمزه بدموع و زعيق/ انا كنت بحبهاااا
ياسين بزعيق/ و انا بحبهااااا

_قعدوا الاتنين جمبها بيعيطوا
___________________
Back...
حمزه بخبث / ادخلي اوضتك يا عروسه
ورد بدموع / حمزه ما بلاش
حمزه باستغراب و استعباط/ بلاش اي؟؟

_دخلت ورد الاوضه و متوتره بأنظارها و حركات ايدها ..و حمزه قرب حضنها..

ورد بخوف / حمزه متستعبطش انت عارف كل حاجه
حمزه بضحك / مش معنى إنك حطتيلي سم اخاصمك يعني دي حاجه تافهه
ورد بزعيق / هو اي اللي حاجه تافهه انا مبحبكش و كنت عاوزه اموتك
حمزه / تؤ تؤ تؤ انتي اي الكلام اللي بتقوليه ده عيب كده يا حبيبتي و بعدين انتي عارفاني مبزعلش من حد انا بزعله ف اعز الناس ليه
ورد بتوتر / مبقاش ليا ناس عزيزه عليا

_ قعد حمزه عالسرير و بصلها ...

حمزه بخبث / و ياسين؟؟
ورد بصدمه و زعيق / ملكش دعوه ب ياسين اقسم بالله اقتلك انا
حمزه بضحك/ محاوله فاشله فالقتل
ورد بدموع / انا بكرهك
حمزه بنرفزه/ مش كنتي بتحبيني يا ورد؟
ورد بدموع / كنت بضحك عليييييك انا بحبه هووو كنت عاوزززه اموووتك انتتتت
حمزه / عاوز تاخدي حقك؟
ورد بدموع / اه هاااخد حقي منك
حمزه / اقتلي اعز حد على قلبي
ورد بعياط / مين؟
حمزه بخبث / اقتلي نفسك يا ورد انتي اعز حد أملكه
ورد بدموع / انت بتحبني
حمزه بدموع / انا بحبك

_ قعدت ورد عالارض بتعيط و حمزه قعد جمبها..

حمزه / انا اسف
ورد بعياط/ بتتأسف ليه؟
حمزه بندم/ عشان حبيتك و اتجوزتك
ورد مسحت دموعها و بصتله/ أنا معاك مش ببقا في امان
حمزه بندم و دموع / ورد انا هطلقك مش حابب اعيش مع واحده مش حباني مش عاااارف حتى أأذيكي ..كان كل حاجه غصب عني من البدايه ..قلبي اللي اختارك حتى يوم ما اختارت حد هو شاركني فيها بردو احنا الاتنين حبناااكي.. مش عارف ده اي؟
ورد / ربنا بيجمعكوا عشان تكونوا مع بعض يا حمزه رغم الصدف بقيتوا مع بعض بردو رغم السنين و الأيام انتوا كنتوا صحاب حلوين اوي سلوى اخته حاكتلي هي نادين اللي فرقت بينكوا و هي اصلاً كانت...كانت ..كانت مش كويسه و بتلعب عليكو انتوا الاتنين
حمزه بدموع / عرفت بعد ٣ سنين من موتها ان ياسين مكنش يعرف اني بحبها
ورد / رغم انه كان صاحبك ليه مقلتلوش؟
حمزه / مكنتش عاوز اقوله اني بحبها و متجوزها عرفي لان هي اللي منعتني من كده قلتلي مش لازم ده يطلع بينا احنا الاتنين و اقنعتني و كمان كانت بتكرهني فيه بس عرفت ده متأخر بس كان رجوعنا كأصحاب صعب بعدنا جدًا جدًا و محاولتش اقرب لإن كان بينا ذكريات سيئه هو بلغ عني و بعد و احنا اتخانقنا و روحت لدكتور نفسي بسببه و ابويا طلعني بالفلوس
ورد / حمزه انا.....

_الباب بيخبط جامد ....و حمزه قلق و قام فتح دخل ياسين و محمود فجأه...

ورد بخوف / ياسين!!!
حمزه بنرفزه /جيت ليه
ياسين بخبث / جيت اباركلك
حمزه/ و هو حد يبارك لحد بعد الفرح و ف اوضة نومه؟
ياسين بسخريه / اصل انا استثنائي
حمزه بضحك/ وصل مباركتك اتفضل بقا
ياسين / لا ما انا مقولتلكش ان انا بحب أبارك لصاحبي بطريقه مميزه و مختلفه هتعجبك اوي
حمزه بتلقائيه/ متقلقش هطلقها
ياسين باستغراب / بسهوله كده؟
حمزه بضحك/ رغم انك بتاخد مني كل حاجه حلوه في حياتي لكن مقدرش اجبرها تعيش مع واحد عمرها ما حبته يا ياسين
ياسين بتربقه/ كان فين عقلك يوم ما قتلت نادين
حمزه / عالاقل ورد معلقتنيش و خلتني اتجوزها عرفي
ياسين بتريقه / بس كانت عاوزه تسمك و تقتلك و تخلص منك
حمزه بخبث / انت اكتر واحد عارف إني مش إبليس فالحكايه دي
ياسين بضحك/ أومال مين؟ امي؟
حمزه / نادين كانت هي إبليس اللي فالحكايه و أبويا
ياسين بإستغراب / مش فاهم؟؟
حمزه / الحكايه بدأت يوم ما ابوك مكرم اتعرف على ابويا نجيب و ابويا عرف ورث ابوك و قد اي هو معاه فالبنك و مجيب كان عاوز يدخل مع مكرم في مشروع و كمان ب حجة اننا صحاب مقربين من ثانوي ساعتها ابوك رفض لإن عارف أبويا نصاب كبير و انه كلب فلوس ابويا كان ف دماغه انه لازم ياخد الفلوس دي ساعتها كانت نادين الحل الوحيد كلمها و اتفق معاها تمضيني على ورقه عرفي و تروح تتجوزك و تاخد فلوووسك كلها معرفش ازاي تتجوز مرتين لكن الفلوس يعمل اكتر من كده
ياسين / و هي رضيت مقابل اي؟
حمزه / نص ورثك؟
ياسين باستغراب / يورثوني امتا؟
حمزه / اما هي تموتك
ياسين تنح/ كانت هتموتني؟
حمزه / نفس فكرة ورد اللي كانت هتعملها فيا
ياسين بنرفزه / عرفت كل ده منين
حمزه / من نجيب بعد سنه من مرور الحادثه
ياسين بصدمه / و انا ايش ضمني بكلامك
حمزه / اسأل مكرم ابوك على حكاية المشروع اللي كان عاوز يدخله مع نجيب و ابوك رفض
ياسين بزعيق / ده مش موضوعنا الماضي عمره ما كان حل
حمزه بنرفزه/ الماضي هو موضوعنا لو محلناش كل غلط حصل فالماضي مش هنعرف نعيييش
ياسين / عاوز تفهمني نادين كانت غلط فالماضي؟
حمزه بتنهيده/ اعتقد إنها أسوأ حاجه حصلت لينا فالماضي يا ياسين
ياسين بنرفزه / و هتخلي الحاضر اسوأ لو مسبتش ورد يا حمزه
حمزه بزعيق / انا محتاجها جمبي اكتررر منككككك
ياسين ب شر/ صدقني انا اللي هبقا قاتل المره دي
حمزه بنرفزه / انت خدت كل حااااجه حلوووه كفايههه
ياسين بضحك/ انت قتلت نادين ازاي اكون خدتها
حمزه بعصبيه / بس نادين مش حاجه كويسه و حاجه حلوه ف حياتنا نادين ذكرى سيئه
ياسين بزعيق / اديك قوووولت سيبلي انا ورد
ورد بزعيق جامد / كفاااااااااااااااااايه

_سكتو للحظه كأنهم ناسيين وجودها...

ورد بدموع / انتوا بتتخانقوا عليا و متعرفوش انا عاوزه اي ؟؟؟
ياسين بتنهيده /اسف
حمزه / اختاري يا ورد عاوزه مين فينا؟

ورد سكتت..
______________________________________
يتبع...
يا ترى ورد هتختار حمزه ولا ياسين؟ و هل حمزه من يسمى ب إبليس تاب؟ ولا في لعبه جديده؟ و زينه و نجيب أخرتهم إي؟ توقعوا معايا
سؤال نتناقش فيه فالكومنتات يا حبايبي
الماضي ليه أثر في مستقبلنا؟ ولا الماضي زي ما بيقولوا اللي بيروح يروح و مش مهم في حياتنا؟

العشرين والاخير من هنا 

تعديل المقال