رواية غرام ابليس الفصل العشرين 20 والاخير بقلم مريم عبدالرحمن
الفصل العشرين(الاخيره)....غرام ابليس
لمريم عبدالرحمن____________________________________
من أصعب الحاجات اللي الواحد المفرود يتخذها في حياته إنك تختاري عريس !!اه والله موضوع مقلق جدًا جدًا بنفتكر دايما انه نهاية حياه و بداية حياه تانيه مع واحد تاني مع عيله جديده و كل حاجه جديده طبعا بقا اللبس و العفش و الفلوس ..قد اي الواقع مؤلم عمرنا ما فكرنا قلبنا محتاج إي ! مش معظم الناس بتحب لكن في ناس بتعشق ..العشق غير الحب؟ أه حصل غيرهم ! الحب هو إنك تفضلي جمب صاحبتك اللي بتحبيها وقت زعلها و اكتئابها الحل انك تريحي والدتك التعبانه و والدك السهران عشانك فالشغل .. أما العشق هو انك الشخص ده عاوزه في حياتك التانيه اللي هي بعد حياتي الاولى في بيت اهلي و كمان فالعالم التاني اما تطلعوا الجنه هو هيبقا جمبك في كل وقت فقلبك و ف حياتك و فجنتك♡ االعشق أمان و صبر و حب و جنه ♡لكن يزجد اراء ان الحب متطور و بيتكور للعشق و إنها مرحله تطويريه مش أكتر و ده بردو شئ مش عارفه احدده مش عارفه اوصف الحب و العشق بشئ موجد
___________________________________
ورد بدموع / إدوووني وقت انا مش عااارفه مش عاارفه اختار اي ؟؟انا..انا...
محمود بتلقائيه / خلوني أتكلم مع ورد شويه
ورد بعياط/ ياريت
حمزه بنرفزه/ اشمعنا محمود يعني
ورد بعياط/ قلتلكوا متضغطوش عليا و بعدين محمود بعقل هدير ف بعتبره الملجأ التاني ليا
ياسين / طيب طيب احنا ممكن كلنا نطلع برا الاوضه و ننزل نشرب حاجه و انتوا تتكلمو تحت و احنا نستناكو
_ورد هزت راسها بإيجابيه ..و نزلو كلهم و طبعا هي بفستان الفرح نازله ف كل اللي فالفندق مستغرب قعدت على ترابيزه هي و محمود و بعيد قعدوا ياسين و حمزه ...
ورد بدموع / محمود انا مش عارفه اتصرف
محمود / انا مش هجبرك على حاجه يا ورد بس انا هلفت نظرك ب حاجه لازم انتي اللي تنقي مش انا اللي هقولك اختاري ياسين او حمزه
ورد بدموع / اي هي
محمود بنرفزه / بطلي عياط الاووول
ورد مسحت دموعها / اهووو
محمود / انتي لما تتجوزي حمزه هتعرفي تتقبلي كل حاجه وحشه عملها؟هتعرفي تتصرفي معاها؟هتبقي دكتورته النفسيه ؟هتقدري تبقي جمبه في امان؟ تقدري متزهقيش منه؟متزهقيش من زعيقه و ممكن يوصل يضربك؟هتتقبليه و هو إبليس و تخشي معاه النار ؟هتستحملي عيالك يطلعوا زيه زي ما هو طلع لابوه؟هتستحملي ابوه اصلا؟ و اخته الحربايه ؟
ورد بصدمه / كفاااايه
محمود / الحاجه الوحيده الحلوه في حياته هو قلبه انه حبك و ممكن يشفق عليكي بعد الجواز و ميضربكيش و ميهنكيش
ورد بدموع/ عاوزني اجاوب على كل ده؟؟
محمود بثقه / اه
ورد بتنهيده / هعرف اتقبل عيوبه اه لكن مش هعرف اتصرف معاه مش هعرف ابقا دكتورته النفسيه و اكيد هوصل لمرحلة الزهق من معاملته الوحشه مش هخش معاه النار طبعا و الاهم من ده استحاله اخلف و عيالي تطلع زي العيله دي و الاخر انا بخاف منه و بخاف و انا معاه مبحسش بالامان يعني
محمود / حلو نتكلم عن ياسين شويه
ورد بتنهيده/ قول قووول
محمود/ بتحسي جمبه بالامان؟
ورد بإبتسامه/ اه جدا هو الامان نفسه بعد فقداني لعيلتي بقا هو ملجأي يعتبر
محمود/ هياخد بإيدك للجنه و هو شخص كويس و طيار و لو خلفتي منه فالمستقبل عياله هتطلع حلوه و قمر و متربيين و سلوى هتربيهم كوويس بردو كعمه كوويسه مش زي نور الفرق هنا ياسين شاريكي و حمزه حبك و عاوزك عِند ان ياسين مياخدش كل حاجه و ده واضح جدا عليه علفكره ياسين عاوزك و بيحبك عكس حمزه
ورد بابتسامه/ و انا عاوزه ياسين بس...
محمود / بتشفقي على حمزه؟
ورد بتنهيده/ تقريبًا
محمود بابتسامه/ لو هو بيحبك و شاري خاطرك هيسيبك ل ياسين
ورد بسخريه/ اه بأمارة انه قتل نادين
محمود / كانت ليها سبب تاني و انها كانت معلقاه
ورد بعدم تصديق /حمزه مش من النوع ده يا محمود حمزه خبيث و وراه حاجه
محمود بتنهيده / خلينا نطاوعه للاخر ارجوكي و انا هراقبه
ورد بدموع / و زينه؟ بقت بتكرهني و لما تعرف كمان اني هتجوز ياسين تاني عن حب و هنعيش حياه سعيده مش بعيد تقتلني
محمود بضحك/ قلتلك انا هلمها متقلقيش
ورد بتنهيده / طب اعمل اي دلوقت
محمود / انتي اللي هتقولي لنفسك
ورد / اطلب الطلاق من حمزه
محمود/ و بعدين؟
ورد / اقول لياسين يتجوزني؟
محمود بعصبيه/ هو اللي هيقولك اتجوزيني يا هبله يا بنت الهبله
ورد بضحك/ طب استنى بقا اتلغبطت
_من بعيد قاعد ياسين و حمزه ..
ياسين بعصبيه/ دي بتضحكلههه
حمزه بتنهيده/ استغفر الله يعني هما كل ده بيتكلموا في اي مثلا ما يمكن ياخدها مننا احنا الاتنين
ياسين / متدخلهاش ف دماااغي
_رجوع تاني لمشهد بين محمود و ورد..
ورد بتنهيده / خلاص تمام هقوم اقولهم القرار و هسيب ياسين هو يعبرلي كل حاجه
محمود / برافووو بااظبط كده
_ قامت ورد و محمود و جم اتجاههم..
ياسين بفرحه / اهم جايين نحيتنا
حمزه بتوتر / قررتي اي
ورد بتنهيده / حمزه انا بحبك
حمزه ابتسم
ورد / لكن ياسين بعشقه
حمزه تنح و ياسين ابتسم
ورد بابتسامه/ ياسين بحسه و هو معايا حاجه مختلفه يعني انا جمبه مبسوطه و في امان بحب وجوده جمبي
حمزه بزعيق / انا جوزك و مش هطلقك
ياسين بزعيق / ده مكنش اتفاقنا
محمود / اي يا حمزه لعب العيال ده
ورد بزعيق/ لعلمك انت مش بتحبني انت بس عاوز تاخد اي حاجه ياسين حبها من ساعة ما هربت و عرفت اني عنده و انت فدماغك انك لازم تاخد كل ما يملكه ياسين مش اكتر لكن هو حاول يساعدني من قبل ما يعرف اني تبعك
حمزه بنرفزه/ انا بحبك يا ورد
ورد بدموع / يا حمزه مش هقدر
_حمزه اتقلب ١٨٠ درجه خاصة ملامح وشه .. مسك ايدها جامد و شدها
ورد بدموع/ حمزه في ايي
ياسين زقه/ ده مش اتفاقنا هي اختارتني هاتها
حمزه بخبث / اختارتك بس انا جوووزها
ورد بزعيق / حمزه سيبنيييي كفاااايه عمري ما هبص في وشك وانا شايله هم انك قتلت اغلى واحده ف حياتي و سبب انك تبوظ حياااااتي كلهااااا
_حمزه استوعب للحظه كلامها...ساب ايدها و سكت و ياسين مسك ايدها
حمزه بندم/ خدهاا
ياسين ابتسم
ياسين/ يلا يا ورد
ورد بدموع/يلا
حمزه/ انا مسامحكوا ربنا يبسطكوا ورقتك هتبقا عندك في اسرع وقت
ورد هزت راسها ب ماشي و مشيت هي و ياسين و محمود
حمزه قعد فالكافيه بعد ربع ساعه من مشيانهم طلب كحول زي عادته لما يحس ب ضيق دخلت سلوى شافته و بتعيط..
سلوى بعياط/ انت يا حيوااان فييين ورررد فييين
حمزه باستغراب / انتي مين انتي
سلوى بعياط / انا عاوزه ورد
حمزه باستغراب / اهدي بس كده
سلوى بعياط / عاوزه ورد بقوول
حمزه بنرفزه / يا بنتي ورد مشيت مع ياسين
سلوى ضحكت فجأه / بجد؟
حمزه ضحك/ انتي هبله يا بنتي انتي مين؟
سلوى / انا سلوى اخت ياسين
حمزه بسخريه / يااااااه ده انتي كبرتي اوي
سلوى كشرت / مش هقعد معاك اخويا مانعني
_و مشيت سلوى
حمزه / دي اي الناس المتخلفه اللي اعرفها دي ياربي
__________________________________
بعد مرور ٣ شهور .... الساعه ٨ الصبح في كوافير
سلوى / ايوه يعني هتختاري انهي فستان
ورد بعصبيه/ الاتنين حلوين
سلوى بضحك/ يارب صبرني
ورد / اووووووف خلاص هختار ده
سلوى / ضهره مفتوح ياسين هيقتلك
ورد بدلع / يقتلني ما هو ده اللي ناقص
سلوى بضحك/ يلا ياختي يلا
__________________________________
فالقاعه قبل غروب الشمس تحديداً محمود قاعد فالقاعه و لقا زينه دخلت القاعه و امها و ابوها ابتسم ان خطته نجحت...
Flash back...
محمود بيرن على باب شقة ابو ورد و مصطفى فتح..
مصطفى / انت مين؟
محمود / حضرتك انا جاي اتقدم ل زينه
مصطفى / بدون ميعاد كده؟
محمود / اسف جدا بجد
مصطفى باستغراب/ اتفضل يا ابني
محمود دخل...
مصطفى / طب ثواني طب انت محمود اللي كنت ساعة موت هدير...
محمود / اه انا كنت صاحبها و كده و زعلت على موت هدير جدا كنت يعني بردو قريبها من بعيد
مصطفى / اممم طيب
محمود / اكيد هتسأل عن اهلي هقولك اهلي باعوني و سابوني وحيد رغم كل حاجه وحشه مرت في حياتي ساابوني في ميتم سابوني كان فاكرين انهم مش هيعرفو يربوني تقريبا اهلي اتخلوا عني بسبب انا معرفوش
مصطفى بتوتر / ميهمنيش الاهل يا ابني المهم اني اسال عليك و اعرف انت شخص كويس ولا لأ
محمود / بص حضرتك هقولك حاجه مهمه .العيله مهما الابن غلط في حياته مينفعش يرميه ..كل بنت او شاب يبقا في سن مراهقه
مصطفى / انت ورد جايباك قصد؟
محمود بتنهيده/ لا يا عمي انا جاي اقولك حرام ورد بنت ناجحه و طموحه و كل اللي حصل في حياتها ده كان مجرد اختبار كانت عاوزاكوا جمبكوا فيه
مصطفى بتنهيده و دموع / و انت فاكر يا ابني اني رميتها و انا فرحان انا كان قلبي بيتقطع عليها دي بنتي و حته مني بس حسيت فجأه بحاجه غريبه
محمود / صلح الموقف يا عمي و بالمره جوزني لبنتك زينه
مصطفى / هشوف رأيها الاول و اسأل عنك انا بردو معرفكش
محمود بتوتر / خد وقتك يا عمي
مشهد اخر ...
زينه بتوتر / محمود !!
مصطفى / يا بنتي انا سالت عنه و شاب كويس جدا و محترم و بيقولو كان بيشتغل فتره قدام مول كده بيبيع حاجات بس شكل ربنا كرمه
زينه ابتسمت / تمام
_________________________________
Back ....
محمود بابتسامه / ازيك يا عم مصطفى
مصطفى بفرح / ازيك يا محمود عقبالك انت و زينه
محكود بابتسامه / يارب يا عمي
رباب / ها يا زينه كلمتي ورد شوفتيها جايه امتا
زينه بنرفزه / مكلمتهاش يا ماما انتي عارفه
مصطفى بعصبيه / انتي يا بت اتصلي ب اختك كفايه بقا قرف و اتصالحوا
زينه بتنهيده / طيب طييييب
اتصلت زينه
ورد باستغراب / الو؟
زينه بتوتر / انتي فين
ورد / احم ..ياسين عااشارع اهو و جاي ياخدني
زينه / طيب سلام
و قفلت زينه
مصطفى بعصبيه / اي المعامله دي
رباب/ اووووف المهم هي فين
زينه / استاذ ياسين رايح ياخدها
مصطفى / مش فاهم ازاي متبقيش جمب اختك في يوم زي ده فالكوافير
زينه / بابا لوسمحت...
مصطفى / خلاص خلاص انا هروح اقعد مع اعمامك يلا يا رباب تعالي
رباب / يلا
فضل محمود و زينه ..
محمود بابتسامه/ شكلك جميل اوي علفكره
زينه بابتسامه/ شكرا
محمود / احم ..عاوز اقولك حاجه
زينه باستغراب / اي في اي
محمود / فكي من نحية اختك شويه ياريت مفيش سبب تاني لانك تفضلي معاها كده غير انك لسه بتحبيه
زينه تنحت / والمصحف ما بفكر فيه
محمود / يبقا تعالي على كرامتك شويه بس و اتصالحو
زيمه بتنهيده/ حاااضر
________________________________
عند ورد تسحر اي حد يشوفها ميكب هادي و تسريحة شعر رقيقه و فستان بكم رقيق طويل مش منفوش اوي لكن الضهر عريان واقفه مستتيه قدرها و اهو دخل بابتسامه ساحره و ببدلته القمر ...
ياسين بابتسامه / شكلك قمر اووي
ورد بضحك و كسوف / و انت كمان
ياسين بضحك/ يلا يكش نتخلص من فقرة الكسوف دي
_مسك ايدها و خرجوا ركبوا العربيه
____________________________________
ف فيلا نجيب بالقاهره ...
نجيب باستغراب / انت بتلبس و رايح فين؟
حمزه / فرح ياسين و ورد
نجيب باستغراب / عادي كده؟
حمزه / ياريت متدخلش
عدل حمزه بدلته و خرج و راح القاعه
_دخلوا ياسين و ورد من القاعه الاتنين ضحكاتهم على وشهم و حبهم لبعض و فرحتهم باينه و اتكتب كتابهم و يمكن دي تاني مره يتكتب كتابهم لكن المره دي مختلفه جدا و سلوى كانت معاها و اهلهم كلهم و اهل ورد و كان فرح كبير و حلو جدا و دلوقتي المأذون اأعلنهم زوج و زوجه و حمزه دخل القاعه بيتفرج
و اخيراً رقصوا على اغنيه سلو ...
ياسين بحب / ورد انا بحبك
ورد بكسوف / و انا كمان
ياسين / للاسف الشديد امتحاناتك كمان اسبوعين بس وعد شه العسل هيبقا بعد امتحاناتك
ورد بضحك / بجد؟؟ مش كنت بتقولي نفيش شهر عسل خالص؟؟
ياسين بضحك/ كنت بضحك عليكي يا هبله هوديكي احلى شهر عسل اقسم بالله
ورد ضحكت / انا بحبك اووي والله
حمزه بخبث / إبليس مبيخسرش
"أما نرجع تاني لنجيب اللي فالفيلا بعد خرزج حمزه مباشرةً الباب رن و فتح لقا هانا خطيبة حمزه القديمه يعتبر"
نجيب بإستغراب/ هانا؟
هانا بزعيق / انت و ابنك بوظتووولي حياتي خاصة إنت يا نجيب و لازم تاخد حقك
و طلعت السكينن اللي كانت ف إيدها مخبياها و طعنتها و اترمي عالارض و نزل كملت عليه ب ٣ طعنات
____________________________________
( النهايه ... )
معلومه ملهاش جزء تاني
الغرض هنا من جملة حمزه ان مش كل نهاية قصه في حياتنا بتكون النهايه دي بداية حياه جديده ناس كتير هتسألني و اي الهدف من الروايه الكبيره العريضه دي ؟؟
هقولك يا ستي ..
احيانا قلوبنا بتختار من غير اشاره للعقل و لكن بعد وقت كبير العقل بيديكي الاشاره الصح للشخص الصح و هنا لازم تعتمدي على العقل و طبعا ده فالواقع بعد صلاة الاستخاره و الدعاء ف دول بيغيروا الاقدار و بردو أحياناً مبيكونش حب زي حمزه هو بالفعل محبهاش هو حب يمتلك حاجه مع ياسين مش اكتر و ده بيحصل فالواقع كتير جدًا .. كمان الواحد اوقات كتير بيفتكر ان حياته بقت تحفه و اللي جاي احسن زي ما ورد بطلة روايتنا اعتقدت انها هتسافر و تبقا دكتوره كبيره و هتعيش حياتها .. من الاخر الحياه مش يهله و مش بسيطه و غداره و هي دي حياتنا و لازم نتقبلها في كل وقت دايما بتبقا في حاجه حلوه في حياتنا و ورد كان ياسين الحاجه الحلوه في حياتها رغم كل حاجه وحشه حصلت في حياتها
اتمنى تقولوا رأيكم مهم جدًا يا حبايبي و تنتظروا روايتي الجديده "حب إستراتيجي" نزلت إعلانها و قولولي رأيكو في كتاباتي انا صاحبة رواية حدوتة حب و احببته من لقاء منتظره رأيكم فيا و في تأليفي"مريم عبدالرحمن"
"نقطه أخيره إبليس مكنش شخص إبليس كانت الحياه و الماضي يعني المستقبل و الماضي و قد اي الاتنين بيحرقونا نقدر نفول من الأخر لغز الروايخده هو غرام الماضي عشان لازم نحب الماضي .. عُمر ما كان الماضي ذكرى وحشه حتى لو كانت ذكرى وحشه ف عقولنا فقلنا قيمتها مبتنزلش"
ودعاً غرام الماضي
مريم_عبدالرحمن.
غرام_إبليس
