رواية غرام ابليس الفصل الثامن عشر 18 بقلم مريم عبدالرحمن
________________________________________
ورد بإبتسامه/ موافقه طبعاً و ياريت نتجوز بسرعه قبل إمتحاناتي
حمزه بضحك/ حلو أوي
_ هل يمكن إن إتنين قاعدين بيخدعو بعض إنهم بيحبو بعض؟ هل ينفع ده يكون حب ؟؟ ياريت نتناقش فالكومنتات النهارده ده..وانا هرد على حسب رأيي دمتم سالمين
حمزه / خلاص انا هظبط كل حاجه حتى فستان الفرح و الميكب و هيبقا الفرح في فندق و في كمان ميكب هيجيلك و هنقضي هناك يومين و بعدها نروح شهر العسل في مارينا هنا في مصر إي رأيك
ورد بتوتر / مش مشكله رأيك انت اكيد احلى و ده الاحسن لينا
حمزه / مش حاسك مبسوطه ليهه؟
ورد بضحك/ لا طبعاً مبسوطه بس زعلانه ان اهلي مش هيكونو معايا
حمزه بإبتسامه / سيبيلي الموضوع ده عليا أنا هسعدك و هروح أتقدملك منهم
ورد بتوتر / طيب
حمزه / مفرحتيش بردو؟
ورد / اصل هدير ...
حمزه بمقاطعه/ ورد ياريت متجبيش سيرتها بلاش السيره دي دلوقتي و هي لو كانت موجوده كنت واثق انها هتقولك اتجوزيني و هتوافق عشان انا سعادتك اكيد مش عاجبك قعادك مع سلوى اقعدي في بيت جوزك و كوني عيله احسن من المرمطه و الذل
ورد بتنهيده/ بس مش هتمانعني اعزم ياسين و سلوى الفرح
حمزه بعصبيه/ لييه
ورد / لازم اردلهم المعروف و منساش كل معروف عملوه معايا مهما كان هو إي حتى لو المعروف ده ضدك
حمزه بعصبيه / اعزميهم يا ورد
ورد بإبتسامه/ همشي انا بقا
حمزه بإستغراب / رايحه فين ؟؟
ورد بفرح/ مش انا عروسه؟
حمزه بضحك/ اه
ورد بضحك / يبقا في تجهيزات لازم اعملها
حمزه بضحك/ و انا كمان عريس لازم اجهز حاجات كتير جدا و هحدد الميعاد و اقولك
ورد بإبتسامه/ يلا باي
_ ورد ديرت وشها و مشيت و وشها اتحول من ابتسامه لعلامات أرف و غضب ..
ورد بأرف / عريس الهنا
_ و هي اول ما خرجت من الكافيه حمزه قلب وشه من الابتسامه لنظرات الشر
حمزه بتريقه / عروسة الهنا
________________________________
_خدت ورد تاكسي و راحت للمقابر عند هدير و قعدت عند تربتها بتعيط...
ورد بعياط/هجبلك حقك انا بعمل كل ده عشااانك مكنتش متخيله في يوم إني أخسرك انتي كل حاااجه بالنسبالي عيلتي معملتش اللي انتي كنتي بتعمليه معايا مش متخيله إني اتجوز اللي قتلك ..شخص معندوش شفقه ..مكنش لياا غيرك يا هديير
ياسين / بس انا معاكي
ورد ب خضه / ياسين اي جابك؟
ياسين بإبتسامه/عرفت من سلوى انك هتقابلي حمزه قولت لازم ابقا حواليكي
ورد بإبتسامه/ بجد مش عارفه اقولك اي
ياسين ب حنيه / متقوليش حاجه يا ورد
ورد بإبتسامه و دموع/ انت كنت جمبي في كل وقت كنت محتاجه حد جمبي مش عارفه أحس بأمان غير في وجودك إنت بالذات لا بقا عندي اهل و لا صحاب
_سكوت دقيقتين من الطرفين
ورد بدموع / لو كانت هدير موجوده كانت حببتني فيك جداً و قعدت تحكيلي عن بطولاتك دايماً
ياسين بضحك/ ممكن
ورد / بس انا دلوقت عاوزه اسألك سؤال
ياسين بإبتسامه/ قولي في اي
_قعد ياسين جمبها عالترب
ياسين / ها اتكلمي
ورد/ ليه بتساعدني كل المساعده دي؟ليه دايماً جمبي بغض النظر عن انك عاوز تنتقم من مراتك اللي ماتت
ياسبن بتنهيده / مش حاجه معينه
ورد بتريقه / بتشفق عليا مثلاً ؟
ياسين بإستغراب / لاء طبعا
ورد بنرفزه/ مش عاوز تقولها يعني؟؟؟
ياسين بإستغراب / اقول اي فهميني
ورد بعصبيه/ مفيش حاجه انا عاوزه اروح
_ و قامت ورد و مشيت
ياسين / طب استني اوصلك طيب ..استغفر الله العظيم عملت اي انا دلوقتي ما كنا كويسين
_________________________________
_روحت ورد ل سلوى البيت و فتحت بالمفتاح و دخلت لقت سلوى بتعمل الاكل...
ورد/ احم
سلوى بضيق/ اي يا ورد؟
ورد بحزن/ انتي لسه زعلانه مني؟ انا مكننش اقصد انا فعلا مليش غيرك بس هو الكلام كان رخم شويه مني
سلوى / مش هزعل منك طبعاً
ورد بحزن/ انتوا اكتر ناس نفسي اشكرها يا سلوى بحب وجودكوا جمبي و بحبكوا كلكوا انتوا عيلتي و انتي اختي
سلوى بإبتسامه/ و ياسين؟
ورد ب حب / ياسين شخص مختلف في حياتي انا كل ما ببقا في مشكله تقريبا بلاقيه جمبي بحس معاه ب أمان عكس أي شخص تاني لو قولتي اني بحب حمزه تبقي غلطانه لان انا بشفق عليه بشفق على حياته اللي مدمرها و انا وجودي معاه ببقا خايفه
سلوى بخبث / مقولتيش كده لياسين ليه؟؟
ورد / حاولت مش عارفه اقول مباشر كده
سلوى بإبتسامه/ يعني الحمدلله اقتنعتي إن ياسين مبيحبش غيرك و بعدين هو لو مش بيحبك ليه هيفضل جمبك علطوول يعني و بيحميكي
ورد بفرح/ بصي أرجوكي متقوليلوش حاجه و متلمحيش خليكي في صفي
سلوى بإستغراب / ليه؟؟
ورد / معرفش بس اكيد في وقت مناسب عن كده
سلوى بضحك/ ماشي يا ستي وقت مناااسب المهم هو جاي يتعشا معانا بليل
ورد بإبتسامه / تمام
_دخلت ورد اوضتها مبسوطه متعرفش إي اللي منتظرها من مصايب و كوارث
_______________________________
عند زينه كانت راجعه من الشغل عالمغرب وقفها حمزه ....
زينه بأرف / يخييبك جاي تاني ليه؟
حمزه / جاي عشان انا و انتي عاوزين نفس الحاجه
زينه / و انت عارف انا عاوزه اي؟؟
حمزه بتريقه/ مش عاوزه ورد و ياسين يبقو مع بعض و كمان ياسين يرجعلك
زينه بتوتر / اي اللي بتقوله ده انا مبقتش عاوزاه
حمزه بعصبيه/ بطلي إستهبال
زينه/ و انت بقا غرضك اي
حمزه / انا هتجوز ورد و انتي هتكرهي ياسين ف ورد ب أي شكل هتخليه ميساعدهاش
زينه بإستغراب / و يساعدها ليه و هي معاك؟مش انت بتحبها و هتخلي بالك منها؟؟
حمزه بتريقه/ هخلي بالي من واحده عاوزه تسمني يوم فرحنا و تورثني عشان تعيش حياتها؟ انا عارف كويس انك مش هتطلعي الكلام ده برا احنا هدفنا واحد و انا عارف كويس اني هقدر اساعدك يا زينه و ياسين هتحببيه فيكي زي الاول و هتمنعيه يعرف حاجه عن ورد و انه يساعدها
زينه بإستغراب / حمزه إنت بتحب ورد؟
حمزه بعصبيه / ده مبقاش حب هي اللي ابتدت الحرب و هي مش قدها
زينه بتوتر / هتإذيها؟؟
حمزه بتريقه / ونتي يهمك في اي؟؟ الاخوه بتجري في دمك ؟
زينه بتوتر / لا بتأكد بس
حمزه / خططي كويس للموضوع ده هه
زينه ب خبث / خطتله في ثواني
____________________________________
_بليل ف بيت سلوى .. سلوى بتخبط على اوضة ورد...
سلوى بزهق / اي يبنتي كل ده زهقتيني انجزي بقاااا ياسين قرب ييجي عاوزاكي تحطي معايا الاكل
_خرجت ورد بفستان ابيض قصير لحد ركبتها منقوش ورد بسيط و روج أحمر و مسيبه شعرها و حطه مونيكير ف ايدها و رجلها احمر
سلوى بضحك/ شكيت فيكي من الأول أساساً
ورد بحرج/ متضحكيش يعني اقعد قدامه بالبيجامه؟؟؟
سلوى بضحك/ لا طبعاً ميصحش
_الباب خبط و جريت ورد فتحت...
ياسين بإبتسامه/ جيت شقه غلط ولا اي؟
ورد بضحك/ ادخل ادخل
_دخل ياسين كان نظراته مندهشه تجاهها لان عمره ما شافها بفستان عمتاً
ياسين / تصرفاتك غريبه النهارده
ورد بضحك/ مفيش فرحانه شويه
ياسين بضيق/ ليه استاذ حمزه قالك نكته
ورد كشرت/متفكرنيش
ياسين / مفكركيش ب اي؟
ورد بتوتر / وافقت اتجوزه
ياسين بنظرة توتر/ بجد!!
ورد بإبتسامه/ انا هقدر أعمل كده عشان نعيش كويس
ياسين / مش عاوزك تتورطي ولا تشيلي ذنب...
ورد بمقاطعه/ انا هعمل كده بكامل إرادتي
ياسين بإبتسامه/ ان شاء الله كل حاجه هتمشي زي م احنا عاوزينها
ورد بتوتر / خايفه اقول انا قتلت بني ادم
ياسين/ ده مش بني أدم طبيعي ده إبليس يعني شيطااااان لازم لازم يمشي من حياتنا و حياة اي حد بيإذيه
ورد / مينفعش نعمل كده من غير ما اتجوزه
ياسين / لو انتي شايفه انك مش محتاجه فلوس يبقا خلاص بس دي اسهل طريقه كمان منثبتش بيها حاجه علينا
ورد بتوتر / خلينا زي م احنا خلاص
ياسين بإبتسامه / ممكن اقولك حاجه؟
ورد بضحك / قول
ياسين / انا جعان
ورد كشرت و اتعصبت/ انت من الصبح مضايقني والله ما هاااااكل معاااك
_و دخلت ورد اوضتها و قفلت
سلوى بضحك/ في اييي في اييي
ياسين بضحك/ معرفش في اي مالها دي؟؟
سلوى بضحك/ يمكن منتظره حاجه
ياسين ب شك / منتظره ؟؟
سلوى باستعباط / انت و شطارتك بقا
ياسين بضحك/ لو اللي في بالي ...
سلوى باستعباط / يمكن اللي في بالك بس من رأيي تخليه بعد الدربكه دي كلها
ياسين بابتسامه / فكره حلوه
_____________________________________
بعد مرور ٦ أيام و خاصة الساعه ١٢ الضهر دخلت ورد فندق كبييييير و باين من طرازه إنه غالي و جمبها نور اخت حمزه. ...
نور / كمان حمزه ظبطلك الميكب ارتيست بتاعتك و الفستان و كل حاجه و في اوضه للميكب طبعًا غير اوضتكو الخاصه بعد الفرح
ورد بتوتر / طبعًا
نور بابتسامه / طيب يا مرات اخويا تسمحيلي أطلعك أوضتك بقا و نبدأ تجهيزات لان قدامنا ٧ ساعات بس و لسه قدامنا حاجات كتير سواء الفستان لسه هتنقيه و لوك تسريحة الشعر و لوك الميكب و الجزمه بردو مهمه
ورد بضحك / كده كده سلوى هتساعدني
نور / سلوى !!!
ورد / اه هي جيالي هي يعتبر اختي
نور بضحك/ ما انا معاكي
ورد / هرتاح لو معايا اكتر
نور بابتسامه/ سلوى مكرم ابو عوف صح؟
ورد / صح
نور/ بس ...
ورد بمقاطعه / حمزه حبيبي قايلاله بوجود سلوى و ياسين كمان هييجي الفرح
نور باستغراب / طيب
_ طلعو اوضه واسعه فيها ناس و هما الفاشونيستا و الميكب ارتست و بدأوا يخلوها عروسه بجد
___________________________________
بعد ساعات عند محمود خاصة قدام بيت مصطفى أبو ورد و بيراقب من بعيد و أهي هرجت زينه العقربه و ابتسم و كانت لابسه فستان و حجابها عشان طبعا تروح فرح اختها و هنا تأكد من معلوماته ركب عربيته بسرعة البرق و جري وصل القاعه و كان ناس كتير موجوده و هو فضل يدور على شخص معين و اهو لقااااه...
محمود بتوتر و بياخد نفس بصعوبه / اخيراً لقييييتك
ياسين بإستغراب / في اي؟
محمود بتوتر / انقذ ورد حمزه عاااارف كل حاااااجه يا ياسين
ياسين بصدمه / عرفت منين
محمود / اخت ورد السبب هي هتوصل هنا دلوقت و معنى وصولها ان حمزه عاارف و ان في كارثه هتحصل انت لازم تنقذها ورد هنا و فالمكان ده في خطر
ياسين ب خضه / انا هطلع اجيبها و نهرب بس تكون متأكد انه عاااارف
محمود بنرفزه / اقسم بالله حمزه عااارف كل حاجه
_ جري ياسين يطلع عالسلم عشان يتجه نحية اوضتها منعه حراس...
ياسين بتوتر / لوسمحت قول ل ورد اني عاوزها
الحارس/ ممنووع
ياسين / هي مش هترفض قولها ارجوك
الحارس / انت بالذات ممنوع الدخول و دي أواااامر
_زقه ياسين لكن مسكوه و خرجوه تحت .
الحارس بزعيق / لو شوفتك فوق تاني هنخرجك من القاعه خالص لكن استاذ حمززه قالنا نحترمك
_و مشي الحارس
ياسين بتوتر / اعمل اييي اعمل اييييي
_محمود جاله
محمود بتوتر / هنستناها لحد ما تطلع و ناخدها حتى لو بالقوه
_وقفوا على ترابيزتهم متوترين خايفين بالذات قلب ياسين مش عاوز حمزه يبقا السبب في خسارة شخص بيحبه تاني ..هو بيحبها لكن متمالك اعصابه عاوز كل حاجه تخف و الشر يبعد و إبليس يتلاشى عشان يقولها الكلمه المنتظراها و اللي قلبه رايدها "بحبك" وجود إبليس دلوقتي قدامه كأنه عاوز يقتله و هو ماسك بإيد حبيبته و طالعين للمأذون يتجوزو لكن قبل ما يتحرك كانت الحراس ماسكينهم بالقوه كأن كان حمزه عارف ان هو هييجي يخرب الجوازه لكن مش هيسمح لياسين و محمود ...
ياسين بزعيق/ اوعااااا
الحارس / امر من حمزه بيه ليك انت و محمود
ياسين بعصبيه / اقسم بالله لاقتله
_اما ورد قاعده متوتره انظارها بتدور على ياسين لحد ما لقته و لقت محمود و الحراس حواليهم بتدور على سلوى تقولها في اي لكن مش لاقياها كانت حاسه بخوف نفسها ياسين ييجي ياخد ب إيدها و يقولها مش هسيبك أنا بحبك و فاقت على صوت المأذون ...
* بارك الله لكما و بارك عليكما و جمع بينكم فالخير*
_ياسين في عيونه دموع لأول مره ..حمزه بصلها بإبتسامه
حمزه بخبث / مبروك يا حبيبتي
ورد بتوتر / الله يبارك فيك
_حمزه مسك ايدها ..
حمزه بضحك/ مالك هخلي العامل اللي هنا يجيبلنا كوبايتين عصير
ورد بتوتر / تمام
_ياسين بص لمحمود ...
ياسين / انت قولت للعامل جوا عالسم؟
محمود / اه طبعاً
_ جات زينه هي بكوبايتين العصير و ورد استغربت جدا جدا
زينه بخبث / مبروك يا عروسه
_ورد مسكت الكوبايه و ايدها بترتعش و حمزه مسك و شرب و هي شربت
___________________________________
يتبع.
