رواية يا اجمل الوحوش الفصل السادس والثلاثون 36 بقلم رسل فهد
ترى مليت مو گلتو العمر سَفرة ؟
سمعت من الحلوگ أشكال
مدري شعاف گلبي و شال
" خلگ مطلگة صغيرة "
- رُسل فَهد
....
" جُمارة "
لكيت علاكة سودة فوك الكاونتر جريت الكرسي و صعدت لحتها فتحتها
مشدودة مية شدة و بقيت فاتحة حلگي من فتحتها اباوع كلها شدات فلوس صاليها بـ لاستيكات بلعت ريكي واني اتذكر العلاكة الجابوها
امجد و عجيبة من أجونه
غمضت عيوني اطفي النار المشتعلة و شديت العلاكة بساع و رجعتها لمكانها وكفت ارتب الصينية بس اني بالي بغير عالم اخذتها للهول
وهم يسولفون حطيتلهم الطبلات و كعدت اباوع بوجه امي بحيرة
مادري شنو يدور برأسها
رهينة : اجيت اخذ جُمارة أنا ما اكدر على فراگها وهم الي حصة بيها ترى موش بس الج
تغريد : ما تعتب باب البيت البريدها يجيها
رهينة : جا ولج أنا الجبيرة لو هي
فضة : خطية ترى جدتها مريضة باجر انتِ هم تصيرين جدة و تتعلقين بحفيدتج ترديها يمج ويندار بيج الزمن يجوز ابوها ما يخليها تجيج
تغريد : لا أنا لو ردت أناسب ما أناسب غير واحد أحسبة
حساب ولدي كون
رفعت عيني على زِناد جانت السبحة بيدة يحرك بيها و يهز راسة
رهينة : ولج تغريد خلي النفس عليج طيبة و لا تحاربيني
بـ بت ابني تراه يجي و اشكيلة عليج شسويتي بية
تغريد : هاي إذا رَد أنا متأكدة منها لعبة بس مكشوفة
رهينة : لعبوا على عظامج كون ولج جا شني زِناد يجذب بالخبر الجايبة ولج أنا اصدك بي و اجذب بروحي
اباوعله حط الجكارة ورثها و طلع بره
بقن امي و جدة معاتت امي قافلة و جدة قافلة
رهينة : كومي بدلي يالله و اريد أعاين مرة توكف بوجهي
تغريد : جاي اكلج ما تروح يعني ما تروح
جرتني جدة من ايدي و امي جرتني و أني ضالة اروح منا و اجي منا
تالي هدتني جدة و عدلت شيلتها
رهينة : رايحة انا بس يا تغريد إذا ما ندمتج ما يطلع اسمي رهينة و لا اكعد بين اثنين لا والله
دارت وجهة جدة رحت حضنتها قبل لا تطلع حضنتني تشم بية
و عينها على امي جدة خزرت امي و روز كاعدة على الدرج
هدتني جدة و طلعت و فضة بالباب منتظرة زِناد يجي يطلعها
فضة : خطية ليش كسرتي خاطر جدتها ترى مريضة
باوعتلي امي بعصبية تنفت ما ادري ليش كل هذا الحقد على
جدة و هي تتمنى بس تصير زينة وياها و تعاملها حلو
تغريد : يالله بدلي و باجر تجين والله إذا ما اجيتي اذبحج
ما سمعتها بعد شححت صعدت اركض جريت الصاية و الشال
بيدي البسهن على الدرج
روز : روحي الله ربج
جُمارة : روز اللعابة اللعابة
صعدت تركض للغرفة و اني البس الصاية شمرت اللعابة على راسي
تغريد : انتِ خوووب ما تكولين ما اروح بكل عزه لطامة
هنا مسوية روحج مواتة و من يجون تركضين
فضة بقت منتظرتني اني طلعتها و زِناد واكف برة يدخن اجة اخذها
من ايدي بقيت واكفة اباوع الهم فتح الباب واخذها من الكرسي شالها
و كعدها على الكشن و اني ايدي على الكرسي
سد الباب و سحب الكرسي من ايدي يسدة
زِناد : صعدي ليش واكفة ليهسة
هزيت راسي و صعدت بالسيارة ورة جدة باوعت لفضة مبتسمة
رهينة : شعجب فكت صراحج هاي امج ام خشم و راس يابس
جُمارة : لا قبلت جدة من طلعتي
فضة : يجوز هي من احتركت غرفتهن كامت تخاف على بتها
اكثر و امير خسرته أنا ما ألومها والله
رهينة : لا تغريد من كامت الساعة هي هيج ما تغيرت
دوم التعاين تريدة تسوي عكسة خاطر تحرك گلوبنه جنها وحدة مغصوبة و تكره عيالها على كره رجلها ولج شو يعقوب اخذتي على حب ولسة تنوحين عليه
بقيت ساكتة و جدة هم سكتت حطيت راسي على الجامة و اباوع للطريق غفيت و انركع راسي بالجامة من صارت طسة و كلهم باوعوا
عليه جرت ايدي فضة و حطت راسي على رجلها
رهينة : راح راسج يجدة
زِناد : هي شوارع لو بلاء دولة حاطيها بس للبوگ
رهينة : والله عجيبة ولكم انتو إذا الشوارع ما تكدرولها
جا عليمن نافخين ريشكم اعلى الوادم والله لو يخلوني أنا
رئيسة الوزراء اول شي اسوي أعين أحفادي كلهم
زِناد : جا شسوينه جدة انتِ هم مثلهم
رهينة : لا ياااا جا الما بي خير لاهلة مابي خير للوادم
و اكض هي الولد الشباب كلها اجندها و ابني بيوت للوادم وما اخلي واحد عراقي فقير
زِناد : جذب هذا حجي جدة هسة تعاينين القاصة و تحلى الفلوس بعينج
فضة : هههههه اسجني ابو شمعة و اخوتها و زوجي شريك
العراق كله يهيد و يرتاح
رهينة : اي والله اثنين اسجنهم ابو شمعة و تغريد
و ارفع رجليهم اورمها بالضرب بكثر ما ورموا گلبي
زِناد : جايبته دواج بالله انتِ لو جايه على الثقة
رهينة : يبعد دواي يمة باله يمي يبعد جدتك و اسمها أنا من اعاينك يمي أطيب و ما يمر بية مرض
رفعت راسي لفضة مبتسمة و جدة دارت وجهة
تباوع خاف وحدة عدها مانع
رهينة : فضة بالله فقيرة ما تحجي
إلا شريچتي لازم تفك حلگها
جُمارة : إذا هيج تطيبين من تشوفي حطي صورته بمي وكل ما يصعد السكر شربي منها
رهينة : يااااع شني الصورة ما تشفي غليلي أنا إذا
ما أعاين هاي الشوارب السود اليوگف عليهن نسر
واشم هذا العطر اليرد روحي و السبحة التطگطگ بيدة
ما يرتاح گلبي
هو يضحك چتافة تهتز من الضحك و فضة تضحك
جُمارة : اني متأكدة هسة انتِ أمنية حياتج هو مو حفيدج
حتى تتزوجي
زِناد : تـــــؤ
دار وجهة عليه عَض شفته الجوه بـ معنى عيب اسكتي
رهينة : اي طبعاً جا ما عفته الجن شنو انتن و تأخذنه الجن
زِناد : جا هاي عود أنا اكللها عيب والله عمي ما ينگدرلجن
جُمارة : جدة اني لو زِناد و هلكد تتغزلين بية ما
احجي وي العالم بعد
رهينة : وشعندة حاجي وي العالم انعل ابو العالم
هذا الهيبة و ربات الدواوين
عوجت حلگي و سكتت جدة قافلة هي ما تدري الهيبة مالتها
يذوب حتى من أكلة كلمة وحش
فضة : جدة ههههههه لا تگوملج جمارة
جُمارة : اكوملها اخذ حقي و حقج طبعا لان انتِ فقيرة
رهينة : يا حق هذا هم نزل و هم يدبج فوگ السطح
يا من تعب يامن شگه يامن على الحاضر لگة
جُمارة : جا حليمة امه شنو ما تعبت هي ماتت عمرة
١٥ سنة وراها يعني هو ربه روحه مو انتِ جدة
رهينة : ولك ما توگف السيارة
هو يضحك عايش اللحظة
فضة : جانت جارتنه دوم تسولف على حب خالة حليمة الله يرحمها لزناد دگول معزة بيضة عگر و عدج الحساب
جُمارة : شنو يعني بيضة عگُر ؟
رهينة : يعني هي من الله عاجر و رحمها ما يشيل غير طفل واحد ولو يموت لو يعيش جثير اكو نسوان هيجي
بس إذا كل عاجر تجيب هيج خشف يسواله ديرة
چا كل اليخلفن تمنن ارواحهن عواجر
عضيت شفتي و مسحت وجهي بأثنين ادية ماكو
هيج حب و قابلية غزل بالدنيا
فضة : مرات أكول أنا لو زِناد عندة أخت چا شمعزها صارت
جُمارة : اني هم قبلج گلت لجدة
زِناد : يمكن لان يدري بية شكثر راح أعادي الوادم عليها
ما خلاها تصير
رهينة :بس الما رايد روحة يناسبك وياخذ اختك
- اصلاً ما أزوجها اخليها يمي مدللة أنا وين أتحمل
تجيني رجلها مضوجها وروح أمي افرغ الشاجور براسة
جُمارة : بس انتَ تضوج بنات العالم عادي
زِناد : شني مضوج ياهي أنا
ابتسمت ، جدة تبوس بي ما تهدة فضة تضحك بس اني
اتمنى الزم جدة واخنگها من وره الكشن
وصلنه للبيت هو نزلنه اول شي اني وجدة و راحوا هو وفضة
رهينة : امشي عليج ابو فاضل العباس مو تطيحين عليه و تصخنين خليني اشبع منج شوف و فضة راح يزتها بغرفتها و يروح ينام بـ بيته
باوعتله مبتسمة عدلت الجرباية و نزعت الصاية
جُمارة : لا هي اصلاً اني صايرة احبها اكثر من زِناد
رهينة: هاي الدروب موش على جدتج أنا حافضتج اكثر من تغريد خاف حسبالج ادري بيج هسة منتظرة يمتى الدنيا
تضحكلج و تخليج بحضنه بلاية خوف
كعدت على الجرباية و المخدة بحضني باوعتلها هي كاعدة على جربايتها تضحك و تنزع بشيلتها طلع شعرها الابيض كطن
جُمارة : جدة صايرة احس روحي ما اريدة شو لان
كل ما أباوع بوجه فضة احس روحي بواگة
رهينة : جا شلج غرض انتِ قابل هي ما تدري يحبج قبل لا يعقد عليها
سكتت لان جدة ما تباوع للأشياء مثلي و هي بنفسها من رجلها تزوج عليها كيفت لان مرته ماتت بحيث واصلة الغيرة بيها تتمناها تموت
ولا تبقى مشاركتها برجلها
كعدت بالليل على صوت جدة
رهينة : ولج ما تكعدين شني تغريد مخليتج تسرحين بالهوش لو تروبين الحليب
تحجي و شمرت عليه كومة ثياب الوان يخبلن
رهينة : يالله كومي سبحي و ذبي الأسود الحزن بالگلب
و الأسود ما يرد الراح
جُمارة : لا جدة امي ما ترضى كالت محد تنزع الأسود و اني هم تعودت عليه عندي دشداشة بالخانة مالتج لا تخافين
لان ما جبت و هاي اللابستها هسة اغسلها
رهينة : كومي وووولج نزعي الاسود يالله امج دومها
كاتمة على انفاسجن يالله حتى من تردين ادز بيدج ثياب روز
هم كاسرة خاطري شوكت يطلع هذا المستهتر و تتزوج
جُمارة : جدة شنو انتِ عبالك رئيسة العصابة و احفادج العصابة طبعاً زِناد الراس الجبير
رهينة : احنه وين ما نحط نصير
احنه بكل ملعب قادة و عيالة
ضحكت اباوعلها فتحت الخانة الي بالميز اليم راسها
ضامه بيها حلويات و أدوية و فلوس و حتى فواكه
اخذت دشداشة ورحت اسبح من طلعت اباوع لروحي بيها مستغربة
مو لان ألوان بس ، لان قبل ما جنت البس دشاديش بالبيت
و هسة صرت بعد ما اشوف جسمي بغيرها
نورس تسويلي الدشاديش مثل الثوب من فوك ضيكة و من جوه كلوش
لونها وردي و ابيض وخرت الخاولي ردت امشط اجيت قفلت الباب
رهينة : ليش ولج محد هنا
جُمارة : حفيدج الما يعرف شي اسمه حرام على ساعة و يچفت علينه
رهينة : ولج لا تخليني أكوم أهزرج و اردج لتغريد مفصخة
يالله مشطي عطوبج و روحي صبيلج لگمة تعشي و إذا عاينتي غسان صيحيلة خل يجي يشتريلج و يجيبلي سفن
امشط و مبتسمة على دلال جدة و امي دكلي ليش من ترجعين منهم
ضايجة اكيد محد يدللني مثل جدة
مشطت شعري و لميته أندگ الباب باوعت الساعة بـ ١١ و نص
رفعتلها حواجبي بمعنى شفتي ، لان اعرف هذا وكته حطيت الشال على راسي و جدة تريد تكوم تكتلني لان الأمير مالتها واكف بالباب
فتحت الباب و اني اضحك على جدة لان نهارت
رفعت عيني عليه لگيته سارح بغير عالم يباوع لأسناني من اضحك
بلعت ريگي و هو طب يم جدة رحت للمطبخ ما أشتهيت الاكل
دورت على غسان ماكو
جُمارة : جدة ما هو غسان دورت البيت
كله بس ما صعدت فوك
رهينة : اصعدي دزي زهرة خل تدك عليه باب الغرفة
زِناد : شتردين منه
- يشتريلها توها العروس كعدت من النوب بلاية اكل
و أنا هم اريد سفن
زِناد : أعشيج ، امشي بدلي يالله
باوعت لجدة اضحك و هو يگللها كومي و جدة ما ترضى دكوم
دكول تعبانة لبست صايتي و وكفت اعدل بالشال لان
اني لابسته قبل الصاية
النوب من بدلت و كملت اجتني صفگة على راسي اني ليش ما اكول لا ما اريد لو شبعانة ليش كبل اكيف و اجر الصاية طلعت ويا و صعدت بالسيارة و نزلت الجامة بس حارة صعد الجام و فتح التبريد
جُمارة : اني ترى ما جوعانة بس أحب اطلع
زِناد : ادبسز مو ادك عليج ع رقم خالتج ما تجاوبين
جُمارة : شنو مطلعني توكلني لو ترزلني
زِناد : ادبسز مو تدرين بالي يضل عليج اخابرمن اخابر امج
- جنت مريضة و مالي خلگ و حتى انتَ ما اريد احجي وياك
- شبيج ترحين للطبيب باجر
- لا ترى طبت متشوفني
زِناد : مريضة شيوجعج غير افتهم
جُمارة : هو فلاونزة يعني عادي مابيك شي
وكف السيارة و عبالي انزل بس هم اشرلي لا و نزل هو يجيب المنه
شوية و صعد و بقينه ننتظر
جُمارة : عود تغار يعني ترى راح أداوم كلية و لازم احجي
وي ولد لان الكلية ولد و بنات
زِناد : وحگ ابن البدوية ابطلج جُمارة اخليج
تحلمين تشمين ريحة الكلية
جُمارة : امممم زين اجي وياك و اصير دكتورة شأكتب
العيادة فقط للمراجعات النساء
زِناد : اختاري لو اطفال لو نسائية
جُمارة : شنو حضرتك حتى الاختصاص انتَ مختارة
ما حبيت عبالي انتَ سبورت و هاي لا ما عجبتني
زِناد : ترى أكوم أكطع العگال على راسج جُمارة
جُمارة : اااا لا و النوب متتفاهم و إيدك و الضرب
هاي هم ما عجبتني ما نتوالم
اباوع لأيده بتوتر يحركها على الستيرن دار وجهة عليه بعصبية خازرني
جُمارة : لا تباوعلي هيج و تخوفني اني اريد واحد لطيف
زِناد : هيييييييييي انتِ شنو انتِ صمي حلگج يالله
فتحت عيوني بصدمة و خفت من صوته رجعت ليوره
حصرت روحي وي الجامة
من شافني خفت أستغفر و مسح شواربة ، فتح الجامة أليمة و دار وجهة عليها الجكارة بيدة يدخن و يطلع ايدة من الجامة
بقيت ساكته اجوي جابولة الاكل مد ايدة گبالي درت وجهي ما اخذته
تحَمحم و سكت و ايدة بعدة مادها
زِناد : مادري شلون عطت بوجهج يالله هاج اكلي
مديت ايدي على عيوني امسح دموعي وهو
تخبل حط العلاكة ليوره و حرك السيارة
زِناد : امسحي دموعج لا تبجين شني صدك تبجين
هاي شني هاي ، جُمارة
جُمارة : شبيك اني مو جاي اتشاقة وياج
زِناد : لا تتشاقين وياي هيج أنا ما أحب اسمع هيج أشياء
، بس مسحي دموعج كافي
مديت ايدي على خدي امسحهن
جمارة : رجعني يالله لجدة
زِناد : كافي بابا شبيج صدگ تبچين بسببي أنا عمي
امسحيها بوجهي
جُمارة : شنو امسحها بوجهك وين كاعدين بالمضيف
ضحك و مسح شواربة
زِناد : حتى و انتِ تبجين لسانج ما ينگدرلة
جُمارة : يصيح بس يصيح عباله اني اي واحد
احجي و انكث بالصاية و امسح خدي
زِناد : لا عمي انتَ مو اي واحد و نعتذر منك
جُمارة : و إلا ادخل اختصاص كسور حتى ما يجوني بس الزلم المدعومين و الواكعين و المتعاركين احنه البنات مو هواي ننكسر و إلا أخلي بيك تصير جلطة
ضحك و هو يسوق ما جاوبني
جُمارة : والله الله يساعد فضة عليك اكول ليش تريدك تتزوج حتى تخلص منك و ترتاح
زِناد : ولج هاي بصيحة وحدة طلعتيني ما أتعاشر
چا لو أطگج شيصير
جُمارة : ترى لو امي تدري بهذاك الراشدي جان هججتك
من العمارة كلها لا عبالك
زِناد : ما تكللها چا ؟ بس ما تكدر انتَ تحبني
جُمارة : اي هو اني مضحك امي دائماً دكلي
زِناد : احلى مضحك بالدنيا
حجاها و يضحك اباوعلة عمي عادي قابله اصير مضحك
إذا جانت السالفة المضحوك بيها عليه انتَ
اشترالي حلويات وقبل لا يصعد ضم بجيبة مصاصات
فتح الباب و حط العلاگة بحضني
زِناد : جدة السفن مالتها بالعلاگة و أنا جبتلها عشة وياج
جُمارة : طبعاً لان الشرايج هواي جدة و بت ولاء هم لازم تضم حصتها
ضحك بصوت عالي ، أبتسمت
زِناد : شسوي جثير برگبتي نسواان
جُمارة : اي صحيح الله يساعدك وين تنطي وجهك
زِناد : الج طبعاً
وصلنه للبيت نزلت اخذت العلاليگ اباوعله بطرف عيني و هو يضحك
جُمارة : عود شكرا يعني
زِناد : شعندي غيرج
- هووووواي
طبيت اضحك صار بوجهي غسان
غسان : وين جنتي
جُمارة : انتَ لا تدخل الثاني مو من نريدك تختفي و من تنزل
تصير ابو الغيرة العراقية
غسان : غير واكف بعيني زِناد ما احاجيج
جُمارة : لا حاجيني
- لا عمي ما رايد روحي
طبيت يم جدة اكلت شويه و راسي كام يوجعني اخذت حباية براسيتول و تمددت جدة نامت و اني ضليت للفجر الوب من راسي لحد ما غفيت كعدت الظهر كبل تغديت
لحد العصر ماعدين أني و جدة و كل شوية جدة تنطيني شي من الخانة طبت سرى بت عمي هاشم
- جدة اجة ابن حفيد ربيعة يكول جدتي تريد السلفة
و تعاي يالله راح نسوي القرعة
رهينة : اي اي ، كومي جُمارة جدة لبسي العباية و روحي لبيت عجيبة جيبلي فلوس من فضة أنا خابرتها
جُمارة : جا انتِ مسوية سلفة براس زِناد خلصتي فلوسة
رهينة : امشي ولج لا اطيح حضج حتى اخذج وياي لبيت ربيعة
لبست الصاية على السريع و لفيت الشال و طلعت راحت وياي زهرة بت
عمي فاخر و بالدرب تلاگن هي و بت سلام راحن يشترن و اني طبيت لبيت عجيبة سلمت عليها ما بستها و رحت لغرفة فضة فرحت من شافتني
جُمارة : عيني فلوس السلفة جدة تريدهن من قاصة زِناد
فضة : هههههه طالعة عينها جدتج والله لو يدري بيها زِناد دازتج يحطها بالقاصة
جُمارة : عادي تكيف المهم المكان بي فلوس حتى اني اكيف
ضحكت و طلعت من جنطتها فلوس تحسب بيهن اندك الباب مال غرفتها على حيل
فضة : منووو
حجتها و اشرتلي قفلي الباب ، قفلته
امجد : انااااا مو دزيتلج على مليون وينه
فضة : يا مليون هذا ما حط يمي زِناد فلوس ، ذاك زِناد روح اخذ منه شنو كاعدة على بنگ أنا
امجد : و انتِ شنو هم فلوسنا و هم تتحكمين بيهن
مو إذا اطبلج افصخ عظامج تفصيخ
جُمارة : و منو انتَ حتى تفصخها والله إلا اخلي زِناد
يفلش وجهك افتهمت لو لا
عجيبة : انتِ شلج غرض
امجد : اثنينهن هذن والله هسة اذبحهن
جُمارة : خابري زِناد خل يجي لا يضربج
فضة : لا ترى هو بس لسان ما يمد ايدة يدري بيها تنكسر
و تتعلگ كلادة برگبته
جُمارة : امشي تعاي وياي لبيت جدة
فضة : هسة خل اخابر زِناد
النوب كالت لا دزتلة رسالة بسرعة جاوبها و كاللها روحي
امجد يحجي بعالي صوته وهي ترد بكل برود
لبست ربطة و العباية على چتافها رشت عطر و امجد يعيط بره
فتحت الباب و طلعتها قفلت الباب و اخذت المفتاح من ايدي
امجد : مو احجي ويااااااج وين المليوووووون
فضة : صياح لا تصيح حتى ما يصيبك مكروه
امجد : وعلي هسة اشيلج و اركعج بالكاع انتِ و البصفج
جُمارة : خاف مترضى صدك والله
عجيبة : و انتِ شكو منو حامي حمامج
جُمارة : اي لا تصيحون عليها شنو تشتغل عدكم هي
امجد : صمي حلكج انتِ محد يمج لا اثنينجن انهيجن
جُمارة : لا خاف متقبل اذا انتَ زلمة تعال
هو اني خايفة بس لان فضة كالت ما يمد ايدة تطمنت
فضة : امشي عوفيهم
عجيبة : أنا اعلمج بت تغريد إلا اخليها تكطعج
جُمارة : ما خايفة
اجة امجد على فضة بعصبية عبالي يريد يضربها
مد ايدة و صيح يالله جيبي المليون
فضة : ما عندي شبيك شنو أوزع ملايين
امجد : جيبيييييييي
صاح بوجهة واني دفعت الكرسي انضرب برجلي
عجيبة : والله إذا اجيج الحية ام سبع روس
اخذت فضة و طلعت طلع قبلنة طبك الباب
امجد : جيبي الفلوووووس
مد ايدة على الكرسي دفرت ايدة وفتحت الباب هو يباوعلي بعصبية
بس ما سوالي شي جريت الكرسي مالتها وطلعتها و رحنه للبيت
لكيت جدة مبدلة و منتظرتني تالي اخذتنه اني و فضة وياها
لبيت ربيعة طبينه بس بيتهم بي هواي نسوان اكثر من هذيج المرة
جُمارة : جدة شو هواي
رهينة : نصهن غريبات بس علمود السلفة
كعدن بالبراني يسولفن و كامت ربيعة من گالو اجت مرت الشيخ رماح
اجت باست ربيعة و جدة بس جدة دايرة وجهة عنها
ربيعة : و الج عين تبوسين رهينة و انتو ملوعين گلب حفيدها
- جا أنا شبدية خالة والله لو بيدي اگبعها و ازفها بس غير ابوها و أخواتها وين اكدرلهم انا
ربيعة : رماح گليلة خالتك تگول حتى من اموت ما توكف على جنازتي خوش لو لا
- هسة زين هو والله راضي بس ذوله اخوتها الجبير
و الصغير ، صيحيلها خل تجي بالكوة جبتها اخافن
عليها لا هم تتعارك ويطگوها
ربيعة : ولج شمعةةةةةةة
صارت عيني على الباب گبل شكد بداخلي فضول حتى اشوفها
طبت لابسة عباية فتحت عيني بصدمة و اني أباوعلها
شايفتها هاي البنية شايفتها بس ما جاي اتذكر وين
هي سلمت على جدة و على ربيعة و جدة جرتها كعدتها يمي
رهينة : هلا بالملوعة گلب حفيدي
شمعة : حتى حفيدج يجدة ملوع آفادي تلوع
دارت وجهة عليه
بعدها هاي البت ما تحجي
رهينة : ياهي جُمارة
شمعة : اي مرة اجيت صوب زرعكم بلكي الجح اثر من شريكان عاينت هاي البت جانت ما تكدر تحجي و جثير
كسرت خاطري
من حجت تذكرت الموقف بسرعة شوكت شفتها ابتسمت
جُمارة : لا حجيت اخذوني لطب العرب
شمعة : تعاي ابوسج سولف لشريك عنج كال هاي خطيبة الشيخ لسة ما عرستي شعجب
جانت تحجي بصوت ناصي و صوتها ما ينسمع بين صوت سوالف النسوان العالية و كل وحدة تشرح شتريد تسوي بالسلفة إذا طلع اسمها
اباوع لملامحها تجنن بياضها بشكل ما ينوصف و حلگها متروس ديرم
عيونها زرگ بحر بس اديها كلها آثار ضرب صايرة لون أزرك
و وجها يشع شَع من بعيد ينور ، حقة شريك مستقتل عليها
صاحت الها امها راحت يمها سحبن القرعة و طلعت لمرة
من بدت الكعدة لحد ما طلع اسمها تدعي و تصيح محتاجة
گمنا حتى نروح
ربيعة : ام يوسف و جدة زِناد مشكورة على دبة الحليب
روحي ان شاء الله تزفين زِناد و شريك نفس اليوم
- آمين
طلعنة و شمعة عينها على جدة
لاگينا زِناد واگف بالشارع يم سيارتة يصيح رغم ما هوَ مبتسم
زِناد : لك على كيفك من تسووووووق
هذا يا زمال ضحه بسيارته ، لككككككك شبيييييك
جدة راحتله تركض لزمت ايدة
رهينة : يمة جدة شكو شكو شصاير
باوعلها و هو يضحك سد التليفون و خلى بجيبة
زِناد : ماكو شي بَس الشيخ رَماح مخابر شريك
گايله جيب المشية و تعالوا
و أنا زفيت ديرة صغار و كبار
و لسه بنفسي ذيچ الصَايم الها
....
" ورود "
مكتوب على الورقة شراع .. زُمرد .. للابد
لزمت راسي باثنين ادية بعصبية هديت راسي ايدي ترجف اخذت الورقة و ضميتها بالجرارة إليم راسي غطيت روحي باللحاف و دموعي تجري
تعبني هذا الموضوع تعبني المشكلة هو ما يجيبلج طاري
انفتح باب الغرفة طَب هوَ بلعت ريگي و غمضت عيوني
اسمعة يفتح بيبان الكنتور حتى ياخذ هدوم دقايق و طَب ما اسمع غير اصوات الغراض الياخذهن و يرجعهن على الميز
اجه تمدد بصفي اتمنى لو اوصل مرحلة بالكره و الحقد اخنگة
بأثنين اديه
رفع الغطى من راسي على كيف
شراع : ورود
بقيت ساكته ما جاوبته طبع بوسة بشعري وغطاني
طاحت دمعة من عيني مسحتها
نام هوَ و اني ما كدرت انام لان شبعانة نوم و بالي ما مرتاح
ثاني يوم انصدمت من سمعت بعدنان اخوية حجيت ويا من وره خشمي
كال بدلي صعدت اركض ابدل ورحت ويا اوضاع البيت متوترة
لان هو ساحب تليفونات أخواته كلهن و حتى تليفون امه اخذة
رحنه للمستشفى هو بقى واكفلي بالباب طبيت و من شفت عدنان دموعي تنزل كامت عفية دموع ما يصدكن ينزلن و عدنان يسكت بية طلع يونس اخوي سلم على شراع بره و امي طلعتلة
سلمت عليهم و رجعت ويا بس بالي كله يم عدنان
شراع : لعد شعبالة ما اشور اني
ورود : انتَ تستاهل كل الي صار بيك
ما جاوبني فتحلي باب السيارة صعدت و اني عيني على الدرب
شراع : شبيج
درت وجهي عليه و رجعت عاينت للدرب ما جاوبته
وكف كبال مكتبة نزل جابلي اقلام و دفاتر و اشترالي شربت
واحد الي و واحد اله هو شرب الي بيدة و خلصة و اني شربته
شراع : شنو بيج شي گلب
- لا
- هسة العالم من تكبر و تضوج تتذكر ايام عرسها
شأتذكر اني طلقة اخوج لو النكد مالتج
ورود : لا تتذكر شي
بقى يعاينلي ساكت وصلنه للبيت و هو كعد يشتغل على قضايا
و أوراق و يخابر نزلت جوه لكيت بس امه بالهول كاعدة
فتنة : ما رحتي ورود للخياطة مو وصيتج
ورود : والله عمة اخاف اني ما متعودة اطلع وحدي
فتنة : شلونهم اهلج
- الحمدلله والله بس عدنان متأذي
ما جاوبتني طلعن بناتها من غرفتها كامت امل للمطبخ تسوي چـاي
و غفران جابت صينية مال كعك و ماعون بقلاوة
فتنة : والله إذا نزل شراع و وحدة منجن فكت حلگها
اكوم أكتلها و اكتل روحي
شيماء : خل يجيب تليفوني
غفران : باعي ترى احنه بسببج جاي نتعاقب
تسوين المكسورة و كلنه نتضرر جفينه شرج
شيماء : طبجن الف مرض هو اخوجن بدون احساس
يعوف زمرد و ياخذ هاي
فتنة : انجبي سكتي
غفران : جا ياخذ شريفة لو ياخذ وحدة ما ضالة بنفس واحد
شيماء : شبيها شمسوية والله حبابة و فقيرة وهو افتهمها غلط و لا انطاها فرصة تبررلة و شنو هي بحالة ترى ابوها مخليها مديرة الشركة بمكانة
امها نزعت النعال و شمرته عليها
فتنة : والله نعلعلة والدية إذا شفته يضربج و دافعتلج
شيماء : طبعا طبعا تدافعين لچنتنج انتِ الاخوها كنا ابنج لو ما الله ساتر بس هو ابنج ما عندة احساس و كرامة
يعني صوبوك و تتزوجها
امل : ترى يا غبية انتِ ما تفتهمين هو غير كسر خشمهم
مو حباً بيها و لا رايدها
تحجي وطبت بيدها الصينينة مال الجاي على عددهن
عفتهن و صعدت
فتنة : ورود تعاي هذا چايج
- لا عمة ما اشتهي
طبيت للغرفة لكيت الحرارة اليم راسي مفتوحة و بيدة الورقة مال البارحة ردت اطلع من الغرفة و انزل بس ما اريد اكعد يمهن شلت ايدي من اليدة و رحت لمكاني ذب الورقة بالزبالة و رجع يكتب بالأوراق الـ يمة
التليفون بيدي أكلب بي وهو كل ما ارفع عيني الكى يعاينلي
غمضت عيوني بتعب أنا جاي امر بأقوى معركة بيني و بين روحي
شراع : ورود
طفيت التليفون و عاينتلة
- إذا انتِ حبيتي يعني شاء القدر يخلي گلبج يحب احد
و كلشي بالحب يصير سوه يعني كل الأشخاص اليحبون راح يمرون بنفس المشاعر و المواقف لان الحب هو واحد و شعور واحد مثل المغارة و كلها واكفة بالباب و من يطبون
كلهم يشوفون نفس الأشياء
هزيتله راسي بمعنى اي !
شراع : و مو كل الأشخاص راح يطلعون ربحانين اكو يفوز و اكو يخسر هي تجربة و الكل يمر بيها زين إذا فشلت
ما مهم الأسباب شنو بس تجربتي فاشلة و طلعتي من ذيج المغارة ابقى عايش بنفس شعور الخسارة لو أصحى على نفسي و ابدي حياة جديدة
ورود : اعرف عليمن جاي تحجي بس أنا اريد اعرف الأسباب
شراع : الأسباب .. حجاها و گام من الچرباية اجه يمي
اني نيتي نظيفة و چانت علاقتي كلها وياها اظفرها ما لازمة لان عندي خوات و اشوفها وحدة منهن كل ما اجيب موضوع
الزواج وياها تتهرب منه و بطبيعتكم انتن البنات
هذا اكثر موقف تتمنى البنية إذا حبت شخص ورادته
اما الي تتهرب اكيد اكو شيء ثاني
ما سمعت الها من رفضت اخذت عمامي و رحت خطبتها
اهلها چانوا شبه موافقين لان ابوها وي عمي أصدقاء
گلت لعد هي ليش ما تريد سالفة الخطوبة ثاني يوم
جان عيد ميلادها و اني مآخذ وياي باقة ورد
گلت اكيد الگاها فرحانة
شو من وصلت هاي ما تحجي وياي جانت امي تدري بالباقة
و فرحانة بية ، حاولت احجي وياها نافرتني
ما ردت امي تضوج و جانت مريضة و ما ذبيت الباقة
لان مستحيل انهي علاقتي بيها بس لان ما حجت وياي
كلت يجوز اهلها مرزليها او لان ما كلت الها من اجيت
يعني اوصل للجذاب لحد عتبة الباب
اعاينلة و روحي تحتوگ و بنفس الوكت فضولي يهيد و يستراح
حتى ما اضل اكل بكلبي اكل
- بقة الورد بالجنطة يومين و من چانوا ولد عمج يجون لبغداد علمود مرت عمج يعقوب و بناتها وديت علي وصلته للعمارة و كتله اشمرها بغرفة امي اليمكم
تالي رجعت وياي بدون ما تفتح اي موضوع وياي
يخص الخطوبة جانت بس دكول تعبانة و ضايجة
يوم تجي يمي و يومين وين ما تشوفني تشرد
لحد ما بيوم طگت مرارتي و ياها اخذتها جريتها على صفحة بس اريد اعرف شبيها ما جاي افتهم
عتت ايدي و نترت بوجهي وراحت
طلعت من الكلية و اجيت للبيت شايط بعدني كاعد يمي امي و صلتني صور فتحتهن و اني كاعد صور ههههه شنو من صور ، نايمة بحضن واحد ويانه بالكلية
بحضنه مو صوره قديمه لا صور هي أني وياها ملابسها هاي جنت كاعد وياها من لابستهن
و صور جانت هي الفشخة الجبيرة خلصتني سنتين أنا
صاحي بس حالي حال السكران مدري شلون نجحت مدري
شلون عشت بس خلص كلشي و راح و هي تزوجت صاحبها الأصلي اني جنت احتياط
ورود : و أنا هم جنت احتياط
شراع : عيب عليج والله ولج صوبتوني و ما هديتج
ورود : حتى تكسر خشم عدنان
- شالفايدة هو كاسر ايدي كبل لا اكسر خشمة
وخرت من يمة و كمت من الجرباية رحت يم ميز المرايا
ورود : و أخواتك ، يمشن و يلهجن بأسمها حتى يحرگن بگلبي أنا شمدريني راح تجيبني لبيت محد يحبني بس
شراع : خواتي يتزوجن معليج غير بأمي و أنا
- ما اريد كلشي منك ما اريد أنا
درت وجهي اريد اروح أتمدد بفراشي
أريد أعيد حجاياته براسي حرف حرف
صار هو بوجهي و شبگني بأثنين اديه اريد اطلع روحي منه ما أكدر
شراع : جا ولك أني شفت المر حتى أكابل عيونك الصفر
تالي تتعيقل عليه
ورود : وخر عوفني
شراع : و شرفي ما أعوفك ، لج ببدال ما ضالة ترحين منا و تجين منا كعدي اقري مو بس تعرفين تصحين حارمني من أحلامي
ورود : ما جاي أتقبلك ما جاي اصدگ انت ناسيها
شراع : هو مو قصة ناسيها بس اسمها من يمر على أذاني
أتفل عليه الف مره و بالاخص انتِ لا تذكريها
بقيت ساكته و هو لزم حنچي عبالي راح يبوسني
عضني عَضة قوية صيحت عليه و ضربته و رحت لفراشي
نزل شوية و صاحلي لگيت امه ضامتله ماعون كعك و بقلاوة
شراع : چـاي وردة حبيبتي
فتنة : صبي الج و لرجلج اني شربت
صبيتلة جاي و كعدت يمهم
فتنة : عود مرتك تطلع وحدها اني رجلية ما تعيني
و خواتك لا علم وًلا فهم و الصبح ما موجودات
شراع : علميها انتِ ضالة مطلعة بطولاتها علية
شهكت امة و حطت ايدها على صدرها
فتنة : بس لا متعبتك
حك خشمة يعاينلها و يعاينلي
شراع : لا زينة زينة
فتنة : يالله اني اريد أشوف جهالك معليج اني اربي
انتِ خلفي و شمري عليه
ابتسمت بوجهة و صعدت وراي هم گبت العيطة مال أخواته
اجه بدل و طلع بره وبالليل رجع متأخر ضليت ارتب بخانات الكنتور
لان هو كلش مكروه بهاي السالفة
شراع : كاعد گلب
ورود : اي جاي ارتب الهدوم
- خابرتي امج
- اي جا شلون غير أسأل على عدنان
شراع : شگد حلوة الـ چا بالله ما تگولين لعد
ورود : لا ما أكول لعد ما تلوگلي غير الـ چا
اكو احلى من الـ چا
ضحك و هو ينزع قميصة بَاسني من خدي حط اللابتوب
على الشحن و راح يسبح و اني ترتيب الهدوم حجة بالصدگ اريد الهي ايدي بشي و أنا أفكر بكلامة
رتبت الجرباية و طفيت الاضوية بقى بس التلفزيون مشتغل
غيرت الدشداشة اللابستها و وكفت يم المرايا امشط شعري
انفتح الباب بساع درت وجهي حسبالي هو
فوگ ما ضيمك كتلني
و كل جرح بية من أديك
حلاوة أنشمرت بنص دود
كلها مشاركتني أعليك
....
" عالية "
أكوم حطيت التليفون جوه المخدة و نمت و أنا اسأل روحي شلون ما يكعد من صوت دگة گلبي لحد ما قرب يطر الفجر يالله نمت فزيت على باب الغرفة يندگ وخرني من ايدة على كيف و غطاني عدل و طلع اسمع صوت امه بالباب تحجي ويا غمضت عيوني قوي
و غطيت روحي حتى راسي بحيث أختنگت انفتح باب الغرفة قوي
تشاهدت وبلعت ريگي انرفع الغطه من راسي قوي و انجريت من ايدي
دموعي ما تحتاج فزعة وحدها تطيح و شعري منثور على وجهي
علي : شمسوية هاي شمسوية
عالية : شسويت
قبل لا يضربني راشدي حطيت ايدي على وجهي و امه طبت للغرفة ورا
منتظرته يضربني حتى يشفى غليلها وخرت شعري من وجهي و نزلت اركض من الجرباية من الجهة الثانية راد يلزم رجلي بس ما لحگ عليه
اجة راد يلزمني رجعت صعدت على الچرباية
عالية : اسوي و كلشي اسوي إذا ميعوفنك خوش لو لا
هن ليش يحجن و يغلطن عليه بالكروب اني شمسويتلهن
و اني ما غلطت عليهن دزيت صورتك شنو قابل شسويت
علي : ولج شلون خطرت على بالج شوكت طگيتيها
عالية : معليك لا تتدخلن
جان اكو درنفيس على الدجة مال الشباك عايفاته من رتبن الغرفة
و شدو النقط مال الكهرباء
عالية : تريدني اكتل روحي والله أكتلها عوفني بحالي
تقرب عليه يأرشلي بأيدة لا
علي : لجججج عالية
عالية : انتو مو تردون تخلصون مني راح اكتل روحي
- لا حبيبتي لا هدي خلي يولي انعل ابو الصورة تولي
عالية : لا روح يم خالاتك عيب اني بشنو افيدنك أنا ما أفيد
اجه عليه كض ايدي شال الدرنفيس و ضمة بجيبة و شبگني
عالية : كافي يالله سكتي سكتي
ام سلام : هاي ما طگيتها و لا أدبتها امدة حظي اي والله
امدااااااا حاسدتني الديرة مخلفة عشر ولد و هم خيرهم
يصير بزونة يم مرته
كامت ترعد و طلعت و هو راح قفل الباب اجه جر اذاني
و أنا مسوية روحي انشغ من البجي
علي : لج انتِ ما دام سويتي هاي يعني انتِ تدكين دروب
عالية : اضربني اضربني هن من يحجن عليه عادي ردت اغلط عليهن بس كلن لا عيب عالية انتِ جبيرة
دزيت الهن صورتي وياك حتى بعد ما يحجن
واكف يعاينلي حاير شيحجي وياي وهو
عصبي بس يعاين لعيوني مقهور عليه
عالية : يعني مكعدني من النوم خاطر تطگني علمود خالاتك
انتَ عاينت عن شيگولن عليه
علي : و ترحين تطگيلي صورة أنا اشم برگبتج و خلقتج و شعرج طالع يعني إذا واحد من رجولتهن كض التليفون لو جان التليفون بيدة و يعاين خلقتج
عالية :انتَ خليتني هيج اصير لان انتَ مخليهم كلهم
يتدخلون بحياتنا ويحجون عليه عود لان اني صغيرة لازم أتحمل الغلط مال الكبار لا اني مو صغيرة
علي : ولج يا صغيرة ولج إذا صغيرة وهاي عمايلج
إذا كبرتي شتسوين الستار الله منج
عالية : مو ردتني احبك هاي أنا هذا حبي
طكني خاطر ارد أكرهك مثل ما علمتني احبك تعلمني اكرهك غصبا ما عليك
حط ايدة على حلگي يسكتني
علي : لج اش اش كااافي اش
شمرني على الفراش و طلع من الغرفة ركضت بسرعة قفلته
و نمت براحة و اني اتخيل ووجوههن وحدة وحدة
جنت اضن راح يطگني راشدي اقل شي بس الزلمة طايح و غركان
ومو مال واحد يلحگ عليه كعدت على صوت امه يلعلع و تكسر
بالباب مال الغرفتين
ام سلام : كومي انطمري يمن كون طمرووووج بالكبور
امشي طلعي من غرفة مرت علاوي هديوة يالما عندج احساس
بقيت كاعدة احس بصوتها اليوم بلبل ويغرد من كد ما فرحانة
و باجر علي يروح يلتحق و اروح يم امي الله شكد حلوة الحياة
مسحت الكحلة السايلة على وجهي لان شكلي صاير يخوف
و لبست الدشداشة المستورة
ما طلعت لحد ما سمعت صوته سويت روحي حزينه و فتحت الباب
طب خازرني رجعت كذلتي ليوره و دنكت راسي
علي : حقج ما شبعانة نوم
كعدت على طرف الجرباية و شابگة رجلية فتح الكنتور و عاينلي
- يعني هسة واحد يريدلة هدم يضل يفتر من غرفة لغرفة
عالية : طبعا لان عالية بنت الخايبة علاوي لاكيها على كد إيدك لا كنتور و لا جرباية و لا كلشي لان انتَ حبيب امك كلشي يجيك على الحاضر ما تتعب نفسك و لا تصرف
علي : منو يستاهل و اصرف عليه
عالية : اي صحيح والله صحيح منو يستاهل
احجي و أنا اصفگ بيدي هو يعاين للمرايا و يضحك
طلع من الغرفة و بقيت فاتحة الباب لان امه عندها استعداد هسة
تكضني و تشمرني من فوك و تكول انتحرت طلع من الحمام لگاني واگفة الوب اروح و اجي لحد ما طب يالله حسيت بالأمان
علي : امشي نزلي اكلي لو شبعانة من البارحة
- لا جوعانة راح انزل بس انتَ احميني من اهلك
- اهلي ولج انتِ أنا كادرلج خاطر يكدرولج اهلي
حطيت الشال على راسي و نزلت جوه ويا رحمة و امه يخزرن بيه
و عمي وياهن بس سلوى و اريج يضحكن كعدت يمهن
عمار : من تصيحج عمتج ليش ما تنزلين هاااا
عالية : مريضة عمي متخربطة
ام سلام : طبعاً من السم
خالد : الاكل طيب يالله يمه سوي جوشه حتى كلها دكوم
و اكل حصصها
ام سلام : انجب و هم خابرتوا محمد ما كال شوكت يجي والله روحي عطشانة على شوفته وليدي
خالد : يجي ما بقى شي كال بالأيام الجاية
ام سلام : يالله حتى أخطبله هاي الغرفة الفوگ تصير اله
- ما يضل هو هنا يكول ارد
عمار : موش بكيفة والله إذا كضيته بعد ما اهده حاليتله الكعده هناك لا حسيب و لا رقيب
ام سلام : ولدي خوش ولد لو وين ما تحطهم هم مأدبين
عمار : والله كلهم كدرتلهم إلا هذا محمد زرگ من ايدي
كمت اغسل و اجت رحمة تسوي جاي وكفت انظف بالماعين لان صارلي هواي ما منظفة اجن آريج و سلوى واكفات منتظرات رحمة تروح
و اريج وياي تنظف اول ما طلعت ضحكن بصوت عالي و أنا اسكت بيهن
اريج :ولج أنا انطيج خطة مال وادم فقرة ترحين تسوين مال شياطين انهجم بيتج كون من امس بالليل المخابرات ما هدت
و خالاتهم شايطات
سلوى : بعد كلبي عاشت ايدج بعد عمرهن كله ما يضفين واحد بگروبهن
عالية : حاطاته و ضالات يضحكن عليّة و يغلطن وهو كلهن الرسايل ما قارييهن و لا مجاوبهن بس هن بدون كرامة شتسويلهن ضالات يركضن وره الزلم
سلوى : بس عمي انتِ وكحة انا إذا ادز صورتي وعلي غير يگطعني و يأخذني يشمرني يم اهلي لحد ما أتأدب
آريج : لا احنه شيسوون بينه بس هاي لان صغيرة مستخطيها رجلها و هن كلهن كبار ، خوب أنا و علي سلام
يوديني لابوي يگلة بتك هيج و هيج النوب يتگابلون عليه
هو و ابوي
عالية : يمة اسكتن جا أنا لو علي رايح كايل لشريك چـا شريك كطعني بس همزين ما يتحاجون و علي انقهر عليه
اريج : عالية كون يكضج زِناد
- يمههههه لا دخيلج يبو
نضحك وطبت عمتي عاينتلي
ام سلام : خفت هاي الشكول و عابت والله إلا ازوجة وًاكسر خشمج والله إلا اخلي يطلگج بسيطة
ما جاوبتها درت وجهي اغسل الاماعين و مبتسمة خلصتهن وصعدت
لكيته قافل الغرفة مال هدى و نايم بالقديمة طبيت اخذ هدومي و هو مطلع قصيدة و يرتب غراضة بالجنطة تطمنت يعني صدك راح يلتحق ،
و اني طالعة من الحمام اسمع سلوى و اسلام من فوك يتعاركون
فتحت الباب هو گاعد بيده الريمونت
علي : شنو هذا الصياح
- يمكن اخوك و سلوى يتعاركون
مشطت شعري و هو جايب عطر جديد بعده ما مفتوح
اكيد يريد ياخذه للدوام يعني هم إذا يحاربون ليش يتعطرون
شنو حتى يموتون ريحتهم طيبة ، ضربت راسي بخفة ايدي شكثر
صايرة ماصخة أنا
رشيت من العطر على رگبتي و ايدي اشتميته يجنن
عالية : والله جثير ذوقك بالعطور طيب
علي : تعاي خل اشتمة
عالية : جا هو مو ترس الغرفة
حجيتها و شايله العطر بيدي اجيته حتى يشتمه اشرلي بيدة رجعي
علي : مو رشيتي لروحج منه
عود هو شوية مثگل ما يريد يگول تعاي اشمج تقربت عليه و ميلت رگبتي مبتسمة
قرب خشمة يشم رگبتي عَت ايدي و طحت بحضنه ضحكت
وهو يعاين للتلفزيون و أنا بحضنه و كل شوية يشتم
ركبتي و يرد يرفع راسة
عالية : باجر تلتحق
علي : اي باجر گبل الظهر
عالية : جثير ١٠ ايام والله و هنا تجي
عشرة يخلصن للطلايب
علي : بزود ام الطلايب
طفة التلفزيون و تمدد أنا بحضنه أعاين هاي المره مدري شماله
حتى ايدي كاضها قوي و انا خايفة اوخرة من عملتي آمس
لا يفشخني و يوديني لامي مفشخة
علي : جثير صبرتلك و انتَ تتملعب
عالية : لا شني انتَ ما تتأمن النوب تجيب هدى
علي : يا هدى هاي أنا أريد ابني
ضحكت و على ضحكتي هو سارح بغير عالم
لحد ما عاينت لروحي ما أكدرلة و هو جثير صبر و امي باجر تهججني
تذكرت ذاك العار من راد يعتدي عليه و خفت لا اسوي شي و لأنه
يگلب خلقته و ما يعديها اليه هاي طاحت دموعي و انا احاول كوه ابين روحي مابية شي
أنا اريدن علي والله اريدنه بس كابوس هذا ما يرضى يهدني
و مچلب بيه كل ما احس بهاي السالفة راح تصير صدك مد ايدة على عيوني مسح دموعي و قَرب شفايفة على اذاني
علي : أنا موش الـ بالج عالية انا زلمتج
عالية : جثير أخاف
علي : أنا غطاچ كلشي بهاي الدنيا يصيبچ تجين اليه أنا أنا وحدي حافضج وجه و گفة
شبگته و أنا مغمضة عيوني دموعي تطيح منها
لو تحسفت بيوم من الأيام بحياتي جا ما تحسفت على غير الأيام الرفضت بيهن علي لخاطر واحد نذل
طبع بوسةً بخدي و راسي على چتفة جر الغطة غطاني عدل
و انطاني التليفون
علي : اختاري غرفة حلوة حتى يشدوها گبل لا ارد
اخذت التيلفون اعاينهن وحدة احلى من الثانية هو غفة و أنا
بعدني أعاين
غفيت و فزيت على وجع ببطني كعدت خايفة أحاچي
علي : ماكو شي حبيبتي روحي سبحي بمي دافي
و هاي هي
كمت من يمة ورحت اسبح تأخرت ، و هو اجة يدگ الباب يعاين
شبية ما بية
طبيت للغرفة و هو يعاين على الباب ينتظرني
باس راسي و طلع و أنا مشاعري ملخبطة مرة أعاين روحي
فرحانة و مرة اضوج طب للغرفة يمشط شعرة بَدل و طلع
رحت لاريج أكللها على بطني
اريج : يا مكسورة الرگبة ولج و أنا اكول ليش البت لسه ما حبلت والله عمي خوش لاگية الزلمة على كد ايدج
عالية : انطيني حباية شي
انطتني مسكن مال آلام اخذتها و رحت نمت كعدت على صوته وهو يكعدني و ايدة على بطني
علي : بعدها توجعج
هزيتله راسي بـ لا
انطاني لفة و هو يفتح تليفون من كارتونته و يسوي الي
علي : عايني هذا التليفون ما اريد غير رقمي يصير بي
و لا اي احد اصلاً ما اريد احد يشوفة بس من إداوم من ادك عليج حتى أعاين خلقتج
ضحكت و أعاين للتليفون فرحانة حطه على الشحن و اني أتعشى
كام جَر الميز الي فوگا العطور بقيت اعاينلة مستغربة رفع وحدة من الكاشيات و طلع علاگة متروسة فلوس و علاكة سودة اجة كعد يمي على الجرباية يحسب بيهن
النوب گعد بالكاع حتى يسفطهن عدل اشرلي على العلاگة السودة
فتحيها مديت ايدي افتحها قبل لا افتحها درت وجهي عليه
علي : رجعي ذهب امج عيب
درت وجهي على العلاگة بصدمة من عاينت هذا ذهبي و ذهب امي
الي اخذته و باگه مني هذا العار
بلعت ريگي و اعاينلة بخوف و خجل
و ايدي ترجف من امدها على الذهب
عالية : علييي
حجيتها و اجيت يمه فتحلي ايدة شبگني بأيد وحدة باسني
اكثر من بوسة و منتظرني أكوم حتى يكمل حساب
وخرت عنه و اتذكر الذهب قطعة قطعة
عالية : شلون كدرت تجيبة
علي: زِناد طَلعة من جوه الگاع و خابرني رحت ويا
بقيت ساكته خفت لا يسولف اكثر و النوب اسمع حجي أنا ما اريدة
طلعت گلادة امي و محابسها و أعاين لذهبي كله امي جانت تسويلي سِلف و شريك يچملني و تأخذني امي للصايغ تشتريلي
أنا نعست و هو بعده ما مكمل حساب اعاينله و أتثاوب و أنا قبل شوية كاعدة ايدة شكد سريعة من يحسب الفلوس
علي : هن يجيبن فلوس قطعة بس بناء يعني ما ادري
لو طابق ارضي يخلص لو ما يكفن باجر
اشوف زِناد گبل لا اروح
عالية : بيع ذهبي إذا عوزت اهم شي نطلع بيت وحدنا عليك الله
رجعهن لمكانهن و ضم ذهب امي بجنطته مال الجيش
اجه تمدد بصفي و أنا خلصت الليل كله اشّبگ بي و أبوسة
و هو يضحك لان يدري فرحانة بسالفة البيت
كعدت الصبح على صوته
علي : كومي لج تنبل مال نوم و لو حقج شوكت نمتي انتِ
نزلت سويتله ريوك و اجيت ارتب جنطتي و عباتي
لبس الزي العسكري و أنا واكفة اعدل بشالي
لبست عبايتي و نزلت ويا
امه كلمت تصيح عليه لان ماخذني باسها و طلعنه
كامت تصرخ و تحجي عليه بنص الشارع
وصلني لبيت امي سلم عليها من الباب و راح
بعدني اول ما كعدت يمها و اسولف وياها صار صياح بره طلعت امي عبايتها على راسها و اني طلعت وراها امجد واكف يم بيت زِناد هو
و امه يتعاتتون وي مرة ورجلها من باوعت الهم زين هذا اخو عجيبة و مرته
عجيبة : ولك عبود هيج تسوي بأختك علمود الفلوس
كهربتني حچايه المره من سمعتها صارت ترس اذاني
من كالت
- و أنا ما مفتحة دار ايتام خاطر اربيلچ بي بزرتچ
افتهمتي لو لا
عالمٌ غريب
يُريك معنى العناء
و الموت على قَيد الحياا
شيطانةُ
تُغير المسار بـ لحظة خُبثٍ و غباء
و يُريك
اسَتخراجُ من الأموات أحياء
ووو .... يَكفي
جاهزون يا قُراء ؟ 
