رواية يا اجمل الوحوش الفصل الحادي والثلاثون 31 بقلم رسل فهد
و رُغم كل الأجن منك وصفت مرورتك حلوة
و كَسرتك كَسرةّ الخطار
لازم تنحسب فدوة
- رُسل فَهد
....
" عالية "
عالية : كونك تروح للعسكرية و ما ترد بجاه كل من عنده جاه
ما دامك تتعمد تحرگ بگلبي
هدى شهگت و صارت عصبية هو عاينلي جان كاض ايدي
هدها و لِزم وجهي بأثنين اديه گال لهدى بَس شوية و أجي
طلعت و طبگت الباب و أنا دموعي تتسابق ياهي تنزل گبل الثانية
دفعته نَزل ايدي وشبگني بـ ايدي وحدة و الثانية يمسح بيها دموعي
و اني بأيدي أضرب ظهره حتى يعوفني
علي : تدعين علية ولج
عالية : أدعي و أدعي لان انتَ تتعمد تبچيني و تقهرني تتعمد حتى احبك عبالك راح احبك هيج بالعكس كل يوم أكرهك اكثرررر و اكثررررر و اكره الكاع التمشي عليها
علي : هيج واصلة مرحلة
عالية : و أكثرررررر انتَ تزوجتني حتى تذلني على الأيام الرفضتك بيهن و لو يرجع الزمن هم أرفضك و ما اقبل بيك
لان لو بعد مية سنة أعيش وياك ما أحبك
جانت حچاياتي سچاچين تدچ گلبة وهو بس يهز راسة بـ نعم
خلاني على الچرباية ولَم الحلويات الطشرتهن و صارن بالگاع
خلاهن على الميز و راد يطلع
عالية : روح يمهم روح يم خطيبتك و أني أمي حارمني من شوفتها الله لا يوفقك
اجة عليك بعصبية راد يضربني بس خليت ادية على وجهي ورجعت روحي للحايط اكثر ما ضربني مَد ايدة على شعري جَرة و قرب راسي يم راسة و هو أنفاسة تفور
علي : كافي تدعين لا أفلش وجهج كاااااافي
بقيت ساكتة غطيت رجلية و مسحت دموعي و هو راح قفل الباب
و اجة شمر روحة على الفراش و حط ايدة على عيونة بقى ساكت
لا هو حِجة بعد و لا أنا حجيت لحد ما صاحولة على الغدة
و امه صعدت تدك بالباب أستغفر و گام طلع ونزل وياها
من صعد بيدة ماعون جايبلي غَدة
نِزل علمود لا تزعل هدى و اني خلصتها يمهم آكل بالمطبخ محد بحالي
شلت الماعون و شمرتة بالگاع بدون وعي بس مثل المخبلة بكلشي أقارن روحي وي هدى
بقى مصدوم يعاينلي و عاين على الاكل الي تطشر بالغرفة
علي : عااااااااااالية شبييييييييج
وأكفت أنشغ من البچي و امسح بدموعي و ارجع شعري ليوره
كون يجي يضربني راشدي يصحيني على وكتي و زماني
اجة علية لزم زندي احسة ايدة للعظم وصلت
علي : گولي ما اريد اتزقنب ليش تشمرين الاكل مو حرررام
عالية : وخررر
- لمي الاكللل يااااااالله
هزيت راسي بـ لا خَض جسمي بأيدة وهو يحجي بصياح
عاينت على الاكل شلل بأيدج عالية هاي نعمة الله شلون هيج تطشريها
طلعت من الغرفة أبجي و امسح بدموعي جبت من جوه الدرج المكناسة و المكرافة لگيت رحمة و هدى بـ باب الغرفة واكفات يتصنتن
طبيت للغرفة و هو واگف فوك راسي وأنا اكنس و دموعي تطيح اكثر من التمن بالمكرافة لَم الكزاز مال الماعون بأيدة غسلت ايدي و وجهي طبيت للغرفة ما قفلت الباب تمددت بفراشي و هو گاعد يگلب بالتلفزيون
اندك الباب دگة وحدة و هدى طَبت اني درت وجهي على الجهة الثانية و اجت كعدت على الجرباية يَمة بلعت ريگي ناشف
هدى : انتَ خوما تداوم بالأماكن الخطرة أخافن عليك
علي : لا أماكن ضعيفة بالخطورة لان يعتبرونة تدريب
هدى : جثير عشرة بـ عشرة شلون بية إذا تزوجنه
علي : هو هيج الدوام ما يتغير
هدى : اليوم ما شبعت منك شوف عالـ
رادت تكمل و سمعته گال أششششش
وهي سكتت ما حِچت و لا هوَ حِجة لحد ما صاحت الها امها
گامت تريد تطلع
هدى : يالله أنا أروحن عود ادگ عليك من تلتحق باچر
علي : الله وياج أن شاء الله
سمعت صوت بوسة درت وجهي بساع هو گاعد بيدة الريمونت وهي
باستـة من خَدة و عاينتلي
كعدت عدل خازرتهم هو يعاين للتلفزيون وهي مبتسمة طلعت
غمضت عيوني بعصبية أعاين لأيدي ترجف غطيتها و غطيت راسي
جانت دموعي تجري شفتي و كل جسمي يرجف نمت و كعدت
بالعشرة هو متمدد على چربايته
اخذت حلويات من على الميز و كعدت اكل
گالي أنطيني ككو ما درت وجهي و لا أنطيته تالي هو كام أخذ
شعور الإنسان الجوعان من يشبع جثير حلو عاينت على التلفزيون
مطلع اخبار أخذت الريمونت من يمة و درت القناة ما حِچة شي
بقيت أعاين لحد ما سمعت طگة القفل و فزيت بعصبية
من رفع الغطى و لمني بحضنة اول ما ردت أصرخ چان محضر ايدة حطها على حلگي و اني ارفس اريدة يوخر
لحد ما لزم أيدية بأثنين اديه وهن وره ظهري و بـ رجلة مسيطر على رجلي و اني أحجي منهارة أعصابي و روحي فايرة منه
احس بحرورة شفايفة على شفايفي انهاريت اكثر اريد ادفعة بس هو مسيطر عليه أكثر تعبت و أنكطع النفس عندي يالله عافني
من الصدمة و القهر وشعور الخسارة بَعد ما حجيت لان اعرفنة
إذا رديت و حجيت يعيد نفس السالفة درت وجهي و أنا ما مستوعبة
موش بوسة أحس واحد داچني سچينة من گد ما مقهورة
غمضت عيوني و اني كل جسمي بحضنة شابگني هوَ نام قبلي و أنا كاعدة وخرت أيدة على كيف فَز بساع و شبگني اقوى
علي: اشششش نامي
لحد ما طر الفجر نمت و گعدت متغطية و محترة لان الجو بده
يحتر هو ما موجود بالغرفة درت وجهي على التلفزيون
الساعة فوگ الثلاثة كمت لميت شعري و امسح بحلگي لسة ما
مستوعبة
لميت الفراش حتى أغسل الغرفة و رفعت البردات و فتحت البنكة
طَب هو بأيدة البدلة العسكرية علگها بـ يدة الباب مال الكنتور
عبرت من يمة و طلعت من الغرفة شوية و طبيت ارش الغرفة
هو واگف يرتب الجنطة مالته
رفعت الدشداشة و اني أمسح درت وجهي لگيتيه يعاين عليه
علي : نزليها من تمسحين الهول
مديت ايدي نزلتها بالغرفة و خزرته حتى ما يضل يعاين
أبتسم و دار وجهة
كملت مسح و نزلت صبيت اكل محد موجود كلها بالغرف
و صعدت فوك للغرفة آكل
علي : يالله كومي بدلي روحي يم امج و من أنزل أجي أخذج
هديت الماعون خليته بالكاع و وكفت فرحانة
عالية : صدگ
علي : اي يالله بساع بين ما أكمل
ابتسمت بوجهة و فتحت الكنتور اخذ عباتي و شالي لبست الشال
و نزلت البردات ، طفيت التلفزيون و لبست العباية وگفت انتظرة
هو بعده حتى سبح ما سابح عاينلي يضحك يحس روحة تورط حسبالة أنا اخذلي ساعتين يالله تحضر
علي : ما تأخذين شي وياج ؟
عالية : لا ما أريدن كلشي عندي هناك
طب يسبح و اني كاعدة منتظرته النوب صار الوكت شطولة لحد ما طلع
اسمع باب الشارع تكَسر تكِسر نزلوا خالد و هادي يفتحوا
و أنا بالغرفة وكفت بساع مصدومة هذا صوت شريك معقولة ؟
طلعت من الغرفة اسمع صياحهم من الدرج
ام سلام : خير اليوم لافي تريدلك عركة لازم
شريك : صيحي أختي يالله أخذها وياي
- والله أختك ما الها طلعة من هذا البيت لازم تدفع ثمن أعمالها الشينة
شريك : ايييييي يالله عيبها علية موش أعلى غيرها
لج ، عااااااااااالية
اريد انزل الدرج واختفى رديت للغرفة علي واكف يلبس البسطال
عالية : أروحـن ؟
علي : خلي أكمـل
وگف يرش عطر أشرلي يالله نزلت و هم صياحهم واحد اعلى من الثاني
علي بقى يقفل باب الغرفة و أنا اعاين على الدرج شوكت ينزل جثير
مشتاقة بس خايفة من شريك ما ادري شلون أحط عيني بـ عينة
بقيت مدنكة ما رفعت راسي و انجريت أنا و عباتي بيد عمتي
ام سلام : وييييين أنا شني مفتحة فندق بكيفج تطبين
و تطلعين يالله فوك بغرفتج يالله
شريك : ترى كاضتني أخلاقي عليج و إلا أنا بيوم الدريت طاردة امي مخلي جيلة براسج
ام سلام : و اطردها و أطردك و لو تموت ما تأخذها شني المن جايبتها أنا
ولدها البقية اسمع صوتهم ينزلون من فوك وخفت على شريك وين يكدر الهم كلهم تالي علي نزل قبلهم و هي كاضتني من ايدي
اجة يأخذني منها تجرني اقوى
اجه شريك عليها يريد يجرني هدتني
ام سلام : ولك عليوان ضحكت عليك هاي الناهبة وفرت عقلك
ولك أنا أمك تستنكف عليه ما تخليها تخدمني
شريك جر ايدي و طلعني و بقو بهوستهم طلعنه للشارع و هو يغلط عليهم اني ساكته حتى نفس ما تنفست اخافن مشينه چم خطوة و انطبگ باب الشارع قوي دار وجهة شريك و أنا درت وجهي ويا
عاينت علي بيدة جنطته يمشي ورانه
شريك : طايح الحظ ، ساقط
بلعت ريگي لحد ما وصلنه البيت طببني بدون ما يحجي وياي حرف قبل لا أطب درت وجهي علي يعاين علينه طبيت حسبالي شريك يطب وياي تالي اخذ الجنطة و طبك الباب و راح بقيت واكفة اعاين من فتحة الباب بلكي يمشون سوه بس ، لا
نفس الطريق بس كل واحد جنطته بيدة و يمشي بجهة بعيدة عن الثاني
طبيت اركض للهول شهگت امي من شافتني
رحت بحضنها أبجي بصوت عالي أفرفح ، اشتم عطرها اخنك روحي بي و ارد اشتم هوى و ارجع اشهك عطرها
ام شريك : ولج ليش يمة ليش خليتيني أتحسر على شوفتج أدگدگ البيبان عليج و أنطرد
عالية : يمة لو ميته و ذابحيني ولا العيشة وياهم
يمة امه موتتني ما تيجيني ما تريدني
راسي على رجلها وهي كاعدة تصلي بچيت لحد ما احس روحي
بعد ما بية حيل حتى للبچي بعد ما اكدر
ام شريك : كومي كومي بدلي و سويلنه لگمة ناكلها
و تعاي بحضني
نزعت الشال و اعاين للبيت التراب مخَيم عليه امي مابيها حيل تنظف
و حتى لو نظفت ما تنظف مثلنا فتحت الشبابيك و أنا أطبخ أنظف
و غسلت هدومهم صبيت لامي و اكلت وياها لگمتين و كمت أكمل أحس المكان ما دامة وسخ مو مكاني
ما خلصت لحد ما هلكت و امي تحجي عليه ما ترضى فتحت خانتي
اعاين هدومي على حطتهن مسفطات تحسرت و اخذت دشداشة
سبحت وكعدت يمها الم الها شعرها
ام شريك : رجلج شلونه وياج ليش يريد يتزوج
عالية : يمة زين و مو زين بس أنا ما أحبنه يطگني چثير ضرباته توجع حتى أمه تطگني يمة لا ترجعوني
ام شريك : والله شريك من يوم السمع بـ ملچة رجلج گلب الدنيا گلاب و حتى وي جدته تعارك هو حِچة وياج
- لا بس طببني و سد الباب رادو يتعاركون هناك بَس
همزين ما صارت عركة
ام شريك : شعجب لسة مو حبلة ليش خليتي
يملچ هو مو يحبج
عاينت لامي بصدمة
عالية : شمالج يمة أنا أصلاً لو يموت ما أخلي يتقربلي
و هي امة من زمان تريدلة بت خالتة
شهگت امي و خلت ايدها على صدرها
ام شريك : شنييييييي ؟ ولج لسة ما ماخذج
- شبيج يمة شمالج
- عمت عينج و عين امج كون چا حگة يملج و يتزوج الولد
أعليمن شريك مسويها طلايب و هوسة
عالية : يمة ردتج عون تطلعيلي فرعون
ام شريك : صخم الله وجهج يعالية اعلى هذا الخبر
بقيت ساكتة والله لو تدرين حتى دعاوي أدعي عليه چا هسة رجعتني لبيتهم بيدها
يومين أني يالله كدرت انظف البيت التنظيف الصدگي و من كد ما مشتاقة لدشاديشي كل ساعة لابسة وحدة شريك يخابر امي كل يوم
ويسألها خاف محتاجين شي ، وره خمس أيام مسواگنه خلص و امي كالت لـ شريك وره ساعة أندك الباب حطيت الشال على راسي و طلعت
صحت منو و مديت ايدي اول ما فتحت الباب صكيت بمكاني من سمعت بصوت زِناد يخابر و يطبب العلاليگ للساحة سد التليفون
و عاينلي كضيت الشال بيدي ايدي ترجف
زِناد : ها اليوم هنا
- مو اليوم من يوم الراحو بي للدوام
زِناد : كاعدة أمج
- اي اي
عبر من يمي وراح طب للبيت أنا طببت المسواك للمطبخ و هوَ
يسلم على أمي كاعد يمها
زِناد : علاجج أنطيني الراچيته أنا أجيبة گبل لا يخلص
ام شريك : يبعد روحي والله انتَ وليدي ما استنكف منك
أخذ الراچيته من امي و طلع رحت ورا حتى اسرقي الباب
دار وجهة عليه يأشر شكو
عالية : بس أسرقي الباب وراك
زِناد : والله إذا لمحت خيالچ بالباب
- انااااا ؟ لا والله اصلاً أتلفتت منا و منا
اصلاً ما عندي لا ضل و لا خيال
ما عولته يطلع حتى اقفل الباب و اجر نفس هي فضة أصلا لو ما مشلولة جانت انشلت من الخوف بسببك وكفت بالمطبخ اسوي غدة اجتي امي يمي
ام شريك : شو لا خابرتي رجلج لا سألتي عنه
عالية : يمة ترى هو أنا اجيت حتى اخلص منه
- عمت عينج ولج والله علاوي خوش علاوي
عالية : حاط خطيبتة فوك راسي يمة و تبوس بي
حتى يحترگ گلبي
ام شريك : لو بيج خير ما يتزوج رجال صارلج چم شهر يمة إذا ما مسلمته روحج المن ماخذج يعاين عليج
عالية : لو يموت چـا هو غير راح يتزوج
ام شريك : انتِ ييمة بطلي ما أسرحج موش أخلي برگبتج رجل و جهال ضلي هنا انتِ تفشلين لو ما عمتلج چا لسة كاعدة يمي و محد يگلج على عينج حاجب
بقيت ساكتة و شكلة هو وهدى ما يروح من بالي أبد
و أكول شلون ما گمت طردتهم اثنينهم من الغرفة دگ تليفون امي جبته الها رقم غريب يدگ جاوبته ، درت وجهي عاقدة حواجبي من گالت
- هلا يمة هلا بعلاوي شونك ... بعد گلبي شونك
شلون صحتك .. هاي زينة تسلم عليك
اشرتلها بعصبية شنو تسلم عليك
- تعاي عالية يمة رجلج يريدج
هزيت الها راسي بـ لا ما اريد
- ولج يالله الرصيد راح يروح
اخذته منها بعصبية و رحت للغرفة گلت الـو
علي : شونج
عالية : زينة جثير مرتاحة
- كلش زين ، يالله حضري نفسج ثلاث ايام و أنزل حتى كل ما التحق أجيبج يم أمج
عالية : لا ما أرد ، تزوج و خلصني لأن أنا ما أتحمل الجاي تسوي انتَ و بت خالتك كدامي خاطر تغيضني
علي : عايني خلي النفس عليج طَيبة أحسن ما أجي أخذج و بعد ريحة اهلج ما تشميها
عالية : أنـا أريدن غرفة
علي : شنو من غرفة
عالية : غرفة حالي حالهن موش أنا بت البطة
السودة خاطر انامن بالگاع
- هههههه صار ديالله
سديتة و جبت التليفون لامي
عالية : بعد إذا يدگ كليلة نايمة خوش لو لا
ام شريك : ولج هاي النسوان تسوي للفارة اذان و تفر الزلم فَر و انتِ ضالة تتعيقلين إعله الزلمة
عالية : راح أرد ويا خافن بعد ما يجيبني
ام شريك : اي ردي و اخذي ثيابج الجدد البسيلة و خلي اخذج حفي و صبغي يالله و ابعدي الشيطان
بلكي الله يرزقكم بجاهل يونسكم
عالية : ما أريد والله ما أخلي يتقرب صوبي دامة حاط بت خالته على ذمته
ام شريك : ولج لو بيج خير تخلي يطلگها و تكسرين عيونهن
قبل يومين من جيتهم أخذتني امي للصالون و صبغت شعري و حفيت هي تريدني ادلله و أنا أريد أقهرة و أخلي يشيل روحة و يلطشها بالگاع أنا أعلمك علاوووووي على گولة هدى الحية
امي طلعت الي جنطة و كلساع تسألني شمحتاجة شحطلج
حتى الصابون و الشامبو راحت جابته الي
ام شريك : ولج هاي رجليه چانت ما تعيني بس من أجيتي ردت روحي و عافيتي يمته أعاين شمعة تجينه و يرتاح آخيج المكسور
عالية : يمة أكلچ يگولون أبوها حاط مهر يكسر الظهر
شريك : خايبة حدي وياهم لبيعة البيت نبيعة و نشتريلنا اصغر منه غادي المهم ياخذها و يرتاح وليدي راح يموت
حطتلي الدشاديش و أنا كاعدة يمها بالگوه تنسد الجنطة
اليوم يجون و أنا ما اريد أفارگ أمي بَس هم أحس روحي أشتاقيت لذيج الغرفة و أخافن لا أعاند و ما أروح تاليها بعد محد يجيبني لأمي
العَصر كشخت و جَريت الكحلة و أنا فرحانه بشعري حالته و أمشط بي
اجيت كعدت كدام امي خاطر تضفرلي أندگ الباب
گلت أكيد شريك لو علي صحت منو و أجاني صوت علي
طلعت فتحت الباب هو واگف و الجنطة بالگاع
علي : يالله .. حجاها و رفع عينه وگف بـ باب الحوش يعاين للسطوح وهو ماكو غير سطح بيت الشيخ و النخل من الجهة الثانية
طب للساحة و أنا أعدل بثوبي و ارد گذلتي ليورة
علي : انتِ شني معناها من تطلعين هيج ما تستحين
عالية : ترى لان عرفت صوتك اجيت أفتحة اصلاً محد يدگ علينه الباب بس زِناد مرتين جاب دوه و مسواگ
درت وجهي اريد أطب حتى البس عَباتي جَر أيدي وعَت ايدي لحد ما انلطخ وجهي بصدرة شبگني و بَاس خَدي ، مسحت بوسته خازرته
رَد باسني بنفس المكان رديت مسحتها و رَد باسني
علي : كل ما تمسحيها أعيدها
خزرتة و طبيت و هوَ طب بالهول يم امي يسلم عليها
ام شريك : چا شريك وينه ليش لسه
علي : بالليل ينزل
- ليش ما أجيتوا سوه بعدكم ما تتحاچون
- اي بعدنا
ام شريك : چا حگة الأخت لو شمهما يكون تبقى عزيزة
أنا والله لو غيرك متكفلها چـا كتلهم أكتلوها و لا واحد يذلها
كل يوم عالية جاهل والدنيا كلشي يصير بيها و هذا مكتوب علينه بَعد أنا گلت تروح يمك و انتَ تحبها و تعلمها
موش تملچ عليها
علي : لان بتج يا حجية ما تريدني أنا مخليها يمي أعاين عليها و ما تعيد الغلط بس مال تصيرلي مرة ما تريد و أنا لو عندي سالفة غصب چا من زمان من چانت ترفضني أخذها
لا هسة و لا بعد مية سنة أغصبها عليه و عيشتها وياي خليها تحسبه عقاب تعاقب بي نفسها
ام شريك : لا هي هسة كبرت و أنا حاچيتها المرة ما الها غير رجلها و هي صغيرة توها ١٧ صارت دير بالك عليها و لا تحرمني منها أنا أم و ما حصلت من الدنيا غيرها هي و اخيها
علي : لا حجية شلون احرمج منها أنا ذيج الفترة جنت خايف عليها من شريك خاف بعدة گلبه خشن عليها
هسة شوكت ما تردين أجيبها
ام شريك : أنا أريدها تنسعد وياك و انتَ والله موش كدامك اسألها معزتك بمعزة شريك
علي : الله يسلمج حجية لا تدللين ماعندي شي
وياها أنا عاااااالية يالله
- ضلوا هنا يمي تعشوا
- أجيبها والله غير مره بس تعبان اريد اسبح و ارتاح
عالية : هاي الجنطة شيلها وياك جثير ثگيلة
علي : يالله
كامت امي ورانه لحد ما طلعنه الباب لزمت ايدة
ام شريك : حتى لو غلطت لا تطگها يمة علمها هاي من تنطگ
تعاند بالزايد مثل الجاهل و يخشن گلبها عليك
هزلها راسة و طلعنة نمشي للبيت
علي : هسة أنا چنطتي موش بگدج ثگيلة
عالية : تغار شنو
ضحك ما جاوب وصلت للبيت لا هلا و لا مرحبا النوب كلها كاعدة بالهول
كلت السلام و صعدت بقيت واكفة منتظرتة يصعد لان المفتاح عندة
شمر كلشي على الچرباية و راح يسبح اول ما نزعت العباية و الشال دگ التليفون اعاين على اسمها جان بس رقم هسة كاتب عليها
بت خالتي فتحت خط و جاوبتها
هدى : شعندج انتِ مو يم اهلج
عالية : اي بس ما يتحمل قبل لا يطب لاهلة اجه أخذني
هدى : كبر بدون كرامة لا تفرحين اسبوعين بعد و نعرس
عالية : اصلاً جاي يحرمصلي يگول بس گليلي أريدك
من الصبح أطلگ هدى هاي البدون احساس
هدى : اكلي نعل علاوي ما يكول هيج لا اكسر راسج
عالية : طبج مرض لا تصدگين يالله ولي خلي اوديلة هدوم
لان جاي يسبح
- أنا اعلمج ولج عالية طلعلج لسان
- لا عبالي تستاهلين تأخذين مكاني بعدين استنكفت
اسمع صوت امها يمها وهي كامت تبجي سديت التليفون و حطيته على الشحن اخذ صاح على هدوم و رحت وديتله و وكفت اعزل الجنطة
طَب هو واكف يم المرايا يمشط و يعاين لشعري
علي : هاي صابغته شعرج مو وين طلعتي
عالية : ما ردت اروح بس امي ماقبلت إلا تأخذني للحفافة
اجه يمي لزم شعري يعاينة طَبت امه مثل العاصفة منهارة و التليفون بيدها وراها رحمة مخنزرات اثنينهن
ام سلام : ولج ليش تدكين على هدى دكليلها علاوي يگلي شوكت ما تردين اطلگها اطلگها و ذاك الغلط على اختي و بتها ليش يمكسورة الرگبة بعدج ما طبيتي
رفعت عيني عليه هو يباوعلي بأستغراب يعرف مو سوالفي
و يعاين لامه يستفسر منها فتح تليفونه عاين المكالمة رَد باوعلي
علي : هي هدى داگة موش عالية
ام سلام : النوب تدافع الها أكلك خالتك خابرتني منهارة هدى تبجي متخربطة عليهم من وره حجي هاي السوسة
علي : أني هسة اخابرها هدى و أشوف
طلعن و أنا رديت ارتب بالجنطة عود مادري شكو بلعت ريگي وكضيت الجنطة قوي من فتح المكالمة بتليفونه بصوت عالي و هو يسمعها و يهز براسة بدون ما يعاين عليه
رجعت چم خطوة أريد اوصل للباب حتى أطلع
بس هو أسرع مني گام و قفلة غمضت عيوني من صار وره ظهري
وجسمة طَخ جسمي درت وجهي عليه و عيوني مدمعة من الخوف
عالية : چانك تريد تطگني أعلمود هدى طگني
بقى صافن عليه و أنا عيوني مدمعة و مسوية
روحي مقهورة حتى ما يطگني و هو يعاين عليه مصغر عيونة
چنـة كاشفني لان نظراته دگول مو عليه هاي السوالف
علي : أنا گايل هيچ أنا ولج
ضربته على صدره قوي و گمت ابجي رحت كعدت على الچرباية
عالية : چا إذا هيج تحبها و تريد خاطرها ما خليتني يم أمي
و انتَ عرسك بعد اسبوعين هاااا
علي : هسة انتِ تغارين عود
عالية : چا طبعاً موش رجلي انتَ لو أنا متوهمة
علي : خايف منج أنا
سويت روحي زعلانة لحد الليل صَبوا عشا و نزل نزلت ويا
و أمة تتمنى تنفرد بية خاطر تشرب من دمي و بالمطبخ من عاينت لون شعري راويته لسلوى و آريج
ام سلام : لو تموتين البالج ما يصير ويالله كفي هوسة المطبخ و الماعين موش خدم عدج احنة
ما حجيت عادي وكفت اغسل الماعين
لبست عبايتها امه و اجت يمي بالمطبخ چناينها كلهن واكفات
- خل اروحن لاختي مشتاقتلها و علاوي يشوف خطيبته
كضيت الماعون قوي راد يطيح من أيدي
هو صوته عالي بالهول يضحكون هو و اخوته صاحت يالله يمه علاوي
علي : يمة والله ما بية حيل
عاينتله بخزره من وگف يلبس شحاطته و هي منتظرته بالكراج
باوعلي بمعنى شبيج احس روحي تحترگ يعني
معقولة يتعمد يسوي بيه هيج شفايفي ترجف هو تقرب عليه و أنا يم السنك مدري شراد يحجي دفعته بأثنين ادية و صعدت اركض
حسبالي راح يجيني و ما يروح بس راح بقيت بالغرفة افرفح
و الكحلة سالت و كلشي حلو دائماً امه تخربه الغرفة مفتوحة شوية
و طَب بيدة حلويات شايلهن خلاهن على الميز
علي : شبيج عالية صدگ جاهلة كل ساعة الج راي
عاينت على المسدس مالته مشمور على الميز رحت أخذته
و اجيت لازمته موجهته عليه اعاينله يضحك
عالية : عود شنهي معناها يومية تحرگ گلبي
علي : شمسويلج ولج
حسبالة ما أعرف أسحب أقسام و أنا من جان عمري ١٢ شريك معلمني على السلاح فتح عينه بصدمة من شافني سحبت
أقسام أجة يريد ياخذة مني
انتَ مو رايد محبتي ؟ ضوگها و رِدلي خَبر
مُرة ما تجرعها فنـك ..
....
" جُمارة "
تغريد : و أنتو تعرفون جوابي گبل لا تجون
رهينة : بلكت لعنتي شيطانج و صرتي خوش مرة
تغريد : إلا شيطان زِناد و جُمارة ما العنة أنا أنطيها الك
بعد ما عرفت حقيقتك تروح تضوج من بتي تطببها لذيج الغرفة العدك تكتلها و تمثل بيها حتى ترضي شيطانك
و الأمراض البيك لو تموت
درت وجهي بخوف عليه بَس هو ما يسوي هيج امي ليش دكول عنه هيج اصلاً هاي سوالف آمجد ، زِناد ما يسوي هيج أبد
زِناد :قصص وروايات عراقية كرار صلاح ترى الجاي يحفر براسچ عليه أكثر واحد يتمنى يوصلي لا تضلين حچاية تجيبج و حچاية توديج
أنا بتج أخاف عليها أكثر من روحي و انتِ تدرين
تغريد : أنا أدري بالظاهر بس أعرفنه هذا كمين حتى بتي دگوم تحبك و تالي تستغلها و تدمر حياتها
رهينة : ولج لو هو هيج وحش و يذبح و يمثل جا من زمان
خله بتج يمه و ما حسبلج حساب
تغريد : ما يكدر لان يدري أنا مو مثلجن اسكت أنا أسجنة و أحكمة و ما اخافلي من اي ابن بشر بتي تكمل جامعتها و تاخذلها دكتور وياها شمعرفها بسوالف العشاير
زِناد : أنا ما گايلج أبطلها و حتى هاي السنة الفاتتها ردتها تداوم بَس ما ردت اكسر كلامج گبالها و دكوم ما تحسبلج
حساب
تغريد : و انتَ ليش هيج تسوي هي خاطر تعلقها بيك و تگوم تحبك بَس لو تموت ما يصير الي بالك
أنا اخذتها من زمان و هجيت بيها منك حسبالي كبرت و نسيتها بس الظاهر صدگ وحش وما يعوف الصيدة
الناوي عليها
زِناد : هاي هيَ بكيفج يالله نگوم
عافوا الاستكاين حتى الچاي ما شربوا أني عيني على جدة باوعتله
حاچاني بعيـونة بمعنى عادي، فتحت ايدها جدة حتى اروح أحضنها
حضنتها و تعمدت أطخ ذراعة من فوگ الدشداشة
و رفعت عيني عليه و أنا بحضن جدة امي مدري شلون شافتني
جرتني من ايدي قوي وخرتني من حضن جدة
و خلتني وراها خازرتني
تغريد : هسة و باجر و بعد باچر والله لو معوقة عندي ما انطيها لـ آل سرهيد و انتَ بالاخص
حجتها و باوعت لزناد
زِناد: أفگسهن عيونچ و أخذها
طردتهم امي و گامت تصيح يالله يالله بره و روز تسكت بيها
جدة غمت امي و طلعت تغلط عليها
اول ما راحوا و سدو الباب امي ضربتني راشدي
تغريد : حسبالج ما شفتج أنا شلون تباوعيلة تحبينه مو
جُمارة : اي احبة يمه و اريدة ليش هيج تحجين ويا
ليش دگليلة وحش شنو شارب من دمكم و كلكم دكولون وحش وحش وحش ليش وحش لان ايدة محترگة شعليكم بي قابل هو حارك ايدة
تغريد : ولج انعل ابوج لابو ال سرهيد كلهم حشى ابوج
اليوم اذبحج اليوم ششفتي منه ولج و حبيتي هذا المشوه
الوحش صوته من أطيق اسمعة ولج
جُمارة : ليش يمهه ليششش شبي حرام عليج تحجين عليه هيج اني ما اقبل
ركضت وراي على الدرج و امي
صعدت وراي اني اركض و ابجي عثرت و لزمتني طلعت حرگة گلبها بجيتهم بيه من ردت اخلص روحي منها طحت بالكاع و انفشخت بحديدة الچرباية مديت على گصتي كلها دم
بالكوة وخرتها روز مني وقفلت الباب و اني ابجي بصوت عالي
و روز تمسح الدم من گصتي و امي تغلط علينه من جوة
روز : انتِ مخبلة مو تدرين بأمج طگة و نص
جُمارة : اي ليش تطردهم مو عيب
روز : اكلج هذولة عمار و مرتة ابد ما شامين ريحة اني مرت ابنهم شو و لا باوعوا بوجهي من طلعت عبالك صدك ما يعرفوني
جُمارة : طبعا ما يعرفوج هذا عمار لو يدري جان من ثاني
يوم لگيتي الخبر طاش بالعمارة و ترى هو طلگج بعد شنو
- اي صحيح
تمددت على چربايتي و أبجي حتى ما لحگت اكللهم تليفوني بقى بالغرفة و ما اكدر اطلعة شلون راح احجي وياهم امسح بدموعي
و اشهگ جوه الغطه و اني اتذكر كلام امي شلون حجت ويا هيج
و شلون هو راح ينسى كلامها ما نمت لحد ما حسيت روحي هلكت
كعدت بالليل روز جايبتلي لفة و كعدت يمي
روز : ترى امج هم حقها يعني هي خلصت العمر تحذرج منه و تحاول تبعدج تالي تسمعج دكولين احبه
جُمارة : اي و احبه ليش انتِ من جانت تحذرج من الوهمي عفتي مو لحد ما هو عافج و ما دزلج شي يالله استسلمتي
روز : اي صحيح بَس من عرفتة ابن عمار كرهته
جُمارة : لتجذبين متكرهي يومية بالليل اسمعج تبجين عليه
الي يبجي ما يكره بعده يحب و اني ما جنت اعرف الحب
شنو تعلمته منج
روز : روحي نزلي و اسمعي تغريد شتكول عنة بابا زين وياهم لان انتِ موجودة هناك حتى ما تعرفين حقيقته
جُمارة : و شنو اني قحط ترى كومة يتمنن يتزوجنه
و هسة لو راح يخطب مية الف واحد ينطي مرة
روز : ترى اديه كلها محترگة و هم جاي يعالج بيها و يرجع ليوره بس الحرك ميتعالج انتِ وين تتحملين تشوفين ايدة
أذكرج من شفتي اول حرك و كسرتي الصينية مال الچاي
جُمارة : جنت ما أحبة و هسة أحبة و كلشي بي أتقبله
اني أحب شخصيته و هيبته و حنيته وياي بَس اني
انتو متشوفوا بعيوني فـ متعرفون هو شكد حلو
فتحت الباب امي و هي خازرتنه تغطيت بالغطى خايفة منها
تغريد : ولج يمة شحبيتي منه ولج منو هيج لعب بعقلج رهينة تدرين بهذا عندة غرفة بالبيت مالته يسلخ بيها
كل واحد يغلط غلط صغير حتى لو طفل
هزيت الها راسي بـ لا
تغريد : والله جا ليش يسموه الوحش و بس رهينة تحبة لان داهن بلعومها بفلوس
جُمارة : هاي عجيبة و امجد يگلولج هيج والله هو مو هيج
اني مو عشت وياهم اصلاً هو أحسنهم كلهم
تغريد : هاي لان انتِ هناك حتى تحبي و تقبلين بي
جُمارة : ترى مو قحط اني يمة اصلاً أتعجب شلون يحبني هلگد و يتمنى كلشي يسويلي و يحقق أحلامي
امي منهارة بس تريد كوة تسيطر على أعصابها
تغريد : حتى لو يحبج ما اخلي يتزوجج انتِ وين و هو وين
هذا ينرادلة وحدة واكفتلة طول يعني حتى من الطب يحرمج يروح ذاك تعبج ليش
جُمارة : لا هو اصلاً عايش وحدة وكل واجباته يسويهن وحدة يعني وجودي ما راح يسوي شي
تغريد : لو تموتين جُمارة اني امج و اعرف مصلحتج لا تجربيني اتخذ وياج غير تصرف والله لو يجي زبال يريدج انطيج و ما انطيج لزناد
جُمارة : و اني ما راح اعوفة
رادت تضربني وروز ما خلتها طلعت و هي تغلط عليه ما اكلت تمددت و اني ابجي و أفكر بي كعدت الصبح احس بجسمي نزلت جوه كوه امشي باوعت للمرايا عيوني مورمة بالبچي
شكم يوم مرن و ما فكت الصخونة جسمي اتذكرت علاكة جدة صدك من اول حباية أطيب و هسة محد بحالي امي تنام و تكعد تغلط على زِناد
و ما تسمي غير الوحش
نزلت العصر لگيتها تخابر و تتعارك طلعت وي جدة دارت وجهة لروز
تغريد : تريد اوديلها جُمارة حتى ذاك الوحش ينفرد بيها
جُمارة : هم وحش يمة ؟ ليش هيج ضالمته
روز : هو ليش قابل من يگولون وحش يعني ما يعارك
- مو يعرف روحـة متعود
بقيت كاعدة بالهول و امي صافنة علية منهارة راحت للمطبخ جابتلي
كلاص عصير تخوط بي من المطبخ لحد ما وصلت شربته و هي لبست عبايتها و راحت بقيت كاعدة لليل بلكي تنام و اكدر اخذ تليفونها
بس ما كدرت
صعدت فوك لكيت روز صافنة على الاسم كعدت على الجرباية اريد انام ما اكدر نامت روز و اني كاعدة رجعت نزلت لگيت أمي حاطة تليفونها على الشحن يعني جانت كاعدة تدري بيه راح اخابر اخذت التليفون على كيف و صعدت فوگ اتخنس قفلت باب الغرفة
كعدت على چربايتي و وخرت البردة لان جربايتي بصف الشباك
الفرع يخوف بالليل لان ضيگ و البيوت كلها بدون كراج بس بيبان
و الدنيا لليل و ظلام دكيت على رقمة امي ما عندها رصيد
بس يرمش اول مرة ما جاوبني رمشت مرة ثانية و كعدت احسب
للعشرة إذا ما اتصل ارجع التليفون
وصلت للسبعة بالعَد و أتصل جاوبت بسرعة گلت الو بصوت ناصي
من أجاني صوتة أحس الدمعة وكفت بطرف عيني
زِناد : ها حبيبي شلونج
جُمارة : شلونك
حجيتها و مسحت دموعي
اسمع صوته تحَرك كأن كعد عدل لو غير مكانة
زِناد : تبچين ليش جُمارة تبچين
جُمارة : أريد اجي يمكم
زِناد : يالله مسحي دموعچ أني باجر اجيج ضربتج مو
جُمارة : لا ما ضربتني بَس تقهرني مدري يوصل الها كلام چذب عنك و يسويك وحش حتى تكرهك
زِناد : و انتِ تبچين لان دگول وحش
جُمارة : اي يعني ليش كلهم هيج يگولون وحش وحش
أني ما أقبل ، خلي بس اني أكول عنك وحش عادي
- ههههههه قِبلت بيها من عاينتها الكلمة عاجبتج
جُمارة : والله لتضوج منهم معليك حتى لو گالوا وحش
گتلك انتَ احلى وحش
زِناد : تليفونج وين
- امي قفلت غرفة امير و اني مخليته بيها و ما تقبل تنطيني المفتاح و هسة إذا كعدت و لگت تليفونها ماكو تشنقني
زِناد : اجي أخذج هسة يالله جايج
جُمارة : لا امي بعد متخليني أجي من وراك دگول لو تموتين
- مشتاگ
جُمارة : هو اني اصلاً مريضة و مصخنة و كارهة روحي
زِناد : كرهيها أنا موجود حتى أحبها ليش مصخنة هاي هيج مقهورة و شاغل بالج أنا
- اي والله
زِناد : باچر أجيج شتردين أجيبلج وياي
جُمارة : بَس انتَ ، و تعال العصر امي تروح لجاراتها
- والله لو تدري العشيرة أجيك بالختلات
يايابة يا بوية
جُمارة : راح اروح لا تكعد امي
زِناد : ما شبعان بعدني
- شنو اني اكله يالله خلي اروح
- أطيب أكلة يالله روحي ، أحـبج
جُمارة : أني هم أحبك يا وحش
ضحك ضحكة عالية و طويلة حتى صوتة الخشن اليخوفهم أحبة
و يعجبني يجوز هم مو مثل ذوقهم و اني ذوقي هيج
رجعت التليفون و مسحت رقمة من السجل و صعدت نمت مبتسمة
عبالك حاطيلي جرعة اوكسجين و فزيت على حلم مو حلو ما اتذكر كل أحداثة بس كل ما اعصر عقلي حتى اتذكرة اضوج اكثر
بقيت النهار كله على آمل يجي امي مثل كل يوم بالأربعة العصر تلبس عبايتها و تروح يلتمن كل يوم عند جارة روز كاعدة بالهول
جُمارة : روز راح يجي زِناد اصعدي
روز : عزه بعينج وًعلي تذبحج تغريد
جُمارة : جا مشتاقتلة
روز : خل ياخذج بالسيارة بعدين تعاي و لا يطب للبيت
وعلي تغريد تذبحج
- مادري هو مو اكيد يجي بس كال
بعدنا نحجي و أندك الباب روز طبت للمطبخ تركض جريت الشال و فتحت الباب لگيته هو طبب المسواگ و يباوع لگصتي بعصبية
زِناد : شبيها گصتج
- عثرت بالغرفة و تعورت
- امشي وياي أخذج يم جدة چم يوم
جُمارة : لا امي متقبل و تعال طب ليش واگف
و ليش كلفت نفسك
زِناد : المسواگ حجة أنا جاي حتى أشوفج
ابتسمت و غطيت وجهي بالشال مد ايدة لجيبه
انطاني تليفون و شاحنه أخذتهن وهو سَاد الباب بَظهرة
جُمارة : اني تعبتك
زِناد : أرتاح من أتعبلج
جُمارة : دتعال اكعد شوية
زِناد : لا رايح أجلت مشية كاملة لخاطرج
راد يروح و دار وجهة رجع أندارلي و مد ايدة لجيبة الثاني
أنطاني شريط حَب
زِناد : و هذا دواچ و كلشي يمر على بالچ خابري
و لا تشيلين هم المسافة أنا موجود
بقيت مبتسمة بوجهة حتى الكلام من عندي ضاع
زِناد: يالله سدي الباب
جمارة : لا تدلل بت ولاء اكثر مني
- ههههههههه صار
راح و بقيت أباوعله لحد ما راح احس روحي راحت ويا
سديت الباب و روز تباوعلي
روز : حقچ تحبي هُم أحفاد رهينة يسحرون اكبر وحدة
جُمارة : إذا اجتي امي لا دكولين زِناد كولي اي واحد منهم
كولي شريك عود هو موصي
اخذت التليفون و صعدت اركض أضمة
بالليل شحنته و قفلت الباب روز كاعدة يمي احس المحفظة طالعة من التليفون وخرتها لگيته مخلي فلوس روز أبتسمت
و اني غمضت عيوني بحب ، شكد يخجلني
اول ما شحن التليفون خابرت جدة تبجي و تحجي وياي
و راها ردت اضمه حتى من تنام روز اخابرة أجتي يمي
روز : عادي اخابر شوية
- اي بس منو
- محمد
جُمارة : شلون و هو بالسجن
روز : مدري بس بلكي يجاوب
- شفتي الحب ؟ طلگج و بعدج تحبي
ابتسمت و هي تكتب رقمة و حطت التليفون على آذانها وهو يرن هي تبچي مدري منو جاوبها گالتله محمد عمار سرهيد
وانطتنيا
روز : يكول الظهر وقت الاتصال
جُمارة : يالله باجر الظهر خلي يمج بس كون امي متشوفة
من نامت خابرت زِناد و سألته ع محمد
زِناد : مو چثيـر ، دفعتله هواي الفترة لازم يطلع
قبل لا أسافر اريدة يرجع لتركيا
جُمارة : روز تحبة
زِناد : دگتها مو خوش دگتها
- و شريك
- تعبني تعبني تعبت من أبوها ماكو هيج مذلة بس شنسوي هاي انتِ هم امج طردتنا و أنا مچلب بيج
جُمارة : زين إذا انتَ عادي تحب و شريك عادي
ليش عالية ردتو تذبحوها من حَبت يعني هسة اني لو حابة غيرك هم جان ذبحتني
زِناد : أحنه اول شيء نگول نذبح حتى نخوفها عاينتي ذبحناها ؟ هي ما زنت حتى يتشدد العقاب عليها
بَس لو ما الله شوية مخلي عدنا حظ و بخت چـا سمعتنا صارت على كل لسان
جُمارة : هم ما جاوبتني
زِناد : اي احنه ما نحلل بس علينه لو جاي خاطبها مرة
و هم خوش ناس و خوش عالم
و رايدها واحد من الولد و رافضة والله أنطيها اله
أنا أحترم كل واحد يجي من الباب مو تبوگ ذهبها و ذهب أمها و تشرد ويا و تالي بلاية كلشي يكسر عيونة و ياخذ ذهبها و يشرد بلاية عقد هذا واحد خسيس مو يحب
جُمارة : شريك مو مرة راد يخطفها و انتَ ضربتهم
زِناد : ما أخلي يسوويها عمي وعلي اذبحة شني بنات العالم لعبة أنا بيدي أردها لاهلها شريك محد سوة مثله
شريك الدنيا و العالم جابها تتوسطلة و ابوها يطردة
لا راد منها ذهب و لا باگها و لا راد يكسر عين اهلها
جُمارة : امممم صحيح بس يعني هم احسها عالية خطية
زِناد : مو خطية هي غلطت إذا ما تتحاسب تعيد الغلط
عندج هاي ورود ترى أنا واحد من الناس ادري بيها تحب شراع بس شوكت عرفت خطبها كل كيانها تغير تالي عاديت عمي عمار و خليت شراع ياخذها و فضلته على خالد
لأن أنا أدري بيها تحب شراع
جُمارة : بس هي خطية ما أرتاحت
زِناد : چم يوم و أجي اخذج لان الخميس عرسهم
- هاااااا ؟
- اي
لحد ما نعست سديته منه روز ثاني يوم تخربطت علينه
لان هي لا تاكل و لا تشرب كلش قليل و امي اخذتها للمستشفى رحت وياهن و اني راسي يريد ينفجر من الصداع
ضلت يومين روز نايمة بالفراش ما تتحرك بالكوة
و امي هم تغلط على آل سرهيد دكول من يوم الطبو حياتي هجموها
لزمت ايدي روز
- خلي واحد يأخذني اله
جُمارة : عزه بعينج وين ياخذج للسجن
روز : راح اموت مشتاقتلة خلي زِناد لو سلام ياخذوني
جُمارة : و امي شبيج
- خلي يكلولها يردوها علمود القضية
بقيت حايرة و ما كلت لاحد اخاف اني جبانة بهيج سوالف
لحد الليل شفتها صارت تخوف دكيت على زِناد كتلة هيج وهيج
كام يضحك كال خلي الصبح سلام يجي ياخذها
بقت امي مدري شلون تقنع
الصبح من اجة سلام و حاجاها كامت تصيح و تدعي
تغريد : ترى هي مريضة راح تموت من ساعة السودة عليك
و على اخوكً
سلام : سهليها الله يسهل أمرج و يرجع رجلج و نخلص
تغريد : آمين و يجي يكسر روسكم
يلا اخذها بس أمانة عندك انا أثق بيك
اخذها و راح دارت وجها عليه أمي
تغريد : بعدج تحبين زِناد
- اي
- اخ منجن
راحت للمطبخ و جابتلي عصير بارد شربته و تمددت بالهول
خابرتها جدة تعزمها على عرس ورود گالت ما أجي
و سدت التليفون أندگ الباب و طبت عجيبة و آمجد
اليوم كلها مجتمعة شكو سلمت عليهم و اني كاعدة و امي خزرتني
بقن كاعدات يبسبسن
أجت أمي يمي بيدها تليفون شاشته چبيرة
تغريد : باوعي باوعي هذا زِناد
خليت ايدي على حلگي من القهر و الخوف
مشوهات چفوف أديك ؟
تروحلك فِدوة أديهم
ضِحتككّ ، مَنبع بچيهم
.....
" روز "
صعدت وي سلام بنفس السيارة مال محمد بس مصلحيها
اني روحي تايهة و بغير عالم ما الي خلگ حتى روحي لحد ما صارت
شوفة المركز ترد بيها روحي
سلام : شعجب لسه ما گلتي لتغريد هوَ ما مطلگج
- بكيفي
طب سلام و اني ورا بس هاي المرة زينين بالتعامل مو مثل ذيج المرة
عبالي راح نوكف بنفس الغرفة كل مرة بس أخدوني جوه سلام وياي مكان مخيف و الأصوات تطلع من كل مكان طبيت للغرفة وحدي و سلام بقى بالباب
گلبي يدك سريع و خايفة الغرفة صغيرة بس بيها كرسي و چرباية نفر واحد فزيت و باوعت للباب من سمعت صوته يضحك احس رجلية أنشلت
كعدت على الجرباية و اديه ترجف
أفتح الباب و طَب باوعت بسرعة لأديه ما بيها كلبچات نسيت كلشي و رحت اله اركض يم الباب حضنته قوي و دموعي تجري
روز : كافي كافي أطلع
محمد : ليش مستهتر منو طببني غيرك
حضني هو قوي و أخذني لحد الچرباية شايلني و يطبع بوسات
بشعري و وجهي
روز : شوكت تطلع
محمد : ليش هيج متغير
- ما آكل و لا أشرب ما الي خلگ
- ليش حسبالك تغريد مثلي توكلك بيدها و تدللك
ضميت راسي بصدرة أبجي و هو يضحك بس حتى ضحكته
مو مثل قبل بيها كومة هموم اباوع لوجهة و لا يتغير شكلة
بالعكس صاير أحلى بَس ضعفان
روز : تغريد تضربني
محمد : طبك مرض مو انتَ كتلت روحك عليها
- خلي يسجنوني وياك
محمد : ما بقى شي و أطلع
باوعتلة بفرحة
- تأخذني وياااك ؟
محمد : لا گبل أطلع لتركيا فترة و أرجع أعقد عليج محكمة
و اسويلج جواز الفكرة الخربتيها بـ غدرتج
روز : تندمت أني أحبك و اروح وياك
محمد : أنجب ما أكدر لان الهادرين دمي يدرون بيه هنا
و مراقبين كل تحركاتي فـ ماكدر اطول
روز : متروح والله إذا ما اروح وياك
- إذا ما ندمتك على هاي عملتك لك أنا كلشي ما أفتهم
- تغريد هسة تگوم تريد تزوجني و انتَ من تسافر تتأخر
محمد : لا هاي معليك بيها أنا اعرف شلون اكسر عينها
حجاها و لمني لحضنة قوي و اني حاضنته راسي
بـ رگبته و ايدة يمسد بيها ظهري
محمد : أرجع منا و أكل لتخلي بالي يبقى
يمك هذا رقم الداگ عليه انت
روز : اي اني من تليفون جُمارة جابة زِناد
- العب صاير خطر الشيخ
سكتت ما اريد احجي بس اريد ابقى يمه خلاني على الچرباية و تمدد بصفي شوية وصارت بوساته على وجهي و رگبتي قاسية
بَس حتى ايدي ما تعيني أوخرة لو ابعده
كعد و خلاني بحضنه و هو يضحك
روز : كتبت اسمك على الحايط و تغريد ضربتني
و شخبطته
محمد : ليش تكتب أسمي يعني تحبني عود لك غداااار
روز : احبك اي بس انتَ هم هواي غدرتني
محمد : أعلمك بسيطة تتلاگة الوجوه
ابتسمت لان ادري ميسوي شي
دگوا الباب و اني كمت ابجي امسح بدموعي و هو يبوسني و يسكت بية و يمسح دموعي و اني حاضنته بأثنين اديه وهو يبوس براسي فتح الباب طب سلام و ما وخرت ولا استحيت منه گام يسولفلوله عن أهلة
محمد : أشتريلها تليفون و شريحة و سماعات اهم شي
سلام : متستاهل
- معليييك
حجيتها و كمت ابجي بصوت عالي و هو يضحك و يسكت بيه بَاسني آخر بوسة بخدي و أجوي ياخدوه اني مچلبة بإيدة تالي هو هَد ايدي وراح وياهم رحت وي سلام إبجي طول الطريق
اشترالي تليفون و وي ما نزلت من السيارة ضميت العلاگة جوه الصاية
و طبيت للغرفة دموعي تجري و قفلتها قبل لا تغريد تصعد تستفسر مني فتحت الشال و أعاين رگبتي كلها نياشين زرگة تخوف
و أندگ باب الغرفة ضميت التليفون
و لبست الشال أيدي ترجف إذا تغريد شافتني تذبحني وتزوجني
و إذا درت ما مطلگني تروح ترفع عليه قضية ثانية
تغريد : روووووز
