رواية الم احل لك بعد الفصل الحادي عشر 11 بقلم الكاتبة بتول

رواية الم احل لك بعد الفصل الحادي عشر 11 بقلم الكاتبة بتول

 وارث

غياد.... واارث هااي حبوبتك تريد تحجِ ويااك

اطاها التلفون اخذته سلمت عليهاا وحجيت وياها شووي ودريت عدها سالفه هيه من تضل كلساع كايله حبووبه وحبوبه معناها اكوو سويلفه بحلجهاا وما تخطيني هاي وانه وليدهاا ورابي عله ايدها

وارث...حبووبه شنهي اخبار الوادم يمج

صفيه....ولله يـ حبوبه الاخبار وصلت الك من جدك

اله انه عدي سويلفه ويااك اريدن منك ماا تردني

وارث...وسفه عليه ان جان كدرت عليها ورديتج بيها

صفيه....حبووبه مليكه جيبلي ستكين جاي الي ولجدج

وارث....ياهي يمج مليكه

صفيه...اي حبووبه بنيت عمك

هزيت راسي ومسحت كصتي بيدي صاارت بيها بنيت عمك مو اخيتك معناها لله يجفيني الشر

وارث....سلمي عله اخيتي حبووبه

سمعتها كالت

وولج مليكه وليد عمج يسلم عليج وهيه ما سمعت الها حس

صفيه....حبوبه منين ااجت اخيتك شنهي رااضعة ويااك يو بت امك يو بت ابوك

وارث....لا بت ابوي ولا بت امي ولا راضعه ويااي حبوبه شنهي السالفه طلعيهاا

صفيه....اي چاا عليش احبنك عبنك فطين وتلكفها بسااعة

وارث....اي حبووبه ما كتيلي شنهي السالفه

صفيه....انته تدرين ببت عمك بت وكبرت وصاارت اتجيب العين الهااا وهيه ما شاءلله عليها من الحسن والندارة والاخلاق ماامش مثلهاا يو فريت ديرتك كلها

وارث....ياهي هااي

صفيه....خاايب بت عمك باهـر مليكه شماالك مدوهن بالك مووش وياي

وارث...لا ويااج حبوبه كملي بعد عيني

صفيه....اي والبت كبرت والناس كامت تجي خوواطيب الهاا وانه ماا يهون عليها اطيهاا للغربة انه شنهي حجيت وي جدك وكتله وليد عمهاا اولئ بيها من الغريب والشين التعرفه اشوه من الزين الماتعرفه

شكلت حبووبه

وارث....عليش حبووبه

صفيه...وولك ووريث انته شماالك ليوم متخزبگ سااعة صارلي احجِ وريجي يبس وتاالي تكلي عليش حبووبه

وولك بت عمك مليكه مره الك....!!!

وارث....لا حبووبه تحجين صددك عوود

صفيه...اي وروح ابووك العزيز احج صددك

وارث....لا حبووبه داخل عدج اانه شيلي هااي السالفه من باالكم للتالي مليكه اذ موو اخيتي هيه بنيتي شني ما اتذكر روحي من شايلها على گلبي واطارد بيهاا لو العبهاا

صفيه....چاا شنهي راايك تضل وحيد سااكن كن هالدجاج وبحيدك لا ونس يطرد عنك وحشة ليل

وارث....مااعدي وحشه حبووبه وعلي ما الحك احگ راسي ياا وحشة انتي التهي هسه بعرس فيرس وتحضري لعرس عگيب وزوجي حمدان وحميد بطريجج

صفيه....ووانته ولك شنهييي خلفتك ونسيتك

وارث...لا يبعد حيلي يااهو كال ناسيتني بس انه هسه اريدن اضبط اوضاعي هناانه

صفيه....وليمت تززوج عگب مااا تشيب

وارث....ليمت ماا تهووئ روحي اتزووج اله هسااع هاي السالفه مووش ببالي

صفيه....وولك وريث مووش اذ راحت بنيت عمك للغريب تعض اصاابيعك ندامه وحسررة

وارث....حبووبه البت زغيره ووينها وين الزواج صدك تحجين شنهي السالفه مستثگلين لكمتهاا

صفيه....لا تمسلت شنهي غريبة هيه ونستثگل لكمتها لجنها زغيروونه وشحلاتهاا من تربيها على ايدك

وارث....هوا انه ااريد وحيد يربيني مووش اجيبلي وحيده اربيهاا حبوبه برووح ابوي وعمي العزيزين خلي هاي السالفه ولا تفجينهاا جدام من واحد للتالي روحي ما تهواها وعلي ابن ابي طالب

صفيه....خووش يوريث بس مووش بعددين تجي تعااتبني يو راحت من ايدك

وارث....ايددج الج ان جان اجيتج بيوم وعاتبتج

يو فجيت حلجي بحجاايه

توادعت ويااها وسديت التلفون حطيته عالشحن انسدحت بالهول

انوب ياربي منين طلعت الي هاي السالفه وماا لكت حبوبتي غيرر مليكه ووعلي البت من اشوفنهاا جن شاايف بزري مووش بنيت عمي كضيت زغري مداريهاا مدارة الماي بالصينية

وما اارضه وحيد يغثهاا يو يسمعها حجاايه وماا تصلح اليه مره اابد

تحمدت رب جي سديت السالفه من العرج وماا طولت بيهاا وكوون من لله واهل البيت ماا يوصل حجي الها من حبوبتي يو جدي لا لمليكه ولا لامها العلوية جيف احبنها حيل وهيه ما جنت مگصره وياي بشي حاسبتني حسبت ابنهاا ما اريدن تاخذ بخاطرهاا منها يوو سمعت ما اريدن بتها

اخذتلي غفووة منا لصلاة المغـرب وكعـدت صليت وفتحت كتاب الاحكام الشرعية راجعت بي المسائل ودروس اليوم ورديت على الباقي نفس الشي قريتهن منهن العدي

اشتهيت اطلع شوواي بدلت وطلعت لاكيت ميمون

بطريجي سلمت علي وطلعنه سوويه لشارع محمد الامين انه احبنه هذا الشارع جنه جنة نسوولف عن دوامه وصعوبته تالي كال

ميمون....وارث اكوو شقه يمك باالعمارة فارغة

وارث...ماعدي خبـرر عليش تسئل

ميمون....ااريدلي شقه يمك وبعيده عن بيت اهلي

وارث....افاا عليش تريد تبعد عن هلك

ميمون....شووي مشااكل نسوان وانه ما الي كل خلك اريد ارجع من الدوام الكه راحتي موو اكعد اسمع فلانة حجت وعلانه انتجت وبيني وبينك المره حاامل وما اريدن تنصاب بشي مو زين من وراه لوك لوك النسوان

وارث....عالخير وولبركة

ميمون...لله يخليك

وارث... انه هساع ماا عدي خبر اذ اكو حوش يمنه للايجار بس اذ تريد اسئلك بالخدمة

ميمون....اي ولله ماا تقصر وكثر لله خيرك

وارث....خير لله يمعود شمسوي ما تكلي بس شنهي طلع نقلك لهنانه يوو لاله

ميمون...اي طلع الحمدلله راح اضل دوام يومي وحتى لو لاحتني خفاارة ضال مأمن بمحافظتي موو ببغداد هناا.... هناا وروحي تطلع على ما اووصل والطريق يخلص حيلي

وارث...ولله عمي لله يسااعدك ويلوم اليلومك

جرتنه السوالف والكعده ولـلـ١ يله رديت لداري وصلني بسيارته دك هورن واشر بيده بادلته وصعدت فجيت الباب وفتت انطرحت بحجرتي

و رددت الدعاء حتى اجعد لصلاة الفجر ولا تفوتني نوباات حتى المنبه ماا يكعدني

بسم الله الرحمن الرحيم

(اللهم لاتؤمني مكرك ولاتنسني ذكرك ولاتجعلني من الغافيلن)

نمت كوه على روحي وفزيت گبل صلاة الفجر صليت الشفع والوتر وسمعته يأذن صليت الفجر كعدت بالهول

ورديت فجيت الكتاب لووين وصلت حد بشائر الائمة بالامام المهـدي

عن النبي محمد صلى الله عليه وآله

((القائم من ولدي اسمه اسمي... وكنيته كنيتي.... وشمائله شمائلي...وسنته سنتي ووو الى اخـر الحديث))

عن امير المؤمنين انه قال للحسين عليهما السلام

((التاسع من ولدك ياحسين هو القائم بالحـق... المظهر للدين... الباسط للعدل))

عن الحسن المجتبى عليه السلام

((اما علمتم انه ما منا احد الا ويقع في عقنه بيعة لطاغية زمانه الا« القائم» الذي يصلي روح لله عيسى بن مريم خلفه فان لله عز ووجل يخفي ولادته ويغيب شخصه لئلا لاحد في عنقه بيعة اذ خرج ذاك التاسع من ولد اخي الحسين ابن سيدة الاماء يطيل لله عمره في غيبته ثم يظهره بقدرته في صورة شاب ابن دون اربعين سنة...الى اخر الحديث))

عن الحسين الشهيد عليه السلام

(لو قام المهدي لانكره الناس لانه يرجع اليهم شاباً وهم يحسبونا شيخا كبيرا)

عن علي بن الحسين عليه السلام

قال

((في القائم منا سنن من الانبياء سنة من ابينا آدم عليه السلام وسنة من نوح وسنة من إبراهيم وسنة من موسى وسنة من عيسى وسنة من ايوب وسنة من محمد صلى الله عليه واله))

فاما سنة آدم ونوح.. طول العمـر

واما من إبراهيم.... خفاء الولادة واعتزال الناس

واما من موسى...الخوف والتقية

واما من عيسى... فاختلاف الناس فيه

واما من ايوب... فالفرج بعد البلوئ

واما من محمد صلى الله عليه واله ... فالخروج بالسيف

قال محمد الباقر عليه السلام

((اذ دار الفلك وقال الناس مات القائم او هلك باي واد سلك وقال الطالب انى يكون ذلك وقد بليت عظامه فعند ذلك فارجوه فاذا سمعتم به فاتوه ولو احبوا على الثلج))

روي عن الامام الصادق (عليه السلام) فـي حق المهـدي (عجل لله فـرجه)

((لــكل أناس دولـة يرقبونهـا ودولتنــا في اخــر الدهــر تظهـــر))

روي عن الامام موسى الكاظم (عليه السلام)

((عندما سئل هل انت القائم

اجاب قائلاً

انا القائـم بالحـق

لكـن القائم الذي يطهر الارض من اعداء لله ويمـلأها عدلاً كما ملئت جوراً

هو الخــامس من ولدي

له غيبه يطول امدها خوفا على نفـسه

يرتد فيها اقوام ويثبت آخرون

اكمل قائلا

طوبئ لـ شيعتنا المتمسكين بـ حبلنا.))

عن الامام علي الرضا عليه السلام في وصف حال المؤمنين في غيبة امام زمانهم

((ڪم من مؤمنٍ ومؤمنة .. متأسِّف، متلهِّف،

حيران، حزين؛ لفقده))

عن الامام محمد الجواد عليه السلام

((افضل اعمال شيعتنا انتظار الفرج))

عن الامام علي الهادي عليه السلام

((ان الامام بعدي الحسن ابني وبعد الحسن ابنه القائم الذي يملأ الارض قسطا وعدلا كما ملأت جورا و ظلما))

عن الامام الحسن العسكري عليه السلام

((الحمدلله الذي لم يخرجني من الدنيا حتى أراني الخلف من بعدي اشبه الناس برسول لله صلى الله عليه وآله خلقا وخلقا..... الى اخر الحديث))

سديت الكتاب اخذت قلم رصاص وكتبت بظهر الكتاب خاطرة

قد طال الأمد، يا ابن العسكري.

وقد قست القلوب، يا ابن الهادي.

وقد ملئت ظلماً جوراً، يا ابن الجواد.

وقد اشتدت الغربة، يا ابن الرضا.

وقد طال سجن الغيبة، يا ابن الكاظم.

وقد لبثت فينا أكثر مما لبث نوح في قومه، يا ابن الصادق.

وقد اميتت السن واحيت البدع، يا ابن الباقر.

وقد زادت عللنا وجروحنا، يا ابن السجاد.

وقد تكاثرت قرابيننا وضحايانا، يا ابن الحسين.

وقد زادونا تشريداْ وتطريداً وتنكيلاً، يا ابن الأمير.

وقد تلاعبوا وغيروا بدين جدك، يا ابن محمد.

فماذا يهيجك يا ابن الحسن؟؟؟

(منقولة)

بهاي الاحاديث شفت وعرفت اهمية معرفة الامام هو المتمم لدين لله ورسوله هو اليجيب الاسلام الصحيح بدون تحريف ولا تخـريف

اعتدلت بكعدتي حطيت ايدي عالصدري مغمض عيـوني تمتمت

السـلام عليك يا صاحب الزمان

في كل مكان وزمـان اينما كنت او تكون

بساعتهاا هبت عليها نسمة هوه طيبة وانه بمجاني

البيان مسدده والشبابيج مقفله لجن گلبي خفك بيها وروحي استبشىرت بالخـير

السيد كال هوه بگلبك ويكدر يحضر بحي لله مكان وحي لله زمان وليمت ما يريد ويدري بحوال شيعته ويطلع على اعمالهم كل يوم اثنين وخميس

ويرد السلام على كلمن سلم عليِ

انداريت اعاين للساعة بـ٦ حطيت الي ريوك والضحكة عالوجهي مرسومه حضرت سلاباتي الخاصة بالخدمة اخذت الباج حطيته بركبتي تريكت وطلعت من البـيت متوكل عالله وامشي واعاين بالوجوه وجني راح اشوف الشاغل بالي

وجني اعرفنه وموش غريب عالعيوني

بنص الخدمة واشوفن السيد اجه وشايل مداسه بيده توجه الي

....سلام عليكم

اخذت المداس من ايده متبسم

وارث....وعليكم السلام ورحمة لله

شلوونك سيدنه عسااك بخيـر

....برحمة لله الحمدلله

وارث

وارث...امر سيدنه

....ابدي بذكر صاحب الزمان بكلشي تكوم تكعد تاكل تشرب شووره بامر اذ احتاريت

والاهم سلم عليه وكول اله گبل لا تنام تصبح عالخير مولاي ومن تكعد وي صلاة الفجر سلام وصبح علي امامك غريب وحيد

اقره دعاء العهد بعد صلاة الفجر كل يوم وبهذا الدعاء تجدد كل صباح عقدك وعهدك للامامك

باجر جمعة والجمعة يوم الخاص بي زوره ولا تكطع بي

..... واقره اله دعاء الفـرج ودعاء الندبة

وارث....سيد اسمه اندك بگلبي

....وهذا المطلوب وارث ديربالك من نفسك وشيطانها وعينك على ذنوبك وآثامك وديربالك تخليها تدخل لكلبك لان العين باب للكلب لا تشوفها حرام

والاذن باب للكلب لا تسمعها حرام

ولسانك باب لكلبك لا تخلي يحجي حرام وباطل ما يرضي لله

.... وحطها بالك وارث اليسمع حرام ما يسمع زيارة عاشوراء بصوت ابا الفضل وما يسمع صوت مزامير داود ولا يسمع القران بصوت نبينا المصطفى عليه واله الصلاة والسىلام ولا يسمع دعاء الندبة بصوت المحبوب صاحب الزمان

وارث المحبووب عيونه تبجي لو سمع بذنوبنا وشافهن ويتاخر ظهوره زاايده واحنه گلوبنه تعبانه وما بينه بعـد نتحمل بعد وفراگ

وارث....ان شاء لله مولانه

ابتسم وهز راسه برضا انداريت احط المداس بالخانات

... فريت راسي اريد اطي الرقم الخانة ما لكيته ضليت اتلفتت بكتاري وكلت لابد يرد حتى اطي مداسه خوما يرد للبيت حافي وبلايه

كملت وگت خدمتي وطلعت لداري والسيد ما شفته لجن حجيه مثل كل مره انصب مثل الماي المثلج عالصدري مثل نسمة هوه تشاافه لعليل بيهاا

.... لثانـي يوم وي صلاة الفجـر خلصت الصلاة اجيت اكف المصلاية ونسيت انه ما سلمت على الامام

رديت عدلتها

حطيت ايددي عالصدري وحجيت

.... السلام عليك ياسيدي ومولاي يا صاحب الزمان

مولاي صباح الخير والعافية عليك

شون حالك مولاي عساك بخير وصحة وسلامة من كل اذيه وسوء

مولاي انه خجلان منك هوواي وعلي هساع انه ما ادري جم مره بجيتك ونزلت دمعتك وجم مـره

فوتت الحزن والهم عالكلبك مولاي بسبب اخطائي وعصياني انته أمامي وامام العصر والزمان لجن انه ماادري جم مره اخرت ظهوورك

.... مولاي انه ماادري باجر يوو تلاكيت ويااك شكول لروحي من تعاتبني وتكلي فلان انته محسووب علينه احنه اهل البيت تسوي تاخذ غبية شوون

تسمع حراام شون تحط عينك على لكمه غيرك.... تباوع للنساء موش من محارمك شوون....مولاي وانه المحسوب عليك واسمي جعفري من شيعتكم

..... عدي ريااء وانانية وعجب وكلهن موولاي لجن ماعدي غيركم اتوجه بيكم لـ لله واسأله التوبة بحقكم عده سيدي اامسح على گلبي بيدك عبنه ااسود جير وبهاي مسحتك خل ينظف ويطيب من كل مرض بي من امراض الدنيه

مولاي اصلحني على يدك وخليني من الممهدين لظهورك موو المأخرين اله بامك فاطم

بدايتكم مع بداية وارث تعلقوا بامام زمانكم وابدوا من الصفر تجاه هذا الامام المظلوم الغريب

گبل لا اطلع من الدوام خابر فارس

لله جاابك ولك اريد يصيرلي مجال اخابر عليك واعرف سالفتك شنهي بس ما جاي ترهم

فتحت الخط

وارث...هله ومسهله

فارس....هلاا بيك شوونك وريث

وارث....بخير الحسين الحمدلله

انته شخباارك

فارس....واصله الك اخبااري

وارث...اي بالله وصلتني ومكيف الك

فارس...وريث

وارث....كتهن بعدد اخيك لا تخلهن حسره بگلبك گلي مقتنع يوو تسوي السالفة عنااد وي روحك

فارس....مادري وعلي وريث البت بت خالي وموش حلوه مني اكسرهاا وانه متيه دربي ما ادري شسووي

وارث....ويااك انه البت بت خالك لجن انته ابخص بيهم مني وهذا زواج مووش لعبة ولا يوم ويومين ولا اسبوع واسبوعين عمر فارس

اكعد وي روحك وشوف البت شحالها تناسبك يو لاله شوف دينها وتدينها

واخلاقها وتربيتها والعايله المتربية بيهاا

تعب نفسك اخووي بالتفكير ويو تروح تحج وي البت وتكعد وياها وتحطون النقاط عالاحروف احسن

وانته تريدلك وحيده كون تفرحك وتدخل لگلبك

مؤمنة بالله وملتزمة بحدوده ولا تعصيه حتى تصير گادره على تربية اولادك تربية صالحة

وهذا مو حجيي هذا حجي وكلام الرسول عليه وعلى اله الصلاة والسلام لمن يكول

((إختاروا لِنُطَفِكُم فإنّ الخال أحد الضجيعين))

وحتى ايمتنه يكولون ويوصون لمن تريد تتزوج اتزوج التشوف دينها ونسبها واخلاقها وتربيتها تلوك بيك ومثل ما يكول الامام الصادق عليه السلام

(إنّما المرأة قِلادَة فانظر ما تتقلّد )

... ومامش للمرأة خطر لا لصالحتهنّ ولا لطالحتهنّ تجي لـ صالحتهن موش خطرها الذهب والفضّة وهيه خير من الذهب والفضّة

وتمش لـ طالحتهن خطرها التراب بل التراب خير منها

وهسااع انه ما اكلك لا تهتم لشكل البت شون صاير بس اطيتك الاولوية

.... عن النبي صلّ الله عليه وآله أنّه گال (من تزوّج امرأة لا يتزوّجها إلّا لجمالها لم يرَ فيها ما يحبّ ومن تزوّجها لمالها لا يتزوّجها إلّا له وكله الله إليه فعليكم بذات الدين))

وباالك.... بالك تشوفهاا حلوه وتنسه الوصيتك عليِ البت بت خالك خلي عمتي تحجي وي امها وادبر الكم كعده حتى لوو ساعة وشوف منطقها وحجيها

وهاي الساعة كاافيه تكشف الك الاكو والماكوو

وخلي حديث الرسول ببالك وواحفظه زين

وانته ااعرف بخوالك بعد

.... الرسول گال

أيّها الناس إيّاكم وخضراء الدِّمَن)

ولمن سئلو الرسول يا رسول الله وما خضراء الدِّمَن

گال (المرأة الحسناء في منبت السوء)

سولفنه شوويه وتوادعت وياه اريدن اطلع للخدمة بدلت سلاباتي ودخلت زرت ابا الفضل عليه السلام ورديت للكيشوانيات

...... ملـيكه

وتمر الايام نفس ماهيه كلمن ملتهي بحياته وطامسين بيهاا لهامتنه وطبت الفرحتنه بيتنه يووم درينه تنسيم مرت عمي عتاد حبله

ومرضها وتعبها جان كله من الحباله بيووم الهلاهل والصفكه والجكليت ترسن البيت ترس

فرحة عمي عتاد ما بعدهاا فرحة عبن هو جبير موش زغير لجن ما جان هاوي الزواج ويوم تزووج تنسيم كبرت وربت يمنه وعرفها طبعها وطبايعها ودره ما بيها لا مكر ولا حيلة

خذاهاا مره اله وفرحة بالبزر مامش گبلها فرحة

حبوبتي من الهلاهل صووها انبح ودموعهاا نزلت

لجن دموع الفرح حلوه وما تحـززن ابد

ونزلت الصدمة على روسنه بنفس اليوم يوم ما اجت عمتي ام عگاب حدرت يمنه وكالت خطبت لفارس بت اخوها وبين المعارض والمؤيد لهاي السالفه صدمنه فارس

جان رااضي ومقتنع كلش جعد جدي وياه بحدهم بالحجره وحجه وياه اخافن واحد واز براسه وكاله انه اريدن البت والبت بت خالي مووش غريبه عليه

... وتدري بالجدر وغطااه جنه نريده نسووي اله عرس وحفلة يتسوولف بيهاا واحنه البنيات من زمان نتمنى يصير عرس عدنه حتى نفررح ونطلع الخبال كله وشكد عدنه وليدات لجن ماايرضون يتزوجون مدري شمالهم من تجيب الهم طاري العرس ينصرعون

... لجن ماا جان راضي كال اريدن العرس سكتاوي البت امها مريض بالخبيت اسم لله علينا وعليكم

واحنه ابن عم جدي متوفي ماا صارله هوواي موش راهمه مراسيم الفرح تطلع وتبين علينه واهلنه حزنانين اتفقوا فرحة بينه وعلى كدنه تصير وبعد اسبوعين جيف احنه حوشنه الجبير جانوا يعدلون ويبنون بي واحنه مأجرين بيت ثاني هم جبير لجن موش بوسع هذاك الحوش

.... وصارلهم شكدد يبنون بي وجدي سواه ثلث قوط خاطر كل عايلة تاخذ راحتها القاط الثالث للشباب

والثاني بي غرف عگاب وعمتي عتاد وغرفة وارث

وغرفة عمي ضهد ولان متزوج اثنين امي وام سدن فصارن اله غرفتين وحده فوك ووحده حدر بالقاط الجوه

والاول بي غرفة حبوبتي وجدي وغرفتنه انه وسدينه وغرفة لـ عمي ضهد ووحده لعمتي كريمه ووحده لمصاكيعنه الزعاطيط وجان يخبل البيت البيت وجدي مختار البيت كله مرمر ابيض الهول وديوان النسوان والغرف كله وحده والها تصميم لجن كلهن نفس السگف الثانوي ونفس الارضية

... وانوب بدوا يبنون بالمضيف مالت الزلم الجبير بره الحوش معزول عن البيت ووصوا تفاصل للكعده مالته وهاي سوالف كلها طاحت براس عگاب لان مكمل هندسة مالت ديكور ما ادري ايش وهو سلم البيت لشركة بناء وخلص اول اسبوع غسل وترتيب غراض بالغرف ونصب الاخشاب وليل نهار نشتغل ما نكعد وتقاسمنه الشغل وكل اثنين حجزن الهن قـاط ينظفنه وما صارت اي مشااكل واصلاً

ما تصير مشااكل ما دام عمتي كريمه هيه القايده مشروع البيت والتنظيف والطبخ

..... گلشي تقسمه بالحگ وما ترضه بالباطل اابد وشعدها التزغلط عدهاا تشوفها النجوم بعز الظهر

والايام تركض ركض وبنفس هذا

الاسبوع عرس فيـرس هيج بسااع بساع

لا مشيه زلم ولا هم يحزنون

.... مشيه نسوان حبوبتي وعمتي ونسوان عمامي راحن شافن البنية وحطن فلوس مهر بيدها ويوم الاربعاء عقدهم والخمس عرسهم جابوهاا واحنه متحضرات ذبحو جوه رجلها عجـل اول ما فاتت والبت شاافت العجل انذبح جدامها وهيه طيحي وخربي علينه انوب تورط فيـررس وشالها هيه وبدلتها شكبرهاا وانه كااصيتها تمضحك لان شاايلها

.... والبنيه هم شويه تارسه بس كلش حليوه

ملامحها ناعمة وعدها خدود من تضحك تضيع عيونها وتضل بس شعرات رموشها طالعة طوال ولونهن بني بلون شعرهاا وعيونها جاايه ستايد واحد

حطوهاا عالكرويته بالهول صحوهاا وكعدوا هيه وفارس عالكراسي اعاين الها وردتها ترجف بيدهاا ومبينه خايفة خطيه كسرت خاطري وهم امها تعبانه ما گادره تجي وياها دعيت لله يشفيها

احنه نوزع كيك وعصير عالنساوين نسوان عمامها وخالاتها وفروخنا المصاكعين خلصنه توزيع والعريس طلع مسوين عشه لـ اهل البت وعمامها وكرايبها احنه حتى العرس السكتاوي نذبح ونصلخ ونطبخ بي

ذبينه الشالات عن الشعري جنت حاله شعري ولابسه بدله بلون عيوني عاكسه عليه وحاطه لوجهي مرطب بكته من امي وهيه لو يصير بيدهاا تمسح وجهي بخرجه المسح مات المطبخ

كلساع وكرصتني وانه افتر يم العروس مكيفه بيهاا وهيه حيل حلوه طالعه ومكياجها يخبل

ذبينه فلك انه وسدينه بالرگص گبل لا تجي العروس عشتو بناات عم العريس وفرحانات اول عرس يصير عدنه ومن اجوا المعاريس يله استجنينه شوي

... غاد وحبوبتي رادت سدن حتى نحط سفره راح يجيبون العشه للنسوان مشيت ادور عليهاا و افتر عالحجر وافج بيبانها ومامش هيه جنها فص ملح وذااب

خفت ووين راحت

ومدري شوون طره بالي الفووك ومتوكده الكاهاا يم عگيب ولله هذاا صاير ماا يستحي ولا يخجل اله اكولن لجدي علـيِ

... صعدت وتوني ووصلت يم الحجره مالته اجيت امد ايدي وافج البااب واجتني طكه على ايدي بس مووش طكه لاولله صلخه صلخت ايدي موش شون ما جان

انداريت اشووفن منوو جان الكاه هوه كال

عگاب.....ملكيه شعدددج هناانه

حجيت وعافسه وجهي وكاضه جف ايدي امسح عليهاا واعاين الها بساعة صارت حمره فلك طك ايدك موش ايد گرك لا ولله محرااث

مليكه....ادوور سدينه

عگاب....وسدينه شعددها بحجرتي

مليكه....وانه شدررااني كلت اذ اضيعها الكاها يمك

عگاب...لاله موش يمي وما شفتهاا نزلي بسااعج وبعد اجسر رجليج واحشهن الج حش يوو شفتج وااصله يم الحجر هنانه سمعتي يوو لاله

.... هزيت راسي وهو فات لحجرته وطبك الباب بوجهي غميته ومشيت نزلت جووه واعاين للبنات يحطن السفره بالهول وديوان النسوان هم متروس همه صدك بس اهلنه جايين لجنهم جثيرين حيل عاونتهم وادور عالسدن ماامش البت خلصنه

والنسوان كعدن ياگلن ويثردن سووالف من شفتهم ما عليهم عوز ولا گاصر فتت لغرفتنه اريدن ابدل بدلتي

.... عبن ضجت منها تكرص صدري وركبتي قماشها شوي خشـن فتت لحجرتنه نزعتها واشوفن بالمراية ركبتي وصدري مأكول اكل من الحك بدلت وتوني اعاين اكو بت نايمه بالفراش ومتلفلفه تلفلف تگربت وخرت الغطه عنهاا لانها سدن دكيت على صدري وحجيت

مليكه....وولج سدن خيه شماالج

سدن...برداانه مليكه

مليكه....ياا ولج ياابرد الدنيه تصمط صمط من الحر بره

حطيت ايدي على كصتها داوية ناار موجره

وولج مصخنه انتي

.... ما حجت شي فزيت عالطولي بساعه حطيت شالي عالراسي دثرتها زين وطلعت من الحجره جبت علاج من الثلاجة بالمطبخ ووصله نظيفة وماي مكاسر دافي وبارد سديت باب الحجره وكعدت اسويلها كمادات وهيه جنها بدت تهلوس وتهذي تصيح باسم عگاب وانه اسددن بحلكهاا لا واحد يسمعهاا شيكوول وعلي ما يرحمونها حتى يو جانوا حاجين بيها لعگاب بس ماا ترهم تهذي باسمه

... اطيتها علاج واسمع هلاهل بصوت ناصي موو كلش عالي عرفت زفوا العروس والعريس سوه

رفعت اديه ودعيت الهم بالفرحةوالخير

وكمت عن سدن طلعت بره الحجره اعاين كلشي ملموم والهول يلمع وصوت نساوين جاي من الديوان اضنها كلهن طشت فتت للمطبخ بطني تصوصي من الجوع

....عمتي كريمه وامي بالمطبخ

.....وولج مليكه ووينج ماا تكليلي وين وليتي

مليكه....سددن صخنت وجنت وياها بالحجره سويت الها كمادات واطيتها علاج

كريمه...ياا سوده عليه عميمه وهسااع شحالها صارت اشوه يوو تعتاز طبيب

مليكه...لا عمه ان شاءلله ما تعتاز

بس انه جووعانه وعلي بطني تصوصي ماا ضل من العشه

اطت صواني الجاي عمتي لـ امي وامي راحت بيها لديوان انداريت عليه عمتي وتحجي

كريمه....يمووت الجووع بعد گلبي الحنينه هسااع يجون ولد عمومتج واحط الكم عشه تاني شووي

هزيت راسي وكفت اصفي وياها المطبخ

مسحت الطباخ ووخرت البرده عن شباج مات المطبخ

.... اعاين لولدنه يغسلون المواعين وراه البيت ومادين الصوندات من البير والدشاديش رافعينهاا ومتشكلين بيها السراويل البيضة مكلوبة سوده من صخام الصفاري مات الطبخ بس وعلي خوش يغسلون مواعين خمس دقايق يغسل عشرين صينيه يتشااقون بينهم واصوات ضحكهم عالية دعيت لله يديم هالجمعة وما يفرگهم لا بفرح ولا بحزن

.... للعشره وطشت الناس حطينه العشه انه ولولد وعمتي كريمه الباقي ماكلين بالعرس تعشينه وحبوبتي تنشد عالسدن كتلها مصخنه كملت عشااي تحمدت وكمت اول وحيده جاي اغسل

واسمع صووت وراي فزيت بسااع وصحت

يمااا

عگاب....وصماا شماالج ششفتي سبعبع

سكتت ما حجيت بس اديه وراه ظهري ونشفتها بدشداشتي رد كال

ااكلج مليكه شماالها سدن

مليكه....موش مساعه كلت لـ حبوبتي صخونة شنهي ما تسمع

عگاب....اادري صخوونه سمعت چاا شمالني اطرش بس هسااعة شلونها شون صارت

مليكه...رايحه عنها الصخونة بس هيه متكاسله ما ترضه تكوم من الفراش

خليت وطلعت عنه كعدت بصف جدي مسح عالراسي ومتبسم بوجهي ويحجِ وي حبوبتي عالناس الجايين من اهل العروسة

خلصوا لولد كمت شلت المواعين وغسلتهن وي عمتي وفتت للحجره تعبانه من الصبح نكرب وماكوو وعود هذا عرس سكتاوي شحال لوو معلون والناس كلها تدري ماا نضل نشيل نهج من الحوش مالنه بدلت دشداشتي تبللت من غسل المواعين

حطيت ايدي عالسدن اشوه ما عدها صخونة بس يراد الها تسبح وتكوم مثل الحصاان كلشي مابيها

....حطيت ايدي عالراسي واعاين للساعة صارت بـ ١٢ وانه بعدني ماا نايمه واجه ببالي وارث ليش ماا رضه يجي مو هذاا عرس اخوه وابن عمه وصاحبه من الزغر چاا ليش ما اجه وانوب انه اريدن اشوفه ارتاح بشوفته ومامتعوده يفارك البيت هجي صارله من راح لكربله راح تقبط اله سنة وهو حتى ما لافي للبيت وحبوبتي وجدي ولولد يو رادو يشوفونه يرحون اله

.....عليش هجي وارث جاا احنـه موو هلـك شنهي بساع نسيتنه وبعتنه

شووي وندك الشباج دكات خفيفة كمزت فازه من فراشي خفت وعلي يمه ياهو يدك الشباج هساعة وعلى وكفتي واندك الشبااج مره ثانية جريت شال وحطيته على متوني

.... تگربت من الشباج ووخرت البرده وگلبي يتراجف ويتراعد من الخوف دخيلك يا ابو الحسن

خيال طويل وجثل معكوس عالشباج رديت بسرعة واديه بحلكي تتراجف ورجليه وحده تكصف بالثانيه صخاام بس لا هذا طنطل

سمعت صوت حجي اي ولله حجي

رجعت تگربت من الشباج وحطيت اذني جان اسمه صووت عگاب....؟؟

__

منو من زوجـات ميمـون حامل

شام او بغداد....؟

الثاني عشر من هنا

تعديل المقال