رواية لسنا ابرياء كامله وحصريه بقلم هيلانا

رواية لسنا ابرياء  كامله وحصريه بقلم هيلانا

لسنا أبرياء.. في مرحلة من حياتنا كنا طائشين بعضنا انسحب لحافة النجاة ونجى بنفسه

البعض منا انسحب للجزء المعتم انكسر خسر ونسي ملامح وجهه القديم

كلنا اصطدمنا بالحب.. أحدانا ملأ قلبها سعادة والأخرى خسرت في سبيل حبها كل شيء.

بالنهاية ما حصلنا عليه كان نتيجة أخطائنا عثراتنا وهفواتنا.

نحن نعيش في مجتمع خطيئة البنت لا تُغتفر وخطيئة الشاب مُستحبّة

أي منطق ذلك الذي يسيطر على حياتنا

الصوت بعدة باذاني رجفة إيدهة دموعها خوفهـا الرهبة اللي جانت بيها

آثار الضرب الواضحة بوجهه.. عروس بالفستان الأبيض.

مهما كان هل من المعقول تُقبل رجولته يجيبها للمستشفى وهي بالفستان

أعتقد ما إله حق.

بس شنگول.. بعد الرجل يربط شرفه بأخته زوجته أمه.. حتى لو جان هو بلا أخلاق

كل هفواته وأغلاطه تُغفر بس الأنثى لا.. لازم قتل بدون تفاهم ماكو رحمة.

بذات مجتمع القرى والأرياف.. مجتمع عشائري بحت إيدهم بالقتل هواي دا توصل لهنا ضحايا من نساء

من تسأل عائلتها:-"لشنو متعرضة گبل" يكولون "انتحار" أو شي مشابه خصوصاً بعضهن موتتهن أثر احتراق

بعدين يتضح إن متعرضات لجرائم قتل بشعة وليس انتحار كما يدعون.

لكن هل الموضوع يختفي ممكن يسجل حالة وفاة نوبة قلبية أو حادث.. بسبب دفع الرشوة لدوائر الطب العدلي حتى يزوّرون شهادة وفاة

أما السبب الأقوى إن محد يكدر يحچي حتى اللي يشوف بعينه لأن الناس تخاف من ملاحقة العشائر والثارات

بالمختصر "كلمن يكول أني شعليه"

بالسنوات الأخيرة بعد التطور والانفتاح وانتشار مواقع التواصل الاجتماعي كثرت جرائم الشرف.

هواي حالات تجينه.

السبب الأول هو مواقع التواصل فيسبوك وغيرها اللي سهّلت إقامة علاقات صداقة وحب بين الجنسين اللي صارت منتشرة بكثرة.

كذلك من المفروض نشر توعية بالمجتمع العراقي وتحذير البنات المراهقات من إقامة علاقات خارج إطار الزواج لأن هذا شي يودي إلى قتلهم حتماً.

وعلى الرغم إن هاي جريمة يشارك بيها طرفين لكن العقوبة دائماً تقع ضحيتها الأنثى

أما الطرف الآخر يكمل حياته بشكل طبيعي كأن شي لم يكن.

فالمفروض الكل يعمل على نشر بوستات بكل مواقع التواصل

تحث البنات على الحفاظ على أنفسهن وعدم اتباع العلاقات المحرمة

لان مصيرها الهلاك. أقلها هيچ نحاول نُقلل من هاي الجرائم قدر الإمكان

الآن المجتمع ينظر إلى الأنثى أنها كائن أدنى من الرجل وخروجها عن تلك العادات بعلاقات عاطفية أو التعبير عن مشاعرها

أو اتخاذ مواقف مخالفة للعائلة

بمثابة نهاية حياتها

قضية القتل تحت مسمى "الشرف وغسل العار" شي مو جديد

لا على الساحة العراقية فقط بل بكل الساحة العربية

لا زالت المرأة تُقدَّم قربان لتطهير العائلة من "العار"

من أجل أن يرضى عنهم المجتمع والعادات البربرية الهمجية تحت ستار الثقافة المجتمعية.

استعدل بگعدتهـا بعد ما فحصتهـا فرگت إيدهة بخوف

وعيونه تذرف دموت وكل شوي تباوع لباب مشيت كعدت على كرسي مقابلها أباوعلها بحيرة

حجت من بين دموعها وهي تشهگ

:-دكتورة أبوس إيدچ داخلة عليچ أبويه راح يگتلني

جنت گايمة طالعة لبرا لزمتني من إيدي بقوة حجت برجفة

:-فدوة يموتوني والله

رجف كلبي عليها هزيت راسي بطمئنان إلها گشيت وجهي ومشيت مارة من يمها

صار بوجهي الأب وأمها وياهُم أقارب والعريس. وجوهم تنفض عصبية وعلى كلمة ممكن ينهون حياتها.

منتظرين تقرير يثبت "شرف" بتهم المتهمة بأنها غير عفيفة فاقدة لعذرية

أي منطق وأي بؤس هذا صارت حياة المرأة رخيصة لهل حد أمعقول ورقة بيضاء تنقذ روح من الموت

بعد فحوصات جيكتها وبالفعل طلعت فاقدة لعذريتها

ذكرت كلام بابا

"الله يحب الساترين" وعرفت إن هذا الشي اللي أسويه ضمن عملي.

حبيت أساعدها لأن إذا مو أني ممكن تُنقتل أو تلجأ لغيري وأعرف أكو دكاترة بلا شرف ولا ضمير

مقابل تقرير أو ترقيع غشاء بكارة يستغلوها جنسياً أو مادياً

وهواي صارت هيچ حالات بذات وهي بحالة مزرية ومن خوفها تقبل تسوي كلشي.

وماكو قانون يحميهن لأن القانون العراقي هو اللي زاد من انتشار هاي الجرائم

بالتالي اللي يقتل أخته أو بنته تحت مسمى "غسل العار" ينسجن فترة قليلة

ما تتجاوز ثلاث سنوات وممكن يقل الحكم. يطلع من السجن وهو مرفوع راسه عبالك مسوي إنجاز عظيم. للأسف

الأب والشر بعيونه وبيد مرتجفة أخذة من أيدي وكال

:-أبرينة دكتورة.. أبرينة

هل كلمة جانت إلها تأثير بگلبي لان ديكول كليلي بنتي عذراء

نكسر خاطري عليه

ليش البنات يحطون أهلهم بهيج مواقف

نطقت بعد معارك بين عقلي وقلبي بين الصح والخطأ

ليان:-مابيه شي عمو هذا تقرير كدامكم بعده بنية

أمها الواگفة هلهلت وحچت بفرحة

:-الله يوفقچ يا يمة.. جان كتلو بنيتي بدون ذنب الله يستر عليچ ويحفظچ وينور طريقچ

وكلمات دعاء متتالية

ابتسمت ورجعت لغرفة بعدها على السدية تباوعلي بعيون ذابلة حزينة ندم وتوتر واضح على ملامحها

:-شنو اسمچ

:-غير كتلج

حركت القلم بيدي:-شنو أسمج

:-تُقى

ليان:- تُقى.. كتبت تقرير إنو غشاء البكارة مطاط وشرحت لوالدتچ إن الغشاء يحتاج ممارسة أكثر من مرة حتى ينفض

رفعت راسها مركزة وياي طكّيت القلم بسرعة على الطاولة رفعت عيونها إلي

:-بس أنتي تعرفين هذا الكلام مو صح

هزتت راسها وهي تشهگ

:-باعي تُقى.. هذا الشي لوجه الله راح أسويه لأن عائلتچ يكتلوچ وهذا شي مو مستبعد

لذلك الأسبوع الجاي شوفيلچ طريقة وتعاي أسويلچ عملية وخلال هالأسبوع لا تخلين زوجچ يتقرب منچ اخترعي أي حچة تمام

هزت راسها بالقبول بعدين دخل أبوها وأمها أخذوها وراحوا.

ما أعرف إذا صح اللي سويته بس كل اللي أعرفه حرام تنقتل مهما كان السبب

هي مراهقة ممكن ابن حرام قشمرها باسم الحب وسواها إلها كمرة وربيع وبعدين أخذ اللي يريده وتركها

وإذا نجي للدين الإسلامي فماكو أي دليل على قتل الأنثى.

ممكن تكون أكو عقوبة بس مو قتل

بالأخير هاي الروح ملك الله

بأي ذنب تقتلوها

بأي حق ماكو أي مبرر لهل شي.

دا أمشي بشرود أفكر بسويته قبل كم يوم بسالفة البنية

أحس بالذنب ما أعرف شلون أتخلص من هالشعور.

المقرف ياربي انقطع تفكيري على صوت الموبايل رفعته يارا تافتت

:- هلا يارا

:- وينج ليان

:- جنت بالمقهى وهسه طلعت دا أتمشى.

:-تعاي ولج بسرعة

:- ليش

:- عمه أم سلام وولدها هنا

:- هاي شوكت اجووو

:- ما أعرف مداهمة هسه دخلو كالو راح يبقون فترة يمنه لبين ما يستقرون ببغداد

:- اممم يعني ما يرجعون للبصرة مو عدهم بيت عمي هناك

:- لاسلام يكول هنا يريد يستقرلآن يريد يرجع لدوامة بغداد

:- تمام جاية

سديت الخط وخليت إيدي بجيوبي

ذولة ولد عمي مصطفى وسلام

سلام ضابط بس من زمان بالخارج

يروح دورات بمريكا بالاردن

يعني ما شايفي بس هالكلام من بابا

وعمة أمهم مستقرة برا وهمة وياها على اساس

أما مصطفى ما أعرف شنو شغله أصلاً بس هو دوام بالعراق يجي ما شفته يوم بيتنه إجا

بس أسمع من بابا مصطفى بالمحافظة الفلانية أو بالمحافظة كذا اليوم

من أسأله يكول عنده شغل يجي للعراق.

ما دا أفهم شنو شغله هنا هو مو مستقر بالخارج على اساس

شوي غامض وغريب ما شايفته من سنين أستغربت جاين

أخذت نفس الجو شبيه دافي. مشيت باتجاه شارع حيفا الحدائق والملاعب بيه تفتح النفس.

دخلت كعدت على مقعد قريب على مرجوحة.

شفت إمرأة متوسطة العمر عندها بنوتة صغيرة تلعب بيه تصعده وترجع تنتظرها وهي تزحلك والهواء يلعب بشعرها بحرية وضحكة مرسومة على وجهها.

گشيت وجهي بحزن ذكرت ماما. هم هيج جانت تجيبنا هنا أوف شكد النا ذكريات هنا

جان رحيلها كسرة جبيرة لعائلتنا لي ولاختي وللبابا.

بابا من بعدها رفض يزوج

لآن هو مزوجة على حب جانت طالبة عنده وهو دكتور بالجامعة

قصة حبهم عظيمة ومن جابت أختي يارا صار عندها تعسر بالولادة وتوفت وانخلقت روح جديدة الي هي أختي على حساب روح فارقت الحياة الي هي وتيني وكل عمري أمي.

ربي يرحمها.

مسحت دموعي وأخذت تكسي ورجعت للبيت. بعدني ما فاتحة الباب جان نفتح بسرعة يارا. فكيت حلكي

:-عااا ليش أتأخرتي ليون

سحبتني من إيدي بسرعة للمطبخ.

:- أخخ أووي على كيفج إيدي يارا

جانت تكمز بفرحة بقيت صافنة عليها

:- لجج ليان صكوكك ولد عمچ صكوكك جنهم أتراك دهر صابهم وصاب الخلفهم

:- حبيبتي الخلفهم عمچ بعدين انتي تذمينهم لو تتغزلين بيهم

مشت كعدت على كرسي وخلت رجل على رجل حجت بإعجاب

:- ما أعرف مشاعري مخلوطة بخلاط كهربائي على هل جمال أخاف عليهم يموعون على أجواء العراق

:-ليش محسستني هم مواليد بريطانيا ويموعون ترا هم عراقيين وإذا عاشوا كم سنة بالخارج مو معناها صاروا أجانب

:-گره جبير لبرودچ ليان

أخذت ماي من البراد وهي بعده مستمرة بالحديث الغزلي عنهم

:-كم يوم يبقون عدنه

:- والله وحب هذا شهر كلوو

حطيت الكلاص على الكاونتر بصدمه

لتفتت عليها

:-گولي والله

:- شبيچ نزعجتي

:- شدعوة شهرر هو بيت يكدرون يأجرون من صبح

:- ما أعرف وبابا أصر عليهم وهم وافقوا

:- اهووو شلون ناخذ راحتنه بعد

:-وشبيه ترا هم ولد عمنا ليون مو غربة.

:- ولو كان يبقون محرمين ولازم نتحجب كدامهم. يعني أني بس بالبيت آخذ راحتي أنوب أتحجب

هف

:-امم هاي مشكلتچ أني بالنسبة إلي عادي هو أني بالبيت والشارع نفس اللبس ههههه.

:-ما أعرف شوكت تتقين الله وتلبسين حجاب بعمرچ تحرر مو بشعرچ المهلس الي مطلعته للرايح والجاي

:- عفية أروح يمهم أحسن من محاضراتچ الدينية.

صعدت لغرفتي غيرت ملابسي ونزلت سلمت عليهم ورجعت لمطبخ جهزت الغداء

بعدين نقلوا الاكل الصالة ونجمعنه على سفرة وحدة

الصمت طاغي على الكعدة انكسر تساؤل مصطفى

رفعت راسي اله نظراتة غريبة مخلي ايدة جوة حنكة حجة بهدوء

:-وين صرتي ليان

تلبكت من سوال مدري اني أستحي منهم بذات مصطفى ماعرف يوترني

-: اها اني تخرجت وحاليا جاي ادوم بالمستشفى.

:-حلو صار عدنه دكتورة بالعائلة

بابا حط ايدة على جتفي وقربني جوة أيدة حاضني بيدة وحدة حجة وبتسم بفخر

-: هاي وين ما تريدها معدلة بكلشي بنيتي

بتسمت على كثر المجاملات احس مالها داعي دائما احس يجاملوني ماعرف ليش

بعدين بدة حديث السياسية المايخلص

لمينة السفرة ورجعت سويت جاي ومن بعدها صعدنه اني ويارا جهزنة غرفتين الهم

حجت وهي تنفش بالمخدة

:-هاي الغرفة لشباب ومراة عمي بالغرفة الفوك

-: اي هو هيج لعد خوما نصعدهم فوك

:- ياريت نصير جيران

-: ثكلي شوي ولج

-: مااكدر

عفته ونزلت گلت لبابا على غرفة مال شباب وزوجة عمي اخذتها وياي صعدتها وبعدين نامت

رجعت لغرفتي ظلمة بس ضوء تليفون يارا تحجي بسكوت

ما تبطل سوالف تكبيل مالتها مريت من يمه دخلت لحمام توضيت ورجعت طلعت القران وبلشت اقرة

نقطعت لحظات روحانية بصوت يارا المزعج وهي دكول

:- مو صوجك ليث صوج الغبرة التحجي وياك

تابعت بعصبية ما اسمع ولا كلمه يله ولي

طبكت القران وصدقت باوعت عليها بستفهام

خزرتني بمعنى شتردين؟

ليان: شكوو

يارا: ماكو شي

ليان: اكيد

سحبت الغطاء وطلعت بس عيونها عليه ضحكت

:- خاب هذا العار ليث

-: شبي

-: لج ادبسزز يكلي شلابسه گتلة ملابس نوم كال اي شنو بالضبط

كتله دشداشة قصيرة خفيفة كال وجواها شنو

كتله يعني شنو يكلي داخليات يالوون

ولج كتله ما تستحي ونزلت عليه غلطات يكلي انتي مدري شبيح هسه اني شكلت حبيت اعرف يالون

اريد اعرف حبيببتي شتحب شتلبس والله فد نعال

شعليك وتعرف تريد تشتريلي ملابس هالله

حجيت بحدة واني اشر بصبعي

:- ركزي حب على نت ماكو على نت ماكو حب حب على نت ماكو يحتاج اكرر لو وصلت الفكرة

- اعرف

:- ومرض اذا تعرفين ليش هيج سوين لعد

:- احس بمللل واحب احجي ويا احد ويسمعني كلام حلو

كمت كعدت بصفها باعي يارا يروحي بعدج مراهقة اكو عاطفة ومشاعر مكبوتة بداخلج بس مو معناها

تسوين هيج أسوالف بعدين تكدرين تملين يومج بهواي اشياء مثل تقرين قران وتتعلمين طبخ من نت

تقرين كتب اثقفين نفسج اقري كتب علم النفس

مو كلشي بالحياة حب ولهوو ولعب اكو هواي اشياء

حلوة غيرها جمال بنية تكون واعية مثقفة فاهمة الحياة صح بعدي عن هل تفاهه وطيش لان دمرين نفسج لا اكثر

هزت راسها ورجعت تغطت ونامت اعرف الحجي وياها ماكلة ثور

كل مرة اعيد نفس الاسطوانه وهي دماغها متمدد بي مطي ما تاخذ الكلام

نزلت جوة لمطبخ البيت هدوؤء الكل نايم ساعه بالوحدة فتحت البراد

دا اخذ ماي حسيت بخطوات ورائي جفلت لتفتت بسرعه والضوء اشتعل استغربت من شفته گدامي

:- مصطفى

-: عيونه

عكدت حاجبي بتعجب شنو عيونه ما احب أحد يحجي وياي بهل مصطلحات غير بابا ما حبيتها منه

بس غلست ما علقت:- شدا أسوي

مصطفى:- ما اسوي شي جيت اشرب ماي

ليان:- اها صدفة حلوة انيهم نزلت اخذ مي

اتقرب واني بتعدت عن البراد فتحته واخذ بطل وكف وهو يشرب بطريقة مقززة يطلع صوت محلو

باوعتله بقرف وهو لاحظ هل شي سند ظهرة على براد كال

-: يا محلى الصدف اذا كله هيج

:-عفواا شنو تقصد

:-صاكة بت عمي

:- لا صير قليل ذوق

عاف البطل واتقررب يمي رجعت ليورة بيت ظلمة بس ضوء المطبخ واني ويا حجة برود

مصطفى:- فدوة نتعلم ذوق منج دكتورة

ضوجني ادب سزز مثل ما تكول يارا ما حبيت اتلاغة ويا تركته ومشيت سريع لغرفتي وهو يباوع وراي بنظرات سافلة

شلون راح اتحملهم هل شهر ياربي لو ميت مراة ولا رجال واحد وياي

الصبح على ريوك بابا ما يروح اليوم لدوام وكال مصطفى ياخذكم بطريقة الان طالع يدور على بيت

يشتروا ما عترضت خصوصا يارا عوزها شوي تكمز من فرحه مو گلب كوستر بودها شكوو واحد حلو تحبه

يارا مطبقة المثل اليكول

حطي ايدج على أثنين بالج تفلسين وثالث انتي ويا بمخازر العين

طلعنا و هو منتظرنة كعدت يمه ويارا ورة ومشغل أغنية اصعدج باية باية ونام على جرباية

استغفرالله ولا يكول وياي بنات عيب اصلا الاغاني حرام وفوكها من صبح يعني شتحجي ويا

حجيت بضوجة لتفلي:-مصطفى!!

مصطفى:- عيونه

ليان:- ممكن تطفي الاغنية

مصطفى-: ليش ما عجبتج

خزرتة أبتسم مستفزز:- ترا حرام يعني من صبح اغاني ناس تكول يالله

حجة بسخرية :- ليش اكو وقت محدد يعني مشكلتج بالوقت لو بالحرام

يضحك بستهزاء ويحجي برود وهاي الخبلة يارا ميتة ضحك ويا درت وجهي عنه هذا شارب مركة طيحان حظ حتى اللة غاسله

اول مااوصل يارا العدادية وبعدين توجهنه لمستشفى

والاغنية تكرر وتنعاد وصلني كـال

:: تفضلي دكتورة

اجيت انزل استوقفني صوته:- خوما ازعجناج دكتورتنة

گلبت عيوني بمللل:- انت عاقل مصطفى

مصطفى:- لا والله سن لعقل شلعته من زمان

ليان-: يعني

مصطفى:- شتكولين

ليان:- هدهد جان سببب بدخول الاسلام ونملة غيرت مسار جيش وفيل رفض هدم الكعبة وكثير من الناس كالانعام بلا ضل

ردف بضحكه مستبدة:- هذا قصف ديني بت عمي

ليان:- بكيفك

عفته ونزلت جاهل لا عقل ولا وعي اني هذا هم حظي ما حولي غير الناس الي بلا مخ

جان روتين عادي ومملل بالمستشفى وكالعادة اتصلت بابا يجي ياخذني

وكال راح يجي بس استغربت من شفت مصطفى واكف منتظرني صعدت يمه

ليان:- السلام عليكم

مصطفى:- وعليككم السلام والجمال

ليان:-هذا سلام جديد

مصطفى-: اي خترعته لخاطرج ما عجبج؟

تنهدت ودرت وجهي عنه رجع حجة بتسائل

:- شتحبين اشغل

رفعت تك حاجب مستغربة سوالة

:- هو دنيا الظهر شغل دعاء او قران

مصطفى:- تدللين

جان شغل اغنية لا دكل لامي علية واني اشتغل رقاصة ولا دكل لامي علية وهو يدك على ستيرن بيدة

ويضحك فكيت حلكي مصدومة نزل نظارة غمزلي ورجع لبسها وهو يضحك مو من اكول ادبسزز

ما ائلام والله وصلنا لبيت نزلت وطبكت الباب بكل قوة وهو نزل يم سيارته وصاح وراي

مصطفى:-نعلعلا على غيرتج سيارتي

حجيت بگلبي طبك طوب انت وسيارتك اخلاق سزز

ماعدة اي ذوق ولا اتگيت ما هتميت ولا عبالك اسمع

.

.

دلــيار

أبـاوع گـدامي للحـديقة و صافنـة متجـاهـلة يجـى لتلغـي فوگ مـن راسي

لحـد ماحسيـت بضـربة علـى جتفي نزيت ولتـفتت الها حجـيت بنزعاج: حمس شبيج

سجى:ويامن احجي بيمن صافنة

دليار:ما صافنة اباوع للطبيعة الخلابة

سجى : دنجبي منتبهة شنو جنت احجي

دليار: لا صراحة جنت مطيزتج

سجى: ثول جنت احجي على أستاذ سجاد

لويت حلگي بنزعاج: وشبي هذا

سجى:خلينة و اقعين عيني الاستاذ مبين معجب بيج انتي رافسة نعمة

دليار: بربج سجى يا عجاب ما حب هيج سوالف ومشاعر ولعبان نفس

سجى: اوووي عود ما تأمن بالحب

دليار: يا بابا مو هذا القصد اني ماريد ادخل بهاي الهوسة

سجى:ولج هذا استاذ سجاد درخي الحبل حتى يفيدج

باوعتلها بنص عين : بس هاي مرحلة واخلص شستفاد منة بعد

غمتني درت وجهي عنها طلعت مبايلي اعدل بشالي عليه ..اسمع صوت طلاب

اليوم اخر امتحان سادس احس براحة نفسية ضيم مو مرحلة دراسية كوة يخلص

توني گملت و لصت الامة بالورقة وطلعت منتظرة اختي السجاجة حتى نرجع لان نفس الخط

شوية و لمحتهة وية صديقاتها صوت ضحكهن ينسمع تسولفلهن على عيد ميلادهة و تحجي وتأشر بأديهة

هية رقيقة على خجولة هيج كلهة تحبها للن اسلوبها لطيف و دائماً مبتسمة

عكسي اني اباوع لشخص وجني لازمة عليه لزمة بحيث اذا واحد باوعلي يطفر

احنة تــؤام

"أسـوة و دليـار "

اني الاكبر.. بينة ساعة وحدة ،رغم متشابهين حيل بالشكل،نفس العيون الورثناهن من بابا

والبياض و تدوير الوجه من ماما

نختـلف ،

بالكلام بالاسلوب فرق جبير ،بين تفكيري و تفكيرها .. احنة مثل العملة الوحدة الهة وجهين

البارحة احتفلنة سوة بعيد ميلادنة،احنة وحيدات لبابا وجان كلش فرحان

جان حدث خاص بأسوة أكثر مني ،لان الاحتفالات ماحبهن خصوصاً اذا اني معنية

كعدت بالحديقة على وحدة من كراسي،وصديقاتها يمهة وبقن بيهن واكفات،خلت ايدهة على مساحة واشرت علية

لتفت الي ببتسامة : دليار تعاي هنا

هزيت راسي و اشرتلهة على سجى گاعدة يمهة

لان اعرف كعدتي يم صديقاتهة يعني مزاج خربان لأخر اليوم

هنة حبابات كلهن نفس الطينة كيوت و شاطرات و بنات درة مال الله بس أني مو هيج

كعدت بصف سجى لسمعتهة اسود من تاريخ العراق ، وهم جريئة و ولسان مثلي ارتاحلها اكثر

حركت عيونها بنزعاج: شبيج تباوعيلي

دليار: انتي ليش اخلاقج زفت

سجى : مادري والله بس احس الة علاقة بأسمي

گلبت عيوني گوة تريدلهة حجة تكول اني خوش بنية بس أسمي مخربني

دليار: احنة نصنع اسماءنة مو اسماءنة تصنعنة

سجى: الله الله حكم ما تفيد

شمرت ملازمي بصفي البعد ما استعملهن فگة

عدلت كعدتي افكر شكد اطلع اذا احسب درجاتي ، سؤال تركتة و سؤال خطأ ادري بي

واثنين متاكدة منهم صح و تعاريف خبطتهن خبط بس الحمدلله مجاوبة

قاطعتني سجى: شلونج بالامتحان شتحسين

دليار: احس فرحانة

سجى : كبر .."رجعت كملت بنزعاج"بعدين هاي اختج النسخة الملونة مو بعينهة تأشرج تعاي يمي

دليار: زعلتي

دارت وجهة عود زعلانة ابتسمت وحجيت بسخرية: يطبج مرض زعلتهم

شوية وسمعت حجي طلاب يمنة و هوسة طلع استاذ سجاد جايهم مدرس المادة بالمعهد

الخصوصي ونخلصو عليه وناس تحل وتسأل

سجى شافتة كل شوية ضاربتني لو تغمزلي

كومتني متجه للـ لمة مال طلاب جريتهة : وين يمعودة مالي خلق

سجى: شبيج خل نشوف الحب

دليار: احترگ ابوج

ضحكت وجرتني وراهة وكفنة بس مو قريبين كلش بس نسمع اسألتهم

ملت على سجى: اكلج اني لايصة حيل اذا نجحت الة كاسرة خاطرهم ومنجحيني

سجى: شمالج ثول ابوج مدرس وترسبين

دليار: ترة ابوي مدرس مو مارد يحقق الامنيات وينجحني

كرصت ايدي واشرتلي اباوع ليكدام تقدمت اسوة تسأل الاستاذ عن فرع حلاه الهة وهزت راسهة كالت هيج حليتة

أ.سجاد: عفية بدليار ادري بيج شاطرة

اسوة: لا استاذ اني اسوة

ضحك ودار وجهة على طالب ثاني ..باوعنة بوجوه بعض اني وسجى وضحكنة

دليار : من كثر الحب كام يشوف وجهي بكل الوجوه هههههه

سجى : هههههه يمعودة حگة الرجال انتن تشابهن

دليار: هذا اذا اجة يخطب اطلعلة أسوة و يخطبهة و يزوجهة و مايدري منو هية

سجى : لا تسوينهة كلش دراما هندية رجال استاذ مو اثول

دليار: ترة ثولان هم يصيرون اساتذة بعدين "مهما كبرت قيمة رجل يصبح مطي بالحب"

طكته بضحكة قوية ولتفتو علينة جريت و شردنة خزتنة عابتلهة رجعنة لمكانة نسولف و

ناكل نحاول نطير القلق البدة هسة من النتائج ونستمتع بأخر يومورة شوية وخروا طلاب

وكلمن راح لجماعتة وناس طلعت اجة الاستاذ علينة عدلنة كعدتنة

سأل عينة علية: ها شلونهن طالباتي انشالله جاوبتن

سجى: الحمدلله استاذ ما ينخاف علينة كدهة

أ.سجاد: بالتوفيق

لفتت علية منتظر احجي غلست اخر شيء هو حجة : ممكن تخليني احجي وية صديقتج شوية

بقت سجى گاعدة ما گامت باوعتلي هزيت راسي كالت انتظرج بالباب

بقة الاستاذ يباوعلي ماحجة بس عينة بعيني ديالله ياب راح تبقى هيج مسابقة نظرات

أ.سجاد: اني اريد مصلحتج و مبين انتي خوش بنية نصيحتي الج ما تمشين وية هاي سجى لان سمعتهة مو كلش

التفتت عليه بستغراب و انتة شكو شعليك كمت من مكاني اخذت جنطي و ملازمي و ابتسمتلة بستهزاء

دليار: اشكر خوفك عليه استاذ بس منو كالك اني خوش بنية من يا جهة عرفتني هيج

عقج وجهة و حواجبة ما قابل اليوم اخر يوم واني من بداية السنة حاقدة عليه

دليار: اني امشي وية اليعجبني و انتة مو من حقك تحكم على الناس .. و للمعلومة احتمال اني المو كلش

عفتة ومشيت يغث غثيث مزعج سافل اكرهة يدخل بكلشي بحجة استاذ عبالة خاف منة

ماحبة مو لشي بس دائماً يفشل الواحد

شكد مواقف خلة بيها سجى هاگدوتها من الفشلة ماحب ناس لتحكم على شخص من ضروفة لو شكلة

بدون ما يگعد و يا ويسمعة مجرد ياخذ عنة فكرة وياحاول يقنع ناس بيهة

شفت سجى من بعيد واكفة بالباب و مرتكية منتظرتني تقدمت منهة بدون ماتدري ضربت رجلهة كمزت

ندارت عليه بنزعاج: يييي وجع اخخخ رجلي شلون بعد امشي بعرسي

دليار: احسج ما راح تزوجين ابد

سجى: كش كش عابتلج

ارتكيت على حايط بصفها واكفين ضلت ساكتة شوية وحجت بتردد: اسألج وتجاوبين بصراحة

دليار:گالي وخري عن سجى مو خوش بنية گتلة اني المو خوش بنية

ضربتني بنزعاج: ومرض خليني اكل نعل اسأل بعدين ليش ماتجامليني تدرين بية اضوج من هاي سالفة

دليار: فوگ ما صريحة وياج ماخليج مثل الثولة بعدين اعتبري ذبانة طنطن وهشيها

سجى:ما فرحانة بخلصة السادس بگد ما فرحانة لان بعد ما اشوفة ولا التقي بي

دليار: تذكرين من جنة نسمي الاستاذ الحلو لان مانعرف اسمة

سجى:ايييع لاذكريني طلع حلو بس بالشكل اني مستغربة شلون اكو اساتذة مثلة متنمرين و يدخلون بحياة طلاب مدري شلونهم

دليار: للامانة يشرح عدل و يفهم بس مشكلتة حشري ويدخل بكلشي ومنافق

حجت بضحكة: شخليتي ماضل شيء

دليار: عيونة زايغة

سجى:بس عليج عيونة طايرة

دليار: اني مقررة اتوضف وابقى عزباء لان ماحب الزلم

باوعتلي بخبث:شتحبين هاا ها شتحبين اعترفي

خزرتها وكرصت ايدها حيل گامت تنگز : اخلاق سزز وين طرتي والله صوجي ادافعلج يم ناس

وخرتني كوة بقينة سالفة تجر سالفة لحد ما شرفت اسوة وشلتهة اتصلن بأبو الخط وطلعن

سجى راحت مشي بيتهم بعيد و هية ماعدهة اي شخص يجيهة

حاولت وياهة نوصلهة بالخط مالتنة ماقبلت تگول صديقات اختج مؤمنات و يحسسني يهودية

سجى مو بنت قذرة او شيء او اخلاقهة سيئة لا هية لسان طويل و تصرفاتهة شوية حادة و قوية

و تگول كلشي يجي ابالهة صريحة و تحجيهة طگ بطگ

عاشت وحدهة و شالت مسؤلية امهة و اختهة شخص مثلهة لازم يحط حدود للناس و يتصرف

بجرأة اعلى من بقية البنات لان اذا ماصارت قوية ناس تستقوي عليها

نقطة السودة بتاريخ حياتها ابوهة جان سكير و طعنة واحد ويا لان تعاركوا علة بطل خمر

موتة تافهة و عقد حياة عائلتة و ما خلة اعتبار لبناتة ..سجى تكرهه و تكره طارية و لو بيدهة حتى ما تخلي اسمة ورة اسمهة

موت ابوهة شگد ما جان صعب شگد ما حست بفرح لان شيطان طلع من بيتهم البيوت اسرار و بيت سجى جان عذاب

الاهل نقمة مرات نعمة و انتة و حضك هية اختارت تعيش حياة صعبة و توكف بيهة ضد مجتمع كامل ..اسهل ما توكف كدام ابوهة

لان خلة بيها نقطة ضعف و خوف منة هواي ايام تجي للمدرسة اديها مورمة من الضرب

هية صديقتي من الابتدائية دوم سوة ونعرفها وتجي لبيتنة هواي نعرفهم حق المعرفة

ماما ابد ماتحبها وعلى گولتها "الصاحب ساحب" معارضة دوم لعلاقاتي

تنهدت بنزعاج من حر وهذا ابو الخط يشلع باب الگلب يالة يجي

شفت سيارة اجت صعدن البنات كلهن ضليت صافنة الة يگعدني بصدر يمة

ادري ما استحي وجهي مغسول بمرگة تأففت بنزعاج وصعدت ..

أسوة: لعد سجى ليش ما اجت ويانة خطية دنيا حارة

دليار: كولتلهة ما قبلت

حجت وحدة من بنات: يااا تريدن بت سكير تجي ويانة حتى اهلي يموتوني خوش سمعة و الله

غمضت عيوني اكره حجي الناس اكره الأشخاص ليحكمون على غيرهم بدون ما

يعرفون داخلهم عضيت شفتي والله بيهن عركة بهل ضهرية ..اطلع ضيم سادس

وصلنة نزلت دخلت للبيت سمعت صوت ضحك ماما و بابا طيور الحب

وگفت بالباب انزع بحذائي حجيت بصوت عالي : ســلااام

التفت ماما ببتسامة: هلة ماما هلة حبيبتي شلونج

دليار: الحمدلله..شلونك استاذ محمد

محمد: هلة بيج بتي المابيهة خير وين اختج

دخلت اسوة ركض حضنت ماما و بابا سوة تغزل بيهم نزعت شالي شمرتة على جهة فتحت

ثلاجة شربت ماي ارتكيت اباوع لاسوة انطتهم تقرير مفصل و همة يباوعون الهة جنهة تحجي اشياء مصيرية

حلت الاسألة كلهن كدام بابا وكل ماتحل سؤال يلتفت علية : حليتي مثل اختج

دليار:لا

رند: جا شحالة يمة هسة تجيني محمرة و مكحلة النتيجة

محمد: معدل بابا منين طلعينة اذا كلهة لا

دليار: والله احس روحي حليت وحبيت اجوبتي بعد مادري على الله وعلى المصححين

أسوة: هسة طلعين بكلهن

باوعتلهة بنص عين جان بيدي گلاص ماي تيهتة برود طاح و نكسر عقجت وجهة و همة التفتو علية

حجيت برود : زلگ

بابا باوعلي بشك حجة بحدة: لمي لگزاز

درت وجهي و گلبت عيوني دنكت لميتهم الشيء الحلو أسوة سكتت بطلت تغرد

شمرت الكزاز و غسلت ادية و صعدت فوگ بدلت ملابسي

انداريت على مكتبة كلهة اوراق و ملازم وقلامي مطشرة ...نزلت بسرعة للمخزن جبت گونة

وفرغتهن كلهة بيهة بحيث ماخليت ولا ورقة ولا كصكوصة واني فوضوية كلش

لكيت اوراق و اسألة حتى وية ملابسي ..صاحتني اسوة من جوة اجي للغدة

سحلت كونيتي وراي ونزلت شافنتي ماما :شني هاي ولج

دليار: احضر روحي خاف اطلع بگلهن حتى گبل اشرد

محمد: افا عليج بابا ابني النجر تخليني لوحدي

شمرت گونية بالمخزن ورجعتلة بضحكة: لا بابا شمالني حزام ضهرك اني

اخذني الواهس اجيت اضربة على جتفة وكفت ايدي بالهوة باوعلي بنص عين

ابتسمت بورطة وگعدت بمكاني اكل .. رجعت أسوة تحجي بكل التفاصيل العبرتهة وتشرح خوفها من نتائج

كملت غداي و گمت اخذت اماعيني غسلتهن

صعدت للغرفة طفيت الاضوية شمرت روحي على جرباية منتظرة انام

.

.

أســوة::

گعدت بالاربعة رغم منعسة بس ماحب انام العصر يسوي خمول و ضوجة

نزلت جوة لگيت ماما تلگط تمن و المطبخ هوسة : ماما وحدج لعد دليار بعدهي نايمة

رند: متأملة بهاي الخايسة ماتگعد

ضحكت رحت اغسل ورجعت حضنتهة: بعد مانتعبج كملنة خلي الشغل علينة

رند: تعبجن راحة ماما ماريد بس تشدن حيلجن وطلعن بجامعة زينة و معدل يرفع راس

أسوة: انشالله انتي يس ادعيلنة

طبعت بوسة على خدي خجلت ودرت وجهي ضحكت علية..رحت للسنك غسلت الماعين

نداريت على السلة كلهة گزاز : علة هاي الحالة يصير عدنة فقر بالماعين و الكلاصات

حجت ماما بضحكة: ابوج يشتري غيرهم مو يگول خلوها على راحتهة

صراحة ماحب حركات دليار تصفن شوية و تتخبل تصرفاتهة حادة ما تهتم رأي اي شخص

واذا واحد يأثر عليها كلش فهو بابا كلش متعلقين بعض همة عكسي اني قريبة من ماما

هية ويا يتفاهمون بينهم وصراحة بابا منطيهة حرية جبيرة و يثق بيها مايخاف عليها هم

وعدها تصرفات مزعجة ماتحب واحد يلومها ابد دم اسنونها لوم و العتب ..وماتحب واحد يحاسبها

واذا بيدهة شيء كزاز ماتحطة على الميز تيهه و تخلي ينكسر بأي مكان وين ما جان بيهة حمس عكس الناس

صبيت كلاص جاي الي و لماما حطيتهن و حطيت ماعون كعك من هذا الصلب اذا اشمرة على راس دليار يرجع عقلهة

توني كعدت ندگت الباب تأففت بنزعاج كمت فتحتة جانت مرية مبوشة وياهة جاهل

: شلونج خالة

رديت بستغراب : هلة خالة

: امج موجودة

أسوة : اي هنا ..لحظة بس اصيحة

رحت صحت ماما شافتها سلمت عليهة طلعوا جوارينة جدد نازلين هية دخلت والجاهل شرد للشارع

دخلتها ماما جوة على ساس تگعد بالصالة بس هية گعدت بالمطبخ

گعدت ماما يمهة يسولفن قدمتلهة ماي و بعدني اصب جاي سمعت شيء نكسر

غمضت عيوني بصبر خرب شياطينج دليار

رند: ماما شوفي شنو النكسر

قدمت جاي الهة وصعدت لغرفة دليار اكيد بغرفتهة عود نايمة خاتون ...

اجاني صوتهة تصيح : هيييي وجع شبيك تشمر حجار شباك الخلفوك هوة

عزة عليمن هاي فلك .. فتحت اللاب دخلن لكيتهة واكفة يم شباك ومادة راسهة مديت راسي بصفهة اباوع

: اويلي يابة باع العيون تشك شك

فكيت حلكي على الجاهل واكف ويغمز لدليار ضحكت صدك ما يستحي وهية شعوطت گعدهة من نومتهة العزيزة

حجت عاقجة وجهة بضوجة : انتة ماوراك اهل ..وين الخلفوك يربونك

رد بصوت عالي : كاعدين يم الخلفوج

طكيتهة ضحكة لسانة شطولة ...هية ما كالت باطل دورت بالكاع شافت الحجارة شامرهة شيليهة و شمريهة عليه همزيت اجت بصفة

ضربت جتفها وحجيت بتأنيب: عزززة تخبلتي لو ضاربتة

التفتت علية وكالت بعصبية: هية لازم تضربة بس اني انعس ماجت عدلة

حجة بصياح : مايعرف يرگص يكول الكاع عوجة

دليار: ركصوا علة گبرك انشالله جاهل لسـ..

صميت حلكهة تصيح و منا عالم يسمعونهة لو بابا يدري الة يسوي لسانهة وصلتين

دليار: وجع و خري خنكتيني

أسوة: ومرض تصيحين جنج مطلگة ..نوب شگدج حاطة عقلج وياا

دليار: اووي مو وكت حكمج ماتشوفين كسر جام شباك و كعدني ما متربي

أسوة: ايي تستاهلين حسي بشعورنة من تكسرين الاماعين

دفعتني و طلعت كفشتهة منفوشة و جهة معبس نزلت وراهة اجيت اكلهة يمنة خطار و بطلت خل اخبث شوية

صاحت بنزعاج :ابن الحلو ..خرب گعدني من عز نومتي ما يشوفـ.....

سكتت من شافت الخطار ضربتهة بمتنهة ورحت كعدت يم ماما

حجيت بخبث :ماما ولد بالشارع يلعب و دليار گعدت على صوتة و رزلتة ترزل حتى شمرت عليه حجارة "

رند:صخام بوجهج ما تعدلين انتي

غلست ولتفتت على المرية سلمت عليهة وكفت تلملم بشعرها و تاكل كعك

حجت ماما بقلق:وج شصار بالولد خاف تأذة

دليار:كلشي ما بي جنة فلك ..شمر حجارة علة شباكي و كسرة

أسوة:وانتي ما صدگتي مديتي راسج للشارع و گمتي تفزعين

خزرتهة ماما گامت تبالع و رجعت..لغرفتهة ..خزرة ماما يعني تهديد و لازم استاذ محمد يدخل

رند:اعذيني دادة لتهيت بيهة شالعة گلبي

ام يوسف:لا خية هنا بنات هالوگت ما ينگدرن الواحد يجيب ولد ويرتاح ولا بلية مثلهن

عوجت حلگي و حجيت : ليش خالة انتي ماعندج بنات

حجت بنزعاج: لا خالة كش برة و بعيد شسوي بالبنات خلينة مستورين

رند,:لا دادة بنات نور للبيت شحلاتة بيتج لو بي بنية يگول فراشة تفتر بي

ابتسمت على حجي ماما وحضنتهة من جهتي شگد احب تفكيرها برغم مرات صدك نشلع

حجت ببتسامة مجاملة:لا خية بنات همهن للمات شلنة بيهن ..اني عدي سبع ولد يشيلون همهم ولا اخاف عليهم شايلين عيبهم

أسوة:ماكو فرق بين الولد و البنية

اجة صوت دليار توهة دخلت : لا شلون اكو فرق الاهل يتعبون على البنات ويربوهن و يطلعن للشارع بادبهن .. أما الولد محد يشيل همهم جيب و ذب بالشارع و الحمدلله شوارعنة تعرف تربي

التفتت الهة مبدلة و كاشخة واكفة بالباب وتباوع لأم يوسف مبتسمة

أسوة : صدك والله و دليل هذا جاهل المامتربي واكف بشارع و يسوي ازعاج و يشمر حجار على بيوت ناس

حجيت هيج و باعتلهة اني اعرفة ابنهة قبل شوية اجة وياهة

ام يوسف : يا خالة شتقصدن ولدي ما تطلع منهم العيبة

أسوة: توج كلتي شايلين عيـ...

رند : بناات شنو هذا الحجي كاافي

التفتت على دليار : وانتي وين رايحة؟

دليار: رايحة لسجى خابرت بابا وقبل و كال على جية اني اطلعيلي اوصلج

باوعت ماما بنزعاج : مو جنتن الصبح سوة المن مولية

دليار:عزمتني گلت لبابا و قبل

رند: روحي بس مو تتأخرين

دليار: حاظر

راحت دليار و اني گمت لغرفتي بالبداية عجبتني هاي جيرانة و كيفت جيران جدد ملينة من القديم

گلت بكلبي عدهم بنات نتونس وياهم بس مدري شبيهة ساطرهة الحمزة دخيلة

قبل لا ادخل فتحت باب غرفتها هوسة كلش فوضى عدلتها وشلت ملابس من الگاع

ورجعت لغرفتي باوعت ببتسامة للحايط كاتبة عليه ملاحظات و خطط دراسة

ومرات ماما تكتبلي جمل تشجيعية حلوة مانطاني گلبي اشيلهن سادس ذكريات

________________نهاية البارت

الثاني من هنا

تعديل المقال