رواية كسرتني امرأه الفصل السابع 7 بقلم انين الليل

رواية كسرتني امرأه الفصل السابع 7 بقلم انين الليل

رياص

طلعت من بغداد بالليل بعد ما شفت ايناس ركبت القطار المتوجه للبصره وانا هم رجعت بسيارتي

هي تدري بيه

وانطتني تعليمات أسوق على كيف جنت كلش فرحان واسوق براحتي الصبح وصلت نزلت الأغراض

والهدايا وصعدت الغرفتي ونمت ما حسيت إلا على صوت عباس رياض رياض اكعد اتغدى

و كعدت سبحت ونزلت لكيت الكل مجتمع سلمت عليهم وكعدت اتغديت وره الغدا شربنا جاي وابوي

سالني على سفرتي

امي ما حجت وياي مو عوايدها انا احس بنفسي بعدني تعبان ابوي راح للمحل وانا صعدت أكمل نومتي وفعلا

نمت قريب الساعه اربعه العصر كعدت ونزلت الهدايا وحطيتها ع القنفه الي بالهول

بس احس اهلي بيهم شي او ضايجين من شي

ردت چاي رحت للمطبخ اريد وحده من البنات تسويلي سمعت زينب اتكل المريم

زينب // مريومه هو الصدك كله من ورة رياض يعني شبيها سلمى ما قبل عليها

مريم بحركه // لا زينب هي مرت خالي اشلون ما أخذنا سلمى ما تأخذني

زينب // وشنو هو سامي بكيف امه

مريم // اي مبين بكيفها ما شفتي شلون كاعد حتى ما باوع بوجه العروس ومرت خالج هي تكله كوم وهي تكله

اكعد وهي يالله لبس عروستك الحلقه ولبسها الذهب

زينب // اي شفته وشفته همه شلون عيونه تريد تاكلج وهو يباوعلج

مريم // لا زينب خلي يولي طلع ما عنده شخصيه شنو تكله امه يسوي

زينب // ها جا ما طول هيج صدك خلي يولي ليش ضايجه و الدمعه بعينج

مريم وهي تكابر // لا ما ضايجه عليمن كل شي قسمه ونصيب

زينب // والله مريومه ما يستاهلج باجر الله يعوضج بالاحسن

- الله كريم

انا من سمعت هذا الكلام رحت امشي عل كيف و كعدت بالهول افتهمت من خلال كلامهن انو سامي خطب

نزولا الرغبة امه طبعا لان انا ما قبلت اتزوج سلمى هي مرت خالي مستحيل تزوج سامي ال مريم من هيج

اليوم ع الغدا امي ولا حجت وياي انا حمحمت وكلت

وينجن يابنات تعالن

شفت مريم وزينب اجن خطيه مريم مبين عليها شكد مقهورة من شفتها حجيت ويه نفسي

:: مريومه والله مو بيدي الحب وكعني بس هذا سامي طلع زعطوط وما عنده شخصيه

زينب كالت //ها رياض كعدت صح النوم

::اي كعدت زنوبه تعبان من السفر

الله يساعدك السفر متعب

باوعت الها// زينب استكان جاي

وراحت زينب ومريم كاعده بيدها كتاب على اساس تقرأ جابت زينب الجاي شربته

وبعدين طلعت الكل وحده هديه جنت جايبلهن الكل وحده تنوره وقميص طبعا اعرف قياساتهن

وهالمره اشتريتهن على ذوق ايناس من رحت وياها للأسواق وهي هم اشترت وجبت جنطه المرت عمران

وقطعة قماش الأمي لان ادري بيها تحب تلبس شي هي تخيطه والشباب جبتلهم عطورات هنه عجبنهن

ملابسهن وگالت حلوات كلش وذوق

أمي إجت كعدت يمي وراحت مريم صبتلها جاي وزينب رأوتها شنو جبت الها امي كالت

روحن كدرن ملابسجن وصعدن هدية مرت اخوجن

وراحت البنات وبقت امي يمي طلعت قطعة القماش و انطيتها الها وكتلها //يمه جبتها الج من الكاظمية

امي ردت عليه ابرود // تعيش وتجيب

:: شنو يمه شكو صاير شي

هزت راسها // لا ما ماكو شي

:: اشوفج ضايجه

— لا ما ضايجه على شنو اضوج

سكتت ما جاوبتها بعدها سالتها ::اشلون بيت خالي ابو سامي

—الحمد لله أمس جنا بخطبة سامي

:: اه سامي خطب حتى ما كلي

— وين يكلك مو تكول عندك شغل ابغداد

:: ومنو هاي الي خطبها

— امي بحسرة //اخت الولد الي خطب سلمى شافتها امه بالخطبه وعجبتها وبس كلتله وافق

خوش ولد الله هاديهم شتكلهم أمهم يسوون

باوعت الها وانا شبه المبتسم :: شنو قصدج يمه

—ما قصدي شي كل شي ما قصدي

:: لا بالله احجي

امي جرت نفس // أنت لو خاطب سلمى جا هسه سامي خاطب مريم واحنا من انتو زغار نكول رياض السلمى

وسامي آل مريم

:: ها وانا خربت كل هذا

هزت راسها // اي انت

نفخت :: يمه تدرين كلش زين انا ما اشوف سلمى اله مثل مريم وزينب وسامي لو جان يريد مريم جا

اجه وخطبها

— اي انا ادري سامي يريد مريم بس كله من جوه رأس امه

:: والله حجيه الرجال الي ما يكدر يقررخطبته وزواجه وأمه تمشي لا خير البي

— هاا هيج الحجي صار الام مالها رأي

بستها براسها :: لا حبيبه مو هيج بس شنو بالله ارتبط بوحده لان امي تريدها بالله هذا هم حجي

وصعدت الغرفتي لان اتفقت انا وايناس اني ما اخابرها واشوفها من تحل من الكليه

ثاني يوم التحقت ما كدرت انزل ويوم ثاني هم نفس الشي صارت الساعه بالخمسه العصر قررت اخابرها

طلعتلي المسؤوله عن القسم كتلها تصيحها الي كالت منو انت كتلها اخوها اشو هاي طكتها ضحكه وكالت عفيه

إخوان كل الي يخابر أخو فلانه واخو علتانه هسه اصيحها

سمعته راحت واجت كالت بصوت هامس الوو

هلا يا روحي اشلونج مشتاقلج

أهلا رياض شلونك شخبارك

انا إخباري اريد اشوفج مشتاااق

هههه على كيفك ليش ما اجيتني

حبيبتي عدي شغل باجر أن شالله انتظريني للساعه تلاثه العصر اذا ما اجيت بوجهج للقسم او كي

اي أن شالله

ايناس

هاا رياض

احبج اموت عليج

سدته بوجهي وما جاوبتني ثاني يوم هم ما كدرت انزل جان اكو لجنه تفتيشية الساعه بالخمسه العصر

اتصلت عليها وردت علي المشرفه كلتلي اليوم ما إجت للقسم

انا من سمعت هيج اتخربطت كل أموري وصرت اسأل نفسي :: ايناس وين راحت

ظليت متوتر اجه يمي وفي سئلني انا ما جاوبته مد ايده بجيبه انطاني نسخه من مفتاح سألته :: شنو هذا

وفي // أجرت شقه الي وهاي نسخه خليها يمك ونسخه الامجد

باوعتله باستغراب :: شسوي بيها

وفي // مثل ما هي شقتي شقتكم تحتاجوها تجون بيها حتى لو انا ما موجود وماثثه وكامله

جاوبته :: ليش ما تجيب مرتك وابنك واكعد اهنا واشتري صحتك وراحتك وراحت زوجتك

نفخ وهز راسه // الله كريم يصير خير

نزلت وره الدوام وصلت الساعه ثنتين ونص لكيتهم توهم يحلون انا انتظرت وشويه طلعت هي بس شافتني

إجت علي وفتحت باب السياره وبابتسامتها الساحرة باوعتلي

هلو حياتي

انا ابرود :: أهلا (وسقت السياره )-

ما اشتاقيتلي

ضليت اسوق وانا اعض بشفتي هي ردت

هاي شبيك شنو صاير

جاوبتها بعصبيه :: أمس وين جنتي

هي جاوبتني بهدوء ما يخلو من التوتر // يعني وين بالقسم

:: يا قسم اتصلت وكلولي طالعه ما موجوده

هزت راسها // اي انا كتلها اتكلك طالعه لان عندي امتحان وما ردت التهي عن الدراسه وبعدين اوكف

رياض نزلني اهنا

باوعت الها :: ليش وين نازله

هي بعصبيه // دا اگولك نزلني اهنا ما اريد ابقى ولا لحظه يمك

:: شبيج ايناس شكو شصاير

مصار شي بس ما اريد ابقى يم واحد ما إله ثقه بيه

1

وصارت تبجي انا وكفت السياره وباوعت الها يالله هاي البنيه بكل شي ساحره حتى وهي تبجي صرت اكللها

:: آسف مو قصدي اسكتي

وهي بس تبجي كمت عليها وحضنتها وانا ارجف من كثر الشوك الي بيه واحجي بهمس

:: والله آسف يا عمري يا روحي ظل بالي وانتي ما كلتيلي

هي ظلت ساكته على صدري ونفسها انتظم يعني هدئت باوعت الها وكتلها

:: يالله نمشي نتغده

لا رياض باجر امتحان ما اكدر

:: شنو يعني هسه ترجعين

اي ارجع

:: ويمته اشوفج

باجر

:: ايناس اريد اشوفج مو دقائق اريد تبقيين وياي

خلص باجر راح اكول حبات يم رانيا نتشاوف وترجعني البيتهم بس مو نتاخر عيب من اهلها

:: بس شيصبرني الباجر

هي ابتسمت وحجت //عابت صاير شكد وكيح

ونزلت للقسم وانا احس بروحي نزلت وياها عرفت بروحي انا مو بس احبها لا انا أعشقها وأموت عليها

ثاني يوم طلعت الصبح ورحت للدوام وفي نزل مجاز وامجد عنده خفاره وانا نزلت وره الظهر وبقيت منتظر

ايناس انا وكفت من الجانب الآخر علمود من تجي تصعد براحتها بعيد عن أنظار صديقاتها كنت اباوعلها من بعيد

بس شكد يا ايناس تشاقين وتضحكين ومن احجي وياج تتمزعلين وذوله زملائي وعادي اجت سلمت علي انا

جنت اغلي من القهر بس مجرد ما سلمت انا بردت

ورديت عليها السلام وانا مبهور بخصرها ولبسها واناقتها

:: خلي نروح نتغدا لان كلش جوعان

ابتسمت // مثل ما تريد

ورحنا للمطعم اتغدينا وكعدنا شويه واحنا ساكتين طلعنا من المطعم ورحنا للمتنزه هم كعدنا

ايناس بدأ شعرها يطول وهذا الشيئ فرحني لان هي اخذت كلامي وما صارت تكصه اتقربت يمها وسالتها

:: حبيبي ليش ساكته

هي دنگت // ما كو شي بس اريد اطلب منك طلب

:: روحي اطلبي كلي الج

اليوم شفت تنورة لابستها وحده من صديقاتي واريد اشتري مثلها لان عجبتني

:: بس هاي الف طلب يالله كومي

وين رياض

::تشترين التنورة

مو إلا هسه اخاف ما شايل فلوس

::ولك اصيرلج فلوس شعندي غيرج

ورحنا السوك المغايز الي بالعشار جان مكتظ بذاك الوكت بالبضائع الي تجي استيراد عن طريق الأردن وإيران

بسبب الحصار وكان على جانب المحلات ازدحام جدا قوي على ملابس الباله

هي راحت تدور بالمحلات إلى ان وصلت الواحد من المحلات وطلبت التنورة وهو طلع الها هواي موديلات وهي

تباوع وتأخذ وتكدر بيهن الي لفت نظري انو عدها ميانه ويه أبو المحل انا اباوع الها واسكت وهو يكلها انا عارف ذوقج

وهي كل شويه تروح الغرفة الملابس تكدر المهم اخذت بدل التنوره اثنين وياهن قميص ويلك وهي تسولف

ويه أبو المحل انا احس اذا ابقى شويه يمكن ارتكب جريمه سألته :: اخي شكد الفلوس

هو ذكر المبلغ وانا دفعت بعدين طلعنا شافت محل لبيع الألبسة النسائيه الداخليه وسيتات النوم هي حبت تشتري

بصراحه اتعجبت من جراتها وراحت واشترت انا عجبني سيت نوم أحمر وثاني ابيض اشتريتهن الها كلتلي

وهي تضحك // وين البسهن

:: ضميهن من نتزوج

بس هذني جريئات كولش

:: انتي تلبسيهن الزوجج

هي ابتسمت اخذت العلاليك وخليناهن بالسياره وانا صعدت وهي هم بس انا كنت اغلي من الغضب مشينا بالسياره

هي باوعت وحجت

شبيك رياض ليش ضايج لا يكون لان اشتريلتلي شكم قطعه ترة هسه اروح ارجعهن

انا ساكت أسوق وكلبي مليان منها ودي الزمها واذبحها هي انتبهتلي وحجت بصوت عالي

رياض وكف السياره ونزلني

بقيت اسوق بدون ما اجاوب ردت عليه // دا اگولك رياض وكف السياره اذا ما توكفها أفتح الباب واشمر نفسي

انا زيدت سرعة السياره هي كلتلي //شوف رياض راح اشمر نفسي ومدت ايدها ع الباب

تريد تفتحه لزمتها من ايدها وأيدي الثانيه ع الستيرن فترت السياره اوكفتها هي نزلت وكامت تمشي بسرعه

وتبجي وانا اباوعلها جان الوكت بعد المغرب انا صرت امشي بالسياره على كيف وحجيت وياها

ايناس لا تتخبلين ارجعي اصعدي كافي

هي ولا تسمعني نزلت وراها لزمتها من ايدها ودرتها علي اريد احجي وياها عتت اديه وصارت

تمشي يسرعه رحت وراها لزمتها وحجيت وانا صاك على اسناني

::ايناس امشي اصعدي

هي ابد بقت تمشي اضطريت الزمها عتت ايدي انا ما اتحملت ضربتها راشدي هي تفاجئت لزمت خدها بايدها

بعدين لزمت ايدها وصرت امشي بسرعه وهي هم تمشي صعدتها بالسياره

صعدت وهي كامت تبجي بصوت مسموع ضربت ع الستيرن وكتلها

:: ليش تبجين عليمن على سوالفج ويه أبو المحل وميانتج ويا وانا واكف عبالك كرن

:: لو ويه أبو الملابس الداخليه لمن تكليله اريد هيج لون واريد هيج نقشه ولا كأني موجود

وما تريدين اضوج لاونزلتي من السياره وانتي صاحبة الراهي يعني انا ماالي وجود

هي وبعد هي تبجي //ريا.ض.ارجوك نزلني

:: اسكتي ايناس كافي لاتحجين

وانا مصره انزل اهنانزلني رياض

:: كافي انجبي وين انزلج

وهي تبجي // اهنا اهنا نزلني ما ابقى

انا سقت السيارة وانا ساكت وكل ساع اضم ايدي اواضرب ع الستيرن وانفخ وهي بس تشاهك

من البجي وصلت المنطقه هادئه وكفت السياره وباوعت الها اخذت كلنس وادنيت يمها وانا

أمسح خدها من الدموع ::كافي لا تبجيين يالله كافي انا اسف

هي سكتت ما حجت بس بعدهي تشهك من البجي گتلها ::يالله شويه ننزل نتعشى اندل اهنا خوش مطعم

هي جاوبتني //لا ما ار ي د ان ان زل أخذ ني الي بي ت ران يا (لا ما اريد انزل اخذني البيت رانيا )

:: كافي بچي نتعشى واخذج الرانيا

هزت راسها // ما أري د اتع ش ى

:: وج انا جوعان

اي روح اتعشى اني ما اريد

::أستغفر الله ياربي

كمت دكيت هورن اجاني العامل مال المطعم وصيته ع سفري مشاوي

هي ساكته اجه العامل وجاب العلاكه وشغلت السياره هي هدئت شويه وكالت // اخذني البيت رانيا

ولو اتاخرالوكت

:: شنو يعني ما تتعشين

الوكت اتأخر هسه شيكولون علي اهلها وين جنت

انا اتذكرت مفتاح وفي باوعت الها وحجيت :: انوسه حياتي كافي دلاعه موتيني

اني شنو كتلك اريد اروح ال رانيا

:: انوس حياتي انتي واثقه بيه

هي على اساس زعلانه //وانا شعلي بيك

::حبيبتي بعدج زعلانه

اي زعلانه هواي

::وانا مستعد ارضيج

والله ما أرضى

:: لا تحلفين انتي هسه زعلانه وهيج تحچيين

هي سكتت انا اباوع الها وكتلها :: ما جاوبتني انتي واثقه بيه

هي هزت رأسها وكالت //واثقه واني مغمضة

:: زين امشي وياي

وين روضي

:: هنوب روضي سمطتي جد جدي (باوعت الها ) نروح الشقة وفي

هي نشغت وعكفت حواجبها //شنو رياض انت شعبالك شلون هيج تسوي يعني لان ا.شتريتلي قطعتين عبالك

اني رخيصة هلكد اني بعينك رخيصه

باوعتلها بغضب :: اششش لا تكملين امشي وانا افهمج توج تكولين واثقه

بس شلون شلون تقبلها علي ليش هيج ريا.ض. نزلني اترجاك

:: وج كافي اسكتي ولا تكولين نزلني وين بهالليل يالله وصلنه انزلي ونزلي الغراض

هي هزت راسها // انت شدا تحچي مستحييل انزل

:: ايناس لا يروح تفكيرج لبعيد هاي شقة صديقي ومو عبالج احد يجي بيها اريد اگعد انا وياج نتعشى ونسولف

وبعدين اروح شنو مو توچ اتگليلي واثقه وانتي مغمضه

نتأخر رياض

:: انزلي وانا افهمج

نزلنا جانت الشقه بالطابق الأرضي تلكانه الحارس سلمت علي هو عرفني لان شافني اجيت ويه وفي ويانا امجد

اجينا اندليناها وشفناها ورجعنا او وفي فهمه من يشوفني انا وامجد عادي لا يحچي ولا يسأل

فتحت الباب وهي دخلت وبيدها علاليك الملابس وانا بيدي صينية العشا ودخلنه الشقه جانت زغيره بس مرتبه

صاله بيها قنفات وبيها غرفتين وحده بيها غرفة نوم جديده والثانيه جربايه ام النفر وميز هي كعدت على القنفه

وانا كعدت مقابلها رأسا حجيت

::ايناس حبيبي كومي بدلي ورتبي النه عشا يالله حبيبتي

باوعتلي // شنو ابدل رياض احنه نتعشى ونطلع

هزيت راسي :: نبقى اهنا شويه وبعدها انتي ابقي وانا ارووح

ابقى ابحدي ؟!

هزيت راسي :: اي حياتي تبقيين والمفالح عندج والصبح اجي عليج اريد اشوفج ما شبعت منج

هي بابتسامه // هسه تاكول وتشبع

طلعت تراك هي اشترته ودخلت للحمام غسلت وبدلت وراحت اخذت الصينيه وراحت للمطبخ خلت الأكل

ع ميز الطعام وخدرت جاي ع الطباخ وصاحتليى علمود نتعشى انا غسلت وبقيت بملابسي العسكريه اتعشينا

هي ما أكلت شي بسيط انا وره ما تتعشيت رحت غسلت وهي جابتلي الجاي بالصاله حسيت بيها

هي زوجتي اووتمنبت ان تكون زوجتي وهيج تحضرلي العشا وتسويلي الجاي هي ساكته انا بادرتها بالكلام

:: باجر ما عندج امتحان

لا ما عندي

::زين

شربت الجاي واقتربت يمها رفعت حنجها وانا اطمانها //ايناس حبيبتي ليش خايفه

ما خايفه بس

:: بس شنو صارحيني

يعني بنيه واجت وياك الشقه شراح تاخذ نظره ع ...

قاطعتها ما خليتها تكمل :: اش ما اسمع كلمه وج انتي حياتي وروحي انتي شرفي وعرضي شاخذ نظرة انتي ام بيتي

بعدين انا تجاوزت بشئ عليج

هزت راسها // لا رياض كل شي ما تجاوزت

:: اي شكو داعي هذا الكلام

خايفه رياض

:: مني

لا تنسى انا بنيه وسمعتي تهمني

:: وتهمني حبيبتي انتي صرتي كل شي بحياتي وبعد شكم شهر تصيرين زوجتي وام بيني

لفيت اديه حواليها وحضنتها وهي دفنت رأسها بصدري وكانت تجر نفس عميق اخذتها وكعدنا ع القنفه

وهي تقريبا نفس الوضع رأسها ع صدري بقينا ساكتين وانا كل جسمي بدأ يرجف حب واشتياق وعاطفة صرت

امرر أصابعي بوجهه وبعدين تقربت منها ردت ا بوسها بكل مكان لكن تذكرت شنو هي بالنسبه الي يعني

لازم بكل الأحوال اضبط نفسي رفعت حنكها وبستها برأسها وبقيت مغمض عيوني واحس بروحي صارت

عدها وهي نفس وضعها ضامه وجهها بصدري وتتنفس

بعدها رفعت وجهها وحجيت لان اخاف ما الزم نفسي عنها اتصدگوني مشتاق الها وهي بحضني

:: انوسه لازم اروح وباجر الساعه سبعه ونص الكاج جاهزه انتي اقري وعندج ملابسج الجدد البسيهن وهذا المفتاح

اقفلي زين عليج الباب

ليش انت وين رايح

بصراحه اتفاجأت من سؤالها وردت ابقى يمها لكن انا اخاف عليها من روحي

:: انوسه رايح البيتنا ما اكدر ابقى اهنا حبيبتي راح أوصي الحارس يدير باله عليج التلفون يمج اي شي بس اتصلي

ها حبيبي اروح وانا مطمئن

:: جرت حسره //اي الله وياك

يالله مع السلامه

وطلعت واطمنت انها قفلت الباب وصيت الحارس ينتبه وانطيته بقشيش وانا رحت للبيت وصلت وسلمت عباس كال

عبالنا عندك واجب

:: اي عندي بس من كملت سمحولي اجي كلت اسبح وارتاح لان باجر اطلع من وكت

امي // ها يمه تريد عشا

:: لا متعشي وشارب جاي بس اريد أنام تصبحون عل خير

وانت من أهل الخير بس قبل لا تصعد بارك العمران

باوعت :... ها خير شنو ترقيت

عمران //لا يابه هو المدرس شيترقى بس اخوك راح يصير أب

ضحكت وگلت ::اييي وأخيرا راح الكى واحد يصيحلي عمو الف مبروك عموري يتربى بعزكم

يوم ال الك أشكرك

امي //جا يمه شد حيلك واتزوج وهم خلي يصير عندك جهال نفرح بيهم

:: أن شالله حجيه يالله تصبحون على خير باجر وراي طلعه ع وكت

امي //هو انت هالايام ما ادري شبيك حتى ما نشوفك

:: يمه الدوام وتدريب وتعب

عباس // رياض امي ما تفك منك خلتك براسها

امي //. اي والله ما افك منك خايب اريد ازوجك

عمران //صدك رياض يالله نريد نفرح

امي / يمه اذا ابالك بت حلال كلنه ونروح نخطبها

جاوبتهم وانا ابتسم :: أن شالله هو اكو بنيه أبالي بس خليها هسه

امي //وليش يمه تخليها شنو خاف ما عدنا نعد عليها

مريم //عليك الله روضي كلنه مني هي

:: ابنيه بكلية الطب انا اشوفها مناسبه الي

عمران //اي يا اخي دكتوره من زمان وخلي نخطبها

:: لا مو هسه أن شالله على نص السنه

امي //ان شالله بيها الخير

مريم //يمه هلهلي فرحتين ليلى حامل وروضي راح يخطب

وهلهلت امي بس هلهوله مو عاليه كالت جي ليل

وصعدت الغرفتي نزعت ملابسي واخذت حمام وانا احجي ويه نفسي

:: انا من اخذت ايناس للشقه تصرفي صح او غلط !!

طلعت من الحمام ولبست واتمددت ونمت الصبح المنبه مال الساعه دك ع الساعه سته كعدت وغسلت ع

السريع لبست وطلعت امي شافتني

:: صباح الخير

صباح النور يالله يمه اكعد خلي اصبلك ريوك

:: لا حجيه ما اكدر هم يالله اوصل

طلعت بسرعه بالطريق اخذت صمون وجبن ورحت دكيت الباب هي ما جاوبت دكيت مره ثانيه وحاجيتها

:: ايناس افتحي انا رياض

وفتحت الباب شفتهامبدله بملابس الي اشترتهن طالعه تخبل شعرها شويه بي بلل لأ ن ماكو مجفف وحضرت الجاي

واتريكنا غسلت وراحت للغرفه وره ربع ساعه طلعت خاله مكياج اكيد بجنطتها لان هي ما اشترت بس مكياجها

صارخ انا شفتها كتلها :: ايناس خففي المكياج

هي بدلال // هاي شنو روضي حتى من المكياج تغار

:: من ابوج هم أغار افتهمتي وبعد من تردين تشترين شي انا اروح وياج وانا الي احجي واتعامل انتي بس تاخذين

الشي الي تردينه مفهوم سمعتيني

هي ردت عليه //اي سمعت بس ماكو داعي العصبيتك لا تنسى انا شكم سنه واصير دكتورة يعني الي كياني وشخصيتي

تدنيت عليها وحاجيتها //شوفي ايناس وياي تنسين انتي دكتورة وياي انا مسؤول عنج افتهمتي

هي ابتسمت ردت احظنها بس هي اتمنعت وطلعنا وصلتها للكليه واغراضها بقت بالسياره وصلت للوحده مالتي

تلكاني أمجد //ها رياض اليوم منشنش سولفلي

:: عدي شغل أخلص واجي احجي مجودي ما اريد واجب اليوم اريد أنزل

هو غمزلي // جا لا تحجيلي عرفت شبيك اليوم فرحان

وره الدوام ركبت سيارتي ورحت وشفتها حبيت نتغدا انا وياها هي ما قبلت كالت مو يومية وبعدين

هي وراها قراءه وامتحانات وبقينا هاي حالنه نتشاوف وساعات تضرب الدوام وأيام ما تنزل الاهلها

بحجةةالامتحان

احنه شقة وفي بعد ما رحنالها لان هي ما قبلت وجانت تزعل من افتح موضوع الشقه وتكلي

رياض انا موورخيصه على مود اشوفك بشقه هذيج المره اضطريت

:: اسف ياعمري والله ما اقصد كل ما بالامر احب اكعد وياج ابحدنا ما اريد احد يشوفنا

تدري رياض من اكعد وياك انسى العالم تدري حتى انسى نفسي بس انت انت روحي وحياتي

جان كلامها يفرحني ويفرحني بشكل وابتدت امتحانات اخيرالسنه وانا بس صرت أوصلها للقسم لان

هي ملتهيه تقرأ وجنت ضايج اشلون افاركها بعدين

اتفقنا اني أمضي الأجازة يمها ويومين نتخابر بالتلفون وفعلا صرت ما احب انزل يوميه علمود

اخذ الاجازه واسافر البغداد وچنه نمضي احلى أوقات سووا انا بهذا الوقت اترفعت صرت ملازم اول يعني

مثل أمجد بس هو أقدم ما تتصورون ايناس من سمعت شلون اوصف فرحتها بذاك اليوم وهي تحضني من

سمعت بالخبر وشافتني بالقيافه والخجل الي انرسم ع وجهها لمن حضنتني بدون قصد طبعا

هي نجحت وراحت مرحله رابعه وانا اشتريت الها هديه مداليه ذهب بيها اول حرف من اسمها داخل قلب كان كلش

حلو وهي فرحت بي هواي أما بالنسبه الاهلي سلمى بت خالي تزوجت واخوها وراها بأسبوع هم تزوج جنت توني

راجع من المقر جان عندي واجب واجيت الاهلي وامي تلكتني وحجت وياي وهي ضايجه جان تكلي

يمه باجر حنة ابن خالك وعكبه العرس

باوعت ال مريم مبين عليها الحزن تدرون حسيت بالذنب احس انو لو انا موافق ع سلمى يمكن هسه مريم أسعد وحده

بس انا مو بيدي انا خابرت سامي رغم بيني وبين نفسي جنت حاقد علي

خابرته وباركتله ثاني يوم الصبح جنا نتريك بالمطبخ انا باوعت ال مريم وزينب وحجيت

يالله يا بنات همن اديجن حتى نروح للسوك اشتري الجن ملابس للعرس

مريم بحزن //لا رياض عدنا

زينب وكفت //انا راح أبدل

انا باوعت ال مريم //مي خالف مريومه امشي يجوز يعجبج شي

ورحنا اشترينا واخذت البنات العصر للحنه وهنه بقن ويه امي يساعدنهم بالعرس ثاني يوم

زفيت سامي بسيارتي وانا اباوع إله شكد ضايج واحجي ويه نفسي

:: طاح حظك جا اذا ضايج هلكد شبيك تزوجت وحده ماتريدها قابل انت مرة وغصبوك عليها امدااك اي والله

وخلص العرس وجانت الأيام كفيله تنسي البشر ومن ضمنهم مريم وخلصت العطله وعباس نجح وجاب معدل أهله

دخول كلية الهندسه ومريم تخرجت معلمه وزينب بكالوريا وحبيبتي رجعت وجنت بوكتها أسعد إنسان بالدنيا

وقررت بنص السنه اخطبها وظلينا واحد يشوف الثاني ساعات هي تعتذر بسبب زخم الدراسه وساعات نزعل

وراسا نرضى وصارت تروح وياي من تريد شي وتحجي وياي وانا أحاجي ابو المحل وادفع والي تريده تأخذه

فد يوم اجه وفي وسئلني هو وامجد وكلي

رياض شنو نهاية هاي العلاقه

:: وفي راح افاتح اهلي بالموضوع واخطب بنص السنه

وفي // يعني تحبها رياض ؟

باوعتله وانا مبتسم //شوف هذا شيحجي ولك مو احبها اموت عليها

امجد يطگ اصبع // خوش لعد هاي ينراد الها سهره وعلى حسابك

:: تستاهلون بس مو من سهراتكم

وفي // لا رياض هسه احنه ندري بيك انت العاقل الي بينا والمؤدب بس وداعتك من ذاك اليوم

الرحت بي وجانيت تسأل عليك يعني لو ما جنت عاجبها ما سئلت

جاوبتهم :: غلطه ياجانيت ياابليسكم مستحييل اروح وياكم واخون ايناس

وفي //وشنو يأبه ايناس عدها أقمار صناعية وتشوفك ما علينه نروح يعني نروح

:: اهووو شيفكني منكم

أمجد //روضي دامشي ويانا سويلنه واهس

:: طاح حظكم وحظ واهسكم وانت أمجد شمتاني ما تتزوج بدل ها الدياحه

أمجد //اي صحيح شو بس انا بقيت أن شالله اتزوج هسه كلي اليوم اتفقنا

نفخت حييل ::شوفوا ادري بيكم دايحين ما تفكون ياخه اروح وياكم بس ما ادخل اوصلكم

وفي //عيني وهاي شلون تكون سهره بس اوصلكم

وگفت وگلت ::والله هذا العندي عاجبكم اعشيكم على حسابي ونكعد نشرب كهوه تدللون بس مال بيت روز لا انسو

امجد //براحتك عشينا او وصلنه وانت روح اكتب قصايد الحبيبتك

حاچيتهم بثقه ::طبعا واحلى اشعار لان انتم ما جربتوا الحب والعشك الي انا عايش بي

وفي //عمي على كيفك نزار قباني

امجد وهو يضحك //لا جميل بثينه

رديت عليهم ::انجبوا وسكتو

العصر طلعنا ونزلنا للبيت ورحت سبحت وارتاحيت واتصل وفي گلي // يالله منتظرين تعال نتعشى علمود نروح

ورحنا للمطعم واتفقنا نعوف سياراتنا ونروح بسيارة وفي وصعدنا وانا اسب بيهم وألعن

وامجد بس يصنف لكن وفي ضايج من اجه مجاز اكيد المشاكل الي بينه وبين زوجته وأمه

لان اشوفه كل شويه يصفن ويتحسر ويدخن واكثر من مره صاح بوجه امجد الي بس كلمة على كيفك وفي

وصلنه البيت روز ونزلو همه وانا بقيت

وفي باوعلي وكال //اكلك رياض انزل شنو تبقى اهنا اخاف عليك

:: لا تخاف انا اروح وبعدين اجي عليكم

لزمني من أيدي //تنزل يمعود عود سلم وأكعد عاقل كل شي لا تسوي

:: وفي ما انزل انتم ما تفهمون

امجد //نفهم روضي بس هلمره ودع العزوبيه ومثل ما كال ابو مصطفى اگعد عاقل

عضيت على شفتي ::مو انت ادب سزز اكثر منه

وفي //هاي شنو منك نسيت انا رئيسك بالعمل

هزيت ايدي ::اي رئيسي بالعمل مو بالدياحه

لزموني من ايدي ونزلوني //داانزل انزل جاي تمشي براسنا مثاليات

واتلكتنا هاي صديقة وفي واتذكرتني وهي تتصرف تصرفات ،،،

كعدنا جان البيت نظيف لكن انا احس بقذارته كام امجد يتشاقى وياها بس وفي مو على بعضه ما اعرف شبي

وحتى امجد احس بي ما اله خلك بس يتصنع الضحكه وهاي بس تباوعلي وتهز برجلها وجكارتها بحلكها وتكول

وفي شو هذا صاحبك بعده مطفي عاد جانيت تكول خوش رجال وسخي وكدها

وطكتها ضحكه واجت وحده ما اعرف شنو لابسه او ما لابسه وشغلت مسجل وكامت تركص لان

اليوم الظاهر الكعده بس النه وهي برقصها جانت تثير اكبر واحد المهم امجد ما اتحمل كام عليها وسحبها يمه

وفي ظل يتشاقى بكلام سوقي ويه روز وانا بقيت وفي باوع الها كلها

روز حبي شمحضره الصاحبي راح يدخل عش الزوجيه وبعد ما تشوفينه

كلتله //حتى لو يتزوج يظل يدور ليش انتم الزلم الكم امان

انا باوعت الها باستهزاء وفي گللها

==وين جانيت بيا غرفه

...جانيت اليوم ما موجوده اخذها واحد البيته تونسه /وصارت تضحك بوقاحة //

انا ضجت من حسيت جانيت شكد رخيصه بس هي بادرتني

بس اويلي شلون عندي وحده بعدهي بالباكيت تلوك الحلكك

وفي يستهزا من كلامها بضحك //شنو اليوم متعينه عندج طالع امرها

روز //لا عيني دووم تجي بس شغلتها خاصه بس الذكي يفهمها ويرتاح الها

وفي //هااوليش

روز //ههههههه لان تكول بعدها بنيه بس شنو من ابنيه تخبل مو بشر شكد عليها طلب

غمزتلي وكالت //روح جرب راح ترتاح وما تنسى هاي الليله

انا جاوبتها باشمئزاز //ما أريد ما احب هيج قذاره روح انت وفي انا خليني هنا كاعد

روز //لا عيني وفي الي ما اخلي الاي وحده إلا انا وبعدين بكيفه

وفي وكف وانا عبالي يكلي امشي نطلع لان شفته ضايج وكفت هو دفعني وكال

دروح جرب وشوفها واتونس

ودخلني للغرفه فتحت الباب و سديته شفت وحده كاعده على قنفه جان الضوة أحمر خافت انا شفت جسم

بكل عمري ما شايف مثله ما اعرف شنو اوصفه واحجي ويه نفسي

مع الاسف هذا الجسم هيج رخيص

سديت الباب قفلته وفتحت الضوة وحسيت انو خلص العالم انتهى شفتها هي هي بعينها

الثامن من هنا

تعديل المقال