رواية انثي في معتقل الحب الفصل السابع 7 بقلم عطر الورد

رواية انثي في معتقل الحب الفصل السابع 7 بقلم عطر الورد

البارت ٧

مساء الورد

(صوتيلي قبل لاتقرون::تفاعل)

عندما كنت صغيرة

كنت لاأعلم ماهوة البكاءخفيا....

كنت لاأعلم ماهيه الوحدة.......

كنت أظن أن أكبر الهموم عندما ينسكب الحبر على رسمتي .......

وأن أكبر المخاوف أذا نسيت وضيفتي المدرسيه في البيت.......

كنت لاأعلم ماهو الشعور الغصه في حلقي.....

كان قلبي مازال أبيض لم يتلطخ بسواد الحياة

كنت بريئه كالملائكة.......

والآن اصبحت...كالليل المظلم....

(منقول)

ديمة.....

احاول الزم اعصابي وياه وما اجفص...لان هو الطريق...الراح يوصلني لخوية...ماعندي خيارات....غيره....

اضطريت اوافق....اشوف وين توصل وياه...

سيف:اي ديمة راح اعرفج عن نفسي كصديق ...وانتي عرفينه...اني سيف مواليد ١٩٧٧ انتي شكد....

ديمة:وبكلبها....هسة هذا الشايب...اعرفه ع نفسي والله يالله....

ليش تسأل...

سيف:ها بدينا...ترى سوال عادي...ماراح اجاوز وياج...

ديمة:اي هسة صار يبيع...اخلاق...هو انته شخليت ...ويكول ما اجاوز....

أوف لو يبقى احجي بكلبي....راح اتخبل...

اني ...مواليد ١٩٨٩...

بوكتها...جان عمري...١٧ وهو٢٩...

سيف:العمر كله...

ديمة:هسة فدوة شراح اسوي...ع اخوية...شوكت تنطيه الاكل..انتو تنطوه اكل هسة هو وين....يمته اسمع صوته...

احجي ...واني متنرفزة...هو ببرود...اعصاب...واني افكر..بخوية...

حسسته انو اني داحجي ...فقط علمود اخوية..

سيف"اخوج زين ....اني وديتله اكل بيد صديقي...لان ما اكدر بيدي..وصيت عليه ولاتخافين...اني اخلي...يتصل بيكم..

يلا مع السلامه...وغلقه...

من بعد اخر اتصال وي سيف....بعد ما اتصلت بيه لمدة ...اسبوع ولا هو خلصتها بدوام...وجنت مشغولة ...بلامتحانات...واني مالي خلكه...بس لازم اتصل بيه...اعرف ...اخبار منتظر...

رجعت من المدرسة...واني تعبانه..

دخلت لبيت...لكيت امي كاعدة...ع كرسي بمطبخ...ومخليه راسها ع الميز...حتى من دخلت ماحست بيه...ذبيت الجنطة...دخلت..

هلاو ماما اشلونج..

سمية:وجانت...تبجي ع ابنها المفقود...وعيونها حمر...ووجه ذبلان...فراكه...دمرها..

وهي تحجي..بتعب وحزن...

هلا حبيبتي...اشلونج بلامتحان..اليوم..

ديمة:هاي ماما عيونج..حمر..شنو جنتي تبجين...

سمية:ماعندي غير الدموع...شسوي ...لو ما ابجي ..ما ارتاح..البجي..يريحني...

ديمة:واني اشوف ...امي اشلون مكسورة...من اشوفها هيج انقهر...ما اتحمل اشوف دموعها...

بس ماما ...موزين عليج البجي...والله اخاف يصير عليج شي...ماما بس انتي بقيتي...الي بدنيا...

رحت وحظنتها...ودموعي غدرت.بيه حاولت اقوي نفسي...علمود امي بس ماكدرت...

بعدتني عنها...وهي تمسح بدموعي..

سمية:يلا ماما ..انتي تعبانه ...تعالي اكلي...سويتلج..دولمه..اليوم..

ديمة:ابتسمت..اني احب الدولمه...صعدت لغرفه..بدلت...واني اباوع..ع وجهي بمراية...

اشوف ..ملامح وجهي مبين عليها التعب...ملابسي كلهن عريضات عليه...لبست تراك...ونزلت...اتغديت اني وامي ومصطفى...السكوت...جان سيد الموقف...ما اعرف يمته تخلص هاي الايام.....

خلصنه غدة...غسلت الامواعين...لان امي تعبانه...

خلص يومي...صعدت لغرفه ...بليل داحضر دروسي...شفت موبايلي يدك..

طلع سيف...

سيف:هلاو ديمه اشلونج....امج اشلونها ...

ديمة:والله هذا عايش الدور...مصدك نفسه...

اخذت نفس....

زينه الحمد لله....

ماناقصنه شي بس رجعة اخوية وانصير كلنا بخير...

سيف:وصار يضحك بصوت عالي...

اي..اعرف شتقصدين والله باجر راح اخلي اخوج يخابركم...

ديمة:هو انتو تعرفون الله ياظالمين...طبعا بكلبي..

حاولت اصدكه...بلكي يطلع يحجي صدك ويخلينه نسمع صوت منتظر...

يلا راح اروح انام...عندي دوام..

سيف:انتي يا صف...

ديمة:خامس أدبي...

سيف :عفية بشطورة...

يعاملني...مثل الطفلة...واني اصلا ما طايقتها...ضل يحجي ...اني ماسالته عن شي...

راح انام ...خاف امي هسة تسمعني...احجي وياك...

سيف:اوك روحي ...نوم العوافي...ولو هذا مو اتفاقنه...بس الايام طويله...اتعرف عليج...

سديته ونمت....

ثاني يوم...صادفت انطوها عطلة...اني منتظرة الاتصال ع احر من الجمر معقولة اسمع صوت اخوية...جانت خالتي ندى...يمنه

موبايل امي دك...

ديمة:ماما موبايلج.....واحد يتصل بيج رقم غريب..

سمية:اكيد ذوله...عمامج...ما الي خلك الهم...

بعدين اذكرت ...ايجوز منتظر...ركضت ..فتحت عليه خط واني اتصيح امي...اتكلي لاتفتحين...

سمعت واحد يكله...ردو...تعال...

بعدين سمعت صوت منتظر...

ما اوصف شعوري...ع فرح ...حزن

ديمة:وبصوت عالي...منتظر ....حياتي اشلونك مشتاقيلك امورك...اذوك احجيلي تاكل تشرب...

اجت امي ...عبالها احجي وي روحي...

سمية:وبفرح ومامصدكه...هذا منتظر...

ديمة:وعيونها مدمعة...اي منتظر...

وجرته من ايدي...وصارت تحجي وياه..

سمية:يمه حبيبي اوليدي...اشلونك

منتظر:زوين لإيضل بالكم عليه....

صالي كم يوم اجيبولي...اكل وهسة انطوني موبايل...اذكرت رقمج وخابرت...

اني حسيت واحد يكله ...هيج علمود يوصل خبر اليه

حتى ما طول دقايق..

منتظر:ما اكدر احجي ...لاتخافون عليه...ماما بالج ع نفسج ...اني ارجعلج...يلا مع السلامه بوسيلي صوفي...

سداه الموبايل..جان صوته تعبان حيل ...ما اعرف شنو وضعه...

المهم سمعت صوته...صرنه مثل المخابيل...ساعة نضحك لان سمعناها ساعة نبجي....

هذا هو مكتوب النا ....

منتظر:السجن..جان اصعب مرحلة بحياتي...احنا كم شباب...طلعو نص منهم...بقينه...احنا منتظرين..الفرج...بس واحد...ساعدنه..وبخصوص اني ما اعرف متعاطف وياي...لو شي...المهم كام يجيبلي اكل...ويوصي عليه...اليوم خلاني اخابر ..امي...سمعت صوتها تعبان جان....اعرف اني السبب بس بعد صار...مالحكت احجي وياها...هواي سديته منه...واشكرته...راح واني ضليت افكر بحالي...وشنو اليصير وياي....

ديمة....

صعدت لغرفتي...من الفرحه..خابرت ...سيف ..اشكره

اتصلت فتح عليه خط...

ديمة:اني اشكرك ...ما اعرف اشلون اجازيك...ع سويته...اليه...اذا اتريد حتى فلوس...انطيك...

سيف:شخبصتيني...بلفلوس...ما اريد افلوسج يحلوة

ديمة:والله من كد ما آخذو منا...افلوس المحامين...وناس...صرت...احجي هيج...

سيف:وهو يضحك...ما اريد افلوس....

هسة اني بواجب...ما اكدر احجي وياج بعدين نحجي...وسداه...

صادفت امتحانات أخير السنه....

سيف ما مخابر عليه....ولاشفته...ايجوز الضاهر عندنه ...دوام...بس اني اريد اخابرة علمود...اخوية...خابرته ...لكيت جهازه مغلق...

اخر يوم الامتحانات...طلعت من المدرسة...شفته واكف ....مرتجي..ع سيارة...وبيدة جكاره...ولابس مناظر..شمسية...شعره نازل..منطيه جاذبيه ...وهو طويل ...وجسمه...معضل ...ولابس اسود...

شفته ضل يباوع ...عليه...

.

اني دنجت...ومشيت.....وصلت لبيت...اني مرتاحه لان اخر يوم الامتحان....

فتحت موبايلي دازلي...رسالة...

سيف:لازم منعجبج ست ديم ...ومترفعين راسج....

ديمه:ضحكت...اي والله مثلك...مايعجبني ...مدام مجرم وحقير....

بعدين ...اذكرت ...هو خلانه نخابر منتظر...خليني اخابره...بلكي يطلعه...النا....

بس كلت هذا خاف يسويلي شي ....

جازفت ...واتصلت بيه...دكه...وثانية جاوب

ديمة:اني اسفه ...بس بطبعي ما ارفع راسي...

سيف:سمعتي صوت اخوج....

ديمة:اي...بعد شوكت...يخابرنه...

سيف:هسة حرس مشددين...ما اكدر...من يصير عندي ...فرصة ...اخليه...يخابركم...

ديمة:اوك مشكور...

سيف:ديمه ...انتي عيونج حلوة...

ديمه:سكتت....بعدين كليتله..

ماما اصحيني...راح اقفل....قفلت موبايل ونزلت...

بدت عطلة أخير السنة...اول يوم العطلة ..خابرتني حنينن...

حنين...هلاو ديمه ...تجين يمنه...اليوم عندنه لمه...بنات تعالي..يمنه نغير جوء

ديمة:هلا حنين ...ايجوز ما اجي ما اكدر...

حنين:شبيج ديمه...تعالي...اطلعلي من الكأبة...الأنتي بيها...

ديمه :اشوف...

اعرف الوضع ما يسمح اطلب من امي هيج شي ...بس همين ردت اشوف البنات ...وسارة..

ماما ما عارضت...كالتلي روحي غيري جزء...

بدلت ...وطلعت لبيت جدو...

وصلت...طلعتلي...حنين...كعدنه سوالف...وضحك سألو...البنات ع سارة...

حنين:تعبانه...من الدوام....ومخلصتها نوم...

اني اعرف ...بسارة ...من راح منتظر ...لحد ..حالتها حالة...اترخصت من عندهم...كلتلهم...اريد اشوف خالتي...اسلم عليها....

رحت لغرفه...سارة دكيت الباب....

سارة:وبصوت حزين ادخل....

دخلت...واني اشوف سارة كاعدة ...ع الجرباية...بس مو سارة الاعرفها...هاي شبحها...اصلا متغيرة...جوء العيون...سواد..وجها شاحب...حالتها تقهر الواحد...

خليني اعرفكم ع سارة...

اني سارة مواليد ١٩٨٥..اني بننت خال منتظر...عيوني خضر طويله ...جسمي زين...اول ما اجت ...خالتي النا...بعد ما سافر زوجها...اني بديت اتقرب لمنتظر...وصرنه اصدقاء...بعدين بدت علاقتنه تطور...واني انعجبت بيه وحبيته...بس ماكان عندي الجراءة اعترفله...خليتها ع الزمن...الا ان اجه يوم منتظر...اعترفلي...اذكر بيومها اشلون جان كوه...تطلع الكلمه من عندنه...جانت اسعد لحظة عندي ...بده حبنه يزيد يوم بعد يوم...هو اجل سنه ...دخلنه سادس سوه اني وهو نجحنا...طلع هو تربيه واني علوم...اتفقنا...نكول لاهلنا...واكيد ما يعترضون...بس شاءت الاقدار...واعتقلو منتظر...اني بيومها انهاريت...الحزن اخذ مساحة من حياتي...جنت اتمنى اسمع صوته ...بس ماكو صالي ٣ اشهر ما اعرف اخباره...عايشة بدون روح...كلبي وعقلي كله يمه...كلها انتبهت عليه..حتى امي...اني مايهمني شي غير منتظر....شفت ديمة دخلت عليه...

وصلت يمها ...لزمت اديها ...وبستها...اني حاسة بيها...حاولت اطمئنها...

سارة حبي منتظر مابيه ...شي ..اصبري هو هسة زين...

سارة :وبصوت عالي...شننوووو شنووو شفتي حجيتي وياه...ديمة شمدريج..الله يخليج احجيلي ريحيني...

ديمة:ولج اسكتي فضحتينه....صوتج

سارة:ولج شسكت صالي ٣ اشهر ...ما اعرف عنه شي فدوة تحجين صدك ...لو بس تقنعيني..

ديمة:لا والله زين وخابرنه...وحجيت وياه وسمعت صوته...شفتها صفنت

سارة:ليش ماكلتلي شنو تحسبوني غريبه عنكم...

ديمة:لا والله بس الأمر سري واصلا حتى ماحجه ويانه دقيقتين وسد الموبايل واني غير ماشايفتج...اليوم اجيت اكولج...وهسه يلا اطلعي من الغرفه...لاضلين حابسة نفسج هيج...هسة اطلعي يم البنات وبدلي....يلا حبي لخاطري...قنعتها طلعت..

اسراء...هلا يمه سوسو الحمد لله من شفناج...

سارة:والله ماما ...اطمئنيت ع منتظر...هسة يلا ارتاحيت...

طبعا سارة كايله لامها ع منتظر ...طبعا هي ممتقبله الموضوع...بس ماتحاجيها

اسراء:اشلون يعني ...عرفتو اخباره...

ديمة:خالة ...خابرنه...بس ما طول بس دقيقتين وقطع...

اسراء :اشلون خابرتكم...

ديمة:ما اعرف خالة ما فهمت شي منه....

رحنا اني وسارة كعدنه يم البنات ....سالنها ع حالها ...كالتلهم تعبانه من الدراسة...

وهيج خلص يومي...رجعت لامي...

ثاني يوم العصر كاعدين...واندكت الباب...طلعت مرة جبيرة...شفتها تتوسل بامي...وسمعتها اتكول ساعدو ابني....

ام حسن:فدوة ام منتظر....ابني مسجون وي ابنكم..سمعنه من مرت اخوج...مخابرين...منتظر...فدوة ساعدونه نخابر ابني ...والله كلبي نار عليه...

وضلت تتوسل...هي وزوجها...وامي تحلفها...اتكوللها ما اعرف اشلون خابرنه...وخطية ضلت تبجي كسرت خاطري...

راحت المرة...متتت قهر عليهم...

صعدت فوك افكر بيهم...وأذكر اشلون تبجي..كلت اكدر اساعدهم...خليني اكول لسيف بلكي الله يهدي..

اتصلت بيه وكعادة مشغول..

شنو يربي هذا...بس شخصية...كل ما اتصل بيه يطلع مشغول...حتى الريس مو مثله..بس اكيد ..يضحك ع بنات..مو راحة...هسة الكاه..يبيع حجي بروسهن...اوي هسة اني شسويله

..ابو النسوان...رجعت بعد ساعه اتصلت بيه...

سيف:هلا بحلوة...

ديمة:حجيت وياه لاول مرة بهدوء...

هلاو سيف...

سيف:هلا وميه هلا بحلوة..اشلون اسمي يطلع حلو من حلكج ياريت يوميه اسمعه منج..

سكتت واكول هذا شكد بطران...ابو نسوان والله لو ماعندي مصلحة ما اخابره....بايخ هو احنا بيا ضيم..

سيف:انتي شبيج تصفنين...وين السانج راح...اشو من دخلنه عليكم...بس اصيحين..

ديمة:لا ذكرني بهذا اليوم...المشؤوم

سيف:صار بس كوليلي شعجب اتصلتي عليه...مو هسة اني مشغول كوه جاوبتج...

ديمة:بكلبي...مشغول بمخابرتك...بنسوان

ممكن طلب...

سيف:اذا اخوج زين واذا اتريدين تتصلين فطمع مو حلوه خلي ...وقت يعدي...وخابريه

ديمة:من جاب طاري اخوية...حتى نسيت نفسي اني ع شنو متصلة....

يعني شوكت نحجي وياه...

سيف:كتلج مو هسة ...وخلص لاتلحين...

ديمة:زين ممكن طلب..

سيف:شنو طلبج...ست ديمه

ديمة:واني خايفه ومتوترة...يربي اشلون اكوله كمت امتمت...لابس جيرانه..

سيف:احجي لخاطر الله شكد فاهية...كوم أجر منج الحجي...

ديمة:لا بس ابنهم وي منتظر....وهي سمعت بينه محاجيه

سيف:وبصوت عالي ...شنووو شنووو انتي شجاي تحجين ...اني شكلت...شلغيت..موكليتلج...ما اريد مخلوق يعرف.. بس قسما بذات الله ...انتي وحدة مو مال احترام...ومساعدة

ديمة:لا والله مو اني ...كلت مرت خالي..وكالت اصلا كولشي ماتعرف...والله محد يدري..

سيف:سكتت واخذ نفس...

ها هيج ....

ديمة :اي والله ...صدكني. محد ميعرف..

سيف:اذا سمعت بيج كايله لواحد...صدكيني بعد انسي نهائي..

كمت...ارجف هسة اني شورطني وحجيت..ياربي شسوي ساعدني..

ديمة:لا والله وداعت امي ما اكول لأي واحد...

سيف:اي عفية...اريدج هيج...

ديمة:هسة يعني ...ماتخليهم يحاجون ابنهم...

سيف:لاهسة ولابعدين واصلا ما اعرف اسمه...ترى مو سهلة...مسؤوليات جبيرة وهواي...

ديمة:مثل شنو...

سيف:لابابا هاي الشغلات مالت كبار...بعدج زغيرة عليهن...

ديمة:سكتت ماحجيت...شكد غثيث

يلا اخذت من وقتك...

سيف:هو العشى وراح مني..كله من وراج...

ديمة:ضليت ساكته...

سيف:راح تموتيني بسكوتج...شكد بخيله...ماكلتي اسويلك...عشة...

ديمة:يلا اني راح اروح...

سيف:اي ع كد مصلحتج وشغلتج...وتروحين...يلا اني همين مشغول ...راح اروح...

ديمة:سديت الموبايل...وجريت نفس.. خفت لا يسوي شي بخوية...بس الحمد لله..

طول العطلة...احنا بيتنه حزين امي ما اشوفها تضحك دائما تبجي...صار عندها ضغط مزمن...طاحت بليل...حرت بيها خابرت ع خالتي...خطية اجه علي ومهند...ودونه لمستشفى...خليت صوفي ...يم بنات وراحت ويانه خالتي واني...

احس طول الوقت مهند يباوع عليه خفت بس لا رجع لطبعه...يربي اني منين اتلكها ماعبرته انطت علاج ومغذي لامي...خلص وطلعنه..

ثاني يوم اجه مهند ...علينه كعد سلم ع امي...

مهند:عمة اشلون صرتي هسة...

سمية:زينه الحمد لله..اشو ما اشوفك هاي الايام...

مهند:والله عمة مشغول بدوام وهسة بعطلة...بمحلات كاعد...

طبعا محلات بيت جدو هواي...وكل محل بيه شكل...عمال مشغلين كومه وشغل ومايلحكون...

مهند:خالة اجيت اعيد عليج ...الموضوع..وأريد اخطب ديمة...وهسة انتو بأمس الحاجه لرجال

طبعا...مهند اتغير هواي ...حتى البارحة من شفته...احس بعيونه ندم ع السواه بس مو بيدي كل ما اذكر شسوه نفسي تلعب...بعدني ما اطيقه..

اني صفنت منتظرة ...ماما شتحجي...اباوع عليها اريدها اترد...

سمية:ياخاله هسة احنا بيا حال اصلا مو وما هذا الموضوع شوف حالنه...واذا ع رجال ربك موجود

خاف بارحة...تعبتكم بعد ما ادز عليكم...

اني من سمعت امي ...ارتاحيت ..فرحت و دعيت ربي يحفضها الي...

مهند:لا عمه صدك جذب انخليج بعيونه ...

بس اني راح اخليها بعيوني واداريها...

سميه:يمه مو اعتراضي عليك...بس هسة الوكت مايسمح نسوي شي واخوها موجود...

شفته كام واترخص...سديت الباب ....وراه...

رجعت لامي بستها ...برأسها..وكلتلها

انتي سندي وامي وحبيبتي...راح اضل رافعة راسج..وما انزلة....

سمية:حبيبتي اثق بيج...انتي بنتي حبيبتي

صعدت فوك واني افكر معقولة من احجي وي سيف اخون ثقة امي...بس اني احجي وياه علمود ...اخوية...اكيد ماعندي شي وياه ولا اجاوز بحجي ...بس هو شيريد مني وليش ديساعدني...ضليت افكر...

نزلت واسمع صوفي يحاجي امي...

صوفي:ماما وين بابا كلها اصدقاءي بعطلة ابوهم وياهم ويطلعهم...حتى صديقي ابوه اشتراله بايسكل...

اني سمعته دمعت عيوني اني همين محتاجته...اريد أسند عليه...امي هسة مكسورة...

سمية:حبيبي ابوك مشغول...عنده شغل ...ودائما يخابر ويسأل عليك...واذا اتريد بايسكل اني اشتريلك

باسته وحظنته...

اني اعرف بابا مايخابر ولا يسال بس تحاول ماتحسسه بنقص...

مرت ايام وسيف ماكو منقطع....

داءما اخابرة مغلق...معقولة ..بعد مايخلينه نحجي وي منتظر...

خابرته...وجاوب..كال عندي انذار وماكدرت اخابرج...وع اخوج راح اخليه باجر يخابرج...بس مثل ماكليتلج ما اريد واحد يعرف...

وفعلا ثاني يوم خابرنه منتظر...وكال زين اني حتى غراض جايبله...بس همين ما طول شوي وسداه المهم سمعنه صوته...

رحت اخابره علمود اشكره...

اتصلت بيه وشكرته...

سكت شوي...

سيف:ديمه عندي اني دورة ...٣ اشهر بلاردن وراح اغيب...وموبايلي راح ينغلق

ديمة:حسيت واحد وضربني ع راسي...اني كل املي بيه بعد اشلون يطلعة...

واني كلبي نار ع اخوية...

زين واخوية اشلون بيه....

سيف :هاي سهله...لادريلها بال....

سداه وراح....

واني ضليت افكر اشلون ...بعد اتواصل وياه....

اوكف يا زمن عدنة عتاب وياك

تعال وشوف جرحك بيش ملجوم

خليت المصيبة بقلب كل انسان

ويا بيت النطبلة تشوفه مهموم

عاشرنة الحزن من جنة بالكاروك

ولحد ما كبرنة ويانة مضموم

البشر بالعيد تفرح تلبس اشكال

واحنة من الدمع فصلنة الهدوم

نعيش بنص وحوش وناس تاكل ناس

وضمير اكثر العالم صار معدوم

صار الضحك سلعة وتشتريها الناس

وثمن كل ابتسامة بكاس مسموم

(منقول)...

وتستمر الحكاية......

الثامن من هنا

تعديل المقال