رواية انثي في معتقل الحب الفصل الثامن 8 بقلم عطر الورد

رواية انثي في معتقل الحب الفصل الثامن 8 بقلم عطر الورد

البارت٨

مساء السعادة ع قلوبكم

(تصويت:::: ☆تفاعل)

.شفت دفتر حياتي مطرز احزان

وبجيت هواي يوم إلي قريته

أول صفحه بيها اشكال و ألوان

قريت الثانيه راح الي هويته

ثالث صفحه دوخه وشدت البال

قريت الرابعه وما كمليته

شمال الخامسه شضمتلي الأيام

قريت السادسه وبيدي طويته

اذاني زماني وعكس وياي

وهمي الغيري والله ماشكيته

انا ادري الدنيا بيها هواي طيبين

زرعت الطيب ولا مره جنيته

(منقول)

....ديمة...

مرت ٣ اشهر ع غياب سيف انقطعت اخبارة...ومنتظر همين .....كولنه نفس الحال ماكو تغير....اني يومية انتظر سيف...ع أمل يتصل بس ماكو...كمت افقد الامل...واكول بعد اكيد نسانه....امي نفس حالتها...مخلصتها...بجي ع اخوية...اني اخاف عليها...لان داءما توكع...ضغطها...يرتفع...ما اريد اخسرها...هي الوحيدة بقتلي...اما عمامي...بشهر مرة يجونه...ويروحون..من يخابرنه عمي ....اسمع بيبتي...اشلون تحجي ع امي...اتكول هاي حوبتنه....ما اعرف ليش هيج حاقدة ع امي...اني كمت ما اهتم الهم ...شكد ماحجو ...اكو الله اليحاسب...صرت اكرهم..لان باصعب أوقاتنه...ويشمتون بينه.....اما ابوية ساحب ايدة نهائي من يمنه...اتعودت ع بروده...وصار وجودة أو عدم وجودو...مثل العدم ...ما اعرف ليش احس كلبي صاير مثل الحجر...اتحملت هم فوق طاقتي...البنات البعمري...اشوفهن فرحانات...وماعندهن شي ...ينقهرن عليه...ماعشت طفولتي...وحتى شبابي...احس روحي مراهقة بعمر الخمسين...

كعدت من النوم...المراية صايرة مقابيلي...باوعت ع نفسي...جان شعري مفتوح...بس صاير خفيف...لان يوكع...باوعت لوجهي...اتلمست...خدودي بيدي...ذابلات...سواد جوء عيوني...حتى مضيع لونهن...اشوف وزني نقص ...كلش وصل ل٤٥...وجهي اصفر...لان باخر فترة صار عندي ...فقر دم لان ما أكل...حتى شهيتي مسدودة....

اتنهدت..واني اشوف روحي ...طلعت من الغرفه...لكيت امي ...كاعدة ويمها خالتي...صارت عندهن عادة...يجنها...يواسنها....دائما ويصبرنها...سلمت عليهن...رحت...سويتلي ريوك...لان كاعدة متأخرة....اكلت شوي...لان الدكتور ..كالي لازم تاكلين...موزين عليج....اكلت بدون شهية....حتى ما اعرف طعم شنو....كملت غسلت المواعين...عزلت المطبخ...بيت نضيف ...لان اني انضفه...العصر ومحد عندنه يوسخ....رحت كعدت يم خالتي....

ديمة:خالة اشلونهن البنات سارة وحنين...

اسراء:والله خالة زينات...بس شوي سارة ...شالعة كلبي....

اني اعرف سارة ..بعدها تنقهر ع منتظر لان كلش اتحبه...ودائما تخابرني....تسال عليه بلكي يخابرنه...احس بيها...بس هي اتكول حاسة راح يرجع ومايخليني...ما اعرف من اجيب هاي القوة...يمكن الحب يسوي هيج....سمعت امي تسال ع الولد

سمية:الولد اشلونهم...صايرين مانشوفهم...

اسراء:والله ياخية...الولد بشغل يرحون الصبح مايرجعون الا بليل....

سمية:هسة رجع الدوام اشلون بيهم...

اسراء:والله عمال يشتغلون بمحلات وهم عينهم عليهن....

سمية:الله كريم....

بقو يمنه شوي وراحو ...امي سوت غدة اكلنه...خلصت ورحت بغرفه...اباوع ع التلفزيون...الملل موتني....اني من كعدت بعطلة لحد الان ...ماطالعة...كلش كلش اروح لبيت جدو ...وارجع ...حتى من اطلع احس روحي مستغربة ...

يومي اخلصه شغل تلفزيون...هذا روتيني مابيه شي جديد...يومية بليل اتصل ...بسيف بس كلعادة جهاز مغلق.....

خلصت العطلة...واني كلشي ماشفت منها ...باجر راح ايكون اول يوم اليه بدوام...صرت سادس أدبي...طبعا كوة نجحت...لان الخامس...جانت اصعب مرحلة بحياتي...جنت من ارجع اشتغل...لان دائما امي مريضة...واني من اشوفها هيج ...ما اكدر اخليها تشتغل...ومدرسات اتعاطفن...ويايه...ويعرفن شنو وضعنه...نجحت وجانت درجاتي كلها خمسينيات...ما همني هذا الشي المهم النجاح...صوفي نجح...من الثالث...وطلع الأول...ودك ع امي الا تشتريله بايسكل...وبلايستيشن ...جان غالي...بس امي جابته اله...لان دائما جان يقارن نفسة باصدقاءة...وهو بعدة ازغير...ماما ماردت تخليه...شي بنفسه...اشترت اله...

صعدت فوك...حظرت ملابسي...مال المدرسة....لزمت موبايل خابرت ع سيف...ماكو مغلق... جان هو املي...الوحيد..وخصوصا بعد ماخلانه نسمع صوت منتظر....

نزلت انام يم امي...عفت اموري ع ربي...لان هو يعرف بحالنه....صرت افكر...لازم أشد حيلي السنه...اريد اطلع قانون....

بقت الافكار تصارع براسي...الا ان نمت...

كعدت الصبح....غسلت وجهي وبدلت...طلعت لمدرسة...وصلت...شفت صديقاتي...سلمت عليهن...كلها صايرات حلوات ع عطلة...بس اني متغيرة...خلص الدوام...مابيه شي بس استلمت كتب ورجعت...تعبانه ...لان متعودة ع عطلة...

اول ما رجعت ..رحت شفت موبايلي....

لكيت خمس مكالمات فائتة من سيف....

فرحت..ماصدكت...شفت امي بلمطبخ...

اتحظر بغدة......ركضت صعدت فوك...

علمود اخابرة.....جنت مسميته أمل...لان هو جان الامل بحياتي حتى امي ما تعرفه...

اول مادكيت فتح خط....

سيف:ياهلا ومية هلا...اشلونج مشتاقين...

اني سكتت...بعدين اخذت نفس...وحاجيته...

الحمد الله ع السلامة شوكت رجعت...

سيف:السلامة من نسمع صوت الناس الحلوين مثلج....

بكلبي...كلت هذا شبيه ...شارب شي...لو الأردن مأثرة عليه...ومسويته روميو....مصدك روحه....

اشلونه اخوية....

سيف:اخوج زين...انتي شخبارج بعدج حلوة لو تغيرتي.......

ديمة:هسة اشلون يخليني....اجفص...اسألة ع اخوية وهو يكلي...بعدج حلوة ...والله يا الله...مايهمه بس الشكل....والمضاهر....

عفية اريد اسمع صوت اخوية...مشتاقتله....حتى فلوس الرصيد...اني ادزها الك...

سيف:وهو يضحك...بسيطة...اخليج تخابرينه...بس اليوم بليل اريد اتصل بيج....

ديمة:صفنت هذا شيريد بليل.....مني

اسفه بس اني انام يم ماما...ما اكدر...اخابرك...

سيف:بس اليوم لاتنامين...يمها عندي الج خبر حلوو...

ديمة:اني بهاي اللحظة بذات...حسيت رجعلي النفس...كلت اكيد عندة خبر ع اخوية...

وافقت واتفقنه...بتسعة يخابرني....

سديته منه...وانتبهت...اني بعدني...بملابسي مال المدرسة...خليت موبايلي بكنتور...بدلت وغسلت...نزلت لمطبخ...لكيت ماما مسويه بامية...وتمن بشعريه....ما ادري بروحي اكلت ماعون كامل...اشوف ماما تباوعلي...وتبتسملي....

سمية:الف عافية...يمه صالي هواي ماشايفتج هيج تاكلين....

ديمة:الله يعافيج...غير اكلج ماينشبع منه....واكلته كله...

سمية:اريدج هيج تبقين تاكلين....من اشوفج ماتاكلين...انقهر...

ديمة:كمت بست راساها..وكلتلها...عاشت ايدج...

غسلت المواعين...واني فكري كله يم سيف شنو هذا الخبر....الساعة صارت ب٢ الضهر...ما يمشي الوقت...طلعت غسلت الطرمة...سبحت وبدلت....

صعدت احظر...ادروسي من اول يوم انطونه ادروس لان سادس....بس بالي مو يم المادة...خليت الكتب ع صفحة...نزلت سويت عشى ...ماما ما اكلت...بقت تقرا قران ...يومية هيج وقت...صوفي اكل شوي...وكام اني شبعانه من الضهر...نزلت الاكل وزايد

خليته بثلاجة....اندكت ...الباب...طلعت خالاتي...

الساعة ب٨ أوف هسة مو وكتهن...خاف يبقن ل٩ واني اشلون اخابر سيف....موبايل جان بيدي...وصلتني رسالة منه...

اتصل لو احد يمج....

شفت امي وخالاتي...ملتهيات بسوالف...وصوفي يلعب بلاي....

رحت لغرفتي...رسلتله...

محد يمي...شوي ودك عليه...

سيف:هلاو ديم اشلونج

ديمة:واني كلبي نار...خاف تجي امي لو احد ....ايشوفني....

عفية ما اكدر اتأخر وياك...خاف ماما تنتبه عليه

سيف:صدوك ردت اسالج...انتي ليش اتنامين...يم امج...وحتى تحجين كله عليها...ماسمعتج بس يوم تحجين ع ابوج....

ديمة:من ذكر ابوية ...استهضمت...حرت...شكوله...تركنه وراح...اكيد راح يستضعفني...كلتله

بابا مسافر لخارج...علمود شغلة...ويجينه بين شهرين لو ٣ اشهر...

سيف:خاف مزوج اهناك.. وماتدرون...

ديمة:هذا يفكر بس بزواج...

ما اسمحلك تحجي هيج...ع ابوية...

سيف:ليش الزواج عيب....المهم انتي احجيلي عن حياتج...

ديمة:لا ما اكدر...فدوة شنو الخبر الحلو...

سيف:اكولج ع الخبر بس تحجيلي...عن حياتج...

ديمة:موافقه...

سيف:اني قدمت طلب ع اسم اخوج...انو بيه خلل ...بعقل...ومريض ومن هل الشكل...لان كم واحد طلعو ...بهاي الطريقة...من جانو يزرعون العبوات...مو بكامل عقلهم...

ديمة:ما اعرف اشلون اجازيك...والله بس يطلع اخوية ...هديتك موجودة....

سيف:اني وفيت بوعدي هسة دورج...احجيلي عن نفسج...

ديمة:هسة ما اكدر...ماما خاف تنتبه عليه..باجر احكيلك...

سيف:الضاهر ماعندج كلمة...واني همين راح اصير مثلج...

ديمة:وعرفت شيقصددد....رأسا كلتله

لا لا هسة انزل اشوف الوضع يم ...ماما واتصل بيك...

نزلت...لكيت خالتي...يريد يطلعن....

ندى:ديمة اليوم ماشفناج....مختفية

دينة:خالة جنت اقرا...تعرفين سادس ولازم أشد حيلي من البداية...

ندى:اي حبيبيتي شدي حيلج...اهم شي دراستج

......

باوستهن...وراحن...سديت الباب...شفت امي راحت لغرفتها تريد تنام....

ديمة:ماما يوم ما انام يمج...

سمية:ليش حبيبتي...انتي ماتنامين...بوحدج تخافين ...

ديمة:لاماما اني عندي...ادروس واضوجج هنا...من الضوء...اكمل دراسة وانزل

سمية:براحتج يمه...

سديت الباب ...طفيت الضوء صعدت...لكيته..متصل عليه...

رجعت اتصل...

سيف:هاا هسة يلا احجيلي...

ديمة:جريت حسرة وتنهدت...

سيف:هيج حياتج..يرادلها حسرة....

ديمة:اني ما اعرفك وراح احجيلك...عن حياتي...بس مثل ما اني محافظة ع سرك انته حافظ عليه...

سيف:اوك...

جنت محتاجة ...لواحد احجيليه عن البداخلي...لان اني حتى صديقاتي ما احجيىهن....

بديت احجيله..اشلون قبل جنه يم بيت جدو...واشلون امي عانت...بزواجها...

لحد ما وصلت ...لابوية...من عافنه وسافر...

صحيح اني كلتله قبل سافر...ع شغل بس ...هسة كلتله الحقيقه....

حجيتله كلشي لحد ما آخذو اخوية ...ماجبت...سالفه مهند...احجي بدون وعي...وكانما احجي لنفسي...وكلساعة اكوله...وياي ...ايكولي...كملي..

بعدين ...جاوبني ونبرة صوته متغيرة...

كملتي...

اي كملت...

تصبحين ع خير...وسدة...

كلت هذا شبيه اكيد مخبل...مو بعقله...لاحظت ع نفسي...اني جنت ابجي...حتى مامنتبه...ع روحي...

من احجي...

بس ما اعرف حسيت براحة...من حجيتله...

مسحت ادموعي...ونزلت...واني دا انزل ادرج وصلتني رسالة...

ديمة نامي مرتاحة...اخوج يجيكم عن قريب انطيتج...كلمة رجال....

ياربي هذا كلساعة شكل...

بس من قريتها...فرحت طرت من الفرح نزلت واني...فرحانه...والابتسامة ع وجهي...

نمت يم امي وحظنتها...حيل

نمت مرتاحة...صالي هواي مانايمة...مثل هيج نومه...

ثاني يوم الصبح...بدلت ملابسي ...مال المدرسة...وصلت لمدرسة...شفت سيف واكف يم المدرسة....

جان لابس بنطرون كابوي...وقميص نيلي...داءما ألوانه..غامقة....شعره نازل ع وجه...وكالعادة...جكاير بيدة..ومحبس...شذرة...تلمع وي الشمس...وساعة ذهبيه...باوع عليه...واجه...عليه...اني ارتبكت...شفت البنات يباوعله...وهو مايباوع...مر من يمي بدون ما يحجي شي...بس شنو اني كلبي اجه...يوكف...

صعد بسيارته وراح...

سمعت...صديقاتي يكولن..

نرجس...شفتي هذا الحلو....

نور ...يموت لج غير...بس شخصية...

فرح...صديقة ديمه...لج ديمة هذا مو نفسه ذيج المرة انطاج الرقم...

نرجس...صدك ديمه هذا الحلو منطيج...الرقم..

نور..الله عليج ...انطيني رقمة...لج هذا شنو بس عيونه...يذوبن..

ديمة:هاي شبيجن...ماتبطلن من هاي سوالفجن...

اصلا اني ذبيته...الرقم..

خليت..ودخلت لمدرسة...

ما عرفت ليش أصرفت ...هيج...يمكن لان صرت انانية...لان اذا انطيت الرقم...اكيد راح يلتهي...بيهن وينسى...اخوية...اعرفه اني يموت ع البنات...

رجعت من المدرسة اتصلت بيه

هاا اشصار ع اخوية...

سيف:لكيت ولد صديقي ابن اخوه بيه مرض نفسي راح اخذها وانسبها لاخوج...

ديمة:ما اعرف اشلون اشكرك...ربي يوفقك..

سيف:يلا مع السلامه...

هذا شبيه يحجي بعصبيه...صدك مخبل...

مايهمني هذا الشي المهم اخوية راح يطلع...

هو بسببه احنا بهاي الحالة...لان هو جان وياهم...من اخذوه...

بقه اسبوع...يتصل بيه ياخذ معلومة عن اخوية ...ومايطول ويسدة...

بليل..جنت نايمة...لان تعبانه من الدوام بسابع نومة...

فزيت ..من النوم ع صوت اهتزاز موبايل...

رسالة من سيف...

نايمة لوكاعدة.....

واني عصبت لان كعدني...اكيد ماعندة لاشغل ولا شي...وتعالي سولفي وياه...رسلتله...

انته واحد ماتستحي...بنص اليل..تراسلني...شنو ماعندي لا اهل لا ام ...تراسلني...بس مو صوجك صوجي اني حجيتلك عن كلشي بحياتي

...تستغل وضعي ...وحاجتي الك...

طبعا بوكتها كتبتله...هواي حجي...حتى براسله يطلع جزء من النص مفقود...

شوي ...وشفت رسالة من عنده....

انتي شبيج اتخبلتي هو انتي شفتهمتي...صوجي اني الكلب معرض ...نفسي لخطر...وطلعت اخوج...وكلت خليني...انطيها خبر..وهسة كملت الاجراءات...وهسة يطلع...بس بليل علمود لاتصير هوسة...

اني قريت الرسالة...رحت لاستقبال...اكمز من الفرح...مامصدكة...وأخيرا طلع منتظر...وراح ترجع الفرحة لبيتنه...ولامي...والله لحد الان مامصدكة...

من الفرحة نسيت اشكره...رسلتله..

اني اسفه بس والله خفت لا امي اشوفني...

وهيج صارت ردت فعلي...

ما رد عليه...

ضليت افتر ...بليل واطك اصبع...واركص...امي وصوفي نايمين...واني مثل جني كاعدة...

اباوع ع الباب...

بعدين كلت لازم ارجع...هسة تسالني..انتي شمدريج...وادخل تحقيق...لازم همين اتفاجاه مثلهم...رجعت نمت بس اني ما اخذت عيني نوم...صارت بخمسة امي كعدت اصلي...

اندك الباب حيل...اني ايدي ع كلبي من الفرحة...

سمية:ياربي دخيلك اجعله خير...والله كلبي رايح من الهبطات...

شفت امي خطية اشلون ترجف...صاحت...

منو...منو...

منتظر...يمه هاي اني منتظر...

راحت امي ركض ع الباب...فتحته...شافت منتظر...شبكته...ضلت اتبوس بيه ما مصدكة...وادموعها تجري...واتكله...اني بحلم...

صدك موقف جان صعب...

اني بعدني واكفه...باب الغرفه ما مصدكة...

معقولة سيف ...وفى بوعده...

شفته باوعلي...اجيت اركض وحظنته...

واني ابجي....

ديمة؛حبيبي مشتاقتلك...كومه

منتظر:لاتبجون...شبيكم...رجعت...

اشوفه اشلون متغير...لحية طويله ووجه اسود...وصاير كلش ضعيف...اكو آثار كدامات ع وجه..

سمية:ماما احجيلي...شصالك..

منتظر:يمه هسة تعبان اريد اسبح...

سمية:روح يابعد امك اسبح...وارتاح...

راح سبح...وبعدها احنا رجعنه نمنه....

كعدنه صبح...واشوف امي اشلون فرحانه...كعد صوفي...وهو يبوس منتظر...

ومنتظر يشاقيه...هسة كملت عائلتي...

سميية:يلا يمه احجيلي....وين اخذوك واشلون طلعت

منتظر:كولي لبيت خالي...خلي يجون واني احجيلج...

عرفت بيه يريد سارة...امي خابرت خالاتي...خطية اجني...وطشن جكليت...وهلاهل...اشوف سارة اشلون ...عيونها...مدمعات...هاي دموع الفرح...

وهو ما قصر...ضل بس صافن...حتى نسانه...

سمعت علي ...كلاله اشلون طلعت...بدء منتظر يحجيلهم...

منتظر:اخذوني منا ... واني عيوني معصبه...ما اشوف شي...لحد ما وصلنه..لمكان...مثل سجن...دخلونه بيه...دخلنه بغرفه زغيرة...اتكفي ل٢ نفرات واحنا ٦ غرفه مضلمة...وسخة...من غير الحشرات البيها...ماجانو ينطونه...اكل...بس شوربه لو روبه كاستين وكم صمونه...مايكفي واحنا كلنها بيها...

وتعذيب..ما اسولفكم لان البنات اهنا...

سمية:الله يكسر اديهم...

منتظر:يمة من اخذوني...خاف سولكم شي ديمة خاف لزموها لو شي...

سمية:لايمه ماسولها شي...

رجع كمل...

ومرة اجاني واحد...كام يساعدني...بس ماشفته جان يوصي الحارس...الباب عليه ويودي اكل...ويكول اهلك يسلمون عليك...

كلها صفنت...منو هذا...

وبعدين جابلي موبايل خلاني...اخابركم بس ما اطول...دقيقه واكطع...

يباوع ع سارة...يعني ماكدرت اطول علمود اخابرج...

وهاي فاتحة حلكها...شهرتنه... يمن ما اني...غمزلتها...الا افتهمت..

بعدين ضلو يفكرون منو هذا الشخص ...معقولة المحامي...لو من طرف عمامي...وكلمن ينطي تخمين ...

رجع كال...

بعدين دزلي واحد ملثم...حجة وياي ب٣ بليل ...بحجة انضف الحمامات لان يومية ع واحد...وكال سوي روحك مجنون...وهيج طلعت...

سمية:يمه الله ينطي...العافية من رجعت راح اذبحلك ذبايح...لان رديتلي سالم...

بقو يتناقشون....بعدين صبينه الغدة...اكلنه...غسلت مواعين...حنين ساعدتني...لان سارة من اجت لحد الان...بس صافنه...والله فضحتنه...واخوية...همين...مبين عليهم الحب...الله يخليهم لبعضهم...يستاهلون...

كملت المواعين حنين صبت جاي....

صعدت كلت لازم اشكره عيب..اتصلت عليه اشو انطاه رفض...

يااا باوعت ع الموبايل...بعدين اجتني رساله...

مشغول شتريدن مني...

كتبت..بس حبيت اشكرك لان ساعدت اخوية..

ما رد...

يا هذا شبيه...شنو معقوله زعل...اوي وخلي يزعل شسويله...

بس هو ما قصر وياي ووفه بوعده...لازم اشكره ع كلشي بس مو هسة...

نزلت وبعدهم يسولفون ع سالفه منتظر...

واني تدعي لسيف...لان نقذ منتظر..

واني افكر ليش ساعدنه شيريد....

سولفنه ع امي واشلون طاحت مريضة ...

وهو يبوس بيها ايكللها اسف لان كله بسببي ...

وماما اتكلوله...ابتعد عن هاي الشغلات

منتظر:الله كريم.....

لعصر...طشو محد ضل بلبيت...حتى منتظر وي علي راح...احنا بنات بقينه...وماما...

ديمة:ولج حنين...كلشي ماقريت اشلون بيه باجر...

حنين:بعد ماعندج حجه....والسنه سادس وما ادراك ماسادس...

ولج راح اروح أقرأ اشلون بيه...

وتستمر الحكاية......

التاسع من هنا

تعديل المقال