رواية انثي في معتقل الحب الفصل السادس 6 بقلم عطر الورد

رواية انثي في معتقل الحب الفصل السادس 6 بقلم عطر الورد

البارت٦

مساء الورد⚘⚘(ع احلى متابعين)

**صوتولي قبل لا تقرون...

..........ديمة........

لزمت الورقة...بيدي رجعت قريتها معقولة هذا يعرف اخوية...آمنين يعرف اخوية اكيد يجذب...اوف شسوي...ضليت صافنه منين هذا الشخص ومنين طلعلي وليش اجة عليه معقولة ضلت الافكار تضارب براسي...امي اصحيني واني رايحة بغير عالم....

سمية:ماما وين صافنه صالي ساعة اصيح عليج صوتي راح....حبيبتي شيصايرلج

ديمة:الورقة بيدي....خفت لا امي اشوفها واصير مشكلة...واني متوترة وجهي اصفر...احس روحي مسوية جريمة....حاولت اخفيها بيدي

لاماما ما انتبهت عليج شوي تعبانه من الدوام...

سمية:شنو هاي كتبج مطشرة....بعدج تقرين...

كومي ماما نامي...ارتاحي واكعدي الصبح راجعي لامتحان اكيد هسة انتي ...تعبانه وما راح تستوعبين شي....

اي ماما هسة انزل بوراج....اني طول هاي الفترة انام يم ماما ...احس بلامان حتى من اكعد بليل اكعدها وياي لان صارت عندي ...مثل الخوفه من دخلو علينه اول مرة الامريكان...صرت اخاف اكعد بوحدي احس ع ساعة يجيني واحد...

حضنتني....ماما

سمية:ادري كاعد احملج زيادة عن طاقتج....وحتى هملتي ادروسج....يايمه فترة وتعدي...اهم شي مستقبلج...حبيبتي ما اريد تهمليها...

باستني وطلعت...

ادري بيها امي مكسورة...تحاول تقوي نفسها ...وتقوينه وياها...بس هي بداخلها نار ماتهدى الابرجعه منتظر....اوف ياخويه هسة انته وينك

شفت الورقة بعدها بيدي...ضميتها بين الكتب

نزلت واني افكر...بالي كلها يم الورقة اكيد يعرف قصتنه وشافني وراك يضحك عليه..ويريد يصير براسي شخصيه...هسة اني ما ناقصني بس هو ..

ما اسمح لأي واحد يضحك عليه....فوك ضيم امي اجي اني ...همين اجيبلها حجاية...عفت الموضوع ونمت....

منتظر.........

خليني احجيلكم ع نفسي....اني منتظر نعيم...الحفيد الجبير للعائلة الحجي حميد...مواليد ١٨٨٤...الابن الجبير للنعيم...الي سافر وخلانه بوحدنه....

ضلمت الدنيا بعيوني...بعد ما سافر شكد توسلت بيه مايتركنه بس راح...وخلانه بين وحوش ما فكر بس بروحة...

كرهت عماتي ....وحقدت ع عمي ...لان شفته اشلون يعامل امي....بسببهم اطشرت عاءلتنة

بس امي ماتركتنه حاربت ....واخذتنه

رحنا لبغداد...واني كاره الدنيا....لان ما احس عندي سند ولا عمام زينين....وصلتها...وعشنه هناك...خالي ما قصر ويانه ...جان نعم الاب...كلشي احتاجه اروح عليه...مايرفضلي طلب...ابوية...يخابر بس اسقاط واجب....ما احس بحنانه عمامي ما الي دخل بيهم...حبيت بنت خالي سارة زغيرة وعجبتني اعترفتلها...حبيتها حب برائه ونضيف...ماردت استغلها لو شي....ردتها اصير مرتي بس اعرف بعدها زغيرة ردتها تكبر ...وازوجها...

بعد وفاة خالي...انقهرت كلش لان احس سندي راح...

رغم هذا ماضعفت...امي جانت توكف ويانه بكلشي...تعبت وياي كالت اهم شي مستقبلكم...نجحت من السادس ...دخلت كليه...وهذا كله بفضل امي ...ما انسى...شكد تعبت ويانه لحد ما وصلتني...لهاي المرحلة....بدء الاحتلال الامريكي...بعد السقوط...جانو وياي جماعة...بكلية ودائما..نكعد ونسولف...كبرت المجموعة...وقررنه مانسكت...ونخلي ذولة الانجاس يحتلونه...صرنه نشتغل ضدهم بسكته...محد يدري بينه ...بس ما اعرف منو موصل الاسامي اليهم.....

بيوم ما أجو...واخذوني من البيت...ما خفت ع روحي ....بكد ما خفت ع امي...شفتها اشلون تتتوسل...واني اكللها لاتتوسلين...كسرت كلبي...كله بسببي صارت بهيج موقف...كم مرة منعتني بس ما سمعت منها...

اخذونه...عصبو عيونه كلشي مانشوف...اكثر جماعتي وياي...دخلونه مكان مثل السجن...اشتغلو علينه انواع التعذيب علمود...نعترف بس ما اعترفنه...جمعونه بغرفة زغيررة...الاكل وجبه وحدة ومانشبع...ايام مرت عليه اسود من الليل ...ما اعرف عن اهلي شي ...اتمنيت اشوف امي...وارجعلهم ما اعرف...شنو منتضرني...خفت لا اموت لان اعرف امي راح تموت بوراية...فكري كلها يمها...وأريد بس خبر عنها ماكو.....

ديمة.....

كعدت الصبح لبست ملابس المدرسة حضرت كتبي شفت الورقة باوعتلها اتنهدت...لزمتها ردت اشكها لا ارادي بوكتها وضميتها بين غراضي كملت تبديل باوعت ع المراية ونزلت للمطبخ .....شفت مصطفى وماما كاعدين...ع ميز يتريكون ماما محضرة الريوك.. .

صباح الخير

سمية:هلا يمه صباح العافية تعالي اكلي...سويتلج ريوك...لاتروحين بدون اكل...موزين عليج

ديمة:ماما راح اتأخر ويوم عندي امتحان...

سمية:تعالي بس اشربي شي ...

ديمة....

شربت حليب ع سريع لبست حذاءي وطلعت لبيت خالو .... باوعت ع المكان...التوكف بيه سيارة...

ماموجودة...كلت اكيد هذا يجذب وماشاف مني استجابة وراح ...همزين خلصت منه الحمد الله

دكيت الباب طلعتلي سارة وحنين...ورحت لمدرسة واني افكر اكول هسة اشوفه...بس ماكو

مرت الايام واني بعد ماشفته ما أنكر اني كل مرة اطلع الورقة واقراها وارجع اضمها ...وأفكر بموضوع واكول اكيد جذاب يضحك علية...مر اسبوعين ...

اجوي عمامي علينه....وعندهم محامي بس مافاد ماكو اي خبر عن منتظر....

حتى علي...حاول شكد بس ماكو...امي صارت منهارة كلش...صعبه عليها ابنها يروح....اتريد اي شي يوصل لمنتظر...لو بس تعرف خبر عنه...انقهر عليها من اشوفها هيج...واخاف ع ساعة يصعد عندها ضغط ...واخاف اخسرها....

يوم جنه كاعدين بلبيت اجت صديقه ماما علينه

ام أفراح:هلا خية ام منتظر اشلونج بشري شصار ع منتظر...ماعرفتو خبر عنه

سمية:وبحزن لا والله ياريت لو اعرف عنه اي شي ...والله مستعدة انطي اي شي بس ابني اعرفه وين

ام افراح:والله خية اعرف واحد يساعد ابنج بس

سمية:وبفرح اي خية فدوة والله حتى اذا افلوس انطيه بس كون يطلع ابني...

وصارت تتوسل بام أفراح علمود منتظر

ام افراح:والله خية شكلج ..الولد مايشتغل الا بفلوس...

سمية:شكد يريد اني جاهزة ...بس اريده يطلع منتظر

ام أفراح:١٠ اوراق

سمية:وهي تفكر بهذا المبلغ منين اجيبه هو بس الراتب وكوه يكفيلهم المصاريف ...وماتكدر تطلب من واحد...ماعندها بس حل واحد ...هو اسوارات امها انطتهيا هدية ومحتفضة بيهن ذكرى من امها...بس ابنها...اهم من السوارات...

اي خية بسيطة هاي بس كون يعرف اخبار منتظر...

وفعلا امي باعت السوارات واني اشوفها اشلون مقهورة لان هي مستعزه بيهن بس جانت الفلوس ناقصة اني بعت من ذهبي احنا ...عدنه ذهب...وصار المبلغ اجه الولد...واخذهن يوميه امي تخابره ايكوللها يوم وباجر وخلصها علينه هيج لحد ما امي كامت ادك عليه مايجاوب....غلق الجهاز طلع ماخذ الفلوس وشارد...اهنا امي انقهرت...وحتى بيومها تخربطت واخذنها لدكتور...همزين ما صارت بيها جلطة...لان ضغطها مرتفع...بس ماكدرنا انكوللهم السبب... لان خافت ايلومها اتصرفت من وراهم...

بعد كم يوم....

سمعت مصطفى ...ايكول تعالو ديمة ماما رجع منتظر

طلعنه واحنا فرحانين لان طلع...امي لبست عبايتها واني واكفه بلباب اتراك لابسه....ضليت اباوع...

اشوف ولد جوارينه...الاخذوهم وي منتظر راجعين واهلهم...يبوسون بيهم ويحضونهم...حالتهم حاله ملابسهم...مشكاكات وجوهم ذابله...وكل واحد لحيته طويله...وكوه يحجون...بس الفرحة بعيونهم...ضلينه منتظرين...منتظر بس ماكو ...اشوف امي سألت ولد من الجوارين...

سمية:يمة لعد منتظر ليش مو وياكم...ابني وينه

الولد:خالة احنا اخذونه...سوه بس بعدين فصلونه...كلمن بمكان....اني حسبالي منتظر هسة راجع....

سمية:وبحزن...لايمه ما رجع....

واشوف امي اجت...بس شنو مكسورة....وعيونها حمر... قطعنه الامل واحنا نعرف منتظر متورط بس لاحوة ولا قوة دخلت للبيت...شمرت العباية...بطرمه واشوفها اشلون فاتحة اديها تدعي بحركة ...ودموعها ماسكتن

ربي ما اريد منك شي اريد بس ابني...خسرت كلشي بس ما اتحمل اخسر ابني....يارب فدوة رجعه اليه...ولحظني...

وصارت تبجي وتشهك ....

اني كمت ابجي ...اشوف امي مكسورة واني ما بيدي اسوي شي واشوفها اشلون منهارة ع اخوية ما فكرت غير اني اصعد للغرفه...

طلعت الورقة....سجلت الرقم بموبايلي....واني ارجف اريد ادوس اتصال اتراجع...قويت نفسي ...هذا اخر حل ...بعد كل الأبواب انسدت بوجهي...مثلا شيسوي خلي يسوي....دست اتصال...واني ايدي ع كلبي...وايد الثانية شايله بيها موبايل بس ترجف..ادموعي تجري...اول مرة اسويها ..حتى لو جذاب...شسوي...اعضاءي كلها ترجف...واني ادك عليه....

شوي وطلعلي الجهاز...مشغول....

سديته....نزلت جوة ردت اشوف امي....

شفتها نايمه....الوجه اصفر وشفه يابسة...نمت بحظنها...واني ادعي ربي اخلص من هاي الشدة ...لان والله تعبنه ما شفنه الراحة...

امي من تنام تهرب من الواقع....بستها براسها...غطيتها...شفت مصطفى...ينعس....فرشتله الفراش...ونام بصف امي....طفيت الضوء سديت الباب وطلعت....صعدت لغرفتي...اشوف الموبايل....

الساعة ب٩ بليل...

شفت الموبايل مامتصل...كلت خليني احاول بلكي احصلة....دكيت عليه ...واني ارجف بس اريد اسيطر ع نفسي ماكو...شوي ونفتح الخط...

سكت ماحجيت....

اسمع صوت انفاسه....بموبايل بعدين حجه

سيف :منو وياي تفضل

ديمه:وهي ترجف....اتنهدت...اني

سيف:وهو يضحك...اي منو انتي ماعندج اسم...

ديمة:اني الانطيتني...رقمك بسيارة

سيف:وبصوت عالي....هلا وكل الهلا بيج واخيراا دكيتي...

اني سكتتت...ماجاوبته

سيف:ليش سكتي...ماتحجين...

ديمة:وتحاول ماتبين ضعفها....

انته منو ومنين تعرف اخوية ومنين تعرفني

سيف:اني منو مو مهم...بس اخوج...وسكت

ديمة:وبصوت عالي ...اي احجي شبيه اخوية احجي ليش ساكت....

سيف:احجيلج عن اخوج بس بشرط

اني مخليه اديه ع كلبي بين المصدكه...وبين لا....

شنو الشرط...الله يخليك احجيلي....

سيف:شوفي اي كلمه احجيها الج الحايط ....مايسمعها...العصفور...ع شجرتكم يجيبلي ..الخبر وبساعتها ماراح اتكونين بخير...

ديمة:اني اتنرفزت...اريد اعرف اي شي وهو بارد كاعد ...يلعب بعصابي....

وهسة احنا علساس بخير... احنا عايشين بجحيم...

سيف:ببرود ...اتفقنه...

ديمه:اتفقنه...بس احجي

سيف:عدلي اسلوبج ياحلوة...باباتي محلو هذا الاسلوب...

ديمة:وبعصبيه...انته واحد جذاب وكل شي ماتعرف عن اخوية عيب تستغلون ضعفنه واحنا بيا حال....كافي تلعب بلاعصابي...

سيف:مو جذاب وبدليل انتي اتصلي من طلعو المعتقلين...

ديمة:ارتبكت...وكلت معقولة يحجي صدك...

حجيت بثقة...ما اعرف منين اجتني القوة...بس كل ما اذكر امي ...احس نفسي قوية

هاي كلها تعرفها الاخبار...

سيف:ماشي لعد جذاب...اخذي راحتج....

ديمة:ها لا لا انتظر..فدوة منين تعرف اخوية وهسة هو وينه ...وشلونه..

سيف:راح انطيج ...فرصة بس هذا اسلوبج بطلي وياه....فهمتي يحلوة...

وبنسبه لاخوج...خلي شوي ياخذ درس.. علمود بعد ماينجرف بسيل ...شوي نلوي اذنه...

ديمة:فهمني انته شتدحجي...اني ما اصدك بيك ...كلبي حاس اجذب..انته تضحك عليه

سيف:حقج ما اصدكيني...بس راح اخليج اثقين بيه واتكولين...سيف مايجذب

بيوم الاخذو اخوج...انتي جنتي لابسة

..تراك جويتي...وشعرج مفتوح....ومن دخلوه عليكم...انتي كمتي اتعطين واصحين

ديمة:هواي دخلوه لبيتنه...واكيد شافونوني

سيف:والولد الهمس باذنج...وكالج لاتصيحين...ماراح يسوي شي الصياح...

اني رجع شريط ذكرياتي...من دخلو واشلون جنت كاعدة وبوكتها فعلا جنت لابسة تراك وشعري مفتوح واذكر الولد ....الطالعات بس عيونه...من حجاني...

رجعلي الامل من جديد اكيد ...يعرف شي عن اخوية

كمت..ابجي من الفرح معقوله...راح يرجع منتظر...

سيف:الو الو وين رحتي...

ديمة:وبفرح وياك...

سيف:شوفي راح اعيدها مرة ثانية...ما اريد واخد يعرف .....اذا سمعت كايله لواحد انسي اخوج...صحيح ما يوصوليلي...بس اني احذرج...

ديمة:والله وداعت ماما ماراح اكول شي بس كولي اخوية وين...

سيف:اصبري ع رزقج

اني حاولت اسايسة ما اريد اغلط وياه واخسر فرصتي ...ويجوز بعد ما اشوف اخوية.....

مو كلبي نار....وامي راح تموت...ماتتحمل فراك اخوية...ارجوك ريح...كلبي..

سيف :شوفي ...ديمة ...اني ما اكدر اكلج وين بس اكدر اساعدكم واطلعه الكم بفترة قصيرة...لان فعلا كسرتو ...خاطري...

اني انصدمت منين يعرف اسمي...

انته منين تعرف اسمي...

سيف:سمعته من صديقاتج..

اي وهسة اشلون...

سيف:مثل ما كليتلج....

ديمة:رحم الله ع والديك الله يوفقك شوكت يرجع..

سيف:بسسسس بعد اكو شرط

ديمة:شنو شرطك...اتريد افلوس اني حاظرة عندي ذهب حتى انطيه الك اخليك انته اتبعيه...اني ما اعرف ....

سيف:وصار يضحك......

يحلو..شسوي بذهب ما اريد الفلوس...اريدج...انتي

ديمة:بعدم فهم...شنو تريدني...انته..

المطلوب شنو مني...

سيف:هسة افمهج....

اني اول ما شفتج انعجبت بيج ودخلتي...عقلي.. صرت افكر بيج ...واتخيلج بحظني....

اريدج بحظني...

هو يحجي ...واني مصدمه...من الحجي معقوله هذا يحجي من كل عقله...وشنو هذا الطلب التعجيزي...

سيف:ولاتخافين...اني اخذج بسيارتي وارجع وادللج

انصعقت من الخبر.. ادموعي كامت تجري صرت احجي بعصبيه ...

انته واحد حقير ...ونذل...مستحيل اسوي هيج ...ليش هيج اسوون بيه...

سيف:السانج...لاتنسين راح اممرها الج هاي المرة...

ديمة:واعرف حياة اخوية بيده...

ما اتصورتك هيج بلا إنسانية ورحمة...

سيف:فكري بموضوع...ورجعلي الخبر...وسدة

اني كعدت بكاع ...كمت ابجي اخر أمل اليه راح اني مستحيل افكر بهيج موضوع ...ولا راح افكر ضليت ابجي لحد ماراسي كام يوجعني...نمت

كعدت من الصبح عيوني مورمات...ماردت امي اشوفني...طلعت من البيت لمدرسة احس روحي داخية من البجي وجهي اصفر اباوع ع مكانه...شفت سيارة...اجتي...

هي سيارته...ماباوعتله...خفت لايسويلي شي شخطها...مني ووراح....

رجعت لبيت...واني تعبانه ...الافكار ماخذة جزء من حياتي

سمية:يمة شبيج ليش هيج وجهج اصفر

ديمة:مابيه شي بس شوي تعبانه من الامتحانات

سمية:يمه روحي ارتاحي لاسوين شي ....

صعدت واني ما الي خلك نفسي...نمت بملابسي...ما اعرف هروب من الواقع لو من ضغط نمت

اسمع امي اكعد بيه...

سمية:يمة ليش نايمة بملابس...تعالي بدلي سويتلج غدة بس ماكعدتج شفتج تعبانه...

ديمة:بدلت نزلت اتغدى...واني اصلا ماعندي شهية حتى وزني نزل كلش...باخر فترة..

صعدت واني لازمه موبايل اخابره ...

كارهته ونفسي تلعب منه...بس شسوي هذا خيط الامل الوحيد اليوصلني لخوية...

دك شالة...بسرعة

سيف:ها يحلوة فكرتي بموضوع ..رجع عقلج

ديمة؛واني كوه احجي وياه...احس روحي تلعب منه...بس لازم اوصل لخوية

لا بس اتمنى انته اترجعت...

صدكني ما اكدر تفهم شنو ما اكدر...

سيف:يوم ليش وجهج اصفر...وعيونج ممرمه اخوج مابيه شي...

ديمة:بلا هذا شتحجي وياه....هو بارحة شكلي وفوكاه يكولي...ليش عيونج ممرمة

فدوة اذا عندك رحمة رجعه النا

اشو سده وراح....

مر اسبوع واني ماخابرته اشوفه دائما بشارع بسيارته

رجعت من الدوام...شفت موبايلي يدك...ما لحكت عليه...

هو متصل...رجعت دكيت عليه ...حتى لو حقير بس هو يعرف اخوية

سيف:راح اساهل وياج بطلبي...وما راح اطلب من طلعات ولاشي ...

اني غمضت...عيوني اريده بس يحجي شيريد اخذت نفس...

احجي شتريد مني...

سيف:اريد نكون اصدقاء...وتحجيلي عنج واني راح اعتني...باخوج حتى اكل وشرب...واخليكم اسمعون صوته...

صحيح اني مو مال هاي السوالف مخابرات ولاشي بس بعد انجبرت هذا حكم القوي ع الضعيف...

بس اني ما اكدر اتواصل وياك

سيف:بس صداقة ما طالب شي منج

ديمة:اتنهدت...واني ما اطيقة...بس لازم اجريه لخاطر اخوية وامي المريضة

كليتله ماشي راح اوافق.....

وتستمر الحكاية...

_____^^^_____^^

السابع من هنا

تعديل المقال