رواية كسرتني امرأه الفصل الخامس 5 بقلم انين الليل

رواية كسرتني امرأه الفصل الخامس 5 بقلم انين الليل

-رياض

كعدت الصبح اخذت حمام وبدلت واتريكت وردت اطلع امي صاحت علي

:رياض يمه بلكي تكدر تجي ع وكت علمود نتغده وتودينا البيت

خالك اليوم خطبة سلمى

...يمه اخاف اتاخرعليكم مواعد صحباني ويجوز نتغده سووه

:شلقصه يمه هو الي يواعد صحبانه ما يواعدهم الظهر يواعدهم العصر

: حجيه تعرفين ضباط وأمرهم مو بيدهم وزحمه اتصلو وكلولي يردون يشوفوني ولازم اروح الهم أنتم خلو

عمران يوصلكم

:اي أن شالله روح يمه الله وياك

تقربت يمها وحضنتها وكلت

...ليش الحلو ضايج

هي جرت حسره وكالت //ما ضايجه بس انت هالايام احوالك متبدله ما ادري شبيك

...وداعتج ما بيه بس الخير انتي بس ارضي عليه

:الله يرضى عليك ويهنيك ويريح بالك

بست راسها وطلعت وانا أفكر بامي الحد هاي اللحظه وهي خطيه تتمنى أخطب سلمى بس والله بالي مو يم سلمى

عادها مثل مريم وزينب سلمى حبابه ومؤدبه من احنا زغار ما فد يوم باوعت الها الا كاخت الي مو اكثر

ورحت يم القسم ولكيت حبيبتي اي حبيبتي وكل حياتي منتظرتني شافتني إجت صعدت هالمرة تبتسم اويلي

موواسنان فصوص لولو باوعتلي وكالت

:صباح الخير

...النور والسرور والفل والياسمين صباحج وظهرج ومسائج يا روحي يا عمري

:هاي شنو لا تعودني ع هيج كلام تره اني طماعه وبعد كل ما اشوفك اريد كل ساع تسمعني هيج حجي

:تامرين أمر انتي حياتي وعمري وروحي وكياني انتي كل شي بالنسبه الي حبيبتي مستعد اموت على مودج شنو

تردين صار اسوي وانا مغمض

:لا حياتي لا تكول اموت اسم الله

...شنو شنو حياتي ايناس يا عالم يا ناس انوستي كالت حياتي ايناس انتي حياتي ونظر عيني انتي انفاسي

يابعد انفاسي

ورحنا يم شط العرب واتمشينا مفكر ع الغدا اريد اوكلها سمج وفعلا

كان اكو مطعم ع الشط يقدم السمك المشوي

وكعدنا واكلنا وانا اشوف الفرح بعيونها بعدين شربنا جاي ومشينا سألتها كتلها

...انوسه وين يعجبج اوديج

: امم مدينة الألعاب وتخليني اركب بالالعاب

...تتدللين

واخذتها وجان اكو لعبه اسمها الكوب وصعدنا انا وايناس كان الكوب اذا يشغلونا بسرعه يميل الواحد ع الثاني

فهي مالت علي وصارت تقريبا بحضني وانا احس بكلبي طار هي ما منتبهه يمكن خايفه بسبب السرعه

بعدين انا ملت عليها صارت صفحة جسمي قريب صدرها انا باوعتلها كانت فرحانه كلش وبعدها نزلنا

ورحنا الباقي الألعاب وما رجعنا إلا باللليل هي خافت باوعت علي وكلتلي وهي خايفه

:اويلي هسه اشون وين اروح اني هاي اليوم مو ام عصام دبرني

وبقت تبجي انا أخذتها الحضني وظميتها بكل قوتي كتلها

...لاتخافين شلون تبجين وانا وياج

هي تفاجأت من ردة فعلي حجت بارتباك //شراح اسوي رياض وين اروح أنام

...امشي اخذج يم صديقتج رانيا باتي يمها

هزت راسها // صعبه رياض اروح الرانيا وشنو اگلها وين جنت بهالليل وأهلها شدا يكولون شلون

رياض دبرني

...لاتخافين هسه الكى حل

جانت اكو كابينه بيها تلفون خابرت أمجد وحجيتله كلي :جيبها وتعال البيتنا

انا بغضب// ولك أمجد ش تحجي ان..

ماخلاني أكمل كلي// على كيفك افتهم بسمه اختي عدنا هي وجهالها جيبها وتعال

ورحت الايناس الي جانت خايفه كتلها

...امشي البيت صديقي ولا تخافين

هي باوعتلي وظلت تشهك وتبجي

:أن ت ش شتك ول هاي الثقه

...امشي هناك ياعيني اخته وجهالهاتباتين يمها انا اروح وياج

هي تباوعلي //رياض اخته صدووك موجوده

هزيت راسي :: اكيد حبيبتي لا تخافين

هي حضنتني حيل وتبجي وتكول :عفيه رياض مووتعوفني

انا من حضنتني يمكن ملكت الدنيا ظليت امرر ايدي على شعرها وكتلها

...انا يمج لا تخافين

واخذتها ورحنا البيت أمجد وصلنا ما قبلت تنزل إله تجي اخت أمجد

واله انا انزل وياها يالله تبات يمهم

...انوسه حبيبتي لاتخافين صديقي وأخته

:رياض انت تعرفهم وانا ما أعرفهم حباب لا تعوفني

...صار ع راحتج الي تردي يصير

اتقربت عليه وحظنتني وهي تبحي // اني أشكرك رياض حبيبي

:: اشتعلو اهلي كلتي حبيبي ابات بالباب شهر اذا تردين

ونزلت دكيت الباب وطلع امجدوكتله

:: مجودي خلي بسمه وجهالها تجي للسياره هاي ما تقبل تنزل اله تشوفها

امجد باستهزاء // تريد نجيب الجناسي تقارنهن

دفعته :: داامشي خلي تجي

- صار بالخدمه

وراح أمجد وصاح الاخته الي إجت تأهل وتسهل ونزلت ايناس وانا دخلت وياها وهي لازمه أيدي عرفتها على

أمجد واخو واخته وكعدنا بالصالة شويه كام أمجد للديوان وصاحلي انا بادرت بالكلام

:: ها مجودي قبل لا تحجي اتاخرنا وخافت من المشرفه الي بالقسم ما تقبل تدخلها

امجد باوعلي //بس رياض مو عذر هذا

جاوبته بعصبيه :: أمجد هاي شبيك ما اريد نصايحك هسه اروح اخذها الاهلي

امجد لزم ايدي // دا اوكف رياض لا تزعل بس لو اي وحده تتحمل العقوبه وتبات بالقسم

جريت نفس :: أمجد كافي صارت بعد لا تخليني هسه اروح واخذها كافي

امجد // رياض والله البيت بيتك واذا تريد هسه انا واخوي نطلع ونخليها بس هي وأختي بالبيت

هزيت راسي :: ماكو داعي انا راح ابات يمكم اهنا خلي اخابر اهلي

وخابرتهم طلع ابوي //الو

...الو هله بابا

:هله رياض خير

::لا ماكو شي بس راح أتأخر ويه الجماعه ويجوز ابات يمهم

- اه وين تبات

:: يأبه همه اذا يباتون يبقون يم وفي وانا يجوز ابات يمهم

: وليش تبات يمهم اذا انت شفتهم وراح تسهر يمهم

انا بارتباك ::مو اكيد حجي ابات هسه بعدنا گاعدين جاي نسولف ونضحك انا گلت انطيكم خبر

:يصير خير بابا دير بالك

وطلعت ولكيت ايناس كاعده بالصاله وتسولف وتضحك ويه اخت أمجد وكعدنا نسولف وبسمه كالت راح

أحضر العشا هي راحت وياها بعدين طلعت لابسه دشداشه بيت عريضه وراحت للمطبخ وحضرت العشا

وامجد طلع جاب فواكه وحب وببسي واجه وبقينا كاعدين الحد الساعه 11 وراحت هي وبسمه وجهالها بالغرفه

أمجد جابلي ملابس انا ويا واخو علي نمنا بالديوان الصبح كعدنا الساعه 7 واتريكنا وبدلنا وطلعنا وصلتها للكليه

وكتلها من تحلين انتظرج

وظليت افتر بالسياره لان ما عجبني اروح للبيت انتظرتها إلى ان حلت هي شافتني گالت //يالله وديني للقسم هسه

:: حبيبتي خلي نتغدى وانوب ارجعج لان انا كل شي ما اكلت

رادت تحجي انا اشرتلها يعني اسكتي وبقت ساكته ا رحنا للمطعم واتغدينا ورة الغدا كتلها

:: شنو رايج نروح اخذلج ملابس

باوعتلي باستغراب // شنو قصدك رياض

درت وجهي عليها وانا ابدي اخليها بنص گلبي :: حبيبتي لا تفهميني غلط اخذج يجوز ايعجبج شي اشتري الج

ناسيه انا مسؤول عنج

هي ابتسمت // لا خلي غير مرة

وصلتها للقسم قبل ما تنزل لزمت ايدها وكتلها ::حبيبتي اريد اطلب منج طلب

:اي رياض دا اسمعك

...الخاطري الخاطري بعد لا تكصين شعرج يعجبني اشوفه طويل

هي باوعتلي متعجبه

وانا كتلها ::ها حبي ما تكصينا موو

هي بابتسامتها التخبل هزت راسها وكالت //تدلل ألف طلب مثل هالطلب

دارت انا شلت فلوس وگتلها :: فهمي المشرفه انتي بتي ابيت اقاربج وانطيها هذني حتى تسكت

اخذتهن وابتسمت ودخلت للقسم وانا رحت للبيت وصلت وفتحت الباب ودخلت من باب المطبخ

شفت زينب لازمه كتابها وهي جاي تأكل تفاحه وهي تكول

زينب //مريم شفتي عمه ام سامي شلون كامت تباوعلج وتكص بيج لان سمعت خالتي وفاء تكلج مريم صايره

تخبلين هنياله الياخذج

مريم //اي وانتي ما قصرتي كلتي قصدج امه داعيه علي

زينب //ولج ردت اشوفها شتكول اشو هاي ساكته ولا عبالك الحجي يمها

مريم بحزن //بكيفها شنو اذا هو سامي يمشي برأي امه ما اجبره يجوز هي ما تريدني

زينب //لج مو يجوز اكيد بعد ما رياض رفض سلمى

مريم //وشبيها سلمى احسن قسمه اجتها اشو الولد عنده محل أدوات سيارته تخبل وهو حلو شفتي الذهب الي

لبسه الها بعد شتريد يعني هو ما عايزة شي

زينب //مريومه تعرفين بعمه ام سامي تريد رتبه تريد منصب مو بس فلوس

مريم بحسره //بعد هي قسمه ونصيب

انا حمحمت على مود ألفت انتباهن هنه بس شافني كامن من مكانهن وسلمت عليهن ودخلت للهول واتلكوني

امي وابوي

ابوي //بعد وكت هاي وين جنت

...السلام عليكم بابا وفي عزمنا غدا ع الشط واتغدينا وأجيت

امي //جا يمه شلقصه غير تكول وراي أهل يظل بالهم

...يمه خابرت ابوي وبلغته وبعدين شنو قابل انا زغير

ابوي// اكلك رياض يمته تلتحق

:: باجر الصبح أن شالله

اميى//هي هاي الاجازه كل شي ما افتهمنا منها وفي مريض وصحبانك نازلين اتغديت يم أمجد

:: يمه جا شتردين انتي بس كولي وانا بالخدمه

:شريد يمه والله أمس من شفت سلمى اشلون طالعه حلوة وتخبل أتمناها الك

اتثاوبت :: الله يسعدها ويوفقها

بالليل إجت مريم حضرتلي ملابسي وجنطه زغيره متعود أخذها وياي بيها غيارات وتراكين اذا صادف

نبقى بالمقر

كعدت من الصبح لكيت امي محضره الريوك تريكت وبستها برأسها وسلمت على ابوي وطلعت وصلت للمقر

واستراحة الغدا اجو يمي وفي وامجد

وفي // ها شلونك العاشق الولهان شلون امورك

باوعتله :: وفي شبيك بدت رحمة الله وياك

هو غمزلي // ما بيه شي بس فرحان الك

ابتسمت :: تسلم بعد اكيد إذاعة مونت كارلو (اقصد امجد)انطتك آخر الأخبار

وفي //ها رياض بعدنا بسم الله خلتك تريد تضم عليه وتغيرك اتجاهنا

هزيت راسي // لا والله بس هي الشغله اتعطلت من القسم وخطيه صارت تبجي

وفي// خاب اسكت انت كليبك ارهيف ما تتحمل دمعتها مو بداعتي شسويتوووتاخرتو سولف ولا تضم

انا تنرفزت ::هاي شنو بدينا اكلك انت مو اليوم إجازتك ما تروح تشوف أهلك ومرتك ما اشتاقيت

وفي بحسره //اي اشتاقيت بس غير كون نسهر سهرة معتبره ياالله. اروح لاحك على المناكر

أمجد //وفي انت على كيفك هي تبقى زوجتك وانت حبيتها واخذتها بس الله يطول عمرها الامك ما تريدها وانوب

تجي انت وسوالفك المكسره هي هم الله يساعدها اي وحده بمكانها ما تقبل بوضعها

وفي بحسره// ما تشوفني شارد لان بس اوصل تستلمني امي مرتك هيج سوت وهيج راددت

وهيح كتلت ابنك وهمه ورأي وهيج وهيج وابوي ايساندها

انا كتله ::زين ليش ما أجيبها اهنا وتاجر بيت وتستقرون

وفي //واعوف اهلي صعبه همه ما يقبلون وهم هيه بعدهي زغيره وين أجيبها

كتله :: اكلك وفي من تسولف سولف على واحد ما يعرفك انت اصلا وين شايف أهلك هنه هالأسبوع كل شهر

بس كول والطربكه المن تعوفها

هز راسه // صحيح الطربكه لان شارد من الوضع الي عايش بي صدگني ما اغيره اله بمعجزه

:: والى متى وفي زوجتك وجهالك الهم حق عليك

- الله كريم تصفى ابحدها

وفي

انا اسمي وفي رتبتي نقيب بالحيش العراقي اهلي يسكنون العمارة بالعشائر اهلي تجار يمتلكون اراضي زراعيه

ابوي وعمي متزوجين الأخوات الي همه بالأساس بنات عمهم وجان انا لازم اتزوج بت عمي- كلثوم -

مثل ما سووا اخوي أمين اتزوج بت عمي اختها واهلي بنوله بيت بنفس الكاع واثثو إله همه اي واحد يتزوج

يبنوله بيت يمهم يردون ايلمونه على گولتهم انا ما وافقت اتزوج بت عمي لان جنت أساسا ما أفكر بالزواج

انا طويل وجسمي مليان شويه عيوني شهل وأبيض يعني شي على شي حلو انا بطبعي مرح واحب اسولف واتشاقى

عندي بالعمارة صديق واحد لا شنو صديق أخ وأكثر الي هو ابن عمي صباح الي ماخذءاختي خلود طبعا واحد

يغطي على مكسرات الثاني هو ابو يريد يسلمه الشيخه من بعده

بس اصبيح وينه أوين الشيخه ملتهي بأمور أخرى

من انتقلت للبصره جنت كلش ضايج لان كان مكاني ابغداد مرتاح بي ومتونس انا احب عملي ومتفاني بي وجنت ابد

ما اربط بين العمل وحياتي الخاصه مخلي لكل شي مساحه او وقت

من انتقلت اتعرفت على أعز اثنين بحياتي الي همه أمجد أبو گلب الجبير الطيب الحنون ورياض الرزن المؤدب

الخلوق الي يمتلك طيبه هواي والي اهله فعلا تعبانيين علي من ناحية التربيه

هذوله بالنسبه الي عائلتي الثانيه وملاذي الي التجئ الهم من احتاجهم وهمه ابد ما يقصرون

انا وامجد بوكت الاستراحه نروح نكضي وكت ونتونس وهاي الونسه بنظر رياض عيب وما يجوز وحرام

انا بيه طبع مو زين وهو ادور قضايا نسائيه يعني ما افوت فرصة الراحه ويه الجنس الآخر

ناهيك عن الشرب انا أشرب بس مو بالشغل ولا بالواجب ومن اشرب اصير قاسي جدا وافقد لذلك اروح الاماكن ...

جنت كل ما انزل الاهلي مجاز متعود اتسوك الهم من ألولايه لان اهلي سكنة الريف فكنت اتسوك أشياء هواي

مخضر وفواكه اتسوك كواني مو كيلوات كل شي اخذ الكعك والكيك وحلويات وبهارات وكرزات اي شي أشوفه

مع العلم اهلي عدهم سيارات وتجار وهيج مسواك ما يصعب عليهم بس انا احب أشارك بالمصاريف

چنت مجاز وصلت للسوك تقريبا الظهر ركنت السياره ورحت اتسوك وجبت ابو العربانه يخلي المسواك

بالصندوك وصادف حلت المدارس جانت اعداديه للبنات قريبه ع السوك واشوف الشباب شلون متجمعين اضحك

بيني وبين نفسي واكول اكيد متجمعين على مود يغازلون البنات اجيت أركب السياره جان اكو فراغ ما بين سيارتي

وسياره ثانيه اجيت أركب وانا جاي أفتح الباب شفت شي عجيب مر بين الفتحه الي بين سيارتي والسياره الثانيه

جان ملاك مضيع طريقه عايف السما ونازل للكاع

باوعت الها وانا اكول // شنو هاي

اتعجبت واصفصفت من الي شفته شي عجيب سبحان الخالق شفت ابنيه تمشي مدنكه واضطرت ترفع راسها

حتى تعبر صارت عينها بعيني حوريه العين لونها أصفر محجبه وطالع شويه من شعرها جان لونه بلون عيونها

أما طولها وبياضها شي ما ينوصف والحلك والخشم ورسمت العين الرباني غير شكل انا بقيت متصفصف بمكاني

من الي شفته جانت تريد تعبر إجت وراها صديقتها وهي تكلها (ريانه )- نسيتي المحفظه مالتج يمي هي اخذتها

سمعتها تهمس لصديقتها كلتلها //جا خليتها يمج نمونه هي

واخذتها وراحت انا بقيت بمكاني انوب الصوت الي كوه ينسمع واسمها ريانه ما لكيت روحي إله وانا وراها

بالسياره امشي على كيف شفتها دخلت بفرع وصلت يمها وبسرعه نزلت سئلتها /

العفو هذا الفرع يطلع ع الشارع العام

هي باوعتلي وهزت رأسها وكالت بصوت اشبه بالموسيقى الهادئه //اطلع كبل يلاكيك الشارع

جاوبتها // شكرا الج

وهي مشت وانا رحت الاهلي الي تلكوني امي وابوي وعمامي واخواني واخواتي كل من وياه جهاله ومرته

طبعا سلفنا كله عمك خالك ماكو غريب واتلكوني عبالك جنت مهاجر واجيتهم اشو هاي ساعتين عن البصره

بس بعد هاي القوانين الي بسلفنا اي واحد يروح ويرجع لازم يتلكونه طبعا خدي يروح من البوس وأيدي تطيح

من المسالم ادري شنو أسير وراجع كعدت وانا بالي مو يمهم احجي ويه روحي

--أستغفر الله ياربي هم جمال هم بياض هم صوت يخبل وهم اسمها ريانه وهي صدك ريانه

نعله على ابوج شلون يخليج تطلعين

اهلي يسولفون وياي وانا ولا بحالهم أفكر بهاي الغزال الي .شلت احوالي

رحت نمت و كعدت المغرب تعشينا وسيرنا انا وابوي واخواني على مضيف عمي طالب ابو صباح هو اكبر من ابوي

ولذلك هو الشيخ طبعا هو عمي ابو كلثوم والي ابنه صباح أعز واحد الكلبي

صباح متزوج اختي خلود اتزوجها بإرادة أهله صباح ابن عمي واخوي وصديقي خلصنا مدرسه سووا

وهو بس كمل السادس الاعدادي عمي بطله علمود يتعلم أمور العشيره ما يدري بي

نفس سوالفي وانكس دوم يكلي

صباح //وداعتك وفي بعد عمر طويل من يموت ابوي اسلم الشيخه الواحد من عمامي

اجاوبه :: وانت اكيد تديح مو

صباح //طبعا يعني ابن عمك وصاحبك وخويك شنو اطلع عالم ديني مثلا

:: وك اصبيح ما تستحي مو مأخذ اختي شلون تحچي هالحچي هذا گدامي

صباح //ليش تزعل من الصدك وانت تدري بيه ما أريدها مثل ما انت ما تريد اختي بس انت عمي سبع مو

مثلي انا طلي استحيت من ابوي وعمي وامي اذا ما اخذ خلود تخلصها بس بجي ونعاوي

وليش يالولد يابني وحليبي ما غزر عبالك كاتل خالي ومن هالسوالف

بس انت وفي زلمه وكدها وانصحك لا تخليهم يضحكون عليك مثلي

وفي //بالله هذا شتحجي ويا ولك صباح (نفخت ) اسكت وخليني مغبي على مكسراتك

صباح // شبيك شكلت مجذب انا وهمه عبالك ما يدرون وداعتك يدرون ومغشمين ارواحتهم بس خليهم بكيفهم

كعدنا بالديوان والناس بوادي وانا وصباح بوادي من فضت العالم أبوي كالي

//باجر الصبح بحيل الله اخذ البيكب وروح للولايه مكينة الماي عطلت

أخذها صلحها يم عايد مو غيره تره بس هو يعرفلها

- ان شالله بويه تامر أمر

صباح //اكلك وفي انا امشي وياك رافد خاله توفى ابغداد وانا تانيتك علمود نروح سووا

باوعتله // ها يمته

- صار عشر تيام وانا ما رحتله تانيتك

– زين تسوي ان شالله بس انت تدري بي مسودن وزعلته جوه ابطه هذا من نروح لازم نتعشى عده

ابوي// جا تعشوا غير صاحبكم تعللو وردوا واذا تعطلتوا باتو يمه

صباح //وداعتكم هسه نلكاها هوسه وألف بالميه يبيتنا يما

ابوي //اي بويه جا دووم تبات يمه مو اول مره

صباح //عمي رافد نفسيته طيبه ويخاف علينه من الدرب بس تصير

عصر يعرض وما يخلينه نرد وهلنبات يمه نخاف من عرضته

ابوي //اي زيين تسوون جا هي العرضه ما هي زينه وبدربكم مرو بخالكم حسن

عمي //خو انت ابو امين بس ملتهي مرو بخالكم ومرو هو يستاهل احد يمر بي

ابوي //أبو صباح هو ابن عمنا وخال ولدنا رضينا يو ما رضينا

انا //شني عمي تره خالي ما كفر رادله بنيه واخذها شنو باك ساك

عمي //جا إلا يبوك يالله يطلع مو خوش آدمي خله بنات عمه واخذله وحده غربته عن أهله وهالغربته

انا //عمي تره خالي أخذ بنيه معلمه ويا ما جابها من البرازيل

عمي //وفي بعد عمك أنجب وامشي من جدامي انت وصبيح بعد مكيوله ثلثين الولد ع الخال

وطلعنا انا وصباح كبل لا يجينا ربد من عمي

خالنا حسن معلم اتعين بالولايه واتعرف على ابنيه معلمه ويا وطلب من أهله يخطبونها مارضو لان هذا الشئ

يخل بميزان العشيره بس خالي ضرب كل شي وخطبها للبنيه لان جدتي الله يرحمها ساندته واضطر جدي

يروح يخطبها واتزوج خالي وسكن الولاية هو وزوجته أهله شبه القاطعو لكن هو جان يجي بكل مناسبه

خالنا جان يدري بسوالفنا انا وصباح وجان دائما يداري علينه لان يحبنا سالفة رافد وخاله الي توفى

هذا الشي متفاهمين علي انا وصباح علمود السهره اخذت المكينه مال الماي عبالك متانيني بس ما ادري ليش

كل ما اجي شكو شغل لازم انا اكظي رحت وديتها وكلي يومين وتخلص واانا بالطريق سولفت الصباح على ريانه

وكلي صباح //خايب وساكت وضام علي الا اروح واشوفها

جريت حسره // صبيح من تشوفها اتسودن ولك من شفتها الهسه ما نايم

وصلنه يم المدرسه وبنفس المكان وهي اجت بنفس الدرب صباح شافها كلي //اشتعل ابيك وفي ولك شني هاي

مو بشر صارووخ بووووويه هاي تطيح النجمه من السما |بعدين باوعلي |

شوف وفي تصير اكبر غبي اذا تضيعها

:اعرف بس شلون ما تدري بعمك وخالتك

صباح //خاب دا طير ياعم يا خاله أخذها واشرد ومحد يدري بيك فوت وفي وانا وياك اساندك

باوعتله بخبث /ها صباح مثل ما أخذت ريمه

صباح //اي مثل ما اخذت ريمه حبيتها وما جذبت على أهلها وانت وياي لحظه بلحظتها وتزوجتها على

سنة الله ورسوله

:بس والله صبيح من يدرون بيك يصير كتلك رفس خو خلود تموتك

صباح //ادري وداعتك يكطعوني ويبيعوني كيلوات لحم خو أختك تظل تصيح بلاش لحم للجلاب بس اول وتالي

لازم يعرفون وأخليهم أمام الأمر الواقع

- - شلون صباح دبرني تدري بااهلي ما يقبلون

صباح عض على شفته // مالك غرض يرضون بس خاف اهل البت همه المايرضون

جاوبته // وداعتك صباح انهبها والي يصير يصير

صباح متزوج بنيه تشتغل كاتبه بالمدرسة الي تداوم بيها مرت خالي عكس دوامها يعني مرت خالي معلمه ابتدائي

بعد عكسهم متوسطة ريمه تداوم بيها شافها جان مار هو وخالي عل مرته يجيبونها شافها انعجب بيها انوب حباها

ومن راد يخطبها أخذني ويا انا وخالي ولأن هي مفهمه اهلها على كل شي وافقو وأجر بيت يم اهلها وجان يحبها

دائما يجي يمها يطلع شغل من جوه الكاع حتى يمر بيها وهي تحبه هواي لذلك متقبله كل شي منه

رحنا اتغدينا أبيت صباح و استاذنت وكلت الصباح

اجي عليك بالليل

وبالليل رحنا الكعدتنا ويه رافد والجنس الناعم وظلينه الليل كله سهرانين صباح راح وانا بتت كعدت الصبح حالتي

حاله ركبنا ورحنا للبيت ثاني يوم رجعنااناوصباح علمود مكينة الماء بالطريق كلت الصباح

ا// دبرني أريدها ولك اموت اذا ما اخذها

صباح //دى انطينة مجال نعرف اصلها وفصلها

وفي //انوب اصلها اشو البارحه اخذها واخذها خاب صباح دبر أخيك

صباح //ام انهجم بيتك جا اول البارحه وين نمت ويامن انت وطربكتك وهسه اموت الا ما اخذها

بس ما عليك انا ادبرك دامشي هسه خلي انشوف عايد كمل المكينه بعده

جابو المكينه وصعدوها بالبيكب وانوب صباح كلي// عوف السياره يم المصلح ساعه ونرجع

انا سالته ::وين صباح

صباح // احتركو اهيلتك شكد تسال امشي واسكت

اخذنا تكسي وسألني على بيت ريانه انا دليته ورحنا يم بيتهم شفنه اكو محل نزل صباح ونزلت ويا وسلم صباح

وسئل ابو المحل على بيت المختار دلا واتشكر منه انا اتعجبت من تصرفه سالته

—ولك صبيح شتسوي أبيت المختار هو هذا شغلك اليه

صباح //امشي وانت ساكت شنهي نلعب

وصلنا البيت المختار سلمنا على الرجال صباح كله //حجي انريد نكعد نسولف وياك اذا ما تصير زحمه

الرجال فتح الديوان وهو يكول //الف هله ومرحبا بيكم

جاب ماي وجاي

صباح يحجي بهدوء كل للمختار /عمي احب أقدم الك اخوي وابن عمي وخويي ملازم اول

وفي وانا الأمر ماله العقيد صباح ال !،،وفي طلع هويتك خلي يشوفها المختار

شاف الهويه-صباح//يحتاج تشوف هويتي حجي

المختار//لا سيدي ما يحتاج اتفضل بيش اخدمكم

جايين نسألك على ناس بس ارجع واگلك ابناتنا وشنو تكوله هم يبقى ابناتنا

المختار //. اتفضل استاد اسأل

صباح حمحم. // جايين نسأل على بيت ابو ريانه جيرانكم

اهنا المختار سولف خوش ناس وهمه من عشيرة ال ،،، وأبوها موظف بالبلديه وجان متزوج وصار عنده ولد

واثنين بنات واتوفت زوجته بحادث سياره واتزوج أختها هسه الولد يشتغل ويه عمه ابغداد ويدرس والبنيات

الجبيره آمنه متزوجه وريانه بالمدرسة وصار عد خالتها 2 اولاد خوش ناس مؤدبين مستورين ما طلعت عليهم

لو حجايه

أتشكر صباح من المختار وكله// نريد الحجي يظل ابيناتنا

ورجعنا وانا معجب بتصرف صباح عرفت ليش أهل ريم من رحت بس انا وخالي وصباح نخطبها انطوها كالو

انطيناها الزلمه والنعم منه ندري يحافظ عليها

بالطريق كلي //شوف وفي عرفنا كل شي بعد الخطوة الثانيه عليك وانا وياك

جاوبته // صدگني اكتل روحي اذا ما اخذها

صباح // ما عليك انت بس احجي وانا وياك

ورجعنا وبقيت انا وصباح يوميه ننزل للولايه بحجة شغل لو نشوف صاحبنا ومن هالسوالف انا اروح اشوف

ريانه وامشي وراها وهو يروح الريمه هو دائما يمها ما متقيد بوقت وقبل ما التحق بيوم اجه صباح وجاب خلود

ويا واتعشينا وابوي فتح الموضوع

— وفي بويه حضر روحك ع الاجازه التجي اخطبلك

— هاا ان شالله

صباح باوعلي وكال //ومنو سعيدة الحظ عمي

امي //جا هي عروسته موجوده أبنية عمه وابنية خالته كلثومه

صباح أونطاني الاشاره انا حجيت //من رخصتكم كلثوم بت عمي وامها خالتي ع العين والرأس بس انا ما

اشوفها إلا مثل اختي

ابوي فز من مكانه //مو بكيفك شني لعب جهال ولك انت صدك تحجي

--اي بويه صدك احجي ما احبها وامي تدري وخلود وحتى انت

ابوي // كافي انت ما تستحي

— لا يابه بت عمي على عيني وراسي انا احبلي وحده واريد اتزوجها

ابوي //خاب أنجب انا حاجي ويه عمك ومتراهمين شني رايك اروح اكله بطلنه ابني عاشكله وحده

جاوبته //اي بويه كله ابني يريد له وحده

صار حجي وصياح ابوي يكلي //خاب وفي احط جيله بنص كلبك ولا اتفشل ويه اخوي مو عبالك من صرت

ضابط تمشي حجايتك علينه

كام صباح صار بالوسطه

عمي على كيفك انت وخالتي صلو ع النبي شلقصه السلف كله سمع صيحتنا شني شصاير

،ابوي //جا ما تحاجي صاحبك الجلب عاشكله وحده ما ادري منين

صباح //لا عمي وفي خوش ولد وزلمه معدل وموعيب الرجال يأخذ وحده واثنيين

ابوي هدا من كلام صباح //هاا عمن تريد تكول وفي يأخذ كلثوم وانوب نخطبله عشيكته

صباح //اي عمي ما بيها شي حكه حتى لوجانت كلثوم اختي بس الزلم تعشك وتاخذ مو عجبه

غمزلي صباح انا كلت //وانا موافق أي أخذ حبيبتي وانوب أخذ بت عمي

ابوي //لا اول تاخذ بت عمك شتكول علينه الناس

صباح //عمي كل شي ما تكول نخطبله البنيه ويعقد عليها وكلثوم بتنه اله ما طايره

ابوي //هذا شلون حجي صباح وأبوك وعمامك شكلهم

صباح //عمي كلهم الصدك شنهي وفي زغير وينجبر انچان يرضى ياخذ كلثوم تره ياخذها الخاطركم

خلود// قصدك قابل هو مره و ينجبر

صباح //اي والله بت عمي ترة بسلفنا ويه ابوي وعمي الكل ينجبر

وكفت على حيلي //مخلص الكلام انا اتزوج الي احبها وانتم بكيفكم

وثاني يوم التحقت وما رحت رأسا الوحدتي لا بقيت افتر بالولاية لحد الظهر على ما حلن البنات

ورحت وره ريانتي دخلت للفرع استوقفتها

— بلا زحمه ممكن كلمه

باوعت شافتني لابس القيافه //اتفضل

جريت نفس // بلا لف ودوران انتي عجبتيني واريد اجي اخطبج الاجازه الي تجي شنو رايج

باوعت وابتسمت ودنكت ومشت وانا رحت وراها// ادري انتي موافقه لو لا

بقت ساكته كتلها

— خوش معناتها موافقه لان السكوت علامة الرضا وفوكاها مبتسمة بس تانيني اروح اجيب إجازة واجي اخطبج

والتحقت ورحت للأمر سولفتله والرجال انطاني اجازه جان بذاك الوكت اذا ضابط أتقدم الخطبة بنيه لازم يخبر

الأمن وينطي كل المعلومات عنها بس اذا اكو واسطه يخلصوها بسرعه وانا كان الي صديق بالأمن ورتبته

عاليه ابغداد خابرته وانطيته التفاصيل وكلي اعتمد خلال شهر تجي الموافقه رجعت الاهلي بالسلف

ولكيت صباح محاجي ابو طبعا عمي مثكل وجهه علي هو وابوي بس عمي الازغرمن ابوي اسمه فالح كلي

بويه وفي إلا ابوك وعمك طالب ما يرحون انا اروح وياك جا نخليك

هيج لو تسودن وتسويلك سوده وتنهب بت الناس وتعال

يابوي شيلني نخطبها وتعقد وانوب تأخذ بت عمك

من سمعوا هيج مشوا وياي ابوي وعمامي وصباح واولاد عمي واهلها ماحجو بالعكس فرحو لان احنه ناس

معروفين وضابط وعقدت عليها عقد سيد بنفس يوم الخطبه وهذا الشي ما قبل علي لا ابوي ولاعمي طالب

امي بذاك اليوم بارود صايره ما راحت ويانا راحن أخواتي وخالاتي وعمتي لان انا عدي عمه وحده اخذها خالي

حميد المهم رحت وخطبت و كعدت يمها سولفت وانا كلبي يريد يطلع من الفرح لبستها حلقه وساعه وسوار

وانوب شاورتها كتلها // باجر الظهر تأنيني انا ارجعج من المدرسه

هي جاوبتني //باجر ما اداوم لان خالتي تكول لازم ما أطلع تلث تيام

- ها اجي باجر البيتكم

هزت راسها //لا شتسوي تجي

- - غير مرتي اجي اشوفج

بعدين خلو وطلعو هم زين حسو على روحهم اجيت ابوسها هي ما قبلت دفعتني سألتها// ليش ريانه

هي بخجل مصحوب بخوف//متكولون بعدهي ما جايه الموافقه اخليك تبوسني والموافقة ما جايه شلكيتني

انا //ولج حتى لو ما إجت الموافقه اخذج وما يوكف شي بوجهي

ريانه بخوف //شلون يعني

انا //يعني انهبج واشرد بيج بس ثقي الموافقه بالجيب بعدين عاقد سيد يعني (وغمزت ) انتي مرتي بالشرع

ريانه بخجل // جا انتاني احسن

وفعلا ما خلتني لا ا بوسها ولا احظنها ورجعنا السلف بس دخلنا خلود وذكرى ومرت أمين هلهلن بس امي كامت

عليهن واشوف ابوي وجهه بي وما يثكل علي انا فرحان واسولف وامي حتى مبارك ما كلتلي

خلود اجت يمي وشاورتني // وفي رووح طيح على امي بوس راسها وخليها ترضى عليك

جاوبتها // انا چنت رايح الها گبل لا تگليلي

خلود // اي خويه هي هم حگها مستحيه من خالتي مثل ما ابوي مستحي من اخو

شلقصه خلود مو كلثوم اجت ومبدله وباركتلي

خلود // ولو خويه هم مو هينه عليهم روح هسه

رحت يمها ودنكت عليها وبستها براسها برأسها وكتلها // يمه انا اليوم فرحان بس فرحتي ناقصه لان ما اجيتي

وياي الخطبه وهسه حتى ما كلتيلي مبارك ومن سمعتي البنات ايهلهلن صحتي عليهن

امي //ما اكلك يا وفي عمن ما راضيه ولا راح أرضى شبيها زود على كلثوم والله شكره

جاوبتها //لا يمه كلثوم على رأسي بس انا حبيت ريانه عشكتها مو بيدي

امي //اي نسوان تذب روحها ع الزلم

چان ابوي يسمع راسا حجى //شوف وفي هي چلمه ما اثنيها تاخذ هاي الفرخه وراها تاخذ

بت عمك افتهمت خاف عبالك تضحك علينا وحك هو علي جيله بكلبك وأحسب الله ما اطاك

سكتت ما رديت سمع صباح واجه يم ابوي

صباح //شنهي عمي على كيفك ويه وفي شني تحاجونه هيج بيوم خطبته عجبه ولد عشك كفر خو ما كفر

ابوي //ولك اصبيح اسكت انا كلبي متغر منك خاب ما تستحي ما أخذ أختك ورايح الخطبته لا وكمت تهوس

صباح //جا ليش عمي وفي اخوي وصاحبي والزواج قسمه ونصيب (ان دار علي ويضحك ويحاچيني )

وداعتك وفي بالعرس أكلب السلف جيلات وهوسات وما لك غرض بعمي وخالتي وابوي وامي تشوفهم

هذوله واحد عشك الثاني هسه يردون يجبرون الزلم ع النسوان شني عمي

ابوي //ها ولك صباح شو ما تعرف تحجي

صباح //هم گول چذب عمي شنو تريد تفهمني ما عشكت خالتي ما جنت تلحكها بالزرع لا وهسه احجايتها

ما تثنيها جا وابوي بس علينه شيخ وداعتك هاي امي بس تباوعله بعيونها ابوي يصيرلك ثلجه ويموع

ابوي //أنجب صبيح احنه ما يمشنا نسوان

صباح بضحك //يا ما ايمشنكم جا ما خذيتو لكم ثانيه لو ما تخافون منهن بسك عمي بروح جدي تره كاشفينكم

كمنا نضحك على حجي صباح أهلنا كل ما يتزوج واحد من عدنا يطونا قطعه أرض و فلوس يبنيله مشتمل رغم

ريف بس جان عدنا كهرباء ومواطير ماي تصعد للخزانات

صباح وجه كلامه الأبوي //عمي يا قطعه راح تطيها الوفي

كبل لا يحجي ابوي امي جاوبت //لا خاله صباح وفي يكعد ويانا ومرته تخدمنه لو احنا يمه ما نستاهل

انا جاوبت //لا يممه أنتم على عيني وراسي

امي //اي وليدي احنه كبرنا ونريد أحد يشوف حالنا ويشتغل بالبيت

صباح //ليش خاله وفي حاله من حال أمين مو بنيتوله وبعدين خاله وفي اول وتالي ياخذ كلثوم

وهي تخدمج شو انتم طبخكم واحد مرت امين تطبخ وبالبيت ذكرى جاي تساعدج بي

(طبعا ذكرى اختي بالمتوسطه)

امي //اكلك صباح خاله تره وفي خطب بنيه غريبه شصاير تدافعله شنهي القضيه

انا غمزت الصباح يعني اسكت ورديت //مي خالف صباح اهلي يمونون عليه وبكيفهم شيردون انا

ومرتي بخدمتهم

ابوي //. وفي احنه نحبك ونريدك گبالنه ولا تنسى اذا تدور رضانه تاخذ بت عمك ولاتزغرني گدام اخوتي

السادس من هنا

تعديل المقال