رواية ازهرت وسط الرماد الفصل الرابع 4 بقلم ميار
على ياجرح روحي ماحجتلك
عمت عيني اعله عيني شكد بجتلك
عفت زاد امي وتشهيت سمك
الله مخلي راحت بالي يمك
اعاتب روحي مدري شلون ردتك
انه عاگولي اترف من وردتك
༺༺༺༺༻༻༻༻
ياسمين:: كعدت الصبح على صوت باب الكنتور شفته واكف اخذتلي صفنه قبل لا اكوم راح رش عطر واني كمت
للحمام ودار عليه هو
إيهاب:: صباح الخير
ياسمين:: صباح النور
دخلت غسلت وطلعت بدلت ومشطت شعري حطيت ماشات لكذلتي ولبست حجاب ورشيت عطر واريد انزل درت عليه كتله راح تنزل!
إيهاب:: اي انزل
بقيت واكفه انتظره يكمل انزل وياه استحي كمل وطلع
طلعت وراها نزلت اول بايه من الدرج ودار عليه باوعت عليه كال
إيهاب: بالليل اسافر لبنان عندي شغل
ياسمين:: واني شكوو تگولي
إيهاب:: هيج حتى يكون عندج خبر گتلج
ياسمين:: واني انزل كتله وجودك وعدم وجودك عندي واحد لكيتهم ما موجودين بس نور كتلها صباح الخير
نور:: هلا صباح النور اذا جوعانه الجاي جاهز بس شوفي
شتاگلون
ياسمين:: تمام اخذت صمونه وجبن وصبيتلي جاي وكعدت اكل
نور:: ورجلج شو ما سويتله
ياسمين:: ما يريد
نور:: لا مو هو يحب يتريك قبل لا يطلع للشركه
ياسمين:: هسه اشوفه رحت شفته شابك اخته ويتشاقه
وياها
إيهاب:: عندي شغل والله ورايح
عذراء: عيب من مرتك شلون تعوفها
إيهاب:: كتلها وكالت عادي تقبل
عذراء:: اكيد تقبل قابل شتكولك
ياسمين:: دخلت يمهم كتلها حبيبتي عذراء تاكلين وياي
عذراء:: عوافي حبيبتي تريكت واخذت علاج
ياسمين:: عوافي طلعت غسلت كوبي وكلت لنور اساعدج
نور:: اي اني سويت مرگت بانيه ولحم
ياسمين:: تمام اني اسوي التمن
نور:: تمام
ياسمين:: طبخت التمن وهي طبخت المركه وكمل الغده
كعدنه نحجي لمن صارت ب12 هو اجه وقت الغدا صبينه
وكعدنه ناكل رحت كعدت يمه لان مسويلي مكان بسده
جاي نتغده واتصل موبايله شفت الشاشه مكتوب اسم نورهان بقيت اباوع عليه لمن هو سده ورجع اتصل
كال الف عافيه وراح للغرفه واني كمت رحت للمطبخ
كعدت وصافنه اشتاقيت لاهلي نزلن دموعي وجان يدخل
سليم يغسل شافني ابجي بساع مسحت وجهي ورحت غسلت وجهي فزيت على صوته
سليم:: احمم محد يسوه تبچيله
ياسمين:: بقيت صافنه عليه رحت اسوي جاي كتله
تره ابجي لا اشتاقيت لاهلي
سليم:: هاا عبالي من إيهاب
ياسمين:: لا خويه
سليم:: شتحتاجين حسبني اخوج وشنو تردين يصير
ياسمين: تسلم خويه
بقى يمي يشاقيني هو اكبر من إيهاب 3 سنوات كتله
ليش ما متزوج لهسه
سليم:: سالفه طويله اسولفلج بعدين
ياسمين:: تمام صبيتله جاي وخليته يمه
سليم:: عاشت ايدج
ياسمين:: الف عافيه
كعدت يمه شويه واجت عذراء تتلمس تريد يمنه راحلها
سليم وجابها يمنه
عذراء:: شبيها ياسمينه
سليم:: مشتاقه لاهلها
عذراء:: ليش حسبينه اهلج احنه وشكم يوم وياخذج إيهاب
ياسمين:: اي يروحي
سليم:: يلا شتردن اجيبلجن
ياسمين:: تسلم اني ما اريد شي
سليم:: اي مو احنه بكيفج
ياسمين:: ضحكت على حجايته وهو راح يجيب حلويات
واني وعذراء بقينه كاعدات
عذراء:: باعي سليم شكد حنين
ياسمين:: امبين عليه
عذراء:: بس ما عنده حظ
ياسمين:: شويه وسمعنه صوت سياره
عذراء:: اجه سليم
سليم:: هاا بعدجن بمكانجن
ياسمين:: جاب علاكتين علاكه انطانياها بيدي وعلاكه هو وعذراء
سليم:: كولي مو زين
ياسمين:: هههههه لا كلش زين باوعت جايب ببسي وككو
وجبس كتله اني ما اشرب الببسي وعصاير شلتهن وخليتهن بعلاكتهم
سليم:: لعد شتشربين
ياسمين:: بس تفاح
سليم:: يلا غير مره
ياسمين:: شكراً
سليم:: سكتي اني شحجيت كتلج اخوج انه ولا تبچين محد يستاهل
ياسمين:: هزيت راسي اي وبقيت افكر بحجايته محد يستاهل تبچيله كمت رحت للغرفه لكيته يحضر ملابسه
يريد يروح حطيت العلاكه على الميز ونزعت الحجاب لان ممتعلمه عليه اختنكت ورحت اخذت ملابس ودخلت للحمام مختنكه ما اعرف شبيه سبحت ولبست تراك خفيف وطلعت انشف شعري بالمنشفه ورشيت عطر واخذت فرشه امشط شعري كعدت على القنفه امشط
شعري الي ما بيوم كدرت امشطه وحدي كله امي كملت
ولفيته كبايه وكذلتي هم شلته ورحت اخذيت موبايلي وجبس وهو كل هذا وما حاسبني يمه ابددددا ولا كلف
نفسه وكال منين هاي الحلويات راح غسل ولبس تراك
اسود وحذاء رياضي ابيض مشط ورش عطر ويريد يطلع دار عليه
إيهاب:: باي
ياسمين:: باوعت وسكتت
نزل ودع اهله واني بقيت فوك ما نزلت كمت شلت اللحاف رجعته بالكنتور ورحت نمت على الجربايه لان
هو ماكو وبقيت اتصفح بالموبايل لمن نمت كعدت الصبح ساعه11 نزلت لكيت بس عذراء كاعده تاكل علمود علاجها
صباح الخير
عذراء:: صباح النور
ياسمين:: انتضريني اجي اكل وياج ضحكت واني ضحكت على ضحكتها ورحت صبيتلي جاي واجيت اكلت شويه
عذراء:: هم اتصل عليج إيهاب
ياسمين:: لا والله
عذراء:: تمام
ياسمين:: سكتت واني هم سكتت شويه حسيتها تريد تحجي بس مستحيه
عذراء:: ياسمينه اني والله مو تدخل بس حبيت اعرف
علاقتكم انتي وإيهاب شنوو وزواجكم تممتو
ياسمين:: هااا بقيت صافنه اباوعلها ما اعرف شحجي
عذراء:: حسبيني امج صديقتي احجيلي ياسمينه
ياسمين:: اخوج ما طايقني وما معتبرني بالغرفه أصلاً
حتى كال فتره وكل من بطريقه واني وافقت لان حسيت
اكو احد بحياته بقت هي ساكته
عذراء:: بس هو والله حباب وحنين تقربي منه
ياسمين:: لا اني ما اريد ابقى على گلب واحد ما رايدني
عذراء:: حاولي تقربي منه صيري صديقته
ياسمين:: سكتت عنها وكمت غسلت المواعين واجت عذراء وراي
عذراء:: اسو نسوي غده تعرفين
ياسمين:: مو كلش
عذراء:: تمام طلعي لحم قطعي نسوي سوب
ياسمين:: تمام طلعت لحم قطعته
عذراء:: قطعي بتيته مكعبات وطلعي بصل اصغار ولا تقطعيهن
ياسمين:: اي وبعد
عذراء:: غسليهم وحمسيهم كلهن سوه وحطي بهارت ونومي بصره. حمسيهم شويه وضيفي مي
ياسمين:: تمام راحت هي كعدت واني كملت ورحت غسلت المواعين الي توصخن كتله راح اسبح واجي
عذراء:: تمام ابنيتي
ياسمين:: ضحكت على حجيها شكد حنينه رحت اخذت تراك وسبحت وطلعت لكيت موبايلي يدك شفته مرتضى
يتصل كتله الووو
مرتضى:: هلا هلا بأسووو شلونج شخبارج
ياسمين:: زينه بس مشتاقتلك ولبابا
مرتضى:: احنه هم والله
ياسمين:: شلونكم ماما شلونها
مرتضى:: زينين الحمدلله انتي شخبارج
ياسمين:: تمام اني زينه بقينه نحجي عادي
مرتضى:: يلا خيتي محتاجه شي
ياسمين:: لا خويه سلامتك
سديته منه ورحت اسوي شعري ولبست حجابي ونزلت
لكيتهم كلهم موجودين حتى سيلم ومهند كتلهم مساء الخير
مساء النور
مهند:: شلونج خويه
ياسمين:: زينه خويه
سليم:: هلا بأسووو مساء العافيه
ياسمين:: شلونك ما شفتك اليوم
سليم:: هااا شوفو مو كتلكم امهه حبتني
ياسمين:: هههههه سليم حباب دوم يضحك بيه
رحت لمطبخ لكيت نور تحظر المواعين للغده
كتله حبيبتي اليوم ما شفتج
نور:: اي والله اليوم تعبانه
ياسمين:: هاا عندج العافيه حبيبتي
نور:: روحي كوليلهم حاضر الغده
ياسمين:: رحت كتلها خاله الاكل جاهز تعالو تغدو
ام إيهاب:: هههههه شكلنه
ياسمين:: هههههه والله نسيت
ام إيهاب:: بعدين تتعلمين
ياسمين:: اي رحنه كعدنه كعدت بسد عذراء ونور بسد زوجها وجهالها كلها تاكل ساكتين شبعت قبلهم كمت
لان اكلت قبل شويه رحت للمطبخ سويت جاي وكعدت
على الكرسي لمن خلصوو اجه سليم شايل المواعين
كتله انطيني عنك
سليم:: شوفيني شكد حباب
ياسمين:: هههههه وين اكو منك اخذتهن منه وخليتهن على السنك ورحت صبيتله جاي وكعد يشرب واني اغسل
مواعين الي جابهن شويه ونور جابت الباقي اغسل بيهن
كتله شنو ما رحت للشغل اليوم
سليم:: لا رحت ورجعت ما عندي شي محل عقار
هم خابر إيهاب
ياسمين:: لا
سليم:: وانتي ما اتصلتي
ياسمين:: ما فرغت
سليم:: تمام
ياسمين:: طلع والكل راحو نامو بقيت وحدي بالمطبخ
صافنه وضايجه كلت شوكت ارجع للبيت واخلص تعبت
واني ما مرتاحه اهنا شويه وكمت للغرفه مالتي نزعت
الحجاب واخذت موبايلي لكيته ناشر صورته وانوب صورت
استكانتين وكاتب شعر جوه
خليت الجاي مر بس سوالفك محليته
بقيت صافنه يقصد منو هذا انطيه اعجاب وطلعت
بقيت افكر اذا يحب ليش ما كال لاهله وخطبهه
وليش وليش لمن كلت واني شكوو شعليه لفيت راسي
ونمت كعدت بالليل ساعه11 طلعت لكيتهم كلهم بغرفهم
كلت يااا شكد نايمه اني ولا حسيت نزلت رحت على المطبخ اظلم حسيت اكو احد كاعد شغلت الضوه لكيت سليم يدخن كتله ياا ليش كاعد وحدك بالظلمه اسم الله
سليم:: جبت عمري كاعد بالظلمه عادي
ياسمين:: شبيك
سليم:: ما بيه شي بس ضايج
ياسمين:: كعدت يمه اباوعله كتله انت مو اتكول احسبج اختي الصغيره
سليم:: اي باوعتلها كتلها اذا عرفتي إيهاب عنده علاقه
بوحده غيرج شتسوين
ياسمين:: بقيت صافنه عليه وهو يباوعلي
سليم:: سولفي
ياسمين:: ما اسوي شي والله لان من البدايه هو ما رايدني
ولا اني هم بقى صافن عليه كتله ليش تسأل
سليم:: هيج سؤال
ياسمين:: اهنا عرفت إيهاب عنده علاقه بوحده كتله احجيلي
سليم:: تعالي بالحديقة نحجي
ياسمين:: روح اسوي نسكافيه واجي وراك
طلع سويت اني ورحت وراه لكيته كاعد واني حطيتهن
على الطبله وسحلتلي كرسي وكعدت كتله يلا سليم احجيلي صار عندي فضول فدوه
سليم:: شوفي امي خطبتلي بنيه من قرابته بس من بعيد
جانت اصغيره حيلل من تزوجتها اعتبرتها ابنيتي والله
وهي تعلقت بيه وماشيه حياتنه ما بيه شي من جنت
اروح للشغل ارجع الگاها منتظرتني بالباب شلون البنت
تنتظر ابوها مر على زواجنا 8سنوات بس ماكو جهال
كامت تروح لاهلها ترجع بس تبجي ليش ما يصير عنده اطفال كتلها كله بيد ربج واني عندي ايمان برب العالمين
جان تكلي احلا ايام عمري والحب الكضيناه سوه كالتلي
ما اكدر ابقى وياك كتلها بس اصبري عليه والله انسوي اطفال بأيران ما قبلت كوه قنتعتها كتله سنه ويصير عدنه
وانتي بعدج اصغيره وادرسين اقتنعت ومشت حياتنه
سنه وخلصت السنه ويوم جنت مسافر ويا إيهاب بشغل من رجعنه ما لكيتها متلكيتني بالباب استغربت كلت يم امي واختي دخلت
سألت عذراء وين جنات كالت سكتت شويه وكالت راحت لبيت اهلها عرفتها صعدت لغرفتي فتحت الكنتور لكيت ماخذه كل غراضها رحتلها لبيت اهلها سلمت ودخلت كلت لامها عمه وين جنات كالت جوه كتلها عادي اشوفها رحت دخلت لكيته كاعده على الكرسي مقابيل المرايه كمشت ايدها كتلها هاا جنونه من رجعت ما لكيتج متلكتني
كالت وبعد ما اتلكاك بقيت صافن كتلها لا انتي ابنيتي شلون
ينطيج گلبج تعوفيني كالت اي بعد ما اريدك اريد اشوف حياتي وجهالي كتله ويهون عليج تعوفيني كالت اي واذا يصير عندك مجال بساع نطلگ واستمريت وياها وانطيتها وقت بلكت تغير رائيها بس ماكوو واطلگنه صار لنا 3سنوات بس اتصدكين كسرتني ما جنت اريد يجي يوم ونفترق بس اجه وافترقنا
ياسمين:: اشوفه شلون يحجي ودموعه تجري عليها
واني ابجي وياه مسحت دموعي وكمشت ايده كتله
بس انت ما غلط وياها بس صدكني هي الي خسرت اب قبل
ما يكون زوج
سليم:: ياريت تسمع منج هيج وترجع
ياسمين:: بس هي جانت أنانيه ما فكرت بس بروحها ليش ما فكرت بيك
سليم:: عادي اهم شي تبقى يمي
ياسمين:: ما مقسوم تبقون سوه
بقى ساكت كتله يلا هونها سلوومم ضحك واني هم ضحكت
سليم:: ياا اسوو عندج غمازات
هههههه يلا تعالي نتصل على رجلج
ياسمين:: لا اني نعست
سليم:: تعالي وانجبي
ياسمين:: اتصل عليه جان متصل على الماسنجر شويه واجه صوته
سليم:: هلاا شلونك ولك
إيهاب:: هلاو كيفك انا منيح
سليم:: شنو انگلبت لبناني
إيهاب:: شنسوي يا اخوي شكد ما يحجون يمي اخذت على حجيهم
سليم:: اي شلونك شسوي ما تسوي
إيهاب:: والله تمام ماكو شي كاعد بالبلكونه مالت الغرفه
اشرب نركيله
سليم:: افتح كامره شوف منو يمي
ياسمين:: فتح كامره وسلحني سليم يمه
إيهاب:: هاا هلاوو ياسمين شلونج شسون كاعدين لهسه
ياسمين:: جنت نايمه وكعدت لكيت سليم كاعد بقينا نحجي
إيهاب:: اي وشتحجون
ياسمين:: باوعت لسليم كتله على زوجته
إيهاب:: خوش
ياسمين:: بقى يسولف ويا سليم شويه وسده كتله يلا
خلي نروح انام
سليم:: اي بويا تصبحين على خير
ياسمين:: اجمعين
عبر على سفر إيهاب اسبوع واني جوه حتى انام يم اخته
شكد حبابه وسليم خطيه هم يوميه بالليل يجيب حلويات ونكعد ناكل ونشوف مسلسلات ونسولف صعدت فوك لغرفتي اغسل وافكر معقوله ما يهمه وجودي صار شكد
مسافر ما كال شتحتاج شتريد شتسوي اخابر اسأل عنه
كل هذا وهو مو يمه فزيت على دكت الباب فرح بنت مهند
ها يروحي
فرح:: ماما اتكول انزلي اكلي كيك سوت
ياسمين:: اوكي يروحي بش امشط شعري واجي
مشط واخذت حجابي وياي محد موجود بالبيت
نزلت كتلها يروحي
نور:: تعالي اكعدي يمنه اكلي
ياسمين:: اخذت شويه اكلت باوعت على عذراء ترجف
عذراء:: فرح تعالي اخذيني لغرفتي
ياسمين:: كومتها مشت شويه وكعت من طولها احنه كلنه
ركضنه عليها ما تحجي ابد بس تون اني كمت ارجف اول مره اشوف هيج كدامي كتلها لج نورر شسوي
نور:: ابرة السكر اركضي جيبيهن
ياسمين:: وينهن ما اندلهن
نور:: بغرفتها بالثلاجه
ياسمين:: ركضت ركض جبتلها ابره انطيتها ضربتها بزندها
وهي اخذتلها شويه يلا فتحت عيونها بس كوه تفتح عيونها
كومناها لغرفتها
عذراء:: ما بيه شي بس اريد ارتاح
ام إيهاب:: تعالن اطلعن خلي ترتاح
ياسمين:: راح ابقي يمها خاف تحتاج شي
ام إيهاب:: لا هسه راح تنام ما تكعد بعد
ياسمين:: هزيت راسي وطلعت واني ابجي عليها بعمر الورد. هيج يصير بيها كلت لنور اني ما اريد عشا حصعد فوك
نور:: لا اكلي
ياسمين:: ما اريد يروحي صعدت اخذت تراك برموده
بدلت واخذت تلفوني طفيت الگلوب خليتها ظلمه تمددت
اگلب بموبايلي تذكرت حلويات جابهن سليم طلعت نستله
اكلتها وجبس واباوع فاره وبالزون وما حسيت بروحي اني
نايمه حسيت بأحد شال موبايلي وعدل نومتي وغطاني
كعدت الصبح لكيت نفسي متغطايه باوعت لكيت بالغرفه لكيت إيهاب نايم على القنفه بملابسه طفرت بساع اخذت ملابس لان تراكي برموده قصيره غسلت وفرشت اسناني
ولفيت شعري وطلعت باوعت عليه متغير حيل وصاير اسمر حسيت بي شي عفته وطلعت نزلت لكيتهم كاعدين
صباح الخير
الكل: صباح النور
ياسمين:: بقو يباوعولي حسيت اكو شي بس ساكتين
صبيتلي جاي واخذت نص صمونه حطيت بيها جبن
ما اريد اكل هواي شويه ونزل مطنكر الوجه مگلوب
إيهاب:: صباح الخير
ياسمين:: صباح النور الحمدلله على السلامة
نور:: شنو ما تدرين بيه اجه
ياسمين:: اي ما ادري بي جنت نايمه
إيهاب: كعدت وكتلها الله يسلمج
ياسمين:: كمت اني شبعت رحت للمطبخ
واجه وراي سليم جان يكول
سليم:: شنو متعاركين
ياسمين:: لا خويا
سليم:: هم سمعج حجايه
ياسمين:: عليمن اني ما سويت شي
شويه واجه إيهاب للمطبخ سكتنه كلتله سليم تريد شي
سليم:: لا عيني راح اني للشغل
ياسمين:: باي دير بالك على نفسك
كال اي وضحك وطلع بقى هو كاعد بالمطبخ واني اريد اطلع كال..
إيهاب:: شنو جنتو تحجون
ياسمين:: شنوو
إيهاب:: مثل ما سمعتي
ياسمين:: كتله واني جاي اطلع ما حجينه جاي اصعد الدرج
ما حسيت غير انسحلت من ايدي بقوه انلطشت بالحايط
نجرحت كصتي وهو واكف يصيح
إيهاب:: شكتلج اني ومتجاهلتني وما معبرتني
ياسمين:: بقيت اباوع عليه واهله جوو كلهم اجت عذراء وسليم يركضون
سليم:: شبيك شنو هلصوت
إيهاب:: صلفه تجاهلني
سليم:: وانت اطلع خبالك عليها ولك ما تستحي
إيهاب:: انت لا تدخل
سليم: ادخل ونص مو بنت الناس لعبه عندك
ياسمين:: عافنه وصعد جت نور كومتني للمطبخ اغسل وجهي صار كله دم والدم ما جاي ينكطع جيه سليم كال اكعدي بويا جاب الديتول واني بس ابجي
عذراء:: حبيبتي توجعج
ياسمين:: كتله واني ابجي دايخه اريد انام
سليم:: شفتي عذراء اخوج شلون يطلع حركت گلبه بالبنيه
لج ليش ما تحجين وياا
عذراء:: ما ادري والله يا اخويه شبي
سليم:: كل شي ما بي بس انطيناه مجال هواي
ياسمين:: وخرت ايده كتله اريد اصعد انام
سليم:: خلي هاي اللصقه مالت الجروح
ياسمين:: ما اريد عفته وصعدت فوك لكيته كاعد وعيونه
بالموبايل رحت للحمام كعدت واني احجي ويا نفسي
اني انضرب اني يجي هذا يضربني اني جبت عمري ما اعرف شنو الضرب يجي هذا يضربني بقيت ابجي شويه وكمت غسلت وطلعت لكيته ما موجود
رحت للمرايا شفت الجرح بعده ينزف وعيوني صايره قطعه حمره من البجي رحت على القنفه اخذت مخدتي وتمددت واني صايره وراه اي شي يصير انام ظليت افكر بحجي سليم من گاله اطلع خبالك على البنيه شنو قصده
ما حسيت بنفسي نايمه كعدت لكيت الساعه ب9 بالليل
لبست حجابي خاف الولد موجودين نزلت لكيت عذراء كاعده وحيدها صافنه رحت يمها كمشت ايدها كتله شبيج يروحي
عذراء:: ما بيه شي لس افكر بإيهاب ليش ضربج واني اخاف من احد ينضرب كدامي
ياسمين:: عادي والله ما بيه شي لا اتضوجين
باوعت عليه صافنه وحيره بعيونها عذوره جوعانه
عذراء:: لا أكلت علمود العلاج
ياسمين:: راح اسوي معكرونه تجي يمي
عذراء:: عافيات لا تعبت اروح انام
ياسمين:: براحتج
سلكت المعكرونة وسويت صوص فوكاها رحت على الثلاجه بلكت سليم جايب قوطية تفاح ما لكيت رجعت
صبيتلي واخذت شوكه وكعدت اكل اول لكمه ودخل سليم
سليم:: هاا لج شسوين
ياسمين:: جوعانه تريد اصبيلك
سليم:: اي
ياسمين:: حطيتله بماعون وحطيته كدامه
سليم:: هاي كون وياها ببسي
ياسمين:: اي والله وتفاح
سليم:: باجر اجيبلج
ياسمين:: لا ما اريد
سليم:: يوجعج الجرح
ياسمين:: ههه لا عادي تدري هاي اول مره انضرب هيج
جبت عمري كله محد ضاربني
سليم:: شنو علاقتج بأهلج
ياسمين:: عندي اب حنيت الدنيا عنده وعندي اخوو اذا احد كالي ولج يتسودن وعندي ام ما تعرف شنو صياح ولا ضرب يجي إيهاب يضربني هيج ضربه ولا يكولي صلفه
سليم:: لا اخوي يطلع حركت گلبه بيج بس ما يعرف الي جاي بسوي غلط ومالج علاقه بي
ياسمين:: شنو الي سويته حتى يتصرف وياي هيج
بقى ساكت كتله لا تسكت احجيلي حباب
سليم:: إيهاب قبل لا يتزوجج عنده علاقه بوحده من اقاربنه
ياسمين:: شنوووو
سليم:: تشتغل وياه وجانو مسافرين سوه
ياسمين:: صدك تحجي
سليم:: اي والله
ياسمين:: بقيت صافنه كتله ليش ما اخذاها ليش خطبني
سليم:: اختي ما تريدها وتكول طمعانه بي
ياسمين:: بس هاذا مو عذر
سليم:: بس إيهاب عنده كلام اختي كله تم
ياسمين:: بقيت صافنه وساكته شويه ودخل ابو طنكوره
يحط فحم للنركيله درت على سليم كتله تحتاج شي اروح انام
سليم:: لج هستوج كعدتي
ياسمين:: عادي صايرا احب انام رحت غسلت مواعيني وطلعت سمعت سليم يحجي وياه
سليم:: ليش تخلي البنيه تكرهك
ياسمين:: قبل لا اسمع رده صعدت بدلت ملابسي ومشطت شفت كذلتي طولانه كصيتها وكعدت افكر
من هذه الي يحبها وليش ما سوه المستحيل حتى ياخذها
كمت اخذت الحاف ورحت على القنفه تغطيت بس ما نمت
للوحده دخل هو قلل السبلت واني بقيت اباوعله حتى ما كال اسف اذيتج واني بحالة عصبيه شفته اخذ ملابس
بدل ورجع نام صبح الصباح ردت احجي ويا علمود الدوام
كتله عادي احجي وياك
إيهاب:: تفضلي
ياسمين:: كالها من وره خشمه كتله راح يبدي الدوام
لو تنقلني لو رجعني انت ما شايفني اهنا ذابني وما مهتم
لوجودي خليني ارجع لاهلي
إيهاب:: بعدين نسولف
ياسمين:: اني منا عصبيه وضايجه عطت بوجهه
طلكني اني ما اريد ابقى اهنا شبييكك بقى يباوعلي صوتي عالي
إيهاب:: لجج هاي عليمن تصيحين
ياسمين:: ما عليك طلكني ما اريد ابقى اهنا
إيهاب:: الله كريم
ياسمين:: عافني وراح خلاني اصيح واحترك وهو بارد
ربي شهلعذاب راح اموت اهنا رحت سبحت ابرد روحي
نزلت لكيتهم كاعدين ياكلون وابو طنكوره ما ادري وين
كتلهم صباح الخير ورحت كعدت بالمطبخ ما اريد شي
ضايجه ومختنكه وين اروح اجت يمي نور كالت
نور:: شبي إيهاب
ياسمين:: ما ادري من رجع من السفره لهسه ما ادري شبي
نور:: والله إيهاب ونست البيت جان بس خاف صاير وياه شي
ياسمين:: ما اعرف
عذراء:: سليم يكول بالليل لا تصعد اجيب حلويات ونكعد نباوع تلفزيون نتونس
ياسمين:: اي تمام
عذراء ٠:: ياسمينه شبيج من ساع صياح
ياسمين:: كتله اريد اداوم سويلي الله كريم ويعوفني
تره من اول ما جابني اهنا ما يريدني ليش هسه يريدني
اعوف الادوام كوليلي والله گلبي يوجعني والله تدري
وداعت بابا ما جنت اخاف من احد وهسه صرت اخاف منه
اجت يمي حضني
عذراء:: سوده عليه حبيبتي اني من يرجع احجي وياه لا تبجين اسكتي راح يوكف گلبج طاح حظه ما يستاهل احد
تبجين بسببه
ياسمين؛؛ تعبت والله اريد ارجع لاهلي والله اهلي لو يعرفون هيج مسوين بيه ما يسكتون
عذراء:: دخيلج اسكتي حبابه
ياسمين:: هو اني ساكته بس لشوكت كوليلي
عذراء:: كافي يگلبي ما عليج بي كومي غسلي وتعالي نطلع
بره
ياسمين: غسلت وطلعت يمها
عذراء:: ترحين تلبسين صايه ركض نروح للمحل نشتري
ياسمين:: لا يروحي ما اريد
عذراء:: تعالي نشتري بس لا تكولين لان ما يقبلون من وره السكر
ياسمين:: خاف صدك يرتفع لا تاخذين حلاه
عذراء:: تعالي اشتري وما عليج
ياسمين:: اخذت جبس ونستلة نبر ون وقوطيته تفاح كتله بس هذن ما اريد بعد
عذراء:: بس هذن تمام اخذت ككو وببسي وجبس
ياسمين:: عوفينهن حبابه مو زين عليج
شفته ما اهتمت واخذت انوب حلويات كتلها كافي فدوه
عذراء:: تمام راح انطي فلوس ونطلع
ياسمين:: انطت الفلوس وطلعنا واجه إيهاب بسيارته
كتلها اجه إيهاب بسيارته
عذراء:: صدك امشي ما عليج بي
ياسمين:: ما اصعد ويا هذا ابو طنكوره اني كتلها هيج
شبعت ضحك اريدها تسكت ماكو
عذراء:: هههههههه خرب بيومج منين جبتي هلاسم
ياسمين:: والله اخوج دوم مطنكر
عذراء:: كافي ولج ضحكت هواي
ياسمين:: جاي نمشي سمعنه دكلنه هورن كتلها والنبي عذراء ما اصعد
عذراء: وج وعلي يفضحنه
إيهاب:: شعدجن طالعات
عذراء:: جبنه حلويات وياسمين ضايجه
إيهاب:: يلا اصعدن
ياسمين:: ما اريد اصعد اريد امشي يلا عذراء اخذت ايدها ومشينه وتسودن صاح علينا
إيهاب:: اني شكلت اصعدن
ياسمين:: واني كتلك ما اصعد اريد امشي
راد يسحبني صرت وره اخته كتله ما اريد اصعد كافي
إيهاب:: مو اني امشي بكيفج امشي اصعدي
ياسمين:: ما حسينه غير عذراء عايفتنه وتمشي ركض عليها اخوها واني اخذتها فرصه مشيت ما اريد ارجع مشيت ركض للبيت هستوني وصلت لكيتهم ينزلون من السياره دخلت للبيت واخته عذراء تضحك وهو محترك صغدت فوك دخلت للحمام سويت نفسي اسبح من اثول نسيت اجيب ملابس غسلت شعري ونشفت جسميى شفت ملابسي صارن مي بس الصايه كلت يلا البسها واجيب ملابس. لفيتها عدل عليه حتى لا تنفتح وحطيت المنشفه فوكاها وطلعت واهنا طفرت اخذت ملابس سريع وجان ينفتح الباب و هو دخل ركضت للحمام سمعته يكول شبيهه خبله سكتت لبست دشداشه وطلعت لكيته كاعد رحت مشطت شعري اجه وكف يمي
إيهاب:: شسويتي جوه
ياسمين:: ياا شسويت ما سويت شي
إيهاب:: جاي احجي وياج ليش ما رجعتي وياي بالسيارة
ياسمين:: بكيفي
إيهاب:: شنو هيه بكيفج اني
ياسمين:: اني بساع حطيت ايدي ضميت وجهي خفت يضربني شفت ماكو شي وخرت ايدي فتحت عيوني باوعت شفته صافن. يباوعلي عفته وكملت تمشيط كال
إيهاب:: بطلي رعونه واحترمي
ياسمين:: محترمه اني والله
إيهاب:: واضح كلش
ياسمين:: سكتت عنه وضفرت شعري ورشيت عطر
هو راح كعد على الجربايه
إيهاب:: هذا عطرج طيب بس ما يبين غير من احد يقترب عليج
ياسمين:: واني الثوله ونسيت معلوسه منه كتله اني احبه
من زمان استعمله اخذته ورحت يمه كتله هاك اخذه اني
عندي واحد غيره شفته صافن يباوعلي ويبتسم اخذه مني رش على ايده
إيهاب:: ريحته كلش طيبه
ياسمين: هااا
إيهاب:: شبيج بويا العطر
ياسمين:: كتله اي اخذ ما اريده عندي
إيهاب:: هههههه بس هذا نسائي ما يصير
ياسمين:: لا عادي
إيهاب: ما اريده
ياسمين:: كتله جيبه اخذته منه رجعته ولبست حجابي ونزلت اريد اشوف البنات شيسوون لكيتهم كاعدين جيت يم عذراء كتله اجه سليم
عذراء:: لا بعده
ياسمين:: تمام نزعت حجابي وكعدت وياهن شويه ونزل ابو طنكوره كعد ويا اخته يسولف وياها وجانت عذراء تلعب بضفيرتي
عذراء:: وج هاي شلون تمشطين يشلع الگلب
ياسمين:: اي والله كوه امشط اريد اكصه
عذراء:: لج لا عوفي حلوو
ياسمين :: اي يروحي
إيهاب:: احمم حلوو ليش تلعبين بي
ياسمين:: وانت شكوو بكيفي
إيهاب:: حجت بعد شيسكتها
عذراء:: يلا يلا تعاركو
ياسمين:: ما تشوفينه بكل شي حاط روحه وياي
عذراء:: غير رجلج ما بيها شي
ياسمين:: بالله شنو ما ادري عندي رجل..
اني حجيتها ما حسيت غير انسحلت من ظفيرتي
إيهاب:: شكلتلي لجج
ياسمين:: مثل ما سمعت.
بعدنا نريد نتعارك دخل سليم
سليم:: يبوو هم عركه
ياسمين:: سلمووم فدوه تعال خلصني
سليم:: ما عليه انتي ورجلج
ياسمين:: هاا يعني عفتني
إيهاب:: شفتي يعني تكضين السانج لو لا
ياسمين:: خفت لا انضرب هزيت راسي اي دفعني على القنفه وراح لزم موبايله الي رجع هدء الوضع سليم
سليم:: نتابع مسلسلات لو افلام كارتون
إيهاب:: اي مو زعاطيط احنه
ياسمين:: اي اني اريد اشوف شعليك
سليم:: اريد اهدء الوضع كلت نشوف افلام احسن تعالي ياسمين كعدي يمي
ياسمين:: صدك رحت كعدت يمه نباوع مسلسل ما حسيت لمن نمت
عذراء:: ليش هيج تتعامل وياها تره بعدها عقل طفله
إيهاب:: ما كلتي لروحج من جبتيه طفله
عذراء:: شنو جبته ما كتلك سويها مكفخه كلساع ضاربهه
إيهاب:: ما تگض السانها
عذراء:: شوف والله اذا مديت ايدك عليه لو سويت شي ثاني ازعل عليك سكت ما رد عليه
سليم:: راح اغطيها تنام اهنا
عذراء:: ما حسيت غير طفر إيهاب بساع ما خلاه يغطيها
كتله وانت شعليك عوفهه مو ما تريدها
إيهاب:: مو هي ما تعرف تنام عدل الا تحوس
عذراء:: كام يضرب على خدها بخف حتى يكعدها وهي صدك كعدت الاميره النائمه
ياسمين؛؛ كعدت بسرعه عفتهم وصعدت فوك انام حتى ما غيرت ملابسي گبل نمت على القنفه حسيت ابو طنكوره غطاني ما كعدت غير الساعه 5الفجر كمت جددت وضوء واجت صليت ظليت كاعده لل7ونص وإيهاب نايم شفت تلفون يدك اكثر من مره من شفته هواي دك كلت خطيه خلي انطيه اله اخذت الموبايل شفت مكتوب........
