رواية ازهرت وسط الرماد الفصل الخامس 5 بقلم ميار
محد يحترگ گلبه عليّه
ويمد إيده ويطفي النار بيه ؟
إذا البيتي ضدي شحال جاري
يذب فوگي حطب وتزيد ناري ..
سَميرّ صبيح
༺༺༺༺༻༻༻༻
ياسمين:: كلت خطيه خلي انطيه اله خاف عنده شغل اخذته شفت مكتوب حرف N وكفت يمه كتله إيهاب
موبايلك يتصل ما رد عليه ما سمعني ندست بزنده
تفاجئت شو هذا يكولي نورهان شبيج والله شويه واكعد
بقيت صافنه منو نورهان عفت موبايله يمه ونزلت محد كاعد حضرت الجاي والجبن بالمواعين شويه واجه سليم
سليم:: هاا لج شسوين من الصبح
ياسمين:: ما نعسانه كلت احضر الريوك
سليم:: تعالي نسوي طماطه وبيض
ياسمين:: تمام
سليم:: اثرمي بصل وطماطه واني احمسهم
ياسمين:: ماشي ثرمت بصل وانطيته ورجعت ثرمت الطماطه كتله بس البيض ما اكدر ادنه يمه نفسي تلعب
سليم:: صدك
ياسمين:: اي والله هو والبرتقال والفواكه هم مو كلش احبهن
سليم:: وج مو زين ما تاكلهم
ياسمين:: ما اكدر والله ما اتقبلهن
كملنا الريوك شويه واجه إيهاب
إيهاب:: صباح الخير
ياسمين وسليم:: صباح النور
اجينه ناكل بس احنه البقيه نايمين جان يكول
إيهاب:: شعندج كاعده
ياسمين:: ما جايني نوم وموبايلك خبصنه اتصال من حرف N
إيهاب:: احمم اي من الشغل
ياسمين:: اباوع على سليم الي صافن عليه كتله سليم مكان شغلكم حلوو
سليم:: اي ولج كلش حلو
ياسمين:: اخذني يوم اشوفه
سليم:: وج كله زلم عيب
ياسمين:: عادي شبيك بس اشوف
سليم:: ان شاء الله عود فد يوم اخذج
إيهاب:: نترخص اني وسليم نولي لشغلنا
سليم:: اني بعدني روح اجي بسيارتي
ياسمين:: طلع إيهاب كتله ليش ما رحت وياه
سليم:: يريد ياخذ ويا نورهان واني ما اطيقها
ياسمين:: شكلت اسمها نورهان
سليم:: تعرفيها
ياسمين:: لا سكتت شكوله اخوك هو ونايم يحجي بأسمها
راح سليم للشغل كعدن البنات كتلهن تعالن اكلن اني شبعت راح اروح اسبح صعدت فوك سبحت وطلعت تمددت افكر شلون بيه راح يبدي الدوام ما حسيت غير نمت كعدت صاير المغرب هيج وكت نايمه ما معقوله
رحت لميت شعري حتى ما مشطته مالي خلك وجهي احمر
من الصخونه يبووو ما ابطل هاي العاده مرات انسى روحي اسبح وانام نزلت
جوه لكيت البنات مشغلات قران وصنته ماكو احد وهنه بالمطبخ يسون اكل دخلت يمهن
عذراء:: ولج ليش ما نزلتي
ياسمين:: ما ادري والله ونمت
نور:: هاي لج شبي وجهج
ياسمين:: مصخنه
نور:: روحي اخذ علاج من الثلاجه
ياسمين:: ما اريد هسه اصير زينه
كعدت يمهن حطيت راسي علـ طبله و اني مغمضه عيوني اسمعهن يسولفن
نور:: الجهال راح يبدي دوامهم واريد اروح لاهلي ومهند ما يقبل
عذراء:: شعجب ما يقبل
نور:: يكول من تروحين يتخربط وضعي محد غراضي
عذراء:: احنه موجودين روحي واني اكول لامي تحجي وياه
نور: اي خيه
ياسمين:: اسمعهن وما بيه حيل احجي كتلهن راح اصعد انام
عذراء:: وين تصعدين تعالي لج ناخذج للدكتور
ياسمين:: لا ما بيه شي عفتهن وصعدت لكيت امي تتصل
الوو هلاوو ماما شلونكم شخباركم
شذى:: هلا ابنيتي الحمدلله بعد عمري
ياسمين:: شكو ماكو بابا والولد شلونهم
شذى:: كلهم زينين الحمدلله ما تجين ماما والله مشتاقلج
ياسمين:: ان شاء الله كم يوم واجي
شذى؛؛ هلا بيج يروحي
ياسمين:: بقينا نسولف شويه وسدته اني رحت على الجربايه نسيت ما انام اهنا اني مددت ريحة المخده طيبه
تغطيت ونمت كعدت على ضربات على وجهي فتحت عيوني لكيت عذراء وسليم وإيهاب يمي سليم كعد گبالي ويحجي وياي
سليم؛؛ شبيج كومي نزلي وياي اخذج للدكتور
ياسمين:: لا ما بيه شي
سليم:: امبين صايره جمر
ياسمين:: اباوع عليه شلون خايف عليه هذا الشخص عبالك بي حنيت الناس كلها
عذراء:: فدوه ياسمينه كومي من الصبح لهسه وج راح تموتين
ياسمين:: هسه راح انزل
نزل سليم واخذ ويا عذراء طلعو وايهاب واكف يباوعلي
إيهاب؛؛ البسي حتى نروح للدكتور
ياسمين:: كمت من فراشي كتله خطيه شفتك شكد اهتميت ما عليك هسه اصير زينه
إيهاب:: شكد. تحجين واني ما احب اليحجي هواي
ياسمين:: ما حاجيه وياك انت تحجيت
إيهاب:: اسكتي اسكتي
ياسمين:: عفته ورحت غسلت وجهي ونزلت لكيت ام إيهاب موجوده
ام إيهاب:: ليش يمه هيج بتقيه تعالي ناخذج للدكتور
ياسمين:: لا خاله ما بيه شي هسه اخذ علاج
سليم:: راح اروح اجيبلها علاج من الصيدلية واجي بساع
ياسمين:: راح سليم واني بقيت كاعده يم عذراء حطيت راسي بحضنها وغمضت احس من الصخونه جسمي نحلان
شويه واجه سليم بيده العلاج اخذت العلاج حتى ابلع كوه بلعته مرر يبوو اني شلون شربتهن بقيت كاعده يم عذراء
سليم:: شلون صرتي
ياسمين:: زينه
سليم:: تعالي نسوي اكل عذراء مشتهيه معكرونة
ياسمين:: كمت بس احس بدوخه كوه حطيتهم وكعدت اثرم كوه واكفه بس استحيت اكول كدامهم لان همه الطلبو مني شويه وكملتها وحطيتلهم اريد اكل بس احس شبعان
رغم ما ماكله شي من الصبح نزل إيهاب كعد يمنه
إيهاب:: اني هم جوعان
ياسمين:: اباوعله اشرلي احطله كتله ما اكدر مريضه
إيهاب:: توني شفت ما بيج شي وحطيتي لسليم ولعذراء
ياسمين:: اي وشعليك وهسه ما اكدر شو هذا سحل
ماعوني وكعد ياكله يااا ماعوني اريده
إيهاب:: شسوين بي باقي هيج ما ماكله منه
ياسمين:: شعليك اريده سحبته منه
إيهاب:: سحبته منها انتي ليش تعاندين جيبي اكول
ياسمين:: والله ماا جيبه اخذته وحطيت بسد السنك ورجعت كعدت يمهم لكيتهم صافنين عليه كتلهم شكووو
سايم:: لج شبيج هو ماعون
ياسمين:: ادري بس هو ماعوني
باوعت لكيتهم يضحكون سكتت عنهم بعدين صفت كلت شسويت هو ماعون شبيه مجلبه بي رحت جبت الماعون حطيته گباله كتله اكل
إيهاب:: شنو مليتي ورجعتي انطيتنياه ليش تسوين سالفه
وبعدين ترجعين
ياسمين:: سكتت حسيت تفشلت كتلهم اني شبعت الف عافيه راح اروح انام
سليم:: تعالي ما شبعتي نروح بالسيارة نشتري حلويات
ياسمين:: لا ما اريد
سليم:: بدون نقاش بساع
ياسمين:: رحت جبت صايه لبسته نريد نروح
إيهاب:: وين تردين
ياسمين:: مو سمعت نريد نروح نجيب حلويات
إيهاب:: ماكو روحه ارجعي
ياسمين:: مو هي بكيفك وخر سليم يصيح
اني كتله كام يصيح عليه
إيهاب:: واني كتلج شكوو رايحه بكيفج اطلعين
ياسمين:: واني كتلك اروح وياه عادي
إيهاب:: لا مو عادي وماكو روحه ويلا على الغرفه
ياسمين:: مو بكيفك
إيهاب:: كافي تعاندين راح اتصرف شي يخليني اتندم
اني كال هيج تسودنت كتله على شنو تتندم هاا حاجيني
انت يهمك شبيه ما بيه أصلاً ما تعرف شبيه ما بيه لك من الصبح لهسه مريضه ما شفتني شبيه عوفني مو مرتك ما
كلت هاي بنت العالم جبتهه كا كلت يصير بيها شي كافي ساكته عنك عبالك اخاف لا والله ما اخاف بس احترم
ما سكتت الا ضربني راشدي خلاني اصم حلكي باوعت
عليه مگلوب ما يگصه السيف دفعه سليم ويحجي عليه
سليم؛؛ ولك صدك تحط عقلك ويا عقله
ياسمين:: جتي عذراء تريد تكمشني طفرت صعدت فوك
من صدمة الراشدي من اجيت لهسه صرت مدكه اله
ما حسيت على نفسي كمت ابجي بقهر شويه وانفتح الباب
طفرت للحمام ما اريد اشوفه صدك غسلت باوعت على نفسي طبعت اصابعه بخدي طلعت لكيته وحط راسه بين ايده رحت لمكاني وحفلت اذا ما اسودنه ما اتسمه ياسمين بقيت كاعده شغلت التلفزيون على فلم رعب
وعليت كل صوته وجبت موبايلي اشوف منو مراسلني
رجعت الموبايل وبقيت اباوع شفته يتأفف يكره من الصوت العالي ما حسيت غير طفاه صحت عليه
ليشش طفيته منو كالك اطفيه
إيهاب:: صوتج لجج
ياسمين:: ما عليك بيه
إيهاب:: شكم مره اعيدها الصوت العالي ما احبه ليش تعاندين فهميني
ياسمين:: بكيفي ويلا جفيني شرك لا والله اگلب الغرفه عليك اجه يريد يسحلني من ظفيرتي طفرت على الجربابه
صعدت فوكاها كتله والله اذا تسويلي شي اخليك تتندم
إيهاب:: بله شتسوين
ياسمين:: كلشي اسوي والله
ما حسيته عليه طفر سلحني من ايدي وكفني كدامه
إيهاب:: شلون تخلص وياج تبقين زعطوط
ياسمين:: اني مو زعاطيط
إيهاب:: زعطوطه الي تسوي هيج تصرفات
ياسمين:: لا من تضربني هاي ما تسمى تصرفات زعط..
بعدني ما مكمله لف ظفيرتي على ايده حسيته انشلعت
اريد اوخره مني ما اكدر اخر شي عضيته حييل يلا عافني
إيهاب:: خرب روحج شسويتي
مره ثانيه اسوي اكثر والله بس تمد ايدك تضربني ويلا وخر
اريد انام صدك عفت ورحت تمددت اريد انام اسمعه يدردم
إيهاب:: دكول بزون متوحشه
ياسمين:: كمت اخذ تراك احتريت من العركه ما اسمع غير الباب تكسر نزلت اركض و إيهاب وراي نريد نشوف
شكوو لكينه عذراء خطيه واكعه فاقده مرتف سكرها
اخذوها اخوتها وراحت وياهم نور وامها وبقو الجهال
يمي بقيت اسكت بيهم الي يبجي يريد امه والي رتعب
من المنظر شلت علي يبجي على امه انطيته حلويات
وصحت اخته رهف كتلها شوفي اختج راحت تسكتها
بقينه بس احنه الاربعه اخذتهم لغرفة امهم بلكت ينامون
كلت لعلي ماما بيها اواه حبيبي هسه تجي
علي:: صدك
ياسمين:: اي حبيبي هسه تجي نام انت من تجي اكعدك
نيمت علي يمي وفرح هم نامت بقيت بس رهف تفتر واري
وين ما اروح تجي خايفه كتلها لا تخافين هسه تجي عمتج
رهف:: خاف بيها شي طاحت على وجهه
ياسمين:: لا ما بيها شي يروحي تعالي نامي يم اخوتج
راحت يمهم واني بقيت بالاستقبال منتظره خبر منهم
خابرت سليم
سليم:: الووو
ياسمين:: هاا عيني بشر شلونها
سليم:: جاي ينزلون بسكرها ب2نرجع
ياسمين:: حباب اي شي يصير خابرني
سليم:: اي خيتي
ياسمين:: سده رحت تمدد انتظر يرجعون نمت ما حسيت الا على صوت باب الشارع ينفتح طفرت التلكاهم دخلت
تمشي بس تعبانه كلش كتله حبيبتي شلونج الحمدلله على سلامتج شفته ما تكدر تحجي بس هزت راسها ودخلت
نور:: عفيه وين جهالي
ياسمين:: نيمتهم
نور:: تعبتج رحمه الله والديج
ياسمين:: لا والله ما تعبت بس علاوي يبجي عليج روحي شوفي راحت وراح رجلها وراها
سليم:: هاا لج خفتي من رحنه
ياسمين:: لا الجهال التهيت وياهم ما خفت
ياسمين:: روح ارتاح
سليم:: اي والله تعبان
ياسمين:: راح لغرفته و إيهاب بقى اخر واحد باوعت عليه
التعب مبين عليه انقهرت عليه بس ما اريد ادنه عليه خفت
لا هم انضرب شويه وصعد للغرفه صعدت وراه دخل سبح
وطلع ينشف شعره كعد على الجربايه باوعت عليه حسيت
بي شي بس شلون اروح احجي وياه اخءت كاسة مي ورحت
قدمتها اله بقى يباوعلي اخذها شرب منها شويه وبقى كامشها إيهاب بيك شي محتاج شي
إيهاب:: لا ما بيه
ياسمين:: سألته اشكال الدكتور بقى ساكت دنك راسه
كعدت يمه كتلها شنو كال الدكتور
إيهاب:: تدرين كال لو باقيه شويه جان ماتت سكرها جان كتلها
ياسمين:: هي تاكل حلويات هواي وحتى ببسي
إيهاب:: اي الدكتور اكد علينه ما تتقربلهن بس هي كامت
تسوي العكس
ياسمين:: بقيت اباوعله عيونه بيها دمع كتله تحبها ضحك كال
إيهاب:: تدرين امي ما ربتني ملتهيه بدوامها بس هي الي ربتني وهتمت بيه بعمر اصغير
ياسمين:: الله يحفظها الك هي من اجت للدنيا بيها سكر لو اثر خوفه اني كلت هيج اباوع عليه وجهه انگلب وعيونه
عباره عن لون احمر كمشني من ايدي بقوة
إيهاب:: وانتي منو حتى تتدخلين وتسألين بمواضيع قديمه شعليج
ياسمين:: واني شحجيت بس هيج سألت
إيهاب:: لا تسألين ولا تحطين نفسج
ياسمين:: شمرني عنه و وطحت على ايدي كمت ابجي تخبلت محسيت شلت الريموند شمرته عليه. ات الضربه بصدره اجه يريد يلزمني كمت كتله وداعت بابا اذا تمد ايدك
عليه اسوي شي تندم عليه عوفني بقى يباوعلي
إيهاب:: كافي تصيحين وروحي نامي
ياسمين:: ما عليك بيه انام اكعد ما عليك
راح لمكانه واني هم رحت للحمام اغسل ودموعي تجري
واحجي ويا نفسي ليش رحت واني اعرفه شنو صوجب
بقيت ابجي شسوي يا ربي شجابني على هذا شويه وسمعت
الباب يدك عبالي يريد يدخل طلعت بس ما دخل بقر واكف
عفته مشيت اريد اروح لمكاني كمش ايدي كتله عوفني اريد انام
إيهاب:: تعالي اريد احجي وياج
ياسمين:: ما اريد نعسانه من ساع شسويتلك وهي تسوي بيه
إيهاب:: والله ما انتبه لنفسي من ينجاب هيج الموضوع
ياسمين:: واني شكتلك وسويت هيج
إيهاب:: سالفه قديمه ما اريد اذكرها
ياسمين:: هزيت راسي عفته اريد اروح
إيهاب:: اسف
ياسمين:: بقيت بمكاني اباوع عليه كتله اعتذارك مرفوض
إيهاب:: شبيج مو جاي اعتذر
ياسمين:: اي واعتذارك مرفوض
إيهاب:: براحتج
ياسمين:: عفته وتمددت وافكر شبي تسودن من جبيت طاري مرض اخته بقيت افكر لحد مانمت
صبح الصباح سبحت ومشطت شعري وشلته كبايه واخذت شالي ونزلت اعرف محد موجود نزلت لكيتهن كاعدات اجيت كعدت بسد عذراء كتله شلونج حبيبتي اليوم
عذراء:: الحمدلله ما بيه شي
ياسمين:: الحمدلله اباوعلهن تقنع بيها امها تشرب عصير
ما تقبل شويه اجت نور جايبه الريوك الها كالتها اكلي صدك اكلت شويه ودخل إيهاب بقى صافن بيها حجت ويا امه
ام إيهاب:: شو ما رايح للمكتب اليوم
إيهاب:: سليم بمكاني
ياسمين:: اباوع عليه راح كعد يم اخته يحاجيها
إيهاب:: هاا يبعد عيني شلون صرتي
عذراء:: الحمدلله زينه
إيهاب:: ان شاء الله دوم يروحي
ياسمين:: شفت شلون يبوس بيها ويشاقيها ويحاول يضحكها دمعت عيوني تذكرت اخوي شلون جان يعاملني
كمت بساع فوك اخذت موبايلي واتصلت بمرتضى
مرتضى:: هلا بروحي شلونج شخبارج
ياسمين:: زينه وانت شلونك
مرتضى:: تمام الحمدلله نسأل عنج
ياسمين:: كتله اي وسكتت
مرتضى:: شبيه صوتج
ياسمين:: ما بيه شي
مرتضى:: احجي ياسمين تردين اجي اخذج لو اخابر إيهاب
يجيبج
ياسمين:: لا اني اكوله يجيبني
مرتضى:: بكيفج تردين اني اجيبج لو إيهاب يجيبج
اي شلون الوضع يمج تعلمتي يبعد عيوني
ياسمين:: اي تعلمت مثل بيتنا
مرتضى:: احجي يبعد روحي بيج شي احسج ضايجه اهناك
ياسمين:: لا ما بيه شي بس اخت إيهاب مريضه
مرتضى:: عدها العافيه يلا يبعد روحي اخذي راحتج
ياسمين:: سديته منه رحت غسلت تدموعي تجري
غسلت وطلعت لكيت إيهاب بالغرفه بقى يباوع بوجهي
إيهاب:: شنو تبجين
ياسمين:: مابيه شي عفته ورحت انشف وجهي اجه وكف يمي
إيهاب:: شنو تبجين من سالفه البارحه
ياسمين:: شنو صار البارحه
إيهاب:: شبيج بويا
ياسمين:: ما بيه شي اريد انزل كمش ايدي واخذني كعدت على القنفه صافنه بي ومصدومه من الي يسوي كتله هااا
إيهاب:: والله البارحه جنت ضايج ما ادري بنفسي وصيحت عليج
ياسمين:: بس اني ردت اشوفك شبيك
إيهاب:: ادري والله بس اني عصبيتي صارت بيج
ياسمين:: اي
إيهاب:: سامحيني
ياسمين:: ضحكت عليه شلون يحجي كوه
إيهاب:: يلا بويا تردين ترحين جوه
إيهاب:: يلا بويا تردين ترحين جوه
ياسمين:: كتله اي ونزلت واني فكر شنو الي غيره......
