رواية كسرتني امرأه الفصل الرابع 4 بقلم انين الليل
-رياض
فزيت من النوم وباوعت ع الساعه وانا بين اليقظه والمنام وتذكرت الليله الي قضيتها اهنا بهذا البيت الي فعلا
اسمي موبوء وانا ما طلعت من الغرفه كمت بسرعه فزيت وانا أصيح على وفي وامجد واغلط عليهم انا جاي
ألبس شلون ما كان باوعت الجانيت جانت نايمه من شافتني فزت هي كعدت جانت تعبانه وشربت هواي وفقدت
بس بنفس الوكت جانت هادئه ولطيفة من لبست رحت يمها شلت فلوس وخليتهن بيدها
كالت لا أنتم دافعين ليكدام
اخذيهن مني الج
اخذتهن وطبعت على خدي بوسه كلتلي بهدوء //شكرا كنت لطيف وياي
طلعت لكيتهم متانيني وانا اصيح واغلط عليهم وهمه يضحكون أمجد من شافني هلهل وكلي هلا بالعريس
أما وفي عود يمثل علي دور الأب يكلي
:هسه يا ابني اموت وانا مرتاح لان خلفت رجال
...انا كلش عصبي كتلهم:: موت اليكرفكم حقراء ما تستحوون المفروض
انتم مو ضباط لا انتم گو،،،
من اخذني وفي وامجد ورحت وياهم الظاهر كانو يترددون ع البيت
دخلنا لكيت البيت فارغ بس احنه يعني
وفي متفق بس احنه نسهر بعد ما اعرف وفي هو الي طلب او هذا البرنامج مالهم لان وفي يعرف روز الي فتحت
الباب صار اكثر من تلث سنوات يعرفها وكامو يحجون وكلي وفي اخابر لأهلي على تاخيري لا يظل بالهم
من خابرتهم درت اريد اطلع شفت بنيه عمرها بالعشرين واكفه بصفي جانت حلوة وبيضه ولا بسه ثوب ابيض
نايلون خفيف بارز
كل جسمها الفتي شعرها طويل مغطي شويه من مفاتنها من كنت اريد اطلع حطت أديها بركبتي وحاوطتني
واتدنت عليه وهي لازمتني بعدين كعدتني عالقنفه و كعدت بحظني انا عركت وقررت أن ما اسوي شي وياها
لو مو تغريني أندك الباب وانفتتح ودخلت صينيه بيها مشروب وكرزات وفاكهة هي شالتها وخلتها كدامي انا
وكفت اريد اطلع بس هي كامت تمرر اصابعها بصدري بحركات غريبه بعدين لمت شعرها وخلته بصفحة
وجهه انا نقطة ظعفي الشعر الطويل احب الشعر الطويل بس شعر جانيت جان طويل بشكل وكان سرح
انا من شفته الشعرها فقدت كمت ألزم بشعرها وامرر أيدي بي واشمه وانا متعجب من طوله وبقيت يم
جانيت وجربت وياها كل شي هي كانت هادئه بشكل وانا اخذت
راحتي حتى بلحظه نسيت ايناس وموعدي وياهانسيته بس من كعدت الصبح تذكرت
طلعنا وانا أسوق بالسياره وفي بعده منعس كتله انت انزل يم المطعم وأخذ سيارتك وبقى أمجد يكلي
:على كيفك شنو احترك الشط
أنا احجي بسرعه ::امجد اوصل وياك البيتكم أسبح وحضرلي ملابس جديده لان بس اروح البيتنا ما أطلع للعشره وما اريد اتأخر على ايناس
وصلنه البيت أمجد دخلني ا لغرفته جان بيها حمام وجابلي ملابس جديده وبنطرون وقميص وحتى جواريب طلعت
نشفت شعري وجففته ع السريع وأخذت علاكه خليت بيها ملابسي الي نزعتهن وركبت السياره وكبل للكليه
اباوع الساعه تسعه وربع صار كلبي يدك وانا قريب الكليه اخاف ايناس استبطتني وراحت للقسم او دخلت للكليه لكن من وصلت شفتها
واكفه منتظرة ومبين عليها الملل انا فترت السياره وبعدت شويه عن باب الكليه ونزلت هي شافتني إجت تمشي
وصعدت بالسياره انا صعدت اباوع الها احس كلبي طار من مكانه راسا بادرت قبل لا تحجي
...صباح الخير آسف اتأخرت عليج جان عندي ظرف
:صباح النور ما صار شي
شغلت السياره وانا كل شي بيه يرجف وفوكاها سهران ليلة البارحه اباوع الها وكتلها
...اعرف مكان يسوي ريوك مو طبيعي شنو رايج لان انا ما متريك
وراسي راح ينفجر ع الجاي
:بكيفك بس اني ما اشتهي
ورحنا وصلنا كان عباره عن محل زغير بس نظيف يسوي بيض ويشوي معلاك وباكلاوبيض ويقدم شوربه
الرجال شافني اتلكاني :هلا أستاذ اتفضل
سلمت علي وكعدنا وكتلها ...شنو مشتهيه تاكلين هي ضحكت وكالت
:لا ما اريد مدا أشتهي
انا اصريت عليها هي ما قبلت بعدين طلبت شوربه وبيض وجاي وجابو وكتلها يالله شنو يعجبج اكلي هي ضحكت
وما أكلت شربت الجاي وانا تريكت وحاسبته بالكوة لان ما قبل هو يعرفني دائما اجي يمه اتريك وما يقبل يأخذ
مني لكن انا أدفع الحساب جنت احترمه هو رجال جبير او وقور
بعدها طلعنا وآخذتها المتنزه الخوره كان يوميه يفتحونه الساعه تسعه
الصبح ورحنا كعدنا على مصطبه هي ساكته انا بادرت
1
...أي شلونج انتي اكيد زعلانه
:لا ما زعلانه بس ضايجه
...مني مو
:لا من تصرفاتك
...وانا آسف حتى لو ما كنت غلطان
:ها كل الي سويته وتكول مو غلطان
...هو استفزني
:لا هو اجه يسألني
...وهو شله شغل ويسأل
:هو زميلي وسألني
...مو يشوف يمج واحد يحجي شكو يتدخل بعدين شمعنى هذا من دون باقي الزملاء
هي باوعتلي ومبين عليها ضاجت وكالت
:تكدر تسأله ليش تسألني
هي كامت تضرب رجليها ضربات خفيفه وشابكه اصابع ايديها و باوعتلي انا حجيت
...آسف مو قصدي والله بس انا جنت عصبي وتدخله اجه مو بوقته
:اي صدك انت عليمن صرت عصبي
...على حضرتج مو اليوم تردين تسافرين بعد الكليه انتي شلون تسافرين العصر شنو بكيفج
:اي بكيفي انا ما رايحه ابحدي ويه الطلاب الي أهلهم بالمحافظات بعدين احنه حاجزين بالقطار
ثم تعال اكولك انت منو حتى تمنعني الي
...اي امنعج واكسر راسج
هي حجت بنوع من العصبيه //هم حسوي روحي ما سمعت تجاوزك علي بس اريد افهم بصفتك منو حتى تمنعني
جاوبتها بعصبيه ::شوفي اني لازم روحي كوه لا تخليني اتهور
هي وكفت واتنفست قوي اني وكفت وكتلها
...اكعدي خل نتفاهم منا ناس
هي كعدت بعد ما شافتني غيرت نبرتي
...اسمعي ايناس انا من اول يوم شفتج وانا معجب بيج صورتج ما
تفاركني وانا كاعد بنومتي من اسولف ويه أصدقائي
ارجوج ايناس افهميني
ردت عليه بنوع بي استهزاء //شنو افهم انت معجب وشنو يعني الإعجاب حتى وانت تمشي بالشارع تشوف
اي شي تنعجب بي
انا باستغراب ::شلون يعني وضحي
:رياض يعني اني دى امشي واحد او اثنين او حتى ميه دى يباوع علي
ممكن يكون هذا معجب بشكلي الثاني
باناقتي الثالث بطريقة كلامي انت بشنو معجب
جاوبتها ::ايناس ارجوج لا تفهميني بالطريقه الي انتي ترديها
ايناس //اني الي مدا افهم عليك من باب تتعارك ويه زميلي لان حجى
وياي ومن باب تغيبني من دوامي ويوميه اشوفك يم الكليه وتتنرفززعليه لان دا اسافر الاهلي وهسه
دا تگولي اني معجبخلص حضرتك معجب اني أشكرك وهسه تسمح لي اروح لان ورايه سفر
رديت بعصبيه ::وانا كلت سفر ماكو
باوعتلي وردت بنتر //مو بكيفك ولا انت ولا اكبر واحد يمنعني
وخلت وطلعت تمشي من المتنزه انا بقيت كاعد اباوع الها شلون تمشي لميت أيدي وضربت المصطبه
بكل قوتي وظليت اتنفس احس نار تطلع من خشمي من القهر شفتها وهي طالعه كمت رحت للسياره
وصعدت بيها لكيتها واكفه
تنتظر تاخذ سياره وكفت فتحت الجامه وحجيت
...ايناس تعاي اصعدي
هي باوعتلي وكالت //لا شكرا هسه يجي خط واصعد
نزلت يمها ::ايناس اصعدي بالسياره رجاءا بعدني ما كملت كلامي
جاوبتني وعينها ع الشارع// أتصور ما بقى كلام بيناتنا
...حتى لو ما بقى رجاءا جاي اكلج بس هالمره اسمعيني
هي باوعتلي بزعل //بس هالمره خن نشوف وين حتوصل وياك
وفتحت الباب وهي صعدت وتمينا ساكتين إلى ان وصلنا للمطعم وكعدنا
هي بادرت بالكلام //احجي دا اسمعك
...ايناس انا الصراحه مو بس معجب بيج احبج وما اكدر افاركج ثقي
هي حسيت بيها تفاجئت من كلامي ودنكت وخجلت وبها الأثناء انا حجيت وياها
...ايناس حبيبتي فكري ولا تردين علي بس صدكي ما تلكين واحد بكل هاي الدنيا يحبج بكدي
ايناس انوستي تدرين بيه ما أنام إلا وانا احلم احاجيج وانتي يمي
بالغرفه وأهلي يحجون وياي وانا بالي
يمج صدكي ايناس ادللج اخليج احسن وحده بالدنيا انوسه حاجيني لا تبقين ساكته
شفت لمعة فرح بعيونها ما كدرت تضمها //رياض انت فاجأتني لازم تنطيني فرصه أفكر واراجع نفسي
كتلها ::ايناس الحب ما ينرادله تفكير انا احبج وانتي اذا ما مرتبطه فكري
جاوبت //لا اني ما مرتبطه انطيني مجال بس اروح الاهلي وارجع
رديت عليها وانا اهز براسي:: لا ايناس ما تسافرين اليوم لو شيصير
باوعتلي باستغراب //شلون يعني رياض ما أسافر
...مثل ما كتلج
:اه يعني من هسه تتحكم بيه وكلمتك لازم هي التمشي لا شو الا اروح
...جربي إلا اكسر رجليج
هي بدلاعه //بس اني مخابره اهلي كتلهم اليوم حسافروالصبح اني يمكم لان حجزنا بالقطار
...هسه كومي خابري اهلج وكليلهم ما اكدر اجي لان الامتحانات ع الأبواب
:رياض انت ما تعرف لازم أسافر
...كل شي اعرف كومي خابري
:منين اخابر
...امشي وياي
ورحت كدامها يم ابو المطعم واستاذنته تخابر اهلها وخابرت اهلهاحجت وياهم
:هلو ماما اني ما اكدر اجي لان ما اريد تفوتني محاضرات مهمه
داخله بامتحانات نصف السنه
بعدين كلتلها انو ام صديقتها رانيا يوميه تدزلها طبخه وعدها شكم فلس يوصلنها النهاية الامتحانات
بعد ان خلصت المكالمه رجعنا الطاوله وطلبنا غدا واتغدينا وانا اباوع الها شلون تأكل طبعا شفايفها عبالك
لون الفراوله وشلون تاكل شي ما ينوصف بعد ما خلصنا الأكل ورجعنا انا طلبت جاي وهي طلبت بيبسي
باوعت الها وكتلها ::شكرا حبيبتي لان سمعتي كلامي
جانت ضايجه طبعا انا عرفت ليش ضايجه حاسبت ابو المطعم وطلعنا هي ساكته وانا فاتح اغنية الكاظم الساهر
اودندن وياها وكفت يم محل بمنطقة العشار جبير وخليتها بالسياره كتلها اجيب جكاير وارجعلح
وصلت وطلبت من ابو المحل معلبات من كل شي تلاثه وأخذت شامبو وصابون وباكيت كاكاو واخذت اجبان
وحليب وجاي وكهوه وشكر معكرونه ونشأ وكاستر واخذت دجاج مجمد المهم حاسبته و خليتهن بصندوق السياره
وأجيت كعدت بالسياره وانا شفتها لان اتأخرت عليها شفتها ضايجه سئلتها وين يعجبج اخذج
كالت //رجعني للقسم علمود الحك ع البنات واكلهم غيرت رأيي ما أسافر
...حبيبتي ليش ضايجه انا ما اكدر افاركج لا تضوجين انابايدي اخذج البغداد
وسقت السياره وصلنا كتلها ::حبي ما اكدر افاركج انوسه باجر اشوفج
:لا رياض لازم اداوم اليوم ضربت الدوام
...زين من تطلعين ما نتاخر او كي
:ان شالله يالله بأي
...اوكفي يمعوده وين رايحه
؛ها شكو بعد !
انتظري نزلت وفتحت صندوك السياره وطلعت الأغراض
هي باوعت باستغراب :شنو هاي رياض
جاوبتها ::شنو معلبات واجبان لعد تبقين هيج
رانيه وصديقاتي يجيبلي ليش كلفت نفسك اني لفه تكفيني
كتلها ::اششش ا خذيهن وانتي ساكته ولا حرف وبعد ما تاخذين اي شي لامن رانيا ولا ما اعرف منو
شنو تردين اطلبي مني بدون ما تستحين ياالله اشوفج وره الدوام اوكي حبيبي
باوعتلي وابتسمت وشالت العلاليك وحطتهن بالباب ودارت علي وسلمت بيدها وانا رفعت لها أيدي بعدين
شغلت السياره ورحت البيتنا لان من أمس ما رايح للبيت وصلت وفتحت الباب بالمفتاح دخلت للهول ورحت
للمطبخ اسمع امي عبالك موقته السوالف بجيتي تسولف الأبوي وتكله
:إبراهيم خابرت مرت اخوي ام سامي وكتلها خلي البنيه تروح الحال نصيبها اذا خوش قسمه لان رياض يريد
يكمل دراسه بالكليه الحربيه وهي كالت مو مشكله أتاني بس انا كلتلها ذوله شباب ويوميه برأي ما نريد نظلم البنيه
إبراهيم //زين تسوين احسن وانا اعرف بسلمى خوش ابنيه وجنت أتمناها الرياض بس هو الله يسلمه متطاير منها
امي //اي والله خوش بنيه الله يسعدها ويه الخطبها يكولون خوش ولد ومخلص اداره وإقتصاد وعنده محل أدوات
احتياطيه ويكولون خوش عائله
ابوي /:جا ليش حليمه ضايجه ما طول خوش قسمه
امي //والله ابو عمران انا ضايجه مو بس على مود سلمى لا ضايجه على مود مريم
ابوي بتعجب //مريم شبيها !
امي //تذكر كبل من تكول رياض ياخذ سلمى واخوي ومرته يكولوون
اي وسامي ياخذ مريم شنو هسه تتصور ام سامي تاخذ مريم والله
ابراهيم ما اشوفها
ابوي //بعد هذا الشئ حليمه راجع الهم بكيفهم خو ماندلل على بتنا
حمحمت ودخلت عليهم وانا ابتسم وما بينت الهم انا سمعت شي همه تلكوني
ابوي //هاي وين من أمس لليوم
...ليش بابا عباس ما كاالكم
اي كال وفي متخربط
...اي بابا تعرف وفي أهله بالعمارة و احنا أبيت أمجد اتصل بينا وأخذنا للمستشفى وبقينا يمه الساعه 11 يالله طلعنا
وانوب أخذه أمجد ويا للبيت وبتنا يمه وسوالنا غدا وهسه اجيت
ابوي //هذا عذر اقبح من ذنب
رديت ::ليش بابا
ابوي // بابا ليش ما جبته وياك اهنا خطيه أمجد هم محد الهم انوب
يبقى يحتار بوفي
...بابا كتله وما قبل كال يم أمجد احسن ما اتقيد
امي //والله يمه قصرت جا جبته اهنا يوم يومين يرتاح احسنله
...اكلج يمه ما قبل يالله صاعد شويه أرتاح وأنزل اتعشى
امي انتبهت الملابسي جان تكلي //رياض ذني مو هدومك وين ملابسك
جاوبتها //اي صحيح ملابسي بالسياره تعرفين مستشفى وبتت بيهن يم وفي بصراحه تقززت بس وصلت البيت
أمجد اخذت منه ملابس وكبل ع الحمام هسه راح انزلهن من السياره
ورحت للسياره و اتذكرت خاف ذوله يتصلون وابوي يجاوب وانوب يطلع وفي خلي اركض أخابرهم لا يسويلي
حجايه ويظل يسولف صعدت فوك خليت ملابسي بعلاكتهن ونزلت خابرت أمجد
...الو أمجد
:هلا روضي هلا بالعاشك الولهان
...اسمع أمجد مو تخابرون للبيت تره انا كتلهم وفي تمرض وبقيت يمه بتنا بالنستشفى وبعدين طلعنا يمك لان انت اخذت
وفي البيتك افتهمت أمجد لو أعيد
امجد جاوبني // شلقصه رياض افتهمت حتى لو بعد سنه اشوف عمي
ابو عمران ويسالني ما راح أنسى اكله بات عد جانيت نسته امه وأبو
رديت علي ::لك صدك ما تستحي هاي شبيك أمجد بعد ما تنعاد مخلي جانيت وأمثالها الك
امجد بعتب //شبيك رياض عاد أحترم انا أقدم منك
::بس احنا مو بالوحده احنا أصدقاء وأكثر من الإخوان المهم مو تنسى تبلغ وفي ما أوصيك مجودي
امجد //صدك جذب لا توصي حريص ما عليك
وسديت وكمت طلعت الملابس وغسلتهن انا دائما إغسل الداخليات بس باقي ملابسي لو أدزهن الغسل لو امي او مريم يغسلونهن هالمره خجلت انطيهن غسلتهن بايدي ومجرد ما ينشفن اخذهن للغسل والكوي بعدين صاحولي ع العشا
نزلت رغم ما اشتهي كعدت وياهم وهمه يسولفون ويضحكون خصوصا عباس يقلد على صحبانه وع المدرسين
ورن التلفون انا ردت اكوم عباس سبقني طبعا انا كل ظني هذا وفي يسالني شنو شصار عباس رجع وكال
حجيه مرت خالي ام سامي تريدج
وكامت امي وردت
:هله خيه
الله يسلمج
ع الخير والبركه
ان شالله
محتاجه شي كولي تره أعين واعاون
بحيل الله وألف مبروك ما نحتاج عزيمه
واجت امي والكل يريد يعرف إلا انا
ابوي //ها ام عمران شكو
:بس الخير الجمعه خطبة سلمى وعزمتنا انا والبنات
:بيها الخير
امي باوعت ع البنات //اتحضرن ورة الغدا ما ريد مطمطة
مريم //اي ماما غير نشتري ملابس وشغلات
امي //كل شي ما تشترن عدجن هدوم هواي البسنها ع العرس يالله اشتريلجن
ليلى//مريومه اي شي تحتاجينه انتي وزينب اخذنه مني احنه أخوات ما بيناتنا
مريم //شكرا حبيبتي ما تقصرين
ثاني يوم كعدت تقريبا ع الساعه تسعه الصبح تريكت وظليت كاعد مرة
أصعد الغرفتي مرة اطلع الحديقه وارجع للهول ولا مستقر امي شافتني سألتني
:شبيك يمه اشو تروح منا وترد منا شصاير
...لا يمه ماكو شي
صعدت فوك سبحت وبدلت واخذت ملابسي وملابس أمجد ورحت امي كالت
:ما تتغده شويه ويجي أبوك واخوانك
كتلها ::لا عندي شغل واساسا ما أشتهي
وطلعت وديت الملابس للوندري وكفت يمه شويه وشغلت السياره وظليت افتر بيها صارت الساعه قريب الوحده
رحت اتغديت بالمطعم أكلت شي قليل ورحت يم الكليه وحلو الطلاب وطلعت هي شافتني واجت علي وصعدت
بالسياره سلمت وهيه فرحانه بس مرتبكه وانا كوه مسيطر على نفسي وكفت السياره وباوعت الها وحجيت
...اشلونج
:تمام الحمد لله
...مشتاق
دنكت وجاوبت //وأني هم
...هسه نروح تتغدين
:لا حباب اروح للقسم لان ام عصام ما تدخلني
...منو ام عصام
:المسؤوله مالت القسم
...ختروح
:شلون ختروح يعاقبوني بالعماده
...ايناس اريد اشوفج واحجي وياج معقوله هسه اوصلج شوفيلي حل
بعدين طلعت فلوس من جيبي وكتلها
هاج الزمي هذا مصرف الج على ما تخلص الامتحانات
هي ردت أيدي وكالت /لا رياض عندي ومن أحتاج أخذ من صديقتي وبعدين ارجعهن الها
...علمود اموتج ممنوع تداينيين من اي أحد
:بس رانيا صديقتي ودائما أخذ منها وارجع
...اي قبل مو هسه هاج الزمي اخذيهن وشنو تردين كليلي و هذا
رقم البيت ورقم الدائره اخاف تحتاجين شي وهسه
شوفيلنه ام عصام شلون اتدبرينها وياها
هي كلتلي //يعني شنو
دبريها انوسه مشتاقلج
زين نزلني يم القسم وانتظر
وصلتها ونزلت وانا بقيت أنتظر عشر دقائق واجت صعدت بالسياره
وهي ساكته
...ها بشري وافقت
:اي بس كلتلي لا تتاخرين
...شنو كتيلها
:خاله اهلي دزولي فلوس ويه أقاربنا وانا محتاجه شغلات بس اروح
شويه وارجع بالبدايه ما قبلت بس بعدين كتلها انطيج عشر الالاف
وكتلها اجيبلح عشا هي وافقت بس عفيه مو نتاخر
رحنا المتنزه وكعدنا واحد بصف الثاني وانا اباوع الها بعدين سألتها
...ايناس شنو قررتي
هي بدون ما تباوعلي //على شنو قررت
...على كلامي وياج على إعجابي وحبي اريد اسمع قرارج
رفعت راسها وهي تباوع بعيوني //يعني رياض وحده ضربت الدوام
وراحت وياك للمطعم واشتريتلها شغلات انطيتها مصرف ومنعتها
تاخذ من صديقتها وجذبت ع المسؤوله بالقسم كل هاي شتفسره
...انتي كولي
:ليش فزوره يعني دى تسوي نفسك ما تعرف
...لا
هي بدلال //اوورياض ليش تحرجني
...ما بيها إحراج
:حبيبي اسمعني أن
قاطعتها شكلتي عيدي الي كلتي
:كلت انا
...لا الي قبلها اول كلمه
:اووي رياض هاي شنو
...لك يا عمر رياض وروحه وعقله اموت عليج
:وانا هم
...انتي هم شنو
:نفس الشي
عرفتها رغم خفة دمها لكن خجوله وهذا الشي فرحني اكثر بصراحه اتمنى احضنها والعب بشعرها لكن كوه لازم نفسي
عنها لان اشوفها ثگيله وما تنطي مجال وظلينه نسولف عن حياتنا وعرفت كل شي عنها وعن اهلها وهي هم صارت
تسألني وانا اجاوبها
انا جنت كلش فرحان وهي فرحانه كلش وقررنا باجر الصبح هم اشوفها لان جمعه ورجعتها بعد ان اخذت الها فواكه
واشتريت عشا لأم عصام ورجعتها للقسم وانا رحت للبيت وشرطت عليها اول ما توصل تتصل بيه وفعلا وصلت
واتصلت كتلها سدي خلي اصعد فوك واتصل بيج وصعدت واتصلت بيها حجيت وياها وكتلها راح اتصل بيج
الساعه 11 علمود اخذ راحتي بالكلام وانتي همه تنيمين ام عصام
هي ضحكت ونزلت يم اهلي وصعدت وانا عيني ع الساعه واتصلت بيها وبقيت اسولف وياها حد الساعه 2 نص الليل
وكتلها تتحضرين الساعه 99 اجيج ونمت وانا اريد الصبح بسرعه يطلع
