رواية ازهرت وسط الرماد الفصل الثالث 3 بقلم ميار
جرف ما صير اتاني فضالة الروج
ريح بكيفي اجيب بكيفي اودي
اليحبني يصير مثلي مثلة ماصير
ذهب ولخاطر احد ما اصدي
ؔ༺༺༺༺༺༻༻༻༻༻
ياسمين:: حطيت راسي على مخده واني افكر بالي صار
والموقف ووضع ايهاب ظليت افكر معقوله ما يريدني مثل ما اني ما اريده بقيت كاعده ما اعرف يا ساعة يلا غفيت
كعدت الصبح دخلت للحمام فرچت اسناني وغسلت ونزلت صبجت على ماما وكعدت يمها سوتلي لفة جبن
وجاي اخذته منها واكلتها وكمت غسلت كوب الجاي
وغسلت ايدي ورجعت يم امي وهي تسولف وياي
شذى:: يلا يمه حتى نروح للصالون
ياسمين:: هزيت راسي اي وكمت صعدت لبست
چبه وشال اسود ونزلت لكيت ماما تنتظرني بالصاله
شذى:: شو لابسه شال اسود ميصير يا عيني
ياسمين:: يوم بس حجاب عادي
شذى:: ما يصلح ماما شنو اسود
ياسمين:: والله عادي يوم
كعدت على القنفه وامي ادردم عليه ما راضيه
كمت عليها بوستها واكوللها موو بوسه ضيم
ضحكت واني ضحكتي وياها واتشاقه وياها
شذى:: اي ماما اضحكي وافرحي
اي ماما حبيبتي طلعنا اني وياها للصالون
من وصلنا سلمت امي وكعدنه وامي كالتلها
شذى:: هاي العروس حبيبتي
ياا عيني ماشاء الله فدوه الها
شذى:: شوفي شتسوين الها
تعالي حبيبتي اشوف شعرج
ياسمين:: نزعت الحجاب وفليت شعري وهي اتشوفه
راح اصبغه الج
ياسمين: لا ما اريد اني احبه هيج
ما يصير يا عيني خلي اصبغه الج
ياسمين: لا اني حابه لونه ما اريد
ولا حتى خصلات منا منا يطلع حلو
ياسمين: لا والله يروحي ما اريد
تمام براحتج حبيبتي
ياسمين:: بس حفتلي وجهي ورجعنا للبيت لكيت رواء
وريماس امي مخابرتهن من طبيت البيت لكيتهن كبالي
اسم الله هاي. شوكت اجيتن ما دريت بيجن اهنا تفاجئت
ريماس: هههههه هسه شعليج اهم شي اجينه يمج
ياسمين: ضحكت ورحت باوستهن هي ورواء وكعدنه
نسولف كتلهن ولجن بنات وجهيي يوجعني موتني كلش
رواء:: اي ولج غير تطلع روحي من احفن اني
ريماس:: هو هذا الي يريد يصير حلوو لازم يتحمل
ياسمين:: ضحكنه عليها وصعدنه فوك لغرفتي
شويه واجتي امي لكتنه كاعدات ونتسولف كالت
شذى:: رواء حبيبتي شوفي شنو بقى نقص حتى اروح
اجيبه قبل لا يجون ملابس ياسمين شوفن وانطني خبر
رواء : اي تمام خاله هسه انعزلهن وانشوف شنو بقى
بقينا اني والبنات نعزل بالجنط والملابس ونتسولف
لحد ما كملنا الجنط لليل نزلنا جوه شويه واجو اخذ
جنط الملابس واني عفتهم وصعدت لغرفتي نمت
والبنات هم اجن يمي نامن كعدت الصبح نزلت لكيتهم
كلهم كاعدين ويباوعلي لان باجر العرس كتلها صباح الخير
بقيت انتظرهم يردون عليه بس مرتضى رد عليه وبابا اشرلي اجي يمه رحت كعدت بسده واباوعله كال
حميد:: ابنيتي كبرت وباجر راح تبدي حياة جديده
وان شاء الله اتكون حياتج احسن من هاي بعد روحي
بنيتي انتي فرحتي الاولى وتأكدي كل شي يصير مكتوبلج
وانتي صيري سباعيه ما اريد يكولون ابو ياسمين ما عرف
يربي ابنيته اريد دوم اظلن رافع راسي بيج وما اريدن غير سعادتج.
ياسمين:: هو يحجي وياي واني دموعي ينزلن وميته
بچي شبكتهه كل حيلي واحجي وياه بابا حباب اني ما اريد اعوفك خلوني يمكم
حميد:: اشش ابنيتي اسكتي
ياسمين: هزيت راسي اي كمت رحت يم مرتضى الي ما نشفت دمعته ويحجي كوه بسته وشبكني ويبوس براسي
مرتضى: أسوو لا تبجين حبيبتي شوكت ما تشتاقيلي تلكيني
يمج موجود
ياسمين:: بعد منو يجي بالليل تفقدني شبيها ما بيه
مرتضى: ضحكت راح ياخذون مكاني بعد
ياسمين: ابد والله انت اخويه محد ياخذ مكانك
مرتضى:: يلا حبيبتي روحي غسلي وجهج وتعالي اكلي ويانه
ياسمين:: رحت شبكته اخوي علاء وبسته وعلى حسان ولين شبكتها
لين: يلا تعالي نغسل سوه
ياسمين: ضحكت ورحت وياها ورجعنا تريكنه وكلمن طلع
لمكان واني بقيت اباوع على البيت هنا كعدنه هنا تشاقيت ويا اخواني وهنا كعدنا نسولف واهنا لعبت ويا اخواني بكل
زاويه بهلـ بيت عندي ذكره صعدت لغرفتي اباوع على كلشي بيها و ابچي اجن البنات يمي ظلن يحجن عليه لان ابجي
كالن ما كافي بچي اسو ما يصير هيج لج كتلهن ما اكدر والله شلون افاركهم ما اكدر
رواء:: والله تتعودين يروحي
ياسمين:: سكتت عنهن ومشي اليوم عادي وبالليل جنت متمدده نايمه حسيت على اخواني يمي بس ما كعدت بقيت مغمضه حسيت على ايد تمسح على شعري اسمع
اخواني يحجون ويباوعون بوجهي جان مرتضى يكول
مرتضى:: ما تخيل يجي يوم واعوفج بس لا جيه
اليوم تطلعت غلطان جي اليوم الي ترحين بي من بيتنا
بس شلون نتحمل فراكج يروحي صعب حيلل فاركج
ياسمين:: من سمعت كلامه كمت شبكته وابجي
وعلاء اجه من الجهه الثانيه شبكني ويبجي بسكته
واني شبعت بجي همه شويه وعافوني وطلعو بقيت
ابجي لحد ما نمت كعدت الصبح سحبت يلا نزلت
لكيت البيت متروس نسوان سوتلي رواء ريوك
كتلها ما اريد يروحي ما مشتهيه بس اهلي وين
رواء:: ما يصير يا عيوني لازم تتريكين تعالي أسو
ياسمين:: ما اشتهي والله رواء ما اريد بس اهلي وين
رواء:: ابو طلع هو مرتضى وامج جاي تحضر الجنطه
حتى نروح للصالون
ياسمين:: باوعتلها والدمعه بأعيوني أجتني شبكتني
وتهدء بيها
رواء:: اسكتي يروحي راح تبدين حياة جديده راح
تتغير حياتج وان شاء الله اتكون حلوه مثلج يا عيوني
ياسمين:: حضنتها وابجي رواء حنينه مثل خالتي
رواء راح اروح البس شي فوك ملابسي واجي تمام
رواء:: تمام يروحي منتظرينج
رحت لبست بشت وحجاب ونزلت لكيت رواء
وامي هم جاهزات طلعنه للصالون بس دخلنا
للصالون استلمتني ام الصالون حبابه كلش
شلونج عروستنا
ياسمين:: زينه الحمدلله عمري وبدأت تسويلي
مكياج واني ساكته بس هي وتسولف وياي
شنو هذا الجمال اللهم صلِّ على محمد وآل محمد
ياسمين:: كملتلي ولبست البدله جانت صلوخ
ومنفوشه وبيها كرستال من جوه كلش حلوه
بقيت صافنه على روحي اجت رواء وكفت يمي
رواء:: عجبج اختياري
كلش حلوه عاشت ايدج
سوتلي التسريحه مفتوح شعري بس كم خصله شالته
باوعت عليهن ماما وريماس و رواء يبجن وكفت واجيت يمهن
رواء:: اليوم يتسودن على هذا الحلا والغمازات والخدود
ريماس:: والله طالعه اميره
ياسمين:: بقت اني اضحك عليهن
ريماس:: يلا عمري اجه حسين ياخذنه من الصالون ويوصلج للقاعه
بقت اني و وراء وحدة تباوع على الثانيه سكتت شريد
احجي اجت رواء لبستني الكبوس وتهمس وياي
رواء: ولج هذا شكو جاي ياخذج
واني شمدريني والله
رواء: يلا عمري سكتي لا تحجين وامشي نطلع
ياسمين:: طلعنا وامي صعدت يمه واحنه وره
حسين: هاا أسو الف مبروك
ياسمين:: الله يبارك بيك خويه
رفعت عيوني اشوفه ابتسم وعيونه تلمع واني
الثوله مقهوره عليه بقيت ساكته لحد ما وصلنا
القاعه نزلنا وتلكني البنات يساعدني نزلت ودخلنا
كعدت على الكوشه وبقن البنات يركصن ويهوسن
لمن كالو اجو اهل العريس صدك دخلوو واجت اخته
خطيه ما تشوف كايدتهه مرت اخوها وهي تهوس اله
عذراء :: اخونا خوش اخو يستاهل الهوسه
اخونا خوش اخو يستاهل الهوسه
حجابه بيدها وتهوس بي لمن دخل ابو طنكوره
لابس قاط اسود بدون رباط وهي خطيه ما تشوف
وتهوسله كدامه لمن وصل يمي وهي تكوله
عذراء:: حبه ولك حبه ولا تخاف من امهه
ياسمين:: اباوعله ضحكه بس ضحكه مجامله ما
حسيت ضحكته صدك ابددد اجه يمي وباس راسي
او وخر شويه واخته حجت وياه
عذراء:: يلا خويه كووم اركصو انت وأسو
إيهاب:: شكتلج اني ما اريد
عذراء:: علمودي يروحي
ياسمين:: اني سمعته وطنكرت كتله ما اكدر اركص
رجلي توجعني من الكعب اشوفها تتبسم واتأشر لاخوها
باعوت عليه تلفت غير مكان يريد يتأكد من شي موجود لو لا
سكتت عنه وباوعت ادور امي لكيتها تسولف ويا ام ابو طنكوره اشرت لرواء تجيني كتلها ابوي واخواني وينهم
رواء:: هسه شويه ويجون يروحي اسو ليش ما ركصتوو
ما قبل..
رواء: خوش يلا حبي اني راح اروح اهناك
ياسمين:: راحت رواء واني ظليت اباوعلهن شلون يركصن
فرحانات عكس گلبي الي جا يحترك اجت ريماس يمي
ريماس:: يلا گلبي اجو اهلج
ياسمين: صدكك
ريماس: اي يبعد روحي
ياسمين:: اجو اهلي ابوي واخواني وياهم عمامي
تلكاهم ابو طنكوره ولا عبالك الي منساع جان گالب
وجهه اجه ابو شبكني حيييل ويحجي ويا ابو طنكوره
حميد:: بابا بداعت عزيزك بعينك تخليهه جبت عمري
ما اخلي شي يوجعها او يضوجها امانه تحطها بعينك
ودير بالك تضوجها هاي عزيزت گلبي
إيهاب: بعيوني عمي
ياسمين:: بقى ابو شابكني ويبجي واني متت بجي اجه اخوي هم شبكني
مرتضى:: الف مبروك يبعد اخوج
ياسمين:: بقيت شابكته وابجي
مرتضى:: سكتي يروحي وحق العباس وشوكت ما ترديني
ما تحسين الا واني يمج
ياسمين:: ما اكدر على افراكم شلون بيه
مرتضى:: اشش كافي يروحي سكتي
ياسمين: اجه اخو علاء الي ما يعرف اشيحجي بس شبكني ويبجي اجه بابا لبسني كلاده جبيره وعمي لبسني اسوار
وعمي الثاني تراجي شبكوني وباركولي وطلعوو واني مچلبه بعلاء الي ما يعرف شسوي اخر شي باس راسي وطلع
كعدت واني ابجي اجن رواء وريماس يحجن عليه لا ابجي
رواء: اسكتي يا عيني حتى مكياجج راح ولج
ياسمين: شلون بيه اهلي ما راح اشوفهم
رواء:: والله يجونج وانتي تجينهم سكتي
عذراء:: يلا حبيبتي راح تجي الزفه كومي
ياسمين:: كمت واجه ابو طنكوره عيونه حمر
ما اعرف عليمن وكفنا واخته تحجي وياه
عذراء: اخذها ايدها و روحو اصعدو بالسياره
إيهاب:: ما يحتاج تكدر تمشي
عذراء: لا ما تكدر اخذها
ياسمين:: اجه سحب ايدي بقوه سحبتها منه كتله عوفها اكدر امشي صحت لرواء تساعدني وصلنا للسيارة صعدت
وهي شبكتني وراحت وبقيت منتظر لمن اجه صعد السياره وسيارات هواي ورانه تصوير هم باوعت تقريبا الساعه 7 بالليل
مطرت الدنيا واني اباوع على جام السياره شلون تجمع
قطرات المطر عليه بقيت افكر شراح يصير بحياتي
بقيت صافنه ما فزيت الا على صوته
إيهاب:: يلا نزلي للمصور
ياسمين:: نزل ونزلت واهو اجه يمي سد باب السياره
واني كوه امشي من البدله جبيره اجه سحب ايدي ومشى
واني اباوعله هذا شبي وصلنا ودخلنا الولد جان حيل حباب
كرم:: الف مبروك خويه
ياسمين:: الله يبارك بيك خويه
كرم:: إيهاب خوش مختارلك عصفورة حلوه
إيهاب: كمل شغلك بساع انريد. نروح
كرم:: مستعجل
إيهاب: يلا ياخويه
كرم: اخويه ابن عمي كلها نعمه
ياسمين:: شنو ابن عمك
كرم: اي ابن عمي
ياسمين:: انت وياه ابنيه حبابه
يلا تقربو
ياسمين:: كمش ايدي وتقرب يمي حط ايده على خصري
البنيه كالت باوعيلي باوعنه اثنينه عليها هو مبين عليه كوه متحمل اخذت صوره وكالتله بوسها باسني براسي وخر بساع ضجت منه ركزت بس ويا المصوره عاد هي كالت
اضحكي عروستنا خلي يبينن غمازاتج
إيهاب يلا حبيبتي اضحكي
ياسمين:: ضحكت جذب هو هم ضحك عود ولزم ايدي واخذنه صوره باوعت عليه صافن بوجهي رفعتله حجابي
أيهاب:: شنو هذني بخدج
ياسمين:: شنوو
اشر على خدودي كتله غمازات غير!
إيهاب:: همم اي
ياسمين:: طلعنا للسياره وصلنا الفندق صعدت للغرفه
جانت كلش حلووه و ورد احمر بقيت واكفه بالباب اباوع
وخرني من صفنتي هو دفعني وكال رايح اسبح عافني
واني ظلت عيوني تفتر بالغرفه طلع واني على نفس وكفتي
إيهاب:: بعدج بمكانج
ياسمين:: رايحه اسبح
هو راح على موبايل اباوعلها من شافه صار ناررر عفته ورحت للجنطه عود اخذلي شي البسه لكيت حاطتلي ثوب
نوم مشلح عفته واخذت تراك نص ردن بس احسن
من ثوب نوم ودخلت للحمام ما شلع گلبي غير شعري
بي ماشات كملت وفرشت اسناني ولبست تراكي الردن كلش اكصار بعدين طلعت لافه شعري بالمنشفه لكيته
كاعد ويراسل بس واضح عليه ضايج سشورت شعر لان ينكط مي هو طويل ظفرته وكمت باوعت عليه شلون يراسل وضايج
إيهاب:: راح اطلع اشرب نركيله اني الاكل جبته اذا تردين
تاكلين
ياسمين:: بقيت ساكته واباوعله شحجي وياه هذا
إيهاب:: مو دا احاجيج
ياسمين: هزيت راسي اي هو طلع واني ورحت شفت الاكل جايب كباب ودجاج بس اني ما اشتهي تعبانه
رحت للجربايه تمددت واني افكر بأهلي شيسون هسه
دموعي نزلن يجرن لفيت روحي باللحاف ونمت ما حسيت
الا على صوته اسمعه يخابر
إيهاب:: شبيج يروحي والله ما سويت شي هو اني وين
اشوف غيرج بقى يحجي وياها وسكت من سمعني كتله.
ياسمين:: صباح الخير
إيهاب:: يلا اترخص بعدين اخابرج باوعتلها كتلها صباح النور
ياسمين: عفته ورحت غسل وجهي وفرشت اساتي وطلعت
جان واكف وكفت جان يكول
إيهاب:: عادي احجي وياج
ياسمين:: تمام
كعدت گباله منتظرته يحجي واني صافنه عليه
إيهاب:: شوفي الله شاهد عليه اني ما ردتت ايصير بيج
هيج بس اختي رادتج واني ما اكدر ارفضلها طلب بس راح
اصحح غلطي بس فتره ونطلگ
ياسمين: بقيت صافنه واباعوله شريد احجي وياه هذا
إيهاب:: تسمعيني
اي اسمعك ليش هيج سويت اذا ما تريدني ما حجيت وسولفت ليش غشيتني
إيهاب:: والله علمود اختي بس وعد اصحح كلشي
شنووو علمود اختك تخرب حياتي
إيهاب: بويه والله فتره واطلكج
واني ما اقبل ابقى ارجع لاهلي بساع وبدون مماطله
هو بقى صافن عليه عفته رحت للحمام نص ساعه
واني باقيه بالحمام دك الباب عليه سمعته يكول
إيهاب:: يلا بويه نروح منتضرينه
ياسمين:: مسحت دموعي الي يجرن على حضي
وطلعت لكيته ينتضرني لبست بشت فوگ التراك
ولفيت حجابي الاسود وهو كل هذا ساكت ما حجه
دنكت البس حذائي وهو حجه
إيهاب:: شنوو ترحين بتراك النوم
ياسمين:: هذا الشي ما يخصك
بقى ساكت واني رحت لميت بس ملابسي وحطيت الجنطه يم الباب منتضرته هو يباوعله بحقد خازرني واني سويت نفسي ما اشوفه اجه يمي وخرت عنه وطلع وطلعت وراه
وهو قفل الباب ونزل ينطي المفتاح نزلت اسحل بالجنطه
وامشي وراه وهو راح ينطيهم المفتاح واني طلعت بره مختنكه وهر راح جاب السياره اني عفته وصعدت حط الجنطه وصعد ومشينه الطريق طويل لان اهلي بمحافظه
وهمه محافظة ثانيه بقيت صافنه شنو راح يصير بحياتي
وما اريد اروح لبيتهم شلون اخابر اهلي لو شلون حايره
بقيت افكر لمن وصلنا لبيتهم باوعلته لكيته يباوعلي
إيهاب:: اي شي يسألوج كولي كلشي تمام مفهوم
ياسمين:: شنو تريدني اجذب!
إيهاب:: بويه بس سدي حلگج وخلي الباقي عليه
ياسمين:: بس اني ما اريد اسكت اريد ارجع لاهلي
إيهاب:: وشتگوليلهم!
ياسمين:: اكوللهم طلع ميريدني مثل ما اني ما اريده
باوعتله رفعلي حاجبه ما عاجبه كلامي كتله اني ما اجذب
اني ما اريدك وافقت علمود بابا
إيهاب:: بس فتره والله ونطلگ شبييج
ياسمين:: تمام
نزلت وياه هو اجه يمي وكف باوعتله
إيهاب؛؛ انطيني ايدج خلي نفوت
ياسمين:: ما يحتاج
هو اهنا صدك طنكر ابو طنكوره ويخزر بيه سحب ايدي حيل ومشى صرخت عليه.. عوف ايدي شبيييكك
إيهاب:: اشش سكتي ما اريد صووت
ياسمين:: دفعته مو هي بكيفك ومشيت بصفه
إيهاب:: شكد صلفه
ياسمين:: ما عليك صلفه مو صلفه شي راجعلي ويلا تعبت
بقى يباوعلي واجه يمي لزم متني بقوه
إيهاب:: بطليي تجاوبين
ياسمين:: انهضمت من وجع ايدي دفعت ايده ومشيت للباب وهو واجه وراي فتح الباب ودخلنا لكيناهم منتظرينه
كلهم اخوته اثنين واخته ومرت اخوو وامه
ام ايهاب: الف مبروك يمه شايف كل الخير يوم اشوف وليدك يروحي
إيهاب: بعد روحي يمه
ياسمين:: اجت اخته باسته وباستني وكفت يمي تسولف وياي
عذراء:: شلونج حبيبتي
ياسمين:: تمام
نور: الف مبروك حبيبتي
ياسمين::الله يبارك بيج
محمد:: شلونج خويه الف مبروك
ياسمين:: الله يبارك بيك خويه
اجه اخوهم سليم سلم وباركلنا وبنت اخو اسمها فرح اجت يمي
فرح:: شلونج عروستنه
ياسمين:: حبيبتي انتي شلونج
فرح؛؛ زينه
عذراء:: يلا فوتو انتو تعبانين
ياسمين:: دخلنا للاستقبال بيها قنفات بيتهم مرتب
ام إيهاب:: ادخلو يمه غرفتك ارتاحو
إيهاب:: اي يمه
ياسمين:: دخل واني دخلت وره نزعت البشت والحجاب وكعدت على الجربايه وهو دخل يسبح بقيت اباوع على شلون الغرفه مرتبه وحلووه فتحت الكنتور جان مرتب الملابس اخذت تراك ردان لان عدها ولد موجودين
بس طلع هو اني دخلت سبحت ولبست وطلعت لكيته متمدد على الجربايه ويراسل ويبتسم عفته ورحت امشط
شعري سويته كصيبه وظلت كذلتي طالعه حلوه رشيت عطر
واخذت تلفوني وكعدت على القنفه لكيت اهلي متصلين عليه اتصلت عليهم اجاني صوت امي
شذى:: شلونج ابنيتي شخباركم
ياسمين:: زينين انتو شلونكم بابا والولد
شذى:: كلهم تمام
ياسمين:: دومكم ماما مشتاقتلكم
شذى:: حتى احنه هم إيهاب شلونه
ياسمين:: باوعت عليه لكيته يباوعلي كتلها زين
شذى:: يلا ماما روحي يم رجلج
ياسمين:: سدتته مني امي وبقيت اني صافنه
ظليت كاعده ضايجه كل شي جديده اهنا تمددت
على القنفه وعيوني عليه اباوعله يكتب ما شلت عيني
منه لحد. ما غفيت ما ادري بنفسي كعدت لكيت نفسي
متغطايه بالحاف والگلوب مطفي كمت شغلت الضوه
ورحت غسلت وجهي ولبست شالي ونزلت لكيتهم. كاعدين كتلهم مساء الخير..
مساء النور
اشرتلي عذراء رحت يمها
عذراء:: جوعانه احنه اكلنه بقيتي بس انتي وايهاب كال نايمه
ياسمين:: لا يروحي ما اريد من يصير العشا اكل وياكم
عذراء:: تمام
ام ايهاب:: يمه لا تستحين االبيت بيتج
ياسمين:: تمام خاله
ام ايهاب:: شنو خاله كولي يمه مثل خياتج
ياسمين:: بقيت اباوعلها بعدين كتلها تمام
عذراء:: تعالي انطيني ايدج نروح للمطبخ
ياسمين:: لزمت ايدها ورحنه للمطبخ لكينه
مرت مهند نور تسوي عشا تشوي دجاج
نور:: تعالي عذراء سويلي بتيته ما فارغه اني
ياسمين: بقيت صافنه عليها شلون تكوللها هيج
وهي تعرفها ما تشوف
عذراء:: اي بس جبيلياهن
ياسمين:: اني اسويهن لا تجرحين ايدج
عذراء:: ضحكت لا حبيبتي اني متعلمه اعرف اطبخ
ياسمين:: لعد شلون مو متشوفين
عذراء: اي بس اندل مكانهن
ياسمين:: اباوع عليها صدك سوتهن شرايح واني دمعن عيوني من اشوفها هيج ما تشوف ونادره كتلها خليني اني اسويهن بدالج هزت رأسها وضحكت واني كمت غسلتهن گليتهم وحطيهن بماعون وجيت كعدت يمها شفتها تتلمس
باوعتلها ما اعرف شتريد لحد ما وصلت ايدي كمشتها وحطتها بحضنها..
عذراء:: باعي انتي هسه تكولين مكان جديد عليه و ناس هم
ما اعرفهم والله اني بس سمعت صوتج كلت عنج حبابه
وعقلها جبير اريد منج شيصير وياج شنو تحتاجين تعالي
وكوليلي حسبيني اختج الجبيره
ياسمين:: يا عمري اكيد اختي الجبيره
عذراء:: اريد شتسمعين وشتشوفين معليج ولا تحطين ابالج
ياسمين:: تمام
عذراء:: إيهاب وين
ياسمين:: ما اعرف وينه
عذراء:: غير رجلج وتعرفين وين طلع
ياسمين:: جنت نايمه من طلع
نور:: يلا خلي نحط الاكل
حطينه الاكل وجان هو هم موجود كعدنا ناكل ساكتين
من كملنا كمنا نشيل المواعين للمطبخ شالت نور ونص الثاني اني شلت الها بقو همه كاعدين ينتظرون الچاي
كتلها عذراء اني صاعده فوك نعست
عذراء:: براحتج حياتي
ياسمين:: صعدت واول ما دخلت شمرت الحجاب واخذت تراك خفيف للنوم ودخلت غسلت وجهي وفرشت اسناني وبقت ظفيرتي وكذلتي حلوات رشيت عطر ما اعرف
انان اذا ما احط عطر ورحت جبت مخده حطيتها على القنفه ولحاف وتمددت واخذت موبايلي واباوع ما حسيت بالوقت واني اباوع بالموبايل شفت الساعه 12 وابو طنكوره
ماكو لفيت نفسي بالحاف لان بارده ونمت حسيت على صوت الباب ينفتح باوعت ساعه2 وين جان ابو طنكوره
شفته راح لاحمام سبح وطلع بطرگ الداخليات وراح تمدد
على الجربايه يراسل درت وجهي عنه وكملت نومتي.....
يتبع.
