رواية مقبرة الاحياء الفصل الخامس والثلاثون 35 بقلم سارة جعفر
شگلچ يا بعد عيني وأنتِ أقربلي من رمشي
حتى من أنعزل عن الناس بوكت بيه كاره الدنيا
چنت وياچ أحب كلشي..

-كلارة: رجف گلبي ميته خوف وتوتر من المصير المجهول لحياتنا وين راحت وردة والمصايب الجاي تطيح على روسنا هدت حيلنا، طاحت فجر كاضه راسها دايخه بسرعه كضيتها
-يمه أسم الله شبيچ!

-دخت الدنيا ظلمه بعيني
-أگعدي شو بله أگعدي خل نشوف تاليها..
-ولچ وين راحت؟
بلعت ريگي متوتره وخايفه رحت جبتلها گلاص ماي وگعدنا بالحوش شربت الماي بأيد ترجف وعافته تلوب، جسام داخل غيبوبه وحالته خطره، حرّ داخل للسجن ومستقبله مجهول، وردة مختفيه وما ندري شنو مصيرها وفقار وقادر وضيغم بين جسام وحرّ حتى البيت ما يطبون اله يحاولون يحافظون على الثنين..
بينما أنه وفجر رواحنا راح تطلع من التعب منهلكين وآخر مصيبه وردة ما الها آثر فجر مسحت وجها وگامت من مكانها بهمه راحت للغرفه حطت عبايتها على راسها وطلعت للحوش مستعجله وأنه وراها
-وين رايحه فجر؟
التفتت عليَّ وآشرت على البيت
-روحي دوريها عدل أريد بكل مچان تدورين، وأنه طالعه أدور عليها وره البيت وبالبساتين بلكت الگاها..

-خاف يصير بيچ شي خيه شايفه روحچ كل شويه تطيحين گلبي راح يطگ والله!

-ما بيَّ شي لا يظل بالچ، بعد أختچ دوري عدل.

هزيت راسي وهِيَّ طلعت وأنه طبيت أدعي عسا ولعل أحنى على خطأ وما شفناها عدل بس والله دورت البيت كله مساع وما موجوده، هسه حتى للغرف طبيت ودورت وردة ما الها آثر..

شويه وطبت فجر للبيت حالتها جاوبتني قبلها أجتني محروگ گلبها
-ركض جيبيلي تلفوني كلارة بسرعه.
خير ياربي شني ما لگيتيها؟
-فص ملح وذاب بسرعه جيبي التلفون فدوه..
33
بين ما هِيَّ نزعت العبايه من راسها رحت أنه جبتلها تلفونها من الغرفه خابرت على الولد ضيغم وقادر وفقار لأن بس همَّ البقو النا، ما سمعت شنو حچه وياها ضيغم بس من سدته سألتها
-شگالولچ؟
6
-راح يدورون عليها..
-وياهو يبقى ويَـ جسام؟
-ما أدري والله بس أكيد واحد منهم يبقى يمه والبقيه يطلعون يدورون عليها بس وين يدورون وهِيَّ أختفت فجأة من بيتنا!
52
بلعت ريگ بخوف أفكر وأعض بأظفري بتوتر وهِيَّ تفتر گدامي
-فجر لا تخافين أكيد وردة ما تطلع وحدها أصلاً تخاف وما تندل.
27
باوعت عليَّ وتقربت لزمتني من أيديَّ
-ولچ كلارة البت مريضه وأختفت فجأة شلووون!
-خاف راحت للمركز تعترف على روحها؟
-مستحيل لأن هِيَّ ما تندل..
64
بقينا بحيره وخوف عليها، مر الوكت ونار تسعر بگلوبنا لحد ما الموجودين حسو بينا وكوثر بت محاسن أجت يمنا تتلفت بالمكان النوب باوعتلنا
-وين وردة شو ماكو؟
56
ما ردت عليها فجر ولا أنه
چن تسولف بوحدها، حچت محاسن رافعه حاجبها بشماته
-ها شو مكسوره عيونچن شني شردت العينتين؟
140
فجر رفعت أصبعها بوجها تأشر
-أسكتن عني لا وحگ هوَّ علي أطلع حرگة گلبي بيچن، شردت ماتت نكتلت تنلصمن وتسكتن أنتن ما الچن غرض.
58
أم ضيغم ولارا وزهراء أجن يمنا خايفات ويستفسرن منا، جدتي خاتون كلش مريضه وتمرضت بالزايد على سجن حرّ نايمه وتلوب ما بيدها شي، گعدن محاسن وبلقيس وبناتهن بالهول يسولفن ومن ضمن السوالف جابن سيرة وردة..
7
حنان: يوميه جايبه النا مصيبه هاي الرعنه.
43
محاسن: أنه شفتها البارحه بالليل گدام عيني فتحت الباب وطلعت بس الواحد يگدر يفك حلگه!
كوثر: طبها مرض هسه تلگنها شردت هِيَّ متراهمه ويَـ المسودن خريج السجون هم مسودنه.
45
بلقيس: والله تعبنا عسا ما ميته شنسويلها!
52
فجر حاطه أيدها على راسها صافنه ودموعها تصب ما سمعت كلامهن، هسه لو تسمعهن تطلع حرگة گلبها بيهن والباقيات ملتمات عليها گعدت وهِيَّ تدگ على رجلها بقهر وحيره، طبو ضيغم وفقار وأجو على فجر يستفسرون منها وخايفين هواي على وردة وهِيَّ حچت الهم وحتى ما ندري وين راحت ويا مكان شاكين بي ضيغم حط أيده على خاصرته يفكر وفقار مسح وجهه بتعب..
33
هاي الفتره همَّ الثلاثه عليهم ضغط چبير كلش، بين السجن والمستشفى چانت كل ما تصير عدنا مشكله حُرّ وجسام همَّ يتصرفون وهسه ثنينهم ما موجودين، طلعو ولدنا يدورون على وردة وقادر بقى يم جسام
19
طب صمد للبيت وياه لؤي أول ما أنتبه أحنى گاعدين هنا گال
-ها خيرچن؟
32
ما ردينا عليه بقينا ساكتين وطلعت بلقيس من الهول
-تعال عيني تعال أبو وائل، عوف الحبايب عدهن فاتحه وردة شارده من البيت ومحد يعرف وين رايحه.
60
فجر مسحت وجها تستغفر
التفت علينا صمد فاتح عيونه على كبرهن وكاض عبايته بأيده
-أيا عار يا ناقصه، شوف وخريج السجون كتل روحه عليها أول ما نسجن راحت شردت.
77
فجر: وهسه أنتَ تحبه؟ شعليكمم شنو من بشر أنتم شلكم غرض شوكت شردت بلقيس لا تطلعين أخلاقي البت ما شردت مريضه وتعبانه..
4
بلقيس هزت شفايفها وصمد فر أيده يضحك
-خايبه ما تسكتين، غيرچ ما يطلع حسها أستحي شوكت تنكسر عينكم هل أخوچ بالسجن وردة الدايحه شردت.
60
فجر: شو أنتم مزودينها كلش حتى الواحد اليريد يحترمكم ما خليتو لروحكم أحترام زودتوها وطلعتوها من ماعونها اله تردون واحد يهينكم ويطردكم؟
لؤي: لا تعلين صوتچ ولچ لا على عينچ..
69
فجر: هِيَّ ضلت عليَّ بس المزعطه.
73
تقرب صمد فاتح عيونه ورافع أيده بوجه فجر
-تطردين ياهو ولچ؟
29
رفعت عينها لعينه وآشرت بأصبعها عليه
-أطردك أنتَ وكل واحد نگس وناكر جميل مثلك ما غزر بعيونكم كلتو بحلاله سنيييين وگاعدين بيته سنييين ولكم كل هاي السنين ما نكسرت عينكم وهسه ساجنينه چا ما دام هيچ ما تقدرون الجميل أطلعو كلكم يله كلكم تطلعون من بيت أخوي.
185
طگاها راجدي على وجها قوي
شهگت وحطيت أيدي على حلگي وهوَّ تخبل يطگ بيها ويصيح
-تطرديني، تطرديني ولچ قندررره!
101
دفعته من صدره بثنين أيديها وزمخت
-أي أطردك، ومو بس أنتَ گاطع وخلفتكم كلكم بره يله.
64
گاطع ضل يغلط عليها واگف ويصيح
-بعد أيدي ولك كسر سنونها بحلگها..
59
وصمد يطگ بفجر بكل قوته
طگته طگة ظالم خالتي آمل تريد تجرها من أيده ماكو، ولا واحد من الولد تدخل كلهم واگفين يباوعون بس هِيَّ ما نكسرت تدفع بي وتصيح عليه
-مااااا تخووووفني صمد ما تخوفني لا أنتَ ولا الأكبر منك يخوفني.
83
أجه صوت جدتي من جوه ضعيف ومبين بيه المرض
-كسر بأيدك ولك هدها يالردي غاضبه عليك اليوم الدين.
30
التفت على الهول يصيح وهوَّ كاض فجر بثنين أيديه
-كلللله من ورااااچ كله منچ كبرتي روسهن وطولتي لسنتهن علينا بس سهله فجر سهله إذا ما أگص لسانچ..
23
أنه واگفه بس أبچي دموعي تارسات وجهي لأن من تصير عركه أخاف كلش وأبقى جامده، فجر وجها صار كله گدامات لأن يطگها عليه
13
-إذا ما تطلعععع أشتكي عليك والحسين، ياخي كااااافي شوكت تحسون على دمكم شوكت تستحون حرّ چان يوميه يهين بيكم ويگلكم أطلعو من بيتي وما تطلعون شني من بشر ما عدكم كرامه ما عدكم عزه نفس لزگتو
مو حچي شعلت نار بگلبه طگاها بقوه على وجها يصيح
-أنعل أبوچ لأبو أخوچ بت النعاااال تغلطين عليَّ العايقه إذا ما شگيت حلگچ يا عار أنه أعلمچ..
58
-يابه أفتهمنا ما عدكم أخلاق وفوگاها ما عدكم عزة نفس شوكت تستحون على رواحتكم وتحسون على دمكم وتطلعون، والله العظيم إذا ما طلعتو أشتكي عليكم وأهجولكم بالشوارع.
61
هنا نفجر عليها بالغلط والكتل ملخها يطگها بكل قوته بثنين أيديه بس ما نكسرت، دموعها تارسه عيونها وما بچت گدامهم ولا نزلت دمعتها وهوَّ كاض فكها بأيده عاصره وعينها بعينه خازرته
27
صمد: ولچ تردين تطلعينا من البيت علمود تظلين أنتِ تسرحين وتمرحييين وحدچ، يفرغلچ البيت علمود تجيبين صحبانچ أم الززززلم..
100
فجر: تخسى وأنه أخت الحرّ.
278
صمد: هوَّ كله من أخوچ أنطاااچ عين ظليتي تسوين البراسچ فنچ تشتكين فنچ والله العظيم أكسر رجلچ أصوبچ وأگعدچ بالبيت حالچ حال الچلبه..
43
فجر: إذا ما خليتني أطلع وما لگيت فرصه أشتكي عليك وأبهذلك أنتَ وشيباتك وعائلتك، يطلع حرّ من السجن مو ما يطلع ويهجولكم بالشوارع.
12
طگاها بظهر چف أيده على حلگها شفايفها ضلن يصبن دم بسرعه حطت أيدها على حلگها وطب وائل من باب الحوش يركض وفحطان
-شكو يابه شكو صوتكم واصل لراس الشارع؟
18
صمد: بت عمك العايقه تريد تطردنا من البيت علمود يفرغ الها البيت وزلمه يطب وزلمه يطلع.
13
وائل: صدگ چذب يا بويه، هسه أنتَ واگف تطگ فجر ما أستحيت والله عيب عليكم چا شني تولونها من شفتو أخوها بالسجن وزلمتها بالمستشفى؟
صمد: عاااار ولككك حرّ غاسل دماغك!
27
فر أيده وائل يهز براسه
محتقن من تصرف أبه فجر دفعت صمد لوره وهزت راسها
-الأيام بينا يجي يوم وأشوفك بالشارع.
8
عافتهم وطبت للغرفه أحس راح أنفجر من القهر رحت وراها أبچي والهوسه صايره قويه كل واحد يحچي بصفحه طبت لغرفة جدتي خاتون وأول ما گعدت نفجرت بالبواچي لامه رجليها لصدرها وأيديها على وجها مغطيته وتبچي..
25
جدتي خاتون الدموع تارسه عيونها
-عمت عيني يا يمه راح أخوچن واليسوى والما يسوى يذلچن!
57
الموضوع كلش يقهر
وأحس فجر طلعت كل كتمان گلبها وكل ألألم العاشته وكبتته هسه
-لا أخوي اليمي ويدافعلي، ولا زلمتي اليمي ويدافعلي، دنيا غبره أخذت وين الزين وخلت الحثاله صمد العار يذلني وكل واحد شاربه هل گده محد تحرك، يمممه لو حرّ موجود لو جسام ما صار بيَّ هييييچ..
59
مسحت جدتي خاتون دموعها
بشيلتها السوده وأنه أشهگ مگابله فجر أتوسل بيها
-لا تنقهرين والله فتره وتعدي.
24
"المُــهيب"..
275
فتح الحارس الباب دخلت وأول ما صارت عيني على داخل السجن أجت على بالي كل الأيام الگضيناها أني وحرّ هنا، أسمع صوت الباب وهوَّ ينقفل والسجناء كلهم يباوعون عليَّ وأني أدور حرّ بينهم..
32
أول ما لمحته نايم بالزاويه وأيده على عيونه أبتسمت
دوم هيچ نومته وبهيچ مكان تقربت عليه ربتت على چتفه ما رد رجعت أضرب على چتفه أقوى وخر أيده من عيونه منزعج مني وعاگد حاجبه أول ما شافني گدامه بهت وجهه وفتح عيونه بصدمه
-مهيب!
48
عدل گعدته وگعد گدامي مستغرب
-شتسوي هنا ولك شجابك شالقضيه؟
4
يباوعلي ويرجع يباوع للمكان
بأستغراب ضحكت كفخني على راسي بكل قوته
-عليمن فاك الحلگ وفرحان!
54
-غير لأن شفتك.
-وشنهي تسوي هنا طايح الحظ شمسوي؟
7
-سويت مشكله علمود أتوقف وأجي أشوفك.
تطب سجن لخاطري؟
-أطب أعدام مو بس سجن.
189
فك عينه خازرني بعصبيه وضربني على چتفي
-تاكل تبن وتطلع منا يله.
11
-لعد هِيَّ بكيفي دخلت بعد.
-أشگد تبقى هنا؟
-چم يوم..
11
حچيتها مبتسم فر أيده ما قابل
وأني متونس وفرحان التفت عليَّ يباوعلي بتركيز
-رحت لبيتنا شنو وضعهم؟
-رحت وتعاركت ويَـ عمامك لأن طردوني..
10
-أي مو تدري بيه بيت الخلفهم.
-والله النوب أكو واحد عدكم چنه جاهل بس يگمز..
-چثير عدنا زمايل حدد بعد أخوك؟
16
ضحكت وحاولت أتذكر أسم الولد
-أسمه يمكن وائل، لا لا أسمه لؤي وائل مؤدب.
-قندرتيش هذا صافگه بنعال على شاربه!
40
-رزلته أني بس ردت واحد من الولد يطلعون أشوفهم..
2
-وشني الولد شلونهم جسام شلونه؟
-مو زينين خطيه من محامي لمحامي يدورون حل لقضيتك وجسام حالته مثل ما عفتها.
2
تنهد وأنتچه على الحايط الوراه يدخن
-شلون هسه عود صدگ تتحاكم؟
-أي شي أكيد يمكن أطلع بعد مناه بچفن..
82
-خايب ما تسكت شنو جفن، هسه أنتَ صدگ كاتلها؟
8
-أي أنه چتلتها.
-لا تضل تچذب أدري ما تسويها!
2
بقيت الح عليه وهوَّ ساكت
ما يقبل يسولفلي لحد ما بقيت هواي الح عليه مل مني وسولفلي وقبلها حلفني ما أحچي أو أتصرف أي شي غير اليريده هوَّ..
-مو أنه الچتلتها، حرمتي.
86
صفنت عليه فاتح عيوني بصدمه
-عود صدگ!!
-ما أدري ما چنت حاضر بس هذا العرفته وما أريدها تطب سجن عسما أضل العمر كله مسجون..
بقيت صافن مصدوم وأفكر رفعت أيدي أأشر بأصابعي
-هذيچ الصغيره؟
128
كفخني متعصب وزمخ
-نچببب الصغيره شنهي؟
-ها العفو بس أني ترى شايفها من جبناها من صالح..
-نچب.
161
سكتت وهوَّ يجر حسرات وياخذ نفس طويل من الجگاره
مُهيب: جگاره وليل وهمومك..
حُرّ: ما تفض الهموم اله أنه بالچفن ملموم.
141
تنهدت مقهور وأحس السجن يضيگ على گلبه
كل ما تصد عينه عليه ينقهر بالزايد مسح وجهه، شفته مقهور حبيت أغيرله جو وحتى طبتي لهنا علمود أهون عليه وما أخليه وحده طگيته على چتفه
-خويه أني المن أجيتك علمود أگابل الحيطان؟
24
ردلي وهوَّ مغمض عيونه
-أسكت عني أريد أنام.
-هلووو وحرّ من شوكت يگدر ينام؟
-خايب أريد أرتاح شويه حتى لو أناملي ربع ساعه..
95
ضيگت عيوني مستغرب باوعتله وهوَّ هادئ وساكن بمكانه ومغمض عيونه يريد ينام بس ما غفت عينه عگد حاجبه متعصب وگعد مطنگر..
10
أباوع عليه مبتسم
-چنت شاد وياي كرهتني بعيشتي والنوب أني ما مسوي شي ضليت أطگها صفنات شماله الزلمه هذا وياي من أول يوم أنتَ ما جرعتني..
18
جر نفس طويل من الجگاره صافن لگدام يفكر
-يخوي شمدريني أشم گفه أيدي، إذا صالح وده عليَّ چثير وادم ويجون بحجة فقيرين ومؤدبين وتالي يسحبون السچينه منعولين الوالدين، عبالي أنتَ واحد منهم لأن لطشت بيَّ.
40
-هههههههههه ردت أصير صاحبك، چنت دوم بالي وياك لأن ما شفت عندك صاحب هنا وهمَّ يسولفون ويضحكون وأنتَ گاضيها جگاير وسكته وصار عندي فضول شنو قصتك وهيچ حزين؟
فر أيده ودفرني دفره شوغت روحي
-سگط.
-ولك أكو واحد يرفس المعده!
8
-طبك مرض ضل أرفس وحدك.
-شعندي أرفس أبن الأوادم متعور لو منتول؟
23
ضحك وكل شويه يحاول ينام
بس متعودين عليه ما تغفى عينه تأفأف ضايج حاولت الطف وياه جو
-شنو مشتاق لـ أم الفضـل؟
154
التفت عليَّ يباوعلي بطرف عينه وأني ضحكت
-أصيرلك أم الفضـل..
212
رجع دفرني وأني جريت بدي من هدومه
وخليته على راسي سويته مثل الشيله وگضيته من يم رگبتي
وهوَّ رافع حواجبه مصدوم نصيت صوتي أنعمه
-ها حبيبي أبو الفضل شلونك؟
396
-خايب شو ولي شنهي هاي دخيلك ربي
-شتريد بعد حتى أم الفضل صرتلك.
65
-لعبت روحي حتى من حرمتي
158
-عمي والله أنتَ ما يغزر بيك..
-چا شني صايرلي حرمتي شوف الشوارب!
49
ضحكت بصوت عالي
وضربته عود بدلع والزلم صافنين علينا وأني ما مستحي
-حبيبي حبيبي.
239
دفعني بثنين أيديه لوره
-خاااايب شو وخرررر..
25
جريت البدي من راسي وشمرته حيل بالگاع
-وسم ومرض شتريد بعد بشر ما يصير بعينه.
24
ضحك يفر بأيده مهموم هواي حاولت أضحكه بس نفس حاله
-أنطيني معلومات تفيدك بالقضيه لأن راح أمشي بيها وردت أخذ من عندك كل التفاصيل وأحط محامي شاطر.
3
-كلشي ما أريد أنه متاني أشوف شني حكمي..
-وشتسوي لا تگلي تشرد من السجن؟
-لا أنتحر.
83
-بروح أبوك تحچي صدگ؟
-أي والله أنه ما أضل بالسجن سودني وما أتحمل بعد لأن هسه إذا حكموني أكيد مؤبد لو هم ١٥ سنه عليمن هوَّ عمري گضه هنا والنوب أنحكم يطب الخمسين وأنه بين أربع حيطان خرا بروحي ما أريدها..
بس مو هيچ حرّ شبيك!
-مهيب أسكت عني..
2
-هلگد لوعك السجن؟
-باگ سنيـن عمري.
-هظيمة..
126
بقينا ساكتين شويه وهوَّ يغني بينه وبين روحه بصوت ناصي أغنيته الما تفارگته "ريت العمر ما گضه" تنهدت لأن تنطبق على حياته حيل أريد أسولف وياه وأقنعه بس أعرف يسوي البراسه من أطلع فكرت أشوفلي محامي شاطر ويمشي بقضيته
73
أنتبهت لكم واحد من الموجودين حاطين بالهم وياه من يغني، السجن بي شكثر ناس كل الأعمار تقريبًا موجوده بيه واحد من السجناء أبتسم وگال
-شنو هذا الصوت شحلاته يخوي.
78
أنتبه حُرّ وأبتسمله والثاني طگ أيد بأيد
-صوتك رهيب، ما تغنيلنا شويه بروح أبوك..
52
-لا يابه ششفتني مطرب؟
-يا مطرب يا دنيا شايف الحزن البصوتك دمار.
69
كلهم ضلو يلحون عليه علمود يغني وسوو لمه وقنعوه، هوَّ ما راد بس ما حب يردهم لأن هواي طلبو منه ولحو وهوَّ شايل صوت كلش حلو وحزين بلش يغني بس صوته متروس هم وقهر..
27
-البارحه بالحلم چني لهلي رديت
وما بين ناسي گعدت چن سولفت وبچيت
ريت الحلم ما گضه وريت أنه ما فزيت
ضاع العمر غربه كلمن مشى بدربه
462
-كلارة: گاعده على الدرج أفكر بحياتي وأحبابي وين صفه بيهم الوكت، دائمًا أهون على الناس ودائمًا أحاول أبين ما عندي هموم بس والله أنه حزينه وكاتلني القهر بفتره وحده ما صفه الي واحد من عزازي..
20
أخوي مسجون، أختي مريضه، زوجة أخوي وصديقتي المقربه ما أدري وينها مختفيه، رجل أختي والأعتبره أخوي الثاني داخل بغيبوبه عيشتيش هاي كل الأحبهم متعذبين ومعصور گلبي كل الوكت مالي خلگ حتى الضحكه الچانت دوم على وجهي أختفت
20
حسيت بشخص گعد بصفي التفتت شفته ضيغم
أبتسملي وبقى يسألني عن أخباري، بس شافني حيل ضايجه وحزينه وهوَّ حاله مو أحسن من حالي هم متغير وتعبان قدملي كيكتين وعصير
-هاچ أكلي من الصبح لهسه ما حاطه لگمه بحلگچ، راح تطيحين شالقضيه!
71
ما قبلت أكل بس من گد ما لح عليَّ أخذتهن من أيده وصحيح أنه جوعانه فـ أول ما أنطانياهم فتحت الكيكه وأجت تطيح من أيدي وإذا طاحت تنذب وحرام فـ بالگوه كضيتها قبل لا تطيح التفتت باوعتله مبتسمه
-لو طايحه الكيكه أبچي.
-وأنه أگابلچ واگعد أنعى عليها..
ضحكت وهوَّ حاول يلطف وياي جو ويضحكني، طلعت إيناس من المستشفى وحالتها كلش زينه وبلقيس ما سكت صوتها بس تحچي على وردة وعلى حرّ وحتى علينا، مغلسه عليها مالي خلگ أتعارك وأنه وفجر قررنا من تبقى إيناس بغرفتها وحدها نحچي وياها صحيح الموضوع طلع من أيدها بس عسا ولعل تگدر تأثر على عائلتها لأن تحبه
16
من بقت وحدها رحنا إلها، أنه واگفه وفجر گاعده على طرف چربايتها گدامها وهِيَّ تباوعلنا ساكته فجر بالگوه ضغطت على روحها وأجت لأن مريضه وتعبانه وهم ما تحب إيناس حتى تگعد تسولف وياها بس كل هذا لخاطر عيون أخونا..
7
فجر: إيناس أجيت أحچي وياچ بسالفة حرّ والصار وتدرين كلش زين أنتِ منو صوبچ، فـ ياريت تصير عندچ شويه أنسانيه وتأثرين على عائلتچ عسا ولعل يسحبون الشكوى لأن حرّ راح يتحاكم!
4
إيناس: لا ما أحچي وياهم، ولا حتى همَّ راح يقبلون وليش آثر عليهم لو أحچي وياهم ليش أخذ التهمه عنها لو هوَّ چا أنه أضغط على أهلي علمود يسحبون الشكوى بس هوَّ وگف ويَـ الرادت تكتلني ودافع الها!
70
فجر: أنه ما چنت موجوده بالغرفه وياچن بس أعرف نقطتين مهمات، أعرف وردة كلش زين، شنو مسويه يا إيناس وصلت وياچن للكتل سولفيلي إذا عندچ جرآه وما غلطانه معقوله أجت تكتلچ بدون سبب؟
6
إيناس: فجر لا تحاولين، والله ما يسحبون الشكوى ولا تحاولين تذبين عليَّ الغلط لأن هِيَّ رادت تكتلني بدون سبب، يمكن غيره مني الله أعلم..
196
فجر: غيرة شنو حبيبتي، گتلچ أعرف نقطتين كلش زين وحچيتلچ الأولى بس أريدچ تركزين بالثانيه أنتِ شتسوين بغرفة حرّ أريد أفتهم ياخي أنطيني سبب مقنع يخليني أفتهم شعندچ بغرفة رجال غريب؟
إيناس: يعني مثلاً هذا سببب يخليها تكتلني!
14
فجر: لا تحورين بالكلام كلامي واضح وأنتِ مو طفله علمود ما تفتهمين، جاي أگلچ شنو من شي چبير سويتيه بغرفة حرّ حتى صارت بيناتچن بالسلاح؟
13
إيناس: ما سويت شي، ويله هسه أطلعن بره ما عايزني دوخة راس فوگ ما ذيچ الچلبه أجت تكتلني تدافعلها أشگد ما عدچن أخلاق!
65
فجر: عدنا أخلاق حبيبتي عدنا، لو ما عدنا چا أول شي شهرناچ وفضحناچ گدام الموجودين كلهم مثل ما تسوي أمچ بالبنات لو أنتِ مو بت بلقيس أول شي تسويه تگول هِيَّ شعدها بغرفة زلمه غريب عليها وتگعد تطعن بشرفچ بس أحنى أرقى من سوالف أمچ الطايح حظها فـ إذا أكو واحد ما عنده أخلاق هِيَّ أمچ.
55
حچتها وطلعت من الغرفه بعصبيه، طلعت وراها ضجت من أسلوب إيناس ويانا أحنى حچينا وياها بكل أدب فجأة تحولت علينا وراحت البنيه الحبابه وتحچي معلگ وبطرف عينها تباوعلنا وبالگوه ترد متت قهر وروحي تلوب على حرّ وردة..
11
يمر الوكت وفجر تتعب أكثر وأكثر
طبيت لغرفة جدتي بعدها فجر نايمه وزهراء ولارا يقنعن بيها علمود تروح للمستشفى لأن تعبانه وبالگوه أقتنعت وزهراء طلعت صاحت واحد من الولد علمود ياخذها گامت فجر لبست عبايتها والتفتت عليَّ
-گومي البسي ترحين وياي.
11
ما عافتني وحدي وياهم لأن تدري بيهم يضوجوني لبست وطلعنا أنه وياها و وائل ما قبلت تروح للمستشفى رادت نروح للصيدليه رغم أشگد لح عليها، رحنا للصيدليه وبصفها أكو غرفه قاس الها الضغط گال هبوط وطلب من وائل يروح لصيدليه ثانيه يجيب علاج لأن ما متواجد بصيدليته
5
أنتبهت لمُهيب واگف من بعيد يباوع على الصيدليه
وأول ما صدت عيني بعينه أجه بقيت محتاره ومرتبكه تقرب مستغرب
-شتسوين هنا؟
-جايه ويَـ أختي.
ليس شبيها أختچ خيرها؟
-هابط ضغطها..
70
-شنو شو محد وياكم جايين وحدكم؟ أشتريتن العلاج لو لا خل أشتريه وأني أوصلكم.
19
رفضت وتشكرته وسولفتله عن وائل، طبيت يم فجر وهوَّ أجه وراي فجر گاعده على كرسي من لمحته گامت سلم عليها وردتله وأنه واگفه على جهه
-شلونچ خويه شلون صحتچ أن شاء الله ماكو شي مريضه بس لا واحد هناك مضوجچ سولفلي وأني أتصرف أعتبريني حسبة حرّ.
38
-لا خويه تسلم ما تقصر..
-لا تستحون مني شتردون أني خادم وترى حُرّ موصيني عليچن، بس بعد تعرفون الوضع كل ما أريد أجي أشوف خاف محتاجات شي أعرف راح نتعارك مو وياهم على صلح.
1
-لا خويه لا يضل بالك صدگ چذب ما محتاجين بس شلون شفت حرّ؟
2
هز راسه وسولفلنا هوَّ نسجن
چم يوم وياه نصدمنا بس ما تعمق شلون وفجر بسرعه سألته متلهفه
-شلونه شفته بخير لو تعبان؟
2
-لا بخير بخير الحمدلله وأني أن شاء الله راح أوكل محامي شاطر يحل القضيه والبنيه طالعه سالمه ومو ذنبه هوَّ أن شاء الله نحلها ويطلع سالم..
28
-وردة: گاعده بالغرفه متربعه وأيدي على خدي أفكر بكلشي صار وياي بهاي الفتره، گاعده بين ناس ما أعرفهم ما أدري وين الدنيا أخذتني..
213
رجعت أستذكر الصار وياي بذيچ الليله وتغيرت حياتي بسببها
گعدت من نومي بنص الليل وگلبي معصور على حُرّ وميته قهر لأن كل الصار وياه بسببي، طلعت من الغرفه وأنه أتراجف والرجفه ضلت وياي من الصدمه الصارت بذاك اليوم التصوبت بي إيناس ونسجن حُرّ..
13
صفنت على شماغه اللي بأيدي وجسمي كله يرجف شربت ماي وأحس بصوت حُرّ يمي وهذا مو جديد ولا غريب لأن صرت أشوفه بكل مكان وأتوهمه وياي بس هسه أسمع صوته يصيحني رحت للحديقه لأن كل ظني هوَّ هناك لأن چنه نلتقي بالحديقه دائمًا طبيت للحديقه بعدني واگفه بالباب أتلفت ماكو اله آثر الحديقه فارغه!
ردت أرجع للغرفه بس حسيت بأيد صارت حلگي، رجفت خايفه وأريد أصرخ بس ما أگدر أرافس بين أيديه وهو شالني بايده رافعني من الگاع وأيده الثانيه على حلگي أرفع أيديَّ أطگه بيهن بس طگتي مثل طگة الجاهل لأن أعصابي منهاره والرجفه خلتني بدون قوه..
91
عكس قبل چانت طگتي كلش قويه وأگدر أتعارك هسه الرجفه موتتني ولأن مريضه وتعبانه طگاتي مو قويه لحظات ونشمرت بالسياره ونقفلت عليَّ، بسرعه هوَّ صعد وقفل البيبان كلها بس أريد أشوفه منو جمدت من شفته مشتاق!!
374
أسمع صوت بلقيس بصف السياره تحاچيه
-كتلت أختك ولك، كتلتها وأنتَ ساكت إذا أنتَ زلمه تكتلها وتشمرها بچول، ولك أخذ حگك وحيفك من حرّ نسيت السواه بيك؟
307
ساق السياره بسرعه مخيفه وأنه أصيح وأطگ بيه بثنين أيديَّ وأحاول أفتح الباب بس ماكو نتيجه متت من الخوف أشهگ وأبچي وأصرخ عليه علمود يعوفني بس هوَّ حتى ما التفت، شنو يكتلني ويشمرني روحي طلعت من مشى بطريق والنوب وگف سيارته بنص مكان فارغ كلش والدنيا بقت تكشف وطر الفجر، فتح الباب ونزل بسرعه بين ما فتحت الباب البصفي أريد أنزل وأنهزم صار گدامي بأيده سچينه كاضها أرتعبت ورجعت لوره بهلع!
18
مشتاق: أذبحچ هنا..
112
صدري يصعد وينزل فحطانه ميته خوف ورعب بس ما تحركت من مكاني بأيده السچينه وبنص مكان فارغ كل مره تصير بيَّ رهبة الموت من يصير وياي موقف وأخاف كلش بس هسه أحس روحي جمدت تمنيت صدگ يكتلني أريد أخلص..
5
تقرب عليَّ مبتسم وأنه عيني بعينه
-جباااان
-راح يكتلچ هذا الجبان..
25
-لو بيك خير وزلمه چا رحت لـ حُرّ واجهته، لأن هوَّ الكتلك مو جاي عليَّ بس لأن أنتَ مو زلمه تفوح منك ريحة عفن مو ريحة رجوله.
79
شمر السچينه بالگاع وأجه عليَّ مثل الثور الهايچ يلم أيده ويطگني على وجهي فرفحت من البچي وأحاول أدافع عن روحي وهوَّ عبالك جاي يكتل بزلمه ويصيح ويغلط طحت بالگاع أبچي من الوجع وهوَّ كض السچينه بأيده يهز براسه ويتقرب عليَّ، صوت نفسي عالي أباوعله بخوف وهوَّ يتقرب يريد يذبحني أباوعله مذعوره وأرجع لوره وهوَّ شمر السچينه بالگاع بعيد عني
-أخليچ هنا تموتين وحدچ..
58
حچاها وبسرعه صعد سيارته وراح، هوَّ ما راد يخليني أموت وحدي بهيچ مكان بس ما يگدر يكتلني خايف ما عنده هاي الجرأه مو حبًا بيَّ، نرهبت والرجفه زادت بيَّ أبچي وأتلفت بالمكان عاجزه أسوي شي لأن ماكو لا بيت ولا أحد هنا
بس أنتبهت لآثر تايرات سيارته على التراب وصار عندي بصيص آمل بقيت أمشي وأتبع لآثر منهكله من التعب مر الوكت بطيء وصعب عليَّ رجليَّ متت منهن صارت الدنيا عصريه قريبه من الغروب خفت يجي الليل وأنه هنا بعدني المكان يخوف چول وفارغ أكيد بي حيوانات مفترسه..
45
أستعجلت بمشيتي لحد ما توضحت عندي رؤية الشارع من بعيد بس حالتي حاله ما گدرت أمشي على رجليَّ بعد أحسهن ورمن من الوجع وحلگي يابس وشفايفي مفطره من العطش لأن مر وكت طويل أنه بس أمشي بيه بدون لا أكل ولا شري ولا حتى راحه طحت بالگاع بعد ما أگدر
26
بقيت أصارع ويَـ روحه وأضغط عليها لحد ما وصلت قريب الشارع گعدت مقابيل الشارع آجر نفس بصعوبه وأبلع بريگي بس ناشف وعيوني تغوش ودگات گلبي قويه من گد ما مشيت هواي، الطريق بي سيارات تتخاطف بس قليله وبين فتره وفتره تجي سياره بس ولا سياره وگفت الي وأنه تعبانه حيل ميته من الوجع والمشي أحس راح أموت بقيت فتره گاعده بروح طافيه غوشن عيوني ونسدن وأخذني لسواد..
26
گعدت لگيت روحي بالمستشفى وعلى العلاجات، ومرت أيام أنه بالمستشفى بس تعبانه ونايمه بسبب الأدويه لحد ما صحيت وعرفت ساعدوني عائله چانو مارين من ذاك الطريق أم وأب وعدهم بنات ثنين والبنات ترددن أكثر من مره عليَّ للمستشفى يزورني ويطمئنن على صحتي، وبعد ما كمل علاجي وأگدر أطلع الدكتور نصحهم ياخذوني لدكتور نفسي لأن حالتي النفسيه تعبانه
54
وأنه كل هذا ما أتذكره بس من صرت زينه سولفلي البنات وأخذوني هاي العائله البيتهم بس چانو حيل رافضين ومترددين الأم والأب كلش چانو متخاوفين بين الخافو أجيبلهم مصيبه، وبين الخافو لأن ما يعرفون قصتي وخاف أكو وراي أهل وتصيرلهم مشاكل وهواي مخاوف صارت عدهم وبالگوه قنعنهم البنات ياخذوني لبيتهم وأخذتني لدكتوره نفسيه..
37
هاي اليومين يله صحيت ورجعت وردة القديمه چانت قراراتي مو بأيدي كأنما مخبله وأمشي ما عندي عقل همَّ يتصرفون ويقررون عن حياتي بس هسه رجعت أحسن الحمدلله، بعد ما صرت زينه وگدرت أتحكم بتصرفاتي قررت أرجع لـ حُرّ وللبنات لأن والله هسه لو أنسجن ببداله راح أفرح لأن هوَّ مو ذنبه ولأن هوَّ چان مسجون ظلم بسبب صالح وهسه ينسجن بسبب أخته!
73
هوَّ حيل ما يحب ذيچ الفتره مال السجن اللي بحياته لأن تدمر ظلم والموضوع يقهر أحس نار مشتعله بگلبي وتأنيب الضمير من ذاك اليوم الطب بي للسجن موتني، هوَّ مو ذنبه وبنفس الوكت أنه هم مو ذنبي چانت كل نيتي أساعده وخايفه عليه..
18
تذكرت ذاك اليوم، چان حُرّ عنده شغل بغير محافظه ورحت حضرتله جنطته وكل الغراض اليحتاجهن بس چنت ناسيه شغله هوَّ يريدها رحت علمود أجيبها وقبل لا أطب لمحت إيناس طبت لغرفته، أستغربت شعدها بغرفته وگلبي أشتعل نار كل ظني مثل كل مره تسوي سوالفها وتتودد اله، طبيت وراها للغرفه ردت أشوفها شتسوي أول ما فتحت الباب لمحتها واگفه گدام جنطة السفر مالته المخليتها أنه على الچربايه وتدور بجنطته التفتت تباوعلي صافنه عليَّ بخوف من لمحتني وبسرعه وخرت!!
عگدت حاجبي طبيت وسديت الباب وراي
-شجاي تسوين؟
+
هزت راسها تخفي توترها ونترت
-ما جاي أسوي شي..
-أنه شفتچ ما أدري شتسوين بجنطته؟
-ما جاي أسوي شي گتلچ..
5
على صوتنا وهِيَّ تحچي بأنفعال وتوتر، چان الموضوع بسيط كل ظني جاي تتود اله مثل عادتها بس الموضوع طلع أكبر شجاي تسوي تريد تورطه لو تنهي حياته بسرعه رحت للجنطه أدور بيها وأشمر الغرض من عدها على الچربايه بسرعه أريد أشوف شحطت أو أخذت؟
7
بس هِيَّ تخبلت تدفع بي عن الجنطه وتصيح
-لچ شبيييچ شنو هذا الخبال؟؟؟
21
أنه ما أرد عليها بحرف روحي صارت بالجنطه خفت هواي على حُرّ هاي شتريد تسوي بي، توخرني وأرجع للجنطه وتصيح عليَّ بأنفعال رجعت جريت الجنطه أشمر بالغراض وما جاي أشوف شي بقيت أشمرهن كلهن بأستعجال وتوتر لحد ما فرغت الجنطه وما بيها شي، كل هذا وهِيَّ تطگ بيَّ وتدفعني وتصيح عليَّ طگاتها قويه تشوغ روحي بس كملت ما وگف بعيني غير حُرّ..
4
روحي فرفحت ما لگيت شي بالجنطه وهِيَّ تنتر
-مو گتلچ مااااكووو شي!
3
ما أرد عليها وهِيَّ تباوعلي مرتاحه عكس من چنت أدور بالجنطه رجعت التفتت على الجنطه أبحوش بيها وگلبتها أنكثها وماكو شي، بس بيها جيوب صغار بسرعه فتحتهن وهِيَّ طگتني بكل قوتها على چتفي جريت الشي الداخل الجيب الصغير ورفعته گدام عيني ركزت عليَّ، حبوب ما شايفته بكل حياتي!
188
أنه ما شايفه حبوب المخدرات بس جاسني گلبي وحسني هاي حبوب مخدرات لأن شنو ممكن تخلي بجنطته غيرهن ما معقوله تخليله حبوب راس، هاي حبوب مخدرات تريد هِيَّ وأمها يورطن حُرّ لأن راح يسافر وأكيد أكو هواي سيطرات وراح يلزمونه ويرجع للسجن!!
57
التفتت عليها فاقده وأرجف من العصبيه
-لچ خالتله حبووووب مخدرااااات؟؟؟
36
صوفر وجها وهزت راسها بنفي
-لا لا لا مو حبوب مخدرات..
23
كضيت الحبوب بچف أيدي بقوه ورفعت أيدي الثانيه أأشر بوجها بتهديد
-والله العظيم أفضحچن گدام أمة محمد كلها لچ تردن تورطنه وترجعنه للسجن الله لا يوفقچن كون!
10
أصيح بوجها وهِيَّ خانسه رفعت عينها تباوعلي ومدت أيدها
-أنطيني الحبوب وردة.
ضحكت مصدومه من الصلافه وعصرتهن بچف أيدي ما أنطيه الا لحُرّ، هجمت عليَّ تطگني بأيد والأيد الثانيه تجر بأيدي تريد تاخذ الحبوب مني دفعتها بكل قوتي أصيح عليها توخر، بس ما وخرت إيناس تتخبل بالزايد كل ما تشوفني أريد أطلع من الغرفه تمنعني وتطگني وآخر شي دفعتني على الحايط تعورت بس ما عفت الحبوب وهِيَّ تقربت تجره من أيدي طگيتها بكل قوتي على وجها وخرت عني حاطه أيدها على وجها بصدمه وحقد تباوعلي بعيون مدمعه خرف..
حاولت أطلع بس هِيَّ واگفه گدامي الا تاخذ الحبوب مني خليت أيدي وره ظهري صوت نفسي عالي لأن هواي طگتني وهواي حاولت تسحب مني الحبوب وتمالخت وياي ودگات گلبي قويه لأن خايفه خوف چبير على حُرّ وبس أريد أوصل اله الحبوب وهاي وگفت بطريقي

هِيَّ واگفه گدامي ووراها الباب
ردت أروح أدفعها علمود أطلع من الغرفه بس هِيَّ سبقتني وركضت
على مسدس حُرّ مخليه على الميز جرته وجهته عليَّ خازرتني بتحذير
-والله أصوبچ والله أنطيني الحبوب وردة أنطيينيياه!

رهبه چبيره صابت گلبي
رجليَّ صارن خيوط من الخوف ما أدري إذا تريد تصوبني فعلاً لو مجرد تريد تخوفني بس رجف گلبي ونترت بخوف أحاول أتماسك
-لا تصيرين رعنه تصوبيني شني؟
6
-چا أخليچ تنطينه الحبوب؟
-لچ المسودنه هدي السلااااح من أيدچ!
-أكتلچ وردة إذا ما تنطيني الحبوب أنطينياه يله

المسدس موجهته عليَّ وأنه شويه وأبچي من الخوف رهبة الموت ورهبة الخوف على حُرّ أشگد حچيت ما رضت تهد المسدس وسحبت أقسام شهگت فاتحه عيوني من سمعت صوت الأقسام، حتى الحبوب طاح من أيدي أتراجف من الخوف ركضت عليها وحاولت آجر المسدس من أيدها وهِيَّ تجره مني ووحده تصيح على الثانيه أدفعها ترجع تدفعني خفت بس أريد أوخر لمسدس أو أشمره بالگاع أريد أنهزم من الغرفه كلها بس أخليها تهد السلاح أطلع من الغرفه..
ما هدته وطگتني على وجهي جريت المسدس ما أدري شلون أصبعي صار على الزناد وأستقرت طلقه بَـ إيناس وگعت بالگاع غارگه بدمها وأنه واگفه ما مستوعبه ردت بس أشمر السلاح بالگاع لو أخذه منها علمود ما تكتلني شلون صارت الطلقه بيها!
