رواية مقبرة الاحياء الفصل الرابع والثلاثون 34 بقلم سارة جعفر
بين الفقرات عشقي 
. البارت 34
. البارت 34وأذبحلك دمع وهدوم حزني السـود
هم تعـــود؟
وأفرشلك جرح كلما تسحگــه يزود
وأحچيلك أيام فراگك شسوت وشسوت الوحشــه
وأنتَ ما موجود...
-كلارة: رجفه سرت بكل جسمي وبروده قويه أحتضنت جلدي مكزبره، عيني جمدت على وردة الواگفه و وجها شاحب وشفايفها بيض وعيونها فاتحتهن على كبرهن متجمعات بيهن الدموع بلايه ما يطيحن گلبها عبالك وگف نبضه وجسمها كله يهتز مثل السعفه والهوى ياخذها ويردها حتى المسدس الكاضته بأيدها يريد يطيح بالگاع من رجفتها..
الرهبه ترست گلبي والرجفه أحسها سرت بعروگي مو بجسمي وأنه أشوف إيناس طايحه بالگاع وغارگه بدمها أباوع لفجر الصافنه على وردة حالها من حالي ما ندري أحنى بحقيقه لو حلم!
راح عليها حُرّ معمي على عيونه من العصبيه زمخ بوجها مصدوم
-شسويتي ولچ وردة شسويتي!!
رافع أيده بوجها يأشر بعصبيه و
-ليشششش چتلتيههها وردة ليششش؟؟؟
حرف ما نطقت ما ترد عبالك عينها وگفت على إيناس شفت نظرة هلع وخوف تارسه عيونها، حُرّ أيد حاطها على خاصرته والأيد الثانيه يمسح بوجهه بحيره يفتر شايطه روحه التفت على الباب عاگد حاجبه بتركيز من سمع صوت خطوات سريعه تركض جايه بأتجاه الغرفه ركض على وردة جر السلاح من بين أيديها ودفعها حيل لوره بصفنا كاض السلاح بأيده..
التفتت لوره من شفت بيتنا كلهم جايين
متجمعين يم الباب يمدون روسهم يردون يعرفون شصاير جوه شهگت حنان من شافت أختها إيناس بالگاع وصرخت
-يمممممه أيناس ميتتتته يمممممه!!
ما حسيت غير على دفعه قويه أجت تطيحني بالگاع، أباوع عليها بلقيس دفعتني وطبت للغرفه مفرفحه أول ما لمحت بتها بالگاع شهگت وصرخت مفزوعه وگعدت تلطم على وجها وتصيح چن عدنا فاتحه
-يمممممه إينااااس يمممه، بتي ماااااتتت!
على آثر صرختها طبو ولدها وصمد
يتراكضون للغرفه چانو بره بس من سمعو بلقيس تصيح طبو وصارت هوسه قويه وصمد ضل يدگ على راسه يصيح
-كتلت بتي ولك كتلها المسودن!!
وائل صوفر وجهه مصدوم يباوع لـ حرّ
ولؤي راح يركض على حُرّ يطگه محروگ گلبه ويغلط عليه فقار جر لؤي من حُرّ الجامد وأيده ما رفعها وصرخ بوجهه بصوت عالي
-مو وكت عرك أرررعن أمشي وياي خل ناخذ البت للمستشفى.
لؤي ما رد عليه ملتهي يتعارك ويَـ حرّ
مشتاق شال إيناس وطلعو هوَّ وفقار يتراكضون ودمها تارس الغرفه
و وائل جر حرّ من ياخة هدومه ودفعه لبره يصيح فاقد
-ولكككك ظااااالم شسوتلك وتكتلها ولك؟؟

التفت عليهم وهمَّ دارو عليه وصمد يلوب ويفتر
-أخيسك بالسجون سمعتني ولك حرّ أخيسك بالسجون وأنعل صفحة أهلك تكتل بولدي ولك خريج السجون الهتلي شترجه منك مردك لهناك أردك وأخيسك وعلي..

يتحلف ويتهدد و ولده دارو على أخوي وحيد عمت عيني
وبيتنا كلهم واگفين بين اليتهامسون وبين اليحطون نفط على النار
گاطع: چا شحچينا چنتم تلوموني عرفت أنه عرفت هذا ما يطلع منه خير ما دام كتل تعلمت أيده على الكتل بعد، بيش فادك ولك صمد نكتلت بتك كتلها حرّ..

بعده كاض السلاح بس حتى أيده ما رفعها عليهم رغم وائل ولؤي طگوه أكثر من مره والله وكت الردي يمد أيده على سبعنا، حرّ ساكت علمود يصدگون هوَّ الكاتل وعود عينه مكسوره وما يگدر يرفع أيده، وردة بعدها على حالتها وأزود أحسها فاصله بس واگفه وروحها غايبه

صمد: ولك أنه أعلمك خابرو الشرطه خل يجون يسحلونه سحل خابروووووهم، أخيسك بالسجون ولك أخيسك يا نذل.

حُرّ: وشنهي خايف؟ أنه أروح أسلم روحي.

بلقيس: ولچ يا يممممه نكتلت بتي كتلها المسودن خريج السجون كتلها، ليشششش تكتلها ليش أيدك معلمه على الدم تعلمت تمشي وتكتل بالوادم مالك لا صداد ولا ردااااد محد يرده ولكم محد يرده!!

صمد: أرده بطن أمه وأنعل سلفه سلفاااااه، ولك صخيم لؤي خابر الشرطه خل يجون وسدو البيبان لا يشرد
حُرّ: تاكلون چثير نعل أنتم، أنه چتلتها أي أنه چتلتها بتتتتك أنه چتلتها وأنه أروح أسلم روحي.
هوَّ واگف على جهه بالممر والسلاح بأيده ما هده رغم من تعاركو وياه هواي جروه منه ورادو ياخذونه بس بقى كاضه وهمَّ مبتعدين كلهم واگفين على جهه خايفين منه لأن بأيده سلاح وخايفين على رواحتهم لأن كل ضنهم حرّ يكتلهم لو تقربو..
فجر فرفحت روحها تبچي وتملخ بوجها خلته يصب دم تملخ لحم من وجها ما حاسه، حرگة گلبها طغت على وجعها راحتله وگفت گدامه تبچي
-حرّ خويه شمالك شني تسلم روحك تسودنت، والله ما بيَّ أحمل بعد الدنيا كثرت عليَّ مصايبها..
دموعها تنزل على وجها مختلطه بدمها
شفايفها مفطره ويابس حلگها مفرفحه وتصيح ب
-ولكممم تعبت والله تعبت مليييت وطگ گلبي الدنيا كسرت ظهري بمصايبها، تعبت أنه تعبت ما بيَّ أحمل بعد شمالكم ما تحسون بيَّ ولكم راح أموت والحسين راح أموت، يمممه گلبييي..
كاضه بأيد حُرّ وتبچي
-خويييه حُرّ لا تستعجل تدري بروحك إذا رحت ما ترد شنسوي أحنى بلياك، شلون هيچ تضحي بروحك؟

نتر أيده منها رافعها يأشر بوجها بعصبيه بينه وبينها
-چا ترديني أخليها تنسچن، ولچ وردة شنهي والسجن وستر زينب لو أدري أطب عدام ما أخليها تعتب باب المركز.

دموعها تهل على وجها وتتوسله بنبرتها
-مو وردة مو وردة، ثنينكم عزاز على گلبي وما أريد أذيتكم المقصد من كلامي نلگه حل ثاني أكيد أكو حل والله أكو حل بس لا تروح!
هز راسه رافض، وأنه أبچي منهاره وأرچف خوفي وظلمة حياتي إذا راح حرّ تخبلنا أنه وفجر بالبچي ملچومين من السجن وراح يردله مره ثانيه خاف بالأولى چان عدنا آمل يطلع هسه إذا ينحبس مثل الگبلها يخلص عمره بالسجن.
التفتت فجر على صمد تتوسله
-عمي لا تخابر الشرطه شمالك مستعجل على خراب بيتنا بلكي ما ميته بلكي ما بيها شي، خل نشوفها فدوه أروحلك خل نشوفها إذا عايشه لا تگرب صوبه..

ظل يتراجف حرّ من العصبيه من شافها تتوسل بـَ صمد
الرافع وجهه ويباوعلها بعنتكه متفاخر، جرها حرّ خازرها وزمخ
-كااااافي فجرررر أنه أروح أسلم روحي وتفض.
التفتت عليه صامه چف أيدها تدگ على صدرها وتصيح
-چا هيييين؟ هين أنتَ عليَّ هين وياخذك السجن مره ثانيه ولك والله تعبت ولكم ما تگولون هاي بشر راح أموت والعباس راح أموت!!
صمد: حسچ ما أريد أسمعه، شني بس أنتن عزاز عده من واحد يحاچيچن يگلب الدنيا چا بتي مو عزيزه لو ما وراها زلمه ويكتل بكيفه لا تتوسلين ولا تصخمين أخيسه بالسجون وأريد أعرف شلون يطلع.

حُرّ: خايب ما تاكل تبن، ولا تحچي وياها گتلك أنه أسلم روحي هاي وگفتي هنا ما متحرك وخل ياخذوني عسما أعدام..
هز راسه صمد يضحك بشماته ويتحلف لحرّ بنظراته وفجر طاحت بالگاع تدگ على رجليها وتبچي عاجزه چن مربطه وما بيدها حل، وردة يا وردة تمنيت أعرف تمنيت أفتهم وردة ليش كتلت إيناس صوبتها وفوگاها مصدومه وحالتها مخيفه گاعده وصافنه بالفراغ جامده وما هزتها الهوسه الصايره، تمنيت أعرف بلكت أكو حل نساعد بي حرّ بس وردة بحال خوفي تفقد عقلها...

بلقيس دمعتها بعينها وتباوع لحرّ، وصمد واگف چن متاني شي هوسه كل واحد يحچي بصفحه بس حرّ واگف ولازم سلاحه ما تزحزح من مكانه كل مشكله ولد عمه اليحبونه يوگفون وياه هسه ولا واحد منهم موجود وفقار ركض بإيناس وياهم للمستشفى عسا ولعل ما يصير بيها شي وما يتأذى حرّ، وباقين بس الغمان عليه والينه ولية مخانيث..

بقيت أتلفت من سمعت صوت طگة البساطيل بالگاع وركض ودفرات البيبان، بسرعه التفت علينا حرّ يگوم بَـ فجر من الگاع وهِيَّ فاقده بس تبچي عدل حجابها على شعرها لأن كل شويه يطيح گد ما تلطم وتدگ على روحها يدفع بيها للغرفه الصارت گدامه ويصيح
-طبي فجر طبي أنتِ والبنات فجر تسمعيني ولچ طبي
وهِيَّ بس تبچي جرني من أيدي بقوه وثنينا دفعنا لداخل الغرفه والباب مفتوح وما مهتم للهوسه الصارت والخوف وصوت السلك العسكري الترس البيت وصياحهم وخبصة بيتنا ما مهتم الهم كلهم، بنص مصيبته مهتم ما يخلينا بنص الزلم..
47
بسرعه راح على وردة رفعها من الگاع
بأيد وحده وهِيَّ رفعت عينها اله تباوعله زمخ بيها
-لا تطلعيييي وردة لا تطلعي.
28
دفعها علينا واگف بباب الغرفه وفجر تبچي
وتصيح وكل ما تتقرب عليه يدفعها لوره ويصرخ شايطه روحه
-خااااايبه لا تطلعي عليچ بستر زينب لا تطلعي.
33
كضت أيده تتوسل بي
-أطلع حرّ فدوه أطلع من البيت گبل لا ياخذونك..
5
دفعها ورگع الباب بقوه ساده وما راضي على حچيها ونسمع صوت صياح وكلام الضباط ويَـ حرّ كزبر جلدي من أسمعهم يصيحون
-سلاحك للگاع، سلاحك للگاع!
131
نهارينا بالبواچي والقهر حسيت بغربه وحشه شعور هسه حاليًا رجع سنين طويله لوره، فتحت شويه من الباب أباوع عليهم وأشوفهم محاوطينه هواي عساكر وكلهم شايلين أسلحتهم عليه وهوَّ شمر سلاحه بالگاع وأول ما طخ السلاح الگاع كلهم راحو عليه بسرعه واحد طگاه على رجليه علمود يثنيه طيحه بالگاع على ركب رجليه وكلبچو أيديه لوره..
109
وصوت صياح وهوسه
وصمد الميزت صوته من بينهم يسولف ويَـ واحد من الضباط
-بوويه وحگ الله هذا الزلمه أذيه، بتي ولكم يا ناس كتل بتي، عايش ويانا مجرم أريد تاخذولي حگ بتي من هذا النذل..
59
هزيت راسي أباوع بعيني للظلم
تنهدت ميته من القهر فز گلب وردة من سمعت صوت حرّ صحت وگامت على حيلها فكت الباب وطلعت تركض مفرفحه وتصيح
-حُرررر..
54
أول ما شافته مكلبچ ومحاوطينه العساكر همَّ وأسلحتهم راحت عليه تركض وتبچي وهوَّ أول ما سمع صوتها التفت عليها خازرها وصاح
-طبييييي لجوووه.
70
وگفت تباوع عليه ورادت تحچي وتسولف هِيَّ الصوبت إيناس مو هوَّ بس قبل لا تنطق حرف واحد تقرب عليها يريد يمنعها تسولف ويريد يمنعها تتقرب أكثر لأن المكان متروس زلم ترس، تقرب چم خطوه ناسي الوراه والگدامه وكل تركيزه عليها صرخو عليه ما راضين لأن تحرك و واحد من العساكر طگ حرّ بنهاية السلاح بقوه على راسه من وره شهگت أيدي على حلگي من شفت الدم ينزل من راسه..
103
عمت عيني روحي نمردت عليه
هنا وهيچ سوو بيه چا من يختلون وياه شيسووله؟
23
يجرجرون بي يردون ينزلونه، و وردة نست روحها ونست الدنيا كلها فرفحت تصيح وتركض وراه وهوَّ الدم ماخذه ينزل من راسه على رگبته وجسمه محاوطينه وهوَّ ملتفت على وردة يصيح
-فوتي جوه.
راح عليها وائل رفعها من الگاع وتقرب للغرفه الموجودين بيها أحنى و وردة تخبلت تصيح وتريد تفلت روحها منه وتروحله و حرّ يباوع وراهم ويشوف شلون وائل شايلها هز راسه يصبر ويهونها على روحه..
100
طببها ودفعها عليَّ وهوَّ يصيح
-أقفلي الباب.
بسرعه قفلت الباب وهِيَّ تدگ عليه بثنين أيديها، قفلت الباب لأن أدري روحتها لا تقدم ولا تأخر بس تأزم السالفه وعلمود حرّ ما راضي تطلع، كل وحده بجهه گاعده وعايشه حزنها وحدها تعبانين لدرجه محد تگدر تواسي وتصبر الثانيه أبچي وأباوع لـ فجر فاتحه عينها وبس دموعها ينزلن..
7
وردة مفرفحه تدگ على روحها وتصيح، تتلفت روحها تريد تطلع الباب مقفول وما عدها وسيله غير الشباك صارت عينها عليه ركضت بسرعه جرت البرده بقوه وصلتها للأخير وفتحت الشباك تباوع منه صاير على الباب مال البيت ونشوف حرّ من خلاله
8
مغطين راسه ومكلبچين أيديه لوره
ومحاوطينه عساكر وهدومه من وره كلها دم وصوت سيارات الشرطه تارسه الديره مداهمه بعد وأعتقال مجرم بنظرهم ومخبوصين وردة كضت الحدايد الصايرات بنص الشباك ولو مو هنَّ موجودات چا من حرگت گلبها شمرت روحها من الشباك علمود توصله بقت تصيح مفرفحه
-حُررررر فدووووه لا تروححح..
80
تحچي بخوف ورعب عبالك هوَّ الحياة بعينها، فرفحت روحها تطگ رجلها بقوه بالگاع وعاصره الحديدات بأيديها تصيح بس هوَّ ما التفت عليها لأن ما يگدر مقيدينه راح صوتها وهِيَّ تصيح وراه وتبچي لحد ما دخلوه لوحده من السيارات جاي نشوفه وهوَّ يروح گدام عيونه وگلوبنا محروگه وما بيدنا شي..
21
هواي ناس من الديره واگفين يتفرجون يردون يشوفون شكو من باب الفضول كل چم واحد على جهه وبيتنا كلهم بره هضيمه ينگال عنهم زلم، صمد ما چن بنته متصاوبه وبالمستشفى فرحان لأن حرّ راح ينسجن، راحت السياره البيها حرّ وغاب عن عيونه..
24
وردة أختنگت من البچي تناشغ وتشهگ
-راح راااح حُرّ راح گدام عيني أخذوه مكلبچ بدمه!
21
تصفن وحالها ما يتفسر رفعت راسها مفرفحه
-يمممه ضيع عمررره وطب سجن خاطر يحميني..
31
أبچي وأباوع على حالها وفجر تردلها بخوف
-كل ما أگول تهــون يثگل حملها..
43
كلارة: ما أنسى هذا الموقف بعمري وحياتي ما أنسى هضيمة حرّ هيچ تاليته، من أبوي باعني ما نقهرت هيچ!
فجر: راح شمعة بيتنا، راح والينا وسندنا وعزوتنا..
39
نحچي ونبچي ميتين قهر بقينا فتره بالغرفه ساعات تمر علينا وأحنى ما متحركين كل وحده بجهه وعايشه حزنها وردة الذبلت وتأنيب الضمير موتها البنيه صارت مو طبيعيه طول الوكت بس لامه رجليها لصدرها وتهز بروحها وتون مثل الطير المذبوح حقها لو تبچي عليه دم حرّ ما يتعوض.
21
حمل روحه جريمه هوَّ ما مسويها علمود محبوبته ما تنسجن..
137
دخلت بصدمتين كبار وحدة أكبر من الثانية
من كتلت إيناس نصدمت حالها حالنا ومن حرّ أخذ عنها التهمه زادت صدمتها وتأنيب الضمير موتها تون وتردد بنفس الكلمه
-كله مني من وراي حُرّ نسجن وما يطلع بعد..
22
ندگ الباب بقوه فزيت وأجه صوت بلقيس من وره الباب
-أشررررب من دمچن اليوم أفتححن البااااب..
101
ردت أگوم أفتح الباب وأتعارك وياها بس فجر
أشرتلنا نسكت وهِيَّ تلعلع بصوتها وتدگ على الباب بثنين أيديها
-بتتتتي راح تموووت وهاي الدايحه كلشي ما بيها!!
71
فار دمي ضحكت فجر مستهزأ بالوضع وأفتهمت عليها لأن نفس تفكيري، بعده هسه طلع وبلشو تنهدت منتچيه على الحايط صافنه وبلقيس دگت وغلطت وفشرت وملت من شافتنا محد جاوبتها ولا الباب فتحناه وراحت..
22
يمر علينا الوكت وأحنى ما متحركين من مچانا وردة على نفس حالتها تسوء بالزايد، فزيت من أفكاري على هوسه جوه أنتبهت لفجر هم خافت حالها حالي ونزلنا أنه وياها نركض عسا ولعل خبر عن حرّ وبقت وردة بالغرفه فاصله عن الدنيا
فقار گعد وزهراء أنطته گلاص ماي
شرب وأحنى متانينه يسولف تنهد بتعب
-سوولها عمليه بس حالتها ما مستقره ومو زينه كلش..
155
فجر مسحت وجها وتنهدت بتعب وأنه صافنه ومقهوره وكلنا الواگفين فزينا على صوت صريخ وردة صرخات عبالك جاي تتعذب ركضت فجر وأنه وراها لفوگ ميته من الخوف والبقيه لحگونا لأن الصوت عالي ويخوف أول ما طبينا للغرفه ولمحت وردة بنفس مكانها بالزاويه وبلقيس يمها مچلبه براسها وتطگه بالحايط!!
112
شهگت ورفجر وزهراء ركضن على بلقيس يجرنها من وردة بس ما تنجر مچلبه بيها بقوه كاضتها من شعرها وترگع بي بالحايط وتصيح بخبال
-إيناااااس بالمستشفى راح تموت وأنتِ عرچ ما طاگچ!
وترگع براسها بحيث الحايط تلطخ بدم وردة والغريب بالموضوع وردة ما رفعت أيدها حتى تدافع عن روحها مجرد تصيح من ألألم وعيونها بيهن خوف ورعب وآلم من الصدمه ما تگدر حتى تدافع عن روحها وفجر تصيح
-بلقيسسس تخبلتي هدي البتتتت!
32
وبلقيس ماكو فاقده تطگ براس وردة فجر وزهراء ولارا كلهن يردن يجرنها ماكو، هِيَّ ضخمه وقويه كلش فجر فرفحت روحها على وردة وبلقيس تزيد ما تنقص من حرگة گلبي وگفت وره بلقيس وحطيت أيديَّ ثنينهن بشعرها وذبيت روحي للگاع أجر بيها علمود تهد وردة..
140
راسها كله نزل وياي ورگبتها أجت تنكسر بس ما هدتها، بقيت أملخ بشعرها وأجر بي أريدها توخر من وردة وأگطعه بأيديَّ وأذب روحي للگاع بلكت تطيح بس ماكو حديد وچلب بوردة ما هدتها وأنه جريتها لوره من شعرها على جرتي إلها گلت هسه يطيح كله بين أيديَّ، التفتت تريد تشوف ياهو يگطع بشعرها هديتها بسرعه وصرت وره فجر.
124
خاف تلگفني النوب ما تهدني وعلي
أنه مجربه طگتها يا بويه أشگد قويه ومسمومه تطبع بالمكان، طب وائل يركض على صوت صرخات وردة وحرگة گلب فجر وهِيَّ تصيح
-عساچ بالمرض كون ولچ وخري عنهاا!
13
فتح عيونه مصدوم وأجه يجر بأيدين أمه من وردة ويلتفت عليها
-يمممه شمالچ شلها غرض وردة عوفيهههها.
27
وهِيَّ صوتها عالي كلش تصيح
-العااااايقه هاي ما تضل بالبيت وعلي أهججها بليله ظلمه وأنعل والديها هااااي الدايحه تعيش وبتي تموت!!
194
حاول يفلت أيدين أمه بس حتى هوَّ ما گدر، خاف على وردة تتأذى أكثر جر وردة منها عسا ولعل يگدر يفلتها ويصيح وهوسه فجر فد مره تعصبت بقت تصيح وترجف وتدفع بلقيس وصوتها على بحيث بقية البيت كلهم أجو على صوتها وفجر طگت بلقيس قوي ودفعتها عن وردة
-بعدددده ما طلععع وتردون تولوناااا.

جرت وردة وتصيح فاقده
-الله لا يوقكم الله لا ينطيكم حسبي الله ونعم الوكيل بيكم.
التفتت على وائل تصيح بعصبيه
-أخذذذذ أمكككك منااااه أخذهههها لا وعلي أصير نگسه وأطردكم كلكم فوگ شينه گوة عينه لو عندچ ذرة كرامه تعوفين البيت وتطلعين، مو بيته هذااا شلون گاعده بيت كتاااال بتچ؟؟
وائل سحب أمه وطلعها وهِيَّ بعدها تصيح وتتهادد
عينها ما مكسوره أشگد صلفه وردة گاعده بالگاع والحايط متلف بدمها طلعو بقية أفراد البيت ساكتين فجر كلش تعصبت وطلعت ما أدري وين وشتسوي طب وائل بسرعه متلهف على وردة تقرب عليها يباوعلها
-وينه جرحچ شني مفتوح راسچ نروح نخيطه؟
كض شعرها يوخره من راسها
يريد يشوف الجرح بس هِيَّ نترت روحها من أيده بعصبيه وزمخت
-وخر عني وائل وخر لا تكض شعريي..
بهت وجهه صافن عليها وهِيَّ غطت راسها بثنين أيديها
-أطلع بره لا تشووووف شعررري..

-لا تصيرين خبله خل أشوف جرحچ ينرادله خياط؟
-ما عليك، وأطلع بره يله ما لابسه حجاب ما تستحي!
كلارة: جاي تگلك أطلع ما تفتهم؟
وائل: وياهو ياخذها للمستشفى؟
كلارة: مالك غرض هسه ياخذها فقار.
وائل: چا أنه غريب؟
كلارة: روح كض أمك ورحمه لوالديك ما نريد منك شي.
وائل: الراس يخوف لو صار بي شي خاف حالتها خطره؟
وردة: ولكك أطلع بره وائل أطلع..
طلع من الغرفه متعصب ولارا ركضت جابت شال لوردة لبسته
طبت فجر هادئه أجت على وردة تفتح براسها وتشوف بجرحها
-گومي وياي أغسل راسچ وخل أشوف ياهي تمد أيدها عليچ بعد، ولكم ما صارله يوم من طالع ويردون ياكلونه ويسوگون علينا!
أخذتها وطلعت وأنه ميته من القهر، لارا وزهراء گاعدات يمي يسولفن بالوضع وأنه مرجعه راسي لوره وردة كاسره خاطري وبنفس الوكت حرّ كاسر خاطري بين ليله ويوم تغيرت حياتهم ليش وردة صوبت إيناس!
-موج: نفس الروتين والشغل ينعاد يوميه
أضغط على روحي وأنهلك ومن التعب أرجع للبيت بس أغمض عيني أنام تمددت مغمضه عيوني وأسمع صوت أمي يمي تحاچيني
-ماما موج أگعدي أكليلچ لگمه.
ما أريد بس خل أنام.
-شلون تنامين جوعانه وبطنچ فارغه؟
-ماما والله حتى لساني ثگيل من التعب ما أگدر أحچي أكلو أنتم بالعافيه..
-أستغفر الله يا ربي موج حاچيني ماما أگعدي.
بالگوه شلعت روحي من الفراش وگعدت مغمضه عيوني تنهدت بحزن أحاول أفتح عيوني بس من النعاس أحسهن مسدودات بصمغ
-ماما حاچيني شبيچ سولفيلي هناك شلون يعاملونچ شو مالچ خلگ؟
-والله العظيم ما بيه شي، بس من التعب مالي خلگ أشتغل هناك هواي..
-متعبچ الشغل؟
-لا مو كلش زين ما توقعت هيچ بيتهم..
-هم يحاچونچ حچايه مو حلوه؟
-لا حبابين..
-أنتبهي على نفسچ مو واحد يغافلچ، ولا تبقين وحدچ ويَـ زلمه بمكان وحدكم.

-لا توصين حريص ماما وبعدين ليش هيچ خايفه ترى موصيتني أول ما أشتغلت وكلامچ براسي..
-من خوفي يا ماما من خوفي.
هزيت راسي وبست راسها جبرتني أكل لفه ورحت بسرعه غسلت وتمددت، أمي أعرف تلوم بروحها وميته قهر عليَّ، ثاني يوم طلعت الصبح بسرعه آجرت سياره ورحت للبيت أشتغلت مثل كل مره وبيتهم أغلبية الوكت فارغ لأن ما يگعدون دوم طالعين، بس بهذا اليوم ميته توتر وأريد أخلص بسرعه علمود أطلع لأن سمعت صوت زلمه بالبيت يعني واحد من ولدها موجود مرتبكه أريد أكمل شغلي بسرعه وسمعت صوت وراي
-أنتِ يبنيه.
التفتت نفسه الولد الموجود بالبيت زيد
أطگطگ بأصابعي وطلع صوتي متلعثم
-ها؟
عگد حاجبه يباوع لتصرفاتي بأستغراب وتقرب عليَّ
-مو أنتِ التشتغلين هنا؟
-أي أني.
-لعد تعالي أكويلي قميصي.

واگفه على أعصابي زفرت نفس بخوف
-جيبه ألي..
چان منطيني ظهره يمشي للغرفه بهدوء
كل ظنه راح أروح وياه التفت عليَّ يضحك بأستغراب
-شنو أنطيني أشتغل عدچ؟
59
-كلامي ما بي شي غير تنطيني القميص أكويه!
-وين تكوينه غير بغرفتي؟

أباوع عليه ساكته همَّ بهذا البيت كُل واحد غرفه وكل غرفه بيها كاويه وميز كوي وكُلشي كامل بغرفهم بلعت ريگ وصعدت للطابق الثاني لأن هوَّ ورهف وبعد أخو عنده ما متزوجين هنا غرفهم وصلت لباب غرفته
-أنطيني القميص أكويه بغرفة رهف.

ردت أكويه بغرفة أخته رهف لأن هِيَّ بنت أهون وأحسن إذا رحت يمها مو أبقى بغرفه وحدي ويَـ زلمه صعبه، زفر نفس متنرفز چان يسولف وياي بهدوء وأحترام تغيرت حتى نبره صوته وأسلوبه
-بابا شبيچ أنتِ خبله، شتسوين بغرفة رهف غير أني عندي كاويه شبيچ الله ثاولچ ترى وراي طلعه استعجلي.
-أني ما أگدر أبقى وحدي ويَـ رجال بغرفه وحده..
-ههههههههه لا صدگ؟
رفعت حاجبي بقمة توتري
بس تنرفزت ونقهرت من يضحك عبالك ما مصدگ
-لا تستشرفين براسي رحمه لأبوچ، گتلچ أكوي القميص شجاب الشرف بالموضوع يعني وإذا بقيتي وياي نفس الغرفه راح أكلچ مثلاً؟ إذا هيچ شريفه المن طالعه تفترين بالبيوت!

نهضمت حيل من حچاياته بس بنفس الوكت ما سكتت
-أشتغل بشرف ليش شبيه غلط شغلي؟
1
-وبشرف تفترين بالبيوت؟
-شرف ما دام رزق حلال وما ماده أيدي للحرام..
-هههههههه ديله خوش أكويلي القميص أريد أطلع.
دخلت أخذت القميص وطلعت من الغرفه
وهوَّ يباوعلي فر أيده ودخل لغرفته تمدد على فراشه يضحك
-تبيع شريفات براسي الحلوه..

أحس نار مشتعله بصدري، شنو من دنيا غبره خلت اليسوى والما يسوى يهين بيَّ بس الحمدلله على كل حال أني أعرف شغلي حلال وما مشيت بدرب أعوج ورزقي وكل فلس بحلال وتعبي ما يهمني واحد..
دگيت باب غرفة رهف أجاني صوتها أدخل، فتحت الباب وهِيَّ گاعده على جربايتها وبأيدها جهازها تراسل رفعت عينها من الجهاز تباوعلي
-ها؟
-ممكن أكوي قميص أخوچ زيد بالكاويه مالتچ؟
-عنده كاويه بغرفته.

-أي أعرف بس هوَّ بالغرفه وأني ما أگدر أبقى وياه..
-هههههههه وليش ما تگدرين؟

-ما يصير..
-خايفه على روحچ منه، يعني أخوي يعوف كل البنات ويجيچ؟

-ما راح أزعجچ أستخدمها بسرعه وأطلع!
-لا أيع أطلعي بره.
صفنت عليها باهت وجهي، متت من القهر كلمن گام يلطش بيَّ بكلام سم ويجرح والله أني مو صخر بلعت الغصه وطلعت من غرفتها ميته قهر أطگطگ بأصابعي إذا هسه ما كويت القميص يلعب لعب لأن يگول أريد أطلع وصارلي هواي أماطل..
+
دخلت للغرفه وهوَّ ضحك مخلي أيديه وره راسه
-ها شو رجعتي؟

ما رديت عليه رحت على الكاويه شغلتها وخليت القميص على الميز وهوَّ يباوعلي ويضحك، متشنجه وبس أريد أكمل على السريع علمود أطلع أختنگت وهوَّ ما أعرف شيسوي بالغرفه يفتر..
كملت القميص بأيد ترجف ميته من الخوف قدمته اله
-هاي خلصته.
عگد حاجبه مركز بيَّ ومنتبه لرجفة صوتي
-عليمن الرجيف هذا؟
رفعت عيني خازرته وهوَّ رفع القميص يتفصحه
-تحچين صدگ شوفي شلون معقچ، يعني صارلچ ساعه شتسوين غير تكوينه عدل شلون أطلع بي هيچ؟
صفنت عليه متنرفزه لأن مكوي القميص كُلش زين ومرتب عدل خزرته بالگوه متحمله عفيه عيشه زفره ما تنحمل مسحت وجهي وعفته وطلعت أغلط عليه بگلبي هسه شيصير عليهم لو ما يحچون كلامهم الجارح هذا؟
كملت شغلي بتعب ومالي خلگ
الدنيا طالعه من عيني وهذا زيد خبيث أجه وراي
-روحي نظفي غرفتي.
-خوش
-باقيه لليل؟
-لا أتفقت ويَـ خاله نادية أطلع اليوم من وكت.
-ليش؟
-شنو ليش أريد أروح لبيت أهلي.
يعني أنتِ ما متزوجه؟
-وشعليك بهاي مثلاً تريد أطفالي يجون ينظفون وياي؟

-ماله داعي هذا الكلام سؤال سألت، بالليل يجون أصدقائي للبيت أريد تسويلنا ترتيبات وخاف نحتاج شي!

-أعتذر بس ما أگدر، اليوم بالليل أريد أخذ أمي للمستشفى.
داچذب عليه أمي الحمدلله ما بيها شي بس أريد أخلص روحي شلون أبقى بالبيت وهوَّ يجيب أصدقائه..
-خيرها شبيها؟
-مريضه..
7
-الله يشافيها بس عوفينا من أمچ هسه، شلون لعد إذا يجون يسهرون لوكت طويل شلون أدبرها؟

-أعتذر ما أگدر أأجل علاج أمي لغرض گعده بينك أنتَ وأصدقائك أكو ألف حل غير خدمة موج..

هز راسه ساكت ويباوعلي بطرف عينه
ما عاجبه طلع من المكان وهوَّ يتذمر ويحچي ويَـ أمه
-المن جايبتها قميص شلعت گلبي وهسه لمن أصدقائي يجون شلون أني چنت معتمد عليها!
6
ما سمعت أمه شنو ردتله شويه ورجع
-أجلتها لباچر، ياريت باچر تهتمين بالعزيمه كلها.

هزيت راسي ساكته كملت شغلي بدون نفس هاي أجه بس واحد منهم وهيچ مغثه لعد البقيه شلون، يا ربي الصبر لأن راح أنجلط من وراهم وره طلباتهم عبالك جهال ولا چنهم زلم ونسوان كبار، أعرف همَّ منطيني فلوس وهذا واجبي بس شدعوه هاي المعامله ما مشتريني همَّ..

طلعت من البيت جهازي بأيدي، عبرت شارعهم وأتلفت أريد أجر سياره والتفتت على هورن سياره وراي وصوت رجال سامعته من قبل
-أصعدي..
-كلارة: وردة حالتها جاي تسيء والموجودين ما يعوفونها بحالها طول الوكت منعزله على نفسها وما تحچي ولا تاكل وبس تون وتأنيب الضمير موتها وبلقيس شاده وياها أشوفها شلون تتعمد تحارشها عسا ولعل وردة تتعارك وياها وتطلع كل سمها..

بس وردة مالها خلگ بس تبچي واگفه على جهه أباوعلها كلش جاي أخاف عليها بهاي الفتره لأن كل شويه تدوخ وهِيَّ راحت للسنگ تمسح بوجها من الماي بلكت شويه ترتاح وجها دوم احمر وعيونها مورمه من البچي وتلوب، بلقيس وحنان موجودات بالمطبخ ويسمعنها حچي
حنان: يمه چا بعده ما حاكمينه؟
4
بلقيس: لا بس موقفينا بعده الحكم بعده..
5
حنان: يطبه مرض عسا بالأعدام..
37
بلقيس: شوفي صمد شراح يسوي بي.

حنان: أبوي يتحلف يگول ما أخليه يطلع من السجن..

بلقيس: خل يولي هذا المسودن خريج السجون تاليته يرد للسجن بس السجن يلفيه.
التفتت عليهن وردة ترجف والدموع تارسه عيونها تخزر بَـ بلقيس
-لچ أنتِ شني من بشر ما تملييين؟

بلقيس: وسم حتى سم طايحة الحظ الساقطه شو طالع حسچ والله أطيح حظچ وأدوس بطنچ لو فكيتي حلگچ.

ما ردت عليها وردة وبلقيس ندلعت بالغلط والكلام المو حلو على وردة بس تغلط وتصيح تريد وردة ترد الها وتگب العركه بس وردة بقت ترجف ما تگدر تمشي خطوتين من التعب والقهر رحت عليها أخذتها للغرفه وهِيَّ بس تبچي مقهوره..
مر الوكت وأجت عليَّ فجر عاگده حاجبها
-وردة وين؟
رفعت چتافي بمعنى ما أدري وطلعت أدورها دورت البيت كله ما موجوده طلعت لبره لمحتها گاعده بالحديقه أنطيت خبر لفجر ورحت للحديقه ردت أگعد يمها ونسولف أنه وياها بلكت تتحسن حالتها شويه
أول ما فتحت الباب أنتبهت لوردة گاعده وملتفته على مكان بصفها وتسولف، صفنت عليها وكزبر جلدي ركزت زين محد بصفها ومحد بالحديقه غيري وغيرها وهِيَّ تسولف وبنص حچيها نطقت أسم حرّ!
تقربت عليها بخوف وحطيت أيدي على چتفها
-وردة!
التفت عليَّ ورفعت وجها تباوعلي بصعوبه تطلعه الكلمه تعت بيها
-ها؟
-ويَـ منو جاي تسولفين؟
-ويَـ حُرّ..
بلعت ريگ وهِيَّ رجعت التفتت تسولف وتهز براسها، خفت هواي خفت فقدت عقلها لأن جاي تتوهم حرّ بصفها وتسولف وياه!!

وأصلاً حرّ ما موجود عفتها بالحديقه وطلعت ما أعرف شسوي الحيره كتلتني رحت سولفت لفجر وهِيَّ صفنت خايفه وراحت للحديقه تسولف وياها مر الوكت وأنتبهت حالة وردة نفسها وجاي تسيء، طول الوكت گاعده وتباوع على المكان البصفها وتسولف وردة تتوهم حرّ موجود يمها وأنه ماكو شي أسويه غير البچي على حالة حرّ الما ندري شلون راح يطلع من السجن وشنو مصيره، وعلى وردة اللي بدت تفقد عقلها..
من حبها اله وتعلقها بيه ما گدرت تستوعب فراگه
ظلت تتوهمه يمها طول الوكت وياها.
132
بالليل طلعت أغسل وأنتبهت لباب يندگ هواي أندگ ومحد طلع رحت للباب أكو زرف على جهه باوعت منه وشفت مُهيب واگف يدگ بالباب بسرعه ردت أطب أصيح واحد يفتحله الباب عسا ولعل أكو خبر عن حرّ مفرح بس قبل لا أطب طلع لؤي وراح للباب فتحه..
5
بقيت واگفه بصف المغسله قريبه للباب أريد أسمع كلامهم لؤي أول ما فتح الباب ولمحه مُهيب عفس ملامحه بضوجه ونتر
-شتريد؟
1
مُهيب: صيحلي واحد من الزلم.
242
لؤي: والگدامك شني؟
82
مُهيب: أقصد من جماعة حُرّ.
9
لؤي طبگ الباب بدون أحترام ونتر
-خايب رووح..
10
قبل لا ينطبگ مُهيب دفع الباب لوره بقوه رگعه بوجه لؤي الصرخ ولزم خشمه بثنين أيديه متألم ومُهيب وگف على عتبة الباب گدام لؤي
-أبن القندره مو محترمك لو تريد واحد اله يهينك؟
140
أنتبه مُهيب لوجودي وبسرعه دار وجهه عني وأنه طبيت للحمام خايفه خاف هسه يحطون المشكله براسي، طلعو صمد وگاطع وبقية الولد من جوه على صوت عركة لؤي أبن صمد ومُهيب وأنه فاتحه شويه من الباب أباوع منه
40
صمد طلع متعصب وأول ما لمح مُهيب بسرعه زمخ
-شني تريد ما خلصنا من صاحبك خريج السجون النوب علينا أنتَ طب بويه لؤي طب لا النوب هم يكتلك الله يجيب بأهل السجون ويذب علينا..
18
مُهيب عاگد حاجبه يباوعله بأستصغار وگاطع كلامه
-هسه بدل الجريده الحچيتها صايحلي واحد من الولد، قابل أني أحبكم وجاي علمودكم الله وكيلك لو ما حُرّ بهذا البيت فلا أوصله.
14
گاطع: روح عمي روح وكفينا شرك لا تجينا بعد.
1
مُهيب: صدگ چذب جايكم أريد أتعشى يمكم! حُرّ بالسجن بيوم وليله سجنتوه شنو التهمه محد يعرف صيحو واحد من الولد خل نفتهم السالفه..
صمد: شتفتهم ما تگلي شتفتهم، خريج السجون أبو الكتل كتل بتي بنصنا وأعترف بلسانه وخذوه الشرطه.
+
مُهيب: حُرّ ويكتل؟ وفوگاها مره! صدگ چذب عمي سولفوها لخبل يضحك عليكم.
50
وائل: مُهيب حبيبي ما جايبين الحچي من جيوبنا طبينا عليه للغرفه لگيناه كاض السلاح وأختي بالگاع مصوبه!
46
مُهيب: ما يكتل حُرّ ما يكتل...
20
صمد: شوف ياهو اليحچي ولك شني أنتَ شيخ معمم هم خريج سجون وكاتل ما أدري شمسوي بدنياك..
19
مُهيب: هسه أنتَ تخبط لو شنو صارلي هواي محترمكم وين جاي نحچي وأنتَ كاض القديم تسولف بيه، أنه أعرف وأنتَ تعرف وكلكم يا عمي تعرفون حُرّ ما كاتل بس فرحتو من دخل سجن وما خذتو حقه علمود تاكلون خيره ما أنصحك تسوي روحك نزيهه لو براسك خير.
25
لؤي: شو تتجاوز ترى أحط القندره بحلگك!
23
وائل: كااااافي لؤي ما تستحي تغلط على واحد دايس بيتك؟
48
مُهيب: ياريت صدگ بيته.
191
گاطع: عمي صاحبك وله بعد تريد تروحله روح للسجن..
1
مُهيب: مكيفين على دخلته للسجن؟ بيناتنا الأيام يطلعلكم ويرجع يدوس على خشومكم، خاف ظنكم ما يطلع بعد وتستفحلون يرجع على حيله ويرجع لبيته إذا ناسين أذكركم راح عنكم ١٥ سنه ورج
صمد: ما تخوفنا بي، وسيس صاحبك رااااح..
15
مُهيب: خير أن شاء الله نشوف.
صمد: وأنتَ شني وتزامط شعدك؟
مُهيب: بالوكت التعرفني زين تتندم على معرفتك الي.
124
وائل: والله ياريت يا مهيب التقي بي أريد أفتهم ليش هيچ سوى وبلسانه أعترف بكتلها بس أخخ يا خساره الثقه النطيتها اله وأعتبرته صاحبي..
99
مُهيب: لحد يغشم روحه بيكم، حُرّ ما يكتل لو صدگ يكتل چا كتل أبوك من زمان لأن أنه نص ساعه ما متحمل أوگف وياه مو النوب هوَّ عايش وياه بنفس البيت.
166
خزره وائل ما راضي وتعاركو وياه الولد، طلع فقار بسرعه من جوه ما أدري بشنو چان مشغول وأجه متأخر بسرعه راح على مُهيب
-هلا خويه هلا بيك تعال تفضل.
5
صمد: وين مطبب واحد يهين بعمك؟
10
مُهيب: تعال فقار خويه لبره بس فهمني السالفه شنو؟
4
صمد: أييي بيتي يتعذرك.
217
فقار: شني هذا الحچي عمي!
لؤي: أنتَ ما تدري بهذا النذل متحملينه على أعصابنا.
6
مُهيب: لؤي رخي روحك شويه، ترى أمثالك هواي مارين عليَّ هذني كلهن طاگات جوه رجليَّ مسوي روحك زلمه وتهد بطلهن.
105
طلع مُهيب حتى قبل لا يسمع حچايه منهم، طلع وراه فقار وصمد يغلط عليه شلون تبع مُهيب وبقو محروگه گلوبهم شلون أجه يتعارك وياهم ويصيح من شفت خوفه وحرصه على حرّ تمنيت أروح أطلب منه يمشي بقضيته ويحاول يطلعه من السجن..
طبيت لجوه وعفتهم بره يحچون بالسالفه حيلي منهد فجر گاعده على جهه منتچيه على الحايط ولامه رجليها لصدرها وأيدها على راسها صافنه وحايره بزمانها، وردة ما موجوده أكيد هسه جاي تتوهم حرّ بصفها موجود..
5
گمت فتحت الباب وصارو گدامي قادر وضيغم
قادر: عود صدگ السمعناه؟
26
هزيت راسي بقهر مدنگه
ضيغم: شني السالفه ما يسويها حرّ وعلي!
قادر: خويه ما تصيحيلنا فجر نفتهم منها.
التفتت على فجر وباوعتلها همست بصوت مبحوح
-خل يطبون.
سمعو صوتها وسويت الهم مجال طبو وعفت الباب مفتوح گعدو شويه مسافه عنها لأن هِيَّ حتى ما الها خلگ تگوم طلبو منها تفهمهم لأن لحد هسه ما مفتهمين شي لأن چانو ما يدرون ساكنين المستشفى ويَـ جسام اللي حالته تسيء أكثر وأكثر..
28
صفنو ثنينهم مستغربين وكل ما واحد بيهم يفك حلگه يسولف يسكتون ما يعرفون شيحچون، بقو محتارين شيحچون لأن كلهم يعرفون طبو على حرّ لگوه مصوب إيناس وفجر حتى ما سولفتلهم حرّ أخذ التهمه عن وردة ظل الموضوع بيناتنا
3
وهمَّ ما عرفو شيسولفون لو شيتصرفون، شيگدرون يگولون والمشكله البنيه هسه بالمستشفى أنه واثقه ومستحيل تنهز ثقتي بوردة هِيَّ ما كاتلتها عبث أكو سبب وسبب چبير وصل وردة للقتل..
119
بس بنفس الوكت تبقى إيناس روح، ما نگدر نحچي عليها ولا نگدر نگول طلعو حرّ من السجن ولا حتى ضيغم وقادر طلبو من صمد يتنازل لأن الموضوع چبير وتبقى البنيه تأذت والله آعلم شنو السبب..
21
طلعو ثاني يوم ضيغم وقادر، ورجعو الظهر بعد ما خلص الدوام يتنهدون والحزن تارس ملامحهم تلگتهم فجر وأنه آكل بأطافري متوتره
ضيغم: ما نگدر نشوفه هاي الأيام داخل تحقيق.
تبادلنا نظرات الرعب أنه وفجر لأن ثنينا نعرف معنى الوجع العاشه حرّ من التحقيق، نمرد گلبي مرد طبينا للغرفه لأن دموعنا تصب بقينا نبچي حرّ السجن اله قصه طويله وياه بس التحقيق عالم ثاني..
72
من حرّ دخل سجن بجريمة قتل أخو صالح وقبل لا يحكمونه چانو يصعدونه تحقيق أيام يشوفونه أنواع وأشد العذاب دمروه بالتحقق چان قاسي وصعب عليه وعلى صغر عمره، والمشكله ما حققو وياه مره وحده أربع أشهر هوَّ مسجون بدون حكم وكل شهر ينعاد التحقيق من جديد ينلغي ويعيدونه دمروه دمار من الضرب خلوه يفقد حاسة الشعور وعلمو جسمه على الوجع، بچيت كاضه راسي ميته قهر نعاد عليَّ حزنه من جديد..
كلارة: لچ فجر هسه شني حاله!
+
فجر: الحمدلله على كل حال، آهون عليه من طبة وردة السجن.
8
كلارة: طب سجن مرتين وبالثنين هوَّ مو ذنبه!
14
فجر: خليه هوَّ عمت عيني يتحمل بس هِيَّ ما تحمل..
3
كلارة: أي والله ياريت يطلع من السجن بخير وسلامه وردة فاصله عن الدنيا كلها يا خوفي تفقد عقلها..
فجر: الصار وياها مو هين وأكيد الموضوع مو بسيط حتى تكتل وردة شافت شي وصلها للكتل.
12
كلارة: ياريت لو تگدر تحچيلنا..
فجر: ما تگدر هسه داخله بصدمه.
طلعنا من الغرفه للهول لأن سمعنا صوتهم يحچون عن وردة
ونشوفها بنصهم خالينها وكلهم يسألون بيها لأن حنان گالت الهم
-أنه شفت وردة موجوده بالغرفه وياهم يمكن تدري؟
20
بقو يضغطون عليها وكلهم يسألونها أسأله تدور بالهم بس هِيَّ حرف ما نطقت وتباوعلهم برعب وخوف راحت فجر متعصبه جرتها وزمخت
-وكت أسئله هسه ما تشوفون حالها!!

وائل: لا تضغطون عليها البت نفسيتها تعبانه.
گاطع: غير هِيَّ چانت واگفه نريد تحچيلنا عليمن صوبها؟
فجر: وشتستفادون؟ لو أهم شي تعرفون البت مريضه وتعبانه عوفوها بحالها لا تضغطون عليها..

ما حچينا أحنا الحقيقه حتى لولدنا المقربين خفنا نتصرف تصرف يقهر حرّ ويخرب الأول والتالي، ضايعين ما نعرف شنسوي وشنو نتصرف..
مر الوكت وبيتنا دوم مشاكل وضغط على وردة، رحت تمددت بفراشي أبچي ونمت نومه طويله عيوني مورمه من نسجن حرّ الدمعه ما تنشف من خدي هواي بچينا أنه وفجر ومن التعب رحت أنام، گعدت وما لگيت وردة بفراشها طلعت أدور عليها ما موجوده شفت فجر رحت الها بسرعه
-ما شفتي وردة
-لا غير هِيَّ وياچ
-قبل لا أنام ما أدري وينها عبالي يمچ
-شني السالفه دخيلك ربي..
طلعت تدورها وأنه صعدت لفوگ أفترينا لبيت كله ندور عليها وبكل مكان وبكل غرفه وما خليت واحد ما سألته فرفحت روحي ما موجوده ما الها آثر نزلت أركض ورحت لفجر وجها شاحب وشفايفها نگلبن بيض
-ها فجر لگيتيها؟
صفنت بخوف ونزلت دمعتها من عينها صافنه بصدمه
-وردة ما الها آثر..
