رواية كسرتني امرأه الفصل الثاني 2 بقلم انين الليل

رواية كسرتني امرأه الفصل الثاني 2 بقلم انين الليل

مرحبا

--اني إيناس طالبة طب مرحله ثالثه من بغداد جبت معدل 90 بس لان انا باللجنة الاتحاديه استفاديت من العشر

درجات الي ينطوها بذاك الوقت وحتى بهذا الوقت هم ينطوها يعني الي كان يجيب معدل 98 وهو ما عنده رفيق

ههههه او مو باللجنه الاتحاديه هذا يروح هندسه واحيانا علوم

المهم انا مليت الاستماره وطلع قبولي بصره وأهلي ما منعوني رغم ظروف الحصار لان همه ناس متفهميين

انا جنت فرحانه لان طلع قبولي بغير محافظه لان بصراحه احب المغامرات واحب اجرب كل شي

انا حلوة وبيضه شعري دائما قصير وبي لمعه أحب اللبس والموديلات بشكل وانا دمي جدا خفيف وبسرعه

اسوي صداقات لذلك اول ما اجيت اتعرفت على كثير بنات من البصره وكل وحده تعزمني البيتهم

وانا اروح وياهم ونكسر الحواجز انا اسمع الكثير من الطلاب يكولون عني متحرره وانا ما أنكر تحرري

بابا موظف ومنطيني كامل الحريه وامي

هم متعينه بنفس الدائره اهلي مو تجار بس يعني يعرفون يدبرون امورهم

واحنه اثنين بنات أولد واحد

رياض

ثاني يوم رحت هم ما شفتها وبديت أفكر --هاي بس لا اتاذت من الحادث وصار بيها شي --رجعت داومت

شافوني وفي وامجد وانا مالي خلك سئلوني ولحو علي انا حجيتلهم كل الي صار

أمجد //اي وشنو رياض ليش هلكد مهتم مو تكول البنيه كلتلك ما بيه شي ليش مدوخ رأسك

طبعا احس بكلام أمجد بي خباثه

وفي //اسكت مجودي خاف صاحبنا واكع وما ندري بي

انا جاوبتهم بنرفزة ::اهووو هو العتب على الي يسولفلكم صدك ما تستحوون انا ما افتهم وحجيت الكم

انتم ناس منحرفيين وما تستحوون

وفي //رياض شبيك نتشاقى لا تزعل

أمجد //شنو شحجينا وياك روضي صدك جذب زعلت

:: لا ما بيه شي بس أنتم زودتوها

وفي //عمي لا زودناها ولا شي أنزل وروح يم المستشفى

أمجد //أوك رياض انت يمته صار الحادث أقصد يا يوم

انا باوعتله وكلت :الاحد

امجد /خوش هذا هو باجر احد وروح بنفس الموعد واكيد راح تشوفها

:وليش هلكد متأكد

امجد //هسه انت روح يجوز جدولها الاحد تداوم بالمستشفى

وفي باستهزاء//لك أمجد دوامييش هذا بس يوم الاحد

أمجد // يجوز دوامها باقي الايام مسائي هسه احنه شخاسرين خلي يروح ويشوف

انا اخذت بكلام امجد رغم ما يخلو من الاستهزاء ثاني يوم رحت وبنفس الوقت ظليت منتظر وعيوني تباوع

الكل وحده تدخل للمستشفى وفجأه شفت مجموعه من الشباب يمشون وتمشي وياهم بنات يتمشن بيدهن صداري

واوراق ما ادري كتب ظليت افرزن بالوجوه الى ان شفتها هي اي هي نفسها صرت اباوعلها وهي تمشي وتسولف

وتضحك هي ما انتبهتلي ودخلت للمستشفى بقيت واكف شفت صديقتها الي جانت وياها وكت الحادث شفتها

جايه وتريد تدخل للمستشفى انا استوقفتها هي باوعتلي يمكن ما اتذكرتني

مرحبا يا انسه

هي باستعجال //أهلا

ولو ازاحمج بس يمكن ما تتذكريني

لا والله وجهك مو غريب علي منو

انا الي دعمت صديقتج ذاك الأسبوع

ها..اي اتذكرت خير أستاذ

:كل الخير هاي صار لي شكم مره اجي بس ما اشوفها العفو اقصد ما اشوفكم

باوعتلي باستهزاء // وليش حضرتك تجي رايد شي

:: سلامتج بس حبيت أطمئن على الانسه اخاف اتاذت

—اطمئن استاذ ما بيها شي مو تشوف بعد وكت تجي تطمن جا خليت يمر ع الحادث شهر او تمر سنه

انا بنفس هدوئي جاوبتها :: انا ياانسه اجيت أكثر من مرة وما شفتكم

هي جاوبت بشئ بي نوع من الأسف // احنه مو يوميه نداوم بالمستشفى لان احنه طالبات طب مو موظفات

وهسه بعد اذنك عندي محاضرات بااي

ودارت وجهه وراحت مستعجله

انا حجيت وياها

:: اي بس اذا ممكن اريد اعرف بيش الساعه تطلعون من المستشفى

هي ما سمعتني وما جاوبتني

ظليت حاير اريد اشوفها لو اعرف يمته يحلوون رحت للشرطه الي بالباب ما أنطوني مجال أسئلهم رأسا كلولي

اتفضل سيدي

دخلت داخل المستشفى وانا اسئل نفسي

ليش انا هلكد مهتم بالبنيه شنو السبب من يوم الحادث الحد هسه وانا كله أفكر بيها ما اعرف شنو بيه

وبقيت أدور بالمستشفى على ما شفت مجموعه من الطلاب وشفتها وياهم واكفه والابتسامه ما مفاركه وجهه

والدكتور يشرح الهم عل حالة أحد المرضى

انا جان كل همي بس اريد اعرف يمته يطلعون لكن من شفتها نسيت حتى شلون أتصرف ظليت واكف إلى أن

شفت الدكتور طلع يمشي وبعض الطلبه ويا يوجهوله اسئله وقسم من الطلاب تفرقوا ع الردهات شفتها

راحت ويه طالب وطالبه ما احس إلا على رجليه يرحن وراها دخلت وانا بقيت منتظر ما تحركت من مكاني

إلى ان صارت قريب الساعه 122 الظهر شفتها طلعت وراحت صوب الكافتيريا وانا رحت وراها جانت نفسها

صديقتها وياها من شافتني كامت تسولف وتباوعلي عرفت عليه الكلام انا جنت واكف قريب عليهن تشجعت

اتقربت منهن وانا لازم البيريه (هي غطاء للرأس يستخدمونه العسكر ) رأسا ابتسمت وحجيت

:: مرحبا

ردن اثنينهن

أهلا

وجهت كلامي الها :: أعتقد تذكرتيني

جاوبتني بابتسامه // اي طبعا ما اكدر انسى الشخص الي حاول أن يكون السبب بموتي

:: بس تره انا ما جنت اقصد وجاي أكرر أسفي

يا شعجب مو دا تشوف بعده وكت

:: اتصدگيني اذا اگلج انا من ثاني يوم اجي هنا لكن ما شفت حضرتج

— اي مو احنا بس الأحد والأربعاء نداوم ردهه باقي الأيام كوله بالكليه

ابتسمت :: وهسه انسه انا آسف مرة ثانيه واذا يترتب علي شي انا بالخدمة

هزت راسها // لا ما بيه شي هالمره عدت سلامات بس مره الخ دير بالك

هزيت واسي :: أن شالله استأذن انسه وفرصه سعيده

اهنا صديقتها كالت // كول دعمه سعيده

ابتسمنا وانا طلعت من المستشفى ودي ابقى وهنه ظلن جنت فرحان لان حجيت وياها عرفت من لهجتها

هي مو من البصره بس انا ما جنت اعرف شنو احجي وياها رجعت للبيت والعصر داومت تلكوني وفي وامجد

وماخلصت من أسئلتهم إلا حجيت كل شي صار وياي

أمجد //ادري رياض ليش ما حجيت وياها

باوعتله وانا عاكف حواجبي :: شحجي ما عندي كلام احجي وياها انا شفتها ما اعرف شنو صار

وفي //خلص ما طول عرفت وين تداوم روح يوميه اوكف اباب الكليه تشوفها وهي طالعه

هزيت ايدي :: اي وبعدين

وفي //هي اكيد راح تنتبهلك وبعدين راح يصير التعارف وانوب انت تصير سيد الموقف

أما تبقى وياها او تقضي وقت وتتركها

انا تنرفزت من كلام وفي ::وفي عود هاي انت المثقف وبنفس الوقت ابن عشائر هيج تحجي مو عيب هاي

أعراض ناس ما يصير هالشكل تحچي

وفي //عمي هاي واقع حال شنو ما تشوف ما تسمع متروح يم الكليه تشوف بعينك ما اقصد الكل بس موجود هذا

الشئ جاي نشوفه ونلمسه

أمجد بخباثه // حلو نلمسه وفي

وظلوا يضحكون ويصنفون

وفعلا صرت يوميه اروح يم الكليه وكت الحله وساعات الصبح المهم بس اشوفها وكمت اشوفها وهي طالعه

دائما اشوفها وهي مع زميلاتها وزملاءهاجانت دائما تسولف وتضحك اما لبسها فجرئ بشكل يعني ضيق

وقصير وبدون جواريب ومكياج صارخ طبعا كان موديل السفور اكثر البنات بدون حجاب وبدون جواريب

بس هي لبسها بالحقيقه يجذب النظر وجان هذا الشي اقصد لبسها ياذيني ويقهرني كلش لكن ما اكدر احجي

وكنت اشوفها كل أسبوعين تاخذ جنطه مبين بيها ملابس وتروح ساعات ما تداوم السبت وأيام تداوم عرفت أنها

تسافر الاهلها لان هي كاعده قسم داخلي

دائما اشوفها من تحل من الكليه ما تطلع ابحدها كله وياها طلاب وطالبات

ذاك اليوم اجيت من الدوام قبل وقت رجعت للبيت بدلت ورجعت للكليه اريد انتظرها صارت شغلي الشاغل اريد

بس اشوفها صار بيه هاجس لازم يوميه اشوفها مو مهم احجي وياها وفي وامجد دائما يحجون علي واني ما

اعرف شلون اتصرف وياها وشنو الكلام الي اكوله الها لكن الى متى لذلك قررت اليوم اتشجع واصارحها بإعجابي

وصلت قريب ع باب الكليه حسيت بالسياره مالتي كامت تعت وكفت اباب الكليه الي يطلعون منه مو مثل كل

يوم بالجهه المقابلة اشو السياره وكفت حاولت أبعدها من الباب ماكدرت اجو علي الحرس وكلولي ممنوع فهمتهم

انو السياره عطلت وانطيتهم هويتي وكتلهم هسه اشوف شنو بيهافتحت السياره شفت البانزين

لكيت بيها شفت الدهن ما بي شي كلت خلي انزل جوه نزعت قمصلتتي ورفعت أرداناتي ونزلت اشوف السياره

حاولت اعرف شنو بيها ما عرفت جاي اطلع اسحب بنفسي وما احس إلا البنيه عثرت بيه

وفجاه وصارت بحضني او وكعت علي انا بقيت بنومتي لان اتفاجئت بالي صار من باوعت زين شفت الطالبات

يكومنها وهنه يضحكن والطلاب الله الله بس من شفتها لكيتها هي نفسها إيناس هي الي وكعت علي جانت خدودها

طماطه هي كامت جانت كلش فشلانه وانا هم كمت وگفت هي شافتني دنكت والبنات الي وياها ما ادري شنو

ايكللها ويضحكن اتقربت يمها وحاجيتها بهمس//هالمره انت مطلوبتلي باعتذار لان انت دعمتيني

إيناس بخجل وصوت ناصي //اي بس انت واكف بمكان ممنوع بي الوقوف

جاوبتها بفرح -انا استأذنت من الحرس سمحولي هسه انا كلبي يوجعني لان حضرتج وكعتي على كلبي واذيتيني هواي

إيناس //انا اسفه اتفاجئت من شفت سيارتك اباب الكليه لان يوميه اشوفها بالشارع الثاني بقيت اباوعلها لان ما شفتك

ما انتبهت انت نايم جوه اسفه

رديت عليها :: اكلها گلبي يوجعني تگلي اسفه يمكن راح اموت

ايناس وهي تبتسم //اذا كلبك يوجعك يالله خلي ناخذك للمستشفى ما طول مو بعيد علينه

:: علواه تاخذيني ---هي خزرتني--بس ما عرفت شلون وكعتي علي

إيناس بلهجة بغداديه وصوت كله دلاعه//اني من طلعت شفت سيارتك أقصد يعني اتهيالي سيارتك مشبهه عليها باوعت اشو انت ما موجود ظليت اباوع واجيت امشي بعدين عثرت بيك اوكعت عليك

انا :: علوا يوميه تعثرين وتوكعين علي

هي باوعتلي بتعجب وكلتلي //عفوا

انا سكتت

وهي ابتسمت تريد تمشي صديقاتها منتظراتها

انا رأسا كتلها //انسه تره بعدج ما اعتذرتي ( هي رادت تحجي انا بسرعه كملت كتلها) باجر منتظر اعتذارج---

هي ابتسمت وراحت وانا بقيت صافن بمكاني انتبهت وره ما راحت خليت السياره ورحت جبتلها فيتر قريب بس

شافها لكه واير مكطوع سواها واشتغلت وانا ابدي كل ساع أبوسها للسياره لان هي السبب وكعت احلى ورده بحضني

اتصورو كل ساع اشم قميصي

رجعت للبيت وانا احس بروحي طاير من الفرح تعشيت ونمت و كعدت من الصبح ورحت الوحده مالتي ع أساس

ارجع وره الظهر لكن صادف عندي واجب انا ضجت اجه وفي يمي وكلي

ها رياض ليش ضايج مواعد الحوب

:: اي والله ضايج هسه الواجب إلا عليه

— وداعتك رياض لو ما الآمر جا حولته الغيرك بس صعبه يالله بعد اخوك باجر شوفها لاتضوج

:: اسكت وفي مو كله عندك شقى

لا وداعتك رياض ما اتشاقه اتحمل بس اليوم

واجه أمجد يمنا ظل يصنف ويضحك وطلعو هو اكيد راحو يتونسون مو جديده عليهم

انا بقيت بالواجب على أعصابي ثاني يوم الظهر رحت وركنت سيارتي يم الكليه طبعا للعلم مو بس انا لا هواي

جانو واكفين وقسم بسيارات وقسم لا واكفين

وحلو الطلاب وطلعت وانا شفتها دكيت هورن على مود تشوفني جانت تمشي ويه صديقات الها هي من شافتني

باوعت عليهن وحاجتهن واجت صوبي انا كلبي بقه يدك عبالك مراهق وصلت ودنت ع الجامه الاماميه انا فتحتها

من شفتها تدك عليها باصابعها سلمت عليه واجاني صوتها بنعومة ودلع

هلاوو بعد ضاع حقك بسماع اعتذاري لان أمس ما اجيت يعني انا ما مطلوبة الك بشي

هزيت راسي :: اي انا جاي أعتذر لان خاف أمس انتظرتيني بس صدكي جان عندي واجب

هاا يعني آت (ما تلفظ النون من تكول انت ) جاي تعتذر مني او كي اني اسمعك -تحجي وهي تبتسم-

انا تشجعت وكتلها :: انسه ايناس انا أعتذر لان البارحه كان عندي واجب

هي باوعتلي والابتسامه ما مفاركه وجهه //واني قبلت اعتذارك وهماتين انا أعتذر منك لان اول أمس وكعت

عليك استاذ،،،،

:: بلا أستاذ انا اسمي رياض

- او كي بعد آت هم لا تسميني انسه سميني ايناس

:: خوش يعني متفقين

ع شنو

:: باجر اشوفج

اسفه ما اكدر

:: مو على شي بس احب اشوفج

خليها للظروف يالله بااي

::اوكفي انا يوميه موجود اهنا

ابتسمت ورجعت اتقربت // شنو تشتغل تكسي وره الدوام

:: اي اذا ما عندج مانع اشتغل تكسي ال حضرتج السائق الخصوصي الج

هي لمعت عيونها وحجيت // اذا هيج موافقه بس اكعود وره

هزيت راسي :: موافق

يالله بااي نتشاوف --بعدين دارت علي --عفيه عود امسحها للسياره زين --وضحكت وخلتني وراحت --

انا رجعت للبيت وكل تفكيري ابدايناس ليش هلكد أفكر بيها شنو السبب يجوز إعجاب لو يجوز حب

كعدت ويه اهلي ع السفره مالت العشا وانا مو يمهم لمن ما عباس ندسني وهو يكول

شبيك رياض ابوي يحجي وياك شنو وين صافن

انتبهت :: هاا لا وياكم

ابوي // يا ويانه اصلا ولا يمنا شبيك بابا صاير شي

هزيت راسي :: لا بس شويه تعب بالدوام

مريم وهي تضحك // يا تعب هذا اشو وجهك منور لو كل واحد يتعب مثلك جا الناس كامت تتعارك علمود تتعب

امي باوعت المريم // ولج شبيج حاسدته وينه وين وجهه المنور اشو سوده علي حتى اكله مو مثل كبل وانتي

بكل عينوكحه كاعده وتتحسدينه

مريم //يمه انا شكلت أنتم تكولون تعبان وانا اكول اخوي حليان فوكها

امي //امداج حاسدته اسم الله عل شبابه كون العين الحارة تنعمي على وليدي

مريم بهمس //اشرررد رياض ترة بدت المقدمه

امي // امرييم شكاعد اتكليله

مريم //ما آكله شي أكله امي تريد تشوف جهالك

امي اتاشر المريم //كومي مريم فتيتي كلبي كومي

مريم ردت // اي انتم كله كادرين علي

امي غمت مريم //امداج شكبرج تصيرين بعد مو هاي زينب هالتاكل وهي ساكته

مريم //يممه زينب تريد تصير طبيبه وانا مرة على كدي جاي أدرس معهد معلمات

زينب ما حجت خلصت اكل وگالت // الحمد لله

وبوجهه للدراسه اتمنى اشوفها طبيبه هي هادئه وملتزمه وصوتها ما ينسمع وبنفس الوقت شاطرة

انا بس كملت العشا كبل رحت الغرفتي اهلي اتعجبو ابوي سألني

بابا رياض شكو صاير شي

هزيت راسي :: بابا تعبان راح انام ولاتنسى باچر عندي دوام

ابوي // بس هاي لو اكو شي

ابتسمت واتقربت يمه بست راسه :: ماكو شي تعبان شويه

امي // اسم الله يمه شنو يوجعك

رحت يمها وبستها :: ما بيه شي شلقصه شبيكم وياي

ابوي // بابا رياض كل مره تگعد تسولف وتتشاقى هاي صارلك تقريبا اسبوعين حسبه اتجيبك وحسبه توديك احنا هم

حقنه انخاف عليك

ابتسمت :: يابه اعذرني شويه ضغط بالعمل او انذارات

ابوي //. اي اعرف وانت الي اصريت على الضباط ومن البدايه فهمتك التزام وتعب

جريت نفس :: ياالله تصبحون على خير

ابوي وامي // وانت من اهل الخير

دخلت الغرفتي اريد الصبح يجي على مود اروح الدوامي وبعدين ارجع اروح يم الكليه اتمددت على الجربايه

وانا أفكر بايناس واحجي ويه نفسي

:: ليش انا هلكد مهتم بيها شنو السبب اي هسه غير يطلع الصبح علمود اروح اشوفها

:: ياربي بس شنو احجي وياها من اشوفها ايضيع الكلام

جريت نفس :: اي شي احجي المهم اشوفها

صرت اقرا قصه لاجاثا كريستي انا مغرم بالروايات دائما اقرا لكن هالمره بالي مو يم القصه

:: يعني انا شكد داومت ابغداد شكد شفت بنات شمعنى بس إيناس سلبت عقلي وتفكيري معقوله هذا الحب

:: يجوز

:: شنو يجوز هو الحب مليون بالميه

ما اعرف يمته وشلون نمت و كعدت الصبح رحت الوحدتي باثناء الاستراحة اجه يمي وفي وسئلني

وفي //ها رياض بشر سمسم ماش

انا بقيت ساكت

وفي// شبيك رياض مو احجي وياك شنو الأخبار

جاوبته بهدوء :: الحمد لله زينه الأخبار

وفي ابتسم // يعني حجيت وياها شنو عرفت عنها

:: شعرفت ما عرفت اي شي بس هي تدرس طبيه

هز راسه وفي //. حلو اي رياض وعرفت مايها شنو

باوعتله وانا عاكف حواجبي :: شقصدك وفي بمايها

- - ها روضي ما تعرف قصدي

هزيت راسي :: لا والله ما اعرف

وفي // قصدي احجي وياها شوفها شتريد من علاقه وياك علاقه عابره لو دائمه

باوعتله وانا مستغرب من كلامه :: وفي تحجي صدك شنو عابره شنو دائمه عبالك انا مثلكم او ادور علاقات عابره

اجه أمجد ما لحك إلا على الجمله الاخيره // ش قصدك انت مثلنه رياض شبينا احنه

جاوبته باستهزاء :: مابيكم شي مجودي بس انتو مو محترمين تدورون سوالف مكسره وانا اختلف عنكم

أمجد// ان شالله انعلمك على سوالفنا وداعتك إله انخليك ناجح الأول

اناتنرفزت من كلامهم وحجيت بصوت عالي ::اوووه اصلا انا شمكعدني يمكم أنتم مو خوش اوادم خلي اكوم

أكمل شغلي علمود اطلع اروح

وفي وهو يضحك //روضي عفيه ما تأخذ أخيك وياك وداعتك أصير عاقل بس اباوع

جاوبته وانا ضايج ::إله مخبل واخذك وياي شبيه

وفي //خاب رياض شبيك انت روح ويه الحب وخلي أخيك يدور رزقه

هزيت ايدي :: مو اكلك إلا مخبل واخذك

أمجد //وفي ولا يهمك انت متوازي تطلب من رياض دخلي يرهم روحه انت ولا تهتم

وفي //صدك جذب أنه وفي رياض يصير صاحب فضل براسنا

أمجد //مو بالحيف يمعود عوفه هذا توه جاي يتعلم انا بالروضه ويه أصحابي

وفي //لا ولك بعدها خالتي ام عمران تغنيله ماما زمانها كيه

بقوا يصنفون وانا ولا يمهم اريد الدوام يخلص وكملت شغلي ورجعت ورى الظهر علمود اشوفها للي

اخذت عقلي وكلبي

الثالث من هنا

تعديل المقال