رواية ازهرت وسط الرماد الفصل الثاني 2 بقلم ميار
شماته وليل....غربه
وجلمة الياحيف
يلتمن دمع ويطيحن بخدي
واحد كلت تجوه افتر عليه البين
خله الماله بيها ولملم العندي
انهجم بيتج يروحي
اشكد صبر عندي؟!!
~~~~~~~~
ياسمين: بعد اسبوع من انطيت الموافقه اجت امه حتى تتفق ويا امي على العقد جنت اباوعلهن وگلبي ما مرتاح حاسني ما راح تعدي على خير انطت امه افلوس لامي
حتى تشتريلي اغراض العقد وراها راحت امي تشتري الاغراض وجن بنات خالاتي و بنات خالي والبنات مقهورات عليه لان اني بس ابچي واسولف ويا بنت خالتي رواء
رواء والله حاسني گلبي راح يصير شي
رواء: كولي ياالله ياسمين ان شاء الله ما يصير شي
ياسمين: اجت امي وكعدت ويا خالاتي تراويهن الغراض
ويسولفن جانت جايبه فستان ابيض بدون ردن وانه تسودنت. كتلها ما البسه
شذى: يمه هي حفلة عقد
ياسمين: ما البسه ابدد والله
بقن البنات يتحرمصن وتوسلن بيه كالهن حبابه مدري شنو عاندت كتلهن ابد ولا البسه ما قبلت عاد امي راحت رجعته جابت فستان بي ردن
اجه يوم العقد لبست الفستان وجان شعري طويل خليته
رواء مفتوح
رواء: خلي احطلج مكياج
ياسمين: ما اريد
رواء: وج فشله شلون يصير
ظلت تحجي عليه كتله بس شويه صدك. حطتلي كحله ورادت تحط حمره ما قبلت نزلنه وتلگتني امي تبوس بيه والنسوان يكولن صلاوات على محمد شهلـجمال واني بس اباوعلهن امي عرفتني مقهوره ظلت تحجي وياي
شذى: يلا ابنيتي تعالي اكعدي
كعدت واني اباوعلهن واجت امه ومرت اخو واخته واخته جانت مريضه ما تشوف بعيونها بوستني وكعدت يمي حسيتها حبابه كمشت ايدي
عذراء: شلونج حبيبتي
ياسمين: كتلها زينه وسكتت بقت كاعده يمي لحد ما رادو يعقدولنا واني خفت حيل وحسيت گلبي وجعني كعدت قريب من باب الاستقبال وبدأ الشيخ يعقد وجان حاطين حاضر وغايب 15بـ15
بدأ الشيخ يعقد وانا اسمع جان يكول بويه موافقه واني
سكتت شويه واجت رواء
رواء: احجي ياسمين
ياسمين: كلت نعم
كمل عقد ورجعت كعدت يمهم شويه وراحت اخته تصيحه
عذراء: تعال شوف خطيبتك
ياسمين: اجه وباس راسها وكعد بس ابد ميباوع واني سكتت وبس النفس يصعد وينزل اجت امه وانطته
الحلقه حتى يلبسني واصلا ميباوعلي ابد اخذها من ايدها
عود يريد يلبسني انطته ريماس ايدي لبسني وكام يريد يطلع
واني اهنا صار عندي فضول اشوفه رفعت راسي وباوعتله
جان لابس قميص ابيض وبنطرون اسود وجهه جان مگلوب
اسم الله هو مو ذاك الجمال بس جان صاحب عيون حلوه
وحواجب حلوه بس خشمه جبير طلعت الناس وبقينا احنه اجت اخته و امه بوسني ومرت اخو بوستني بس ما ارتاحيت الها حسيتها خبيثه وراحو وراها اجو ابوي وعمامي واخوتي
وحتى ولد عمي سلمت عليهم واجه ابن عمي اسمه حسين جان يكول
حسين: بويا شوف شلون كبرت ياسمين وصارت عروس
ياسمين: ادري بي جان يريدني بس ما حجو كدامي كالو لمن تكبر ضحكو عمامي على كلام حسين اجه اخو مرتضى حضني ويسولف وياي
مرتضى:: هاا خويه بيج شي
ياسمين:: لا يروحي ما بيه شي
بقي حاضني ويسولفون واباوع لحسين يباوع عليه حتى عيونه ما يحركهن كلت لامي يوم اني راح اصعد فوگ
شذى:: اي يمه صعدي
عفتهم وصعدت واني افكر شنو راح يصير بحياتي
شراح يصير بيه جنت كلش خايفه كمت توضيت و وصليت
رجعت دخلت للحمام سبحت وصاحوني نزلت اكل وياهم
رحت كعدت وياهم واني بس ساكته ومشت حياتنا اليوميه
مثل كل روتين يومي مرر شهر على خطوبتنا حتى نسيت نفسي مخطوبه خابرت امه كالت هذا الاسبوع العرس
احس گلبي وكف وعلي بساعتها
بلشت امي تجهزلي يوم تشتري ملابس و يوم مكياج
جتي رواء حتى نروح اني وياها للصالون
رواء:: شلونج عروستنا
ياسمين:: زينه الحمدلله وانتي
رواء:: تمام الحمدلله
ياسمين:: رواء شو گلبي يوجعني ما اعرف ليش
رواء:: من شنو يروحي
ياسمين:: احس اذا رحت لبيتهم راح يصير شي
باوعت لرواء سكتت وتباوعلي مقهوره عليه
رواء:: تعاي نروح للمحل گلبي ولا تخلين هذا الشي ابالج
دخلنا للمحل عباره عن ملابس نوم و رواء ظلت تكول هذا حلو وهذا واني بس اباوع كتلها اني ما البس هيج استحي
رواء:: انچبي ما تلبس هيج وهو الرجال اذا يشوف زوجته تلبسه هيج يكيف
ياسمين:: دولي عني خيه اخذيلي تراكات ما اريد من ذني
فرت ايدها وراحت ما عاجبهه تضحكت على تعابير وجهه
بقت تسولف هي وامي كلت لامي. يلا ماما كافي هاي هي
شذى:: خلصنه ابنيتي هسه
طلعنا ورحنه لمحل مال بدلات وظلت رواء كل شويه تكول
ياسمين شوفي هاي حلوه وهاي حلوه كتلها انتي ياهي تشوفيها حلوه اختاريهه
رواء:: وانتي شنو ما راح تختارين
انتي وماما اختارن بكيفجن
رواء:: لا عيني لا تعالي اختاري
اجيت سحلتني على البدله
رواء:: شوفي شكد. حلوه عليج
ياسمين:: لا ما اريدها ما تشوفينها شلون مفتوحه
رواء:: لا والله هيج احلا
سكتت لان ادري بيها ما راح تقتنع ابدد رحنه على بدله جانت لونها احمر وبيها لمع من فوگ ليجوه
رواء:: شنو رائيج
ياسمين:: حلوه
رواء: تمام
دفعت ماما فلوس الحجز وطلعنا للبيت لكينه بابا كاعد
وكفت يمه كتله شلونك بابا
حميد:: يا هلا ببنيتي شلونج شلون التحضيرات
شذى:: لا كلشي تمام
حميد:: شتحتاجون كولو لمرتضى
شذى:: خوش
ياسمين:: صعدت فوك سبحت وتمددت تعبانه شويه وجتي رواء هم غسلت واجت يمي تحجي وياي
رواء:: اگلج أسو
ياسمين:: هاا
رواء:: ليش ضايجه يجوز يطلع حباب ويحبج
ياسمين:: ما ادري گلبي حاسني اكو شي
رواء:: اي هاي كل عروس تتوتر وتخاف لا يبقى ابالج
ياسمين:: رواء شفتي من اجه بيوم العقد گالب وجهه الا اخته لحت عليه
رواء:: عادي هاي يجوز لان ما يعرفج ولا شايفج بعدين تتعرفون على بعض
ياسمين:: ما اعرف جاي نسولف وصعدت ماما
شذى:: يمه أسو خابر إيهاب علمود عقد المحكمه
ياسمين:: اني بقت ساكته اباوعلها نطت رواء وتحجي
رواء:: شفتي ولج هسه راح تتعرفون تسولف وتضحك
شذى:: تعاي اخذي الملابس حطيهن بالجنطه.
رواء:: اي خاله جايه
ياسمين:: رحت كعدت يمهن كلت لماما ويوم منو يروح وياي اذا رحت باجر
شذى:: بس انتي ابوج كال
شنوو وحدي يوم
شذى:: اي ما بيها شي حتى تحجون وتتعرفون على بعض
ما اروح وحدي لو شيصير
شذى: كافي شبيجج ياسمين
ماما والله ما اعرف شبيه
شذى: تعاي ماما تعاي احجي وياج
رحت يمها كمشت ايدي وتحجي وياي
شذى:: شوفي ابنيتي انتي هسه حياتج راح تتغير وراح انوب تعتمدين على نفسج وديرين بالج على روحج. وعلى بيتج واني اعرف انتي شكد عاقله بس اريدج تشيلين هلـخوف من گلبج ورب العالمين الواحد من اول ما ينخلق كاتب قسمة بگصته
ياسمين: ماما گلبي يكولي راح تتغير حياتي يمهم
اكيد ابنتي غير راح تصير عندج مسؤولية وبيت اكيد راح هيج يصير وتتغير حياتج
ياسمين: هزيت راسي اي وسكتت
شذى:: هسه ابنيتي كومي اقري زيارة عاشوراء اايوم اربعاء وجيبي كلاص مي اقري عليه اسماء الحسنى 4 مرات واشربيه
كمت صدك صليت و قريت زيارة عاشوراء ودعيت ربي يطمن گلبي وصبيت كلاص مي وقريت عليه مثل ما علمتني امي وشربته ونمت ما كعدت الا على صوت امي تكعد بيه
شذى: يلا ماما كومي تحضري
ياسمين: تمام
رحت سبحت وطلعت لكيت رواء محضرتلي بنطرون وقميص ابيض وبي ورد احمر اصغار كتلها شكو اريد فستان احسن
رواء: انجبي وتعاي
رحت لبستهن وكفت لميت شعري ولبست شال اسود لكيت رواء خازرتني كتلها شكوو شبيج
رواء: ولج ليش اسود اسم الله
ياسمين: احب لون الاسود
رواء: وج ما يصير تعاي يروحي لبسي هذا الابيض
ياسمين: شنو البس ابيض عبالك هستوني طالعه من الگبور ما اريده
رواء: ما عليج والله حلوو
ما اريده والله
رواء: جبتلها شال لون رصاصي وهسه
ياسمين: تمام هذا البسه
رواء: عفيه عليج
لبسته وكرصتها من خدودها
ياسمين: شبيجج وخري
رواء: تعاي اكلج يلا خلي احطلج مكياج
ياسمين: حطتلي مسكاره وحمره خفيفه اني اباوع على نفسي بالمرايه
رواء: ما يبين بس حلووو
سكتت عنها جابت عطر ما خليته تحطلي كتلها انطيني اني احط جيبي اخذته منها حطيت اني ونزلنه جانو كاعدين كلت
صباح الخير
مرتضى: هلا شنو هلـ صباح الي يرد روحي
ياسمين: ضحكت ورحت كعدت يمه ابوسه
مرتضى: شلونها عروستنا
ياسمين: ضجت كتله لا تكول هيج
مرتضى: اشاقيج يروحي
ياسمين: راح اشتاقلك
مرتضى: اني هم يروحي
ياسمين: انباوع على بابا الي يباوعلنه وعيونه بيها دموع
مرتضى: بس أسو اني مو بعيد عنج شوكت ما تشتاقيلي ما تحسين غير اني يمج
ياسمين: كتله اي وحضنته حسيت بي يمسح دمعته جتي اختي لين يمنه
لين: شو بس هيه اني هم احضني
ياسمين: ضحكنه عليها وشبكناها سوه وضليت بحضن مرتضى اني ولين لحد ما سمعنه صوت هورن كام اخوي علاء
علاء: اني راح اشوف منوو
حميد: لا هذا ايهاب اتصل عليه
طلع مرتضى لباب شويه ورجع كال يابه يريد يسلم عليك
كاله اي يابه اجيت صدك طلع بابا واني وياها
حميد: السلام عليكم
إيهاب: عليكم السلام شلونك عمي
حميد: بخير الحمدلله انت واهلك شلونهم
إيهاب: كلش زينين ويسلمون عليكم
حميد: الله يسلمهم
ياسمين: صباح الخير دخلت وهو كال
إيهاب: صباح النور
اباوع على ابوها. كتلها يلا عمي احنه نترخص نروح احنه
حميد: براحتك بويا
ياسمين: طلع واني طلعت وراه صعدت يمه وهو صعد ولبس نظارته ودك هورن لبابا وطلعنا اني درت وجهي للجامه اباوع على الناس ناس رايحه وناس ترجع ولي يتفتح على باب الله وناس تتمشى بقيت صافنه على الناس فزيت على صوت موبايله باوعت عليه ما يجاوب وظل يتصل مره مرتين وثالثه ما يجاوب بقى يتصل اخر شي مليت من الوضع كتله واني ادير وجهي للجامه واحجي وياه
جاوب خاف اكو شي مهم حسيته يباوعلي ما جاوب شويه وكال
إيهاب: لا ماكو شي من الشغل
ياسمين: سكتت ما جاوبته وكفنه يم باب المحكمه نزل هو وبيده سويج السياره نزلت وراه اني يمشي واني امشي وراه رجع دك موبايلي جاوب كال هسه عندي شغل گلبي بعدين اتصل وسده ورجع باوع وراه شافني وراها وكمل مشيه صاحني
إيهاب: تعالي اوكفي اهنا راح اروح اكمل الاوراق واجي
ياسمين: هزيت راسي ورحت كعدت وهو راح بقى وين يلا رجع كعد بالكرسي المقابيلي
إيهاب: كملت بس ندخل للقاضي
ياسمين: اباوعله يلوب بس يريد يطلع ظل يتأفف كلت هذا شبي ابو طنكوره شويه وجيه ولد كال يلا دخلوو
إيهاب: مشكور
دخلنا واجه وكف يمي وبلش القاضي يسالنه كال انتي موافقه كتله اي وسأله وكاله اي شو هذا اسم الله بس خلصنه انگلب شلون الشيطان طلع بساع واني وراه كل
شي ما اندل وهو يمشي سريع ردت الحك بي انلوت رجلي
همزين ما طحت على وجهي كوه سيطرت على نفسي هو
سمع ولد جبير كال اسم الله خويه هو دار وجهه عليه يباوعلي رحت يمه جان يكول
إيهاب: ما تشوفين هنو هلـثول
ياسمين: اني جانت الدمعه بطرف عيني من كال هيج بسرعه نزلن دموعي وهو صعد بالسيارةو اني رحت كعدت وره ما اريد اكعد يمه بقيت ابجي على الموقف الصار فتحت جنطتي اخذت كلينس باوعت لكيته يباوعلي وصلنا
نزلت وهو شخط السياره بقيت اباوع كلت هذا صدك بي شي طبيت للبيت لكيتهم منتظريني كالو اجيتو كتلهم اي بس ايهاب راح
حميد: ليش
ياسمين: ما اعرف نزلني وراح
حميد: هسه اخابره واشوف
ياسمين: هزيت راسي اي عفتهم وصعدت لغرفتي غيرت ملابسي وتمددت افكر بالصار..
