رواية ضي قلبي الفصل الخامس عشر 15 بقلم رانيا العربي
سليم يخرج من السيارة سريعا ويرمي المفاتيح ل عمار
سليم بضحك : اركن العربية وحصلني
عمار بغيظ : خدام أبوك انا يالا
سليم وهو يرقص حواجبه : اركن ياض وتعالي ورايا
عمار وهو يرمي المفاتيح مرة أخرى ويطلع لسانه : لا يا رخم حصلني انت
سليم بغيظ : اه يا ابن ***
➖💟➖💟➖💟➖💟➖💟➖💟➖
أمام غرفة الطوارئ يقف فارس و مروان ويأتي هاشم يمسك مروان معصم فارس
مروان بهدوء : لو سمحت أهدي احنا في مستشفى نطمن وبعدين اعمل اللي انت عايزه
فارس بغضب وهو يتقدم نحو هاشم : انت جاي هنا ليه عايز منها ايه مش دي الأرض البور ع رأي الست الوالدة أهو ربنا رزقك بأرض نجسه تجيب منها الواد امشي من هنا احسن لك يا هاشم
هاشم بعصبية ويحاول كتم غضبه : انا عارف انك متضايق يا فارس بس ده سوء تفاهم مش اكتر وهيتحل ، وشمس مراتي ومحدش يقدر يمنعني عنها
فارس وهو يضربه على كتفه ليبعده : لا يا بابا ليها اخوات تأكل الزلط واختي انساها ، سوء التفاهم ده من مشيك البطال مع النسوان الواطية اللي انت شبهم واللي عرفتهم على ستك وتاج رأسك شمس الهواري ، احنا سكتنا كتير بس خلاص لحد هنا وكفاية
يدخل عمار في ذلك الوقت ويقف بينهم ويبعدهم عن بعض
عمار وهو يعقد حاجبيه بتعجب من حالتهم : في ايه اللي بيحصل ده مالكم يا ولاد الهواري
فارس بتهكم : أسأل البيه
هاشم : انا هادي خالص ومش عايز أقل أدبي و مراعي الموقف الزفت اللي احنا فيه وعمال اقول سوء تفاهم
فارس بغضب عارم : لا ياض وريني قلة الأدب علي حق عشان نجع الهواري يصلي عليك العصر
عمار مقاطعا بصوت حاد : اتهد منك ليه وفهمني يا هاشم اللي حصل
فارس بسخرية : البيه متجوز علي شمس و مراته حامل ، واحدة كده زيه تشبه الأشكال الواطية اللي بيمشي معاها
عمار بصدمة وغضب : الكلام ده حقيقي يا هاشم متجوز ع شمس
هاشم بصوت مختنق : ده سوء تفاهم والله يا عمار البت دي مش حامل ولا زفت
عمار بغضب : انت متجوز ع شمس يا هاشم انطق
هاشم بخزي وهو يحني رأسه بالإيجاب : عرفي
ضحي بصدمة وهي تضرب ع صدرها : يا مري متجوز ع شمس يا أخويا
فارس يتهجم عليه بلكمات متتالية والآخر مستسلم وسط صراخ ضحي و عمار و مروان يحاولون منع فارس عنه ولكن بنيه فارس القوية جعلت الأمر صعب
ضحي بصراخ : سيبه هيموت في ايدك يا فارس
فارس بعصبية : ابعدي عني أحسن لك
ضحي وهي تحاول مع فارس يدفعها بدون وعي وتضرب رأسها بالحائط يجري عليها عمار و مروان يجدوها فاقدة للوعي يساعده مروان ويدخلها غرفة الطوارئ
فارس بعصبية وتحذير وهو ممسك لهاشم من ثيابه : عارف لو شمس ولا ضحي جرالهم حاجة مش هيكفيني عمرك يا هاشم ويتركه ويدخل الي الغرفة
➖💟➖💟➖💟➖💟➖💟➖💟➖💟
في ذلك الوقت كان سليم في الخارج بعد ان نزل من سيارته وجد أحد المرضي كبار السن كان يطلب مساعدته في ان يطمئن منه ع التحاليل الخاصة به التي أجراها لعدم ارتياحه للطبيب المعالج له
سليم بأبتسامة : التحاليل زي الفل يا راجل يا طيب ماله بس الدكتور مراد عملك ايه
الرجل العجوز : اباي يا سليم يا ولدي معرفش الواد مغرور أكده ليه مش طايق دبان وشه
سليم بضحك : خلاص لو عوزت اي حاجة انا موجود وسيبك منه الدكتور العفش ده
الرجل العجوز وهو يربت على كتفه : ربنا ينولك مرادك يا ولدي ويكرم اصلك الغالي يا ولد الهواري
سليم بأبتسامة : يارب يا راجل يا طيب ويخليك وزي ما قولتلك انا موجود أسأل عليا وانا اجاي لحد عندك ولا تحمل هم
تأتي الممرضة مسرعة إلي سليم
تهاني : دكتور سليم الحق أخت حضرتك وبنت عمك في الطوارئ
سليم بفزع : مين شمس و ضي
تهاني بنفي : لا ضحي حوصل عاركة كبيرة بين حضرة الضابط و هاشم بيه وهي اتخبطت في الحيطة
سليم بلهفة : بعد إذنك يا حاج ، يلا قدامي
💟➖💟➖💟➖💟➖💟➖💟➖💟
..في غرفة ضي..
ماسة : قومي يا بت انتي اتمشي شوية كده عشان اخرجك بكرة من المستشفى لو عايزة
ضي : حاضر انا اصلا حاسة اني اتشليت من قعدة السرير دي
دخلت نور و نوارة في ذلك الوقت لتتقدم نور لمساعدة ابنتها ع النهوض من ع السرير
نور : علي فين يا ضي عايزة حاجة يا قلبى
ماسة : لازم تتمشي شويه عشان الدوخة و بعدين بقالها كتير ع السرير
نوارة : تعالي يا بت يا ضي نتمشي شوية في الجنينه
ضي تهز رأسها بالإيجاب
نور : ليه مش عايزة تتكلمي معانا يا روحي انتي
ماسة : معلش يا طنط هي شوية وهتكون احسن من الاول
في الرواق الذي يوجد به تلك المشاحنه كانت ضي في طريقها إلي حديقة المستشفى وسليم يتجه إلي الداخل ليتفاجئوا بمشاحنه هاشم و مروان تلك المرة ليمنعه من الدخول الى شمس
مروان : لو سمحت يا هاشم أهدي وبلاش تدخل دلوقتي الوضع هيكون مش حلو ليك
هاشم بسخرية : وحضرتك مين عشان تمنعني عن مراتي، أبعد عن طريقي
سليم يجد ضي في الرواق وكأن الزمن توقف ليذهب إليها تاركا تلك المشاجرة ويقف أمام عيونها غريقا بموج حبها
سليم بلهفة : أنتي رايحة فين واقفة هنا ليه
ضي بأستغراب وسخرية : وانت مالك بقي
سليم برفع الحاجب بعصبية : ضي هو انتي يوم ما تتكلمي ترمي رصاص يا روحي
ضي بغضب : طلعت روحك وانت مالك بيا أصلا
سليم وهو يجز ع اسنانه : بت انت اتلمي بقولك
ضي بنبرة حادة و غاضبة : بت لما تبقي تبتك ان شاء الله يا دكتور ، ووسع كده من طريقي ( وتضربه كتفه وتتجه نحو مروان )
ضي :في ايه يا مروان ، مالك يا هاشم في ايه
هاشم بنبرة حانية : ضي انتي بخير يا حبيبتي
ضي : انا بخير ، ممكن افهم في ايه وبتتخانقوا ليه
مروان : ابدا مفيش اصل شمس و ضحي
ضي بلهفة : مالهم جري ايه انطلقوا
مروان : هما جوه ..لتتركهم وتتجه نحو الغرفة
+
..عند سليم ..
سليم بغيظ وهو ينظر إلى نور و نوارة الذين يكتمون ضحكتهم : ايه عجبكم اللي عملته ، عاجبك اللي بنتك بتعمله معايا ده
نور : انا فرحانه أنها اتكلمت دي كانت بتحرك عيونها و رأسها بس ، صوتها كان وحشني اوي
سليم وهو يضرب يده برأسه : شايفين نسيت شمس و ضحي بيفرفروا في الطوارئ ، منك للي كلت دراع جوزها يا ضي يا بنت نور بشوفها بسافر حته تانيه
+
سليم يتجه إلي غرفة الطوارئ يجد كلا من فارس و هاشم بعد ان أطمئنوا ع حالات البنات ولكن النقاش مازال حاد بينهم
فارس بحده : قولتلك امشي من هنا
هاشم : مراتي و اختي جوه و عايزني امشي ازاي
فارس بتهكم : قال بيهمك حد غير نفسك
سليم بصوت حاد مقاطعا لهم : في ايه هنا وإيه اللي بيحصل هي مستشفى ولا فاكرنا في التخشيبة عندك في القسم يا حضرة الضابط
💟➖💟➖💟➖💟➖💟➖💟➖💟➖
..داخل غرفة الطوارئ..
تدخل ضي بلهفة وخوف لتجد كلا من ضحي و شمس كلا منهم ع سرير وتقف ماسة مع شمس و طبيب اخر بجوار ضحي يقوم بإجراء الإسعافات لها
ضي بلهفة : في ايه ايه اللي حصل
شمس بدموع ووجه شاحب : ضي ..اه آه
ضي تتجه نحوها تضمها والاخري تبكي بحرقة : في ايه يا شموسه مالك مين زعلك ايه اللي حصل فهميني وكفاية دموع عشان خاطري
شمس ببكاء : اخوكي متجوز عليا و مراته حامل كمان
ضي بصدمة وغصه في قلبها ع جرح شمس : طيب أهدي مش عايزة اشوف دموعك (وتخرجها من حضنها وتكور وجهها بكفيها وتمسح دموعها ) أنتي اقوي بنت فينا يا شمس انتي اختنا الكبيرة السند والضهر طول عمرنا بنستخبي في حضنك فاهمة ، كل اللي انتي عايزاه هيحصل بس انتي اوعي تكوني ضعيفة ده انا بتقوي من وجع الدنيا بوجودك انتي و الهبلة اللي مخبوطة في رأسها دي
الدكتور متحدثا لهم : هي الآنسة كويسة و هتفوق دلوقتي هما اصلا غرزتين و الإغماء ده من الخبطة بس التحاليل كمان بتقول أنها زي الفل
شمس : الله اكبر يا دكتور انت هتحسد البت ولا ايه
الدكتور بضحك : لا والله مش قصدي
ضحي بصوت خافت : اه اه يا رأسي
ضي بأبتسامة : قال رأسي قال الدكتور قال انك زي الحمير في النجيل تور ماشاء الله
شمس بضحك : قصدك نسناس يا ناس
ضحي وهي تعتدل في جلستها : ايه هو انا بقيت مادة الضحك بتاعة أهلك انتي وهي
➖💟➖💟➖💟➖💟➖💟➖💟➖
..في مكتب سليم ..
هاشم بتوسل : والله العظيم وحياه شمس ده سوء تفاهم يا سليم
سليم بغضب وهو يضرب ع مكتبه : سوء تفاهم و جواز عرفي وعيل في الطريق يا ابن عمي ، بص بقي يا هاشم انا من وقت ما رجعت من السفر وانا كنت شايف شمس زي الوردة الدبلانة لحد من شهرين قلت اتعادلت قولت مش هتكلم معاك بس يطلع ده كله غطا لسيادتك وحياتك التانية يبقي أنت اختارت اياك تفتكر ان شمس لوحدها ، لا يا هاشم سكاتي عشان كانت بتحبك وكانت بتمني نفسها أنك هتكون كويس لكن لحد كده وكفاية أهانة لأختي وكبرياءها انا مع قرارها أيا كان هو ايه
هاشم بتحدي : طب لو هي وافقت تكون معايا وهتسامحني
سليم بسخرية : يبقي فعلا انت متعرفش شمس يا هاشم ، انت قتلتها النهاردة
هاشم بدموع وصوت خافت : انا مش عارف اقولك ايه انا والله بحبها يا سليم ، مقدرش اعيش من غيرها
سليم بأسي : اقولك ايه طيب ، انت هببت الدنيا كلها
+
تدخل السكرتيرة : دكتور سليم في واحد سأل عن ضي هانم اسمه نادر الأنصاري
سليم بدهشة : مين نادر الأنصاري
السكرتيرة : أيوة حضرتك قولت ان اي زيارة ل ضي هانم لازم يكون عندك علم بيها وهو دلوقتي قاعد مع مدام نوارة و مدام نور في الكافتيريا ، بعد إذنك
هاشم بتساؤل : مش ده خالها أبو مازن
سليم بوجه متهجم : أيوة هو
هاشم بتعجب : هو جاي ليه ده
➖💟➖💟➖💟➖💟➖💟➖💟➖💟
في غرفة ضي اجتمعت البنات و معهم ماسة التي طلبت من البنات البقاء بالمستشفى لحين الاطمئنان عنهم
ماسة : يعنى يا حلوين اقعدوا كده نموا وتنمروا على خلق الله لحد ما ارجعلكم
ضحي : بقولك يا ماسة البت دي خلاص خفت يعني عشان ايدي اكيد هتلوش فيها بعد شوية
ماسة : أيوة يا بت بقت زي الفل فرمتنا الجهاز ورجعت بضبط المصنع يا حلوة
شمس بصوت حزين : ماسة عايزة مهدئ عشان عايزة أنام الحقنة مفعولها راح ودماغي وجعاني
ضي مقاطعة لهم : لا مش هتاخد حاجة انا عايزة احكي معاكي يا شموستي ، اديها مسكن بس للصداع
ماسة : حاضر هو مسكن بس بلاش مهدئات ، بعدين البت اللي فتحت الاسبيكر دي مش حرام تقفله تاني
شمس وهي تضم ضي وتقبل رأسها : أيوة لا مش عايزة خلاص وحشني حسها هسمعها للصبح
💟➖💟➖💟➖💟➖💟➖💟➖💟
..في كافتيريا المستشفى..
نوارة : أستاذ نادر انا عارفة اني مليش اني اتكلم دلوقتي بس انت مشفتش ضي كانت حالتها ايه
نادر : العفو يا هانم انا فاهم بس عايز نور تسامحني ، انا مش طالب غير كده ، انا مش مهم عندي اي حاجة غير أن نور تسمح اني اشوف ضي واتكلم معاها
نور بحدة وهي تنهض : مش هيحصل يا نادر ، بنتي مصدقت أنها بقت كويسة واتفضل مع السلامة بقي
نوارة : أهدي لو سمحتي يا نور ، أستاذ نادر لو سمحت حضرتك تتفضل دلوقتي وبعدين ترجع وقت تاني تكون هديت شوية
ينسحب نادر ولكن لا يذهب يسأل عن غرفة ضي ويتجه نحوها
➖💟➖💟➖💟➖💟➖💟➖💟➖
..في قصر الهواري بحناح عادل الهواري كانت شادية تتكلم صافي بمكالمة هاتفية
صافي بدموع : يعني سليم عمل ده كله عشان يتجوز ضي معقول يا طنط
شادية : قولتلك خافي علي بيتك ، انتي صوتك من دماغك دلوقتي ترجعي وتعملي اي حاجة عشان يردك لعصمته والجوازة دي متيمش
صافي :حضرتك هتكوني معايا و في صفي مش كده
شادية بخبث :طول ما انتي تحت طوعي و بتسمعي كلامي وهتجيبي الواد تاخدي عنيه يا حبيبتي يا مرات الغالي
➖💟➖💟➖💟➖💟➖💟➖💟➖
في هذه الأثناء يتصل فارس ب ضحي تستأذن و تخرج من الغرفة وتكون شمس نائمة يكون سليم متجها لغرفة مشاغبته الطفلة العنيدة ليطمئن عليها وعلى البنات ويسأل نور عن وجود نادر وطلب من هاشم الذهاب ولكنه رفض وفضل البقاء في سيارته بالخارج
يدق باب غرفة ضي
ضي بصدمة : خالو انت هنا
نادر بلهفة يتقدم نحوها يضمها ويقبل رأسها : سامحيني يا حبيبتي والله ما كنت اعرف حاجة
ضي : انا بقيت كويسة وبعدين اسامحك ليه ، هو انت اللي عملت فيا كده
نادر بخزي : انت عارفة اني مش عارف عيني فيكي بعد اللي حصل ، بس مش عارف غير اطلب منك ترحمي ابني من السجن وضياع مستقبله ، ابوس ايدك يا بنتي عشان خاطري بلاش السجن والمرمطة انتي خلاص خدتي حريتك منه انا مستعد اعمل اي حاجة بس هو ميدخلش السجن ، انا مستعد لأي تعويض يأمروا بيه عيلة الهواري بس السجن لا ده مهما كان ابن خالك
➖💟➖💟➖💟➖💟➖💟➖💟➖💟
تذهب ضحي الحديقة وعيونها تطلق شرارات نيران وهو يكتم ضحكته من شكلها الطفولي الغاضب تتقدم نحوه وهي تسدد لكمات لصدره
ضحي بغضب : بتضربني يا فارس بتضربني والله هوريك يا فارس
فارس يمسك يديها ليمنعها من ضربه : انا ضربتك يا مفترية مش انتي اللي اتدخلتي ايه اللي يدخلك في كلام وخناق الرجالة
ضحي بعبوس طفولي : خناق الرجالة اه واحد فيهم أخويا والتاني ابن عمي وحبيبي عايزني اعمل ايه بقي اكيد هعمل اللي عملته و اخد بدل الغرزتين ألف
فارس وهو يلمس ذراعيها لتهدء : طيب أهدي كده و اصلا الحوار ده خليكي بعيد عنه عشان منخسرش بعض
ضحي بحدة : قصدك ايه بقي يا حضرة الضابط
فارس بحدة مماثلة :بصي بقي يا بنت الناس الحوار ده بالذات يتبقي فيه معايا يا عليا
ضحي وهي تعقد حاجبيها : قصدك اني مقفش مع أخويا لجل خاطرك
فارس بتهكم : لا لجل خاطر شمس يا ست ضحي ، شمس اختك اللي اتحملت هاشم سنين وهو بيخونها و هاملها وفي الاخر يطلع متجوز و منتظر ولي العهد ، بصي بقي الموضوع ده نقطة فاصلة يا تكوني معايا ومع اختي يا مع اخوكي ولو اخترتي اخوكي اعتبري فارس مش موجود في حياتك يا ضحي
ضحي بأستنكار : انت بتهددني يا فارس
فارس بنفي : لا يا ضحي ده مش تهديد ده اختيار وانتي حرة بعد كده
💟➖💟➖💟➖💟➖💟➖💟➖💟
..في سيارة هاشم وهو غاضب من نفسه ويضرب ع مقود السيارة مررا معاتبا نفسه ويصرخ بصوت باكي : هتسيبك و هتموت بالحيا يا بن جلال شمسك هتروح منك بسبب غباءك ووسخاتك ونجاستك بسبب ماشيك الزفت كنت فاكر ايه هو اخر طريقك بس ده موت ياريت اموت ارحم يا شمس يوم ما تطلبي البعد هموت يا شمسي هموت
➖💙➖💙➖💟💟💟💟💟➖💙➖💙
ستوب يا حلوين التصويت بقي وتعليقاتكم
ضي هتتنازل عن القضية ؟ وإيه موقف سليم منها؟
شمس هتسامح هاشم ؟حب هاشم تملك ولا تعود ؟
صافي هتقدر ترجع سليم ؟ وإيه خطتهم هي شادية؟
ضحي هتختار مين فارس ولا اخوها ؟
+
