رواية انثي في معتقل الحب الفصل الخامس عشر 15 بقلم عطر الورد

رواية انثي في معتقل الحب الفصل الخامس عشر 15 بقلم عطر الورد

*انثئ في معتقل الحب*

بقلم(zainab ) عطر الورد

.

................ ................ ................

كلي ماتكتب غزل كتله شكتب من غزل

وإني كظيت العمر كوله ملل

كلبي تارسته العلل

وبالمصير الي أريده أبد ماعندي أمل

...

اني اعرف بس ألم اني أكتب بس وجع

مو كلمه كاتبها حبر . .ألم طرزته بشعر

والأوراق الشالته كلها دمع

...

شعري آلام ومواجع

صرخه بس ماالها سامع

كلماتي كاتبها قلم

بس القلم يكتب ألم

خل يفهم الما يفتهم

اني ادري ماعنده علم

...

عافاني بس المشكله مااكدر اني بدونه

راداني أكتب غزل راح اكتب وممنونه

خلاني أحبه من صدوك خلاني بي مجنونه

...

راح اكتب غزل بس مو غزل عادي

غزل بي طعم بغدادي .

...

راح احسب لأمل حبك لعدله

واذا طال الصبر ماكولن لعد لا

ألم بي شعر بس لأجلك لعدله

أقدم الميم وافتهم البقيه

(منقول)

.......................................

البار١٥

مساء السعادة وراحة البال

( تصووويت::::::☆تفاااعل)

.........ديمة...

مخلية راسي ...بين رجليه...راسي يوجعني ..لان شعري ..كلش جرنه..حتى صار بيدهن...وجهي يحركني...دموعي تنزل...ما اعرف ابجي ..ع حظي

ع اهلي...حتى امي اشلون دفعننها...صرت اكرهم كلش..حتى بابا حقدت عليه..لان ما جانت عنده

القوة..اليواجهم....

باب غرفتي ..يندك اصلا اني ..ماعندي طاقة احجي

دموعي هي تشرح حالتي...جسمي كله يوجعني..

اسمع حنين ...ادك بلباب..واتكلي افتحي الباب

ما اريد واحد يشوفني..ولا اني اشوف واحد..

وجهي احسه بده يورم..لان اجتي الضربات..

اكثره بيه واني جنت مستسلمه..ماعندي القوة ادافع

بعدها..راحت حنين....بعد ما شافت مني عدم الرد..

بس كلتها...روحي ما اريد اشوف واحد..هي ما لحت

عرفت بوضعي...

اذكر سيف..من يكلي لاتخافين..اني راح اكون وياج

هسة انته وينك....صرت مزوج وبيتك...وين ويايه

ضليت لثاني يوم...واني ما طالعة ..من غرفتي..

اسمع امي اصيح ...

سمية:ولك يمه لاتتهورر واكعد..فدوة اروحلك..

منتظر:وهو لازم السلاح...وصاير عصبي..

انتي شفتيهن...شيحجن ع اختي..هسة طعننها بشرفها...كدام اليسوة والمايسوة...

وعلي اليوم اهد العمارة ..ع روسهم ..واشوف ..الزلمة اليطلع وراهن..المايستحن

ولايكولن هاي بنت اخوهن..ما ادري منين ..ماخذات

الحقد..

سمية:يمه الله يخليك...استر عليه..بس انته البقيتلي

لاتفجعني بيك..مثل ذيج المرة..هلمرة والله اموت

اني انصدمت..معقولة. وصلت بيهم لهذا الحد..

الفهمته حاجيات عليه..ع انو اني منهزمة..وي صاحبي..وهسة كرايبنه..كلها تحجي عليه

يعني صرت علج..بحلك الناس..

اني واكفه ع الدرج..وارجف..واشوف منتظر..

اعصاب..احس رجليه مربوطة..لا اكدر اتحرك ولاشي

ياربي يمته ينتهي..هاي السالفه..

بعدها امي تتوسل..بمنتظر ..ومنتظر يصيح..

ويغلط ع عماتي..شوي ..ودخل علينه عمو حاتم

وزوجته...

خطية بس شافتني ..اجتي شبكتني...اني ضليت مثل الصنم..احس دموعي نشفن...

عمي يهدي..بمنتظر..واخذ السلاح منه..

وامي..اتكله اني راضية..ربك يأخذلي..

حقي منهن....

هو همين سمع حجي ..عمي وكعد..بس شنو..

ع اعصابه..شافني..واكفه ع الدرج..واني وجهي

مزورك..باوعلي بنظرة حنيه...دمعت عيوني..

هو فتح ايده..واني رحت بحظنه..احس حظنه..

الامان ..وهو يمسح ع راسي..ويكلي..يمسج

بحجاية..احركة...

ضليت شوي بعدين رفعت راسي...

كليتله..خلي يولون...بعد معلينه بيهم...

عمي وزوجته...ضلو يمنه..لان يخاف ع منتظر خاف

يتهور...

زوجته سوتلي ماسكات لوجهي..لان دوامي صاله اسبوع من بادي..واني بعدني ما مداومه..واصلا ما اكدر اداوم وجهي ..هيج ..شوي ماسكات خففن من الاثار..البوجهي..

اجتني حنين...

حنين:هلا بديوم..ولج اشتاقيتلج..خرب شنو هذا وجهج..خارطة صاير..

ديمة:لج بعدة ما صاير زين...

حنين:لا باقي..شوي آثار.. لج هاي عماتج...شنو يلعبن

مصارعة..

ديمة:اسكتي وخليها..لج أخ لو شوفين بس ايدهن

كل وحدة شكبرها..لج بس شكلهن يرعب الواحد..

حنين:لج هاي عمتج نضال سالفتها سالفة..اذكرها

بعرس..عمج..اشلون كعدت ع ماعون تشريب ولحم

بوحدها من شفتها حتى..نفسي لعبت..

ديمة:ما شوفين آثار التشريب..كلها طلعتها..بوجهي..

ضلينه..نضحك ونسولف....شوي غيرت جوء..

حنين:لج نسيت اكولج ..سيف سأل عليج..

من ذكرت سيف..ما اعرف ليش اذكرت لحظة

بسيارة..واشلون جان وياي..بعدين بعدت هاي الافكار عن راسي ..لان هو مو الي..

جاوبتها ببرود..شيريد...

حنين:لا هيج بس يسأل...ما كلتله شي ...

هاا خوش..

دخل منتظر..وياه عمو ..وجنه كلنا كاعدين اني وحنين ع صفحة...وماما ..وزوجة عمو ..كاعدات يسولفن..

منتظر:ديمة ...حظري نفسج ..يوم الاحد راح اداومين...

ديمة:بس هو صالة الدوام اكثر من اسبوع خاف ما يقبلوني..

منتظر:خلينه نروح ..ونشوف اهناك شيصير...

حنين كالت ..تعالي نصعد..نحظر..ملابسج...

رحت صعدت ..اني وياه..وشوي اجت امي وزوجه عمو ..وياه وهمين خليت ماسك لوجهي...

حظرت غراضي مال اسبوعين ..خاف ما انزل..

امي توصي..بيه ...وتحجيلي..عن الكلية والاجواء

اني بين الفرحانه..وبين الحزينه....

فرحانه لان راح ادخل ..كليه وحزينه..لان.افارك اهلي

حنين كالت ابات يمج..لان راح تروحين...

ضلينه نسولف..اني وياه..وهي اتكولي اشلون افاركج

وحدج...اني متعودة عليها..وهي همين...

افكر اشلون ..راح اداوم..وبنات وقسم...

ثاني يوم..كعدت بنشاط..رحت سبحت..ماما مسويتنه..ريوك..اجني خالتي يمنه..لان سمعن بيه

اروح..اتريكت...وياهم..جانت جمعه حلوة..

منتظر..كال حظري روحج ورانه طريق...

رحت بدلت..لبست ..بنطرون نيلي..وقميص سمائي.

وابو ليرة..نيلي ..وشال..مشجر سمائي بنيلي..

خليت مكياج....خفيف ..باوعت ع المراية..راضيه

ع نفسي..حنين جانت وياي..وكلساعه اتكولي اشلون افراكج...

نزلت ..شفت امي تباوعلي..بس مبينه ضايجة لان راح اروح ....سلمت ..عليهم..وصلت لامي...باستني

وضلت توصي بيه..شفت دمعه بعيونها..ما اتحملت

حظنتها..وبعدين طلعت...

منتظر أجر..سيارة ...بعد طريق طويل وصلنه..

للجامعة...دخلنه ع التسجيل..كال ليش متاخرة

منتظر جاوبه..جان عندنه ظروف ..وماكدرنه..

ختم النه الفايل..عادي..مشت امورنة...

وصلنه لاقسام...

جانت المسؤلة عن الاقسام..وحدة سمرة ..وضخمة

وصوتها كلش عالي ..اليشوفها يرتعب..

سلم عليها منتظر..وحجه كال هاي طالبة وهذا فايلها

هي كالتله..

وين جانت...هسة كل الغرف مقبطة..

منتظر:شنو مقبطة..افرضي..اجتكم ..وحدة نقل ..

ما قبلت وعاندت ..الا ورقة من رئيس القسم..وبوكتها

جان عنده...اجتماع...وتاخرنه الا انطانه..

رجعنه الها...كالت

ارجعو باجر ..اني اشوف مكان الها واحشرها وي البنات...

حسيت منتظر ..عصب ..لان اشلون نرجع وطريق...

جريت ايده....

ديمة:منتظر فدوة لا اصيح ترى أشد وياي..

منتظر:العن اهلها..شنو اتريدنه نرجع لبغداد ..وشلاع الكلب..وهاي الجنط...راح اخابر سامر ..بلكي يشوفنه واسطة عند ابن عمه..

اني ما اعترضت...لان اصلا ما اكدر اكول لا

خابر سامر ..واسمعه يكوله..ع السالفه..شوي وقفل الموبايل وخابر..سيف....

واني اسمع صوته ..يكله..بسيطة هسة ثواني..راح يجيكم الأمنية..ويرتب..الكم الوضع..واذا ما صار اني ..اجيكم...

وفعلا..شوي واجه رئيس.الأمنية...وكال انتو من طرف سيف...منتظر كاله ايي..رحب بينه..

ودخلنه..لاقسام..هو دخل وحاجه..هاي ..شفت وجها صار اصفر ..وكامت تلعثم..بحجي...ومرتبكة...

وصلنه...لغرفه بيها ٣ بنات...وكال اهنا راح يكون مكانج...خابره سيف..وهو يحاجيه..

اي اهلك..بعيوني هسة وصلتهم...لاقسام..وي خوش بنات...سلم عليه ...منتظر همين ..واشكر..منه...

سلم عليه وباسني..وانطاني...افلوس وطلع...

اني دخلت لغرفه...لكيت بنات ٣ كاعدات بيها...

سلمت ع البنات ...وكعدت ع السرير...

كالن عرفينه ع نفسج..كلتهم اني من بغداد ..وعرفتهن..وحدة جانت من بغداد الكرخ..

وحدة من الحلة ..والثانية من الديوانية...

انطوني..لوكر..خاص بديت ارتب بيه ملابسي..

خليت الأحذية والجنط..بجنطة الجبيرة..

بس الملابس الداوم..بلوكر...

اسمع موبايلي .. يدك ...رحت شفته رقم غريب..

خفت لا يكون من طرف عمامي..

اذكرت ماما من كلتلي ...لا تنطخين بيهم..حتى لو شوفين اي واحد..ديري وجهج..ولا تحجين كلمة..

ما رديت عليه..ضل يدك ..خليته صامت..لان اشوف البنات يباوعن ..عليه ..وخاف ياخذن غير نظرة..

من اول يوم...

بعدين وصلتني رسالة من هذا الرقم...

اسف ع الازعاج..اني أحمد الساعدتج بنجف..بس حبيت ..اسمع اخبارج...

شفت الرسالة ابتسمت..لان اذكرت موقفهم..الطيب..

وياي ..رجعت رسلتله رسالة ..لان ما ردت ..اخابر كدام البنات...كتبت بيها..

اني بخير ..وشكرا ع السوال..

بعد هو ما رد..خابرت ماما ..واطمئنت عليه..

وحنين رجعت ..خابرتني..وتبجي اتكول مو حلو المعهد واني بوحدي..وانتي مو وياي..

كلتلها...لعد اني شحجي بغربه..ع اقل انتي يم اهلج

قفلته منها..صارت الدنيا مغرب..رحت الحمامات اغسل ..واتوضى...لكيته هوسة ..وبنات ..انتظرت يخلصن..بعدين دخلت ..غسلت ..رجعت لغرفه..اجتني ابنية..كالت..

اتريدين يوميه ع وحدة اسوي اكل ..لو وحدج...

الصراحة اني مو منعزلة يعني اجتماعية...

بس شوي اخاف لان ما متعودة واني اسمع عن الاقسام والبنات..كلتها..

لا وياجن...يومية ع وحدة ..

هي ابتسمت..وكالت تعالي وياي ..نتعشى..

رحت ..شفتها مجاميع..وكلمن ع سفرة...كعدت يم البنات ..واني شوي اكلي ..قليل ..وخصوصا بعدني ما ..متعودة..اسمعهن..يسولفن ع الجامعه..والولد وهواي ..سوالف اني ما شاركتهن..بحديث ..لان لا اعرفهن ولاشي ..وما احب ..اسولف ..لواحد ع نفسي

اتخذت موقف السكوت..وبس ابتسم..لان كعدة حلوة

كملنه ..رجعت ..شفت موبايلي..راسل رسالة هو هذا أحمد.. همين كاتب بيها..

تدرين ليهسة..افكر بوضعج..حسيتج تعبانة اكدر اساعدج بشي..

كتبت لا شكرا اني بوسط اهلي..ممحتاجة شي..

رجع ..كتب ياريت تخليني اسمع اخبارج...

اهوو هذا طلع مثل ..سيف الاحسن ما انطي مجال

لان ما ناقصة ...دوخة راس..ما رديت عليه..

قفلت الموبايل ..وكوة نمت..لان ما متعودة اغير مكاني ..والتفكير موتني...لان باجر اول يوم اليه بدوام....

كعدت ع صوت البنات ..هوسة ويبدلن..اني ما متعودة هيج ..بس لازم اتاقلم ع الوضع..

همين كعدت رحت غسلت..وجهي..لبست تنورة نيلي وياه سترة نيلي..وبدي..ابيض وبيه لون جويتي..

لبست شال ماروني وحذاء وجنطة نفس اللون..خليت مكياج بسيط..رشيت عطر ..

البنات شافني..كالن حلوة..

طلعت من الأقسام..وي رغد بنية وياي بغرفة كلش حبابة همين مرحلة أولى بس هندسة..وهي قبلي مداومة..تعرف الكلية..شفت موبايلي لكيت احمد

مراسلني..

ترة مو قصدي ..ازعجج بس حبيت اطمئن عليج لا اكثر..

خجلت منه ..رجعت اتصلت بيه..

ديمة:اني اسفة ..بس لان دوام..وماكدرت اجاوبك.

وهسة بكلية ما اكدر احجي وياك..

احمد:لعد انتي وين اداومين..

ديمة:قانون بجامعة الكوفة..

احمد:احنا جوارينكم..اخوية همين هندسة مرحلة..أولى يداوم ..اي شي تحتاجينه.. بلخدمة..

ديمة:شكرا خوية خادم ربك..سديته..

وصلت لقسم..بعد ما دلتني..رغد ..دخلت لقاعة..

جانت ع الارقام...شفت اسمي..كعدت رابع..ستيج

جانت القاعة متروسة ولد ..وبنات..لان اول ..محد يضرب محاظرات..شي تضحك ..اكو يسولفون..

خليت جنطتي..لان ماجان عندي كتب ما مستلمه

دخل علينه استاذ...رحب بينه من جديد...

هواي طلاب ..اليوم ..داومت..وكال اريد اتعرف عليكم..كلمن اسمه ومحافضته ومعدلة..

بعدين ...كمل وطلع..وهمين اخذونه..

اغلب شي الطلاب متوترين...اني همين متوترة..

واول يوم ..وخايفة....

حددو حفلة تعارف بنهاية الاسبوع..

قبل لا يخلص الدوام رحت ..لمكتبة استلم كتب..

ماجانت عندي علاكة...خليتهن ..يم ابو المكتبة..

خابرت ..رغد تجي اساعدني..

وراء عشر دقايق ..اجتني رغد..اخذت نص ..واني نص...ورحنا..جانت كلش حبابة وياي..ضليت اسولفلها..وتسولفلي عن يومها..وصلنه لقسم..

وماكو..شي جديد..

يوم حفلة التعارف..كالو لا تلبسون زي رسمي..لان جانو مشددين بزي..لبست ..فستان شوي قصير..بس مو كلش ..بيجي..وجواريب..وياه شال زيتوني وكاب بيجي..وكذا زيتوني كعب..ومكياج طوخت شوي..رغد كالت طالعة صاكه..

رحت والعيون كلها عليه..ايكولون بنت بغداد حلوة

مايدرون بيه اصلي اعمارجية..يلا خليهم..كمت عرفت ع نفسي...واحد سألني..تحبين..لو داخلة بعلاقة حب...جاوبته ..لا وما اريد ادخل بعلاقات حب

بعدها اكلنه كيك وعصير..جانت الاجواء كلش حلوة اجا العميد..ورئيس القسم يرحب بينه...

خلصت الحفلة طلعت..من وكت..لان اجرت خط ينزلنه..لبغداد جان الخط ٦ بنات و٧ ولد من ضمنهم وحدة وياي بقسم...اخذت جنطتي مال الملابس..سلمت ع البنات ورحت..خابرت امي بطريق..تحظري اكل ...لان صدك حسيت هسة باكل امي..جنت عايشة بدلال وما ادري..

خابرني سيف..واني ما حاجية وياه ..من اخر مرة وصلني بسيارة..فتحت عليه خط..

سيف:هاا ديمة وين انتي..

ديمة:راجعة لبغداد..شرايد

سيف:ليش ما خابرتيني..اني اوصلج..

ديمة:لا شكرا اني شاركت بخط وهو يوصلني..

سيف:منو هذا الخط ومنين..ومنو الوياج..

ديمة:هسة ما اكدر احجي..وياك..

سيف:من توصلين لبيت خابرني..مع السلامة..

بعد طريق..وصلت لبيت..شفت صوفي يلعب طوبة بشارع...اجه عليه يركض..بسته اخذ جنطة مني خفيفة جانت..لكيت ماما بمطبخ..ركضت عليها بستها..مشتاقتلها كومه..احس نفسي اسنين ما شايفتها..صعدت لغرفتي..أوف ياريحة هلي..

صدك بس الراحة بيتك اشوفها..بدلت ..ونزلت رجع منتظر من الشغل همين سلمت عليه...

وكعدنه..سولفتلهم..ع كلشي ..ما احب أضم شي

بعدين كلتلهم تعبانة من الطريق..رحت صعدت لغرفة

لكيت سيف مخابر عليه..

رجعت اخابرة...ضل يسأل عليه ..ويكلي بالج ع نفسج..ماطولت المكالمة..لان جنت تعبانه..

رحت نمت..من التعب...

كعدت الصبح ..الساعة ب٩ ع صوت حنين من الصبح

بعدني ما فاتحة عيوني دخلت عليه..

حنين:ولج ..ديومة من البارحة جاية..وما كايلتلي..

تعالي مشتاقتلج...

ضلت تبوس بيه..واني بعدني مطفية من النعاس..

رحت غسلت..وهي واكفه ع راسي سولفلي ما سولفلي...كعدت وياه وسلولفتها ع كلشي ..حتى ع سيف...هي كالت..

حنين:ياا ولج سيف مشاكل وي خطيبته..هسة اجل

العرس ع العطلة ايكول ما مستعد..

ديمة:تنهدت...الله يسعدهم...المهم انتي اشلونج بمعهد سامر اشلونه وياج..

حنين:أوف اسكتي ..يومية سامر..فوك راسي بمعهد واذا حجيت لو ضحكت وي واحد...ابتلي..وموتني لبسج مكياجج...

ديمة:غير حبي يغار عليج..يمة الحب يمة...

حنين:خايبة طيري ياحب ...غير بسجن...

ضلينه نسولف اني وحنين..وضلت وياي لعصر..وراحت مر اليوم..وبعده..حتى بعدني ما شبعانه من اهلي..اجه الخط ..العصر..يرجعني..

لاقسام سلمت ..عليهم وطلعت..وصلنه ..لاقسام..

المغرب..لكيت رغد واصلة والبنات سلمت عليهم..

ورغد..كلتلي معزومة..ع حفلة التعارف...

ثاني يوم خلصت محاضراتي من وكت..ماجان عندنه قليل ..والأستاذ ما اجانة..

رحت لهندسة ...شفت هوسة ..رغد اشرتلي..اجيت يمها..

حسيت واحد وراية..درت وجهي شفت...احمد..

احمد:هلاو ديمة اشلونج..

ديمة:بتوتر..هلا احمد ...شعجب اجيت اهنا..

احمد:اليوم حفلة اخوية التعارف وكلت اجي..شخبارج..

ديمة:اشوفه ..اشلون يباوعلي يمكن متفاجا من شكلي..لان ما شافني لامكياج ولاشي وجانت حالتي حالة..زينه الحمد الله...

اجتني رغد..وكفت يمي..

هو كال يلا عيني آخذو راحتكم...وراح

رغد:ولج ديمة منو هذا

ديمة:هذا واحد اعرفه بزيارة..

رغد:حبي بالج ...لا تلتقين باحد...وخصوصا بكلية اهم شي سمعتج..واني اعرف بيج اعتبريني اختج الجبيرة وتنصحج..

هزيت براسي ..ودخلنه الحفلة..وبعد ما شفت احمد

رجعنه اني وياه...

مرت الايام عادية ما بيها شي ...

مرة رغد ناسية تستنسخ...ملزمة وجان عندها امتحان..ع نهاية الدوام..خابرتني..اجي عندها...

علمود نرجع سوه..رحت ..يمها..ابو المكتبة جان عليه ازدحام..وطلاب هواي ضلينه متاخرين..وبعدين ملزمة مخلصة..رحنه جبناها من ولد...واستنسخناها

رغد ..كالت خليني اشتري من النادي حلويات..

رحنه اشترينه..شفنه الوقت اتاخر...وهو النا وقت محدد لاقسام...

رحنا ركض علمود انلحلك..شفنه هاي المسوولة..واكفتنه..ضلت اصيح علينه ..وترزل..وتهدد اني صراحة خفت..بعدين رغد فهمتها..وكوة يلا دخلنه..اني العبرة..حصرتني...

وخصوصا كدام البنات...رحت خابرت حنين..

لان هي الوحيدة اشكيلها...وسولفتها ع كلشي صار

كالت معليج واصبري..وضلت اسولف وتنكت

من اخابرها..احس براحة نفسية...

ثاني يوم العصر ..كاعدين...بحديقة الاقسام...اجه رئيس الامنية..اني خفت...كلت راح يحاسبنه..

لبست حجابي..واني لابسة تراك بس طويل...

سلم عليه وكال..

تعالي ابن عمج...اجه عليج..

اني ضليت صافنه منو ابن عمي...اصلا حتى ما عندي ولد عم..كليتله منو..كال سيف

ضليت مصدومة شجابة اهنا سيف..رحت وياه

لكيته واكف باب الأقسام لان ما يصير يدخل..

سيف:هلاو ديمة اشلونج..

ديمة:هلا سيف زينه الحمد لله

سيف:البارحة سمعت هاي ما رادت ادخلج ومسوية وياج عركة..

اتفاجات..هذا شمدري..هيج صاير وياي..

انته من كالك...

الهوة اليمر من عندج اعرف بيه ...

هذا بلا شتحاجيه...بعدين كال..

محتاجة شي ..فلوس خاف محتاجة

ديمة:لا شكر عندي خير من الله...

سيف:بالج ع نفسج...

بعدين رئيس الامنية صاح المسؤلة وضلو يحجون واني اشوف سيف اشلون يحاجيه...

بعدين باوعلي وراح...

وهي اجت اعتذرت مني...وصارت تتلوكلي...

مرت الايام ..واني كل اسبوع اشوف احمد..يجي بكليه..واخو يومية..اشوفه ايجوز يتابعني..يجي يسلم عليه احمد ويروح..اني بديت ابتعد منه

لان شفته بدء يتقربلي وايجوز انعجب بيه..

من شاف هيج ابتعد..بس يوم جنت كاعدة بحديقة منتظرة رغد تخلص محاضرة...اشوف احمد اجه عليه اني ارتبكت لان جنت وحدي..واخاف واحد يشوفني...

احمد:هلاو ديمة اشلونج..

ديمة:بتوتر..هلا احمد زينه الحمد للله

احمد:ديمة عندي موضوع وياج ممكن اسمعيني...

اتفضل..

ديمة اني اول ما شفتج ..انعجبت بيج صراحة ..وهسة تابعتج..وشفتج...خوش ابنية

وحتى فاتحت امي بموضوع وهي همين اتحبج

واذا ماتدرين هسة ترتبطين واني اعرفج مرحلة أولى

انتظرج..

ديمة:وهي متوترة من الموقف البيه..

بس اني احمد افكر بدراستي ما افكر بيهج شي واني حاسبتك.. مثل اخوية..

احمد:انتي اتحبين واحد عندج علاقة وي واحد..

اني جاوبته راسا...لا ما عندي ..بس اني هسة اهم شي دراستي..

احمد:شوفي ديمة اني همين اتهمني..دراستج وومستقبلج..وكوني مطمئنه من هاي الناحية..اني راح انطيج وقت تفكرين..بيه.....راح اكون منتظر

جوابج النهائي...

راح وخلاني بحيرة من امري..احمد خوش ولد ومودب صحيح يحبني..بس ما شفت منه ..شي موزين ..بس اني ما اكدر هسة ارتبطت..اريد اكمل كليتي...بقيت افكر ..كلت خليني اخابر حنين..

خابرتها...وجان سامر يمها..حتى سلمت عليه...

بعدين اجتني رغد..وهمين ..سولفتها..كالت بكيفج

انتي همين...فكري..بموضوع...

اني..ما اكدر لحد الان احس كلبي وي سيف

من اشوفه ...كلبي يكوم يدك..سريع ما اكدر اضلم احمد ..وياي...صار الليل..رحت اتعشى..والمواعين

اليوم عليه..غسلتهن..رجعت لكيت ١٥ مكالمة فائتة

من سيف...رجع دك والبنات يكولن..شنو كبلتي..

وشي اتكلي حبيب..الكلب..هذا..ماجاوبته..

وخصوصا هنه اهنا...موجودات ضل يدك..

بعدين رحت لحمامات اني ورغد علمود...اخابرة

لان اذا ماخابرته..يمكن حتى يجي...اول ما فتحت خط..

ديمة:ها سيف شبيك خبصتني..

سيف:ديمة بقران..اذا ازوجتي..راح اجنازتج..تطلع قبل ..زفتج..افتهمتي...ياكلبة رايحة ادورين...ولد

ومسوية نفسج ..ضايعة...واني ادور عليج..

حسيته مو طبيعي..يمكن شارب شي..

ضل يصيح..ويغلط..ويهدد...صراحة خفت..

وقفلت الموبايل...خابرت حنين كلتها سيف خابرني وهيج حالته ..شوفيه..

حنين:هسة اشوف سامر ...وارجعلج...

ضليت منتظرة...حنين...واني اروح وارجع..وموبايل

بيدي كلساعة اشوفه...خابرتني بسرعة...فتحت خط

ديمة:ها ولج شفهمتي...

حنين:لج هذا سيف شارب وي اخو..رشا ..لان هو اصلا اخو رشا يشرب..وهسة سامر ..راح عليه

واخذه..

ديمة:واني اكول مو طبعي..هو شمدريه جايني

احمد..

حنين:اني كلت لسامر..وهو ادري كلشي يسولف

لسيف ..كلت خليه يعرف..قيمتج..ولايتوقع..

ضاله ع حبه..والف واحد يتمناج...

ديمة:صخام..لج راح يطيح حظي...انتي ماتعرفينه

هذا ...اني راح اطيح بيها خرب..

حنين:شبيج جبانه ..لاتخافين ما يسوي شي

ديمة:اتنهدت..اوف ماناقصني مشاكل...

يلا اني راح اروح انام...

حنين:تصبحين ع خير...

ديمة:اجمعين...

رحت رجعت لغرفه واني ..افكر ليش سيف هيج

معقولة بدى يحبني ..زين ورشا...ومثل كل مرة اعيش...بصراع..لحد مانمت..

كعدت الصبح واني ما الي خلك..كوة بدلت طلعت..

من القسم..وصلتني رسالة من سيف..

انسي شي اسمه زواج وحب عليج بس بدراسة..

رديت عليه..

انته لتدخل بحياتي..انته عشت حياتك..وراح تزوج

اني الي حياتي الخاصة...

ما رد عليه..اهنا ازداد خوفي...

وتستمر الحكاية.......

______^^^______^^^_____

السادس عشر من هنا

تعديل المقال