رواية انثي في معتقل الحب الفصل السادس عشر 16 بقلم عطر الورد

رواية انثي في معتقل الحب الفصل السادس عشر 16 بقلم عطر الورد

بقلم(zainab )عطر الورد

اريد اگلك ليش تعلقت بيك

عندي كلمه صغيره اريدك تحسّها

اربع احرف تره مو كلش هواي

كل حرف منها يعادل جمله ادركها

الحرف الاول ينطي جمله تگول

آني بغيابك عليه روحي احرگها

وثاني الاحرف تدري شيصيح

حياتي بدونك ماتسوه ضحكتها

وحرف ثالث يصرخ بعالي الصوت

بنظراتك تزيد الروح لهفتها

واخر حرف ياريتك تصدّگ بي

كافي من البعد موروحي دمرتها

(منقول)

.............. ............... .................

البارت١٦

مساء الورررد

(تصوويت::::☆تفاعل)

..........ديمة..

ضليت خايفة ..منه خاف يسوي ..شي بس هو مو شاف حياته..ليش هيج ايسوي..كل ما اريد انساه

يطلعلي..ومشكلة اني ما اكدر انساه ..بس هو خاطب

هسة..واكيد راح يزوج...مستحيل يحبني...

رجعت للقسم...واني افكر ...شسوي...حياتي كلها

مخربطة...كل ما احاول ...امشي بحياتي...لازم تطلعلي...شغلة..او باحرى..سيف..احسة حجرة

بطريقي..وين ما اغير الطريق..الكاه....

خابرت ماما ..اطمئنيت..عليهم...

وكلتها ..هذا الخميس...انزل حظريلي..دولمة..

صار الخميس...جمعت ملابسي...خليتهن بجنط ..سلمت ع البنات وطلعت..لخط...

رجعنا ..بطريق ..ولكيناه ..مسدود...كالو..انتظرو..

ل٩ بليل يلا يفتحوا.. ضلينه منتظرين..ومخبوصين

اغلبها بنات..وكلها خايفة...اني امي ومنتظر كلساعة يدكون..عليه بعدين جهازي طفى..شحن..كلت اكيد هسة ..يقلقون ..

بعد ما وكفنا السيطرات...كوة يلا وصلنه...وصليت لبيت..دكيت الباب ..لكيت امي ..ميته من الخوف..عليه...سولفتها..وعمي ومرت عمي ..همين يمنه..باوستهم..كعدت يمهم..بس اني ميته ..تعب

صوفي..كال

عمو.. راح يصير عنده طفل...

فرحت اله..وباركت لنبا..تستاهل حبابة...

بعدين اكلت شوي..لان تعبانه..ما اشتهي..كلتها لماما

ضميها الي لباجر...

صعدت لغرفة ..واني كوة افتح عيني ..

لكيت رسالة من احمد..

وصلتو لبيتكم..حمد الله ع السلامة...

كلت..خرب هذا متابع كل إخباري.. ياربي منين الكاه

من سيف لو احمد..

رسلت اله ..

شكرا ..ع السوال...

بعدين شمرت الموبايل..ع الميز ..ونمت...

الصبح كعدت ..متاخرة..نزلت لكيت ماما ..مسوية ريوك كعدت يمها ..ضلينه نسولف ..شوي..كلتها راح اروح لبيت جدو..قبلت..

صعدت بدلت..وكملت طلعت ..رحت لبيت..جدو وصلت..لكيت بابهم..مفتوح..اول ما دخلت لكيت..

حنين تنظف..بطرمة ..من شافتني..اجتي..ركض..

وحظنتني..

حنين:هلا ولج ديوم ..اشلونج..

ديمة:هلا بيج زينه الحمد لله...انتي اشلونج..

بخير..تعالي ندخل..جوة..دخلت لمطبخ..لكيت سارة

بس سلمت ..ببرود..واحسها..وجها ثكيل..

ديمة:اكولج ..شبيها سارة..وجها ثكيل..

حنين ؛ماتدرين..هي مطنكرة ٢٤ ساعة..

رحت سلمت ..ع خالاتي..وكعدنه ..سوالف ..وضحك

كالت:حنين...

سامر قدم الزواج...بعطلة..يكول..ماراد لتخرج...

ايكول ..اني وسيف ..بعطلة عرسنه..

اني اهنا ..حسيت واحد ..وضربني..ع راسي..

دموعي ..اجمعن...نفسي ضاك...ياربي..ليش هيج

يصير وياي..اني مو اعرف ..هو ما يريدني...

حنين لاحظت..هذا الشي ..احس بعيونها..

حزن وندم ..لان كلتلي...

كومتني...وياه..بغرفتها....لان خاف خالاتي ..يلاحظن..هذا الشي..

واني بعدني مصدومة ..سدت الباب...

حنين:ديمة...انسي..خلي يولي..مايستاهلج يروحي

ديمة:هو مخليني..انسى..اذا كل شوي ..يطلعلي

بمكان..هو ما يخليني..انساه...

هدئت...عليه..دخل علينه ...مهند

مهند:هلا بست ديمة المحامية..اليوم البيت اكول منور...

ديمة:هلا بيك..مهند..

ضل يسالني..ع دوامي....بعدين كال

يلا خلصي...بسرعة..انريد وحدة ..اساعد امي..

حنين ..وراح تزوج...

ديمة:ما اجيب منو لازمتك اني..

مهند:لعد هو اكو غيرج..

ديمة:لا عيني البالك مستحيل ايصير..

مهند:وداعت عيونج..ما اصيرين..لغيري..لو مو محامية ..لو هسة وزيرة..وطلع..

هزيت ايدي....

حنين متفاجاة....من الصار...اني احس روحي لعبه

منو يجي ..يقرر حياتي...

ديمة:حنين ..راح اروح ..اريد اشتري شغلات ..من السوك...

حنين:خاف ضجتي ..من مهند..

هزيت راسي ..بلا...وطلعت...

احس روحي مخنوكة...اريد اصرخ ..ماكو...احس روحي ضايعة....وصلت لبيت...كلت لماما نروح لسوك..

رحنا اشتريت..شغلات محتاجتهن...رجعت ..هلكانه..

ثاني ..يوم حظرت..جنطتي..ودعت اهلي..ونزلت..لاقسام...

وصلت..ولكيت البنات ..واصلات..قبلي..

كعدت يم....البنات..واحنا جنه..٤ بنات بلغرفه

رغد ..بالحلة ..صديقتي المقربه...كلش...

سلار...من بغداد...كالت...

بنات...لتنامون..خلينه..نكعد ..نسهر..

جاوبتها..هدى..من..الديوانية..

اي والله ضايجة...خلينه ..نسهر...

واني عندي كرزات...

ضلينه..سهرانين...سوالف..وضحك..واجاني..بنات من غير ..غرفة ..صرنه...مجموعة..بس يضحكن..

نسيت ..اصلا ..كلشي..الكعدة..وياهن تخبل..

ضلت ..كل وحدة..تسال..منو صارحج...

اني سألوني..ع أحمد لان ..شافنه ..كم مرة ..

وياي...

كلتهن..هذا مرة ..ضعت من ..اهلي ..بنجف..وهو ساعدني..لان جان موبايلي..ضايع..

كالن..بس حلو ..ما يتفوت..ومبين..يحبج..مادام..

ضل هيج...وراج...

حجيتلهن..انو هو ..رايدني..زواج..بس اني ..ما اقبل

حاليا ..بس ..دراستي..افكر ..بيها..

هدى:ولج..فرصة..ماتتفوت..لج اصلا مبين..شخصية

فكري لا اضعيه من ايدج...

ديمة:الصراحة..لعبن بعقلي..واني كلت..صحيح..شمنتظرة..هو سيف..وراح يزوج

واصلا بعد..حتى ..مايسال.. عليه..لان راح يصير

عنده بيت..ومرة..اكيد..ينساني..اني ليش..اضل

عايشة..ع ذكراه..ليش ما اشوف..حياتي..واحمد

مبين..خوش ولد..ويحبني..اكيد ..راح يسعدني

ضليت..افكر...لحد..مانمت..

كعدت الصبح..واني خايفة..احمد..يجي..

شنو اجاوبه..واني لحد..الان..ما ماخذة..قرار..

مر اسبوع..واني ..احمد..ما شفته..

يوم الخميس..جنت ..امشي...اريد ادخل..محاظرة

شفت احمد..اجه ..علية..وصل يمي..

احمد:هلاو ديمة ..اشلونج.

ديمة:هلاو احمد..زينه الحمد لله..

احمد:ها شصار...ع الموضوع..شنو..جوابج..

ديمة:والله ..بعدني ..ما مفكرة..

احمد: ضحك ما طول.. صار....

بيها..تفكير..يعني..اكو ..امل..

ديمة:لا لا مو لهدرجة..يلا راح تبدي..محاظرتي..باي..

خليت..ورحت..

بقى..احمد..كل يومين..يجي..يسلم..عليه..ويكلي

شمحتاجة..ويروح..حسيت ..رغد..ضاجت..لان يمكن

سامعه..حجي..عليه..

رغد:ديمة..حبيبتي..اني ..مثل اختج..احمد..من يجي

عليج..ديجيبلج..الشبه..والحجي..الموزين...

لو تقبلين..بيه..ويصير..كدام..الناس..شي

رسمي..لو تنسحبين..صدكيني..ما اريد..واحد..

يذكرج..بسوء..

ديمة:كلامج..صح ..رغد..بس اني ..شكد حاولت..

وياه..ما اكدر..اختنك..مجرد ..فكرة ارتبط

بيه بس ..هو يلح..واني ..ما اكدر ..اطردة

بخشونه..

رغد:انتي كلام..سلار..وهدى..اثر..عليج.

رغد تعرف قليل..عن سيف..يعني ما حاجيتلها

التفاصيل..بس من خابرني..جانت ..موجودة

حتى ..هي تعجبت..سولفتها..بس مختصر

ديمة:اني اريد انسى..سيف..بلكي..احمد..

ينسنياه..

رغد:ولج..سيف..اذا عرف راح يسويلج..مصيبة

ديمة:اهوو اني شعليه..بيه...لج هو....مو شاف

حياته..ليش..هيج ..يسوي..

رغد:والله..يختي..ما اعرف....تعالي انروح..لكافتريا

جوعانه..

رحنا اني..ورغد..اكلنه..وكملنا..بسرعة..خاف نتاخر..

ومابينه حيل ..مشاكل..

وصلنه لقسم ..لكينه البنات ..كومة..بغرفتنه..

ومخبوصات...دخلت ..واني اريد ..اعرف شصاير

سالت وحدة..من البنات..

شصاير...

هدى طاحت..صار عندها يمكن هبوط..

اجت..المسوؤلة..عن القسم..وكالت راح ناخذها..

لمستشفى..منو تروح..ويانه ..اساعدنه..شفت

رغد..بس تباوع..ماتحب..تتدخل..بهيج..شغلات

ودائما..تنصحني..ما ادخل...بس اني لازم..

اروح ..لان خطية..وهي وياي..بغرفة..

لازم اساعدها..كلتهم اني..اروح..وسلار..

همين ..راحت..ويانه..بعدني ..بسيارة..

ماطالعين...وصلتني..رسالة..من سيف..

شعندج..رايحة..لمستشفى..علمود..تستعرضين

بقران..اذا ما رجعتي..هسة..اجي اكلب..الدنيا ع

راسج...اني فزيت من مكاني..هذا منو كاله

سلار:شبيج..ولج..شو فزيتي..

ديمة:ما اكدر..اروح ..احس مغص..بمعدتي

سلار:روحي..علمود..نفحصج..اليوم شنو ..السالفة

كلها مريضة..

ديمة:لا اريد ..انزل..اروح ..ارتاح ..وهو يهدى..

سلار:روحي..حبي ..ارتاحي..اني اهنا..وياي

نرجس ..ومشرفات..

نزلت ..من السيارة..واني افكر..منو ..يوصلة..

الحجي..معقولة..رئيس الامنية..ياربي..يمته

اخلص من هذا..الكابوس..شافتني..رغد..انصدمت

رغد:هاا ديمة..شو رجعتي..شكو شصار..

ديمة:ولج ..هذا سيف ..ما يريد ..يعوفني

بحالي..وحجيتلها ع الرسالة..

حنين:وتضحك..ولج ..هذا مخبل..

اي ..صدك مخبل...

لج ..هذا ..مبين ..يحبج..

ديمة:لا..قبل ..همين..حنين..كالتلي..هيج..وطلع

يعتبرني..مثل ..اخته..وصدني.. ما اريد ..أمل

نفسي ..ع شي مستحيل..

رغد:الايام ..راح ..ثبت ..هذا الشي..

رجعت..هدى..وجها ..اصفر..ومشكليلها..مغذي..

خطية..صاير ..عندها ..هبوط..كلش..البنات..

اعتنن..بيها..وسوينالها..اكل..هي صارت..

زينه..فرحنه..من اتحسن.. وضعها..احتفلنه

بيناتنه..

ثاني..يوم ..بدوام..اتاخر..الاستاذ..

كالو..الاستاذ..يتاخر..واحتمال..مايجي..

جنه..مجتمعين..اني..مانزلت..لسنتر..بقيت

كاعدة..وياهم..اسولف..جانو..ولد ..وبنات..

كالو..مايجي..الاستاذ..خلينه..نلعب..لعبة

الصراحة..ضلو..يسالون..وصل ..السرة..

اليه..بدو..يسالوني..شنو ..احبه..اكره..

فولد..ويانه..بقاعة...احس ...بيه مهتم بيه..

كالالي..ممكن..سوال..بلا زعل..

ديمة:ليش ..الزعل..اذا ..مابيه ..تجاوز..

كالو ..البقية..طبعا..ماتزعل...

سال..كال انتي..مو بحفلة..تعارف..ماتفكرين

بعلاقات..وشي..بس هسة..دانشوفج..دائما

توكفين..وي ولد..سالنه..عليه..طلع اخوه..

بهندسة..وهو اصلا ..مو..طالب..

اني ..بصراحة..اتعجبت..معقولة..لهدرجة..واصلين

وضجت..بنفس..الوقت..معقولة..لهدرجة..منتبهين

علية..واصلا..حتى..من يجي..احمد..ما ابقى

وياه..واكفة..شوي ..بس يسال..ويروح..

جاوبته:لا هذا الولد..معرفه..قديمة..وي اهلي...

وهو..دائما..يجي ..اهنا..يسال..عليه..لان

يعرف..من غير..محافظة..وهو..من النجف..

كال:يعني ..مو حب..

لا مو حب...

اباوع..الهم..احس ..ما مصدكين..

حيل ضجت...انتهى..الدوام..اجت عليه..

رغد...

رغد:شبيج..ديمة..اشو اشوفج..ضايجة

سولفت..لرغد..ع الي صار

رغد:هاا شكلتلج..بس خلي يولون..لاتنقهرين..هذولة

ضايجين..لان ما ..تحجين ..وياهم..

اخذت ..نفس..وتنهدت ..والله ناس ..ع كلش

مركزة..شو ..احنه ..معلينه ..بيهم..هم ليش

يدخلون..بحياتنه...

رغد:لج ايجوز ..معجب بيج..

ديمة:لا يمعودة...اصلا شايف..روحة..بس حب..

يحرجني...

بعدين رحنا..لقسم..رجعنه..سلار..كالت..

اليوم..الغدة..عليج...

واني ..ماعندي..خللك..بس لازم ..اسوي ..لان عيب

هنه..دائما..يسوون..رحت ..سويت..صحيح..طبخي

مو هلكد..بس اني..كل ما انزل..اخلي ..امي ..اتعلمني

طبعي..الا ..ترتيب..حظرت ..السفرة..والبنات..

ساعدني..كملنه..رغد..غسلت ..المواعين..

ضلينه ..ندرس لعصر..وبعدين..طلعننة لسوك

بلبداية..المشرفة..ماقبلت..واني ..دزوني..عليها

لان عود ..سيف ابن ..عمي..رضت..وطلعنه

مجموعة..بنات..وحدة..من المشرفات..

خلصنه..مسواك..ورجعنه..تعبانين..كل وحدة

اشترت ..لفه..ماسوينه..عشة..لان جبنه...من

السوك...

اريد ..انام..واني افكر..بلولد..والموقف..اليوم

الاتعرضت..اله..لازم ..اكوله..لاحمد..يبتعد..

عني..منا لتخرج..ما اريد ..احجاية..عليه..

ثاني..يوم ..خابرني..علي..عزمني.. ع خطوبته..

اتفاجاءت..لان اني ..ذاك الاسبوع..من اجيت

محد..كلي..

كال..صارت الشغلة..بسرعة..واذا ماتجين..

ازعل ..عليج..اتفقت ..وي خط ..ثاني..ع الخميس

لان خطي ..مايطلع..وصلت..لبيت..

لكيت ....مرة عمو..يمنه..سلمت عليها..

واني بعدني ..بملابسي..

ديمة:هاا عمة..شعجب..جايه ..علينه

نبا:والله عمج ..راح ..لبيبتج..خطية طايحة..ع رجلها

وهسة..ماتكدر...تتحرك..خابرت..عليه ..وراح ..اني

ما اكدر..اروح..الطريق..الطويل ..موزين..ع الطفل..

صحيح..بيبتي..موزينه..ويانه..بس انقهرت..عليها

امي..حجت..

اي وتريد..اشوف ..ابوج..بلكي ..يرتب..اوضاعة

ويجي..

اني حاجيته.. بنتر..اي خلي يجي..بس اني ما اريد

اشوفه..

سمية:ماما ..هو يبقى ابوج..لاتحجين..هيج

امي كلبها ..طيب رغم..السواه..الها ..ابوية

بس ابد..ماتحجي عليه..ما بس يوم ..ذكرته

بسوء..وجانت اتكول..دائمآ لاتحجون..

عليه ..هو يبقى..ابوكم..

رحت بستها..براسها..وكلتلها..

نقلتولي..الاخبار..واني بعدني..بملابسي..

ثاني..يوم ...رحنا لبيت ..خالي..علمود نروح..وياهم

لعقد..عمي..رجع..علمود المشية...طلعنا..اني صعدت

بسيارة ..سامر..وي حنين..سامر..ينطي شبه لسيف

من بعيد من اشوفه..حسبالي سيف..نفس الطول

والسمار..حتى ..عنده حركات..تشبه..وع ..حجي

حنين..نفس الاطباع..صعدت وراء

وحنين..كاعدة يمه بالصدر..

اول ما صعدت سلمت عليه..وهو رد السلام..

بعدين سالني..ع سيف..لان ماشاء الله حنين

ما مخليه..شي ما كايلتله..

سامر:ديمة ..اشلونج وي سيف..

ديمة:والله خوية..هو ديضايقني..هواي..

سامر:وهو يضحك..بس ع كيفج وياه..

ديمة:والله ما مسوية شي ..هو يخابر ..ويغلط

حجت ..حنين..

اي والله شنو..يعني ..ولد اجه لديمة.. ويريد يخطبها

وهو ادخل..ماتكلي هو شعليه بيها

سامر:انتي معليج..سدي ..حلكج..واسكتي

حنين:لا عيني ..شنو اسكت ...ديمة روحي..من الدنيا

ما اقبل تنقهر..من وراء ابن ..عمك..

هو..خزرها..خزرة خالاها....تسكت حنين ام السان

صارت ..حتى كلمة ماتحجي...

وصلنه..لبيت..العروس..وعقدو قرانهم..جانت كلش

حلوة..ومبينه..خوش ابنية..علي يستاهل..

من عقد باركتله...وباركتلها...ملأئمين لبعضهم

خلصت الحفلة..وخالاتي..وحنين ماقصرن...

رجعنا ..وي سامر..

كلتله:وصي عفية..بعد لا يضايقني..

سامر:عمي هو يسمع ..كلام ..تعبت وياه الحجي

مايفيد..وهو يضحك..

ديمة:والله لو اعرف حظي وين ..صاير ..جان ارتاحيت...حظي دزة عليه بس يتابعني..

ضلينه نسولف ..ونضحك..اني اول مرة..اكعد

وي سامر..وهي احاجيه..جان كلش..سبورت

وحنين..همين نفسة..سولي جوؤ.. كلش حلو

بس ضحك...وصلت لبيت..ولكيت امي قبلي واصله

لكيت ماما متوترة وخايفة..وعمو يمنه..

ديمة:ها ماما شصاير..

سمية:والله بيبتج..طالبة..صوفي اتريد اشوفه..

واني اخاف ادويه..

لا ماما لاتوديه..مثل ذيج ..المرة

حاتم:ام منتظر..اخذيها ..مني كلمه ..يومين...

وصوفي بحظنج..لاتخافين..

رحت نمت ..تعبانة...ثاني ..يوم عمو اخذ ..صوفي

لبيت جدو..واحنا خايفين..خاف مايرجعو..

بس عمي..حلف..يرجعة..وامي..كالت خطية

خلي ..اشوفه..رحت ..اني حظرت ملابسي..

لان اليوم انزل ..لقسم...

العصر ..رجعت ..لاقسام..واني ..افكر ..بكلام

الطلاب ..بخصوص احمد...

طبعا..هو هو يراسلني..بس اني ما اجاوب..

وسيف اصلا ..ما يجاوبني..كل اسبوع..

مرة ..او اسبوعين..واني ما اريدة..يخابرني

لان كل ..ما اسمع ..صوته ارجع ..لنقطة..البداية

الصبح..طلعت لكلية..المسافة...بين القسم..والكلية

نص ساعة..وصلت ..لكليتنه..خلصت محاظرتي..

شفت احمد..جاي...هلمرة ..اني رحتله..لان كلبي

نار من كلام الطلاب..ونظرتهم..الي لازم احاجيه..

واكله..بعد لاتوصل..

اتقربت منه...شفته..ابتسم..بادلته..الابتسامة

بعدين كليتله

ديمة:احمد اريد احجي ..وياك ..بموضوع ضروري

احمد:اصلا اني ..اريدج تحجين..وياي ..ليش ما تردين...وشعجب..نازلة لبيت ..هلمرة من وكت..

ياربي ..شكد مركز..وياي هذا..

جاوبته..لا بس صارت مناسبة..ابن خالي ..خطب

ونزلت...

احمد:هذا الاجاج..من ضعتي..

ديمة:لا هذا ابن عمي...

احمد:ديمة..والله انتظر..ردج..ع احر..من الجمر

ما شوفيني..اشلون ضعفان..

ضحكت.. من كال ضعفان..وهو صدك صاير ضعيف

كليتله..احمد اني..بعد ..ما اكدر ..اوكف ..وياك ..او

احجي.. انته ..اخ..او صديق..عزيز..عليه..بس

بعد ما اكدر..احجي ..وياك ما اريد..واحد ..يحجي

عليه..

احمد:هذا منو اليحجي..عليج..اكص..السانه..

ديمة:احمد اترجاك..خليني..اكمل ..كلية. بدون

ما اسئ لاهلي..واجيب احجاية لنفسي..

احمد:ديمة..والله اني رايدج..زواج..وما العب..عليج

بس انتي ..وافقي..

ديمة:بس اني ما اكدر ..هسة

احمد:تنطيني..وعد..انتظرج..

صفنت..وشفت سيف ...مقابيلي..ضليت..مصدومة

صرت ارجف...خصوصا ..اني صالي..هواي ماشايفته

وهو عيونه حمر..ويخوفن..احسه يريد ..بس يهجم

عليه..

احمد انتبه. ...عليه اشلون اتوتر

احمد:شبيج ديمة .ليش هيج ..وجهج صار اصفر

وكمتي ترجفين...

ديمة:احمد..الله يخليك..هسة روح..اجه ابن عمي..

اني ابتعدت عن..احمد..

احمد:بس ..

ماخليتله يكمل..كليتله. ..روح ما اريد مشاكل

هو سحب..نفس..وراح..اني ردت اروح..

واسمع صوت سيف وراية..

سيف :وين ست ..ديمة ..تعالي..

اني جفلت..صرت ارجف..درت وجهي ..عليه..واني متوترة..وخايفه..شيسوي ..صرت ما اطلع الكلمه

سيف:وبصوت خشن..وعصبي..

ها ست..كملتي..سوالف ..وي الحب..بعدج

اني ما رفعت راسي..ما اريد اشوف نظراته

لان ادري بيه عصبي..واني اخاف منه

صاح بصوت عالي..احجي ..شبيج ..من يمي

صرتي..خرسة..صالج ..ساعة..واكفه ..وياه..

ودك سوالف..وضحك...

اني كوة ..احجي ..وتطلع الكلمه..من عندي

شبيك..سيف.. والله ماعندي ..شي وياه..

وهو يحجي ..وعيونه شرار..

لا تحلفين..لا تخليني..اكسر راسج ..اهنا..

والله حلو..ست ديمة..جاية..اهنا اتخلصين..وقت

وحب ..وكبلات ..واني الغشيم..رحت ..جبت

طلعتي..تحبينه..

انقهرت من حجة ..هيج ..وكليتله

انت صرت مثل عماتي....شنو فرقك عنهم

هسة كليلي شعندج ..وياه..

والقرآن ماعندي..شي

سيف:شوفي ..والقرآن..اذا ما بطلتي..هاي تصرفاتج

اخليج...تندمين..ع الساعة..الاجيتي بيها..

صدك استفزني..بحجيه..رفعت وجهي...صارت عيني

بعينه..حاولت ..ابين قويه..كليتله

انته مو بكيفك..هاي حياتي..واني حرة بيها..

الف مرة..كايلتك لاتدخل..بحياتي..معليك

بيه..انته شفتك..حياتك ..وخطبت..خليني ..اني

اشوف ..حياتي..بكل مكان ..تطلعلي..يا اخي مو مليت...

اتقرب.. من عندي ..حيل ..بحيث مسافة..بيناته..

قريبة كلش صارت..

ديمة:وصرت ارجف..من قربه..ومنا الطلاب..احسهم

يباوعون..عليه ..

انته شسوي ..ابتعد..عني..

داس ع رجلي..عيونه ..بعيوني..ومايحجي..حسيت

رجلي ...موتتني..عيوني دمعت من الالم..وما اكدر

اصيح ..عليه منا طلاب..

حجيت بصوت ..مخنوك...

بعد عن رجلي دتأذييني ..

ابتعد ..عن رجلي..لبس النظارة...

وهمس يم اذني..بصوت ..خشن..

هلمرة..الحذاء..مرة الثانية..راح رجلج ..اكسرها..

وراح..

رجلي..صارت تاذيني..حيل داس عليها..وحذا متروسة ..تراب ..خرب مو رجل عليه..شطولها

شلعت...حذائي..بقيت حايرة..بروحي..

رحت كعدت..ع مصطبة..خابرت..رغد..ماترد ..اكيد

عندها..محاظرات..وصلتني ..رسالة ..من احمد

اسف اذا سببتلج..احراج..بس ممكن اعرف شنو.

نوع....علاقتج..وي ابن عمج ..لان شفته مو ع بعضة

واني الاعرفه..هو خاطب...

هسة هذا شحجي..وياه ببسبه اني..بهاي الحالة..

خرب وهذا الخبل..شسوه بيه..ضليت آدك..ع رغد

اجتني..خطية تركض..

رغد:ولج ديمة..شبيج..شصاير وياج ..وهاي ليش هيج..حذائج..

ديمة:وعيوني..مدمعة..سولفتها الصار..

رغد:ولج هذا صدك مخبل..متوحش..شمسوي

بيج..تعالي ..كومي..نشتري من المول..حذاء

ديمة:ما اكدر اكوم...

تعالي اني اساعدج..لانتاخر ع القسم

مشيت وي رغد ..واني كوة اسحل برجلي..

لو بيدي ..اكتله..خلاص..سيف..غلطت عليه

شكد..اشتريت..حذاء. ..بس كوة..امشي

لان رجلي ..توجعني..

وصلت لقسم..البنات شافني..وسالني..رغد

كلتهم..وكعت..وهو ماجان همزين..قليل طلاب

حتى ما انتبه..امي..دكت ..عليه.. بس اني ما اكدر احاجيه..لان كلش مخنوكة..

بس دزيت رسالة..لسيف

انته شتريد..مني فهمني..مو راح تزوج بعطلة..اتركيني ..بحالي ولاتدخل..بيه..بس كلي

اني شمسويتلك..

ما رد عليه..

بعدين نمت ..واني الدمعة بعيني..لاكدرت اخابر امي ..لان خاف ..تحس بيه..وما اريد اجذب عليها..

ولاحنين ...

نمت ..وكعدت مرعوبه..ع حلم بمنتظر ...مزعج بمنتظر..ضليت مزة اخذ ..النفس..قريت ايات..واني بالي ..يمه..ضليت كاعدة..لحد الصبح..كعدن البنات

اني كوة بدلت ..ما الي خلك كلت ..من اجي..

اخابرهم...ل١٠ واخابر..ع منتظر..لان ضل بالي

يمه..يدك ..وما يجاوب ب١٠ مكالمات..بعدين

غلقه...صرت كلش خايفة..واجت الافكار السلبية

كلها براسي..ضليت قلقة..معقولة..سيف سواله

شي ..لا ما اعتقد..صوفي ورجع..لبيت لعد

شصاير..خابرت امي..واني ع نار منتظرتها..ترد

اول ما جاوبت..جان صوتها ..مخنوك ..وغريب

وتستمر الحكاية....

السابع عشر من هنا

تعديل المقال