رواية انثي في معتقل الحب الفصل الرابع عشر 14 بقلم عطر الورد

رواية انثي في معتقل الحب الفصل الرابع عشر 14 بقلم عطر الورد

البارت١٤

مساء العافية

(تصويت::::::☆تفاعل)

........ديمة...

اركض...واني الهث..لازمة ايد مصطفى..شوي اوكف

...اباوع ورا..خاف واحد كشف..اني منهزمة...

شفت الناس اتباوعلي...خاف يكشفوني..

صرت امشي..علمود لا أثير..انتباه..واحد..

كلت...لمصطفى..لا يفلت ايدي..لان جانت ازدحامات

خفت لا يضيع ...من يمي..امشي..بفروع...لابسة ..

عباية..لان بالنجف..مايقبلون الا عباية...واني اصلا

ما البس عباية...ما اعرف امشي بيها...كلساعة..

اتعثر..بيها...وهي جانت طويله عليه..نزعتها..

خليتها بعلاكة...جنت لابسة مانتو طويل ..فوك

الركبة..وستريج..يعني مستور..امشي سريع اريد بس اوصل..لشارع شي ..واني ما اعرف المناطق..لان ما داخلة لنجف بس من جنت زغيرة كلش...اول مرة

ادخلها...ما اعرف من ادخل ومن اطلع...جانت اكو

هواي دوريات شرطة...ما همني هذا الشي...صح مو امان..بس ردت اطلع منهم..اشوف صوفي تعب..

من المشي ..وتقريبا بساعة نمشي..احس روحي نفس

المكان افتر بيه..اريد بس واحد يدليني..

صوفي كالالي جوعان ...خطية شفت وجه اصفر...

كليتله هسة ..نوصل واشتريلك..واني فلس ماعندي

فكرت لازم اتصل بامي...خاف يصير الليل واني باقية اهنا كلشي ماعندي ...رحت لمرة بلكي اساعدني..

كلتها بس انطيني رقمج ...اخابر بيه...باوعتلي..

عرفتني غريبه...اصلا معروفة من لبسي..لان ماكو وحدة هيج تمشي ..اكثريتهن عباية النسوان وحتى

بوشية..ماقبلت تنطي كالت..خاف اتصالج يسببلي

مشاكل..رحت منها ..واني اعرف حقها..وكلت خاف تبقى تحقق وياي...اريد بس موبايل ...لازم انطي علم لواحد من اهلي...ضليت افتر...شوي ودخلت بفرع..

اشوف محل ..حلويات..بيه رجال جبير ..لابس دشداشة بيضة..كاعد ع كرسي..اجيت وصلت يمه

ديمة:السلام عليكم..

وعليكم السلام...

عمو ..اكدر اخابر منك...

بقى صافن...باوعلي...بعدين اعتذر..

لا ماعندي رصيد اعذريني...

شفته مثل الخاف...بعدين اذكرت اني السيم كارت مالتي عندي...

ديمة:لا عمو من يمي اخابر اني انطيني..بس موبايل

عندي سيم كارت اني اخابر...

كال تعالي ..هذا بيتنه..خابري بيه...

الصراحة شوي خفت ..بس ماعندي حل ثاني قابل شيسوي ...صاح ع ولد زغير..يكعد بمحل بدالة..

هو اجه وياي ..بيتهم مو بعيد..يم المحل ...

دخلني لبيتهم..جان طرمة..بس مو جبيرة ..وهمين حديقة بيها زغيرة...اكو بابين واحد مطبخ...وثاني استقبال..

هو دخل لبيت اني ضليت واكفه ..بطرمة..ومتوترة وصوفي يمي...كلت كلشي يصير ..ماقبلت ادخل اذا صار شي اني يم الباب اشرد...خليت صوفي قريب عليه..شوي وطلع وياه مرة جبيرة لابسة شيله..

وبيدها عودة وياه ..ترتكز عليها..ونظرات..بس هي مبينه شخصية... ووياه بنات زغار..اذكرت بيبتي..من شفتها ..سمعت يكللها بالج عليها خاف تشرد بموبايل...

وصلت عندي...كلتها خالة اريد بس موبايل ..اخابر امي ...

هي كالت بلاول اتفضلي...

ديمة:لا خالة ما محتاجة شي ..بس الموبايل...وأريد مي لاخوية...

راحت..البنية الزغيرة جابتلنه...مي...شرب صوفي واني همين...جنت عطشانه...انطتني الموبايل...

بدلت السيم كارت...طلعت رقم ماما اني شوي ابتعدت بلحديقة..ردت احجي لامي...

اسمعها كالت ..تعالي خابري ...يمنه...

ديمة:خالة لاتخافين ..ما اشرد..وهذا اخوية يمج ..بس اخابر ...امي ...

كالت لا الا يمنه...ضليت واكفه يمها..اشوفها بس تباوع عليه ..شوي ونفتح خط..

سمية:هاا ماما اشلونج

ديمة:ماما اني شردت منهم ...وفهمتها..ع شنو مخططات ..

كامت اصيح عليه...

سمية:اشلون اشردين..ولج ..ماتدرين شراح يسوون بينه..هسة ديري بالج ع نفسج ..واخوج...هسة منتظر ع حدود ايجيب ..بضاعة..حتى لو اني اجي اخذج ..

شسوي ..امري لله...

بعدين سديته ..عرفت امي ماقبلت ع تصرفي..

بس والله مو بيدي لو باقية ..هسة اني مزوجة..

ردت اطلع السيم كارت...وحنين ..دكت عليه..

ديمة:ولج حنونه ..اني بوضع صعب...

حنين:اي هسة هاي عمتي..يمنه ..وسمعنهاه..علي ومنتظر ..ع حدود ومهند..بمحلات وهي اتريد ..تجيج ..اني راح اجي اني وسامر هم انزور وهمين ارجعج..بس خلي موبايلج . .مفتوح..

ديمة:لج هذا من الناس ..وعيب ..ابقى يمهم..شفت الحجية اشلون تباوعلي ...بنظرة غضب..كمت ارجف

حنين:زين...حاولي بعد ساعتين..هم اشوفليلج جهاز

ضروري لاتخلين..بالنه عليج..هسة خابرت سامر راح يجي..

ديمة:فدوة لاتكولين لسيف..ديري بالج اتكوليله..

حنين:هسة مو وكته يلا راح ابدل ومثل ماكتلج مع السلامة...

سديت الموبايل..واشوف الحجية اتهز بيدها ..اتباوعلي بحتقار..خفت منها خاف تبلغ لو شي.رجعت الموبايل بيدها..وشكرت منهم وطلعت..

رحت طلعت مشيت شويه...شفت صوفي بعد ما اله طاقة يمشي ..كلت خليني انتظر ..ساعتين...وهو خصوصا ماماكل..من الليل..وهو طفل ما يتحمل

اني اتحمل عادي صح جوعانه..بس اتحمل..اجيت كعدت ..ع مصطبة..اكو حديقة...وكعدت خليت ..صوفي يمي..ضليت..امسح براسة ..وهو يسالني يمته نرجع...لماما..اني اكله هسة اصبر..

بعد ساعتين..اني ضليت كاعدة..صرت اخاف الساعة..ب٣ الظهر ..بس جان بداية الشتاء..وجوء شوي بارد..كلت خليني اشوف ...موبايل ..مشيت

وشفت مرة تكنس بلباب..

رحت عليها...

خالة اريد ...اخابر ...اهلي جهازي ..ضاع ..وعندي سيم كارت..

..اي يمه تعالي اددلي..ادخلي..

هسة اصحيلج..واحد من الولد اني ما اعرف..لهذا التلفون...

راحت صاحت واحد...

واني...دخلت بس همين بطرمة..وهي يمي ..واصيح ع واحد..لان جانت الصوندة بيدها..ومكناسة..

اجة ولد شاب لابس..فانيله..وشورت..من شافنه اتفاجأ..

اني همين من شفته خجلت نزلت راسي...هو راح..دخل ورجع لابس أتراك رصاصي..

شافني..كال ها عيني شرايدة..

اريد بس جهاز...

شسوين بجهاز...

بكلبي..والله ضايجة ..واجيت العب بيه ...شسوي..

استغفرت ربي وجريت نفس..

اريد اخابر ..اهلي...

انتي منو ...ومنين واهلج..وين

شفته ..ضل يحجي..ويستفسر...

كلتله خوية ممكن تنطي جهاز اخابر اهلي..

...انطي الرقم ..خليني اساجله ..

لا اني اريد اسجله ..عندي سيم كارت..

باوعلي..مسح ع لحيته...انطاني الجهاز..

هاج هذا جهاز ..براحتج..

اخذت الجهاز وهو يباوعلي..من فوك ليجوه..اني ابد ما رفعت راسي..ومرتبكه حيل...

شوي واجت المرة بيدها عصير ..وبسكت..اني ما اكلت ..جانت عندهم مرجوحة...بحديقة..كعد عليها

مصطفى ..واكل..هي كالتلي اني بلباب..انظف اي شي تحتاجيه يمج ..مو بعيدة عنج..أشرت براسي..

وهذا ابد ما نزل..عينه مني..يباوعلي بنظرة شفقة ..ما اعرف شنو ما فسرتها..نظراته..

ما احب واحد يباوعلي..بنظرة شفقة ..احس روحي ضعيفة..

درت وجهي...بدلت السيم كارت..خابرت ع حنين..

حنين:ولج ديمة وين انتي صالي ساعة اخابر عليج وماكو..

ديمة:هسة يلا حصلتلي..موبايل وخابرتج..

حنين:هسة احنا..بيت سامر ..وسيف ما قبل الا هو يجي...

ديمة:صدك تحجين ..ولج اشلون هيج اتريدين اتأذيني اتعرفيني ..اني ما ارتاح بوجودة..

حنين:هسة مو وكت الحجي صاله اكثر من ساعتين طالع ..وهو عسكري ..ما تلزمه السيطرات..بسرعة يجي عندكم ..هسة هو خابرني يكول مغلق..

جهازها..روحي هسة خابري ..

بعد ما عندي حل...لازم اخابره..هاي الماعندها..ابوه

بسبب اهل ابوي اني بهذا ..الموقف واسوي شي اصلا ما مقتنعه بيه...بس علمود مصطفى ولازم اني همين ارجع ..دكيت عليه ..اول مادكيت فتح عليه خط..

سيف:وينج صدك جذب..

ديمة:سمعت صوته ..وهو مبين عليه...الخوف..

سيف هسة انته وين..

سيف:اني هسة بسيطرة النجف ..ربع ساعة..واني يمج..بس كليلي وين انتي..

ديمة:وخرت الموبايل ..عن اذني ..وسالت الولد..كالي

ع المنطقة..

اني بمنطقة....

سيف :شوي واني يمج..وسد الموبايل..

اني التفت ع الولد...لكيته مخلي ايده بجيب التراك

انطيته الموبايل بس هو كال...

ممكن طلب زغير ولاتكولين..لا

شنووو الطلب..

بس اخذ رقمج علمود..اطمئن عليج...

صفنت شوي ..وبعدين انطيته الرقم..بدون تفكير اصلا شيسوي بيه..

بقينه بحديقة كاعدين بعد ما انطيته ..العنوان وخطية المرة كالت..اسويلكم شي تاكلوه...كلتها لا هسة يجي ابن عمي...

شوي ..وشفت سيارته جان الباب مفتوح...صوفي شافه عرفه ..كال هذا بخطوبه حنين شفته..اني صراحة حسيت بامان..صح كرامتي ..شوي انهزت..

بس مو اني طلبت منه يجي...

نزل من السيارة اني ..واكفة بلباب..خلة ايده ع اجتاف صوفي.. كال اشلونكم..

اني ما اكدر احجي اباوع بعيونه وهو يباوعلي. المشاعر كلها ..اختلطت عندي خوف ع تعب ..توتر...

ديمة ..موزينه...

سيف:اصعدي يلا تعالي بسيارة..

قبل لا اصعد ..رحت اشكرت من الولد لان ساعدني وكال اي شي تحتاجيه...اني يمج..اشوف سيف اشلون يباوعله..لو بيده يمكن يكتله..هو شعليه هسة..ما اهتميت..رحت ع المرة سلمت عليها وباوستها..واشكرتها. بفضلها اني هسة راح اروح لاهلي خطية هي كالت ما ضيفتكم..ولا سويتلكم

شي ..بستها وكلتها ما قصرتو وطلعت ..بعد ما ودعتهم ...

صعدت بسيارة ليورا اني..وصوفي..

هو دار وجه ..بعد لو ماخذته باحضان...

اني ضليت مصدومة ..هذا شبيه شيحجي..واني اصلا مابيه حيل اجادل من ساعة ٣ بليل كاعدين لحد هسة ..بحيث جسمي كله تعبان ..من ورا الخوفه

والجوع والتعب...

بعدين رجع كال..

سيف:وبعصبية...انتي اشلون اطلعين بوحدج ..

ابنية وبعد زغيرة ..ماخفتي .احد يسويلج ..لو يسوي شي لخوج..

اني اسمعه ..واعصابي تلفانه..مو مال واحد يلومني

لان مو هو عاش العشته والشفته..هسة اني بنظرهم غلطانة....

صرت احجي بعصبية..

بصياح..اني هسة مو واحد يلومني..اسكت سيف لخاطر الله..

انتبهت مصطفى يبجي...حظنته وهدأت عليه...

بعدين حجيت بهدوؤ...

عوفني سيف لاحكة ع المشاكل..

ضل يتاافف..يباوعلي من المراية...

بعدين سال صوفي..

سيف:اشلونك مصطفى ...البطل هاي اختك يرادلها كتله..لان وكحة..

مصطفى:لاعمو.اختي ..حبابة ..هم عماتي وعمي كتلوها...ويريددن يزوجها لواحد جبير..

اني حاولت اسكت..صوفي..لان ما اريد ياخذ هيج نظرة وهو اصلا يعرفهم..بس ما اعرف حسيت بخجل من وراء سوالف عماتي ..وخصوصا كدام ..واحد غريب هسة شيكول..

شفته يباوعلي ..بنظرة متفأج من الوضع الجنت بيه

وبنفس الوقت ..نظرة شفقة..اني درت وجهي

ع جامة السيارة..ما اريد اباوعله..لان اعرف نفسي اضعف ..من اشوف عيونه..هو مجرد وجودنه..

بنفس المكان ..احس بتوتر ..حتى ما اعرف شسوي..

سمعت مصطفى..يحجي وي سيف..

مصطفى:عمو والله جووعان ..راح اموت من الجوع

ماماكلين شي من البارحة..

اني خنزرت بصوفي..عود يسكت..

كليتله..هسة ..نوصل ما بقى شي..

شفت سيف...اخذ نفس ..بعدين وكف السيارة..

سيف:تعالو انزلوو..لمطعم..

ديمة:ما اريد ..شكرا

مصطفى:عمو لان ماعندها افلوس..والله هي جوعانه

ياربي اشلون خلاني بموقف...مصطفى..

هو نزل ..وشوي وجاب علاكة ..بيها اربع لفات

اثنين كص.. واثنين كباب..وعصاير .ولبن وحلويات

شمرهن بصفنه...مصطفى ..يباوع عليه انطيه الموافقه...

سيف:كافي اعناد ..خلي الولد ياكل..

باوعت..لمصطفى ابتسمتله..وانطيته لفه..

خطية اكلهن اثنين لفات لان جان جوعان..

اني ما اكلت شوي ..وخليتها..صح جوعانه بس

ما اشتهي..شفت مصطفى نام من التعب..

رجعت راسي ليورة..ما اعرف مختنكة..

غمضت عيني ..سحبت نفس قوي...

لان احس روحي كلش مختنكة..واني افكر هسة شصار لامي..لان بقت قلقة..وعمامي ..هسة شراح يسون..وخاف من ارجع ...منتظر ..يكتلني..

كل هاي الافكار اجت براسي..احس راسي راح يطك من الوجع..اتمنيت لو هذا حلم..واصحى منا وارجع لبغداد..واداوم كليه..أكبر غلط اني رحت لعمارة وشكد متندمة..بعد لو يموت اي واحد ما ارجع اهناك

ردت انام ما كدرت..بس مصطفى نام ..حاجيت سيف

ديمة:سيف انطيني جهازك ..اخابر ماما..

نزل المراية علينه ..شاف صوفي ..نايم

اوك خابريها..وعندي حجي وياج ..بس عود كليلهم

حنين وسامر هم الوصلوني..لان احنا هيج متفقين

واذا طلبت حنين ..تحجي وياج اخابرهم من خطي الثاني...كانما دتحجي..وياهم..

اني بقيت صافنه ..اشلون عنده افكار..

خابرت ماما..

سمية:اشلونكم .. صوفي اشلونة خاف بيكم شي ماما هسة انتو وين ..

ديمة: لا زينين اني هسة وي خطيب حنين ..بطريق..

سمية:انطيني خطيبها..خليني احجي وياه..

أشرت لسيف..وهو سمع ماما لان جان الجهاز

صوته عالي..

اخذه وحجاها بصفة ..سامر..

اشكرت منه ماما..ورجعت حاجيني..وكالت بالج ع نفسج ..وسدت الموبايل..

رجعت الموبايل لسيف...

طخت ايدي بايده من انطيته الجهاز...حسيت كهرباء صارت ..بجسمي ...من اتلامست ايدي ..بسرعة سحبتها..كلبي كام يدك ..واني احاول ..ابعد نظري عنه...

وهو يباوعلي..من مراية...السيارة..

سيف:ليش ما اكلتي..ترة من نرجع ناخذ الفلوس..

اني سكتت

تدرين انتي السويتي غلط..

ديمة:اعرف واذا ما تريد توصلنه اني ..هسة انزل وأجر سيارة..وحدي..

باوعلي بطرف عينه ..وجر نفس ...قوي

والله عمي صايرة ما تنكدرين..

سيف اذا تبقى هيج ..والله هسة انزل..

هو بقى صافن عليه ....

انتي متغيرة هواي ..مو ديمه الاعرفها..

بسبب الشفته بحياتي..والظلم الشفته..

اتنهدت..كلتله سيف اني تعبانه...

سيف:بسبي..

ديمة:نزلت دمعتي بدون اي احساس..ما اعرف ع شنو ابجي ..مر شريط حياتي ..كله احس روحي ما شفت شي ...من اني زغيرة..ومشاكل ورايه..ابد ما تهنيت..هسة كلت بعد كليه واشوف حياتي..

وطلعتلي هاي السالفة..رجعتني كم سنه ليورا

دموعي شرحت وضعي..

سيف:ما اريدج تبجين..ما احب اشوفج ضعيفة اريد ديمة ..القوية

ديمة:منين تجي القوة ..لو ما شاردة باجر يعقدولي ع واحد ..اصلا حتى بكد ابوية..

سيف:شنو بكيفهم همه..انتي وحدة راشدة اكدرين ..

اترفضين..

ديمة:اخذت نفس...انته ماتعرفهم..ذولة صح اهلي ..

بس حقدوين...بسببهم ابوية ..راح من يمنه ..واني بعدني زغيرة..وهسة راجعين..عليه ..ايريدون ايدمرون مستقبلي..خليت ايدي ع وجهي صرت ابجي احس روحي ما اكدر اتحمل..اصعب شي الناس الي هم اهلك يحاربوك..من شافني هيج

وكف السيارة ونزل..اخذ بطل مي جان بصفه..

اجه فتح الباب ..البجهتي...

فتح البطل...غسل وجهي..اديه الخشنه لامست ملامح وجهي..حسيت الحرارة صعدت عندي..

كال اشربي لو اني اشربج...

ديمة:بتوتر..لا لا اني اشرب..

اخذت البطل من ايدة..وشربت هو بعده واكف مخلي رجل بسيارة..ورجل بكاع..وفاتح الباب..

سيف:ديمة ارفعي راسج..

اني جنت منزلة راسي ..ما اكدر اباوعله..

رفعت راسي ...صارت عيني بعينه وهو كلش قريب عليه ..مد ايده ع وجهي ..ومسح دمعتي..

سيف:اني ما اريد هاي العيون الحلوة تبجي ..بعد

اني من سوه هيج صرت ارجف كلبي..يدك سريع

مجرد ..القرب يمه يخليني ..عايشة بتوتر ..ما عرفت شكله ..حسيت الساني انربط..الكلمات كلها ضاعت مني ...

ديمة:بصوت هامس وخجول..

اوك..

جر ايدي..واني اتفاجات من حركته هاي..

بسرعة سحبت ايدي منه..

سيف انته شداسوي..ميصير هذا التسويه ..وبعدين خاف يكعد مصطفى..

بقى ساكت وصافن..

سيف:ديمة اني اسف..

ديمة:ع شنو..تتأسف

سيف:ع كلشي.

ديمة :مثليج..

جر نفس ..ورجع سحب ايدي ..اني جنت مخليتها ع رجلي.. باسها.. ورجعها مكانها انفاسه الحاره تضرب بيدي..

اني ما اعرف شصار بيه..حسيت روحي فقدت عن العالم وبنفس الوقت متفاجاة ما اتوقعته هيج..حسيت الجوء صار حار ع الرغم ..بداية الشتاء

اني دخلت بحالة ذهول..ومشاعر مخربطة ..ما اقبلها ع نفسي..بس كلبي رايد مايكدر يرفضة هذا الشي ...

ما اريد مثل المرة القبلها..وابني امال واحلام..

سد الباب ورجع لمكانه..

واني بعدني بصدمه..بس لازم افهم منا هذا التصرف شنو معناه..

سيف انته شرايد مني..

سيف:بقران ..اني نفسي ما اعرف شرايد

ديمة:سيف عوفني بحالي..

سيف:حقج عليه اني واحد اناني ... تدرين هسة اني بصراع وي نفسي...

شتقصد بهذا كلامك..

اتنهدت...ماكو شي هيج انسي..

طبعا يحجيها وصوته متغير..مو سيف العصبي وما يعجبه العجب..

فضلت السكوت ..لان ما اريد احجي بهذا الموضوع وافتح اجروح قديمة لان هسة هو خاطب..بس هاي حركته..السواها خلي كلبي يرجع ينبض اله ..واصلا اني ما ناسيته...

سيف شوكت بعد نوصل..

ساعة ..ونوصل..

كال خرب موبايلي ناسي ..افتحه...

فتح موبايله ..اول مافتحه...دكت ...رشا

سيف :هلا بيج اي عندي شغل..

كليتلج لا تلحين يلا باي..

اني اباوع ..عليه ضجت..وكانو هذا الموبايل رجعني للواقع الي اني بيه..هو انتبه عليه ضايجة

بعدين دك عليه سامر..

سيف:هلا سامر..هاا سهله سهلة لاتهتم اني هسة شوي واواصل.. وسداه

ديمة:سيف شبيه سامر ...شكو شصاير..

ماكو شي ...

ديمة؛انطيني الموبايل ..اخابر اهلي..

سيف:هاج خابري ..حنين عندها حجي وياج..

خابرت حنين..

احنا جنه واصلين لسيطرة...

ديمة:هاا حنين ..شكو..

حنين:وبخوف..ولج حنين هاي عمامج مشتكين. وهسة مكلوبه ..الدنيا..

اسمع سامر ايكللها ليش تخوفيها...

اني من سمعت هيج..احس نفسي تلعب..

دخت ..راسي يوجعني..يمكن ضغطي هبط..

كلت لسيف افتح الباب احس نفسي تلعب..

خطية وكف السيارة..نزل..

سيف:ديمة شبيج..خاف لان ما ماكله شوفي وجهج اصفر اشلون هاج اكلي شي..

ديمة:ما اريد شي بس هوأ اريد اشم..

واني لازمة راسي..لان حسيته راح ينفجر..

وايدي الثانية لازمة بيها معدتي..

كلشي اتخربط ..عليه قرب سيف خوفي من عمامي

شنو شراح يسوون احس روحي بدوامه وما اعرف وين المخرج..

سيف..غسل وجهي بماي..انطاني ملح..جان وياه زي الاكل علمود يستقر ضغطي..باسني براسي

ديمة لاتخافين . ما طول اني وياج اني سندج

باوعتله..بتعب انته سبب دماري..رجعت راسي ليوره

واني ماعندي الحيل..ان اسوي شي

رجع ساق..

شوي وصلنه لبغداد ..لبيت سامر كعدت صوفي

وفهمته...انو سامر وحنين الوصلونه..لان اذا غير هيج راح يكتلونه بسجين انته تقبل..

مصطفى:لا ما اقبل..

خوش لعد..بسته فدوة لحبيبي..

وصلنه واني اشوف اكثر من مشتمل..البناء كلش عالي السيارات طابكات خير من الله مبين عليهم الخير..

سيف:لاتنزلين..لان محد يدري بسالفه..

هزيت براسي..

شوي واجت حنين..ركضت حظنتي ..اني بجيت بحظنها..ضلت تهدئ بيه..

بعدين صعدنه بسيارة سامر..

باوعت عليه من جامة السيارة..ماحجيت شي بس اعيوني هي الحجت..هو واكف وبيده جكاره احسه متوتر..بقى بس يباوع عليه...

بعدها وصلنه لبيتنه..نزلت حنين وسامر ويانه..

عود يشوفون..نفسهم لامي...

فتحت الباب امي..

بس عصبيه وبنفس الوقت خايفه عليه..

ولج ..يمه ديمة راح تموتنيي انتي شسويتي بيه..

اتريدين اجيبلي مصيبة

ديمة:يمة شردت من ضيمهم..رادو يزوجوني غصب

حظنتني يمه محد يزوجج..واني يمج..

بقيت ابجي...ماما اني ما اكدر اتحمل اكتل روحي واخلصج من عندي...

سمية:يمه اسم الله عليج..

ضل حنين وسامر منتظرين منتظر..

اجه هو اني خفت لا يعصب عليه شاف مصطفى وباسه..

شاف حنين ورجلها ..اطمئن..

منتظر:ديمة..هذا السويتي كله غلط . ليش ما انتظرتيني..

اني اتفاجات ما ضربني..

توقعت راح تكتلني...

منتظر:ماعاش ...اليكتلج...

لا عمك ما قصر وياي بكتل...ورادو يزوجوني لواحد جبير بعد اربعين جدو..واني شردت منهم

هو اتفاجأ وكام يصيح ...

شنو هم بكيفهم ويققرون شنو من ناس..

امي ع رغم تدري بس انقهرت...

حظني ...وكال هسة عمامج يجون ما اريدج اطلعين ابدد شيصير لا اطلعين...

لان عمتي مشتكية بشرطة ويكول باكوها

اني الصراحة خفت..حنين وسامر راحو..

صعدت لغرفتي...واني اكول هسة يجون..لحد ما نمت من التعب...

كعدت ع صوت هوسة وعركة..عرفت عمي وعماتي جايات

نضال: هاي الساق...الكاح...الله واعلم البارحة وين جانت خلت راسنه بطين...

عمي:اليوم وين اتروح مني الا اكتلها..خلاص واخلص منها ماتكوف بعينها زلمه ولا واحدد مامتربايه ام الشوارع..

من سمعت هيج ما سكتت نزلت ...لان كافي اسكت بعد..وهم يطعنون بشرفي..

ديمة:يا ضالمين. اني شردت من ظلمكم. انتو ردتو ازوجوني واحد بكد ابويه..الله لا يوفقكم شتريدون منا....ما احس الا عمتي أجر بشعري..

اني شعري كلش طويل وجان مفتوح..لان من انام اخليه مفتوح..نزلت بسرعه بدون ما اشده

هي عمتي ضخمة واني ناعمه..جرتني ..وكعتني بكاع وطاحتلي راجديات..امي ومنتظر يحايزون..

عمي كام يحجي ع منتظر ويغلط..واختك وما اختك

منتظر عصب ..وبعدين طرد عمي..

من طرده..عمي ضرب منتظر...ومنتظر ..ما سكتت

اله وصار اصياح ومنا عماتي اثنين اني طحت بيناتهن وامي تحايز بس ما تكدرهن لان كلش ضخمات ..الجوارين التمت اجه عمي حاتم

صح ما راضي عليه..بس دافعلي من شاف حالتي..

ومهند وعلي..يدفعون بعمي.. ايريدون ايطلعوه

الجوارين بس تباوع...ضليت ابجي..

اني حظنتني. وهي اصيح عليهن..وذني ما يسكتن

حتى اني اجاوزت عليهن..لان ما يستاهلن الاحترام

بعدين فكوو العركة...

عمي طلع...عمي الزغير...راح...كلهم راحو

منتظر ضل يغلط..ويسب وجكاير بيده

اني بس تدعي عليهن لان فضحنه بمنطقة ....

اني صعدت لغرفتي...

اباوع بمراية..شعري مكفش وجهي ...احمر..

صرت ابجي بحركة..كعدت بزاوية...وابجي

بدون وعي دزيت رسالة لبابا

انته متعرف الحنان الله راح يحاسبك ع كل يوم خليتنه بيه..حرام عليك خليتنه مكفخة الناس..

شافها ومرد عليها............

وتستمر الحكاية.....

الخامس عشر من هنا

تعديل المقال