رواية اكتفيت منك عشقا الجزء الثالث الفصل الثالث عشر 13 بقلم فاطمة محمد
اكتفيتُ منكَ عشقًا.
(الجزء الثالث)
بقلمي فاطمة محمد.
الفصل الثالث عشر:
+
'اريد ان اصادق حبك وجنونك.'
- غادة السمان.
+
______
+
وقفت سيارة إياس قبالة المنزل....
ثم سرعان ما التفت برأسه تجاه مهرة فوجدها تحدق به... والبسمة تحتل ثغرها الصغير... متمتمة بأمتنان....
-أنا بجد مش عارفة أقولك إيه...أنت اثبتلي انهاردة انك اكتر من أخويا.. وأن حبي ليك مش من شوية وأن اللي عملته معاك أنت وتقى قليل...لولا
+
قاطعها إياس مغمغم بحنو:
-لا يا مهرة مش قليل... وبعدين أنتِ مش بنت عمي وبس...لا طول عُمري بعتبرك أختي...واللي عملته ده معملتوش غير لما اتاكدت ان إبراهيم هو الشخص اللي هيقدر الجوهرة اللي هنديهاله...وإن شاء الله قريب اوووي هيجي وهيتقدم وهيتوافق عليه...انا واثق أنه هيقدر يكبر و وضعه المادي اللي كان ممكن يترفض بسببه هيتغير تمامًا...ومرات عمي ساعتها مش هيبقى عندها حجة....المهم بلغيهم انك غيرتي قرارك وأنك مش موافقة على العريس...
+
تنهدت مهرة براحة وقالت:
-هقولها...عارفة انها هتديني درس ومش هخلص بس مضطرة أبلغها يا اما انا اللي هدبس.. وإبراهيم ساعتها ممكن يعلقني....
+
-مين ده اللي يعلقك..ده انا اعلقه قبل ما يفكر يعملها..وراكي رجاله متخافيش... ويلا بقى عايز اروح افتح المحل جدك لو عرف هينفخني...
+
تلفظ بمرح..قابلته ببسمة ثم ترجلت من السيارة مودعة إياه....
+
_________
+
اندفعت مهرة داخل حجرة تقى التي كانت تتمدد على بطنها على الفراش وهاتفها بين يداها تقلب في إحدى مواقع التواصل الأجتماعي (الفيس بوك)
+
استدارت تقى برأسها حادقة بذلك المقتحم...وسريعًا ما تبدلت وارتخت قسماتها عندما وجدتها مهرة..التي يتضح عليها السعادة…
+
سعادة كانت تفارقها الأيام السابقة…
+
هبت تقى من جلستها أعلى الفراش وهى تراها تكاد تقفز من مكانها ملتهمة المسافة بينهم....
+
كادت تقى تتحدث وتستفسر منها لولا احتضانها لها متحدثة بفرحة...
-أنا مبسوطة اووي يا تقى..حسة اني هطير من الفرحة....
+
قالت الأخيرة مبتعدة عنها...فـ عقدت تقى حاجبيها وتساءلت:
-ربنا يبسطك دايما بس ابسطيني معاكي في إيه...حمايا هيجوز على حماتي الحيزبونة ولا إيه...
+
لكزتها مهرة بخفة مرددة بمرح:
-يا بت لمي نفسك إياس لو سمعك مش هيسكت...
+
ابتسمت تقى بسمة لم تصل لعيناها وقالت:
-طب قولي يا أخره صبري...
+
-إياس خدني وروحت قابلت إبراهيم..وقالي أنه بيحبني... وأنه معندوش استعداد يخسرني..وعايزني استناه...وأنه بدأ مشروع جديد وبأذن الله هينجح وساعتها لما هيتقدم مش هيقولوا لا لان لو أتقدم دلوقتي حجتهم هتبقى مستواه المادي..وده اللى هو بيعمله دلوقتي...
+
توقفت فجأه مبتلعة ريقها ثم تابعت:
-وإياس ساعده عليه...انا بحبه اووي يا تقى..كلامه خطف قلبي...حسيته بيحبني بجد..مش عايزني اعمل حاجة غلط...ولا اكسر ثقة اهلي...تخيلي أنه قالي مش هنكلم ولا هنتقابل لحد ما يتقدم...
+
شعرت تقى براحة مريبة....فشكوكها بأن زوجها يكن بقلبه حبًا تجاه مهرة...تبخرت ما أن سردت لها مهرة ما حدث....وتأكدت من حبه تجاها بمفردها ومن صدق حديثه سابقًا…
5
حقًا عشقه لهم لا يتشابه...فهى زوجته..ومعشوقته...ومن تمناها قلبه... أما مهرة فهى ابنة عمه..واخته...
+
انشق ثغر تقى كاشفة عن أسنانها...مغمغمة بسعادة هى الاخرى:
-بجد يا مهرة...يعني إياس هو اللي ساعد إبراهيم عشان يعرف يتقدملك...
+
-ايوة يا بنتي...
+
هتفت بها ثم اتسعت عيناها متذكرة أمر والدتها....فصاحت متعجلة:
-انا هروح دلوقتي ابلغ ماما اني مش موافقة وهرجعلك تاني....
+
_________
+
أغلقت ملك على نفسها في غرفتها...فقط تبكي وتضع يدها على فمها تمنع تلك الشهقات التي تريد الفرار.....
+
تشعر براحة وسعادة لم تتغلغلها منذ وقت طويل…
+
فحديثها مع طليقها وإخراج ما يكمن داخل صدرها من كلمات وحروف جعلها ترتاح....وتسعد لأقصى حد.....
+
التقطت هاتفها وجاءت برقم علياء...ثم وضعت الهاتف على أذنيها وانتظرت إجابتها...
+
ردت علياء بعد ثوانِ متمتمة بحنو:
-ايه يا ملوكة عاملة إ
+
قاطعتها كلمات ملك المتقطعة التى لم تستطع علياء تحديد ما إذا كانت تضحك ام تبكي...
-علياء إسلام جالي لحد البيت اللي بشتغل فيه..معرفش عرف منين اني بشتغل هنا ولا ازاي...بس قالي أنه عايز يقابلني..وخرجت قابلته و
+
انتفضت علياء من جلستها وعاتبتها بتشنج:
-ليه يا ملك بتقابليه ليه..كنتي قوليله مش هقابلك ده حيوان..ابن أمه...
+
-كنت محتاجة اشوفه يا علياء واقول اللي في قلبي عشان ارتاح..تصوري أنه عايز يرجعلي بيقولي أنه طلق مراته التانية وأنه اسف على اللي حصل وعنده استعداد ياخدلي شقه تانية بعيد عن أمه....
+
رددت ملك كلماتها بفرحة طاغية...فكلماته أعادت لها كرامتها....
+
عقبت علياء بترقب ونبرة هادئه:
-وأنتِ قولتيله ايه يا ملك اوعي تكوني وافقتي...
+
أزالت ملك عبراتها وقالت نافية:
-لا.. مستحيل اوافق ارجعله..وده اللي أنا قولتهوله..لو وافقت ارجعله يبقى معنديش كرامة يا علياء...وهيعرف أنه سهل يصالحني ويرجعني ليه في أي وقت..وده هيخليه يتمادى...أنا بحمد ربنا أن مفيش بينا طفل يربطني بيه...
+
تنهدت علياء براحة معلقة بجدية:
-والله حتى لو بينكم خمسين عيل برضو مترجعليهوش هو فاكرك جارية عنده وقت ما يحب يسيبك يعملها و وقت ما يحب يرجعلك برضو سهل يرجعلك....
+
بللت ملك شفتيها لا تدري موقفها إذا كان بينهم ولدًا فهل كانت ستفعل ما فعلته ام كان سيكون لها رأيًا وقرارًا آخر حينها.....
+
-سيبك منه ومن سيرته بقى أنا هقوم اغسل وشي واشوف الولاد وابقى اك
+
تذمرت علياء مرددة:
-ما تسيبك يا ملك من الشغل ده وتعالي معايا البيوتي...
+
-لا أنا مبسوطة فيه وبحب الوقت اللي بقضيه مع الولاد....يلا سلام دلوقتي...
+
-سلام..
+
بعد مضي بعض الوقت..جلست رفقة الصغار..فجاءت حورية وجلست رفقتها…
+
ثوانِ وكانت تحمحم حورية وقالت بآسف:
-أنا آسفة يا ملك من شوية كنت بدور عليكي..وروحتلك الاوضة وسمعت طراتيش كلام ليكي مع صاحبتك...
+
توقفت ثوانِ ثم تابعت بحسم:
-ملك هو أنا ممكن أعرف اللي حصل معاكي وليه انفصلتي عن جوزك؟
+
ازدردت ملك ريقها واماءت لها بموافقة وبدأت تقص عليها ما حدث بدءًا من عشقها لـ إسلام ومعاملة أبيها و زوجة أبيها لها حتى آخر لقاء بينهم والذي حدث منذ دقائق.
+
__________
+
صف إياس سيارته أمام المحل ثم هبط منها...قاطعًا بضعه خطوات...لا ينتبه لها ولاندفاعها من مكانها كي تسبقه وتقف أمامه تمنعه من متابعه حركته....
+
رفع رأسه وكاد يصطدم بها لولا رؤيته لها في اللحظة الأخيرة....
+
تراجع خطوتين منزعجًا من تواجدها…
+
أما هى فلم تبالي لانزعاجه..وعقدت ساعديها أمام صدرها متحدثة بوقاحة:
-ممكن اعرف يا استاذ مكنتش بترد ليه... وعملتلي بلوك ليه ؟؟؟؟؟؟ هو أنت مش عارف اني مبعرفش اقعد من غير ما أكلمك واعاكس فيك...
29
اعتصر إياس قبضته..والتفت حوله...ثم عاد ينظر لها مشيرًا على نفسه مقررًا تصنع البرود...
-حضرتك بتكلميني أنا....
+
-آه أنت يا إياس...أنت متعرفش أنت وحشتني إزاي...وازاي فرحت لما شوفتك في الفرح....بس كمان اضايقت لما عرفت انك متجوز تقى...أنت ازاي مستحملها..دي بني آدمه باردة..وبتحب فلوسك..مش بتحبك زي ما أنا ب
+
تشنج إياس من كلماتها..و نجحت في استثاره أعصابه وجعل الدماء تفور لرأسه:
-أنا عايز افهم أنتِ طلعتيلي منين...وبعدين أنتِ مالك...بتدخلي في حياتي ليه يا بني آدمه...ايه الوقاحة اللي أنتِ فيها دي انا عمري ما شوفت كدة....
5
-ماشوفتش عشان محدش حبك قدي..ولا زيي..ولا هتلاقي...انا بحبك يا إياس...شوفتك كام مرة بس ومكلمناش كتير بس حبيتك...حبيتك كأني اعرفك من زمان...
4
كانت تتحدث بجدية مريبة ونبرة جعلته يُصدم من تلك الفتاة التي لا يعلم متى أحبته وتعلقت به لتلك الدرجة…
وتعطي الحق لذاتها كي تتدخل في شئونه واموره الخاصة....
+
تخطاها كأنها لم تكن....فلم تتركه ولحقت به متمتمة:
-بقولك بحبك....خلينا نجوز....واخليك اسعد راجل في الدنيا دي....
2
التفت لها متعجبًا من فظاظتها....وعرضها الوقح الغير متوقع...ملتهمًا المسافة بينهم مردد:
-أنتِ ازاي بتعرضي عليا حاجة زي دي..
أنتِ
+
كاد يتطاول عليها لتقاطعه موضحة:
-أنا واحدة بتحب..ولقت اللي بتحبه جوز واحدة صاحبتها اتعرفت عليها جديد...انا مش هسيبك عشان عرفت انك جوز تقى...لا هقولك انها متستاهلش واحد زيك انا اللي استاهلك يا إياس..خلينا نجوز حتى لو في السر...
18
هنا وجحظت عيناه ولم يرغب في الاستماع للمزيد...أولاها ظهره وغادر..تاركًا إياها خلفه تتوعد بعدم تركه....
+
وقبل أن يختفي عن انظارها ويلج المحل صدح صوتها من خلفه:
-هستناك تفكر وترد عليا...يا تطلقها يا تجوزني عليها....
29
_________
+
-هو لعب عيال ولا إيه ؟! انا خلاص كلمت عفاف وهيجو بكرة بليل مينفعش بعد ما اتفقت معاها وقولتلها تعالو ارجع اقولها متجوش....
1
رددت كوثر تلك الكلمات بحنق على مسامع مهرة التي أخبرتها للتو بعدم رغبتها في لقاء ذلك الشاب الذي يرغب بالزواج بها....
+
مطت مهرة شفتيها وهبت واقفة عن الأريكة محركة كتفيها بقلة حيلة:
-تمام متتصليش بس متزعليش لما ارفضه وأقوله أنك غصبتيني اققابله....
+
كادت تغادر فأنتشلتها كوثر من ذراعيها بغضب أعمى صارخة بها:
-ايه قلة الأدب دي..وايه غصبتك دي هو أنا ضربتك على إيدك...
+
-لا مضربتنيش يا ماما بس أنا غلطت لما وافقت ومش هيحصل حاجة لو كلمتي الناس واعتذرتي منهم.....بس أنتِ مش راضية وخايفة على شكلك قدامهم فخلاص اطلعي برة الصورة وسبيني انا بقى مني ليهم....
+
انتهت مغادرة تاركة إياها تشتعل وتضرم النيران بصدرها لاعنه إياها على تحديها..ولاعنه ابيها على تزوجه بأخرى....كما نال سليم نصيبه لتزوجه بروفان......
12
_________
+
ولج مروان المحل متأخرًا عن ميعاد وصوله....ملقيًا التحية على كلا من بسام ومريم المنهمكين مع بعض الزبائن....
+
مضى بعد الوقت وبات المحل خاليًا من الزبائن....
+
فصدح صوت مريم بالارجاء هاتفة بصوت عالي مصوبة حديثها لـ بسام وهى تنظر بساعة معصمها:
-اخوك جاي الساعة أربعة ونص...صيح فيه زي ما بتصيح فيا انت هتسكوتله ولا إيه..لا بقولك ايه انت شكلك مدير نص كم....وشكلها كوسة بقى...
5
استنكر مروان كلماتها واجاب بدلا من أخيه:
-آه هى كوسة بقى ليكي شوق في حاجة...
5
-لا يا اخويا مليش...بس متسبنيش مع اخوك تاني...لحسن ده واكل سد الحنك..مبيكلمش كتير....وانا بصراحة زهقت... شوية وكنت هروح اجبلي سوداني ولب اسلي وقتي....
1
التوى ثغر بسام وصاح ساخرًا:
-ومروحتيش ليه حتى بالمرة كنتي جبتي موز مع السوداني....
+
شهقت مريم وصاحت:
-موز وسوداني ليه شايفني قرد....
+
-انا قولت كدة !!!!!!
3
هتف بها بسام مشيرًا على ذاته فأسترسل مروان مؤيدًا اخيه:
-هو مقالش أنتِ اللي قولتي...بس يا ترى قولتي كدة ليه؟ هل لأنك شايفة نفسك قرد!!!!...أم انك شايفة نفسك قرد ؟؟؟؟؟؟
8
عضت مريم على شفتيها وردت من بين اسنانها:
-لا وانت الصادق كنت هجبلك أنت واخوك الموز والسوداني...ميهنش عليا اسيبكم جعانين...
2
حك مروان رأسه فصاح بسام:
-فكك يا عم منها مش هنخلص دي لسانها اطول منها....
+
لوت فمها امتعاضًا وسرعان ما تجاهلتهم وبدأت تدندن مع ذاتها…
+
اكفهر وجه مروان عبسًا من صوتها السيء فهتف كي يشغلها:
-الا قوليلي يا مريم اي طموحك..نفسك تبقي إيه....
15
صمتت مريم واخذت نفسًا عميقًا شاردة بحالمية ثم ردت:
-كان ليا طموح..وهدف..بس هيما أخويا لما عرف بهدلني اخر بهدلة اه والله زي ما بقولك كدة...
6
حدق بها بسام وتحدث ساخرًا:
-ليه كنتي عايزة تشتغلي رقاصة ولا إيه ؟
24
لانت ملامحها وتركت مكانها مقتربة منه متمتمة بأنفعال طفيف:
-آه رقاصة...مالها بقى الرقاصة حضرتك بتتريق ليه ؟؟
2
ارتخت قسمات بسام فقد كان يسخر وقالها دون أن يعلم فقط أراد المزاح معها ولم يتوقع أن يصيب حديثه....بينما دوى صوت مروان المرح:
-العب....رقاصة مرة واحدة..طب وعلى كدة بتعرفي ترقصي....
22
-اومال يعني مبعرفش !!!
1
اختنق بسام من حديث مروان و حديثها عن رغبتها بالرقص فنطق بنبرة جدية حادة:
-ممكن خلاص فضوها سيرة بقى وكل واحد يشوف شغله.....
22
__________
+
تقابلت تقى مع أميرة في إحدى المطاعم بعدما قامت أميرة بمحادثتها واتفقا على الخروج والمقابلة في ذلك المطعم…
1
حيث كانا يتسامران سويًا والضحكة لا تفارق قسماتهم....وبتلك الأثناء تبدلت قسمات أميرة لأخرى حزينة...شاردة....
+
مما جذب انتباه تقى وانكمش وجهها دهشة متسائلة:
-مالك يا بنتي قلبتي وشك مرة واحدة كدة لية؟!!
+
زفرت أميرة واجابتها بأعين مثبته على نقطة ما:
-مفيش افتكرت حاجة كدة....
+
هزت تقى رأسها وقالت:
-افتكرتي إيه ؟؟
+
عضت أميرة على شفتيها ومالت بجلستها قليلًا متمتمة بخفوت:
-هحكيلك....وأنتِ شوري عليا اعمل ايه...
+
اعتدلت تقى واستعدت للاستماع لما ستقصه عليها...بينما انتشلت أميرة كوب الماء القابع أمامها...وارتشفت منه رشفة واحدة ثم تركت الكوب وبدأت بالحديث...
1
-أنا بحب واحد....بعشقه من اول ما شوفته....وحسة أنه لو قضى معايا وقت هيحبني زي ما أنا بحبه....
+
ابتسمت تقى وقالت:
-طب حلو ايه المشكلة بقى مدام حسة أنه ممكن يحبك وأنه فيه أمل....
+
استطردت أميرة ساخرة:
-المشكلة أنه متجوز...ومراته مبتحبوش قدي....مش مقدرة الشخص اللي معاها....هى العائق الوحيد بينا...لو كان سنجل كان وقتها اكيد هيحبني...وانهاردة قابلته واعترفتله بس ولا فرق معاه..
+
ارتفع حاجبي تقى وصمتت تفكر قليلًا...ثم خرج صوتها شيطانيًا:
-ولا عائق ولا حاجة..قضي معاه وقت واكيد هيحبك ومدام هيحبك اكيد هيطلقها.....
44
-وافرضي مرضاش يطلقها ؟؟؟
+
تلفظتها أميرة بترقب...فعلقت تقى على الفور دون تردد:
-وميطلقهاش ليه مدام حبك أنتِ.....
+
انتهت من إلقاء جملتها وما لبثت أميرة أن تتفوه حتى قاطعتها مرددة بعبث:
-وبعدين ده راجل يعني الشرع محلله بدل الواحدة أربعة......
2
اتسعت بسمة أميرة ولمعت عيناها خبثًا مؤيدة إياها متمتمة:
-صح الشرع محلله أربعة....
+
قالت الأخيرة مسترسلة بينها وبين نفسها:
-أنا سألتك وأنتِ اللي اخترتي...و وافقتيني اني اخرب على واحدة متعرفيهاش اشربي بقى......
29
__________
+
في المساء..
+
تقبع حنين جوار علياء على الأريكة رامقة كلا من صابر و مروان الذي أصر على جده الذهاب معه كي يحدد ميعاد زفافه....
2
فكان مروان يرمق حنين بضيق واضح من جلستها رفقتهم...ويشعر بالريبه تنتابه تجاه تلك الفتاة الذي يظهر بعيناها مُكرها…
2
بينما تحدث صابر بهدوء وتركيزه مثبت مع علياء..
-طبعا أنتِ عارفة أن المفضوح ده بيحبك...والا مكنش فكر في الجواز أنا أساسًا كنت فاقد فيه الامل..وقولت مش هيجوز أبدًا..اصل طول عُمره بتاع بنات و...
12
ارتخت ملامح مروان وتحولت انظاره تجاه صابر متمتم من بين أسنانه:
-هااار اسوح انت بتقول إيه...أنت بتقومها عليا ولا ايه ما تخليك محضر خير اومال...
+
اختطف صابر نظره إليه متمتم بمرح وفكاهة:
-بس يا بابا....
+
عاد ينظر تجاه علياء مردد:
-انا والله مستخسرك فيه واتمنالك حد أحسن ب..
6
هب مروان صائحًا بأنفعال جعل ضحكات صابر وعلياء تليح على قسماتهم:
-ما تقوم نمشي أحسن...الاه مينفعش كدة يا حاج يا تقول كلمة كويسة وتكلم في اللي جايين عشانه يا اما خد بعضك وسبني أنا أتفق....
+
-بس يا حبيبي...
+
هتف بها صابر ثم عاود النظر تجاه علياء متلفظًا:
-قوليلي تحبي تجوزوا امتى..
+
تنهد مروان بأرتياح وعاد الجلوس رامقًا حنين باشمئزاز...بينما عقبت علياء:
-يعني مثلا بعد خمس ست شهور....
+
اتسعت عين مروان وهب واقفًا من جديد مردد:
-نعم ياختي خمس ست شهور في عينك ما تدفني احسن يا ببلاوي...بقولك ايه هو آخرك شهر زيي زي إياس وسليم...هما احسن مني ولا إيه ؟؟؟؟
1
عقدت علياء حاجبيها وصاحت بتذمر ناهضة هى الأخرى:
-هو إيه اللي شهر..شهر في عينك أنت...انا قولت خمس شهور...
+
-وانا قولت شهر واحد..
+
وزع صابر نظراته بينهم ثم نظر لحنين التي تنظر لهم بدهشة مما يفعلوه...فابتسم لها صابر ورفع يديه محركًا إياها جانب رأسه بطريقة محددة قصد بها جنونهم…
1
ثم صدح صوته صارخًا في الاثنان:
-انا عايز افهم انتوا بتقفوا ليه مبتعرفوش تكلموا وانتوا قاعدين...
+
كز مروان على اسنانه وعلق بإصرار:
-انا قولت شهر واحد وإلا والله هخيم تحت البيت تحتها...او اقلعلكم في نص الصالة هنا…
11
اتسعت عيناها من وقاحته وحديثه بتلك الطريقة أمامهم...فجذبه صابر يجبره على الجلوس معتذرًا من علياء وحنين:
-معلش يا بنات اصلي معرفتش أربي...اقعد يا زفت....
2
هنا ورفعت علياء حاجبها وقالت وهى تهز قدميها:
-طب عند بعند بقى هما خمس شهور يا اما بلاها دي جوازة...
+
لزم مروان الصمت وقال هامسًا لصابر:
-ما قولنا خمس شهور...ايه شهر دي أنت عايز تكروتنا ولا ايه....
12
انتهى حادقًا بعلياء مردد:
-خلاص يا علياء انا قولتله خمسة وهوافق هو خلاص....
+
كبحت بسمتها تزامنًا مع صوت الباب الذي تعالى رنينه…
+
استأذنت علياء وذهبت تجاه الباب وقامت بفتحه فوجدت أمامها عاصم الذي ابتسم لها و قال بصوت عذب:
-مساء الخير يا علياء..
3
تناهى صوته لـ مروان فما كان منه سوى اندفاعه من جلسته واقترابه من الباب وهجومه الغير متوقع على عاصم منتشلًا إياه من تلابيه متمتم بعصبية وغيرة لا تنتهي:
-انت مش هنخلص منك بقى ولا ايه...مش قولنا هتسافر وهنخلص من اللي خلفوك يا ابن ***
+
اندفعت حنين وكذلك صابر أثناء هجوم مروان الشرس على عاصم ومحاولة علياء لفض ذلك الهجوم....
+
وقعت عين حنين على عاصم وما يحدث له من مروان الذي يهزه بعنفوان....كارهًا حومه حول معشوقته....
+
فلم تتردد بالاقتراب منهم والصراخ على مروان وإبعاده عنه عنوة:
-ايه يا أخويا مالك قافش في الراجل كدة لية ولا كأنه قاتلك قتيل..لا بقولك إيه أنا مش مرتحالك اصلا من ساعة ما جيت وعمال تبصلي من فوق لتحت وقرفان من نفسك...اخش اجبلك مخلل تحدق بيه..بدل ما أنت قالب سحنتك علينا كدة.....
10
تفاجئ كل من عاصم وعلياء وصابر من دفاعها المميت عنه....بينما تركه مروان و رد عليها منشغلًا بها:
-وأنتِ اش حشرك يختي كنتي المحامية بتاعته...
+
-ولاا بقولك ايه انا لساني طوله مترين متخلنيش اغلط فيك...وملكش دعوة بالراجل المحترم ده.....
+
إلتوى ثغر مروان وضحك بتهكم:
-اه محترم اووي....بقولك ايه اركني على جمب....
+
كادت حنين تتشاجر معه لولا صوت علياء ناهية ما يحدث...
-خلاص يا جماعة....اتفضل يا عاصم...
+
-يتفضل فين ؟؟؟!!!!!
+
نطق بها بغيرة لاحت بعيناه التي ضاقت..فلم تعيريه اهتماما و ولج عاصم وذهبت من خلفه حنين....
+
بقت علياء رفقة صابر ومروان وقالت موضحة:
-عاصم مش جاي عشاني...قولتلك دي واحدة معرفة وملهاش مكان تقعد فيه....ايه اطردها في الشارع عشان حضرتك ترتاح...
+
عض على شفتيه واجابها قبل أن يتحرك...
-لا شليني عشان ترتاحي أنتِ....
+
__________
+
تجلس روفان على المقعد الصغير المخصص للجلوس عليه أمام تلك المرآة الدائرية بفستانها السماوي الذي يتخطى طوله ركبتيها وذو اكتاف عريضة...تاركة خصلاتها الناعمة متحررة...ومنسابة على طول ظهرها
تضع لمساتها الاخيرة كي تنهي زينتها وتذهب رفقة سليم لمنزل العائلة.....
+
بينما كان يقف على اعتاب باب الحجرة يتابع ما تفعله بتفحص...كما جالت عيناه على فستانها الذي يراه قصير ويبرز جمال قدميها....مما جعل نيران الغيرة تضرم في صدره....
1
اخذ نفسًا عميقًا واقترب من تلك التي لا تشعر به…
+
مال عليها فتابعت انعاكسه بالمرآة ورفعه ليداه محاوطًا عنقها وبصره لا يحيد عنها هامسًا لها:
-ولما اخنقك دلوقتي هيبقى حلو ؟؟؟
+
دهشت من قوله وفعلته فمن يراه يظنه على وشك اخناقها وكسر عنقها فقالت مدهوشة:
-وتخنقني ليه عملت ايه انا دلوقتي !!
+
-حضرتك مش شايفة الفخاد اللي باظة من الفستان ولا العمى مسكك ؟
16
-فخاد !!!
+
-اه فخاد انا مش شايف غيرها باين من الفستان بقولك ايه قميص النوم ده يتغير بدل ما اقولك مفيش خروج خالص...
+
قالها بلهجة لا تقبل نقاشًا وهو يتحرك من مكانه..مفارقًا الغرفة..بينما ظلت تراقبه حتى اختفى...وسرعان ما ابتسمت على غيرته...ونهضت من مكانها وانتقت فستان آخر كان اسود اللون...ومحتشم عن سابقه...
1
___________
+
شددت خديجة من ضم روفان لاحضانها تحت انظار باقي العائلة المرحبين بالعروسين متمتمة بحنو واشتياق جارف:
-حبيبة قلبي وحشتيني وحشتيني اووووي حسة اني مشفتكيش بقالي سنتين مش يومين....
+
بادلتها روفان اشتياقها ذلك بآخر لم يقل عنه شيء بين هتف سليم الواقف جوارها...
-طب وبالنسبة لـ سليم يلف ويرجع ولا ايه ظروفه ؟
+
اخرجتها خديجة من احضانها ودنت منه محتضنة وجهه بين كفيها قائلة:
-حبيب قلبي أنت كمان...البيت من غيركم وحش اووووي....
+
وافقتها مهرة القابعة جانب إياس وتقى مقتربة من أخيها محتضنة إياه:
-دي حقيقة..وحشتونا اوووي...
+
كاد إياس أن يتحدث وكذلك بسام لولا صوت مروان الذي صدح من الخلف والذي جاء للتو مع صابر وتقابل بالخارج مع أيهم…
+
-سليم بشحمه ولحمه هنا...ايش جاء بك إلى هنا ايها العريس حد يخرج برضو في شهر عسله..ولا أنت شبعت عسل؟؟
1
ضم سليم شفتاه غيظًا بينما نفى بسام مازحًا:
-لا يا واد يا مروان....جاي يشق علينا وراجع تاني يكمل عسل..عقبالنا بقى....
2
توردت روفان مما يتحدثون به دون خجل أمام الجميع فأستأذن سليم من المتواجدون وقبض على ملابسهم ساحبًا إياهم للخارج..ولاحقهم كل من إياس وأيهم....بينما اقترب صابر من حفيدته وضمها هو الآخر اشتياقًا..
+
أما ميرنا فكانت تبحث عنه بعيناها وسط الجميع لكن دون فائدة...فأستأذنت من والدتها بصوت خافت وتسللت لغرفتها…
+
بينما حرصت كوثر على الحضور...بعدما تأكدت من زينتها....وهيئتها المهندمة....
+
ابتسمت بسمة لم تصل عيناها وقالت بهدوء لم تعتاده روفان:
-اهلا يا مرات ابني نورتوا البيت...
+
تبادلت روفان النظرات مع خديجة بينما تحاشت ليلى النظر إليها....فانتبه محمود لها فمال على أذنيها مردد بهمس:
-لو حبه ممكن نطلع اوضتنا ..
8
رمقته ليلى بحب وقالت بأمتنان وصوت خافت:
-ياريت...
5
اماء لها وتسلل هو الآخر ساحبًا إياها من ذراعيها...تحت بصر كوثر التي كانت على وشك الانفجار...
1
على الطرف الآخر....
كان بسام ومروان يحاولان الفرار من سليم الذي كان يصرخ بهم بغيظ:
-انتوا مش هتبطلوا قر على اللي خلفوني...عينكم وحشة....
+
استنكر مروان كلماته وقال:
-يا اخويا قول كلام يتعقل فين العين الوحشة دي ما أنت وهى زي السمن على العسل...ولا كأنها سمعتك لما اعترفت انك قابلت أحلام....
3
وافق بسام على حديثه:
-حصل..وبعدين أنت وهى بتقلبولي معدتي بحس اني عايز اجيب اللي في بطني...
6
تأفف أيهم وصاح بهم:
-خلاص بقى انت وهو سبتوا ايه للعيال الصغيرة....
+
أيده مروان وتمتم:
-قوله....
+
مسح إياس على وجهه بملل واردف:
-خلاص يا سليم كبر دماغك منهم....
+
هدأ سليم قليلًا ثم رمق أيهم الذي تحدث بضيق:
-شوفتوا اللي حصل....
+
اقترب مروان منه سابقًا سليم مردد:
-ايه اللي حصل...احكي احكي...
+
ضرب سليم كف على الاخر ضيقًا بينما تفوه ايهم وسرد عليهم ما حدث من اتهامات موجهه له ولـ رحمة شقيقة إبراهيم....
+
وما أن انتهى حتى تلفظ مروان بتركيز:
-يالهوي يا جدع وسكتله انا لو منك كنت مسكت في أمه وقلعته هدومه في نص الحارة وخليته فرجة...
12
رمقه الاربع شباب حنقًا..ثم تبادلوا النظرات الماكرة ونهضوا سويًا فهتف مروان متعجبًا نهوضهم معا:
-ايه ده رايحين في
1
كاد يسترسل لولا حملهم إياه....واتساع حدقتاه صدمه وقذفه في حمام السباحة…
11
_________
+
اليوم التالي…
+
يقبع مروان بالمقعد المقابل لمكتب صابر وهو يجلس أمامه يرمقه بنظرات جعلت مروان يتوتر في جلسته...مردد بقلق:
-في إيه بتبصلي كدة ليه..أنت هتأكلني ولا إيه...
+
ضيق صابر عيناه وقال بحدة:
-هسألك سؤال وياويلك يا ويلك يا مروان لو كدبت عليا....
+
-مش هكدب مروان مش كداب..أسأل وحط في بطنك بطيخة صيفي...
1
تنهد صابر وقال:
-امبارح قبل ما يرموك في البسين أيهم كان لممكم حوليه وبيقولكم إيه...انا سمعت نص الكلام بس النص التاني مسمعتوش احب اعرف بقى مين البنت اللي أهل منطقتها اتهموها في أخلاقها وانها على علاقة بأيهم....
2
ازدرد مروان ريقه وقال بتلقائية:
-انت بتلمع اوكر ولا إيه...
34
ضرب صابر على سطح المكتب متمتم:
-اخرس يا قليل الأدب ورد على قد السؤال مين البنت دي والا والله هكلم علياء وافشكل الجوازة بت....
4
لم يدعه يسترسل مجيبًا على سؤاله:
-دي البت رحمة اخت البت مريم اللي شغالة معايا أنا و بسام في المحل..وأخوها ابراهيم اللي كان شغال مع سليم..واللي هما هما صحاب روفان وعلياء....والواد خطيبها هو اللي اتبلى عليها وطلع عليهم سمعه أنهم بيحبوا بعض بس كدة...
45
أراح صابر ظهره للخلف ولمعت عيناه ببريق غريب متمتم بغموض:
-حلو اوووي الكلام ده ....
34
__يتبع__
+
بقلمي فاطمة محمد.
+
