رواية انثي في معتقل الحب الفصل الثالث عشر 13 بقلم عطر الورد

رواية انثي في معتقل الحب الفصل الثالث عشر 13 بقلم عطر الورد

*انثئ في معتقل الحب *

بقلم(zainab )عطر الورد

معروف لو صب الدمع .. ينشاف بس ما ينسمع

ليش اني دمعي بغيبتك .. فزز الناس الغافيه ..؟

وليش من اصيحك ما ترد .. مو تدري كاتلني البرد

واتلمس حلوك البشر .. وين الحجايه الدافيه ..؟

خايب احساسي البيه .. نقص لو روحك

المتعافيه ..!

جم دوب اكابر وانتظر .. سنت المضت مو كافيه ..؟

مهموم كل ساعه انجرح .. وبريتي يتمرجح تتن

وافكاري ما متصافيه ..!

صديت وآنه بلا عقل .. مجدوه ومسودن

مثل أم سمعت وليد انخطف .. طلعت مفرعه وحافيه

لك اني اخاف الياخذك ما عنده ( نيتي الصافيه )

مو مثلي يكتبلك شعر ..

بلسانه من يحجي الغزل .. لا بي وزن لا قافيه

وخليني اكلك ع الحصل ..!!

يـ فلان ابشرك من رحت .. وياك اخذت

العافيه

(منقول)

. ...........................

البارت١٣

مساء الورد⚘⚘

(تصويت::::تفاعل)

.......ديمة...

اركص...بس احس روحي داركص ع جراحي.....منظرهم...ما يروح من بالي...كل ما اذكر اشلون ...لازمة ايده ...وهو يضحك ...اموت الف ...موته...تعبت...

كعدت ...ما اريد ابين لحنين ...شي خطية هي ...فرحانه...اشوف عيونها ...اشلون تلمع..وكلساعة تباوع ..لحلقة...تستاهل...اباوع ع رشاء....عرفت اسمها لان ..صاحت عليها ...ام سيف...باسمها...انتبهت عليها...اشلون ..تباوعلي...حاولت ما اكعد ..قريب عنها...صحيح ..هي ما سوتلي...شي ..بس احس هي اخذته مني...لو مو هي ...اني هسة...يمكن البدالها...

بعدت هاي...الافكار ...مني...ما اريد اصير انانية...لو حقودة...لان هو ما جان ...يحبني..اني جنت..واهمة...نفسي بحبه...

اجت ...ام سيف كعدت يمي...مرة جبيرة...هي كلش حبابة...الكل ...يحترمها...اني سلمت عليها...اول ما اجت...اشوفها تباوع عليه...طول الحفلة...

ام سيف:يمة انتي....مو بنت عمه ...حنين..

ديمة:بتوتر..اي خالة اني بنت عمتها...

ام سيف:خالة انتي مخطوبة...محجوزة..

ديمة:لا خالة...اصلا ما افكر ...بزواج...اهم شي دراستي...

ام سيف:الله يوفقج..ابنيتي..ويرزقج...ابن الحلال..

اني ...سكتت...ردت بس اكوم...همزين صاحتني...امي استأذنت..ورحت ...

شوي ...واجه ...ولد ...زغير..كال يلا حظرو ..نفسكم ..راح نروح....هنه كامن ..لبسن جببهن.. ونسوان...شي اسلم..ع شي...واشوف حنين..خطية...خدها انشلع..من البوس..يباركلها...وهي تستحي..وبس تضحك...

رشا ..لاخر ..لحظة ..هي تباوعلي..ما ادري ليش..ايجوز سيف..حاجيلها عليه...واخاف حاجيلها..من اعترفتله...اني ابتعدت..كلش عنها...اجت سلمت عليه...سلام بارد...وجانت سارة يمي...سلمت عليها ...وراحت...

احنا صعدنا...لغرفة ..حنين..لان بيها ...شباك...يصير ...ع طرمة.. وباب...الشارع..يعني ..كلشي يبين...الداخل والطالع....حتى...حنين ..بعد ما لبست..فستان...لان بدلت البدلة....صعدت ...ويانه...

اشوفهم ..اشلون يطلعون...جانو خوال...حنين ...واكفين...وعمي..والولد...هم طلعوه ...

يسلمون عليهم...

شفت سيف...طلع...جان لابس...قميص سمائي...وبنطرون نيلي...يمشي...وبكل هيبة..عيوني ..ما رمشت بس تباوعله...وهو يسلم ..ع الولد...ويضحك...صاير ..بعد احلى...

اسمع حنين...اصيح..

حنين:ولجن ...سامر...اشلون حلو ...يمة..كلبي..هذا رجلي ..ما ممصدكة...وخالتي..اكللها..ولج اثكلي..فشلتينة...ما شايفه...وهي بس تباوعله...

واحنا نضحك..عليها..وخالاتي..استلمنها...تصنيف..عليها..

شفت ..سيف صعد بسيارة...وكعدت يمه رشا..

احس روحي...اختنكت..واني اشوفها..يمها..ياربي يمته اخلص ..من هذا العذاب..حرارة..صعدت لوجهي...ايدي ترجف...اريد ابعد..نظري..عنهم ماكو...وهي تشاقه..وياه..وهو يضحك...حسيت روحي غبية..من جنت اوهم..بحبه..لان هو مبين يحبها...انتبهت عليه ...حنين..حاولت تلطف الجوء..

حنين:شفتن..النسوان...عيونها اليوم ..كلها ع ديمة..

سمية:اي مرت عمهم ..اتكول.... اناسبكم...عندنه ..ولد ..وناخذها...

خالتي بسرعة حجت...

لا عيني ..اني كاللتهم..حاجزيها..لابن ..خالها ...وهاي وصية...خالها...

حنين:لا ابن خالها..ولا اهل سامر..اهناك...ديمومه..تاخذلها.. واحد محامي...

وتعيش..حياتها...

ضلينه ...سوالف ..وضحك..واكلنا..كيك ..وجكليت..وعصاير...

دخل علي...

علي...عمة ..منتظر...ايريدكم..برة منتظركم..

خطية ..بقو يتوسلون..بينه نبقى.. بس ماما ..كالت تعبانين..

انتبهت منتظر ...مادخل...لبست جبتي...ماما لبست..عبايتها...وطلعنه...بعد ما سلمت ع حنين...جلبت بيه الا ابقى..كلتها ع غير ..مرة..واني ما اكدر ..ابقى..من حادثت مهند..ما بايته يمهم...صرت اخاف...

طلعنه...ماما وصوفي ..ورانا يمشون..واني ومنتظر ليكدام...

ديمة:ليش ما دخلت...

منتظر:نسوان..وبلا حجاب...اشلون ادخل...

طبعا منتظر ..شخصية..وشوي عصبي...بس مايتعصب علينه...

...متاكد..

اي متاكد...

لا انته ماتريد...اشوف سارة...

باوعلي..صفح..كال نوصل...واسلولفلج...

وصلنه لبيت..فتحنه..القفل..لان من نطلع نقفله..دخلت ماما لغرفه..هي ومصطفى...نامو..تعبانين...اني صعدت ابدل..ملابسي...نزلت بهول...لكيت ..منتظر..كاعد..وعينه ..ع تلفزيون..

اجيت كعدت يمه..جان عندي ..حب وحلويات..خليتهن..بكاسة..وع الميز...

ديمة:يلا سولفي ...شصاير...

منتظر:معليج ..بهاي السوالف...

...بس اني موزغيرة...صرت جبيرة..جماعتي..كلها ..ازوجت...

...ضحك..كال ..ديمة سارة..تصرفتها مو حلوة..

مورزنه...وابد...مال جهال..تعال اخطبني..وتعال ..اخطبني...وعلى كلشي..

تزعل..ما تفتهميني...اني اريد...اكون..نفسي

واضمن...مستقبلج...ومستقبل..امي..وصوفي..

ديمة:يعني علمودنه ...تترك سارة لافدوة.. سارة

تحبك...

منتظر:شبيج...ديمة..سارة شاكيه..الج.

ديمة:لا والله بس خطية..

منتظر:لاحبيبتي...سارة..بكيفها..اتريد تنتظر..

اني ما راح اخذلها..بس تنطيني..مجال..

ماتريد ..الله يسعدها ..ماراح اوكف بطريقها

ديمة:لعد...وحبكم..

منتظر:الحب ..مو كلشي..هذا يروح بمرور الايام

نسيت نفسي..انته ماتعرف الحب..مستحيل..

يروح..

منتظر:يباوعلها باستغراب..وانتي منين تعرفين..الحب

ديمة:هاا..لا بس بمسلسلات..

منتظر:انتي ..كلتيها الحب..بس بمسلسلات الواقع ..يختلف...

اتنهدت..صدك الواقع يختلف...

صعدت ..فوك..مددت ع الجرباية...اباوع ع السكف..واني..منظرهم مايروح..من بالي..

وخصوصا من صارت عيني..بعينه..

وبعدين انتبهت..لحلقة..دمعت عيني..

واني ادعي..ربي ..بعد ما افكر بيه..لان اني

الطرف الخسران ..وكاعد أئذي روحي..

هسة اكيد...يخابرها...لو يتغزل بيها..

ضليت..افكر..لحد..ما نمت...

كعدت الصبح..شفت ماما ومنتظر..كاعدين..

يتريكون...

ديمة:صباح الخير..

سمية:هلا بنيتي..صباح النور..تعالي اتريكي..

رحت جبت اكلاص..واجيت كعدت..

انفتح موضوع الكلية...

منتظر:ديمة ابدي حظري نفسج ..اي شي تحتاجيه..

كولي اليه..واني اجيبه الج..

فعلا حسيته مثل مكان ..والدي..خطية مايريد

يقصر وياي..بشي..بعدين ماما ضلت تحجي ..وياه

منتظر:اخو خطيب حنين..انقبل ..انبار...همزين

ديمة طلعتلها..كوفه.. وراح يأجل سنة..

كلتلهم احنا بتنه ..انقبلت..كوفة..

ابن عم حنين كال سهلة...اهناك ..اني عندي.

صديقي مسؤؤل الأقسام الداخلية واي شي

تحتاجه..بس انطوني خبر

سمية:ياا صدك الله يخليه ويحفضه..

راساا سالته....

منو منو منتظر الله عليك شسمه..

منتظر:شبيج كمزتيني..ابن عمهم اسمه سيف

يداوم بداخليه..وهو يعرف اهناك..

ياربي ليش هيج دائما بكل ..حياتي يدخل..يحسسني

ولي امري..مستحيل اخلي..هلمرة يدخل بحياتي

كليت لمنتظر...

لا يمعود ..اني اروح من البداية..توصيات وهوسة

هسة يكلون.. ولد يوصي عليها..

منتظر:يمعودة هو بس يرتب ..الوضع..اصلا هو مزوج ما اعرف خاطب..

راح منتظر..طلع لشغله..

كلت لماما..ماما شوكت ابدي اجهز..ملابس لكليه..

سمية:بعد وكت..بس ميخالف ..حبيبتي اذا اتريدين

هسة ما راح اقصر ..وياج..

ديمة :فدوة لكلبج...

بعد أيام طلعت لسوك...افتر بسوك واسمع موبايلي يدك...حنين

حنين:هاا ولج..وين انتي..

ديمة:بسوك اجهز..ملابس..لدوام..

حنين:وماتكولي...عابتلج..اني همين ..عندي دوام..

ديمة:عمي انتي ..صايرة نشوفج...حتى من آدك..عليج مشغول ..حايرة بسامر..

حنين:هذا اكليبي شعندي غيرة...

ديمة:لعد خلي ..هو يأخذج لسوك..

حنين:لا ولج هسة اخابر علي ..اخلي...يوصلني..عندكم..

ديمة:يلا ست حنين ..منتظريج شنسوي..

حنين:فديت ديومة...

اجتنه ..حنين..ورحنا اشترينا..ملابس..

طول تجهزي..اسبوع واني فرحانه..الواحد من يروح لسوك..تتغير نفسيته..ماخليت شي ما اشتريته..واني همين عندي ملابس....لان قبل اشتريتهن لدورة..اشتريت ملابس لقسم..مالت بيت...وهواي شغلات..ماخلتني ماما ..محتاجة..وخصوصا الكلية ..تحتاج ..هواي ملابس...خطية منتظر انطاني همين فلوس ..وماما..حتى خالاتي اشترلي..

مرت الايام ...وقبل الدوام بشهر..جنت كاعدين اني وامي..ونسولف..اشلون انروح للاقسام الكلية..

سمية:خلي..نحدد يوم ونروح وانشوف..الأقسام.

الداخلية..ونخلي اخوج منتظر..يخابر كرايب سامر..

ونوصي..عليه..

ديمة:لا عفية ماما ..اني موزغيرة...اني جبيرة

واعرف اشلون اصرف...ماحسينه الا عمي..

دخل علينه وعيونه حمر...

حاتم:خوية..ام منتظر..ابوية انطاج عمره..

ديمة:طبعا جدو جان رجال..مقعد..ومريض ..هو جبير بعمر...ماجان الا علاقة..باحد..حتى جان من يشوفنه هيج..يضوج بس مابيده..شي لان مايكدر حتى يكوم...

سمية:ولطمت ع صدرها....صدك عمي مات..

وصارت تبجي..

اني انقهرت..لان جدو ما شفنه منا الموزينه..

عمي جهازه..بس يدك ..رفعه واسمع..عماتي يصيحن..

وهو كالهن..هسة بس اجيب ام منتظر..وياي واجي

عمتي كامت تغلط..هي بسببها ما شفت ابوك..ونعيم

سافر وماشافه...وبقى بوحدة..واذا تجي اكسر

رجلها..ومن هذا الحجي..هو سكتت..ومثل الأستحى

بس احنا نعرفهن عماتنه.. عادي عندنه هذا الحجي

أبويه اصلا احنا ناسيه بشهر مرة ..يخابر..

اني احجي وياه بثكل..بس منتظر عادي..

وتحجي وي صوفي...ماما ابد ماتحجي وياه

عمي..يحس بذنب..لان تركه..بس علمود يحافظ

ع حياته...

ماما كالتله..

سمية:خوية اخذ الجهال..اني ما اروح..راح اخابر..منتظر يروح وياكم..

رحنا حظرنا ملابسنه..السود ..صوفي راح وياي ومنتظر..ماما انطتنه افلوس..وكالت بالكم ع نفسكم

طلعنه...بسيارة عمو..ومرت عمي همين راحت ويانه

الطريق كله ..رجعتلي بيه..ذكريات..اشلون من رحنه تقريبا اكثر من ٥ سنوات ما داخله بيت جدو..

منا جانت بداية حياتي...اهواي شغلات ..اتغيرت

بيه ..وين جنت وهسة وين وصلت ..

بطريق حنين دزتلي..رسالة ماخلاها..سامر اتروح

ويانه...

ولج ديمة ..لاتتعطلين..ما اكدر مندونج.

رسلتها..بعد يومين من تزوجين اشلون..وضحكت

الطريق جان طويل..عمي انطه السيارة لمنتظر..

يكمل سياقه لان تعب...

وصلنه لبيت..جدي...واشوف..جادر منصوب..

يم بابهم..اثنين جوادر..لان أهل العمارة كلها هيج

دخلونا..لبيت وجان متروس..نسوان...

اني ومرت عمي ..ومنتظر وصوفي..بجادر

سلمت ع عماتي..صحيح ..سلامهن بارد..

بس عادي ما اهتميت..كعدت يم مرت عمي..

بيدي الموبايل...بس مخليته ما استخدمه..

خاف ياخذوه وين اخليه..ضل بيدي..

اسمع عمتي نضال ..اصيح..

نضال:ولج كومي...اشتغلي وي البنات ..واتركي هذا الغضب منج مدري شسمه..هذا دلال سميه..

كمت..واني ع اعصابي..لان اصيح عليه..كدام البنات

استحيت..بس هي يومين واروح..

دخلت لمطبخ..ولكيت هواي نسوان..ونصهن كرايبه

سلمت عليهم..وباوستهم...بديت اشتغل..

اصب جاي..بس ما الحك كومة نسوان..البيت متروس..حتى بغرف واكثر من ملايه..ولطم وصريخ

منا دوخة الطريق..واني ما ماكلة حسيت روحي تلعب..شافتني..مرة من كرايبنه..هيج..خطية جابتلي اكل..اكلت شوي..وهي اتكلي صايرة حلوه وكبرانه

اني بس ابتسم الها مجاملة...

مابيه حيل اجامل واحد..شافتني عمتي..كاعدة كامت اتصيح عليه ..احنا جايبج..شنو بس تاكلين..

فشلت وكمت..اغسل استكاين واصب جاي..

خابرت ماما وانطيتها..تفاصيل...كالت اكلي وبالج ع صوفي..يومين وتجين لبغداد..سلمت عليها..لان بس يشوفن الموبايل يصيحن..

صار الليل نمت واني احس ضهري مكسر..من الوكفه

نام يمي صوفي ومرت عمي...

الصبح نفس الشي...

بليل اجه منتظر..كال يلا حظرو نفسكم خلينه نرجع

لبغداد.. شغلي تركته اهناك بيبتي طفرت..

لايمة..خلي البنية يمنه ..اساعدنه..ماعندة وحدة زغيرة..اساعدنه..وعماتك خطية ..مكسورات خليها يمنه هسة..لاربعين..وترجع...ومصطفى اريد اشبع منه

ماشايفته..وعندهم عطله..خليهم ..اهنا

اني انقبض كلبي ما اريد..ابقى اريد ارجع بغداد

منتظر ماحجه شي ..سلم عليه وراح..احس اخذ روحي...وياه..اعرف راح اتعب اهنا..

صرت بس انضف ..كومي اكعدي. .صبي اغسلي

وهنه عود مكسورات..كلشي مايسون..واني طايحة

بيها..اليكول خدامة...وعيني ع صوفي خاف يضربوه

خطار يجر...يوميه...

هنه يصيحن عليه ..بس اني ما اسكت الهن ارد

اكللهن مو زغيرة ..ولا خدامة..اني بعد صرت محامية

وجبيرة..اعتمد ع نفسي..مو حسبلجن قبل..

من يشوفني هيج يسكتن...

مرة جنت كاعدة...

اخابر..بحنين..واضحك وياها ..ع سامر..دخل عمي

..ولج هاي وي منو تحجين...

عمو وي حنين احجي...

ادبسز..هاي سمية مخليه..موبايل..بيدج..وما ادري وي منو تخابرين ..

عمو شنو السالفة وي حنين قابل ويامن احجي..

واصحين بوجهي..هي هاي تربيتج..انطيني هذا

الصخام الموبايل...

ما انطيته اله بس هو جراه مني اخذت السيم كارت منه واخذه..اني بديت اصيح عليه..ومناك عماتي

يكلله الله يعلم ويامن تحجي وتضحك...

هو ضربني راشدي..يكول..انتي اصحين عليه

صوفي..ايكله مريضة..خطية اتركها مريضة

اشوفهن اشلون يباوعن. ..شكد حقدت عليهن..

نمت واني دمعة بعيني بس تخلص اربعين ارجع..

مر شهر ..واني مخلصتها بس خدمة...اجتهم خدامة وبلاش شيردن بعد...

عماتي...احسهن مكيفات..من مات جدي..لان جان

مريض وهنه عود يدارنه...

واني كليتي راح تبدي ..اشلون بيه

سمعت صوت منتظر اجه..اني فرحت..اجيت اني

ومصطفى..شبكته...

ديمة:ها منتظر اجيت تاخذنه..

منتظر:اي اجيت اخذكم لان صار عندي شغل وخاف اتأخر عليكم...

ديمة:اي هسة اجي وياك...

واسمع بيبتي..تحجي..

ولك مريضي خليها ..لاربعين..

منتظر:بيبي منو اليجبها..اني عندي شغل

ولك غير عمك موجود..شنو اتكاطعت..خليها زيارة الأربعين..وعود اتروح...

واني اكله اريد اروح..شفت عماتي مثلن الحب..كدامه ويكوللة خليها يمنه...

هو استسلم..بعد ما شافهن هيج..وهمين راح..

مر اسبوع وماباقي ع الاربعين يومين..

واني اسمع عماتي يحجن..واحد جاي عليه خطابة

وهنه موافقات..ويمكن كايلات لعمي وهي جبيرة

ودراسة ماتفيدها..وخصوصا بكوفه...

وهو راضي ...اني انصدمت..ايريدن يبعدني عن امي

وهنه يقررن مستقبلي....مستحيل اني اتنازل عن كليتي..كل تعبي يروح..

انتظرتهم ينامون..اخذت موبايلي ..من كنتور عمتي جانت ..نايمة. دخلت ع كيف ..فتحت الكنتور..

واني ادعي ما تكعد..بس هي اشوخر رايحة بسبات

اخذته ..ورحت طلعت ..شكلت سيم كارت..

خابرت امي...وحجيتلها ع الصار...

هي تخبلت..وكامت اصيح...

وكالت اجي اني عليج..كلتها لايمه ..بعد يومين اني يمج ضليت اهدئ بيها...

وكلتها لايشوفني..سديت الموبايل..

طلعت منه السيم كارت...

رجعته واني لازمة كلبي..خاف تكعد...

نمت ثاني يوم..بدينه نحظر..لاربعين حلويات واكل

وسوون ملاية لان بليل نطلع لنجف...

شفت هاي المرة التريدني لابنها..وهي ابنها جبير

بعمر..حتى شافني...

عماتي عندهن خطة..بس اني حتى لو اضطر أشرد

منهن...

بليل حظرنه الغراض...ورحنة بكوستر..متروسه نسوان وجهال.. اني وصوفي رحنه..

وصلنه لنجف..واني اول مرة ادخل بيها بس ما خفت

صحيح المنظر مرعب بس عادي لان ناس بيها..

لازمة مصطفى بيدي..خاف يضيع..

شفتهن وصلن لكبر ..جدي ..وبس بجي وعياط..

واني اصلا مصدومة..بلبيت ايكولن همزين خلصنه

جان متعبنه..وهسة اليشوفهن ايكول صدك يحبنه

خلصن من جدي واني رحت ازور كبر خالي..

اول مرة ازورة..وبجيت..يمه وصرت احاجيه

ليش تركنه...شبعت بجي...

طلعنه من المكبرة...واتجهنه لإمام علي..

وهاي..لزكتلي جنتي ماجنتي..ع ساعة اضربها

ردت تشرد من الوضع لان..سمعت بيبي اتكوللها

بعد الزيارة نعقد ومانسوي..حفلة...

ضليت مصدومة معقولة..مخططين لكلشي بدون ماياخذون رأي...

مستحيل ارجع وياهم..لان اذا ارجع اكيد يزوجني

هذا الشايب هو أكبر من عندي...بهواي ..

دخلو لامام..اني استغليت..الفرصة علمود اشرد

جان الإمام بيه اكثر من باب....

اتختلت اخذت مصطفى...

ورحت طلعت من الحظرة..واني اركض ..صرت ادخل بافرع...بس ردت ابتعد عنهم ..ع الرغم اني حتى فلوس ماعندي...

اركض وبايدي صوفي التفت..خاف واحد وراي

كلبي يدك سريع...ما اعرف وين اروح..بس اركض..

وتستمر...الحكاية...

____^_^^^^^______^^^__^

الرابع عشر من هنا

تعديل المقال