رواية ضي قلبي الفصل الحادي عشر 11 بقلم رانيا العربي

رواية ضي قلبي الفصل الحادي عشر 11 بقلم رانيا العربي

                                              

علي سطح قصر الهواري تنتظر ضحي حبيبها فارس الذي يضمها من الخلف ويحيط خصرها ويديرها لتواجه وجهه ونظرته العاشقة 

فارس وهو يزيح شعرها خلف اذانها : وحشتيني يا ضحي 

ضحي وهي تضرب صدره برفق : والله آمال كنت فين بقالك ٣أيام يا فارس حرام عليك قلبي مش متحمل مش كفاية ضي انت كمان لا بترد على الموبايل ولا بتيجي البيت 

فارس وهو يقبل رأسها :حقك عليا يا ضحي بدور على الكلب اللي اسمه مازن تقولي فص ملح وداب حتي الزفت صحبه ده مش عارف عنه حاجه 

ضحي : مش مهم مازن دلوقت المهم ضي يا فارس نفسي تفتح عنيها وتتكلم معايا ان شاء الله حتي تضربني بس ترجع للدنيا تاني

فارس وهو يضمها الي حضنه : هترجع لينا تاني سليم بيعمل اللي عليه واكتر 

ضحي بعبوس وغضب وهي تخرج من حضنه : وحياة أبوك يا شيخ بلاش سيرة اخوك اللي تفور الدم دي 

فارس وهو يضع يده ع كتفها : ممكن تهدي انا عارف ان أخويا حمار وضيع عمره وعمرها في اختيار اهبل 

ضحي بتعجب : اختيار ايه مش فاهمة

فارس وهو يحاول الهروب :انا قولت اختيار مقولتش 

ضحي وهي تمسكه من قميصه : انت بتكدب يا فارس ليلتك طين يا ابن عادل

فارس وهو يضحك عليها: بتقولي ل ضابط قمر كده زي بتكدب و طين و ابن عادل

ضحي بحده وشراسة : بقولك ايه متهربش وقولي بقي حكاية اخوك ده وبعدين مش كان مش بيطيق البت ده مشفهاش من وهي عندها ١٦سنة وسافر وقال بالسلامات ورجعلنا بالست صافي في أيده وقال هتجوزها وكسر قلب البت ودلوقتي مش عايز يسيبها ولازق فيها وانت لازم تفهمني 

فارس : طيب حاضر بس بلاش نظرة الشر دي يا بت انتي عارفة قلبتي وحشه

ضحي بمشاكسة : احنا آسفين يا صلاح

فارس وهو يمسكها من قفاها :تعالي طيب قدامي

ضحي بمشاغبة : طب بلاش مسكه المخبرين دي يا عم انت 

فارس بضحك : اتحركي يا بت 

ضحي وهي تؤدي التحية العسكرية : أوامرك يا باشا

فارس وهو يضرب كف ع كف :بحب مجنونة وهتجبيلي عيال هبل زيها

ضحي وهي ترقص حواجبها :الله يسامحك 

❇❇❇❇❇❇❇❇❇❇❇❇❇❇❇❇❇❇❇

..في مطبخ القصر...

تدخل زهرة زوجة جلال وتصرف جميع من بالمطبخ وتبقي وحدها هي وأختها شادية 

زهرة بتساؤل : ممكن اعرف انت ايه جرالك مش بتتحدتي معايا ليه

شادية بأستنكار : اتحدت معاكي ليه يا خيتي 

زهرة بصراخ : بقولك ايه يا شادية انا ع اخري قولي مالك بقي 

شادية بضحكة سخرية : وايه اخرك يا بنت ابوي هتعملي ايه تاني هتخطفي راجلي ابو عيالي حب عمري 

زهرة وهي تكتم فم أختها : بتقولي ايه يا مجنونة انتي اتخبلتي 

شادية وهي تنزع يديها وتمسكها من ذراعيها وتتحدث بشراسة كفحيح الأفاعي : شوفي يا بنت ابوي كله إلا عادل ، انا فهمتك قبل سابق وبسببك وجعت قلب ابني زمان بس لا يا زهرة مش شادية اللي يتاخد حاجة ملكها (وتزيحها بقوة من امامها وكادت ان تقع ولكن استعادت وقفتها بسرعة وتنظر بصدمة من حدة وغضب أختها)

❇❇❇❇❇❇❇❇❇❇❇❇❇❇❇❇

يدق باب مكتب زين الهواري وتدخل الخادمة بعد ان يسمح لها

سامية : يا حاج زين ناصر بيه الشرقاوي بره وعايز حضرتك

زين بتعجب شديد : ناصر وده عايز ايه دلوقت ، خليه يدخل يا بتي

سامية وهي تخفض نظرها وتتجه نحو الباب :حاضر يا حاج اعمل قهوة 

زين وهو يرمقها بنظرة مبهمة : اعملي يا سامية اعملي

سامية :تؤمر يا حاج 

يدخل ناصر بهيبته وهيئته الشرسة بنظرات قاتمة وابتسامة خبيثة 

ناصر بصوت اجش : سلام عليكم يا كبيرنا

زين وهو يرمقه بنظرات متفحصة : وعليكم السلام يا ناصر ، اقعد يا ولدي

ناصر وهو يجلس ومازال محافظ ع الابتسام : انا قولت هتطردني يا حاج

زين : من ميتي الكبير بيطرد ضيف يا ناصر

ناصر : معاك حق كبير في اخلاقك يا حاج زين 

زين بثبات : قول يا ناصر سبب زيارتك ايه علي ما القهوة تيجي

ناصر : شوف يا حاج زين انا عرفت اللي حصل مع حفيدتك ست البنات ضي 

زين بوجه متجهم ولا يظهر عليه اي تعابير : وبعدين يا ولد الشرقاوي

ناصر : هخيرك يا حاج وانتظر قرارك 

زين بنفاذ صبر : قول يا ناصر اللي عندك 

❇❇❇❇❇❇❇❇❇❇❇❇❇❇❇❇❇

..بغرفة سليم ...

كانت صافي تقوم بترتيب الحقائب بعد ان اخبرها سليم بمغادرتهم ليلا إلي المطار وتدخل عليها حماتها 

شادية : ايه يا صافي يابتي خلصتي

صافي : أيوة يا طنط خلاص خلصت خير حضرتك عايزة حاجة مني

شادية وهي تجلس على السرير وتجذبها لتجلس بجوارها : أيوة عايزاكي في كلمتين يا بنتي ، انتي مش ناوية تخلفي ولا ايه أنتو بقالكم كتير متجوزين

صافي بحدة : اظن يا طنط دي حاجة شخصية و حضرتك ملكيش تتدخلي فيها وبعدين انا و سليم مقررين مش دلوقتي الموضوع ده خالص

شادية بنظرات غاضبة : يعني ايه بقي الكلام ده

صافي بتأفف : يعني زي ما سمعتي وبعد إذنك بقي عايزة اخد حمام وارتاح شوية قبل السفر 

شادية تقف وتتجه نحو الباب وتصفعه بشده : بنت قليلة حيا صحيح وانا اللي قلت بنت ناس 

صافي في الداخل وهي تتكلم مع نفسها : يعني فاكرة نفسها مين دي عشان تقولي اخلف ولا مخلفش كانت نقصاكي 

تنزل شادية درجات السلم غاضبة وتصطدم بنوارة 

نوارة بتسأول : مالك يا بت عمي عفاريتك طالعة أكده ليه

شادية : اسكتي يا نوارة اسكتي

نوارة : طب تعالي نقعد نحكي شويه ..وتذهب معها شادية وتحكي معها مع حدث مع صافي

شادية : شوفتي يعني انا خايفة علي مصلحتها قلت لو حملت دلوقت سليم عمره ما يفكر يسيبها وهتبقي ربطته بالعيال بس نقول ايه بنت الذوات خايفة علي جسمها وشكلها 

نوارة بحزن : للدرجة دي مش بتحبي البت ضي 

شادية بتهكم : شوف انا في ايه وانتي بتقولي ايه ، ايوة يا نوارة مش بحبها ومتلقش بالدكتور سليم صافي هي اللي تليق بيه 

نوارة : وكنت أنتي ايه عشان تليقي بالبشمهندس عادل يا شادية واختك كانت ايه عشان تليق بجلال بس نقول ايه الغيرة وسواد قلبك انتي واختك زي ما هو ، انا قلت كبرتي و عقلتي بس لا معاها حق البت تقولك أمور شخصية ، روحي لابنك وقوليله موتي قلبه كمان مرة 

شادية : بتعايريني يا نوارة ، وانتي كمان كنتي ايه عشان ياخدك صالح المتعلم أستاذ الجامعة وكمان أرض بور لا عرفتي تجيبي واد ولا بت 

تدخل ورد بكرسيها وتسمع الحديث بينهم وتشعر بدموع بنتها فهي ورد الزيني وبنتها نوارة الهواري من سيكون يوما سببا فى دموعها سيتحمل الكثير 

ورد بصوت غاضب : شادية 

شادية و نوارة بفزع : امي 

ورد بحدة ونظرة غاضبة : ع بيت ابوكي يا شادية ولما يرجع جوزك لينا كلام تاني

نوارة بأستعطاف : لا يا امي عشان خاطري احنا كنا بنحكي سوا وغلطنا في بعض

ورد بحدة وثبات : قولت اللي عندي امشي من قدامي يا شادية لمي خلاجاتك ، وانتي يا نوارة قومي يلا ع العربية أطل ع البت اللي في المستشفى 

تجري شادية ع غرفة زين ربما تستطيع أن تجعل ورد تتنازل عن أمرها ، تستمع لجزء من حديث ناصر مع زين 

شادية بمكر : طيب ما هي هتخلص أهي بس مش هطلع من بيتي ..وتختفي عندما تسمع صوتهم يقترب من الباب 

يخرج زين مودعا ناصر الشرقاوي 

ناصر : هستني منك خبر يا حاج زين 

زين وهو يسلم عليه : ربنا يقدم اللي فيه الخير سبني يومين أفكر واردلك خبر ، بت يا سامية

سامية : أمرك يا حاج 

زين : وصلي ناصر بيه للباب واعملي قهوة تانية 

سامية : حاضر يا حاج ، اتفضل يا بيه 

وما ان خرج ناصر من القصر حتي ركضت شادية تجاة عمها محاولة منها حتي تستطيع المكوث في البيت 

شادية : الحقني يا عمي

زين : في ايه يا شادية مالك حصل ايه

شادية : امي ورد قالتلي اروح بيت ابوي 

زين : بتقولي ايه ليه ومن غير ما اعرف طب روحي انتي يا شادية وأنا هتصرف

شادية وهي تقبل يده : والنبي يا عمي معملتش حاجة مقدرش اسيب عيالي 

زين : امشي يا شادية شوفي بتعملي أيه

يتصل زين علي زوجته الحبيبة المتمردة التي لا تسمع سوي لصوت عقلها فهو عشقها لقوتها وصلابة شخصيتها فهي درع قوي لتلك العائلة حتي وأن كانت قعيدة مازالت هي مالكة قصره وقلبه 

زين بحب : السلام عليكم يا ورد حياتي

ورد بأبتسامة خجلة : وعليكم السلام يا زين هواره

زين : هو مين كبير بيت الهواري 

ورد بحدة : انت يا زين بس هتقولي طردتي شادية ليه هقولك مش بنت ورد الزيني اللي تتعاير ولا تنزل دموعها عشان بنت اخوك 

زين : مين يقدر يقول كده علي نوارة بيتنا

ورد : بنت اخوك وانا قلت اللي عندي 

زين : ماشي يا ورد أهدي بس ، قوليلي صحيح نوارة دي بنت ورد الزيني بس و زين الهواري ملهوش اي مجهود في العلاقة دي يعني

ورد بضحك : ايه يا زين الكلام ده انا في ايه ولا ايه دلوقت وبعدين أدعي البت تفوق بقي 

زين : يارب ان شاء الله هتفوق ، ونشوف موضوع ضحكتك اللي أخيرا نورت الدنيا من وقت اللي جري 

مع السلامة يا ورد حياتي

ورد : سلام يا زين عمري وايامي كلها 

يجلس زين وعلي وجهه ابتسامة فمازالت تلك العاشقة المتمردة رغم مرضها تحتفظ بقدر من البراءة والرقة والجمال ويتمني من قلبه ان تنجح تلك العملية التي ستجريها الشهر المقبل حتي يستطيع أن يرأها مرة أخرى تمشي بين أروقة القصر بتلك الطلة المبهرة وفي ذلك الوقت تدخل شادية وهي تحمل فنجان من القهوة وتضعه على طاولة المكتب أمام عمها وكانت تهم بالانصراف ليوقفها بصوت هادئ : العربية مستنياكي بره يا شادية علي بيت ابوكي مش نوارة اللي تتعاير ولا دموعها تنزل عشان حد 

شادية : يا عمي هي كمان عيرتني بجهلي 

زين بغضب : جنيتي اياك دي بنت زين الهواري ، أخرجي دلوقت قبل ما اتصرف تصرف مش هيعجب حد وأصل 

❇❇❇❇❇❇❇❇❇❇❇❇❇❇❇

..في المستشفى ..

يدخل جلال الي غرفة نور يجدها نائمة و بوجه شاحب ولكن مازالت تلك المرأة التى خطفت قلبه ليمسح على شعرها برفق ويقبل جبينها ويخرج سريعا وما ان خرج حتي فتحت عيونها ولمست مكان القبلة بيديها وقبلتها كأنها تعيدها له 

نور ببكاء : سامحني يا جلال سامحني يا حبيبي

..تدخل شمس إلي غرفة ضي وهي ع نفس الحالة تمسك يديها وتقبلها من خدها 

شمس بدموع : جري ايه يا بت ايه كل النوم ده اصحي بقي انتي عارفة الواد سليم سافر من يومين وهيرجع بكرة وجع رأسي يا بت اتاريه بيحبك قوي يا ضي بس كان حمار بيتصل كل ربع ساعة ، انتي لازم تفوقي عشان تقوليلي اعمل ايه مع اخوكي هاشم اللي اتغير ومش مفارقني كأننا عرسان جداد بس فرحتي ناقصة عشانك وعشان عارفة ان هاشم هيزهق ويرجع لطريقه تاني اصل اخوكي مريض والنسوان هما مرضه ما انا عارفة من زمان افتكرت حبي هيغيره بس طلعت هبلة ، هاشم عمره ما حبني هاشم حب حبي ليه بس انا تعبت وقلبي تعب يا ضي فوقي و قوليلي اعمل ايه النهاردة هيروح مصر للرقاصة اللي بيصرف عليها ، انا عرفت ان حكايتنا خلصت لحد كده فوقي عشان تاخديني في حضنك و تواسيني وتقوليلي بكرة خير يا شمس حياتي انا تعبانة اوي يا ضي 

تخرج شمس من غرفة ضي وهي تبكي كان مروان في الرواق ويلاحظ دموع شمس يذهب نحوها يظن أن ضي بها شئ يمسكها من ذراعيها هاتفا : ضي مالها فيها ايه جرالها حاجة انطقي 

شمس بحدة وهي تنزع يده : انت مجنون يا جدع انت ولا ايه ، ازاي تمسكني كده ، وبعدين انت مالك اصلا ب ضي 

مروان وهو يتابع قسمات وجهها البرئ ودموعها المتحجرة في عيونها : انتي كنتي بتعيطي ليه ، عيونك الحلوة دي مش للبكي ابدا 

شمس بتعجب وهي تضرب كف ع كف : انت مجنون يا جدع انت وبتعاكس كمان

مروان :مين ده اللي بيعاكس ومن قلة البنات الحلوة ولا ايه ، وبعدين انا خال ضي مروان الأنصاري

شمس وهي تعقد يديها ع صدرها : بقي انت مروان 

مروان بغيظ : أيوة انا مروان انتي بقي مين يا حلوة 

شمس وهي ترفع أصابعها بتحذير : أحترم نفسك يا جدع انت وبعدين أبعد من طريقي ، وتاني مرة لما تلاقي شمس الهواري ماشية في طريق امشي في عكسه عشان مش هيحصلك خير ابدا ، أما بلاوي صحيح بتترمي علينا 

مروان مع نفسه بعد ان تبتعد عنه : بقي انتي بقي حلاوة شمسنا يا قطة 

❇❇❇❇❇❇❇❇❇❇❇❇❇❇❇❇❇

بمكتب راجح المحامي..

عمار : انت بتقول الدكتورة قالت ايه 

راجح : قالت حاجة في مصلحتنا يعني كده من اول جلسة كل شيء هينتهي 

عمار : انا مش مصدق يا استاذ 

راجح :بنتكم بنت ناس يا باشمهندس غيرها كانت فضحته من اول يوم دي عاشت معاه سنة ومحدش يعرف حاجة ولولا اللي عمله معاها ممكن كانت بقيت العمر كله ومتكلمتش 

عمار : المهم الجلسة أمتي 

راجح : بعد اسبوع من النهاردة 

عمار: شكرا يا استاذ سلام عليكم واتمني الموضوع يخلص بسرعة

راجح : ان شاء الله تفوق هي كمان وتبقي الفرحة فرحتين 

عمار : يارب يا أستاذ 

❇❇❇❇❇❇❇❇❇❇❇❇❇❇❇

..في لندن ..

صافي : انت هتسافر برده يا سليم 

سليم : أيوة انا قولتلك اني هوصلك وارجع 

صافي : بس انا مش عايزة ارجع مصر يا سليم 

سليم ببرود :خلاص خليكي و علي طول لو عايزة 

صافي : انت بتقول ايه 

سليم : بقول مش بحب اللعبة البايخة اللي عملتيها عشان أجيب ي معاكي وابوكي زي الفل بس أمك بتعرف تخطط صراحة وكنت هشرب الموضوع لولا حظك الأسود اللي خلاني رجعت وسمعتك انتي وأمك وانتوا بتتفقوا مع ابوكي علي اللي هتعملوه عشان مسافرش 

صافي بصدمة : سليم انا عملت كده عشان أحافظ عليك 

سليم ببرود : اللي عايزة تحافظ عليا تقف جنبي مش تخليني اتخلي  عن عيلتي عشان أنانية و مش بتفكر غير في نفسها اتخنقت من الشقة يا سليم عايزة فيلا جبت فيلا العربية يا سليم قدمت انا زهقت من حر الصعيد يا سليم مش ده كلامك ولا انا بظلمك 

صافي بعصبية : انا أنانية و انت ايه ها مش بسببك انت ...

سليم مقاطعا :خلصت يا صافي انا ماشي ولو عايزة ترجعي مش همنعك مش عايزة تكملي انا هحترم قرارك ..

...ستوب ...💟💟💟

متنسوش التصويت وتعليقاتكم ارائكم الحلوة يا حلوين وتوقعاتكم للي جاي 

اعتذار واجب عن التأخير  اسفة جدا وان شاء الله هلتزم بالمواعيد ومش هتاخر 💋💋

3

الثاني عشر من هنا 

تعديل المقال