رواية عروس الهور الفصل التاسع 9 بقلم هيلانا
#صبـاح الخيـر
3
#عروس الهـور
+
لا تنسون تصـويت وتعليق
على الفقـرات لطفأ ومتابعة للحساب
+
لـ أنستكـرام 22_mc.al
+
꧁_______________________________꧂
+
الى أينَ ؟
- اليّك دائِماً .
2
........................
+
:-ويـن شمـس سالم
+
بهل أثنا دخل دكتـور مويد.. من شافنة أرتبك كال:-شجن هلة عمو هله بيج
+
:-هله بيك عمو أجينة نشوف شمس
+
كعد أكبالنة وهو والدكتور عارف تبادلو النظرات كال بتوتر:-ماعرف شلون أصارحكم
6
ازاد:-بشنو دكتـور
2
عارف:-صراحة البنية نهزمت من المصـح
+
هو كال هيج لو أني روحي نبهتت أحس دخت وازاد فز من مكانة:-شنووو... شنووو عيدلي شنو أنهزمت
5
عارف:-والله هذا الي صار
+
ازاد:-وانتم شنو شغلكم أبنية مريضة حالتهة مو هلكد شلون تنهزم وين عنها وين حس المسولية عدكم
1
مويد:-ندري بس والله اول مره أتصير عدنة هيج حالة واحنا مصدومين مثلكم
+
ازاد:-منو كالكم أنهزمت وين الكامرات هذا المصح بي كامرات
+
عارف:-طبعا بي أحنا شفناها باالكامرات اكو شخص أنتحل شخصية دكتور وطب أخذهة وطلع واكو دكتور هنا مساعدة للاسف بعد التدقيق والتحقيق أعتـرف وقدمنة بي بلاغ ولازم يتعاقب
1
شجن:-هاي الناس أمانة عدكم شلون هيج يصير
+
ازاد:-وانتم نايمين مو متدورن عسا مايحترك المصح بلي بي... التفتلي، بعصبية:-كوومي شجن وانتم أحسابكم بعدين اذا ما سديت هالمصح بيدي وسحبت أجازتـة وخليتكم تجدون ما تسمة بسمي
50
اخذني وطلعت ودموعي تكت وهو صاير نار كال بحقد:-والله جنت متاكد كتلهم عمي خاف عاشكة خاف واحد مقشمرها شني مخطوفة اول تالي تصير هيج سالفة عدنة وبت عمي أني منو يفكر يخطفه ويندك بيه هو الي يسمع أسمي يكدر، يكرب، من العشيرة بس مثل ما توقعت هي بنفسها هاي اكيد مسويتلهة فد سالفة واحد ضاحك عليها
104
:-لحظظظة ازاد اكيد اكو شيء لا تكعد تحلل من كيفك
2
:-لاااا ماكو شي واضحة مثل عين الشمس اختج الشريفة عاشگة واكيد نهزمت وي عشيگهة وهاي كله سالفة جذب بجذب حالة نفسية وخطف والله ياللة شلون فرخة بكد الجف تضحك على زلم مشوربة بسيطة شمس بسيطة الا أطيح حظج
66
جبنـة الطريق كله أني أبجي وهو يحجي على شمس مزقهة تمزق وصلنة وكال للاهلي
+
خلا ماما تلطم تخبلت كطعت شعرها وهي دكلة بناتي شريفات وهو يطعن بينا بالحجي
9
الله يعثرج شمس على هل دكة السودة
6
لحد الليل هو مشـة وكال راح يدورهة بنفسـة ويلگاها
9
.
.
+
العصـر.. رجعت للبيت متاخـرة من شغلي
+
وأني داخلـة لاكنـي رجال غريب بيتنا وجه بوجه وبابا وراة ديوصلـة للبـاب
+
واكف قريب لبابا، طويل لابس قميص أبيض وبنطلون حني داكن، عيونه كحلية
22
وهذا اكثر شي يجذبك بي ويلفت نظرك
+
بابا لتفتلي بسرعة، وكأنو يريد أن يكول شيئً بس الرجل الغريب سبقه.
+
مد أيدة وكال بلطف:- شجن مو؟
+
حاولت أبتسم بس ارتباكي واضح:- أي، أني بس... منو حضرتك؟
+
:- صديق الولد.
+
بابا بسىرعة گطع حديثـنة وكال:- فوتي جوة، بابا.
1
:-لا، خليها تتعرف علي شنو المشكلة.
21
سالم:-لا، فوتي جوة!
+
حسيت بتوتر حاولت أتفادى نظرة الرجل الغريب:- طيب بابا ..
+
واني أدخل ألتفت لآخر مرة، أشوف الرجل الغريب واكفً بابتسامة غريبة، وعيونه الكحلية تتبعني
6
ما ارتاحيت للموضوع حسيت اكو شي وهذا الرجال اول مره اشوفـة
+
ما شايفـتة من قـبل....لكيت ماما حاطة ايدهة على خدهة وصافنة وحدهة بالصالة
+
قربت منها بستها بخدها شالت راسها وكالت بدون مقدمات فجاءة:-شجن بعد ماكو شغل
2
:-شنو يعني؟
+
:-روحة لدائرة ماكو
+
:-غير فهم ليش
+
:-بدون ليش كافي أني تعبت منجن.. ابن خالتج عمر راح يجي يخطبج وتزوجين وتستقرين بيت زوجج لا شغل ولا هالسوالف
37
:-ملاحظين نفسكم دا تعاقبوني على سوالف شمس انييييي شكوووو
+
:-لا ترفعين صوتج وهذا اخر، كلام يلا كومي تعشي
4
:-ما يحتاج أسممتت بعد
+
عفتها وصعدت احس راح أطك شدعي عليج شمس دمرتينة كلنة
47
اختنگت كلش كمت صعدت للسطح ارتكيت على الستارة واباوع للشارع وتنفس بعمق
+
اخذ شهيق زفير وكلبي مقبط كلش...التفت شفت مرام صاعدة هم على سطحهم
2
وبيده لايت وتشر بالضوء تشغل واطفي.. دورت لي حجارة وشمرتهة عليها
4
فزتتت والتفت شافتني وضحكت:-لمنو كاعد تفتحين دبل أشارة
+
:-لصاحبتـي
+
:-قصدج صاحبج
+
:-ديلا صاحبـي، عدج مانع
2
:-ليش ما توبين دشوفي شكاعد يصير بينا ماتاخذين عبرة
+
:-خاب والله بطرانة يا عبرة هسه الخطف شمس شمالة ما خطفني وياها.. اكلج فدوة اذ رجعت شمسية مرة ثانية كليله:-تشوفلي واحد من ذولة الخطفوهة
11
:-واللة تمسلتين
1
:-شمسلت والعباس مليت مكابلـة ارشيدة وفاهم
طبعا امها وابوها هي شوي ضاربة ميانة وياهم
+
عفته تاشر فوك ونزلت
+
ثـاني يـوم طلعت من الصبـح وحدي
رحت لمكان ما رايحتلـة من قبـل
+
حبيت أبتعدت عن الضجـة والفوضى الي كاعد أتصيـر بحياتنا
2
فتحت أيدي وقطرات المطـر تنزل على أصابعـي عيوني أدور بالمكان
+
لـاول مرة أستشعـر الحياة بكل حواسـي
سمعت أصوات الطيـور وهي تلعب بالمـي،
+
أتنفست بعمق وأني أستشعـر كل تفاصيـل الحياة
من قطـرات المطـر الي تنزل على وجهي
1
لصـوت الطيور الي تلعب بالمـي
+
جنت محتاجـة أبعد واخذ نفس بعيد جوء بيتنا المشحون "شمـس"
+
اي "أختي" الما خلت النـا أعتـبار وخلت سمعتنـة بالاراضـي
6
ليش هيج سوت..؟
6
زين لو تحـب شخص ليش ماكالت يعني مثلا بابا راح يرفـض اصلا بابا ديمقـراطي
20
وميحب الجـبر على شـي..
+
زين معقولة سوت كل هل تمثيلـة هي ومرام حتى تنهزم وي حبيبـه
18
ومرضه حتى هذا جان جـذب لعد شكد أني على نياتي وصدكت وجنت خايفـة عليها
3
دورت فرصة ونهزمت ويا... زين ليش رجعت خوب من الاولى وتبقى لا ترجع بعد
+
الحياة مو عادلـة ومتعـبة بطـريقة تخليك
تشتهـي الموت حتى ترتاح
1
الايام صعـبة والحجـي عبـر شمـس
ووصـل الـي
+
وكل شوي وكالـو سالم متيـه بناتـة وخوش جابلـة
نكسـة الـراس
5
كمت بعد ما تبللت ملابـسي ودخلت لواحـد من المحـلات اشتـريت ماي وعلبـة جوكليت
8
اعتقد سكري هبط لان دا ارجف وادية ترجف او أحتمـال بردت
2
بلكي اوصل البيت قبل لا أوكع على نفسـي
+
أنوب أنتبهت الشارع يصوصـي وماكو سيارات
ودنيا غيمت وصارت ظلمة
+
جنت دا اريد أعبـر الشارع للطـرف الثـاني
وشفـت هذا الولـد صديق بابا
1
ابو عيون كحليـة واكف يم سيـارتة وبيدة كلنس يمسح بصابعـة
+
ويمة شخصيـن لابسين قوط رسميـة اسود
شفتة مشة يريد يصعد
+
عاد مشيت سريع كلت بلكي الحك عليه ياخذوني وياهم ويوصلنـي للبيـت
23
لا أبقى انوب
+
مشيت سريع وسيارة تحركت.. صرت كدامهه فهو كبل وكف
+
نزل سايق واني انداريت من جهه الثانية وين ماكاعد الرجال صديق بابا بالخاني ورة
+
دكيت الجامة ونزلهه باوعلي بستفهام وبعدني ما فتحت حلكي وهذا السايق لزمني من
+
ايدي كلي:-يا أنسة ممكن تبتعدين عن الطريق
+
نترت ايدي منـة و حجيت واني اباوع للرجال:-مرحباااا عمو ممكن توصلني بطريقك
15
عكش وجهه بسـتغـراب وكال:-عمـوو...!! واوصلـج
+
هو حقة يستغـرب لان شاب مال عمو بس يعني صديق بابا وهم غريب فكلت احتياط اكولة عمو
3
عادي اذ، يرد اكلة حبيبي المهم يوصلنـي... استغفرلله صرت مثل شمس دماغسزز
29
اشرل لسايق يوخرني وهو رفع الجامة لزمني السايق من ايدي واني تحركت بعشوائية
7
رجعت ادك على جامة وهو يسحل بيه..:-خاااب عوفني
+
:-يا أنسة لا تخلينة ناذيج
+
:-بس اوكف احجي وي عمو
4
جان هو رجع فتح الجامة حجيت بسرعة:-اني بت صديقك سالم معقولة معرفتني فدوة بس وصلني وعلي تكسب اجر لان مگطوعة هنا
+
:-سالم...؟ سالم منو
+
:-زين عوف سالم وصلني تكسب اجر
25
رد من ورة خشمة:-ما أحب هاي الفعاليات
+
:-لو سمحت حتى لو بس لشارع العام
17
تاففف وفتح الدكمة صعدت بصفة بتعد على جهه ثانية
5
احس توترت من تصرفة الخايس ومنا سيارة صنته وهو ساكت
+
ويحك طرف خشمة بجكارة .. طلعت جوكليتة من جيبي فتحت الخط
3
وصوت القرقعة مال الخط مسموع بوسط الهدوء
حطيتهه بحلكي الوج وصوتي مسموع
32
رجعت طلعت مصاصة گرطته .. ثواني التفتلي
:-صوتج شني مكعدلي صخل يمي يكرط خبز يابس
90
:-عيب عليك أنتقي الفاظك يا محترم
+
:-ذبي المصاصة من حلكج
6
:-اني متوترة وهاي تخففف توتري
3
خـزرنـي وحجـة:-زعجتيني... التفتت لسايق وكالة بامر
+
:-اوكف جهاد ونزلها
10
:-لااااا لحظه بس وصلني
+
:-نزلها جهاد
+
جهاد عيونة تنتقل بينه محتار هو يكلـة نزلها وأني اكلة لحظـة
+
ضجت منه كلش حجيت منزعجـة:-شدعواك شجاك تسودنت
3
ما صار حجيت هل حجاية لو هو تخبـل التفت يدور ويصيح:-مسدسـي وييييين مسـدسي جهاد
42
وظاهر مالكة مسدسة رفع راسة وكالة بعصبية
:-جيب مسدسك
+
كل هذا واني مصاصة بحلكي وجامدة اباوعلة
وذاك جهاد ماكال لا انطاة مسدسة
+
ما حسيت غير بفهوة السلاح على راسي
حجة بتهديد:-أنزلي لا أتهور وأگتلـچ
1
من خوف معرفت شسوي طلعت المصاصة من حلكي حطيتها بحلكـة
285
وهو أنقرف ذبههه ومسح حلكة بجف ايدة مثل لعبانة نفس وجهاد وكف السيارة صف على جهه
4
تقرب عليه رجعت لباب لازكة بي.. جان داس الدكمة وفتح الباب دفعني وطحت وسد الباب
19
اجيت اسبـة بس مالحكت لميت رجلية بسرعة جان سحكهن
مشة بسرعة من كبر لفة
2
والله من ارجع للبيت الا اكول لبابا شكد ما يحترم ولا عندة ذوق هسه بت صديقك شمالك
13
وكفـت بشارع وبقيت نص ساعه الا حصلت تكسي طلعت الگشـرة عليه
1
رجعت بيه للبيـت... بوجهي للغرفة غيرت ملابسي ونزلت ما كعدت يم أهلي
+
زعلانة منهم ولو اني حتى لو ما قابلين ما راح أترك شغلي هسه لو شيصير اني شكو
+
كعدت بالمطبـخ
+
لامـة رجلية ومنزّلة راسيي عليهن كاعدة على القنفة
+
ماكو غير صوت الصحون والتلفزيون يجـي من الصالة بابا يحچي ويا ماما. كلامه ثكيل
+
كلـة عن شمـس... بالـي وياهـم أني بس جفوني تثاقل شوية وأغفة، بس...
+
باب البيت اندگ مو دگّة عادية لا دگة قوية تفـزز الكلـب ، شلون دگّة مال واحد مستعجل. او هـاد ؟
+
فزززيـت وكمت طلعت للصالة لاكنـي بابا ديريد يفتـح البـاب
+
وهو يصيـح "منووو؟!"
+
بعـدة ما فتـح البـاب وندفـع على أثـر الدفعـة وهو منا تعبـان ورجال جبيـر وكع بالكاع
3
ماما صرخت وركضت عليه وأني تجمدت بمكانـي مسلحين لابسيـن اسود
+
أقتحمـو علينا البيـت.. ووگفت الدنيا بيها!
4
فات وراهـم صـديق بابا أبو عيون كحلية
+
نظراته جامدة، ما بيها رحمة، مثل شفرات السچين.
عيونة صارت عليه كنمـا يريد يتاكد مني...
12
جسمي نمل رعب
+
ردت أحچي، ردت أگول شي، بس قبل لا أطلع أي كلمة...
+
هو التفت لـ المسلحين للي وراة
بهدوء، بكلمة وحدة، بأمر مرعب…
"خذوها."
29
شنو...؟!
"منواخذوه؟؟"
1
"أنييييي !"
+
ما لحگت افكر، ما لحگت أفكر حتى
فجأة لكيتنـي أصـرخ بيدهم بس صوتي ضاع وسط فوضى المكان.
+
بابا اندفع عليهم، عيونه مفزوعة، صوته هز البيت
:-"بنتييي!! يمووودين بنتيييي وييييين ماخذيييينه !!!"
+
وماما نهـارات وهي تصيـح:-"يمااااااااا لاااااااااااااا شجنننننننن
+
أيدي نخلعت وحد منهم لازمنـي وبابا مجلب بيه وماما شمرت نفسهم عليهم
2
تضـرب بيهم بحركة كلبه محاولات يأسة حتى تاخذني من أيدهم
4
بس الكثـرة تغـلب انسحبت من أيدهم واحد. منهم ركع بابا بالمسدس على راسـة وهو وكع روحي شاقت على بابا من شفتـة واكع
8
جرفوني وياهم للشارع، ركضوا بييّة ما گدريت أقاوم، جنت بس أرتجف، عيوني متوسعة، جسمي ثكيل، ثكيل حيل، مثل ما يكون مو الي
+
أكلشـي صار فجأءة وبالحظـات !
+
اندفعت جوّا السيارة.... ونسد الباب.
والعالم كله… نسد.
12
ريحة المكان تخنك عتمة دخان وعيوني معلگة بالمراية... على صـديق بابا الي جان يراسـهم
+
يسـوق بهدوء جسمه مرتاح..ولا كانو خاطف وحدة… كانو ما مسوي شي!
4
ابتلعت ريكي، حسيت صوت أنفاسي هو الشي الوحيد الحي هنا.
+
گلت بصوت متكسر: "وين دا تودوني؟"
+
مـا جـاوب صرخت، "حچييي! وين دا تودوني؟؟؟"
+
التفت عليّه بنظرة وحدة، وحدة بس… چانت كافية تسكتني، تحركني، تگطع كل خيط شجاعة عندي
4
"أسكتي."
+
بلعت ريجي جبرت نفسي أسكت
أحس جسمي بعده يرتجف، أعض على شفايفي، حتى ما يطلع صوتي.
+
بعد نص ساعة... وكفت السيارة وهو سحبنـي سحبني برا
+
الهواء البارد، لو أنا دا ارتجف؟
3
سحبني من إيدي
دخلني لبناية... مكان تفـوح منه ريحته الرطوبة والخوف، الحيطان مكشره، وبيبان مال غرفها خشب متآكل
+
انرميت عالأرض، ما لحگت أرتب نفسي، ما لحگت أتنفس، كلشي صار بسرعة دورت عيوني بالمكان بفـزع .... ضلمة
+
الظلام ينهش المكان، ريحة العفونة والرطوبة تلزم كلشي، الأرض وسخة وأنا مرمية بيهة
+
الـرعب ينخـر بروحـي.. واكف، يباوع علي بنظرة هادئة..طلع جكارة ورثهه أخذ منه نفس عميق والنفس الثاني حجـة ودخان يطلع من حلكـة
5
"يلا نبلش."
+
يبلش شنو؟!!!
+
رجفت گلت بصوت متگطع، "شنو تريد مني..؟
+
رفع عيونه علي وكال "أنتِ مو الهدف. أنتِ بس… وسيلة."
27
رجع طلع مبايلـة اخذلي صورة ومشة... شوي ودخل
ثبتت عيني بعيـونة دك المبايل مد إيده لجيبه، طلعة … قربه من إذنه.لحظه ضحك
+
"منو؟"
+
حجـة بضحكـة مستفـزة "علي"!
61
ما عرف شنـو رد عليه بس هو ضحك هيج ضحكـة من كلبـة وحجـة بعنجهيـة
+
:-إذا تريدها… رجّع لي شمس."
110
شمس؟!!
7
________
+
ليلـة باردة والهوا عالـي، وصوت صفير الأشجار يخـوف. شفـت الحجيـة اخذت الجـاي وفاتت يمهم، وأني كعـدت ورة البـردة متكيـة على الحايط الطيـن وأسمع سوالفـهم.
1
حجـة واحـد منهم، وكـال لـعلـي: "هلاا بخـال اليهـال!"
+
رد عليه علي بدون نفـس: "ميـل عنـي، أنعـل أبوك لبـو اليهال! ياهو مطيك مراة أنت!"
7
كاظم-: "عمي، راهـي كال مها الك موگفة."
1
علي:- "دكـول والعبـاس!"
7
كاظم-: "خـايب بدون حلفـان ماخذه."
+
علي-: "عوينة أبو أصلك، اذا صدك وتعال ياي مها بعد طفلـة، شسوي بيه؟"
8
كاظم:- "جا ياهو كالك أنه مستعچل أنطـره تكبـر."
2
علي هـز إيده وهو جان متمدد، مخلي مخدتين جوة رجليه، وضحكته توحي أنه مستمتع بالوضع.
1
أنا مافهمت شي من كلامهم، علي يحجـي مثلـهم و. أحسهم يعتـون الكلمة عت ويكسـرون بالاحـرف بكيفـهم.
2
رجعـت تمددت، الحجيـة فارشـة الـي جودلـية لونه نمـري، والحـاف تغطيت.
6
عيني على السگف، عمـدان مال أشجـار وبواري غريب. وهو غريب بالنسبـة لي، لأن ما سبق وعشت بهيج مكـان أو على أقل هيج حياة.
+
حاولت أنام، بس صوت سوالفـهم وضحكـهم عالي. موجودين أثنـين شباب: واحد اسمه كاظم، وثانـي اسمه منذر. العلاقة بينهم كلش قوية، بس ما عرفت نوع العلاقة الي تربطهم. والحجيـة كاعدة بينهم تصبّـلهم جاي وتسولف وياهم.
8
حطيت المخدة على راسي، بلكي صوتهم يقـل، بس ماكو نفس الضجـة. كمت من فراشـي وكفت يم البـردة، وصحت: "علـي!"
+
جان هو أجـة، كال بستغـراب: "شنو بعدج منايمـة؟"
كتفت إيده منزعجة: "اي منايمة؟ ترى كولش منزعجة، اريد انام!"
علي-: "جاياهو لازمج نامي."
8
شمس-: "وأصواتكم ترى كولش عالية، شلون أنام؟"
علي باوعلهم، ورجع باوعلي كال بحيـرة: "جا شسوي؟ أطردهم؟"
+
كتلت بصـرار: "ايي، لان كلش تعبت ونعست."
2
علي-: "صـار."
18
وبعد شوي، الصوت خفّ، وصرت أسمع همساتهم بدل الضحكات العالية. الحجية كعدت تسولف وياهم
18
بصوت منخفض، وكاظم ومنذر صاروا يضحكون بسكتة.
+
شـوية وأجة علي كال:- "نامي هسه طردتهم."
7
كتلـة-: "شكراً"، وحسيت بالدف يلفّني من برودة الليل.
+
غمضت عيوني، وأنا لهسة أسمع صوت الحجية وهي تكول: "خلوها تنام خطية
+
كاظم-: "اي هاهيه نروح نكمّل برا."
+
ومنذر:- طردتونا."
+
علي:- "أفا شهالحجي بس نسطـرنة نريد ننخمـدد."
24
وبعد لحظات، سمعت صوت خطواتهم تبتعد، وصرت أسمع صوت الريح بس، وهي تعزف لحنها البارد على أغصان الأشجار.
+
غمضت عيوني، وحسيت بالنعاس يلفّني، وأخيراً رحت بعالم النوم، والليل البارد يغطيني بلحافه الهادي
+
اليـوم الثـاني
+
كعـدت متأخـرة، وكلبي يدك من التوتر. اليوم هو اليوم اللي وعدني بي علي إنه ياخذني للسـدة
+
. بس من هسه وأني متوترة وخايفة، الشي الوحيد اللي مصبـرني هو هدوء علي وكلامه، أحسّه مسيطر على الوضع، فشـوي مرتاحـة.
7
طلعت من الغـرفة الطـين لبـرا، وكفت بالحوش. وفجأة شفت علي طالع من المظيف مالتهم، وهو مستعجـل ونعسان. شافني وأجاني،
+
كال بهتمام:
"أنـة رايح لبغداد، شغلت يوم وراجع."
+
حجيت متفاجئة: "تحجي صدوك؟ وين عايفني هنا؟ شنو رايح؟ مو كلت اليوم تعالجني!"
16
علي:- "قبـل الليـل أنة راجـع."
4
شمس-: "أروح وياك!"
+
علي:- "لا، أبقي هنا يم الحجيـة."
+
شمس-: "أني ما أعرفهم وأخاف، شكو باقية هنا؟"
+
رد عليه بحيرة وهو يجر نفس: "شمس، السالفة بيه حياة أو موت. فلا تعرضيلي، أبقي هنا وأنة راجع. ما أتأخر."
+
مشى بعد ما أنطاني كلادة لبسه الي وكال لا تنزعيها للاي سبببب ديري بالج
3
وأنطانـي مبايله، وكلي خابرينـي: "اذ، صار وياج شي، بس مو تحركين ديني بالمخابرات. بس اذ، صار شي مهم."
12
بقيت بعد ما كالي حياة او موت فكلت خطيـة ضيليت يم ذولة الوادم."
+
مـر يوميـن وعلي ماكـو حتـى أتصال ما أتصـل
واني كلش مليت
+
طلعت بـرة أتمشة اكو جذع مال شجـرة كعدت عليه
مرات نحتاج جرعة من الحزن بقدر احتياجنا للفرح، هيج بدون سبب نريد نبجي.
2
تذكر لمن جنت صغيرة و من لاشيء تخيل اهلي يموتون وتبدي عيوني تدمع لحدما اوصل لمرحلة اسويها مناحة من البواچي؟
36
أحس أني هنا باقية سجينة هذا الشعور، كلش محلو ويقهـر متعرف شسوي تثق بمنـو
1
وماتدري شتسوي
+
فـززني من صفنتي صوت منـذر وهو طالع وشايل بيدة فار أصغير لازمة من ذيلـة
+
شافنـي من بعيد كال:-خيرج مرت اخوي كاعدة هنا
47
صفنت مرت اخو...؟ هذا شكاعد يخـرط
عدلت كعدتي وهو اجة وكف فوك راسي رديت عليه بدون اهتمام:-ماكو شي بس منتظرة علي مرجع هم اتصال بيك شيء
+
منذر:-لا تخافين بالهواي يومين تلاثة تشوفي هنا يتلبك
+
باوعت للفار بيدة كتلة:-شنو هذا كاتلـة
+
رد بحزم:- أبن طركة اليوم أغتاليتـة وأگضة وبيسلچ بي
26
شفت الفارة ممرودة مرد:-بس خطيـة ليش هيج
4
منذر:-يا خطيـة جا غير داشيـن انذار من وراة شابعنـة نعل حشاج واليوم قـررت أكعدلة ركبـة ونص واول مايطلع أغتالة والعملية نجحـت
12
جنت عاگشة وجهي منـقرفة وأباوعلة وهوو يحجي عن الفارة عبالك مسوي فد أنجـاز
6
:-اها حلو بطـل عاشت ايدك
3
:-ولو مرت اخونة واجبنـة
4
منين اجيت وصرت مرت اخوهم لا يربي شلون ناس ذولة
+
شكد ما جنت خلوق ومحتـرم وتأمن بأهمية تقبل الرأي والرأي الأخر ومجارات الناس ومجاملتهم
6
راح تلگة فئة من ناس تجبرك تـرد عليهم "دنچب وولي يلاا"
7
والمفروض هيج ارد عليه بس غلست وهو خلة ومشة... بقيت كاعدة وحدي
4
حاولت أوسـي روحي بكـل طرق فتذكرت مرة جملة دكول "الشجاعة هي ان تكون الوحيد الذي يعلم بأنك خائف"
+
وهذا أبلغ تعريف سمعته عن الشجاعة للحـد اللحظة.
+
طكيـت كلش وصارت الظهـرية واني كاعدة هنا مالي خلك أدخـل جوة
+
شفتـت الحجيـة طلعت من الغـرفة واجت بتجاهـي كالت:-أشوفچ اجويعدة هينا يحبـوبة
12
طبعا أني اول ما أجيت لـزكتهـة بخالة بس هي دكلي حبـوبة فتكيـفت وي السالفـة:-اي حبـوبة منتظـرة علي
+
:-گومـي دشـي للحـچرة علي مايييش هساع يغطلـة شهـر أشهـرين
23
كمت من مكاني مفزوعة:-لاااااااا خالة فدوة لا دكوليهة
+
:-وروح أمـي هو هيجي عيلوي دايح
22
كمت فتت جوة واني ضايجة من صدك كعدت وهي جابت روبة وجاي وخضـرة ومسوية فسيفس شوي
40
مادري شلون خابطتـهم سوة للغـدة.. كالتلي بحنيـة
:-تدنـي أكليلچ لگمة
+
:-ما أشتهـي
+
:-شنهـي ما تشتهين أكلي ترى بطنـچ تضل تجوعـر
3
:-نفسي مسدودة حبوبة والله
+
:-چاا المن سويت الاچل ياهو ياچلة أنة سنوني طايحة... جرت فخذ الفسيفس وخلتة كدامي
9
أكلت شوية مجاملة وهي تحجيلي عن عربهم وناسهم سالتها:-حبوبة أنتي شنو قرابتج بعلي
+
:-حبـوبتة أنة ام أبو
+
:-أها يعني علي منا
+
:-جا شلون مصلصل منا.. بس أمة البغدادية أخذت الفرخ يمه ببغداد ماييناش دوم اوف منها العگريبـة
+
زين ومنذر وكاظم شنو اخوانة:-لا ولد عمـة راهي
+
أحس هواي سالت بس الفضول كاتلنـي كتلها
:-والبنية الي أسمها مها
+
هاي الي تجي هنا تطبخ مرات الكم وتمشي كالت بهمة:-مها بت أبني جاسم
+
هزيت راسـي وسكتت صبيت جاي وهي تغمس روبة وجاي ما اكلت من الفسيفس،
5
اعتقد مسويتة الي لان أني ضيفـة يمهم أنوب سالتهة بفضول:-هي ليش بعده ممزوجة
+
ردت بملل:-غمـة يحبـوبة للي بعمرها معرسات وفروخهن حدرهن وهي ضالة
+
:-يعني شنو محد خاطبها
+
:-موش هيجي الوادم تتسابگ على خطبتها لچن الغم شني علاچة راكبة راسها ما ترضاش
3
:-شعجـب شتـريد
+
:-تحب علـي
55
:-يااا وهو ليش مياخذه لعد
8
:-مسودن يحبوبة چا هو عليوي موش مال زواج ضل يطرك مثل الذيب وين يلفي على مها وزعم خبراتج عاش بغداد وشاف بنيات بغداد وين يعاود على مهيـة
4
:-ولعد شنو تنتظرة هي..؟ ما تزوج
+
:-كويظم خطبها بالجديد وابوها كالة گبع واخذ
+
:-زين خاف علي يحبها اني سمعته يحجي عنها وماقابل
+
:-لا يحبوبة موش يحبها لچن هو من يعاينلها فرخة وتتدوهن بزواج والعيال
+
سوتلي لفة وكالت:-لا ضلين تحچين أكلي هنـي ومري
+
رجعت كتلهة ولفة بعده بيدي:-علي ما يحبها اكيد
8
باوعتلي وضحكت:-حبوبة شمالچ جلبتـي شنهي غرتي على رجلج
35
منين طلعت سالفة رجلج هاي أني اعلمك علي تجي لو ما تجي وانوب حظي أني اغار على الزرك واللة يالله
4
:-لا على شنو أغار بس فضول
+
:-أتغشمر وياج لا تضوجين جا وحتى يوو غرتي حگچ
+
سكتت عنها احسهم مصدكين وهذا المخبل مدري شحاجيلهم عني
1
كملت وكامت تريد تشيل الصينية اجيت أكوم أساعدهة بس هي ما قبلت كالت:-ميعتـاز
+
طبعا الاحرف هنا تتطاير وتختفـي أبتسمت بوجهه
وهي مشت... طلعت لليبرا
2
غلست وارتكيت على التانكي ابو الحنفية
+
شفت هي هاي البنية مها أجت وبيدهة جدر ملفوف لاكتهة الحجية
2
وهي تباوعلي بطـرف عينها كالت:-حبوبة جبتلچ روبة
ودهن حر
9
ردت عليها ببتسامة:-يمن فدوة اروحلج
+
هي شافت الصينية بيد الحجية ورجعت باوعلتي
:-شنهي شاوين فسيفس
5
:-اي لمرت عليوي
9
تاففتت وهفت على وجهه وجهه أنطعن احمر وهي منا حلوة وملامحه ناعمة بس الضوجة
+
عگست وبينت على وجهه:-عاد ملحتـي زين كون يغـزر
19
والحجيـة نوعا ما حست بكلامها تبسمر كاتلها ماراضية
+
:-خايبـة شنهي هالحجـي مو أكوم أنيم جدر روب براسج
23
:-اهوو شحجيت انه
+
:-يووا تحجين عدل يووا لا تحجين مابياش حيل أتلاقة وياچ
27
جرت نفس وتخـوزر بيه اجيت أكله والله لا اعرفة ولا يعرفني بس حظي جابة عليه
1
هسه بس خلي اخلص من مشاكلي وعلي ازوجكم بيدي أني أقنعـة اصلا اذ كلش
12
عفتهن ودخلت جوة تمددتت احس معندي شي لو اكل لو أنام ماكو شي ثاني أسوي
26
___نهـاية البـارت
81
