رواية سهام الحب الفصل الثامن 8 بقلم ريهام اسماعيل
كان احمد فى مول ستى ستارز مع زملاءه واتفاجاه برهف واختها وهى داخله محل كبير وراقبها لحد ما خرجت اختها لمحل اخر ودخل هو بالداخل وكانت المفاجاه
+
احمد وافق ساند على الحائط بيد واليد الاخرى فى جيبه وبيصفرباعجاب : ايه الجمال دا , لالالا انا مقدرش علي كده
+
رهف باندهاش : انت
+
اتحرجت ووشها جاب مائه لون وقالت بتوتر : انت .. انت ازاى تدخل هنا مش عارف انه محل للبس بنات مش ولاد
+
احمد قرب منها وبيده فستان اخر وقال : عارف , بس الفستان دا احلى واشيك بكتير من اللي عليكي
+
رهف بارتباك وصوت عالي قالت : بجد انت جرىء اوى على فكره , ومش هاقيس حاجه واتفضل امشى من هنا دولوقتى
+
احمد قرب اكتر ومسك ايدها واعطى لها الفستان وقال : هتقسيه يا رهف لانه عجبني , وهيكون يجنن عليكي
+
وبعدين غمز لها وخرج من المحل بلا مبالاه
+
رهف باستغراب واندهاش من جرئته قالت : الواد دا جرىء ومجنون وقليل الادب كمان , بصت عليه لقيته خرج من المحل فرفعت بيدها الفستان الاخر وابتسمت لانه فعلا جميل وهادي , فخدته ودخلت البروفه علشان تشوفه عليها
+
وبعد شويه خرجت بيه وعلي شفايفها ابتسامه , فاحت ليها البائعه وقالت : علي فكره يا انسه دا جميل اوي ومناسب ليكي
+
رهف وقفت امام المرآه وقالت وهي بتشوف نفسها : يعنى احلى من اللى فات
+
البائعه : اوى اوى على فكره اه صح اتفضلى .. واعطت لها علبه صغيره
+
رهف خدتها منها وباندهاش قالت : ايه دى
+
البائعه: الاستاذ اللى كان هنا من شويه ادهانى وقالى اديهالك
+
رهف عقدت حجبها وفتحت العلبه لقتها سلسله بقلب وداخل القلب فص بنفس لون الفستان , ومعاها ورقه كاتب فيها
+
(نسيت اباركلك على النجاح ودى هديتى وياريت تعجبك والف مبروك يا احلى من رات عينى من جمال ربانى )
+
وهنا جاءت اليها يارا وهي ماسكه بيدها اكياس عديده فاستغربت من الفستان اللي لابساه اختها فقالت : ووواووو يا بت يا هوفه الفستان ده هياكل منك حته
+
رهف كانت فى دنيا تانيه وهيمانه مع الهديه وكلامه
+
يارا: رهـــــف روحتى فين وايه اللى فى ايديك دا
+
رهف بارتباك حطت السلسله والورقه فى العلبه وقفلتها وقالت : ها لا اصل اهو معاكى انتى اللى فى ايه
+
يارا مستغربه: في ايه يا حبيبتي مالك
+
رهف بلعت ريقها وقالت : مفيس انا حلوه اوي
+
يارا بصت للفستان تاني وقالت : ها هتاخديه , انا من رايي ده احلي حاجه شفناها انهارده
+
البائعه : والله لسه كنت بقولها الكلام دا
+
رهف بتوتر: تؤ مش عجبنى , انا داخله اغيره وهاروح اشوف حاجات تانيه غيره
+
يارا بتنهيده قالت : والله انتى مجنونه وهاتتعبينى معاكى النهارده شكلك كدا
+
**********ريهام*********
+
فى منزل محمد ابو شريف
+
صفيه : كدا برضه تقلقنا عليك يا ابو عمر
+
محمد بصوت تعب: الحمد لله على كل شى
+
عمردخل الغرفه جرى ومخضوض : بابا مالك حبيبى
+
محمد ينظر لصفيه وقال : برضه اتصلتى بيه وقولتيله
+
صفيه : اه كلمته يجي يشوفك , منا مش مش هفرح لما اشوفك مش قادر تصلب طولك كده واسكت
+
عمر : مالك يا بابا حاسس بايه
+
محمد: شويه ارهاق بسيط خالص ارتاح وهاكون كويس ان شاء الله
+
عمر: يعنى اجبلك الدكتور
+
محمد : لا يا حبيبي ملوش لازوم , المهم قولي روحت لشركه الوطنيه وعرفت تجيب منهم ورق الشراكه القديمه
+
صفيه : ابو عمر , بطل كلام بقى مهو ده اللي جيبلك التعب
+
عمر : ماما عندها حق يا بابا , ارتاح انت وان شاء الله كل الامور هتكون كويسه , ما تقلقش انت وراك عيالك , ولا انا مش عجبك مثلا
+
محمد طبطب عليه وقال : لا ازاي ربنا ما يحرمني منكم يا حبيبي , صحيح اوعى تجيب سيره لاخوك شريف خليه يتبسط هناك مع عروسته ولو اتصل وسأل عني قوله انى مشغول او فى اجتماع كدا يعنى
+
عمر:ههههههههه لو اتصل يا ابو عمر بقه شريف خالص نسينا
+
صفيه : وله ياعمر ماتقولش كدا على اخوك عمره ما ينسانا خالص , وكمان خليه هو كمان يرتاح شويه من الشغل ما هو عمره مااخد اجازه هو كمان سيبه
+
عمر: هههههههه اه ياعينى عليا انا بقه اللى فى الشغل نهار وليل ومحدش مدينى راحه
+
صفيه خدته وطلعت بيه من اوضه باباه وقالت : والله فى ايديك لو عايز ترتاح
+
عمر فهم ما تقصده والدته وقال بتنهيده : قصدك ايه يا ماما
+
صفيه بتطبطب على صدره وقالت : انك تتجوز ياحبيبى ساعتها هترتاح وتريحنى معاك
+
عمر: ومين قالك انى تعبان ياماما انا مبسوط كدا وتمام التمام
+
وحب يغير الموضوع , ايه صحيح صوت الدوشه دا
+
صفيه : العمال شغالين فى اوضه اخوك
+
عمر: هما لسه ماخلصوش
+
صفيه : اعمل ايه بقه فى اختك يارا صممت يتعمل حمام داخلي , علشان سارا ما تتحرجش , وهم العمال جوه وخدنا الاوضه اللي جمب اوضه اخوك وفتحناها عنده
+
عمر: ما كان بدل الدوشه دى كان اخد الاوضه اللي جنب مني
+
صفيه :انت ناسى انها بتاعت اختك فريال ولا ايه
+
عمر: يعنى هى بتيجى اوى دى بقالها فوق الست شهور ما جتش
+
صفيه : والله هى حره بقه , وبرضه تفضل متوضبه ليها وقت ما تحب تيجي تلقيها
+
عمر: هههههههه اللى يسمعك يقول انها بنتك مش بنت ضرتك
+
صفيه : عمرعيب حبيبى برضه تبقى اختك من باباك والله انا بحبها اوى وفى معزه يارا ورهف وسارا
+
عمر: هههههههه ايه دا هى سارا مرات اخويا دخلت فى الخط ولا ايه
+
وهنا جاء صوت بنت ليهم
+
يارا: لا كارت يا سى عمر
+
عمر: يابى انتم جيتو والله كنا مرتاحين خالص من غيركم
+
يارا: بقه كدا طيب خلاص وفقوا على العرسان اللى واقفين بره بالتوابير ومش هاتشوف وشنا تانى هنا
+
صفيه بفرحه : بجد يا يارا الكلام ده , فيه بره عرسان
+
عمر: ههههههههه جبتى الكلام لنفسك يا فالحه
+
يارا بضجر : يا ماما يا حبيبتي انا بهزر مع عمر
+
صفيه : طب ريحيني ووافقي تقابلي العريس اللي متقدملك
+
يارا بهزار: ايه ياحبيبتى انتى عايزه ترتاحى منى ولا ايه لو تعباكم فى حاجه قوليلى وانا اخففها
+
صفيه : تخفيفها طيب مش باخد منك اللى تريقه عمال على بطال .... وانتي يا ست رهف ساكته يعني , امال فين جلجلتك
+
عمر: شكلها نسيته فى المول ياماما
+
يارا: ههههه خفه يا عمر على فكره , ولكزت اختها فى كتفها وقالت وانتى كمان ما تفوقى فى ايه
+
رهف: ها فى ايه انتى بتكلمينى يا يارا
+
عمر: بت يا رهف مالك هو اختيارك للفستان نساكى ولا ايه
+
يارا: والله يا عمر قاست النهارده فستان قمه فى الشياكه بس اعمل ايه فيها وفى دمغها الناشفه دى
+
عمر: يعنى لسه مااخترتوش حاجه دا خلاص الحفله فاضل عليها 10 ايام
+
رهف: هاعمل ايه مافيش حاجه عجبتنى
+
صفيه : طب خلاص اتصلى باخوكى وخليه يجبلك من لندن حاجه شيك
+
رهف بسخريه قالت: ياسلام ازاى يعنى مش لازم اختاره واقيسه ولا هيجبوه بالشبه كده
+
صفيه : والله انا اقوم احسن من القعده معاكم لاحسن هاتجننونى معاكم
+
يارا: يلا احنا كمان يا رهف نطلع , انا تعبت انهارده خالص عمر يصطنع الحزن : يعنى كلكم سبتونى لوحدى ماشى يا ست يارا
+
رهف بفرحه قعدت جنبه وقالت وهي بتطلع حاجه من شنطتها : خلاص انا هاقعد معاك وكمان عايزاك تختار معايا فستان من الكتالوج دا
+
عمر وقف وقال بضحك : اقوم انا بقه اصل وعدت ملك انى اخرجها النهارده
+
يارا: هههههههههههه ماكان من الاول احسن يا باشا
+
**********ريهام**********
+
وفي الطرف التاني وفي القارة الاخرى وبلد تاني
+
كانت فى عيونها اسئله مالهاش اول من اخر
+
سارا: شريف ممكن اسألك سؤال محيرنى
+
شريف: طبعا اتفضلى اسألي
+
سارا: طبعا مش هاقولك انت حبتنى ولا لا
+
انا هاقولك انت ليه بتتعامل معايا كدا يعنى ساعه تكون معايا كويس وحنين وساعه تكون عصبى جدا
+
شريف سكت شويه وبعدين قال: بصى يا سارا ...........
+
وهنا قطع كلامه صوت سائق القطار بيتحدث بانهم وصلو فرنسا
+
ونزلو من القطار وسارا كانت نفسها تسمع الاجابه والرد على سؤالها من شريف لكن النصيب
+
وصلوا فرنسا ودخلوا الفندق وحجزو غرفه عاديه لان الفندق كان ملىء على الاخر فى الوقت ده
+
سارة وشريف دخلوا الغرفه وكانت سارا تعبانه جدا من الرحلة مع انهم وصلوا تقريبا بالليل
+
شريف: حمدلله على السلامه
+
سارا رمت نفسها بتعب علي الكنبه : الله يسلمك
+
شريف: مالك شكلك تعبانه
+
سارا قالت وعي بتنزع عنها طرحتها : قول تعبانه على مرهقه على جعانه على مصدعه
+
شريف: هههههههههه كل دا فيكى يا سارا
+
سارا: واكتر والله العظيم ونفسى انام لحد الصبح
+
شريف: طيب على بال ما تاخدى شاور دافىء اكون طلبت العشا وناكله وعلى السرير على طول ايه رايك
+
سارا: طيب انا هاروح اطلع غيار ليا وليك عشان انت كمان تاخد شاور بعدى
+
شريف : وهو كذلك
+
وعدى الليل وجاء الصباح
+
شريف قرر ياخد سارا لبرج ايفل واول ما انهو فطورهم خرجوا من الفندق اقترح عليها انهم ما يستقلوش سياره ويمشو فى شوارع باريس افضل مع ان شوراع باريس احسن من شوراع لندن من ناحيه الزحمه لكن حبوا يتمشو ويشاهدو النهر
+
وشريف كان اخر مره ذهب لباريس كانت من حوالى 7 سنوات واكيد نسى بعض شوارعها والامكان اللى فيها
+
سارا: دلوقتي هانروح برج ايفل ازاي انت عارف الطريق
+
شريف وهو بينظر الى الكتيب السياحي اللي اخده من الفندق : لا ماعرفش بس خلينا نشوف اللي مكتوب في الكتيب وان شاء الله هانوصل .
+
سارا : طب ما تيجي نسأل الست اللي واقفة دي شكلهاعربية
+
شريف: مش للدرجادى ياعنى يا سارا
+
سارا برجاء:عشان خاطرى اسأل اصل ممكن نتوه
+
شريف: نتوه ههههه لا ماتخافيش هو انتى تعبتى من المشى
+
سارا: لا انا ماتعبتش بس لو سألنا احسن , وكمان بيقولو ما خاب من استشار
+
شريف: لو عايزة تسألي انت اسألي
+
سارا بطيبه: عادي يعني مش هاتزعل
+
شريف بنظره حنان: لالالا عادي وانا ايه اللى يزعلنى
+
سارة فعلا ذهبت للمدام اللي كانت بتجر عربية صغيرة فيها طفل في الشهور الاولى وبجواها بنت عمرها 4 سنين
+
سارا: السلام عليكم
+
نظرت لها المراه وابتسمت
+
المراة :وعليكم السلام ..
+
سارا: الاخت عربيه صح..
+
المراه : ايوة من الجزائر..
+
سارا: اهلا بك .. انا سارا من مصر
+
ومدت ايدها وسلمت عليها
+
المراه: مرحبا بكى اسمي لبابه
+
سارا: حبيت اسألك تعرفي ازاي نروح برج ايفل بالظبط
+
لبابه: انا متاسفه انا معرفش عربي اووووي
+
سارا: ooh sorry...I want to ask you about Eiffel Tower... Do you know where it is exactly??
+
(بتقولها انا اسفه وعايزه اروح برج ايفل ممكن توصفيه بالظبط لينا )
+
لبابه وتبتسم بخجل: انا متاسفه اعرف فرنساوي انجليزي ماعرفش (باللغه الجزائريه طبعا)
+
سارا احتارت معاها : عربيه ومتعرفش عربي ولا حتى انجليزي ...طب اعمل ايه دلوقتي .....
+
سارا بتلقائيه قالت : برج ايفل..
+
لبابه: اهه برج ايفل ماذا..
+
سارا قالتها عربي فصحه يمكن تفهم عليها : اين هو
+
لبابه : فرنسا
+
سارا : ههههه ما انا عارفه انه هنا
+
لالا اين يقع اريد الذهاب اليه
+
لبابه مش فاهمه بالضبط : ماذا
+
سارا وهي بتشاور بايدها : برج ايفل فييين
+
وبتشاور انها تمشى: انا اريد الذهاب اليه
+
لبابه : اهه ..عرفت ..عرفت برج ايفل ..وقامت تفكر بكلمه تقولها .. لبابه: امم خلفى..
+
سارا فهمت انها بتقولها تعالي معايا وانا هاوصلك ..لفت على شريف راته فطسان من الضحك
+
سارا: ممكن اعرف حضرتك بتضحك على ايه
+
شريف وهو بيضحك: والله من زمان ما ضحكتش كده كنت تشوفي نفسك وانتي بتتكلمي معها وتشاوريلها باديكي كأنك بتكلمي وحدة مش بتسمع ولا بتتكلم
+
سارا : طب اعمل ايه مش فاهمة عربي ولا انجليزي .. تعرف انها جزائرية وما تعرفش عربي
+
شريف: ايوة اصل في جزائريين كتير وليبيين
+
ومغاربة هنا في فرنسا وبيعرفوا فرنسي اكتر لغة
+
سارا : طيب وايه اللي جابهم هنا
+
شريف: الاستعمار مش فرنسا استعمرت اغلب دول شمال افريقا منهم اللى هاجر واخذ الجنسيه الجنسيه الفرنسيه
+
سارا: طيب هما مسلمين
+
شريف: ايوة اكثرهم مسلمين بالاسم..بس عندهم غيره قويه على الاسلام لدرجه ما تتوقعينها
+
سارا: ازاي غيرة وهما ما بيلبسوش الحجاب ولا حتى لغتهم اللي هي لغة القران ما يعرفوهاش .
+
شريف: مش شرط ... الغيره الي اقصدها هي انهم مايرضوش حد يغلط على الاسلام مهما كان حتى لو موتوا نفسهم ودافعوا عليه
+
سارا: غريبه
+
طبعا طول الوقت وهما ماشين ورا لبابه وهما
+
بيتكلموا ... ولبابه كل دقيقة تلتفت خلفها وتنظر لهم وتبتسم ليهم ..
+
وفي الاخر الحمد لله وصلوا البرج ....
+
التفت عليهم لبابه وابتسمت يعني كأنها بتقولهم احنا وصلنا خلاص ..
+
سارا ردت لها الابتسامه : شكرا لكي .....
+
ولبابة قامت تشاور على شريف وتقول كلام مش مفهوم ..وتشاور على اصبع يدها .. فهمت سارا انها قصدها اذا شريف جوزها..
+
قامت شاورت على الدبله.. فابتسمت لبابه
+
لبابه: مبروك..
+
سارا: الله يبارك فيك ..
+
لبابه: السلام عليكم..
+
سارا: وعليكم السلام ...
+
ومررت سارا يدها على راس بنت لبابه ... وفضلت تبتسم ليها لغاية لما مشيت ..
+
شريف:هههههههه تعبتى الست معاكى
+
سارا: يعنى كنا هانعرف ازاى
+
شريف: عندك حق هم شعب طيب وعفوي
+
سارا: ايوة والله .. بجد شعب طيب ... بس ناقصهم حاجة .. انهم يعرفوا عربي ...
+
شريف: هههههههههه ..وليه طيب
+
سارا: يعني ايه رايك انت
+
شريف:انا راى اننا نقطع التذاكر عشان نطلع لاعلي البرج
+
سارا: ليه هو كم دور
+
شريف: 3 ..بس احلى دور الاخير
+
وذهب شريف لقطع التذاكر
+
شريف: يالا تعالي دلوقتي وانت نشيطة كدة ....
+
سارا: طبعا نشيطة ...
+
شريف بخبث: عشان احنا هانطلع بالسلم لان ما فيش اسانسير
+
سارا بخوف : انت بتتكلم بجد لالالالا انا ما قدرش مفياش نفسشريف: هههههههههه مش انتي لسة بتقولي انك نشيطة سارا: لا بجد ياشريف ما اقدرش خلاص مش لازم نطلع
+
شريف: معقوله يعني نيجي فرنسا وما نطلعش البرج
+
سارا: مش مهم يعني ركبي هاتوجعني طول عمري
+
عشان طلعت البرج دة ...نبقى نطلع في مصر برج القاهرة ونقول انه ايفل ههههه
+
شريف: هههه دة انت لسة صغيرة امال لما تكبري هاتعملي ايه فيا
+
سارا مثل الاطفال: مش عايزة
+
شريف بمكر وهو بيغمز لها: طيب خلاص يا كسلانة هانطلع بالاسانسير وامري لله
+
سارا لكزتها وبتضحك : يعني فيه اسانسير وبتضحك عليا وتقولي نطلع بالسلم عايز تقطع نفسي مش كدة
+
شريف: هههههه لا والله كنت بشوف قوة تحملك
+
بعد ما صعدو البرج كان المنظر روعة من فوق وشاهدو باريس كلها من فوق وكان المنظر يجنن وخصوصا منظر النهر والجسور اللي تمر فوقه
+
وبعد مانزلوا ذهبوا للاكشاك اللي بتبيع تحف وهدايا عشان يشتروا هدايا واشترت سارة تحفة صغيرة عبارة عن علبة زجاج وجواها برج ايفل
+
واشترت اكسسوار ليارا ورهف وهدي مرات اخوها واشترت كمان لعب صغيرة لملك وولاد اخوها جمال
+
بعد كدة قاموا واتمشوا في الحديقة اللي تحت البرج وكان هناك رسامين يرسموا الناس
+
سارا: تعرف يا شريف ان يارا بترسم احسن منهم
+
شريف: دول رسامين محترفين يقدروا يرسموكي في ربع ساعة
+
سارا: بجد بيعرفوا يرسموا بسرعة كدة
+
شريف: اكيد بقولك ايه ياسارا مش عايزة تتغدي
+
سارا: تعرف نفسي في ايه
+
شريف: ايه ؟
+
سارا: ههههههه نفسي اكل من كنتاكي
+
شريف: يعني سايبة كل المطاعم الكويسة وعايزة تاكل من المطعم دة
+
سارا بحزن : لو مش عايز براحتك
+
شريف حس بحزنها فقال : خلاص بلاش القمصه دي , هوديكي لكنتاكي
+
ودخلوا المطعم
+
سارا: اممم عايزة توستر بس مش زنجر
+
شريف: خلاص انتى دوري على تربيزة لغاية لما اطلب الاوردر
+
سارا : اوك
+
وبعد ما انهوا اكل قاموا يتمشوا في شوارع باريس
+
واحيانا دخلوا المحلات الصغيره .ولما حسوا بالتعب .. نزلوا للمترو تحت ... وهم في المترو كانت سارا واقفه تتأمل الخريطه الي معلقه وفيها وصف للاماكن
+
سارا : بقولك ايه ياشريف ماتيجي نروح ديزني .
+
شريف: سارا انت بتتكلمي بجد
+
سارا: ايوة وفيها ايه يعني ما ينفعش اجي لغاية هنا وماادخلش ديزني
+
شريف: هههههههه شكلك كدة عايزة تعيشي طفولتك من اول وجديد
+
سارا: نفسي اشوفها من كتر ما اصحابي حاكولي عليها
+
شريف نظر لسارا وقال: اممم افكر
+
سارا اتغاظت من شريف لانه شايفها لسة صغيرة وقالت : علي فكره ديزنى مش للصغيرين بس وللكبار كمان
+
شريف: طب تعالى نرجع الفندق نغير ونشوف
+
سارا بزعل: طيب
+
ورجعوا الفندق وشريف قام دخل خد شاور سريع وحلق دقنه وخرج لاحظ ان سارا مش فى الغرفه
+
ونده عليها سارا
+
سارا كانت وافقه زعلانه فى البلكونه واول ما سمعته بينادى عليها دخلت واندهشت من وسامته الخارقه وابتسمت
+
سارا: نعم
+
شريف : بتعملى ايه جوه فى البلكونه وانتى لبسه كدا
+
سارا:وهو انا لبسه ايه دا قميص وفوقه الروب مش عريان يعنى ولا اى حاجه
+
شريف بمكر: طب اتفضلى ادخلى جوه لاحسن ستات باريس يعملو مظاهره
+
سارا: يالهوى هنا كمان مظاهرات مش كفايه علينا فى مصر
+
شريف بعبث: لالالا هنا شى مختلف هايعملوا مظاهره يطلبو فيها انك تتعطفى وتتكرمى انك تدخلى عشان غيرانين على رجالتهم منك
+
سارا حطت ايدها فى وسطها وقالت بتذمر : ياسلام وغيرانين منى ليه بقه
+
شريف راح لها ونزع عنها الروب وقال وهو بيقترب منها : عشانك احلي منهم
+
وهنا سارا وشها احمر من معاكسه شريف لها فبعدت عنها شويه
+
شريف: ها نتعشا هنا ولا ننزل نتعشا فى اى مكان (وغمز) انا بقول ناكل هنا وبكره ننزل ايه رايك
+
سارا اتحرجت : احم بقول ننزل احنا جاين نتفسح مش نقعد فى الاوضه على طول احنا بقالنا اهو 4 ساعات مش كفايه وكمان انا زهقت
+
شريف: هههههه حاضر يا ستى اتفضلى غيرى هدومك والبسى حاجه حشمه ها حشمه وبعدين هاويدكى احلى مكان فيكى يا باريس تتعشى فيها ايه رايك بقه ... بزمتك مش استاهل حاجه كده تصبيره لبليل
+
سارا بدلع: هههههههه لا مش تستاهل على فكره
+
وجريت على الحمام سريع
+
شريف بصوت عالي: ههههه ماشى ماشى هاتروحى منى فين انا اهو موجود ومش هانزل اللى لما تتدينى التصبيره بتاعتى
+
*********ريهام*******
+
كانوا قاعدين على السفره بيتناولو وجبه الافطار
+
شوقى: والله سارا ليها وحشه كبيره
+
سهير: انت بتقول فيها والله دى وحشتنى انا كمان ونفسى ترجع بقه مش كفايه كدا
+
هدى: كفايه ايه ياخالتى هى رايحه فسحه دى رايحه تقضى شهر العسل مع جوزها
+
شوقى: قوليلها يا هدى عشان انا خلاص تعبت منها خالص الست دى
+
سهير : ياسلام يعنى كلمتى دى اللى تعبتك يعنى
+
شوقى بنبره توتر: لا طبعا مش قصدى يا سهير انتى عارفه انك غاليه عليا اد ايه
+
احمد يصحيح بتصفير : هههههههههههه الله عليكى ياحبيب والديك يا ابو جمال يا عسل انت
+
شوقى: وله ياحمد اتكتم خالص انا بقولك اهو كفايه عليك ياخويا تدلعك انت
+
هدى بهزار: هههههههه اه والله يا عمى كفايه دا جمال وسارا نفسهم يدلعوا زى احمد كدا بس هانقول ايه
+
سهير بحده : هدى كملى اكلك واكلي عيالك احسنلك ها
+
هدى بخوف : احم احم ما انا بقول كدا برضه يا خالتو
+
احمد موبايله رن رنه وقفل على طول
+
شوقى: ومين دا بقه اللى بيرنلك عشان تتصل بيه حضرتك تلاقيها بنت من البنات اللى كنت سهران معاهم امبارح
+
احمد: والله انى ظالمنى يا بابا خلاص انا امبارح بذات ماكنتش خارج مع بنات كانوا كلهم رجاله بشنبات خالص
+
سهير وهي بتطعمه فى فمه : ايه فى ايه ما يسهر ولا يتكلم فى الموبايل دا راجل مش عيل صغير هتربطه جنب منك
+
شوقى: والله دلعك دا فيه هو اللى هايخسره مش هايكسبه بس هاقول ايه ربنا يقوينا ويصبرنا
+
وهنا موبايل احمد رن تانى وقفل
+
احمد:طيب يا جماعه اسيبكم بقه تكملو خناق عشان واريا كام مشوار كدا
+
شوقى: بقولك تبقى تعدى على اخوك فى الشركه وجيب منه ورق الشحنه عشان امضيه لانى مش رايح النهارده الشركه رايح عند عمك محمد عشانه تعبان شويه
+
احمد مستعجل عشان الموبايل : يابابا انا ماليش فى خلق الشركه دى الله يخليك خلى السواق هو اللى يجبلك بقولك عندى مشوار مهم
+
سهير قامت ورا ابنها وقالت : جر ايه يا شوقى ما تسيب الواد يروح مشواره وخلى السواق يجبلك الورق
+
شوقى: يعنى انا آمن السواق على ورق مهم بدل ماتقولى للمحروس ابنك هو اللى يجيبه دى شحنه بملاين يا ست هانم
+
وهنا احمد خرج وهما لسه بيتخانقوا ليرد على الهاتف
+
احمد(اتصل بالرقم ) حبى وحشتينى يا سوسو
+
سها: لو كنت وحشتك كنت اتصلت على طول
+
احمد: والله كان غصب عنى عندى ظروف فى البيت , هو معندكيش رصيد ولا ايه ؟
+
سها بدلع مصطنع : اعمل ايه مش عندى رصيد تصور يا ميدو كلمت اختى وقولتلها اشحنى ليا قالتلى ايه
+
احمد: قالتلك ايه ياعمرى
+
سها: ال ايه مش معاها فلوس خالص مع ان حبيبها لسه محولها مبلغ كبير اوى فى البنك وكمان قالت انى اقولك تحولى زى سيف اللى محول ليها بس انا زعقت فيها كتير وقولتلها هو انا زيك دا انا بحب احمد وبخاف عليه
+
احمد: ياعمرى طب عايزه اشحنلك بكام
+
سها: ها يعنى عشان بقولك برضه مصمم تشحنلى
+
احمد: اه هو فيه فرق ما بينا يا حياتى
+
سها بدلع مصطنع : طيب اذ كان كدا ماشى حولى بقه بـ 200 جنيه عشان عايزه اكلم ماما واقول لها انى مش رايحه الاسبوع دا عندها واقعد هنا
+
احمد فتح باب عربيته وقعد قدام المقود وقال بفرحه: يعنى هاتقعدى هنا معايا افهم من كدا
+
فرحت لوصولها للي عاوزاه فقالت : شور بيبى ها استاهل بقه الرصيد
+
احمد: لا انتى تستهلى حاجه كبيره اوى بقولك ثوانى معايا ويتنج مهم ماشى
+
سها : اوك ياعمرى
+
احمد رفع الويتنج
+
فتاه الو حبيبى فينك مش باين يعنى
+
احمد: اهو تحت الخدمه يا لومى
+
لمى: هاتفسحنى فين النهارده لانى قرفانه
+
احمد: ياسلام انتى تؤمورى امر بس كدا وهاوديكى احلى حته فيكى يا مصر
+
لمى: اوك هاخد شاور سريع والبس وتيجى تاخدنى اوك حماده
+
احمد: اوك يا عيون حماده
+
وقفل ورفع الانتظار بسها
+
سها تصطنع الجديه والغضب : ايه كل دا بتكلم مين
+
احمد: واحد صحبى عزمنى على فرحه النهارده ومضطر اروح
+
سها: طب وانا هاعمل ايه اجاى معاك
+
احمد يالهوى على صنف البنات كلهم زى بعض :
+
ها ما ينفعش خليها مره تانيه بقولك هاقفل معاكى دولوقتى عشان واريا مشورا اوك
+
سها بدلع : طب والرصيد يا بيبى هاتبعته
+
احمد اتناهد وقال : اكيد طبعا يا قلبى , سلام
+
بعد ما قفل قال لنفسه ايه دا اللى بعمله فى نفسى دا كلهم عايزينى وبيحبونى عشان مصلحتهم وانا عشان غنى يعنى لو كنت فقير كانوا برضه هاحبونى بالشكل دا لا كلهم صنف واحد ...... وكل دا وهو فى السياره بيتكلم
+
فى مكان تانى
+
رهف: بقولك ايه يا يارا مش عايزة تكلمي سارا
+
يارا: ياريت بس مش عايزة ازعاجها
+
رهف: عادي هاتزعاجيها ليه بتكلميها عشان تسلمي عليها
+
يارا: انت عارفة ان سارا بتتكسف اووووي وما تقدرش تطلب من شريف حاجة زي دي
+
رهف بسخريه قالت :ااااااه صح بتتكسف ما شوفتيش عملت ايه في اخوكي شريف كان رافض فكرة السفر اصلا ومش هاسافر الا لندن بس ودلوقتي شوفيهم بقالهم 3 ايام في باريس وما ادراكي بباريس مدينة الرومانسية والعشاق
+
يارا: ههههههه رومانسية ايه يا عبيطة
+
رهف: ايوة رومانسية انت ما بتتفرجيش على افلام ولا ايه انا بقى في شهر عسلي هاروح لفينيسيا وباريس .. وجزر الملديف
+
يارا: ههههههه والله انت يا اما مجنونة يا ما عبيطة ....وفين جزر الملديف .. دي في اسيا وباريس في اوروبا .
+
رهف: عادي... وايه يعني لو بيحبني هايأخدني المكان اللي انا عايزاه .
+
يارا: ههههه خليه يجي الاول اللي امه داعية عليه وبعدين اطلبي منه اللي انت عايزاه .
+
رهف:انتي اصلا ما عندكيش احاسيس خالص انا اعرف ان اللي بيرسموا زيك كدة مليانين بالاحاسيس والمشاعر الجميلة يارا: بقولك ايه قومي من وشي احسلك لحسن والله شوفي ايه اللي هايحصلك
+
رهف لكزتها وقالت : انتى ليه بتكلمينى بالطريقة دي , دا جزاتي اني جاية اتكلم معاكي واونسك في وحدتك
+
يارا دفعتها بعيد عنها بهزار وقالت : ههههه طيب يالا قومي غوري من خلقتي
+
رهف : طيب يا يارا هاتصل شريف واكلم سارا ومش هاخليكي تكلميها بس
+
قامت رهف واتصلت على اخوها شريف من تليفون البيت
+
شريف: اهلا اهلا بالغالية
+
رهف بتبص على التليفون ويارا وقالت : بيقولي يا غالية
+
شريف: الوو
+
رهف: احمم اهلا اهلا اهلا
+
شريف: هههههههههههه... هو انت رهفي انا بحسبك امي
+
رهف بحزن : ياسلام واانا اللي افتكرتك بتكلمني انا
+
شريف: ههههههههه ولا يهمك يا جميل انت غالية وقمر كمان اخبارك ايه غريبة امي بقالها فترة ما تصلتش بيا
+
رهف: والله ما اعرفش ... المهم ان احنا كلنا بخير والحمد لله اقولك على خبر حلو ياشريف انا اتقبلت في الجامعة
+
شريف: بتتكلمي بجد الف مبروك عمر ما قليش حاجة مع انه كلمني النهاردة
+
رهف: انا موصياهم كلهم هنا في البيت ما حدش يتكلم لان انا اللي عايزة ابلغك بنفسي
+
شريف: مبروك وعقبال التخرج ان شاء الله واتقبلتي في أي جامعة
+
رهف: في جامعة القاهرة
+
شريف: ودخلتي ايه
+
رهف: دخلت هندسه
+
شريف: بالتوفيق يا حبيبتى
+
رهف بتغيظ يارا : وبيقولى حبيبتى كمان مش بقولك اخوكى اتغير .. احم امال سارا فين
+
شريف:سارا بتغير هدومها عشان نازلين نتعشى بره
+
رهف: ووووووواووووووو ايوه ياعم ناس ليها فسح وباريس وناس ليهم مناقره عمر ويارا
+
شريف: هههههههههه لسه برضه لمضه
+
رهف: اكيد يا شرى بقولك لما تخلص خليها تتصل بينا عشان نكلمها
+
شريف: استني اهي خلصت اهى بس بسرعه ها عشان مستعجلين
+
رهف بتكلم يارا شوفتى اخوكى بيقولى انجزى عشان مستعجلين يالهوى على اخويا دا البت سارا سحرتله ولا ايه مش هو خالص وعمال يضحك فى التليفون مش زى عوديه معانا
+
يارا: بت بطلى غلبه وشوفيه يمكن يكون سمعك ساعتها ها يرجع العين الحمره تانى
+
رهف: احم وعلى ايه الطيب احسن الو
+
شريف بيكلم سارا: سارا خدي اختي عايزاكي
+
خدت منه التليفون
+
سارا بفرحه : يارا
+
رهف: ههههههه لا انا رهف مش يارا
+
سارا: اهلا اهلا ازيك يا رهف وحشتيني جدااااا
+
رهف: لا ما هو واضح والا كنتي اتصلت بيا بقالك 15 يوم تقريبا ولا كلمتيني
+
سارا: هههههههههه انشغلت شوية معلش ما تزعليش
+
رهف: وانا اقدر ازعل برضه من حبيبة قلبي هاترجعوا امتى حفلتي الاسبوع الجاي
+
سارا: انت بتتكلمي بجد ما اعتقدش هانرجع بسرعة كدة اجليها شوية
+
رهف: ياسلام يعني اقول للمدرسة تأجل الحفلة عشان مرات اخويا هاتحضرها وهي لسة في شهر العسل
+
سارا: هههههههههههه والله وحشنى لمضتك , المهم رورو عامله ايه
+
رهف: الحمد لله اهي جمبي عايزة تكلميها
+
سارا: سلمي عليها , علشان شريف بيستعجلني
+
رهف: ان شاء الله بقولك ايه روحتى ديزنى
+
سارا بحزن: لا ما روحناش شريف مش راضي
+
رهف: ليه لازم تروحوا على فكرة دي تجنن
+
سارا: يارب يوافق شريف
+
رهف:اكيد هايوافق انتي مش شايفة ازاي سحرتيله وخلتيه يروح باريس ومش عارفة عاملة ايه كمان بقة يكلمني بكل احترام وادب ويقولى وحشتنى وياحبيبتى
+
سارا: هههههههه لا مش للدراجه دى
+
رهف: المهم الجو عندكم يجنن صح ..مش احنا اللي هانفطس من الحر ....
+
سارا : مش مهم الجو المهم تكوني في وسط اهلك والناس اللي بيحبوكي
+
رهف: ههههه وانتى يعني دلوقتي مع مين يالا عشان ما اطولش عليكي لحسن حبيب القلب هايدبحني
+
سارا: سلمى على الكل خصوصا ماما وعمى محمد
+
رهف: يوصل ..مع السلامة
+
سارا: مع السلامة
+
وقفلت التليفون وشريف طول المكالمه كان يتأمل في سارا وجمالها الاخاذ فقال بينه وبين نفسه : بجد بدأت البنت دي تغزو قلبي .. لالالالا ايه اللي انت بتفكر فيه دى شريف
+
مستحيل اصلا تحب كل اللي حصل انه قاعد معاها ليل ونهار واكيد حيملها شوية بس انا لازم اوقف الشعور دة عشان ما يتملكش مني
+
بس دي حاجة لا شعورية ما اقدرش اسيطر عليها
+
اكيد لما ارجع مصر هايكون الوضع مختلف .. هايكون البيت دايما مليان ومش هانبقه لوحدنا اللى فى اوضه نومنا بس ودى كمان ممكن القيلها حل ان شاء الله
+
سارا: ايه يا شريف سرحت في ايه
+
شريف: لالالالا ولا حاجة ... هي رهف كانت عايزة ايه سارا: كانت بتفكرني بميعاد حفلتها فاضلها 9 ايام
+
شريف: عايزة تحضري الحفلة
+
سارا: ياريت ياشريف
+
شريف: خلاص هاستعجل في الرجوع
+
سارا: مش هاتزعل يعني ان احنا ما قضناش الفترة كلها
+
شريف كان مبسوط انهم هايرجعو مصر ويقلل الاحتكاك بسارا .. لانها سيطرت على مشاعره واحاسيسه وهي مش حاسة وهو عايز يشيل فكرة الحب من دماغه اصلا
+
شريف: هو انا كل ما اقولك حاجة تقوليلي مش هاتزعل لا يا ستي مش هزعل ... يالا قومي عشان نروح المطعم ايه رايك نروح لقالريه لافييت
+
سارا: ايوة لاني في حاجات كتير لسة عايزة اشتريها
+
شريف بعفويه وبدون قصد: سارا حبيبتى مش كفايه شري انا حاسس اننا هانجيب باريس كلها
+
سارا ذهلت من عفويته لما قال حبيبتي وسرحت معاها وقالت بسرها يعني حبني
+
شريف: سارا روحتى فين
+
سارا بفرحه وعفويه : معاك يا شرى
+
شريف عقد حاجبه وقال : شرى طب يلا عشان مانتأخرش
+
ذهبوا الى المطعم وتناولو العشاء وقاموا بعد ذلك على لقالريه لافييت
+
ودخلو محل كبير لبيع فستاين سهره
+
سارا:ايه رايك يا شريف في الفستان دة حلو مش كدة
+
شريف: امم..مش عريان شوية
+
سارا: البس معاه شال
+
شريف: لا فتحه ظهره واسعة اووووي واعتقد ان الشال ما يغطهوش
+
سارا: بس هو عاجبنى
+
شريف: طيب دوري على غيره
+
سارا: طييييب
+
وذهب يجلس على الكرسي اللي في المحل
+
شريف بيكلم نفسه: الستات دول ما بيزهقوش من اللف طول النهار في السوق بقالي ساعة بلف معاها من محل لمحل تعبت من كتر اللف ياساتر وسارة ما بتشتكيش شكل الهانم مطولة
+
شريف: سارا لسة ما خلصتيش
+
سارا: لا تعالي نشوف مكان تاني هنا ما فيش حاجة
+
شريف : الساعه 12 الوقت اتأخر ياسارا
+
بكرة نيجي ونكمل والمحلات قربت تقفل
+
سارا: طيب بس مش عايزة نرجع الفندق
+
شريف: طيب يالا نتمشى
+
وخرجوا من المول وقاموا يتمشون وذهبوا لشارع الشنزلزيه كانت سارا عايشه سعاده غير طبيعيه الحمدلله انه وفقنى بشريف فعلا نعم الزوج صح انه مش فتى احلامي
+
بس شريف انسان رائع بصراحة ما كنتش اتوقع منه كل الاخلاق دي والاحاسيس دس كلها بدأت تحس ان سارا بدأ يمتلكها ويسيطر عليه
+
بس السؤال هنا هل سارا قدرت تتملكه
+
ده اللي نعرفه بعدين
+
