رواية يا اجمل الوحوش الفصل الثامن 8 بقلم رسل فهد
التصويت + التعليق بين الفقرات
يا أجمل الوحوش
- رُسل فَهد
....
22
عند الوصف أقَـول :
في داخلي غصة تشبه غصة الولدة التي تشرب الماء
و أبنها قد مات غريقاً
60
و عند الشرح أكثر سَـأقول :
نار تسعر جوه گلبي
تعادل حرورةّ شَمـس
بية غَصةّ ذيچ من شربت الماي
و عِدها إبن غرگان آمـس
- رُسل فَهد
...
108
ورود
طلعت للمزرعة بالخلفي لان أبوي و جدة ما يأكلون غير البيض رحت لگن الدجاج و بيدي طاسة أجيبلي شكم بيضة بعدني ما طابة
و شفت شجرة النارنج أنهزت بقوة من دون الأشجار
60
اجيت تقربت عليها اريد أشوف شبيها و ما دام دنيا الصبح ما اخاف
اول ما تقربت أنمدتلي أيد و طحت على الزرع و أوراق الأشجار الطايحة أعاين واحد ملثم حتى حواجبة ما مبينة و ما نطق اي حرف بس يتنفس قوي
66
صرخت بعالي صوتي و اني ادري محد موجود بالعشرة يالله يجون الفلاحين وبأيدة جر شالي و شمرة انهاريت أرفس بي بقوة
بس هو جان ضخم و اقوة مني بس ما يكدر يسد حلكي لان أيد
لازم بيها ايدي و الثانية يستخدمها
80
من فوك اللثام عضني بخدي قوي حتى الجلاب عضتها أخف شوية
و اني كمت ارافس لحد ما شك الدشداشة من فوك اريد بس اخلص روحي منه قبل لا يتصخم راسي و راس الخلفوني
ورود : ابوسسس إيدك هدني هددددددني ولك وخررررر
137
ما نطق ولا حرف اباوع للطيور كل ما أعيط تطلع من الأشجار
تمنيت حمامة تروح تصيحلي واحد ينقذني من هذا النگس و هو أيدة
تفتر على جسمي و جسمي يقشعر احس من المستحة و الخوف الشايلته إيدة تيزاب تحرك كل جزء بجسمي تصير عليه
32
ورود : يا الله يا علي يا علي احضرني دخيلك
صفگني راشدي على وجهي و اني مستمرة أصارع يرفع بثوبي
و أنزله و اصرخ بعالي صوتي احس بلاعيمي تجرحت و حتى صوت بعد ما بية
انهاريت من حسيت السالفة راح تصير صدك منو هذا و منين طلعلي
و فجأة أنضرب راسي بحجارة ...
....
111
جُمارة
صوت نفسي من الخوف أحسة اعلى من صوتها
و يا ريتني ما رفعت الغصن ..
شِفت واحد مثلم بالشماغ و ورود دشداشتها من فوگ
مشگوگة و الملثم ضخم صاير فوگاها حجابها مشمور بالگاع
و رجلها كلها طالعة المنظر مُريب
25
صرخت وأني حاطة ايدي على حلگي هو بسرعة التفت و شافني
شلت الطابوگة و ردت أضربة بيها وخر بسرعة و طاحت براس ورود
309
جُمارة : كلب وسخ انعل ابوك لابو
بسرعة هو شرد و أني أجيتها اركض بس اخاف لا يرجع علينة استر بيها و عين عليها و عين على الأشجار
24
حضنتها و اني اباوع لحالها يقهر و هي الدموع عشرة عشرة و تشهك بصوت عالي امسح بدموعها و اسكت بيها و اكو الحمدلله الله دزني بالوقت المناسب و الحمدلله خاف و شرد لان اني توقعت يضربني
و يكمل جريمته الوسخة
27
ورود : ستريني ستريني روحي جيبيلي دشداشة امي تذبحني ماكدر أفوت و هيج حالي تصير مصيبة
كانت تبچي و منظرها حزين
21
جُمارة : و شنو تذبحج امشي خل يشوفون منو هذا وليش هيج سوة ميصير يسكتون امشي
ورود : لج اجيت اجيب بيض لجدة و مدري منين اجاني والله خلصت عمري كله محد شايف وصلة من جسمي
جُمارة : لازم يعرفون حتى يراقبو و يشوفون منو لتصيرين جبانة قابل انتِ صايحتلة
45
اجر بيها و هي تجر بأيدي تخاف تتقدم أكثر
ورود : ما أطب والله ما أطب ولج اخوتي و أبوي ولج استحي هديني دخيلج
جُمارة : جا شنو هو غير راد يغتصبج لو ما اني شايفتة
ما يشرد
17
كامت تبجي بقوة و تلطم بأثنين إيديها على وجهها
ورود : ولج نسوان عمامي ما يضمن الحجاية هسة انفضح بالديرة كلها بروح اخوج استري عليه و لا تحجين
15
هديتها و اني اباوعلها بحيرة
جُمارة : ماشي ماشي رايحة بس لا تبجين
لزمت ايدي باستها
ورود : والله كل عمري ما راح أنسالج هذا الفضل
28
طبيت امشي و أتلفت عليها اخاف لا يرجعلها اني شلون عفتها وحدها
ويَـ طبتي طلعن رقية مرت عمي هاشم و نَورس مرت عمي قاسم يجرن وحدة تجر بالحطب و الثانية تسحب بتنور الغاز
رقية : نورس أنا على الطين و انتِ على الغاز خبزتج مال امس بالطين موش طيبة
23
مريت من يمهن بس ملامح الخوف و الارتباك احسها فاضحتني
نورس : يمة اسم الله الزهرة منين طلعتي
جُمارة : هنا أفتر يم الزرع
3
نورس : هم لچحتي ورود شو مالها حِس
جُمارة : لا ما شفتها
9
طبيت أمشي اعتيادي حتى محد يشك بية وصلت يم الدرج
رهينة : ولكم هاي وريدة وين صدك أنا لسه بلاية ريوگ انحمد بيها و طاح حظها
14
زهرة : جدة دورنة الفوك كله ما هيَ
فاخر : وروووووووووود
25
عفتهم و صعدت اركض طبيت لغرفتها فتحت المجرات اول دشداشة صارت كبالي جريتها وحرت وين اخليها فتحت شالي و طبگتها سويتها لأصغر شيء ممكن تصير خليتها جوة ايدي و نزلت الشال الأسود
على جسمي هم تبين و اني راح امر بهذن اكيد ينتبهن
3
نزعت الشال و لبست دشداشتها فوك دشداشتي حطيت الشال
على صدر الدشداشة خاف احد ينتبه للنقشة يمكن جان كدرت أوصل الها الدشداشة بحلول اسهل بس عقلي جان الخوف مسيطر عليه و يا دوب تجي فكرة براسي
16
نزلت سريع وشفت الكل يدور على ورود و امها تصيح قابل وين تروح هي لو هنا لو بالمزرعة حاولت بين الهوسة اطلع قبل لا يطلعون للمزرعة رقية و نورس يسولفن اني امشي سريع و اتلفت وصلت يمها لكيتها كاعدة تبجي على كعدتها شمرت الشال بحضنها و وكفت حتى انزع الدشداشة
2
اول ما سمعت صوتهن وراي فزيت
رقية : هاي شجاي تسون ولجن مو كتلج سالفتها هاي مو خالية
نورس : ياااااع عايني على ثوب وريدة
رقية : ولجن وين جنتنن احجن لا اصيح زِناد
56
اباوع لورود نزلت بالكاع تبوس بأديهن
ورود : لالا كلشي و لا زِناد دخيلج
دفعتهن و جريتها
جُمارة : و عليمن تتوسلين قابل هو ذنبج امشي يالله عوفيهن
9
و أني احجي واحد كام يصيح نورس رقية ورود ادري اليوم شكو انبلعتن نورس جانت اشوه بس ما عدها شخصية جرتها رقية و راحت تركض لصاحب الصوت
2
ورود لا تهيد و لا تسكت بس تفرفح و تخاف تطب يم أهلها جريتها
جُمارة : اني شفت كلشي و راح اشهد وياج لتخافين
اعدل بحجابها و أحسهم كانوا يطلعون من كل مكان امها و ابوها و اخوانها و هي تعدل بدشداشتها
4
عدنان : شبيج ورود شكو شصاير
رقية : ما ندري الدشداشة مشكوكة و بِت تغريد جايبتلها دشداشة و من شافنه تخربطت أحوالهن احنه قبل شواي سألنه بت تغريد كالت ما ادري بيها
44
يونس : وجهج شبي احجييييي
جُمارة : اني أفهمكم عوفوها
فاخر : شمصخمات
جُمارة : خل نطب و يم جدة نحجي
10
ما كالو شيء بس عيونهم تخوزر طبينة للصالة ادري بجدة تصدكني و تسكتهم لكيتها كاعدة و بصفها كاعد زِناد يدخن و ورثلها جگارة
عقد حواجبة من كلها دخلت سوه
رهينة : شني هاي الغيمة السودة يا ساتر شكو
37
فاخر : يالله احجي شصايررر
عدنان لزم إيد ورود
عدنان : احجي بساع شنو احنة زعاطيط عدجن منو مسوي هجي بيج
ورود تباوعلي و تبجي
1
جُمارة : جدة ورود مو راحت تجيبلج بيض انتِ و عمي فاخر واحد راد يعتدي عليها
هي كم كلمة خلت كل الكاعدين گامو زِناد شمر الجكارة و طفاها برجلة
زِناد : جماااااااااارة
131
جُمارة : اسمعني والله كاعد احجي الحقيقة لو ما اني طالعة و اسمع صوت بنية تصيح ركضت ولگيته واحد ملثم ضربته بالطابوكة طاحت برأس ورود بس هو شرد حتى إذا متصدكوني هاي كصتها شوفوها بس هي استحت تفوت و ثوبها مشكوك طبيت أجيبها دشداشة و شافتنه رقية
و فزعتهم
32
وجوههم صارت ما تتفسر عَم السكوت و بس صوت نشغة ورود واضح
عدنان : لججج شنوووو منوووو هذا ورووووود
14
ورود : والله والله ما اعرف والله
راحت ضمت روحها بعباية ابوها
- يابة ضمني يمك ضمني يمك لا يكتلوني والله يابة اني شريفة
عدنان : مو ما نعرف انتِ شنو بس هووو منو شلون ما شفتي
61
كلهم يحچون إلا زِناد بقى ساكت طلع و صاح عدنان و يونس راحو
و امهة تلطم و جدة تضرب على رجلها
رهينة : يمة اول تالي يااااع باعن حرف ما يطلع من السالفة
8
امي جرتني
تغريد : و انتِ شلون تدخلين روحج بهيج سوالف ولج هاي مصيبة
جُمارة : يمة خطية شلون اعوفها والله انتِ ما شفتي حالها
21
طببتني للغرفة و كالت يالله بدلن امشن خل نروح لا تتصخم روسنا
بدلنا و امي لمت الهدوم حطتهن بالجنط طبت جدة
رهينة : امشي جُمارة روحي للديوان عمامج يردوج
تغريد : أنا راح ارجع لبيتي ما عايزني مصايب
13
رهينة : خلي البت تروح لعمامها خل تفض المصيبة الطاحت على روسنة
تغريد : و احنه مالنا دخل
جرتني جدة من ايدي و طلعتني من الغرفة
- يالله روحي شوفيهم شيردون
7
رحت و اني أتلفت و اعدل بحجابي احس الأنظار كلها علية
رقية : منين اجة و طب شو صار عمر محد هايط الگيعان اول تالي
ما جاوبتها رحت للديوان طبيت لكيته بس هو واگف
جا جدة مو كالت عمامج يردوج
53
زِناد : تعاي تعاي
مشيت و احس المضيف صارت مية متر أعض بشفتي و اضم بشعري
من وصلت يمة بلعت ريگ بس ملامحي توحي ما خايفة من شيء
1
جُمارة : جدة كالت رايديني
زِناد : كل الحچيتي صدگ لو خفتي على ورود
15
جُمارة : شنو قابل أنا اجذب ما اجذب و بعدين وروح امير كل حرف حجيته صدك أنا سمعتها تصيح و من شفتها ضربته بحجارة حتى أنا ردت اشرد كلت خاف يكتلني بس شو هو شرد
41
زِناد : منين طَب منو يفـوت لـ گيعانة إذا مو عرف
جُمارة : جا انتو كتل كتلتو ضلت على هاي
86
ايدة صارت على زندي و ضغط عليه بقوة صغرت
عيوني متوجعة و هو خازرني بعيونة
زِناد : ولج هم على الغريبات تشيلهم الغيرة
شلون تدني نفسهم على بِت عمهم يخطبوها لو يردوها
109
صارت ايدي على ايده حتى اوخرها لان صدك
احس روحي توجعت هَد زندي ومسح شواربة بأيدي
جُمارة : انا ما ادري بعد بس المهم ورود خطية محد يضوجها
اصلاً احنه راح نروح
18
زِناد : ماكو روحة
جُمارة : مو بكيفكم احنه نريد نروح نشوف امير الكتلتو
13
زِناد : طلعي طلعي
7
جُمارة : و أنا ما جايتك حتى تطردني انتَ دزيت عليه
64
زفر نفس قوي و اشر على الباب مال المضيف ، خزرته
زِناد : أقـلعـهن
75
جُمارة : شحدك
127
حجيتها و طلعت امشي سريع من حسيته ما لحگني رجعت مشيتي اعتيادية بمعنى اني ما خايفة من وصلت لباب المضيف حسيت روحي صدك ارتاحيت قبل لا اطلع درت وجهي عليه لگيته يحرك بچف ايدة
اللزم زندي بي و مبتسم ، شكد غريب الأطوار
280
اجواء البيت متوترة و نزلت دمعة كاشخة و حاطة تخم مكياج و الشال شامرته على شعرها و مطلعة الگذلة مخصلة تنزل و صوت المعاضد
ترن بأيدها طالعة تجنن
دمعة : صباح الخير ، يمه وينة الخير
173
محد رد عليها بس امي و امي منتظرة زِناد يطب حتى تخلي يأخذنه لأمير لو يخلي واحد من الولد يأخذنه
جُمارة : يمه يكول ماكو رجعة
تغريد : شنو بكيفة أنا رايحتله هسة
6
رهينة : كصة الشوم بعدها ما طبت و أنهجمنا
دمعة : شونج عمة عرفتج راح دگوليها جا هو بيتج شلون جان البيبان محنايه و العلوگة تارسة الشبابيچ
191
رهينة : اخذج ضحية و نذر اذبحج يم الائمة بس يرجع يعم علينا السلام
دمعة : بس هاي بتوتي وارثتهن لامي مو أحد يبوگهن
حجتها و خرخشت بأيدها
جدة ضربتها بالكوب و تطشر الگزاز بالگاع
128
رهينة : انعلبوج لابو الخلفج بت الفكر
عافتها و طبت للمطبخ تسوي ريوك و شحاطتها ام الطگة تمشي و تطگ بيها طبخن غدة رقية و نورس و هي وياهن تصادقن و ورود بغرفة امها تبجي و ترجف
33
اجه شراع سلم على جدة و صعد صاح لزهرة أخت ورود الصغيرة
تأخرت يالله نزلت نزل هو وراها وجهها ما يتفسر يريد يحجي بس يستحي طلع للمضيف شوية و رجع صعد فوگ
زِناد و عدنان و يونس كل شوية يطلعون بالساحة يحجون من يجي واحد من عمامي لو ولدهم
55
أمي بعد ما طلعت لزناد طبت دكول كم يوم و نرجع للبيت
خلي تفض هاي سالفتهم عيب العصر اجتمعوا كلهم اني خفت كلت اكيد على موضوع ورود هسة يكتلوها صدك بس من طبت أمهاتهم لجدة رهينة يبجن تطَمنت
+
رهينة : أنا مالي دخل حاولت و حجيت ويا جثير هاي المرة صدك ما يرضى و ما يقتنع
عجيبة : ياهو الراح يروح يمه ويلادي وين يروح بزرهم
ام سلام : ويامن تحجي ياهو البگلبة رحمة اخخخخخ يمة
24
جُمارة : جا هو الكاتل يكول أنا قابل يتبرع الما مسويها
و السجن انفتح للمجرمين
ما جاوبني بس عيونهن كلها شر لو ما جدة كاعدة و امي يمكن يأكلني
20
الأمهات كاعدات يم جدة و البنات واكفات يم شباك المطبخ يباوعن
لحد ما طب غسان يباوع بالوجوه و هم طلعوو من الساحة و صارو برة
رهينة : ها ولك شصار
غسان : حسن ابن عمي عمار
161
امه كامت تلطم بأثنين إيديها و تصرخ و تبجي و أمي طبت للغرفة بس هم اباوعلها تبجي جدة هم عافتهن و اجت طبت للغرفة اني و روز طلعنة نباوع تگابلن عجيبة و ام سلام دعاوي على زِناد
ام سلام : ولجن هذا المكرود شمعرفة بالكتل وينة وين السجن
23
عجيبة : اسولفلجن بس ما تصدكن ولجن هذا لو بيدة يحرم البشر من الهوى إلهاب حتى يبقى بس هو عايش
24
طبيت لورود لغرفة امها لكيتها مصخنه و امها حايرة بيها تخليلها كمادات للمغرب و ام سلام تبجي و تنوح ولدها اخذوها هي و
چناينها و راحو
2
دمعة : اكلج جا ورود شبيها اليوم شو لابدة يم امها
جُمارة : ما نعرف
- امممم علينـا مو حتى ثلج گلينا
312
باوعتلها صَفح
دمعة : و انتِ شعندج اليوم طابة للشيخ وحدج بالمضيف
جُمارة : و انتِ شنو
- مو اكول اخوج مكتول و تتمعشگين ما معقولة
92
جُمارة : گبـر
دمعة : يطم الـ گبالي
- و الگبـالي
101
روز : هسة تغريد صدك تحجي عايفتنا بنص هاي النار خلي نولي للبيت
جُمارة : انتِ ما كاتلج البيت بس كولي اشتاقيت
روز : هو بس اشتاقيت غير راح اموت
72
طب عدنان عيونه حمر من العصبية و صاح لمرته تصبله اكل لان بيهم طبيعة من تصير مشكلة بالبيت مَيصبون لان محد يأكل
مرته فقيرة و حبابة ابد ما تحجي حتى توقعتها خرسة لو ما شفتها البارحة تحجي ويا بالمطبخ بس صوتها ناصي
32
كل شوية اشوف بيدها كلاص أعشاب تشربة و مبينة كوه تجرعة
يمكن علاج لان هي تريد أطفال لذلك رادو يونس ينطيهم طفل و مرتة ما قبلت امي و روز بحياتنا كلها ما شايفين هيج احداث لذلك مصدومين
خلصنا عمرنا ناكل و نقرا و ننام
59
اباوع لدمعة اجتي كعدت كبالة و تضم بگذلتها جابتلة مرتة الصينية و هو جر الطبلة خلاها گبالة و اخذ الصينية منها
عدنان : چـاي بسرعة
دمعة : إذا ماكو زحمة اني هم
حياة : اي صار
129
روز : هاي شلون كاعدة كبالة هيج متستحي
جُمارة : ولج هي يمكن حبيبته القديمة لان البارحة لكيته خانگها ويضرب بيها و هي تضحك
روز جانت بيدها كيكة تأكل بيها غصت و كلها كامت تباوعلها و اني أضرب على ضهرها اخذتها للمطبخ حتى تشرب مي و هي فاتحة عيونها تباوعلي بصدمة
71
و اني أإشر الها اسكتي و أعض شفتي لان حياة بالمطبخ
طلعنا بالساحة فارغة
روز : صدك صدك يمه صخام شلون تتزوج ابو والله البارحة من خنكها حسيت اكو شيء
جُمارة : اي إش اسكتي معلينا
روز : دمعة لفنون الانتقام
88
طبينا و مرتة اخذت الجاي تقدمه و دمعة كاعدة كباله و تخوط الاستكان بصوت عالي هو كل شوية خازرها مرته كعدت يمه كاللها راسي راح ينفجر مَدت أيدها على گصتة تمرغله رأسه و اباوع لدمعة رغم القوة الواضحة بس تغير كل كيانها
45
عدنان : هذا السم بعد لتشربي كااااااافي
بلعت ريگها و هدته
حياة : جا غير اجيبلك جهال جثير نسوان ماخذاته و شايلات
عدنان : خلي شوكت ما يجي هلا بي بيد الله أنا ريحته ما جارعها انتِ شلون تشربي
122
كام راح لغرفة امه و هي لمت الاستكاين دمعة تنفت صعدت فوك
حياة : يبنات تردن جاي و كعك
جُمارة : لا حبيبتي ارتاحي
141
بالليل كلش النوم ما يجيني بهذا البيت امي و روز نايمات
جدة تشوخر فتحت الباب على كيف و طلعت امشي على أطراف اصابيعي رحت للمطبخ فتحت الثلاجة اخذت برتقالة باب المطبخ مفتوح
باوعت من الشباك رقية واكفة بالساحة بيدها فلوس تحسب بيهن ضمتهن بصدرها طلعت اركض ختلت بالممر مال الحمام
52
قفلت باب المطبخ و صعدت بسرعة رجعت للمطبخ اخذت وياي كلاص
مي طب شراع هم يتلفت من شافني اني اخترعت و هو اخترع
طب ورا غسان
52
غسان : ملتقى الحرامية
141
جُمارة : لا بس برتقالة
اخذتها و طبيت للغرفة اركض لا تشوفني وحدة هنَ على الماكو يسون قصة عظيمة أكلت البرتقالة و نمت فزينه الصبح على صياح زلم قوي
جدة وكعت من الجرباية ركضت امي تگومها و اني روز جانت واكفة وكعت بالكاع من الضحك و اني حاطة ايدي على حلگي
309
رهينة : يا ستار يا ربي ولج عوفيني روحي شوفي شجاهم
طلعت اني قبل امي لان هي تگوم بجدة و روز بعدها غاصة من الضحك
لگيت عمامي كلها موجودة و النسوان كلها نازلة
12
عمار : شلوووون تسكتون على هيج موضوع هذا شرفنا ولو احنه صرنا سيرة على كل لسان
فاخر : البت راح تموت و زِناد و اخوتها جاي يتصرفون شتريد أحط لافته على الباب و أكول بتي هيج سوو بيها
30
قاسم : ولكم عمي ورود منبع للشرف ما تتلثگ لا تخلون سيرتها على كل لسان مو كل الأمور تنحل بالهوسة و الفضيحة
عمار : السالفة التنحط بحلوگ النسوان ما تنضم و لا تتستر
هاشم : خل ياخذها واحد من ولد عمار و يستر عليها و موتو السالفة بگاعها
110
دارو وجوههم على آثر الصوت الدخَل
زِناد : البِـت ما ملثـوگة حتى واحد يستر عليها ولو مرتك أصيلة يا عمي هاشم جان كل هذا ما صار جاهلة بِت عمي يعقوب و تصرفت احسن منهن
80
رقية : أنا شكلهن و خوفهن عجبني و أنا ما كلت لغريب لامها و أهلها وسفة يا شيخ ما توقعتها منك أنا مو أصيلة بس طبعاً السالفة بيها جُمارة حتى من الكلَچية تطلعنا منها
هاشم : سدي حلگج
136
صارت أنظارهن علية
عمار : علي يعقد عليها بلاية طربگة
و هوسة يالله و سدو السالفة
عدنان : ما يعقد عليها أختنه عزيزة و ما نشيلها و نشمرها ابنك تعرف الهاويها منو و اي واحد من ولدك ما تأخذ
عمار : فوك شينة گوات عَـينة
175
يونس : و احنه ما دازين عليك و كايلين الك حل مشاكلنه
و تعال استر على بتنه
عمار : هو انتو مو صوجكم صوجي أنا ابقو هيج لما تصيرون علج و حجاية على كل لسان
39
عدنان : عود لا توگفنة بساعتها
عمار : أنا اخوية كاسر ظهري إلا انتو نعل مشمرة
حشى زِناد
ام عدنان : الـ يگولة عمكم صحيح خل نفض السالفة بگاعها
26
عدنان : ما تااااااخذ من ولد عمي عمار على جثتي و ما تأخذ
يونس : أحنه نتصرف و نشوفة منو و نچتلة ما عايزين واحد يستر علينه اختنة ما ماشية بدروب مكسرة خلصت عمرها تخدم بهذا البيت و الغريب و القريب يعرفها
94
عمار : ولك أنا منطيك بتي و تستنكفون تنطوني اختكم أنا عمها أطب اسحلها من الغرفة اخذها و اي واحد من ولدي يكدر ينهي عليها و اخذها غصباً اعلة خشومكم
58
زِناد : ما عندي سالفة نَـهوة أنـا
59
عمار : چا لـيش ناهي إعله بِت يعقوب أحجي لو اخلي الحجي مدفون
239
زِناد : قوانيني ما تشملني ، و السالفة قديمة
193
عمار : و اليوم أنا افتح الدفاتر العتيجة كلها
زِناد : انتَ ما تريد ورود و لان مرتين انرفضتوا هسة جاي لگيتها فرصة بس يا عمي الما نباع بغالي ما ينباع برخيص
9
عمار : ولك سمعتنا و سمعة بناتنااااااا
5
زِناد : كلهن شريفات و مستورات و ينفرك حلگ اليجيبهن بالطاري
23
فاخر : لا يا ابو سلام أنا وي ابن اخوي بتي لو تبقى العمر كله كاعدة يمي ما يأخذوها ولدك و هي كلبها ملچوم منهم و أنا هاي عزيزتي ما افرط بيها خليها تخدمني
111
عمار : لو هيج تفكيرك مال كبار جا ليش رحت جبتلك وحدة بطول زرك هاي ببدال ما تعرس ابنك غسان
فاخر : ما تتدخل انتَ بية و بـ بيتي أنا الغلط اعرفة غلط
و الصح اعرفة صح
36
عمار : هو انتَ من ساسك لراسك غلط
فاخر : احترم نفسك و لازم حدودك أنا اخوك الجبير لا اكسر راسك
40
عمار : جا تعز بتك علية وأنا جاي هامتني سمعتك
فاخر : بتي عزيزة و ما اعزها عليك بس اعزها إعله ولدك
ساعة الخطبها ابنك و بعد چم يوم يدز حچي ما يريدها
خل ترفض النيشان ما تنحط بهذاك البيت مرة
73
عمار : هذا علي جان زعطوط و هسة كبر و صار رجال
و إذا ما ترضون علي ياخذها إسلام
عدنان : و لا واااااااحد خلينه اخوه و صحبان احنه و ولدك
لان إعله أختنا نترس بطونهم بارود
60
عمار : جا بيك خير روح شوف ياهو التحرش بيها و راد يصخم روسنا إذا ما طلعت مصخمة
30
انهار عدنان و لزمة يونس
عمار : تعال تعال اضربني يالله عاشت أيدة فاخر على هالتربية
رهينة : ولكم تسودنتو ولكم ضحكتو الوادم عليكم
من تالي الدنيا كلها تحلف بيكم و بخوتكم
19
زِناد : هذولة ولدچ هم دوم الله خالقهم حتى يخربون الدنيا
ليش جديدة السالفة يعني تعودنا
10
عمار : انتَ آخر من يحجي انتَ هجمت بيوتنا هجمت حياتنا ساعة السودة الكبرنه رأسك بيها ولك گلنالك صير شيخ بس مو تشيخ علينا
46
زِناد : أنا چبير من بطن حليمة ما محتاج منكم يكبر راسي
و أنا ألويّ أيد كل اليسوي غلط لو چـان أخوي ابن امي وأبوي
55
عمار : وحيد خلاك لان يعرفك الله شنو چـا الله ما يرمي بحجار حتى اخوتك تكتلهم بيدك من شَرك
جان عمي يحجي بحرگة گلب و ايدة ترجف و هو يرد عليه بكل برود
4
زِناد : صير انتَ شيخ و إذا حليت عركة ابنك و مرتة أنا خسار
عمار : ولك انااااا عمك ولك تحاچيني هچي يا گاع انشگي و بلعيني بس بسيطة إذا ما ندمتك يا ابن حليمة أندمك
125
حچاها و طلع
رهينة : على كيفك لا تطلع حرگة مرتك و دعاويها بـ چبيري و السالفة الگال احلها زِناد محلولة عليمن جاي من صباح الله ظلمت الدنيا علينة و طلعت
12
عمار : ها يعني هسة زِناد احسن مني بسيطة يمة
طلع و طبگ باب المطبخ قوي زِناد هم طلع و جدة طلعت ورا
29
باوعلهن بعصبية و آشر بأيدة عليهن
عدنان : يا منحرفة يا ادبسزز راحت تبشر الوادم
بالخبر ما تستحن بس شنو الفايدة منو دگول أنا
هم تجن و هم كلجن تحلفن بالقرآن وواحد يگوم يشك بروحه هو الحاچي و لا انتن
13
اباوع لشراع طول الحديث واگف لابس ملابس الدوام امي جرت ايدي و طببتني للغرفة
تغريد : يالله بدلن يالله
روز : تغريد شنو زِناد ناهي على جُمارة عزه
جُمارة : شنو يعني ناهي اني هم سمعته گال
88
تغريد : ماكو شيء امشن يالله
جُمارة : يمة خاف ما يخلونه خل نطلع بالليل البيت فارغ كلها نايمة والله خل نخلص منهم و نشرد
21
روز : لا وشنو يمانعون خايفين منهم خل نروح
بدلنه و طلعنه هم يباوعون مستغربين
رهينة : وين مغبشة بالبنات يتغريد امشي طبي
8
امي ما جاوبتها سحبتنا و طلعتنا اني جنت جوعانة جريت الصمونة من الكاونتر ضميتها بجنطة امي حاطتها على ظهرها
عدنان : خير عمة فوتي الله يخليج مالنه خلگ
تغريد : يالله واحد منكم يوصلني
53
عدنان : زِناد خوية
طلع من الديوان وهو يهز رأسه بنفاذ صبر
زِناد : ها عمة خيرج انتِ
23
تغريد : امشي واحد منكم يأخذني لبيتي أنا ما الي ضلة هنا و انتَ لا دكول بعد عمتي
زِناد : هسة دطبي جوة بعدين نتفاهم
31
تغريد : ما أتفاهم اني اريد اروح
حچتها و اتجهت لباب الحوش الجبير و احنه وراها صار گدامنه يهدي بأمي شاف مابيها رادت تطلع طبگ الباب قوي
زِناد : كتلچ طبي جوة
20
تغريد : و انتَ شنو تمشي كلمتك علية ولك اني مرت عمك
زِناد : ما تطلعين والله طبي عمة و تچفي الشر
29
تغريد : يا شر هذا وينة اريد الاگي اكثر من سوايتك و عملتك همزين عمامك فضحوك
زِناد : شني ناهب أنا و يفضحوني لو ساطي إعلة وحدة
و بعدين السالفة قديمة من جنت شاب
103
أبتسمت أمي
تغريد : چا شنو هسة انتَ شايب وخر شو خل اطلع وخر
هو من شافها ابتسمت شوية أطمَئن
زِناد : فوتي يمه فوتي عيني أنا والله بيدي أرجعج
و قبلها أخذج للنجف و شتردين اني خادم
36
قنعت شوية وبعدها دفعته لا هو لازم چتافها
تغريد : أنا مو مضحك عندك يومية ضاحك عليه بحچايتين
زِناد : افااااا ما عاش اليضحك عليج
37
طبينة للبيت و اني أكرص بروز أريدها دگول شنو يعني ناهي
روز : لا تسوين روحج غشيمة و انتِ
غالبة الشيطان صفر واحد
جُمارة : و العباس و روح أمير كلشي اعرف بس هاي ما فهمتها يعني بالضبط
31
روز : معناها يا بت اختي ناهي عليج ميصير واحد يخطبج غيرة
جُمارة : هلوووووووو خاف جانت آلية نية وره هذا الشفته يمكن لو يقدملي أحلامي على طبق من ذهب ما اريدة
يمه يمه غدي
129
روز : النوب ما عدهم بنات هواي بس فاخر اثنين و عمار اثنين و قاسم و هاشم كل واحد عندة بنية وحدة صغيرة
جُمارة : اي و هو بس عمي عمار عندة عشر ولد
روز : و جعفر الله يرحمك عندة بس شريك و عالية
23
صاحت ام عدنان بصوت عالي ورود فاقدة حرارتها عالية
و ما تصحى حتى من يذبون عليها مي
رهينة : لا تخلوهم يضربوها ابرة تراها تموت
32
أخذوها اخوانها يركضون وره شويه جابوها صاحية بس منتهية امها كاعدة بالصالة تبجي و تضرب على رجليها شايلة هم العالم اكثر من بتها خلوها بالغرفة رحت يمها
7
جُمارة : ولج ورود شبيج ترى اهلج كلهم وياج ويعرفوج شنو و يدافعولج بعد عليمن هيج مسوية بنفسج
ورود : ولج لزمني يتلمس بجسمي ولج شلون اباوع بوجه اهلي
48
تحجي متقطع لان ترجف تطگ سن بـ سن غطيتها و الكانولة بيدها اجه حط اخوها البراسيتول و علگة ببسمار و طلع
جُمارة : امج و ابوج خطية وًانتِ شبيج قابل هو سوه اليريدة مو زين الله يحبج و نقذج منه يالله كافي
2
ورود : راح يبقن يعيرن امي بية مو كتلج هذن يفضحني فضيحة
جُمارة : طبهن مرض قابل انتِ دازة عليه يعني هو شيء وصار بعد اكيد يجي يوم يلزموه ترى هم ما ساكتين
5
ورود : و زِناد شيكول
جُمارة : والله يدافعلج يكول منبع للشرف
كامت تبجي بقيت محتارة شسويلها طلعت
15
دمعة : اكلج خاف حبلة
جُمارة : انتِ ما تستحين مو عيب عليج كبر حتى گبر
دمعة : شو جنجن طابخاتها سوه شو هواي تدافعيلها
105
جُمارة : لان بنية بريئة و شريفة بس الوكت طايح حظة خلاها حجاية بحلكج و بحلگ غيرج
1
تغريد : جُمارة يالله بدلي راح نروح للنجف
عفتها و رحت للغرفة اركض طبيت ابدل و احس العبرة خانگتني عبالك راح اروح اشوفة مو أشوف گبرة
21
امي تلبس بالربطة وًتبچي جدة هم تلبس بشيلتها يعني راح تروح ويانه أخذنا علي ابن عمي عمار و اني حاضنة اللعابة طول الطريق و أفكر من راح أشوف گبرة شنو شكلة لان اني ما طابة مكابر من
أربعينية جدة غريبة من جنت بالابتدائية حتى ما اتذكر شيء
19
أفكر من أوصل شلون ابچي و شنو احجي و شلون أوصف حبي اله و اشتياقي والله من كد صدمتي على موته لسه ما مستوعبة هو مات و راح احس على اي لحظة يرجع
16
مثل بابا من راح و بقينة على آمل لسه ما عندة گبر نزوره
لان ما حصلنا جثتة و من كد ما أمي زرعت آمل بينا أبوية يجي يوم يرجع خلصنه الطفولة اني و امير ننام جوة الباب و نباوع للرجلين بلكي توگف رجل رجَال ويطلع هذا أبوية راجع
109
راح آسير بسبب عمامي من أجاهم شارد كلهم خافو على نفسهم و عوائلهم و حتى ابو من ضمنهم بقى لليلتين و هُم يصيحون خلي يسلم نفسة الدوريات تفتر و إذا فتشو و لگو يعدمون اهلة كلهم
25
تالي حليمة مرت عمي يوسف ام زِناد تعاركت وياهم و گالتله تعال
بـ بيتي انتَ و مرتك و إذا عدمونه أنا و ابني هذا يومنه و هاي نهايتنه
هو أخذ امي و راح زعلان و بنص الليل امي نايمة وهو طالع
موصي صديقة يسلم على جدة و امي و حليمة مرت عمي
وراح سَلم نفسة للقاعدة مال الجيش مالته بس بنفس الوكت صار الاحتلال و القصف و أجتي اخبار دگول قسم أنعدموا
و قسم أنفقدوا
21
كلها صدگت أنعدم و مات إلا أمي بقى عندها آمل بس حتى الأمل
گام يتلاشى بمرور السنين و اجاها أمير العوض و هم عافنه و راح لمن وصلنه النجف اباوع منظر مخيف إذا كل هاي الناس ميته جا منو باقي عايش
60
أكول بداخلي معقولة أمير ابو ضحكة الحلوة الجان محلي حياتنه و صاير رجال علينه هسة خلاص صار بوحدة من هاي القبور
ليش هو ششاف من حياته حتى ينام هنا
35
هذا المكان انخلق للي يعيشون الحياة ويشوفون كلشي ويجربون كلشي المفروض الصغار ما يموتون خطية ..
بعدين أكتشفت بس اللي يحبه رب العالمين يخلصة من الدنيا و معاناتها من وكت
28
رهينة : مو ذاك الفرع
- اي ذاك
اباوع لامي عيونها مورمات من البچي و كل وجهها أحمر
تمسح وجهها بشالها و روز مدنگة و تمسح بدموعها
مديت ايدي على عيوني ليش اني ما ابچي جنت أكول اني صلفة صحيح حچاية أمي
28
لحد ما وگفت السيارة قبل لا يوگفها و يسد السويچ امي فتحت الباب و نزلت اني هم نزلت امي تباوع من جهة و امي من جهة على القبور
شهگت من شفت مكتوب المغدور الشاب آمير يعقوب سرهيد
177
جُمارة : يمهههه هذاااااااااا
اجت امي لجهتي تركض باوعتلة و ضربت على صدرها و ركضتله
حضنت الگبر بأثنين إيديها
تغريد : يمهههه يمههه مو الك هاي النومة گوم يمة كوم يبعد عمري كوم يحبيبي كوم بطبيبي گوووم ولك شسويت بأمك من رحت
133
تقربت و اني امشي على كيف كعدت بالمجال اليصير بين گبر و گبر
جُمارة : امير أحنه أجبناك صحيح طبو للسجن بس والله ما يرد گلبنا عليك و لا راح يبرد صرت صيدلانية تدري ؟ بس ما داومت انتَ كاسر واهسي بكلشي
36
كامت امي تشيل تراب و تشمر على رأسها كتلت نفسها و روز تهدي بيها اني حطيت راسي على الگبر و دموعي توگع على اسمه
جُمارة : ارجع خلي حياتنه ترجع تصير حلوة مثل ما انتَ جنت موجود كلشي بدونك مو حلو انتَ اخذت كلشي حلو وياك
46
بابا عافنة و انتَ عفتنة و امي مريضة احنه منو النه بهاي الدنيا بعد إذا تدرون بنفسكم ترحون ليش ما اخذتونه وياكم
روز : امير حبيبي صدگ هذا مكانك
39
تغريد : ولكممممم ابني يا ناااااس يا عالم ابني اخذو ابني مني كتلووو ذبحو حبيبي كبال عيني لا بيها و عليها أتفرهد من أيدي راح ابني راح 16 سنة راحن برمشة عين
جا وين تعبي وين السهر
56
ولك عادلت بيك الدنيا صرتلك ام و ابو يبعد امي و أبوية انتَ يتعبي يحبيبي يماي عيوني هسة جوعان عطشان
نايم جوة هاي الحجارة صدگ ولك
54
يمه أنا ابني ما يتحمل حر الشمس جان ما يطلع الظهر
و هسة مچفن و تصگع الشمس عليه يمن كون أنا أتوسد بمكانك يبعد حياتي ولك كوم شوف حياتك و اني اموت ببدالك
70
ولك يعقوب اخذو ابنك مني اهلك كسروني مرتين
اهلك
20
روز وخرت امي و اجتي جدة تبجي و تبوس بگبرة و تحجي ويا بس بصوت ناصي ما مسموع
جُمارة : هسة شفت ليش امي متحب عمامي لان لو ما هم جان انتَ هسة ويانة و احنه ما نطب للنجف
كل يوم اعيشة بدونك احسة خيانة احنة كبرنه سوة و درسنه سوه ليش تعوف كلشي و تروح وحدك
14
حسيت امي راح تموت لان صدك انهارت بوست اسمه حرف حرف هو و أبوية و گمت صعدنا امي بالسيارة
3
أخذنا علي حتى نزور الامام علي (ع) كعدنا نزور و اول ما خلصنه حتى نرجع بس أمي جان ببالها شيء ثاني
تغريد : تعالن
....
695
رُسل فَهد 🤎
19
س/ ما هو الشيء الذي لم تتخطاه إلى الآن ؟
220
