رواية يا اجمل الوحوش الفصل التاسع 9 بقلم رسل فهد
يا أجمل الوحوش
- رسل فهد
...
17
گـدامي تحچي و مبتسم
و أنا المرض مَاكلنـي ؟
لو حُبي صَاير مِن طَرف واحد ، سَهل
المُشكلة انتَ تحبني !!!
- رُسل فَهد
....
48
تغريد : تعالن
جُمارة : ها يمة
- نـشرد
89
جُمارة : عفية بالبطلة وين نشرد هو البيت و كلهم يندَلوا
خوب تعاركي وياهم و يرجعونه
47
تغريد : ما ما يرجعونة زِناد خايف من الغدر يگول سالفة ورود خلتني اخاف على كل بنية تخصني بس أنا ما اريد ابقى وياهم و اكعد ويَـ كتالين ابني نفس الماعون
52
روز : لعد وين نروح
تغريد : لخالتي فِتنة ام شراع
131
جُمارة : يمه من اسمها ما تبشر بخير لا ما نروح
شنو تفرفرين بينه بالبيوت و هي كل ذاك الوكت ما سألت عليج هسة شعدنه رايحين
64
روز : لا تغريد ورطتينة مرة و اخذتينا لبيت رهينة
هاي المرة ما راح نسكت و لا نروح
جُمارة : و لا حتى أنا اروح
43
تغريد : ولجن تكسرن كلامي أنا گلبي مجمر هسة اطلع حرگة أمير بيجن و اكتلجن بنص الضريح
جُمارة : احنة يتامى يمة و تكتلينه يم الإمام علي (ع)
راعي اليتامى هسة يدخلج غيبوبة
218
امي بعز الحزن ضحكت و كفختني كعدنا و جدة تباوع النه احس بيها حست نريد نخطط لشيء
روز : شوف شلون تباوع رهينة والله من يوم الشفناج ما شفنه الخير
جُمارة : هيو جدتي ما اقبل
تغريد : انعل ابوج لابو جدتج حشى ابوج
172
اباوع للضريح شكد بي راحة و عطرة طيب بقت صفنة تجيبني و صفنة توديني مرة على عمري الراح و مرة على خسارة الجاي
لعابتي بيدي بالگوه امهات التفتيش بقنها عندي إلا كلت الهن ذكرى
من أبوية
47
سندت جدة حتى نگوم و نرجع للبيت
رهينة : لازم ما ضبطت الخطة
162
جُمارة : يا خطة جدة
رهينة : الگاع گاعي و اعرف شبيها يعني ماولدت تغريد تاخذجن
جُمارة : هااا ، لا جدة ارتاحي ما نشرد لو نريد نروح ما خايفين
- يمه وليدي الله يكون بعونه اعله هاي الصلافة
خزرتها لان اعرف تقصد زِناد
180
صعدنا بالسيارة و امي تخوزر بينة طول الطريق و هي صافنة تفكر
حسبة تجيبها و حسبة توديها وره ما طلعنه من الامام أكلنه و هسة راجعين بس شكد اكره طريق الرجعة
رهينة : شوفلنا حسينية ولك محصورة انعل ابو السكر
علي : بعدج بعز شبابج جدة وينج وين السكر
- اي والله عين و صابتني هو السكر عين نگسة
215
جُمارة : جدة العراق نصة بي سكر شنو كلهم محسودين
هو احنه الما عدهم بيوت اكثر من العندهم
66
رهينة : لا يجدة الوادم تحسد الاكرع اعله حواجبة
بعدج صغيرة ما تعرفين الوادم شنو
زِناد كل شوية يدگ على علي و يگلة احنه وين وصلنه
40
نزل جدة امي و روز نايمات
علي : عينج ع السيارة هسة اجي ، اخذ جدة و طبو للحسينية
جُمارة : شنو خلي عينج يعني مثلاً إذا اجونه سلابة
أسوق السيارة و اطلع گبل
166
تغريد : كومن كومن يالله ، فتحت باب السيارة و نزلت و اجت من جهتي فتحت الباب تأشر علينا انزلت و روز كعدت مخترعة
38
تغريد : يالله فضنها
جُمارة : يمة شبيج وين نروح ، عافتنا و مشت وحدها نزلنه نركض نلحگها جان الطريق سريع بس بي هواي حسينيات و كشكات يبيعون جاي و كهوة و بسطيات تبيع مي و بانزين
28
طبينة بنص البساتين الصايرة ورا الحسينيات و الفلاحات والفلاحين
يفترون خاف يشوفونه و يطردونة من الخوف ابد ما تلفتنا ليورة
روز : تغريد وين نروح اوكفي تعبنا
تغريد : أنا هم تعبانة بس ما اريد اشوفجن بحضن جتالين ابني
96
جُمارة : صدك تحجين يمه و هم منو بحالهم
تغريد : أنا اعرف شيء و انتن تعرفن شيء ثاني اتبعتي و اسكتن ما اريد اسمع ولا حِس
50
درت وجهي و شفت علي من بعيد طب للبساتين يسأل الفلاحين الي بالبداية گلت لامي و احنه نمشي همزين احنه گصار ما نبين زين
امي لزمت فلاحة من أيدها
تغريد : دخيلج ضميني يردون يأخذون بناتي مني
- ما يصير والله
45
تغريد : بداعت كل عزيز عندج سويها لله
باوعت النه من فوك ليجوه
- تعالن وراي
35
جانت المزرعة من تشوفيها من مكان عالي بين الزرع اكو مربعات موزعة
لون ابيض طلعت هاي المربعات مخازن يخلون بيها گواني الحصاد و يعلگون ملابسهم و يخلون جنطهم و يقفلوها هي اول ما طبت كامت تفتح بالجنط الكبار تطلع جوزدانات و تأخذ الفلوس تخليهن بصدرها
حقها شمدريها يجوز هواي مثلنا يطبون و يطلعون حرامية
18
- شنو قصتكم يخية
تغريد : اهل رجلي كتلو ابني بسبب دكة عشائرية بيناتهم بس طاحت بـ ابني و هسة يردون يأخذون بناتي مني
و أنا ما عندي غير الله سند
20
- جا الله شواي هو وحدة كافي جثير سامعين مثل قصتج ما نستغرب بس إذا بيج خير اذبحيهن و لا تزوجيهن الهم لان ما يرتاحن و راح تنسين ابنج لخاطر سعادتهن و تسكتين
و الزواج الـ ينبني اعله دم ما يرتاحن بي
68
تغريد : ما تشوفين أخذتهن و هجيت جابوني اشوف ابني و عفتهم و شردت
- زين تسوين لان بناتج ما راح يشوفن رجولتهن غير جتالين اخوهن و هم ما دام حياتهم دم و ثار ما يحسبون للمرة حساب اسأل مجرب و لا تسأل حكيم
47
أندگ الباب و اشرت النه صيرن على صفحة فتحت الباب و طلعت
مرت نص ساعة و هي ماكو
روز : تدرن أنا كاتلني الجوع بالمطعم ما أكلت زين
جُمارة : جُمارة لديكم لا خوف عليكم
حجيتها و اني افتح بجنطة امي طلعت الصمونة الحطيتهة الصبح
90
قسمتها ثلاثة و هن يضحكن عليه كعدنه ناكل بس محد حِچت بقينا ساكتين بس صوت اللگمة من تتحرك بالحلگ مبين
تغريد : غدي أكلن بصوت ناصي
138
تعمدنه ناكل بصوت اعلى وامي لعبت نفسها
تغريد : حرام جنجن صخول و هدوها
للحشيش وكالولها أكلي
روز : كل هذا الجمال و الاناااااقة و البياض و الشقار
و العيون و الخشم و الحلك و دكولين صخول ، ليش ؟
133
تغريد : ولجن يا شگار هذا الخابصاتني بي كلما حجيتن و گلتن احنه شگرات شو الشعر جوزي حالجن حال البشر
جُمارة : يمة بس لا تنكرين شعر وجهنا
اشگر يلمع لمع بالشمس
136
تغريد : وشنو شعر الوجه اول و تالي محفوف
روز : اني ما احف اخلي إثبات ملكية
حتى العالم تعرف شگاري
66
جُمارة : يا عالم و احنه اقوى طلعة تأخذنة اختج للأمام مشي حتى كروة ما تصرف علينا
انفتح الباب و طبت الفلاحة تعدل بهذا اللابستة على راسها
- ضلمت الدنيا بعد مو مال تطلعن و الدرب بعيد صار ، الطريق الاجيتن منه هسة متروس خنازير
49
روز : خنازيرررر
تغريد : لا نبقى نبقى و الصبح اول ما تغبشون نطلع و الله يفتحها بوجهج ان شاء الله ، بس اريد اجيب الهن اكل ماكو واحد يروح يجيب النه
- لا والله ماكو يالله مع السلامة
79
طلعت و قفلت الباب بس احتلنا الخوف
و احنه كلش جوعانين وعطشانين
جُمارة : هاي يمة ارتاحيتي
تغريد : انجبي سكتـن يالله و نامن
36
تمددت امي جانت الغرفة و لو هي بكد الحمام بس بيها جرباية نفر وثلاث گواني و ملابس قديمة معلگة ببسامير و هو أصلا الحايط مو طابوگ مثل حديد الكرفان امي نامت على الجرباية و اني خليت راسي بحضن روز و الكاع دمرت كل ملابسنه
روز : هاي تغريد و مصايبها هسة احنه نندل
روحنه بيا منطقة
جُمارة : ولج هسة كولي بيت عمامي شسوو
و شراح يسوون إذا لگونة
17
روز : ما يسوون شيء بس يزوجونة حتى تغريد يزوجوها
239
امي نامت بس اني و روز للصبح كاعدين ما مر علينة نوم الغرفة حتى ما بيها شباج نعرف طلع الصبح لو لا و امي غالقة تليفونها ما تقبل
تفتحة متنه من العطش و الجوع و الحر لان الغرفة مسدودة من كل الجهات بقينة كاعدين بالكاع نلوب وگفنا بسرعة من شفنه القفل جاي ينفتح ..
14
مكيفين عبالنة نفسها الفلاحة بس أنصدمنا من لگيناهم ثلاث زلم اثنين كبار بالعمر و واحد شاب عدلنة حجاباتنه
تغريد : تفضل خوية
- هو انتن نايمات بگاعنه و تكولين تفضل انتِ تفضلي
127
تغريد : البارحة تيهنا و ختلنه هنا فلاحة تعاطفت ويانة بس الله يخليك لا تأذيها هي ما قبلت تطببنا بالبداية
4
تقدمو يردون يطبون و يضحكون بمكر امي هم تقدمت جرتنا تريد تطلعنا الشاب البيـهم جر روز كامت تصرخ و احنه لزمناها بس الاثنين ويا هم سحبوها اله امي كامت تصرخ
روز : تغريد تغريد تعاي اخذيني
184
اني و امي اثنينه كمنه ندفع بيهم ونصرخ عبالك ماكو ناس البارحة الدنيا جانت متروسة فلاحين بس هم اقوى من عندنا بدفعة وحدة امي وكعت و اني طرت على الحرباية و انضرب ظهري حسيتة انفلع نصين
امي كامت تلطم و صوت روز بده يصير بعيد
38
جريت الجنطة مال امي وهم طبو و يقفلون بالباب ايدي لازمه بيها الجهاز ترجف و عيني من الدموع ما تشوف عدل مغوشة الدموع توكع على الدكم مال الجهاز و اسحب النفس من حلگي وخشمي
18
ادور بالأرقام اول ما دكيت انضربت على راسي و وكع التليفون من ايدي صار جوه الجرباية درت وجهي الباب مقفول واحد منهم لازم امي
و الثاني لزم ايدي بقت مشاهد وردة ويَـ الي راد يغتصبها و حالها مطبوع ببالي
70
دفعني على الچرباية واحس النفس ضاگ بية و عيوني غوشت
فركت عيوني و فتحتها عدل من شفت وجهه فوگاي معدتي گلبت و اني ما مأكله شيء وجهه كل محفر و الوسخ ماخذة من كل جهة وريحته مقرررفة
65
رفعت نفسي واتقيئت على رجليه ضربني راشدي
- نعلعلة والديج يا قذرة
لگيت الي جان يعتدي على امي واكع بالكاع بس هي تريد تگوم حتى توخر هذا مني احس روحي انشليت من كامت و جرته دفعها بقوة انضرب راسها بالحديدة و ووكعت بالكاع فاقدة الوعي من شفت امي شصار بيها احس روحي انهارت عضيته برگبته رغم القرف بس جان الحل الوحيد الأكدر استخدمة لان مسيطر على ايدي
79
عضيته لحد ما طلع دم صدك بوكتها تحولت چلبة ضربني على وجهي قوي حسيت حرورة طلعت من خشمي و الدم من كد ما قوي نَفض عليه
اجه يريد يعضني مثل ما اني عضيته دست على رجل الي ضربته امي وهو يمشي وراي يريد يلزمنه عثر و وكع على وجهه وصاح اخ
19
رحت اركض للتليفون لكيتة طافي فتحتة و دكيت بسرعة و الدم ما يوكف من خشمي انترست ملابسي و ايدي و الجهاز لان ما رفعت وجهي
ما صار كبالي غير زِناد و هو ماكو غيرة اصلاً
6
زِناد : الووووووووو
جُمارة : تعال النه شيخ الحگنـه احنه بنفس المكان مال الحسينية تعال راح اموت
50
زِناد : شبيييييج منو ويااااج و انا البارحة
الليل كله هناك وين انتن
جُمارة : احنه بالبساتين الوره بهاي
الكرفانات البيض تعال بسرعة تعال
13
زِناد : جاي جاي هو انا قريب امج وين انتِ شبيج فهمينيييييييي عاد
13
جُمارة : هسة بس تعال
حجيتها و بچيت
3
زِناد : رااااااح أفلش راسج إذا متحجين ،خلي الخط مفتوح
اسمع صوت علي يمه
17
جُمارة : احس طاقة للحجي بعد ما عندي بس دموعي تجري بقوة و انشغ
زِناد : امج ماتت ؟
- لا
40
زِناد : جُمارة انعل والديج هسة إذا ما تحجين
لج راااااح ادعم السيارة
جُمارة : تعال بسرعة
27
زِناد : الزمج اليوممممم لو ما الزمج ، بسيطة
124
اخاف امد ايدي لجيوبهم لا يكعدون المفتاح ما ادري عدمن
عفت التليفون على الجرباية و اجيت أهز بـ امي حتى تكعد جسمي صايبته رجفة مجاي تهدني ما ادري شبية
14
امي ما تكعد و اسمع صوته يصيح بأسمي بالجهاز اجيت اخذته
زِناد : امج ماتت بس فهميني روز وين
جُمارة : اخذوهاااا
48
ما ادري شگام يغلط و يگول بس الاريدة يوصل و يطلعني مديت ايدي لجيب اول واحد هم اثنينهم واكعين على وجههم و ادعي يا رب نجيني
بأول جيب لگيته فتحت القفل بس بسبب راس هذا الاعتدى عليه
ما ينفتح
17
زِناد : شوية بعد و أوصل ما ضل شيء
بقيت كاعدة على الجرباية ارجف و أفكر روز الفاهية هسة وين وشصار بيها يا علي اوكف وياها خلص الرصيد مال امي و هو دگك بنفس الثانية وبقيت كاعدة انتظر
12
زِناد : وصلت انا ولج انتن بياهو منهم اطلعي هن هواي
جُمارة : ما اكدر مو هذا راسة ساد الباب
70
- ولج ياهووووووو
جُمارة : تعال دگوهن و تسمعون صوتي ماكدر احجي ماكدر
زِناد : مو ابن حليمة اليوم إذا ما جرمت بيج
120
اسمع من التليفون صوته يدك بيهن و كمت ما ادري من كد ما دايخة جاي اسمع الصوت من الجهاز لو بالحقيقة وهو يمشي ويغلط
جُمارة : اني فتحتة القفل يعني انت بس ادفع الباب اني اخاف
2
زِناد : لج جماااااارة وين انتِ تضحكين عليه
حقيررررررة
جُمارة : شنووووو اضحك عليك تعااااال خلصني راح اموت
صيحت بكد ما شايلة بداخلي قهر انسد الجهاز بوجهي
ثواني بَس و أندفر الباب ..
21
الي جان راسة يم الباب يمكن بهاي الدفرة صار عندة ارتجاج بالجمجمة باوع لامي الفاقدة مصدوم من كل المنظر بس مو مثل صدمته من شاف شكلي اباوعلة حتى ريگة بِلعة
علي : هاي هاي شنو
73
نطق بصوت مو قوي و لا عالي صوت يحمل أشياء غريبة
و عينة ما عافت منظر الدم الي بأيدي و رگبتي و وجهي لان ملابسي سود ما يبين بيهن الدم حتى من يطيح
زِناد : جُمارة ! !!!!
35
مدري شصار بية و شجاني ردت واحد يطلعني من الكابوس الأني بي
عبرت من فوگاهم اركض لحد ما وصلت يمه لزمت طرف ردان دشداشته
جُمارة : عطشانة
حجيتها و احس راح أوگع هو لزمني بأثنين أديه يمسح الدم
من وجهي بالچَفية
44
زِناد : روز وين
جُمارة : اجه وياهم واحد اخذها
احجي و اني اسحب النفس بسرعة و بالگوة
5
زِناد : جُمارة شسوووووولج
حچاها و لزم رگبتي قوي وهو فاتح عيونه بشكل مخيف
34
هزيت راسي بـ لا لا
جُمارة : ما گدرو امي ضربتهم
حجيتها و بعد ما ادري الدنيا وين صارت ...
...
39
روز
يسحل بية و اني اشوف روحي ابتعد عن تغريد و جُمارة و كل ما ابتعد اكثر اخاف اكثر دموعي تجري و اني مثل الطفل هذا يسحل بيه ليش ووين ما ادري اصيح بعلو صوتي بس البساتين فارغة تصفر من العالم
15
- امشي لج فضيني
روز : وين تأخذني وخرررر عفية اني يتيمة
- و اني شنو جاي أوزع تبرعات
235
روز : بس كلي كلي وين تريد توديني
- ناخذ كليتج
86
بيدي خرمشت ايدة و ركضت و هو يركض وراي و كل شوية عاثرة بخيسة و كايمة ما ادري رب العالمين منين انطاني هاي القوة
اركض فريت البستان فر و هو بعدة يركض لحد ما تعبت ختلت بين زرع
عالي ما ينشاف الواحد إليختل بي بقيت كاعدة
أتنفس سريع و الخفقان ذبحني من كد الركض
25
ريكي ناشف حتى ما اكدر ابلعة من العطش و الجوع بحثاً آخر
ضليت أفكر بجمارة و تغريد شصار بيهن و لا بية اكوم أشوفهن ادري هذا يدور عليه بقيت خانسة و سادة حلكي و اني أشوف الخنافس و الدود الجواي
21
مدري شصار بية من حسيت هذا فوك راسي يمشي
- وين راحت هاي الساقطة وين
28
غمضت عيوني و سديت حلكي كلت خلاص هاي نهايتي اكيد
تغريد ليش هيجي سويتي بينه جان رجعنه البارحة وهسة مرتاحين
بقيت ضاغطة على عيوني بقوة و اني متأكدة راح يشوفني
و اردد بـ يا الله و كل الائمة و الأنبياء يمكن اكو حتى ما موجودين بس ذكرت اسمائهم
54
مر وقت طويل و حسيت ماكو صوت خفت خاف افتح عيوني و اشوفة فوك راسي بقيت مغمضة و كلت كل ما يطول الوكت اكثر يعني احسن هو ماموجود إلى ان حسيت بروحي صدك راح انام من كد ما مغمضة
اباوع للمكان البيه جُمارة و تغريد لسه مسدود و ما انفتح
كمت افرفح خاف كتلوهن لو سوولهن شيء اكيد
11
باوعت من الجهة الثانية لكيته من بعيد بعده يدور رجعت خنست ارجف يمه بس لا لچحني لحظات خلت شريط حياتي كله يمر گدامي
اول شخص هوَ اجة على بالي لان أني من صدك أحبَة و عشت ويا لحظات ما تنمحي من ذاكرتي
65
بس يَمة احس روحي صدك أنثى و بنية مدللة هاي كلام بس
لعد لو شايفته بالحقيقة شيصير و شكد راح أحبة بَعد
لمن چان التليفون عندي و نتصل هواي ما ينام إذا ما يبقى الخط مفتوح
جنت لان اخاف من تغريد اسوي روحي نايمة حتى هو هم ينام و اسدة
32
و جملتة المشهورة و المكررة دائماً هي
من أجي أعوض عَوض اخليچ دكولين صدك
يستاهل الصبر الصبرته علمودة
84
اني أتذكر و احس الدموع تنزل على خدي
بقيت كاعدة و الخنفسانة صعدت على رجلي دفعتها بخوف وي
ما دفعتها سمعت صوت طلق عالي فتحت عيوني بصدمة و وكفت
من وكفت هذا الجآن يركض وراي شافني بس مثلي مصدوم من صوت الطلق
7
ما خفت منه هالمرة و اني اشوف الگبالي زِناد
و المسدس بيدة
64
عدلت حجابي و رحت بأتجاهم اركض درت وجهي حتى أصيح إذا هذا يركض وراي بس شفته ركض بأتجاه النخل بعيد من وصلت يمهم اركض يباوعون لشكلي
5
زِناد : وًانتِ وين جنتي منوووو الاخذج
يمه شكله يخوف مو مثل كل مرة يدافع النه رجعت ليوره خايفة
13
اباوع جُمارة فاقدة بيدة و علي من بعيد اجه يركض بيده مي
الدم يطلع من الباب شهگت و تغريد هم فاقدة رحت الها اركض اكعد بيها رشيت عليها مي من علي فزت ولزمت وجهي بأثنين أديها
تغريد : شسوولج
روز : لا لا كلشي ما سوالي والله شردت منه بس جُمارة
13
درت وجهي عليها و هي هم دارته لگيت جُمارة بيد زِناد كاعد ركبه و نص يغسل بوجهها فزت لزم راسها و شربها مَي
25
سندت تغريد حتى تگوم بس اباوعلها حتى هيَ خايفة طلعنه من المكان و احنه نمشي على الدم
تغريد : كتلتهم ؟
زِناد : ليش ترديهم ؟ أخذهن للسيارة يالله يالله
56
مشينه ويَ علي وعباللك احداث فيلم مو حياة عادية درت وجهي على اثر الصوت العالي
زِناد : لج روز
- ها ها
- وين جنتي خاتلة
16
اشرتله على مكان الزرع جُمارة صاحية بس چَنها مخبلة هو ساندها اخذه و راح لاتجاه الزرع صعدنا بالسيارة شويه و هم
اجوي فتح الباب و صعدها بين شكله اليخوف و اعصابة
بس الخوف عليها فاضحة اكثر
19
حركوا السيارة و كل وحدة بذاكرتها مشهد يخوف يختلف عن الثانية
النظرات تفسره بس محد نطقت لحد ما هو گال
زِناد : أجيج احاجيج ديري بالج على البنات وضميهن بروحج الوضع يخوف هاي الفترة تاخذيهن و تشردين
و طيحتي هاي المصيبة على راسي ليش
42
ما جاوبت تغريد ضلت ساكتة و هو هم سكت ما حاجاها بعد
جُمارة : جوعَانة
تغريد لازمة إيديها تسألها شبيج شيوجعج ماتجاوب
73
لحد ما وكفت السيارة و نزل امير يجيب اكل
هو دار وجهة علينه و يباوع لجمارة
- خشمج ينزف مو
هزت راسها بـ نعم
381
مد ايدة اني كاعدة بالنص تدنيت و لزم حنچها رفع وجهه ليفوگ
هي تباوعله بس عبالك بغير عالم
زِناد : هسة تأكلين و نوصل و ترتاحين بعد ماكو شي
29
ما جاوبت شيء
ضربها على خدها مرتين خفيف
- انتِ تسمعيني بيج شي ؟
هزت راسها بـ لا
24
جابولنه و همزين جُمارة تفكر بصوت عالي و نقذتنا من الجوع
اول ما اكلنه نِمنه من الخوف و التعب و يا ترى شراح يسوون بينه
اخترعت من فزيت و السيارة واكفة كبال بيتنه الي بالكاظمية
طبينه و طبو ويانه ...
.....
59
جمارة
فزيت على صوته و هو يفتح باب السيارة نزلنا لبيتنه استغربت بس ما بيه حيل احجي ما كاعد اصدك خلصت من هذولاك
أخذني للمطبخ يغسل وجهي عدل حتى الحجاب وكع و ما عدله
زِناد : اخذج للدكتورة يوجعج خشمج
جُمارة : لا يوجعني جسمي لان هو ضربني
39
زِناد : وين ضربج
اشرتلة برجلي و بظهري و بزَندي
جُمارة : حتى بوجهي قوي تالي خشمي طگ دم
8
زِناد : نعلت والديهم والله ، سكت وبعدها أردف
خل ترتاح امج مو هذا الرادته تخاف عليجن مني ، چـا هسة احسن
18
جُمارة : خاف يجون الشرطة يأخذوك
- خل يأخذوني ، معليج بيه
29
علي راح كال اني نعسان و اني صعدت حتى اجيب هدومي و اسبح
امي كاعدة بالصالة بس ما تحجي شيء هو كعد
بالقنفة الي بطرف الشباك اليكعد يمها ينطرش من لعب الجهال
24
سبحت و صعدت فوك بعدهم على نفس الكعدة لكيت روز كاعدة على الباية الاولى بيدها هدومها طبت تركض نزلت على صوته و هو يصيحني لكيت امي كاعدة تسولفلة
زِناد : امج دكول بعد ما ادري شصار بجمارة ليش دكولين
امي ضربتهم
7
جُمارة : مو جنت مابية حيل احجي بوكتها ، امي ضربت واحد صحيح بس الثاني اني عضيته بركبته قوي وكام تجري دم
فتح عيونة بصدمة
195
- اي تالي وكع على وجهه و بعد ما كام اني خابرتك و انتَ اجيت
زِناد : يعني انا بعدني من سالفة ورود ما حاك راسي
تجن انتَن بضربة اقوى منها ليش
43
ما حجيت شيء كعدت بنصهم هو تدنه بعد سوالي مكان
تغريد : هن ما قبلن يروحن بس أنا أخذتهن الذنب
كله ذنبي
20
زِناد : هي المشكلة انا محذرج و منطيج علم بس انهيها وياج صدكيني انتِ مو تخافين اعله البنات اكثر مني و من عمامي ترى نخاف من الهوى اليمر عليهن
31
كلشي سويته لخاطر تعوفيهن كبال عيني و ما جاي تسهليها كتلج بصف بيتي احطلج بيت انا هنا وحدجن ما اعوفجن و هاي الولد كلها انا مبهذلها لخاطر بالي يرتاح
9
تغريد : لا اكعد عليهن بعد هنا و اسد بابي حتى جُمارة ما اخليها تداوم يكابلني و يكعدن
زِناد : هذا الحجي آمس و جنت اكدر اخيرج يا مرت عمي
بس اليوم ترضين بالاكولة لان بالحالتين ما يصير غيرة
21
تغريد : لا ما ارجع هناك
زِناد : ترجعين مرت عمي و باجر و كلام ثاني ما عندي
9
جُمارة: و ما أداوم ؟
زِناد : ماكو دوام
91
باوعتله بقهر بس ما حجيت لان احس روحي تعبانة بعدني
زِناد : تعبان كلش اريد انام اكو غرفة فوك
خاف متاخذون إذا انام هنا
تغريد : غرفة امير والبنات
- امير لا
65
تغريد : صعدي كولي لـ روز خلي تنزل
صعدت لكيت الغرفة مهجومة رتّبناها على السريع اني و ياها
هي نزلت و اني عدلت لحافي و اكول هي وين تكفيك الجرباية
ردت اطلع من الغرفة صار بوجهي
10
زِناد : الدشداشة كلها دم ، غسولها
هزيت راسي بـ نعم و طلعت ما اريد احجي ويا
20
درت وجهي حتى اطلع لزم ايدي درت وجهي عليه و سحبت ايدي
زِناد : تـداومين لا تضوجين
232
ابتسمت و طلعت من الغرفة لان امي صاحتلي نزلت بس احس
شوية انزرع فرح بداخلي وره شوية صاح من فوگ
- جماااارة
26
جانت امي واكفة يمي شمرلي الدشداشة
جُمارة : يمة غسليها يكول بيها دم
اخذتها من ايدي و كعدت بالصالة يم روز نمت بحضنها و هي تلعب بشعري
10
امي سوت النه اكل كاعدين على نفس الصينية بس محد تحجي
يمكن لحد منموت ما راح نتخطى الي صار اليوم اجتي علينة جارتنه
احنه كعدنه بالمطبخ و هي و امي بالصالة يسولفن
3
روز : جُمارة وين تليفون تغريد
كامت تدورة لكته على الثلاجة ما صدكت
- خلي اخابرة و انتِ راقبيلي
- تعبانة ما بية حيل
14
اخذت التليفون و وكفت يم الكاونتر آخر جهة بالمطبخ شلت الصينية و بقيت فاتحة باب الثلاجة لان قريب على باب المطبخ هي حجت و دموعها تجري ...
.....
5
روز
- الووو
- الوووو لج يا آلو انتِ وين انتِ
72
روز : تعبانة و لو اموت احسن صارت هواي أشياء بس ما اكدر احجي تغريد راح تجي
- محد طيح حضنه غير تغريد
176
اشرتلي جُمارة سديت الجهاز گبل و سويت روحي انظف طبت تغريد و رجعتة على الثلاجة راحت جُمارة تفرش و اني كفيت المطبخ على السريع اجيت تمددت طفينه الاضوية
2
تغريد : جارتي ام حسين جانت هنا هي اجت تسأل علينه بس من كلت الها راح نستقر يم عمامهن كالتلي اريد اكلج شيء ولو مستحية
بس إذا ما حجيته هسة بعد وين اشوفج و احجي
28
روز : شرادت
تغريد : رادت تخطبج لابنها حسين ضابط و دكول من زمان عاجبتني روز و احنه ننتظرها شوكت ما تردون بس اريد اخذ منج حجاية و مو مال اكلج هيج موضوع بالتليفون
81
روز : لا ما اريد اني خليني هيج
تغريد : لا مو بكيفج انتِ إذا ما تأخذين هذا راح انجبر ازوجج لواحد من ولد عمار و انا ذولة انطي للجلاب و ما انطيهم اخوهم سبب كتلة امير
36
روز : شنو تعبتي مني ؟
تغريد : ما تعبت بس أنا اريدج ترتاحين و تستقرين ابن حلال يصونج و يدللج هسة انتِ ششايفة من الدنيا
10
- لا ما اريد.
حجيتها وغطيت راسي كمت ابجي دموي ترست المخدة
بقيت أتخيل كلامة و وعودي ويا و تالي اغدر بي ، لا ما اكدر
كعدت الصبح مطفية صعدت اجيب غطه بعد لان بردانة
و نسيت زِناد نايم بغرفتنه
20
فتحت الباب لكيته نايم بالكاع اكيد لان ما تكفي جربايتنه
مخلي مخدة جُمارة و نايم عليها و اللحاف مالتها متغطي بي بَس لازم الطرف مقربة على خشمة مال واحد مخلص الليل يشتم بي
سديت الباب بسرعة و نزلت اركض طفيت المبردة لان الجو بده يصير بارد
215
رجعنة للعمارة و تيتي تيتي مثل ما رحتي اجيتي بقيت أفكر بكلام تغريد و عقلي يكلي هذا الخيار الصحيح بس گلبي رافض رفض قطعي قبل لا نوصل كال زِناد حجاية من الصار ما اريد تطلع
جانت وجوههم عادية بس رهينة تخوزر بينه
...
69
جُمارة
احس بروحي مو اني من البارحة لليوم و كل ما اتذكر يعصرني كلبي
جسمي كله يون عليه طلعت اتوضى حتى اصلي صلاة الظهر
دمعة : ما يگدر على فراكج الشيخ راح جابج و اجة
69
جُمارة : لو تشغلين روحج بنفسج هواي احسن لان
حياتج عدم مبنية على الانتقام و التبحوش وره العالم
دمعة : امممم ، زين وكحة عبالي فقيرة و ليش اكو احلى من الانتقام من اخلي يشوفني بس مايكدر يلوحني
39
جُمارة : زين من انتِ تشوفي خايف على مرته بَس لان تشرب أعشاب و انتِ يدري بيج تتگلبين عليه و ميريدج
خنزرت بشكل كلش مخيف
14
دمعة : اصلاً راح يموت بس ميكدر وإذا اكول لمرته دقيقة متبقى ويا
جُمارة : غلطانة ، لان مبين شكد تحبه و تريدة و حتى هو ما تزوج علمودها لان تنقهر و راد يأخذ من آخو طفل علمودها فـ مو انتِ تخربين علاقتهم
20
دمعة : هو وعدني و خلف بوعدة
جُمارة : وهاي نتيجة الي تحب واحد متزوج
جرتني من الشال
36
دمعة : باعي لج لتخليني اخليج براسي و اندمج
مثل ما ندمت القبلج
عتيت ايدها
- اصلاً محد متندم غيرج
25
درت وجهي كبت العيطة بالصالة اباوع هذا شريك هو و جدة
شريك : اخطفها و حق هو ابو فاضل أخطفها
رهينة : ولك شسويلك بعد مو قبل جم يوم راح ابن عمك
و اخذ الديرة كلها ما يقبلون شني ما عدنة كرامة احنه
46
شريك : انعل ابو الكرامة كليلة خل يروح بعد لا وحق علي اكتل ابوها و أنا مسودن و ما عندي مانع
56
رهينة : روح اكتلة وطب للسجن و صيرو كلكم خريجين سجون
230
شريك : كليلة خل يروح بعد بروح امه و ابو
رهينة : ما يقبل والله آخر مرة من اجه طاحلك دك غلط يكول حجيهم كله رزايل مبطنة شني خلصت البنات
10
شريك : شني خلصت البنات اي خلصن كليلة لو ما خالصات يمك هم جا ليش عمرك راح يطخ الثلاثين وبعدك بلاية زواج ها شمنتظر مو ينتظرها
125
رهينة : ولك انتَ حاط دوبك ودوبة شلك غرض بي جا هو تقدم و ما نطوه ما متقدم هو
شريك : اي وحتى لو رفضوه يسمعلهم هو مو يجرها وياخذها خلي يشوف نفسة بية
20
رهينة : ولك انتَ ماخذني بالصياح و اللسان انا شنو ها
ذاك هو ها عرض افادة ببيته روح احجي ويا
شريك : ما احجي ويا انا غلطت و ضربني
24
رهينة : طبك طوب جا شسويلك بعد ما ضلت لا سادة و لا شيوخ تعتب علينه ما وديناها ما يطون محصنيها
شريك : هسة عمي عمار ما اطاهم بنته شبيهم هم خوش وأدم
24
رهينة : ما اطيتهم أختك
شريك : ما رادو اختي لو رايديها اطيها جا هم خوش وادم وشيوخ مابيهم عيبة
رهينة : جا انا كايتلكم أعشگوا و طيحوا حضنه هاي النساوين تارسة البيوت كلمن صايرلي قيس و تعاي يرهينة
جيبلي ليلى يمن هنيال حظ ليلى
277
شريك : هاي انا لان مو ابن ابنج ما مخلية خلگج وياي
خل واحد منهم هسة يكلج روحي خطبيلي تركضين تأخذين الدينا كلها
33
رهينة : انجب ولك ابوك ابني و انا ربيته و معزته بمعزتهم
جاي انتَ من تالي تفرق بين ويلادي
شريك : هسة انا رايح بس لا تستغربين بساعة اليجيج الخبر لو كاتل ابوها لو خاطفها
20
رهينة : حتى يذبحك والله
طلع سريع و كلهن واكفات بالمطبخ
رقية : بس احنه محد هجم الدنيا علينه
بيوم واحد گبعونا و اخذونه
98
صليت و رحت لورود لكيتها كاعدة تقرا قرآن
جُمارة : شلون صرتي والله بالي يمج
ورود : حبيبتي والله لا ان شاء الله زينة
7
جُمارة : اطلعي ترى البيت مو حلو بدونج
ورود : مالي عين والله خليني هنا احسن
6
جُمارة : تدرين هذا شراع مياكل ابد يعني معقولة طبعة ؟
ورود : اي هذا هو هيج نعرفة من چنة صغار جانت جدة فتنة تجي هي و بناتها أربعة و ماعندها بس هذا ولد مدللته دلال من الطفولة تصبلة كله وحدة عود إمبراطور
تالي كبر و صار مرض
65
جُمارة : ليش ما كايلتلي على سالفة واحد من ولد عمي عمار خاطبج و بعدين مقابل
ورود : هذا علي حتى انا جنت ما اريدة والله لان گلبي مو يمه بس اخاف من أبوي و اخوتي و استحي لان يونس اخذ بتهم اجه عمي حچة بالخطوبة انا ما كلت لا بس هم ما كلت اي
23
تالي ثاني يوم بالليل انظف بالمطبخ اندك علية شباج المطبخ لَنه علي گلي والله انا ما شايفج غير اختي و خاف أجيبج و اظلمج وياي لان أنا أحب وحدة وًما اريد غيرها كتلة همزين انا هم ما أريدك
190
و كلت ارفض من يمي و انهي السالفة من گاعها بس امي طلعت تتصنت و سامعة كلشي صارت بوكتها هوسة
كتلهم ما اريدنه بس أبوي و اخوتي وًگفو وياي
5
جُمارة : طبة طوب هو الخسران اكيد
بعدنا نحچي و طبت امها فرحانه الفرح غامر معانيها
ام عدنان : وريدة ولج تدرين ياهو الخطبج
25
ورود : شمالج يمه موكتلج ما أريدن و لا اقبل بكل واحد بيهم
ام عدنان : ولج شراع خاطبج من ابوج
379
باوعت لورود اختلفت كل معاني وجهها غمضت عيونها و فتحتهن
ورود : ما اريدن و حتى هذا ما اريدة و ما اتزوج
مااااا اتزووووج يالله يمه ارتاحي
30
حجتها و طلعت من الغرفة صعدت تركض لغرفتها طلعت للصالة لگيتها يصبون بالعشا ردت اعبر صاحتلي جدة تعاي يمي استحيت و الاكل يشهي و جدة جانت زعلانة يعني لازم اكعد
7
هي سوتلي مكان يمها و كعدت امي و روز يأكلن بالغرفة كلهم نزلوا أنترست السفرة بس اني و الجهال ناكل بالخاشوگة و البقية كلها بأيديها بعدنا ناكل و دِخل
زِناد : السلام عليكم
رهينة : هلا يبعد هَلي تعال يمي صارلي ساعة اكول هذا ألمچان الفارغ ما يسدة غيرك
69
رادت تگوم حياة تجيب بَعد اشرلها أكعدي ما لابس لا عگال و لا العباية شكلة هيج يبين اصغر بهواي من العباية
جُمارة : مايجيب مرتة و يعيش هنا
شنو ظلت ع النومة بالليل
رهينة : صمي حلگج ولج
233
تدنت جدة جعصتنه حتى يكعد النوب صار گبالي حتى اللگمة تخاف تطب لحلگي بعد بقيت اكل تمن و مركة ما مديت ايدي على اللحم يالله يكفي من امد الخاشوگة اشوف ايدة شلون يأكل بيها اموت
و اعرف سِر الچفوف البيض شنو
84
رهينة : اليوم هم اجة شريك هووبز و راح
زِناد : حقة عمي هو قابل حچي لسان ابوها فَد دنغوز يريد يذلنا شلون ما أنطينا بس اخذها اله اخذها لو خشمي جوه التراب
43
رهينة : كتلة شكو تهوبز يمي روح يمه يكول ماحجي ويا
زِناد : اي كتلته يستفزني وشفته منهار ما يصحى إلا بكتله
عدنان : جا هي ما تحاجي ابوها يلين شوية
11
زِناد : اي تحاجي دكلة يابة هذا صاحبي اقبل بي موو
عدنان : جا هو يجوز كامش بِته و لهذا السبب معاند
زِناد : اي هو هيج
49
مديت ايدي ردت اكل خله لَحم فوگ ماعوني رفعت عيوني اله
أشرلي بعينه بمعنى أكلي استحيت درت وجهي عليهم لكيتهن يباوعن
202
يونس : زين عمامها ما يأثرون على ابوها
زِناد : ما عدها عمام
جُمارة : چا خل يخطفها إذا تحبه
كاموا يضحكون
103
زِناد : ما يصير يعني نهبت البِت ما دام برضاتها
جُمارة : شنو نهبت
19
رقية : شردت وي الرفيج مالتها
بقيت ساكته مستحية اتمنى اختفي
30
رهينة : شراع ابن اختي طالب ايد وريدة
زِناد : اي شراع خوش شراع بس ماكو عرس إلا وره دورة سنة امير
42
حجت مرت يونس
رؤى : شيخ شنو آخبار حسن اخوي امي لا تهيد و تسكت من النوح شوكت يفتحون الزيارة
زِناد : موش اخوج الكاتل بس أنضحك خليه ما دام قبل
يصير مضحك
56
عدنان : هاي سوالف امجد لو خالد اني متأكد
زِناد : الله كريم تطلع الشمس ع الحرامي
26
امي طلعت تغسل و اني هم رحت اغسل بس من رجعت للغرفة
شوية و سمعت رحت اركض لان اني كاعدة على الدرج
لكيت امي تكتل بروز
تغريد : ولج ما تتوبين ولج والله الا ازوجج والله
روز : ما أتزوج غيره لو تموتين
71
تغريد : ولج انا اموت المضحك اوهمداج و امدا اختج
نامت روز بالكاع تبجي و اني طلعت امي من الغرفة لان ادري بيها إذا تبقى هم يتكافشن كعدت بالصالة
3
اجتي حياة تقدم الجاي و كلهم كاعدين حتى عمي فاخر من توصل يم دمعة تحط رجل على رجل و تأخذ الجاي قبل لا تمد ايدها صاح
عدنان : عبريها يالله تريد چـاي هيَ تگوم تصب
فاخر : شبيك شبيك
44
حياة فقيرة ما فشلتها خلتها تأخذ چـاي خلصتهم و كعدت يم رجلها
وهو يحاچيها وهي تهدي بي بقو يسولفون هواي لحد ما بدو كلمن يصعد لمكانه عمي فاخر طب لغرفة ام عدنان و جدة صاحتني اوديها للغرفة بس زِناد و عدنان و مرته و دمعة كاعدين
7
طلع زِناد و خابت امالي جان عندي امل يكول شوكت أداوم لان العالم كلها داومت ردت أفوت للغرفة و أسمعة صاح بأسمي
رحت اركض لكيته واكف برة بالساحة
زِناد : باجر اخذج اسجلج
37
جُمارة : صدكككك ؟
مد ايدة عدل حجابي و هز راسة بـ نعم
طبيت و احس روحي فراشة ناقصني بس جناحات
بس من اتذكر امير تطير كل فرحتي
28
طبيت للصالة و أنصدمت بالمنظر الـ شفته ..
......
941
سَبب كل الوجع انتَ
و إذا تمسحهن دموعي ، منو يسكتهن آهاتي ؟
أحترگن بساتين الگلب
شيفيد زرعَك بَعد ؟
- طارن فراشاتي
- رسل فهد 🤎
157
