رواية يا اجمل الوحوش الفصل السابع 7 بقلم رسل فهد
يا أجمل الوحوش
- رُسل فَهد
....
26
علي
اول بشر بالكون
زِلم البيت ميغارون
اذا نسوانهم هـامن بحُب شخصك ..
فَخم كُل الذي يخُصك
ذو الفقار سيف و راعب الصوبين
چا لو جبت طاري اسمك ؟
مَـ يمدحوك ؟ خارسهـم
ايديهم كَسرتها انتَ
قلمهم خَايف يوَصفك
منو غيرك قلع بيبان
هلا يـ مصوفر السُِمران
انت مرجف التاريخ
لذلك كاتب التاريخ مينصفك
- رُسل فَهد
9
مُتباركين بمناسبة عيد الغدير الاغَر 🤍
....
200
جُمارة : شنووووووووووووو ؟
تغريد : هاي ويامن تحجين ولج
اسمع صوتة يگول اتشاقة وياج سديتة بسرعة سحبت الجهاز من ايدي أمي ولزمتني من شعري من شافت اسمه لطمت على خدها
79
تغريد : ولج تتختلين وي هذا الوحش شعجبج منه تراب اخوج بعدة اخضر و انتِ تتمعشكين ولج اليوم اشرب من دمج و كلبي ما يشفى
201
شمرت التليفون بالكاع و وطلعت قهرها المضموم بالضرب
حسيتها مو امي شخص ثاني بس اني صوت بداخلي يصيح تستاهلين روز تفاكك بينة و امي ما تقبل تهدني ضربت روز
طببتني للغرفة تحتار من يا جهة تضربني
58
تغريد : ولج هاي ببدال ما تنوحين على اخوج المكتول بعز شبابة ترحين تخابرين بيهم بنصاص الليالي اليوم اكتلج
و ابجي على كبرج هواي اشرفلي
97
جُمارة : يمة والله مو مثل ما تفكرين يمة والله ردتة اشوفة
ينطيني فلوس للموازي "الكلام بصيغة البكاء "
120
تغريد : تجدين من احفاد رهينة ولج من شوكت اني هيج مربيتج ولج إذا ما احجي وياج ترحين جوعانة و مصرف مني ما تأخذين و هسة ترحين لكتالين اخوج تردين منهم فلوس حتى يذلونة بيهن اوهمداج و امدة الفلوس
59
جُمارة : كافي عوفيني عوفيني طلعي برة كافي
16
تغريد : تطرديني النوب هاي جديدة هاااا ولج اني منج أحط صخام الدنيا على وجهي اخوي وحيدي مكتول و كتالة يفتر بالشوارع
91
بالكوة كدرت روز تسحبها مني و نزلتها و أني حاضنة اللعابة و ابجي بصوت عالي احس گلبي أنفجر أعيد بكلام امي و أضرب بنفسي و املخ شعري اخوج هذا اخوج صدك راح بسببهم
21
ما ادري شوكت نمت بس محد سكتتني حتى روز بعد ما صعدت اكيد امي ما خلتها بس اتذكر آخر كلمات احجيهن و اني أبجي
بابا حبيبي وينك تعال ، امير تعال ، تعالو امي ضربتني
92
فزيت على مي بارد بگصتي لگيت روز تسويلي كمادات و اني دموعي حارة تنزل و تچويني و عظامي كلها تون من الصخونة
روز : انتِ مو كلتي تغريد كعدت شوداج تخابرين زِناد
جُمارة: عوفيني و روحي
18
خليتها تنزل و سحلت نفسي بية ما بية رحت لغرفة امير و قفلت الباب
اباوع لجربايتة و كنتورة و دموعي تجري بقيت نايمة بالكاع
كسرت الباب عليه روز ما فتحته لحد الليل
جُمارة : روحي عوفيني
21
روز : بس أكلي و اشربي حباية انتِ مريضة
جُمارة: امشي رووووووحي ما اريد اشوفجن
25
لنص الليل أمي صعدت تدك الباب تحجي علية حتى أفتحة
ما قبلت و رحت نمت بفراشة تغطيت و اني أبجي
جُمارة : عطرك شكد طيب حبيبي
131
حسيت روحي كلش بردانة لفلفت روحي بالغطه و رجعت نمت رغم معدتي موتتني من ألجوع و ريكي ناشف من العطش
فزيت على صوت امي فوك راسي تبچي
11
تغريد : كومي نزلي اسويلج كمادات كومي ما بقالي احد غيرج انتِ هم تردين تعوفيني ولكم بيمن قصرت وياكم
جُمارة: خليني اموت اني ما اريد ابقى عايشة
الدنيا مو حلوة
129
گومتني و هي تبوس براسي نزلت جوه صبتلي روز شوربة و أمي هي توكلني بأيدها اباوع الهن بس احس روحي بغير عالم
ثاني يوم أجتي جارتنا و أمي لگيتها متحضرة جابت صايتي و حجابي و تلبسني
9
جُمارة : وين يمة
تغريد : امشي وياي و معليج
45
راحت ويانة روز و اني ما ادري امي وين ماخذتنا بس جارتنا تسولف الها هي شنو من مرة و شكد طيبت عالم بقيت أتخيل حركة امهات طب العرب
10
طبينة لبيت كله حنة على الحيطان و اني و روز مستغربات
و حتى امي بس جارتنا تمشي عبالك البيت لبيتها طبينه لصالة كلها صور الائمة و سور قرآنية و مرة لابسة اسود كاعدة و يمها قرآن
و نسوان تسولف
71
بقينة كاعدين لحد ما خلصن و سلمت عليها جارتنة
- عيني ام علاوي شونج اليوم جبتلج جارتي ضيفة عندج خطية ابنها مات كتلو بسبب ثار عشاير و بتها من يومها كل أطباعها متغيرة
دكول احس بنتي مو بنتي هي هم البنية من مات اخوها صارت بيها شلون الردة لا تحجي و لا تبجي
125
اشرتلي تعاي و اني مچلبة بعباة امي تالي كامت امي وياي كعدتني كبالها و امي هم معاني الخوف مبينة بيها خلت أيدها على راسي و تباوع بعيوني ، تسأل امي عني و امي تجاوبها
فتحت القرآن بوجهي و سدة قوي اخترعت
6
- بنتج بيها خرعة موت و هاي الخرعة زين طلعت منها عايشة
تغريد : اي والله على أخوها راح بعمر الورد
59
- و يا خيتي بنتج مشرّبة و مو هسة من زمان
تغريد : يمه اسم الله منين والله لا تطب و لا تطلع قابل منو يشربها
154
- الـ منج و بـيج مشربتها
تغريد : ماكو غيرچ يا رهينة عساج بالمرض
127
أنطت لأمي حرمل و مي ترشة بالبيت بس اني ما مهتمة لحچيها و أصلاً ما احب هيج سوالف و لا أإمن بيها ، تشكرت منها أمي و هي وكفت ويانة درنة وجهنا نريد نطلع خلت أيدها على چتف أمي
و لان أمي گايدتني وگفت ويا
9
- لا تشيلين هَم بنتج ، شيخة
357
أباوع امي تغيرت كل معاني وجهها و اشرت لجارتنا يالله
طلعنا و بقت جارتنا يمها وُاحنه واكفين بره لحد ما اجت أمي استلمت
جدة رهينة دعاوي هي و آحفادها و اول ما وصلنة للبيت كامت تطگطگ حرمل
36
و مادري شبيها امي صارت تعاملني مثل طفلة عمرها خمس سنوات إذا تغيب دقيقة من گبال عينها تصيحني بعصبية و دكلي كعدي كبالي
لا تتحركين بَس بكل يوم يزيد بدون آمير أمي تنتهي أكثر
24
كل شيء بالدنيا باهت بدونه عبالك اخذ الالون و راح امي على اتصال وي الضابط و تمر الأيام و ماكو غير الحزن محتل كل جزء بينه
بقيت ألوم نفسي و اكل بيها على الساعة الخابور زِناد بيها وين جان عقلي و كل ما اتذكر الموقف أعض اصابيعي بقوة
73
كل ضربة من امي استاهلها و ابو زايد اني ساومت دم اخوية بحلمي
و صرت مثل امي حاقدة عليهم كلهم ولو ينطوني دمهم بگلاص أشربة
18
راحت أمي من الصبح تستلم الراتب لان بيتنا فرغ من كلشي و بقينة اني و روز ننتظرها بالصالة لحد ما اجت طبت و وجهها كله غضب
عرفت شنو سَببة من أندگ الباب و گال يالله
و طَب زِناد روز ركضت و اني بقيت كاعدة بمكاني
43
تغريد : إذا جاي تريدني أتنازل يا حفيد رهينة ما تطلع غير ايديك فارغة فـ لا تحاول اني علمود إمك لسة طايقة أفوتك لبيتي
16
زِناد : آم امير أني بخدمتج انتِ مو بخدمة واحد ثاني
و حق أبنچ أجيبة لو أطببهم كلهم اعدام بَس تعرفين
اسرارنـة ما تنحچي گبال الشرطة
76
تغريد : ما يهمني أني شلون المهم حق أبني أخذة و اروح أزور گبرة لان گلبي طگ من الشوگ
حچتها و كامت تبچي و أني بمكاني كاعدة و امسح بدموعي
و هو راح يَم أمي يبوس رأسها و گعدها على القنفة
2
زِناد: وداعتج وداعت أمي دموعچ ما توگع بالگاع
انتِ بس أنطيني فرصة أتفاهم وياج تراها والله الروح لا هايدة و لا مستقرة
46
تغريد : جا شحال گلبي
زِناد : أنا أطيبة و الج الصَافي وروح أمي من يوم الطلعتي
من بيتي و المشيات تطب و تطلع و أنا قراري واحد
هوَ الدم رغم اعرف بالمجازر الراح تصير
37
بقت امي ساكتة ما حِچت
تغريد : بنتي بعد جم يوم دوامها بالكلية اليتنفس من عمامك
أخذهن و اشرد و لدكول ما كالت
25
باوعلي و رجع باوع لامي
زِناد :هسة أحنه نتناقش بقضية و موضوع الكلية سالفة صغيرة
26
تغريد : أكول مخلقتك حليمة و انتَ مو من آحفاد رهينة صدك لو سويتها ولو رهينة تغسل عقولكم ما تكدرون و إذا انتو ما تكدرون اني اكدر.
زِناد : سَهلة
26
طلع فلوس من محفظته و خلاهن على القنفة امي ما قبلت و بقت تعاتت بي حتى يأخذهن
زِناد : هذا حقكم و ماله دخل بالنزاعات حچاها و سلم على أمي وطلع
28
بقت امي صافنة و حسبة تجيبها و توديها مدري شبيها
العصر اخذتنه نزور بَس و احنه بالإمام لچحت علي ابن عمي عمار
وهو دار وجهه حتى ما اشوفة ركضت لامي كلت الها
تغريد : چا أدري بيهم يتناوبون بالبيت الايجار بالفرع كل أسبوع يجي واحد منهم
44
روز : عود شنو معناها يعني هاي رهينة شلون ربتهم و سيطرت عليهم كلهم اريد اعرف ميملون
تغريد : مالها دخل بهاي رهينة هم عدهم الغيرة شمرة
و الطلايب والكتل هم شمرة
59
من راحت أمي تزور طبت وگفت گبالنه مرة
و احنه گاعدات بالصحن بيدها ورقة و باوعت لروز
....
183
ورود
51
من يوم فاجعة امير و بيتنا ما هاد و لا ركد دقيقة وحدة الطلايب تجي فوك الرأس صفگ و الزلم اعصاب و النسوان تنگ و يومية وحدة مكتولة و رايحة لاهلها لما يمرن يومين يرحون يجيبوهن و يجون
83
جدة رهينة و الشيخ نزاعات و هو ما يحجي وياها و هي مريضة
إلا صالحها يالله رجعت لصحّتها الشيوخ و العشاير كل ساعتين جايين مجموعة حتى تفض السالفة بينه وبين آحفاد ربيعة
24
و الدنيا گايمة ما گاعدة ناس تودي لناس تهديدات
شراع : ورداية چَاي
ورود : اكلك انتَ شمالك ما تشوف أحنه بيا حال
- ترى گتلج اريد چـاي مو شغلي الأغاني
115
درت وجهي بقلة صَبر أدور على گلاصة و خاشوگتة صبيت الچاي وهو واگف خليته على الميز
شراع : ينقص من مقامج لو تقدمي
ورود : ينقص و هووووواي
30
شراع : عمي بالمحكمة مدللين الچاي يجي وأحنه گاعدين
ورود : و هنا بيت و انتَ ضيف
- عمي حتى الضيوف يتقدم الها الچاي يالله نعمة
احسن من ماكو
53
درت وجهي دمي محروگ لگيتة يضحك طفيت الطباخ لا يحترك الجاي و عفتة و طلعت لكيت جدة و عجيبة ام امجد يتعاركن يبوووو
انهجم هذا البيت ان شاء الله
31
ورة ما اجتي عمتي تغريد وي الشرطة كلها ما تأثرت بكثر زِناد
بكل لليلة اجي حتى أرتب المضيف و أقفلة الگه ريحة الدخان تعط
و زِناد كاعد بچعب المضيف لو يطبون ينهبونا ما يصحى
و لا يتحرك
95
ما ضنيت بيوم اشوفة كاعد هاي الكعدة و ما اضن احد غيري شايفة
و اني واكفة انضربت بظهري بالعوچية فزيت
ورود : يمة اسم الله جدة شطلعج
رهينة : شعندج انتِ تبصبصين ما تعوفي بحالة
32
ورود : اي ابصبص على أساس أنا وياج ما ندري عليمن هو بيمن سارح
عافتني و طبتلة هو تحَمحم و عدل گعدتة
65
رهينة : شمالك يجدة ما تروح تنام اصيحلهن يفرشلك هنا
زِناد : لا جدة رايح هسة شوية و أروح
- كل ما كبرت تصغر و انتَ التشوفة يناسبك سوي لا تشيل هم
- جَدة هَستوها يالله هَستوها تتقربلي وهيچ يسوون بية
أنا هسة بنظرها واحد من چتالين أخوها
199
رهينة : هي الك ما تصير لغيرك شدة هاي و تعدي
زِناد : چا كل عقلچ أنا أغصبها عَلية أنا لو هذا تفكيري من هيَ جاهلة أجيبها يمي و أخليها توعى على الدنيا انا بحياتها بس أنا ما ردت هيج ما ردتت
138
رهينة : يااااااع ولك جدة شمالك لا يسمعك أحد تسودنت
زِناد : عوفيني جدة
25
رهينة : عمامك حاچوني يگولون خل يگللهن تعوف جُمارة سالفة الكلية احنه من شوكت بناتنا تداوم كلية
گلت الهم ما الكم دخل بيهن
52
زِناد : أنعل ابو عمامي و هم شنو بيها خل يتنفس واحد منهم و يجيب طاريهن و حق داحي الباب تشوفون
مني الماشايفينة صدك
109
رهينة : شجاك جدة جا احنه من زمان كايلين
تخلص المدرسة و تكعد النوب نسوانكم إذا يشوفن هيج
ياهي التسمعلها چلمة واحد
36
زِناد : كلمن يأدب مرتة على طريقته وهي رايحة تدرس
ما رايحة للملاهي و بعدين اني المن أبرر
65
رهينة : ولك أنا جدتك
زِناد : يالله جدة أنا رايح في أمان الله
19
ركضت للمطبخ لا يلچحني طب علينة شريك يركض تلاطخو
بالباب هو و زِناد
شريك : خليتني بغرفة التأديب و مشيت على مايك
و وديتني للجيش و سمعت كلامك
هسة صار الوكت تنفذ الاريدة يا شيخ إذا مو انتَ
تحلها ياهو يحلها
153
زِناد : إبـشر
حچاها و دگ على چتافة و طلع
14
زهرة : ولج ورود شراع يصيحلج
ورود : شيريد صخام البين ابو المكسرات
64
رتبت المطبخ الهي بروحي حتى اتأخر عوذة مو رجال ما يتغير طبعك
كل ما فتت للغرفة و هو يخابر بالنسوان ما ادري هي وحدة
لو هواي المهم حسرة بفادي صارت الگا يحجي وي زلمة
52
صعدت انزل برداني و حلفت إذا يكول چـاي اغلس و ما اسويلة
دكيت الباب و فتحتة
ورود : صايحني خير ان شاء الله
7
ضحك و هو يگلب بالأوراق
شراع : اكلج إذا شيخكم أكلة يروح يخطبلي وحدة يرضى لو
لا
103
ورود : ما دامك كاعد ويانة يعني هو شيخك واكيد ما يرجعلة
محتاج و بعدين احنه بيا حال ما تشوف ابن عمنه صارله شهرين من انكتل
حجيتهن و طبگت الباب بوجهة ورحت للغرفة احسن نار بضلوعي موجرة
انا الله ما كاتبلي وي هذا البشر غير الضيم و القهر
14
نزلت جوه فتحت باب المخزن و طلعت للحديقة صوت الصراصر و الجلاب من بعيد يكعدن حتى الميت امشي و أعاين للزرع و لا ذرة خوف بداخلي بكد ما حافظة هاي الدروب
6
امشي و أضرب الكاع برجلي اخلي اثر وراي وإذا تصادفني حصوة أضربها و أطيرها لبعيد اسولف و أنا رافعة راسي للسما مسوية كعدة حبايب أنا و النجوم لمن حسيت بروحي تعبت رجعت على نفس الطريق
19
أعاين للأشجار تتحرك مدري شمالها حتى الدنيا واكفة و لا نسمة هوى
كضيت دشداشتي و ركضت ما تفيدني المشاعر و الاحاسيس
إذا صار بية جني
182
ثاني يوم عزيمة الها اول ما الها تالي لان اجتنة شيوخ من البصرة كلها حتى يقنعون زِناد يسوي كعدة ترضي الطرفين وهو ما يرضى غير بالدم
و احفاد ربيعة يكولون أحنه الها و الوادم كلها عايشة إنذار
40
كالولة نروح لام الولد احنه نحجي وياها
زِناد : والله و لا تحاولون المرة كل يوم يمر عليها بسنة گبر ابنها لهاي اللحظة ما زايرته تنتظر الساعة الاخابرها و اكللها تعاي اخذته
8
بعد نزاعات و عياط و مصالح يالله قبل زِناد تترتب كعدة
و يحولون علينة بس ما تنتهي إذا ما تكون ام الولد راضية
و ام الانكتل بسببنا بالمثل عمامي و جدتي كلها خايفة من زِناد
شمخلي من قرار براسة
46
رهينة : يجدة تغريد ما يشفي گلبها غير الدم و ذولة اخوتك
زِناد : و أبنها من ضمنهم و أنچتل و واحد من آحفادچ غلط
يا يعترفون منو و يخلصون ارواحهم يا كلهم يتنفذ عليهم الحكم
29
فاخر : أنا ولدي ما موجودين وياهم جانو حتى ما دكول تدافع لولدك بس ذولة ولد عمك و اخوتك و خسرنه واحد مو مال نخسر بعد
16
عمار : هذا الحجي ما يصير ما تعرف تحلها اشمر العگال
يجوز احنه غلطنه و حطينا بالمجان المو مناسب أنا أدري
و امي تدري غايتك مو ثار انتَ تثبت ولائات لتغريد و بِتها
تغريد الاجت من بغداد لهنا بنص الضباط
57
زِناد : ولو بنص معسكر كامل تجي تغريد تطلع بلاية خدش عمر كامل صارلكم تنبشون وراها و بقت رأية بيضة هي و خلفتها
77
رهينة : بهذا الحجي ماكو لسان يكلك لا
بس هم يجدة دير بالك اعله اخوتك امير لو رابي وياكم ما أنچتل
50
زِناد : لا ، أنا الغلط مني ضميت العارية و نسيت آمير راح من بالي وروح أمي ما ضنيت يوصلون اله شدلاهم بعنوانه
شوداهم لباب البيت ، اخخخخخخخ
53
امجد : هسة انتَ شصفيت أحچيلنا الزبدة ياخوي
انتَ باجر تدري يا عشاير راح تجي
زِناد : أدري
57
عمار : هذا لعب هذا هسة احنه شنو گبالك زعاطيط
أحچي و فضنا
زِناد : باچر ويَ الغربة تسمعون
36
كلها تتلفت و تتناقش ما راضيه و هوَ خله طرف من العباية
جوه ايدة و طلع اكثر واحد منهار عمي عمار لان كلهم ولدة و خالد و امجد تعاركو بالگوة الولد فاككتهم بيومها حتى عشة ما طبخنة كلمن شايل هم لباجر و مصيبة باجر
.....
26
روز
2
و أحنة كاعدين بالإمام أنطتني المرة ورقة عبالي مثل كل الي يوزعون ثوابات قصاصات بيها ايات قرآنية بس استغربت من خلتها بيدي
بيدي و راحت وحدي حتى جُمارة ما انطتها
+
افتح بيها و أني أيدي ترجف من الخوف عبالك عندي مصيبة و دازيلي تهديد من گد ما بطيئة جرتها جُمارة من ايدي و فتحتها بسرعة قبل لا تجي تغريد
جُمارة : أني موجود يمچ بكل مكان
22
روز : يمه منو هذا ازاد ؟ مستحيل
جُمارة : هسة يطلع علي حفيد رهينة و يضحك عليج
176
روز : لا والله انتِ ما سامعة صوتة اني هذا علي سامعة صوتة و بعدين من جانت تغريد بالمستشفى اني احجي ويا و علي موجود يمنه
49
جُمارة: جا منو هذا خاف علي هم يحبج
روز : هسة من نرجع و اخابرة أكلة اذا هو يعترف ولو هاي مستحيلة و إذا مو هو يعني نفس كلامج خاف يطلع علي
بس علي خوب يگول احبج شنو أنا موجود وياج بكل مكان
32
جُمارة : هذولة احفاد رهينة ما عندهم كنترول گبل يحچوها طگ بطگ مثل شيخ العشيرة يگلي انتِ مرتي
65
روز : لعد هو مبين من يوم الطَب علينه و گال وين جُمارة
14
جُمارة : كتلة امي الأخيرة صحتني على زماني أني بمراهقتي ما حبيتلي واحد هسة جاية أفكر بأحفاد رهينة
و اعوف مستقبلي لا و فوكاها متزوج
49
سكتنة من تغريد صارت قريبة رجعنة للبيت و دگو عليها
رحت اجيبلها التليفون لگيته هوَ زِناد انطيته الها حِچت ويا و كملت
جان تگول
تغريد : حضرن روحجن باجر نروح لبيت رهينة
46
روز : لا هلا و لا مرحبا تغريد شعدنا يومية رايحين هناك خلينة مستقريين ببيتنا و كاعدين
جُمارة : هم راح نروح و نتكافش و نفس الطاسة و نفس الحمام
47
تغريد : أنا بس كلت ما جاية اخذ رأي خلقجن العايبة
عافتنا و صعدت لغرفة آمير
41
جُمارة : ان شاء الله سوو صورة حل اريد اروح لگبر آمير اريد اسولف ويا العالم كلها تروح لامواتها بالأربعين احنه صار اكثر من شهرين و ما رايحين
16
روز : و إذا عمامج سووها صدك ما خلوج تداومين
جُمارة : لا والله امي تفضحهم فضيحة و تخزيهم غير والله اخليها تأخذنا و نشرد
14
روز : اي نشرد مو عايشين بالافلام
جُمارة : دولي ويالله كومي سويلنا عشا
سويت العشا و انتظر الليل شوكت يجي حتى تغريد تنام و اخذ جهازها
14
لان خلصت عمري يتيمة و فاقدة حنان الاثنين جنت اتمنى الگة اي شخص التجأله تغريد ما مقصرة بس تغريد طبعها قاسي تخاف من كلشي عيب لان هي الوحيدة مسؤولة علينة كلنا
31
رغم اني من الصغر جبانة و أخاف من كلشي بس يَمة أحس روحي قوية أعيش ويا عالم ما يمد لحياتنا بصلة هو الشخص الوحيد الي يسمعني بدون ما يمل و شكد ما الدنيا بعيني مو حلوة يحليها بكلامة
54
بَس جانت تضوجني كلمة أسمعها من جُمارة دائما
هو شخص وهمي و لَمـن أكلة عليها يگول
- حبيني وَهمي لحَد ما أصيرلج حَقيقة
427
نزلت اتخنس بالليل جُمارة كاعدة يم البلي تبچي و تغريد نايمة أخذت التليفون و صعدت على كيف متأكدة الكاعد أسوي خطأ بس هاي
جانت احلى دقايق تمر عليه باليوم أرمش عليه و هو بسرعة يتصل
+
و لا يوم مَل أو برد اتجاه هاي الخطوة جانت عادية بس تعنيلي هواي
روز : الو
- ها حبيبي
26
- شونك
- شلون ما تكونين انتِ اني مثلج
- زينة .. بَس
6
- هو انتن البنات وره هاي الـ بس يطلع الضيم كله
غرد يا بلبل حياتي
120
- اليوم بالزيارة مرة انطتني ورقة
- يمج اني بكل مكان حبيبتي
205
روز : يعني هاي انتَ
- لازم اكو غيري
29
- لا مو شوف اليوم شفنة علي واحد من احفاد رهينة موجود كلت خاف هو داز اعتراف شيء يعني هاي فكرة جُمارة مو فكرتي
16
- حتى اشگة شَك
180
- باجر نروحلهم هم خابرو تغريد
- شلونها وياج هم تضربج
13
- لا شبيك هي ما تضرب بدون سبب احنه نعيل بيها
- زين باجر مو ترحين لبيت رهينة ادزلج جهاز و تغريد كليلها من ورود
513
روز : بس انتَ منين تعرف ورود ؟
- انتِ مرة مسولفتلي عنها
466
- لا ما تقبل تغريد قبل شكم يوم شافت جُمارة تحجي وي زِناد كطعتها تكطع و بقت يومين مريضة
22
- لا يابة ، شني هاي لا ابقي هيج اخاف عليج ما ضل شيء
راح الهواي و بقى الشوية
27
- وشغلك
- شغلي كلة علمودج
54
سمعت صوت جوه
- باي باي يمكن تغريد كعدت لتصعد
- أيابة تغـريد شوكت اجيبج يمي و أخليها ما تشوفج إلا بالسنة حسنة
117
نزلت ارجعة و جُمارة بعدها كاعدة
جُمارة : ضلي ضلي هسة يطلع بنية تضحك عليج
- إش يالله معليج
.....
153
جُمارة
كعدت على ونين امي و هي تلهج بأمير مثل كل يوم لحد ما تنشف دموعي و دموعها يالله تسكت
11
تغريد : روز أنا مو كتلج من البارحة جيبي الهدوم
روز : لميتهن حطيتهن بالسلة بس نسيتهن بالسطح والله
6
روز بطبيعتها من تحجي تجر الكلمات و تنگط فهاوة و خوف
بحيث إذا الدنيا بيوم صارت رعيد احنة نعرف روز خاتلة بالكنتور
و أكلها كلة لو ممستوي لو محترگ مستحيل يطلع مضبوط
بس احنة تعودنا
153
تغريد : هنيالي و هنيال امي يالله روحي جيبيهن و نزلي خل نكف البيت قبل لا نروح
روز : بيمن نروح يا تغريد ترى صاياتنا صايرة ملحة من اللبس ما رحتي للسوك تجيبيلنا
11
جُمارة : و لا تلبسين كبي و من نطلع تسوين روحج فقيرة و ما تكدرين تنزعين الشال من جديد هاي دروبج حافظتها
روز : عابتلج لعد اني انطيج كل أحذيتي و هدومي و انتِ عينج على الكب
51
امي رتبت البيت و حظرت هدومنا و اني صافنه بعالم ثاني
اجت تعدل بالكوشات صفنت عليه
تغريد : انتِ شبيج اريد افهم ما تكعدين وياي و تشرحيلي شبيج شصايرلج شنو ببالج
13
جُمارة : يمة شبية شصايرلي لو تجيبين سچينة و تحطيها بگلبي هواي أحسلي اني كلشي احبة خسرتة بلحظة وحدة
9
بقت ساكتة ما جاوبتني الساعة بـ ١١ أجونه إسلام و علي صاعد ويا بالصدر هو احنه ندري ويانة بنفس الفرع
صعدنا و سلمو على امي ما جاوبتهم طول الطريق
و اني مخلية راسي على الجامة و السيارة كل ما تكون سريعة
گصتي تتحرك اقوى و يكزبر جسمي
33
روز بيدها جنطة سودة و امي هم بس اني بأيدي اللعابة لازمتها من طرف أيدها نمت و فزيت على امي تكعدني دكول وصلنة نزلت و اني عاقدة حواجبي لان النومة القصيرة تعكر المزاج ما تريحة
20
امشي وياهن امي طبت و ما سلمت كعدنه بالصالة بس من فات زِناد و سلم عليها رَدت جانو مشغولين يصبون الغده حتى يخلصون بسرعة لان الكعدة وره الغده جان البيت كله مخبوص
3
غسان يتعارك وي البنات الصغار لان صوتهم عالي
غسان : خل تجي الزلم و اسمعلي صوت وحدة بيجن حتى اذبحها اليوم للعشا و أوزع الباقي منها للفقرة
70
ردت عليه شَمة و زهرة اخته
- ههو ههو رجفتنه اعله كيفك حتى أنت تريد تصير زلمة بروسنا
139
بعدنا نحچي و طب علينا عمي فاخر و بيدة بنية شويه اكبر مني
لابسة عباية كلها التمت كباله مصدومة انتبهت ليونس طلع بره يركض اجه ورا اخو الجبير عَدنان الي ماعنده أطفال اجه سريع مستغرب يباوع و من شافها كل كيانه تغير راد يوگع و يونس لزمه
54
رهينة : هاي مني يا ابو عدنان
فاخر : مرتي يمه على سنة الله و رسولة
152
رهينة : يَـاااااع ولك هاي بكبر وريدة منين هاي
فاخر : و أنا أدري بيها بكبر ورود من ساعة الاخذتها
اليوم أهلها سافرو و أنا انجبرت أجيبها لهنا
28
مرتة الاولى مرة جبيرة تخربطت و حلوو بيها ولدها بس كلهم مو مثل عدنان كل شوية يفرك عيونة و يرجع يباوع
132
فاخر : مرت يونس خليها بغرفة امي منا لمن تخلص سالفة اليوم
البنية حلوة بس عيونها كلها شر ما بيهن براءة
لا مستغربة و لا خايفة
107
صار صياح بالديوان و وولد عمي فاخر تعاركو ويا أبوهم
ورود تبجي و غسان واكف مصدوم حقة لان كلنة مصدومين
33
حتى غده من صبو محد كعد يأكل احنه صبولنا و امي رجعتة
روز : هذا مو بيت رهينة هذا بلاد العجائب
جُمارة : بلاد المصايب
55
للظهر كلش بدت الشيوخ تفوت و الچايات ما تخلص
وگفنة يم امي بالمطبخ لان كلهن واكفات بالمطبخ
رقية : ذولة احفاد ربيعة
38
طبو مجموعة جبيرة و ولد عمامي كلهم واكفين بالساحة البرة
گامو ناس تخوزر بناس و الشيوخ الوياهم تهدي بالوضع و تطبب احفاد ربيعة للديوان حتى ما يتمالخون
15
امي دمعتها ما نشفت إسلام اجه صاح الها توگف تسمع
لان هذا طلب منه و إذا امه ما تقبل كلمن يرجع لبيته و يبقى المطلب واحد
12
چلبت بيها ما خلوني روز تخاف بقت واكفة يمهن
تغريد : بعباتي أضمها بعباتي
20
صدك ضمتني بعبايتهة و وكفت وراها و هم واكفين برة الديوان لان ما يكفي و كلهم محزمين و مسلحين
بده النقاش من شيوخ تهدي الوضع و سادة تقرا ايات قرآنية
6
- وَ بعد التتفضلون بي الطرفين لازم يقبلة لان الطرفين غلطان و من الطرفين اكو خسائر
5
- شيخ هم هسة بكد ما دمهم محترك يقدرون حرگ كلبنا بساعتها هم انكتل واحد من زلامنا ولد بعز شبابة و من اعتدى عليكم فـ اعتدوا عليه بمثلما اعتدى
14
زِناد : الله بالخير ، هسة هذا الحجي من يحچي من وأدم نيتها صافية مو وأدم حاطة الساگية حتى تتعارك وي البقية و تأخذ فصول
18
- لا تظلم بختك عيب هذا الحجي
الطرف الثاني كلهم اعترضو
3
زِناد : احجي لو أكوم أنا الحجي الما مخمرة بـ بلعومي لليلة كاملة ما اتهم المقابل بي عمي الساگية بالنص
إذا فتحو المآي على گاعهم يعوفوها لما تغرگ دوامنا
58
و إذا سدينه المآي گالو يبستو كاعنا و هي الگاع أنا من شفتها عرفت حطتها شر لان هذا شيخهم الچبير عمي بحضك و بختك چم مره أنا جايك گايلك بيعها النا حتى نبقى صحبان ما تخربنا گاع يگول اي و ثاني يوم يردلي الخبر لا
26
و هي قيمتها ما تسوه أنا ما افرط بدوانم تأكل منها عشيرة كاملة لخاطر كاع ها گدها بس أنا تعبت من الحچي لان الطرف الثاني رايد شر
4
وأدم تصيح على وأدم وغلط و فشار بيناتهم و البشر مو معصوم دمه يفور خوب اتجفة الشر و الشيخ أفراد القبيلة كلها تصير امانه برگبتة مو هيج تعلمنا لو أنا غلطان
10
- ان شاء الله انتو آخوة و هذا الدرس تتعلمون منه
14
- انتو بديتو بالكتل ليش تبرر يا شيخ
3
- ما ابرر و المذنب اليني يتعاقب نفس المذنب اليمكم
و المفروض من تعتدون تعتدون على شخص اله ذنب بالطلابة مو ترحون لطفل عمرة ١٥ سنة الوحيد لامه و أخواته
16
- خلينه نطوي الصفحة بخير لان أثنينه گلوبنه ملچومة و نبيع الگاع الكم و نرجع لشغلنا و حياتنا لان هالشهرين كلشي متعطل
60
اباوع لوجه أمي أحتقن و هي هذه أملها الوحيد بعد ما شافت القانون كلشي ما يسوي دموعها يطيحن و تتلگاهن العباية ولد عمامي الواگفين كلهم خلو أيديهم على خواصرهم طبن نسوان عمامي كلهن للبيت هن و چناينهن أجتي مرت عمي عمار لأمي گبل
3
ام سلام : دخيلج أبوس أيدچ مثل ما گلبچ موجر
ويلادي يرحون كلهم هاي النار إذا اشتعلت بعد ما تطفى
42
امي ما جاوبتها رافعة رأسها و تبچي جدة رهينة طلعت بالكراج ووجها اصفر من الخوف و النسوان وراها راحولهن يطببوهن وصارت الساحة هوسة كلها منتظرة الكلام النهائي
3
زِناد : الاثنين الي تعمدو بالقتل من العشيرتين
يتسلمون للشرطة حتى يكونون عبرة لكل شخص يتوقع
القتل المتعمد لعبة
36
شراع : العقوبة ما تقل عن مؤبد
اباوع لأمي زفرت براحة
ناس مأيدة و ناس معترضة
29
زِناد : و فصل كل عائلة ميت تتكفلها العشيرة و شيخ العشيرة يتكفل المبلغ وهذا دين يبقى على عاتق اكبر و اصغر نفر بالعشيرة
9
- هذا التگولة عين العقل و يرضيها كلها الولد استهترت و صار الجتل شربة ماي و هذا حل يعلم المذنب و البريء ويشفي گلوب الأمهات و الأهالي و يعلم الكل القانون فوق الجميع حتى ما يستهانون بي
14
بقو يتناقشون بصوت عالي و ما أهيس غير زِناد فوگ روسنة
زِناد : آم آمير إن شاء الله طفيت من نار گلبچ شوية
ام تغريد : تعيـش
107
لحد المغرب يالله راحت الشيوخ و النسوان جوه مسوياتها مناحة منو تفرط بولدها بس أمي ما رف الها جفن طب زِناد و إسلام وشراع ويا
زِناد : واحد منهم يعترف ويضحي بروحة حتى ما أتورط
و ادخلهم كلهم تحقيق
45
عجيبة : هذا گلبك الحجر لَيّنة شوية ذولة اخوتك من دمك و لَحمك شلون تفرط بيهم و تطببه للسجن المؤبد حالة حال الموت
54
زِناد : بس ع الأقل تشوفنهم أم امير قبلج وگفت عاتبتني بس ما تگدر تشوف ابنها بَعد ، و بعدين واحد أحسن
من مجزرة و تصفن كلجن ارامل و فاگدات
11
عجيبة : و انتَ حليتها يعني بس هذا انتَ منو ما يعرفك الغل و الحقد يمشي بدمك فرطت بخوتك لأجل تغريد الما تشتريكم بزبانة
41
زِناد : ما أنباع أنا حتى انتظر واحد يشتريني
و بعدين مو انتِ تعلميني بشغلي يـا أم إمجد
36
ام سَلام : دخيلك يا شيخ ولدي لا تفرط بيهم اموت وراهم
زِناد : ام سلام عندج عشرة يروح واحد يبقون تسعة يغطون عين الشمس أم آمير وحيدها و خسرتة
100
عمار : هذا الحجي احنه ما قابلين عليه و لا نريدة ما مستعدين نخسر ولد و ملايين اثنين من الولد يأخذون البنات و يتكفلوهن و ام امير هي تختار تبقى تضل
هذا راجع الها
71
زِناد : الصندوگ بي نص المبلغ و البقية تتقسم ع الروس عسى ما يبيعن نسوانكم ذهبهن يتدبرن
أنا حچيت حچايتي وحدة
1
راد يطلع و صوت وحدة صاحت " شيخ "
دار وجهه يعرف الصوت منين طلع راح سوو طريق و طلعت بنية
كاعدة بعربانة هوَ ما حِجة أخذها وسحب الكرسي و طلع
132
عفت الهوسة و رحت بالممر مال المغسلة اغسل وجهي لان من گد ما أختنگت من عباية امي أحس العرگ يصب على وجهي قبل لا يبين كل جسمي سمعت صوت مديت راسي
لگيت عدنان خَانگ مرة أبو الجديدة بأثنين أيدة
56
عدنان : لج شسويتي تدرين بروحج شسويتي
- اي شعبالك أنا شوية گتلك أندمك و بعدك ما شايف
شيء
181
عدنان : هسة تطلبين الطلاگ لا أنعل والديج
- أوي شنو من إبن عاق انتَ وخر ترى أني أمك
255
صفگها راشدي گامت وهي تضحك و تباوعله بنظرة أنتصار
جرها من شعرها و هو يگللها الج منا لباچر مهلة
- رجفت عفية شووو وخر رجلي يصيحني
دفعتة و اني ركضت حتى نسيت وجهي ردت أغسلة بقيت مصدومة بالمنظر امي ما لكيتها بالصالة رحت لغرفة جدة لگيت رهينة تبوس برأس امي و تبجي و تشرحلها هي هم شصار بيها من سمعت بأمير
تغريد : كلها أإمن بيها إلا انتِ
50
جدة عافتها وكعدت على الچرباية طبت علينة مرت عمي فاخر
رهينة : انتِ بعدين ياهي و شعندج بايگة الرجال من عيالة ابنة الجبير لو مخلفة مرتة هسة مسجل بالمدرسة ما تستحن و تخجلن من بوك الزلم شسمج يمگموعة
4
- رحمة الله والديج عمة أنا أسمي دمعة
رهينة : يمن كون ما يفارگج اسمج عائلة كلها بسببج راح تنتهي
112
رهينة : عمة العماج و عمة عمتج يمه أنا اعرف النسوان من عيونها انتِ توگفين الزلم تك رجل على هذا الشر البيج
26
انتبهت لروحي نظرتي بالعالم مثل جدة رهينة
30
دمعة : ميخالف عمة راح اسكت لان رجلي يستاهل بس لا تخافين شهجم من بيتج هو مبين مهجوم
شالت جدة النعال و ضربتها
175
رهينة : انعلبوج لابو الجابج ولج لو ما ساقطة ما ترضين بواحد بكد أبوج بس اعلى الفلوس تنطن العزيز و الأعز منه
12
دمعة : شجاج عمة هاي استقبالية عرسي عفو لحظي وقسمتي يالله المهم طلعت بزلمة زين
رهينة : يا زين لا يغرج ترى الفلوس ما تفيدج تالي الليل
و انتِ ماخذتلج واحد يغسل بكلياته
60
دمعة : لا جربتة عمة لا تخافين صارلي شهر متزوجتة
يجوز هسة أنا حبلة لان غايبتلي
263
رهينة : امشي اطلعي ساقطة امشي هجامة البيوت
ولج انتِ بس الله الستار منج ام الشياب طمي روحج
اعله هاي القسمة
28
دمعة : جا هاي القسمة خلفتج يعني بنفس الحفرة ننطم سوة يعمة
96
رهينة : ولك يونس عدنان
كامتلها جدة بالعكازة كطعتها يونس يستحي بس عدنان لگاها فرصة
رهينة : ولك تغلط علية
12
لزمها خنگها يم البردة و مدري شيحجي وياها وهي تضحك مستمتعة و رافعة حاجبها
دمعة : والله إلا اكول لرجلي عليكم وخرو عني
35
يونس وخر عدنان وطلعو و هي تفرك رگبتها
دمعة : والله إلا اخلي رجلي يأدبكم
رهينة : امشي طلعي برة انعل ابوج لأبو رجلج
89
دمعة : شلون بيت يستقبلون العرايس بالضرب أوي بس يالله ، القادم افضل
116
جُمارة : يمة خل نصعد بغرفتنه فوك لو نرجع لبيتنه شكو ضلينة
تغريد : الصبح نرجع اليوم من الراحة كلبي ما يعيني على المشي اريد اروح لابني مشتاقتلة
8
رهينة : شنو رايج بزناد
تغريد : بس هو ربح بهاي الخسارة
- ما تنطي جُمارة چـا
103
تغريد : انتِ لو مخبلة لو تتعمدين تشوطيني
جُمارة : جدة أنا ما اريد أتزوج و بالاخص من أحفادج
71
رهينة : تاج راسج ولج احفادي اولج و تاليج مرجعج النة
جُمارة : شيليها الفكرة من بالج و بالاخص زِناد
92
تريد تجاوبني طب علينا عمي فاخر
فاخر : يمة جا شبيج وي دمعة
رهينة : ولك والله لو ما زحمة من ولدك و بناتك ألزمك اكتبلك كتلة أصحّيك اعله وكتك و زمانك من غزاك الشيب كمت تراهق
47
فاخر : باجر حاجي ام عدنان و عوفن البت يتيمة ابوها ميت
رهينة : هسة تدافع لهاي الفرخة و عفت مرتك التحملت ضيمك و نايمة وياك بالمستشفيات انت وكليتك بس انتو أبوكم منو
72
للوحدة بالليل ما هدأنا مدري شلون كدرنا ننام اصلاً
كعدت أمي بعدها نايمة فتحت باب الغرفة قسم كاعدين يتريكون
و ورود تفتر فوك روسهم تصب اكثر وحدة تتعب بيهم هيَ
11
ورود : اصبلج ريوگ شمشتهية
جُمارة : لا حبيبتي اشكرج اني آكل اخذت صمونه و حطيت من صينية كيمر عَرب حطيت منها
- هذا عسل إذا تردين
8
فتحت العلبة و هي تحطلي طَب شراع مخبوص صب چـاي وطلع
درت وجهي لگيتة واگف لابس دشداشة صَافن علينة نزيت
ورود بدون كلام اخذت الچاي و راحت
27
حتى سلام ما سَلم و لا اني سلمت بَس قّشعر جسمي و وخرت بسرعة من حسيتة واكف وراي مد أيدة على علاگة الصمون أخذ
وحدة و خله گيمر بقيت منتظرته يروح حتى أصب چـاي
جانت ورود محضرتلي كوب صَب الچاي بي و أخذة و طب للصالة
97
أمي لگيتها تغسل يم المغسلة رحت للغرفة
روز نايمة و زِناد واكف يم راس جدة يحاچيها عفتهم و رحت كعدت على الدرج بالصالة امي كالت هسة شوية و نروح لكيت
البنات الصغار ياكلن و متحمسات يخلصن ويسولفن شراح يلعبن
16
طلعت قبلهن للحديقة الوره لكيت بطات بيض اثنين اجن شاردات من بعيد تقدمت و اني اباوع للمنظر شكد حلو صوت العصافير والديج
ما يخلني اسمع زين شو أحس بروحي اسمع صوت وحدة
تصرخ
20
مشيت اكثر و الصوت يقرب بقيت خايفة ما ادري بروحي شأتصرف
ارجع و اكول الهم اكو صوت لو اكمل و اروح اشوف شكو
كامت البنية تصرخ اكثر اركض و احس الصوت مو غريب عليه
69
لحد ما وصلت لمكان الصوت بس الساحة فارغة مابيها غير
گِن الدجاج و قفاصة الطيور تقربت يم الشجرة نزلت الغصن و اني صوت نفسي من الخوف أحسة اعلى من صوتها
و يا ريتني ما رفعت الغصن ...
1.1K
........
رسل فهد 🤎
35
انتَ لو غلطة بحياتي هَم أعيدك
أدري إستاهل الاحسن بَس أريدك
"محبس اني وما الوگ الا إعله أيدك "
-رُسل فَهد
