رواية يا اجمل الوحوش الفصل السادس 6 بقلم رسل فهد
يا أجمل الوحوش
- رسل فهد
....
103
عند الوصف سَأقول :
عند نَطقهُ بـ كلمة أحُبك ، ليس فقط قلبي
حتى الرصيف الذي نسير عليهُ أنبت ورداً
من شدة الفرح
34
و عند الشرح أكثر سَأقول :
ثُگلي يم الناس كلها لكن گبالـه
بَشر كلش خَفيف
هُمَ ما يدرون بية
چنة نمشي و گال أحِبـَك طَگ زرع حتى الرصيف
- رُسل فَهد
....
61
جُمارة : زنااااااااااااد
حچيتها و هن أبتعدن عني و جدة كامت تصلي على مُحمد
و هو اجة سريع و دگ الباب قوي
زِناد : منو وياها
134
رحت يمه أركض چَلبت بي
جُمارة : رجعني رجعني لامي هذّني يردن يخلن الابرة بحلگي
زِناد : يالله امشينا ، مشكورة حجية
طلعت ويا و حجيت بصوت ناصي ترى
جُمارة : ترى ما سوتلي شيء اني خفت منها و حچيت
زِناد : ميهم شلون ، المُهم حچيتي
77
- خل نروح
حچيتها و كأن صارت صرخة براسي
جُمارة : زِناد وين آمير
120
بقى سَاكت و أبتسم بوجهي و وجهه أنطعن من الخنگة أجتي جدة
ساندتها العكازة و هو راح حتى يصعدها بالسيارة اني باقية على وگفتي و أحجي بصوت ناصي
أردد بـ أسم آمير آمير آمير
31
سحب ايدي و صَعدني بالسيارة
زِناد : أمـج لتخسريهة و تضيعين بدونها
جُمارة : ما أسميك شيخ العشيرة إذا ما تكتل الـ كتل امير
لااااا أني أكتـله
99
زِناد : صار
رهينة : الف الحمدلله من حچيتي الليل ما نمته من وراج
اليوم أنيمج بحضني
جُمارة : لا اروح لامي
39
رهينة : ابقي ارتاحيلج چم يوم يمنه و يرجعج زِناد
جُمارة : لا هو وعدني
زِناد : و گد الوعد
94
جُمارة : اروح وياك لبيتك و الصبح تأخذني لامي
زِناد : صار
بقيت ساكتة بس اريدة يعارضني اريد أتعارك وي احد اريد اطلع قهر گلبي بس ما اعرف بأي طريقة
83
وصل جدة و كالتلي انزل وياها ما قبلت
زِناد : شعاجبج من بيتي مهجور
جُمارة : اريد انام بالغرفة القديمة لان نمت بيها مرتاحة ذيج المرة
98
إبتسم و نزلنا گبال البيت صعدت گبل فتحت باب الغُرفة و كعدت على الچُرباية حضنت المخدة و أني أفرفح
- آمير حبيبي صدگ هسة انتَ ميت شلون تعوفني و أني ما عندي بالدنيا غيرك كل الاحبهم يرحون يا ربي ليش حبيت أبوية و راح آمير وراح أمي مريضة رقة غدرتني ليش كلشي حلو بحياتي راح
108
صح أني خلصت عمري أتعارك وياك بس انتَ متدري أني شكد أحبك و شگد چنت أتأمل تكبر و تصير مسؤول علينه
و تصير انتَ رجال البيت
79
أرجع والله بس أرجع شنو تريد مني أسويلك و ما أكلك لا
و لا أصيح عليك أرجع حتى لو تبقى بس انتَ تفوز بالبلي و تغش عادي
52
أرجع و أضحك عليه بكل سنة أعيد السادس و أكلك راح أصير دكتورة حتى الدكتورة ما أريدها أريدك انتَ أخوية حبيبي
38
هسة بيتنا صدگ بدون رجال لان انتَ ماكو
30
مسحت دموعي و عدلت المخدة
- بس وروحك إذا ما أخلي دمك يروح هيچ
و أني بِنت تغريد
92
تمددت و دموعي تجري تعوض الأيام الما گدرت تبچي بيهن
ما أتذكر شوكت نمت بس فَزيت على صوته يدگ الباب
زِناد : جُمارة كاعدة
10
عدلت گعدتي و گتلة فوت
زِناد : ما شبعتي نوم الساعة بـ 12
جُمارة : صدگ ؟ ما أدري هاي الغرفة مريحة
20
- هاي غرفة أمي
31
- الله يرحمها ، يالله تأخذني لامي
زِناد : أني ما اكدر اروح لو تنتظريني باجر لو ادزج بيد واحد من الولد
- يالله دزني
25
أتصل بواحد و أني أتحضر بَس أنصدمت من لگيت أمجد هو السايق
درت وجهي على زِناد
جُمارة : أني هذا ما احبة الحقير مرة ضرب امير ما أصعد ويا
زِناد : لا تحچين ويا عندي سالفة و ما أريده بيها
لان هذا بلاء الأرض و السماء يخربها
61
درت وجهي بعصبية و طلعت
فتحت الباب و سديته قوي
امجد : شعندج بالبيت ويا
جُمارة : مالك دخل ويالله وصلني بدون كلام زايد
127
بقى ساكت ما حِچة و ما دام السيارة تمشي اني خايفة منه
بقيت اقرأ آيات و دموعي على خدي من أتذكر خلاص اني لازم أتعايش ويَ الموضوع و آمير صدك مات وبقت منه بس الذكرى ،
لا والله إلا اخذ بثاره يالله ارتاح
35
وصلنة للمستشفى و كلت الحمدلله ما سوه شيء بس مبين على شكلة الف حسبة بـ بالة و كل شويه تتصل عليه وحدة ماعرف منو و هو بس
يجاوب ، اي ، اي ، اي
50
ركضت للغرفة قبلة و لكيت روز من التعب نايمة بقيت اگلب بوجه امي بأيدي بلكي گلبها يحس بينه و تكعد امجد و يونس بره يسولفون
على صوتهم كعدت روز
- شوكت أجيتي جُمارة
- هستوني شلونج و شلونها ماما
15
مصدگت تسمع صوتي و هي تحاول تحضني بقوة
روز : ولج خفت عليج بعد مترجعين ، ليش رحتي
جُمارة : لا زِناد إذا ينطي كلمة يوفي بيها هسة مو زين حجيت
جان بقيت خرسة
33
روز : يكول الدكتور امج ان شاء الله اكو تحسن لان نبضات گلبها جانت كلش مو مستقرة و هسة استقرت باقي بس تصحى و نرتاح
جُمارة : ان شاء الله ما بقالنة غيرها
12
كعدت يم أمي و بـ لحظة تحول كل حزني وقهري لـ حقد و أنتقام
للشخص الي دمر حياتنا وهيج خلانه نوصل مرحلة بقينه اكثر من اسبوع على نفس الكعدة و كل يومين يجي واحد من ولد عمي عمار
يبقى ويانة بس ولا لحظة بقينه وحدنا
46
جان يخلص وقتنا وحدة صافنة بوجه الثانية ما مستوعبين المرحلة الي احنه بيها و روز مهتمة بـ امي و علاجها و المغذيات على الوقت
وصلت لدرجة صارت أمنية حياتي الي ما اريد بعدها شيء هي امي
تصحى و تگوم على حيلها
10
بنص الليل و الغرفة ظلمة جان جاي يمنة اسلام ابن عمي عمار
و كلهم بره نايمين جنت متمددة بصف أمي و شكد الدكاترة يرزلوني
من يجون على هاي النومة بس أبد ما أتوب جنت لازمه أيدها و أباوع للسگف مال الردهة و أحسب فراغات التبريد ما
تحركت إيد أمي
12
شهگت ر خنست بسرعة لان حسيت نفسي كاعد أتخيل و خاف لان أفكر بالموضوع هواي رجعت لزمت إيدها بقوة و دمعت عيوني من تحركت مررة ثانية ، فَزيت
20
رحت بسرعة اكعد روز بأثنين ايدي
جُمارة : ولججج روز امي أيدها تحركت
هي كعدت مخروعة بس ما صدكت بيه بقت لازمة إيدها و ماكو
ضلينة للفجر كاعدين ننتظرر بلكي ترجع تحركها و ماكو لمن آيست و نمت كعدت على صوت رزالة الدكتور لان نايمة يمها.
28
بمرور الأيام صارت تحرك أيدها و رجلها هواي و حتى بوجود الأطباء و هم فرحانين بعد ما الكُل آيس و بعدهم كل يومين يجي واحد بس هم شايلين كل تكاليف العلاج و الاكل زِناد إجانة بس مرة وحدة بعد و راح ما تأخر
10
و نمت النومة الي جنت اتمنى أنامها و أصحى على صوت أمي و گعدتها
روز : جُمارة تغرررريد كعدت كووومي
فزيت عبالي حلم مسحت عيوني و بعدني مغمضة اخاف أفتحهن
20
لگيت أمي كاعدة و روز من فرحتها حتى ما تعرف بيا جهة تعلگ المغذي و هو مكانة واضح و ثابت اجيت گعدت بصفها و حضنتها
جُمارة : يمة طولتي علينة ردنه نموت و انتِ لا حس و لا نفس
تغريد : وين آمير ؟
57
جُمارة : صيري زينة حتى نطلع تعبنه من المستشفى و احنه هنا متمددات صايرات فرجة للرايح و الجاي يالله امشي نروح للبيت تعبنه
7
جنت مجبورة اخفي حزني على امير مقابل سلامة امي لان اثنينهم اخسرهم ما اكدر اموت أني سوو لامي فحوصات ثانية و ألعصر أجتي جدة رهينة و زِناد و عمامي يشوفون أمي
رهينة : تغريد ام الوكاحة ما تلوگلج هاي النومة يالله عاد گومي
فاخر : ما تشوفين شر آم آمير
حچاها و امي بقت صافنة بوجهها أجيت يمها لزمت وجهها و اغمض عيونها بأيدي ما صدك أشوفها كعدت و خزرتهم كلهم
25
شوية و رَاحو بَس شِفت زِناد أشرلي بأيدة تعاي طلعت يمه و جدة و عمامي سبقوو بالمشي مد أيدة لجيبة حتى يطلع فلوس
جُمارة : ما اريد فلوس اريد تلزم الكتلو آمير
زِناد : هاي مالها دخل بهاي خليهن جوه أيدج بين ما تطلعون
54
جُمارة : بس الولد ممقصرين
زِناد : واجبهم هَذا
15
لزم أيدي و خله بيها الفلوس بس بقى لازم ايدي بحجة الفلوس
و نظراته تخترق حتى عظامي مو بس الملابس و الجلد
سحبت ايدي منه هوَ حس على نفسة و گَح وفتح الدگمة الي بياخة الدشداشة
زِناد : يالله رايح
حجاها و دار وجهه
134
لزمت عَبايتة
- زِناد
التفت عليه بسرعة بـ صدمة
69
زِناد : زِناد فَد مَـرة ؟
361
جُمارة : إلبـسة العگال أني واثقة انتَ راح تأخذ بثار آمير
89
نظراته تغيرت فجأة و أكتفى بالابتسامة رفع ايـدة سَلم و راح
ما چنت أعرف الدنيا ضامتلي هواااااي أشياء تخص هذا الإنسان
229
بقينه أربع ايام ثانية بالمستشفى لحد ما أستقر وضع أمي و كتبولنا ورقة خروج و جانت جائزة بالنسبة النه على الضيم الي شفنا بالمستشفى بس كلشي بكف و لمن دخلنا البيت بدون آمير بكف ثاني
19
أمي طلعت قهر ايام الغيبوبة كلها راحت ركضت كعدت بمكانة و تبوّس بـ يدة البلي و أحنه نهدي بيها و نبچي وياها
تغريد : ولك عاديت الدنيا علمودك تالي تروح مني برمشة عين ولك ليش هيج جازيت امك يـ آمير
127
عمت عيني عليك يمه منين اجيب مثلك بعد ولك هو بس أنتَ و شبعتني الدنيا مغمة عليك چـا هاي هدية نجاح الثالث
تروح مكتول يـ يمة
208
سودة بوجهي عليك رحت وعفت بيت امك خالي چـا مو دكول أنا رجال البيت شلون تخلي البيت فارغ بدونك
62
اجة ويانة للبيت علي سندها و روز انطتها علاجها
عايشين حالة إنذار بسبب امي الليل كله و علي راح و اجه ببدالة يونس
تغريد : عليمن تتناوبون تحرسونة روحو آمير ابني موجود
يونس : لا ام امير انتِ الخير و البركة بس خاف تحتاجون شيء
84
جُمارة : يمة كافي تعاي كعدي تردين تموتين نفسج و تروحين يم امير أدري بيج جا و احنه المن تعوفينة مكفخة لرهينة و آحفادها تدرين اني شصار بيه صرت خرسة و أخذني زِناد و رهينة للعمارة لطب العرب يالله حجيت
33
و هاي روز خطية تروح منا و تجي منا وهي كلشي ما تعرف يمه لا انتِ عندج غيرنه و لا احنة لخاطرنا ديري بالج على نفسج
11
حجيتهن و رحت للمطبخ امسح بدموعي الله ينتقم من الي جان السبب
نتمدد كلنا بالصالة و يونس خلينا يصعد بغرفة امير و قنعنا امي تخابر
زِناد لان كلش مناخذ راحتنة و هم موجودين بس هي تستحي
10
نكعد يومية نسولف الها شصار وهي بالغيبوبة و نتذكر موقف من مواقف امير و نختمها بـ البجي وننام كعدت الصبح و اسمع معاتت امي و يونس بالباب لان امي تريد تروح لمركز الشرطة تشوف شسوو على قضية امير
7
هو قفل الباب و ما خلاها تطلع و بسرعة خابر زِناد بمدة قصيرة و ما نحس غير زِناد دگ هورن بالباب اول ما طب امي استلمته
تغريد : اول شيء أنا ما يتخلى عليه حراس و شيء ثاني منو انتو حتى تمنعوني اروح اشوف قضية ابني إذا انتَ ساكت اني ما اسكت هذا دم أبني يا شيييييييخخخخ
71
زِناد : و دم أبنج من دَمي انتِ مريضة وًمو وكتها روحة المركز و البهذلة خلي الموضوع يمي
22
تغريد : لو ابنك لو اخوك جان ركضت بس هذا ابن الخايبة
ما تأخذون بثارة اني اريد القصاص اريد القانون يأخذ حقي
47
زِناد : يا قانون هذا اني اريدج تطيبين و عندي كعدة وياج نتصافه بيها
تغريد : ما أطيب أنا مادام ابني دمه بالكاع ما أطيب
اجه باس رأسها ويحاول يهديها
38
بالكوة هدأت و كعدت حاول وياها هواي حتى يأخذنا ويا
بس امي ما قبلت رغم اني اتمنيتها تقبل نروح لان حيل احس البيت خانگني
10
يونس طلع بره و اني رجعت كعدت بفراشي لان بعدني نعسانة و مطفية
زِناد : و انتِ شلون هيج متمددة و يونس هنا
جُمارة : جا و انتَ شكو مخلي عايف مرته و صاير حارس علينة
127
زِناد : هاي منين جايباتها مال حارس اني اخليهم هنا خاف تحتاجن شيء يجيبونه و ما تنامن بغرفجن
جُمارة : بيتنا و بكيفنه
67
خزرني و سكتت حسيت روحي صدگ اخذت راحتي بالكلام
عبالنه راح يأخذ يونس ويا شو من طب يونس
زِناد: اسمع ، تنام هنا بالصالة و باجر يجي علي بمكانك و انت ارجع
32
امي نامت و روز بالمطبخ تسويلنا غده و هو طلع ويا يونس
لچمني گلبي من إصرارهم محد تفوت المركز من كعدت امي كلت الها روز عندها رقم الضابط هو انطانيا بيوم الحادث
41
يونس نايم بالصالة على القنفة أخذنا الجهاز اني وياها و صعدنا
تغريد : احجي ويا انتِ شو احس الكلمات من حلگي ما تطلع
دَگيت و اني ايدي ترجف
6
وي كل رنة أحبس انفاسي أكثر لحد ما گال إلو
جُمارة : الو عمو احنه أهل المغدور أمير شصار عن القضية مالته ما رجعت النه خبر
14
- امير يعقوب ؟ العمر 16 سنة
جُمارة : اي هو
48
- تم التنازل من طرفكم عن القضية لأسباب عشائرية
و تحولت إلى محكمة ميسان
193
جُمارة : شنوووووو ؟ بس احنه ممتنازلين
- إذا تردون تفتحون الملف مرة ثانية تتفضلون للمركز اولاً
11
امي عافت الاتصال و نزلت تركض ليونس طلعت حرگة كلبها بي حتى ضرب ضربته
- ولكمم تتنازلون عن دم ابني ليششش شمسويلكم من مكسورة و تردون تطموها أنا كلبي لاعب منكم
73
هو خله و طلع من البيت بس يريد يخلص من امي و هي بسرعة حطت عبايتها على رأسها و طلعت تلكوها الجيران و النسوان يواسن بيها
تغريد : هدني اريد اروح اخذ الشرطة عليهم يتنازلون عن دم ابني
ااااخخخخخ يمه ولج اخخخخخ
11
حِچة واحد من الجيران
- جا هُم عمامكم هم كاتلين واحد منهم طبعا يتنازلون حتى ما يصير الدم للركاب
لطمت امي على صدرها
58
تغريد : چا ابني يروح ضحية مكسراتهم عساهم بنار جهنم ان شاء الله
تركض و راحن وياها اثنين من جاراتناو امي اركض وراها اجرن تكسي و رحنه للمركز امي كلبت الدنيا و فتحت ملف و ترستة كل المعلومات
54
رجعنة للبيت و هي تسب و تلعن بيهم طبينة للبيت لگت يونس طردتة و سدت الباب قفلته و هي تلهث
تغريد : على ابني لحگتيني رهينة و علي و آولادة إلا أخيس احفادج كلها بالسجون ولج هو واحد و لحگتيني عليه
61
روز : اني هسة ما مفتهمة شيء فهموني
تغريد : ولج ذولاك مكسورين الرگاب أكول اني ليش حاطين عليه حراس خاف اشم ريحة خبر ولج واحد منهم كاتل ابن العالم و اهلة اخذو ثارهم چـا حقهم دمهم يفور ما يبرد إلا بدم
49
ضمتهم رهينة ام المصايب ضمت آحفادها و كتلت أبني عساج
بمرض تحير الأطباء بعالجة على خلفتج العايبة هاي
و عسه فورة دمي ما تتعداج لا انتِ و لا كلمن جان السبب
90
للعصر أندك الباب تكسر تكسر و امي ما فتحتة
تغريد : امشو لا أخابر الشرطة والله و افضحكم فضيحة
- فتحييي ام المراكز شعندج رايحة للشرطة يالله ما الج بقاء هنا
70
عرفت من أحساسي هاي مو سوالف زِناد و لا هو هيج يتصرف اخذت تليفون أمي و ركضت فوگ و اني أحسهم راح يكسرون البيبان
طلعت اسمه و ردت أتصل بَس ...
تذكرت هو حاله حالهم و تستر على موتت آمير وهو جان يوعدني يأخذ بثاره
27
لمن آيسو و الجيران گامو يصيحون عليهم راحو الضابط اتصل بأمي
و گال الها باجر نروح لعمام امير و نحقق وياهم انتِ إذا شاكة بواحد منهم گولي
تغريد : أنا شاكة بيهم كلهم هم كلهم بشر على هيئة شيطان واحد
39
- ماشي ام آمير ان شاءالله ما يكون خاطرج إلا طيب
تغريد : سيدي أنا اريد اروح وياكم اريد أواجههم واحد واحد
إذا اروح وحدي ادري ما يخلوني ارجع اريد اروح بحمايتكم
21
- وحدج
تغريد : لا أنا وبناتي ما اكدر اعوفهن وحدهن
- ارجعلج خبر إذا تروح اكثر من سيارة
73
روز : صخام الوجه تغريد تأخذينه وي الشرطة وحق الله
آحفاد رهينة يذبحونه
تغريد : خلي تسلم مني رهينة إذا ما انطيتها حجايتين بگصتها
خليتها نايمة بالإنعاش أنا مو ام امير
119
جُمارة : لا يمة زِناد يذبحنا
تغريد : انعل أبوج لأبو زِناد حشى أبوج
314
و فقدنا الأمل من الضابط دك على امي و كال الها حضرو نفسكم باجر الساعة بـ ثمانية امي غسلت و نامت و كالت يالله نامن
روز : ولج جُمارة تغريد صدك تحجي
جُمارة : مادري بس يالله طبهم مرض لعد شعبالهم نسكتلهم
47
روز : يجوز الضابط يجذب
جُمارة : لو يجذب ما جان يونس شرد
3
- يعني عود هسة تقنعيني ما خايفة
- لا هم خايفة ، بس اريد أشجع نفسي
هذولة ميعيش وياهم الفقير
8
حچيتها و نمت و أني كلبي يدك سريع صرت أتخيل وجوههم واحد واحد بعد ما ندخل عليهم ويَ الشرطة گعدنا على صوت أمي و هي
يمكن حتى النوم ما مر عليها تنتظر الصبح دقيقة دقيقة
6
بدلنه و دگ الضابط على أمي شوية و صار صوت سيارة و أندگ الباب
طلعنة يمه و روز الدمعة بطرف عينها من الخوف اني هم خايفة بس مو بگدها صعدنا و الجيران تباوع بـ لحظتها خفت من نظرة الجيران
شحال إذا شفت نظرة عمامي و احفاد رهينة ، يمة و زِناد !!
106
كعدنا ثلاثتنة ليورة و السايق و الضابط ويانه و السيارة الثانية
بيها جنود تمشي السيارة و التوتر يزيد و أحنه نباوع لامي بنظرة لوم
تشبه نظرة اول مرة ودتنا لعمامي و هجمت حياتنه بيها
38
لحد ما وصلنه احنه خاتمين القرآن نزلنه اول شيء بالمركز
تغريد : لا تنزل البنات اني انزل وياك السايق بقى ويانة و احنه نتشاور وحدة توصف خوفها للثانية
15
صعدو و اني باوعت لامي
جُمارة : يمة خلي نرجع و هو القانون يأخذ حقنة شيودينا لرهينة و أحفادها لا يأخذوني مثل ذيج المره
- شحدهم بنتي اني وياكم يالله توكل
53
امشي واردد بداخلي جُمارة انتِ قوية جُمارة
أشرتلهم امي على البيت و گفو السيارات طبينة و جان الوقت ظهر قريب وقت الغده يعني كلهم موجودين رفعت راسي و اني أشوفهم كلهم بدو يطلعون من الديوان
28
لحد ما سمعت صوت جدة
رهينة : ها يتغريد جايبتلنا الشرطة
تغريد : و بيدي اصعدكم لحبل المشنقة و ما يبرد غليلي
48
فاخر : احنه أهل نحل الموضوع بيناتنه ليش تدخلين الشرطة
تغريد : يا أهل ذولة تكتلون الميت و تمشون بجنازته
تتناوبون علينه خطية تحرسونة لو تخافون لا نعرف حقيقتكم
10
زِناد : تفضلو للديوان
رفعت راسي أشوفة و عبال متأكد راح أرفع راسي ، خزرني و نزع العباية كعدنا يم أمي و هم يسولفون و صوت نقاشهم عالي
بس اعلى صوت امي
43
تغريد : كتال أبني ينذبح كدامي هيج يالله يشفى غليلي
زِناد : آكتله اني و تدللين بس ما سويت شيء راح يرجعون يكتلون واحد من ولدنه و هم ارجع اخذ بثارة و نفس العملية تنعاد
54
تغريد : خلي يذبحوكم عسى ما يذبحوك انتَ مو مشكلتي أنا ابني ما محسوب وياكم ولا يعرف حيلتكم و مكركم و طلايبكم شنو انتو تسوون المكسورة و ابني يتعاقب عليها
69
سكت و مسح وجهه بأثنين أديـه بـ قلة حيلة
بقيت اهمس لامي كافي خلي نروح و الضابط بده يتناقش وياهم هم بعصبية و زناد يجاوبة بنفس العصبية و إلا شويه يتعاركون
5
زِناد : و ام امير لو رايدة تجينا جان اتصلتي ادزلج سيارة مو تجيبين بناتنا وي عالم غربة
تغريد : كل الغربة احسن و أشرف منكم
120
زِناد : ما مقبولة منج بس نعديها لان دمج محترگ
20
تغريد : ضميت اخوتك و ولد عمهم تخاف على امهاتهم
و ما همك گلبي و هو ابني الوحيد
27
زِناد : ما أدري إذا تعرفيني بهاي الحقارة بعد انتِ و ضميرج
بَس آمير ما حاسبة غير أبني
108
تغريد : لا هيج و أنگس السفر ما يمحي ماضيك ابو غرفة التأديب لو غيرك مثل ما ضميتهم تگدر تضم أبني وياهم
بس رهينة ربتكم على الحقد و الغل منين ترف گلوبكم
يا خَووووووونة
215
رهينة : كافي ولج چـا هو شنو كاتل أبنج عايفتها كلها
و جاية عليه گلنالج ما يكون خاطرج إلا طيب تردين تسويها
مجازر دمايا
39
تغريد : عسى ما شطوط من الدم ما يهمني و ما ارتاح إذا
ما أشوفكم گبال عيني متدمرين واحد وره الثاني
7
رهينة : تخسين انتِ و اليطلع وراج
جُمارة : لا ما تخَسى و اني وراها و لو ثارنه من الغربة سهل
بس هاي المره ثارنه وياكم و ما نرتاح إلا ناخذة
149
رهينة : ما الج دخل جدة بحقد امـج انتِ بتنه و مرجعج النه
جُمارة : لا مرجعي لأمي جدة مو لواحد
57
درت وجهي أباوع الهم آمجد يبتسم بـ شماتة و زِناد رَافع راسة البقية
يردون يتحركون بس عايقتهم الشرطة
- يالله نترخص احنه و النه لقاء ثاني ما نعرف إذا كان هنا او بالمركز
27
زِناد : ما يهم بكل مكان تلگانه قبلك
17
سوو مجال حتى نطلع بس كل ما تجي عيني عليه
بالقصد لو بالغلط الگاه عينه علية
14
زِناد : ام امير البنات يرجعن وياي و انتِ ترجعين ويانة وي الشرطة بكيفج
تغريد : لا يرجعن وياي مثل ما اجينة نرجع
زِناد : حجيت العندي أني و انتِ بكيفج
43
- صعدو ويا و أحنه نتبع السيارة لتخافين بأمانتنا
زِناد : مو أنتَ أحرص مني على عرضي يالله حركو سياراتكم
64
صعدنا ويا وهو كالعادة يسوق سريع توقعت راح يعاتب امي بس ما فتح اي موضوع و لا نطق حرف واحد لحد ما وصلنا البيت
نزلنا و جان هو واصل قبل الضابط
3
فتحت الباب امي و احنه واكفين وراها أنعتت أيدي قوي و أنداريت عليه
زِناد : خلصت عمري أغار من الهوى عَليچ
تالي تجيني صاعدة ويَ الشرطة و الضباط
662
جُمارة : ما ردت أجي هاي أمي ، أخ أيدي وخرر
هَدها بقوة و أمي تباوع صافنة ما تحركت دار وجهه و صعد بسيارتة
72
جرت ايدي أمي و طببتني للبيت
ما راحت من بالي لا نظراتة و أمي تحاجي و لا كل نظرة بدرت منه
و بقيت اجمع كل مواقفي ويا بقيت ايام اني بعالم ثاني و أحس روحي
مو جُمارة القديمة
122
أمي تغلط عليهم كلهم بس من توصل لزناد أدافعلة
و هيَ تنهار أكثر من تشوفني أدافع لاحد بيهم
42
تغريد : اريد ان شاء الله توابيتهم تطلع واحد وره الثاني
و يشوفن لوعة الأمهات شنو من تفقد ضناها
روز : الله ينتقم منهم
تغريد : و هذا هذا الوحش المشوه يساوم بأبني للغربة
ولو انتَ تحبلك اخو حتى ينلچم گلبك انتَ روحك ما تحبها
94
جُمارة : بس هو شيسوي يعني يمه الدنيا كلها فوگ راسة
هم يغلطون و هو يبتلي هو هم خطية ترى
114
تغريد : ولج تدافعين لكتالين اخوج ولج شنو من چلبة انتِ
جُمارة : ما أدافعلهم بس زِناد معليه مبين من عيونة
72
جانت بأيدها التعلاگة ضربتني بيها و أجتي تريد تطلع حرگة گلبها بية
صارت روز حاجز بيناتنه
روز : مريضة تغريد مريضة عوفيها شبيج
26
عفتهن و صعدت فوگ ابچي اريد اقسي صدگ كارهة نفسي و اني أدافعلة مدري شبية و اخوية راح بسببهم گمت أضرب بنفسي اصحيها على زمانها
31
ردنة نروح لقبر امير و امي ما تقبل تروح و لا تأخذنه دكول إذا ما يبرد دمي عليه و اخذ بثارة ما اروح اشوفة جانت جارات امي هن يتسوكن النة لان امي تخاف تطلع و تعوفنه وحدنا بالبيت
و لا تكدر تأخذنا اثنينه وياها دگول تطبگ سيارة وياخذون جُمارة
25
من جارتنة عرفت القبولات طالعة اتذكر الحماس قبل لهاي اللحظة
اجيت يمها اباوع للقبولات و اني حتى ما ادري بنفسي شكد ماخذة بالرياضيات
11
من طلعت جامعة بغداد قسم الصيدلة أبتسمت
و أني لو بهذاك الوكت چان ركضت خابرت جدة تخليهم يقدمولي موازي
بلكي أنقبل طب عام و أحقق حلمي العشت عمري اتعب و الوج عليه
اجيال و اجيال عبرتني و راح تتخرج و اني أعيد السنة كل مرة
علمود هاي اللحظة
82
تالي أجتي هاي اللحظة بالوقت المو مناسب أجتي الشهادة
بوقت اني خسرانة الأعز منها الي جان ينتظر أصير دكتورة
يكول حتى امشي و اكول اني اخو الدكتورة و أطب للمستشفى
رافع خشمي
85
بدال الفرح جانت دموعي حزن و قهر و اشتياق
رغم امي شوية فرحانة اكثر مني و خَابت آمالي من عرفت امي شنو راح دگول رغم هي اكثر شخص تعرف شنو حلمي
تغريد : داومي يمة صيدلة يجوز الله كاتبها الج
احسن من ما نذل نفسنا لليسوة و الما يسوة
يجوز يدفعولج سنة و باقي السنين يعوفوج الطب مو شوية
خمس سنين و السنين تركض ركض ما يدفعون ملايين ذولة و هم ما عدهم بنية تدرس
42
جُمارة : أي عادي
3
روز تباوعلي و هي تعرف شبية و شنو أريد من صعدنه لزمت ايدي
روز : باعي اتداينلج منه هاي السنة بلكي تتصالحين وي عمامج و نرجعهن زِناد اكيد ميعوفج
جُمارة : و انتِ شوكت رجعتي تحجين ويا
43
روز : اني ما اكدر أعيش بدونة هو مهون عليه هاي الدنيا كلها اخذ تليفون تغريد يومية بالليل اخابرة شوية و اسدة
جُمارة : بابا انتِ صاحية غير امي تذبحنا و اني بعد سالفة رقة ما اخطي اي خطوة بيها فلوس
20
روز : ما ادري بكيفج بس مو اشوفج حايرة
جُمارة : ليش ما يجي يخطبج لعد
روز : وين يخطب بهذا الوضع و بعده هو كاعد يدرس بالخارج يعني هو هم عندة ظروف
60
جُمارة : شنو هاي الكلاوات بابا وين اكو وحدة تحب واحد لا تعرف اسمة و لا شايفتة احنه شنو عايزين قهر
روز : اني قابلة شعليج انتِ و واثقة بي و بعدين اسمة
آزاد
240
جُمارة : و حق الله لو امي تدري تذبحج على القبلة
روز : يالله هسة انتِ ما عاشگة زِناد
46
جانت بصفي دفاتر شلتهن وشمرتهن عليها نزلت امي لكيتها نايمة بقيت حاضنة نفسي و كاعدة بالكاع مدري شنو من إفكار تخطر
بدماغي
2
نزلت روز تتخنس أخذت تليفون امي من يم رأسها و صعدت
ساعة كاملة و هي فوك ما رجعتة صعدت وراها سمعتها تبچي
روز : بَس أني تعبت و اني انتظر و أحچي بالختلات تغريد كسرت تليفوني و اخاف حتى اكللها على واحد
5
لا ما اريد تدزلي تكشفني و تكتلني .. اني ما اريد التليفون أريدك تجي
4
جُمارة : يالله امي راح تگعد
روز : يالله باي ، باي تغريد كعدت
ما ادري شكال الها و دارت وجهها باست التليفون سدتة و انطتنيا
جُمارة : ضلي ضلي بوّسي
75
ردت أنزل بَس مدري شبية خضعت لگلبي و ختلت بالممر البين الغرف
فتحت جهاز أمي و اني أدور على أسم زِناد
بين الاتصال و أصبعي الف شعور
135
دگيت و خليت الجهاز على أذني و اني گلبي يريد يطلع من سرعة دگتة
من ثاني رَنـة أجاني صوتة
- آلــو
38
جُمارة : شونك
25
تحَمحم و سمعت صوت طَبگة باب
زِناد : خو ما بيچ شيء
جُمارة : تساعدني أني تعبانة
64
زِناد : شبيج عيني
جُمارة : طلع قبولي صيدلة بَس
68
- بَس شنو
4
- تدايني فلوس من أصير دكتورة أرجعهن
زِناد : ما عندي فلوس هاي الفترة
363
جُمارة : تمام شكراً يالله باي
زِناد : أوگفي ،
- ها
25
زِناد : ما عندي بنات تداوم جامعة
352
جُمارة : بَس اني مو بنتك
15
زِناد : انتِ مرتي
709
جُمارة : شنووووووووووووو ؟
107
تغريد : هاي ويامن تحجين ولج
......
915
هاي يا عادات يابة الـ نَزلت دمع الأميرة ؟
- تروحلج فِدوة قوانين العَشيرة
- رُسل فَهد
187
يبدو إن أحدهم خَرج عَن صَمته 🥰
