رواية يا اجمل الوحوش الفصل الخامس 5 بقلم رسل فهد
يا أجمل الوحوش
- رسل فَهد
...
118
عند الوصف سَأقول :
كانت قصتي مع الحزن مُثيرة للفضول كأنها الهمس
الذي يدور بين المتزوجين في يوم الزَفاف
42
و عند الشرح أكثر سأقول :
و بقت قصةّ الحزن وياي
مثل مشاور العرسان كلها تريد تسمعها
يما تدرون ؟
مَر ريح الندم بالروح
خلص كل أصابعها
رُسُل فهد
....
88
ورود
شِراع : ورود
- ها ؟
131
شراع : هذا الفستان حلو ؟
ورود : الصراحة ، اي
54
شراع : ورود هذا الفستان الج انتِ هواي جاي تعبين وياي
ورود : لا عادي انتَ ضيفنه و من واجبي أكرمك و أنا مو خدامة حتى اخذ على تعبي مقابل و هذا ثوبك ما اريدة
198
بقى فاتح عيونة و مصدوم من ردة فعلي
شراع : و طبج مرض
ورود : مرض و حريشي بگلبك لا عبالك ساكتتلك يعني ناسية
274
حك حواجبة و باوعلي بطرف عين مبتسم
شراع : ها يعني ما ناسية
146
درت وجهي و طلعت و طبگت الباب رحت للغرفة اركض
و دموعي على خدي امسحهن و اكول لا ورود انتِ قوية موش هذا
دلوع امه يبچيج
129
و انتِ صوجج تخدمين بخلقتة الوسخة النذل الحقير و يجي صوت كلبي الانذل مـنه
- وهو شمسويلج ؟ ، مو زين جايبلج ثوب
71
- لا ما اريد و لا عايزة عليه
22
بقيت مثل المخبلة أتعارك وي روحي لحد ما نمت و لمن راحو آل عمي يعگوب جنهم اخذو البيت وياهم و لا جن البيت بي عالم
55
ثاني يوم بعد ما تريكت الزلم و راحت كعدنا ننظف و من رجعن العرايس و رجعت النوبة نفسها انزاح مني حمل جبير ما علية غير اماعين العشة و اوكف لجدة طول
28
و انا ام گلب طيب هذا شراع ارزلة بالليل و اكعد الصبح اسويلة ريوك لمن اخذ الصينية مني
شراع : ترى أنا جايبة الج هدية شنو دكولين خدامة والله عيب عليج
ورود : محد كالك أنا مفرعة و اريد ثوبك حتى يسترني
121
شراع : ولج انتِ شنو دهر صابج
اخذ الاكل مني و راح
38
غميت الباب و فتحة
شراع : چـاي
حچاها وسكت
38
- حتى چـايج ما اريدة بس اكلج راح اكل لان جوعان و حسابج بعدين
ورود : هَـهو عود صار محامي و خفت منه
ضحك بوجهي من الصدمة عفتة و نزلت
124
شوية و نزل يركض يعدل بالياخة و بأيد شايل الجنطة
و الثانية الوشاح مال المحاماة
سلم على جَدة و طلع
43
بين هوسة طبخ الغدة و الجهال لان عطلة مجلوبين ما ينلزمن
ورود : انتن المجلوبات من خفت ما تكعدن يمه شكثر منين نجيب الجن رجولة
- هسة انتِ حصلي رجل بالأول ضالة موغفة اعله كلوبنا
161
ركضت اكتلهن ما لحكت بيهن
و أنا أشوف العاصفة الهَبت علينه و هم داخلين مسلحين امجد و ولاء و اثنين من ولد عمي عمار شوية و اجو البقية كلهم اخوتي نزلو يركضون و امجد ينفت و يريد يأكل كل واحد بيهم يلومة
30
لحد ما طب زِناد و هو اعصابة ما تتفسر و لا تنحجي ياهو الـيگابلة
يضربة ويكفخة
زِناد : شلوووووووووون تجتلوووووووون واحد من زلامهم شلووووون
خالد : موش احنه و موش سيارتنا شوف امجد
و علي كل واحد منهم جان يسوق بسيارة و ويا أربعة
وحدة من السيارات رمت
64
علي : لا مـوش أحنه و روح عمي لو سيارة خالد لو سيارة أمجد
امجد : شنو ولكم تردون تذبون خطيتكم براسي شوف يا ساقط منكم ماكو غيرك خالد لان طاحولك غلط و فشار
38
النوب تعاركوا و كامو يتعاتتوون وواحد يأكل بالثاني
زِناد : كل قسم يالله بسيارته تولون للناصرية يم غربيل
بين ما اخذ الشيوخ و احول عليهم و الله و الله ثم والله هي ما تفض بس إذا فضت لأخليكم كل واحد يمشي و يتلفت
130
چان يحچي و يخزر بـ أمجد گلبة يعرف هو وره هالعملة
رهينة : ضمهم يـَجدة ضمهم ذولة اخوتك لا ينكتل واحد منهم
زِناد : و طبهم سطعش الف مَرض چـا من يكتلون ولد العالم
تفض و تخلص شني مثل ما هم عندج عزاز عند اهلهم اعز
46
فاخر : عمي فهمني أنا لسة دايخ
زِناد : ذولة الهتلية متعاركين ويَـ احفاد ربيعة صارلهم شهر مماطل ناس تكتل ناس و توديهم كلهم نياشين
55
عمار : إعله شنو
زِناد : إعلمود الساگية إذا هم يفتحوها يغرگ زرعهم و احنه زرعنا يابس كعدت وي الشيخ كتله يابة بيعلي هاي القطعة و نفض الطلابة شيخهم أنكس منهم و يموت أعله الطلايب
رادني بكل وسيلة اهينة حتى تثور الحرب بس أنا الله ذي العقل براسي ساعتها و ما كتلته خلاص
92
فاخر : إذا زرعهم كامل ما يحصدون
زِناد : خباااااثة أنا عرفتها هاي الساگية وراها موت و گلت الهم لو واحد منه لو منهم ينچتل بسببها بس أنا عاجز اربي حيوانات بمثل تربية البشر
28
فاخر : و هسة شني تاليها
زِناد : ضميتهم يم غربيل چـا شسوي و أنا ادري شيخهم عندة هسة عيد و حابة العباس و على اي ساعة تندگ بيوتنه بس كون يوكف وياي علي ابن أبي طالب سلام الله عليه
89
بقى وحدة حاير يفتر ويدگ على جماعتة الشيوخ سوينالهم غدة و تحزموا و راحـو لان ما يصير يحولون على الخصم وكت الاكل
و طول الوكت احنه نلوب وحدة تدك على رجليها
2
رهينة : النوب وي احفاد ربيعة هاي العدها يوم السعد تطلع توابيت أحفادي من البيبان
50
ام ورود : يمة ويلادي نايمين لا بيها و لا عليها لا يصيرلهم شي
14
رهينة : شنو نايمين جا ولد العم المن تنراد هي هاي الدنيا الشر يعم و الخير يخص كلمن يحمل ذنب اخو جا الدنيا جدامهم طويلة
35
ام ورود : والله بعد هاي الطلايب ما اضن يبقون عايشين
رهينة : إش يالله اكرمينا بسكوتج فال الله و لا فالجن
15
كل شوية و كامت تجي وحدة من نسوان عمامي و جايبة وياها جناينها و جهالهن و جدة بكل سرب يطب دكول لا هلا و لا مرحبا
لان تدري بروحها خلصت عمرها حارمتهن منهم و من كبرو
صارو جنايةّ مشاكل
18
ام امجد : شكول عليج خلصتي عمرج تعلميهم اعلة الأسلحة و الطلايب تاليها هاي نتيجة تربيتج يمشون و يكتلون بالوادم
85
رهينة : صمي حلكج انتِ إلا بزرتج عوع حتى ماردت شوفتهم جبتيهم كل واحد سبيعي چنه فارة مهلسة هم حسبتي يصيرون زلم و تحسبيلهم حساب
131
بقت ساكته و حِچت فضة مرت زِناد
فضة : جدة خاف يكتلون زِناد
594
رهينة : لا ما ينكتل و مو هيج هُمَ بلاية شرف و يطيحون سمعتهم بالكاع حتى يچتلون شيخ العشيرة و كلنا نعرف شيخ العشيرة ما ينچتل
74
بالليل يالله اجـو و من وجووهم مبينة السالفة معگودة الف عگدة بس الولد لسه ما مات بعده بالمستشفى بين الحياة و الموت
و اهلة يكولون إذا مات ما نشتفي غير بچتالة و لو عاش نفس الضرر اليصير بولدنة نخلي بولدكم
23
أربع ايام و أحنه بيوتنا خاليه من زلامها و الحريم كلها بالبيت الجبير
لما أنرمه الرصاص بعالي صوت على بيوتنا و التهديدات ما أنزل الله بها من سلطان و بمثل هيج حالات لازم العايل ما يعارض و يقدر وجع المصيوب
51
بقو يدزون وأدم يردون زِناد يطيهم الكاتل و احنه بنفسنا لسه ما نعرف منو منهم و شيخ زِناد يدزلهم وأدم بلكي تصير هدنة و يتفقون على حَل بعيد عن الدم
24
بس هم راكبين رأسهم وما يقبلون غير العين بالعين و الدنيا كلها تصيح حقهم و احنه لو مثلهم نسوي مثل سوايتهم
إلا بهذاك اليوم الي من دون الأيام اجانه شيخ زِناد من غبشة
و هو يدور طلق للسلاح البيدة من صندوگ المضيف
26
و طلع يركض بطرگ الدشداشة ما ندري وره هاي الركضة شنو
...
72
جُمارة
لحد ما سمعت صوت طلقة و صَيحةّ أمي بعالي صَوتهــا
خَوف ، توتر ، قلق ، رَهبة كلها جانت كفيلة ما تخليني اتجرأ أفتح الباب و أشوف صارت روز أشجع مني لان سمعت صراخ أمي يزداد
طلعت وراها أركض أركض أركض
و ما أدري راح أبقى أركض لأخر العمر
34
فتحت عيوني بصدمة و أختفى النطق و كأن لساني أنگص
و أني أشوف آمير سابح بـدَمة
405
و أمي حاضنة راسة و تلطم بأيدها الثانية على رأسها بكل قوة
تخلي الي يشاهد يگول الجمجمة راح تنفطر روز وگعت بالگاع و الجيران گالت تطلع من البيوت و حتى الأفرع القريبة أجتي ناسها
25
مَشهد غير قابل للتصديق لو تعاونت أقوى قنوات الإخراج ما تگدر تنتج هيج لَقطة عقلي الباطن لسه يحس هذا مشهد چذبي
أخـويـة !!
87
عياط أمي ترس الحَي و المكان و شمرت عبايتها و حجابها وفقدت باللطم على خدودها شككتهن و روز الي محد سامع حسها
گامت تصرخ بعالي صوتها
تغريد : أبنييييي يا ناس يا عالم أنكتل أبني
يمهههه ولج يمهههه ربيته بدمع العيييين يمهههههه
مرو منا بدراجة و كتلوووو والله فقير ماعندة وي احد عداوة
244
يااااا يااااا ولك امير شو بردت چنك سويتها صدك
هسة هسة أخذك للمستشفى و يطيبوك يبعد امك و اسمها
شو باوعلي
143
الإسعاف و الشرطة أجتي سوه و طوقو المكان
و اني بعيد واگفة أمي و أباوع الي يشوفني ما يگول هاي اختة
اكيد مستطرقة
8
امي بأثنين إيديها كامت تطلم على وجهها و الناس كلها تبچي
تغريد : يمهههه ابني لا مأكل و لا شارب يمههههه منو سوه هيج بيك يمههههه و لك امير ولك گوم لا تفجعني بيك
28
گال الضابط
- إذا كملتوا الفحص شيلو الجثة
290
تغريد : جثـة !!!!!!!!!! آمير صار جثة
يمهههه أبني يمهههه ولج تعاي گابليني
ماعت روحها أمي و ركضو عليها جماعة الإسعاف
78
خلوها هي و آمير بنفس السدية و صعدوها و راحت وياها وحدة من الجيران و الضابط يحقق وي روز اشرتلة علية
هوَ أشرلي بـ أيدة تعاي بقيت واكفة بمكاني ما تحركت هو أجاني
10
يحجي وياي و ما يحصل نتيجة روز تهز بية و دكلي احجي جاوبي
و اني احس بروحي شخص مشلول كاعد گبال تلفزيون و يكدر بس يسمع لمن آيس مني راح كال لروز رايحين بس راح نرجع و الله يصبّركم ان شاء الله
...
61
روز
كلشي بحياتنا لمن نتشائم و نكعد بينه و بين نفسنه نفكر نتخيل أشياء تصير بالمستقبل إلا هذا التوقع التعجيزي امير يموووووت ؟
و قتل !!!!
126
سألني الضابط إذا عندة عداوة وي احد و شنو أسماء اصدقائة و أسماء و عنوان عمامة و كلشي يخصة
3
دموعي على خدي و نحيبي بصوت عالي و اني اسجل بجمارة الي ما ادري شصار بيها لا تتحرك و لا تحجي عتتيتها قوي و اني اطببها للبيت و النسوان يواسن بينه
6
ركنت سيارة سريعة فتح الباب و ما سدة نزل يركض باوع للجيران و العالم الملتمة و لحالنة و الدم الي تارس الشارع
زِناد : وووووووين آمير
67
هو يحچي ومنتظر جُمارة تجاوبه اني كمت أبجي بصوت عالي
من دموعي هو بهت لونه و لزم راسة جان حتى بدون غترة و عگال
روز : ماااات اميررررر و أختي هم راااح تموت
35
بقى فاتح عيونه و أنطعن وجهه حرك السيارة و راح طبن ويانة الجوارين و يحاولن يخلن جُمارة تحجي لو تبجي لحد ما أيست العالم و راحت و اني لا بية اعرف و اندل و اروح اشوف اختي و لا عندي رقم زنَاد و اشوفة
20
رحت دكيت باب الجيران كتله أبوس إيدك عمي أخذنا للمستشفى اختي لا يصير بيها شيء الرجال ما گال لا أخذنا و اني صوجي ما خليت زِناد يأخذنا ويا
8
اخذت جُمارة اسحل بيها و الرجال ما عافنـه دخلنا ويا من بعيد شفت زنَاد و كل احفاد رهينة هناك تارسين المستشفى ناس تركض على غرفة بالطوارئ و ناس واكفة تتناقش بصوت عالي وي الشرطة
6
ركضو علينا اثنين أخذونا لغرفة الطوارئ و يمشون ورانا و أني اشوف
تغريد أختي متمددة و سابحة بدم أبنها لا تحرك ايد و لا رجل
احتاريت احتار بيها لو احتار بجُمارة الما تنطق و و كل ربع ساعة يالله عينها ترمش مره
46
لو ابچي و أستوعب أمير حبيبي راح من أيدينا و يعني صدك بعد ما يرجع
63
من بعيد اباوع و دموعي على خدي اقوى المتأثرين بيهم زنَاد
زِناد : هسةةةةة فهمني الجثة اخذها منا لو من الطب العدلي
- لازم تتشرح
- ما يتشررررررررررررح
216
كلهم التـمو وره زنَاد و صارو كبال الدكتور و صارت هوسة بعد ما كدرت اسمع شيء
روز : ولج جُمارة آمير يردون يشرحو
تباوعلي بس متجاوب
40
جنت بس أريدها تبجي و تنفجر و تصرخ لا يصير بيها شي و هم تروح من أيدينا و الدكاترة مخبوصين بـ تغريد الي بس نفس ما يتحرك بيها ولا شي راحو كلهم و بقى واحد يمنه
5
روز : ما عرفتوو منو كتلة ما عرفت الشرطة آمير منو الضربة
- لا ما عرفوا
9
ابجي و العالم كلها تباوعلي و تسولف بقصتنا كلها عرفت السالفة شنو من وره صياحهم وي الدكتور و ما اسمع من الناس غير كلمة خطية
روز : وين راحو
- ورا المستشفى يم الثلاجات
26
شفت الدكتور اجه
روز : دكتور هاي اختة ما جاي تحجي و لا ترمش خاف هم تموت
لزم و جهها و حركة
18
- بابا متعرضة الصدمة قوية و من قوة الصدمة الدماغ ما كدر ينطي ردة فعل تناسبها و حالياً البنية تعاني من سكتة دماغية وين الممرضة خلي تسويلها إجراءات فحص كاملة
96
يونس : دكتور يعني سكتة دماغية شنو مضاعفاتها و شوكت ترجع طبيعية
- شيء غير معلوم بيد رب العالمين و احنة ما راح نقصر لكن ان شاء الله المدة قصيرة لان كل ما طالت حتى بعد العلاج راح يكون النطق متقطع بس بالاستمرار ان شاءالله تصير زينة و الله يصبّرها و يصبّركم
49
لطمت على خدي و أني اشوف نفسي كاعد اخسر عائلتي واحد واحد
اجيت أهز بيها و راح يونس يكمل اجراءاتها جان ماكو مجال بالغرفة الي احنة بيها فـ اخذتها للغرفة الثانية و بدو يسحبون منها دم للتحاليل و هي ابد و لا ترمش و لا تتحرك بقو الممرضين متوترين
13
و اني اطلع من هاي لغرفة و اروح لغرفة ثانية حرت ما بين الأم و بنتها
لحظات اشبه بالموت البطيء بحيث وقت اريد اكعد وي نفسي وابجي على ابن اختي ما عندي
80
للعصر و اني على نفس الحالة صار صياح برة الصوت يجي من الشبابيك و يونس عرف هاي هُمَ سودة علية يحبيبي امك طاحت و أختك مثلها منو التلطم فوك تابوتك يونس عافنا و ركض
86
اجيت يم الشبابيك بلكي اشوف شيء و ماكو
لحد ما اجو سلام و علي
- جيبي جُمارة و تعالن ودعنة يالله راح نغسلة و ناخذة ندفنة
الجو حار و ما يصير يبقى وكت اطول
168
و هُم يحجون وياي تنگبو اجه من بعيد زنَاد يمشي سريع
زِناد : وينهاااا
حجاها و ما انتظر مني جواب طب للغرفة يدور
- وينهااااا
روز : بالغرفة الثانية
10
عافني و راح يركض و احنة نمشي ورا وهو عيونه دَم
روز : عوفوها خاف تشوفة و تموت
كالت مرة ويانة بنفس الغرفة
- لا خالة أخذوها بلكي ما تتحمل و تعيط إذا ضلت ساكتة تموت حتى لو تضربوها المهم تحجي
23
انصدمت و اني اشوفة راح للسدية فتح الكانولة و شلع المغذي و گومها لزم وجهها بأثنين ايدة و يحاچيها
زِناد : والله أذبحهم كبال عينج و اشفي غليلج
والله هذا العگال أخلي على گبرة و ما ألبسة إلا بساعة الاكتلهم بيدي
170
هي بس فاتحة عينها
زِناد : حاجيني جُمارة حاجيني حبيبي حاجيني يا روحي انتِ
434
ما حجت سندها و أخذنا وبقى علي يم أمي امشي و ما اريد أوصل
و لا اريد اصدك و لا اريد اشوف ، البارحة بالليل نمنا و احنه نتعارك
...
44
جُمارة
امشي و أيدة ساندتني و ما ادري وين رايحة لمن وصلت مكان بي كرفانات وره المستشفى و جان التابوت على دچة شالو و نزلو بالكاع
ركضت روز تلطم و تبجي و اني أتقدم بطيء اريد افتح القبق
و أشوف
28
فتحت القَبق و أيدي ما تعيني اول ما شفت الوجه و الضربة
بعده بملابسه و مغطي بجيس يعني بعدهم حتى ممغسلي سديته بسرعة و مَر شريط الذكريات كله بعيني ردت ابجي ردت اصيح بس اكو شيء ميخليني
59
باوعت لروز و باوعت بوجووهم واحد واحد و رجعت فتحت القَبق
احس واحد كعد وراي و لزم أجتافي
زِناد : جُمارة ابچي هذا آمير أخوج يستاهل تبچين عليه
هزيتله راسي بـ معنى ما أكدر
34
زِناد: لا تگدرين ضغطي على نفسج أكثر
فتح القبق عدل و نزل الجيس من جهة وجهها باوعت لمكان الضربة
وضميت راسي بـ حُضنه جسمي كله كام يرجف
58
سد القبق و لزم أكتافي يهدأني
زِناد : كافي حَبيبتي كافي
152
روز تبجي بصوت عالي و تلطم على خدودها تمنيت اكابلها و اطلع
الخنكة الي بداخلي كلها بس ما كدرت بقيت نايمة فوك التابوت
و هم من آيسو مني اجو يردون يشيلو روز تسحل بية
و اني مچلبة بأثنين أدية اريد اكللهم عوفو أخوية يمي حبيبي
اني ويا عمرنا كلة ما تفاركنه
63
خلصنة عمرنا كله نتعارك و احنه واحد يموت على الثاني
و جنت من اكعد أفكر مكيفة اني اكبر منه يعني اني اموت اول وحدة قبلة شلون تسبقني و تروح لعد اني تابوتي منو يشيلة
237
ليش عفتنه و عفت امي الي خلصت عمرها تشوفك اقوى إنجاز بحياتها شلون راح نكمل حياتنه أصلا و انتَ ما موجود
رجعت تسحبني روز ما كدرتلي اجه هَو سحبني ماكدرت اقاومة
بقيت احرك بأيدي اريد أوخرة
19
زِناد : اشششش ثبتي خلي ناخذة مو زين عليه يبقى هلكد
باوعتله اريد احجي ما كدرت باوعلي و تنگب بالشماغ و عيونه بيها كسرة اقوى من كسرتي
- روز أخذيها و ديري بالج عليها و على نفسج يونس ابقى وياهم
59
شالو التابوت و مشو و اني واكفة بصف روز و هي لازمة ايدي
ما جاي استوعب هاي آخر مرة اشوف امير بيها
و زِناد كل ما يتقدمون خطوة يدير وجهة علينة جان يعرف بگلبي
ما يتحمل
28
هديت أيد روز و هي جرت ايدي بسرعة تحركت الكانولة و انعوجت الابرة بس ما اهتميت و ركضت بأتجاههم و يونس و روز يركضون وراي ما ادري منين اجاني الحيل
22
الشايلين التابوت وگفو أشرلهم اطلعو و اجه بأتجاهي وَگفني و فك النگاب عيونه غرگانة دموع
هل دمع الرجال عادياً ؟
- عُمر نركض
ما مش من الضيم إجـازة ؟
الزلمة لو من يبچي فَد شي عادي كلش
مَـا تنگب بالجنازة
- رُسل فَهد
172
زِناد : شبيج بابا وين تريدين
هديته و دفعته اريد اركض اريد اكللهم ادفنوني و يا
لزمني بقوة و اني أصارع بدون صوت
و الدم ينفض من أيدي
7
روز : جُمارة حبيبتي وين تردين امشي خلي نشوف تغريد شصار بيها
أأشرلهم بـ أيدي على الجنازة
4
زِناد : أكرام الميت دَفنة و ميصير يبقى هلگد بدون تغسيل و مناك هو من الصبح لسة بالثلاجة خلي يرتاح
جنت أشرلهم مثل الخرسة بـ أن ما أكدر اني اريدة اريد اخوية حبيبي
53
طلع من چفية ضغط بيها على ايدي حتى يوكف الدم
بقى ضاغط لحد ما حسة وكف اخذها و ضمها بجيبة
زِناد : يالله حبابة يالله حبيبتي طبي وي روز خلي أروح أدفنة يالله لا تتعبيني
- هزيت راسي بـ لا
32
گالت يدكوون عليه كلهم صرخ بوجهي
زِناد : ماكو لا ابقي هنااا خلي اشوووف دربي و اجي أخذج
25
سحبت ايدي روز و أخذتني و هو راح و أمير راح و امي ما تكعد
و كل إيد بحياتي جنت لازمتها هدتني و عافوني وحدي
بقيت كاعدة يم رجلين أمي أبوس بيهن أريدها تكعد أريدها تسولفلي شلون أمير مات
11
خلي تكعد تبجي عليه و تفطر الحياطين بلكي گلبي هم ينفطر و اكدر اصرخ و ابجي الدكاترة تعاطفو و حاولو وياي ارجع للسدية بس اني ما قبلت و بقيت مكابلة امي و كاعدة صار الليل و صار الصبح و امي ماكو ما حركت ساكن و لا اني احس تحسن بحالي و اكدر احجي
....
66
روز
خابرو على يونس و كالوله الفاتحة بالعمارة مو بـ بغداد
روز : تغريد اكعدي شنو يسوون فاتحة ابنج و انتِ نايمة كومي يالله
كومي خلي تعرف العالم عندة ام كومييييي
144
اجتي الدكتورة و اني متلهفة اسمع اخبار تريح كلبي و ولو بمثقال ذرة و خابت كل امالي و اني اسمعها
- فتحو للمريضة طبلة و خلي تتحول لقسم الأمراض القلبية
بين ما نشوف وضعها لأي مرحلة يستقر
29
روز : دكتورة يعني شوكت تصحه
- ان شاء الله تصحى من الغيبوبة لان هي حاليا متعرضة لجلطة
بس ما نعرف تأثيرها عليها إلا بعد ما تصحى
20
يونس : زين يصير ننقلها لغير محافظة بالإسعاف لان احنه مو هنا كاعدين
- نعم يصير لكن بسيارة الإسعاف بس ما أنصحكم
المريضة على اي لحظة تصحى و تحتاج هواي إجراءات
15
بين الحزن و القهر و التعب جان سؤال واحد يدور براسي و اكيد برأس جُمارة نفسة هو ليش و منو كتلة و لو تغريد صاحية جان ما لطمت و بجت بكد ما تطلع تدور على الكتلوه مو حتى تشرب من دمهم ، بَس حتى تسألهم ليشششششششششش ؟
27
كلنه نگول ليش لان نعرف أمير ما يكدر يأذي نملة
لعد بيا ذنب أنقتل و بهالبشاعة بدون رفة گلب
116
ثاني يوم اجانه زِناد و علي شافو وضع امي و اني مستمرة
اسألهم ما عرفو القاتل منو و يجاوبوني بـ لا
و أخ لو بساعتها جنت اعرف
180
زِناد طول الوقت كاعد يم جُمارة يحاول يخليها تحجي
و لمن تتعب يكوم جسمها يرجف يلفها بـ عبأته ويتركها
انطاني فلوس و راح ويا يونس و بقى علي
36
و بقينه على هذا الموال أسبوع كامل اني حايرة بين اختي الما تحرك ساكن و بنتها النايمة يم رجليها و صافنة حتى نوم ما يمر بعيونها
بقى ويانه علي أربع ايام وراح ، رجع يونس كل شوية ألم جُمارة بحضني و ابجي و اتمنى تغريد تكعد تلمني بحضنها اريد ابجي براحتي
12
اريد أنطي لأمير حقة بالحزن شيكول علينة و احنه لا حضرنه فاتحتة و لا لبسنة اسود عليه اجيت يم راس تغريد ابجي
روز : تغريد كومي لبنتج راح تموت كومـي شوفيها لا تأكل و لا تشرب يرأفون بيها الممرضين و يخلولها مغذيات كل ما توكع
16
أجتنا خالة رهينة و هي منتهية من الحزن
باوعت ألنة وحدة وحدة وصاحت لجُمارة و كامت تبجي
و اجتني حضنتني و دنكت على تغريد تبوس براسها
رهينة : شراح يخلصني منج يتغريد
80
زِناد : جدة خلي جُمارة تصير زينة
رهينة : تجي ويانه اخذها لطب العرب هي تعرف تحجيها
19
روز : بيها سكتة بالدماغ
رهينة : لا سكتة و لا شي اسم الله عليها اني اخذها و أرجعها مثل ما جانت كبل و احسن
- هزت رأسها لا بمعنى متروح
3
زِناد :لا ترحين حتى تحجين ارجعج لهنا بنفس اليوم
روز : لا لتأخذوها
رهينة : مو بكيفجن خسرنا الولد ما نريد نخسر البِت
بس هي بقت من ريحة ابني و لو ما تغريد تدگ رجل إعلة بغداد كل هذا ما صار
91
جُمارة ما قبلت تروح تالي هو سحب أيدها و كال الها بس أحاچيج
...
8
سحب ايدي و طلعني بره
زِناد : باعي أمشي وياي بس خلي تحچيج و ارجعج والله بيدي و أنا ما يوم كتلچ حجاية و خلفت بيها
هزيت راسي بـ لا
15
زِناد : ماكو لا اخذج حتى تطيبين تجين تدارين امچ
يومين بَس يطيبوچ و أرجعج
أشرتلة أريد أحجي
3
مَد أيدة لـ جيبة فِتحة و أنطاني التليفون لزمته اكتب و أباوعلة
كملت و أنطيته التليفون
- لگيت الـ كتلو آمير لو لا و ليش كتلو
83
قراها و مِسح وجهه بكف أيدة
زِناد : ألكاهم وداعتچ الگاهم و انتِ موجودة و تشوفين
+
اخذت التليفون من أيدة رجعت كتبت
- أني أطيب من تكتلهم
13
خلة ايدة على راسة و مسح عليه
- اليوم نروح و هناك نسولف بَعد أني وياج أصدقاء
83
هزيت راسي بـ نعم و طبيت ويا للغرفة
روز : ننتظر بلكي تغريد تكعد وهي تأخذها
زِناد : لا هي تروح ويانة
7
رهينة : تروحين يـ جدة
هزيتلها راسي بـ نعم روز طول ما هم موجودين تأشرلي لا بس اني جنت فعلا اريد اروح و كلامة صحيح اطيب و اداري أمي
15
طلعت وياهم و هوَ گايدني ما أعرف السر الي خلاني أرتاح لهذا الشخص من دون الكل و أيدي لان محاوطها الكف النايلون
بـ إصبعي السبابة بس اريد اعرف هو ليش لابسة
38
جانت تصرفاتي مو بعقلي و لا تمد بصلة للوضع الي اني بي
و من حركة إصبعي حسيتة عرف اني شنو أريد
ضغط على أيدي بقوة و منع أصابيعي من الحركة
16
فتح باب الصدر لجدة
رهينة : لا يجدة أختنگ أنا اريد الوره كله اليه
زِناد : مو وكت سوالفج جدة
235
صعدت و فتحلي باب الصدر و صاحلي صعدت ويا كعدت و هم يسولفون هو و جدة على حالة امي و اني صافنة أباوع لگيت
قراصة مال شعر بيضة بس شكلها مو غريب علية
بقيت اباوع الها و اريد أتذكر شيء
95
و نمت بالطريق و كعدت لكيت جدة نايمة و هو بعدة يسوق
هزيت ايدة و اشرتلة بأيدي
زِناد : بعد بعد ترى تونة طلعنة بغداد
12
رجعت باوعت للقراصة و أتذكرت من مَرة أجيتهم و اني بالسادس و أنجرت هاي القراصة من شعري و ما أنتبهت إلا من ردت أنام و تذكرت الموقف وبقيت أبجي عليها لان مكتوب عليها "بابا حبيبي "
بس ما اعرف منو أخذها مني
87
مديت ايدي على القراصة أتلمسها حتى الاسم ممسوح و باقي بس أثرة و بيها شعر باقي مچلب يعني حتى منظرها غريب و مو حلو
وَخر أيدي بسرعة
20
زِناد : لا تلعبين بغراضي
140
رجعت لمكانس بس عيني عليها اباوع
زِناد: جوعانة أجيبلج شيء
هزيت راسي بـ لا
+
رجعت نمت و فزيت على صوت السيارة أنطبگ عبالي وصلنة شفته نزل وراح للمطعم جدة تحجي و اني دايرة وجهي عليها
+
رهينة : هسة بس نوصل العصر اخلي زِناد يودينا والله يومين بالزايد و ترجعين مثل قبل
شوية و أجة جايب النه اكل أنطه لجدة و أنطاني ما ردت
3
زِناد : إذا ما تأكلين ما أحرك السيارة و أطفي التبريد و أصمطچن بالحر
رهينة : جا ولك تعاقب جدتك إعلمودها
114
زِناد : يالله حبيبتي
باوعتلة بخزرة لان گال حبيبتي
125
زِناد : يعني مثل بتي أختي لا يروح بالج
أخذت اللفة من ايدة و أكلت فتحلي بأيدة بطل اللبن بس نسى و شرب منه باوعلي لگاني اباوعله بطرف عينة
206
ضحك و مسح البطل و أنطانيا
شربت نُصة و أنطيته اله صَكة بثانية وحدة
زِناد : اني ما تلعب نفسي لا تباعين
رهينة : بَس منها
438
دار وجهه باوعلها و يأشرلها تسكت
لمن وصلنة اني مية الف فكرة براسي تدور
گبل نمت على جرباية جدة و كعدت العصر على صوتهم يردوني أتجهز حتى نروح وياهم للمرة اليحجون عنها
2
بدلت و خايفة مدري شبية بس اباوع الهم ليش نظرتهم تختلف
إليـة عن كل مرة ما توحي هم بس مقهورين عليه على موت آمير
اسمع همس بكل مكان
20
طلعنة و توقعت الطب اليحجون بي شيء عادي مجرد خلطة اشربها وياها ايات قرآنية بس انصدمت من كامت تطلع بلساني و تخلي عوده تلفة عليها
101
خفت و لزمتني جدة و من شفت بأيدها ابرة تحميها على النار
و تخيلتها تچوي لساني بيها طلعت اركض لكيت زِناد و رجال يسولفون و جرتني المرة و طيبتني وجهه يخوف و اني ما أرتاحيت بالمكان
50
اجت وحدة ثانية وياها لزمتني من ايدي و هي رجعت تحمي بالابرة
و جدة كاعدة مدنكة و تقره آيات و اني أرافس بين ايديهن
و صوتي غدر بيه
13
لمن شفتة تتقرب و تفتح حلگي و بأيدها ضغطت على نفسي
بقوة وصرخت بعالي صوتي
جُمارة : زناااااااااااااد
.....
1.8K
خَيبتك شَكتب عليها
حِبري دَمر كل إديـه
انتَ يا أقسى حَنين يمُر عَلية
- رُسل فَهد
112
ما هي الخَيبة التي لم تستطيع نسيانها ؟
623
