رواية يا اجمل الوحوش الفصل الرابع 4 بقلم رسل فهد
يا أجمل الوحوش
- رُسل فَهد
...
57
عِند الوصف سَـأقول :
كان الأمر أشبه بـ شعرة رِمش في عين شَخص
مُقطع الأيادي ..
36
و عِند الشرح أكثر سَأقول :
مَطعون أنا من كل صوب
" تين و عِد بلابل روحي مشمورة "
أطلع صورتك من گلبي ؟ گلي شلون !!
يَـ شَعرة بعين واحد أيـدة مَبتورة
- رُسل فَهد
...
104
زِناد : جُمارة گلبي وينچ
خاف چانت الي نية أطلع بعد ما سمعت هاي الكلمات بقيت جامدة بمكاني لحد ما دخلت أمي للغرفة تبچي و تدعي يارب رجعلي بنتي بخير و سلام ولج يمة جُمارة وين رحتي
126
جُمارة : أني هنا يُمة
شهگت أمي و تدور الصوت منين طالع
204
طلعت من جوة الچرباية بقت أمي بحالة صدمة حتى خفت منها
جُمارة : ها يمة حلوها السالفة ، نمت جوة الجرباية مادري بروحي
226
حُضنتني و بعدين وخرتني من حضنا ضربتني على ايدي و هي تصيح بصوت عالي على اثر صوتها كلها أجتي
تغريد : ولج ساعتين صار النة ندور عبالي انتحرتي شو شسويتي
جُمارة : يمة شنو السالفة جان انتحرت بساعتها تحملت الضرب ذاك و ما انتحرت ، ما انتحر اذا ما امتحن رياضيات
107
فِتحو مجَال و هو دِخل باوعتلة و لأول مرة اخلي عيني بعينة شِفت نظرة عجيبة و ما عرفت أفسرها بقى واكف بمكانة و طرف من عباتة صايرة جوه ايدة ودَگ جهازة
زِناد : كفو بالنشامة يالله تعالو منتظركم أنا
132
طلع و أمي بَشرتني السالفة أنحلت حضنتها بقوة و أني أبجي
بس هالمرة دموع فرح عيشتني رِقة قلق و توتر و خوف ما مَر علية بكل حياتي
52
يمكن أبالغ لو أگول الأيام الي خسرت بيها أبوية حبيبي و طلعنا من غرفة أمي بدون كل شيء امي دموعها على خدها و تسحل بية
و أني ؟
أسحل وياي الذكرى الوحيدة العندي من أبوية غير حُبة و حنيتة
21
لَعابتي الي من گد ما عتگت و صارت قديمة بعد ماكو مجال أخيطها
من مكان الفتگ الي يطلع الگطن مِنـه ويَـ كل خيط ذكرى
حتى بجنطة المدرسة والمعهد وياي
60
تنام وياي و اسولف وياها هيَ الوحيدة بَس تعرف شگد بينت الها ضعفي لمن أحتاج أبوية و أريدة بكل دقيقة تمُر بحياتي
بكل أجتماع مدرسة بكل تبرع للأيتام تمنيته يجي و يگول
اني موجود بنتي مو يتيمة
106
صح أمي صارت لأمير أم و أب بس الي ما گدرت لان أني ما أنسى حنيته و أتذكرهن لقطة لقطة اليوم الي أكعد بي من الفجر و تسبحني أمي و تبدلي و اكشخ بشكو حاجة جديدة عندي و ابقى كاعدة بالباب
شگد ضربوني و طببوني و أرجع أطلع
30
مرات يجي العصر و أني من الصبح للعصر على گعدتي
ما أقبل أكل اي لگمة لحد ما هوَ يجي و أمي تصبلة و أكعد يمه يسويلي لَفات ناسية كل مواقف طفولتي بكد ما ذاكرتي ما تريد غير مشاهد أبوية
59
و احلى لحظة بحياتي لمن توگف سيارة و ينزل هوَ و جُنطتة
أبقى بعالي صوتي أصيّح " ولج يُمة أجة أبوية "
106
يفتحلي أيدة و أروحلة أركض أخنگة من قوة حضنتي و أشتياقي اله
و أبچي و هو يسكتني و يضحك و نطُب للبيت هو شايلني اني و الجنطة و دگلة جدة نزلها انتَ تعبان
يَعقوب : چـا هو أنا الطريق كله أنتظر هاي اللحظة من أشيلها أحس تعب الدوام كله يروح بضحكتها
154
و أمي تسولف اله رِحلة أنتظاري اله اليوم و هو يبقى يضحك
و لما نفوت للغرفة و نتعارك أني و أمي وهو يگول لأمي لا تزعجيها خلي تشبع مني براحتها و اني أبوسّ برگبته و خدودة و أغور أمي
جانت تضحك و تتعارك ويا دگلة يعني شنو ما الي حُصة بيك
64
يغمزلها و يگول لا ماكو كله لجُمارتي
جُمارة : ها ها ليش تغمز عبالك ما شفتك
يبقون يضحكون و بالأخير أبوية يقشمرني بـ فلوس و جدة
رهينة تحبسني يمها ما تخليني أصعد
181
هاي اول مرة بحياتي بسبب رِقة حتى لعابة أبوية أنساها و اعوفها هناك
26
فزيت من ذكرياتي لگيت دموعي مغرگتني
طَبت جدة باوعتلي روز يمي نايمة و آمير يم زِناد و أمي تسبح
رهينة : شبيج جدة مو گتلج عندي سبع من گال أحلها حَلها
و حگة طلعة من بين عيونهم و بيض صفحتج كدامها كلها بحركة وحدة منة
38
رحت حضنتها
جُمارة : جدة خلي نرجع لبيتنه لعابتي من ابوية بقت هناك و اني ما اكدر بدونها جدة عليج النبي اذا تحبيني
رهينة : روحي كولي لزناد أنا شبيدي يجدة
128
ابتعدت عنها و خزرتهة لان ادري بيها تكدر بس تريدني اروحلة
رهينة : و فگس لهالعيون
158
بالعشا امي كالت امشو ناكل وياهم عيب اليوم تعبو لخاطرنا
طلعنـة و جدة كل شوية دكول اليوم أحفادي منورين السُفرة الله لا يحرمني هاي اللمة و الكعدة
35
نزل غسان كال امير نزلو النتائج انتَ الكرخ الثالثة بس شسمها مدرسة
امي عافت الاكل و امير يأكل ما مهتم بقى غسان على الدرج واكف
غسان : ناااااااجح
221
كمز امير و يحلفة صدگ لو ناصب عليه
أجة حضن أمي و اني حضنتهم
غسان : عمة هاي من الثالث و هيج فرحانين جا اذا طلع من السادس شتسوين
تغريد : جا شعندي غيرهم نجاحهم نجاحي
45
درت وجهي حتى اروح اغسل و احس اليوم احلى يوم بحياتي الفرحات تتماطر علينة يارب ديمها لگيته واگف بالمطبخ يباوع النه و مبتسم
و اني مارة من يمه
جُمارة : شُكراً
38
درت وجهي على السنك اغسل لان المغسلة اكو كاعد يغسلون بيها
زِناد : كون تصيرلچ عِبرة و تتعلمين الثقة الزايدة وين تودي الانسان
50
جُمارة : بعد حتى ثقة بنفسي ما عندي
زِناد : أقري زين ، لو كيفتي لگيتي واحد يبطلچ
162
ضحكت و خليت أيدي على حلگي لان صدك مرات تجيني افكار من أتعب من الدراسة كون يجيني واحد يتزوجني و يحرمني من الدراسة
هم ارتاح و هم أعيش دور المظلومة ، هوَ أبتسم وبقى يباوعلي
من شفت نظرتة شگد عميقة نزلت راسي و طلعت من المطبخ
198
كعدنة بالصالة نسولف و غسان يضحكنا حتى روز ضَحكها
غسان : شوفو أحنة هنا يردون منك شهادة و معدل و انتَ اول و تالي تدري بنفسك لازم تفگتك و هاد وياهم بالطلايب
رهينة : و انتَ وينك وين التفگة دشيل روحك چنك فرخ سبيعي
194
غسان : جدة هو انتِ شيعجبج اليشوف جدي يكول ذوقها ينحلف بي هو چنة عنتر بالصورة الحقيقية
رهينة : يا تروحله فدوة مابيك روح چان خليتهم يكسرون ضلوعك
90
غسان : تسوين فضل جدة حتى اذا اطلع راسب أكلهم حالة نفسية من وره ضربكم بعد وراي امتحانين
47
فاخر : غساااان تعال ويَـ ولد عمك طببو الگواني مال الطحين
غسان : اي يابة حاضر ، كلشي اسوي بس ما اقرأ
166
اجيت لكيت ورود وحدها بالمطبخ تنظف و ترجع ليوره
أنقهرت عليها و رفعت درن دشداشتي مثلها بس الربطة ما تضبط عندي ضحكت و لزمت وجهي و سوتلي الربطة شَدتها من وره
ورود : كعدي عيني لا يجي زِناد يشوفج تنظـ
وصلت لهنا وسكتت
ورود : نظفي نظفي
47
جُمارة : ليش وحدج دائماً
ورود : امي مريضة عدها انزلاق و مرت سلام زعلانة
و مرت يونس خطية حامل
56
جُمارة : بس من اجيت اول مرة جان البيت بي هواي
هذّني نسوان عمامي الصغار مكتولات و زعلانات لان عمامي سافرو
77
جُمارة : و عمي عمار بيته وحد مو ؟
ورود : اي هذا المرته تعاركت وي جدة من أجيتوا اول مرة
بيتهم وحدهم هذا عنده عشر ولد و بنات اثنين هنا البيت ما يكفي
111
جُمارة : و زِناد ؟
ورود : هو عايش وي مرت ابو عجيبة و اخوته لان يحب
ولد اخوته و هَم مرته ما يكدر يعوفها وحدها مريضة
لان هو عندة بيت اهلة
610
جُمارة : متزوووج ؟ زِناد متزوج ؟ شو ممبين
أبتسمت على ردة فعلي درت وجهي على السنك
جُمارة : يعني أقصد هم كلهم حتى اخوانة ما مبين عليهم متزوجين
57
ورود : لا متـزوج بنية أبو خلاها يمه إمانة تصير بنت صديقة و يتيمة معَـوقة و مريضة
- خطية الله يشافيها
329
حتى ما أنصدم أكثـر
بقيت أنظف و ما سألتها بَعد عن اي واحد
41
أنترس الكراج كواني طحين و طَب واحد مرت أول مرة أشوفـة
- السلام ، ورود اذا ممكن كوب چـاي أني فوگ بالغرفة
اباوع لورود من طلع
ورود : أسويلك سِم
90
رغم هي مخبوصة تغسل بالقوري و تطلع من الأكواب الجدد
اول ما خدر الچاي صَبتـه و صعدت
باوعت للكراج الي بيت جدة يسمو سَـاحة
بس زِناد واگف يحسب الگواني
13
طلعت بره و رحت ناحيتـة ما حچيت شيء لحد ما وصلت يمه
وكفت بمستوى الخط الي هو واگف بي
فتح عيونة و باوعلي بعصبية
زِناد : شعندچ طالعـة ؟؟
75
غمضت عيني بـخوف و بَاوعتلة
جُمارة : شبيك ؟
15
باوع مِنا و مِنا و بَاوع لأيدي
زِناد : نزلي الردان لـِج
51
أنتبهت صدك أيدي طالعة نزلته و أبتسمت بوجهه ، ما أبتسم
جُمارة : شوكت نرجع لبيتنا ؟
22
زِناد : ماكو رجعة بَعد
49
اريد أجاوب طلعت امي من باب المطبخ تدور علية أجتي بأتجاهي خازرتني من خوفي بعد ما تحركت
تغريد : خو ماكو شي
زِناد : سلامتج ، بس جُمارة تسألني شوكت ترجعون كلت الها ماكو رجعة
10
تغريد : ليش عمة ماكو رجعة ؟ عندها امتحان و انتَ خوش زلمة ما قصرت ويانة
زِناد : تقرا هنا و بيوم الامتحان ياخذها واحد من الولد تمتحن و تجي
32
تغريد : لا دخيلك
زِناد : عمة شنو لا دخيلك شتردين بالضبط ذولة ما راح يعدوها على خير اذا رجعتوا لان أنغلبوا و أني ما أمن عليكم هنا
27
تغريد : لا قابل شيسوون
زِناد : اكثر من الصار ؟ و للمعلومة تختارين موت ابنج لو بتج برجعتج اخذيها مني و خلي السالفة تبرد لان هسة محد يتقرب الكم لان يعرفون احنه موجودين اما هناك لا
ما اضمن الج الوضع
33
بقت امي خايفة وساكتة
تغريد : بس اني هنا ما ماخذة راحتي لا اني ولا بناتي تعرف البيت كله زلم و هنَ متعودات هناك بالبيت وحدنا
زِناد : أفتحي غرفة عمي يعقوب و گعدو بيها ليش باقين جوه و التريد تنزل تحطلها حجاب على رأسها ساعة زمان وتصعد ما ينراد الها روحة للقاضي
61
تغريد : غراضنا و ملابسنا
جُمارة : يمة ما نبقى هنا شو سويتيها صدگ
خزرني هوَ و سكتت
عفتهم و طبيت
...
71
ورود
17
هذا شجابة وشعنده راجع بقيت احجي بيني وبين نفسي
فتحت باب الغرفة على كيف لان خواتي الصغار نايمات اسمع جدة ما مصدكة بجيته تبوس بي
رهينة : هلا بـ أبن اختي هلا بريحة الغالية
ولك گطعت بية فَد گطعة يـ شِراع
226
شراع : خالة وداعتج دراسة و مَا عوّلت يطلع تعييني و أبشرج طلع يمچ بعد ما أكطع بيج
رهينة : يااااا يوم الهنى و السعد يـَ يُمة تبقى يمي تستقر شعندك انتَ هو بطرگ روحك جا أنا موكلة الصوبين
تصعب علية لگمتك
73
شراع : والله بيتي هذا و ما أستنكف انتِ خالتي و امي الثانية شأنسى منج هو اني بحضنج ربيت بس أريد استقر بالدوام حتى أخذلي بيت قريب
19
رهينة : ولك أنا غرفتك انتَ و امك لسة قافلتها و محد يهوطها أصلا قبل لا تحجي انتَ مكانك هنا و الك حصة حالك حالهم
بقى كاعد يمها و أجوي الولد يمة يسولفون مبين جان يمهم قبل لا يفوت
23
طبيت للغرفة و أني مية الف موقف بـ بالي شجابك شرجعك
بقيت واكفة وره باب غرفتنا و اني أسمع صوت خطواته و فِتح الغُرفة الـ گبال غرفتنا الي ما توقعت يجي يوم راح تنفتح
و أسمع صوت جدة تصيحلي بس ما گلت ها
ردت أنام بَس أجذب لو گلت نمت ، للفجر يالله مر علية النوم
38
كعدت الصبح متأخر و لگيت مرت يونس مسويتلهم ريوگ
رهينة : ورود تعاي ليَة
- ها جدة ؟
- صبي صينية ريوگ مرتبة و صعديها لشراع و شمالج امس خطفتي
من أجة مو عيب
41
ورود : استحيت عبالي واحد غريب
رهينة : سويله ريوك
20
رحت للمطبخ و أني أسوي بس أحس بروحي كعدت كل شيء ميت
هاي جَيته دزيتها بيد اختي و بديت أنظف لحد ما نزل بيدة الصينية كلشي ما مأكل منها عرفت لان هو عندة مرض نفسي " الوسواس" والظاهر لسه ما أتعالج منه رجعت الاكل و غسلت الصينية و هوَ طلع
203
رهينة : جدة وينج روحي نظفي الغرفة خطية تليگها مجرجمة و الولد نفسة عزيزة و نظيف
صعدت بس أخترعت من منظر الغُرفة نظفتها غسلت الفراشات و البردات بين ما شريتهن نزلت لكيت امي تطبخ نظفت الجوه وصعدت أعلك بالبردات
28
دِخل هوَ و طبگ الباب بالبداية ما شافني بعدها رفع نظرة باوعلي أنصدم و فِتح الباب و اني واكفة ادخل حلقات البردة بالبوري
شراع : أعتذر ما شفتچ
ورود : عادي ، هاي كملتها بس علگها
28
حجيتها و طلعت أركض أحس نفسي بَوخت
بالغده نزل آكل وياهم و العصر نزل كاشخ و العطر ترس المكان و هو يتصل رفع ايده لجدة و طلع
24
و وره ساعة اجه بقى كاعد يم جدة و هي دگلة اي شيء تحتاج هاي ورود موجودة صيحلها اكل جاي ملابس ورود موجودة
و اني لو ما اخاف اروح أخنگ جدة بعد ما بقى غير دكلة أنطيها راتب لان هي خدامة
178
اجيت جبت كلاص ماي لجدة حتى تشرب العلاج
رهينة : جدة طلعي من الماعين الجدد و خليهن لشراع حتى تعرفيهن كل ما تصبيلة
شراع : و أكون ممنون
44
صبو عشا ما اكل وياهم
صاحتني جدة و أشرت عليه
صبيتلة و لكيته صاعد كلها جاي تتعشه صعدت انطيته الصينية
هو جان يتعارك بالاتصال ويَ وحدة و حتى من طبيت ما أهتم بقى مستمر يرزل و يصيح
31
قبل لا أطبگ الباب سد التليفون وگال "أنعل أبوچ لأبو "
129
و حتى اخلص من تفكير عقلي أتجهت للمواعين بس طلعت بالعكس هي كل الأفكار و المشاعر تجي بوقت غسل الماعين نزل الصينية ماكل كلشي بس مخبوص مدري شبي
82
معقولة هاي حبيبتة ؟ و ليش يعاملني عبالك هو حتى ما يعرفني قبل
اني صوجي ماعندي شخصية هو عايش حياتة و أني باقية أسيرة
أمراضة النفسية و بعد ساعة تقريباً دخل وهو عيونة حُمر
من العصبية گال صبيلي چـاي
89
لو ما أخلاقي اصب الجاي على راسة دگيت الباب گال فوت
لكيته فاتح لاب توب و يكتب سريع
ورود : هذا الچاي
شِراع : شيسَكت راسي
77
ردت أكلة أجيبلك دوه بس الشخصية الخبيثة بداخلي ما خلتني
طلعت و سديت الباب ، أكيد يجوز عايفتك شيسكت رأسك ان شاء الله ما يسكت
107
و خَاف اني عايزة مسؤوليات أجاني هوَ عود ما يثق غير بية
و لو هو ماكو غيري محتارة بـ بيت رهينة
بعدها بكم يوم گام يداوم الصبح و يجي ويَـ الغدة بَس صَفنتني
نظافتة و دقتة بكُل شيء ، مرض لان الموضوع مُبالغ بي
41
التليفون قبل من يشيلة من الكومدي او على الشحن لازم يمسحة من الجهتين يالله يستخدمة كلشي قبل لا يخلي بحلگة يشتمه
ملابسة إلا هو يغسلهن الغرفة مالته إذا مرات أشوفها نظيفة ماتحتاج ما أرشها مي من يجي من الدوام هو ينظفها
87
بالليل صعد و بأيدة أغراض أني أسوي چـاي للمُضيف
شِراع : وَلو انتِ تَعبانة وَرداية بَس وياج كوب چـاي
- تمام
165
باجر عدنا عزيمة يرجعون الزعلانات و آخيراً حتى أرتاح
وديت الچاي الهم و صعدت وديتلة الكوب دگيت الباب
لگيته يرتب بـ كنتورة و من ضمنهن فُستان ابيض و أصفر
لفت نظري لان الوحيد يجذب النظر بين قمصان غامقة
132
أخذ الچاي من ايدي و درت وجهي حتى أطلع
شِراع : ورود
...
385
جُمارة
12
ضايجة گاعدة بالغرفة ما أدري هاي الغلطة راح تخسرنه حتى بيتنه و گعدتنه الحلوة و فعلاً امي شافت كلام زِناد أنسب حل حالياً و عجبني هذا البيت من كُبرة شگد لام عالم وبعده يوسع ويتحمل أكثر
30
فتحت أمي الغرفة و طول ما هي تنظفها أني وياها دموعنا ما وگفت
أحس أبوية بكل كتر بيها موجود بيها ماكدرت ابقى بيها نزلت لغرفة جدة
18
تمددت و حضنت أدية أتخيل اللعابة أخذت كتاب رياضيات من غسان و بديت أقرا و كل يوم يكولون اليوم النتائج و ابقى عايشة بقلق اني و أمي و روز و آمير و كلهم خايفين علية لان فعلاً لو ما أطلع الاريدة هاي السنة اموت و بعد ما عندي طاقة أعيد سنة رابعة
23
تمر الأيام و بعدنا ما نكدر نتعود على العيشة هنا امي لابسة الجادر طول الوكت و تصلي و تنذر زِناد صاح لأمير و أنطا مصرف النه و آمير يگول لامي اريد اشتغل وياهم احسن من ما كاعد
15
نزلت جوه لگيتهم بالصالة ويَـ جدة كلهم يسولفون ويضحكون
واحد يحشش على الثاني و جدة ما تنطي بـ ولا واحد
بس أكيد اذا وصل الموضوع لـ زِناد تنطي بيهم كلهم
49
بقيت واكفة يم الدرج منتظرته يطلع حتى أحاچي اني اشوفة بس هو ما يكدر يشوفني واحد من الگاعدين يمه لچحني و راح يمه شَاوره هوَ دَنه راسة أكثر حتى يتأكد من وجودي و بدون كلام مادري شلون عرف أني اريد أحاچي
49
سد تليفونة و خلى بجيبة و طلع بالكراج عدلت حجابي و طلعت ورا
دخل للديوان و طبيت ورا هسة غير يوكف حتى رجليه أنشلت من المشي
زِناد : ها جُمارة
22
جُمارة : شيخ
113
زِناد : هههههه ، شيخ مبين الطلب صَعب
114
ضحكت لان ولا مرة فشل بـ أن هو يكشفني
جُمارة : أريد لعابتي
73
زِناد : وين هيَ ؟
جُمارة : بـ بيتنا جوه لحافي على چربايتي خاف يجيبون غراضنة وصيهم يجيبوها الي ، لان ما أكدر بدونها هي من أبوية
33
زِناد : سَـهلة ، وبَعد ؟
28
جُمارة : ما تعرف شوكت نرجع لبيتنا لان والله هنا ما أحب ما يعجبني ما تعودت
11
زِناد : ما نعجبج يعني أحنه ، افاااا مو حلوة بحقنا
81
ضحكت و خليت ايدي على حلگي
جُمارة : لا شيخ ما أقصد هيج لا تتبلى عليه يعني تبقون عمامي بس أحنة هناك متعودين على الهدوء
24
زِناد : و أحنة هوسة ، حچاها و أبتسم
39
جُمارة : لا هاي صدگ حقيقة غير قابلة للتزيّف
زِناد : هههههههه ، عليها گوامة
108
جُمارة : حضرو عمامكم و أحنة نحضر عمامنة
زِِناد : عمي الچ و لـ عمامج
162
بعدني أريد أجاوب سمعت أمي تصيحني عفتة و طلعت أركض
من وصلت لباب المضيف سويتله بَـاي و هوَ ضِحك
125
لكيت امي تفتر تدور عليه شافتني و أجت ناحيتي وهي عصبية
تغريد : وين چنتي
- يم زِناد كتله اذا يجيبون العراض خلي يجيبون لعابتي
ضربتني على جتفي
13
تغريد : شكو هالايام شو مستخفة كل ما أضيعج الكاج يمة ما تستحين على نفسج
جُمارة : شبيج يمه تشكين بيه والله عيب عليج اني متزوجة السادس ما يقبل يطلگني و بعدين شنو ما رايدة روحي حتى أخذ من احفاد خالتج
112
تغريد : هو أنا جبت طاري زواج شو وحدج حچيتي
بَس الـ بعبة صخل يمعمع
جُمارة : طبي حبيبتي طبي نامي رغد بنتج ماعدها هيج سوالف
134
لكيت روز كاعدة وحدها بالغرفة
جُمارة : ها روز شبيج مدگليلي بس صافنة
روز : مابية شي كاعدة و ساكتة
27
جُمارة: ضحكي سولفي انتِ طلكتي الدنيا من يوم امي نكعت التليفون هسة بس نرجع امي أقنعها تشتريلج واحد و لا تخافين اذا ما حافظة رقمة موجود بكتاب الأحياء مالتي
روز : حافظتة طبعاً
- كفوووووو
116
ثاني رجعن الزعلانات و مناولات بالحچي بينهن و بين جدة و الجهال ترست البيت و النسوان يطبخن اخذت البنات و طلعنة بالحديقة الـ وره البيت نلعب روز كاتلها الوعي ما قبلت تجي ويانة
67
لعبنة ختيلان و رحت ويَـ أخت ورود لان هي اوكح وحدة بينهن و تندل الأماكن الزينة نزلت الشال و شديته على خاصرتي و ختلنه اني وياها جوه الشجرة و نسمع صياح البنات البقية طلعنه نركض نشوف شكو أثنين من الطليان يركضن وراهن
35
و مدري منو سادة باب الحديقة كسرن الباب و الطليان تركض
و واحد جلب ورانا اني زهرة أخت ورود و اني وياها نعيط
تالي اول ما انفتح الباب كلهن طبن و احنه اجينه نركض بأتجاه الباب
طلعو كلهم حتى امجد و ولاء جايين
78
و بدال ما يساعدونا گامو يضحكون إلا هو اجه بناحيتنه
و اجة الطلي الثاني من الاتجاه الـ گبالنة ما أعرف شلون بس ما شفت نفسي غير صرت ورا و طبيت جوه عبايتة
جُمارة : وخرهن عفية
112
بقى ثابت بمكانة وشال عباتة من على چتافة و خلاها على راسي
زِناد: غطي شعرچ و طبي جوة
170
لفيت نفسي بالعباية و طبيت و أمي تعض بـ أصابعها
و صار حديث الغده الركضة مالتنا
غسان : هسة ذني زعاطيط بيها باب و جواب إلا انتِ جُمارة شبيج
رهينة : جا هي شكبرها هم صغيرة
45
عجيبة : شكبرها عجوز عرب البكدها مخلفات اثنين و تلاثة
امها ضامتها حرز المن
رهينة : تعرفين المن مضمومة سمچ ما يفيدچ ضمي لغير جلسة
321
أجيت جبت عباته أريد أنطيها لجدة تنطيهيا
زِناد : جيبيها وينها
أنطيتها أله و أني اعدل بحجابي نكتها و لبسها
بس ما أدري ليش من نكتها تحسست باوعتله بنظرة أنزعاج
52
رهينة : جدة بروح امك شوفلي سالفة شَريك و هاي اليريدها
أنا كل ما يقرب موعد نزولة يصير بيه مَغص
زِناد : سالفة چـايدة جَٰدة
رهينة : ما تصعب عليك
90
نزلت مرت يونس تبچي و تركض و هو يركض وراها
ختلت وره امي و أمي ما خلته يلزمها
زِناد : شبيك لَك
19
رؤى : دخيلك يريد يأخذ ابني ينطي لأخو أنا ما أنطي ابني و خلي الحاضر يعلم الغايب لو تذبحوني ما أنطي
زِناد : دطبي للغرفة ستري نفسج و انتَ يا جاهل تعال للمضيف
77
يونس : والله اذبحچ اليوم
زِناد : تذبحمـن ولك
42
طَبوّ أخوتها يركضون چانو بالمضيف و يردون يلزمون يونس البقية ما خَلوهم و واحد من أخوتها يكلها ضربج شنو بس كليلي ضربج لو لا
رؤى : لا ما ضربني
56
تعاركوا بالمضيف و مرت سلام طايحة للبنية غلط شنو دكول ما أنطي ابني و ام امجد صافة وياها
رهينة : ها تردن تكاتلن أحفادي حتى اكتلجن وراهم
41
كعدت يمها و همست
جُمارة : جدة والله خابصة الدنيا بيهم شنو قحط
رهينة : كومي منا ربات تغريدوو
98
بالليل جابو غراضنا نفشتهن كلهن ما لكيت اللعابة
و رؤى نامت يمنه اخوانها رادو يأخذوها بس ما قبل زِناد
بقيت مهضومة على اللعابة
43
أمي ملتهية تسولف ويَـ رؤى و أني نزلت جوه اتخنس
طبيت لغرفة جدة اريد اكول الها گِتلة بس ما جابها الي
فتحت الباب لكيته مقفول دگيته كالت منو
جُمارة : اني جدة
6
انصدمت من فتحلي هوَ الباب و رجع كعد يم جدة يحسب بـ شدات الفلوس و يقسم بيهن منظر الفلوس خلاني أنسى عليمن أجيت
رهينة : ها جدة شبيج أشوف بعيونج حچي
جُمارة : بعدين أجيج راح أروح
68
زِناد : شبيچ غَردي
مَاجاوبته درت وجهي و ردت اطلع
زِناد : هَـاچ
39
درت وجهي سحب اللعابة من ورا و أنطانياها
الابتسامة ترست وجهي شميت ريحتها و حضنتها
جُمارة : ما دزيتها وي الغَراض حتى أجيك ، يعني تكدر تدزها وياهن
ضِحك و ما جاوبني و جدة تباوعلة بصدمة
130
رهينة : لا تنطيها مجال خَلها تولي شنو تحجي وياك هيج
69
جُمارة : وشحاچية جدة ؟ بعدين لا تنسى عملة العباية من نكتتها شنو شكالولك علية وسخة
97
زِناد: هههههههه نكثتها من التراب لان هي اطول منج
جُمارة : لا تحاول ابداً ما أقتنع
89
سحب خمسة و عشرين من الفلوس و أنطانياها
جُمارة : بعدني ما مقتنعة
سحب الثانية وهو يضحك
198
زِناد : و هسة
جُمارة : لا مقتنعة
ضحكت و طلعت و جدة بقت مصدومة
272
ضميتهن و حضنت اللعابة و نمت نومة تجنن بس الصبح ردت روز شوية تضحك أنطيتها وحدة و الي وحدة
روز : منيلج ولج
جُمارة : البارحة الشيخ انطانياهن بس لا دكولين لامي ما تقبل
11
بعدنا نحجي و تكسر باب الغرفة
امير : ولج جُمارة النتائج
من الخوف و التوتر رجليّة ما عانتني أنزل الدرج بقيت كاعدة على الباية الاولى امي وامير فوك راس غسان الي راح يطلع نتيجتي قبل نتيجته من الخوف
96
وهو يردد الأرقام بكل مادة و امي و آمير يصيحون بنفس الرقم بصوت عالي و اني بقيت خايفة لا يجي رقم يخرب فرحتي مثل كل سنة
لحد ما ما وصلو للنهاية امي كامت تهلهل و تبجي و امير
ركض حُضني و اني بعدني ما مستوعبة الفرحة و الي اني بي
12
امير : ستة و تسعين بدووووون الرياضيات
316
رهينة : مبارك مبارك كلللليششششش
نزلت اركض حضنت امي و أبچي و أخيراً و اخيراً
يا اللهي عَوضتني
8
غسان : خمسينات بَس ناااااجح اويلييي يابة
امير : يالله جُمارة تصير دكتورة و انتَ تهلهل لليجيبن
401
وصلت لمرحلة من الفرحة الـ يكلي مبروك أحضنة و ما يهمني مره لو رجال اللعابة بيدي و اضغط عليها بقوة و اني أكول بداخلي
- بابا لو تجي تشوف بنتك اكيد جان أفتخرت بيه
21
ولد عمي جابو لغسان فرقة موسيقية
رهينة : عليمن مسبگين بس لا على هاي المخاسير و يرسب
بالبقن
غسان شكك الكتب النجح بيها و يركص ركص واحد طالع من السجن
87
طَب زِناد يضحك ويا ابن اخت جَدة شراع
شِراع : مبروك ما أدري اكو هيج مواهب مدفونة
زِناد : بطلة
29
جُمارة : شكراً تعبت والله يالله حصلت هاي النتيجة
زِناد : تستاهلينها
31
من الفرحة بقيت افتر بالبيت لا احس الكاع الامشي عليها
ما شايلتني و على ساعة تميل بية
9
طلع بره لگاني بالكراج امشي و بيدي غصن مال شجره طويل اشخط الحيطان بي و أسولف ويَـ نفسي
زِناد : نجحتي و تخبلتي
132
جُمارة : فرحااااانة ما أوصفلك حجم فرحتي احس روحي أخف من هاي الطيور
زِناد : هههه دوم دفوتي جوه لا يطب واحد
35
جُمارة : خلي نبقى نسولف اكو هواي أشياء بداخلي
اريد أكلك عنها بس استحي اني اسفة على اليوم الي شمرت بي الاستكاين أكيد انتَ ضجت بس ما بينت
63
زِناد : لا ما ضجت ، مو مشكلة هو صح شكلة مو كل احد يتحمل يشوفة
جُمارة : شلون صار ؟؟
- خلي يولي
20
جُمارة : يخافون منك بَس انتَ مَتخوف .
زِناد : بَس وياچ
حچاها و خَلة ايدة على راسي
189
ضحكت و طبيت جوه وصلت لباب المطبخ لكيته بعده يباوعلي
ضحكت بوجهه و طبيت بعدها بكم يوم كال لامي إذا بعدكم ما متأقلمين رجـعو لان بيت رقة أنسجنوا ضاحكين على عائلة ثانية و هاي العائلة عمهم بالاستخبارات
140
تغريد : رايتك بيضة يا ربي الحمدلله و الشكر اي والله تعبنا
جدة ما قبلت و زعلت عليه بس هو جان مصُر أنُ نرجع للكاظمية
احس هاي اول مره اضوج و احس بوحشة من اطلع من بيت جَدة
47
ودعناهم و طلعنة الأغلب جانت الفرحة على وجوههن مبينة بوقت امي ما أذت و لا وحدة بيهن و لا حتى أحنه
طلعنة و هـوَ وصلنه و الطريق كله ينطي نصائح لأمي
ممنوع اي وحدة تلزم جهاز و هذا الهوى الي يمر عليهن تعرفي من يا ناحية جاي
26
تغريد : لا توصي حريص غلطة الشاطر بـ ألف
40
رجعنه لبيتنه و أني أكول توقعت بعد ما أشوفك حبيبي
مرت يومين و اجه موعد امتحان الرياضيات امي من الخوف الي صار بيها هي أخذتني و بقت واكفة لحد ما خلصت رجعنة
86
دَگ على أمي و احنه بالطريق زِناد ، أمي خافت و گالت
يا سَتـار شكو
7
زِناد : قفلي الباب و آمير لا تخلي يطلع بين ما اجي
50
تغريد : شكو ليش شصاير
3
زِناد : عمة سوي الي كتلج عليه
14
و امي سدته و كامت تمشي سريع و اني اسرع منها
طبت للبيت تركض آمير ماكو طلعت تدور لبيوت اصدقائة تشوفة وين
اني ركضت كعدت روز و بقينه نلوب بالصالة
25
لحد ما سمعت صوت طلقة و صَيحةّ أمي بعالي صَوتهــا
......
1.2K
" يا تَرى ماذا سَـ يحصُل عندما يدخل الثأر فصيلة الدم الواحدة "
951
البـداية 📍
- رُسل فَهد
84
