رواية سهام الحب الفصل الثالث 3 بقلم ريهام اسماعيل
+
شريف عمال يراقبها وينظر للاسئله اللى فى عيونها ..كانها بتسأله ..انت مين بالظبط ..عاوزه اعرفك اكتر واكتر
+
في الوقت دى تعهد شريف بينه وبين نفسه ان مهما كان لازم يسعد الانسانه دي بس طبعا من غير حب ..الاحترام واداء الحقوق هو المطلوب
+
اما سارا هي ما تنكرش ان شريف مثال للشاب الوسيم بكل المقاييس واكيد البنات وصديقاتها هيحسدوها عليه
+
افتكرت كلام يارا ورهف عنه , انه ما بيحبش الضحك ولاك الكلام الكتير , ودايما ما بيتكلمش معاهم , لانه اصلا من بيته للشغل ومن الشغل للبيت وحتي لما بيجي البيت بيقعد فى مكتبه بيشتغل , فمعندوش وقت لاى حاجه غير شغله وبس
+
اتنهدت بقوه وبصيت ليه وقالت فى سرها : ربنا يسترها للي جاى معاك يا شريف
+
شريف شعر بدوشه كتير وعرف انهم وصلوا ساب ايد سارا وفك ليها الحزام
+
سارا فاقت من السرحان اللي كانت فيه ومش عارفة هو ايه اللي حصل , الا لما فتح حزامه وبعدين فتح حزامها .
+
شريف: حمدلله على السلامة
+
سارا باحراج : الله يسلمك
+
وقام عشان ينزل الشنطه بتاعته الي شايلها فوق ...وقامت سارا وهي لسة مكسوفة لانها ماحستش بهبوط الطياره ..وفي نفس الوقت بتشكر شريف على اللي عمله معاها ومراعاته لشعورها.....
+
نزلوا من الطياره وبعد ماخلصوا اجراءات المطار ...شريف طلع موبايله عشان يطمن اهله بالوصول
+
شريف: الووو..... ايوه يا يارا
+
سارة كانت بتسمع شريف وهو بيكلم اخته ويطمنها كانت نفسها تكلم يارا وتقولها علي اللي حصل معاها معاه فى الطياره , بس اتحرجت , ونفس الوقت اتحرجت تقوله انها عايزة تكلم اهلها ... لانها نسيت تعمل تليفونها تجوال .
+
شريف اغلق المكالمه مع اهله , وبعدين بص عليها لقاها تايهه وسرحانه فقال لها : مش عايزة تكلمي اهلك تطمنيهم عليكي !!
+
سارا ابتسمت وقالت بنبره طفوليه : عادي ممكن اكلمهم يعني من موبايلك ؟.
+
شريف عقد حاجبه باستغراب من المخلوقه دي فقال : ايوه اكيد طبعا عادي ,خذي.. الموبايل وكلميهم براحتك
+
وسابلها التليفون ورنت على اهلها بس ما حدش رد
+
سارا: محدش بيرد
+
شريف: يمكن لسه نايمين؟
+
سارا: بس ماما بتقوم من بدري..
+
شريف: خلاص ولا تقلقي انا حكلمهم في البيت حخليهم يطمنوهم
+
سارا: بس انا عايزة اكلمهم
+
شريف: خلاص لما نروح الفندق ان شاء الله هانجرب تاني
+
وذهبوا ركبوا العربية اللي حاجزوها عشان يذهبوا الفندق ويرتاحوا
+
*********ريهام********
+
فى مكان تانى
+
يارا: ماما ... ماما , شريف اتصل دلوقتي وقال انه وصل وبيطمنكم
+
صفيه بحزن: طب وليه ما خلتنيش اكلمه يايارا بس .
+
يارا: كان مستعجل وتعبانين من السفر , بس قال انه هيكلمنا تاني .
+
صفيه : ربنا يوفقهم ويسعدهم ويهدي سرهم ان شاء الله ويبعد عنهم كل سوء يارب
+
يارا: صحيح يا ماما هو شريف حيسكن معانا هنا في البيت .
+
صفيه :ايوة ان شاء الله..
+
يارا: طب والفيلا اللي بابا بانيها له؟؟
+
صفيه: مش عارفة يمكن يأجرها ولا حاجه , بس قالي انه هيفضل هنا معانا
+
يارا: طب ليه؟؟
+
صفيه : وانا اش عارفني .. خليه يعمل اللي هو عايزه , انتي شاغله بالك بيه ليه
+
يارا: ما اقصدش بس ما فيش في البيت الا جناحين جناح ليكم وجناح لعمر اوعى يكون حياخد جناح عمر ؟.
+
صفيه بنفي: لاء طبعا اوضته حلوه وواسعة
+
يارا وهي فاتحة عنيها ومذهولة : بس اوضته مفيهاش حمام ايوة كبيرة بس ماتنفعش اوضة عرايس يا ماما.
+
بضجر ردت عليها : وانتي مالك يا حشريه هو انتي اللي حتقعدي فيها
+
يارا بزفره : خلاص انتوا حرين انا ورهف حنوضبها ونخليها احلى اوضة ليهم .
+
صفيه: كويس اوي هتريحتوني والله .
+
يارا: خلاص يا ماما ولا تضايقي نفسك انا ورهف هانشوف الموضوع دة
+
صفيه: هي فين اختك بصحيح
+
يارا: لسه نايمه
+
صفيه: طيب اقوم بقى علشان اجهز الغدا.
+
يارا: ماشي يا ماما , وانا هطلع اريح جسمي شويه معرفتش انام كويس امبارح
+
وطلعت يارا وعدت على اوضة رهف ..الي جنب اوضتها...
+
رهف كانت نايمة على السرير ووضعه الهاند فيرى وسرحانه فى اغنيه لعمرو دياب
+
وبتتكلم في سرها
+
ياترى احمد قال لسارة انه شافني ؟؟....بس هو اصلا مايعرفش انا مين ايه الهبل بتاعى دا دا قالي ازيك يارهف يبقى عارفنى.. وأصلا ما اظنش عنده الجراءه انه يقولها....الا عنده الجراءه ..هو جرئ جدا ..والا ماكانش قال اللي قاله..لو واحد غيره كان لف وشه لما لقاني من غير طرحتي نزل على طول مش قعد يبص فيا بالطريقة دي ويكلمنى كدا .... بس الحق يتقال هومز اوي ......
+
يارا:اااااااااااااااااااااااايه انتى رحتى فين؟
+
رهف: هاه ...ماانا قاعدة اهو حروح فين يعني
+
يارا: انا بحسبك نايمة وغرقانة في الاحلام اتاري الهانم سرحانة ؟؟؟
+
رهف ماردتش عليها وفضلت تسمع فى الاغنيه وسرحانه فيها .........
+
يارا: رهف حبيبتى مالك انتي مش عجباني من ساعة لما كنا عند اهل سارا في حاجة حصلت ؟؟
+
رهف بتوتر: لا ما فيش حاجة و ايه اللي حيحصل يعني ...بس قلقانة انت عارفة النتيجة لسة ما ظهرتش وموتراني وكده
+
يارا: طيب ما تدخلي النت وتشوفي يمكن ظهرت .
+
رهف: بعدين انا موصية اصحابي اول ما تظهر يبلغوني
+
يارا: طيب انا حروح انام شوية لاني حاسة اني حيغمى عليا
+
رهف: وانا كمان هنام تاني
+
يارا: اه صحيح , ماما قالتلي اننا نرتب اوضة شريف وسارة
+
رهف باستغراب: ليه هم هايقعدوا معانا؟
+
يارا بفرحه : ايوة احلى حاجة ان سارة تبقى معانا هنا . هنديها رغي طول اليوم
+
رهف: بس ما اتعتقدش هاينبسطوا هنا معانا , طب بابا باني لشريف فيلا ليه مش حيسكن فيها .
+
يارا : مش عارفة ... بس ماما بتقول انه يمكن ياجرها
+
رهف بصوت عالي : ياجها........ليه هو مش محتاج فلوس..؟؟؟
+
يارا لكزتها : بقولك ايه انا مالي يسكن هنا يسكن برة هما حرين انا عايزة انام خلاص انا فصلت شحن .
+
وطلعت يارا وسابت الباب مفتوح
+
رهف بصوت عالي : يـــــــــارا ..اقفلي البااااااااااب
+
يارا بمرح: ههههههههههههه ...عندك رجلين قومي اقفليه انت
+
رهف بغيظ: ماشي يا رخمة
+
وقامت وهي متنرفزة وقفلت الباب جامد ..
+
يارا ذهبت لاوضتها وهي بتضحك على تصرفات اختها .
+
**********يارا********
+
في الفور سيزون هوتيل بلندن .....وصلت السياره اللي فيها سارا وشريف بعد ما نزل الحمال الشنط ....ودخلوا الريسبشن ...سجل شريف المعلومات المهمه ...وذهبوا فوق للجناح الي حاجزينه...كان الجناح حلو جدا وفخم ...عباره عن غرفه نوم بسرير ملكي كبير ...تطلع على صاله فيها طاوله طعام باربع كراسي وكنب وتلفزيون .....وفيها كمان حمام كبير ومجهز بكل وسائل الراحه.....
+
بعد ما خلص الحمال وحط الشنط في الغرفه .....قالوا له انهم هايبعتو ليهم هاوس كيبرعشان ترتيب الشنط .. شريف اعطى له البقشيش ...وقفل الباب وراه...
+
وقتها حست سارا بشعور غريب ..هو خليط من الرهبه والخوف ..دي اول مرة تقعد مع شريف في مكان لوحدهم من غير اي حد , يوم كتب الكتاب كان معاهم احمد اخوها...ويوم الفرح كانت معهم يارا.... وفي الطياره كانت مليانه ركاب...وفي العربية كان معاهم السواق...بس دلوقتي هي معاه لوحدها ..... فضلت واقفه ما اتحركتش..
+
شريف بعد ما قفل الباب دخل وقعد على الكنبة ..وبص عليها بعدين رفع حاجب بعد شافها ما بتتحركش من مكانها ولا خطوه....فحب انه يطمنها...لانه حاسس باللي جواها من رعب وخوف.
+
شريف : سارا مش عايزة تكلمي اهلك دلوقتي ؟
+
هنا سارا ابتسمت ابتسامه كبيره وهزت راسها علامه الموافقة .... فطلع موبايله .
+
شريف : تعالي خدي الموبايل ولا ناوية تقفي مكانك كدة لغاية بليل
+
سارا اتكسفت منه زي عوايدها وجات له ...واخذت الموبايل منه... وقبل ماترن ..
+
قام شريف واخد شنطه من الشنط ..
+
شريف: انا هاروح اخذ شاور .. علي بال ما تكلميهم ماشى
+
اكتفت بهز راسها
+
طلع شريف وذهب لغرفه النوم ...فقامت سارا ورنت على اهلها .
+
مهند: الووو
+
سارا : الووو ..نوده حبيبى وحشتنى
+
مهند: ايوة ..مين..معايا
+
سارا: انا عمتك ..ماعرفتنيش؟؟
+
مهند بصوت عالى خلى جدته وهدى مامته يبصولوله : عمتـــــى سارا.....
+
سارا: ههههههههه وحشتنى دوشتك يا نوده
+
مهند : عمتى انا نمت فى اوضتك امبارح..
+
سارا: ههههههه يا سلام على السرعة خلاص اتصرفتوا في اوضتي كدة على طول
+
سهير عرفت ان مهند بيكلم بنتها سارا على طول قامت وسحبت الموبايل من حفيدها...
+
مهند: لحظة يا تيتة ... لسة ما كلمتش عمتي عايزة اقولها على حاجة
+
سهير خدت منه الموبايل بالعافيه وقالت : الو ازيك يا سارا ..عاملة ايه يا حبيبتي وحشتينى جدا.
+
سارا لما سمعت صوت امها ..تجمعت الدموع في عنيها وحست انها خلاص حتعيط ..
+
سارا: ازيك يا ماما عاملة ايه والله انتوا اللي وحشتوني اووووي ... كنتوا فين من ساعة رنتلكوا وما حدش رد عليا .وقعدت تعيط ؟؟
+
سهير: بس يا حبيبتي ليه بتعيطي ما ينفعش كدة انتي لسة عروسة ... معلش انا سمعت التليفون لما رن بس كان بعيد عني ولما وصلتله كان فصل ... وانت عاملة ايه وشريف اخباره ايه ...
+
سارا وهي بتعيط: ياماما انا عايزة ارجع مش عايزة اقعد معاه هنا ..
+
سهير قلبها وجعها من كلام بنتها وهي ماسكة دمعتها عشان تصبر بنتها و تحسسها انه مش حلو ان البنت تتجوز وتطلع من بيت اهلها وهي مش راضية .
+
سهير : ليه يابنتي هو عملك حاجة
+
سارا: لا ما عمليش حاجة بس انا عايزاكم
+
سهير: الله يهديك يا بنتى خضتيني , بطلي شغل العيال ده واعقلي شويه
+
سارا بت علي باب الحمام ليكون سمعها ولا حاجه
+
فمامتها قالت : بس خلاص يا سارا . انتي دلوقتي واحدة متجوزة وهي فترة وحتتعودي على جوزك .وبس بقى لحسن جوزك يسمعك ؟
+
سارا: لا هو في الحمام ؟
+
صفيه : وانتي بتتكلمي منين ؟
+
سارا: من موبايله
+
صفيه: خلاص يالا بقى روحي ... اسمعي مش هاوصيكي على حاجة ... لازم تسمعي الكلام كويس ...ربنا امر المرأة بطاعة جوزها وخلي بالك من جوزك واسمعي كلامه .. طاعته من طاعه ربك يا حبيبتي
+
سارا: حاضر يا ماما ..
+
صفيه: خلاص يا قمر اوعي تعيطي .... كلهم هنا بيسلموا عليكي
+
سارا: الله يسلمهم وسلمي على بابا اووووي
+
صفيه: حاضر يوصل ان شاء الله وابقي طمنينا عليكي من وقت للتاني
+
سارا: حاضر يا ماما
+
وهنا يخرج شريف من الحمام بعد ما اخذ شاور
+
اول ما شاف سارا عرف انها كانت بتعيط ..معلقش ..
+
وراح عند الباب وحط ورقه عدم الازعاج عشان اذا جات الهاوس كيبر ما يدخلش..
+
سارا اول ما طلع شافته بعدين لفت من الناحية الثانيه
+
صفيه : يالا يا حبيبتي خلي بالك من نفسك وسلمي على جوزك .لااله الا الله
+
سارا : حاضر يوصل ... سيدنا محمد رسول الله
+
وقفلت التليفون وجه شريف وقعد جمبها على الكنبة وهو شكله تعبان ايوة هو فاق لما خد الشاور بس برضه عايز ينام ... قامت سارة واخدت شنطتها علشان تاخد هي كمان شاور شريف وهو بيمسح شعره بالمنشفه: اهلك عاملين ايه
+
سارا بخفوت : كويسين وماما بتسلم عليك
+
شريف: الله يسلمها ...
+
سارا: عن اذنك هاخد شاور
+
شريف ببرود وهو ماسك ريموت التي في : اذنك معاكي..
+
سارا مشيت وهي بتضغط على اسنانها ...ياربي الانسان دة ما فيش فايدة فيه...دخلت الحمام ..وعجبها اووووي...
+
كان كبير وفيه بانيوا واسع كانه سرير ..وحول البانيو رغوة سباحه وعطور وروائح وغيرها..يعنى الواحد الي يشوف الحاجات دي يتمنى يفضل جوة ما يطلعش...
+
بس هي قاومت الاغراء ...واخذت شاور سريع .. بعدين دورت على حاجة تلبسها ...ما لقتش غير بيجامه ناعمه فلبتسها , سرحت شعرها ..ووحطت كحل وملمع ...وخرجت من الحمام .. لقيته فارد جسمه علي السرير وباصص عليها
+
ياترى ايه اللي هيحصل بعدين هقولكم
+
