رواية سهام الحب الفصل الرابع 4 بقلم ريهام اسماعيل
شريف بعد ما خرجت سارا من الحمام كان اول مرة يراها بوضعها الطبيعي يعنى يوم الخطوبة وكتب الكتاب والفرح البنت ما بتبقاش على طبيعتها واول مرة يشوف شعرها وهو مفرود كان واقع على كتفها ومبلول بس مخليها في قمه الجمال والطهاره والنعومه بجد سارة عجبته جدا فضل يبص عليها باعجاب
+
شريف (من غير ما يشعر) : سارا انتى حلوه اوى
+
سارا ماكنتش تتوقع انه يقول لها الكلام ده نهائى وكانت فى غايه الخجل
+
سارا ببلاهه : ها
+
شريف خد باله من اللي قاله : انا اللى انا عملته دا بس بصراحه ماكنتش اتوقع انها هاتكون كدا يارب ساعدنى
+
شريف: انا اسف لو ضايقتك
+
سارا ما قدرتش تفهمه او تفسره
+
سارا: ها لالالا ولا يهمك (وذهبت على خارج غرفه النوم )
+
شريف : على فين انتي مش ناوية تنامي وترتاحي من السفر سارا : ها لا لا مش تعبانه
+
شريف: ليه مش عايزة تنامي ؟
+
سارا باحراج :ها احم لا نمت في الطياره هاتفرج على tv شويه
+
شريف بضيق : براحتك انا تعبان وهنام وما حدش يزعجني
+
سارا: نظرت له نظره غضب وحيره فى نفس الوقت
+
فقالت وهي علي اخرها : ماتخفش مش هاعملك ازعاج خالص بعد اذنك
+
كل واحد بيحاول ينرفز ويتحدى التاني سارا بتطنيشها لشريف بسخريته وشريف واحراجة لسارا
+
خرجت سارا وذهبت للصاله وجالست تشاهد tv وسرحت
+
مابقلهاش حد في الدنيا دي تفضفض معاه غير يارا اخته , انما مامتها مش واخده بالها منها ودايما كانت بتتشاجر معاها على طول حتى والدها كان كل يومه شغل ومابقتش بتشوفه اللى ساعه العشاء حتى ساعتها مابتقدرش تتكلم معاه لانه بيتعشى بسرعه ويذهب على النوم من شده التعب
+
وشعرت وقتها ان الدنيا بدأت تفتح لها ذراعها لما خطبها ابن خالتها الي كانت بتحبه لما كانوا وهما صغيرين واتكتب كتابهم وكانت دي احلى ايام حياتها شعرت باللي يهتم بيها وتشكيله همها وحست انها خلاص بيعوضها عن الحرمان الي لاقته بس تجرى الرياح بما لا تشتهى السفن والي كاتبه ربنا بيكون ولا مفر من المكتوب ويخطف الموت تامر منها جالها ابوها في يوم مستحيل تنساه كان باقي على جوازها اسبوع ..وهي بتجهز نفسها ...
+
دخل عليها ووشه متغير ... كانت اول مرة تقريبا يدخل ابوها أوضتها من سنين ..قال لها ان جوزها وحبيبها تامر خلاص مات في الاول ما صدقتش ..ازاي يموت...انا شوفته امبارح ..والنهاردة اتصل بيا الصبح..اكيد انتوا بتهزروا ...هنا والدها خدها وضمها لصدره وساعتها أتاكدت من الخبر.يااااااااااااااااه يا بابا من زمان ما ضمنتيش لحضك الدافي دة ..
+
اكيد كلامك صحيح والا ماكنتش ضمتني بالطريقة دي .... ما نزلتش منها ولا دمعه الكل استغرب منها بس هي خلاص أتعودت على الحرمان اتحرمت من حب الام والاب وحست كانها يتيمه أتحرمت من الزوج وبقت ارملة
+
ارمله وهي لسة ماكملتش ال21 سنة رات نظرات الشفقه والعطف من اللي حوليها تقدموا لها كتير بس هي خلاص مش عايزة تتجوز مش عايزة حد يتركها مثل حبيبها تامر او يطنشها زي ما بيعمل والدها ووالدتها ...
+
مرت سنين من ايام ترملها ..ودلوقتى عندها 25سنه وحياتها ما تغيرتش الوحده تحس انها هاتخنقها
+
وبعد كل هذا التفكير ما شعرتش بنفسها وذهبت فى نوم عميق
+
شعرها مغطي وجهها وهي ضمه رجليها لان الكنبة اقصر منها ونايمه كان شكلها مزيج من الطفوله والبراءه تحركت وكانها حست أن في حد بيراقبها بس ما فاتحتش عنيها قرب منها وهمس لها...
+
شريف: سارا قومي..
+
قام شريف بعد شعرها عن وجهها ...عشان يشوف تعابيرها همهمت راها مكشرة ابتسم بتلقائيه من شكلها هزها من كتفها ...هنا فتحت عنيها وهي مش مستوعبه ... رات وشه قريب منها قوووي...
+
سارا وهي خايفه: انت بتعمل ايه ...؟؟؟؟؟؟
+
ابتسم وابتعد عنها ...
+
شريف بابتسامه : قاعد اراقب مراتي ..حرام؟؟
+
سارا: من امتى وانت هنا.؟؟
+
جالست وظبطت بيجامتها وشعرها وهي لسة حاسة انها مش فايقه وتعبانه وما فاقتش
+
لاحظت ان شريف اطول منها وعريض من فوق شوية ....
+
شريف: امممم من شوية ليه؟
+
سارا : ها لا ولا حاجة ...وقامت
+
شريف يمسك ايديها وقال: ليه نمتى هنا؟؟
+
سارا ما توقعتش منه يسالها السؤال دة
+
سارا: لا بس وانا بتفرج على tv نمت وما حستش بنفسي.
+
شريف نظرلها بنظره عدم اقتناع
+
شريف :اناعارف انت نايمة هنا ليه بس هاعدهالك ..... يالا روحي اتوضى و صلي الظهر والعصر والبسي علشان هانخرج نتمشى ونتغدى بره ايه رايك
+
سارا وهى فى شده الخجل : ها طيب
+
وذهبت الى الغرفه ومنها الى الحمام..... بعد ما خرجت من الحمام لبست واخذت معها شنطه صغيره طلعت من الغرفه ونظرت لشريف وكان بيقلب في كتاب صغير
+
احم انا جاهزه...
+
شريف رفع راسه لها وقال : طيب يالا...
+
وقام وخرج هو سارا من الغرفه .وهو خارج من الفندق سأله العامل اذا كان يريد سياره...والا هايمشى.....
+
نظر لسارا وسألها......
+
سارا: الجو حلو خلينا نمشى ... ممكن ؟
+
شريف: ممكن طبعا , عايزة تروحي فين ..؟؟؟
+
سارا باحراج : انا ما اعرفش مكان ...اول مره اجي لندن...
+
شريف : اممم طيب تحبي تروحي السوق ...والا بارك ...والا نتمشى ...
+
سارا: اي حاجة زى ما تحب
+
شريف : خلاص ....اتفضلى
+
واقف تاكسي كانوا طول ما هما ماشيين يتكلموا...... طلب من السواق ينزلهم عن شارع اكسفورد أتمشوا ... بعدين داخلو مطعم واتغدوا....... بعد ما انهوا غداهم ...خرجوا يتمشوا تاني .....
+
شريف: عايزة تروحي الهايد بارك...والا نركب سفينه في نهر التايمز؟؟
+
سارا بعفويه قالت بفرحه: نروح الهايد بارك ...انا صحابي دايما يتكلموا عنها
+
بص عليها وعلي فرحه عينها قال : زى ما تحبى....
+
وذهبوا الهايد بارك وجالسوا في كافيه.... وبعد ما قرب الليل , والشمس خلاص غربت... ذهبوا المطعم واتعشوا ... بعدين اخذوا تاكسى...ورجعوا للفندق
+
...............
+
بعد ما دخلوا الغرفه ... لحظوا كل شي مرتب...واضح ان الهاوس كيبر رتبت الشنط....
+
ذهب شريف وفتح الدولاب عشان يطلع له لبس ويغير.... بس هو ماكانش عارف فين ملابسه ...فافتح الدولاب الي فيه هدوم سارا...وكانت قمصان نومها امامه ...
+
شريف اول ماعرف غلطه قفل الدولاب وبص على سارا ..
+
الي كانت وراه...شافها جالسه على السرير وبتحرك خاتمها فى يدها باحراج ....
+
شعر انها عرفت هو شاف ايه .... ماعلقش على الموضوع فتح الدولاب الثانى ...وشاف ملابسه..طلع منه اللي هو عايزه وذهب للحمام ........
+
اول ما خرج شريف...قامت سارا على طول ..وذهبت للدولاب ..وبعدت ملابس نومها فى مكان مداري ..علشان ما تبانش اول ما يتفتح الدولاب ...وذهبت للصاله
+
كانت خايفه ...ومش عارفة ايه اللي حيحصل ..
+
او حيتصرف ازاي معاها ...بس هي حتى الان مكسوفة من شريف ومش عايزة يكون في احتكاك بينها وبينه ومش عارفة تعمل ايه وازاي حتنام معاه على سرير واحد والجناح دى كله ما فهوش الا واحد بس ... يعنى تنام على الكنبة...بس مش مريحة خالص ..وهي تعبانه وعايزة تنام على حاجة تريحها ...
+
سمعت باب الحمام بيتفتح ......
+
خرج شريف.... شاف غرفه النوم فاضيه ,,,,ذهب للصاله وراى سارا قاعدة فيها...
+
شريف وهو بينشف شعره بالمنشفه : مش ناوية تنامي ولا ايه ؟
+
سارا:ها لا ان شاء الله
+
شريف: بقولك ما تنسيش تتوضى عشان نصلى العشا سوا ماشى
+
سارا وهى مكسوفه: ها ايه طيب طيب
+
وقامت بالفعل واخدت بيجامه حرير ودخلت الحمام وماقدرتش تمسك نفسها من البكاء وفضلت اكتر من ساعه داخل الحمام
+
**********ريهام**********
+
اتأخرت اوى في الحمام بقالها ساعة...احتار شريف وماكنش عارف يتصرف..... يخبط عليها الباب ويشوفها بتعمل ايه ولا يتركها على راحتها ....
+
ولسة قايم يذهب ليها ...اتفاجا بيها بتفتح الباب وطلعت ...
+
شريف بسخريه : ليه كمان ما نمتيش جوة زي ما نمتي في الصالة الصبح....
+
سارا كانت خايفه ومرتبكه ماردتش عليه ولا كانه بيكلمها ...
+
حب شريف يحرجها لانها نرفزته بتطنيشها
+
شريف: وكمان ايه البيجامه دى اللى انتى لبساها ها هو انتى مش عروسه اومال القمصان اللى فى دولابك دى جبتيها ليها من اساسه
+
وش سارا انقلب ...ما توقعتش ان في انسان ممكن يقول الكلام دة لمراته في اول ليله ... معقول الشخص دة ماعندوش احساس... ماعندهوش دم .... حست انها خلاص هاتعيط ... بس هي مش عايزة تعيط قدامه ... لفت وجهها الجهه الثانيه عشان ما يشوفهاش ...وقعدت على حافه السرير .....
+
شريف حس انه احرجها ونرفزها اوووي .... ندم على الي قاله وعرف انه مالهوش داعي انه يقول كده .... ذهب لها وجلس جمبها ......
+
شريف: سارا ... انا جوزك المفروض ما تتكسفيش مني , وبلاش تزعلي انا مبعرفش اجمل فى الكلام اللي فى بالي بقوله علي طول
+
سارا معرفتش تقول ايه , بس فضلت تعيط فى صمت
+
قام شريف ..لف وشها نحيته ........شاف عنيها غرقانه في الدموع
+
شريف مسح لها دموعها وقال : خلاص ..انا اسف ما كانش قصدي ..؟؟
+
وهنا سارة ما قدرتش تمسك نفسها وحطت ايديها على وشها وقعدت تعيط اكتر ........
+
شريف مش عارف يتصرف ازاي ... هو عاده اذا ابكت وحده من أخواته .... يسيبها ويمشي بعيد عنها...
+
بس دلوقتي لو عملت كدة وسبت سارة هاذيها ........ صعبت عليه ... ..فضل ساكت لغاية لما هديت ....
+
شافها ما هديتش بالعكس دي زادت اكتر ....مع انها بتعيط من غير صوت ...بس كان كتفها بيتحرك ...ومن فتره لفتره تشهق.... بجد صعبت عليا اوووي .
+
شريف: طب اهدى شويه وقوليلى مالك بتعيطى ليه
+
سارا بين شهقاتها فضلت تتعلثم بكلام مش مفهوم
+
شريف حط ايده على كتفها ... وهو كان مرتبك..موقف اول مره يمر عليه...ما توقعش انها حساسه للدراجه دي ...ياربي ايه الحل
+
شريف: سارا خلاص ..قلتك اسف ... مش حقولك اي حاجة تانية تزعلك ... بس انت ما تعيطيش ..
+
سارا:ماردتش عليه .. وكملت عياط...حاول يهديها بس مش عارف ازاي ...
+
شريف : والله اسف ..عشان خاطري ..ما تعيطيش...
+
سارا وصوتها كله عياط: أبعد عني.... عايزة ماما ... عايز اكلمها
+
شريف: سارا الله يهديكي ...تكلمي مين دلوقتي الوقت متأخر ثم هتقولي ليها ايه
+
سارا : ماليش دعوة عايزة اكلمهم
+
شريف: خلاص ولا يهمك هانكلمهم بكرة .... بس انتي بطلي عياط الموضوع ما يستهالش كل العياط دة ... انتي عايزة ايه حعملهولك بس بطلي عياط ..
+
سارا شالت ايديها من على وشها ..ومسحت دموعها... لما شافها شريف بالطريقة دي ..
+
حس بجد انها صغيرة ومالهاش تجارب في الدنيا دي ..
+
سارا: نرجع بكره مصر....
+
انصدم شريف: انتي بتتكلمي جد لسة ما كملناش يوم وانتي عايزة ترجعي مصر...ما ينفعش ..بكره هاخرجك مكان جميل جدا حتتبسطي فيه (وكانه بيكلم بنت صغيره عشان تهدى)
+
سارا : بس... انا مش عايزة اقعد هنا
+
شريف بصوت هادي يحاول يهديها : لندن حلوه...وانا متاكد اول ما تشوفيها وتتفرجي عليها كويس ..انتى اللي مش هاتبقي عايزة ترجعي مصر ....والجو كمان هناك حر دلوقتي انت ناسية ان احنا في الصيف
+
سارا: طيب ما نطولش هنا
+
شريف: ماشى يا ستي مش حنطول يالا قومي استعيذي من الشيطان واغسلي وشك وتعالى عشان نصلى العشا مع بعض
+
اول ما قال لها شريف الكلام دى ....رجعت سارا تعيط من اول وجديد... ودلوقتي هو ما صدق انها هديت تعيط تاني....ايه اللي حصل تاني هو انا قلت ايه عشان يزعلك دلوقتي
+
شريف: سارة مالك ...خلاص انا ارتحت انك هديتى ..ليه بتعيطي تاني قولى لي ..
+
سارا وهي بتعيط : لا خلاص مش عايزة
+
شريف وهو مضايق ومحتار يعمل ايه معاها
+
شريف : طيب انت عايزة ايه وانا اعملهولك بس من ما تعيطيش
+
سارا: مش عايزة حاجة وكملت عياطها
+
شريف حس انه خلاص اتخنق مش عارف يراضيها بايه ..حاول معها ولا نافع اي حاجة .....حاول يلطف الجو شوية وبرضه مش نافع
+
شريف فكر يقول كلام سمعه فى فيلم قديم لعل وعسى ينفع : طيب خلاص ما تعيطيش ... بيقولوا ان العياط بيجعد الوش بسرعة وانا مش عايز مراتي الحلوة دي تعجز قبلي ...
+
ماهتمتش سارا بكلامه وقامت من السرير ...وراحت للحمام...على طول راح وراها شريف ...ومسكها من ايدها ... وبصلها ........ بجد كان شكلها روعه ..حتى وهي بتبكى...تجنن ...وهي نايمه....وهي مكشرة.. بجد تحفه من الجمال...........كان نفسه يشوفها وهي بتضحك ...عمرها ما ضحكت قدامه...
+
شريف: رايحة فين
+
سارا :هاروح اغسل وشي...
+
شريف: لا مش حتدخلي الحمام وانتى بتعيطي كدة مش كويس
+
سارا: خلاص انا ما بعيطش دلوقتي
+
شريف جرها من ايدها ورجعها مكانها....قعدها على السرير ..وقعد جمبها ....وأيدها لسة في ايده
+
....سارا نزلت راسها تحت ...قام شريف ورفع وشها...وحط عينه في عينها....
+
شريف: ودلوقتي ممكن اعرف ليه الدموع دي ...سارا انتى مش عايزاني ...عمي شوقي اجبرك تتجوزيني صح ؟؟
+
هنا سارا ماعرفتش ترد عليه ..
+
سارا بصوت واطي:بابا متحضر مستحيل يجبر بنته على حاجة هي مش عايزاها .... ازاي بقى يجبرني على الجواز
+
هي نفسها استغربت من ردها...بس ما تقدرش تقول له انها مجبورة على الجواز .... يمكن لانها شافت منه حنان ما توقعتهوش ...ودة اللي عايزاه المراه من الرجل...انه يحن عليها زي ما يحن على طفل..
+
شريف: طيب ممكن اعرف سبب الدموع دي
+
مش عارفة تقول ايه .وما تقدرش تقول ...بتتكسف...صح انه جوزها... بس اللي فيه جلوقتي صعب يتقال
+
سارا ودمعه نازله من عينها: ولا حاجة ...
+
شريف مسح الدمعه باصبع ايده الي ماسكه ذقنها....
+
شريف : لا الدمعة دي ليها سبب سارا انا جوزك دلوقتي ...يعنى شريك حياتك ..يعنى شريكك...المفروض تشاركينى كل حاجة ...وتقوليلي ايه اللي مضايقك ... مش معقوله كل الزعل دة عشان كلمتين؟؟؟
+
سارا: انا...اا... وسكتت
+
شريف بحده : انتى ايه قولي ...
+
سارا رجعت تعيط تاني : ما قدرش ..والله ما اقدرش اقول لك....
+
شريف ماحبش يضغط عليها اكتر من كدة بس اكيد سبب كبير..قال اسيبها دلوقتي وبعدين تقولي من نفسها ...
+
شريف: خلاص يا سارا الموضوع ما يستاهلش ... خلاص يا ستي انا مش عايز اعرف منك حاجة ... ولو انتي احتجتي حاجة في اي وقت انا موجود .خلاص بقى يالا بطلي عياط وقومي اغسلي وشك واتوضى واهدي كدة ....
+
قام وخرج من الغرفه...ياترى راح فين ....مسحت دموعها بيدها ....ياربي انا عيطت كتير قدامه.......والله عيب .......راحت للحمام ..وغسلت وشها .... حست بتعب وانها عايزة تنام..بس كدا حنرجع من الاول وجديد , هعمل ايه بس
+
رجع شريف وبايده كاس مية.... شاف السرير فاضى... والاوضه مافيهاش حد....بص على الحمام شاف بابه مقفول...خاف انها دخلت وكملت عياطها جوة .... ومعروف ان الحمام مكان تجمع الجن والشياطين ..والعياذ بالله ...ومش كويس حد يعيط فيه او حتى يطول فيه ...راح للحمام ودق الباب...
+
شريف : سارا...بتعملي ايه ..
+
محدش رد عليه ..قام ودق الباب جامد ..
+
شريف: ردي عليا ..ردي يا سارا
+
سارا: ما بعملش حاجة ...
+
شريف حس ان صوتها لسة مش طبيعي....
+
شريف: طيب ياللا اطلعي ..لو مكنتيش بتعملي حاجة ...
+
سارا: دقايق بس..
+
شريف: 3 دقايق ولو ما طلعتيش حكسر الباب واطلعك فاهمة ..
+
سارا غسلت وشها مره ثانيه ..وطلعت من الحمام
+
شافته مستنيها..اول ما طلعت اداها كأس المية ....
+
شريف: اشربي دة وحتهدي ان شاء الله .....
+
اتكسفت منه ..حركاته غريبه ومتناقضه...ساعه يكون في قمه الحنان والعطف... وساعه في قمه الاستفزاز والقسوة والسخريه اخذت منه المية ..وشربتها....
+
سارا: شكرا....
+
شريف: طيب يالا عشان نصلى
+
وفضلت واقفة.... حس شريف انها مكسوفة منه ..مش قادره تذهب معاه
+
شريف: سارا يالا عشان نصلى هانصلى بس
+
سارا : شريف.... كانت دي او مره تناديه باسمه .... (((سارة تطورت)))...
+
راح بصلها بنظرات الاستفسار ..بالعربي يعنى عايزة ايه
+
سارا اتحرجت ونزلت وشها على الارض ووشها احمر
+
شريف: راح ليها : فى ايه بس لو تقوليلى مالك
+
سارا: اصل انا مش (ونزلت وشها تانى للارض باحراج)
+
شريف عقد حاجبيه باستغرب فى الاول وبعدين اتاكد فقال بتنهيده كبيره : ااااااااااه طب مش كنتى تقولى من الصبح
+
وسبها ومشى
+
سارا: رايح فين ...
+
شريف : هاروح الصالة اصلى وكمان عندي اوراق عايز اشوفها عشان الشغل ... ليه في حاجة عايزة حاجة ؟؟؟؟
+
سارا وهي مكسوفة : لا شكرا..
+
طلع ..وذهبت هي للسرير وحاولت تنام..بس ما قدرتش....
+
كان شريف في الصاله .. ماكانش عنده شغل ولا حاجة...بس ما حبش يحرجها ..وعرف انها مكسوفة منه..وسرعياطها انها خايفة ومرتبكة من عادتها الشهريه ...مع انها مراته ..بس هو مش عايز يجرحها اكتر من كدا.....وغير كدا انهم بقالهم ليلة بس متجوزين..وهو افكاره مش متحجره ......
+
بعد ساعه ونص..أتاكد انها نايمه .... دخل للغرفه باقل صوت ممكن... وراح للسرير ...شافها نايمه وسايبة السرير كله فاضي ....ابتسم واتمدد على الجهه الثانيه....
+
سارا كانت صاحية ولسة ما نمتش ... وفضلت جامدة وصامدة في مكانها اول ما دخل شريف الاوضة ........لغاية لما حست انه ناام خلاص.... حست بالراحه والاطمئنان
+
التفتت براحه وبصت عليه وهو نايم وقالت بسرها
+
ياترى انا ظالمته..شكله حنين اوووي... والا ماكانش راعى شعوري بالطريقة دي ..يارا ورهف ما يعرفوش اخوهم كويس ..والا لو شافوا ايه اللي عمله معايا مكانش قالوا عنه انه ما عندهوش احساس... بس يمكن انا غير اخواته انا مراته ... سارة حست براحه غريبه ما توقعهاش .... ونااامت
+
فى الصباح شعرت سارا باشعه الشمس على عنيها...التفتت على الجهة الثانيه ..وادت ظهرها للشباك..... بس خلاص النوم راح وقلقت وماعرفتش تنام تاني ..فتحت عنيها .... استوعبت وقالت دي مش اوضتي انا فين ؟؟؟ ....
+
ورات شريف وهو نايم جمبها.. اتقلب ولف على الجهة التانية ...رات وشه... كان نايم بهدوء....مش شايل من هموم الدنيا اي حاجة....
+
جلست تتـأمل في ملامح وجهه الجميلة... دي فرصتها انها تنظرله براحتها من غير ما يحس .......
+
فجاه كشر ...شكله بيحلم ... ياترى ايه اللي بيفكر فيه... الانسان دة عبارة عن مجموعه من الاسرار..... افتكرت ايه اللي حصل امبارح.... وازاي هو اتصرف معاها... وحنانه الغير متوقع ... ابتسمت وقامت من السرير ...راحت عليهم نومه
+
...والساعه كانت 11 الظهر.... بس ليهم حق انهم يناموا لغاية دلوقتي ..... دة بقالهم يومين ما ناموش .. وكمان هي ما خلتش شريف ينام الا على الساعة 2 ونص..... وهي ما نمتش الا على وش الفجر .... قامت واتصلت بالريسبشن ... وطلبت قهوه لشخصين وفطار.... وراحت للحمام.....
+
شريف فتح عنيه , بص عليها جنبه مالقاهاش ... ياترى هي راحت فين .. وبص للساعة اللي في ايديه ولقاها الساعة 11 ونص الظهر ...يووه اتاخرت اوي في النوم .... هو عادة بيصحى من الساعه 7 ..وصلاة الفجر فاتته كمان .... وبسرعه قام يتوضى ويصلى....وبعد ما لبس وجهز .... طلع للصاله وشاف سارة قاعدة وتقلب بقنوات التلفزيون .... اول ما دخل بصتله..
+
سارا مبتسمه وهي مكسوفة: صباح الخير..
+
شريف لما راى ابتسامتها ما قدرش يقاوم وردلها الابتسامة
+
شربف: صباح ايه بس ... ماشي يا ستي ولا يهمك صباح النور.... انتي صحيتي امتى؟؟
+
سارا: تقريبا من نص ساعة كدة ..
+
شريف: وليه ما صحتنيش .... انا ما كنتش اتوقع اني تعبان للدرجة دي ... انا امبارح حطيت راسي على المخدة ما حسيتش بنفس الا دلوقتي ...
+
وقعد على الكنبة بكل قوته... والباب خبط وهما قاعدين....
+
شريف وهو مستغرب: مين اللي بيخبط علينا دلوقتي ...
+
سارا وهي مكسوفة ومحرجة : انا اتصلت بالريسبشن وطلبت منهم قهوه وفطار ... عادي يعني ؟؟
+
شريف ابتسم ليها : طبعا عادي ...كويس انك عملتي كدة ..لاني مصدع جدا وكان نفسي في قهوة...
+
وقام فتح الباب واخذ من العامل العربه الي عليها القهوه والفطار......واداه البقشيش...... وقفل الباب وراه...
+
وجالسوا يشربوا القهوه ويتناولوا الفطار ....وهم ساكتين..شريف مش بيتكلم ..وهو عادة بعد ما يصحى من النوم ما بيحبش يتكلم .. ..الا بعد ما يفطر ويشرب قهوته ..
+
وسارة عايزة تتكلم بس مش عارفة تقوله ازاي.....بعد حوالي نص ساعه ...والتلفزيون طبعا شغال ..يعنى في اصوات مش هدوء تام ....
+
شريف: يالا ياسارة مش عايزة تخرجي النهاردة ......
+
سارة فرحت ان شريف قطع الصمت اللي كان حيموتها ..
+
سارا: براحتك ...
+
شريف: اوكي قومي البسي حاجة تقيلة شوية لان النهاردة برد ... واحنا يمكن نتأخر مش هانيجي الا بليل ...
+
سارا: حاضر ..
+
وعلى طول قامت تلبس طقم حلو جدا وفخم ثقيل ..
+
سارا بابتسامه : انا جاهزه...
+
نظر لها شريف ... ومن غير ما تتغير تعابير وشه ...
+
شريف : طيب ادينى انا كمان دقائق هاغير هدومى
+
سارا: اوكيه .....
+
وبعد فعلا دقائق خرج شريف من الغرفه وهو فى قمه الوسامه والشياكه
+
سارا: سرحت فيه اول ما شافته
+
(يالهوى هو حلو كده على طول طب هاخرج معاه ازاى كده لالالا هو قد ايه وسيم اوى)
+
شريف: (قرب منها) هايى روحتى فين يا سارا
+
سارا بارتباك قالت: ها لالالا طيب انا
+
شريف بضحكه بصوت: ههههههه ايه يا بنتى مالك فيكى ايه مش عارفه تجمعى ليه
+
سارا اول مره تشوفه بيضحك بالشكل ده : ها
+
شريف: هههههههههه شكلك حلو اوى وانتى هيمانه كدا
+
سارا:ها احم طب يالا نمشى
+
شريف لبس نظارته الشمسيه : اتفضلى
+
وخرجوا من الفندق .... واتمشوا شوية ..وبعدين ركبوا باخرة في نهر التايمز .....كانت عباره عن باخرة ومطعم ...واتغدوا فيها ..... وجالسوا على سطح الباخرة...كان الجو يجنن..
+
سارا كانت مبسوطه جدا بالفسحة دي .... مع انها مستغربه شوية من شريف هو ساعه يكون كويس وحنين وساعه يتقلب عليا انا مش فاهمه لغز الراجل دا بس ما انكرش انه وسيم اوى وكمان شيك بس بس بس ايه الهبل دا اللى بقوله دا
+
طب انا عايزة ايه ..مبسوطه ولا لاء.... بس دة اللي قدر عليه طول اليوم ..... يالا عادي ...
+
نصيبي اكتشف الانسان دة واعرف طباعه ..لسة متزوجين لازم اصبر.... وهو بقى جوزي دلوقتي ولازم اتقبله بكل عيوبة واتأقلم معاه ....... يمكن الانسان دة هادي بطبعه .. بس يارا اخته قالتلي ان هو مش هادي .......وخصوصا جمال اخويا اقرب واحد له فى الشغل ..وعمره ما قال انه هادي.....بالعكس كان بيقول المكان اللي ما يكونش فيه شريف ما يكونش حلو وليه طعم..... خلاص مش هاخرب اليوم ... خلينى اتبسط احسن وكفاية نكد بقى ..هو بصراحه مش مقصر وحاول يبسطنى......
+
طول الوقت وسارة بتفكر في الافكار دي ..كانت سرحانه وهي بتنظر على البحر وهي مبسوطة على حافه الباخرة وهي مش حاسه بالشاب اللي جالس في الجهة التانية وبيرا قبها وحياكولها بعنيه ...... قاعد يتأمل البرائة والجمال دا كله
+
شريف كان نازل الكافتيريا عشان يجيب عصير ...
+
شريف وهو جاي لسارا لفت نظره الشاب اللي قاعد يتأ ملها.... ما قدرش يتحمل... حس انه عايز يروح ويضربه ...ازاي يبص لمراته بالنظرات دي ... بجد راجل ماعندهوش دم ... ومراتي محجبة ومش لابسة اي حاجة تلفت النظر .. يعني سايب البنات كلهم ويبص ليها ... والنار في قلبه مشعللة
+
وبسرعه ذهب لسارة.. وشدها من دراعها ..وجرها معاه..وسارة مستغربة من تصرفه ..مش عارفة ماله..وليه بيجرها بطريقة دي....
+
سارا: أي .....مالك ... وليه بتمسكني بالطريقة دي ..
+
شريف وعنيه حمرة من العصبية : تعالى هاندخل جوة
+
سارا: طيب ليه الجو حلو.. وسيب ايدي ... ليه مسكني بالطريقة دي ... ايدي وجعتني اوووي .
+
استوعب شريف انه ضاغط جامد على دراعها ... خفف شده اديه شوية ...هي مالهاش ذنب ..ولا حاسه اصلا بالراجل اللي كان بيبصلها.....
+
المفروض يعقل شويه , هو ما بيحبهاش علشان يغير عليها بالطريقة دي.... لالا الغيرة دي في كل راجل شرقى على اي حاجه تخصه سواء كان بيحبها ولا لاء...
+
شريف وهو عصبى: انتى ما بتتكسفيش من نفسك ...كان في راجل برة عمال يبصلك وانت مش حاسة يا هانم ...وبتتفرجي على البحر ...
+
سارا بخوف وتوتر : انا والله ما كنتش واخدة بالي منه انا كنت باصة للبحر وبتأمل جماله ..
+
شريف بعصبيه: المفروض اول ما شفتيني قايم تيجي ورايا يا هانم , واياكي يا سارا تعمليها تاني
+
سارا اتغاظت منه اوي ( وهي بتتكلم في سرها ) ..
+
هو ليه بيتصرف كدا .... انا ماعملتش حاجة... كل دة عشان قاعدة برة لوحدي ..... بس هو اللي سابني وراح يجيب المشروبات ... اووووف .... لو كان عايزني اجي معاه كان قالي ......
+
ليه ينكد علية انا كنت مبسوطة ياساتر ......
+
شريف بعلو الصوت: مالك هو كلامي مش عجبك ولا ايه ؟؟
+
سارا بتحدى : ليه هو انا قلت حاجة ولا اتكلمت ...
+
شريف: مش لازم تقولي ..شوفي بوزك شبرين ازاي..
+
سارا: انت عايز مني ايه .... انا ايه اللي عملته علشان تترفز عليا بالطريقة دي
+
وجلست على الكرسي وجلس بجانبها ....
+
شريف: انا مش عايز حاجة بس المفروض لما تشوفي الرجالة كدة برة كنت جيتي ورايا من غير ما قول ...
+
سارا: انا ماحسيتش بحد انا كنت سرحانة في البحر ... وكمان حيشوفوا فيا ايه وانا محجبة كدة ويسيبوا الناس اللي مش لابسة حاجة ويبصولي ....
+
شريف : ولو بردة ماتنسيش ان احنا في لندن والعرب كتير هنا وهما ما بيصدقوا يشوفوا وحدة عربية ...
+
سارا بسخريه: طبعا ما انت لازم تقول كدة ما انت عندك خبرة في الحاجات دي مش كدة ...
+
شريف بعصبيه : بقولك ايه لمي نفسك واعرفي انتي بتقولي ايه قبل ماتتكلمي فاهمة ؟؟؟
+
سارا وهي مصدومة من اللي قاله وبتقول في سرها ... ياسلام هو انا قلت ايه لازم يجرحني بكلامه ويكسفني ..
+
سارا:طيب امتى هانروح علشان انا تعبانة ..
+
شريف ماتخافيش حنوصل دلوقتي ... وانا كمان اتسدت نفسي من الفسحة دي ..
+
بعد ما وصلت الباخره .... ونزلوا الركاب...كان بطن سارا بتوجعها من شده الجوع لانها مااكلتش كويس على الباخره وكمان وجع عادتها الشهريه ... ومش عايزة تبين لشريف انها جعانه بعد ما نزلوا من الباخرة ذهبوا يتمشوا شوية .....وعرفت ان شريف مش عايز يرجع الفندق دلوقتي ... بس الم بطنها بيزيد اكتر واكتر .... ياربي ايه المصيبة دي.....وقفوا في كافيه ...وقعدوا فيه....
+
شريف: عايزة تشربي ايه ..
+
سارا: مش عايزه حاجه شكرا
+
شريف: سارا ماتخلنيش اعلى صوتى هنا كمان عايزه تشربى ايه
+
سارا بتذمر: ايه حاجه ساقعه
+
شريف باستغراب : ساقع ايه اللي تشربيه , انا هروح اجبلك حاجه دافيه
+
سارا باستغراب: ايه دا ماله سخن ايه ايه يالهوى عليا وعلى سنينى على الاحراج اللى انا فيه هاعمل ايه دلوقتى معاه بعد ما كسفنى
+
اول ما قام شريف...سارا مسكت خاتمها وبتلعب فيه من شده كسوفها ... شريف لف عشان يسألها لو كانت عايزة حاجة مع السخن ....
+
شريف: سارا.......
+
سارا(وهى مكسوفه ) :نعم
+
استغرب خجولها ووشها الاحمر
+
شريف: لا بس كنت عايز اسألك لو كنتي عايزة حاجة مع المشروب السخن اجبلك اى حاجه خفيفه تاكليها معاها
+
سارا اتحرجت تقوله اه فقالت : ها لالالا شكرا
+
شريف: طيب
+
وذهب جاب لها مشروب دافىء ...وجاب له قهوه تركيه..بعد ما خلصوا قاموا .... وهو حاس ان سارا فيها حاجة ...بس ما حبتش تقوله عليها ..
+
لو كانت عايزاني اعرف كانت اتكلمت او بينت ليا اي حاجة ....... ما اهتمش ذهبوا يتمشو في اجور رود (شارع العرب) ..وهي نفسها تروح الفندق عايزة تاكل اى حاجه ...بس خايفة تقوله ويحس بألمها , مروا على الاسواق واشترت من هناك هدايا تذكارية بسيطه ...
+
شريف: سارا شكلك تعبانه تحبي نرجع الفندق...؟؟
+
كانت معجبه اوي بالسوق , علشان بتشترى هدايا للي فى مصر فقالت بدون ما ترفع عيناها عليه : لا خلينا هنا شويه
+
شريف رفع حاجب : طيب...ايه رايك ندخل المول دة ...
+
سارا: ماشى
+
وهم بيتسوقوا شريف كان ملاحظ سارا انها بتحط اديها على بطنها ... وسارة اول ما تحس ان شريف يشوفها تعمل نفسها طبيعيه....
+
شريف في سره ليه مش عايزاني اعرف ان بطنها وجعاها , طب منا قلتلها تعالي نروح الفندق رفضت , ايه بس اللي وقعت فيه دا
+
بعد ما غربت الشمس ...
+
شريف: هو انتى مش جعانه يا سارا ؟
+
سارا بللت شفتيها بشهيه وقالت باحراج : لا ابدا
+
شريف حس باحراجها فقال : طب انا جعان ممكن اروح اجيب ليا اكل
+
سارا وهى خلاص مش قادره : ها اتفضل روح
+
شريف: (بنظره عين ) طيب
+
على العموم انا هاجيب ساندوتش من المحل دا وهاجاى على طول تقعدى هنا ولا تيجى معايا
+
سارا لانها حاسه بتعب فى بطنها قالت : ها لالالا انا هاقعد هنا روح انت
+
شريف: زى ما تحبى
+
شريف ذهب الى المحل وهو فى الطريق رن هاتفه المحمول
+
شريف: الو ازيك يا عمر اخيرا وحشتكم وقولتوا تتصلوا بيا
+
عمر: ههههههه لا والله احنا قلنا نسيبك شويه تتهنى بعروستك وما نزعجكش
+
شريف اتناهد : ازعاج طيب بقولك ايه اخباركم واخبار البيت
+
عمر: كلهم كويسين انا بكلمك من البيت بقولك مالك صوتك شكله متضايق هو حصل حاجه
+
شريف بسخريه : حاجات مش حاجه واحده شكلى هاجيلكم بكره او بعده بالكتير
+
عمر: ايه ليه هو ايه اللى حصل لده كله
+
شريف: مفيش حاجه اطمن
+
عمر: ايه يا شريف انا قبل ما اكون اخوك انا صحبك فيه ايه سارا عملتك حاجه ولا انت اللى شكلك عملت ليها حاجات انا اصلا عارفك نكدى
+
شريف: هههههههههه لا والله دا انا غلبان
+
عمر: هههههه اه هو انت هاتقولى ما انا عارفك قولى بقه ايه اللى حصل
+
شريف: طبعا انت عارف انى ليا اختين مدلعين ومطالعين عينى فى دلعهم دا
+
عمر: هههه طبعا مش بقولك نكدى ومابتحبش الهزار بس مالهم اخواتك ومال موضوعك
+
شريف: اصلهم بقو ليا 3 اخوات مش 2 , دي زيهم تقولش من نفس الفصيله
+
عمر: هههههههههه هو انت لسه شوفت حاجه يابنى دى وحيده ابوها وامها اكيد هاتكون مدلعه
+
بس تعالى قولى انت بتقول انها بقت اختك اختك ازاى وانت متجوزها ياعم شريف هاا ؟
+
شريف بسخريه: هههههههه متجوزها !!! طيب بقولك هاقفل معاك دلوقتى عشان هاكل
+
عمر: شريف الله يخليك خلى بالك منها وماتزعلهاش اصلا انا عارفك وكمان اعتبرها ياسيدى زى مراتك يعنى دلعها وعيش اانت بقه
+
شريف: ههههههه ادلعها اكتر من كدا ماشى يا سى عمر
+
عمر: وكمان ما تنساش انها بنت اعز صديق لبابا فعشان خاطره خلى بالك عليها وحسسها بالامان
+
شريف: ان شاء الله يلا بقه عشان الاكل هايبرد
+
عمر: طيب يا عم وابقى سلملي عليها
+
لا اله الا الله
+
شريف: يوصل ان شاء الله وانت كمان سلم على اللى فى البيت
+
سيدنا محمد رسول الله
+
عمر اغلق موبايله ونظر الى صوره معلقه فى حائط الغرفه ياااااه يا فاطمه لو تعرفى انتي وحشتيني قد ايه وكنت نفسى تكونى معايا انا وملك ونعيش احلى ايام بس الحمد لله وقدرالله وما شاء فعل
+
وهنا جريت عليه بنته ملك وخدها فى حضنه وافتكر حياته مع امها وحبه ليها
+
**********ريهام**********
+
وتحت فى الليفنيج
+
الام: يا بنات انتم روحتم فين
+
يارا: فى حاجه يا ماما
+
الام: اه تعالى اتصلى باخوكى عايزه اطمئن عليه من امبارح وانا ماكلمتوش
+
يارا: ياماما ما تسيبه فى حاله ودلوقتى تلاقى خارج وبيتفسحوا ولا حاجه
+
الام: خارج ليه هى الساعه كام عندهم
+
يارا: ياماما احنا هنا بتوقيت القاهره هو بتوقيت جرنتش اكيد هم دلوقتى المغرب كدا
+
الام: طيب خلاص اومال فين رهف
+
يارا: فى اوضتها بتكلم صحبتها سمعت منها ان احتمال النتيجه تبان بكره
+
الام: يارب ينجحها يارب ويوفقها
+
يارا: ياسلام ياسلام وانا ماليش فى الدعوه دى يا ست ماما
+
الام: انتى دا انتى اللى فى القلب يا احلى يارا يارب يسعدك يا بنتى
+
******** ريهام ******
+
ذهب اليها وهى فى شده التعب ولاحظ انها وضعه يدها على بطنها
+
شريف: سارا انتى تعبانه ولا حاجه
+
سارا:(انتبهت) ها لالا انا كويسه
+
شريف: جلس امامها وطلع الساندوتش من الغلاف الخاص له وقال لها : تاخدى ساندوتش
+
سارا بصت علي الساندوتش وبللت شفتيها بشهيه وقالت باحراج : تؤ شكرا مش جعانه
+
شريف: وهو مقربه من فمه
+
على راحتك هاكله انا (وبينظر ليها ) اصلى واقع من ساعه الفطار
+
سارا بدون ان تنظر اليه : بالف هنا وشفا
+
شريف: حس بيها لما التفتت بوجهها الى الناحيه الاخرى : سارا !!
+
سارا : نعم
+
شريف: ممكن اطلب منك طلب صغير بس اوعى تكسفينى اوكيه
+
سارا استغربت منه : اوكيه اتفضل
+
شريف وبيطلع الساندوتش الثانى من الغلاف : خدى كلى دا
+
سارا نفسها تاخدى بس كبريئها بيمنعها : لالا انا قلتلك انى مش جعانه
+
شريف: انا عارف , اصلى بصراحه مش واخد انى اكل وحد بيبص عليا
+
سارا: طيب انا ممكن اقوم لحد ما تخلص اكل
+
شريف: واهون عليكى تسبينى لوحدى قاعد
+
سارا اندهشت من طريقه كلامه فقالت بعفويه : لا ما تهونش
+
شريف: قرب منها الساندوتش : طب خدى حته قطمه صغيره وصدقينى هايعجبك خالص
+
سارابصت له وشعرت بانها خلاص مش قادره تصبر خدت منه الساندوتش وعلى طول على فمها وكانت قد ايه جميله حتى فى اكلها ورقيقه مع انها كلت نصف الساندوتش من شده جوعها بس برضه رقيقه خالص فى اكلها
+
كان بيتابع طريقتها فى الاكل وهى ولا هنا وهنا لاحظت نظراته عليها قأتحرجت منه ووشها بقى احمر
+
شريف بنظره اعجاب : بالف هنا وشفا
+
سارا وهى مش عارفه ترد تقول ايه : ها احم شكرا
+
على فكره انا ماكنتش جعانه بس عشان انت بس ما تزعلش فاكلته
+
شريف ابتسم ومد يداه بالسندوتش الاخر : طب ممكن ماتزعلنيش تانى وتاخدى دا كمان تاكليه اصلى شبعت
+
سارا : ها لا شكرا انا شبعت انا كمان
+
شريف : لا كدا انا هازعل , وبغمزه قال : ولا يمكن خايفه تجرى ورايا
+
سارا وبحركه لا شعوريه خدت منه الساندوتش بتاعه وبرضه اكلته
+
شريف بيراقف تصرفها وطريقه اكلها ومعجب اوى بيها بس اتفاجاه بشى كانه كاشب على شفايفها وهى مش واخده بالها منه , وفاجاه مد يده على شفايفها ومسح الكاتشب وخده على فمه وقال بابتسامه : اصلى بحبه اوى
+
سارا اتلخمت ووشها جاب ميت لون ولون من تصرفه دا مين الراجل دا بالظبط انا تعبت ساعه يكون عصبيى وحاد وساعه يكون حنين وساعه اخرى يكون رومانسى انت مين بالظبط وبعد شويه ذهبوا الى الفندق ثم الى السويت الخاص ليها وبالداخل
+
ذهبت لاوضتها ..... وخدت شاور وغيرت هدومها
+
... شريف :سارة ايه رايك نشوف فيلم
+
سارا: براحتك
+
شريف: طيب مش عايزة نطلب اكل كمان
+
سارا: لا والله مش عايزة بجد شبعت
+
شريف جلس على الكنبة..... بعد ما خد المجله الي على التلفزيون...
+
شريف : يالا نختار الفيلم اللي احنا عايزين نتفرج عليه ...اممم ..ايه رايك في فيلم .....
+
سارا : طيب ايه نوع الفيلم...؟؟
+
شريف: دراما ورمانسي....
+
سارا: بطولة مين؟؟
+
قام وجلس جنب سارا عشان يشوفوا الافلام مع بعض ...وحط المجله بينهم ....
+
شريف: نيكول كادمن ...
+
سارا: لالا ما بحبش الممثلة دي
+
كانت مرتبكه لان شريف عمال يلزق فيها ويقرب منها اوووي .....وارتاحت لانها لقيت عذر عشان ما يطلبش الفيلم دة ....
+
مش عايزة تشوف معاه فيلم رومانسي ...علشان ما بتحبش تشوف المناظر الغير لائقة في الفيلم ...
+
شريف: امممم طب ايه رايك فى .....
+
سارا: انا ماشوفتش الاجزاء الاولى منه .... بس اذا كان حلو ما عنديش مانع
+
شريف: لالالاء مش حلو تشوفيه اذا كنتي اصلا ما شوفتيش الجزء الاول والثاني منه
+
سارا : طيب ايه رايك نتفرج على الفيلم ده
+
وشاورت على بوستر فيلم اخر
+
شريف: لا انا شوفت الفيلم دة كتير
+
سارا : طيب وده ......
+
شريف: اممم.. اصحابي بيقولوا عليه كويس بس انا ما بحبش توم كروز ..
+
سارا بعفويه : بس انا بحبه اوى
+
شريف بكلمه لا ارديه : نـعم بتحبى مين
+
سارا خدت بالها : ها احم لا اقصد بحب الفيلم
+
شريف : لا والله , ماشى حعديها يا ست سارا المره دي
+
سارا: احم طيب ايه رايك فى ده .....
+
شريف: دا كوميدي ؟
+
سارا: ايوة
+
شريف: لا انا مليش نفس اتفرج على الكوميدي...خلاص خلينا فى Last Samurai..... مدام بتحبيه ؟؟
+
سارا: طيب على راحتك
+
قام شريف وفتح التلفزيون ...واختار الفيلم اللي هايتفرجوا عليه ... سارا قامت وطفت النور ونورت الابجورات ...
+
شريف: ليه الجو ده؟؟
+
سارا وهي مبتسمه : عشان نعيش جو السنيما...
+
شريف: ههههههه ..مش ناقص الا الفشار
+
والبيبسي .
+
سارا: البيبسى موجود ..تحب اجبلك من الثلاجه ؟؟
+
شريف: ياريت...
+
ذهبت سارا وجابت له بيبسى ..وجابت لها بيبسى دايت...
+
لما شافها شريف رفع حاجب
+
شريف: بتعملي رجيم
+
سارا بعفويه راحت قامت وقالت : اه شوف طلعلي كرش صغير ازاي
+
راح بصلها من فوق لتحت
+
وقال بابتسامه اعجاب خلت وش سارا يحمر اوووي.: بالعكس جسمك عاجبنى..
+
سارا مش قادره يالهوى على الراجل دا كدا مش هاعرف اتفرج على اى حاجه بالشكل دا
+
ذهبت جلست على كنبة تانية ...مع ان الكنبة مش قدام التلفزيون بس عشان ما تقعدش جمب شريف وهو معلقش على قعدتها على الكنبة التانية وجلسوا يشاهدو الفيلم اللي كان مشوق وحلو ....خصوصا لعشاق رياضه الساموراي اليابانيه...وبعد انتهاء الفيلم
+
شريف: ايه رايك فيه
+
سارا: جامد جدا
+
شريفه بضحكه خبيثه : الفيلم ولا البطل
+
سارا(اتحرجت منه اوى) احم لا الفيلم
+
شريف: طيب هاتنامى دلوقتى ولا عايزه تقعدى شويه
+
سارا : ها لا دلوقتى اصلى تعبانه من تعب النهادره
+
شريف:طب يلا على الغرفه على بال ما ااروح اخد شاور سريع
+
سارا: ماشى اتفضل
+
واتنظرت لما دخل الى الحمام فادخلت الى الغرفه وفتحت دولابها واخرجت بيجامه وخرجت بخارج الغرفه عشان ما يطلعش فجاه ويلاقيها بتغير
+
وفعلا قامت بتغير ملابسها وهى دخله الغرفه واتفاجات بشريف
+
خارج من الحمام بالبورنس الابيض وفاتح الدولاب بتاعه ومش واخد باله منها انها موجوده وعمال ينشف شعره
+
واول ما رائها ابتسم ليها
+
شريف : مالك فى حاجه
+
سارا: ها لالا مفيش انا هاروح اطلع بره
+
شريف: سارا
+
سارا التفت ليه وبشعرها المفرود وبيلف بطريقه جميله معاها نعم !!
+
شريف نسى اصلا كان عايز يقول ليها ايه : مافيش
+
سارااستغربت/ طب انا هاخرج
+
شريف: برحتك زى ماتحبى
+
سارا اتناهدت كتير
+
شريف بعد ما غير ملابسه نده عليها : سارا
+
سارا هو انا هافضل طلعه خارجه كده على طول :نعم
+
شريف: اتفضلى عشان تنامى ولا هاتنامى بره زى امبارح
+
ساره:(بنظره تحدى)لا هانام هنا
+
وذهبت الى السرير وجلست عليه
+
سارا: هو انت مش هاتنام
+
شريف: لا هاروح اصلى الاول
+
سارا: (بتجز على شفايفها وهى مكسوفه) اوك اتفضل
+
شريف بعد ما خلص صلاه دخل لقاها لسه ما نمتش
+
شريف: هو انتى مانتميش ليه اوعى تكونى بتخافى زى اخواتى
+
سارا: اخواتك !! لا ماتخافش انا مش بخاف زيهم
+
شريف: (بطرف عينه) انتى زعلتى لما قلتلك انك زى اخواتى مش هو دا الصح برضه
+
سارا ووشها جاب ميت لون ولون من كلامه: ها
+
شريف: بس اصدقى انا اول مره اعرف ان الكسوف حلو اوووى كدا من وشك الاحمر دا والله عسوله ولذيذه كمان
+
سارا: (وهى بيدوب خلاص من الخجل) ها
+
شريف: ههههههههه هو ايه اللى ها ها ها
+
انتى ماعندكيش غيرها
+
سارا: ها
+
شريف:هههههههه بس برضه لذيذه اوى
+
ساراقامت ووقفت من على السرير
+
شريف: رايحه فين
+
سارا: رايحه بره
+
شريف: ليه مش هاتنامى
+
سارا بعفويه: ما انا بقالى هنا اكتر من ربع ساعه وحضرتك عمال تعاكس فيا وتكسفنى وفى الاخر تقولى مش هاتنامى
+
شريف: هههههههه هو حرام انى اعاكس مراتى وكمان انا بحب اشوف كسوفها ووشها الاحمر اصلها بتبقى جميله اوى
+
سارا: تعرف لو ما سكتش انا هاروح بجد انام بره
+
شريف: طب خلاص خلاص نامى هنا احسن بره فى عفاريت بياكلو اللى بينام عندهم
+
سارااول ما سمعت كلمه عفاريت ما قدرتش تمسك نفسها وجريت على السرير وغطت نفسها بالمفرش على وجهها
+
وكل دا وشريف بينظر وبيضحك على شكلها
+
شريف: والله عسل برضه وانتى بتخافى زى الاطفال كدا
+
********ريهام***********
+
فى منزل شوقى
+
شوقى:صباح الخير يا ولاد
+
جمال ومراته : صباح الخير يا بابا/ عمى
+
شوقى : اومال ام جمال ماحضرتش الفطار ولا ايه
+
هدى: لا ياعمى حضرناه بس راحت تشوف احمد
+
شوقى وهما رايحين علي السفره : يادى احمد انا مش عارف هو هايفضل لحد امتى مدلع كدا وكمان مش هايشيل مسئوليه بالطريقه دي
+
جمال: يابابا لسه بدرى عليه لما الاول يخلص الكليه ويتخرج نبقى نشوف ساعها هانعمل ايه
+
شوقى وهو يعنى فاضل قد ايه دى كلها السنه دى وخلاص هايتخرج ويبقى مهندس جوده
+
هدى: بصراحه يا عمو انا مش عارفه ازاى هو مدلع وبيسهر وازاى يدخل كليه الهندسه وايه كل سنه بينجح بتقدير كويس
+
جمال: ياهدى اخويا اه مدلع لكنه دا فى وقت اللعب والشقاوه اما الدارسه فلها شكل تانى خاص عنده وليه هدف
+
شوقى : طب اسكتوا احسن سهير جايه ودى ما بتصدق تمسكنا واحنا بنجيب سيره احمد
+
جمال: ههههههه صح والله يابابا المفروض تدلع سارا مش احمد
+
شوقى: والله فكرتنى بسارا البنت دى ليها وحشه ايه كبيره اوى اتصدق انى اول مره اعرف غلاوتها من ساعت ما اتجوزت وسافرت
+
هدى: اكيد ياعمو برضه الفراق صعب اوى وكويس انها عايشه قريبه عننا كنا ايه احتسنا خالص بعدها
+
سهير : صباح الخير يا شوقى
+
شوقى: صباح النور ايه كل دا اومال كنتى فين
+
سهير : روحت اشوف احمد اصله ياحبيبى عندى دور برد
+
شوقى: برد طيب الف سلامه انا هاقوم عشان الشغل يالا ياجمال
+
سهير : ايه دا هو ماله على الصبح دا كمان
+
هدى: مالوش يا عمتى
+
********ريهام********
+
فاق بدرى نظر حوليه ماوجدهاش بجانبه ولا حتى فى الغرفه كلها
+
قام خبط على باب الحمام فوجده لا يوجد احد به
+
خرج للصاله فلقاها بتصلي , ابتسم ودخل على الغرفه ومنها الى الحمام لياخد شاور سريع
+
وخرج وقام بلبس ملابسه وخرج لها
+
شريف: تقبل الله يا سارا
+
سارا باحراج : احم منا ومنكم باذن الله شعرت بخوف ورهبه شديده منه لانه عرف انها صلت يعنى ذلك فهي امامه اليوم
+
شريف شعر بخوفها منه فحب يهديها: ها ايه رايك لو روحنا مكان تانى النهارده
+
سارا ابتسمت :على فين
+
شريف فرح لانها ابتسمت : اى مكان عايز تروحيه انا ماعنديش مانع
+
سارا: طب ثوانى اغير هدومى
+
شريف: وانا بنتظارك يا قمر
+
سارا ايه دا اول مره يقولى ياقمر لالا دا يتخاف منه خالص
+
وهى دخله رن هاتفها برقم مامتها
+
سارا(بفرحه) ماما وحشتينى خالص الحمدلله انا كويسه والله اه شريف كويس ايه مش سامعاكى على صوتك ايه
+
وهنا نبره سارا اتغيرت من كلام ولدتها
+
طيب ياماما خلاص خلاص
+
ماما انا عارفه ان رضا الزوج من رضا الرب
+
طيب هاسلملك عليه مع السلامه
+
سيدنا محمد رسول الله
+
بعد غياب ساعه كامله ومش عايز يدخل عندها لتتحرج اكتر
+
شريف من بره ناده عليها وقال : سارا انتى لسه ماخلصتيش
+
بينما سارا ما ردتش عليه فضلت قاعده جوه بتفكر فى كلام مامتها انها لازم ترضى جوزها وتسعده
+
وياترى هتعمل ايه هتعرفه بعدين
+
