رواية صغيرة درغام الفصل السادس والثلاثون 36 بقلم سندريلا انوش
الفصل السادس والثلاثون:
وبصراحه حبيت اعيد عليكم بالفصل..وبكدا فاضل راسمياً اربع فصول..هنبدء العد التنازلي من الفصل اللي جاي يوم الحد باذن الله..معلش الروايه مطوله بعد العيد بكام يوم كدا..
وبصراحه انا مش عاوزاها تخلص لاني اتعلقت بالشخصيات اكتر منكم..
**استمتعوا**
من رواية صغيرة درغام بقلمي سندريلا انوش 
..
..ثم اداروا السياره حيث يكون درغام في مقابلة المنزل..ثم اخرج سلاحه وصوبه باتجه عمه فتصنم الاخر مكانه..ولكنه تعجب عندما رفع درغام سلاحه الي النافذه العلوي..ثم اطلق رصاصه ليصاحبها انفجار كبير..وصلت نيرانه الي طبقات الغلاف الجوي..
نظر درغام بانتصار ثم تحرك انور بالسياره وخلفه النيران تنهش في المنزل..
ضرب درغام كفه في كف انور..وقال:جبت حق اهلي..فاضل حق küçüğüm.
ابتسم انور قائلاً:نحن لها.
نظر اليه الاخر ثم عدل رأسه ونظر امامه..
في المساء..
كانت تجلس سرايا في احدي الحانات تتجرع الخمر حتي أتى اليها عدنان مسرعاً وهو يقول بهلع:سرايااا امي وو..وخالي انفجر المنزل بهم في اسطنبول.
فسقط الكأس من يدها وقالت بصراخ:ماااذاااا..ابيي.
هز عدنان راسه بجديه..فنهضت الاخري قائله بثماله:يجب علينا الذهاب لتركيا الان.
فسندها عدنان قائلاً:لن تمري من المطار بتلك الحاله..انتظري للصباح.
فدفعته عنها قائله بصراخ:يجب ان اعرف من قتل ابيييي.
ثم توقف مكانها متجمده قائله:ايمكن!
نظر عدنان اليها بعد فهم فقالت الاخري بضياع:درغام.
فهم عدنان الان مقصدها..فقال بترقب:لالا ليس هو بالطبع..لن يقتلي امي..ان حاول فسيوقفه انور..لا يمكنه قتل والدته.
فصرخت سرايا قائله:انها ليست والدة انووووررر..ليست هييي.
ثم خرجت من الحانه تراكه ذلك المتصنم مكانه..
كان اركان وسما ووالدتها يشاهدون التلفاز..حتي اوقفت سما احد القنوات الاخباريه التي تذيع خبر انفجار احدي المنازل في تركيا..
فشهقت قائله:يالهوي..في بيت انفجر في تركيا.
فامعن النظر الي ذلك الحطام..فظهر شبح ابتسامه علي ثغره وهو يقول بهمس:احسنتم!
نظرت سما بقلق قائله: انور في اسطنبول..يارب سلم.
نظر اركان اليها بعدم فهم..ثم حاول تشفي ما تقوله المذيعه..
عند درغام وانور..
خرج درغام من شركته في اسطنبول قائلاً:يلا نرجع مصر..كفايه قاعده لحد كدا.
نظر انور اليه قائلاً:طب تعال عاوز اشتري هديه لسما بالمره من هنا.
نظر درغام اليه وهز رأسه بالموافقه..ثم ذهبوا الي المول لكي يشتري انور هدية لزوجته..
فلفت انتباه درغام في احدي المحلات عقد من الألماس..اعجبه للغايه فدلف واشتراه من اجل فجر..كي تكون هدايتها الأولى بعدما تشفي..**ميعرفش اللي فيها ياعيني**
خرج أنور من المتجر المجاور لذلك المحل الذي فيه درغام..وبحث عنه فوجده يخرج من المحل وبسمه خفيفه تعتلي شفتيه..
فغمز انور قائلاً:لفجر مش كدا.
نظر درغام اليه قائلاً بنبره عاشق:هو في غيرها في بالي يعني!
فقال انور بحب:ربنا يجمعكم تاني علي خير.
فتحولت معالم وجه درغام وقال:مش هينفع.
عقد انور حاجبيه وقال:هو اي دا اللي مش هينفع؟!
درغام بقوه:ان فجر تبقي معايا تاني..مش هينفع يا انور.
كاد ان يتكلم الاخر فقال درغام منهياً الحديث:اقفل الموضوع يا انور..كل ما افتكره بيوجعني اكتر.
ثم سار امامه..فنظر انور بعدم فهم الي صديقه..احقاً ينوي الابتعاد عن فجر!!
مر شهر باكمله..لم يري به درغام فجر..واليوم هي اول مقابله بينهم..
فوقف امام باب غرفتها ونظم انفاسه ورسم ابتسامه هادئه علي ثغره..
ثم دلف ببطئ فوجدها تجلس علي فراشها وتنظر امامها وهي ضامه قدميها الي صدرها..وتحرك رأسها الي الامام والخلف بطريقه منتظمه..
فجلس درغام بجانبها..وحمحم قائلاً:احم..عامله اي يا فجر.
لم تبدي اية رد فعل ولم تنظر اليه بل ازدادت رأسها بالتحرك..
فقال درغام وهو يحك مؤخرة راسه بأسف:انا عارف انك زعلانه مني..وكمان مش طيقاني..بس ثم سحب كف يدها وضمه الي كفه وقال:بس كان لازم اعمل كدا يا فجر..ماكنتش هستني لحد ما تضيعي مني واقعد اندب حظي زي الستات!
ثم تنهد بقوه قائلاً:انا تعبان اكتر منك يا فجر..والله تعبان..تعرفي يمكن انا اللي محتاج المصحه دي اكتر منك!
ظل ينظر الي وجهها منتظراً ايتها ردة فعل ولكن لم يرمش لها جفن..
فوضع رأسه في الارض بأسى لعدم تحسن حالتها كما اخبرته الطبيبه..بل أيضاً خسرت جزء كبير من وزنها..
دقائق ثم ارجع نظره اليها قائلا:فجر..فاكره لما كنتي بتقوليلي خدني في حضنك عشان انا خايفه..ثم قال بنبره مرتعشه:جيه الدور عليا بقي انك تاخديني في حضنك شويه.
نظرت اليه بطرف عيناها ثم حركت اهدابها بسرعه..ومدت قدميها امامها فوضع درغام رأسه علي فخذها وضم خصرها اليه..
ابتلع لعابه بصعوبه بسبب تلك الغظه الواقفه في حلقه وقال:فاكره لما قولتلك انا مبخافش علي حد يا فجر..ثم لمعت الدموع في عيناه واكمل:طب فاكره لما قولتلك انا عمري ما عيطت علي حد بعد اهلي.
شعرت فجر بارتعاش جسده وارتجاف يده التي تحيط خصرها..
فأكمل هو بصعوبه:بس انا..عمري في حياتي ما خوفت قد ما خوفت عليكي يا فجر.
وهنا لم يتمالك دموعه وانفجر في نوبة بكاء قوية..وهو يكمل:انت اول حد عيطت عليه بعد موت اهلي..انا عيطت من خوفي عليكي..عارفه احساس العجز..دا احساس صعب اووي يافجر..مع كل صرخه كانت بتطلع منك بوجع..كان في سكينه بتنغرز في قلبي معاها.
كل هذا وهي تنظر امامها بشرود..ولكن عقلها يخزن كل كلمة منه..
حاول درغام كبح دموعه وهو يكمل:انا كنت مفكر ان الانسان اللي بعيط دا بيكون ضعف..ثم هز رأسه بالنفي قائلاً:بس طلع انه مش ضعيف انما انا اللي ضعيف يا فجر..انا اضعف مما تتخيلين.
اجهش في البكاء بقوه وهو يقول:انا كل يوم بقوم مفزوع من نومي علي صوت صريخك..مبقتش قادر يا فجر..مبقتش قادر اعيش حياتي..كل اللي حواليا بيأذوني..حتي اقرب الناس ليا..قتلوا اهلي.
تخيلي تصحي من النوم كل يوم وانت مش ضامنه ترجعي لسريرك دا تاني..تخيلي ان عمك وعمتك يتفقوا علي قتل ابوكي وامك..عشان ورث!
انا تعبت..تعبت جاامد..قوليلي انا عملت اي وانا صغير عشان اترمي فالشارع واهلي يتقتلوا..ثم قال بصراخ:عملت ايييي لكل داااا..لا صغير مرتاااح ولا كبير مرتاااح.
مسح وجهه بقوه ثم نهض ونظر اليها فلم يجد تجاوب معه..فظن انه يتحدث الي صنم..
وابتعد عنها قائلاً:تعرفي دا كان اكتر وقت كنت محتاجك جنبي فيه..بس..بس..ثم تنهد بقوه وكاد ان يخرج ولكنه لم شيء تحت فراشها..
فاغلق الباب مجدداً ونزل اسفل السرير واخرج الدوميه في يده بصدمه..
وهنا نهضت فجر من مكانها بقوه وجذبتها من يده بعنف واتجهت الي ركن الغرفه وهي تضم الدوميه الي أحضانه..
تقدم درغام اليها والشر يتطاير من عيناه وهو يقول:جبتيها منين يا فجر.
نظرت اليه بتوتر ولم تجيبه فصرخ في وجهها وعروق وجهه تنبض بشده قائلاً:جبتيهااااا منننييين يا فجر.
وهنا دلفت الطبيبه ومن معاها من الممرضين..فقال درغام بسخريه:هو دا العلاج يا دكتوره!
نظرت الطبيبه الي الدوميه وقالت بفزع:صدقني يا درغام باشا ماعرف دي جات هنا ازاي..انا اول مره اشوفها في ايدها.
نظر درغام بسخريه إليها ثم في لمح البصر انتزع الدوميه من يد فجر ‘القي بها الي الطبيبه قائلاً:وديها مكتبك.
وهنا جن جنون فجر وحاولت الوصول الي الدوميه ولكن درغام جذبها في احضانه قائلاً:كلكم براااا.
فتدخلت احدي الممرضات قائله:يا فندم هتحتاج مهدء عشان تنام.
رمقها درغام بقوه وفجر تتململ بين يده قائلا بشرار:قووولللت براااا.
فخرجوا خلف بعضهن يتستبقون للخارج ثم اغلقوا الغرفه..فدفع درغام فجر الي الحائط وابتعد عنها..
فصرخت الاخري قائله:اخدهاااا منييي تاااني..اخدتم بنتي منيييي تاااااني..انت اييي شيطاااان..انا شيفاك شيطااان...ثم بدءت في تكسير كل ما حولها وهي تبكي فتركها درغام تفرغ شحنتها..
فقالت بانهيار وصوت يحطم القلوب:انا كل يوم بسمعهاا..بسمع عيااطهاا..مش سيباني في احلامي..في حته مني نااقصه يا درغام..حتتته مني ناااققصصصصه.
ثم جلست علي الارض وهي تقول بصوت مبحوح:اول مره احس بمعني الفرااااغ الداخلي..انا حاسه ان روحي مسحوبه مني من يومهااا..بقيت بشوفها في وش كل عيله صغيره..رجعلي ليااان يا درغام..رجعلي بنتنا ارجوك.
فجلس درغام امامها وهو يمسح دموعها المنهمره وتاركاً دموعه تفبض بقوه علي حال صغيرته والي ما وصلت اليه قائلاً:هجبلك حقها يا فجر..وحياة كل دمعه نزلت من عيونك هجبلك حقها.
دفعته عنها ونهضت قائله:انا مش عاوزززههه حقها انا عاوزاها هيي.
هنا وطفح كيله منها فصرخ قائلاً:مااااتتت..خلاااص مااتتتت يا فجر..
فوقي بقييي خلاص ليان بنتنا ماااتت..وانا السببب..مفيش داعي للعذاب دا يا فجر..انا بقيت بتعذب كل ما بشوفك في الحاله دي..ارحمينييي.
نظرت اليه بضياع وقالت:وهما مرحموش بنتي لي.
فقال بصياح:عشان..عشااان..عشااان ابوها مرحمششش حددد..عشان هي ملاك فدفعت تمن افعال الشيطاان.
نظرت اليه بحقد وقالت:اطلع برا.
هز راسه بالنفي..فقالت بعناد:ماشي خاليك.
ثم اغلقت النافذه واصبحت الغرفه معتمه..وذهبت الي الفراش واعطه ظهرها ونامت..
استطاع درغام ان يرى جزء بسيط بسبب ذلك الضوء المتسلل من النافذه..ثم اتجه بجانبها ونام أيضاً..وهو يضمها اليه بقوه..
فحاولت هي ابعاد يده المحيطه بخصرها ولكنها فشلت..
فقالت بضيق:ابعد عنننيي..مش طيقه انك تلمسنيي..ابعد بقي يا درغغااام.
همهم بالرفض ثم دفن رأسه في عنقها..فشعرت هي بدموعه التي تتساقط علي عنقها فهدءت قليلاً..
ثواني وسمعت شهقاته تتعالى..فشعرت بالحزن والأسى علي حاله..
فقالت بضيق:خلااص متمشيش خاليك..بس بطل تعيط.
فقال بصوت متحشرج:حاسس بالذنب يا فجر..انا اللي خاليتك تكرهيني كدا..انا السبب في كل اللي بيحصلك دا.
لم تستيطع فجر كبح دموعها فقالت بصعوبه:مش انت السبب..ثم دخلت في نوبة بكاء وشدت علي يده التي تحيطها قائله:انا..انا مش بكرهك يا درغام..ان..انا بس قلبي ناره قايده علي ليان..كل يوم قبل منام بشوفها بتتقتل قصادي..مبقتش مستحمله اكتر من كدا.
ضمها اليه بقوه وقال:نامي يا فجر..ارمي جراحك علي صدري وانسيها.
مسحت دموعها وقالت:حاضر.
لا تعلم كم من الوقت نامت..فاستيقظت بفزع وهي تنظر حولها وتحبث عنه فلم تجده..
نهضت وكادت ان تخرج فوجدته يدلف مجدداً ويده خلف ظهره..وبسمه متذبذبه تظهر علي شفتيه..فاندفعت اليه بقوه وهي تضمه اليها وتقول:فكرتك سبتني تاني.
احضتنها قائلاً:لا خلاص مفيش فراق بعد كدا.
ثم سار بها واجلسها علي الفراش ثم جلس قرفصاء امامها..ونظر في عيناها بتأمل..
درغام بهدوء:تعرفي يا فجر..انا مش عاوزه حاجه من الدنيا دي كلها غير انك ترجعي تضحكي تاني..وتنوري دنيتي.
ثم تنهد بقوه واخرج الدوميه من خلف ظهرها ووضعها علي قدميها قائلاً:طالما انت متعلقه فيها كدا..فمش هقدر احرمك منها يا نور عينيا.
ثم طبع قبله طويله علي جبينها ونهض قائلاً:هبقي اجيلك كل يوم..بس دلوقت عندي حاجه مهمه لازم اعملها لانها هتغير حياتنا كلها بعدين.
ثم اضاف بمزاح:متغلبيش الدكاتره معاكي..انا سمعت انك ضربتي ممرضه بالكرسي في وشها..براحه شويه عالناس دول مش قدك.
ثم استدار بظهره..ليخرج فوجدها تمسك ذراعه من الخلف فوقف مكانه..فأتت ووقفت امامه قائله بخفوت:درغام..انا عاوزه اتعالج.
ثم مدت يدها بالدوميه إليه..فنظر اليها بصدمه وهي يتناول الدوميه في يده..فقالت مكمله:عاوزه ارجع اعيش معاك في بيتنا..ثم وضعت يدها علي رأسها قائله بترجي:خرجوها من دماغي يا درغام..خرجوا الجزء دا من حياتي من جوا عقلي..انا تعبت.
احضتنها درغام بقوه وهو لايصدق ما سمعته اذنه للتو..ورفعها عن الارض حتي اصبحت اذنها امام فمه فقال بأمل:هتتعالجي يا فجر وهترجعي كويسه..بس ساعدي الدكاتره يا حياتي ساعديهم يا فجر.
هزت رأسها بالموافقه..فقبل شحمة اذنها..ثم انزلها ومسد علي شعرها قائلاً:خدي العلاج في وقته يا فجر..ولما تحسي انك بدءتي تفتكري تاني اللي حصل..فكري في حاجه بتحبيها او مواقف حلو عشتيها..صدقيني انا بقالي 15 سنه ماشي بالشكل دا من غير دكاتره.
نظرت في الارض ثم رفعت عيناها في عيناه وقالت ببسمه:خلاص هفكر فيك!
نظر اليها بعشق بالغ ثم احضتنها مجدداً وهو لايصدق انها بدءت تستجيب مجدداً اليه..
ثم ابتعد عنها ووداعها بحراره..وخرج من غرفتها وسار في الممر فلمح الطبيبه وهي تنظر اليه بفزع فابتسم بشر واكمل طريقه الي الخارج حتي استقل سيارته ثم نظر الي الدوميه في يده..والقاها علي الاريكه الخليفه..
وقال بصوت يشبه فحيح الافاعي:نبدء اللعبه بقي.
ثم اشعل محرك سيارته وانطلق بسرعة البرق الي وجهته المجهوله..
دقائق حتي توقف درغام امام احد المخازن..ثم ترجل من سيارته فوجد عدي وانور امامه..
درغام بقوه:جوا؟!
انور بجديه:زي ما طلبت..حياً يرزق..بس خفلنا عليه شويه.
فنظر درغام اليه بشرار فقال انور:وربنا ماكانت فكرتي دا عدي هو اللي حرضني عليه اسأله حتي.
نظر عدي ببراءه وقال:انا يابني؟؟..ثم نظر الي درغام وقال:انور هو اللي قالي تعال يا واد يا عدي نعمل نمره عليه وانا قولتله تؤتؤ درغام يزعل.
تشنجت معالم وجه انور وهو يقلد عدي قائلاً:بقي انت قولت تؤتؤ درغام يزعل!
عدي بحنق:اومال انا اللي قولت تعال يا واد يا انور نعمل عليه نمره مثلاً!!
نظر درغام اليهم بيأس ثم دلف تاركاً إياهم يتعاركون سوياً..
دلف بغروره المعتاد واشار الي الحراسه بفتح الباب..
ودلف وهو يحاول كبح غضبه ولكنه فشل مع اول نظره من رجب اليه..فهجم درغام اليه وهو يقول بصراخ:قتلتوهاا ليييي..ثم سدت لكمة قويه الي وجه رجب وقع اثرها اسنانه..
فصرخ الاخري بترجي:والله ماكنت اعرفففف..والله العظيم يا درغام باشا مااااعرفف..ارحمني يا باشا.
وكأن الاخر في عالم اخر..ظل يضربه بكل ما اوتي من قوه وهو يتذكر صرخات طفلته الاخيره..وألم فجر القوي..
وهنا استفاق علي يد عدي وهي تمنعه من قتل رجب رمياً بالرصاص..
وعلي صياح انور المترجي:سيييببه يا درغام مش هنعرف مكان سامر غير مننننههه.
نظر درغام الي ذلك الملقى ارضاً علي مشارف الموت..فادخل سلاحه في حزامه الجلدي ثم نزل اليه وحمله من لياقته قائلاً بصراخ:انطققق..هما فيين.
حرك رجب رأسه بتألم حتي التقت اعينه في اعين درغام وقال بترجي:هق..ولك..بس..وحياة الم..دام عن..دك..ما تقتلني انا عا..وز اعي..ش حي..اتي بعي..د عن كل الق..رف دا.
صفعه درغام بقوه وهو يقول:متجبش سيرتها علي لسااانك فاااهمممم.
قبل رجب يد درغام الممسكه به قائلاً ببكاء:والل..ه العظ..يم ماع..رف انهم هي..قتلوا الص..غيره.
نظر درغام اليه قائلاً بشرار:مش انا اللي هحدد مصيرك..فجر هي اللي هتحدد لما تفوق..ثم صرخ قائلاً:انجزززز..وقتي اكبر من اني اضيعه معااك.
بثق رجب الدماء من فمه وقال:في..في كندا.. في مقاطعة ساسكاتشوان.
