رواية مقبرة الاحياء الفصل الثاني والثلاثون 32 بقلم سارة جعفر
مقبرة الأحياء البارت 32
بين الفقرات عشقي 
.
.يـ سلاية نخل بـ الگلب نابت حيـــل..
مبتسمه وأباوع عليه بيناتنا مسافه دزلي بوسه بالهوى
-بوسه للترفات الحارمتني منهن.
خزرته مستحيه ونترت
-شجاك صاير فد مره مستهتر؟
-بعدچ ما شايفه شي مني كبد.
-تعرف روحك سرسري
رفع حاجبه وحط أيده بجيبه
-أدري بروحي چا شلون ما أدري.
طگيت أيدي متحسفه وبالشقه گتله
-راحت تربيتي هدر..
-بـ*** بشط
-نقطة بحر
حچينا بنفس الوكت
فكيت حلگي صافنه عليه وهوَّ ضحك
-فرق ثقافات.
-صاير تضحك هواي!
-چا شلون بله الواحد يكض حلگه حاسدتني على الضحكه؟
-لا عمي ما حاسدتك شحچينا على كيفك!
-لوتيه تريدي تسوي عركه مو؟
-أيباه شلون عرفت؟
-دروبچ حافظهن.
-حرامات..
أبتسملي ومن ردت أطلع سويتله بأيدي باي وهوَّ دزلي بوسه، طلعت لأن تأخرت بغرفته وخاف واحد يشوفني وعلى حظي لگيت زهراء هِيَّ ولارا ويمهن كلارة شافني طلعت من غرفته بلعت ريگ بتوتر..
زهراء ولارا وحده تباوع للثانيه مبتسمات
رجعني باوعلي بمكر وحيله ضحكت لارا فرحانه
-ها ولچ طلع بيچ بله وأنه أگول البت هاي فقيره!

زهراء: خوفچ من الخوينس..
لارا: أي والله خيه وأنه شايله همها!
زهراء: أمدانا ولچ هاي وريده تغطچ بالشط تطلعچ عطشانه.
كلارة: ها عيني خيير شو هديتن على صاحبتي؟؟
زهراء: صاحبتچ طلعت مو هينه، ما تسولفيلنا خايبه شبيچ!
وردة: أوگفن ترى صافنه عليچن خاله كلتني وشربتني فجر ودت هدومه بأيدي لغرفته وهاي هِيَّ سويتني ما أدري شني على كيفچن!
لارا: ولچ ليش تچذبين ترى شفناچ من مسااااع طبيتي لغرفته!

كلارة: ونتن شني تراقبنها؟
زهراء: لا نسولف وشفناها وعود أنتظرناها شو هاي سيست بعد ما طلعت أدري الهدوم گاعده تغسلينهن وهيچ بطيتي؟
وردة: لا لا والله شمالچن...
لارا: هههههههه ولچ چا أحنى نكيف ونفرح ألكم إذا واحد يحب الثاني غير أرگص أنه وأبني.
باوعتلي لارا مبتسمه أيدها على بطنها
-يوم الألچ عيوني..

وردة: يوووه والله عدچن سوالف!
ضحكن وأنه عفتهن ورحت للغرفه ميته خوف عزا بعيني شمالني ثوله همزين البنات مو غير واحد، ثاني يوم طبيت للمطبخ حطيت القوري على النار والتفتت على الهول بي أصوات وادم غرب عگدت حاجبي والتفتت على كلارة الگاعده ومتچتفته بضوجه
-ياهو عدنا؟
ما ردت عليَّ ولا عبالك جاي أحاچيها
-هيو كلارة شمالچ؟
أستغربت عليمن ما تردلي عبالي زعلانه
بس هِيَّ حتى وجها يريد ينفجر گد ما مطنگره طبت زهراء سألتها
-أگلچ هاي النسوان العدنا منين؟
-أخت عمتي آمل وبتها.
-ها هالگول ما سامعه صوتها من گبل.
-أجن علمود ضيغم سمعن بي مريض..
-خطيه
-علاقتها قويه بعمتي جاي يرهمنهم سوى، يردن يعرسن تبارك بت أخت عمتي لـ ضيغم.
ضحكت مستغربه
-من شوكت هاي شو ما ندري؟
-خيه من زمان هنَّ يردن تبارك لـ ضيغم.
-خطيه الزلمه وكت عرس هسه حتى ما يسولف!
بچف أيدها طگت على أيدها الثانيه وهزت راسها
-أي والله، من شوكت ضيغم لحيته تصير عبالك عنده فاتحه ولااا يضحك ولا يسولف وين چان ونسة البيت..
حطت أكثر من عصير بصينيه وراحت للهول تقدمه ألهن
گعدت بصف كلارة حابسه ضحكتي وأباوعلها
-وأنتِ ست ليش ضايجه؟
باوعتلي بطرف عينها ساكته وأنه أهزلها بحواجبي
-لأن ضيغم راح يعرسونه؟
-وخل يعرسونه يطبه مرض.
-تقنعيني ما ضايجه لأن راح يعرسونه؟
-لااا..

التفتنا ثنينا على صوت ضيغم وهوَّ يسلم عليهن نزل من غرفته وراح للهول گعد يمهن بس أمه وخالته وبتها، أحنى گاعدين بالمطبخ نگدر نشوفهم كلارة تباوعلهم بضوجه وتبارك أول ما گعد ضيغم چانت گاعده بصف أمها راحت گعد بصفه تسولف وياه بصوت ناصي..
ضحكت وبسرعه كتمت ضحكتي والتفتت على كلارة رافعه حواجبها ما عاجبها ومركزه وياهم، ضيغم ضايج مهموم ومدنگ ساكت وهِيَّ بصفه تسولف وياه مدنگه تحاچيه، التفتت على كلارة أحاچيها
-خطيه جايه تواسيه..
أستغفرت ساكته وأنه أضحك بخفوت
أدري هسه محروگ گلبها وجاي أتشمت بيها لأن طول الوكت حاطتني تتشمت بيَّ لازم نردلها الواجب، تأفأفت ضايجه
-ترى أنه ما ضايجه لأن راح يعرس!
-چا عليمن ضايجه؟
-هوَّ چان صاحبي الچلب شلون يروح يحچي وياها ويصاحبها؟
-يممممه صاحبببچ شني؟
-يعني أقصد چان صديقي..
-نفس الشي ترى!
طگتني محترگ گلبها وزمخت
-وسم شمالچ تدورين عليَّ الزله!
-چا شني صاحبچ وين گاعدين خاله؟

-ولچ أقصد أنه وياه علاقتنا قويه ليش يروح يحچي ويَـ بنيه ثانيه غيري!
هااا يعني تردينه يتزوجچ أنتِ؟
-شماااالچ تدورين الغلط عليَّ وتدققين بكلامي مسويه روحچ عود مدققه بالكلام وتفتهمين؟؟
ضحكت وهِيَّ نزلت عليَّ دوسه ونص بالرزايل ذبت حرگة گلبها كلها بيَّ، سكتت عنها وتحملتها لأن خطيه كلش مقهوره ومغثوثه والنوب التفتت حاطه أيدها جوه خدها وصافنه عليهم وأحس نار تطلع من عيونها
والبنيه بعدها تسولف أعتقد جاي تواسيه لأن هوَّ بس يهز براسه ساكت وهِيَّ تسولف، أبتسم گوه على روحه والتفت عليها وحچه بصوت مسموع
-شلونچ أنتِ؟
فكت عيونها كلارة وضغطت على أسنانها
من القهر يمكن صخنت هزت راسها متحلفه
-سهله ضيغم إذا ما فشخته بطابوگه أشگ راسه بالنص..
-صلي على محمد يمعوده ما تسوى السالفه!
-خل يولي الچلب هوَّ وهاي الچلبه..
-البنيه مالها غرض روحي أكتليه هوَّ، صيري مثل مرة أخوچ رحت خنگته روايته الموت.
-سهله سهله خوش ضامتله كتله
-عفيه عليچ شوفي شلون فرحان وياها!

-النذل من يشوفني الفظ أسم زلمه ينگرص..
طگت على رجلها بحرگة گلب
ورفعت چف أيدها لامه الأبهام والسبابه وتهز بأيدها
-إذا ما أخذت رقم مُهيب من تلفون حرّ وأخليه يجي يخطبني ونتزوج أنه وياه ما يطلع أسمي كلارة.
طگيت خدي بشهگه
-يا يا مو هيچ چا وعرض حُرّ؟
باوعتلي بطرف عينها ضحكت، التفتت على صوت خطوات وراي شفتها تبارك طبت للمطبخ بأيدها الصينيه بسرعه گمت سلمت عليها وگتلها
-يا يا خيه المن شلتيها صدگ چذب أحنى نجي نشيلها.
حچيتها من باب التعزيب
هزت راسها مبتسمه وخلت الصينيه على السنگ تسولف بهدوء
-لا حبيبتي عليمن أتعبچ مو غريبه أنه.
هزيت راسي مبتسمه
-بعد روحي من أهل البيت أنتِ.
كلارة ولا باوعت لتبارك من طبت لحد هسه
حسيت البنيه حابه تبقى تسولف ويانا
-أنتِ وردة مو؟
-أي عمري أنه.
-چنت حابه أشوفچ من أجي والحمدلله شفتچ..
أبتسمت أباوعلها بأستغراب
لأن أول مره نلتقي منين تعرفني وهِيَّ مبين أفتهمت عليَّ بسرعه گالت
-خالتي آمل دائمًا من تجينا تسولف عنچ وعن أخوات حرّ تموت عليچن وهواي تمدح بيچن بحيث من گد ما تحمست گلتلها من أجي أريد أشوفهن..
-بعد روحي حبيبتي چا ما نكيف نتشرف بيچ، أي والله خيه خالتي آمل وين أكو منها.
أبتسمت واگفين على جهه بالمطبخ نسولف أنه وياها
-والله أنه بس سمعت بَـ ضيغم مريض أجيت، خطيه خالتي تبچي عليه حيل متغير چان مو مثل هسه بس هم حقه صاحب عمره مو هين عليه، مقهوره عليه هواي..
-أي والله حتى أنه مقهوره عليه، ما يرجع ضيغم نفس گبل اله يرجع جسام على حيله..
-أن شاء الله يتشافى بأسرع وكت.
-آمين حبيبتي..
ترخصت وطلعت من المطبخ وكلارة حرف ما حچت
تقربت گعدت يمها وهِيَّ تنفض بهدومها بعصبيه وگامت
-حلوه هاي فوگ ما أخذت ضيغم النوب تاخذچ وأضل أنه شسوي بس أصفن؟ خاف بعد شويه تاخذ هدومي؟
حچتها فرت أيدها وراحت ضحكت من كل گلبي حقها تغار حقها أبد ما الومها لأن أنه إذا أغار أفور أصير، لا وين والله فقيره أنه وغيرتي عاديه أصلاً..
-كلارة: رحت گعدت بالحوش، أصلاً ولا ضايجه بس القهرني إذا جبت طاري مُهيب لو أسم زلمه على لساني يضوج ويشبعني غلط ويكتلني وهسه أسكتله وهوَّ گاعد وياها ويسولفون لا والله ما أسكت شني حلال عليه وحرام عليَّ أطلعها من نص عيونه وعلي.
طلعن هنَّ من البيت ومرت خالي آمل وصلتهن للباب وگفن بصف الباب وضلن يسولفن شكثر وأنه أيدي على خدي، دخيل بختچن صارلچن ساعه واگفات على الباب تسولفن خو طبن لجوه وكملن سوالفچن..
مركزه ويَـ تبارك والكره والحقد بگلبي يزيد على ضيغم أهز برجلي متنرفزه والخنگه موتتني راحن هنَّ بس شيروح القهر الـ بگلبي؟
گاعده وحدي ضايجه مو مثل يوميه أروح أضحك وأسولف ويَـ البنات، نفتح باب الحوش وطب هوَّ بعده ضايج ومقهور رفع أيده يسلم
-السلام عليكم.
ما ردت عليه
أحس راح أنفجر من الخنگه أباوعله بطرف عيني أستغرب وعگد حاجبه
-شمالچ كلارة؟
-شمالني؟
-شو حتى السلام ما رديتيه!
-عليمن أتعب لساني على هيچ شكولات؟
-أه هيچ صار الحچي!

-دروح عني روح وكفيني شرك..
-ليش شمالچ حتى أحنى ما متعاركين؟
-لا أحاچيك ولا تحاچيني بعد.
-ها شني فلت وأنتهت وياي؟
-أي، والصحبه نسيناها.
أبتسم ومسح وجهه بأيده
چان يم باب الهول يريد يطب بس ما گدر لأن شافني حيل كارهته حتى نظراتي اله متروسه حقد تقرب وگف گدامي وأنه دايره وجهي
-والله تعبان ومالي خلگ شصاير؟
-مالك خلگ وگاعد تدگ سوالف ويَـ النسوان چا إذا الك خلگ شتسوي!
-يا نسوان يا دنيا شمالچ شو تمسلتين؟
رافع أيده بوجهي يحچي زمخت بي
-لا تحط أيدك بوجهي شني تريد تعمي عيني علمود ما أشوفك شلون تسولف ويَـ النسوان؟؟؟
-الي خلگ نسوان بهل زلگ؟
-وشني تبارك زلمه!
-شوكت حچيت وياها؟
-خرب عرضك على هذا الچذب لو ما شايفتك بيها مجال بهاي عيني شفتك وبهاي آذني سمعتك تگلها شلونچ بله عليك الله ما أستحيت؟
چا وإذا بت خالتي وسألت عليها وين الغلط؟
رفعت حواجبي متنرفزه وگمت على حيلي ضايجه
-چا أنه وحد من ما ترضى أحچي بزلمه؟
-لا كلارة لا تضلين تخوطين ترى أكو فرق!
-وشني الفرق بله نورنا عيني أستاذ؟
-أنتِ تدوسين بالبطن ومن تحچين عن زلمه مثل ذاك الما يتسمى وتگولين أحب العيون الخضر عيب جاي تتغزلين بزلمه گدامي شني السالفه!
-لا بله، چا أنتَ جاي تقرآلها قرآن غير تريد تتزوجها!
-منيلچ هل حچي والله تخوطين بصف الأستكان أنتِ.
-ما تريد تتزوجها يعني؟
-ولا بالي أصلاً..
-زلمه مشورب طول بعرض وتچذب والله عيب!
فريت أيدي ودرت وجهي
حسيت بي تنرفز مشى خطوتين عني منطيني ظهره
-أروح أحسن ما نتعارك هواي چفصتي.
أحس أشتعلت بيَّ نار الدنيا كلها
حتى ما گعد يبررلي لبسني وراد يطب بدون حتى كلام!
لو مهتملي وعيونك تعزني چا هديتني وما نرفزتني
مو عايفني وحدي وملتهي بناس، هاملني وبرودك مستفزني.
الأستاذ شافني أزعاجته بكثرة كلامي أحس گلبي ضل يفور چان خانگني ويلعب لعب لو حچيت بواحد وهسه ما يريدني أحاسبه شو والله اليوم أخلي يومه اسود..
6
بحرگة گلب جريت طابوگه من الگاع أكو هواي هنا لأن عدهم ترميم، بدون حتى ما أباوع على الطابوگه شمرتها عليه وأجت براسه فشخته كض راسه من وره يصيح
-اااخ..

التفت عليَّ خازرني بعصبيه وشو هذا أيده أنترست دم چنت مبتسمه بشماته بهت وجهي وبلعت ريگي تقرب عليَّ بس ما گدر لأن الدم ترس رگبته ينزل من بين مشابچ أصابعه رگبته صارت كلها دم بلحظات!

بلعت ريگ وبسرعه تقربت عليه
أباوع لرگبته كلها دم ما تنشاف أريد بس المح لجرح، نخبصت خايفه لأن مبين الجرح چبير وغميچ ما دام هيچ ينزف، نكث أيده يغلط عليَّ
-رعععععنه
ما أرد عليه من الخوف بس أكل بأظافري
-يمممه راح تموووت!!!
على آثر صوتنا العالي وعلى حظي المصخم طلعت مرت خالي آمل أول ما لمحت ضيغم متروس بدمه شهگت وضلت تصيح وتدگ على خدها، أجت تركض عليه خايفه تگلب براسه وتدگ على روحها
-يممممه أبننيييي مااات..
فقار: شكو يمه شكو؟
1
آمل: ولك يمههه الحگ لأخوك دمه بطوله..
5
ضيغم: لا تكبرين السالفه يمه الجرح شطح.
آمل: وينه صغير ولك راسك يخر دم!!
فقار: شو بله چنه غميچ؟
تقرب عليه يشوف راسه يدور على الجرح وأنه تمنيت بهاي اللحظه أختفي من الفشله والخوف، أمه تزلغ بخدودها وجها أصفر وتصيح مات أبني وفقار هم من وجهه مبين خايف عليه لأن الدم يخرع حتى هدومه أنترست دم نخبصو بيه أمه تباوع براسه وفقار شغل الماطور وجراه يغسل راسه بالصونده..
وهوَّ مدنگ راسه متبلل هوَّ وهدومه بالماي والدم
-شالقضيه لا تكبرون السالفه هِيَّ فشخه..
فقار: ما تسكت لا هسه أنه أشگ راسك بالنص.
آمل: أخذه للمستشفى يمه أخذه..
فقار: بس أنطيني صبر يمه خل أشوفه.
ضيغم: يا مستشفى شمالكم صدگ چذب!
آمل: كلارة يمه جيبي سويج حرّ خل ياخذه بسرعه بعد روحي
هزيت راسي بسرعه ومشيت مستعجله
أشوفها رافعه أيديها وراسها شهگت من كل گلبها وصاحت
-كسر بأيد الچلب الفشخك كون تنكسر أيده..

عثرت وأجيت أطيح على وجهي بس بسرعه كضيت بالباب وطبيت خايفه لجوه وگلبي يدگ وأسمعهم يسولفون
فقار: ياهو فشخك متعارك؟
ضيغم: لا خويه چا شني نتعارك بالطابوگ؟
آمل: چا يا منعول الوالدين فشخك؟
ضيغم: الفروخ يشامرون وأجت براسي الطابوگه..
طبيت لجوه أدور على حرّ أول ما لمحني گام
-شكو؟
-لا ما أكو شي بس راح ياخذون ضيغم للمستشفى.
-شبيه؟
-مفشوخ ما أدري ياهو فشخه وراسه نشگ.

بسرعه طلع وأنه رحت وراه
حتى ما لحگت أگله يردون السويج أول ما طلع شاف الماي والدم بالگاع بصف ضيغم وراسه ما گطع من النزف، بسرعه فقار التفت على حرّ
-بلا زحمه خويه سويچ سيارتك أخذ ضيغم أخيط راسه سيارتي بحي الصانعي..
مد أيده حرّ بجيبه طلع السويج وأنطاه لفقار
-هاك خويه أروح وياكم.
-هسه جاي من شغلك، أنه أخذه..
بقو يداهرون بيناتهم حرّ يريد يروح وياهم وفقار ما يرضى
ضيغم رفع راسه يباوع لـ حرّ ويرجع يباوع لفقار
-شو چنكم زودتوها شني زعطوط جرح هلگده كبرتوه أنه أروح أخيطه وحدي وأرجع.
فقار عاف الصونده وسحله سحل طلعه لبره خذاه للمستشفى علمود يخيطون راسه وحرّ طب لجوه أمه راحت تلم الصونده تريد تمسح الماي والدم بسرعه أخذتهن منها لأن شفايفها بيض وجها أصفر من الخوف
-روحي خاله روحي أنه أمسح بدالچ رتاحي أنتِ.
-بعد روحي يا يمه، ريت كسر بالفشخه..

شلت الصودنه ومسحت الماي والدم
خانسه ميته من الخوف أسمع وراي صوت ضحك وردة
-تقتلين القتيل وتمشين بجنازته..

باوعتلها ضايجه وتقربت عليها متوتره
-ولچ ما توقعت هيچ يتعور يوميه أفشخه اليوم شماله!
-چا أنتِ شفتي الطابوگه الطگيتيه بيها؟

-صغيره والله
-بس كلش حاده
-ولا منتبهه
-خطيه خليتي دمه بطوله والله عيب عليچ
-غير هوَّ حرگ گلبي..
5
-المفروض ما تطگينه هيچ
-شمدريني عود ردت أضوجه ونتعارك..
-والنوب وديتيه للمستشفى مو تعاركتو.
خل يولي ترى هوَّ مو خير يستاهل الفشخه.
+
حُرّ: تچذبي عليَّ ولچ أنتِ فاشخته!

-وردة: فزت كلارة خايفه على آثر صوته الحاد وجمدت بمكانها أجه بسرعه عليها صاير نار وجهه ما يتفسر من العصبيه بلعت ريگي بخوف من وحدي خفت ما أدري شلون سمع كلامنا خزرها وزمخ
3
حُرّ: طيح الله حظچ يا رعنه شلون تفشخينه مخليه الزلمه دمه بطوله وأهله مبتلين بي رايحين يخيطون راسه كل هذا من وره راسچ بله ما أستحيتي؟

كلارة: حرّ بس أسمعني...

حُرّ: أششششش ولا حرف رعنه، شمسويلچ وتفشخينه ماكل خير أبوچ بت القندره.

باوعتله مهضومه وسكتت ما ردتله
وهوَّ خزرها يعت بأيدها ويزمخ بوجها حچيت بخوف
-شبيك حُرّ شنو السالفه تشاقه وياه...

التفت عليَّ وما خلاني أكمل كلامي صاح بوجهي
-أنتِ أسكتي ما أسمعلچ صوت لا وستر زينب أطبگچ وياها.

بهت وجهي وسكتت محتقنه أباوعله، صبرت روحي وسكتت لأن هسه الوضع مو مال عركه بس والله لو مو بهيچ وضع والسالفه ما بيها كلارة چا لعبت لعب سكتت لخاطرها علمود ما تحس بالأحراج وتشوف روحها ترزلت وحدها..
2
حُرّ: أكلااان الخرا هذا شنهي، الميانه الوصخه هاي مالتيش ولچ شلووون تفشخينه لو طگه عاديه تنبلع شاگه راسه من الطول للطول وهوَّ زلمه مريض وتعبان وكت شقه وكت شيب أبوچ؟؟؟
51
بلعت كلامها وسكتت حتى ما تگدر تسولفله السبب بقت بس تبچي دموعها تصب وساكته وهوَّ محروگ گلبه ومستمر بالرزايل وكل شويه حطني وياها شلي غرض أنه ما أدري، وهِيَّ نفجرت بالبواچي من شاف دموعها سكت مختنگ ونتر
-روحي.
12
أول ما نطق حچايته عافت المكان وطبت للغرفه تبچي التفت عليَّ خزرته وطبيت وراها، هسه هوَّ ما مفتهم السالفه عباله هِيَّ طاگته من وحدها بس همَّ دوم هيچ حتى ضيغم يكتلها وما تحچي ميانه بينهم بس يمكن وره الموقف هذا كلارة كرهت ضيغم كلش..
رحت أباوعلها بعدها تبچي طلعت عفتها تعيش قهرها وحدها وفجر سألت عليها وراحتلها للغرفه..
3
-موج: رحت لغرفة أمي غطيتها وبستها وهِيَّ نايمه سوده عليَّ كلش ذبلانه وتعبانه، گاضيه أيامها منتظره أبوي يرجع لأن صارله أيام هوَّ ماكو أختفى عبالك بلعته الگاع..
74
بس هِيَّ مو حُبًا بي، لأن خايفه على مصير أطفالها المجهول بدونه صحيح هوَّ وجوده وعدمه واحد بس على الأقل مدبرلنا مصروف قليل، وين چان أبوي وين صار گعدت بالليل وحدي وأيدي على خدي أستذكر ماضينا
أبوي وأمي أتزوجو عن حُب، وچانت حيل تحبه لأن بابا قبل چم سنه دخل بالطريق الأعوج وصار مو خوش إنسان وتغير جذريًا قبل چان إنسان بسيط وعلى گد حاله حالتنا الماديه چانت مو شي بكل شغل يشتغله يخرب ويخسر ما يربح وهذا الشي خلاه مره بعد مره وسنه بعد سنه ييأس من حياته ويضوج من شغل الحلال..
2
هوَّ إنسان حيل شاغول ويشتغل كلشي بس للأسف ما فلح وياه شي وكل مره يشوفنا محتاجين ينقهر حيل لحد ما دخلو لحياته أصدقاء سوء وتغير أبوي النعرفه تغير وصار غير إنسان لحد ما صار يتاجر بالمخدرات ويتعاطه ولأن يتعاطه ويبيع ويشتري هم خسر..
2
هوَّ من دخل بهذا الطريق، يگول مليت وأريد أصلح حياتنا وما أريدكم تحتاجون شي بس صار يكرهنا أني وأمي بسبب تأثير المخدرات على عقله وثاني شي بسبب وگفنا ضده ما راضين على هذا الشغل الحرام وگعدنا وياه هواي وحچينا بس للأسف فات الأوان بابا صار ما يسمع النا ويسمع بس للشيطان.
1
هواي چان يگول أريد أعيشكم عيشه براسها حظ، لهذا السبب دخل لطريق هذا بسبب الفقر بس هذا الشي ما يغفر اله طريق أعوج ومو زين ومؤذي ودخل لحياته رزق حرام ولهذا السبب ما توفق وخربت حياته كلها
دمعت عيوني أمسحهن بأيديَّ مقهوره، من تذكرت هوَّ شلون چان يعاملني حيييل يحبني ومدللني چنه عائله بسيطه وهادئه، گمت من مكاني من تذكرت الجثه المحروگه الشفتها خفت وبسرعه طبيت للغرفه..
1
لأن كُل ما أتذكرها أموت من الخوف، ما گدرت أنساها من خوفي منها تمددت على فراشي وغطيت راسي بالغطا بخوف مغمضه عيوني بقوه وگلبي يدگ خايفه تمنيت ما شايفتها منظرها مخيف بكل مكان وكل زاويه صرت أشوفها من خوفي، نمت وأني ميته خوف وأفكر منو ممكن يكون صاحب هاي الجثه وشنو قصته ومات هيچ موته شنيعه؟
33
گعدت ثاني يوم أفرك بعيوني
هسه گاعده من النوم وشفت فلوس بأيد أمي تأفأفت مخنوگه
-هم تداينتي؟؟؟
1
رفعت راسها الي بخيبة آمل
-شنو أسوي يا أمي، أبوچ لهسه ما بين ما أعرف نكتل ما أعرف نسجن وأبو الأيجار يريد والبيت يريد وأخوانچ صغار وما يفتهمون ويردون منين أجيب؟
ومنين نرجع نسدد الديون؟
-الله كريم..
+
-ماما والله أحس جبال من الهموم على ظهري!
-ربچ أكرم وأعلم بحالنا..
-زين شلون راح ندبرها؟
-أشوف هذني الفلوس وين يودنا، وتعرفين جارتنا خديجه واحد من يوصيها على شغل تشوفله وأني وصيتها تشوفلي شغل أشتغله.
3
-تحچين صدگ ماما تالي عمرچ تشتغلين؟
-شنو أسوي گليلي؟؟؟ لا تزيدين همي منين أجيب لا أم العندي ولا أبو ورجلي ما بي خير شوكلكم خل أشتغل عاد أعين البيت بمصرف.
1
-بس ماما ما يصير والله ما يصير تشتغلين!
-يصير ماما ليش ما يصير اليريد رزق حلال يشتغل.
-بس لا تشتغلين من الشغل التجيبه خديجه
-ليش؟
2
-خلينا نخلص هاي الفلوس ونشوف شلون ندبرها..
-وشنو الشغل النوب يجي يدگ بابنا؟ ماما شبيچ ترى الشغل مو بسرعه يجي ولا ينتظرك، أركض على زمانك يله تلحگ أنتِ تبقين يم أخوانچ وأني أروح أشتغل.
تخوصرت رافعه حاجبي
-وشنو هذا الشغل بله؟
دنگت عينها وحچت بقهر
-خدامه..
16
رفعت حواجبي مصدومه وضربت رجليَّ ثنينهن
-خداااااامه ماما خدااامه، ولچ يمه فدوه لعينچ جاي تستوعبين شنو التحچينه بهذا عمرچ وتشتغلين خدامه والله العظيم ما تشتغلين.
گعدت بالگاع تعبانه
-شلون بله شبيها الخدامه شغل بشرف ومستورين والحمدلله.
+
-والله العظيم ما تشتغلين.
-ليش؟
-ماما تنظفين للناس تخدمين الناس شلون ينطيني گلبي؟
1
-شبيدچ تسوين؟
-أني أشتغل.
4
صفنت عليَّ وهزت راسها ما قابله
-بدون نقاش موج ما تشتغلين!
-وليش ما تقبلين عليَّ؟
1
-ليش تكسرين ظهرچ وتدمرين روحچ أنتِ بعدچ شابه والدنيا وراچ ترحين تشتغلين وتتحملين الوادم العكره وكل أنواع البشر علمود تصرفينه عليَّ وعلى أخوانچ!
-ماما فدوه أروحلچ يا حياة ما تگليلي، مدرسه ومبطله ولعلمچ زواج ما أتزوج كلش شيليها من بالچ لو أموت ما أتزوج علمود باچر عگبه إذا صارت وحده من الثنين يعيرني أموت وعلي تضربني جلطه وأموت..
-وشنو تبقين كل عمرچ هنا أني ما دايمتلچ
-ترى قبل لا أنام بچيت هواي لا ترجعين تبچيني..
1
-شلون بله ما أموت كلنا نموت.
-أي تردين تكملينها عليَّ أسكتي فدوه لگلبچ..
تأفأفت ضايجه ندگ الباب وأجتنا جراتنا خديجه
گعدن هِيَّ وأمي بالصاله يسولفن وأني جبتلها ماي وعصير
-ياا خاله شنو السالفه قابل أني غريبه والله عيب عليچن..
أمي ردتلها وبقن يسولفن شويه
ودخلن بالموضوع وأني مركزه وياها وهِيَّ شربت ماي وسولفت
-داده جبتلچ شلون شغل على عينچ ببيت يهد الحيل قصر قصر تفهين من تشوفينه قابل مثل حظوظنا..
أمي تهز راسها بحزن وقهر صافنه على الزمن وين ودانا وخديجه مندمجه توصف بعيون متروسه حسره، وبالأخير بنص حماسها گالت
-بس همَّ...!
16
سكتت بسرعه ما مكمله كلمتها
بلعت ريگها متوتره أمي بسرعه گلتلها عاگده حاجبها
-شبيهم سولفي؟
-لا لا داده ما بيهم شي، يله باچر الصبح أخذچ للبيت..
7
بسرعه گلتلها
-خاله أني أشتغل بدال أمي.
2
باوعت لأمي كل ظنها ما متناقشين وما تعرف أمي، هزت راسها أمي وخديجه ترخصت وطلعت، گلبي صاير طاحونه من القهر شلون وصلني الزمن أشتغل خدامه بالبيوت عد العالم!
طلعت أشتري لأهلي من المحل وعيوني متروسه دموع مختنگه وكُل شويه أرفع أيدي أمسح دموعي، وگفني صوت زلمه سامعته من قبل
-يبنيه..
6
التفتت عليه شفته نفسه الولد الضرب أبوي بوكسي بيتنا وساعدني بلعت ريگ ورمشت أكثر من مره علمود تروح الدموع من عيني وما يشوفني أبچي، تقرب عليَّ بأبتسامه خجوله گال
-شلونچ وشلونها أمچ؟
25
-الحمدلله بخير.
-أبوچ بعده يأذيكم؟
-لا ما محتاجين شي مشكور.
-إذا تحتاجون شي تعاليلي لا تترددين..
-رحم الله والديك ما محتاجين.
6
هز راسه ساكت وأني عفته ورحت للمحل شتريت ورجعت للبيت بس شفته هواي باوعلي وهواي مركز وياي دخلت للبيت وسديت الباب ومنتظره يجي باچر وأبدي حياة جديده وغريبه...
8
-وردة: گاعده بالحديقه وأجت يمي كلارة گعدت بصفي عيونها حمر مبينه باچيه هواي عيونها وخشمها حمر وگالبه وجها بضوجه..
5
-شمالچ شو كلش أستهضمتي چنتي تضحكين؟
-هضمني كلامه كلش..
1
-يله صارت بعد ساعة عصبيه.
-ولچ أخخخ لو أكضه حرّ اله أكتله كتله..
2
طگت أيد بأيد ضايجه
تباوع لگدام حبست ضحكتي وهِيَّ التفتت عليَّ من أنتبهتلي أضحك
-أضحكي أنتِ أضحكي شعليچ صدگ لو گالو الوجعه ما توجع غير راعيها، بس ترى أنتِ هم لايحتچ السالفه!
يااا شعليه أنه؟
-حبيبتي فكري بمنطقيه، حرّ مو خوش زوج الچ.
14
-يا يا شو گلبتي على أخوچ!
-چا غير أگلچ الصدگ شمالچ ترى اليصيح على أخته ومو زين وياها ما بي خير الچ، إذا هوَّ على أهله ما حن گلبه..
2
-لوتيه تردين تدفعيني عليه علمود أروح أتعارك وياه خو لو بيچ خير أنتِ روحي تعاركي وياه.
-أمداچ شعليه بيكم بس غير أنه أسولف لمصلحتچ
-أيباااه ولا چنچ الصبح تحچين بزيناته!
-هسه عرفت حقيقته..
2
-أي بله شلون من زمخ عليچ؟
-هضمني ولچ وكسر بخاطري حچه عليَّ گدام الوادم الغربه..
1
كضيتها من ياخة هدومها ونترت
-حچه عليچ بس گدامي يا همَّ الوادم الغربه؟
-چا حتى أنتِ، يعني يصير يصيح عليَّ گدامچ؟
2
-چا شمالني ولچ؟
-ما دام صيح على أخته گدام الوادم باچر عگبه يسويها بيچ.
5
ضحكت من شفتها گاعده ودگ حچي عليه، أحنى متفقين إذا وحده من عدنا تحچي على واحد الثانيه تكمل وياها عونه وفزعه وهسه أنه هم أخذتها على گد عقلها وندمجت وياها، ومنطقيًا هِيَّ أخته خو ما أگلها لا تحچين عليه أم يومين تاخذ مكان أم سنين بالأخير تبقى مشكله بينها وبين أخوها..
3
-هم صحيح كلامچ منطقي خيه.
-أي أنه أريد مصلحتچ، عمت عيني على روحي گعدلي دگ غلط وحچي يقهر علمود ياهو علمود ضيغم والله وسفه لو سالفه تسوى چا ما أضوج بس علمود ضيغم أبو النسوان!!

حقچ خيه هوَّ هم مدري شلونه شلون هيچ يحاچيچ وسفه..
+
كضت أيدي چنها عجوز وحچت بجديه
-عود ليش أنتِ مچلبه بهذا الشايب؟ هم لو زين لأهله بيها مجال دروحي تزوجيلچ واحد ثاني مثلاً تزوجي وائل مستعدل وصاير براسه خير.
14
صفنت لگدام وطگت على رجلها
-أشگد أخواته ما بيهن خير ومستهترات بس ما يحاچيهن ولا فد يوم زمخ عليهن وأنه شحلاتني ويگومني بصيحه ويگعدني بصيحه هِيَّ هاي الدنيا فاكه حلگها للخايسات..
9
سمعنا صوت حركه ورانا التفتنا ثنينا بنفس الوكت ولمحت حُرّ واگف باب الحديقه يباوعلنا ويهز براسه شايط من القهر يفك بحزامه جراه ونكثه بالهوى بلعت ريگ وباوعت لكلارة بخوف وهِيَّ بادلتني نفس النظره
66
هو راسه وتقرب ببطئ كاض الحزام
-عفيه عفيه.
26
طفرنا ثنينا للزاويه وهوَّ گدامنا حتى ماكو مكان نشرد منه واگف گدامنا وأحنى نتراجف أنه أجر كلارة گدامي وهِيَّ تجرني گدامها وحده تختل وره الثانيه نتحمي ببعض..
7
حُرّ: بنات الچلاب بنات الحثاله ولچن هذا الحچي عليَّ؟ متعينچن أي والله متعينچن، عبنچن سگط..
28
كلارة: والعباس نشاقه
2
حُرّ: أكلي تبن، صارلي ساعه واگف يا شقه وحده تكبس وحده ترفع عبالك تحچن عن عدوچن، اليسمعچن يگول هذا چتال أبوهن!
7
وردة: من حبك لاشاك!
16
حُرّ: يا حبك يا لاشاك، اليوم أبهاتچن أسمطهم اليوم أطبع ملامحچن بالحايط.
26
التفتت أباوع لكلارة معكمشه وجهي بخوف أحس راح أدمع من گد ما توترت وكل شويه تروح عيني للحزام طبت فجر على صوت حُرّ العالي
-شنو السالفه هم تعاركتو اليوم شجاكم؟
من صارت عينها على الحزام بهت وجها، چانت ملامحها تعبانه ومالها خلگ هسه مصدومه وباهته بسرعه أجت وگفت گدامنا وكضت الحزام
-شنو السالفه حرّ صلي على محمد!
7
وهوَّ شايط من القهر ومتعصب ثنينا ختلنا وراها
خايفين وجوهنا ما طلعناهن، وهِيَّ كاضه الحزام تجره من أيده
-وخرررري أنتِ شو وخري خل أگطعه عليهن السگط هذني بنات القنادر گاعدات يغلطن ويرجعن لوره عليَّ عبن مستهترات.
6
فجر مصدومه وبنفس الوكت تحاميلنا
واگفه گدامه وكل ما يجي علينا تدفعه لو تجر منه الحزام
-شمالك حرّ هسه أنتَ تاخذ على كلام كلارة وردة؟
زعاطيط عوفهن خل يولن فدوه أروحلك..
11
-يا زعاطيط كل وحده بكلر أمي!
-يمعود شمالك كافي فضحتنا..
1
-وينها هاي كلارة القندره وينها تگلها روحي تزوجي غيره وتگعد تحچيلها عن وائل النعال، بت القندره طلعي راسچ إذا أنتِ مره.
32
كلارة: والله العظيم چذب أشاقه..
1
حُرّ: شو تعاي بس خل أچتلچ أطلع حرگة گلبي بيچ.
4
فجر: مالي خاطر يمك؟ وراي صايرات ما يصير تطگهن، المره الثانيه ما يعيدنها لو عادنها أنه أگلك أكتلهن..
7
حُرّ: فجر صيري على صفحه.
1
فجر: لخاطري شالقضيه مالي خاطر يمك!
3
هدئ شويه وسكت، خطيه فجر صارت مثل الزلمه كاضته عنه مره تجر الحزام مره توخره مره تحچي بحچايات تبرد گلبه راد يطلع بس قبلها مد أيده علينا يأشر بعصبيه وزمخ
-نسوان خرا أنتن!
49
ضحكت على الحچايه طلعت من حلگه بعصبيه وبسرعه حطيت أيدي على حلگي كاضه ضحكتي بس بعديش سمعني هوَّ تخبل رجع تعصب من جديد وراد يكتلني يمد أيده من وره فجر يريد يكضني وأنه خانسه وهِيَّ تدفع بي..
معقوله حرّ تگدرله فجر وزلم ما گدروله؟
بس هوَّ يسوي روحه ما گدر يكضني لأن ما يريد يطگني.
10
راح وهوَّ يفر بأيده
-هوش الله بأرض الله.
10
طلع يفشر على أهلنا وعلى روحه وفجر التفتت علينا كتلتنا ثنينا ورزلتنا يبووو شنو من يوم هذا يوم الرزايل العالمي!
8
فجر: عمت عينچن ولچن هاي جزاته، ناكرات عشره ومعروف وين عدچن أحسن منه وتحچن عليه كل صوچ ما بيچن صوچه هوَّ، لو يوميه يگومچن بكتله ويگعدچن بكتله چا مشيتن عدل.
2
كلارة: يبووو والله أتشاقه!
فجر: الشقه اله حدود، وأطيح حظچ هسه إذا ما ترحين تعتذرين منه، يله روحي چلبه وحقيره حرگتي گلبه.
1
گامت كلارة وفجر التفتت عليَّ طگتني
-وأنتِ شمالچ عود منتكله عليچ معدله شجاچ أستخفيتي وصرتي خبله!
1
-شعليه أنه هِيَّ تحچي على أخوها.
-روحي أعتذري منه يله
-ما أروح
2
عافتني وراحت وره كلارة، هواي أعتذرت منه وهوَّ مطنشها ولا يرد ولا يباوعلها أشگد حچت بالأخير بقت تبچي يله راحت طنگتورته ورضى ورجع وياها طبيعي بس أنه وياه ما نحچي..
1
التفتت على صوت فجر تحاچيني
-شني رحتي أعتذرتي منه؟
-لا ما أعتذرت.
1
-ليش؟
-متانيته هوَّ يعتذر مني..
14
-وشمسوي هوَّ حتى يعتذر!
-أجه يطگني..
42
فرت أيدها عافتني وراحت
أجت كلارة تغلط عليَّ بسرعه گمت عايفتها وخازرتها
-بعد لا أحاچيچ ولا تحاچيني أشگد فگر شبعت رزايل من وراچ.
2
ضحكت وأنه عفتها وطلعت مر الوكت وهوَّ يشوفني موجوده وحرف ما أحچي وياه، لحد ما شافني گاعده وحدي أجه گعد يمي
شمالچ؟
4
-شمالني يعني تصيح عليَّ وبلعتها وسكتت وردت تطگني..
-ما ردت أطگچن ثنينچن بس ردت أخوفچن علمود ما تعيدنها لأن سوالفچن هاي ما ينسكت عنها!
2
تأفأفت ضايجه والتفتت عنه مقهوره
-هاي الفتره چثير متزومله.
2
-ما أريد أحچي وياك.
-ليش يبعد طوايفي يعني فوگ كلامچ التبن ورجعت أحچي وياچ لأن ما أشيل بگلبي عليچ أنه؟
19
-أنتَ لو صدگ تعرفني چا عرفت أنه ما متقصده أحچي عليك مجرد چانت أختك ضايجه منك ومقهوره وأنه أسايسها يعني أنتَ تتوقع صدگ هذا الكلام يطلع مني؟
1
-أدري والله أدري..
-يعني أختك جاي تسولف عليك أجي أنه أگلها لا تحچين مالتيش أحسن من أختك أنه عيب حتى أگلها هيچ سالفه بينك وبينها أطبب روحي ليش؟
1
-چا ضاله ساكته المن نزلتي عليَّ دوسه ونص؟
-أنه لو غير واحد ما سكتت، چا لعبت لعب لأن ما أرضى واحد يحچي عليك بس أختك هاي أدري نيتها مو كره.
-چا متصافين أحنى بعد عليمن ضايجه؟
-ترى ما جاي أحچي وياك!
-چا ويامن؟
-بس جاي أشكيلك لأن ما عندي واحد أشكيله..
-هههههههههه أسمعچ للصبح أشكيلي من روحي.
11
گعدت أشكيله عن روحه عود هوَّ واحد ثاني
وهوَّ يسمعلي بهدوء ويدخن ويرفع راسه لفوگ يزفر الدخان وبالأخير گال
-أنه آسف وأعتذر لأن حسيتيني راح أطگچ.
68
هزيت راسي راضيه ومرتاحه
-مهبوله وفرخه ياهل..
316
يتبـــع...
