رواية مقبرة الاحياء الفصل الحادي والثلاثون 31 بقلم سارة جعفر
مقبرة الأحياء
25
الكاتبة ساره جعفر
10
لا تنسون التصويت + التعليقات بين الفقرات عشقي ♥️.
16
مو مالت وداع هستونا متلاگين
بعدها عيونا من المستحى مدنگه
بعدها تشوفنا عيون الشمس ظلين
ما لحگنا نكسر عينها بشبگه..
152
-وردة: جمدت بمكاني صافنه من طب وجايب وياه هذا الخبر المشؤوم، يباوع بتعب وضوجه لأن صارله هواي وياهم يركضون من مكان لمكان ما ضاگو طعم الراحه كل أيامهم يدورون على آثر لـ جسام..
136
فزيت على صوت صريخ النسوان والصياح، أشتعلت بگلبي النار راح نفگد جسام أبو گلب الطيب أبو روح الحلوه ما فد يوم غث واحد چا المگبره تاخذ الزين وتخلي الغمان على گلوبنا!!
305
ما صرت أشوف گدامي بسبب غواش الدموع الترسن عيوني ويمطرن على خدودي مثل المطر صوت صياح النسوان يكزبر الجلد، الهوسه فضيعه والخوف ترس گلبي يمه ولا مصدگه ما معقوله تطلع الجثه اله؟
138
أمسح بعيوني من الدموع بس ماكو فايده ينزلن أكثر منهن وأتلفت بخوف على مكان البچي وصريخ النسوان أريد أگوم ماكو دخت والدنيا كلها أفترت بيَّ أريد أروح لفجر أكيد هسه راح تتسودن من سمعت الخبر بس ما سمعت الها صوت واگفه أتلفت بالمكان صايره مثل الملحمه أو معركه بعد حرب هيچ بيتنا منفجر ومحد يدري وين يروح..
88
خاتون تدگ وتبچي وحتى كلارة فقدت بالبچي والدموع، بس فجر هادئه وساكته صافنه على بلال الجاب الخبر النا حرف ما نطقت دمعه ما نزلت بس صافنه عليه هزت راسها بهدوء
-چذب، جسام ما ميت.
299
وائل رافع أيده بوجه بلال يصيح
-تحچي صددددگ؟؟؟؟
36
قبل لا يرد بلال كضاه ضيغم بثنين أيديه
من ياخة قميصه يجر بيَّ ويطگه ودموعه على خده يصيح بوجهه
-ليششششش تچذذذذذب!
55
-ما مچذب لك
-چذاااااب حيواااان
-أهوو يابه ترى مو بس أنتَ مقهور عليه!
49
-ولك چن معرس أبوك وتگلي مقهور يا قهر هذا!!
-شبيك ضيغم قابل أكرهه غير أخوي
93
واحد واگف گدام الثاني وجه بوجه ويتصايحون ضيغم مناه ما متحمل الدنيا، وطلع حرگته على جسام بَـ بلال وأحنى ما مفتهمين شي ليش هيچ ضيغم تهجم على بلال وهوسه واحد يحتار بيهم بالفاجعه الصارت!
37
وائل واگف بنصهم يجر واحد عن الثاني بس ثنينهم گابين، صارت هوسه چبيره والتهينا بيهم ضيغم يغلط ويصيح على بلال وما مصدگ كلامه توقعت لأن فاقد مفرفح يكتل بَـ بلال بس نصدمت من سمعت بلال يردله
-سووله تحليل DNA بس بعد ما طالعه النتيجه تبطي وأكيد هوَّ عليمن متعبين رواحتنا بعد حتى للمستشفى ما أروح أنه مأيس هوَّ جسام المحترگ چا شني مثلاً بلعته الگاع؟
1.3K
شهگت فاتحه عيوني شلون أنطاه گلبه يذيع خبر موت أخوه بكل صلافه وقلة حياء بدون لا ينكسر وينهضم، حتى لو هوَّ صدگ مقهور بس التصرف مالته هذا ما يتصرفونه العدوان گبل النتيجه هوَّ متأكد من موت جسام، يسويها أخو؟ لا والله يسويها عدو..
71
ضيغم زاد بخباله وعصبيته
من سمع كلام بلال بقى يصيح ويغلط و وائل يريد يوخره ماكو
-شالقضييييه ضيييغم هذا أنتَ العاقل وكت عررررك؟؟
61
التفت على وائل وجهه ما يتفسر من العصبيه
-چا ما تسمععععه ولك ما تسمعههه، عمت عينك ولك بلال شلون أنطاك گلبك تحچيها فرحان بخبر موت أخوك ولك؟ التحليل ما يطلع بين ليله ويوم والأغم فرحان!
78
بلال وخر أيد ضيغم منه بعصبيه وزمخ بوجهه
-ما فرحااااان، بس جاي أگلكم لا تخلون لرواحتكم آمل هذا أنه صارلي أيام أركض وأدور وهسه حتى گبل لا يطلع التحليل أبصم بالعشره هاي جثة جسام عليمن نضحك على رواحتنا، ليش مختفي إذا ما ميت؟
216
خزره وائل ضايج ونتر بصوت عالي
-شبيك خويه عود صدگ، أنتَ شارب؟ هاي سوايه تسويها تفجعهم وهمَّ عدهم مصاب ولك أخوك هذا أخوك!
37
بلال: بروح موتاكم غير أنه خصمتلكم السالفه إذا مو هاي الجثه المحروگه جثة جسام، چا هم لو ميت لو بي شي وين أختفى إذا ما بي شي صارله أيام هوَّ فص ملح وذاب بالحالتين أحنى راح نفقده أنه إنسان واقعي ما أگعد أچذب على روحي.
344
وائل: لا تضل تاكل نعل، يمكن صاير وياه شي أحنى ما ندري بيه ليش لطشت بالموت كون يكرفك گبله..
160
كلارة: ليششش هيچ محاربين سعادتها شتردون منها عايزها هِيَّ يوم فرحت ولكم يوم وتردون تخربون فرحتها!
25
كلارة منهاره وميته بچي عيونها صايره حمر
ومنفوخه من گد ما صبن دموعها فاقده وتصيح مگابله فجر
-شتحملين بعد شتحملين گليلي ولچ خيه، يساعد الله گلبچ على المصايب الولتچ..
75
تناشغ وتبچي محروگ گلبها وتدگ على رجليها
-أبوچ مات وما لحگتي عليه وياه عازة الأبو عازه.
69
صوتها كل ما تحچي يعلى مفرفحه وتدگ على روحها
-أمچ نكتلت گدامچ، طاحت بنص حضنچ مكتوله..
121
كلارة تحچي وتزيد حرگة گلب خاتون بحچيها، من توصف عذاب فجر تبچي خاتون وتصيح ولامه أيدها تدگ على گلبها وكلارة كملت
-أخوچ نحكم ١٥ سنه بدون ذنب والأخو يكسر الظهر لو راح..
126
نسحنت روحي حسيت الدنيا سوداويه وكئيبه چا شلون تحملت فجر كل هاي المصايب، والصدمني أكثر من كلارة خصمت كلامها مفرفحه
-أخواتچ تلاثثثثه وحده وره الثانيه تموت بأيدچ أخواتچ ماتن كلهن موته تفجع، تشوفينهن گدام عينچ يموتن وحده وره الثانيه بس ما بيدچ شي تسوينه محد عدچ مات موت الله محاربينچ على عزازچ كلهم مكتولين، وهسه على زلمتچ لاحگينچ!!
579
كزبر جلدي من قصتهم الحزينه زهراء تسكت بكلارة لأن نهارت على حياة فجر، وفجر تلوب تلوب روحها تريد تطلع نار أحس تسعر بگلبها بس ما نطقت بحچايه على كلام كلارة، كضت أيد خاتون تحچي بهستريه
-جده والله چذابين مو هوَّ هذا يچذب سمعتيه شلون يحچي عبالك ما ميتله زلمه يفرحون جده يفرحون على ضيم گلبي مو هوَّ، مو جسام يردون يحرگون گلبي جسام ما ميت همَّ يحبون يشوفوني محروگة گلب يردون يقهروني جده..
58
هزت راسها جدتها تمسح دموعها بشيلتها
-بلكت الله نلگاه يمه لا تصدگين بمحاسن وخلفتها ما تعرفينها علمتهم على خباثتها دوم يردون لجسام الأذيه.
30
محاسن: وأنه شلي غرض عمه شو بكلشي حاطيني، چا شلون بله إذا مات شنسويله!
172
يعني هاي هِيَّ راح ولفي وكلها تشمتت بيَّ؟
92
بلال: عمي والله بليتوني فرحان ما فرحان غير أخوي شلون أفرح على فراگه بس خصمتلكم السالفه لأن الخبر الوحيد اللگيناه عن جسام.
71
ضيغم: ما تاكل قنادر؟ شلون ردي أبو عين صلفه.
21
خفت فجر يوگف گلبها لو تنجلط
ضلت خاتون تمسح على راسها تواسيها وتهديها وعيونها دم
-كافي جده بسچ خل يولون أبو الحسنين ويَـ جسام..
57
بهاي الأثناء طب حُرّ للبيت، وجهه ضعفان فد نوب ومسومر بهاي الأيام حيل تغير والتعب تارس ملامحه چانو يدورون على جسام ونهلك يريد عنه خبر وما يدرون بأخباره وهسه طلعت سالفة الجثه شاكين بيها اله لأن الخبر الوحيد الوصل الهم عن جسام
21
أول ما طب جفل مصدوم من شاف فجر وحالتها ووضعها، وجها كله ما ينشاف من الجروح والدم، مزلغه خدودها وعينها صايره زرگه گد ما تطگها وعيونها حمر دم مو أحمرار عادي لا الدم منحبس بعيونها من گد ما تبچي وتلطم عليهن
31
ملامح فرگتك تركت آثر بيَّ، عين تشوف گوه وعين معميه..
255
حالتها ما تنوصف ولا تنشرح الواحد بس يصفن عليها ينفطر گلبه ويبچي على حالها، بهت وجهه ونمرد گلبه بسرعه راحلها ملهوف وهِيَّ تلگته تبچي
-فجر خويه!
43
جرها لحضنه وهِيَّ مهضومه
راسها على صدره تناشغ وتبچي بصوت عالي وتگله بصوت مهضوم
-يگلولي جسام مات جسامي ميت يگلولي..
106
عگد حاجبه بعصبيه جرها لازم وجها
بثنين أيديه يباوع الها ويحچي بحزم بس يحاول يهدئ نبرته
-يا أرعن گالچ ميت؟ غير التحليل بعده ما طالع شمدريه القندره أبن القندره أبو طفگه الحچالچ؟؟
77
تشهگ وصوتها يبچي تحچي بنبره متروسه حزن
-گلولي ميت يتشمتون بموته يحرگون گلبي..
41
تنهد ما يعرف شيگول الها، ما يريد ينطيها آمل ويگلها عايش وهوَّ ما متأكد ولا يگدر يگلها مات ويفجعها وبقى محتار والحيره هاي تهدم الگلب الأنتظار العادي ما ينگحم مو النوب أنتظار خبر موت لو حياة.
15
بقى ساكت متحير يباوعلها ممروده روحه أخته مثل الطير المذبوح گدامه وهوَّ عاجز ما بيده شي يسويه، لياه درجه من فقدان واصله بحيث هِيَّ تستحي تلفظ أسم جسام گدامه وهسه تبچي بحضنه وتصيح
-خويييه والله ما تهنيت وياه جسامي ما فرح بدنياه..
130
بلع ريگه عيونه حمر يصارع عيونه من الدموع يتراجف بسبب حزنه الكابته داخل گلبه، حُرّ حيل كتوم ما يگدر يبچي وبنفس الوكت كسرته چبيره مهضوم على أخته وصاحب عمره باسها براسها يواسيها
-خويه لا تبچي يبعد طوايف هلي لا تبچي..
98
يمسح بدموعها من وجها
وهِيَّ تتنهد عبالك گلبها ينصب عليه تيزاب من گد العذاب العايشته، تلوب وروحها مسحونه سحن يمسح بدموعها ويهدي بيها
-لا تصدگي حچايه ما أسولفها الچ أنه.
27
هزت راسها ساكته ومر الوكت علينا بس گلوبنا ما طفت نيرانها الأيام تمر والأنتظار صعب، يوم بعد يوم الناس تفقد الآمل اله محبوبته واليحبونه مچلبين بآمل عسا ولعل مو هوَّ..
26
فجر تصارع ويَـ الوكت لأن التحليل ما يطلع بيوم ويومين وهِيَّ مفرفحه ومشلوع گلبها عليه، وطول وكت غيابه هِيَّ ما متحركه من سجادتها تصلي وتدعي وتبچي دموعها يبللن تربتها والقرآن دوم مشغلته بالتلفزيون خو وكت المغربيه ينعصر گلبها عصر
37
ضيغم وقادر، أخوه وصاحبه فاقدين عبالك ميتين طول الوكت ساكنين غرفهم وما يطلعون منها لا أكل ولا حچايه عدمو حياتهم وماكو شي يسوونه غير البواچي، خاتون الوكت كله تدعيله وتتمنى يرجعلنا سالم
15
الأيام تمر نفسها بس الأرقام تتغير
والحال يسوء والتعب يصعب ويزيد أكثر وأكثر..
14
-كلارة: الأيام تمر بصعوبه علينا، سچاچين بنص گلوبنا من يمر يوم ثاني وأحنى ما ندري شنو مصير جسام أخوي الثاني الوحيد الأعتبره سند بعد حُرّ ما أدري هوَّ ما عنده حظ ما أدري فجر ما عدها بعدهم ما صارلهم چم يوم من عقدو وصارو لبعض وعاشو بسعاده وتحققت أحلامهم تطشر شملهم..
27
همَّ الثنين حياتهم صعبه من كل مكان متأذين بطفولتهم وبشبابهم من القريب والبعيد عاشو عيشه تمرد الگلب ثنينهم ملچومين وثنينهم قصصهم مفجعه گضو عمرهم بحزن وقهر وهسه ما كملت فرحتهم
19
تنهدت بقهر وأنه أباوع لأوراق الشجر المتكومه بصف الشجره الدنيا عصر والحال نفسه، الجو متكهرب ومشحون بين الراح يموتون على فراگه ويتمنون لحظه وحده يرجع وبين الفرحانين بس ما مطلعين فرحتهم للعلن مسوين رواحتهم حزينين ومقهورين بس چذابين وأكيد أولهم محاسن تگعد تبچي ويَـ النسوان على جسام بس والله فلا أصدگها تموت على أذيته
47
طبيت لغرفتنا وكالعاده فجر گاعده على سجادتها تصلي وتدعي يرجع جسام سالم گعدت گدامها وصافنه على حالها ما ملت يوم وره يوم تشكي وتبچي لرب العالمين خلصت صلاة وأندارت عليَّ
11
-أكليلچ لگمه خيه راح تطيحين!
-ما أريد..
16
-خلي أملچ بالله چبير عسا ولعل الجثه مو اله..
-والله گبل شويه أدعي، ربي خليه مفقود خليه مشلول خليه بس النفس يصعد وينزل بي قابله وأفرح يا أفرح عمي أطير بس يضل بدنياي و وياي، كلمة مفقود أهون من الميت صعبه والله العظيم صعبه جسام يموت ويعوفني!
83
كلارة: أسم الله، أنتِ ليش تقهرين روحچ بالزايد كافي
1
فجر: شايفه لو مات جسام؟ والله أكتل روحي وراه..
76
كلارة: شني هذا الحچي شمالچ تسودنتي، أكيد مو بوعيچ أنتِ المؤمنه التخافين الله تگولين هيچ!
2
فجر: وصلت حالة جزع ما أتحمل بعد..
57
تنهدت مقهوره والدموع تلالي بعيني، هِيَّ تعبت كلش ونهلكت لأن اليوم بس تدعي وتصلي تمددت على السجاده بمحرم صلاتها وأنه أباوعلها وآتامل ملامحها الذبلانه وجها تعبان كلش
6
دموعي تنزل صافنه عليها شلون نايمه، شويه وفز گلبها گبلها على صوت أتصال تلفونها نخبصنا من شفنا الأسم حرّ ضلت هِيَّ صافنه تريد تكض التلفون من الرجفه ماكو وأنه أسوء منها بس نبچي مفرفحين وردة أخذته منا وتصرفت هِيَّ من شافتنا منهارين
25
فتحت السماعه وأيدها ترجف
أول ما أجه صوته بچت فجر بدون لا تدري الخبر
-الله بالخير يابه، طلع التحليل..
-شنو حُرّ بشرنا؟
-الحمدلله ما طلع جسام، الجثه لغير شخص.
1.2K
طاح التلفون من أيد وردة لحضنها وأحنى نهارينا ما چن گال مو هوَّ عبالك گايللنا أفتحن الباب جسام واگف على طوله نبچي ونصيح فرحانين فقدنا من الفرحه أنه وردة تخبلنا وفجر تبچي وسجدت سجدة شكر
60
ما نعرف شنسوي من فرحتنا أنطينه خبر للكل وفرحتنا صارت أكبر فجر فرحانه هواي بس بعده تعب الأيام الفاتت ما فارگها التعب ناخر عظامها وهالكها، بس نسينا جسام ما لگيناه بعده مفقود..
23
مرت الأيام وماكو خبر، زلمنا رجعو يدورون على جسام أول ما لگو الجثه بطلو يدورون لأن يردون يشوفون اله لو لا وخطيه حرّ بهاي الفتره نشلع گلبه عيونه الوكت كله حمر وتعبان وما ضايگ لا طعم النوم ولا حتى الراحه
9
بنص أشغالنا بالنهار وفقار گاعد هوَّ وضيغم وقادر بالهول هسه رجعو ميتين تعب ويشربون چاي، دگ تلفون فقار وهوَّ رفعه بسرعه جاوب من شاف أسم المتصل وگال بأستعجال مخلوطه بصدمه
-لاااااااا صدگ! عليك العباس متأكد؟ يا الله يا الله، جاي أي أي أكيد خويه جاييينك طلقه أحنى يمك...
169
من سمعنا كلامه التمينا عليه خايفين ومتوترين، ونتسأل زلم ونسوان
-شكو شكو؟؟
5
نريده بس ينطق رجلينا ماتت، الچاي نچفه لأن من گام ضيغم طگاه برجله بدون ما ينتبه وما مركز بشي غير فقار صاح بي بصوت عالي
-غير يحچي ولك شكو؟؟؟
9
بعده جاي يحچي بالأتصال وهمَّ يحاچونه
يردون يردلهم بين ما سد الأتصال بالگوه حچه بعصبيه
-ولد الأوادم أنطو صبر!!
25
كلنا صحنا بنفس الحچايه
-شكو؟
3
فقار: حرّ هذا خابرني، يگول لگه جسام!
564
شهگت حطيت أيدي على حلگي وفجر تبچي گعدت بالگاع ما گدرت توگف على رجليها نگلب بيتنا من القهر والحزن للفرحه والسعاده الهلاهل ضلت تتراگع ببيتنا وأحنى نبچي ومخبوصين
54
مسحت دموعي ورحت أشرب ماي الدنيا كلها صارت حلوه بعيني أرتاح گلبي، ولاگيت زهراء ووردة يم فجر حبيت الطف لفجر جو لأن حيل تعبانه وبعدها حزينه وتبچي على جسام
2
كلارة: والله لو أكض الزلم أخخخخ يا يابه
26
وردة: ليش؟
+
كلارة: يعني يخلونا معلگين ومعلعلين لا يگلولنه الخبر عدل ولا يريحون بالنا، هسه أحنى شفتهمنا غير جسام لاگينا أي شنو حالته متأذي متصوب مدچوچ جاينا على طوله وين چان شكو، بله مرت ذلك الزلمه موجوده..
34
زهراء: قصدچ عليَّ؟
17
كلارة: يمه لا النوب ما ترضى نحچي على رجلها، سوده عليَّ الصوچ مو من أخوي الصوچ من رجلهها يعني غير يفهمنا أستغفر الله هسه غير ندري شبيه الزلمه!
7
زهراء: يعني لو ميت راح يفرحون هاي الفرحه كلها عليمن يحظي أنتِ هم مدري شلونچ!
11
كلارة: يمه يمه تعاي وريده خل نشرد لا تهد علينا عمي ما ترضى على رجلها وأحنى وادم فقره
23
زهراء: والعباس لا بس غير أحچيلچ بمنطقيه.
1
هزيت شفايفي ما مصدگتها وهنَّ ضحكن فجر هواي خابرت على حُرّ بس ما يجاوبها طلعت للحوش تنتظرهم خايفه طلعت وراها مستغربه
-شمالچ خيه غير هسه مخبوصين وياه؟
-ولچ هسه يطلع بي شي..
5
-ليش؟
-لأن حرّ ما خابرني..
3
-بس خابر فقار!
-لو جسام جاي على طوله وما بي شي چان أنه أول وحده خابرني لأن يدري شلون متلوع گلبي عليه..
9
-يااا شلون تفكير عندچ توهوسين
-وداعتچ ما أوهوس جسام بي شي ما دام ما حاچاني.
-دخيلك يا ربي..
30
-مُهيب: طول الفتره المرت أنه موگف حياتي كلها وما مفارگ حرّ، بكل مكان يروحله رجلي على رجله وأول ما يطلع من بيت أهله لحد ما يفوت أنه ما مفارگه كلشي أسويه وياه أندور على جسام سوى وكل الصار وياهم أنه حاضر عليه وشاهد، لأن هاي الفتره مو هينه على حرّ صاحبه وأبن عمه ونسيبه حياته بخطر..
193
الحمدلله لگيناه، بس لگيناه بمستشفى بحاله بس الله يعلم بيها واگفين أنه وياه على جهه وهوَّ ما مبتهج ولا وجهه مبتشر برجعة جسام بالعكس عاگد حاجبه وضايج أستغربت وسألته
-شمالك حُرّ شو چنك ما فرحان؟
26
-عليمن أفرح!
-على رجعته غير؟
-وشني فرقه عن الميت؟
-لا شالقضيه صلي على محمد يمعود
-هوَّ والميت سوى..
152
صفنت عليه مقهور وربتت على چتفه أواسيه
-لا خويه لا تگول هيچ أهم شي لگيتوه
-لگيناه صحيح لگيناه الحمدلله..
4
-قضاء ربك وقدره
-الحمدلله ما معترض على القضاء والقدر، بس ولك فرهدت گلبي شوفته چن شفته ميت..
10
-وداعتك تصير سوالف ويرجع يوگف على حيله
-لو يلفوني بالچفن ما أنسى الموقف هذا..
12
-ليش تحمل روحك المسؤوليه؟
-ولك كاتبين عليه "مجهول" متعيني..
245
مغيم وجهه بالحزن، يحمل روحه مسؤولية الموقف صدگ يقهر من سألنا عليه محد جاي وراه ومن أول يوم مختفي هوَّ بهذا المستشفى
-شنو قابل أنتَ مقصر بس حالتك تسولف عذابك من أول ما نفقد وأختفى أنتَ بس تدور عليه عفت حياتك والتهيت بي ما گاعدين أنتم ولا مقصرين.
3
-الله كريم..
-ترى جسام سبع يطلع منها لا تخاف
-سمعت الدكتور شگال عن حالته!
12
-حاچاك عن حالته؟
-أي يگلي داخل بغيبوبه، والغيبوبه أخت الموت بس النفس يصعد وينزل بي ما ندري شوكت يگعد يمكن اليوم يمكن بعد شهر يمكن بعد سنيييين...
217
-لاااا والله خطيه وما يستاهل!!
-مهيب جسام حالته ما تبشر بخير سوى حادث خطر والسياره صايره قوطيه من كثر ما الحادث قوي وجسمه كله بلاتين ومن كل كتر محترگ ومتعور وداخل غيبوبه..
392
حطيت أيدي على خاصرتي صافن بحيره، حالته فد نوب متأزمه من يوم المختفي مسوي حادث سيارته مسحوگه سحگ وجسمه كله بلاتين بحيث منظره من بعيد يخوف كل مكان بجسمه محترگ ومتعور وبلاتين بحيث أني ما گدرت أتعرف عليه حُرّ عرفه وصارله أيام داخل غيبوبه
33
طبو أهله ملهوفين وأجه أخوه قادر على حُرّ يبچي مكسور ظهره
-وينه أخوي ولك حرّ وينه!
23
ربت حُرّ على چتف قادر
-لا تخاف قادر جسام بخير..
6
هز راسه قادر مدنگ وجهه يمسح بدموعه
-لا خويه لا ما دام بالمستشفى لگيناه مو بخير..
3
حُرّ: لا يمعود صلي على محمد، الحمدلله بالمستشفى ولا جثه مسوي حادث والحمدلله على كل حال.
8
ضيغم: ما عرفت شلون صار وياه الحادث؟
5
حُرّ: لا بس حسب كلام الناس الجابو جسام للمستشفى الچانو شاهدين على الحادث، گالو للدكاتره الحادث مفتعل..
302
قادر: عمت عيني جسام منيله عدوان، والله حتى ما يتعارك هوَّ خل يصير عنده أحباب النوب عدوان!
29
حُرّ: يگعد جسام يگعد ويسولفلنا يا عار هذا..
14
فقار: زين هسه شگالك الدكتور بعد؟
1
حُرّ: الدكتور بشرني حالته أن شاء الله تتحسن بس بعد وره حكمة رب العالمين شوكت يگعد الله العالم، وأنتم مو فد نوب شدو روحكم أهم شي هسه هوَّ بخير ويمنا..
3
نصدمت شلون چان منهار وكئيب بس حچه وياهم بكل إيجابية علمود ما ينقهرون بالزايد كسر خاطري شلون شايل مسؤولية حتى ولد عمامه، حچو ويَـ الدكتور علمود يطبون يشوفونه وقبل وأنه واگف بالباب أباوعلهم
19
ضيغم مفرفحه روحه تقرب على جسام النايم على السديه مغمض عيونه عبالك نايم، بس حالته تفطر الگلب نزلن دموع ضيغم ودنگ على جسام حضنه بلهفه ينحب نحيب
-ولك خويه تعلعل گلبي بفراگك..
114
ضيغم مرح وبشوش أول مره أشوفه بهيچ حزن بحيث حتى الممرضين الـ بالغرفه أنتبهو وتأثرو ضل حاضنه ويبچي بصوت عالي
-خويه جسام خويه لو ميت أموت وياك وعلي.
85
رفع راسه بأيده يمسح بدموعه
ونسانه أصلاً ما يشوف گدامه غير صاحبه الفاقد
-الأيام هاي تمر سم عليَّ وأنتَ ما هو..
18
وقادر حاط أيده على عيونه وأچتافه تهتز يبچي من تصد عينه على أخوه منهار، بينما حُرّ هادئ وساكت يباوع عليهم اليشوفه من بعيد يگول شوف هذا والله ما عنده ذرة مشاعر بس هسه هوَّ متعذب أكثر منهم..
55
-وردة: حيل تغير وضع بيتنا ونفسياتنا صحيح حالته كلش مو زينه ومريض وما نعرف شوكت يگعد، بس أهون من الموت والمفقود أحنى من عرفنا بي مفقود طرنا من الفرح وهسه من بقى يمنا ونعرف أحواله أطمئنينه أكثر لأن رب العالمين عادل وأكيد بيوم من الأيام يتشافه ويرجع على حيله..
27
فجر چانت كلش تعبانه وبعدها تعبانه، بس فرحانه ومرتاحه ودائمًا تگول
-حتى لو يبقى العمر كله بغيبوبه أهم شي عايش هوَّ و وياي بهاي الدنيا، عندي أستعداد أنتظره العمر كله يگعد وإذا يبقى لحد مماتي هوَّ نفس حالته الحمدلله راضيه أم شي عندي شوفته..
52
محاسن: چا الغيبوبه حاله حال الميت ترى!
213
فجر: عادي أتانيه كل عمري، وحتى لو يبقى هيچ قابله..
5
محاسن: واحد يم أهلي طب غيبوبه سنين وبالأخير مات!
101
كلارة: يومچ گبل يومه أن شاء الله.
217
تريد تأثر على فجر وتقهرها لأن هِيَّ وبلقيس من يوم لگينا جسام وشافن فجر أرتاحت وما بقت تبچي ومهمومه أحس ضاجن كلش وأنتبهت الهن يحچن سوى بس هنَّ نيتهن يسمعنها
5
بلقيس: خيه ما دام طب غيبوبه يعني أخو الميت.
33
محاسن: يا خيه أحلفلچ يموت، بلال من راح شافه يگول ما ينشاف ولا ينعرف..
64
فجر من تشوفهن هيچ تدري يردن يحرگن گلبها تسكت عنهن حتى جواب ما تردلهن، عفيه نسوان هيچ شادات وياها على شنو بس أريد أفهم شمسويتلهن، أكو بشر ما يحبون يشوفون غيرهم مرتاح يتخبلون..
24
أكثر من مره حچت ويَـ حُرّ
ياخذها تشوف جسام بس ما قبل يگلها بكل مره نفس الكلام
-هسه تعبان ومريض وما تستفادي شي من روحتچ لمن يطيب وأنه أخذچ اله.
10
هِيَّ هم قبلت، بس جاسها گلبها خافت على جسام بي شي خطير لأن كلش حُرّ قافل ما ياخذها، بس طمنها بكلامه مجرد يريده يطيب علمود ياخذها لأن هسه فاقد..
+
من رجع تعبان أخذتله گلاص ماي ورحت لغرفته دگيت الباب نتر بتعب
-ياهو؟
29
رديتله بتردد
-أنه وردة..
7
تغيرت نبرة صوته وصارت هادئه
-هلا بالغزالة فوتي كبد.
162
فتت مبتسمه بعد ما چنت خايفه، قدمتله گلاص الماي ورفعت رجليَّ وگفت على أطراف أصابعي بسته بخده غمض عيونه بضحكه
-يا يابه.
317
أبتسمت وهوَّ صك الگلاص مره وحده خلاه على الميز والتفت عليَّ
-مشتاگلچ چثير يبعد العافيه..
20
حچاها وهوَّ يرفع أيديَّ
يحطهن على رگبته مخليني محاوطته مبتسم يباوعلي
-متغير ولك ملعون!
130
ضحكت وهزيت راسي
-لا والله ما متغيره بس أنتَ تدري چان لا أنه الي خلگ ولا أنتَ بسبب الضيم التارس حياتنا، حتى ما نلتقي صارلي أشگد ما شايفتك حتى شتاقيت لخلقتك..
86
ضحك بصوت عالي
مندمج وياي على كلمة خلقتك هز راسه متنهد بضوجه
-أي والله يا غزالة چا شنهي نسوي بعد هاي الدنيا وضيمها.
12
-الدنيا نحسه دوم تارستنا حزن..
-حريمه يلوحچ حزن يبعد طوايف هلي.
105
أبتسمت وهوَّ عگد حاجبه يباوعلي بتركيز
-شني نسيتي نتيجتچ؟
-أي والله نسيتها..
26
-بس أنه ما نسيتها
-صدگ يعني جبتها؟
4
-أي والله رحت جبتها
-عمت عيني، زين ناجحه راسبه درجاتي شلونها؟
11
أحچي بتوتر وأبلع ريگي
واگفه گدامه أطگطگ بأصابعي بأرتباك وصوتي متلعثم
-ها حُرّ!
5
-أنه رايح وتعبان، كل هذا التعب وما أحصل شي؟
23
-شتحصل؟
-أنه مگبره ما تردلها ميت.
34
-يا حُرّ!!
-والله شنهي تنطيني نعم الله.
22
ضحكت بأستغراب وهوَّ واگف گدامي عود فقير
-حُرّ مو وكت سوالفك هاي راح أموت من الخوف أريد أشوف نتيجتي خاف راسبه؟
-هاي بعد بكيفچ..
17
صفنت أحك بحاجبي
وأفكر رفعت عيوني اله حاصره ضحكتي وضيگت عيوني
-لو راسبه چا ما ضحكتلي هجمت البيت على راسي.
18
-أعلگچ من أذناتاتچ.
-أي والله مو تضحك وتشاقه وياي
-لا چا أكيد لو راسبه أضمها الچتله الچ..
12
-يله شو خل أشوف النتيجه!
-لا كبد لا..
4
-حُرّ
-روحه
198
-لا تضوجني والله خايفه
-چا هسه أنه شطالب!
7
-شتريد؟
-حبه طويله.
151
ضحكت مستغربه وهوَّ أشر على خده
-تعاي حبيني حبه طويله ولو أبشرچ لو أچتلچ.
49
-ما أبوسك
-ليش ولچ كبد؟؟
-شني بوسه والنوب طويله شلون صايره هاي!
-تعاي خل أعلمچ.
31
ضحكت وهزيت راسي ما راضيه ودفعته من صدره
-لا كبد ما أريد
-ولچ والله خبيثه أنتِ!
21
-چا شني النوب علينا حبه طويله خلصنا من بوسه أم الشمه والله عدك سوالف..
50
ضحك وراح لجيب بنطرونه الأجه قبل شويه بي طلع منه النتيجه وتقرب قدمها الي وأنه گلبي يدگ بسرعه خايفه فتحت النتيجه بسرعه وأقرا بدرجاتي مدمعه من الخوف رفعتله راسي بصدمه
-ناجحه!
32
-أي كبد على گولتچ لو راسبه أضحكچ؟
-أشگد مكااااار
21
-يا يابه الدرجات مفوله
-عين الحاسود بيها عود وشخاط وبارود..
-سگط.
154
صفنت على نتيجتي فرحانه وبنص فرحتي رفعت راسي اله
-صدگ حُرّ سؤال؟
-گولي كبد
-شو ما أشوف صگر الحُرّ مالتك وينه؟
-طيرته.
-ليش؟
-حاس بلوعته وما ردته يتعذب..
90
عبست ملامحي بقهر
-لا تضوج روحك فتره وأنتهت..
2
باسني بخدي بوسه طويله وشمني
-أي كبد خل تولي.
15
عدلت شالي على راسي وتحمحمت
-يله حُرّ أنه رايحه..
1
عگد حاجبه بضوجه وحچه بهدوء
-ليش كبد؟
4
آشرتله بعيوني على الباب
-لازم أطلع خلصت فترة لقائنا بعد..
32
ضحك بصوت عالي
-شنهي هوَّ قابل حجز!
18
أبتسمت ويَـ ضحكته
-چا شني أضل دوم هنا؟
4
جر حچايته بتعب
-ياريييت..
38
أبتسمت وفتحت الباب
ردت أطلع بس نطبگ بوجهي ونجريت بسرعه من أيدي
-ياااا حُررر!!
46
باوع بعيوني مبتسم
-ما شبعت من شوفتچ والله..
21
دفعت أيده الصارت على خصري
-أريد أطلع وخر
6
رفع حواجبه وطيف أبتسامه على وجهه
-عود تتعززي علينا؟
10
-لا كبد بس شني ما عدنا شغل وعمل غير حُرّ؟
-أيا سگط ولچ أنتِ أشگد بذاته!
55
-ليش عيني بذاته؟
-أنه عايف نومتي العزيزه وما مرتاح وأنتِ تتعيقلي عليَّ!
-ههههههههه أحسن..
11
جر شالي من راسي طاح على چتافي وقربني لوجهه يشم بشعري
-عود شنهي ما تحبيني؟
32
-أي ما أحبك
-تحبيني چثيييير
-واثق بروحك هواي
-طبعًا چا وين أكو مني؟
142
ضحكت صايره بينه وبين الباب دفعته من چتفه
-شسوي بيك أنتَ شايب أخذتك علمود أكمل دراسه النوب أطكك بعرص الحايط وأروح أتزوج واحد بگدي.
91
-شلون ثوله چا وين أكو واحد يحچي خطته قشمر!
73
أبتسمت وأنطيته ظهري أريد أفتح الباب جرني لحضنه حاضني من ظهري لصدره ودفن راسه برگبتي يشمني
-چذابه تحبيني وچثير.
163
كشت روحي وكزبر جلدي من صار نفسه برگبتي دفعته أحاول أتملص منه ميته من المستحى والخوف وهوَّ يضحك
-وردة الغزالة وكيحه.
37
طگيته بعكس أيدي ببطنه
سوه روحه متعور ولازم بطنه بالگوه حابس ضحكته
-يا يابه شلون طگه شگيتي بطني!
33
رفعت حاجبي متچتفه بغرور
-مو هينه أنه ديربالك مني.
16
ضحك بصوت عالي وطگني بخفه بأيده
-ما ينطيني گلبي أطگچ طگه خبيثه مثلچ.
18
خزرته ما قابله شلون يحچي عليَّ!
أريد أشرد مستحيه لگيت عذر چلبت بي
-چا أنتَ ما تستحي من جسام؟
63
-شجابه بالنص؟
-غير هوَّ هسه مريض!
-چا شنهي أنه طبيب؟
12
-لا أقصد شلون تضحك وتسولف؟
-شنهي من عگل شايله غزالة!
15
-ليش كلامي منطقي؟
-چا شمسوي جاي أطگ أصبعتين غير أسولف وياچ!
9
-أي بس لازم تحزن..
-چا الحزن الحزنته هاي الأيام مو كافي؟
4
-لا مو كافي
-أجيتلي ساعة زمان أرتاح بالبيت وأسولف وياچ تطلعيلي سوالف بايخه من جوه الگاع ليش؟
7
دفعته من صدره
-شو تتجاوز أبو شوراب ترى گتلك أنه مو هينه
-عدچ سوالف تخبل وعدچ سوالف خايسه.
15
-تكسر وتجبر أنتَ
-واقع هذا كبد
13
ضحكت ولفيت شالي على راسي
-لا والله صدگ أريد أروح أستحي من البنات خاف يفگدني وهم علمود أروح أبشرهن..
-هسه لاحگه عليهن شمالچ!
4
-النوب نسولف
-ليمت مو راح أموت!
8
-ياااا تذكرت أنتَ شايب حقك الموت بسرعه ياخذك.
-أطلعي أطلعي لا الزگچ بدفره أحطچ بحضن خاتون..
130
مبتسمه أباوع عليَّ بيناتنا مسافه دزلي بوسه بالهوى
-بوسه للترفات الحارمتني منهن.
1.5K
يتبـــع..
132
