رواية سهام الحب الفصل الثاني 2 بقلم ريهام اسماعيل
سارة بعد ان طاقت من زهقها وعلمت انها خلاص فى الامر الواقع طلبت من الكوافيره ان تضع لها مكياج ناعم وهادي لان لم ياتى الليله الا بيت عمها سعد وعمتها سعاد وخالاتها وفاء وجيهان ووخوالها خالد وجمال وعبدالله ..وزوجتهم واطفالهم
1
يارا وهي بتنظر الى سارا: الله سارا تجنني طالعه حلوة اوووي .....اكيد اخويا هيتهبل عليكي انهارده
+
سارا حست انها خلاص هاتبكى..
+
ذهبت الكوافيره قالت لها ::لالالا ما ينفعش كدة العروسه كدة خلاص حتعيط تانى ارجوكى عشان الميك اب وعيونها.
+
يارا بعدت عن سارا وقالتلها: ربنا يهنيكي ويسعدك وتعيشي احلى ايام ان شاءالله
+
سارا ابتسمت: يارب
+
يارا: يالا روحي كملي لبسك
+
سارا (بابتسامه) : ماشي
+
وقبل ما تتحرك قالت : انتي بجد ما تعرفيش احنا مسافرين فين الليلة
+
يارا: لا والله ماعرفش ليه ؟
+
سارا: خايفة نروح مكان بعيد وانا عندي فوبيا من الطياره , منتي عارفه
+
يارا:هههههههههه يارب ما تسمعك رهف بتموت في حاجة اسمها طيارة وسفر
+
سارا: بجد انا خايفة ...مش كفاية اني خايفة من اخوكي كمان اركب طيارة انتوا ناوييين تخلصوا مني
+
يارا: هههههههههه ليه هو اخويا عفريت للدرجادي ولا ايه , يلا يا حبيبتي روحي كملي لبسك علشانهم زمانهم جايين
+
ودخلت سارا تلبس فستانها وتجهز نفسها
+
دخلت هدى الاوضة : فين سارا
+
يارا : بتغير هدومها وبتلبس الفستان
+
مها: وهي عاملة ايه دلوقتي
+
يارا بأبتسامه: يعني انا موجودة ومش عايزاها تكون بخير
+
هدى:ههههههههه والله اانك فعلا مجنونة زي سارة بالظبط .
+
يارا بمرح :شكرا شكرا
+
هدى: عفوا اي خدمة بقولك ايه يا يارا ما تزعليش من كلام سارة على اللي قلته على اخوكي هي بس نفسيتها تعبانة معلش عروسة بقى وانت عارفة الحالة بتبقى ايه في اليوم دة .
+
يارا: انت بتتكلمي في ايه يا هدى ... سارة دي مش صحبتي وبس دي اكتر من اختي ..والله هي عندي زي اختى رهف واكتر كمان.
+
هدى: عارفة والله وهي كمان بتعتبرك اختها واحنا كمان بنعتبرك بنتنا وبنحبك جدا بس ارجوكي ما تبينيش لاهلك او تقوليلهم على اللي قالته سارة
+
يارا: سارا ما عملتش حاجة واللي عملته او قالته دة حاجة عادية واللي سارة تقولوه ما بقولهوش لرهف ازاي بقى حروح احكي لاهلي على اللي حصل .
+
هدى: والله انت بنت جدعة بجد وبنت اصول يالا بقى مش حتروحي تلبسي انتي كمان .
+
يارا: مستنية سارة تطلع الاول .. هي العروسة مش انا هههههه.
+
هدى: ربنا يخليكوا لبعض وعقبالك يا قمر .... والله علاقتكم دي بتفكرني بعلاقة عمي شوقي بوالدك .
+
يارا: اميييييييين اه والله عندك حق الصحبه والاخوه بين الاثنين شى جميل اوى
+
هدى: في اصوات كتيرة تحت يالا اسيبك انت بقى تجهزي وانا حنزل شكل الضيوف وصلوا.
+
يارا: ماشي
+
وتخرج هدى من الغرفه وبعدها سارة تخرج
+
سارا : اعتقد اني سمعت صوت هدى .
+
يارا: هدى ايه دلوقتي ... ايه يابت الحلاوى دي بسم الله ماشاء الله .
+
سارا وهي مكسوفة بس بقى يا يارا.
+
بس انت يا سارة بجد الفستان حياكل منك حتة ومظبوط عليكي بالظبط .
+
وكان قوام سارة جميل جدا مش رفيعة ولا مليانة
+
ورافعه شعرها ونازله منه خصل على كتفها وشعرها اصلا يوصل لغاية كتفها ومعلقه في شعرها ورود بلون الفستان صغيره والميك اب هادي وناعم ..متناسق..هي عيونها عسلى ...والاشادو اللي حطاه مخلي عنيها افتح من العادة ..
+
يارا: بجد تجنني يا سارة .. خليني اقرى عليكي قران علشان العين والحسد وان ربنا يحميكي ان شاء الله .
+
سارا: عين مين بس ما فيش حد غريب كلهم اهلك واهلي وكلهم شايفينى الف مره
+
يارا بأبتسامه: يااااااغبية من عين اخويا .... دى عينه مدورة وملونه ههههههههههه
+
سارا وهي مستغربه: ايه دا هو اخوكى لون عيونه ملونه
+
يارا وهي محرجه منها : احم احم اكيد يا بنتى اخويا اصلا فارس وامور اوى بس لو يخفف العصبيه الزياده دى هايبقى ايه احلى واحلى
+
سارا بخوف: طيب ياختى طمنتينى
+
ميرنا: فين صح الورد اللى اشتريناه امبارح
+
سارا: ملوش لازمه اصلا , احنا عاملين حفله علي الضيق كده
+
ميرنا: لا هاتحتاجيه احنا حنعملك زفة بسيطه كده
+
سارا بخوف وتوتر من القادم
+
ويرن هاتف يارا
+
يارا: ايوة يا رهف انتوا اتأخرتوا كدة ليه
+
رهف: احنا تحت انتوا لسة ما نزلتوش ليه بقا
+
يارا : طيب طيب شوية ونازلين ان شاء الله
+
رهف : طب انا هطلع ليكم ماشى
+
يارا : تعالي ماشى وهاتي معاكي مايه علشان انا عطشانه انا وسارا ومحدش هنا يجبلنا
+
Read More
رهف : طيب ياختي حتي هنا بقيت الفلبينه بتاعتكم
+
صعدت رهف بسرعة بعد ما جابت مايه من البوفيه , وهي بتجري على السلم , فجاءة اتصدمت في حاجة طويلة قدامها وكانت حتفقد توازنها وتقع , الا وحست بيد ماسكها من وسطها واقفتها على درج السلم بس الحجاب كان وقع من على شعرها لانها كانت عملاه اسبنش
+
رهف (وهى مكسوفه جدا ومتوتره)مممميرسى
+
احمد وهو ينظر اليها باعجاب : علي ايه يا رهف , انا اول مره اخد بالي منك اوي كده
+
رهف(اتكسفت خلاص وتنحت وقالت فى سرها) ايه دا مش ممكن يكون جرىء بالشكل دا , انا ايه اللى وقفنى بس ما كنت مشيت من بدرى , بس بصراحه هو كمان مز يخربيت طعامته
+
احمد(استغرب شرودها) هايى روحتى فين
+
رهف: (فاقت) ها مفيش وعلى طول طلعت جرى عند العروسه
+
احمدبص عليها وهي بتجري : دى احلوت اوى عن وهى صغيره بس وهى مكسوفه جميله برضه
+
وهنا سمع شخص بينادى عليه
+
وليد(ابن عمته وصديقه) ايه يابنى انت روحت فين
+
احمد: ها انا اهو انت اللى فين
+
(ونزل على السلم وكمل طريقه عادى)
+
********ريهام********
+
وفى مشهد اخر
+
يارا :ها يا رهف ماقلتيش ايه رايك فى مرات اخوكى القمر دي
+
رهف:__________
+
يارا: بت يا رهف
+
رهف:ــــــــــــــــــــــــــــــــــ
+
يارا: هايى انتى يا بنتى روحتى فين (وبتحركها من ايدها)
+
رهف(فاقت) ها لا انا اهو
+
يارا: هههههههههه مالك يا بنتى مش مظبطه ليه وكلامك كمان ماله
+
سارا: ههههههههههههههه لو مكنتش عرفاكم كويس قولت انها اكيد شربه حاجه
+
يارا: والله عندك حق فى ايه يا رهف حبيبتى مالك وصح فين حجابك واوعى تكونى جايه من غيره
+
رهف: افتكرت وحطت ايدها على شعرها )يانهار اسود هو صح راح فين ليكون اه اكيد
+
يارا: (بتضرب كف لى كف) فيكى ايه انتى بتكلمى نفسك
+
رهف: فى ايه انتى يا يارا ايه من الصبح وانتى لوك لوك ايه ما تهدى شويه عليا
+
سارا: ههههههههههههههه اختك اهى رجعت تانى لطبيعتها حمدلله على السلامه يا رهف , ليكي وحشه يا شيخه
+
يارا: بقه انا اللى لوك لوك طيب شوفى بقه مين اللى هاينيمك معاه الليله يا حلوه
+
رهف: (وهى خارجه لتعثر على حجابها) الله الغنى يا ست يارا
+
سارا ويارا:هههههههههههههه اكيد فى حاجه وحاجه كبيره كمان
+
************
+
وهنا الاهل
+
طلبوا من هدى ان تنزل العروس الى تحت
+
وفعلا هدى ذهبت الى غرفه العروس وخرجت معاها
+
سارة خرجت من غرفتها وكانت فى داخلها خوف شديد من اللى سوف يكون
+
وهى نزله على السلم رائها شريف وفى هذه اللحظه تلاقت الاعين مع بعض لمده ثوانى
+
وسارا اتحرجت وقامت نزلت وجهها الى الارض
+
وشريف كان سرحان فيها وبيفكر فى اللي جاي , وازاي هيعيش معاها وهو ميعرفهاش
+
وفاق من شروده بعمو شوقى بيهديه يد سارا وهى فى قمه الخجل منه
+
وهنا بدات الزفه واشتغلت اغنيه
+
آدي الزين وآدي الزينه قالو الجنه هيه جنينه
+
وعاليسمينا نشوف اسامينا لو زفينا الزين ع الزينه آدي الزين وآدي الزينه قالو الجنه هيه جنينه
+
وعاليسمينا نشوف اسامينا لو زفينا الزين ع الزينه
+
وانتهت مراسم الزفه وجلسوا مع الاهل ساعات وبعدين اتعشوا وذهبوا ليوصلوهم هي وعريسها للمطار علشان تبدأ حياة جديدة مع شريف ياترى حياتهم حتبقى عاملة ازاي......
+
********************
+
وفي بيت ( شوقي) ...... الجميع كانوا جالسين في الصالة
+
سهير: والله سارة حتوحشني اووووي .. دي حتغيب عني شهر كامل , كانت عامله حس للبيت
+
شوقى بحزن : ربنا يسعدها ويهنيها
+
هدى: جمال جمال
+
جمال وهو قاعد جمب مراته نام وهو قاعد من التعب
+
شوقى: ايه دا هو الواد جمال نام لاحول ولا قوه الا بالله انا قلتله بلاش شغل النهارده هاعمل ايه بس دماغه صعبه اوووووى
+
سهير: ياحبيبى يابنى قومى نام فى اوضتك يالا ساعديه يا هدي
+
جمال انتبه لصوت والده والدته : ...ايوة ايوه انا صاحى ....(واتعدل في القاعدة بتاعته) يالا يا هدى قومي حطلع انام انا تعبان جدا وكمان عندى سفرهروح السويس بدرى
+
شوقى: بلاش ياحبيبى اطلع انت ارتاح انا هابعت اى حد غيرك
+
جمال: لالالا ما ينفعش يا بابا دى شحنه كبيره اوووووى وكمان انا اللى لازم استلمها بنفسى
+
شوقى: طيب على راحتك اصلى عايزك ترتاح شكلك تعبان اوى ومرهق كمان
+
جمال قام من على الكنبه : لا انا تمام وكويس اوى ما تشغلش نفسك بيا اصبحوا على خير
+
الام الاب: وانتم من اهل الخير يا حبايبى
+
جمال وهدى عايشين في الفيلا مع اهله ..لهم مكان معزول في الدور الثانى فيه غرفتين نوم وصاله صغيره ومطبخ صغير
+
*********ريهام***********
+
وفى المطار
+
احمد وابن عمته وليد كان بيوصلو العريس والعروس ومعاهم عمر اخو العريس
+
احمد: ها مش عايز منى حاجه يا عمر
+
عمر: سلامتك يا ابو حميد سلام
+
احمد: سلام يلا يا وليد عشان نروح
+
وليد(بيتاوب) ها طب يلا اصلى مش قادر خالص
+
احمد: هههههههه ايه يابنى مالك انت هاتنام على نفسك ولا ايه
+
وليد: اعمل ايه ياخويا فى اخوك جمال خلانى النهارده اروح السويس اشوف الشحنه وصلت ولا لسه وكنت على اخرى والله ونفسى انام بس انت عارفه اكتر منى بيحب شغله اوووى
+
احمد: هههههههههه ايه بلاعه وانفجرت دا انا سالتك سوال واحد بس اومال لو سالتك كام سوال هاتعمل ايه
+
وليد(ضربه فى كتفه كانوع من الهزار) صدق انى انا حمار عشان ركبت مع واحد زيك وله نازلنى هنا
+
احمد: هههههههههه خلاص خلاص اهدى اهو قربنى نوصل بقول شغل اى سى دى من اللى عندك
+
وليد: ايه دا ياجامد شريط الهضبه الجديد ايوه ياعم
+
احمد: مانت عارف اخوك بيحب عمرو دياب قد اي
+
وليد: هو فى اساسا حد مابيحبش عمرو دياب بس صح قولى
+
حسيت ان سارة فيها حاجة وهي بتسلم عليك في المطار .
+
احمد: اااااه يا وليد . والله وانا بسلم عليها وبضمها ليا كنت حعيط خلاص لولا بس ان الناس واقفة ومسكت نفسي وحسيت انها خايفة حسيت انها بتقولي ما تسيبنيش يا احمد انا محتجالك
+
وليد : هههههههههههههههههههههههههههه
+
احمد بص لوليد بعصبيه في ايه هو انا قلت نكته .
+
وليد: وهو لغاية دلوقتي وهو بيضحك : لالالا ابدا اصلك بتقولي محتجالك وخايفة والكلام اللي مالهوش لازمة ... انت فاكر انها حتفتكرك بعد مع تبقى مع حبيب القلب
+
احمد : أيه حبيب قلب انت عبيط يابني ... انت نسيت ان بابا وماما أجبروها على الجوازة دي
+
وليد : لا خالى ومرات خالى ما اجبروهاش على اى حاجه عارفين مصلحتها .. وانت عارف شريف دة لقطة بالنسبة لينا وتعرف كمان هو ابن مين .
+
احمد : ايوة بس سارة صعبانة عليا قوي وكان نفسي اقول لشريف انه ما يسافرش ولو يقعدوا في اي فندق هنا وخلاص.
+
وليد : يعيني على الحنية ... ما كنت قلته احسن انا حاخد سارة معايا تاني هههههه والله ناس عجيبة .
+
احمد : وله يالا انزل من العربية علشان انا مش طايقك انت مش كنت عايز تنزل من شويه يالا اتفضل انزل
+
وليد: ههههههه طب خلاص يا سيدى هاسكت اهو
+
وبعد ساعه وصل احمد الى فيلتهم وقبل ما يصعد السلم اتفاجاه بولدته لسه صاحيه وبتعيط فى ركن بعيد
+
ذهب ليها وبعدين تردد لالالا اسيبها اكيد بتعيط عشان سارا هاسيبها برحتها
+
وصعد السلالم ورن هاتفه (بلمى صديقته)
+
احمد: الو يا ياحياتى انا بحسبك نايمه
+
لمى: لاء انا صاحية كنت مستنياك يا عمري انت اتأخرت ليه عليا بالاتصال.
+
احمد : انت عارفة بقى ان النهاردة جواز اختي عقبالك .
+
لمى: اختك سارا ؟؟
+
احمد: هههههه هو انا عندي اخت غيرها .
+
لمى : الف مبروك يا حبي وعقبالنا
+
احمد دخل اوضته وفتح النور وقال لها : تعرفى ان البيت وحش اوي من غيرها
+
لمي بضحكه : هههههههه هي لحقت توحشك
+
وقعدوا يتكلموا لغاية لما دق الباب .
+
احمد: في حد بيخبط على الباب حروح اشوفه ماشي يالا سلام .
+
لمى: سلام .
+
وقفل التليفون وفتح الباب ولقى ابوه بيقوله يالا علشان حنروح نصلي الفجر في الجامع . وراح ابوجمال وعياله جمال واحمد للصلاة ..
+
*******ريهام******
+
فى مكان تانى
+
في الطيارة ... سارة جالسه على كرسي جنب الشباك وفي الجهه الثانية جالس شريف وفرحت لان الكرسي واسع وانها مش حاتكون لازقة في شريف, المضيفة طلبت منهم انهم يربطوا حزام الامان وما حدش يتحرك لان الطيارة هاتقلع هنا سارا ماتت من الخوف
+
بقت مش عارفة تعمل ايه والطيارة بدأت تقلع وسارة مربعة ايديها واول ما بدأت الطيار بالقلع , بدأ قلبها ينبض بسرعة وهي حاسة خلاص ان قلبها حيقف من كتر الخوف , وخافت ان شريف يشوفها بالمنظر ده وكانت بتفرك بايدها ومغمضه عيونها
+
التفت شريف لمنظرها وشافها كان نفسه يفطس من الضحك بس مسك نفسه علشان سارة ما تحسش باحراج لكن بنفس الوقت صعبت عليه اوووي
+
مد ايده بتلقائيه وحطها على ايديها وهي اول ما حست بايده مسكت فيها جامد وهي لسه مغمضة عنيها
+
وهاتموت من الخوف كأن ايديه كانت حبل النجاة بالنسبة لها وقتها عرف هي قد ايه بريئه من جواها وعفويه ,
+
ابتسم وسابها على راحتها وبعد ما استقرت الطياره في الجو حست سارا ان التوتر الي كانت حساه قل وكانها راكبه عربية فتحت عنيها شوية شوية وهي خايفه من اللي هاتشوفه يمكن تكون في حلم وكل الي فات خياله اتفاجات بشريف ماسك ايديها الاتنين بايده
+
فعلى طول بعدت اديها وهي مكسوفة وهي تقول في نفسها ياربي عرف انى بخاف ايه الاحراج دا
+
ايد شريف كانت حمرة من كتر ماكانت سارا ضاغطه عليها
+
شريف بابتسامه وسخريه قال: وطلعتى خوافه كمان ..انا قالوا لي انك دلوعه بس..
+
سارا حست انها خلاص هتنفجر ده بدل ما يهديني بيتريق عليا ..
+
سارا بين اسنانها وبتوتر: محدش اجبرك وقالك اتجوزني .
+
شريف استغرب من ردها بس هو يستاهل لان المفروض ما كانش يقول كدة كفاية انها مكسوفة منه بس حتى لو مش قصدها ليه هي مش عايزاني اتكلم ولا ايه
+
شريف: وكمان عصبيه ولسانك طويل
+
سارا هنا بقى اتكسفت بجد :....
+
هو انا ازاي رديت الرد دا ايوة اسلوبة مش حلو في الكلام بس كفاية انه مسك ايدي وانا كنت حموت من الرعب ..
+
سارا بصوت منخفض يا دوب مسموع : انا اسفه..
+
وأحضرت المضيفة بالعصير للركاب , فسارة طلبت عصير برتقال
+
اما شريف فاخذ عصير كوكتيل
+
كابتن الطياره كلم الركاب وقالهم ان الرحلة مدتها 5 ساعات ونص وغير كدا من الكلام المعروف وطبعا دعاء السفر
+
(ودة شيء مميزه جدا تتميز بيه مصر للطيران)
+
بعدين جت المضيفه عشان تقولهم داوعي الامن ومكان سترات النجاه
+
سارا جلست تفكر...خمس ساعات كتير هاتعمل فيهم ايه ماعندهاش حاجة تعملها
+
اما شريف فكان بيشاهد على التى فى فيلم اجنبي , سارة بحكم انها اول مرة تركب طياره من فتره كبيره , فمش عارفة التليفزيون بيتفتح منين ومش عايزة تكسف نفسها اكتر من كدة قدام شريف كفاية اللي حصل اخدت المجله وقامت تقرا فيها وتحاول تسلى نفسها بعدين حست انها خلاص اتخدرت وعايزة تنام وبالفعل سارا من كتر التعب ماحستش بنفسها وراحت فى سبات عميق
+
بعد شويه لقاها شريف غرقانه بالنوم علي كرسيها فهزها بخفه وقال: سارا يالا قومي ...الاكل وصل ...
+
سارا هرشت فى وجهها وحركت راسها لتضعها علي كتف شريف بدون احساس فقالت بتأفف : بس يا احمد بقى اناعايزة انام
+
شريف ابتسم وقرب منها وهمس بتسليه وهو مستمتع بعفويتها : للاسف انا مش احمد انا جوزك شريف
+
سارا وهي لسة بتستوعب الحدوتة وفتحت عنيها الا ونظرت براسها على كتف شريف
+
وعلى طول اتعدلت في قعدتها وشها احمرر
+
سارا: مش عايزة شبعانة .
+
شريف :ايه شبعانة دي بلاش دلع عايزة تاكلي ايه
+
سارا: تؤ مش عاوزه اكل
+
شريف وهو بيكلم المضيفه ومش مهتم بسارا: اديني واحد كرواسون مربي وواحد جبنه وحطي الجبنه عند المدام
+
سارا بتزمر: بس انا مش عاوزه كرواسون جبنه
+
شريف بضحكه جميله : يعني جعانه اهو , امال ايه مش عاوزه دي
+
سارة اتكسفت اوووي وبتقول في سرها ماله دة كل شوية بيكسفني كدة
+
شريف كان فرحان بيها جدا وخصوصا لما وشها بيحمر من الكسوف فعشان كدة كسفها ..
+
شريف للمضيفه: معلش هتعبك معايا
+
المضيفه بأبتسامه : مفيش تعب حضرتك , واعطت امام ساره كرواسون شكولاته مثل ما طلبت , وقالت لشريف : تحب تشرب ايه ؟
+
شريف: لو فيه قهوه ساده فهكون ممنون جدا ليكي
+
المضيفه:تحت امرك يا فندم ..والمدام تشربي ايه ..
+
سارا: عايزة بيبسي
+
شريف بص لسارا ويقولها: بيبسي مش صحي خدي عصير احسن ..؟؟؟!!!
+
سارا ما اهتمتش بكلامه والمضيفة اديتها اللي عايزاه وراحت للي بعدهم سارا شافت ساعتها وكانت 7 الصبح ودة طبعا بتوقيت القاهرة ....
+
كان النور شوية طلع يعنى باقي حول ساعه ويوصلوا لندن بعد ما خلصوا الفطار وشالت المضيفه الاكل
+
حبت سارا تروح للحمام عشان تغسل وتظبط نفسها بعد النوم عشان خلاص قربوا يوصلوا.حاولت تفتح الحزام بس ما عرفتش وفضلت فتره تحاول وما حبتش تسال شريف علشان ما تتحرجش تاني قدامه
+
لكنه حس بيها وهي محتاسة ولف ومن غير ما يتكلم , مد يده وفتح لها الحزام بكل سهوله , فرفع راسه بعفويه يشوف سارا الي كانت عنيها علي ايده وهي تفتح الحزام ولاصقه فيها شريف بصلها كأنه اول مرة يشوفها في حياته لقى فيها الطفولة والبراءة وانها جميلة جدا حتى بالحجاب الي لابساه جمالها بان ...فيها رقه نادره زي اخواته بالظبط
+
بعد ما فتح الحزام شال أيده وقام عشان يخليها تعدي..مش لازم تقوله وهو ما حبش يسالها وخلاها على راحتها.. علشان ما تتكسفش اكتر بس اكيد كانت عايزة تروح الحمام
+
سارا وهي بتقوم لقيت ايد بتمسكها بتلف لقيت شريف بيقولها
+
اتوضي علشان نصلي الصبح في الطيارة ...
+
سارا : حاضر ....
+
ذهبت للحمام ... وبصت في المرايا .. حسيت انها متبهدلة على الاخر : ايه الاحراج دة انا كنت قاعدة قدامه بالمنظر دة ازاي
+
وبسرعة ظبطت نفسها وأتوضت عشان تصلي الفجر ...ولما رجعت مالقتش شريف جالس مكانة معرفتش هو راح فين فحست برهبه كبيره راحت وقاعدت علي كرسيها وفضلت تبص حواليها وخلاص شويه وهتبكي , فلقيته جاي عليها وبيبص عليها وبيقول بصوت هادي
+
شريف: انا صليت روحي انت كمان عشان تصلي ... هناك في اخر الطيارة في مكان للصلاة
+
سارا مسحت دموعها وقالت : هروح لوحدي ...؟؟
+
شريف يرفع حواجبه وقال : ما تخافيش ما حدش حيكلك
+
هنا اتنرفزت ... وقالت في سرها ....هو ما يعرفش اني عروسة جديدة والمفروض يكلمني بطريقة احسن من كدة شوية وقامت سارة وهي متنرفزة وراحت تصلي ولما رجعت
+
قام شريف عشان تدخل مكانها ....
+
شريف: تقبل الله...
+
سارا: منا ومنكم ان شاء الله ...
+
وجالست في مكانها ...جاءت المضيفه بعربيه المشتريات لو كان فى حد يريد يشترى حاجة .... قامت سارا اشترت أسوره عجبتها كانت مرة شافتها بالكتالوج مع يارا , وقد ايه كانت عجبه يارا , ففكرت تشتريها ليها
+
شريف: مش عايزة حاجة تاني
+
سارا: احم لا شكرا حشتريلهم من هناك
+
شريف: ليه هي دي مش ليكي
+
سارا: لاء دي ليارا لانها بتحب الاساور اوووي.
+
شريف: شكلك علاقتك بيارا قوية جدا ؟
+
سارا بهدوء قالت : ايوة انا ويارا اكتر من الاخوات
+
شريف كانوع من الهزار: وازاي صابرة عليها دي رخمة جدا
+
سارا بصت لهوقالت بغيظ : على فكره مش هي اللي رخمة
+
شريف: ههههههههههه يعني انا اللي رخم , ماشى يا ستي مقبوله منك , ها ورهف صاحبتك برضه
+
سارا انبسطت لان شريف بيتكلم معاها
+
سارا: ايوة رهف معانا على طول بس انا ويارا اكتر لانها معايا في الجامعة وفي نفس تخصصي ومن ابتدائي واحنا مع بعض عمرنا ما افترقنا ..
+
شريف: وايه هو تخصصك .
+
سارا وهي ترفع حاجب: انت مش عارف تخصص اختك ايه
+
وتقول في سرها بسخريه : واحد يخطب واحدة ومش عارف بتدرس ايه
+
شريف وهو ينفض بنطاله : ما اعتقدش ان الحكاية مهمة علشان اعرف..
+
سارا وهي متنرفزة : طيب لو هي مش مهم بتسأل ليه دلوقتي ...
+
شريف بدا يعجب بيها من عصبيتها : دلوقتي لازم اسأل على تخصص أختي لانه نفس تخصص مراتي ولا ايه
+
سارا اتحرجت :دراستنا فنون جميله
+
شريف: حلو التخصص دة خصوصا للبنات...
+
سارا: ايوة مع انه صعب شوية ومحتاج لشغل وتركيز كتير ...
+
الكابتن قطع كلامهم وطلب من الركاب الاستعداد للهبوط لانهم دلوقتى فوق حدود مطار هيثرو
+
ولما بدات الطيارة بالهبوط رجع الخوف لسارة مرة تانية .... الهبوط غير الاقلاع بس الاثنين بيخوفوها
+
شريف:حتى الهبوط بتخافي منه..؟؟؟
+
سارا ما ردتش عليه وعضت على شفايفها ولفت للشباك ...شريف هنا مد ايده ومسك ايد سارا الي جنبه ...وقربها منه وضغط عليها..
+
سارا استغربت منه وبصت له..عينها كانت في عينه ....سارا كانت بتفكر في الانسان الغامض اللى مرة ينرفزها ومرة يكون حنين ...ومره يحرجها ...ياترى انت مين يا شريف.
+
.وياترى فعلا هو مين
+
