رواية صغيرة درغام الفصل الثامن والعشرين 28 بقلم سندريلا انوش
الفصل الثامن والعشرون:
من رواية صغيرة درغام بقلمي سندريلا انوش 
..
..هزت الفتاه رأسها وقال بضعف:درغام.
تجمد مكانه ثواني ثم رفعت الفتاه وجهها لتنكشف الحقيقه..
درغام بصدمه:مييررا؟؟!
نظرت ميرا اليه بعتاب:سبتني لي يا دزغام.
نظر درغام اليها بعد فهم قائلاً:سيبتك فين..انا مش فاهم حاجه انت المفروض ميته!
انهمرت دمعه من عنياها قائله:مقتلنيش يا درغام..دا خطفني.
وهنا فتح الباب وظهر منه سامر ورجب وهما يرمقنا درغام بحقد..
درغام بسخريه:الاه! رجب الاعور!
استشاط رجب وكاد ان يذهب لدرغام فمسكه سامر ونظر اليه بصرامه..
ارجع درغام ظهره الي الخلف قائلا:اي المفاجئه اللي مش لطيفه دي؟؟!
ابتسم سامر بمكر قائلاً:هي مش لطيفه..بس ليك انت.
ثم دلف الناقل ووقف في وسط الغرفه..فسحب سامر الغطاء لتظهر فجر..وهي مكبلة الارجل واليدين..
هنا انتفض درغام وحاول ان يتحرر من كرسيه ولكنه فشل..
اقترب سامر منه قائلاً بمكر:مالك يا ديغو! خايف عليها صح!
جز درغام علي اسنانه قائلاً:لو فجر جرلها حاجه انا مش هرحمكممممم.
تحدثت ميرا وهي تتفحص وجه فجر قائله:هي دي فجر!
ثم وقعت عيناها علي بطن فجر فتهكمت معالم وجهها قائله:انا شايفه انكم اتجوزتم كمان!
نظر درغام اليها بعد اهتمام فاتجه سامر الي فجر وتحسس شعرها وهو يقول:قدامك خيارين يا درغام..يا ميرا تعيش..ثم تحسس بطن فجر قائلاً بمكر:يا فجر وبنتك تعيش.
صرخ درغام به قائلاً والشر يتطاير من عيناه:شيييللل ايدك النجسه دي من عليهاااا.
حرك سامر سبابته امام درغام قائلاً:تؤتؤ الصوت العالي هيصحيها.
وهنا بدءت فجر تتململ في مكانها
فقال سامر بعتاب مصتنع:شوفت اهي صحت!
فتحت عيناها تحاول استيعاب ما حولها ثم تذكرت ما حدث لها في الفيلا..
فشهقت الاخري بقوه..درغام بقلق:فجر! انت كويسه!
نظرت فجر باتجاه الصوت فوجدته مكبل بتلك الطريقه والدماء تسيل علي وجهه فقالت بهلع:درغام..اي اللي في وشك دا.
درغام بنبره هادئه:متخافيش يا حبيبتي..شوية خلافات وهنصفيها.
ثم نظر الي سامر..
انحني سامر امام وجه فجر قائلاً:جوزك قدامه خيارين.
فقالت فجر:مينفعش جزرتين!
نظر سامر اليها بصدمه من ردة فعلها وقال:جزرتين اي..ثم قال بصوت عالي:يا انت تعيشي يا ميرا تعيشش.
نظرت فجر اليه بضيق وقالت:ميرا ماتت اصلا.
فتحدثت ميرا قائله بضجر:احم لا عايشه!
اتجهت فجر الي مصدر الصوت الانوثي فوجدت فتاه تنظر اليها بشرار..
فجر:انت بقي مرات جوزي!
نظر سامر الي درغام وقال:هي مجنونه!
رمقه درغام بنظره ناريه فقال سامر:كلها دقايق مش هنسمع صوتها تاني.
فوقف رجب بين فجر وميرا واخرج سلاحين..واحد باتجاه ميرا والاخر اتجاه فجر.. وقال:قدامك مراتك وبنتك..او ميرا.
نظر درغام اليهم فقالت ميرا:درغام متخلهوش يموتني..انا بحبك صدقني.
شهقت فجر وقالت:حبك بورص يا بعيده..ثم نظرت الي درغام بوجه الجرو قائله:جوزي قرة عيني مش هيسبني صح.
نظر درغام اليهم بضيق ثم تخفض رأسه قائلاً باستسلام:ميرا.
نظرت فجر بصدمه وكادت ان تصرخ فوجدته يرفع راسه وابتسامه شيطانيه تزين ثغره وقال بقوه:ميرا هي اللي تموت.
وهنا قهقهت ميرا بقوه..وقالت:كنت عارفه يا درغام.
تفاجئ درغام بنهوضها عن كرسيها..وفك حبالها..
نظرت فجر بعدم فهم..فقالت ميرا:عارف يا درغام... انت ساعات بتصعب عليا..عارف لي..لانك مغفل!
ثم اتجهت الي سامر واحضتنته بقوه قائله:سامر يبقي اخويا.
لم يظهر درغام اي ردة فعل..بل جعلها تكمل قائله:وهو اللي هربني منك لما عرف انك واخدني عشان ننزل البيبي اللي هو اصلا ماكنش موجود..وخطتنا كانت هتبوظ بسببه.
ثم ابتعدت عن سامر واتجهت الي فجر فقال درغام:خطتكم الوسخه صح!
ابتسمت الاخري وهي تعتدل خصلات فجر قائله:تؤتؤ خطتنا كانت هتنجح بس ليك عمر تعيش للحظه دي.
ثم قال سامر:كل حاجه كانت مدبره..حتي موضوع ان ميرا تكشفك وتهديدها انها هتبلغ بردو كان من ضمن الخطه..ومن ضمنها بردو جوزكم..عشان عينيها تكون عليك اكتر.
ابتسم درغام وقال:وكل دا لي؟!
صرخت ميرا قاىله بغضب:عشششااان باباااا..هاه فاااكررره هشام فايد..فااااكررره.. بقالي عشر سنين مشهد موته بيتكرر قصاد عيني..كل يوم بشوفك بتقتله قصاااددي..كان لسا عندي 13 سنه وسامر 15..مستخبين في البلكونه وشفناك وانت بتقتله..حاول يدافع عن نفسه بس ملحقش.
درغام بسخريه:لا لحق ياختي..وضربني بحقنة سم كان بيحطها ديما في جيبه لانه كان عارف ان نهايته سودا.
اقترب سامر من درغام وسذت لكمه قويه في وجه الاخر..فاتجه وجه درغام الي الجهه الاخري..ثم رجع بصق الدم من فمه في وجه سامر..وثغره يبتسم بمكر..
فتراجع الاخر وهو يضحك قائلاً:كل اللي انت بتعمله دا..حبيبة القلب هي اللي هدفعه.
فجر بتوتر:الاه!وانا مالي يا لمبي!
نظر درغام اليها وسامر..بينما ميرا ضحكت بخفوت قائله:يا خساره يا فجر..دمك خفيف..وهتوحشينا اوي.
نظر درغام بتوجس قائلا:انتم هتعملوا اي؟؟
اقترب رجب قائلاً بشرار:اصل سمعنا ان المدام..مش هتكمل في حملها فقولنا نقوم احنا بالواجب.
انتفض درغام بقوه فاقتربت ميرا منه وقالت:تعرف مين سهل علينا خطفها من الفيلا..نظر اليها بتوجس فاقتربت من اذنه قائله:ديلااااان..اصل بتكرهها اووي.
ابعدت عنه ثم صرخت بقوه قائله:فيييين الدكتووووور.
ارتجفت فجر وهي تقول:انتم هتعملوا اي فيا.
نظر سامر إليها وقال:هنحضر..الولاده لايف...
