رواية مقبرة الاحياء الفصل السادس والعشرين 26 بقلم سارة جعفر
بين الفقرات عشقي 
.
.هذن مرن عليَّ وفايتات هواي ألويهن صبر ويخسن يلوني، جبت عمري سفينه مگالب ويالموج ما شفت المراسي ويوم لفني..
-فجر: ما نمت الليل چن حارس، أفكر وروحي ممروده لحد ما طر الفجر يله غفيت شويه وهم گعدت من وكت الصبح، وصار الوكت أگلب كلشي على محاسن وأدهور حالها أتغده بيها گبل لا تتعشى بيَّ، طبيت للمطبخ وأجن وراي البنات صدفه بس أنه أخذت هذا الشي الصالحي
27
رحن لمحاسن الگاعده تنظف بالخضره شاورتها
-عندي وياچ حچي أريد نسولف وحدنا.
12
رفعت عينها الي صافنه عليَّ وگالت
-نروح لبيت رياض محد من ولدنا يروحلهم؟
8
هزيت راسي رافضه أباوع على البنات ورجعت شاورتها
-لا تردينهم يدرون، أنه أريد أسوي كل التردينه علمود محد يدري والبنات ضلن يشكن بيَّ وين ما أروح يطبن وراي خاف يسمعنا أريد مكان ما بي بشر؟
18
صفنت تفكر وأنه نطقت بهدوء
-نروح للبستان
-شوكت؟
9
-بالليل من ينامون.
-أشگد نغله حتى الليل ما يكضچ وتخورين!
-هسه أنتِ شلچ غرض ترحين لو لا؟
25
هزت راسها أبتسامة شماته على وجها
-عفيه عليچ عفيه أريدچ من أيدي هاي لأيدي هاي..
32
البنات واگفات مستغربات مني من شوكت أنه عندي أسرار وصحبه ويَـ محاسن ولو تخسي بس ضالات صافنات عليَّ ثنينهن
-تعاي لآخر البستان خاف يطلعون.
12
هزت راسها تضحك شامته، عفتها وطلعت من المطبخ أجن وراي البنات أشگد سألني ما جاوبت كل تفكيري بهاي الليله الواگفه عليها حياتي وأنتظر الوكت يمر ساعه ساعه لحد ما أجه الليل روحي طلعت
6
لبست عبايتي وطلعت من البيت بنص الليل رحت للبستان وطبيت لنصه، وگفت بين النخل وبين الظلمه وضوه الگمر متانيه محاسن تجي وصدگ ما طولت أجت وراي..
2
2
من شافتني ضحكت وأجت وگفت گدامي
-وين راحت فجر الشامخه، مذلوله هسه أنتِ گدامي.
30
30
ما أرد عليها بس أباوعلها بأبتسامه تارسه وجهي وهِيَّ كملت كلامها
-يله أحچي بسرعه وراي زلمه يتفگدني مو مثلچ أخوچ ما يدري راسه من رجليه وخالچ على حل شعرچ..
19
19
بقيت ساكته أباوعلها وهِيَّ سمها يطلع بنظراتها وكلامها، صحيح متوتره بس من حسيت بوجود حرّ نزاح كل خوفي وأبتسمت
-كل ظنچ تذليني وأنه عندي أزلمه يعادل عشيره؟
34
34
صفنت بعيني باهته شهگت واگف النفس ببلعومها من شافت حرّ طلع من بين الظلمه والنخل سلاحه شكبره متوسد ذرعانه، وجها ضل ينطي ألوان وحرف ما نطقت تقرب عليها رافع سلاحه بأيد وحده
-حريمه تذلي أختي وأنه أشتم الهوى.
97
97
ما ردت ولا نطقت لسانها نبلع، چن ضلت ما تعرف تسولف بس فاتحه عيونها على كبرهن جامده بمكانها مثل الصنم حرّ تقرب عليها وگف گدامها ما يفصلهم غير مسافه وفوهة السلاح على گلبها
-ما أريد أهيس حسچ حرف واحد أفرغ الشاجور بيچ.
13
13
دارت عينها تباوعلي يمكن هسه لو تلزمني تشرب من دمي من القهر والصدمه، حست بمرارة الغدر مني أبتسمت بشماته أباوعلها
-چنتي كل ظنچ تذليني تخسين وأنه أخت الحرّ.
35
35
حُرّ: تردي تفضحينها هاي عندچ شهيره؟ حريمه والله كل ظنچ أنه أنحرها لو دريت أنه ما أنحرها أنحر اليجيب طاريها، محاسن حسابي وياچ طويل أنتِ فتحتي دفاتر عتيگه وأنتِ تتحملينهن..
13
أنتِ تردي تسولفي للوادم فجر أعتدو عليها مو؟ أنه أدري بكلشي صار وياها أخوها وخيمتها محد يفك حلگه ويحاچيها، بس أنتِ محد يدري بيچ أنتِ لو درو بهذا عمرچ ينحرونچ على المسويته.
سكت شويه يباوع بعينها
شفايفها صارن بيض وجها شحب لونه تخشبت بمكانها وهوَّ كمل كلامه
-فجر مظلومه وخطفوها، أنتِ بأردتچ رحتي ويَـ صاحبچ بعتي شرفچ بين الزرع.
122
كتمت شهگتي وجمدت حالي من حالها، هِيَّ مستغربه وخايفه شلون حرّ يعرف بأشياء هيچ قديمه وحافظهن، وأنه دخت من الصدمه على السمعته عن محاسن كل عمرها تحچي بالشرف وتطعن بالبنات على أساس ما راضيه!
20
كمل حرّ كلماته ببرود
بس كلامه لو طلع من بيناتنا يمكن محاسن يدفنونها وهِيَّ عايشه
-فجر كل عمرها ما ظلمت بشر، حشاها من المقارنه وياچ نگسه أنتِ تربية وحل، تتذكري محاسن من خطبچ گاطع وأنتِ منطيه شرفچ بأرداتچ بين الزرع صاحبچ طگاچ بوري وما رضى يخطبچ وحتاريتي شلون تضمي فضيحتچ؟
23
جزء وره جزء من كلامه يخليني أنصدم أكثر أباوع عليها وهِيَّ ما تتفسر حالتها گد ما جمدت حسيتها ماتت وهِيَّ واگفه هدوء الليل ويَـ صوته مندمج
-أحتاريتي شلون لو درو بيچ بايعه شرفچ، أستغليتي دم دورتچ على أساس هذا دليل عذريتچ.
131
أرمش أريد أستوعب كلماته العباره عن رعب وصدمات عن حقيقة محاسن، وأجت كلماته الأخيره مثل الضربه القاضيه
-وآخر شي وأهم شي أنتِ چتلتي أم جسام، وطلعتي عليها سمعة ناهبه والمره مچتوله..
90
جمدت بمكاني بخوف وصفنه على محاسن، أول مره أدري بكل هذا وهِيَّ أجت تنجلط صافنه بعينه بصدمه چن رجعها لسنين قديمه رفع حاجبه
-أكمل لو بس؟ هذا جزء من خيستچ.
18
جر نفس وبعدها هِيَّ ساكته
-أنتِ طلعي الحچي المضموم بگلبچ وأنه أطلع، فجر ياهو يگدر يمسها بس فكري بروحچ أنتِ لو درو شنهي يسوو بيچ وما أمنعچ روحي سولفي براحتچ.
3
نزل السلاح وحط فوهته على الگاع وأيده على سلاحه
-وستر زينب يا محاسن أچتلچ وأسحگ على دمچ، أنه الأكبر منچ ما گدرولي مو هاي سوالفچ مطگطگهن جوه رجليَّ تردي تمشيهن عليَّ، أنه الشرف خط أحمر عندي وصار سنين طويله أدري بسالفة شرفچ ورغم أنتِ بعتيه برخص بس ما جبت طاري ولا حچيت..
10
مسحت وجهي صافنه على محاسن وأحس الدنيا تفتر بيَّ، وهِيَّ ساكته حرف ما نطقت جرني حرّ من أيدي ومشى للبيت التفتت عليه مصدومه وأحنى نتمشى
-طلعت مو گليل تدري بهاي السوالف كلها!
-چا شنهي بس هِيَّ مفتحه عيونها وتدري بكلشي وأحنى مغمضين؟
12
سكتت صافنه على الدرب وهوَّ كمل
-مشكلتي نظيف بنص وادم عايشين بوحل، أنه الشرف خط أحمر عدي وعمري كله ما جبت طاري هاي سوالفها ويَـ روحي حتى مو بين الوادم لأن مو هين الشرف بس همَّ يردون يذبون خيستهم علينا!
6
صفنت مستغربه منين يدري بكل هاي المصايب
فلك عمي غايب سنين ويدري بيهم وبالمضموم
-شمدريك بهاي المصايب كلها؟
أبتسم بطرف شفته والتفت عليَّ
-أدري بكلشي هنا كل واحد وخيسته أعرفهن، بس أنه ما أجيب طاري الشرف ولا نگس وأستغل نقاط ضعفهم بس همَّ سفله..
4
لف أيده عليَّ حاضني لصدري وباسني براسي
-لخاطرچ أنه أگلب الدنيا يخسون يذلونچ.
20
بسته بچتفه مفتخره بي
-أروحلك فدوه..
2
-كلارة: گاعده على بايات الدرج أباوع للهول متروس بولدنا من ضمنهم أخوي، يسولفون بيناتهم عن شغل وهواي سوالف بعد، طبت فجر بأيدها صينية چاي سلمت بهدوء وردلها جسام
-هلا بأخت الموت.
11
أبتسمتله وأنه هم الأبتسامه ترست وجهي، يخبل أسم "أخت الموت" بي هيبه، أبتسم حرّ وأخذ گلاص الچاي القدمته فجر، گال فقار
-جبتها عدل وعلي خوش أسم..
2
ضلو يسولفون بخصوص الأسم وحتى فجر عجبها من ملامحها وأنه أتبوسم وياهم التفتت على صوت وراي
-ها شو تتمضحكين وحدچ؟
2
باوعتله بطرف عيني ضيغم واگف يباوعلي
-شعليك؟
6
التفتت مندمجه وياهم أباوع على جسام المفضوح أشگد يحاول يخفي نظراته لـ فجر بس يبقن مغلفات بنظرات متروسات حب تنهد ودنگ عينه وهِيَّ گدامه
والله ذله گاعد گبال التحبــه وما تگله..
16
زمخ ضيغم بضوجه
-وسم مو أحاچيچ!
-شتريد سربوت؟
-شو عايشه الدور ترى ما يقصدچ!
7
-عمي أدري بس الأسم حلو
-أي بس مو الچ.
2
-شو أنتَ تريد تتعارك بالگوه
-لا جاي أحچي الصدگ.
-چا أنه هم أخته هم أسمي أخت الموت.
-شجاچ لفجر هِيَّ عاقله ومؤدبه أنتِ أم السان ومستهتره فرق السما عن الگاع، وطبعًا هِيَّ السما وأنتِ الگاع مداس..
6
-خايب ضيغم أنه گاع؟
-أي الگاع النگسه المديوسه.
3
رفعتله حاجبي وتخوصرت ما عاجبني
-شو أنتَ ما تعرف تسولف!!
-نچبي شمالني أم أعطوب.
1
-وين شايفني أم عطوب والله تچذب مو لابسه حجاب؟
-من وره حجابچ عطوبچ واگفه..
-مثل گرونك.
24
-أنعل أبوچ بت الچلاب
-چا شني يمه حلال عليك الغلط وحرام عليَّ؟؟
1
عفته ونزلت طلعت من الهول لبره وأسمع صوته وراي طلع
-وين موليه؟
رفعت حاجبي بضوجه
-شعليك أكو واحد مسلطك عليَّ أنتَ؟؟
جرني من أيدي لواها لوره ظهري وصار وراي ضغطت على أسناني بألم، وباوعتله بطرف عيني خازرته
-وخر أيدك!
7
يلوي بيها بخفه بس ألألم موتني أحس عظمي راح ينكسر بس ما أريد أبين اله تأفأفت ضايجه وهوَّ همس بآذني
-أكلي تبن.
1
-ديله كافي مو أنطيتك عين
-مستهتره وصلفه وملسونه.
-ترى أكول لـ حرّ تريد تطگني
-والله عندچ چذب خرب عرضچ!
-ما مچذبه هاي هل تريد تكسر أيدي..
هد أيدي ودفعني بضوجه وخفه
-ولي.
+
ما رديت مشيت مسافه والتفتت عليه
-أگص لسانك ترى!
3
يباوع عليَّ بنظرات أستهزاء
-خلص العرس وأجت الرعنه تهلهل.
8
ضحكت من كل گلبي على المثل اليمثلني صدگ، عفته ومشيت أدندن بيني وبين روحي بصوت شبه ناصي
-يبو عيون الخضر..
8
مندمجه حيل أمشي وأدندن بالحچايات أقصد روحي بيهن وحسيت بطابوگه صغيره على ظهري التفتت فاتحه عيوني بصدمه أباوعله
-ولچ تغنين للعيون الخضر!
12
مسحت بأيدي على مكان الضربه وخزرته
-شو أنتَ فد مره مستهتر؟
-طايحة الحظ شايفتني ما عدي غيره!!!
-شكو شكو؟
-تتغزلين بعيون صاحب حرّ بكل صلافه گدامي!
6
-ياهو يمك أنتَ ربطت فيشه؟
-چا شني معناها عيون خضر وعيون خضر!
4
-الله أكبر عمي ترى زودتها أنتَ!
-إذا ما حچيت لـ حرّ أگله أختك تتغزل بصاحبك.
-أشگد چذاب ونذل!
-سهله كلارة سهله إذا ما حچيتله أنه معتب..
-شعليك عمي خليني أتغزل بي صدگ عيونه حلوه
-بت النعال شني شايفتني گرن؟؟؟
5
-لا گول تغار من عيونه الخضر.
-شلون راح يجيج نعال
1
أتعمد أحرگ گلبه چا هوَّ وحد يضوجني ويحرگ گلبي أقصد روحي ناسيه مُهيب هيچ عيونه أصلاً حتى مشاعر ما الي إتجاهه، فريت أيدي
-حلوه هاي شعليك يابه ولي آمري أنتَ؟
1
-شلون تباوعين بخلقة أخوچ إذا أحچيله سوالفچ؟
-تحسسني متواعده ويَـ مُهيب!
2
-طايحة الحظ شوف الألفاظ السز!
-لا تتدخل ولا تغار مره ثانيه من مُهيب..
شاطت روحه فرفح يريد يكتلني أجه وراي وأنه رجعت بسرعه وهوَّ يزمخ
-تأدبي ولا تضلين تتمادين عيب هل حچي.
+
-ترى ما أقصد مُهيب، چنت أغني على عيوني
-أكلي تبن ولا تضلين تجذبين
-والله ردت أحرگ گلبك من أگلك على مُهيب..
أشرت بأصابعي على عيوني وبثقه گلت
-أقصد على الزيتونات الموجودات بعيوني.
2
فر أيده وأنه طبيت أضحك، رحت لغرفة خاتون لگيت حُرّ گاعد يمها يسولف وياها وطب وراي ضيغم للغرفه ضايج گعدت بصف حُرّ و وردة على جهه گدامها كتابها صافنه عليه، التفتت على حرّ وگلت
-حرّ مشتهيه زيتون أخضر.
6
التفت حرّ على ضيغم الگاعد محتقن من سمع كلامي
-أم رشا بعدها بالمحل؟
3
رفعت راسها وردة تباوعله
وهوَّ حط عينه بعينها ساكت تحمحم ومسح على حاجبه
-علمود أشتري زيتون لـ كلارة؟
13
كتمت ضحكتي من شفته يبرر لوردة، نتر ضيغم
-لا ما هِيَّ أم صخام، حتى يلعب الروح ذوقچ زباله.
1
عگد حاجبه حرّ متنرفز من ضيغم من شافه ينتر بوجهي
-وزقنبوت شنهي دافع من جيبك؟
ضيغم: لا بس تتعيقل شكو تحب الزيتون هسه!
4
حُرّ: شلك غرض بعد أخوك؟
كلارة: أي والله هنَّ زيتونات..
1
ضيغم: أي أم رشا مو بالمحل
كلارة: هاي هِيَّ چا ما أريد..
حُرّ: لا شنهي هسه أروح للولايه أجيبلچ.
4
خاتون: ورايح منا لهناك علمود تجيبلها والله عمي مدللها..
حُرّ: چا شلون إذا أنه ما أدللها يا هو يدللها؟
2
خاتون: يمه منچ بمه ولچ كلارة موديته للولايه
كلارة: لا تروح خويه ترى هيچ حچايه
حُرّ: لا وعلي هسه أروح.
خاتون: الصباح رباح وروحلها باچر
حُرّ: نمت وما گعدت وضل بنفسها؟
10
أبتسمت مدمعه عيوني على حنيته، گام من مكانه وطلع لبره علمود يروح يشتريلي رحت وراه أشگد لحيت عليه علمود يرجع وما أريد بس ما رضى وراح، أنبني ضميري لأن أنه مجرد أجيت أغث ضيغم عبالي أشتري من أم رشا لأن قريبه من بيتنا ما توقعت يروح للولايه رجعت للغرفه وخاتون وضيغم يخوزرون بيَّ..
خاتون: وديتيه منا للولايه علمود بطنچ!
كلارة: شمالچ جده چا شمدريني يروح؟
ضيغم: طاح حظچ أي والله
كلارة: أنتَ ما عليك.
ضيغم: جده كلارة صايره مستهتره فد مره شمالچ گبل تكتلينها تأدبينها هسه شو ماكو!
خاتون: ينراد الها عصه أنعنع ضلوعها.
كلارة: ها جده ها لا تخلين هذا الواحد يگلبچ عليَّ!
خاتون: لا أنتِ صايره فد نوب مستهتره.
كلارة: أنتِ صايره مو لأوليه ضيغم يترس براسچ عليَّ..
ضيغم: والله عيب قصدچ جدتي عربانه؟
1
غمتني جدتي ضايجه، وردة تضحك خزرت ضيغم محتقنه والتفتت على وردة گلتلها بصوت مسموع
-تحبين الزيتون؟
+
-أي طيب.
-أنه أحب بس الزيتون الأخضر أنتِ تحبين الأسود لو الأخضر؟
2
-لا الاسود مو كلش طيب الأخضر أطيب.
-يلعب الروح الزيتون الاسود..
6
أحچي وأباوع لـ ضيغم عود أقصد عيونه السود، حبيت أحرگ گلبه وهوَّ بسرعه أفتهم وشاطت روحه يخنزر بيَّ وردة ما مفتهمه السالفه مندمجه وياي كل طنها صدگ جاي أحچي عن الزيتون
3
ضيغم: كلارة هواي تلغين!!
+
كلارة: ها جده ها وأنتِ واگفه بصفه هسه أنه محاچيته يمه گرباه جاي أحچي ويَـ وردة..
خاتون: شمالك ولك شو چنك شاد وياها؟؟
1
كلارة: ومن أسولفلچ تگليلي مستهتره أنتِ مو مظلومه..
خاتون: چا صدگ أنتِ مستهتره وضيغم هم مستهتر.
3
جدتي خاتون كلش تحب ضيغم من بعد حرّ من أحفادها هوَّ المفضل عدها تحبهم كلهم بس حرّ وراه ضيغم المفضلين عدها، طلع من الغرفه ضايج وأنه التفتت على وردة أضحك سولفلتها السالفه فتحت عيونها بصدمه وطگتني على أيدي
-طاح حظچ هسه عباله متفقه وياچ أحچي عليه!
-لا واضح أنتِ مطفيه وما مفتهمه.
-خطيه ولچ شمالچ شاده وياه؟
-خل يولي يستاهل..
-وهسه أنتِ صدگ تحبين مُهيب؟
-لا ششفت منه وأحبه، بس أحب أضوج ضيغم.
-چا لو گايلتلي هيچ أحب الزيتون الاسود أكثر..
-هههههههههه لأن عيون حرّ سود مو؟
-أكيد.
7
مر الوكت ورجع حرّ وأنه ميته من القهر بس لهيت روحي بالسوالف لأن مأنبني ضميري، رغم صدگ أنه أحب الزيتون كلش وخطيه هوَّ جابلي أكثر من علبه خليته بصحن علمود ناكل منه كلنا بس لا هوَّ ولا خاتون ولا حتى ضيغم، ما رضى ياكل زيتون يمكن حتى كرهه
2
أندمجنا بين السوالف وأنه گلت لـ حرّ
-يحچون عليَّ هوَّ وجدتي، بس أنه فقيره مساع طگاني بطابوگه هل كبرها.
أشرتله هيچ شويه بأيدي حجمها الصحيح، بس من شفته خزر ضيغم ما راضي كبرت الحجاره بأيدي
-لا هل كبرها طگاني بيها..
4
نتر بضوجه وعصبيه يأشر بعيونه على حرّ
-سولفيله، سولفيله ليش طگيتچ!
گاعده بصف حرّ وأزامط وأصيح
-مو من حقككك تطگني، حتى لو غلطانه أخوي يحاسبني لو يطگني على حلگي راضيه بس أنتِ لااا.
+
ورجعت التفتت على حرّ أشكيله
-طگاني بطابوگه هاي الصفره كامله على ظهري..
1
صفن عليَّ حرّ مضيگ عيونه ما مصدگني وضيغم صافن عليَّ يفر بأيده
-لا طگاني ببلوكه هاي الچبيره اليبنون بيها..
2
ضيغم: لا شلتلي بيت ورگعته بيها.
6
حُرّ: كلارة شلون تنعرف الچذبه؟
كلارة: من كبرها..
1
حرّ بالگوه خافي ضحكته
لزم أيد ضيغم لواها خازره، وطگه راجدي خفيف
-أكسر أيدك إذا مره ثانيه طگيتها.
-وردة: گاعده أگلب بالكتاب بأيدي وأتأفأف ضايجه مليت گد ما قريت ندگ الباب وأجاني صوت حُرّ
-غزالة.
نطق أسمي ومتأكد من وجودي لأن البنات ثنينهن بره گمت من مكاني فتحت الباب وطلعت وگفت گدامه أبتسم من شافني وأنه سديت الباب بدون ما التفت
-ها حُرّ؟
عگد حاجبه يباوع على عيوني بتركيز
-شلونچ؟
1
رديت بهدوء
وأنه متأكده من ملاحظته لعيوني شلون ذبلانات وصاير جواهن أحمرار
-الحمدلله بخير.
رفع أصبعه الأبهام يمسح على عيوني
-عيونچ ذبلانات شبلاچ؟
زفرت نفس هزيت راسي وهوَّ بعده يباوع لعيوني
-ما بيه شي..
-من الدراسه لو غير سالفه مضوجتچ؟
-من الدراسه.
-معقوله شو فد مره مالچ خلگ وتعبانه!
-نفسيتي بسرعه تتعب أنه..
دنگ عليَّ باسني بعيوني
غمضت مكزبر جلدي من القرب البيناتنا ومن شواربه دغدغن وجهي
-مشتاگلچ ما چنه بفرد بيت!
3
درت وجهي منه للجهه الثانيه
ما گدرت أشوف تعابير وجهه بس حسيت الضوجه مبينه بنبرة صوته
-ليش متغيره عليَّ؟
فعلاً أنه متغيره وهواي، صحيح ضايجه ومقهوره بس مو من الدراسه لأن مو صعبه عليَّ الحمدلله جاي أحضر الدروس يوم بيومهن وعقلي بسرعه يستوعب وماكو عائق، مضوجتني هواي أشياء ثانيه مثل المصايب التتراگع على راسي والحزن التارس گلبي..
+
وبنفس الوكت مقهوره منه ومن إيناس، هوَّ ما سوى أي شي يثير غيرتي ولا قهرني وأدري مو غلطه ولا حتى يدري بالجاي تسويه إيناس بس كرهته وياها لأن صرت كل ما أشوفه أتذكر سوالفها وشلون تريده الموضوع حيل حاز بخاطري
طگ أصبع گدام عيني
-الووو
أبتسمت ببهوت وبنبرة صوت هادئه گلت
-ها حُرّ!
1
-لا السالفه ما ينسكت عنها أبد
-ما بيه شي ضايجه وحدي عفيه لا تضغط عليَّ..
-خل نرد لذاك البيت عاد والله نفسيتچ صارت حلوه
-چا ما أكيف بس مدرستي شلون بيها!
-يله ما ظل شي بعد، ولو چثير عليَّ..
-ما أروح وياك
-يا حريمه شلون ينطيچ گلبچ كبد؟
-ولا تحچي وياي بعد..
-تخسي.
باوعتله بطرف عيني طگاني بخفه على راسي
-شبلاچ ولچ صايره فد مره مطنگره!
صفن بعيني بتركيز
-وردة آخر مره أسأل وياريت تجاوبي.
-شنو
-شمالچ
-ما بيه شي
-هاي هِيَّ
دار وجهه وراح، خنگتني العبره طبيت للغرفه أبچي وحدي أدري الجاي أسويه غلط بس أنه تعبت شعور مزعج حيل ويعصر الگلب مشاركتني بي شنو؟ لو مرته الثانيه هِيَّ؟
ولا جاي تبطل بالعكس تزيد بسوالفها وأنه أكره أتعارك علمود زلمه عيب، منظري مو حلو وأنه جاي أتعارك علمود زلمه، وهوَّ متأكده منه ما يباوعلها بطرف عين حتى مو يحبها أو يخوني وياها بس يبقى الموضوع مزعج لو هِيَّ مسويه شي ثاني يضرني أتعارك عادي بس مو علمود زلمه أعاركها فشله والله ولا هِيَّ ترضى تنرد وحيره..
فكرت هواي شلون أحل الموضوع بس ما أجه حل على بالي غير أنُ أسكت لأن حرفيًا ما بيدي شي وإذا حُرّ مقسوم الي، فـ راح يضل مقسوملي وشبيدي بعد على روحي بعد لو ما مقسوملي
مر الوكت وطبت كلارة للغرفه تتمضحك
-عيني ست وردة أخوي يريدچ.
+
عگدت حاجبي مستغربه
-ليش هوَّ أجه من الشغل؟
-هسه أجه وأول ما أجه گال صيحيلي وردة مبين طاگ گلبه عليچ وشوگه فاضحه.
تقربت عليَّ تضحك وتهز بحواجبها
-يله روحيله روحي
-يمه دخيلك ربي شمالچ!
-روحي دلليه شبعيه حنان محروم هوَّ من الحنيه ترى.
2
خزرتها وطگيتها بكل قوتي
-وسم حتى سم نچبي ولچ
-عليمن عيني غير زوجچ وقرة عينچ.
-شهرتينا أنتِ مو مال واحد يخلي سر بحلگچ
-دروحي شلعتي گلبي روحي ودلليه ما أوصيچ..
1
-شني أدللله شسويله والله يا الله
-ولچ شمالچ خطيه گاطعه وياه فد مره لا سالفه لا حضنه لا ضحكه لا حچايه!
فتحت عيوني على كبرهن مصدومه
-ولچ طلعتي أدب سزز
-هههههههههههه لا والله لا
-نچبي والله فلا أروح
-يااا ترى والله گالي صيحيها
-أي ما أروح
-مو بكيفچ عيني غير زوجچ يريدچ
-أنه ما أحچي وياه ضايجه منه
-وليش عيني ضايجه منه؟
-من وره إيناس
-أمداچ أي والله دروحي روحي ترى صدگ يريدچ
هزيت راسي عندت ما أرضى أروح طگتني ورجعت طگيتها شبعتها كتل وهِيَّ ميته من الضحك وأنه ضايجه شلون تگلي روحي دلليه وتعاركنا شويه وما رضيت أروح وهِيَّ كل شويه تگلي روحي، نفتح الباب وطبت فجر
-حرّ يصيحچ.
باوعتلي كلارة بطرف عينها وجها صاير أحمر من الضحك
-ما ترضى تروح عيني صارلي ساعه راح صوتي ومعانده ما تقبل، تگول ما أروح وهوَّ المسكين خطيه أول ما أجه من شغله يسأل عليها ما أدري شجايبلها وياه يريد ينطيهياه وتلگينه مشتاقلها ويريد يحچي وياها..
خزرتها وفجر نترت
-ليش ما ترضين ترحيله وردة؟
-روحيله أنتِ شوفي شنو يريد.
-گال أريد وردة يعني يريد يحچي وياچ.
+
-ما أريد أروح
-گومي روحيله، شمالچ صايره مچلوبه!
كلارة تضحك وأنه أباوعلها مصدومه
-فد مره صايره
-أنتِ لأن أخوچ واگفه وياه
-شمسوي، خل نشوف إذا غلطان
-ما غلطان..
-وده كلارة النوب رجع وداني عليچ المره الثالثه هوَّ يجي وما يسأل عليچ يجي يكتلچ.
سكتت وهِيَّ أشرت على الباب بحزم
-گومي يله، روحيله وبطلي هاي سوالفچ.
گمت من مكاني طلعت من الغرفه وكلارة تتغامز وتهز بحواجبها رجعت عليها گرصتها وطلعت من الغرفه وصلت لباب غرفته والبيت هدوء وكلهم بغرفهم دگيت باب غرفته وأجاني صوته
-طبي.
فتحت الباب وطبيت
عفت وراي الباب مفتوح وبقيت واگفه بالغرفه بصف الباب
-ها حُرّ صحتني؟
باوعتله مركزه عليه هز راسه بهدوء
-لازم أوديلچ عراضه يله تجي، لو أطلب موعد؟
صفنت عليه ساكته بلعت ريگي
-ما فهمت؟
-صار ساعه من گلت للبنات يصيحلچ
-شتريد؟
-ها كبد كلامي الباقي مو مهم تردي عليه؟
-أي غير شتريد
أنتبهت اله حيل متنرفز واضح يريد يستفزني بكلامه علمود أتعارك لو أسوي مشكله ويتعارك وياي مبين ذاك هوَّ يريد يتعارك، وأصلاً هوَّ زعلان عليَّ لأن آخر مره نهينا كلامنا بعركه
بأبتسامه عريضه على وجهي رديت
-ها بعد گلبي شتريد، تفضل وتأمر آمر.
2
ضل يباوعلي ساكت صافن عليَّ وأنه كملت
-شتريد يبعد روحي سولفلي عليمن صحتني؟
2
تنهد وآشر على علاگه مشموره على الچربايه بعيونه
-جبتلچ هذني الدفاتر.
رحت على العلاگه سحبتها أباوع بيها متروسه دفاتر وصيته على دفتر جابلي أكثر من واحد، بي طبع إذا أنه لو وحده من أخواته وصيناه على شي ما يجيبه مثل ما نريد من نگله جيب النا دفتر يجيب أكثر من واحد وإذا گلنا جيب كم واحد يجيب هواي لازم يجيب أكثر من الطالبينه حيل منتبهه لصفة الكرم هاي بي..
1
التفتت عليه باوعتله بطرف عيني
-چا خو موديهن بيد البنات اله تصيحني؟
-وشني تستنكفي تجي تاخذينهن مني!
-لا ما أستنكف بس ليش ما وديتهن بيد البنات
-وليش ما تجي أنتِ، شمالني أگرص؟
1
سكتت وهوَّ حيل مغثوث مني
ومبين زعله ثگيل سد الباب وهوَّ ملتفت گال
-الوادم يجيبون الدفاتر يكتبون بيهن الا أحنى نكيت بيهن.
6
رفعت حواجبي صافنه عليه بدهشه، صارلها السالفه فتره وهوَّ بعده ما ناسيها أحس وجهي أشتعل نار مستحيه..
1
رفعتله حاجبي أغير السالفه
-شني تريدني أراضيك؟
-لا
-أكيد ما أراضيك ما غلطانه
-ليش يابه ما تغلطي وحد
-لا أنتَ تراضيني..
ضحك بأستغراب وصدمه
-چا هِيَّ بالعكس غير أنتِ غلطانه؟
-ما غلطانه أنه.
حچيتها بضوجه وأخذت الدفاتر علمود أطلع جرني من زندي بچف أيده وخلاني بينه وبين الحايط
-وردة زودتيها!
1
عگدت حاجبي عيوني تتنقل بين ملامحه بهدوء
صاير گدامي القهر تارس ملامح وجهه نتر بعصبيه
-گليلي شمالچ ليش متغيره؟
+
سكتت مدنگه عيني
وهوَّ ضايج منتظر جوابي، بلعت ريكي صافنه بالفراغ
-محد يتغير بدون سبب..
1
بنبره متروسه حزن وخنگه تارسه صوته گال
-أنتِ بعز الهوى من تضحكيلي يرتاح گلبي أفگدچ يوميه بس أنتِ ما تجي عادي عدچ وتتأخري، ما أضحك ويَـ الوادم غير وياچ واهس يصيرلي من ملگاچ.
1
أحب أحچي وياچ، أحب ضحكتچ وسوالفچ أتونس من نسولف أنه وياچ بس أنتِ گطعتي بيَّ وين گبل چنه أشگد نسولف وأشگد تجي يمي بس هسه ما ترديني كل وكتچ تطلعي أعذار لو تلهي روحچ بالدراسه كل ما روحي تشتهي ملگاچ ما الگاچ..
نمرد گلبي بحچاياته وصوته اليدل على مصداقية كلامه حُرّ أبد ما يسولف هواي، وبالبيت نادرًا ما ينسمع صوته دائمًا هادئ وساكت بس وياي يصيرله واهس ويسولف ويطلع سوالف علمود نحچي..
+
-غمضي عيونچ شنهي تشوفي؟
غمضت عيوني بتردد مركزه وياه
-هيچ حياتي بلياچ..
1
فتحت عيوني مبتسمه ونظراتي متروسات فرح ضحكت وحضنته من رگبته رافعه روحي وواگفه على أصابع رجليَّ لفيت أيديَّ ثنينهن على رگبته حاضنته مبتسمه، ضحك وحضني من خصري حضنه قويه كلامه چان مرهم لـ جرحي
2
الأبتسامه تارسه وجهي وخرت من حضنه مستحيه ورجعت لوره صافنه بعيونه، دنگ عليَّ باسني بوسه هادئه بخدي وهوَّ يشمني مغمض عيونه كزبر جلدي من قربنه ومن دغدغة شواربه وملمسهن على خدي
1
ملت راسي مدنگه عيوني مستحيه
-بعدني ما أعرف شنهي سبب زعلچ مني؟
ضيگت عيوني وأشرت بأيدي على رگبته المتروسه وشوم
-مبين تريدلك خنگه ثانيه..
عگد حاجبه ومال راسه بأبتسامه
-ما فهمت؟
رفعت عيني لعينه وخزرته
-تتذكر من خنگتك أول مره، وسفه ما كتلك موت..
-حريمه وردة تچتلني.
2
-چا ما تتوب
-شمسوي كبد؟
-لو يهمك زعلي چا عرفت.
1
دنگ عينه يفكر ورفع عينه بتوتر
-إيناس
أي بالضبط.
-شبيها هاي المره؟
-شنو ما بيها گول يعني هاي الفتره كلها ما منتبه؟
+
-لا وستر زينب كلشي ما أدري ليش ضايجه؟
-ضايجه هواي ومغثوثه وحتى أنتَ كرهتك من وراها..
-ما مرجيه منچ هاي غزالة!
-هواي تعبت نفسيتي من الجاي يصير ترى.
-گليلي شمسويه خل أشوف حل؟
-گتلك مسويه هواي، وأنه لعبت روحي هذا مو كافي!
-لا كافي، بلايه ما أسمع أتصرف ما دام غاثتچ السالفه.
أبتسمت أباوع على رگبته
-عفيه أحسن ما تنخنگ خنگة موت هاي المره..
ضحك بصوت عالي وتقرب باسني بخدي
نفس البوسه الباسني بيها قبل شويه عگدت حاجبي محمر وجهي
-شو تبوسني وتشمني بنفس الوكت؟
-بوسة أم الشمـــه.
2
مر الوكت، وطلعت الفجر على صوت الآذان أريد أتوضا وأصلي شفت شي اسود گدامي ما واضح من الظلمه فركت عيوني علمود أشوف عدل، تخشبت بمكاني وجمد دمي بوريدي من شفت حُرّ طايح من طوله متوسد الگاع سابح بدمه!!!
38
يتبـــع...
