رواية يا اجمل الوحوش الفصل السادس والعشرين 26 بقلم رسل فهد
يَا أجمل الوحوش
- رُسل فَهد
...
33
و رُغم كل الاجَـن منك
وصَفت مرورتك ، حِلـوة
و كَسرتك كَسرة الخُطار
لازم تنحسب " فدوة "
- رُسل فَهد
....
53
" ورود "
51
كل يوم الاتصالات ما تسكت من التليفون و أني ما شحنته
تالي مرن يومين و طُفة من الشحن و عفته بمكانة
دوم أنا ما محصلة منك يشراع غير القهر و الضيم
النوب عدنان كلش قافل و حتى أبوي يخاف يعارضة
77
كل الأيام جانت ايام زعل عادية حاسبها گلبي
و جدة من خابرتة گال الها أنا هم زعلان عليها بس طلاگ ما اطلگ
و إلا اخليها معلگة عقلي يستنفر
و گلبي الاغم فرحان
144
بس كل هذا القهر بَين عليه بيوم الي عمي هاشم طلع كل غراض
غرفة أمه و غراضة أخذوهن جنت أعاين لامي بَس هي تحس بية و تعرفني و مقهورة جثير لان ما بررلي عملته
عقلي : اي صحيح لازم يبرر و يحاول
گلبي : شلون يبرر اتصل و انتِ ما جاوبتي و ما يكدر يجي و هو متعارك وي اخوج
129
و اني واكفة بيناتهم اشوف يا هو كلامة اصح من الثاني ،
واگفة بالساحة ارش الگاع و احاول ما أتقرب جثير يم گواني التمن و الطحين حتى لا يتنگعن و تالي يطگوني بيها
16
زهرة: ولج هيو وريدة وين جنطتي السودة مال المدرسة خايبة راح نروح
للموكب نخدم أنا و البنات
ورود : حتى الزوار تشرد من كربلاء و ترد لبيوتها
197
زهرة : خايبة ترحيلنه فدوة الفوارة چيف ما تروحين كاتلج القهر
فاخر : شبيج ولج
درت وجهي على ابوي من الباب و زهرة طبت تركض شمرت الصوندة
بالكاع لا ارش و تتنگطع دشداشة ابوي
14
فاخر : ها يابة شونج
- هلا يابة
- هذا شراع الله خلصج منه لان ربج يحبج واحد مستهتر و صگط
حياتة عبارة عن نسوان و مكسرات انتِ ما ترتاحين ويا
85
ورود : ها يابة ؟؟
فاخر : اي يابة عدنان اخوج رايح سائل عنه بجثير أماكن حتى خواتة ما متزوجات بسبب سمعتك الوسخة اني صوجي استعجلت وانطيتج اله يالله المهم اكو وكت
159
عافني و عبر طب للبيت شوية و طب عدنان ورا و أنا الماسحة بيدي
و صافنة على الباب أعاين لميت الصوندة و امسح بعيوني
أنا ما ابجي جثير بس الهضمة تبين على وجهي
حِرت و الحَيرتني انتَ
134
طبيت للغرفة و طلعت على صياح اخوتي جوه نزلت اركض
رهينة : يا ولكم شمالكم يا اخيوة انتو و تتفارسون
عدنان : ألا أعيد تربيتك والله
يونس : ربي روحك انتَ مو ضال تفتر وره الطفلة
- لك ادبسز أنا لو ما احبها ما اسوي هيج بس انتَ
زمال شمفهمك
38
رهينة : خايبين شبيها وردة غير افهم
يونس : جدة هم يريد يطلگها ترى الولد عمر هنا ما شفنه منة العيبة انتَ حتى ما تفاهمت ويا گبل طَگيته
57
عدنان : اطگة و اكسر راسة
رهينة : ولك انتَ ياهو و تطلك وردة شني هيتة كلها الوادم تتعارك و تتصالح بعد جم يوم عرسها و هذا نيشانها
شمسوي الولد أكلتوا كلكم مثل الذيابة
26
عدنان : لا مممسوي بس صاحباته يجن بالباب يلعلعن
بالله لو زِناد و الشيوخ بالديوان مو چان تخزينا
رهينة :اششش يالله حچيت ويا و گال خالة هاي من زمان هيج يعني تحبة و ما يريدها لو يريدها ما يخطب اختكم
51
عدنان : اي مو قحط هو
رهينة : چا حلو و هيبة و هن مچلبات بي شيسويلهن
فاخر : هاي شكو هم شراااع يالله يطلگ وسدو سالفته
ما اريد اسمك ينذكر بالبيت دوم
51
أجن جارات جدة و سدو الموضوع كلمن راحن امي و نورس و رقية
يجهزن للقراية مالتنه يوم خمسة صفر مجلس السيدة رقية
و أنا صعدت فوگ ادور شاحنه للتليفون و على حظي المصخم بس شاحنة عدنان تصير عليه
25
عفتها لان خفت اعلة روحي ما ذابحتني غير دمعة الحية تعاينلي بشماتة امي مقهورة اكثر مني جثير حاولت وي أبوية بس قافل عدنان مدري شگايلة من اجو عمامي بالهول هم انفتح موضوعة و ناس تجر و ناس تعر
هاشم : أنا راح ادگ عليه أنطوني رقمة بكيفة ما يطلگ
هو احنه زايدة من عدنه ننطي مرة لفتنة
رهينة : خالتك تاج راسك شمسويتلكم
21
فاخر : من جانت صغيرة هم هي و بناتها سون بلبلة
بكبر روسهن و بطلت من المدرسة و هسة يريد ابن فتنة يكمل عليها ما ازوجها اله هو لو يحترم چا اجاني و فهمني السالفة
131
ابوي يحجي و عدنان يرد رقم شراع لعمي هاشم أنا بممر الحمام أتصنت عليهم طلعت اعاينلهم عمي هاشم فتح سماعة و يأشرلهم
اششش لحد يحجي ثالث رَنة و اجه صوته
- آلـو تفضل منو
33
هاشم : أنا هاشم ابن خالتك
شراع : اي اهلا وسهلاً تفضل
22
هاشم : شونك ان شاء الله زين
جدة تخزر بيهم و ما راضية ضربت عدنان على رجلة
شراع : بخير الحمدلله
5
هاشم : شو طولتها السالفة چنك
شراع : ليش شعندك يمي
- تطلگ ورود بالتي هي احسن
- و إذا بـ المو احسن شيصير
46
هاشم : ما يحتاج اعلمك شيصير
رهينة : ولك هاااااشم
شراع : طلاگ ما أطلگ و ورود أجي اخذها غصباً على خشم
عدنان و حتى غير عدنان
96
هاشم : لك مستهترررر تطلگ و غصباً ما عليك
عدنان : مو اجيك والله راسك اكسرة
شراع : شلون زلم
حجاها وسد التليفون بوجههم و عمي هاشم گام يريد يفزعهم
وحدة ركضت خابرت زِناد
132
عمي هاشم صعد يبدل يركض و عدنان عيد و جابة العباس
طلع للتَرك يدور على توثية و جدة كامت تعيط عليهم و كلساع داگة على زِناد عمي هاشم نزل يخابر ولد عمي عمار يجون وياهم وگفو بالساحة
منتظرينهم يجون و جدة تلطم على رجليها
55
انفتح باب الشارع و طبو ولد عمي عمار محزمين يصيحون يالله بدون ما يعرفون شكو امي تبوس بعدنان تريدة يبطل سمعت صوت صياح
زِناد بالشارع جدة طلعت تركض
زِناد : وييييين يالله رد للبيت لا اكسرها براسك هاي
122
كلها تعاين على الباب طَب زِناد و تلگته جدة تبجي أنا مغطية وجهي بالشال ما اريدن احد يعاين هضمتي
رهينة : الحگ يجدة يردون يرحون وليّه إعله وحيد امه
ذولة كلهم متفگين و رايحين لشراع و هذا عمك عودين الچبير اول المحزمين
42
هاشم : چا يگول إعلينه خوش زلم أنا ابن فتنة يتمسخر عليه
اشرلهم زِناد على المضيف حِچة و هو مبتسم
زِناد : اي يعني مو زين جاي يعترف انتو خوش زلم
143
عدنان : وحگ علي اليوم إذا ما أشرب من دمة مو ابن ابوي
يونس : غير يكعد مصاص الدماء
ولد عمي عمار ضحكوا النوب عدنان عاف شراع و راد يطلع حرگته بيونس جره زِناد من ياختة و طببة للمضيف
358
جدة طبت كعدت وياهم و امي بالباب واكفة أنا واكفة وراها
زِناد : ياهو العال بالثاني
رهينة : هُم يجدة دگو عليه و تحرشوا بي طلگ ما طلگ
زِناد : عدنان جثير صاير ما تعجبني
هاشم : اگلة أنا خابرته كتلة تطلگ ما تجاوزت عليه
يرد عليه اي خوش زلم و اخذها غصباً اعله خشم عدنان
34
زِناد : اي مرته ترى
رهينة : جذابين يجدة هذا عدنان يكله اكسر راسك يمة شلكم على ابن اختي المگرود هذا وحدة ما تستحي رادت تهجم حياته وصدك هجمتها شني گايللها حبيني
54
زِناد : يعني هسة انتو كلكم متفگين رايحين اعله واحد والله
عمي خزي على شواربكم شني وليه مال غمان
رهينة : وعلي اخلي يرفع عليكم دعوة يخيسكم بالسجون
زِناد : ههههههههه لا شحده يالله انتو ردوا لبيتكم
و هاي التفگ إذا عاينتكم هادين بيها بدون علمي
اكسرها على روسكم خوش لو لا
128
رهينة : يا بعد ايدي اي والله
طلعوا ولد عمي عمار يضحكون وعدنان ينفت عمي
هاشم تعارك وي زِناد و طلع
هاشم : شحجي وياك بس هو مو صوجك انتَ
رهينة : يالله يالله چا يصير مثلك تتعارك ويَ الـ بطول زرك
رحت فرغت غرفة الوليد و دزيتها ما تستحي
38
و عدنان گام زعلان
زِناد : مصايب احفادج جدة اكثر من طلايب الوادم الاروحلها
طب ولاء يركض للمضيف وخرنا من الباب
ولاء : كومي جدة الشيوخ واگفة بالباب
طبينة نركض جوه و فوگ ضيمي بقيت ملتهية بالچايات
16
رهينة : ولك خويلد تعال يمي ذولة ياهم
خالد : جدة ذولة شيوخ من الناصرية متعاركين وي شيخ بالعمارة يصير صاحب زِناد و يردونه يدخل صلح بيناتهم
- يمة أخافن أعليه من العين
250
جُمارة : حطيلة ام سبع عيون جده
رهينة : اي والله اريد أجيبلة يخليها
بجيبة چا العيون ما ترحم شسوت بي گبل
خالد : هههههه جدة يگلوله الودام جابتنة الك الديرة كلها تحمد بيك الفقرة گبل الناس الابية و أجيناك
71
رهينة : يا يمة قل اعوذ برب الفلق سور سليمان يحبوبة
جُمارة : طگطگي حرمل ورود
جدة طگتها على ايدها
رهينة : شني انتِ تتمهزلين علية
107
لما راحو الشيوخ هلكت صعدت فوگ بالغرفة ما نزلت للعشاء
تمددت اريد انامن و أندگ عليه الباب طَب عدنان گعدت عدل و گلبي يرجف مو بس يدگ
عدنان : باچر الصبح حظري روحج بـ 8
ورود : انا ؟ وين اروحن
عدنان : للمحكمة ترفعين قضية على هذا الخسيس
43
ورود : هااا ؟ قضيتيش خوية
عدنان : تردين الطلاگ بس هو ما يطلگ
180
هَلي و انتَ عليه تگابليتوا ..
....
122
" عالية "
75
علي: اشششش بس هالچم ساعة أنا الفجر رايح
عالية : اي روح و لا تجي يمي
لزم ايدي قوي و دارني عليه
علي : شمالج انتِ عود ، البراسج شني
77
عالية : البراسي أنا ما أريدنك و لا أحبنك لا اليوم
و لا باچر انتَ مو تريد تتزوج تزوج و شوف حياتك
علي : ما أتزوج أنا ياهو گالج أتزوج
98
عالية : ما يهمني دوم
علي : تعبتيني جثير
- محد گالك تكفل بية أنا غلطت و استاهل اموت
- انطمري يالله
86
بقى مقيدني و أنا ما مر النوم على عيني بس هو غُفى ضليت كاعدة
من گام عني يالله بديت أغفي بس صوته و هو يبدل و كلساع فاتح الكنتور ما يخليني أنامن تليفونه دگ سمعت اسم شريك بلعت ريگي
علي : ها حبيبي يالله جايك جايك
12
گعد يمي ركبة و نص فتحت عيوني و هو فتح محفظته طلع فلوس
خلاهن بطرف ثوني من جهة الصدر خزرته و طلعتهن
عالية : ياهو كالك اريد فلوس
علي : أنچبي و إذا احتاجيتي بعد اخذي من مرت سلام أنا من اجي انطيها
72
عالية : ما اريدن والله ما محتاجة شسوي بيهن هاك
لزم وجهي و كزبر جسمي من طبع بوسة برگبتي و گام
علي : يالله ديري بالج على نفسج
بقيت جامدة بمكاني لحد ما طلع يالله جريت نفس
300
ضليت كاعدة لحد ما سمعت اكثر صوت ينرفزني بالدنيا
نزلت انظف و أنا بغير عالم مدري شمالني بقيت كاعدة بالديوان وره ما نظفتة أمي ليش ما أجتني معقولة ما مريت بيوم على بالها
روحي مفرفحة على حضنها
18
طبيت للمطبخ حتى اخذ المعجنة يسولفن بصوت عالي
كل اثنين موضوعهن شكل
ام سلام : اريد اروحن للسوك اجيب بردات و فرشة العرس
خافن بعد ما الحگ النوم اخذجن بعد حسبتجن طويلة كل وحدة ينراد ثلاث ايام يالله تكف غراضها و غراض جهالها
48
فاطمة : أنا امي اشترت للولد دشاديش للحنه
و أنا اشتريلهم قوط للعرس
ام سلام : اي لا تشترن للملچة ما تسوه هو يوم
و وره أسبوعين العرس
19
رحمة : يمة يمة حمودي يدك عليج
ام سلام : يمهههه وليدي .. الو هلا يمة هلا
173
بعد عمري شونك ... شوكت تجي خايب راح يطگ گلبي عليك
صار شكثر ما شايفتك ... ياااا يمة يوم الهنى أزفك
ولك علاوي راح اعرسة و انتَ بعدك
109
اي هداوي بت خالتك ... لا هاي شني ما يريدها
... هسة انتَ مالك غرض تعال و أنا منا و غاد ادورلك مره حلوة و تشوف ذوق امك .. يااااااع ياهي ولك
146
اخذت المعجنة و صعدت من نزلت لكيتها صافنة و رحمة يمها
رحمة : يعني منية مثلاً وين لگاها وهو مسافر
هاي مسوي بيج مقلب حتى ينصب عليج
ام سلام : كونه صدك مقلب و لا يطلع جايبلي وحدة مادري منين
80
آريج : يريدج تخطبيها
ام سلام : شمدريني والله يگلي چنتج تسلم عليج
أنا أدري بولدي المستهترين و دروبهم خل يدري ابو وعلي يموته
66
رحمة : لا دكولين لابوي خافن ما يجي ترى محمد مسودن يخطبها و ما ندري
ام سلام : لا ما يسوي هيج سوالف ابني و اعرفنه
376
كملت الخبز و طبيت للغرفة مثل كل يوم بس احس صدك وحشة بدونة
البيت تخوف الغرفة وحدي بيها بنص الليل امه كامت تخليني انظف وياهن كل الوجبات مال الماعين و أنا روحي ما جارعتها
جانت تتمنى فد يوم أعترض حتى تطلع حرگتها و حرگة وجودي
يمهم بية بس اني ما الي خلگ
12
جانت قساوتهم أعاقب بيها نفسي و گلبي على الغلط السويته و دمرت روحي بي دمار ، علگت هدومة بالكنتور ما أحبة
بَس انتظرة يجي ..
171
نزلت العصر الولد كلهم مو هنا و هن ما موجودات بالهول ولا بالمطبخ
عاينت من شباج المطبخ ام سلام طبكت الباب قوي رگعتة و هن واگفات يعاينن طبن كلهن سوه شافني بالمطبخ عمتي خزرتني
ام سلام : والله خوش مفتحة فندق أنا للناهبات
بكيفها تطب و تجي و تكعد لو بيج خير جا ربيتيها عدل
18
رحمة : هسة بس تطب مرة بعد تتعود تخلي علي
حتى لبيتهم ياخذها النوب شريك صار صاحبة
ام سلام : والله كل ما تعتب باب الحوش اطردها فوگ ما ملفين بتج الناهبة
41
عاينت لآريج بسرعة دنگت راسها
عالية : آريج شنو امي اجتي ؟
ام سلام : اي اجت و طردتها و كل ما تجي اطردها
افتهمتي لو لا
32
عالية : ليششش تطردين امي انتٍ مو ام
عفتهن و ردت افتح باب المطبخ اطلع دموعي تجري اول ما طلعت جرتني من شعري طاح الشال و صرخت ضربتني على ظهري و طببتني
35
ابجي بصوت عالي و هي تملخ بشعري دفعتها النوب صارن عليه
هي و بتها و آريج تجر بيهن ردت اخلص روحي گوة وأنا فحطانة
و روحي تايهة دموعي تجري و راسي يوجعني من كد ما جرن شعري
ركضت اريد اصعد الدرج عثرت بأول درجة و صارت حافة الدرجة الثالثة على گصتي
55
صرخت و لزمت كصتي و صعدت اركض من وصلت للغرفة و شلت ايدي انصدمت بالدم على ايدي مسحته فتحت الشباك و صيحت يمهههه
بلكي تسمعني بقيت انتظر انتظر لحد ما آيست و برودة الدم تنزل
بين عيوني مسحته و دموعي تجري الشهگة ما هدتني
26
- لججج يمةةةة تعاليلي والله مشتاقتلج
يمةةةة تعبت انااااا جثير تعبتتتت
54
بقيت قافلة غرفتي و ما فتحتها لثاني يوم ضلت تصيح على الخبز
اسويلكم سم والله ما اسوي دگت الباب كسرته ما فتحته
ام سلام : امشي الخايسة يالله عجني
عالية : ما اعجن والله لو تموتون
49
ام سلام : ياااااع ماتت عظامج كون يالناهبة يالعايبة
عالية : عوفيني يالله بحالي احسلج
11
ام سلام : يااااااا ولجن تعالن سمعن الناهبة شلون تراددني
أنا اعلمج والله اليوم إلا اخليهم يذبحوج بسيطة
راحت شوية النوب اجت رحمة كسرت الباب
9
رحمة : امشي لج خبزي يالله عجنت فاطمة
عالية : والله لو تموتون من الجوع لا اعجن و لا اخبز
ام سلام : فتحي الباب ولج فتحي اليوم اذبحج بيدي اليوم
عالية : روحي نزلي احسن والله ما افتحة
31
ضلن يكسرن بالباب و كل شوية تجي بت سلام تدك الباب دكول جدة تريدج و ما أجاوبها لحد ما سمعت صوتهم من اجوي و هي تلعلع جوه
راحت كل الشجاعة و أعاين لأيدي كامت ترجف تغطيت بالبطانية من سمعت صوت عمي يصعد
عمار : لج عالية تغلطين على عمتج تعاي تعاي
خالد : يابة شنو السالفة طفلة ترى و رجلها ما موجود
75
ام سلام : اكلك ولك تغلط على امك يا عار
سلام : يابة انزل شني السالفة زعطوطة امي امس مو كاتلتها هي و رحمة
- ها حشتك آريج لازم والله عيب عليكم آمده الولد الما تشيلها
الغيرة على امها
39
سلام : انزل يابة صدك تحجي عود يجي رجلها هو يحاسبها ترى حتى نفسنه لعبت
دك الباب قوي عمي أعاين من ضربته حتى الباب يهتز قوي
بقيت لابدة بمچاني ما تحركت
2
عمار : لج عالية اليوم أنهيج اليوم والله
بالكوه سحلوه ولده و نزلوه و عمتي بعدها ترعد بقيت خايفة كاعدة
بمكاني حتى ما طلعت سبحت بقيت على حطتي خايفة لا اطلع و تلچحني ، وره ساعات أندگ الباب فتحتة من سمعت صوت آريج
8
طبت و هي تتلفت جايبتلي ماعون غده طببتها و قفلت الباب
اريج : ولج انتِ حبابة من اجيتي لليوم جان عفتيها
ليش خليتيها تضربج هي جانت متحلفة من يروح رجلج
عالية : يمعودة على أساس لو موجود جان خلصني منها
هو بس ضرباته لسه نياشينهن بجسمي
35
آريج : عابتلج وين تلگين مثل علاوي يموت عليج و بعدين كلها الزلم هيج لو تصير مشكلة يطگون نسوانهم بس ما يرضون اي بشر يطگهن
عالية : ما يهمني تعودت بعد أنا مقهورة لان ما شفت امي
مشتاقتلها جثير
98
آريج : ولج والله لو تكسبين رجلج يگوم هو بيدة ياخذج
بس انتِ ما تفتهمين بعدج جاهلة بعدين تتندمين
- ما أحبنه من وره اهلة تالي الزمن دار بية و خلاني غصباً عليه بنصهم
24
آريج : هذا تليفوني هاج خابري و گليلة على امه شسوت بيج حتى يخابرها و ما تعيدها بعد لا تصيرين خوثة
عالية : ما اريد خايبة خلي يتزوج و يرتاح و ترتاح امه و تهدني بحالي
32
آريج : امداج و تضلين خدامة لمرته و امه بَس عود من يزعل منها ينفگچ و يجيج امداج خايبة
عالية : اكلج ترى ما أتأثر أنا ما أحبنه و هو بعد راح يعرس
عليمن متعبة روحي
28
آريج : طبج طوب چـا كونها يومية تطگج امه لحد ما تصحين إعله زمانج انتِ جوجة بتي احسن منج
ابتسمت و مديت ايدي اكل
20
آريج : جوجة هاي سماها الشيخ زِناد جُمارة بس عمتي أنهارت ما رضت و گامت تدلعها جوجة و مشى عليها دلع جوجة عمتي تنهار من تشوف واحد يحبله وحدة
59
عالية : جثير الشيخ يحب جُمارة
بس أنا سامعة هي ما تحبة
آريج : يگولون مشوه و يخوف ما تشوفي دوم لابس چفوف
حقها ما تحبة التتزوج شيخ يطيح حظها ما يتأمن مثل الماي الـ بالصينية
65
عالية : چان من تطگها امها ينهار اسمعنه يخابر
من چنة گاعدين يمه
آريج : ولج هاي زين عجيبة دگول غرفته إذا تطبيلها كلها غراضها من چانت صغيره و أمها اخذتها خافت عليها منه
90
بعدها تحجي و كام يصيحلها سلام طلعت
بنص الليل طلعت اسبح و وي كل حركة اخافن لحد ما خلصت و طبيت للغرفة اركض فتحت الصوبة اتدفى و كل شوية أدير وجهي
الغرفة چبيرة حيل تخوف حتى الما يخاف تدثرت بمكانة و غطيت حتى راسي
12
يومين ضليت ما طلعت من الغرفة إلا بالليل اسبح و مرت سلام تجيبلي اكل الصبح جنت واكفة أعاين من الشباك دكت الباب جوجة
كالت جدة رهينة جوه تريدج ، گلت شعجب جدة جايه من الصبح
النوب عمتي صاحت ولج عالية تعاي جدتج هنا
گلت اكيد هنا و ما تريد تبين متعاركات فتحت الباب و نزلت مديت راسي للهول ما هي جدة
55
و أنكمشت من شعري قوي صرخت
ام سلام : ولج يالساقطة أنا اموت و ما تخبزيلي والله إلا اراويج نجوم الظهر والله
مدت ايدها لصدري تاخذ المفتاح و أنا أمسح بدموعي مصدومة منها
38
ضربتني على چتفي
ام سلام : يالله لج امشي عجني و خبزي و نظفي الديوان و تسوين الهدوم و أنا من بكيفي اخليج تصعدين لو ما تصعدين
18
سمعت صوت عمي بالكراج خفت اردنها هسة يتگابلون عليه كلهم اشتغل و عيوني تجري دموع كل شوية امسحها الذلة تذبح الانسان
و هو عايش فحطت و أنا اشتغل كملت الخبز و سلة هدومهم تنتظرني
السله بطولي
13
شريتها النوب المفتاح عدها شلون اخذ هدومي و اسبح دزيت جوجة
دگللها ماكو غرفة يالله خلي تنظف الماعين وياهن وراها عدنه زوالي نغسلهن بقيت كاعدة على الدرج غمضت عيوني بأثنين أديه
اصبر بروحي و اكللها تهون تهون
15
بس من سوتها صدگ و بعز ذاك الهوى العالي فيضت الساحة و فرشت الزوالي كلها صعدت نامت و هي حاطة كرسيها و كاعدة ترش
على الزوالي و رحمة واكفة يمها النوب ما تريد غير المكناسة الخشنة
الي تحلفين الزولية بيها و انتِ كاعدة
31
راحوا لشغلهم و نزلن يطبخن عشاء و أنا بعدني احلف زوالي و مدات تنگعت هدومي تايت من فوگاي ليجوه و جسمي گام يحكني من كثر ما التايت حار ويحسس الجسم
أشيل المدات وحدي أحطهن على الكراسي يوكع ميهن
13
و الزوالي عدهم چنگالين حديد بالحايط كبار اخلي الزوالي عليهن تشيلهن وياي رحمة من عاينت خلصت چن واحد فتحلي باب الجنة
ام سلام : يالله حتى من ينشفن عگب باچر تنزلين البطانيات رحمة حتى هاي تجلفهن
19
عالية : عمة انطيني المفتاح جسمي طرگع من التايت
ام سلام : ان شاء الله سل و طاعون
أنطت المفتاح لرحمة
- يالله خل تصعد هاي المدات تشرهن يالله تطيها المفتاح
13
اخ يمة تعاليلي شلت المدة الاولى و صعدت آريج خزرتني تريدني
اخابرة و اسولفلة عمايل امة على أساس شلون راح يردها صعدت
للسطح فحطانة و احس روحي راح اطيح لان ما ماكلة عدل
79
نزلت أشيل الثانية طلعت اريج
- عمة شني السالفة البت خطية ما تعاينيها شضعفها
راح تطيح إعلة طولها طلع رجلها منا و طحتيلها دگ منا
ام سلام : اششش لج وانتِ شني يالله تعاي صعدي وياها
بدون حجي زايد
19
اجت شالت وياي المدات رحمة الحية ما تصعد بس تمشي وراي و بيدها المفتاح لحد ما صعدت خمسة و آريج وياي صعدت ثلاثة
يالله شمرت عليه المفتاح طبيت اسبح اسحل بروحي سحل
و من طبيت للغرفة قفلت الباب و شمرت روحي على الچرباية
رغم الجوع ماردني مرد
7
بنص الليل فزيت مخروعة على واحد يتلمسني كعدت على الچرباية بس عظامي تصل من الوجع من عاينتله كاعد يمي أحس روحي بحلم
شجابة ما معقولة
47
عالية : علي
يتلمس وجهي بأثنين دخل ايده بظهري فزيت
- مصخنه ولج
43
عالية : وديني لامي
علي : شريك رد وياي للبيت
11
عالية : خلي اخوي يطگني و يذبحني و لا أضل هنا
أفز و ارد اطيح راسي يطيح على چتفه لحد ما چفلت و شهكت بصوت عالي من من انفتح الدوش ماي بارد على جسمي فتحت عيوني
ما عاينت غيره گبالي شبگته بأثنين أديه و أنا أرجف
92
طب وياي لنص الدوش و ايده على جسمي
عالية : وخـ وخـر
علي : ياهو الشبگ ياهو
174
بالغرفة أنا و هو يبدلي الرجيف ماخذني ما يخليني امد ايدي و اوخرة
عافني على الچرباية و فزيت على صوته يگعدني حتى اكل
يوكلني بأيدة و يمسح حلگي
34
مد ايدة على گصتي و أستغفر
علي : ليش ما تخابريني و تسولفيلي
عالية : انتَ نفسهم
68
خلة الصينية على الميز و جاب المشط گعد عدل و خلاني گدامة
يمشط بشعري و أنا بس فاتحة عيوني
علي : خايبة أنا شمسويلج و كل هذا الكره بگلبج
عالية : موش انتَ البالي
471
علي : شنييييي ؟
حجاها و عتني من ايدي طگت ايدي گبل اول ما عَتها
215
فوگ شينك شاغلَة لـ تفكيري
و گلبي يدري بـ گلبك يحب غيري
...
130
" روز "
51
شالني من الغرفة بأثنين أديه و شعري طايح وهو يباوعلي
و أنا صافنة بملامح وجهة شكد حلو شو ما يشبه ولد عمار الشايفتهم
كلهم عيونة زراگهـن بحر و شواربة شگر وجهه أصفى من حياتي
و اني چنت اتخيل لو يطلع ما يتباوع بوجهة ابد شراح يخلصني من جُمارة
115
خلاني على الفراش و تمدد بصفي حاضني قوي و يشم برگبتي
كل نفس اطول من الثاني ويرجع يزفرة برگبتي يچويني چوي
78
روز : بدال ما تجي تخطبني ، تخطفني
محمد : ما يهم شلون المهم يمي انتَ
روز : شراح دگول عليه العالم
- انعل ابو العالم
31
رفع راسي و عدل المخدة و رجعة
محمد : تكشخين للضابط و تتمكيجين مو
شلت راسي وكعدت هو بقى متمدد مسحت دموعي
اباوع للكتابة الي على الحايط
41
روز : عمري كله ما راح اسامحك
محمد : مو مشكلة حبيبي بالحالتين ما راح اشوف الجنة
67
روز : لك يعني كاعدة بنصكم و انتَ معيشني كل هذاك
الوهم و مخليني مضحكة لامة محمد
محمد : اي والله ساقط أنا ، لدكولين لك أنا رجلج لج
122
دفرتة برجلي ضحك يستفزني يحرگ بگلبي حرگ
گعد يمي و مد ايدة وره ظهري دفعتها سحب ايدي و باسها
و خله راسي على صدرة
6
روز : شلون راح تصدگ بية تغريد
محمد : طاح حظج و حظ تغريد لج شلون جارعتها أنا هسة إذا اكضها وحق محمد أبسطها
78
روز : احسن منك
محمد : إلا أكسر عينها الصلفة
- اني ما اريد ابقى وياك و لا وي اهلك أعيش افتهمت لو لا
و لو ادري بيك انتَ منو انعل ابو گلبي اليريدك
37
محمد : هسة انجب كافي شتريد عشة
روز : طلگني يالله
- هاي شنو اكلة جديدة بالمنيو نازلة
148
روز : اي طلگني يالله و رجعني يم تغريد يالله
محمد : لا يابة لا هسة صارت تغريد عزيزة لك خلصت عمرك تبچي منها و من سوالفها
59
روز : تبقى أحسن منك
محمد : اكل نعل لك هواي تمسلت
گام من يمي و راح يجيب قميصة يلبسه لزم فكي و باسني و طلع
طلعت ورا فتحت الباب مقفول صعدت لباب السطح مقفول بسلاسل
73
طبيت للغرفة الي بيها جنط السفر فتحت الضوه اباوع للملابس و الغراض أشكال و الوان بحياتي ما شايفة منهن
كل هاي الأدلة و بعدني ما مصدگة بالجاي يصير
8
اخذت ثوب من الموجودات لونه سمائي طبيت أسبح و لبسته
أباوعلة يجنن شگد عنده ذوق نشفت شعري و وگفت امشطة
اسمع صوت القفل مال باب الهول ينفتح سمعت صوته بخوف
يصيح روززز روززز
مد ايدة على باب الحمام مقفول
33
ما گلت ها
اجيت اريد افتحة اندفر و طَك فزيت و خليت ايدي على گلبي
بقى صافن علية بِلع ريگة و مسح وجهة
محمد : غبي انتَ غبي مدگول ها
ما جاوبته درت وجهي على الجامة امشط شعري طَب وراي وگف
يمي نزع القميص شمره بالسله و فتح المغسلة يمسح الدم
70
طلع من جيبة لصقة جرح و خَله عليها
محمد : هذا احلى جرح مر بحياتي
روز : حرامات ما صارت بگلبك
22
محمد : لك وين تگدر انتَ تكتلني خلصت عمرك تنتظرني
ولك و من أجيتك گمت تتگلب عليه
118
روز : لو ما جاي احسن
محمد : اي صحيح خربت عليك خطبتك وي الضابط
- أمداك انتَ و الضابط
175
مسح شواربة يضحك و برمهـن
طلعت من الحمام گعدت يم الصوبة بين گلبي الي يدگ بسرعة و يريد بكل دقيقة يحضنة و يشبع منه و بين عقلي الي ما يريد
يفوتها اله بقيت صافنة اربط بالأحداث
اتذكر من شفنه علي بالأمام و اجتي المره انطتني ورقة
ولمن كال اعوفلج يم ورود تليفون ، ما شفت بشر بغبائي
95
طب للغرفة جر الكرسي گعد بصفي اني مادة ايدي ادفّي بيها وهو صافن عليه خزرتة مد ايدة گرص خدي دفعته
تمدد على الفراش و صافن عليه استغفرت و خزرتة
محمد : يعني انتَ لابسلي أزرگ و دگلي لتباوع شلون
ما أباوع برأيك
49
روز : إلا أندمك
37
كام من الفراش دَنه الصوبه عني باوعتله عاقدة حواجبي نظراته مو مريحة و هو كلشي ما لابس تيشيرت و لا فانيلة
وگف گبالي صارت بطنة گبال عيني باوعت للجرح لسه يجري دم
مد ايدة على رگبتي خفت منه گمت من الكرسي دفعته
لزمني بأثنين ايدة شالني من الگاع
32
محمد : ليش متتأدب
ضربته قوي على صدرة سد الباب شمر روحة على الفراش واني بحضنه فتح علاگة الاكل ماد رجله و اني بحضنه و هو يوكلني
بأيده و كل شويه طابع بوسة بخدي
90
روز : كافي ما اريد
گعدت گبالـه هو ما دام يوكلني ما ياكل إلا اني شبعت
قطعة البيتزا بلگمة كلها يأكلها و اني صافنه عليه شلون ياكل
و احنه البنات قطعة نبقى ساعة بيها فتح بطل الببسي و انطانيا
219
من خلصت شال العلاگة و اشرلي على علاگة يم راسي
محمد : هاي حلويات اكليهن
ما باوعتله بقيت كاعدة بمكاني ، اجة للغرفة طفه الضوه
و سد الباب صارت الغرفة هندس
8
تمددت بفراشي و تغطيت بلعت ريگي من تمدد بصفي و تغطى
مد ايدة انطاني تليفونه و خله ايده على بطني ردت أوخره
بس من شفت التليفون مفتوح على الصور اخذته منه
شال ايدة من بطني و گام يلعب بشعري
19
بديت أكلب بالصور من البداية صوره ويَ اخوته كلهم سوه
و وي ابو و اكو صور يبوس امه وكف إصبعي على صورة اني و يمي
جُمارة واكفات بالباب ننتظر تغريد تطلع و امير واكف يمنه
روز : هاي صار اكثر من ثلاث سنين
محمد : اي هاي اني وصيت علي يصورچ حتى اشوفج
جنت مشتاقلج
48
فتحلي چبس و خلاه يمي و من شافني ملتهية أگلب بالصور
كام هو يوكلني طلعت صورة جُمارة واگفة بالباب لابسة ملابس المدرسة
روز : ها و جُمارة شتسوي بصورتها
محمد : هههههه لا هاي أنا جنت جاي وصورتها لزناد
340
- شكد ماتستحون
محمد : شنسوي بنات تغريد ساحلاتنه
ياخذ صور تجنن بأماكن تموت مو بالعراق
روز : يعني انتَ صدك مسافر و مهدور دمك
31
محمد : اي لك بتركيا أشتغل و أدرس
روز : شنو
- ادرس قانون و اشتغل بالمطعم مال زِناد مسويلي
وكاله بي
121
روز : قانون ؟ و زِناد شگد عنده فلوس
محمد : ليش ورث أمـه بت شيخ و وحيدة ابوها يسد
عين الشمس وهو زلمة يعرف شلون يستثمر فلوسة
25
روز : بس ممبين عليك محامي
محمد : اي مبين عليه سرسري و أبو نسوان
125
درت الصورة الوراها هو و شراع فوگ السفينة واحد مخلي ايدة على چتف الثاني و يضحكون
روز : حتى شراع تعرفة
محمد : هذا شوية علي أعز منه صاحبي كلش
السادس خلصنا نقرا سوه بالبيت الاراقبچن بي
و متفقين أثنينه نطب نفس القسم والكلية
هو صحيح طَبينة بس مو سوه
66
روز : جُمارة صارت دكتورة بس تغريد ما خلتها تداوم
محمد : هم عايزة متطلع دكتورة زِناد ثلاث سنين
يكت ملايين للمعهد و يرجع ليورة
192
روز : زِناد ؟؟؟ شدخلة
محمد : انتِ بطرانة زِناد تغفل عينه عنها بس من يسافر
بقيت أكلب بالصور فيديو لملحن بالشارع بيدة موسيقى يغني
أنطى فلوس و گاله روز روز
كان يغني بالتركي ما افهم بس اسمي
55
باس خدي لمن شفت الفيديو
بقيت اگلب نعست بس ما استلمت لحد ما غفيت ما أدري بروحي ..
گعدت و أني راسي على صدرة و حاضنته بأثنين ايدي
هو لامني لحضنه بـ آيد و الايد الثانية يگلب بيها بالجهاز
فزيت بسرعة كعدت عدل رجعت شعري ليوره
58
روز : لتسوي بعد هاي الحركات ترى مومصدگ اني مو مرتك
محمد : عمي يمج گرباچ أنا انتٍ تشبگين بية الليل كله
- اي ميته عليك
45
حجيتها و گمت أغسل بالحمام من طلعت هو بالمطبخ صاحلي رحت يمة
يسوي ريوگ بقيت كاعدة على الكرسي اباوع ساكته
روز : يعني حتى زِناد يدري اني يمك
محمد : اي أويلي شلون صفگني راشدي البارحة
وعلي لو ما عيشتي بيدة چان عرفت شسوي بي
127
- ليش
- أنا گتله اول ما أخذها اعقد عليها أراضيها و أجيبها و أجي بس أنا طولت اللعبة شوية تدرين بية احب الاكشن
30
روز : والله إلا أكول لجمارة بس أشوفها
و أخليها تعرف حقيقته
محمد : منو كلك أطلعك منا
13
- مية الف مرة و مرة گتلك لا تحجي وياي بصيغة ولد
- ليش حبيبي
106
زفرت نفس قوي و لزمت راسي بأثنين آدية
تضحك عليه كل هذيج السنين و تچذب كل هذا الچذب وياي
شلون راح أكدر أصدگك بعد عيشتني أسوء ايام حياتي و جان بحچاية وحدة منك تگدر تنهي كلشي و لا تعيشني بقلق كل هاي السنين
و هسة تريدني اتلگاك بالأحضان
25
گمت يمه حضرت كوبين چـاي و هو واگف يطگ بيض
خليت الشكر وهو طبع بوسة برگبتي كزبر جسمي كعدت يمه ناكل بالمطبخ على الميز اني ساكته بس هو
عايش احلى لحظات حياتة
21
روز : أختنگت من البيت ترى شنو سجن
محمد : چنك على طلعة تدلل بس من أشوف شلون
آخذك وياي للعمارة تغريد لازم تعرف قبلهم
و أشوف أهلي أزفك ، الي طبعاً و الصبح أخذك و أطير
30
روز : يعني شنو متبقى بالعراق ؟
محمد : ما أكدر اخاف عليج انتِ و جهالج باچر على لحظة أموت أنا دمي مهدور و انتو أدمركم وياي
95
روز : يعني شنو الشرطة ما تلزمهم
محمد : اي تلزمهم ورا ما أنكتل و نفس الشي بالحالتين ادمركم
16
روز : عمرها تغريد ما سولفت عنك و لا حتى من رحت يم بيت رهينة گالو
محمد : صار فوگ الـ خمس سنين حتى ملامحي نسوها
و يجوز جايبين اسمي يمج بس ما تركزين انتِ كل عقلج وي آزاد
13
روز : شلون متعايش وي كل هذا الچذب ما ادري
محمد : كله علمودك والله
5
روز : خلصت عمري أكول اموت وما أخذ من ولد عمار
ما ادري بالمضموملي شنو
محمد : كل خير حبيبي
78
كمت اغسل ايدي بالسنك هو وراي مد ايدة اني طويلة اطول بهواي
من جُمارة و هسة گوه واصلة لصدرة غسلت ايدي ردت اطلع
هو مقيدني بأيدة بقيت واكفة انتظر يخلص نَشف ايدة و شالني
165
من المطبخ للغرفة هو يبوس بية
لميت شعري ليفوگ و گعدت گبال البردة أباوع للسماء
بين أنتفاضات عقلي المستمرة گلبي يتمنى يبقى آسير
هنا و رافض كل الحرية
34
بقيت كاعدة و وهو راح يسبح أجه يمي شمر بحضني ككو
محمد : البارحة جبته الج و ناسي بجيبي
فتحته آكله و هو گاعد يتدفى يم الصوبه
راح اخذ النرگيلة للمطبخ يعمرها شويه و ريحتها بدت تملي البيت
جابها للغرفة و گعد
24
كل شوية أباوعله من يشرب اشرلي تعاي
گمت يمه ردت أكعد على الكرسي خلاني على رجلة
مسح مكان حلگة وانطانياها
روز : خاف هم أختنگ
محمد : أسحب النفس بس مو تبلعة
142
اخذتها من ايدة شربت هم أختنگت گمت أكح هو يضحك
محمد : مو هيج أثول انتَ النفس اول ما تشهگة طلعة
رجعت سحبت كحيت بس ما أختنگت مثل اول مرة
28
بالمرة الثالثة ما گحيت گدرت أتنفس اخذها من أيدي يشرب
محمد : شيطان بساع تتعلم
يدخن وكل ما اريد انزل ما يخليني يشمر النفس بوجهي و يبوسني
29
من وره الدخان اباوع لملامحة و من يباوعلي أوخر
محمد : أكلني بعد أكلني
ضربته على صدره گام يضحك بصوت عالي و باسني برگبتي
111
مرن يومين هو يسويلي الاكل كله و ينطيني تليفونه الظهر و بالليل
حتى من يدگون عليه ينطيهم رفض يرتب حتى فراشي و كل ما يعمر النرگيله ينطيني شويه
30
محمد : عمي شوكت ترضى
روز : راضية
- منو يگول
- أني
52
جان متمدد بفراشي و اني كاعدة على الكرسي گمت منه و اجيت يمه
رفع الغطه و سوالي مكان تمددت و حضنته دموعي تجري گوه تريد تفضحني من شافني أبجي مد ايده على عيوني يمسح الدموع
و گام يدغدغني بأثنين ايدة و اني اضحك بصوت عالي فحطت من الضحك و أختنگت
43
روز : يالله والله كافي مليت من هذا البيت
محمد : باچر اخذك بس مو تنكرني گدام تغريد هههههه
- طبعاً لا
112
ثاريها بوساتك چذب ، خَنجر وراهن ضَميت
....
895
" جُمارة "
39
زِناد : بعد صارت شيخة مو مال نحاچيها
رهينة : يااااع ولك زِناد تتقشمر وياي اي أعرفنك
طَگها ضحكة و باس جدة من راسها گام يريد يطلع و جدة
خازرتني كل شوية تعض بـ أصبعها
ردت أكلها جدة خل أشوف سنونج بس خفت لا تخلي حتى
زناد يكتلني
80
من طلع طلعت ورا مديت راسي من باب الغرفة
جُمارة : بشبش
دار وجهة عليه بصدمة
زِناد : خير
- شبيك
210
زِناد : أدبسزز شنو بشبش گبالج بزون
ردت أكله لا عتوي بس خفت ملامحة ما تبشر بخير
163
جُمارة : لا حشاك حشاك
حجيتها و خليت الشال على حلگي
زِناد : غردي
18
جُمارة : ترى مو تصدگ اني اريد أغث جدة بيك
ضحك وهز راسة و راح طبيت للغرفة جدة شمرت عليه عكازتها
رهينة : ولج اذا تسوين وياي هاي السوالف اكسرنج وعلي
جُمارة : ليش تخليني اروح يم امير تضلين تدكين عليه تبجين
25
ضربت رجليها يمكن لو تلزمني جدة هسة تنام بخوانيگي
الأجواء حلوة جاي يحضرن للقراية و زِناد گال لجدة باچر عزيمة ربيعة
و جدة عود ما تهتم الها من الليل فتحت البوفية و الكنتور و تختار يا ثوب و شيلة احلى عطرتهن و سفطتهن بالخانة
39
جُمارة : هي العزيمة غده لو عشاء
رهينة : لا عشاء
- جدة و من هسة تحضرين مبين ما تهتمين لربيعة
- اي ما تهمني بس الكشخة لازم چـا أنا الشيخة و حفيدي الشيخ وياي هم عوز ما اكشخ
47
نامت وهي كل شوية سائلتني يعني ثوبي حلو كعدت الصبح
على صوته هو و جدة كاعدين بالغرفة گبل حطيت الشال على راسي
جُمارة : هسة شلون ما ننام جدة البارحة خبلتني بـ ربيعة
بنص الليل يالله نامت
37
رهينة : طبعاً هاي محد طلع عينها غيرك
و انتَ ترد تأدبها خوش يو لا
زِناد : هي تروح وياج أخذيها ما تبقى هنا وحدها
6
رهينة : شني شعدها لا ما تروح عمّي أنا اخافن من عينها
جُمارة : جدة شنو السالفة ياهو الگالج اني حورية
وين ما ترحين و گلتي يحسدوج قحط شنو شوفي
البنات كلها تخبل
40
رهينة : انفتح اللسان عاين بعد شيسدة
هو يضحك و هي تشاوره عود صوتها واصل يمه
دگلة استر عليه و لا تأخذها
زِناد : هي بلسانها رادتها و أنا ما أمن عليها هنا وحدها
6
جُمارة : ما أروح أنا جدة حتى هدوم ما عندي مو انتِ حضرتي هدومج من البارحة وتاخذيني مهتلفة
رهينة : اخذي من ورود
- جدة طوال شنو اني أضل اكف بهدومها مو عيب
22
زِناد : أخذيلها اشتريلها
رهينة : أنا ؟ لا وين بية حيل بجدة للسوگ النوب هاي القنقينه ما يعجبها العجب
64
زِناد : روحي شوفي ام عدنان تاخذج حتى أوصلكم
رحت غسلت وجهي و أكلت لفه و اني واگفة شفتها تتعارك وي عمي
استحيت اروح أحاچيها طبيت للغرفة هو يباوعلي
جُمارة : ما أروح ما أريد
16
زِناد : گومي يالله أنا أخذج حتى أرد على السريع عندي فاتحتين لازم أروحلهن ورا 12 و هسة بالعشرة
30
طلعت الصاية ام المهمات الصعبة و لبستها طلعت الشحاطة
و الشال من الجرارة بقى مصدوم من السرعة البديهية
لفيت الشال و درت وجهي عليهم
رهينة : طبعاً بالسيابة يا هو يلحگهن
رفعت الها حواجبي احرك بيهن هو طلع و گلت لجدة انطيني فلوس بعد
68
رهينة : امشي ولج هو يدفع چـا غير رايحة ويا
جُمارة : دطيني هسة ما أخذ منه و جدتي موجودة
- چـا امس ياهي حرگت أفادي
- جدة تجيبين فلوس لو يصير الحجي مو خوش
83
فتحت جوزدانها متروس فلوس و تسوي روحها تدور و ماعدها
أخذتهن منها و طلعت اركض لكيته يدك هورن بالشارع
فتحت الباب انكث بالصاية و اعدل بالشال فتحت الباب و صعدت
زِناد : انتِ ليش ما تفضيها
جُمارة : هو الطريق طويل من غرفة جدة لهنا
29
حرك السيارة و اني اباوع للطريق
زِناد : من تعاينين شي عجبج گبل أخذي مو تتعبيني
جُمارة : شو مان علية
- لا حبيبتي
110
التفتت عليه هو يسوق ساكت
من وصلنه نزل وياي مشيت هوااي مو حلوات بس من مشينه
بعد لگيت وحدة حلوة تجنن اشرتلة بيدي عليها أنطوني على
قياسي و كفوّ من الطول حتى تصير فيت عليه
9
يسألهم على السعر و هم ما يقبلون يكولون واحد يعت بالثاني
ما يدرون هسة اخذها و اشرد بس انصدمت من گاله السعر لو ضالين يتعاتتوون احسن اني مكيفة ماخذة من جدة خمسين
بيهن صاية و شال و جنطة و حذاء
47
جُمارة : هسة من نرجع أنطيك الفلوس جدة تنطيني
زِناد : بعد شنو محتاجة گلتي يالله عيني اريد ارجع
اشرتلة بأصابيعي احسب شال و حذاء و جنطة
رجع لنفسهم اهل الصاية اختاريت منهم شال
9
و حذاء و جنطة من غير محل أخذتهن سيت واحد لون بني غامق
صعدت بالسيارة و هو يسوق طلعت الفلوس الانطتهن الي ربيعة و فلوس جدة كلهن من وصلنه البيت و ردت انزل خليتهن على الكلينس
المكان الي بين الي يسوق و الصدر
جُمارة : و الباقي من تجي بالليل
زِناد : حلوة هاي بس بعد لا تعيديها
145
شمر الفلوس بالعلاگة و هو يضحك انطاني العلاليگ وطبيت يالله راح
راويتهن لجدة تعجبت بيهن
رهينة : افتحي هاي الخانة هاج المفتاح
اخذي هاي القطعة ام الورگ خلي نورس تخيطها الج ثوب حلو باجر للقراية
29
اخذتها و صعدت لكيتهن كلهن يم نورس يقيسن و يردن دشاديش
جُمارة : هاج عيني جدة دكول خيطيها الي اول وحدة
نورس : تعاي اقيسلج دام ألفيته بيدي
31
لارا : وليه شو هالخصر المنحوت ما شاء الله
نورس : اصغر خصر أقيسة لحد الآن من غير البنات الصغار
رقية : اي چا هي حتى ما تاكل هواي
109
لارا : نيال حضو الي راح يكون حصتو هالقالب المرسوم
نورس : هههههه ذاك اليوم سويت مثل ثوبج ابو الحزام لأختي ما طلع حلو عليها گلت الها سويت لجمارة لان عدها خصر طلع حلو كلش
30
جُمارة : اوي عفية لا تتغزلن برزق زوجي المستقبلي
نورس : هههههه نهجم بيتج
89
نزلت جوه يم جدة الظهر هو ما اجة و اني
نمت الظهر كعدت على صياح جدة
رهينة : يالسارحة الهوايش ما تگومين ولج
اليعاينج يگول تشتغل و ترد لوره
45
جُمارة : جدة اني عقلي يشتغل اكثر من أيدي
كعدت ضايجة لان حلمت بروز بقيت كاعدة على الچرباية جدة طلعت
اخذت تليفونها و سديت الباب اتذكر رقمة جانت دائما روز تكتبه
على كتبي وخاف تنسى و اني حفظته من كد ما نفس الكتب
أعيد بيهن
11
كتبت الرقم الأخير وضغطت أتصال خليته على أذاني
أجاني صوت واحد خشن مدري يشبه صوت مَن
محمد : هلا جدة
50
بقيت مصدومة مدري شسوي ما ادري اني مطفية لو صاحية
جُمارة : جدة ؟؟؟
انسد التليفون بوجهي بقى بيدي و دايخة
68
طلعت للهول يحجون و انا سارحة بغير عالم رجعت اباوع للرقم
نفسة أنا ما غلطانة جدة گامت تبدل و صاحتلي احضر روحي
وگفت جدة تتعطر الهيبة تنشم ريحتها مو بس تنشاف
دكيت عليه جدة تسأله خلص لو لا گاللها جاي
7
كملت تبديل و واگفة الف الشال جدة عطورها مال عجايز ما خليت منهن
وگفت گبال المرايا ارتب روحي صحت لزهرة جابتلي عطر من حياة
نكثت الصاية هاي الحالة بية حتى لو الصاية تلمع لمع
لبست الحذاء كعب احبه لان يطگطگ
42
لكيت جدة تباوعلي و تضحك
رهينة : خايبة شحلاتج يمكسورة الرگبة
ضحكت و اسمع صوته بالهول يصيح جدة
لبست عبايتها و طلعت و اني وراها
حتى هو كشخته تجنن ما لابس عباية بس دشداشة
و لاف الغترة مرتب
43
من باوعلي خزرني اني هم خزرته على أساس مو هو الاشتراها الي
صعدت بالسيارة ورا حتى ما يضل كلساع داير وجهة يباوعلي
صعد جدة و يحجي وي عمي قاسم برة ، من صعد دار وجهة
زِناد : حولي هنا وره جدة
رهينة : شمالك تصيح يبعد جدتك
40
زِناد: ما بية شي
كعدت ورة جدة و درت وجهي على الجامة
رهينة : موش نتأخر ساعة بالچثير و نرد
زِناد : شحاطة لوجهة هاي جدة
90
رهينة : يبوووو يجدة شمالك هم ردينه والله ما حاطة الطفيلة
هذا ثوبها اسود ليل هالوجهه صاير يشع
جُمارة : و انتَ ترى ما تحاسبني أني مو زعطوطة ترى
15
زِناد : أحاسبج و نُص
رهينة : جا شعبالكم رهينة ما تشور من تصفون عليه
أنا مو علوية بس شارتي بالمكان
147
جُمارة : هو اني صوچي أجيت
زِناد : يالله أوصل جدة و أرجعج
درت وجهي على الجامة ضايجة منه منظر بينهم يشبه بيتنه
نزل هو و اجه ينزل جدة و فتح الباب مالتي بقيت كاعدة
7
زِناد : يالله نزلي و امشي وره جدة حسابج من نرجع
نزلت وباوعتله خازرني خزرته اقوى منها
جُمارة : ترى ما اخاف خوش لو لا
58
امشي وره جدة و هم بس وگفت سيارته أجوي يرحبون بي سلموا على جدة و جدة تجرجر بية بصفها و هي بطولي
لحد ما طببها واحد منهم للبيت كامن بالسرة يسلمن على جدة كلهم و يسلمن عليه بس ما اعرفهن بيتهم كلش يشبه بيت جدة ، كعدنة بالاستقبال
6
عكر مزاجي بالروحة كلها
شوية و طبت ربيعة تباوسن هي و جدة و يضحكن باستني و شمتني
ربيعة : هلا بالغالية مرت الغالي
رهينة : لا تعاركوا هسة بالسيارة ما تعاينيها مطنگرة
97
ربيعة : ياااااع ليش اليوم نگاومة
رهينة : من تضب الشال الاسود أعله وجها حيل تصير بيضة
وهو يگلي شحاطة لوجهة و طالعة
ربيعة : ما يرضى يعترف هي گيمر
56
رهينة : بعد زِناد ما تعرفي أنا جدتة شكبرني و يغار عليه
يا لفي عباتج يا ضمي ايدج
ربيعة : عمارچي ينگط ملوحة و غيرة
384
رهينة : أكلج صدك شمعة بت ابن اخوج تزوجت
ربيعة : لا ما ترضى البت هايمة بحفيدج ما تريد غيرة
يوميه ابوها و أخوتها يگطعوها
35
رهينة : شني سالفتة ابوها چـا بعد شنسويلة
حرنه بيا طريقة نروحلة و ما يرضى
ربيعة : أنا اروحله هاي الأيام أرزله و اجي
27
صبوا الاكل يشهي و ربيعة كل شويه مسويتلي لفة
و كل ما تحضني جدةً تضوج بس تريد تطلع
كعدن شوية يسولفن و گالت جدة يالله أنا اروح عندي دواي والله
طلعنه بالمطبخ و چناينها طبن اجه هو من الباب يسلم عليها
8
راحتله حضنته و باسته جدة غدت بارود
ربيعة : ليش مضوج چنتي يزناد أنا حاسبتها چنتي لان انتَ واحد من ولدي اعدك
زِناد : الله يسلمج حجية لا ما مضوجها
39
ربيعة : دير بالك عليها ترى أخذها منك و أخليك حاير
رهينة : ليش حاير هو لو ما قافل عليها من زمانن أنا مزوجته
زِناد : حجية رايدج بخدمة ما تسهليلنا سالفة شريك
عمي أنا أخوي هذا راح يموت شلون وي ابن اخوج
18
ربيعة : ياااااع أبشـر يبعد عيوني و مايها
زِناد : الله يسلمج
رهينة : يالله في أمان الله
ربيعة : أبوسنك بعد
59
صعدت بالسيارة قبلهم و رگعت الباب
زِناد: ها تخبلتي لازم
جُمارة : معليكم بية
رهينة : بده التمضيگ شبيج و لج
40
جُمارة: جدة ما تزوجي ياهو لازمج ها كل ما حچيتي و گلتي ازوجة شنو اني باچية عليه
رهينة : بعد بعد أبچي
100
هو مبتسم ما يحچي يمسح بشواربة
نزلت جدة و نزلت سريع اريد الحگها لان اعرفة راح يجرني
جرني وره السيارة و اني دايرة وجهي أريد أفوت
زِناد : أغار عليك مو بيدي
- هم حچيت بصيغة ولد ؟؟؟
301
- ههههههه أمشي صعدي بالسيارة أراويچ شي
درت وجهي عليه رافعة حواجبي
زِناد : امشي
23
فتحت الباب مال السيارة و صعدت
آمجد جان واگف بـ باب بيتهم شافنه
زِناد : چلب
جُمارة : ليش هيج يكرهك
- يريد الشيخة
42
تمشي السيارة و اني ما أدري وين خليت ايدي على حلگي بفرحة
لمن دگ هورن لواحد و نزلهن من السياره ثلاث غزالات صغار
ردت انزل ما خلاني
زِناد : إذا مو حديقة ما يأخذن راحتهن راح اخليهن يمي بالبيت و كل ما يعجبج تعاينينهن اخذج
149
جُمارة : لااااا
حجيتها و چتفت ايدي
زِناد : ترى بيتي هوَ بيتچ
42
جُمارة : زِناد
- ها حبيبتي
2.8K
جُمارة : أكو كومة أشياء ما تخليني أتزوجك
- أنعل والديهن
67
جُمارة : لا مو من ضمنهن أمي
مسح شواربة و يباوعلي يريد أكمل بقيت ساكتة
39
زِناد : صَبر ما بية بَعد أنا
95
حجاها و اني سكتت نزلني للأسواق يشتريلي حلويات اباوع و اني
مبتسمة عمري محد اهتمّ بيه لهذا الحد صعدت بالسيارة خلة العلاگة بحضني و مد ايدة اخذ مصاصة
زِناد : بس هاي لجمارة الصغيرة شيخلصني منها
58
باوعتله بطرف عيني ودرت وجهي على الجامة رجعها بالعلاگة
زِناد : رجعتها عمي انعل ابوها لابو
105
جُمارة : ترى هذاك اليوم من تمرضت من وراها من من فضة
زِناد : ههههههههه ، فضة تموت عليج
70
ردت افتح موضوع فضة بس شفت احنة وصلنة
نزلت اضحك لوحتله بيدي هو أبتسم طبيت بعدني ما سادة
الباب و لا الضحكة مختفية درت وجهي على الساحة بصدمة
و خوف على المنظر الشفته
...
17.8K
- رُسل فَهد 🤎
126
