رواية الوصية الثلاثية الفصل السادس والعشرين 26 بقلم سهيلة محمد
_____________________________
+
"ايه؟ انتم تعرفوها؟" قالتها جميلة وهي تنظر لردة فعلهم بتعجب وكذلك عائلتها أيضًا نظروا لهم باستغراب، بينما الثلاثة نظروا لبعضهم بتوتر حتى أشار لهم جاسر بعينيه أن يجلسوا بدون اي ردة فعل لينفذوا ما يريده
1
وابتسم جاسر بلطف وهو يقول "طبعا غنية عن التعريف الدكتورة زينات دكتورة معروفة جدا" نظرت لهم زينات بصدمة وهي تضحك بشدة قائلة "الله يسعدك يابني والله ويجبر بخاطرك، بس انا سايبة الشغل من زمان اساسا عرفتني امتى؟"
6
"ها؟" قالها جاسر بتوتر فهو لا يعلم عنها أي شيء قال هذا لإبعاد الاحراج جانبًا ليس الا
5
ليصحح ياسر الأمر سريعًا وهو يقول "بالحب، عرفناكي بالحب اصل وشك اللهم بارك سمح يعني ومنور كدة" ضحكت زينات بشدة على هؤلاء الثلاثة المرحين لتقف وهي تقول "طيب انا هروح احضر الغداء تعالي معايا يا جميلة"
3
"حاضر يا ماما" قالتها جميلة بحماس وهي تركض خلف والدتها نحو المطبخ لتفعل زينة شقيقة زينات نفس الشيء وهي تذهب خلفها بينما امل وفريدة كانتا تجلسان بجانب جمال ينظران للثلاثة بريبة من تعاملهم منذ وصولهم
2
هنا اقتربت إسراء من آسر وهي تهمس له بصدمة "مهو مش معقول تبقى هي دي فريدة يا آسر" نظر آسر في أثر جميلة بشرود وهو يقول "ليه لا؟ يمكن معندهاش وحمة مثلا زي ما فيفي قالت أصلها كدة كدة مش توأم متماثل لينا يعني مش نسخة مطابقة الشبه بسيط"
3
تنهدت إسراء بحيرة وهي تهمس له "يا آسر ازاي امها اسمها زينات الاسيوطي ومقالتلناش، وازاي معرفتش منكم اصلا؟" نظر لها آسر بتعجب يصحح لها تفكيرها "اولا مش اي حد أقابله ولا اقعد معاه يومين أقوله على اسم امي، انا ليا صحاب لحد دلوقتي ميعرفوش لا اسم امي الحقيقية ولا اسم امي الي مربياني، فأكيد جميلة مش هتقولنا اسم امها يعني ومصادفش قبل كدة اننا نتكلم على عيلتها اصلا، لكن احنا التلاتة لما حكينا ليها مقولنلهاش على اسم الست الي اتبنت اختنا احنا بس قولنا أن لينا اخت ضايعة بسبب امنا وبندور عليها علشان هي وصيتنا"
6
الآن قد تفهمت إسراء الوضع، ولكنها نظرت له بتوتر ثم اقتربت منه أكثر وامالت رأسها لاخوته أن يقتربوا ليفعلوا ذلك ليروها تهمس لهم وهي تنظر نحو جمال الذي كان يتحدث في الهاتف "أروى شافت الصبح في ايد جميلة وحمة وكانت بتخفيها بكنتور"
16
شهق الثلاثة بصدمة لتنظر أروى نحو إسراء بغضب وهي تقول "انا الي مكتشفة انا الي المفروض كنت اقول يا اسراء بطلي برود كنت متحمسة انا احكي" صرخت بها أروى وهي تضع يدها في خصرها تنظر لها بغضب لتشيح إسراء بيدها وهي تقول بملل "ياختي اتلهي ناقصة تفاهه"
4
وفي ثواني كان يقول ياسر بصوت عالي وبلا شعور "مش قولتلكم بحبها!" فتحت أروى عينيها بصدمة وهي تنظر له بغضب يعلو وجهها شيئًا فشيء ليقول ياسر بتوتر سريعًا فهي ابدًا لن تتفهم شعوره وستعميها غيرته ولو كان هو في مكانها لفعل ذلك أيضًا وستعميه غيرته
13
لذلك صحح قوله سريعًا "بموت فيكي يا أروى والله، ذكائك اللهم بارك الوحيدة الي خدت بالها من الوحمة، بسم الله ما شاء الله ارقيكي من العين" نظرت له أروى بشك ولكن رغم هذا ابتسمت بسعادة لحديثه
21
بينما منة في عالم موازي كانت تنظر لجاسر بغضب وهي تهمس له حتى لا يسمعها احد "هي البت الي جنب المنتقبة دي بتبصلك كدة ليه ايه القرف الي على المسا ده والله اقوملها" نظر لها جاسر وهو يكاد يبكي مما يحدث حوله قائلًا "اهمدي بقى والله ما وقته"
12
بينما امل لم تكن تنظر لجاسر من الأساس بل كانت تنظر لمن يجلس بجانبه لتهمس لفريدة شقيقتها "شايفة القمر الي قاعد جنب التلاتة هناك ده، ياربي شعر اصفر عيون خُضر عضلات مش بيتكلم عربي بصي الجدية وهو باصص في التلفون"
36
كانت تتحدث وهي تشير لجاك الذي كان يجلس يضع كامل تركيزه في هاتفه بكل جدية بالفعل، ولكن ليس لأنه يعمل عليه مثلا بل كان يضع كامل تركيزه حتى ينتهي من هذا الدور في لُعبة كاندي كراش سريعًا فهو قد ملل إعادة الدور أكثر من مرة
25
بينما فريدة نظرت لشقيقتها بمعاتبة وهي تقول "غضي بصرك عيب كدة" نظرت لها امل بملل وهي تقول "اسكتيلنا انتي بس الله يباركلك، الواد عسل ايه الجمال ده ايه العيون دي، ينهار اسود ايه الصليب ده؟؟؟"
62
قالت امل اخر كلماتها بصوت عالي بدون شعور لينتبه لها الجميع ولصدمتها عندما رأت جاك يحك شعره بيده ليظهر الوشم على هيئة صليب على يده
6
بينما امل تاففت بغضب وهي تقول "يوه بقى يوه، ايه الحظ ده، ده انا كنت قولت جميلة أخيرًا دخلت علينا بحاجة عدلة من يوم ما اتولدت" نظرت فريدة لشقيقتها بملل من تفكيرها لتهمس لها امل ببعض الحماس "طب هو ممكن يبقى مجرد بيست فريند كدة كدة محرم عليا!"
8
نظرت لها فريدة بتافف وهي تقول "يابنتي اهمدي بقى، انا قايمة اساعدهم اوعي" نظر جاسر في أثرها ليقول بحسرة "ليه متبقاش دي هي اختنا يعني؟ يارب ده انا لما صدقت شوفت النقاب ونسيت منظر ام الرقاصة الي كنت فاكرها اختي دي"
9
نظرت له منة نظرة مشتعلة بنيران غيرتها ليبتسم جاسر سريعًا وهو يقول "بتكلم كاخت والله عيوني شافتها اختي لكن قلبي مش بيشوف حبيبة غيرك"
11
وفي ثواني كان إخوته ينظران له بتشنج وسخرية بينما منة ابتسمت بسعادة بات يستطع كتم فمها بكلماته المعسولة، منذ متى وهو رائع في حديثه هكذا! نعم إنه الحب يفعل المعجزات بالفعل
2
انتبه الجميع لجمال الذي أنهى حديثه في الهاتف ثم جلس بينهم نظر نحو الذي يرتدي نظارة طبية ليبتسم له بفخر وهو يقول "اكيد انت الدكتور جاسر مش كدة؟ اصل ما شاء الله انتم التلاتة متتخيروش عن بعض نفس الشكل"
3
ابتسم له جاسر باحراج وهو يقول "ما شاء الله يا فندم نبيه زي بنتك، أيوة انا الدكتور جاسر" ضحك جمال بشدة وهو يقول "مختلفين بس سهل يعني اعرفك، النضارة وما شاء الله يعني تحسي باين عليك الشقى والتعب واكيد من الي بيحصلك في شغلك"
5
اومأ له جاسر بتأكيد لينظر جمال نحو آسر وهو يقول بتقييم "شكلك كدة رجل اعمال"
7
"على ما تفرج" قالها آسر بفخر لينظر له جمال بتعجب ليقول آسر ببلاهة "رجل اعمال على ما تفرج حضرتك، انا مش بروح شركة ابويا غير لما القبض ينزل، بس ميغركش انا لو صحصحت شوية هخرب الدنيا انا متخرج بامتياز"
12
ابتسم له جمال بلطف لفكاهته فهو كان يظنه يمزح ليس إلا لا يعلم أن آسر بالفعل مهندس ورجل أعمال إلى أن يفرجها الله وينفخ في صورته ويثبت هذا اللقب
6
نظر جمال لياسر فياسر كان يرتدي سروال من الجينز ومعطف ثقيل من اللون الاصفر نفس اللون الذي كانت ترتديه أروى وكانهما اتفقا على هذا، ولكن زِي ياسر مهندم وجميل ولكن ملامح وجهه الحادة وحركات يده السريعة ونظراته الثابتة والحادة جعلت جمال يقول بمهارة "شكلك بلطجي أو صايع شوية حاسس من نظراتك وتعبيرات وشك"
16
نظر له ياسر بصدمة وهو يبتسم قائلًا "ما شاء الله يا فندم لسانك بينقط سكر زي بنتك، خدت البت بوظتاهلنا الله يسامحك" قالها ياسر اخر جملة بهمس بينه وبين نفسه ليساله جمال بتعجب وهو يبتسم لأروى بحنان غريب لتلك الفتاة اللطيفة "دي مراتك؟"
35
نظر ياسر في يده سريعًا ليتأكد أنه يرتدي خاتم الخطبة الذي ابتاعه من فترة في يده اليمنى ثم نظر في يد أروى بتركيز ليراها ترتديها في اليمنى أيضًا ليقول بملل "لا دي خطيبتي، من بوقك لباب السما وتبقى مراتي إن شاء الله"
2
نظر جمال الاثنان بتساؤل "وانتم؟" أشار جاسر نحو منة بفخر وهو يقول بلطف "منة اخت أروى، خطيبتي" بينما آسر امسك بيد إسراء بسعادة وهو يقول "ودي إسراء مراتي"
3
ابتسم جمال ثم نظر لجاسر بمكر وهو يسأله "بس انا فخور بيك بالقلبان الي عاملة مع ناس كبيرة بالشكل ده رغم انك صغير في السن!" نظر له جاسر بخجل وهو يبتسم له بهدوء بينما من داخله يفهم نظرات هذا الرجل هو يريد أن يعلم ما الذي يوجد داخل البحث يجعل هؤلاء الرجال يحاولون قتله وبعد تحدث دام لدقائق بينهم وبين جمال قال جاسر بملل "حضرتك بتحاول تعرف البحث بيتكلم عن ايه بس بدون مباشر مش كدة؟"
9
ابتسم جمال لذكاءه ليومأ له وهو يقول "بصراحة يابني اه عايز اعرف، اصل غريبة كل دول عايزين يقتلوك واحنا عمالين نحميك على عمانا وانت مش راضي تعرض عن فكرة البحث غير لما يتسلم، عايزها مفاجأة ولا ايه مش فاهم؟"
3
تنهد جاسر وهو يقول بتوتر "مش دي الفكرة، اولًا ليا أسبابي اول حاجة مش عايز افتخر واقول عن الفكرة واعرف الكل ولقدر الله بعد التطوير تفشل لان في ألمانيا خدت جوائز على نجاحها النسبي مش نجاحها الكامل، تاني حاجة انا ممكن في اي وقت يجرالي حاجة وينجحوا في اغتيالي زي ما حاولوا كتير، ليه اعشم كل مريض واديله امل ان فيه حل جاي ينجدهم وفي الاخر ممكن ميحصلش؟ بس هي دي الفكرة ليس إلا"
11
نظر له جمال بعدم فهم عند كلمة كل مريض ليتفهم جاسر نظراته وهو يقول "بحثي عبارة عن علاج للأورام السرطانية يا فندم" نظر له جمال بصدمة وانبهار وهو يقول "طبعا علشان كدة مش بيحاولوا يقتلوك بس، ده لو يطولوا يدفنوك انت والي تبعك هيعملوا كدة"
7
نظر له آسر بعدم فهم وهو يقول "وليه حد يعمل كدة؟ اكيد كل واحد من الي عايزين يقتلوه عندهم في بلدهم ناس بتموت بسبب السرطان وبتتعذب" ضحك جمال بسخرية وهو يقول "ما هو ده هدفهم يابني، الناس دي مستحيل اي حد من أي دولة يوصل ليهم، احنا بس بنوقعهم واحد واحد لكن مستحيل نوصل لاساس كل دول لأنهم عدد مهول ومش بيظهروا، بس متخافش ربنا يحميك"
2
ابتسم له جاسر بهدوء ووقف جمال وذهب نحو المطبخ ليرى زوجته بينما ياسر قال بغضب "ربنا يديم عدم القبول الي بيني وبين الراجل ده" نظر آسر للجميع وهو يقول بتوتر "طب وبعدين هنعمل ايه؟"
5
"نقوم نفهم منه دلوقتي ايه الي بيحصل ده" قالتها منة بغضب من أنهم ما زالوا يفكرون فيما يجب فعله، بينما جاسر قال بغضب "بلاش غباء الأمور دي تتحل بهدوء من غير تهور، استنوا نروح ونفكر بعقل هنعمل ايه ممكن يكون كل ده مجرد صدف مش اكتر"
1
نظر له الجميع بتذمر ولكن هو بالفعل محق بينما ياسر قال بغضب وسخرية "صدف اه، كل الي بيحصل ده وصدف"
2
بينما في الداخل كانت الفتيات يقفن بجانب زينة يقومون بمساعدتها بينما جمال اقترب من زيات زوجته وهو يسحبها بعيدًا قائلًا "حطي اي عصير يشربوه على ما تخلصي تحضير الاكل" كانت تمسك بالصحن وهي تبتسم له برضا ثم تسأله "الا قولتي مين في التلاتة الدكتور الي جميلة راحه علشانه؟"
2
أشار جمال نحو جاسر وهو يقول بفخر "ده، هو ده جاسر شاندويلي الدعلوب" فزعت زينات وفزع الجمال عندما وقع الصحن من يد زينات وهي تشهق بصدمة ليتهشم على الأرض تنظر نحو زوجها بخوف وصدمة لتقول جميلة بتعجب "في ايه يا ماما؟"
16
نظر لها جمال سريعًا وهو يقول بتوتر "مفيش يا جميلة تعالي بس لمي الطبق ده وقع من ايد ماما" أنهى حديثه وهو يسحبها خارج المطبخ ينظر لها بحنان وهو يقول "اهدي يا حبيبتي تشابه اسماء عادي"
16
"تشابه ايه؟ هو الاسم ده بنلاقيه كل يوم؟" قالتها وهي تبكي برعب ثم نظر نحو يدهم ليزداد بكائها ليضمها جمال سريعًا بحنان وهو يبث الطمأنينة في قلبها ببعض الكلمات يخبرها أنها صدف ليس إلا وأنه بجانبها ويجب أن تهدأ
9
خرجت زينات من أحضانه وهي تشير له بتحذير "المهمة الي جميلة فيها دي يا اما تخلص بسرعة يا اما تبعت حد تاني غيرها انت مسؤول قدامي عن الي بيحصل ده يا جمال، جميلة متقعدش في البيت ده معاهم تاني علشان قلبي يطمن" أنهت حديثها وهي تتركه وتعود للمطبخ مرة أخرى
25
لتنظر جميلة لوالدتها بتعجب تقترب منها وهي تقول "في ايه يا ماما مالك خرجتي انتي وجيمي برة ليه فجأة كدة؟" نظرت لها زينات وهي تبتسم بحنان وبلا مقدمات كانت تضمها وهي تقبل رأسها بحب قائلة "مفيش يا حبيبتي انا كويسة طول ما انتي وابوكي جنبي"
6
ربتت جميلة على كتفها بحنان وهي تشاركها الابتسامة ثم عادوا بتركيزهن لتحضير الطعام مرة أخرى.
+
_______________________________
+
انتهت الليلة وعاد الجميع إلى البيت ولكن الحدث البسيط هو أن أثناء جلوس جميلة مع الفتيات استطاعت أروى أخذ خصلة من شعر جميلة واعطتها لآسر الذي لم يعود معهم
12
وأثناء دخولهم للبيت نظرت لهم جميلة بتعجب وهي تقول "اومال آسر فين؟" تحدثت إسراء سريعًا وهي تقول "عمو بنداري طلبه في الشركة علشان في حاجة مهمة فراحله"
+
اومأت جميلة وهي تبتسم لهم قائلة "طيب انا طالعة انام" ركضت أروى خلفها سريعًا وكأنها تصعد معها نحو غرفتها هي الأخرى لتقول بتوتر "جميلة انا شوفت في ايديكي الصبح وحمة ووانا خارجة يعني آسفه بس خدت بالي منك وانتي بتداريها بكنتور بس ليه؟"
+
وضعت جميلة شعرها خلف أذنها وهي تبتسم بإحراج قائلة "معرفش الوحمة دي عندي من وانا صغيرة وبصراحة مكنتش بحب شكلها، حتى لما كنت بتصور والاقيها ظاهرة في الصورة كنت بضايق فمن وانا في ثانوي كدة بدأت اداريها بكنتور يعني مش بحب تظهر"
+
"اه، طب وملاحظتيش ان التلاتة عندهم نفس الوحمة خالص؟" أنهت أروى حديثها تزامنًا مع ضحكات جميلة التي قالت بعدم تصديق "اول حاجة اخدت بالي منها اول ما جيت هنا والله، بس عادي يعني اكيد صدفة مش اكتر مافي مليون بنت عندها وحمة في ايديها، يلا انا هخش أنام الساعة تلاتة الفجر، تصبحي على خير"
10
ودعتها أروى وهي تبتسم لها بحزن تدعي بداخلها أن يسير كل شيء على ما يرام وان يكون كل هذا صدفة بالفعل ليس إلا
7
هبطت أروى للاسفل لتقول بغضب "ايه عدى ساعتين كل ده آسر ملحقش يخليهم يطلعوا نتيجة التحاليل" نظر لها ياسر بغضب وهو يقول "وطي صوتك، وبعدين هو اتصل بيا من ساعة قالي بيحاول معاهم يطلعوا النتيجة بسرعة اصلا المفروض تطلع بكرة"
+
بينما جاسر نظر لصديقه بغضب وهو يصرخ به "يا صاح ما بك؟ تكاد عيناك تلتصق بتلك اللُعبة!" نظر له جاك بغضب وهو يقول "بالفعل هذا الدور ممل اللعنة على اللُعبة بأكملها"
5
انتبه الجميع لدخول آسر للبيت لينظرون له بلهفة ليبتسم هو بسخرية وهو يلقي اوراق التحاليل أمامهم قائلًا "كنت بعاكس اختي" أنهى حديثه تزامنًا مع وقوعه فوق الأريكة وهو ينظر للسقف بصدمة وعدم تصديق أنه كان يتغزل بشقيقته
22
نظر جاسر وياسر للاوراق بسرعة ولهفة ليقول ياسر بصدمة "طلعت اختنا بجد!" نظرت لهم منة بعدم تصديق وهي تقول "انا مش فاهمة ازاي جميلة هي اختكم، الحوار فجأة اتعرف في يوم وليلة كدا مكانش فيه شك ولا تمهيد حتى"
1
ابتسمت إسراء وهي تقول بلهفة "بصوا للجانب الإيجابي يا جدعان، ربنا بعتلكم اختكم بدون إرهاق ولف حوالين نفسكم كتير" هنا ضحك آسر بشدة وهو يقول بحسرة"بعتلنا اخت بتحب نبيل، يالهوي ياما على القرف"
33
"طب هنعمل ايه؟" سألهم جاسر ليقول آسر سريعًا "بكرة الصبح هنكلم الي اسمه جمال الراوي ده وهنقابله بكل التحاليل دي ويفهمنا هو الي بيحصل بقى، كاتبها باسمه ليه ومعامل الكل على أنها بنته ليه وجميلة عارفة اصلا ولالا؟"
2
ابتسم ياسر بسخرية قائلًا "لو كانت عارفة كانت شكت فينا اكيد واتحققت في الموضوع، انت مش شايف بتتعامل مع عيلتها ازاي في البيت، الموضوع صعب اوي" نظرت لهم أروى وهي تقول بحزن "الموضوع فعلا صعب، انتم تعملوا الي عليكم مع جمال وتشوفوا رد فعله وجميلة بقى ولا فريدة نشوف احنا هنعمل معاها ايه"
+
"فريدة؟" نظر الجميع خلفهم بفزع ليجدون فيفي التي اقتربت منهم وهي تقول بغضب "مالها فريدة انتم لقيتوها؟ طلعت قريبة جميلة؟"
7
"هه لا طلعت جميلة نفسها" قالها آسر بسخرية لتقول فيفي بصدمة "ايه؟ ازاي دي عندها ستة وعشرين سنة ومفيش وحمة في ايديها، انا متأكدة بنت ابني كان في ايديها وحمة، انا اه بحب جميلة وبحسها مني بس مش فريدة"
2
ضم ياسر جدته وهو يقول بسخرية "لا احساسك في محله يا فيفي، جميلة طلعت بتداري سنها علشان مضايقة انها داخلة على التلاتين، وعندها وحمة وبتداريها بمكياج علشان بتضايق من شكلها، هي تضايق واحنا نلبس"
4
الصدمة والسعادة جعلت فيفي تبتسم بسعادة وهي تقول "اتاكدتوا؟" اومأ لها جاسر بتأكيد وهو يشير لها على التحاليل لتبتسم فيفي بسعادة وبلا شعور هبطت دموعها وهي تقول "ياما انت كريم يارب، الحمدلله طمنت قلبي وجبرت بخاطري قبل ما اموت"
8
ضمها جاسر سريعًا وهو يقول "بعد الشر عليكي يا فيفي ايه الي بتقوليه ده بس، وبعدين انتي معيطيش لما شوفتيني انا وياسر كدة؟" ابتسمت فيفي من بين دموعها وهي تقول بسعادة "متهيألكم، يوم ما رحيم جيه وقالي أنه لقاكم انتم الاتنين كان قلبي هيقف من السعادة ولولا حبيبي الله يرحمه ملحقش يجيبكم ويملي عينه منكم، لكن فريدة مكانش فيه امل نلاقيها لدرجة أن ابوكم نفسه يأس بس قال يمكن الامل فيكم انتم تلاقوها، واهو حصل الحمدلله، جميلة دي من اول يوم دخلت فيه البيت وانا قلبي مرتاحلها وحباها بس عمري ما كنت أتوقع أن هي دي حفيدتي"
3
اقترب منها آسر وهو يقبل يدها بحنان قائلًا "وطي بس صوتك يا فيفي جميلة متعرفش حاجة، اتعاملي عادي بالله عليكي لحد ما نشوف هنتصرف ازاي، اطلعي نامي" اومأت له فيفي بسعادة وهي تستند بعكازها ووقفت وهي تقول "ماشي يا حبيبي، بس معلش بس قبل ما اطلع انام اطفي التكيف هواء الفجر موجود اهو ونسمة هواء ربنا راده الروح بلاش قلة ادب على المسا واطفوه واطفوا النجف الشمس قربت تطلع اهي، يلا تصبحوا على خير"
7
نظر الجميع في أثرها بصدمة ليقول ياسر بحسرة "مش هتتغير، فيفي هتفضل فيفي"
2
"هل يوجد طعام؟" نظر الجميع نحو جاك ليبتسم هو ببلاهة قائلًا "أشعر انكم تتحدثون في شيء مهم بسبب ملامحكم، ولكن اعتذر هذا لا يمنع شعوري بالجوع، نطلب البيتزا؟"
5
شعر جاك بالريبة من نظراتهم ليبتسم سريعًا وهو يقول "حسنًا أشعر وكانكم لا تحبون البيتزا رغم انها لذيذة للغاية، ولكن لا بأس يمكنني ان اغير الطلب ما رايكم في وجبة من ماكدونالدز؟"
9
لم يرى جاك اي ردة فعل سوى ملامح الغضب ليتافف بتذمر وهو يسحب هاتفه يصعد لغرفته قائلًا "حسنًا لن ائكل وذنبي في رقبتكم انا وتلك المعدة المسكينة، عسى أن تتعفن اجسادكم داخل قبورها تبا لكم"
10
وفي الخلف كانت تستمع لهم وهي تشهق بصدمة لما يقولوه لا تصدق ما تسمعه، ابتسمت بخبث وهي تخرج هاتفها تبتسم بحماس لما استمعته تتصل به سريعًا لتخبره ما حدث.
60
_____________________________
+
نبالغ لو نقول إنه الآن يريد البكاء؟ يريد البكاء خجلًا وهو يحاول أن يقف فوق سجادة الصلاة ولا يستطيع؟
23
كلما تقدم خطوة ورفع يده ليبدأ في التكبير عاد في فعله مرة أخرى هناك شيء يمنعه من التقدم يشعر وكان جسده بالكامل مقيد يحاول تكرارًا ومرارًا أن يبدأ في إقامة الصلاة ولا يستطيع
11
تافف نبيل بغضب هو بالفعل يذكر اخر مرة أقام الصلاة كانت في السنة الثانية من الجامعة بعدما أصر عليه صديقه أن يشاركهم في صلاة الجمعة من يومها ولم يصلي
1
نبيل القوي الذي يهابه الجميع بنظرة واحدة من عينه، نبيل الذي يرعب اكبر رجال المافيا بمجرد سماعهم لاسم منذر أو رؤيتهم لقناع يشبه قناعه، نبيل الذي يستطع خداع الجميع بسهولة الذي استطاع وبمهارة أن يوهم اذكى البشر أنه أكثر من شخصية، هو القوي الذي يفتخر به رجال الشرطة يعتمدون عليه في كل شيء، نبيل الذي يخبره الجميع أنه خليفة الجوكر وعندما يتقاعد الجوكر أو يتوفاه الله بعد سنين سيكون هو أول اسم يهابه الجميع من بعده
15
كل تلك الصفات تجمع في شخص يقف الآن بين يدي الله يشعر وكأنه حشرة صغيرة يمكنك تدميرها في اي وقت، كل تلك القوة تبخرت فلا تأتي ربع ذرة في قوة خالقنا، القوة التي يقف بها على قدمه ثابتًا أمام الجميع، الآن نفس القدم ترتجف ولا تستطع الوقوف ثابتة على سجادة الصلاة أمام الله، ان كنت اقوى البشر أمام البشر نفسهم، فأنت أضعف الخلق أمام خالقك وما أنت إلا عبد هبط لتلك الدنيا لتنفيذ أوامر الله تعالى
9
انت خالفت أوامره وعصيته والآن تقف لا تستطع الاقتراب منه خجلًا من نفسك، يظن أنه لا يستطع إقامة الصلاة لان الله لا يريده مثلا؟ لا الله ورغم قوته التي تفوق كل شيء إلا أن رحمته ومغرفته أيضًا تسع كل شيء
3
هو يريدك وينتظرك، وهو لا يستطع إقامة الصلاة فقط لأجل خجله ولأجل تمسك شيطانه به، الان هو يقف وخلفه شيطانه يحاول تقييده وإخباره الا يفعلها والا يتقدم من الصلاة، يخبره أنه لا يفعل أي شيء خطأ هذا حقه هو وتلك الأموال أمواله هو لم يخطئ
+
استمع نبيل لرنين هاتفه ليخبره شيطانه بحماس أن يذهب ويرد على الهاتف ويبتعد عن الصلاة الآن فهي لن تبتعد ولكن الهاتف سيغلق، وللمرة التي لا يعلم عددها استمع نبيل لوسوسة شيطانه وترك الصلاة وذهب نحو الهاتف ليرى من يريد أن يحدثه في هذا الوقت
12
تعجب نبيل من هذا الاسم الذي يظهر على هاتفه ليرد متعجبًا وهو يقول "خير يا تحية في حاجة؟؟" ابتسمت تحية بحماس وهي تقف في المطبخ تنظر حولها بتوتر وهي تقول "عرفتلك شوية اخبار جديدة يا باشا احسن من الاخبار بتاعة الوصية الي قولتلك عنها قبل كدة، استاهل على الخبر ده مليون جنيه"
40
تنهد نبيل بحزن وبلا شعور قال "تحية انا مش عايزك تنقليلي اي اخبار عن البيت ده تاني، حافظي على سر البيت الي عايشة بتاكلي وبتشربي فيه، انا خلاص مش محتاج منك حاجة تاني هناك ولو عايزة فلوس في اي وقت قوليلي وهبقى اديكي"
37
"يا باشا بس استنى واسمعني، دول لقوا فريدة اختهم خلاص" قالتها تحية بحماس ليقول نبيل بملل "مبروك يا ستي سلميلي عليها خلاص يا تحية قولت مش عايز اعرف حاجة"
4
"مهو الي متعرفوش أن الظابطة الي جاية تحميهم الي اسمها جميلة طلعت هي الست فريدة اختهم" قالتها تحية بسرعة قبل أن يغلق الهاتف بينما هو وقف بصدمة وهو يصرخ بعدم تصديق "ايه؟ جميلة هي فريدة اختهم؟"
50
______________________________
+
وفي صباح اليوم التالي كان الجميع يجلس على طاولة الطعام ماعادا آسر و إسراء
+
كانت جميلة تنظر لفيفي بريبة فتقريبًا وضعت فيفي كل الطعام أمامها وهي تقول بسعادة "كلي يا حبيبتي كويس شكلك خاسة جدا في ظابط قمر عضلاتها تبقى ملهلطة كدة؟ لا انشفي شوية"
11
كان جاسر ينظر لما تفعله جدته بعدم تصديق وهو يهمس لشقيقه "قولتلك هتفضحنا مكنتوش قولتلها حاجة" تافف ياسر بملل وهو يمد يده يأخذ شطيرة من أمام جميلة ليصرخ بألم عندما شعر بضربة فيفي القوية على يده وهي تصرخ به "ايدك يا حيوان دي جبنة شيدر، كل جبنة أريش"
5
"يوه ما جميلة بتاكل شيدر اهي وهي غالية ومعترضتيش" قالها ياسر بغضب لتبتسم جميلة بصدمة وتعجب عندما قبلت فيفي يدها بحنان وهي تقول "جميلة تعمل الي هي عيزاه أن شالله تاكل ديك رومي لوحدها، اجيبلك orange juice يا روحي؟"
11
"تسلميلي يا فيفي" قالتها جميلة وهي تنظر لها بحنان لتقول فيفي بسعادة "فيفي ايه بقى انتي هتصغريني؟ قوليلي يا تيتا"
24
وقف الطعام في حلق جاسر مما أدى لسُعاله القوي لينظر له ياسر بفزع وهو يربت على ظهره بقوة قائلًا "هتقتليلنا الواد الي حيلتنا يا تيتا الله يسامحك"
12
صرخ ياسر بألم عندما شعر بضربة فيفي التي هوت على رقبته وهي تقول بغضب "تيتا ايه يا حيوان انت هتكبرني؟ اسمي فيفي"
19
تافف بغضب وفي ثواني كان يصرخ بصوت عالي"فيفي ايه يا فتحية ده احنا دافنينه سوا ده انتي من حواري السيدة عيشة قال فيفي قال" شهقت فيفي بسخرية وهي تقف هي الأخرى امان حفيدها تقول بسخرية "اسم الله يا واد على اسمك السينمائي، سيبنا النيلة شاندويلي الدعلوب، دخلنا في الانيل، خواجة"
14
"حقك ما انتي متعرفيش اسم ياسر الخواجة ده بيعمل ايه في الناس اول ما يسمعوا الاسم بس" قالها ياسر بفخر لتضحك فيفي بسخرية وهي تجلس مرة تنظر نحو جاسر وهي تصرخ بغضب "وانت يلا"
4
"في ايه انا مالي دلوقتي؟" قالها جاسر بغضب لتصرخ هي به "تتنيل تخلص الزفت البحث ده وتنزل تشوفلك شغلانه في اي صيدلية بدل ما انت قاعدلنا زي الست المطلقة كدة والتاني مطرود كل يوم من شغلانه"
13
نظر لها جاسر بغضب وهو يصرخ بعدم تصديق "ليه أن شاء الله، هو مش انا هاخد ورثي وافتح صيدلية باسمي؟" نظرت له جميلة بسخرية وهي تقول "يابني مش لما تلاقوا اختكم الاول"
13
"اسكتي انتي كلي وملكيش دعوة" قالها جاسر وهو مازال ينظر لفيفي التي قالت بغضب مماثل "ليه يا حبيبي وهو انت هتضيع فلوس ابوك في مشروع يا عالم هينجح ولا يفشل، اثبت نفسك يا اخويا في صيدليات الناس وبعدين ابقى اعمل لنفسك"
2
شهق جاسر بصدمة وهو يقول "اثبت نفسي اكتر من كدة ايه؟ ده انا متهدد بالقتل بسبب اني ثابت نفسي اعمل اكتر من كدة ايه اعمل عقاقير لعلاج الجُدري ده ايه الهم ده؟"
8
"بس يا حبيبي انت حلو" قالتها منة وهي تنظر لجاسر ببرود تريده أن يصمت عن الصراخ بينما فيفي قالت بغضب "والزفت التالت"
5
نظر لها الاثنان بغضب لتقول هي "ايه هو يا يقضيها مع مراته شوية يا يقضيها نوم؟ ايه اليوم متقسمله على شفتين ولا ايه ما يمسك شيفت تالت ويتلم شوية"
1
"طب انا يا فيفي....." ما كادت جميلة أن تكمل حديثها حتى وجدت فيفي تبتسم وهي تقول "انتي؟ انتي تعملي الي انتي عايزاه براحتك لو عايزة تسيبي النجفة بالست لمبات شغالين طول الاسبوع والله ما هرفضلك طلب"
26
"طب يا في...." قاطعت فيفي ياسر سريعًا وهي تقول بغضب "اخرس يالا مش بتكلم؟ قلة ادب"
6
ابتسمت جميلة وهي تقول "لا انا قصدي يا فيفي اني هقوم علشان جاسر هيروح مشوار فالحق اجهز" نظر لها جاسر بتوتر وهو يقول "لا هو بصراحة يا جميلة انا محتاج اروح المشوار ده لوحدي انا وياسر وآسر"
+
شعرت جميلة بالاحراج قليلًا ولكنها قالت "جاسر مينفعش دي أوامر لازم رجلي على رجلك الا بس في حالة أن يتم استدعائي في شغل ساعتها يبقى اسحاق وراك"
+
"طب اجيبهالها ازاي دي بقى؟" قالها جاسر بتوتر ليقول ياسر سريعًا "عادي يا جميلة مشوار بينا عايزين نقضي مصلحة يعني مش هيتقتل انهاردة متخافيش عاملين حسابنا على يومين كمان"
4
"معلش يا جميلة خليها عليكي المرة دي" أنهى جاسر حديثه ليفزع الجميع من صراخ جميلة الحاد "هي رحلة للفسطاط ومش عايزين تاخدوا اختكم الصغيرة معاكم علشان هتجيبوا نسوان في ايه مالكم؟"
15
"طب نوزعها ازاي دي؟" همس بها ياسر لشقيقه بغضب بينما هي قالت بملل "لما تيجي تنزل قولي"
+
رحلت جميلة ليتافف ياسر بغضب وهو يقول "دي لازقة" واخيرًا تحدثت أروى وهي تقول بغضب "مهي دي مش طريقة، انتم مش هتقابلوا اللواء جمال؟ خلو جمال نفسه يمنعها من النزول مش بتفكروا ابدا"
2
أنهت حديثها وهي تقف هي الأخرى تقول بملل "انا هروح اصحي ماما تفطر"
+
نظر الاثنان لبعضهم بملل ليقول جاسر بغضب"لما يخلص آسر مع اسراء نبقى نتصرف مع جميلة ولا فريدة ولا الي انا مش عارفلها اسم دي"
2
________________________________
+
توقفت سيارة آسر ونظر لإسراء التي كانت ترتشف من عبوة العصير تعدل من وضع حجابها وهي تنظر حولها بتعجب لتراه يغمز لها بمشاكسة قبل أن يخبرها "ايه الحلاوة الرشيد الميزان دي يا ست؟"
8
ابتسمت إسراء وهي تنظر حولها بفضول تقول "انت جايبني فين؟" لم يجيبها بل هبط من السيارة وذهب نحو الباب المجاور له يفتح يقوم بمساعدة إسراء على الهبوط يغلق الباب يمسك بيدها يشير لها نحو هذا المبنى لتشهق اسراء بصدمة
3
"احنا لحقنا يا آسر؟ جايبني محكمة الأسرة؟ انا ضايقتك في ايه بس يا ابن الحلال ده انا ملحقتش اكلمك في مصاريف بيت حتى؟" أنهت حديثها لترى آسر ينظر لها بصدمة فارغ الفاه وما أن أدرك حديثها ليقول بملل "انتي عبيطة يا اوس اوس؟ مكتوب دار القضاء العالي ايه الي جاب محكمة الأسرة دلوقتي؟"
5
ابتسمت إسراء بغباء وهي تقول "هو مش فيه جوا فرع للأسرة؟" نظر لها آسر بغضب وهو يقول بعدم تصديق لهذا الغباء "هو انا جايبك سلسلة محلات اولاد رجب هو ايه الي فيه فرع للاسرة؟؟"
6
"أيوة يعني انت هتجيبني محكمة وتمرمطني معاك ليه؟ ايه الممتع في انك تفسحني في المحكمة ايه بتعودني على فسح ما بعد الزواج ولا ايه؟ حرام عليك يا آسر هو انا قادرة اسلب طولي على المرمطة!"
2
"اركبي يا إسراء نروح انتي مش نافع معاكي حاجة انا عارف والله" رآها تتمسك به سريعًا وهي تقول بحماس "لا يا آسر فضولي هيقتلني وحياة امك قولي جايبنا هنا ليه؟"
1
كاد أن يتحدث ولكن التقطت أنفه رائحة ليست غريبة عليه ليكرر استنشاق الرائحة اكثر من مرة حتى فتح عينه بصدمة وهو يمسك إسراء من تلبابها في منتصف الشارع ورغم تأوهاتها بسبب مرضها ولكنه صرخ بعدم تصديق"الريحة دي انا عارفها كويس؟"
2
اومأت له وهي تبتسم باتساع قائلة "أيوة مهو برفانك، ريحته اوڤر يا آسر عم سعيد بتاع الصابون الي تحتينا عنده تركيبة بعشرة جنيه تحفة هبقى اجيبلك منها"
3
"انتي ايه الي دخلك اوضتي ومسكك حاجتي يا اوس اوس؟ ايه داء الحرامية ده مش هيخلص؟" صرخ بها آسر لتقول هي بتذمر "هو انت يعني خدتني بعد ما نزلت من عمرة؟ ده انت واخدني من حارة بطن البقرة نازلة من توك توك، وبعدين هو انا أجرمت الدنيا حر وعرق وتلزيق لازم نرش عطور"
8
تركها آسر بتذمر وهو يقول "عارفة يا بنت الحرامية انتي لو لقيت حاجة من اوضتي في جتتك انا هحرق جتتك دي" أنهى حديثه لتعدل إسراء من وضعية ملابسها وهي تقول بسخرية "لو راجل اعملها وانا اعمل فيك محضر عدم تعرض"
3
كاد أن يصرخ بوجهها ولكن انتبه لسعادتها وحماسها وهي تقول "عم عوض!" اقترب عوض منهما لتبتسم إسراء بعدم تصديق وهي تقبل يده سريعًا تقول بسعادة "عامل ايه واحشني اوي"
1
نظر عوض لوجهها الذي يعلوه الشحوب وجسدها النحيف بحزن وألم ولكن لم يمنع اشتياقه وهو يقبل رأسها بحنان قائلًا "وحشتيني يا إسراء"
+
نظرت إسراء نحو زوجها وهي تقول بعدم فهم "هو في ايه ما تفهموني؟" ابتسم لها آسر وهو يمسك يدها بحماس قائلًا "تعالي نخش جوا وانتي تفهمي"
+
دخل الثلاثة لهذا المبنى الضخم واقتربوا من قاعة المحكمة ودخل عوض اولًا ثم ساعد آسر إسراء في الدخول للتفاجئ عندما تجد نعمة تقف وهي تضمها بحنان واشتياق قائلة "وحشتيني يا اوس اوس"
8
ضمتها إسراء باشتياق وهي تقول "وانتي كمان يا معلمة نعمة وحشتيني اوي، ايه الي جابك هنا في ايه؟" ضم آسر بنداري باشتياق وهو يقول بغضب "اتجوزت ونسيتنا يا بنداري ولا ايه؟"
+
"وانا اقدر انسى ولادي بردك يا آسر" قالها بنداري بحنان وهو يضمه باشتياق
+
بينما آسر ابتعد عنه وهو يمسك إسراء يسحبها خلفه يجعلها تجلس في اول الصف لتنظر إسراء بجانبها لتجد عمها وزوجته ومرام يجلسون في الناحية الأخرى ينتظرون خروج القاضي
+
لاحظت إسراء نظرات عمها وزوجة عمها النارية الموجهه نحوها المليئة بالكره والحقد لتبتسم هي بهدوء وهي تضغط بيدها على يد آسر أكثر تحمد الله بداخلها عن عوضه لها مما رأته
1
نظرت لزوجها بكل حب لتجده يقبل يدها بسعادة وهو يبتسم لها يهمس بهدوء "اتفرجي بقى على الي هيحصل دلوقتي"
3
نظرت بجانبها مرة أخرى لتجد جندي يسحب رضا خلف القضبان الحديدية ويخرج القاضي والمستشارين تزامنًا مع قول هذا الرجل بصوت عالي "محكمة"
4
وقف الجميع احترامًا للقضاء حتى سمح لهم القاضي بالجلوس ينظر في الاوراق يعدل من وضع نظارته يقول بصرامة وجدية "وبعد الاطلاع على أوراق القضية رقم (...) واستماع الدفاع عن المتهم، حكمت المحكمة حضوريًا على المتهم رضا حسن محمد عبد العظيم بالسجن لمدة عشر سنوات، رفعت الجلسة"
26
ابتسمت إسراء براحة وعدم تصديق وهي تستمع لصراخه خلف القضبان وبكاءه أنه مظلوم ولم يفعل شيء بينما وفاء التي كانت تجلس على الأرض وهي تصرخ باسم ابنها بصوت عالي وحسن الذي وضع رأسه بين يديه حزنًا على ولده ومستقبله
10
بينما عوض نظر لإسراء وابتسامتها ليستند على عكازه وهو يقول بصوت عالي عله يصل لهم "مش قولتلك افرح يا ظالم بكرة يفرح المظلوم فيك، واهو حصل" كانت إسراء تنظر نحو رضا بتشفي وشماته وهو ينظر لها بغضب وكره يرى آسر الذي اقترب منها يضمها أمامه وهو يبتسم بخبث يقترب من القضبان قائلًا "قولت قبل ما تتكل، نجيلك تباركلنا علشان انت ملحقتش الفرح صغير وللاسف مش هتقدر تلحق الفرح الكبير"
3
وضعت إسراء يدها حول خصر زوجها تبتسم بفخر وهي تقول "اتمنى تكون شنطة المخدرات الي حطيتها في محل عم عوض مريحاك في السجن دلوقتي يا رضا"
+
"كان بودي اوصي عليك جوا يا رضا والله، بس للاسف مليش في معرفة السوابق" قالها آسر وهو يبتسم ببرود يلوح له بيده يسحب زوجته خلفه بسعادة
4
بينما وفاء عقب صراخها كانت تشعر بنغزة قوية داخل قلبها لتمسك به بألم وفي ثواني كانت تقع على الأرض فاقدة لوعيها لتركض عليها مرام بخوف وهي تصرخ باسم والدتها ونظر رضا لوالدته بخوف ولكن جاء الجندي وسحبه ليحاول أبعاده وهو يصرخ باسم والده ووالدته ولكن لم يتركه الجندي بل سحبه بالقوة
7
وفي الخارج كانت نعمة تنظر لإسراء بسعادة وهي تقول "ربنا جابلك حقك من العيلة المعفنة دي، يلا الحمدلله ربنا يهنيكي باقي عمرك يارب" ابتسمت إسراء بسعادة وراحة وهي تذهب نحو سيارة آسر ولكن قبل أن تصعد انتبهت لرنين هاتف آسر الذي أجاب سريعًا وهو يقول "خير يا جاسر في ايه؟؟"
+
صُدم آسر عندما استمع لضحكات شقيقه وسعادته وهو يقول "البحث نجح يا آسر" لم يفهم آسر أي شيء إلا عندما انتبه لياسر الذي سحب الهاتف وهو يقول بسعادة "التحاليل طلعت يالا وجاك بيقول أن نسبة الورم عند إسراء بدأت تقل ده معناه أن بحث جاسر نجح واسراء بدأت تخف"
52
صدمة الجمت لسانه وقف لا يدري ايسعد من أجل نجاح بحث شقيقه ام من أجر بداية شفاء حبيبته وزوجته، لك يستطع فعلا شيء غير أنه سحب إسراء لأحضانه سريعًا وهبطت دموعه بلا شعور لتنظر له إسراء بفزع وهي تنظر حولها لترى أن الشارع فارغ من الناس لتمسك بوجهه سريعًا وهي تقول بخوف "في ايه يا آسر اول مرة اشوفك بتعيط مالك؟"
5
"نسبة ورمك بدأت تقل يا إسراء" قالها بسعادة لتشهق هي بصدمة وعدم تصديق ليسحبها لاحضانه مرة أخرى وهو يدور بها بسعادة قائلًا "دواء جاسر نجح وبدأ يقضي على الورم الي في جسمك يا إسراء"
18
بكت إسراء من السعادة وهي تضمه بعدم تصديق لا يوجد على لسانها الا الحمد والشكر لله على هذا العوض الذي دكنه لها وكافئها به الآن بعد طول صبر وانتظار
1
نظرت له بعدم تصديق وهي تشير لنفسها من بين دموعها قائلة "يعني خلاص انا هخف؟ مش هرجع للعذاب ده تاني؟" امسك وجهها بين يديه وهو يمسح دموعها بحنان قائلًا "فات كتير ما باقي الا القليل، استحملي الفترة الي جاية وانا معاكي ونخلص من كل ده"
2
اومأت له وهي تبكي من السعادة ليقبل هو رأسها ثم وجنتيها بحنان وفرحة عارمة يحمدالله على فضله ورحمته بهم، ومن يرحمنا غيره من يخفف على قلبنا ويزيح الهم عن صدورنا غيره؟ هو الله الكبير الجبار القوي، ورغم ذلك هو الغفور الرحيم الحليم، هو الله الكلمة التي إذا تعمقت بها لن تصل لمعنى عظمتها وقدرتها ورحمتها ولو بعد سنين وسنين، هو الله اللطيف بعباده
21
_______________________________
+
وفي المساء كان نبيل يجلس أمام هيثم بملل وهو يقول "وبعدين يعني هنقعد لامتى هنا؟" ابتسم هيثم وهو يقول "خلاص الهم هينزاح من علينا شوية وجيمِيس بنفسه هينزل مصر زمانه على وصول"
1
نظر له نبيل بصدمة وسعادة الآن قد وصل لمراده سيهبط كبيرهم لمصر ابتسم نبيل بخبث ولكنه انتبه لهيثم الذي قال "انا خلاص تعبت من الي بيحصل، امبارح منذر بتاع القناع ده حرقلي اربع مخازن ومش سايبني"
6
"ياراجل؟" قالها نبيل وهو ينظر له ببلاهة هو كان ينام في فراشه ليلة أمس متى احرق مخازنه؟ بينما هيثم قال بغضب "أيوة روحت لقيت المخازن محروقة وكمان قال إن الدور على الي ملكي في المانيا كان كاتبها على الحيطة بدم انت متخيل؟ الي اسمه منذر ده مش سهل ابدا ومينفعش اسكت كتير"
23
اومأ له نبيل بتأكيد لحديثه ثم نظر في هاتفه وهو يقول ببلاهة بينه وبين نفسه "وانا كنت فين ومنذر بيعمل كدة؟ ولا انا بمشي وانا نايم ولا في ايه؟"
34
اخرج هيثم ورقة من جيبه وهو يقول بصراخ "اتفضل كل ما اروح مخزن الاقيه لازق الكارت ده على الباب" اخذ نبيل من يده الكارت سريعًا ليفتح عينه بصدمة قائلًا "دي ورقة الجوكر؟"
29
"ايه ورقة الجوكر دي مش فاهم؟" قالها هيثم ليدرك نبيل ما قال ولكن قرر أن يجاري هيثم وكأنه في صفه بعدما علم أن الجوكر هو من فعل هذا فهو لم يحرق اي مخازن بسبب انشغاله بأمر جميلة
+
تنهد نبيل وهو يقول بخبث "انت متعرفش؟ صاحب القناع الي اسمه منذر الي انت بتقول عنه ده انا اول مرة اسمع عنه، لكن اسال في اي حتة أسأل القائد بتاعك نفسه عن اسم الجوكر، ده واحد قناص وقاتل ومحدش يعرف هويته الحقيقية كل ما بيخلص حاجة بيحط الورقة دي علشان يثبت أن هو الي عمل كدة، ولو بيهوش بس بيسيب رسالة وراه على الحيطان علشان تفضل علامة، انت كدة وراك اتنين يا هيثم باشا مش بس واحد لازم ناخد بالنا كويس من الي بيحصل ونفتح عينينا"
16
"ايه مش كنت مش بتخاف من حاجة؟" قالها هيثم بسخرية ليقول نبيل بتمثيل متقن "اعذرني يا باشا بس كنت فاكرك انت الي عامل الحوار ده كله علشان توقعني أو تخلص مني، لكن الحوار بدأ يكبر وشكله دخل في الجد وانا يا باشا أخري معاكم موصلاتي اي الماظ اثار تهريب انا فيها لكن توصل لاغتيالات وتهديدات انا مش تبعك"
11
"ايه هتندل بسرعة كدة يا نبيل؟ لا يا حبيبي مش مع هيثم انت صباعك تحت ضرسي" نظر له نبيل بسخرية وهو يقول بأسف "بس انت دراعك كله تحت ضرس منذر والي وراه"
3
"قصدك ايه يا نبيل؟" قالها هيثم بغضب ليقول نبيل ببراءة "يا باشا انا مش واطي كلنا في الهوا سوا، يعني لو انا لو بقيت في الهوا اوعى تفتكر اني هبقى لوحدي تؤ هنبقى سوا"
2
أنهى حديثه بغمزة من عينيه مؤكدة لحديثه لينظر له هيثم بخوف أن يتم الامساك به فيعترف عليهم مثلا سيفكر في أمره ولكن ليس الآن"
4
انتبه الجميع لوقوف سيارة ضخمة أمامهم يخرج منها الدخان بغزاره بسبب احتكاك العجلات بالأرض يهبط منها الكثير من الحراس حجمهم ضخم يذهب أحدهم نحو باب السيارة الخلفي يفتحه باحترام ليهبط هو بملابسه السوداء وهيبته الطاغية فهو ليس مجرد تاجر للأعمال الغير مشروعة، بل هو فرد من أفراد المافيا العالمية
4
ابتسم هيثم وهو يقول باحترام "اهلا بك يا قائد" ابتسم نبيل بثقة عندما وقف أمامه جيمِيس ينظر له بتركيز وتقييم ليقول نبيل بابتسامة هادئة "نبيل، نبيل السويسي بالتأكيد اخبرك السيد هيثم عني أليس كذلك؟"
+
اومأ له بهدوء ليقول نبيل بهدوء "سعيد برؤيتك والتعرف عليك سيدي" ابتسم جيمِيس بهدوء ثم ابتعد عنهم ونظر للجميع ليقول هيثم سريعًا "سأذهب لاسبانيا لا يمكنني البقاء في مصر ولا يمكنني الرجوع لألمانيا الآن"
1
"سنعود جميعًا لاسبانيا وتم إلغاء أي مهمات كنا نريد إنهائها في مصر" تنهد هيثم براحة ليبتسم جيمِيس وهو يقول "دعني اكمل حديثي هيثم، تم إلغاء كل المهمات التي جئنا لانهائها في مصر ماعادا مهمة قتل جاسر والقضاء على بحثه"
9
"ولكن لا نست..." قاطعه جيمِيس وهو يقول بحدة ونظرة ارعبت هيثم بالفعل "هذا الأمر يتعلق بحياتك هيثم، إن لم يتخلص منك من يطاردك، فسأتخلص انا منك لو لم تأتي ليه بجثة جاسر وبحثه"
+
"ستعود لالمانيا؟" قالها هيثم بأمل ليقول جيمِيس بسخرية "أرى أن تريد من يحميك ويقف بجانبك مثل طفل صغير يحاول إقناع والدته في الوقوف بجانبه في المرحاض حتى ينتهي لأنه يخاف من الاشباح؟"
1
نظر له هيثم بغضب ولكن لم يستطع الرد ليقول جيمِيس ببرود "سأبقى هنا لان تلك أوامر لي وهي أن أشاهد القضاء على جاسر بنفسي ولكن لن تتواصل معي الا أن اقرر أنا هذا"
4
أنهى حديثه وهو يقف يذهب ببرود وثقة نحو سيارته واعين نبيل تتابعه بهدوء وما أن اختفى حتى ارتسمت بسمة خبيثة على فم نبيل وفي داخله نوايا كثيرة ليس بالهينة أبدًا.
7
______________________________
+
استطاعوا واخيرًا ابعاد جميلة عنهم بعدما تحدثوا مع جمال واخبروه أنهم يريدوه في أمر هام ولا يريدون أن تحضر جميلة تلك الجلسة معهم ليأمرها جمال بهذا
+
كان يجلس أمامهم وهو يقول بتعجب "خير قلقتوني فيه حاجة؟" هنا تحدث ياسر وهو يقول بسخرية "في حاجات يا باشا"
+
نظر لهم بعدم فهم ليقول آسر سريعًا "بص يا فندم، احنا التلاتة توأم بس لينا توأم رابع، امنا بسبب مشاكل لا داعي لحكي تفاصيل استغلت غياب ابونا وودت ياسر واختنا الرابعة ملجأ وبعد يومين لما ابويا راح يرجعهم كان الاتنين حد اتبناهم قدر يوصل لياسر بس مقدرش يوصل لأختنا"
+
نظر لهم جمال بعدم فهم وريبة ليكمل جاسر "احنا اتجمعنا مع بعض بعد تمانية وعشرين سنة ووصية ابونا لينا أننا مش هناخد ورثنا غير لما نلاقي اختنا واحنا دورنا كتير ومعرفناش غير اسم الست الي اتبنيتها بس"
+
اكمل ياسر قائلًا بغضب "اختنا المفروض انها مش توأم مماثل لينا لأنها كان في بويضة لوحدها يعني مش هتبقى شبهنا أو الشبه هيبقى عادي، عندها وحمة في ايديها وعندها تمانية وعشرين سنة، تحب نقولك اسمها؟"
+
"فريدة" همس بها جمال بداخله ولكن رغم ذلك نظر لهم بغضب وهو يقول "وانا مالي بمشاكلكم مش فاهم؟"
3
لم يتحمل ياسر خبث هذا الرجل وفي ثواني كان يصرخ بغضب "هو ايه الي مالك الي اتبنت اختنا اسمها زينات الاسيوطي مراتك" وقف جمال بغضب وهو يقول "انتم بتلمحوا لايه بلاش هبل وكلام فارغ"
7
كاد أن يرحل ولكن أوقفه آسر سريعًا وهو يقول بغضب "اهدى يا ياسر، جمال باشا ممكن تقعد بعد اذنك" كان يرفض تمامًا ولكن أصر عليه آسر حتى جلس مرة أخرى
+
اخرج جاسر من خلفه التحاليل وهو يضعها أمام جمال يقول بهدوء "احنا بمجرد ما شكينا قررنا نتأكد ودي نسخة من التحاليل الي تثبت أن جميلة بنت حضرتك تبقى اختنا، يعني معقول مشكيتش من اسم العيلة؟ ولا انت متعرفش اسمها اصلا؟"
+
صراخ افزعهم وافزع الجميع ونظروا نحو هذا الذي وقف يصرخ بجنون "ده كلام فارغ جمــــــــــيلة بنتي انا مش ناقصة شغل عيال منكم انتم التلاتة ودوروا على اختكم بعيد عني أنا وبنتي"
2
"بردو هيقول بنته ويكابر" قالها ياسر بغضب ليصرخ به جاسر "اخرس شوية وبلاش همجية اكيد يعني هو مش مصدق أن أهلها يظهروا بعد السنين دي"
+
"اهل ايه وزفــــــــــت ايه جميلة بنتي" انتبه آسر لصراخ جمال ليقف وهو يقول بهدوء "انا طبعًا مقدر صدمة حضرتك خصوصًا أن واضح تعلقكم ببعض، بس دي حقيقة مش هينفع نهرب منها، جميلة هي فريدة اختنا كل حاجة بتثبت ده التحاليل السن الوحمة بعض الشبه ده طبعا غير احساسها وحنانها ناحيتها من قبل ما نعرف انها اختنا، لازم تبص للواقع يا استاذ جمال وأنها مش بنتك احنا مش هنقولها حاجة ولا هنبينلها اي حاجة هنسيبك انت تتصرف في الموضوع ده بمعرفتك، بس في اقرب وقت جميلة لازم تعرف حقيقة حياتها، بعد اذنك"
4
أنها آسر حديثه وهو يشير لاخوته أن يتبعوه ليفعلوا ذلك بينما جمال جلس على المقعد وهو ينظر أمامه يشعر وكان الدنيا احتلها السواد في عينيه فجأة خلع رابطة عنقه وهو يشعر بالاختناق يبكي بعدم تصديق لم يعلم أن هذا اليوم سيأتي ابدا
10
وقف يسير في الشارع يفكر فيما يجب فعله وعندما نظر لهاتفه وجد صورته مع زوجته وجميلة تضمهما من الخلف تنير هاتفه الصورة التي يضعها كخلفية للهاتف وصورة لمكتبه وغرفته وفي كل مكان، صورة تضمه هو وزوجته وابنته، يقسم أنها ابنته هو لا يعلم غير أن تلك الفتاة ابنته
9
توقفت أقدامه أمام هذا المسجد يستمع لصوت اذان العشاء ليجر أقدامه للداخل يقف بين يدي الله يصلي وهو يبكي لا يعلم ماذا يفعل في هذا الأمر يطلب من الله أن يعينه على هذا الأمر الأكثر من الصعب
+
أنهى صلاته ليرى شيخ كبير يظهر على وجهه البشاشة واللطف يجلس بجانبه وهو يقول "خير يابني مالك؟" نظر جمال لهذا الشيخ الذي يكبره بسنوات عديدة تقريبًا لينظر له وهو لا يعلم ماذا يفعل وفي ثواني كان يقول بقهر "ربنا حاططني في اختبار صعب اوي مش هقدر اعمله، هو حرام بس مش هقدر اعمله"
+
لم يفهم الشيخ الأمر ولكنه فهم أن هناك حرام يجب أن يتجاوزه وهو لا يستطيع لذلك ابتسم بهدوء وهو يقول "بص يابني خلاصة موضوعك مهما كان ايه هو، ارضي ربنا، يرضيك ربنا"
3
أنهى حديثه وهو يقف يبتعد عنه كي يؤدي صلاة السنة لينظر جمال في أثره بعدم فهم لتلك الجملة التي تتكرر في عقله الآن
+
ارضي الله، يرضيك الله
8
________________________________
+
كان الثلاثة يجلسون ليضم ياسر جاسر وهو يقول بسعادة "بس سيبك من كل ده طلع لازمة في البلد ياض" ابتسم جاسر بثقة وهو يقول "اومال انت فاكر ايه؟"
+
نظر له آسر بسعادة وهو يقول "وربنا انا فخور بيك يا جاسر انت الي مشرفنا في العيلة دي افتخر بنفسك وافرح يا عم" ابتسم جاسر براحة وسعادة وهو ينظر لهما بحنان قائلًا "فرحتي مش هتبقى موجودة غيركم معاكم ولا هتكمل غير بيكم"
2
غمز له ياسر بمشاكسة وهو يقول "في ضهرك دايمًا يا كبير" اومأ آسر بتأكيد وهو يضم شقيقه بحنين ليأخذ جاسر ياسر في أحضانه من الناحية الأخرى وضحكاتهم تملئ المكان ليفاحئهم آسر بحديثه "انتم مصدقين أن جميلة هي اختنا؟"
1
"انا فرحان" قالها ياسر ثم نظر لهما وهو يقول "مش متخيلين تأنيب الضمير الي كنت بقعد فيه طول الليل وانا بقول ازاي متعلق بيها كدة وانا المفروض بحب أروى، مكنتش فاهم مالي ومالها وكل ما ابص لأروى احس بالذنب رغم اني معملتش حاجة وبحبها هي وده غصب عني، سبحان الله عمري ما تخيلت أنها اختي"
2
ابتسم جاسر وهو يقول "بت جدعة وعسل وبصراحة كنت بحس انها شبهنا في حاجات كتير بس عمري ما اتوقعت أنها تبقى اختنا" اومأ آسر بتأكيد وهو يقول "محدش فينا كان يتوقع"
4
"انا نفسي اوي كل حاجة توضح، اه هي هتتوجع اوي، بس احنا معاها صح؟" أنهى ياسر حديثه ليقول آسر بعدم اقتناع لما يحدث "ازاي بنلحق نتعلق ببعض بالسرعة دي؟ مش اوڤر شوية الحوار!"
1
نفى جاسر وهو يقول بتعجب "لا طبعا يا آسر دي مش واحدة بحبها وناوي اتجوزنا فأقول ازاي حبيتها بسرعة كدة الموضوع اوڤر، احنا اخوات والدم بيحن، واحنا دم واحد وتوام نزلنا مع بعض طبيعي قلوبنا تتعلق ببعض وطبيعي نتعلق ببعض بسرعة، احنا اتعلقنا بيها من قبل ما نعرف انها اختنا لان دي طبيعة الإخوات لبعض، مفيش اخوات غير لما بيتخانقوا بس ميقدروش يزعلوا من بعض اكتر من ساعة، في ناس تانية ممكن يقتلوا بعض بس دول معندهومش قلب اصلا وميعرفوش يعني ايه نعمة الاخوات والسند والضهر"
3
ابتسم ياسر بسعادة وهو يقول "انا اكتر واحد جرب ازاي تعيش وحيد من غير اخوات، ولا حتى صحاب بس ربنا عوضني بيكم سند بعد ربنا"
4
انتبه الثلاثة لاقتراب جميلة التي ابتسمت لهم بحنان تعشق هؤلاء الثلاثة مثل إخوتها تمامًا تشعر نحوهم بحنان وحب غريب ولكنها قالت سريعًا "انا هروح البيت علشان تقريبًا في حاجة مهمة بابا عايزني فيها وهحاول ارجع بسرعة الإنسان مبيلحقش ينام والله، يلا سلام"
2
نظروا في أثرها بحنان ليقول آسر بتوتر "تفتكر عايزها علشان يقولها؟" نفى الاثنان بعدم معرفتهما ليقول ياسر بغضب "عارفين ايه اوحش حاجة في البت دي؟"
+
نظران له بتساؤل ليقول بغضب "أنها يوم ما حبت، حبيت نبيل" وافقه الاثنان بغضب من تلك الفكرة بالفعل
13
ولكن انتبه الجميع لجاك الذي كان يقف أمام جاك يقول بصدمة وتمثيل متقن "للاسف جاسر، ذهبت لإحضار هدية لك كمباركه على نجاح بحثك اعود لاراك تنعم في احضان غيري!"
14
"يابني اهمد هتشكك الناس فينا بقى، ما بك يا جاك لا تجعلني اشعر انك زوجتي؟" قالها جاسر بغضب ليضحك جاك بمرح وهو يقول "امزح معك اللعنة عليكم انتم الثلاثة لا يهمني، فقط اريد الجلوس معكم لاني مللت من تلك العجوز التي تبقع في الداخل رايتها تقف تراقب النجف وكان فوقه حشرة تحاول اصتيادها للتخلص منها هي مريبة"
4
انتبه جاسر لنداء منة من الخلف وهي تشير له أن يقترب منها ليقف ويترك إخوته وهو يذهب نحوها بتعجب
+
كانت تقف عند المرسم الخاص بها وما أن اقترب منها حتى ابتسمت وهي تهبط للمرسم تجلب شيء ما ثم تخرج مرة أخرى وهي تبتسم بسعادة قائلة "بص هديتي ليك بمناسبة نجاح البحث"
+
خلعت العباءة من فوق تلك اللوحة ليظهر أنها رسمة ولكن داخل إطار مزين تستطع تعليقها فوق حائط رسمته هي بكل براعة وهو يقف وفي يده إحدى الجوائز لتبتسم بسعادة وهي تقول "حبيت أتخيلك لما تقف قدام العالم وكله واسمك يترفع لفوق وتبقى فخر بلدك، وكل مريض وكل اهل مريض مش على لسانهم غير دعاء ليك يا جاسر، مش هتتخيل فخري وسعادتي بيك، فرحانة بيك فرحت ام ابنها طلع الاول على الجمهورية"
3
ابتسم لها جاسر بسعادة وهو يقول "جميلة يا منة، انا مش عارف اقولك ايه غير اني والله بحبك" ابتسمت له منة وهي تضع اللوحة جانبًا قائلة "وانا مش طالبة منك غير انك تفضل جنبي وربنا ميورنيش فيك سوء أبدًا"
1
عدل من وضع نظارته باحراج وهو يقول "طب الواحد يقول ايه في المواقف الحلوة دي، عارفة يا منة نفسي ابنيلك قبر جنب قبري"
57
نظرت له منة لدقيقه تحاول استيعاب كلمته وهي ترمش بعينيها عدة مرات ثم ابتسمت وهي تقول "جاسر، حط لسانك في بوقك متتكلمش هو ابتسم كفاية مش طالبة اكتر من كدة والله" نظر لها بعدم فهم وهو يقول ببراءة "يابنتي وهي دي حاجة وحشة؟ عايزك جنبي واحنا ميتين"
8
"يا اخويا وانا هعملك ايه واحنا جنب بعض ميتين اهو كل واحد هيتحاسب على أعماله لا اله الا الله" قالتها منة بتشنج ثم سحبت اللوحة من يده وهي تقول "هات بقى ام البرواز ده انا هعلقه في المرسم بتاعي"
1
هبطت على السلم للاسفل فكان المرسم يشبه القبو، بينما هو جلس فوق السلم يراقبها في الاسفل وهو يبتسم بحب ثم لفت أنظاره لوحة ما ليقول بتعجب "منة انتي ليه على طول مخبية اللوحة دي؟"
+
نظرت منة نحو ما يشير له لتبتسم بسخرية وهي تقول "بخبيها علشان دي اكبر خدعة في حياتي كلها اكتشفتها متأخر، عايز تشوفها؟" اومأ لها بتأكيد لتبتسم هي بحماس وهي تخلع الغطاء من فوق اللوحة لينظر جاسر للوحة بصدمة وهو يقول بشك "حاسة اني اعرف الوش ده"
1
ابتسمت منة بسخرية وهي تقول "دي آمنه صحبتي، أو الي اعتبرتها صحبتي"
+
فكانت اللوحة عبارة عن آمنه صديقتها ولكن قسمت جسدها بوجهها لنصفين النصف الأول وجه آمنه الطبيعي وهي تبتسم بلطف والوجه الآخر كان منظرة بالفعل بشع آثار اشمئزاز جاسر فكان عبارة عن وجه مشوه ومحروق ويهبط منه الدماء ويخرج من عينيها الشر كان أشبه لغلاف فيلم رعب اجنبي
2
ابتسمت منة بسخرية وهي تقوم بتنظيم الوانها واقلامها تحدث جاسر "الصاحب لما يبقى بوشين، قدامك عامل حبيبك واخوك ويضحك ويهزر وفي ضهرك فرحان باخطائك وبيحارب يبقى احسن منك وياريته بيحارب بنزاهه، لا ده بيحارب يبقى احسن منك ويسوء سمعتك انت في وشك حبيبك وفي ضهرك أول واحد يعيبك"
3
ابتسمت بألم وعدم تصديق وهي تقول "المشكلة أن في الآخر بطلع انا الي وحشة، واطلع انا الظالمة لدرجة بتخليني افكر طب انا ظلمتها في ايه ده انا كنت اول حد يقف جنبها وبحبها، لا بس كانت بارعة في أنها تخليني انا الظالمة الوحشة الي مشافتش تربية وهي الملاك البريء الي مش بيغلط، طب كل ده ليه اصلا!"
8
ابتسم جاسر بهدوء وهو يقول بجملة ملخصة لكل الموضوع "الناجح عيناه دائمًا على الهدف، والفاشل عيناه دائمًا على الناجح"
6
نظرت له بعدم فهم ليكمل هو "الإنسان السوي هو الي هيحاول يبقى احسن من الكل ويجتهد علشان نفسه مش علشان يبقى احسن من شخص معين، لكن الإنسان المريض هو الي يفرح بفشلك اكتر ما يفرح بنجاحه"
1
نظرت له بحماس أن يكمل ليقول هو بهدوء "بصي هي دلوقتي اكيد فرحانة بانك عيدتي السنة وهي اصلا تلاقيها خارجة بمقبول فانتي تعملي ايه بقى؟" رفعت راسها للأعلى تنظر له من الاسفل بحماس وهي تقول "اعمل ايه؟"
+
"تنجحي السنة دي بامتياز وتقهريها" أنهى حديثه بتشجيع لتبتسم هي بحماس وهي تقول "هوعدك اعمل ده بس وانت جنبي اتفقنا؟"
1
أنها حديثها وهي تخرج تقف أمام تكور يدها على هيئة قبضه تضعها أمامه ليبتسم هو وهو يكور يده على نفس الهيئة ثم تصتدم عقلات اصبعهم ببعض وهو يقول "اتفقنا"
4
وعلى الناحية الأخرى كان ياسر يجلس ينظر للسماء يترك جاك يجلس بصحبة آسر يتنهد بهدوء لينتبه لأروى التي جلست بجانبه وهي تقول بتعجب "هو انت ليه من ساعة حوار جميلة وانت قالب وشكلك غريب كدة؟"
+
نفى بهدوء وهو يقول "لالا مفيش حاجة متقلقيش" أوقفته لينظر لها وهي تسأله بخوف "ياسر في ايه شكلك مش عاجبني، قولي وفضفض زي ما انا بفضفضلك كدة عادي"
+
ابتسم لها بامتنان وحب ليجلس على المقعد مرة أخرى يتنهد تنهيدة طويلة وهو يقول "مش مصدق، مش مصدق اني واحد عايش تمانية وعشرين سنة وسط ناس بيمثلوا أن هما عزوتي وفي الحقيقة أنهم بس خايفين مني علشان مكانتي انا والست الي ربيتني، وفجأة الاقي اخوات وعيلة تانية"
2
"الست الي ربيتك؟" قالتها بصدمة فدائمًا يقول أمه لتشهق بفزع عندما وجدت دموعه تهبط لاول مراه تراه بهذا الشكل لم تعهده هكذا أبدًا بينما هو نظر لها بضعف وهو يقول "دي الحقيقة يا أروى، انا واحد صحي على الدنيا لقى نفسه وسط ناس بلطجية وصيع، انتي فكراني بتغر وبفرح لما حد يقول عليا بلطجي وصايع! انا مش هنكر اني بفرح لما احس ان ربنا مديني هيبة والكل بيعملي احترام، بس انا مش بلطجي يا أروى انا واحد اتربى وسط ناس وحشة اوي، امي كانت بتمنعني اغيب في الشارع بس انا كنت بنزل واشوف ده بيشرب سجاير وده بيشرب حشيش وده بيعاكس بنات"
18
تنهد وهو يضحك بسخرية قائلًا "على فكرة وانا في ثانوي صحابي كانوا بيخلوني اعمل الحاجات دي، انا مرة واحدة شربت سيجارة في حياتي مع اول نفس خدته وانا عارف ان امي مش هتقبل بحاجة زي خصوصا اني مناعتي كانت ضعيفة فالدخان ده هيضر صحتي، سمعت الاذان حسيت بخجل من نفسي كدة، انا لو شوفتيني وانا في ثانوي عيل صايع فعلا بناطيل مقطعة شعر شبه ديك الشراكس حظاظات وروشنة ومعاكسة للبنات وارتبط بكل واحدة شوية، وطبعا لاني كنت احلى صحابي كنت بقطع عليهم جامد في الحوار ده وكنت فخور بيا اوي"
8
نظر لها وهو يقول بألم "لحد ما دخلت جامعة وشوفت الناس شوفت الشباب المهتمة والي شكلها نضيف شوفت الاحترام والرقي والكاريزما الي بجد، كان عندي تمنتاشر سنة، من يومها وانا بقيت ياسر الخواجة الاسم على مسمى، نزلت اشتغلت في محل امي وكل فلوس اخدها بعد شقى وتعب اروح مع صحابي الي في الجامعة المحلات الشيك الي في المعادي ومصر الجديدة واجيب هدوم زي ما انتي شايفة كدة الستايل الي بيعجبك ده، بدأت اتعلم أن مش الروشنة اني العب ببنات الناس ولا اللبس الصايع ولا الشتايم وكل ده طلع هبل، حاولت اني اقلل من كل ده بس مش هقدر امنعه خالص لاني اتربيت واتعودت على ده"
3
لأول مرة يشعر بالضعف ويشعر أنه يريد أن يبكي وهو يقول بحزن وألم "عارفة يا أروى من وانا في اعدادي وعرفت أن نعمة مش امي وانا بسال نفسي هو انا فيا ايه وحش علشان اهلي يرموني؟ هو انا ليه مليش اب زي كل صحابي، انا كان نفسي في اب يا أروى، كان نفسي اليوم الرياضي الي كل صحابي بييجوا فيه مع ابوهم اجي انا كمان معاه وأيدي في أيده والكل يقول ابنك نسخة منك، انا اتحرمت كتير اوي واتظلمت كتير اوي، انا بحب نعمة وهتفضل امي لحد اخر نفس في عمري"
19
كتم شهقته وهو ينظر لأروى بألم قائلًا "بس انا كان نفسي احس بطعم حنان امي الحقيقية، كان نفسي اول ما تحضني ارتاح وانسى كل الي مضايقني، كان نفسي في عيلة يا أروى، اه ربنا عوضني وبعتكم ليا من تاني بس بردو مشوفتش امي وابويا، محستش بالي اتحرمت منه وانا عيل، انا اول ما آسر قاله أن ليا أهل اول حاجة دعيت بيها أن يارب اشوف ابويا وامي، والله ما كنت هعاتبهم ليه رمتوني كان كفاية عليا احس الاحساس الي نفسي أحسه من وانا عيل، جاسر عاش في حضن ماما وآسر عاش في حضن بابا وأنا اترميت في حضن البلطجية والصيع، انا اكتر حد اتظلم واكتر حد اتحرم من حاجات كتير اوي اي طفل كان نفسه يعيشها"
29
رفع كتفيه ببساطة وهو يقول بألم "كان نفسي في عيلة" كانت تبكي بانهيار بجانبه وما أن أنهى حديثه تمنت لو تستطع أخذه بين أحضانها الآن تربت على رأسه بحنان تهمس له انها بجانبه وستظل جانبه
1
لم تستطع فعل غير أنها ربتت على كتفه بحنان وهي تمسح دموعها قائلة "انا عيلتك" نظر لها وهو يبتسم بحنان لتكمل هي "عوض حنان الاب مع اخواتك، وحنان الام انا هعوضك بيه هتلاقيني صحبتك ومراتك وامك وكل حاجة يا ياسر بس انا مش بحب اشوفك حزين كدة"
11
ابتسم بسعادة لعوضه بها وهو يمسح دموعها سريعًا لتبتسم أروى وهي تنغزه في كتفه قائلًا "انا بحبك" ضحك ياسر بسعادة وهو يقول "كفاية حلاوة بقى يا أروى براحة على قلبي مش كدة"
8
ضحكت بشدة وهي تنظر له بسعادة ليقول هو بتحذير "متقوليش لحد اني عيطت ماشي؟" ابتسمت بيأس وهي تقول بحنان "من غير ما تقول، احنا بشر جوانا حاجات مكتومة لازم تطلع ولو اتحرجت من الدنيا كلها متتحرجش مني يا ياسر"
7
ابتسم لها بحب وهو ينظر حوله ليرى جاك يجلس في الأرض وأمامه آسر وهما يلعبان بحماس "سبت"
+
"الأحد" قالها جاك بحماس ليضرب آسر كفه بكف جاك قائلا "اتنين"
12
"ثلاثاء"
+
ضحكت أروى بشدة وهي تقول "اتفضل إسراء نامت اخوك اتهبل"
7
_________________________________
+
مرت سبع دقائق بالضبط وما زال والدها صامت لتقول جميلة بتعجب "في ايه يا بابا خضتني؟"
+
ابتسم لها جمال بتوتر وهو يقول "انا بس كنت حابب احكيلك مشكلة واحد صاحبي واخد رأيك علشان بثق في عقلك يا بنتي" نظرت له بفضول وهي تقول "طيب احكي"
+
تنهد جمال بألم وهو يقول "انا ليا واحد صاحبي زمان من تلاتين سنة كان متجوز وعنده بنت صغيرة كان عندها سنتين وفي مرة راح الشغلة ومراته خدت عربيته تروح عند اهلها زيارة، بس للاسف جالة تلفون قاله أن العربية اتقلبت وعملت حادثة"
3
شهقت جميلة بصدمة وهي تقول "ياربي وبعدين؟" حاول التماسك وهو ينظر لها بحزن يكمل قصته "لما راح المستشفى اكتشف أن بنته ماتت ومراته حصلها نزيف في الرحم وكان لازم تشيله، واتحرم من بنته ومن الخلفة بقيت عمره"
3
هبطت دمعة من جميلة بتأثر وحزن وهي تقول "ياربي ده ايه المعاناة دي بس، طب ايه عمل ايه اتجوز تاني؟" نفى جمال وهو يقول بألم "مقدرش كان بيحب مراته اوي مقدرش يشوف غيرها ولا قادر يتخيل حياته مع غيرها، عدت سنة كانت حالة مراته مدمرة وكانت مصممة على أننا نتبنى طفل"
9
"بس التبني حرام" قالتها جميلة بتعجب ليبتسم هو بسخرية وهو يكمل حديثه "قالها كدة كتير، وفي مرة لما رجع من الشغل لقاها اتبنت طفلة عندها شهرين ونص اتخانق معاها خناقة كبيرة اوي وصمم أن الطفلة دي ترجع الملجأ وفعلا دخل الاوضة ياخدها علشان يرجعها بس...."
5
نظرت له جميلة بتعجب لصمته وهي تقول "بس ايه يا بابا كمل" نظر للقبه من فمها بألم وحزن نظر لملامحها بحنان وهو يقول "اول ما شافها وشالها بين ايديه، قلبه اتخطف لما لقاها بتضحك مع نفسها زي اي طفلة في سنها حس أنه عايز يحضنها اول ما شاف كفها الصغير مسك في قميصه قلبه رق ليها وحس كأن البنت دي من دمه وصلبه مش واحدة من دار ايتام، مقدرش يرجعها حس أن مراته صح في قرارها"
5
"طب وبعدين فين المشكلة رغم أن التبني حرام بس ايه الي حصل؟" سألته بتعجب ليقول هو بألم "بعد شهر غير اسمها الحقيقي لاسم بنته الي ماتت وعلشان مكانته العالية قدر يزور شهادة ميلاد وبقت بنته رسمي قدام الكل لانه وهم الناس أنه خلف تاني بعد ما حد مراته وسافروا قعدوا سنة في امريكا ورجع بيها"
+
"طب ليه يوهموا البنت كدة؟ ما علينا بردو فين المشكلة!" قالتها بملل وتعجب ولكن صدمت عندما وجدت دموع على وجه والدها وهو يقول بألم "المشكلة أن بعد تمانية وعشرين سنة اهل البنت دي رجعوا وبيطالبوا بحقهم في بنتهم"
2
نظرت له بسخرية وهي تقول "طبعا ميوافقش يا بابا هما أهلها يرموها رمية الكلاب وبعدين يرجعوا يندموا ويسألوا فيها؟" تنهد بحزن وهو يقول "هو قال زيك كدة بالظبط، بس بعد ما عرف الحكاية كاملة عرف أن الي رمى البنت دي امها وهي ماتت اصلا واهلها فضلوا يدوروا عليها سنين وهما ملهومش ذنب في رميتها"
+
تنهدت جميلة بحزن وتأثر وهي تقول "الموضوع بقى اصعب، بس يا بابا لو عايز رايي لازم صاحبك بقى يحكي للبنت كل حاجة ما دام كدة، اه هتتصدم وهتتعب اكيد بس يعني أن شاء الله تتقبل الموضوع"
12
"وخداها ببساطة ايه يا بنتي؟ الي بيدي رايه في موضوع احساس ولما تبقى انت صاحب الموضوع احساس تاني اصعب أضعاف" توترت عقب كلمات والدها لتنظر له بتعجب وهي تقول "مش فاهمة؟ هي البنت دي اسمها ايه يا بابا ولا مين صاحبك ده؟"
+
"اسمها فريدة، فريدة رحيم طارق شاندويلي الدعلوب" أنهى حديثه لتشهق جميلة بصدمة وهي تقول "اخت جاسر وياسر وآسر؟ بابا انت عارف الحوار ده، المفروض كنت تاخد بالك ده حتى اسم العيلة فعلا مامة جاسر رم....."
+
"عارف يا جميلة عارف" قالها وهو يبكي بألم لتنظر له جميلة بخوف تجلس على ركبتيها أمامه وهي تقول بتوتر وخوف "بابا في ايه؟ انت اول مرة تعيط كدة في ايه مالك ما تفهمني؟ هو انت بتتكلم عن مين علشان تتأثر وتتعب كدة؟"
3
وفي ثواني كان حديث والدها يدور في رأسها مرة أخرى، بعد ثمانية وعشرون عامًا؟ حادثة أدت لاستئصال الرحم؟ والدتها يوجد في معدتها جرح كبير وعندما كانت تسألها ما هذا الجرح كانت تخبرها أنها عملية المرارة!
5
دب الخوف والرعب في أوصالها واستغفرت ربها من تفكير الشيطان فهذا أمر مستحيل لتبتسم سريعًا وهي تقول "بابا بالله عليك أهدى عمري ما شوفتك كدة، فهمني في ايه هو صاحبك ده يعني قريب منك اوي؟ لو كدة الموضوع هيتحل باذن الله"
+
نفى عقب بكاءه وهو يمسك يدها اليسرى بألم لتنظر جميلة نحوها وفي ثواني كانت تضحك بعدم تصديق وهي تقول "يا بابا مركز مع وحمتي ليه انت اول مرة تشوفها؟ ما تفهمني يا بابا مالك؟"
+
"انتي فريدة" صرخ بها جمال وهو يشعر أن الدنيا ضاقت به من كل ناحية بينما هي ضحكت من بين دموعها بعدم تصديق لتقف سريعًا وهي تقول "فريدة مين؟ انا جميلة بنتك عادي، الوحمة دي دي صدقة مش اكتر ما ناس كتير عندهم وحمة حتى ايمان بنت عمتو الي في البلد عندها وحمة زيي عادي يعني صدقة، بابا بلاش هزار بايخ بالله عليك"
15
نفى برأسه هو لا يمزح احمر وجهه من البكاء لتصرخ جميلة بغضب وعدم تصديق "يعنــــــــــي ايه فريدة؟ انا جميــــــــــلة يا بابا جميلة، ايه قلبها مسلسل هندي فجأة بلاش هزار يا بابا انا بنتك"
+
بكى أكثر واقترب منها كي يضمها لتبتعد هي عنه سريعًا ودموعها تهبط بغزارة وهي تخبره بترجي "قولي انك بتهزر معايا وعايز تخوفني، يعني ايه انت مش ابويا؟ انا مليش اب غيرك ولا ليا ام غير ماما، انا بنتكم اتولدت هنا صح يا بابا رد عليا بالله عليك"
4
أعطاها جمال اوراق تثبت هويتها الحقيقية بين يديها وهو يقول بألم "لو الدنيا كلها أثبتت انك مش بنتي، هتفضلي بنتي من دمي يا جميلة" كانت تنظر للأوراق بصدمة تحاول التنفس تشعر وكأن الهواء سحب من حولها فجأة تشعر بالدنيا تحولت للسواد حولها
1
دخلت زينات للغرفة سريعًا وهي تفرك عينيها اثر الصراخ التي استمعت له وما أن دخلت الغرفة حتى ركضت نحو زوجها بخوف وهي تقول "مالك يا حبيبي بتعيط ليه في ايه؟ في ايه يا جميلة ابوكي ماله"
+
انتبهت زينات للاوراق التي تقبع في يد جميلة التي كانت دموعها تهبط وهي تنظر أمامها بصدمة لتمسك زينات تلك الأوراق وفي ثواني كانت تبكي بانهيار وهي تصرخ بغضب "قولتلها؟ قولتلها لــــــيــــة حرام عليك اعيش تمانية وعشرين سنة بحافظ على بنتي وانت تيــــــــــجي تبوظ كل ده ليه؟؟"
1
نظرت زينات لجميلة سريعًا وهي تضمها بحنان تهز راسها بجنون وهي تقول "متسمعيش كلامه لا، انتي بنتي انا، انا الي ربيتك وضيعت عمري علشانك ومستعدة اضيع الباقي منه كله علشان خاطر عيونك انتي بنتي انا يا جميلة"
6
خرجت جميلة من أحضانها وهي تضحك بعدم تصديق قائلة "هو انتم كل ده بتتكلموا بجد؟ انا هيفضل عندي امل لآخر لحظة انكم تقولولي بنختبر صبرك وحبك لينا يا جميلة، يعني انا في يوم وليلة اصحى الاقي اهلي مش هما اهلي؟ قولوا انكم بتهزروا"
2
نظر أمامه بضعف بينما زينات صرخت بخوف "أيوة بنهزر، انتي ملكيش أهل غيرنا انا امك وانتي بنتي ومفيش مخلوق على وش الدنيا ينكر ده انتي بنتي انا"
2
نفت جميلة بعدم تصديق وشهقاتها تبدأ في العلو وهي تنظر للورقة التي في يديها مدون بها اسمها وميلادها واسم والدها الحقيقي ووالدتها
+
بينما زينات صرخت بجمال وهي تقول بغضب "انت ساكت ليــــــــــة؟ قولها إنها بنتنا احنا ما تقوم يا جمال وقولها أن انا امها وانت ابوها"
+
نظروا لشهقاتها الذي كان أشبه بالصراخ وكادت أن تتحدث زينات ولكن وجدتها تسحب أقدامها وهي تركض خارج المنزل لتصرخ زينات بخوف وغضب "انزل هاتها، انزل هات بنت يا جمال والا قسمًا بالله هنسى كل لحظة حبيتها فيك وهقولك طلقني لو مرجعتش بنتي لحضني تاني"
3
عندما وجدته مستسلم تمامًا صرخت بعدم تصديق "انت مستسلم كدة ليه؟؟؟ انا هنزل اجيب بنتي هي بنتي انا يا جمال وملهاش أهل غيرنا ولا انا ليا غيرها ومش هسيبها"
1
ركضت من أمامه لغرفتها وهو يجلس لأول مرة يشعر بالعجز والضعف لا يدري ماذا يفعل ابنته الاولى ضاعت من بين يديه وكان عاجز، والآن ابنته الثانية تضيع أيضًا وتتدمر شيئًا فشيء وما زال عاجز لا يستطع فعل شيء
3
بينما نبيل كان يركض بسيارته بعدما علم من تحية مديرة منزل رحيم أنها استمعت للثلاثة يقولون انهم أخبروا جمال بما علموه وعرضوا عليه التحاليل التي تثبت هذا وان جمال سيخبرها اليوم ركض لعله يلحق تهور جمال مما سيفعله
5
وما أن خرج من سيارته تحت المنزل حتى أدرك أنه أتى متاخرًا عندما رأى جميلة تصعد لسيارتها وهي تنطلق بها بعيدًا ليصعد لسيارته بسرعة وهو يركض خلفها حتى رآها تتوقف في مكان مظلم ليهبط وهو يذهب خلفها
+
وجدها تقف أمام إحدى الجبال وشعر بالفزع وتألم قلبه عندما استمع لصرختها العالية التي أخرجت بها كل آلامها وحزنها وانهيارها
5
تنهد نبيل بحزن وهو يقترب منها مناديًا لاسمها بحذر "جميلة" التفتت له بلهفة كان أكثر وقت تريده بجانبها، كيف تخبره أن يضمها ويخبرها أن حياتها ما زالت كما هي لم تتغير في يوم وليلة، تريد أن يبعث الطمأنينة في قلبها ولكن لم تستطع قول شيء سوى "جميلة مين؟ انا جميلة ولا انا فريدة! انا مين؟ انا ليه بقابل كل الي بيحصلي ده لوحدي"
6
اقترب منها وهو ينفي حديثها يمسك بيدها وهو يخبرها بعينيه أنه لن يتركها قائلًا "انا جنبك"
30
____________________________
+
هناك وقت من الأوقات احتاج فيه لاخبارك بأن تضمني تجعل مسكني بين احضانك تخبرني أن الحياة بخير طالما انا اقبع داخل صدرك الحنون
3
وفي النهاية دعوني أخبركم
"أن المغامرة لم تنتهي بعد..."🤍🫀
4