رواية يا اجمل الوحوش الفصل الخامس والعشرين 25 بقلم رسل فهد
يا أجمل الوحوش
- رُسل فَهد
....
33
و يبقى النزف للأبد ما ينشف صوابي
أنا حياتي أنتهت
بيد أقرب أحبابي
- رُسل فَهد
....
61
" عالية "
39
و هو يتقدم علية بس أنا ما ادري شماله بلعت ريگي و أبتسمت بوجهة
عالية : ما گتلك ، آمس جدة
علي : عاااااااالية
هديت العلاگة من أيدي و گمت اشوفنة شماله هذا
53
فزيت من لزم زندي قوي عاينتلة متوجعة و خليت ايدي على ايدة
اريدنه يوخرها ضغط عليها أقوى بعد من الاول
عالية : شمالك ؟
علي : ذهب مرت مرتضى وين ؟
148
عاينتلة بعصبية و ضربتة على صدرة و روحي تفور تفور أعاين لأيدي
ترجف من الحرگة و عيوني دمعت
عالية : شني ما تستحي انتَ شمالك أنا عايزة عليكم حتى أخذ منكم فلوس ترى لو احتاج أدز لامي ما تقصر وياي
بس أنا ما أريدن
58
باوعلي خازرني بطرف عينة و كاض ايدي قوي عتها و راح قفل الباب
و اجة بأتجاهي أنا هم خازرته
عالية : إذا قصدك على الغراض ترى جدة من أجت اطتني
و اشتريت و ردت اكلك اليوم من تجي
مسحت دمعتي ما أريد ابجي بهيج موقف
52
علي : هسة أنا چذاب ؟؟؟
حجاها و مد ايدة جوه الجرباية شگگ علاليك هدومي و من كل علاگة
طاحت فلوس بقيت اعاينلهن بصدمة
علي : أحچي منو أنا المخليهن هناااا ، عالية
203
دنگت لزمتهن أعاينهن والله هواي اريد الحچي يتجمع بحلگي ماكو
بقيت أعاينلة و اعاين عليهن و أيدي ترجف
عالية : وروح أبوي مو أنا
40
علي : لججج عااااالية لجج اناااا البية مكفيني
يومية مصيبة منج يووووومية
عالية : لا تگول منج أنا ما ماخذة فلوسكم ما عايزة عليكم
و لا تتهمني بالبوگ وروح ابوي ما بايگة و داعت امي
احجيهن و امسح بدموعي
67
دنگت بالكاع مستحية الم بـ هدومي التطشرن و دموعي تتجاره
شمرت الفلوس بنص الغرفة و العلاليگ مشگگة ما تصير بيها الهدوم
بعد لميتهن بحضني و گعدت أبجي بصوت عالي
92
أندك باب الغرفة قوي و هم هوستهم تارسة الهول الفوگ و اسمع
عمي عمار يگول علاوي وينك استغفر وگام شال الفلوس خلاهن
بمحفظتة و فتح الباب
52
عمار : يالله الغرف كلها تتفتش انا وين گاعد بيت لو شارع مال حرامية البيت الينباگ بي الذهب اقره عليه السلام
يالله حتى غرفتي تتفتش و كلها تحلف بالقران
49
علي : قبل لا تحچي فتشتها الغرفة أنا ماكو شي
فتحت الباب امة و طبت وياها رحمة تعاينلي بشماته گبل راحن للكناتير
يفتشن علي طلع حتى من الغرفة و عمي عمار واكف يتوعد إذا
يعرف البايگ منو يكرهه حياتة
37
مرت مرتضى فاطمة أخت هدى تبچي بنص الهول و تلطم و عمي يسكت بيها و سلام يفتش غرف الولد اجت امه نثرت الهدوم اليمي
و نكثت الجرباية كلها حتى الفراش شمرته بالگاع جرت هدومي من ايدي تنكث بيهن وحدة وحدة و تشمرهن بالگاع
49
من خلصت حطيت البطانية فوكاهن لا يطب أحد دموعي تجري
و هضمة بداخلي خنگة مسيطرة علية كل شعور مو حلو بالدنيا
صاير بية أتمنى أموت من صدك و لا الجاي يصير وياي
فزيت و لزمت گلبي بوجع من عاينت
34
رحمة من بين بقچة من بقچ الهدوم تطلع گلادة جبيرة ذهب حلوة تلمع لمع
ام سلام : يااااا يمة والله ما خاب ضني و عرفت الحرامية
بس محد صدگني
158
رحمة : يابة يابة هاي الگلادة
بـ لحظة صار البيت هدوء و كلشي هدوء بس صوت گلبي يصرخ
علي ما صعد يمكن طالع من البيت كله
65
فاطمة : الفففف الحمدلله يارب الحمدلله
عمار : والله حچيتي و ما صدگتج يا ام سلااام ، لج عاااالية
40
طب للغرفة و ولدة لازمينة كضيت الچرباية اسند روحي بيها
عالية : والله مو أنا والله آحدد جاي يخلي غراضكم بغرفتي
ام سلام : على أساس انتٍ ما عندج سوابق من بگدي حتى ذهب امج و شردتي ، يالناهبة
74
عمار : تُف ، امداج و امدا هاي التربية الخايسة
امسح بدموعي و أباوعلهم
عالية : والله ما بگت شي أنا أصلا ما ادري غرفهن وين
عمار : اي امي رهينة اجت مناك خلتهن بغرفتج و طلعت موووووو
38
ام سلام : بعد يوميات ولدي هم عندج لا محاللة و لا ماهوبة
ولج سنين صار النه هذا البيت ما أنباك اول ما حطيتي رجلج
گشولتي الأكو و الماكو
"گشولتي" : أخذتي
77
سلام : يالله يابة كافي اهمشي انلكت الگلادة سدو الموضوع
اعاين لروحي لو يمي نار قريبة چـا ما ترددت لحظة أزت روحي بيها
و أنا نار و دمعي ينزل جمر يزيد روحي حرگة
49
عضيت ايدي من كل الجهات و بعدني ما بارد غليلي قفلت باب
الغرفة وكعدت بالكاع طبگت شوية من الحصير و كعدت على الكاشي يم البردة حتى برودة الگاع ما تطفيني
40
أصعب مرحلة يمر بيها الإنسان لمن يحاول يثبت برائته بشي
هو ما مسوي من الأساس ، ولو حِچة سنة كاملة محد راح يصدگة
من گالو نحلفكم كيفت جنت مستعدة اول وحدة احلف بس مو
هيج يلگووون الگلادة عندي و بغرفتي
70
ما أگول غير الله لا يوفق الي چان السبب ، لان الانسان إذا حقد
و هو ما عندة مخافة رب العالمين كلشي يخطر على البال يسوي
كل ما اتذكر نظرتهم من گاموا يعاينولي ساعة الي لگن الكلادة يمكن لو الف مرة أطم روحي ما أنسى
44
عفت الهوسة و هدومي و بيبان الكناتير المفتوحة و تمدد بالگاع
على البرد و عظامي تصل جوعانة لان ما مأكله شي غمضت عيوني
و أنا أخلي خدي على الگاع ابرده مر وكت طويل و محد أجانبي
و لا دگوا الباب ، غُفيت
43
جان بس النوم يمشيلي وكت و يخلصني من الانا بي
فزيت من حسيت احد ندسني بچتفي غمضت عيوني بأدية وضغطت عليهن قوي درت وجهي على البردة الدنيا ظلام يعني صاير الليل
و أنا من العصر نايمة گمت بساع انكث بثوبي و عظامي مكسرة
لگيته گاعد على الچرباية حطيت ايدي على گلبي
43
باوعلي و رجع باوع للتليفون مسحت عيوني أنصدمت من لگيته فارشلي
و شايل حتى هدومي من الكاع بقيت ساكتة ما حجيت شي بطني
فاضحتني بصوتها غطيت روحي و أنا اعاين على الكنتور گبالي
صافنة و ايدي على خدي نزلت دمعتي مسحتها
49
ردت أبررلة و اسولفلة بس گلت ما يستاهل اكبر راسة
اهم شي رب العالمين يدري أنا ما مسوية هيج هو گاعد يفرك براسه
و سَد حتى التليفون بعد ما تحملت الجوع گمت للكنتور اخذت كيكة
و شربت و أنا دايسة على روحي
64
كعدت عدل و أنا مغطية حتى راسي بالبطانية فتحت الگصبة و أندگ الباب ما رفعت راسي هو گام و فتحت الكيكة معدتي حسيتها تشكرني
من خليتها تاكل بعد كل هذا الجوع
خالد : ها علاوي تجي يالله راح نروح
علي : لا تعبان و ظهري يوجعني روحوا
17
خالد : چا بعد شوكت تلعب ويانة و انتَ عگبة تداوم
علي : من أجي من الدوام ، روحوا
سد الباب و بقيت صافنة من هسة شايلة من راح
يروح شتسوي بية أمة
50
سد الباب و أنا رفعت راسي لگيته يعاينلي ، گعد يمي
فارشلي بصف الچرباية و موخر الصوبة من مكانها
من يگعد رجليه تطخ بـ بالبطانية مالتي اعرفة يريد يحچي وياي
بس مدري شمنتظر
21
دگ تليفونه فز گلبي و راحت روحي درت وجهي عليه بلهفة
من سمعتة يگول ها هلا حبيبي شريك
... الحمدلله و انتَ شخبارك .. أي ان شاء الله وياك زِناد خلاني ... هههههه ان شاء الله أخوي
52
جريت نفس وزفرتة هو يعاينلي ما حچيت شي
يعني علي راح يداوم وي شريك بالعسكرية ايدي على خدي أبتسمت
أختفت ابتسامتي بخوف من صار صوتة بصف أذاني
علي : أنا كل يوم أخذ عهد على نفسي أيدي ما أمدها
عليج بَس كل يوم انتِ تزيديني شَك بمواضيع ما أريدها
82
اخاااف منه من يمد ايده عليه يقسي مديت ايدي على رجلي ضاغطة عليها و آكل بشفتي الجوه من وره القلق و دگيت گلبي السريعة
علي : ليش هيج جاي تسوين
21
عالية : مو أنا
حجيتها بصوت يرجف
27
علي : چا أنا ؟
بقيت ساكتة ما عندي جواب مد ايدة وخر البطانية من راسي غمضت
عيوني قوي و دموعي نزلت
12
عالية : و روح أبوي ما ماخذة منهم فلس واحد
علي : أنا صارلي فترة يومية من محفظتي تنوخذ فلوس
و جثير مو شي عادي گلت يجوز محتاجة غراض و ما تگلي
ما جبتلج طاري
55
باوعتلة بصدمة
و من صارت وي خالد و هادي شكيت و گمت أخلي مصرف
حتى السالفة متنعاد ، و تأكدت من لگيتهن وي هدومج
و النوب ذهب ؟؟؟؟؟؟ شتسوين بيها هاي الفلوس
و انتِ الغراض المشتريتها ما بيها خمسة و عشرين
49
من القهر و الحالة الانا بيها اريد احجي ويا صوتي يرجف
و الحروف كلها اختفت حجيت كلمة وحدة وبلعت ريگي غصيت ما
گدرت أكمل مديت ايدي على بلعومي افرك بي حجيت بصوت مخنوگ
و دموعي على خدي
23
عالية : الغراض ذني والله جدة من أجت اطتنياهن
ما ماخذة لأمنك و لااا منك اخوتك و لا انااا ماخذة الگلادة
و الله موجود ان شاءالله الله ويطلع حوبتي بيكم
انااا غلطت و آذيت روحي بس اناااا مو حرامية
49
علي : صوتچ
عالية : تعبت انااا منك و منكم تعبتتت جيب القرآن احلف بي مو انا أدري ما تصدگني بس راح يجي يوم تعرف و أنا
ما عايزة عليككككك اخذ منك والله لو تبقى انتَ آخر واحد بالدنيا ما اخذ منك فلس
69
كمت من الفراش جنت مخليه فلوس المصرف الانطانياهن بقمصانة فتحت الكنتور و طلعتهن شمرتهن عليه و أنا منهارة امسح بدموعي
و أرجع بشعري ليوره و شهگتي واضحة من بين الكلام
عالية : هاي فلوسك أنا استنكف على روحي اصرفها مو أبوگ منك و ان شاء الله حوبتي تطلع بيك قبل اهلك
189
هو صافن يعاينلي مصدوم و أنا صوتي عالي من حرگة گلبي درت وجهي عنة و حتى على فراشي ما گعدت رحت يم البردة گعدت بالگاع
حاضنة روحي و راسي بين رجليه لا هوَ حِجة بعد و لا أنا
مر وكت جثير و أنا على گعدتي عظامي تكسرت
37
سمعت خطواتة صارت قريبة فتح باب الكنتور و قفلة
علي : گومي نامي بفراشج يالله
رفعت راسي بعصبية و أنا أعصابي تالفة منة
عالية : مالك غرض بية مالك غرررض بية
33
اجاني متجه عليه لزم ايدي قبل لا يلزمها گمت
علي : يالله يالله لفراشج
هديت ايدة قوي و رحت لفراشي تغطيت هوَ نام و طَر الفجر و أنا گاعدة
من گام يبدل انتظرتة يطلع نمت على الچرباية شوية و انفتح الباب غمضت عيني قوي اجه عطره بخشمي و هو يمد ايدة جوه المخدة
مدري شياخذ ، رفع راسي و عدل المخدة
علي : قفليها الغرفة من تنزلين
69
حجاها و طلع و بأحلى نومة فزيت على صوت امه اكثر صوت يزعجبني بالحياة حطيت الشال على راسي و نزلت بس قفلت الغرفة
رغم انا ما مسوية شي ادري بروحي بس استحي اعاين بالوجوه
مدري ليش
15
ام سلام : هلا نورت ، يالله بعد تنظيف المضيف عليج يومية
عجني و روحي نظفي من تخلصين صعدي خبزي
و العشاء بين يوم ويوم مرة عليج و مرة على فاطمة
20
رحمة : يمة اليوم ابوي يريد خبز بالسمسم ترى
ام سلام : سمعتي ؟ عود صعدي وياج طاسة سمسم
113
صعدت انخل و أنزل و أنا على الدرج اسمعها بالهول
ام سلام : شلون عين گوية و لا تنكسر فوگ شينتها البارحة الليل كله صوتها يلعلع بس هي صوجها لو صوج ابني ما لطمها على حلگها
39
آريج : اليوم علاوي يلتحق
ام سلام : لا باچر وليدي يمة شهر ما أشوفنة يالله يروح بالسلامة اليوم واحد صفر حتى على نزلته أزفنة و افرح بي
69
رحمة : والله أنا أروحن للصالون
عفتهن و طبيت للمطبخ أعجن تفكيري كله بالشهر شيخلصة يا يمة
ليش جا مو هذا شريك يروح عشرة و يجي عشرة
كملت العجين و رحت للمضيف كاتلتة التربان عَبن محد يچهبة
66
بديت من ثمانية و بـ ١١ صعدت اخبر خلصت بـ الوحدة لان الخبز جثير
و التنور من الهوى العالي ما تركد النار بي نزلت الصواني اثنينهن وحدة فوك الثانية لان ما بية حيل أصعد مرتين
ام سلام : يا يا راح يعجن الخبز يمن كون خفت و عابت هاي الخلقة اي والله
45
.. أخذتهن من ايدي و ولدها يتصايحون بيناتهم
واحد يسولف للثاني اذا معمل فتح يم معمل العالم شدگول
ام سلام : يالله إش أش لو الوادم تمشي على حجيكم
جا محد فتح دهينة بكربلاء يم دهين المصطفى
253
سلام : بالله واليرحم والديج يمة اسكتي لا تدخلين
- تسكت امك ولك
مرتضى: يمة ابوي شنو عود يخلي راسة وي زناد
ترى زِناد المعمل مالته من ١٩٦٩ الاول على العمارة
وهو اخذ المعمل و الوكالة من صاحبة يردون ابوي
و امجد ينافسونة
258
ام سلام : ولكم مثلكم عدوان ما شفت يعني تردون الخير لزناد و لأبوك ما تردوه هو انتو خدم مو مال واحد يكبر روسكم
12
خالد : انتِ خليها ببالج أنا و مرتضى وعلي و سلام
و إسلام كلنه ما نعوف زِناد خل أبوي ياخذ ذولة الصغار يشغلهم يمة وعلي نبطل و ما نطلع وي امجد وابوي
48
ام سلام : يطردكم من البيت والله و خلي زِناد يلفيكم
عفتهم و صعدت اركض حتى اسبح فتحت باب الغرفة و اجيت اخذ هدومي ما لكيتهن جوه الچرباية تذكرت آمس هو شايلهن فتحت الكناتير كلهن ماكو بقى بس كنتورة مقفول و معلك المفتاح
فتحته اعاين مخلي هدومة على جهة و مرتب هدومي بصفهن
97
غرگت من المستحى و أنا اتخيلة مصفطهن حاجة حاجة
اخذت هدوم و طلعت اسبح اركض لان اعرفنه اول ما يجي بس يريد
حجة حتى يطب بيها للحمام يبو النوب اسمع عياطهم جوه صارو
مطاحن طلعت من الحمام هو توه صاعد الدرج طلعت المفتاح
افتح بالباب و هو فايرة روحة
33
خلصوا الغده كله عرك و النوب بدل و راح و أبو يصيح كلهم أكدرلهم
إلا هذا ما أكدرلة ، بالليل يالله اجه اول ما صعد أبو صاحلة جوه
صلوا يتناقشون كلهم بصوت عالي و أجت بت آريج گالت
عمي علاوي يريدج
19
حطيت شالي على راسي و نزلت مستغربة گلت خاف هاي رحمة حتى انزل اسوي عشة صدك اول ما نزلت تلگتني عمتي يالله سوي عشة وياهن أنا مو كتلج اليوم عليج ما جاوبتها كبل رحت للمطبخ
العشة باگلة بالدهن و الهوسة للضالين
44
بديت اخلي البيض على الصواني و رحمة تأخذهن للهول احس وحدة ندستني بظهري فزيت
ام سلام : ديري بالج تگعدين ويانة بالهول
88
هزيت ايدي على أساس أنا شلون ميتة على الكعدة وياكم كملت صب
و راحن يتعشن أكلت شوية خبز و باگلة لان طبقة البيض خلصت
بعدني بثاني لگمة فزيت من صوته وراي
علي : متجين هناك
- شبعت
حجيتها و رحت أغسل ايدي على السنك
77
ام سلام : يمة علاوي شو ما اكلت شي يالله تعال كمل
عفته و طلعت من المطبخ صعدت فوگ من سمعت اسمي بصياحهم طلعت اركض من الغرفة وكفت يم الدرج
عمار : مرتك ادبسزززز و ما مترباية
ام سلام : لا دكول مرتة يمة وليدي يستاهل احسن البنات
58
علي : هسة مرتي مستهترة مو زينة
عيبها عليه مو على واحد
رحمة : يعني شني هي الگلادة و لگيناها بغرفتها
خالد : انتِ چم مرة گايلج أنا لا تنبصين من يمچ
سلام : صمي حلگج انتِ
181
عمار : يعني مرتك هي البايگة ليش احلف البيت كله
علي : هسة إذا كلكم ما خايفين ليش ما تحلفون
فاطمة : يعني فوگ ما بايگة تتحلف كلام الله مو لعبة
آريج : اي عادي كلنة نحلف هي لو بايگتها صدگ ما تحلف
لان هي التهمة وگعت برأسها وگعت
95
ام سلام : يعني شني احنه تاهميها جايبين الكلادة لغرفتها نتبله عليها منليها هي فلوس شو أنباگوا اخوتك دزت بيد
مرت سلام فلوس و انتَ مصرف ما تطيها
علي : جدة من أجت أطتها گالتلي هي و عندي علم بالموضوع
35
ام سلام : والله بعد مادري يربي بكيفك شو حضوضهن تنزار
علي : گومي رحمة جيبي القرآن و صيحي عالية وياج
عمار : يالله غسلوا و تعالوا كلكم هنا
78
ركضت للغرفة ايدي على گلبي يدگ سريع بس شوية انزرع امل بداخلي من حسيته شوية مصدگني اجت رحمة نترت امشي نزلي
بقيت واكفة يم الدرج خايفة أنزل نزلت و عيوني مغورگة بالدمع
عمي بيدة القرآن و أنا اول وحدة راح احلف اعاين لعلي و امسح بدموعي
20
حطيت ايدي على القرآن
- وحق هذا القرآن و كل حرف بي أنا ما مادة ايدي على كل حاجة بهذا البيت من يوم الاجيت لهذا اليوم و ماعندي غير رب العالمين وحدة ينصرني و ياخذ حقي
91
النوب بدوا بالسرة يحلفون رحمة و فاطمة بالمطبخ ينظفن الماعين
و كل شوية يصيحولهن تالي عمي صاحلهن بعصبية اجن وحدة تدفع بالثانية رحمة بس حطت اديها
خالد : احجي كولي والله مو اني ميصير بس ساكته
فاطمة حلفت علي يباوعلها عاقد حواجبه صوتها يرجف
فاطمة : يا اللهي دخيل اسمك تصير بية رهبة من تصير هيج سوالف
عمار : إذا هاي كلها حلفت چـا منو الماخذها ابوي لو أنا
120
سلام : چا هي الوادم ليش تحلف غير كلها تصيح موش أنا
رجعوا القرآن لمكانه و خالد گاعد يضحك
خالد : و الي بيحلف يمين كاذب يا ويلو من الله
الله الله الله الله الله .. الله
274
صعدت و هو تاخر الوكت يالله أجة بيده جنطة و هدوم جدد يسفط بيهن
طلع البدلة العسكرية من الكنتور علگها بيدة الباب الفوگ
البسطال بيجي يم الباب و كلساع يجي يخلي حجة بالجنطة
تمددت بفراشي من طفه الضوه و تغطيت طلعت بس راسي
30
گعد هو على الچرباية مثل كل مرة
عالية : تداوم ويَ شريك
علي : لا أحنه وحد تدريب بس اروحن ويا هو باجر يلتحق
- شوكت
- الفجر
13
غمضت عيوني بقوة يا ربي شهر شراح يخلصة وياهم أنا دوم ما أحبنه
بس من يجي أحس روحي ما أخافن منهم مسحت عيوني انرفع غطاي و تمدد على فراشي جسمي كله بنص جسمة صار
درت وجهي عليه مصدومة
عالية : وخر
120
رفع ايدي و خله ايدة جوه ظهري و رجله مقيدتني من درت وجهي عليه
صار راسي برگبته رجعت درته للجهة الثانية مشلولة عن الحركة
ايد جوه ظهري و ايد على بطني و أنفاسة تچويني چـوي
كزبر جسمي
122
كمت أحرك بجسمي اريدنة يعرف متضايقة و يوخر شال ايدة
من بطني خلاها على رگبتي برخاوة
علي: اشششش بس هالچم ساعة أنا الفجر رايح
547
....
16
" روز "
84
راد يكمل و سِكت أسمع خطواتة تتقررب على الغرفة غمضت عيوني
قوي خوف و صَدمة حسيت بروحي مخبلة من صدگ معقولة الاسمعة حقيقي و اني ما متوهمة هذا صوت ازاد الوهمي الي اعرفة
محمد : روز
84
حجاها و خلة ايده على جفني درت وجهي بسرعة للجهة الثاني لان
اعرفة يكشفني و شگد ما شكيت بي خفت منه بعد ما نمت للصبح و حتى هو بعد ما اتصل جاب الكرسي و نام بالغرفة
21
من طلع الضوه و صار قوي كعدت الغرفة باردة لان هو مطفي
الصوبة كعدت على الفراش و مغطية روحي البيت لان فارغ يصل گمت اطگ سن بـ سن اباوعلة و اباوع للكتابة روز - الوهمي
مديت ايدي على راسي من كد التفكير راح ينفجر
18
شوية و گعد بدون ما أحجي عرفني بردانة رفع أديه ليفوگ
يصحصح و طلع الصوبة بره أنا بسبب هذا الثوب اللابستة
ما أكوم من البارحة كاعدة بمكاني رجع الصوبة للغرفة انترست الغرفة ريحة نفط
22
غسل و اجه شغلها فتح البردة و باوعلي
محمد : شتردين ريوك
- ما ادري
- عادي احجي انتِ بعد صرتي من اهل البيت
روز : اي شي
82
محمد : أنا مشتهي باگلة بالدهن تأكليها لو ما تحبيها
روز : لا عادي أكلها
- تعاي يمي بالمطبخ
- لا هنا بردانة
110
عاف الباب مفتوح و طلع تليفونه مخلي عدل على الكرسي
حسيتة يصورني خفت اكثر بقيت كاعدة ما سويت شي و لا باوعت للتليفون هاي اول مرة بحياتي الله شوية يخلي بعقلي ذكاء و انتبه
عيني على الاسم بالحائط و سالفة التليفون خلتني اشك اكثر
67
كعدت عدل من اجاني بيدة ماعوني خلاه يمي شكله يشهي اكلت و من شبعت تذكرت اني شلون مأمنة بس ما يخليلي شي بالأكل
روز : ما ادري إذا عندك خوات لو لا بس أني اريد
حجاب و هذا اللابسته اني ما مرتاحة بي
هزّ راسة اي و هو ياكل
92
بقيت كاعدة اريد شفته ملتهي ياكل گمت اغسل
طلعت بره رحت للمطبخ اول مره اشوفة ثلاجة و سنك بس
و طباخ كهربائي و اكو ميز صغير مخلي عليه علاليگ غسلت ايدي
و طلعت صعدت فوگ اخذت الثوب الابيض
على الأقل هذا مستور و عريض
محمد : وين ان شاء الله
- اجيب ثوبي
24
نزلت اركض طبيت للحمام لبسته بساع و طلعت خليت الثوب الرصاصي على راسي و طبيت للغرفة
محمد : ها تشتمين بي ريحة الضابط هذا
روز : بس هو مستور
104
محمد : كفيلج الله من تلبسي جنج الممثلة مال فيلم الروح
هاي التطلع من التلفزيون شايفتها
باوعتله بعصبية خزرته لان شايفة شكلها
127
روز : و أنا ما جاية حتى أعجبك انتَ إنسان الحرام راكبك من راسك لرجليك و يا ويلك من رب العالمين شراح يسوي بيك
إلا يتفنن بعذابك
30
محمد : شنو بايگ ورث تغريد لو ساطي عليها
روز : لا تجيب طاري اختي على لسانك اختي تشرفك على الأقل ماعندها محرمات مو انتَ خاطف بنية و تساوم بيها على فلوس جان استحيت على هاي شواربك
74
هو ياكل و يضحك النوب يستفزني بالزايد
محمد : هاي شواربي الما عاجبتج شايفة شمسوية بغيرج
روز : اكيد وسخة مثلك لان بس الوسخ يعاشر الوسخ
محمد : مع الاسف توني موكلج شبساع عضيتي ايدي
124
روز : لان عيب عليك أستحي ترى الفلوس وسخ دنيا ما تفيدك بشي باچر و اني بنية يتيمة
محمد : اهمشي الكلمتين الاخيرات
313
سكتت اعض إصبعي بغضب هو يباوعلي مبتسم دگ تليفونه
كمت أباوعله مكتوب ابن امي و ابوي اجه اخذه و و باوعلي
اشرلي بأيدة شكو واگفة اخذه و طلع برة بقيت كاعدة
عيوني تباوع لكل جزء بالغرفة و أحاول ابعد الشك الي بداخلي لان شوية بعد و أتخبل
16
طب للبيت و طبگ باب الهول بقيت اباوع راح يجي بس ما طب
ضليت اباوع للحايط و للكتابة فززني صوتة
محمد : بعدج صافنة بالوهمي
روز : الله لا يوفقة و لا يوفقك كلكم عوفووووني بحالي
73
محمد : طبج مرض أنا گايلج تمعشگي
شلت التليفون الي مخلي يمي فلشته بالگاع ضل يباوعلي صافن
روز : معليكككككك اطلع بره
محمد : لا يابة لا
134
عافني و طلع و بقيت گاعدة وحدي ابچي بالغرفة بصوت عالي
الظهر صار و أسمع صوته طب ويا صوت ثاني تلفلفت بالبطانية
بخووف و هو يگله تفضل تفضل اكعد هنا استريح
طب للغرفة وحدة باوعتله بغضب
28
جر الكرسي و جرني كعدت اباوعله بخوف خله ايده على حلگي قوي
محمد : باعي صوت ما أريد اقل حركة تسويها اخلي طلقة براسج و ادفنج بالحديقة البرة و بكيفج
35
بقيت اباوعله بصدمة و جسمي كله يرجف اشرتله براسي و دموعي
تجري على خدي بمعنى شتريد
محمد : أعقد عليج و اششششش لتسألين ليش
انصدمت من صوته
278
احس الدنيا كلها صارت سودة بعيني من الصدمة
شفايفي ترجف و هو واكف يشد بأيدي دموعي تجري
اخذ المسدس و سحَب أقسام فز گلبي بخوف و رجلية كامت ترجف
قرب الكرسي من الباب و صار صوت واحد يقرأ ويحجي من الخوف
حتى ما ادري شيحجي
37
فزيت من گاله نَـعم
النوب صار يردد بأسمي الرجال ويحچي بس من ذكر أسمه
بين الصدمة الي انصدمتها من گال محمد عمار سرهيد
و بين الخوفة من أنمد السلاح من وره الباب
267
بقيت ساكته صافنة احس عقلي يريد ينفجر هاي هيَ
الرجال يعيد و أنفتح الباب الخوف مدري شسوة بيه بساعتها
جنت أتوقع حظي مو حلو بس ما يوصل لهاي المرحلة رفع المسدس
بوجهي
روز : نَعم نعم
84
عقلي گام يربط احداث و يوجعني راسي
اريد بس اناااااام بلكي اكعد و الگا الجاي يصير وياي حلم
كمت أهز بروحي قوي مثل المخبلة طحت أنا و الكرسي بالگاع
و أنفشخت انطبگ باب الهول و انفتح باب الغرفة صارت رجليه
گبال راسي رفع الكرسي و يفل بالحبل
7
غمضت عيوني قوي
شسوووويت اني بروحي شسوووويت
10
فل الحبال من ايدي بس اني رابطني شي ثاني جان كلشي بجسمي واكف بس دموعي تجري ما ادري أفكر بيا موضوع
ابن عماااار حفيد رهينة شجابة عليه !!!
هو نفسة الوهمي ؟؟؟
ليششش خطفني
كلشيييي ميشبه شيييي
128
بقيت وحدي بالغرفة و هو طلع شمرت روحي على الفراش لان حسيت بنفسي راح اطيح ما كعدت و لا فزيت لحد ثاني يوم الصبح
بس جسمي ميت و كلشي بعيني ميت
باب الغرفة مفتوح سندت روحي ردت أكوم ما كدرت ردت اصيح
احجي ما گدرت حسيت روحي مشلولة و خرسة بنفس الوقت
11
بس دموعي تنزل على خدي اسمع خطواتة تتقدم
طب للغرفة غمضت عيوني و من فتحتهن لگيته واكف يم راسي
لابس بس بجامة و فانيلة يباوعلي
30
راح فتح البردة و شال الكرسي اجه گعد كبالي سندني
و كعدني عدل ما اكدر احجي مد ايدة يتلمس وجهي كمت أتنفس سريع بغضب لان ماكدر ادفعة
8
محمد : أذيتج والله بس أنا دوم الاحبهم أطيح حظهم
217
غمضت عيوني و اني اتذكر صوته
بلعت ريگي واني اباوعله بغضب أنفت جابلي ماعون فواكه خزرتة
فتح حلگي يوكلني شمرتة من حلگي على حضنه طاح على رجله
ضحك أخذ القطعة من رجلة و أكلها ، مسح حلگي و گام
323
بعد ما اجة حاولت اكوم وكفت و وكعت رفعت راسي يا اللهي دخيلك
سمعت الباب انطبگ عضيت شفتي بهضمة يعني معقولة يجازي
حبي اله بـ هيج عذاب معقولة يجازي صبري بهذا
لو هو مو آزاااد لو شنو ما جاي أفهم
34
شمر التيشيرت على الكرسي و جاب بسمار دگة بالمسدس
و علگ بي مغذي مدري شيسوي فزيت من جر أيدي يخلي كانولة
حتى وجعها ما آثر بية حطلها بلاستر و گام
31
اني خاف عايزة توتررر و اباوع لقطرات المغذي من تنزل كمت
احس من القلق حتى جسمي يحكني
من شالة رجعت نمت بس من گعدت احسن اكدر احجي و أتحرك
طلعت من الغرفة اسحل بروحي دورتة بالبيت ما لگيته
6
وكفت بنص الصالة الفارغة أنفتح الباب و طب بيدة مسواگ
باوعتله بحرگة گلب سد الباب برجلة و طب للمطبخ
رفعت ايدي بوجهة و اني واكفة بـ باب المطبخ
محمد : شلون صرتي
روز : انتَ ازاد لو لااااااااا ؟
47
ما جاوبني أبتسم ، و اني أتأمل ملامحة و دموعي تجري كل ما
اتذكر السوا بية رفع إيدة و كام يفتح بدگم القميص دگمة ،، دگمة
و يتقدم عليه و اني ارجع ليوره بخوف
93
نزع القميص و مَد ايدة نزع الفانيلة واگف بـ مكانة
و على جهة اليسار من صدرة وَشم چبير Roz
938
فتحت عيني بصدمة و دموعي تجري لزمت راسي بأثنين ادية
و وكعت بالگاع اجه عليه يلزمني ضربته قوي و اني أبجي منهارة
محمد : إذا وافقتي عليه الوهمي
ما تقبلين عليه أبـن عمار
88
روز : لا تبرررر أفعالك الوصخة وياي اكررررهك لك اكررررهك والله أكرهك دمرررتني انتَ دمررررتني
لزمت وجهة بأيدي و ايدي ترجف ياما و ياما نمت أتخيل ملامحة
دفعتة بأثنين ايدي و كمت للمطبخ اركض ادور على السچينة
43
محمد : شجاي تسوي انتَ حبيبي بس باوعلي
حطيت السجينه على رگبتي اجه عليه يركض ردت أدچة بيها
صارت على بطنة بس لزم ايدي مغمض عيونة اخذها وشمرها
بس بطنه انجرحت و گامت تجري دم لزمني بأثنين أديه
74
طببني لغرفة تصير بصف المطبخ و اني احس روحي فاقدة بغير
عالم ضليت اباوع لجنط السفر تارسة الغرفة
محمد : قسيت وياك صحيح بس چنت متحلفلك
155
روز : انتَ ابن عمار و تضحك عليه كل هذيج السنين
محمد : ما أضحك عليك بس ما ردت أخسرك
106
اريد أكوم أحضنه و اسولفلة شگد انتظرته مثل ما چنت اتخيل
بس السوا بية و الرعب الي عشته بسببه ما جاي يخليني أتقبله
روز : شلون هِنت عليك ؟
- موجودة يمي
21
روز : هيج تجازيني ؟
محمد : لا مو هيچ ، بس هذا حسابج لان رضيتي بغيري
40
روز : لككك بالغرفة لسوالفك شگد احبك و انتَ كاعد كبالي ما رف گلبك و لا أنقهر عليهههههه
محمد : والله رف بس ما أكدر اخرب البنيته
90
درت وجهي اريد اطلع و الهضمة كاتلتني كتل
لزمني من ايدي و سحبني قوي عليه حضني قووووووووي
و أنا دموعي تجري ابجي بصوت عالي عااااالي
احس روحي مذبوحة بيد اقرب إنسان الي
78
محمد : هٰيج حافظ صوتي حُفظ يروحلك فدوه صوتي
احسة مو يريحيني يمرد گلبي بأيدة وياكل من لحمي على گد
ما يستفزني و أنتبه على روحي شكد غبية
80
روز : هيج تسوي بجيتك المنتظرتها صار سنين ؟
محمد : احب الاختلاف
124
روز : والله كرهتك
رفعني من الگاع وخله راسي على چتفة ساكت ما جاوبني حرف
گعدني على جنطتين سفر چانن وحدة فوك الثانية باوعت لثوبي كله دم
دار وجهة عني يفتح جنطة و تلمس بطنة مسح الدم
36
باوعت اول شي طَلعة لوحة رسم مرسوم بيها شكلي بس مو هسة
من جنت اصغر بعد كام يفتح بباقي الجنط كلها غراض بنات
ملابس و أحذية و جنط و لعابات بقيت مصدومة
محمد : ذني كلهن غراضك چنت كل ما اشوف شي حلو أتخيلة عليك
360
هو يحجي و أنا أتذكر مكالماتي ويا بنص الليل و بكل وقت و حُبي
اله هو نفسة هذا الواكف گبالي والله مجاي اصدك شمرت روحي
من الجنط و رحت عليه اركض دموعي تجري حضنتة بأثنين
أديه بين الكره و بين ما جاي أصدگ هذا نفسة
شعور تناقض ما مار على إنسان غيري بالكوكب
196
گام يبوس كل جزء بيه و حاضني أقوى من حضنتي اله
بحيث بأيد وحدة رافعني من الگاع ، بَس شگد ما گلبي جبان
و خاضع و بدون كرامة قابل بكلشي رغم الي صار
396
چان عقلي اله قرار ثَـاني
...
347
" جُمارة "
56
طاح من ايدي بس ما انكسر اتبدة على الزولية و الطبلة
شلته بساع و وكفت اباوعله بخوف اجه و هو يسد دگم الردن
مال الدشداشة و يباوعلي بعصبية
جُمارة : ترى مو غبية و أشرب بس اشتمته
و طاح لان خفت منك
52
زِناد : انتِ تخافين ؟؟؟ گولي غيرها يمعودة
172
جُمارة : اي ما أخاف اني بس أحترم و هاي
- دمشي صعدي صعدي
فتح باب الشارع و اني صعدت بالسيارة اجه طلعها برة النوب
نزل يقفل الباب و هو يقفل الباب مديت ايدي على الچكمچة اتذكر من ما خلاني افتحها لكيتها فارغة ، خرب عرضك ما تفوتك شغلة
115
صعد بالسيارة يسوق بأيد و الثانية لازم بيها عودة أسنان
ينظف بيها اسنانه و اني اباوع من الجامة الطريق يجنن كله خضار
و نخل و ناس تسرح بأغنامها
12
آمنت بطتي يم ورود لان ادري بروحي اول و تالي ارجع
بس اللعابة بيدي
جُمارة : والله حلوة الحيوانات أحسن من البشر ما تسوي مشاكل ابد و تحبك و تسمع كلامك بس الانسان يحب
صگارة
130
زِناد : اكو حكمة بحچيچ هذا بس ما أدري شلون أكضها
311
درت وجهي عليه لگيته يضحك ، ابتسمت و اني ما أعيد بالحچيته بگلبي غمضت عيوني و حضنت اللعابة احس روحي نعست
زِناد : لازم من الريحة سكرتي
152
جُمارة : هاااا
ما جاوبني مبتسم كعدت عدل اباوع للقراصة بعدها بمكانها لزمتها وخر ايدي ضحكت بطرف شفتي
جُمارة : ترى ادري هاي قراصتي يعني
زِناد : وذا دريتي
97
دار وجهة عليه عوجت حلگي و باوعت للجامة
جُمارة : الغزال غالي
زِناد : اي غالي أغلى لحم بالحيوانات
76
- مو لحم يعني هي غزالة كاملة عدلة
دار وجهة عليه مصدوم و عاقد حواجبة
زِناد : غزالة ولج وين تحطيها شايفتها شسرعها إذا ركضت
94
جُمارة : اتمنى تصير عندي حديقة اترسها حيوانات احبها
ضحك و هو يسوق ، مسح وجهة
226
احس روحي قفلت عيوني كلش درت وجهي عنه و نمت
فزيت على صوت هورن مال تريلة
زِناد : نعلعلة
كعدت افرك بعيوني الشمس قوية و عباتة الجانت مسفطة
ومخليها بالكشن الوره مغطيني بيها
49
جُمارة : بعد شگد و نوصل
زِناد : مو چثير راح نطب بغداد
- ماعندك مي
أبتسم بنفاذ صبر
18
زِناد : لا هسة أشتريلج
- لعد وياك عصير
مدري شبي مبتسم درت وجهي اباوع للطريق
78
من عبرنه الطريق اليمشي بسريع و طبينه بشوارع عادية بس ماكو أسواق بسطيات بالشارع چان حجي واگف يبيع
زِناد : نزلي اخذي شتردين
باوعتله مصدومة اشرتله اني
- فضيني عاد
62
نزلت و الحجي شكد يقهر اخذت منة بطلين مي و عصيرين و كيك
انطيته خمسة و رجعلي الباقي لو بيدي اشتري منه البسطية كلها
خفت اكلة اخذ الباقي ويكول ما مجدي عندج
48
صعدت بالسيارة و طبگت الباب
زِناد : ما أجيتي أخذتي فلوس
جُمارة : اكل اكل بخيري اغرگك فلوس
160
خله ايده على عيونه و أجتافة تهتز من الضحك
جُمارة : والله عمي خوش الزلم كاعدة و النسوان تنزل تشتري
127
زِناد : والله انتِ مو مال رحمة
شرب مي و هوَ يضحك
24
جُمارة : انتَ توصلني و ترجع
زِناد : لا أروح أزور و أروح لصاحبي يعني بالليل
يالله اطلع من بغداد ، ليش
29
جُمارة : هيج
زِناد : يومين بس و أجيج مو يحلالچ الجو
- ابد والله ما أرجع و إلا أكول لامي شلون ضربتني
و تعرف شتسوي بحالك
17
زِناد : ههههههه ، تستاهلين وين مگعدج أنا بأربيل
حتى تطلعين تفرفرين بكيفج هي تغريد هنا و چانت
مكتمة على أنفاسجن بعد منين اجاج هذا الانفتاح
35
جُمارة : بكيفي
زِناد : هسة انتِ إذا مرة صدگ عيديها وعلي وعلي
جُمارة اعلگج بالبنكة و أفتحها على الخمسة بحيث أخليج تفرين الدنيا و انتِ بمكانج
153
بقيت ساكتة أتخيل روحي معلگة و يسويها صدگ
جُمارة : هوَ انتَ ضربتني و ردت تكسر أيدك
إذا تسوي بيه هيج شلون راح تعاقب نفسك
221
وهو يسوق ما باوعلي أخذله صفنة و دار وجهة عليه
زِناد : لا يا أدبسززز
177
ضحكت و هو كل شوية يضحك مدري شيتذكر
زِناد : باعي لچ ترى أنا لان أنقهر عليج ما أريد
اعاملج مثل البقية فـ ليش تخليني أتندم على هذا أسلوبي وياج
56
جُمارة : امممم تنقهر عليه ، و تضم قراصتي و اني طفلة
و تضم العباية الاتغطه بيها اني و تكسر قوانين عشيرتكم علمودي و تنهي عليه لان مره جابوا اسمي بخطوبة
و تطبب روحك بنص النار علمودي هاي كله لان تنقهر عليه
283
مسح شواربة مبتسم
زِناد : ذني قليلات ما تدرين بالمضموم شنو
152
جُمارة : غرورك ما يسمحلك تحجي الحقيقة
طبعاً تصير مغرور وجدة رهينة بعد ناقصها بس تسويلك تمثال
60
زِناد : الحقيقة من تعترف بيها فعل تسوه الف جريدة
اعتراف
41
جُمارة : لا يجوز تخاف تنرفض
- ههههههههههههههه
93
باوعتله رافعة حاجبي و باوعت للطريق
زِناد : ما أنرفض أنا ، يتمرضون لو عاينوا واحد بصفي
و هذا أكبر دليل تبينه گلوبهم
361
جُمارة : بنت ولاء منو سماها جُمارة ، امممم
زِناد : مو بس بِت ولاء حتى بِت سلام أريد اترس الدنيا
من هاي العرمة
270
بلعت ريگي و أبتسمت بخجل و اني قبل دقايق شمرت الاول والتالي
جُمارة : خوش سوالف أغور بيهن جدة
زِناد : ههههههههه تكتلج وإلله
77
جُمارة : هي إذا انتَ تسولف الها ما تضوج بس إذا أنا
لا تتمنى تذبحني دگول أنا جبت جتالي بيدي
زِناد : هاي انتِ شنو تتصنتين علينه
هزيتلة راسي و رفعت حواجبي اثنينهن
30
زِناد : الزِلم من تحب ما دگول أحب يبين على أفعالها
54
جُمارة : بس البنات أحنه نحب الحچي هم مو بس الفعل
- هاي بس انتِ مو كل البنات
185
اباوع طبينه لمنطقتنه كرهتها من يوم موتت آمير
و ما أريد السيارة توگف اريد ابقى أسولف طبينة
للفرع بقيت اباوع لزمت لعابتي و فتحت الباب سديتة جانت الجهة مالته على باب بيتنه مشيت من وره السيارة و وگفت أدگ الباب
صاحت امي منو
- أني أني
5
لوحتله بأيدي بَاي فتح محفظته مد ايدة ينطيني فلوس
جُمارة : عندي ما أريد
زِناد: أخذيهن تعاي
10
باوعت للباب اخاف لا تطلع امي و تقربت عليه مديت ايدي أخذهن
زنـاد : أحــبچ
حجاها و أبتسم و حَرك السيارة
9.8K
بقيت واگفة خليت ايدي على حلگي احس الفراشات تريد تطلع من حلگي شكله لمن گالها جذبني و مدري شصار بيه سلمت على أمي و اني بغير عالم
68
تغريد : منو جابج هم زنااااد اكيد
- اي يمـة اكيد چـا منو
34
- ليش ما خليتي امجد
جُمارة : اييععع يمة امجد من اسمع اسمة مدري شيصير بية مو النوب يجيبني و شنو هو منيلة سيارة حتى يجيبني
40
تغريد : يجيبج تكسي شنو لازم كنتي تدورين إلا سيارات
31
ضحكت و تمددت على القنفة تغطيت و أمي تغلط عليهم كلهم
جدة و ولدها و آحفادها نمت و كعدت على صوتها صبت الغده
دنيا العصر گعدت يمها و بالي كله يم روز هاي اول مرة اني وامي وحدنه هنا بدونها
16
جُمارة : شگالج الضابط هذا بعد
تغريد : خلي يولون طلعوا مو خوش عالم همزين عرفتهم
امه تعاركت وياي آخر مرة دگلي چفينه شرج و شر اختج ما نريدها
98
جُمارة : گال زِناد لجدة يردون خمسين مليون
تغريد : اي گالولي چا منين اجيب بالله خمسين ابيع البيت
- لا زِناد گلب ننطيكم حصتكم مال الورث
11
تغريد : خل يعوف حصة ابوج و ينطيني فلوس الفصل مال امير انا اشوف منين ادبر بعد
جُمارة : هو يومين و يجي گليلة
عفت جدة خطية مريضة و دواها بس انا أعرفة
23
تغريد : ان شاءالله ما تصحى و لا ترتاح ما دامها
معلعلة گلوبنة
- گلوبنة؟؟ يمة شمسويتلنه جدة
شو حتى انتِ تجيبلج قماش و تخيطلج نورس
ووجدة تدفعهن النة ثلاثتنا
64
تغريد : اي تكصلي اسود بعد ما كتلت ابني
جُمارة : ها النوب جدة كتلت امير
32
دكت جدة على رقم امي انطتها رفض ردت
اخذ التليفون منها ضربتني و ضمته بصدرها
جُمارة : يمة جدة مريضة شبيج
تغريد : و مرضة اهل الگبور خليها
134
- شبيج يمة شبيج كافي مو كرهتينه حتى حياتنه
تغريد : طبعا انتِ خدامة رهينة تحبيها اكثر من امج
- لا محد يجي لمعزتج بس جدة مريضة خطية
9
تغريد : انطمري يالله ماكو تليفون
اباوع لامي حرت شلون أفسرها و اخفف من حقدها ما كدرت
نقهرت على جدة اكيد تريد تسأل عليه صعدت فوگ لغرفة آمير
بچيت لحد ما بهتت روحي و طبيت لغرفتنا اباوع لمكان روز نمت على چربايتها و ابچي
أنا آحبـاب گلبي أرحَلوا كلهم ..
70
نمت على فراشها و فزيت على عياط امي جوه نزلت اركض لگيتها هي و زِناد جريت الشال خليته على راسي اريد اسمع زين شبيهم و شكو
تغريد : شنو رهينة تريد تعاقبني
زِناد : هسة رهينة المرة يمج حاكمتج متحكمة بيج ؟
شلها غرض بيج
19
تغريد : اي خل تعوفني أنا و بنتي و ما ارد يمها
زِناد : محد جاي ماخذج انتِ و بتج احنه جبناها
بس من جدتها تدگ خلي تجاوبها ترى تريد حفيدتها
ما داگة عليج
11
تغريد : والله أكرهنك انتَ و جدتك هيج واگفيلي هنا
اشرت على زردومها
زِناد : ان شاء الله دوم
76
تغريد : ادفع فصل امير لروز
زِناد : لا خلي الضابط يجيبها
حجاها و طبگ الباب قوي امي فتحت زيجها و وگفت يم الشباك تدعي
عليه أباوعلها بقهر بس أخاف منها إذا احجي حرف تخنگني
46
ثاني يوم كعدت الصبح تليفون امي يدگ بالمطبخ و امي تسبح
ركضت اخذته و جاوبتها اسمعها تبجي
رهينة : تعاليلي يجدة ليش عفتي جدتج
58
جُمارة : شلونج جدة شبيج
رهينة : تعاي ليهَ جميرة امس الليل كله ما نمت و انتِ
ماكو بغرفتي و دواي مو مثل التنطي اليه
60
جُمارة : ماشي جدة لا تنقهرين اجيت باجر ان شاء الله امي طلعت لان ما كدرت اسدة بوجه جدة
اجت امي عليه عاضة ايدها ضربتني و بيدها التليفون تغلط ما سدتة ادري بيها متقصدة تسمع جدة و تقرها اجتي وراي للهول ضربتني
تغريد : والله إذا اسمعج تخابريها بعد اذبحج
50
تعاركت وياها و ضربتني بعد نمت بالهول مقهورة و زعلانة منها تغطيت
بالچادر مال الصلاة العصر أندگ الباب اني كاعدة بالهول اباوع للساعة مقهورة گمت أفتحة و امي طلعت من المطبخ
فتحته طَب زِناد ويا ولاء لبست صايتي و امي تتعارك وياهم
جدة مريضة لازم ابقى يمها
6
طلعت بدون سلام عليها لان متزاعلين و ادري هسة
تذبحني إذا سمعت صوتي صعدت بالسيارة بسرعة و القهر ماكلني
نمت بالكشن الوره حتى وياهم ما حجيت من وصلنه للبيت
طبيت يم جدة بستها و نمت على الجرباية
18
كعدت بالليل متأخر على صوت جدة جايبتلي ماعون اكل
ثاني يوم لكيت الجدورة تارسة الساحة و گواني الطحين و التمن
و الزيت من صار الغدة و كلهم التموا اجني البنات رفل و سرى و زهرة
يم زِناد وگفن يمة وحدة تدفع بالثانية عود انتِ احجي
14
سرى : عمي الشيخ هو انتَ ابن عمي بس أنا اكلم عمي لان تستاهل نريد نكلك شي بس كونك ما تصيح
ضحك و هو يورث جُكارة
زِناد : أبشري
63
سرى : كل سنه نريد نروح وياكم ما تخلونه بحجة صغار
و بعد چم سنة بحجة صرتن نسوان و هم ما تخلونه ادري چا شوكت
87
عدنان : شعدجن ادري شتسون
- كلشي تردون نسوي والعباس حتى لو بس نمرغلكم
حياة : والله كلنه نريد نروح
17
غسان : عمي شتسون احنه نخبز و نطبخ و ننظف
بعد ماخذيجن عليمن
زِناد : لا خلي هذن يرحن و حياة وياهن عينها عليهن
فرحة حياة اقوى من فرحتهن
57
عدنان : جدة ربيعة عازمتج
غسان : هو الزعل لو هيج لو خل يولي جدة و ربيعة صارلهن سنين متزاعلات و احفادهن تكاتلوا و الدنيا مشتعله
تالي بساعة وحدة تصالحن و يضحكن
28
رهينة : أنا ما حاقدة بس عندي هيبتي
و كرامتي تسوه الدنيا
غسان : جدة ترى ربيعة هذا كله تسوي علمود زِناد لا تنسين
زِناد : تـؤ تـؤ تـؤ لتصير غبي
31
رهينة : اي جا ما ادري بيها بس ما اكدر اطردها من بيتي بعد اجتني فوك ما طردتها و خزيتها تالي اجت
هي برجليها
15
عدنان : اويلي جدة هو اكثر واحد فرحان بصلحكم شريك
رهينة : اي ههههههه سودة عليه
41
اني واكفة يم جدة باوعتله غُمزلي و أشرلي شبيج
أبتسمت اباوع بوجهة اشرتلة ماكو شي
97
من راد يطلع اجانه للغرفة اني و جدة بيها
جنت اشربها دواها گعدت
رهينة : هلا يبعد عمري تعال أكعد يمي
6
زِناد : لا جدة رايح بس گلت اشوفج علاجج خلص
حتى أجيبة
رهينة : انتَ مرضي و طبيبي و دواي
115
جُمارة : تعال أكعد يمها خل تطيب ادري جدة حفيد لو ابرة انسولين شو من يجي حتى سكرج ينزل
161
كعدت يمها يضحك باستة من صدرة و خلت راسها على زندة
رهينة : أنا بس ريحتك ترد روحي يبعد روحي
62
هو يضحك عايش اللحظة و اني مبتسمة
جُمارة : طبعاً جدة ريحتة ترد روحج الله يعلم العطر بيش يشتري
56
رهينة : ولج انتِ شلج غرض بفلوسة
زِناد : تريدهن الها
47
باوعتلها رافعة حواجبي و اضحك
جُمارة : اي لا تبذر جدة عدها كومة أحفاد يحيرون بيها
حتى دواها غالي
46
رهينة : يااااااع يمة صار الخايفة منه
زِناد : جدة على فرحة الزهرة أملچها
و ورة دورة سنة امير أزفها
536
جدة حارت منين تتلگة الصدمة و اني من گد الصلافة
ضحكتي طاغية حتى على الخجل
رهينة: نعلعلة والديها التخليك تعرس
153
جُمارة : شنو بكيفج جدة
هو يباوعلي بنظرة الي يشوفها يگول حطوا الدنيا كلها بين
ايده و كالوله روح
252
رهينة : صدگ ما تردها يَـ زِناد
129
زِناد : بَعد صَارت شيخة مو مال نحاچيها
....
17.5K
چـنة نمشي و گال أحبچ ، طگ زرع حتى الرصيف 🤎
- رُسل فهد
715
