رواية مقبرة الاحياء الفصل الرابع والعشرين 24 بقلم سارة جعفر
مقبرة الأحياء. البارت 24
الكاتبة ساره جعفر
وراها تعيش لكن گلبك يموت وإحساسك الطيب يبــدي يفهم..
-وردة: أشتعلت نار بگلبي من شفتها متمدده وحاضنه قميص حُرّ الاسود بقوه ومقربته لخشمها تشم بي بشوغه ومغمضه ع
يونها منظرها وهيئتها چن جاي تشم بَـ حُرّ مو بمقيصه!
بلعت ريگ صافنه على منظرها أستوعب، تشم القميص بحسره حاضنته بطريقه أستفزتني وخلتني أطلع من الغرفه نار الدنيا مشتعله براسي، ما أشوف بعيوني من الحرگه ورجليَّ غدن خيوط والقهر ترس گلبي ممروده روحي وأنه
أشوفها شلون ميته عليه وتريده..
87
وأذا ما دبرتلك حبـــل لإعدامي
بس أمشي ويه غيري وصيرو گدامي.
156
أنه وياه عاقدين وما عندي الجرأه أتصرف هيچ تصرف،
نقهرت حيل يمكن الموضوع تافه عد غيري بس والله يحز بالگلب من تتخيل التحبه ويَـ غيرك گعدت على فراشي أيدي على راسي بالگوه وصلت لهنا خفت أطيح من طولي من القهر وأنه أتخيلها جاي تفكر بي وشلون تتحسر عليه وعاشگته بخبال!!
تمددت على الفراش ودموعي غرگن مخدتي أتگلب ما مرتاحه ومقهوره، ومنظرها ما جاي يروح من بالي أصعب شي على الإنسان الطبيعي شخص يشاركه أو يحب اليحبه فـ كيف الإنسان المتملك مثلي؟؟
إيناس هاي تصرفاتها مو أول مره أشگد أشوفها تسوي أشياء وأسكت وأغلس بس بداخلي أحترگ..
ما نقهرت من حُرّ وما أهتزت ثقتي بي، أكيد ماخذه القميص مالته من الحبل لو من غرفته بس يبقى الموضوع مو هين
يحز بالخاطر غمضت عيوني غفيت وأنه نار تسعر بگلبي، البنات ما أدري وينهن بس ما هنَّ هنا وأنه اليوم من القهر نمت من وكت
گعدت ثاني يوم هم مالي خلگ وكالمعتاد حُرّ ليل ونهار ما أشوفه دوم ملتهي بشغله والله أعلم شنو عنده من أشغال ما أدري بيهن بعد بس دائمًا مشغول وما يرجع للبيت غير بين فترات بس ما مقصر علينا بشي كلشي موفر النا، وأنه متوتره
هاي الفتره لأن راح تبلش المدارس وأرجع أداوم..
قبل الغده بشويه گاعدين أنه وفجر وكلارة وزهراء ولارا بالمطبخ، وهمَّ كلهم ملتمين بالهول بس أحنى هنا وجوهنا
حمره من الضحك لأن فجأة راح فقار أجه أصلع، محلق شعره بالكامل وصاير صلعه وشكله غريب بعيونه لأن أول مره نشوفه هيچ
هوَّ مزين شعره لأن مريض براسه حبوب هواي والدكتور أنطاه علاج وزين شعره علمود يعالج الفروه، بس أحنى مستغربينه كلش..
كلارة أيدها على حلگها تگح وجها أحمر
-ولچن يشبه أبو بريص!
ضحكت زهراء بصوت عالي تطگ أيد بأيد
-خرب عرضچ أي والله صدگ يشبهه
التفتت عليها فجر مستغربه
-چا هوَّ مو زوجچ شو تضحكين عليه وياهن؟
ضحكت زهراء تمسح بوجها فحطانه من الضحك
-چا چذب وإذا زوجي صدگ صاير يشبه أبو بريص..
فرت أيدها فجر متعجبه بَـ زهراء
-طاح حظچن أي والله.
زهراء وفجر حيل صديقات مقربات، وأنه وكلارة هم صديقات مقربات وهسه لارا صارت النا صديقه كلش حبيتها بنيه مؤدبه فرفوشه وحبابه وزهراء نفس الشي ولا چنهن من هذا البيت المسموم حيل لطيفات وحبابات
لارا حاطه أيدها على بطنها لأن حامل وتضحك
-ولچن أسكتن هسه الله يشاور بيَّ ويطلع أبني صلعه..
التفتت عليها زهراء صافنه
-چا أنه شلون بيَّ، من أگعد من النوم خاف أخترع!
طگتها فجر على چتفها
-والله تبالغن شالقضيه؟
3
وهنَّ يضحكن شافتنا كلنا نضحك باوعت بعتب
-ولچن حرام تضحكن عليه..
بسرعه أختفت الضحكه من وجهي وحچيت بجديه
-لا فجر، والله نضحك لأن هوَّ مو فعلاً أصلع يعني مو شي من رب العالمين وأحنى نتنمر عليه مجرد هوَّ حلق شعره بأرادته ويرجع يطول بس نضحك لأن شكله صاير ما يشبه روحه بالقديم مو لأن صلعه!
أبتسمت على كلامي وزهراء ولارا فضحنا بالضحك وأحنى هم نضحك ضلو يصيحون علينا من الهول لأن صوتنا صار عالي وبرز من بيناتهم صوت حُرّ وهوَّ يگول بنتر
-شالقصيه صوتچن وصل لذاك الصوب!
سكتنا من الضحك
ولارا تباوعلي مضيگه عيونها وزهراء صافنه عليَّ باوعتلهن بخوف
-يمه أسم الله شمالچن؟
زهراء تطگ بعلجها ورافعه حاجبها
-ما تتزوجين حُرّ.
صفنت عليها صفنه طويله والبنات حالهن حالي صافنات
-شمالچ زهراء سكرانه؟
ضحكت لارا وبحماس نطقت
-أي والله صدگ من سمعنا صوته تذكرنا، أشگد حچينا أنه وزهراء وخذنا غيبتچ نگول ولا تعرف تتصرف ليش ما تتزوج حُرّ شو زلمه وشهم وشجاع وحلو وشخصيه أمداچ ليش تضيعينه من أيدچ ويروح لإيناس!!
التفتت زهراء على فجر تحاچيها بلوم
-غير أنتِ أخته وبدال أمه، ما تخطبينها اله شمالچ خبيثه تردين الغريبه تاخذه خو هاي منچ وبيچ وأنتِ مربيتها وتعرفينها عدل..
كملت لارا وأحنى تلاثتنا ساكتين
-لايگين سوى أنه أول ما شفتهم بأيام عرسي عبالي متزوجين على التناسق البينهم يخبلون سوى ولايگين، النوب من عرفتهم ما متزوجين گلت والله حلوين سوى ياريت تزوجينهم وتحققين أمنيتي.
ضحكت فجر مستغربه على الحاحهن بهذا الموضوع وأنه كاتمه نفسي، ما أدري شگلچن والله غير أحنى عاقدين وكلارة الشهيره فضحتنا بالضحك فجر تگرص بيها وأنه أخزرها وما ساكته
التفتت عليَّ لارا طگتني على چتفي
-أمداچ خليچ ثوله خليچ خل تاخذه إيناس.
باوعتلها بضوجه من ذكرت أسم إيناس الأنتبهت اله مو بس أنه ملاحظتها طلعن كلهن ملاحظات وفوگاها ما راضيات ولارا كل شويه تگول
-والله ما تستاهله إيناس العوبه يلوگ لوردة.
رجعت التفتت عليَّ محروگ گلبها
-بس تتزوجه إيناس أكتلچ..
كلارة تباوعلها تضحك مستغربه
-چا تعوفينهم ثنينهم وتكتلين المگروده هاي!
باوعت لارا منا ومنا خاف واحد طب ونترت
-چا شني تتزوجه إيناس مالتيش خاله!
تحمحمت وبصوت هادئ گلت
-لا بنات أنه أريد أكمل دراسه، أبد مو ببالي الزواج لا من حُرّ ولا من غيره
ثنينهن رفعن أيديهن غمني وزهراء تگول
-ضلي ضلي ثوله.
خزرتهن فجر تتصنع العصبيه
-وراها درب طويل درب دراستها مهم، لا تخلن هاي السالفه براسها ولا تجيبن هل طاري بعد.
غيرن الموضوع لأن طبن النسوان البقيه يردن يصبن الغده، ولازم ننغث شويه وخصوصًا أنه بلقيس وإيناس وحنان شادات وياي لا يملن ولا يتعبن من المشاكل والسم..
غلست كالعاده بس خايفه فد يوم أنفجر لأن تعبت من هاي العيشه وما جاي أگدر أطيقها، أنه إنسانه حيل ما أحب المشاكل والعرك لأن بزعت منهن وبس أريد أشرد من المشاكل وأعيش لحظه حلوه بحياتي وعايشات وياي نسوان يتنفسن مشاكل وهذا الشي متعب نفسيًا ومؤذي حيل
گعدنا نتغده بالهول وهمَّ يسولفون بيناتهم، بس جسام بعده ما جاي أول ما طب چان مندمج ويَـ روحه يحچي بصوت ناصي مندمج
-ها خوتي ها
رفعله راسه ضيغم صافن عليه
-ها خويه نهوس بالمرگه؟
التفت عليه جسام يضحك ونصدم من شافنا كلنا منتبهين اله
-ياهو يمكم أنتم أنه أحچي ويَـ روحي.
گعد يتغده بكل نشاط وحماس، لأن أهله وكل أحبابه بخير اللي همَّ فجر وأنتبهت لضيغم ميت من الضحك كل ما تصد عينه لفقار، طگ رجله وهز راسه يضحك
-خرب عرضك فقار والله جريئ!
يباوعله فقار بطرف عينه
-غير تخبل الصلعه عليَّ.
دنگ ضيغم ياكل ويهز براسه
-أهم شي أنتَ مقتنع..
8
جون يلعب بالهول وبأيده چاكوچ
من أنتبه لصلعة أبوه ضل يطگها بخفه بالچاكوچ أبوه رفعله عينه ضايج
-يابه ترى هذا راس مو خشبه تدگ عليه بچاكوچ!
جون يضحك وضيغم بعده غاص
ضحك ضحك أكثر من ما أكل، و وائل مضيگ عيونه يباوع لصلعة فقار
-والله تصير طبل تفيد صلعتك بالأعرس خيي.
تنرفز فد مره فقار وهمَّ ناصبين عليه
-ترى والعباس أگوم أطيح حظكم زمايل ناصبين عليَّ!
4
جسام لزم راس فقار وباسه بنص صلعته
-فدوه أروح لصلعتك لا تتعصب.
يريد يهدئه لأن زعل بس جون حطم أبوه من گال
-بويه صلعتك چنها بيضه.
كلهم ضلو يضحكون حتى كلارة ما گدرت تلزم ضحكتها لأن جون حچاها فرحان ومتحمس عبالك أكتشف شي رفع أيده فقار بعلامة سبه
-نعلى على والديك..
ضلو يحششون ويضحكون على صلعة فقار وحُرّ مبتسم يباوعلهم بهدوء، كلش تغير مزاجي ونسيت سالفة إيناس وما أهتميت الها لأن قنعت روحي الموضوع ما يستاهل حرگان الدم.
الظهريه كُلهم نايمين لأن أحنى عدنا الظهر بالبيت شي أساسي الكل يطبون الغرفهم ينامون، حتى لو يضلون گاعدين بس يرحون لغرفهم عبالك ليل وهاي الخطوه كلش حبيتها لأن نخلص من سوالفهم الزفره شويه
وگفت گدام الترمز أترس الكوب ماي وأيدين خشنه حاوطت خصري فجأة، التفتت فازه وأسمع صوت حُرّ
-كضيتچ.
256
ضحكت وسحبت روحي من بين أيديه متوتره لأن محاوط خصري، متأكده كضته عفويه لأن يباوع لعيوني مبتسم ونيته يفززني
-فززتني
أبتسم وأنه أباوع على باب المطبخ خاف يطب واحد
-لا تباوعي طز بالوادم كلهم.
-مالي خلگ..
17
-شبيچ شو هل أيام أهيسچ ضايجه؟
-لا ما ضايجه ما بيه شي.
صفن مضيگ عيونه يفكر ويردد
-أنه مسوي شي؟
-لا ما مسوي.
66
-الحمدلله، چا شكو شو مغندبه!
-لا تهتم مجرد ضوجه عابره..
سكت يفكر وضل مركز على مكان بيَّ، فريت عيني بفضول أريد أشوف على شنو جاي يباوع بهذا التركيز، بچف أيده رفع گصيبتي لزمها بقوه رافعها يباوع عليها بأستغراب ظافره گصيبه فرنسيه
51
رفع عينه من گصيبتي لعيني مبتسم
-لون شعرچ مثل لون العسل!
عاگد حاجبه يياوع بتركيز وأستغراب على گصيبتي
-غزالة ليش ظافره گصيبتچ بالمگلوب؟
87
أبتسمت وهوَّ بعده ما هاد گصيبتي
يمسح عليها بأصبعه الأبهام بهدوء ويتأملها بتركيز
-هاي مو بالمگلوب، مسويه گصيبه فرنسيه.
رفع حواجبه ثنينهن وهز راسه
-غريبه أول مره أشوف هاي الگصيبه
-أحبها كلش "الگصيبه الفرنسيه" كلش تعجبني.
-حتى أنه حبيتها..
حط عينه بعيني مبتسم ضحكت مستحيه لأن كاض گصيبتي بأيده وصافن عليها بنظره متروسه حب، منتبهه اله دوم يحب يتأمل شعري ويباوع على كل خصله بتركيز أجيت أوخرها من أيده بس أستحيت لأن هوَّ واضح ما يريد يهدها
حاولت التهي وجريت الگلاص أشرب ماي متوتره وهوَّ بعده يباوع على گصيبتي وبين ما التفتت عليه بنظره عشوائيه شفته مقرب گصيبتي لخشمه يشم عطرها كل ظنه بعدني ملتفته وما أشوفه..
جريتها من أيده رافعه حواجبي
-لا تتماده، مو تشوفني أنطيتك عين أستهترت فد نوب!
-هههههههه منيلي مستهتر فقير أنه..
-منيلك عمي أنه الفقيره أنتَ مشيطن
-ملعونه طالعلچ لسان
لفيت شالي عدل وهوَّ لزمني من چتافي بثنين أيديه بجديه وفرني صار وره ظهري، بالبدايه أستغربت بعدين عرفت يريد يتأكد ما طالعه گصيبتي ضمها عدل وفرني عليه
-مزيونه.
36
-أنه راح أروح محتاج شي؟
-لا كبد.
طلعت من المطبخ أحس حيل أتوتر من وجوده صحيح متعوده عليه وصار مقرب الي بس شعور المستحى مستولي على كل مشاعري وحتى ما أعرف شلون أفتح موضوع وياه بسرعه أتهرب من المكان..
2
مر الوكت وأسمع حُرّ وفجر يسولفون
وهوَّ مطبب أيده لجيبه يدور على جداحته ماكو
-ما أدري وين نسيتها.
والتفت عليَّ مبتسم
-غزالة جيبيلي جداحه من المطبخ خل أورث الجگاره.
2
هزيت راسي ورحت جبتله جداحه لأن جداحته ما أدري وين مضيعها، وگفت صوت حنان بت بلقيس تصيحلي
-وردة
1
-ها؟
-بلا آمر عليچ ودي هاي لغرفة إيناس..
رفعت حاجبي الها ضايجه ونترت
-چا ما تودينها أنتِ؟
-أريد أكمل تگلاه تحترگ الطاوه بدربچ وديها..
14
باوعت عليها ونزلت عيني على العلاگه البيدها أخذتها من أيدها لأن گلت ماكو مشكله، ما دام حچت بهدوء وأدب وطلبت وهِيَّ صدگ بدربي ماكو مشكله أخذتها لغرفة إيناس خليتها وردت أطلع
جذبني ميز غرفة إيناس، تقربت وصفنت على الجداحه الصايره على الميز لزمتها بأيدي هاي جداحة حُرّ حافظتها وكلش مستعز بيها يمكن سامعه مُهيب منطيها اله لونها أسود وحلوه حيل شكلها مختلف عن الجداحات العاديات ولگيتها بغرفة إيناس!
سكتت ما مستغربه مو أول مره أشوف عدها أشياء تخص حُرّ بس بزعت وبالگوه مصبره روحي ما أنفجر الموضوع مستفز تاخذ أغراضه وكلشي يخصه ذكرى يمها وتتحسر عليه رغم كل هذا سكتت..
9
ما أدري شعدها هيچ لطشت بي أكو مية الف زلمه غيره اله حُرّ يعني ماكو غيره، والمشكله هوَّ مو منطيها عين حتى ما يأخذ وينطي وياها بالحچي بس أحس النار أشتعلت بيَّ وصرت ما أشوف گدامي من العصبيه
5
رحت للغرفه صليت أبچي على السجاده الموضوع مو هين، يمكن لو يشوفني شخص يگول هاي أشگد تبالغ بردة فعلها بس والله أنه قاهرني الموضوع حركاتها مستفزه!
يعني من أسولف لـ حُرّ شنو بأيده يسوي، هوَّ حاچي وياها بخصوص الصوره بس ما تابت رغم قباحة فعلتها هاي ما تابت ولا أستحت وإذا ضغطت عليه وحچيت وياه يحطلها حد متأكده إيناس تكبر الموضوع وتوصلها لأهلها علمود يتعاركون وياه على أبو أساس غلطتو سوى ويله تعال صحح غلطتك وبرآيهم أستر عليها وتزوجها
باقيه محتاره وأكل بروحي أحس الدنيا ضاگت عليَّ من سوالفها خصوصًا الكلام المسموم اللي تسمعنياه هِيَّ وأختها بآخر فتره شدن وياي شده غريبه يگومن ويگعدن بس يسممني بالكلام والموقف، كتمت الموضوع بگلبي وسكتت لأن ما أريد مشاكل..
دعيت رب العالمين يمسح على گلبي ويهدي بالي لأن صدگ الموضوع مسببلي غصه، فرحت لأن هاي الأيام دوامي وراح أنشغل وشويه نفسيتي تصير أحسن.
3
-فجر: واگفه گدام الكاونتر أگصص طماطه، أريد أسوي عشى وأسمع خطوات تتقرب أبتسمت من سمعت صوت جسام وراي وهوَّ يگول
-سمرتي.
بنبرة صوت دافيه متروسه حنيه التفتت عليه عاگده حاجبي عود ما راضيه بس أنه بداخلي فرحانه هواي، أتامل ملامحه بوجه عصبي عكس مشاعري والسچينه بأيدي، هوَّ مبتسم وعيونه تسولف عن حبه گبل لسانه
-شو صايره هواي تغطين ما أشوفچ ليش؟
ضيگت عيوني ورفعت السچينه بوجها
-شعليك؟
21
ضحك بصوت عالي ومسح وجهه
وأول ما وخر أيده باوعلي بنظرات حيله ومكر
-يعني هسه تقنعيني تتمنين فراگي!
19
طيف أبتسامه نرسم على شفتي
رغم أشگد ردت أخفيها بس لگيت روحي جاي أبتسم
-أي..
رفع حواجبه ويهز براسه
-مصدگچ.
11
يحچي والفرحه تارسه عيونه آخر فتره بلشت علاقتنا تقوى مو هواي، بس جاي يشوفني شلون نفسيتي صايره أحسن وأتقبل الكلام وياه وفرحان لأن شافني متشافيه وفرحانه أتذكر من سنين طويله ومن چان حرّ بالسجن چان يتمرض جسام وياي وينقهر وياي چن روح بجسدين شما أوصفه قليل بحگه..
التفتت أكمل تگصيص الطماطه وهوَّ واگف بصفي منتچي على الكاونتر
-گمر ضاوي.
العشگ
مو بالكيف
العشگ شمره
گلبي الأبيض
يشهد الله يحبله
سمـــره
149
وگفت أيدي على التگصص وباوعتله بطرف عيني
-تأدب!
3
-أشگد الچ بالبال أشعار وقصايد
ردتچ الي تصيرين وبعد كلشي ما رايد..
51
كمل كلامه مبتسم
-كلشي يخطر على بالچ أنه حاچي الچ بس بگلبي لأن أدري إذا أحچيلچ حچاية غزل تنعلين والديه.
التفتت عليه مبتسمه والسچينه بأيدي
-فنك.
ضحك بصوت عالي وطبت محاسن للمطبخ وبصفها بتها گطمن سالفتهن من سمعن ضحكة جسام، ما أخذ راحتي من يكونن موجودات هنَّ أو واحد من البيت سكتت بس هوَّ فرحته فاضحته وأبتسامته تارسه وجهه
راح يشرب ماي وطب حُرّ للمطبخ هسه جاي من شغله وضايج گالب وجهه على جسام، خفت خير يا ربي همَّ ما يتعاركون أبد شو حرّ حتى ما سلم على جسام!
27
-شلونچ فجر؟
-هلا بيك خويه الحمدلله زينه..
عيوني تدور عليه وترجع تدور على جسام بأستغراب
-حُرّ تريد أصبلك چاي؟
-إذا حار أي أشرب.
هزيت راسي رحت صبيتله گلاص چاي لأن حار هسه مخدرينه وهوَّ يباوع لجسام بطرف عينه، گال جسام متنهد
-أستغفر الله..
28
ضحك جسام يفر بأيده وكمل شرب ماي
عگد حاجبه حرّ وچن لگاها حجه يتعارك ويَـ جسام نتر بصوت عالي
-شو تستغفر أبن النعال شنهي شايفلك شيطان؟؟
هز راسه جسام بمعنى لا، رفع أيده حرّ يأشر وبكل جديه گال
-چا عليمن تضحك على شيب أبوك؟
8
جسام: هسه أنتَ تريد تتعارك؟
2
حُرّ: حلو والله فوگاها مطلعني أبو مشاكل!
جسام: لا حبيبي وينك وين الطلايب أنتَ..
6
حُرّ: ديله ولي من وجهي.
2
فجر: يا حرّ شجاك!
حُرّ: خل يولي..
3
فجر: شعجب متعاركين عاد أنتَ تحبه؟
حُرّ: خويه البشر يظهر على حقيقته بالمواقف..
31
فجر: دخيلك ربي شمسوي جسام وطايح من عينك؟
جسام: أنه أسولفلچ شني سالفتي، طحت من عينه لأن أجه يصوبني وما أجت بيَّ الطلقه..
حُرّ: نچب لا تچذب مو ما أجت أنتَ شردت.
122
فجر: يعني أنتَ ضايج لأن هوَّ وخر؟
2
جسام: وما يحچي وياي..
2
فجر: عود صدگ!!
حُرّ: أنه جاي أشاقه وياه ليش شرد؟ لأن ما يثق بيَّ يعني أنه من كل عگلي راح أصوبه صدگ، بس هوَّ لو عده ثقه بيَّ چا ما وخر..
158
جسام: صوبتني صدگ بله شلون؟
حُرّ: شمالني مسودن وما عدي عگل!
7
جسام: تريد الصدگ؟ أي والله
16
حُرّ: وتگليلي ليش ما تحاچيه بعد تنوعي!
24
فجر: عوفه خويه عوفه هوَّ الإنسان يبين بالمواقف شتريد تسوي بعد هذا حظك من الصداقه..
1
جسام: تفرقيييين لأن أخوچ توگفين بصفه مع الأسف
11
حُرّ: لا هِيَّ دوم توگف ويَـ الحگ.
جسام: أيباااااه
8
فجر: عوفه خويه عوفه مو گد الصحبه هذا..
7
ضحك حرّ وأنه هم ضحكت غسلت أيديَّ بالسنگ وجسام يضحك شلون أنه واگفه ويَـ حرّ ضده وهوَّ باوع على حرّ.
جسام: هذا لو مهيب چا ما زعل منه.
22
حُرّ: مهيب مره رفعت عليه سلاح ما تحرك من مكانه لأن وفي مو مثلك.
46
جسام: مهيب چلب أنه مو مثله..
23
حُرّ: لا تتجاوز عليه لك
7
جسام: خل يفيدك مهيب، خل يفيدك
16
حُرّ: طبعًا يفيدني چا مثلك؟
جسام: ما تلگه مثلي، لو يصيرون عشرين من مهيب..
6
فجر: هههههههه ترى مبين تغار عليه!
27
جسام: أنه أغار عمت عينه وعمت عين مهيب
18
حُرّ: تروحله فدوه..
3
جسام: أنعل أبوه لأبو عشيرتك.
8
ضحكت على غيرته وشلون ضايج وحرّ هم يضحك ناصب عليه لأن يدري بي يغار عليه من مُهيب، عافنا وطلع يدردم ضايج وما راضي..
21
حرّ هم طلع وبقن محاسن وبتها يمي بالمطبخ أسمعهن يسولفن وراي عود يتبسبسن بس هنَّ يتقصدن يسمعني وأنه جاي أشتغل
محاسن: غير صلفه ولچ فوگ شينها عايشه!
18
كوثر: أوع كون أنه أطم روحي..
15
محاسن: ما تشوفينها ما ترضى تعرس لهسه والبگدها خلفتهن مدرسه.
17
كوثر: معيوبه..
55
عقلي صوفر أريد أفتهم كلامهن ما جاي أگدر، عگدت حاجبي وگلبي يدگ بخوف عفت السچينه من أيدي ورحت للسنگ أغسل بأيديَّ بس بالي وياهن صارت عندي خوفه چبيره من كلامهن لأن حسيته مو هين وراه مصيبه ومحاسن أكلت روحها أكل بالكلام
7
التفتت ولمحت محاسن تباوعلي بحقد وصاحت بغيض
-فجر حسابي وياچ طويل..
35
باوعت عليها بنظرات أستهين بيها
-صدگ؟
9
تقربت وعيونها يفيضن منهن الحقد والكراهيه
-ياهي التسولف هاي، لعبو عليچ الزلم لمن ملو.
بهت وجهي وأختفت كل ثقتي بلحظه هدمت كل حيلي بحچايه منها، لأن جاي تلمح لموضوع دمر حياتي كلها، بلعت ريگ عقلي متبنج ما معقوله تدري لا لا ما معقوله أصلاً شعرفها بشي صارله سنيييين!!!
+
ومحد يعرف بالسالفه غيري، شلون هِيَّ هسه تعرف ما تعرف چذابه أكيد تريد تجر لساني ضغطت على روحي وبينت ما مهتمه صافنه عليها
-شجاي تمسلتين أنتِ؟
3
ضحكت مرتاح گلبها بالهبطه مالتي، ضحكه مسمومه متروسه حقد شفايفها بيض بس گلبها أسود وجها شاحب ونظرات عيونها كلهن حقد، أبتسمت وبهدوء نطقت
-عيب مره چبيره أنتِ شني هاي السوالف!!
كوثر: يمه يمه الصلافه ولا مكسوره عينها ولچ أنه منچ أكتل روحي وما أضل عايشه..
24
فجر: كوثر ضبي لسانچ وسولفي عدل لا أحط النعال بحلگچ، أنتِ وأمچ بطرانات وما عدچن سالفه بس تردن تلغن وأنه مالي خلگ ووراي هواي شغل.
جرتني محاسن من زندي بچف أيدها بقوه ونبتت أصابعها بزندي عگدت حاجبي متألمه وأريد أفلت روحي منها وهِيَّ ضاغطه على أسنانها وبعصبيه تصيح
-تاكلييين تبن وتسمعيني وعينچ مكسوره، هاي هِيَّ ما ضلت عليَّ غير المعيوبه فجر ولچ أنتِ لو غيرچ الشبعو بيها، ماهر وصالح سلبوچ شرفچ وخلوچ رخيصه ومذلوله حتى عرس تستحين تعرسين.
صفنت بعينها بدون ما أرمش خاف چانت مجرد أحتمالات وچان كل ظني چذابات ويردن يسحبن لساني بس من عرفت أسم ماهر وصالح تسودنت عقل ما بقى براسي أريد أوگف على رجليَّ وأسيطر ماكو أتراجف والتفكير موتني شعرفهن بمصيبتي هاي!

المشكله ماكو ولا شي يخليهن يعرفن بموضوع كاتمته سنين، الصور أول ما شافتهن وردة أنه حرگتهن هنَّ والهدوم لأن أدري أكو وراي ناس قذرين يردون يبحوشون فـ مستحيل من وره الصور لأن گالت أسمائهم وصالح وماهر ما مبينه وجوهم بالصور!!!
رجعت لوره وراي الكاونتر أريد أستند ماكو طولي كله نهد لازمه براسي أحسه راح ينفجر وهِيَّ مستمره تحچي
-خايبه عود تردين تلعبين عليَّ أدري بيچ أنتِ نغله وما تفوتچ فايته، يالفهيمه أنه من يوم الأخذوچ لذاك البيت أدري، بكلشي أدري بهذا البيت ما تفوتني فايته وما تصير سالفه اله وأنه أدري بيها..
أباوعلها بحقد وكره وبعدها كاضه أيدي وجها بوجهي وتبث سمها عليَّ بكلامها الصار سهام بگلبي، فاتحه عيوني على كبرهن متروسات دموع مستنكفه يطيحن خزرتها وبصوت يرجف نترت
-سافله وكل خير ما بيچ ما دام تكيفين على مضرة غيرچ وعساچ بحرگة گلبي وأزود.
حچت بدون لا تنطي كلامي أهتمام
-ديله بسچ بسچ، ما جايتچ علمود تتمسكنين عليَّ أريدچ تسوين الأريده لا أخلي سالفتچ على كل لسان..
دفعتها فاقده من العصبيه أرجف وأصيح
-ما أتهدد أنه ما أتهدد.
12
كوثر متچتفه واگفه على صفحه مبتسمه باوعتلهن بحقد وأحس گلبي راح ينفجر، رفعت أصبعي بتهديد أأشر وأرجف
-خليها على كل السان علمود حرّ يسوي بيكم مجزره يذبحكم زلم ونسوان.
محاسن: لو صارت سالفتچ على كل لسان مو بس بالبيت بالديره كلها تسولف بشرفچ المسلوب، يكتل واحد لو ثنين ديره كامله لو درو ياكلونه بالعارات وساعتها يموت ما يتحمل يعيرونه بشرف أخته الما حافظت عليه..
لزمت بالكاونتر أريد أصرخ أريد أگطع منها وذر هسه لو أشرب من دمها ما يرتوي گلبي حقدت عليها حقد ما شايله بشر بس حچاية يموت حرّ أستصعبتها ووگفت بعقلي خلتني أفقد أعصابي من القهر
1
ماكو شي يعذب الإنسان مثل كتمان حزنه، أشهگ ونفسي مگطوع أحس صدري مجمر وعيوني معميه شوصف حال بنيه بعينها الدنيا مگضيه؟
20
طلع صوتي بصوت ناصي مبحوح ومتگطع
-شتردين؟
أبتسمت أبتسامة أنتصار من شافت عجزي وقلة حيلتي أسوي كلشي في سبيل حرّ ما يرجع للسجن، ومتأكده لو محاسن سولفت السالفه وطشت حرّ يكتلهم ويموت من القهر والحزن أخوي عنده الشرف خط أحمر تعرگ گصته على الغريبه وأنه مستحيل أعيش بهذا المجتمع لو عرفو أموت من الحزن، وأدري حرّ گبلي لو للتابوت لو للسجن..
بس تخيلت الموضوع نعصر گلبي وطفت الدنيا بعيني صارت تخوف ومهجوره، بصوت خافت بالگوه طلع من حلگي أباوعلها بعتب ونظرات متروسه قهر
-ليش؟
-ما أريد مضرتچ ولا أذيتچ، أنه الأريده أذية جسام..
37
-شمسويلچ جسام؟
-مالچ غرض، ما أريده يضوگ طعم الفرحه بحياته ولا يعيش مثل البشر أريد أعلعل گلبه وأچويه وأخليه ملوع وما يهيد جرحه.
صفنت عليها بصدمه وبدون تفكير نترت
-عمت عينچ عسى لسانچ بالبتر!
-تنفذين وأنتِ ساكته ما يطلعلچ حس.
-ما أشتغل عدچ أنه!
-مو كل شويه أعيدهن تدرين شيصير لو ما سويتي..
-ليش تردين تهجمين حياته من الله يهجم بيتچ كون!
-أنه مو صاحبة طويله هسه أخلي سالفتچ على كل لسان جري عدل وسوي الأريده أحسلچ.
-وأنه شني ربطي بأذية جسام؟
-ماله بهل دنيا غيرچ وغير أخوه يحبكم ومتسودن عليكم لا أهل لا صحبان لا وادم عنده، وكاتل روحه عليچ ما أدري شعاجبه بيچ أشو زرگه تلعبين الروح!
-چا أشگد گلبچ اسود
-يحبچ وكاتل روحه عليچ زنت بيَّ أمي إذا ما خليتچ حسره بگلبه أعلعله واسودنه عليچ..
-شتردين؟
-هسه ما أريد شي، بس بالوكت الأريد أجيچ وتسوين الأريده وكل حچايه ما الچ مكسوره عين ومعيوبه وسترچ جوه أيدي سوي الأريده لا أفضحچ بالديره كلها.
-كلارة: لا متريگه ولا متغديه والظهر فد مره جعت طلعت من الغرفه البيت هدوء كلهم بغرفهم بس أنه بلايه غده گاعده جوعانه شفت ضيغم بالهول هسه جاي من شغله رحت عليه وقدمتله الألف بدون مقدمات
-هاك.
رفع عينه الي بأستغراب عاگد حاجبه
-شني هاك، مجدي منچ وما أدري؟
19
-گوم أشتريلي
-لا بالله
6
-لا متريگه ولا متغديه وميته من الجوع
-طبچ مرض ما أروحلچ.
5
-شمالك چلب محد غيرك گاعد!
-ما أشتريلچ توني أجيت من الشغل وتعبان..
3
-هاي أم رشا قريبه شمالك؟
-يابه لا تلحين ما أشتريلچ.
3
-ولك السربوت شمالك شني هاي الخباثه؟؟
گاعد وتلفونه بأيده بعده ما متغدي، گعدت فحطانه وأحس دخت من الجوع أنتبه الي وصفن على حالي صحيح أنه دخت وتعبت بس هم مثلت وهوَّ عاف التلفون وتربع گدامي يضحك
-والله خطيه تكسرين الخاطر!
صفنت عليه وفريت أيدي
-الله لا يعوزني الك، أنه لو ما أخوي حرّ نايم چا هم أجي وأطلب منك؟
1
صفن عليَّ مضيگ عيونه مدلي أيده
-بوسي أيدي وأروح أشتريلچ.
يحچي بتعالي وتكبر وماد أيده بثقه منتظرني أبوس أيده دنگت على أيده وعضيته عضه حسيت بطعم الدم بحلگي چلبت بأيده وعضيتها من كل گلبي وهوَّ صرخ
-يممممه هاي جوعاااانه وراح تاكل أيدي..
يريد يفلت أيده مني ماكو عضيته بحرگه وهوَّ يصيح عليَّ ويدفع بيَّ ماكو ما وخرت، يدفع براسي بكل قوته يريد يفلتني وأنه مچلبه أسناني بأيده بحيث عزلت جزء من أيده وتعكمشت وهوَّ يباوعلي بخوف
-شمااااالچ مچلووووبه!!
9
يباوع على أيده نتر بعصبيه
-أروح أعقم أيدي أروح لطبيب أشوفلي چاره أنتِ چلبه لا النوب أنچلب من وراچ ويصير بيَّ مرض..
-علمود مره ثانيه ما تگلي بوسي أيدي السربوت
-طايحة الحظ المسودنه
-أنه أخت حرّ وتگلي بوسي أيدي!
-صدگ أنتَ طالعه على أخوچ طگه ونص..
خزرته وهوَّ يمسح بأيده ويباوعلها بخوف لأن صدگ حتى دم حسيت بحلگي من قوة العضه رحت تمضمضت وغسلت وأغلط عليه وهوَّ أجه وراي يدردم
-مچلوبه وعلي.
التفتت عليه أمسح بوجهي من الماي
-ولي من خلقتي عابت
-فلا أشتريلچ
-سم ومنك ما مريود
-نچبي يله شتردين؟
-ما أريد..
-لا تضلين تتعيقلين گبل شويه تتوسلين بيَّ!
-خايب لا تعيل بيَّ، أتوسل بيك شني؟
-شتردين هسه ترى دوختيني
3
-ما أريد گتلك
-أهو ضلت تاكل خرا!
6
خفت لا النوب يبزع ويروح وشلون بيَّ صدگ جوعانه وميته جوع
-هاك أشتريلي بهذا الألف.
-سولفي شتردين وأسكتي
-أخذ الفلوس مني
-هسه هوَّ ألف شالقضيه
-جيبلي كيكه وعصير
-وهاي تشبعچ؟
1
-أي تشبعني شلك غرض لو هم تتدخل بيني وبين الكيكه!
-طبچ مرض..
11
راد يروح ورجع التفت عليَّ
-هسه ما الچ نيه تبوسين أيدي
-تريد عضه؟
-چلبه.
طلع وأنه بس سمعت باب الحوش ضحكت ما دام راد يذلني وابوس أيده إذا ما خليته يتوسل الي مثل ما رادني أتوسل اله بسيطه..
1
طلعت للحوش قفلت الباب علمود ما يطب وأخليه يتوسل يله أفتحله الباب الشمس حاره أخليه بره يتوسل الي يله أفتحله الباب لا يگدر يگعد على التراب بره يچوي من الحراره ولا يضل واگف الشمس تدگ براسه واله يتوسل الي يله أفتحله الباب
25
ندگ الباب بسرعه رحت متحمسه وبنبرخ متروسه غرور وتعالي نترت
-گول كلارة تاج راسي وأفتحلك الباب.
ما رد كتمت ضحكتي أكيد هسه تنرفز
حطيت أيدي على خصري تخوصرت وزمخت
-يللللله گول شو ما أسمع حسك؟ گول يله أروحلچ فدوه أفتحيلي الباب وأفكر أفتحلك..
هم ما رد وهذا الشي كلش نرفزني زمخت بصوت أعلى
-گول أنه خادمچ الصغير وأفتحلك الباب.
من ما رد على كل كلامي حتى جملتي الأخيره حيل ضجت بس خفت هسه يطب يكتلني عنده أستعداد يطفر من فوگ الباب علمود يكتلني أجيت أشرد من المكان خفت يطب لأن دست عليه بالكلام
أجاني صوت مُهيب صديق أخوي بهدوء
-حُرّ موجود؟
جمدت بمكاني صرت صنم من الصدمه، خذتلي فتره واگفه وصافنه أستوعب معقوله كل هذا الكلام مالتي والتمسلت سمعه صديق حرّ هل أگول ما يرد أثاري الزلمه مخترع من الخبله الجاي تسولف وياه!
تمنيت الگاع تنشگ وتبلعني أشگد تصيرلي مواقف وأعديهن وأضحك أگول عادي بس هذا الموقف متت من المستحى وتبدل مستحاي لخوف من سمعت صوت ضيغم يسلم عليه!!
4
گاله ضيغم بصوت محتقن وبالگوه يسولف
-نايم تريد أگعده الك؟
أحس بالگوه مسيطر على نبرة صوته
علمود ما تبين بأنفعال وعصبيه ورجع ردله مُهيب
-لا خويه، أجيت بطريقي أرجعله غراضه نساهن يمي أخذهن بدربك وأنه رايح حبيبي.
ضيغم حتى ما لح عليه يطب للبيت رغم هوَّ ياكل البشر أكل بالسلام ومعزب لسانه معسول بالترحيب، بس هسه أحسه راح ينفجر بلعت ريگ صافنه أفكر شهگت ورجعت لوره بخوف من صعد على الباب وطفر للبيت
16
مخنزر بوجهي ويريد يشرب من دمي تقرب عليَّ بسرعه
-خادمچ الصغير مو؟
بعدني ما لحگت أرد، لزمني بثنين أديه من هدومي ورفعني من الگاع يصيح بعلو صوته وعيونه تطلع شرار من العصبيه
-بتتتت النعال سوايه هاي سوايه!!!
70
يهز بيَّ شايطه روحه وأنه أحس روحي راحت من الخوف
-خايبه اليوم أنعل والديچ وأخو زينب محد يخلصچ مني..
گبل لا يسمع مني حرف، جرني من أيدي ومشى بخطوات سريعه أصابعه أحسهن زرفن أيدي گد ما كاضني أريد أبعده عني ماكو سحلني سحل
-شيب أبوچ اليوم أحرگه..
13
وگف گدامي يأشر على روحه
-أنه أنه خادمچ الصغير؟
8
-والله ما أدري هذا مو أنتَ
-يا ما تدرييين يا دنيا شايفه الخزي الخليتيني بي؟؟
-لا تكبر السالفه ترى مو قصدي!!
صراحه السالفه صدگ محرجه وموقف چبير وأنه حيل نقهرت وضجت من طلع صديق حرّ السمعني أنه أجيت أتشاقه ويَـ ضيغم ونگلبت السالفه وگف گدامي لازمني من فكني مثبتني گدامه ويصيح بعصبيه
-قافله الباب وتصيحين رعننننه لو مو رعنه؟؟
دفعت أيده من فكي وبهدوء نطقت
-لا تضل تتماده، عليمن رعنه محد موجود شمدريني راح يجي مُهيب كل ظني أنتَ وتشاقيت وياك!
2
-هسه عباله مرتي وهيچ معاملتچ وياي يوميه تهينيني خادمي الصغير وتوسلي من طاح حظچ بعد شلون أباوع بخلقه الزلمة؟؟
فاير من العصبيه أشگد فطير وحباب بس من يتعصب فد مره يخرب وهسه حيل ضاج حيل، لأن نحط بموقف كلش صعب ومو حلو والمشكله أنه أبد ما چنت متقصده أحنى هيچ ميانتنا هوَّ يگلي بوسي أيدي، وأنه أقفل عليه الباب ومتعودين على شقه بعض..
-كل صوچ ما بيچ الصوچ بالقندره أبن القندره المطيچ عين.
1
-ديله هسه شسالفه صدگ چذب!
-راح تطلعين ويشوفچ الزلمه؟ بله حچيت وزامطت گدام الزلم ويگلي دگعد لك چا مو هِيَّ تگلك خادمي الصغير!
-گله نچب لك
-ها وهيچ تفض السالفه؟
-أي چا شبيدك بعد
44
فر أيده ساكت ومسح وجهه آشرلي لجوه
-طبي طبي لا أدوس بطنچ.
رحت بسرعه عايفته ولتفتت عليه من مشيت مسافه
-شحدك؟
حچيتها ومشيت بسرعه ما باوعت وراي بعد بس متت من الخوف زين هسه ضيغم ما كضني ولزگني بالگاع أصلاً خفت يسولف لـ حرّ وتصير مصيبه، رحت للغرفه مالتنا حتى الجوعه كلها أختفت وأول ما طبيت صارت بوجهي وردة گاعده وأنتبهت الي عگدت حاجبها
-دخيلك ربي شمالچ؟
جريتها من أيدها وسولفتلها السالفه كلها، ماتت من الضحك تدگ على رجليها وتضحك بصوت عالي منتهيه ومتشمته بيَّ وأنه أفور من القهر التفتت عليها محروگ گلبي وهِيَّ طلعت جابت أكلي عايفه ضيغم بالهول
-خايبه أنه روحي مسحونه مو مال أسحنها بالكيك بعد..
صفنت مقهوره والتفتت عليها
-خايبه لو تشوفين شلون گال حرّ موجود هنا بهدوء وأدب أحس هسه يگول هاي وحده رعنه؟
11
-لا تخافين يمكن عباله حُرّ عنده بعائلته وحده مخبله
-طاح حظچ هاي بدل ما تواسيني لعبتي لعب بمشاعري
-هههههههههه يطبچ مرض.
مر الوكت ولليل فزيت من نومي خايفه من الأصوات السمعتهن، أفرك بعيوني بقبضات أيديَّ وأنه أسمع صوت أغاني عاليه كلش وأصوات زلم هوايه تخشبت بمكاني من عرفتهم منو همَّ
