رواية يا اجمل الوحوش الفصل الرابع والعشرين 24 بقلم رسل فهد
يا أجمل الوحوش
- رُسل فَهد
...
43
من انسئل عَن عِشرتك
بالله شسولف عَنها ؟
خليتني بموقف صَعب
(مَـوقف الَدافع عّن شخص ويگلة اطلع منها )
- رُسل فَهد
...
65
" روز "
31
گلت ما أدير وجهي حتى ما اخاف اكثر أول ما مديت ايدي
على يدة الباب حسيت بشيء بارد صار على رگبتي بلعت ريگي و من گد ما البيت هدوء حتى صوت ريكي لا سمعتة مديت ايدي رگبتي
و أنا كل ذرة بجسمي صاكة من الخوف صرخت بعلو صوتي من تلمسته مسدس
8
بساع خلة ايدة على رگبتي و المسدس براسي
محمد : لا والله ؟
256
مديت ايدي على ايدة الي خانگني بيها
محمد : صوت واحد أفـرغة براسج والله
سكتت و بس صوت النفس عالي أخذني للغرفة سحل و أنا گلبي على ساعة يطلع من حلگي بگد ما يدگ سريع و يخوف
83
خلاني على الكرسي و يلف بالحبل على جسمي
محمد : تردين تشردين ليش ما گتيلي أنا أنزل وياج ظلمة
مديت ايدي اريد امسح دموعي جرها و خلاها وره الكرسي حتى يشدها
84
روز : الله يخليك عوفني
محمد : الله لا يخليني
137
روز : بداعت حبيبتك
محمد : أنعل ابوج لابو حبيبتي ترى أنا ما عندي لحية مسرحة شفتيني حتى أهلي سبيتهم
370
بقيت ساكتة و أرجف كل ما أعاين المسدس بيدة
محمد : عبالي فقيرة طلعتي مو هينة
روز : ترى اني ما ردت اشرد ردت اطلع اشتم هوى
204
محمد : وجهج بريء لا تضحكين عليه ترى بساع اصدگ
سكتت و عيني على الصوبة دناها يمي عاف الباب مفتوح و طلع شوية و اجة بيدة كوب چـاي و قوري خله القوري على الصوبة و الكوب على الكرسي واجة فتحلي ايدي
73
و راح جاب الكوب الي شربت منه جان بالگاع صبلي چـاي بالكوب
الجديد و هو بالكوب القديم اخذته من ايدة لان ريحة الچاي تخبل
و انطاني بسكت من العلاگة الي يم راسي غمست البسكتاية و بعدها
ايدي ترجف
156
محمد : ما إرميچ اكلي عيني
باوعتله بخوف و اني أكل كل شوية تنزل دمعة و أمسحها
جر الكرسي مالتي خلاه وي الحايط و دنه الصوبة يم الباب
طفاها و أجة بيده نفط يترسها اني حابسة روحي اخاف على ساعة
يرش عليه نفط و يحرگني
56
لگيت الصبغ أظافر على دچة الشباك أخذته هو يباوعلي ما حِچة شي
راح و اسمع صوت الدوش يجري الغرفة كلها ريحة نفط فتحت الصبغ
اشتمة لان احب ريحتة حتى من جنت صغيرة اكلة و تغريد چوتني يالله عفته
161
فوگ الشخابيط الي على الحايط كتبت بالصبغ
روز - الوهمي
جان الصبغ لونة ماروني بقيت اباوع على اسمة و أتذكر
كل حچاية يگولها الي و كل وعد بعد ما چنت أكول كلهم غلط بس هو صح هسة أكتشفت كل حجيهم صحيح واني الي حبيته غلط
183
دموعي تجري و اباوع لاسمة بكثر ما جُمارة تسمي الوهمي
حتى اني كمت من احاچي بكلبي أكول الوهمي و ما أكول آزاد
مسحت دمعتي و مديت ايدي اريد اخلي أكس على أسمة
خليت اول شخط و بالثاني فزيت
محمد : شنو جاي تحضرين ارواح
لو عبالج سجن و تردين تكتبين على الحايط ذكرى
187
تيهت شلون أسد القبق اجة فتح الصوبة و دنة الكرسي عليه اكثر
و گعد بصفي يم الصوبة رفع راسة على الحايط باوع للكتابة
يضحك مد إصبع ايدة على كلمة وهمي
محمد : منو هذا
- محد
165
بقى مبتسم وماد أديه اثنينهن على الصوبة نرفزني لان يبتسم
محمد : تدمرت نفط من وره خلقتج
- ما عاتبة عليك
79
رفع راسة يباوعلي و حاصرتة الضحكة برم شواربة و بقى ساكت
محمد : فضفضيلي شنو ضاربچ بوري لو تحبي من طرف واحد
185
روز : اأثنينهن
محمد : لا يا ملعون الصفحة
296
بقيت ساكتة و هو هم ما سألني بعد سندت راسي على الحايط و غمضت عيوني الضوه بده يطلع و هو شمر روحة بفراشي تغطى
و اني بقيت گلبي لا سكت و هدأ من القهر كل ما اباوع لاسمة مدري
شيصير بية .. أطلع من عقلي لك أطلع
92
احس حتى عيوني من الدموع نشفن
بعد ما بيهن لحد الصبح ما نمت اول ما گعد باوعلي عاقد حواجبة
فتح الشباك و وخر الصوبة مني مد ايدة علي وجهي مسح دموعي
درت وجهي عنه بعصبية
6
سد ايدي و طلع و أجة بيدة مسواگ هواي يا اللهي
يعني هذا سالفته مطولة و اني راح ابقى هنا
ريحة الكباب ترست الغرفة و هو يفتح بالعلاگة اجة يمي
محمد : گلت خلي أضب گلبها البارحة ما تعشت
127
روز : اني ما أريد منك شي بس تعـوفني
محمد : والله چلبتي هسة المن أرجعج مو مدللج
أنا هنا
حجاها و راد يوكلني درت وجهي عنه طلع المسدس و خلاه على الكرسي الي مخلي عليه الاكل أكلت بسرعة و اني أباوعلة بخوف
113
محمد : يعني چنتي ما تردين الضابط علمود الوهمي
روز : أي ، ما أريدة علمودة بس هو ما يستاهل
11
- شبي شسوالج
- وهمني بالحب و همني بالحياة كلها خلاني أشوف الدنيا كلها حلوة لمن چنت أحاجي و من تغريد أختي كسرت تليفوني و شافني انقطعت عنه عافني و شاف غيري
148
- لا يا نذل
روز : حبيتة و أني حتى شكلة مشايفته و لا اعرف أهله و لا هو منين بس اعرف اسمة آزاد و عايش بالخارج جان كل مرة يگول أجيج و احققلج كل أحلامج تالي حتى من عرف اني راح انخطب ما أجة و لا كلف نفسة
161
- اكو وحدة تحب واحد مشايفته هاي وين صايرة
روز : والله و روح اهلي حبيته و ما أهتميت لو يكون وجهة أبشع وجه بالدنيا ما يهمني المهم گلبي و حبة ما يروح هيج
و لا أني اكدر أعيش وي إنسان ثاني لان احس روحي أظلمة
وياي
76
محمد : قصتج خيالية
حچاها و قربلي اللفه
روز : بس مو إذا رجعتني تسولف لاحد هاي إذا دفعولي
77
- ما خابرتي بعد يجوز صارتلة ظروف
روز : ما يهمني اني هم أشكال الظروف صارت وياي ما شفته واگف يمي بس اني حبيته لان ما دور مصلحة وياي
جان يحسسني هو كل اهلي
33
- يجوز يجي
روز : هلا بي
117
ضحك بصوت عالي
- جـا و هذا الضيم إلمسوي بيج
روز : اني بدون إحساس بعدني أحبة
236
سكت و بعد حتى ما آكل بس يوكلني من خلص فتح ايدي
محمد : نامي يالله
تمددت بفراشي و تغطيت و اني متندمة لان سولفتله بس لا من يرجعني
يكول لزناد عليه عاشگة هذا ما يتفاهم بساع يگبعني و يزوجني
لواحد من ولد عمار
231
كعدت العصر على ريحة النرگيلة قوية بالغرفة بس تجنن
بقيت كاعدة بس اشتم بيها متمددة النوب كعدت عدل الم بشعري
باب الغرفة مفتوح و الدنيا عصر الجو مبين من الشباك يجنن
27
محمد : اكو هدوم ترى إذا تردين تسبحين روحي
- وينهن
عاف النرگيلة و راح للغرفة الثانية مديت ايدي امسح مكان حلگة
و جريت نفس أختنكت و گمت أكح بصوت عالي وهو من الغرفة يصيح
- حييييل و مرض وسم
357
اجة بيدة الهدوم و و اني بعدني أكح دگ على ظهري و كفخني
محمد : تسممي مي
شربت مي و رحت للحمام بعدني أكح
64
قبل لا اسبح اباوع للحيطان خاف حاطلي كامرة
حطيت من الشامبو ريحتة تجنن بالتفاح الاخضر حتى وجهي غسلته بي و غسلت هدومي فتحت الهدوم الجايبهن الي
فستان أبو الرگبة طويل بس لزگ على الجسم لونه رصاصي
و بي حزام اسود وخرت الحزام بعد شيضب اكثر من هيج
159
ردت اطلع و لگيت مشط على المغسلة غسلته و مشطت شعري مچبن
ما يتمشط گوه حتى البارحة من سبحت ما مشطتة و ام الصالون تارسته سبريه و لمع انشلت ايدي و هو بعدة ما متنعم
ظفرتة و حطيت ماشة لان ما عندي قراصة
26
إجيت للغرفة هو على گعدته
روز : وين أشر هدومي
باوعلي بقى صافن ثواني حتى ما جاوبني خفت وعضيت شفتي
- فوگ على المحجر
152
صعدت اخذتهن لگيته هو هم شار هدومة الصالة الفوگ كلها فارغة
و ثلاث بيبان مسدودات اجيت اريد اباوع لباب السطح
محمد : رووووز
44
بلعت ريكي و نزلت اركض كعدت بالفراش و تغطيت كل شوية يباوعلي و يرجع يدخن ويكتب بالتليفون بأيد وحدة شسرعاتة
محمد : إذا مشتهية آكلة رتبي المسواگ و سوي
هزيت راسي بـ لا
52
- أنا هسة أمنية حياتي أصير بمكانج ويخطفوني
و علي أرضى كل عمري ابقى مخطوف
روز : انتَ ولد ما يأثر بيك احنه البنات كلشي يأثر علينة
ادري انتَ تريد فلوس و يجوز تحصلهن بس انتَ راح تدمرني
50
- تردين تبقين هنا بكيفج عمي احنه ما نطرد خطارنه
روز : الله يهديك بس هاي أكولها و صدگني راح تتندم
ما جاوبني شمرلي تليفون طاح على البطانية
- بي العاب لعبي و لا تفكرين زايد ماريد أتعبج
مابي سيمكارت
200
فتحته العب و ساندة راسي على الحايط ريحة النرگيلة تكفخ بيه و كل شوية رافعة راسي اباوع على الي كتبتة على الحايط وهو گاعد بصف الكتابة كل ما ارفع راسي الگا يباوعلي و اني اباوع للكتابة عباله عليه
ما چنت أدري المقصود بالحايط نفسة گاعد على الكرسي
691
خلصت النرگيلة طلعها من الغرفة و اخذ العلاليگ من الغرفة و طلع شوية و صاحلي ما گلت ها و لا رحت العب بالتليفون أجة
بيدة تفاحة و ايدة الثانية بيها ماعون فواكه خلاه يم رجلي
- مو صحتلچ متجين لو تردين كلشي على الحاظر
50
روز : أنطيني اني اخابر زِناد خل يسمعني أبجي بلكي ينكسر گلبة عليه زين خابر اختي تغريد انتَ مو كلهم تعرفهم
- لا رجولتي ما تسمحلي تبچين بسببي
ردت اكلة هم حاسب روحك رجال انتَ بس خفت
136
بالليل أجه يمة واحد و ما اجة للغرفة بس التليفون عندي العب ما حسيت بالوقت طب من ردت انام طب جايبلي ماعون معكرونة
روز : انتَ سويتها
- اي چا منو ، لتخافين اخوي بالمطبخ مو حبيبتي
89
روز : اخوك ؟ مو ما تحجي وي اهلك ؟
- اي بس هذا خارج قوس اهلي هم ناعلين سَلفه سلفاه
النوب يحب وحدة ما تحبة حار شسوالها وما تحبة
446
روز : إذا انتو تشتغلون بالحرام منو ترضى بيكم
- لتمسلتين اصلاً هو متزوجها بس هذا ما يشتغل بالحرام
ولد فقير
35
روز : متحبة ؟ و متزوجها
- طبها مرض چا يخليها تروح لغيرة ينعل والديها
98
اكلت المعكرونة و ردت انام هو گاعد
روز : عادي العب بتليفونك مليت من هاي الألعاب
- إذا أنتِ نغلة روز أنا أنغل منج
283
عوجت حلگي وسكتت مادري شلون يقره افكاري
فزيت الفجر على صوتة يخابر بره بالهول باب الغرفة اكيد مفتوح
لان الصوت كله يمي واضح
12
- هههههههههههه ، و علي عايش احلى ايام حياتي
شلونكم كلكم ، بس هاي الچم يوم و أجي
فتحت عيوني بصدمة و اني أسمع بالصوت
الصوووت هذا أكدر آميزة بين الف شخص
256
احس كل جسمي گام يرجف و نفسي سريع
- ههههههههه ، بس أكلك مو تصيح أنا لسه ما
راد يكمل و سِكت أسمع خطواتة تتقررب على الغرفة غمضت عيوني
قوي خوف و صَدمة حسيت بروحي مخبلة من صدگ
172
ولك طَببتك لـ گلبي الذي حتى أمي مَتفوتة
اليّدور راحتك يا صوب انتَ تنَبش بـ موته
الخاطف لو غريب الصوت ميغيرة
الخاطفنة عرف و يغير بصوتة
...
384
" عالية "
48
رحمة : علاوي شوف منوووو أجاك
حچتها و تغيرت كل ملامحها هي و الواگفة يَمها ، عاينتها بنية مرتبة لابسة حجاب و ثوب اسود حاطة مكياج خفيف هو خجل بسرعة و أشرلي على تيشيرت من وره الباب
32
اجيت قريب عليهن اخذ التيشيرت من التعلاگة رحمة خازرتني و البنية
تريد تطلع بس رحمة توگفها سلم عليها و هو يلبس التيشيرت بقيت
اباوعلها بتركيز اكثر من سمعتة گال هلا هدى
25
نزلن من گامت امه تصيح يالله تعالوا للغده كعدت على الچرباية
تدفي روحي بالصوبة و هو واگف يشحن تليفونة مد ايدة على الباب
راد يطلع دار وجهة عليه
علي : شنو شبعانة من العقل
عالية : ماريدن
6
علي : گومي نزلي
عالية : شبعانة ما أنزل
- طبج طووب
طلع و أنا مديت ايدي على الصوبه و راسي على تاج الچرباية
كاتلني الجوع بس ما أنزل لان أدري بأمة شراح تسوي بيه و شراح تلچمني لچم بالحچي
27
فرشت فراشي و رتبتة الصوبة صايرة بين فراشي و چربايتة
و وجه هدى ما يروح من بالي يالله خلي تتزوجة أحسن حتى ابقى
وحدي هنا و بلكي ينكسر خاطرة عليه يأخذني لامي ،
32
من بين كل هذا الحچي اكو صوت ناصي بداخلي يرفض هاي الفكرة
فتحت البردة شوية لان ثخينة و دوم الغرفة ظلمة بجو الشتاء
إلا تطلع شمس قوية يالله يطب ضوه للغرفة وگفت أعاين للدرب
بيت عمي عمار صاير بالنص لا يخليني اشوف بيت جدة رهينة
و لا بيت اهلي
27
أعاين للنخل من يتحرك السعف شكله يرد الروح
أنفتح الباب فزيت و سديت البردة درت وجهي لگيتها بت سلام
- تگول امي تعاي تغدي اليوم جدة ما ترضى نصعدلج
عالية : شكرا حياتي ما اريدن
21
شوية و گامت تصيح بأسمي طَب هوَ بيده كوب الچاي و امه معصبة من صوتها گمت اخذت الشال و هو اجة گعد نزلت بسرعة على الدرج
لگيتها بنص الهول مخوصرة و هن ينگلن اماعين من السفر
ام سلام : امشي يالله كفي المطبخ وياهن يالله گدامي
35
ما جاوبتها رحت للمطبخ و اسمع رحمة
الحية تگللها هي حتى على خالتي ما سلمت ، صرفنت الردان و كلهن راحن بس مرت سلام واگفة تنظف و أني اجيت وياها
آريج : ماعونج ضميته بالفرن اكلي بين ما أكف الجدورة
87
طلعته من الفرن اكل و ارتب وياها أجت رحمة تصب بعد چـاي
اول ما راحت اجت امها تعاين للكاونتر شافت الماعون عاينت لآريج
ام سلام : أنا مو گلت ما تتزقنب إذا ما نزلت منو گلچ تضميلها هاااا
آريج : ضميتة لحمودي جان نايم تالي گعد اكل ويانة
گلت خل تاكلة خطية
29
ام سلام : تاكل سم مو آميرة هي و احنه خدم نصعدلها اكل ليفوگ صدگ لو گالوا التنكسر عينة تصير گوية
شمرت الخاشوگة بالماعون و درت وجهي انظف
30
ام سلام : النوب ما عاجبها ام الربوع و الدروب و علي
لو ما أختي هنا و أكول زحمة چان مصيت دمج
ما جاوبتها لحد ما راحت أصبر بروحي گوة حتى تتحمل
70
آريج : عوفيها هاي كله منهارة لان رحمة نزلت كالت
علي طب يسبح فوگ و أنا كتلة عالية بالحمام
عالية : و يعني شنو قابل أنا صايحتلة هو أجة
كله طحين من الشغل و أنا طلعت بساع
10
آريج : و شني قابل شمسوية ترى رجلج انتِ حلالة و هو حلالج بس هاي الغيرة و الدود راح يموتهن
عالية : عليمن والله أنا ما أريدنه و لا يرف گلبي عليه خل يأخذنه مبارك عليهن
49
آريج : نظفي و أنجبي والله رجلي ما أفرط بي حتى لو ما أحبنه ما اخليهن يأخذنه و يآخذن خيرة و فلوسة
لحد ما خلصنه المطبخ متنه صعدت فوگ لگيتهن كلهن كاعدات بالغرفة الجديدة فاتحات الباب و يسولفن مريت من يمهن و طبيت للغرفة
35
هو گاعد ايدة وره لسة و الثانية يگلب بيها بالجهاز أنا ما قفلت الباب شلت الغطه اريد أتغطى انفتح و طبت امه تبوس بي
ام سلام : تعال يبعد عمري
علي : وين يمة
ام سلام : دگوم يم خالتك مشتاقتلك بعد شوية هيَ و تروح
25
علي : تعبان يمة وراي طلعة العصر
دارت وجهة زعلانة و هو أنحرج عاف التليفون وگام لازم ظهرة متأذي أنا تغطيت و أعاين الباب من طلعوا كلت من تشوفة شلون متوجع هسة
دگلة نام يمة
11
اسمع صوتهن صار يلعلع و ضحكهن عالي دقايق و طب قفل الباب
علي : من تطبين للغرفة قفلي الباب لو هاي هم ينراد
الها تعلوم
38
عالية : يعني نفس الشيء ترى لو امك
تدگ الباب قابل متفتحة
علي : اي فتحي بس گليلها صخام نايم
سكتت و تمددت اريد النوم يجيني
10
اعاينلة دار جسمة و نام على بطنة و ايدة جوه عيونة يمكن
لو ينام بنص احلى منظر هم ما يبطل هاي الحالة ويحط ايدة على
عيوني درت وجهي عليه من صاح اسمي بصوت عالي
30
علي : تعاي مرغيلي ظهري وينج
گمت بقلة صبر و أنا حتى امي الاحبها اضوج من دگلي مرغيلي
احبن بس شريك چان يگلي صعدي على ظهري و دوسي عليه
76
كعدت على طرف الچرباية و مديت ايدي على ظهرة من فوگ التيشيرت
صاح بأثنين اديچ لِج ، مديت الثانية و أمرّغ و كل شوية يگول يگول اقوى طگت روحي ما يدري هسة أطگة بضربة أكسر العامود الفقري
22
علي : مرغي أقوى شنو بابا زعطوطة انتِ
عالية : ترى تيشيرتك يتزحلگ
مد ايدة نزعة هو و الفانيلة مديت ايدي و مدري شيصير بية
من أكض ظهرة بيدي من كثر ما جسمة حار احس ايدي أنچوت
23
امرغ ثواني و أسحب ايدي اضلن ضاغطة عليها و أرد أمدها
علي : صعدي أيدج فوگ
عوجت حلگي و اصعد بيدي و هو يگول بعد تالي مد ايدة على إيدي
و كضها قوي خلاها على متونة
36
تقربت اكثر لان ادية ما تلوح كل هاي المسافة و أمرغلة متونة
سحبت ايدي على كيف و گمت لفراشي يبو فحطني أنا طلعت
حيلي مال ثلاث معاجن عجين و هو يگول اقوى
16
فزيت على صوته العصر يخابر و يضحك يمكن بالسنة حسنة الواحد
يعاينة يضحك گام يبدل و أنا متمددة
علي : هاي شنو اظافيرج انتِ ظهري كله يحرگني
عالية : ما عندي أظافر أنا عن بس ذني
دار وجهة و رفع التيشيرت صدك ظهرة بي خراميش
68
عالية : مادري أنا چا ما منتبهة
راد يطلع و دار وجهة علية
علي : محتاجين شي أجيبلكم وياي
اشرت على روحي
- أنــا
63
علي : اي أنتِ تردين شي
هزيت راسي بـ لا و گلبي يدگ سريع خليت ايدي عليه
حقك حبيبي حقك صارلك شگد فاقد هاي الچلمات
81
مرت دقايق وأنا على فراشي أندفر باب الغرفة و طبت رحمة تدور بالچرباية اخذت محفظته من جوه راسة و نزلت گلت شلي غرض
بيها بالليل ما أجة على العشاء اجة بوكت متأخر بيدة علاگة
خلاها على الميز بدل و طلع منها باكيت جگاير و عافها
الصبح من راح باقية على حطتها عاينتها حلوايات و شرابت
جا ليش بالليل ما گال تعاي اكلي
37
سديتها و ضميتها بالكنتور الظهر وره الهوسة من طبيت للغرفة هو موجود راح يسبح و أنا توني سابحة دشداشتي ما نشفتها تنگط ماي ما أكدر اشرنها بالغرفة صعدت فوگ للسطح و نزلت امشط شعري
نزل يتغدى و أنا مثل كل يوم ما أنزل لحد ما يخلصون أساعد آريج
2
عمتي ملتهية تخابر بتها رؤى لان من جابت لسه ما راحتلها
ما تحجي وياهم و جدة ما تخلي رؤى تطلع إلا يخلص الأربعين
و عمتي منهارة تغلط عليهم و تحجي على زِناد حتى بهاي لازم
تجيبة بالطاري
21
خالد : يمة شنو زِناد خال ولد عَم بنية و انتِ شعندج وي بيت عمي فاخر و جدة ما ترحين لبتج
ام سلام : ولك ذولة العَزو ورود و ملچوها لابن فتنة
بعنادنة و كربسوا براس اخوك ذيج الناهبة
و تريدني اروحلهم أمداني اي والله
25
خالد : شلهم غرض بسالفة عالية هو علي ابنج يريدها
و بعدين ورود أنا من شوكت گايل أريدها ، ما أريدنها
كلشي قسمة و نصيب بعد عليمن هذا الحقد مو خبلتونا
85
ام سلام : انتَ هم كبرت و كمت توگف بوجه امك علمود زِناد
و رهينة شنو الزين المسوينة الكم
خالد : ليش چـا هذا البيت الكاعدين بي لو ما جدة و زِناد
نگدر نكملة هاي ولدج كلها منو مشغلها غير زناد
مو راح يعين علي و سلام هذن كلهن ولا وحدة زينة
24
ام سلام : انتو تشتغلون بتعبكم هو ما متفضل عليكم
خالد : يالله خل يطردنا وين نولي ولدج ثمانية يمة يشتغلون
و حتى محمد هو الحاير بي
ام سلام : و حسن ياهو السجنة يمة وليدي عمرة ١٨
سنة ششاف من حياتة راح يخلصها سجن
98
خالد : طبة مررررررض ابنج مضحك شوفي منو ضحك
عليه و قشمرره خل يأكلها
ام سلام : ولك تتشمت بأخوك انتَ مو تربيتي انتَ رباة زِناد
30
سلام : يا طلابة زناااااد الما تخلص
ام سلام: هلا يمة أجة أبني العووود ولكم اريد واحد يشفي الگلب بيكم مَـاكو
24
سلام : بالله يمة و اليرحم والديج سدي الموضوع و عوفي زِناد على جهة لا تجيبن طاريّة
رحمة : و هي امي شگالت أكلتوها حاصل فاصل
چـا طبعاً تضوج منه هي اصلاً الشيخة لابوي بس هو مچلب بيها وين صايرة ابن الأخو شيخ و العمام لا
100
سلام : لچ مو أجي ادوس راسج انتِ شلج غرض بهاي السوالف هاااا
عاينت من باب المطبخ و هي تصيح لامها اجة خالد جرها من أذانها
خالد : هالايام كلش صايرة عندج طفرة وعلي لسانج اگصة إذا تفكين حلگج
29
كامت تبجي و امها جرتها منهم راحت لابوها تركض تبجي للغرفة
و تعيط تگله خالد جر اذاني قوي و نزلوا اسلام و علي من فوگ يركضون على عياطها طبت امها تسكت بيها و دگول لابوها هي صلفة
25
عمي عمار يموت عليها من شافها تبچي گام يريد يكتل خالد
سلام واگف حاجوز و أسلام ضربها راشدي
اسلام : لج منين جايبته صوت العايقات هذا
103
النوم عمي عاف خالد و ركض لأسلام مرتة واگفة و جهاله و عمي يريد يضربة علي ما خلاه و عمي راح للغرفة جر العگال يريد يكتلهم كلهم
و هم كلهم متحلفين لـرحمة .. أنفتح باب المطبخ و طبت جدة رهينة
شكد ما هي قاسية مرات بالحچي بس احس براحة من اشوفنها
54
رهينة : ولكم أصواتكم واصلة لرأس الديرة
شمالكم من عمت عيونكم كون
اجيت لزمت ايدها شبگتني دموعي وحدها گامت تجري طبت للهول
و هُم كلهم يضحكون گعدوا يمها حتى الچانوا فوگ نزلوا يركضون
من يسلمون عليها يبوسون ايدها و عمتي تنجلط
23
رهينة : والله أجيت إعلمود عالية آحفادي يومية أشوفنهم
و ابني و مرتة إذا أجوني لو ما أجوني هم و ذاك المشور
بعكازتها اشرت على شحاطتها
134
جبت الها مي دارت وجهة عليهم تسألهم شكو ليش چنتوا تصيحون
سلام : هاي رحمة ينراد الها تربية من جديد انا أعلمج
إذا ما خليتچ خرسة أنا كلشي ما أفتهم
عمار : عوف أختك هاي انتَ الجبير ما. اريد أتجاوز عليك
20
رهينة : شبيها غير أفهم ولكم تضمون عليه
خالد : لا جدة ما نضم صايرة دوم اي سالفة نحچيها تنبص
روحها بسوالف مال كبار
- چا گطعوها تگطع
عمي ما يكدر يحجي يخاف من جدة و جدة تشمر بسامير
لعمتي تخليها مجلوطة
77
صاحتني جدة كعدت يمها قربت راسها تشاورني
رهينة : شلونة وياج علاوي
- زين
حجيتها و أنا منتظرتهم يصعدون حتى أنفرد بيها
20
بقيت كاعدة يمها و هُم يسولفون لحد ما بدوا يصعدون واحد واحد
بس علي كل شوية الگا صافن عليه و من اعاينله يرفع حواجبة ليفوگ
و يفرك گصتة ، من عاينتلة صعد لزمت ايدها
عالية : جدة شلونهم امي و شريك
رهينة : بخير امس چانو يمنة
20
عالية : جدة اخذيني الهم والله روحي مفرفحة على أمي
بس اشوفنها و أشمها و أرد وياج
رهينة : صعدي شوفي رجلج يقبل إذا قبل أخذج
17
مو كلمات سمعتهن حسيت باب سجن و انفتح عليه صعدت الدرج اركض لازمة المحجر بأيد وحدة و شايلة طرف ثوبي طبيت للغرفة
الهث من الركض رفع عينة باوعلي و رجع يباوع بالتليفون كعدت بطرف الچرباية چان ماد رجلة و منتچي
عالية : علي
48
سد التليفون و گعد عدل أشرلي بعينه ، أحجي
عالية : جدة تگول شوفي علي إذا يقبل اخذج تشوفين
امج و تسلمين عليها و أردج ما نتأخر دوم
علي : ماكو روحـة و يالله قفلي الباب و نامي
73
لزمت أيدة و عيوني مدمعة مسحتهن
عالية : بداعت امك
علي : شريك بالبيت و گتلج ماكو روحة كافي مَلحَة
34
گمت من يمة و روحي فايـرة
عالية : بس حرام عليك والله أنا ما ردت منك شي
علي : لااااااااا تلحين
فزيت من صوته طلعت من الغرفة امسح بدموعي مهضومة بقيت واگفة يم الدرج انفخ بوجهي حتى تروح الهضمة كعدت يم جدة عرفتني من
وجهي ما سألتني شگال
12
رهينة : گوم جدة ، وصلني خويلد اريد أنامن
طلعت بالكراج و أنا لازمتها مدت ايدها لجيبها اطتني فلوس
عالية : جدة من يجيكم حاچي خل يقنع
20
رهينة : أنا أخلي زِناد يرزلة ، انتِ لا تضوجي علاوي يحبج چثير هاي سوالفة كلها تمثيل حتى تتأدبين و انا ادري بيج تأدبتي
47
مسحت دموعي و الشهگة خانتني
عالية : جدة دوم يسمعوني حچي ياكل بروحي آكل
عمتي يومية تخليني اعجن و اخبر للبيت كله مال الغدة و العشة وحدي حتى محد تساعدني و علي ايدة و الضرب
جثير يضربني جسمي نياشين منه
55
رهينة : شبيدي عليج يجدة چـا رادوا يذبحوج، انتِ غلطتي و هذا عقاب يتوبچ من الغلط و بعد جم سنة تصير عدج جهال و تصيرين ام فلان و كلشي ينسي و يصير سوالف
دام رجلج وياج
23
بستها و هي راحت و أنا طبيت ما تدرين يجدة رجلي يريد يعرس
و أنا ما اريد جهال أجيبهم للدنيا و اظلمهم وياي و تضل عمتي تصيح الهم أولاد الناهبة خليني هيج لما اموت
26
طبيت للغرفة فلوس جدة خليتهن جوه راسي و نمت العبرة خانگتني و احاول اسد النفس حتى ما يطلع صوت شهگتي نمت و فزيت على إيد تلعب بشعري أنا ظافرتة بس أحسة محلول لان ايدة تمشي عليه من البداية للنهاية و ريحة الجگاير تارسة الغرفة
125
بقيت خايفة و مغمضة عيوني ما بينت أنا گاعدة لحد ما تحَمحم
و مد ايدة يظفر شعري غمضت عيوني قوي و جسمي كَزبر
بدل و طلع گمت بسرعة للمرايا أعاين ظفيرتة تضحك الشعر مسوي نصين و لاف وحدة على الثانية اشم ريحة شعري كله جگايرة
63
لگيت مرت سلام مبدلة تريد تروح للسوگ انطيتها فلوس جدة و وصيتها
على غراض تجيبلي وياها من أجت جايبتلي حتى غراض من عدها فوگ الردتهن حطيتهن جوة الچرباية لان صار هذا المكان كنتوري
67
أجة هو للعشة و نزلوا يتعشون أنا ادري آريج هسة تدزلي لفة
من صعد علي للغرفة مديت فراشي افرشة و اجت الوطنية شغلت الصوبة كل شموعها اول ماطب صار صياح جوه بصوت عالي طلع وعاف الباب مفتوح صوت خالد يصيح و يغلط يوميته كلها مبيوگة
ام سلام : اليوم انتَ امس هادي هم ماخوذة يوميته كلها
ادري شنو أول تالي من شوكت أحنه فلوسنا تنباگ
شو چنايني ينسن ذهبهن بالحمام محد يجيسة
108
فزيت من صار گبالي و هو ينفت أنا جنت واگفة بالباب اسمعلهم
گعد على الچرباية و ساند أديه على رجليه و يستغفر
كل شوية يشمر حسرة شكبرها أنا گعدت على فراشي ساعة
أعاينلة و ساعة أدير وجهي ما حِچة و لا كلمة
لبس قمصلته و طلع
14
نمت و ما دريت بي لحد ثاني يوم الصبح فركت عيوني
و هو واگف يمشط فتح محفظته و خله فلوس على الميز
علي : هاي إذا أحتاجيتي شي
عالية : بس أنا ما أريد
- أخذيهن و سكتي
42
بقيت متعجبة هاي اول مرة يسويها شلتها ضميتها بس من نزلت أعجن
كلها نظراتهة غريبة مدري شلونها و عمتي خازرتني و كل دقيقة تدعي
على البايگ يوميات ولدها
ام سلام : ان شاء الله مرض وسل بيد كلمن يمد ايدة على فلوسهم ويلاد يطلعون بعز هذا البرد و تنباگ فلوسهم ليش
86
و أنا أخبز أنقهرت يعني شقصدها قابل أنا أبوگ فلوسهم شنو ما رايدة روحي أطب لغرفتهم و أنا شنو عايزة حتى أبوگ والله لو أشوف فلوسهم متلتلة ما يرف گلبي عليهن و اليوم من يجي علي أكلة أنا جدة امس انطتني فلوس و اشتريت بيهن غراض قبل لا أمة تحشي ويگوم يشك
لان حتى أنا گمت اشك بروحي من وره نظراتهم
20
و أنا أرش عطر طب نزع قمصلته علگها
علي : جيبلي هدوم أنا بالحمام تيشرتي الاخضر
فتحت الكنتور طلعتلة هدوم بس التيشيرت ما لگيته صعدت فوگ للسطح
جبته رحمة تغسل هدومهم كلها حتى علي يومية و هُم ينطوها مصرف كل جمعة لان طول الوكت يصخرون بيها
26
دكيت الباب فتحة مديت ايدي أنطي الهدوم
علي : طبي علگيهن
109
احس روحي ردت اطيح بـ باب الحمام هذا مو صاحي أكيد بقيت واگفة أتنفس سريع و امسح بوجهي من الخجل عمي ما اريد أفوت
ردت أكلة ما أكدر بس من عاينت رحمة مرت فتحت الباب و طبيت مغمضة عيوني ايدي ترجف و أنا أعلگهن كل شوية يردن يطيحن
بساع فتحت الباب و طلعت امسح وجهي بأثنين ادية كلها بخار من
حرارة المي
64
بدل و نزل للغدة و أنا فتحت العلاگة مال غراضي آمس ما شفتهن عدل و گلت حتى من يطب يسألني منين أكلة جدة انطتني دشداشة و قراصات مال شعر و شال و تراچي و گلادة و مرطب مال وجه
و هي جايبتلي كحلة و حمرة و شيرة ضميتها جوة الهدوم شگد فشلة لا يشوفها
47
فرحانة بالقراصات اكثر شي جنت دوم اخلي أمي تجيبلي و اجمعهن عندي بخانتي يم اهلي جنطة شكبرها بس قراصات جديدات
هم صار صياح جوه گلت يا ربي دخيلك فتحت العلاگة اريد الم بالغراض إنفتح الباب و طب علي و قُفلة يباوعلي و هو خازرني عيونة
حُمر و شكلة يخوفني من يصير هيج
24
اعاين لأيدي كامت ترجف و أنا ألم بالغراض
و هو يتقدم علية بس أنا ما ادري شماله بلعت ريگي و أبتسمت بوجهة
عالية : ما گتلك ، آمس جدة
علي : عاااااااالية
479
اتمنى أردلك بس صعب
منتهية اكيد السلعة اذا رجعت على الباعوها
و البوگة زحمة من الاهل
محتار تبقة بفشلتك لو تلزم الباگوها ؟
....
124
" جُمارة "
52
جانوا مطمئنين لان يعرفون ما عندي هيج سوالف و ولا مرة طلعت من البيت بدون علمهم عبرت كل البيوت و صار بيت جدة ما يبين من أدير
وجهي هدومي كلها منگعة حتى الحجاب اريد سيارة توگفلي ماكو
البرد كتلني أتعجبت بروحي هاي اول مرة ما اخاف
36
مر رجال من يمي مخلي كارتون على راسة يباوعلي بأستغراب
درت وجهي اباوع ماكو آحد اجتي سيارة قريبة عليه ما رفعت راسي
خاف يطلع واحد منهم اسمع صوت الجامة ينزل و السيارة وگفت
رفعت راسي من شفتة ولاء ردت اركض
41
بس هو كلش سريع يركض منين ما اروح يجيني كمت افتر داير مداير السيارة حتى أتعبة لان بس اركض عدل يلزمني تالي اني تعبت و هو لا
لزمني و إلا شوية يضربني راشدي و اني أبجي
85
بعدني ما جارة نفس رفعت راسي اشوف سيارة زِناد وكفت گبال سيارة
ولاء يباوعلي مصدوم و أني قبل دقايق أكول ما اخاف و هسة ما ادري الرجيف البية من البرد لو من الخوف
زِناد : هاي وين لگيتها هاي ، وين چنتي ولج
ولاء : لگيتها بنص المطر تمشي وحدها و بالشافعات يالله لزمتها والله لو ما انتَ بعيني جان فلشت وجهها
15
حجه و شمرني على زِناد لزمني من ايدي بعدة مصدوم شمرني بالسيارة و طبگ الباب و بقى يحجي وي ولاء شوية و صعد
ما حِچة شي وياي بس يستغفر و يضرب الستيرن شوية و نزل من السيارة و رجع صعد رفعت راسي و اني اشوف السيارة صارت بنص الگراج مال بيته
35
فتحت باب السيارة بسرعة و هو واگف يسد باب الشارع
الدنيا تزززخ مطر مد ايدة للمفاتيح لعندة و فتح باب الهول
و هو لازمني من ايدي قوي شمرني بالهول و يباوع مصدوم
للهول الطبلة بالنص بيها گلاصات و بطلين طوال كل واحد لون
زِناد : نعلعلة والديكم ، نعلعلة والديكم
207
النوب صار كبريت بالزايد و ينفت دگ مدري عليمن من الصبح وصياحة واصل لسابع جار اني كعدت على القنفة اباوعلهن
و نگعت حتى التخم بهدومي
9
زِناد: لككك نايم مووووو اليوم جايك اليووووووم أذبحك اليوم أنا أعلمك و علي إلا أجزنكم ... متدري مو طبعاً العرگ واصل لرأسك هسة أنا جايكم جايكم
65
رجعت اباوع للبطالة يعني هذّني عرگ
عاف كلشي النوب تذكرني اجة عليه بكل همة عاض اصبعة السبابة
لم الدشداشة من جهة الصدر و يحجي وياي و يهز بية
زناد : النوووووووب تشررردين جُمارة
جُمارة : اريد امي كتلك أخذني أخذني
65
زِناد : يعني ما أخذج تشردين لج لو ما شايفج ولاء
ما جان طبگت عليج سيارة و تصخم راسي و راس
الخلفوووووني
جُمارة : عوووفني بحالي معليك بية
36
نطقتهن و اني عيني بنص عينة و هو ينفت و أعصابة كلها واضحة صرخت و وگعت على القنفة من الراشدي الأجاني منه بقيت لازمة
خدي بصدمة أكثر من ما متوجعة هو باوع لايدة وضغط عليها قوي
و دار وجهة يستغفر
371
هاي اول مرة بحياتة يضربني لزمت خدي و گمت أبجي بصوت عالي
شال البطالة و شمرهن بالزبالة و هو كل لحظة يباوعلي و يمسح وجهة
گام يلوب و مايريد يگلي إسكتي
زِناد : هاي قليلة والله أعلگج بالبنكة و أخليج من تشوفين خيالي تخافين أنا صوچي اطيتچ مجال
110
جُمارة : معليك يالله وديني لامي يالله
اجه علية و رافع اصبعة السبابة على حلگة
- اشششش صوتچ ما اريد اسمعة اششششش
غطيت وجهي و گمت ابجي بصوت عالي مثل طفلة مأخذين منها ربعها
153
گام يمشي و يغلط و يتحلفلي گامت بطني توجعني و اني توني متريگة
و ابجي تقيأت بنص الهول مالته و دموعي تجري ركضت للمغسلة
و بقيت لازمتها حتى حيل اغسل وجهي ما عندي
و هدومي لازگة بية وشعور يخرع اجه يباوعلي و تليفونة أحترگ
من كد الاتصال
11
مد ايدة للبوري يغسل وجهي و اني أكح مختنگة
جاوب جدة و هو واگف يمي اسمعها تگلة دخيلك يجدة مريضة
لا تضربها هي مسودنة ترى مو صاحية كاللها اي و سده
أخذني للسيارة صعدني و من طلعنه و هو يسوق يخابر
زِناد : شونج ام حيدر بلا آمر عليج بساع ترحين للبيت عفته مفتوح نظفي كله و هاي الگلاصات على الطبلة كلها ذبيها
اول ما تخلصين خابريني ادزلج علي
36
جدة رجعت تدك عليه طببني للبيت لگيتها واگفتلي بالكراج تلوب تلگتني
رهينة : يمة جدة خو ما سويتلها شي
جُمارة : ضربني جدة ضربني
زِناد : و راسچ اكسره والله إذا أنعادت بعد
83
طبيت للغرفة اركض بس ورود كاعدة اجتي تشوفني شبية
لزمت دشداشتي انصدمت بساع طلعتلي من الحرارة وحدة و بدلتلي
ورود : ولج وين جنتي ليش هيج منگعة
جُمارة : ردت اروح لامي و لزموني
لطمت على وجها
- صخام الوجه ولج
24
طبت جدة للغرفة و اني كاعدة على الچرباية ابچي
رهينة : شسوالج
جُمارة : ضربني راشدي جدة
- بس راشدي حرامات ما فصخچ ولج ام العرامة النوب تردين تشردين وعلي يذبحج خليها ببالج
93
درت وجهي عنها و اني أبجي و ورود تسكت بيها غطيت راسي
و أتلمس الضربة مالته كعدت الظهر جسمي كله يون و جدة فوگ راسي هي و ورود
رهينة : جيبلها لفة تاكلها حتى تبلع دوة داوية نار
3
كعدت اباوعلهن اجتي ورود تركض بيدها لفة درت وجهي عنها
رهينة : آكلي لا و حگ الله أصيحلة گاعد بالهول خل ياخذج هناك يأدبج و يطيبج و يردچ
مديت ايدي اخذت اللفة منها اكلت لگمتين و انطتني دوه و رجعت
تمددت آون من الوجع بلاعيمي و جسمي و راسي
كلهن يوجعني
34
دموعي تچويني كل ما تنزل جدة جابت صوبتها و گعدت يمي بالغرفة النوب أحفادها گاموا ياهو اليريدها يجي للغرفة و يكعد يمها
يسولفون و يسألوها عليه خاف گاعدة تگللهم لا مريضة نايمة واني عرفت أسرارهم كلها
165
كل شوية هي تجي يمي تگعدني و تخلي شيف مال فاكهة بحلگي
البطة وفية فوگاي تگمز حتى ما طلعت هواي من الغرفة
طب آمجد عرفته من صوته گعد يم جدة جان يمها هادي ابن عمي
عمار و گاله گوم اريد احجي وي جدة
33
رهينة : آمجد امشي عليك موسى الكاظم چفيني شرك و شر طلايبك زِناد ما يريدك ويا گلبة ملچوم منك چثير
آمجد : و أنا شني منتظر منه يشغلني گتلج گليلة اريد محل
من المحلات و إذا يريد ايجار هم ادفعلة
26
رهينة : گتلة والله يگول كلها ناس فقرة مأجرة يمي صار سنين و بيناتهم عشرة عمر شلون اطلعهم من المحلات
آمجد : يعني الغررررربة احسن مني جدة شني
32
- اوكف تعال أكلك شتفتح انتَ شتعرف يا صنعة مو چنت عند اخوك معزز و مكرم و الخير كله بيدك تالي تبوگة و تطلعة كسر ليش چـا هذا زين اخيك
14
امجد : جدة زِناد يكرهني شايف روحة دوم
زِناد : لا والله انتَ تكرهة لان ربتك عجيبة على الحقد المفروض آخيك من يعلى انتَ تعلى ويا لان انتو واحد مو حاط خشمك بكلشي يسوي و تريد تصير مثلة و عمار يريد يصير مثلة
إذا كلها صارت قادة چـا يا جندي يحارب
47
امجد : لان الشيخة مو اله لازم ياخذها عمي عمار
رهينة : يمههههههه ولك گبالي وتگول الشيخة مو اله چـا المن انعل ابوك لابو حتى عمار ترحولة فدوة ولكم هيج
راعبكم و خاصيكم تردون كلكم الشيخة منه
77
امجد : جدة ترى أنا ويا نفس العمر و بعدين هو لو ما فضة ابوي ما يفضلة عليه أنا جنت الكل بالكل
رهينة : لا ابوك چان يمشي بسحر امك و التحشي مالتها
بس همزين صحى على زمانة بالفترة الاخيرة
و انطة الشيخة لراعيها
64
آمجد : جدة شمالج انا رايدج عون تنگلبين فرعون
رهينة : أنا عصى موسى بعين كل واحد ما يريد الخير لحفيدي افتهمت يو لا مو جايني تحجي عليه و تريد اكلك عفية لا اطيح حظك
39
آمجد : طبعا انتِ ما يفيد وياج الحجي
رهينة : گوم اطلع برة لك كوم يالله
كام يصيح و أنفتح الباب صوت زِناد يسلم على جدة و امجد راح
11
زِناد : شبي هذا النذل
رهينة : مابي يجدة اخيك خطية ماعندة مصرف
مرتة تريد منه و هو هم يريد و انتَ ما ترضى تردة
30
زِناد : طبه مررررض يريد يرجع يرجع عامل ما يوگف على الوكالة لو يموت و مال أنطي محل گطنة و يشيلها من أذانة
مرتة يصرف على مرتة هذا العار فلوسة مخلصها على الشرب همزين فضة تجيني تاخذلها فلوس هدم ما يشتري لمرتة
42
رهينة : عوفة عوفة خيولي يالله لا تضوج الله يكون بعون مرته عليه شحاملة من دگ و ضرب منه
زِناد : والله أظفرها يسوه راسة و راس امه
25
رهينة : عمار شمالة شو اجاني هادي يكول ابوي يريد يفتح النه محل ، محليش هو لو ما ولدة منو شايل بيتهم
زِناد : عوفي هذا ابنج دمة ينگز
9
رهينة : لا تگدر خلگك خليهم يولون مثل كل مرة يهوبزون
و يردون لمچانهم
زِناد : شلون صارت بالله
42
رهينة : داوية نار يجدة ليش تطگها اول تالي تطگها
مو تدري بيها مريضة و تريد امها و خالتها حگها
زِناد : كسر بـ ايدي
312
رهينة : لا يمة اسم الله الرحمن عليك بعدوينك ان شاء الله
زِناد : جدة أنا طلعت ادري بيها زعلت گلت يمكن صعدت يم ورود اروح اكمل شغل و ارد اخذها لامها تالي الگاها بذاك المطر الثوب راسگ ع الجسم الله وكيلج الما يشتري يتفرج
لازمها ولاء يالله لو شايفها واحد عرف شيگول عليها
51
رهينة : غلطت غلطت يجدة جاهل تكبر و تتعلم
زِناد : جاهلتيش جدة دكتورة هاي يعني باجر حياة الوادم برگبتها هم نگللهم جاهل جاهل غلطت النوب أعيط بيها
تحط عينها بعيني هيج عرامة أنا ما شايف
74
رهينة : چا بعد بت تغريد شخليت و شعفت
زِناد : لا أذيتها گامت تبچي هيج مردت گلبي مَرد النوب
زوعت خفت عليها ، مادري شلون تخلص وياها
94
رهينة : چا يجدة من راشدي وهيج صار بيها هاي إذا تأخذها خليها بجام خانة بس تباوع عليها
زِناد : ههههههه جدة دخلي أكضها
375
قبل لا يطلع اجة رفع الغطى عن وجهي مسح عييني وأنا درت
وجهي على الحايط
زِناد : إذا بقت هيج خابريني الصبح اجي أخذها للطبيب
20
ثاني يوم شوية احس بروحي احسن گمت طلعت للهول
عمي هاشم يطلع و اثنين من ولد عمي عمار يطلعون بغراض شراع
و ورود تباوع بحسرة بس تخاف لان عدنان كاعد بالهول
و اللبنانية و اگفة مخوصرة لرقية
2
و غسان يقلد على سرى يم باب المطبخ بس تخاف من عدنان
و ابوها اثنينهم موجودين اخذو غراض شراع بسيارة حمل و اول ماطلعت السيارة طبت سيارة ثانية بيها الغرفة و كاموا يصعدون
بيها طبت زِناد صوته بالساحة و شيوخ طبت ورا يعتون بي وهو ما ينعت
14
زِناد : وحگ ابن البدوية ارمي لا يعتب حوشي
الشيوخ البقية يضحكون و يگلوله سهلها انتَ ابو گلب الچبير
و هو مدري ليش قافل حتى اهل سيارة الحمل واگفين يباوعون
ما يردون تفوتهم لقطة
50
- كول يا الله و امشي ويانة عمي مسويلك غده احنه جوعانين وين نروح إذا ما تصالحتوه
زِناد : فوتوا للمضيف كل الهلا أنا أضيفكم بس هذا البشر
لا تجيبون اسمة گبالي
33
- دمشي بروح أميمتك أمشي
زِناد : و أنا حالف و روح امي ما يمر لساني على لسانة
- هاي رابع مرة نجيك و تفشلنا و زحمة على شواربنه
اشرلهم بأيدة ما أكدر طلعوه زعلانين و هو طب للمضيف
22
حتى ما تغدة خله و راح بساع جدة خابرت ولاء گاللها يمنة
العصر سوت النه حياة كيكة و ورود چـاي جاي ناكل و طب واحد من ولد عمي عمار الصغار ، فاضل
فاضل : جدة ابوي و آمجد آجرو معمل الماي و جابوا بي طحين كبال
معمل زِناد و راح تصير بالتفگ
38
رهينة : عمار و آمجد يردون يكتلون ابني يردووون
راحوا عمامي البقية و جدة كاعدة تلوب و تعض بأديها
ام عدنان : ذولة والله شر هسة مو معمل صيته تارس الدنيا و كلنا جاي ناكل من خيرة و الولد كلها تشتغل بي ليش يكسرونة بهاي سوالفهم
13
رهينة : يمة يردون يحرگون آفاد حفيدي يمة
عساكم بنار جهنم ان شاء الله والله إلا اخلي يديحكم
21
من سمعت زِناد صاعد ضغطة و عمي عمار يريد ولدة كلهم ويا
جدة تخربطت علينة و صعد سكرها نيمناها بالغرفة و هي بس
تلوج بأسم زِناد وحيد زِناد غريب بينهم ذولة ذيابة
25
لحد ما أجاها هوَ يبين ما بي شي و ولاء و شريك ويا
جدة كامت تبوس بي و تبجي تسمح بوجهة
- شلون صرت راسك يوجعك مو
زِناد : لا جدة والله ما بية شي صدگ تحجين يمج أنا
2
لثاني يوم تعاركوا زِناد و آمجد و جدة هم وكعت و أخذوها للمستشفى
يومين يالله طلعت ، العالم كلها كامت تجينا ما نلحگ خلينا جدة بالهول و جاراتها و امهات أصدقاء زِناد كلها أجت حتى فتنة أجت وحدها شافتها و راحت و الدنيا أنگلبت بالبيت من گد العالم
23
أنا واگفة يمها انطيها دواها على الموعد و طَبت وحدة مثل هيئة جدة بس جدة احلى منها المحابس الذهب تارسات أديها طببها زِناد و هو يضحك
هي هم تمشي على العكازة كعدت على التخم و جدة صافنة عليها
- ها يرهينة مو گتلـچ حب زِناد تاليته يكتلچ
118
رهينة : رَبيعة هذا وصلة من آفادي
ربيعة : صيري زينة لا أخذة منج ترى
كعدت عدل جدة و ربيعة نزلت كعدت يمها بالگاع
و تشابگن وحدة تبوس بالثانية
276
كلهن اجن كعدن يمها و أحتارن شيقدمن الها و هي تسألهن وحدة
وحدة على أحوالهن دارت وجهة عليه اني كاعدة يم جدة على القنفة
1
ربيعة : هاي وريثتچ يـ رهينة
رهينة : وريثتي و حبيبة چبيري
446
باوعت لجدة بعصبية و أباوعلهن عيونهن تنگط شر
شوية و طَب شريك الگاع ما سايعته من الفرحة سلم و باس جدة
و طلع الضحكة مرسومة على وجهة رحت للمطبخ أحط لجدة
الفوار بكلاص المي طَب ينگع بطرف دشداشتة و يفركها
4
باوعتلة و درت وجهي اخوط بالگلاص فزيت على آثر چف ايدة المبلل على خدي مسحة درت وجهي عليه بعصبية
زِناد : ليش خدج احمر
جُمارة : يعني شنو حسبالك حاطة حمرة ترى بكيفي
و لا تنسى السويته بية ترى اني ما ناسية
53
زِناد : باچر أخذچ لامج وضلي يمها ترى انتِ على بالي
بس شفتي الظروف شلون عكست
جُمارة : باچر كلام زلم ؟
زِناد : لا يا أدبسز
136
ربيعة راحت و أنطتني بيدي فلوس ضليت اباوع لجدة ليش على كلشي ينطون فلوس لحد ما راحت هي و آحفادها طب زِناد
جُمارة : جدة شنو ليش تنطيني فلوس استحي منها
رهينة : هاي لان تدري بيج تعودين لزناد أنطتج
زِناد : يعني من گد المعزة تطيچ هدية
39
جُمارة : بس هي اول مرة تشوفني
رهينة : اي تحبچ على حب زِناد
عضيتلها شفتي وأجيت أكومها
جُمارة : شجاج جدة شو شلتي حتى الستر كمتي كل شوية شامرة حچاية تخليني صافنة كدام العالم
36
ثاني يوم بقيت انتظرة محظرة هدومي بس ما كلت لجدة ادري بيها تنقهر لحد ما أجة و صدك ضاجت ما حچت وياي
حتى من طلعت أخذني بس احس بتأنيب الضمير
وگف السيارة گبال بيته گال نزلي
جُمارة : انزل ؟ مو لامي تأخذني
- اي بس أنتظريني بالهول أبدل دشداشتي
41
نزلت ويا وهو صعد يباوع للطبلة هم عليها بطل غمض عيونة بنفاذ صبر
هم رجع يخابر و يسب و يغلط سدة و شمر الجهاز
جُمارة : هذا منو ؟
بقى ساكت ما جاوبني راح غسل وجهة و باوعلي
زِناد : صحباني يجون لهنا ما أخليهم يرحون فندق
بس هذا يشرب راح يمووته الشرب و ما يهدة
65
جُمارة : شعليك بي ؟
زِناد : صاحبي تعرفين شنو يعني صاحبي أنا ويا من الطفولة سوة شلون اخلي يدمر روحة و يجر البقية ويا
38
- خطية
- أمة الساقطة تمعشگت على كبر و أخذت أبن حماها
خلته يهج من الديرة كلها حقة يشرب چا شلون ينسى إذا ما يشرب
127
جُمارة : هو الشرب يخلي الواحد ينسى ؟
ما جاوبني صعد فوگ يستغفر و يطبگ بالبيبان قوي تقربت للطبلة
أكثر و عيني على الدرج فتحت القَبق كفختني الريحة تخرع
مديت ايدي على البطل شلته و اني سادة خشمي
257
فزيت من صاح بعصبية و يباوعلي بصدمة
- جمااااااارة
طاح من ايدي بس ما انكسر اتبدة على الزولية و الطبلة
9.6K
حَطتك يمي كُفر
مصلاية و انتَ شُرب
هندس گضينه العُمر
ما شفنه يمك ضوه بس خوف منك شفت
مثل الافلام الرعب
61
- رُسل فهد 🤎
111
