رواية مقبرة الاحياء الفصل الثالث والعشرين 23 بقلم سارة جعفر
مقبرة الأحياء. 23
الكاتبة ساره جعفر
بين الفقرات عشقي 
.
.6
مو گتلك تبين حوبة المظلوم، ويفتر الزمن ميضل على حاله..
20
"المُـهيب"..
29
أشتعلت سيارة ماهر والنار تلهب بي من كل صوب، صوت صريخه اليقشعر الأبدان وشلون جاي يتعذب جوه النار، نظرة التجبر والطغاة والشماته اللي بعينه تبدلت لـ نظرة خوف وذعر لأن يعرف بروحه ظالم واليوم راح يواجه ربه بس مو
مظلوم راح يواجه ربه ظالم..
48
سفطت هواي سيارات يردون يساعدونه بينما أنه وحُرّ واگفين على صفحه متكترين، ما گدرو يساعدونه الناس لأن النار قويه محد يگدر يتقرب الها أشتعلت كل السياره وماكو
فايده لأن بلشت تذوب لحم جسمه لحد ما وصلت للعظم وصار فحم..
53
التفتت على حُرّ الگعد بالگاع وظهره على سيارته صافن على ماهر، تقربت گعدت بصفه من شفته شلون منهار ربتت على چتفه أهون عليه
-
شوف شلون گدامك ماهر أنتهى الچان يتقاوه عليك!
18
التفت عليَّ بنظرة برود وبصوت متروس يأس گال
-شنهي الفايده؟ سنين عمري الراحن هدر وظلم راح يرجعلي بموته؟ لو أمي الكتلوها راح تردلي؟ لو أخواتي وعائلتي
التطشرو كلهم وأنتهت حياتهم راح يرجعولي ونرجع لحياتنا؟
50
باوعتله بحيره وعجز شنو أردله، لأن صدگ حچيه موت ماهر ما راح يعوض شي من حياته جريت حسره وبصعوبه طلعن
الكلمات مني
-صلي على محمد يخوي لا تيأس أكيد مضموملك عوض چبير يتعوض بي گلبك..
24
جر حسره مخنوگ يباوع على سيارة ماهر وماهر الصاير فحم
-موته لا يقدم ولا يآخر، أنه متت مية مره بالدقيقه بكل لحظه تمر وهوَّ مستقوي عليَّ، بكل دقيقه تمر وهوَّ يجيب طاري عايلتي أنه من سنين طويله أنتهيت..
18
بلعت ريگ مستصعب كلامه عزيز حُرّ عليَّ وما يهون أشوفه هيچ ميت من حزنه، وذاكرتي رجعت لقبل سنين من چنه أنه
وياه بالسجن رغم كلشي صار وياه وسنين عمره الجاي تنهدر وتروح گدام عينه والتعذيب الينزل ويصعد عليه وحياته المره ضل شاب طيب وحباب!!
چنت أتعجب شلون متحمل كل هذا بحياته وبعده طيب وحالته طبيعيه، بس چان يضغط على روحه ويكتم كلشي علمود عائلته چانت فرحته الوحيده والمصبرته "المهم عايلتي بخير وما لايحهم شي"..
15
چانت الجمله هاي تصفني، سنين هوَّ متحمل بس علمود يطلع لعائلته حُرّ وحيد أهله وعنده عائله چبيره برگبته بس بيوم من الأيام نگلب كلشي بحياته بجية ماهر لحُرّ وبأيده صور!
63
من ماهر شوف هاي الصور لـ حُرّ متشمت والأبتسامه شاگه حلگه عيونه يتشمتن قبل لسانه بَـ حُرّ، وحچه كلام مو حلو ما چنت أدري شنو بيهن الصور بس أول ما شوفهن لـ حُرّ طاح من طوله بنص السجن!!
113
ذبينا عليه ماي هزيناه حاچيناه كل ظنا حُرّ وگع مغمى عليه بس غلطانين حُرّ بي شي أكبر..
5
سوينا ضجه داخل القاعه علمود يجون الحراس، بيهم زينين وبيهم شينين أكو حارس چبير بالعمر كلش زينه أخذو حُرّ للمستشفى وضل بالي يمه لأن يوم يجر يوم وهوَّ ماكو أختفى كل ظني جاي يچذبون ما ماخذينه للمستشفى لو ماخذينه
أنفرادي لو كاتلينه
وكل ما أسأل الزلمه الچبير نفس الجواب
-بعده بالمستشفى..
وره مده رجعو حُرّ للسجن، بس ما رجع النا حُرّ القديم طلع وبعد ما رجع طببو غير واحد بداله طب وحش مو إنسان
عبالك صبغو گلبه للون الاسود صار حقود وماله خلگ يتعارك ويَـ الهوى الهاب صار جلمود وتغير لدرجه مخيفه..
8
مو تدري بالينكسر يتصنع القوى
وتدري المشاعر طفت واليستفز الگلب شغلات مو حلوه
تغيرت حيل وبعد ما عندي شي يسوى..
24
يحسب للوقت لحظه لحظه علمود طلعته من السجن، وهل مره سببه مختلف يريد يكتل "صالح، ماهر" يقسم ويتحلف يمثل بيهم ويكتلهم بس للأسف الجبناء ما أدري وين نهزمو
وطول طلعته من السجن حُرّ يدور عليهم واليوم مات گدامه ماهر موته شنيعه وهاي البدايه لـ عقابه.
بس يا ترى حُرّ شراح يسوي بَـ صالح لو لگاه؟
46
-وردة: متمدده على فراشي مغمضه عيوني وغارگه بنوم عميق فزيت على أصوات بصفي، هذا الصوت أعرفه صوت
حُرّ الغرفه ظلمه وأنه وكلارة بفراشاتنا نايمين وفجر وحُرّ گاعدين على جهه يسولفون بهدوء..
3
ما گمت لأن جاي يسولفون ومندمجين بالكلام، وبنفس الوكت
حُرّ عباله أنه وكلارة نايمين صحيح كلارة نايمه بس أنه فزيت لأن نومي خفيف مغمضه عيوني وما گدرت أرجع أنام ضليت أسمع لسوالفهم لأن جاي يسولفون بشي شدني..
حُرّ يحچي بصوت ما يتفسر من الحزن، صوت متروس كسره وقهر أول مره أشوف صوته هيچ يرجف وضعيف وبالگوه تطلع الحچايه من حلگه واضح مختنگ وحزين
-شفته گدامي فجر گدام عيني أحترگ!!
6
ما أسمع صوتها تسولف ملتزمه الهدوء
بس صوت شهگاتها التطلع من نص گلبها وهوَّ كمل كلامه
-بطريق حدودي، وشارع عام، والسيارات كلها ما وگفت اله أنه
وگفت وكل ظني واحد جاي تحترگ سيارته بي وأساعده شوفي رب العالمين أشگد عادل صارت موته گدام عيني بس من شفته ماهر وگفت أباوعله شلون يحترگ گدام عيني هوَّ وسيارته وعظمه ولحمه غده فحم..
7
هِيَّ تبچي بالزايد من يسولف حُرّ ظلمه وما منتبهين الي متمدده بآخر الغرفه فتحت عيوني أباوعلهم حُرّ منطيني ظهره مسح دموعها من عيونها
-عزيزه عد ربچ أنتِ خذه حگچ بالدنيا گبل الآخره.
35
جر حسره طويله وهوَّ يمسح بدموعها
-چان يصرخ خايف يصرخ بصوت عالي من النار جاي تاكل بي شفت شلون تاكل بي شويه شويه لحد ما أنتهى ومات چا
شنهي راح يصير حاله من يصير بنار جهنم خاف هنا خلص عذابه وراحت أذيته هناك عذاب دايم..
8
كمل كلامه يحچي بحسره وقهر
-كل هاي النار الوجت بي وأشتعلت، ما توصل ربع النار الـ بگلبي..
10
صوتها منتهي من البواچي وصاير مبحوح بتعب نطقت
-گايمه أصلي.
3
هز راسه مدنگ وگاعد على صفحه توضت ورجعت للغرفه لبست شالها وصلت ركعتين گعدت على السجاده ورفعت
أيديها للدعاء بصوت عالي گالت بكلمات كزبرت جلدي
-يارب الظلمني اليوم ضيفك، أخذ حگي منه..
46
يلعيشتني بظرف ما مش بشر عاشه
أ
م وضناها ولد و وحيد عدها وترف تگعد تشوفه الصبح
مكتول بفراشه..
كزبر جلدي ودمعت عيوني عليها، هناك راح يتعذب للأبد ما عرفت منو هوَّ بس حسب شوغتها وقهرها أعتقدت واحد من الأعتدو عليها سجدت ودموعها تگطر على سجادتها ضمت
سجادتها وحُرّ يدخن جگاره وره جگاره بسرعه تخلص لأن يدخنها بقهر وحرگة گلب..
فجر باوعت لـ حُرّ وبهدوء نطقت وداخلها براكين
-رب العالمين ياخذ الحگ لو بعد سنين طويله، شوف أشگد طغه وأشگد عبث وخرب ودمر حياة بشر بس بلأخير هوَّ عبد
ضعيف رب العالمين موته أبشع موته..
3
مسح وجهه وبعدها الخنگه تارسه گلبه
-چان ممرود گلبي، ليش مات گبل لا أعذبه أنه گبل لا آخليه يتمنى الموت ألف مره بالدقيقه لو تدري أشگد دورت عليه
وعلى صالح فص ملح وذاب ماهر أبن القندره ماكو مختفي ولو تدري شچنت ضامله من ضمه..
4
فجر: غلطان حُرّ، هاي عدالة رب العالمين آخذه علمود أنتَ ما ترجع للسجن وعلمود هوَّ ياخذ حگنا.
حُرّ: أنه هم گلت أكيد رب العالمين ضامله عذاب أكثر من
الأريد أسويه أنه، آخر لحظاته بالدنيا وهوَّ هسه بلش عذابه هيچ صار بي چا هناك بجهنم شراح يتعذب ما يروح شي يم ربچ حگچ وسنين عمرچ وسنين عمري ما راحن هدر يوميه هوَّ ينام على المخده ويدري ظالمچ وظالمني ومرتاح تخيلي حجم العذاب الراح يتعذبه!
5
رفع أيده يأشر ويتحلف وبصوت متروس حقد نطق
-بس شوفي شراح أسوي بَـ صالح، وستر زينب ليلي ما نايمه ولا مرتاح بيوم من الأيام حياتي كلها عذاب من وكت لسجن
لحد هسه متاني أكضهم واحد خذاه رب العالمين، واحد ضل بهاي الدنيا ولو يطب لسابع گاع ويشرد لآخر الدنيا أكضه.
ولو أدري راح أنحكم أعدام لو مؤبد، لو يگطعوني وصل ما
أعوفه أنه أنتصاري بهاي الدنيا من أكض صالح وأخذ حگچ وحگ أمي أنه حتى حگي يولي ١٥ سنه يولن جوه رجليلچن أنه أريد أخذ حگچ وحگ أمي من صالح وبيناتنا الأيام وتشوفي شنهي راح أسوي..
5
ضلت صافنه عليه وعيونها متروسه دموع وبنفس الوكت فخر شلون يريد يفني عمره بس علمود حگها حلو شعور يكون عند الإنسان سند، مسح دموعها وباسها براسها
-تضلي دوم مرفوعة مقام وعالي شآنچ.
13
سكتت مدنگه وأنه غمضت عيوني
لأن التفت على جهتنا أنه وكلارة وبأسلوب واضح يريد يضحكها
-من باچر تردي تطلعي، خطيه هذني يهال ضايعات خلافچ
چنهن جراوه..
33
أنه جروه!! الله كتبها عليك يا حُرّ يگول عليَّ جروه أنه وردة المعدله ينگال عليَّ جروه وسفه والله أحاول أسكت صوت عقلي لأن جاي يتضارب ويَـ صوتهم وكلشي ما أسمع بس ضليت أغلي باچر اله ما أحچي وياه ضليت مغمضه وأتسنط
الهم
9
فجر: شني قصدگ أنه چلبه؟
12
حُرّ: هههههههه لا حشاچ، بس يكسرن الخاطر ما يعرفن يتصرفن أنتِ چبيرتهن لازم تردي توگفي على حيلچ.
3
فجر: أن شاء الله..
1
سكت شويه وما أدري ليش أحس يباوع عليَّ
دگ گلبي بخوف بس أبد ما بينت أنه گاعده وسمعت فجر تگله
-رگبتك نكسرت تباوع على غزالتك..
32
أسمع ضحكته وخطواته تقترب عليَّ، دنگ باسني براسي وطلع من الغرفه وأنه ضليت محتاره هسه أتعارك وياه لأن گال عليَّ جروه لو أسامحه لأن باسني براسي؟؟
15
خطيه يله راح أسامحه مبين يريد يضحك فجر ويغير من نفسيتها..
24
-كلارة: أباوع على وردة الحاطه أيدها على خدها صافنه وسارحه
-ها وردة شمالچ؟
2
رفعت راسها الي بحيره
-نحچي ويَـ فجر؟
تنهدت بقهر وبدون شغف رديت
-بشنو؟
نسولف وياها هواي ونحاول نطلعها من حزنها هِيَّ لا تطلع من غرفتها وما ترضى تحچي ويَـ واحد، نحاچيها علمود ترجع مثل قبل توگف على حيلها عسا ولعل كلامنا يفيدها ويحسن من حالتها!
+
هزيت راسي مبتسمه وعندي آمل
-بلكي مو والله گلبي جاي يتگطع على حالتها..
أتفقنا نروح نسولف وياها، وصدگ رحنا للغرفه وكالعاده نفس حالتها المتدهوره وصحتها اللي بالنازل وجاي تصير أسوء
ونفسيتها المتدمره گعدنا مقابيلها، وردة كضت چف أيدها تسولف وياها
-شوكت تردين فجر القديمه؟ حيل طاگ گلبي عليچ صحيح أحنى بنفس البيت ويوميه أشوفچ بس مو مثل گبل چنت
أصبح وأمسي بوجهچ البشوش بروحچ النشيطه شتاقيت حتى من تكتلينا أنه وكلارة إذا سوينا غلط وتعاقبينا ونضحك لأن ندري تردين مصلحتنا!
2
فجر دمعن عيونها وضلت ساكته
محترگ گلبها و وردة كملت وچن تحچي الـ بگلبي
-شتاگينا لأبسط تفاصيل حياتنا وياچ، أنه صحيح الله ما
رزقني بعائله زينه بس أنتِ وكلارة وحُرّ صرتو عائلتي يمكن راح تستغربين بس أنه أعتبرچ أمي حنينه عليَّ وگلبچ يشبه حنية الأمهات..
4
ما گدرت تضم مشاعرها بعد فجر وبقت تبچي تباوع عليها مكسور گلبها ضليت أبچي وياها لأن دمعتها مو هينه عليه أحسها تگطع گلبي وردة كملت خانگتها الغصه
-راح يجي الدوام، ومتعوده عليچ بكلشي يخص مدرستي
حتى أنتِ حببتيني بالدرسه أرجعي نفس گبل أحنى حياتنا كلها توگف ويَـ حياتچ.
4
تمسح بدموع فجر وتسولف وياها
جرت حسره طويله ورفعت عيونها للسگف بتعب گالت
-حچاياتچ ملح وتصبينا على جرحي..
حضنت وردة وحضنتني وراها، تسولف ويانا بتعب وقهر صدگ أحسها أمي ما فد يوم حسيت بعازة الأهل وأنه وياها بست چف أيدها البين أيدي
-شتردين أنه أسوي وأنتِ ضلي مرتاحه أهم شي تردين مثل گبل
+
سكتت تمسح بدموعها وتباوعلنا فرحانه بأهتمامنا وكلامنا الها، ردت أخفف من الحزن الموجود وأغير مودهن طگيت چتف وردة
-خلي وردة ترگصلچ وعلي تطير الضوجه فد عليها رگص يا
بويه..
12
فجر: يا يا فلك فلكچن وين تعرفن ترگصن؟
3
كلارة: منين أعرف أنه مگروده چني غساله عطلانه وردة الفلك عليها رگص چنها رگاصه..
12
وردة: نچبيييي
1
فجر: منين تعرفين ترگصين أدب سز!
وردة: من زمان أعرف، ودوم نرگص أنه وكلارة
1
فجر: يمممه الأستهتاااار يممه
وردة: خل أرگصلچ أطيرلچ الضوجه من عرجها!
9
ضحكت فجر مصدومه بشخصية وردة الصلفه بس متأكده وردة بأي طريقه تريد توخر ضوجتها كضيت أيديها وصحت بحماس
-أييي عليچ الله گومي أرگصي، فجر من تشوفين رگصها تنصدمين..
3
ضحكت فجر صافنه علينا گمت قفلت باب الغرفه خاف يطب واحد طلعت حزام الرگص مالت وردة من خانتها لگيته بصف شماغات حُرّ لونه اسود وليراته ذهبيه بكل حماس وشديته
على خصرها وهِيَّ تضحك فتحت شعرها لأن چانت مسويته گصيبه وفجر أيدها على خدها تباوعلنا
5
طلعت أغاني بتلفون فجر الجابه الها حُرّ، وجريت دفتر وردة هِيَّ ترگص وأنه أشلع أوراق دفاترها وأكيت عليها عود هذني فلوس وماخذه دور الزلمه فد نوب وفجر مصدومه برگص وردة وشلون محترفه بالرگص وهم مصدومه بشخصياتنا
ضحكت بدهشه وأنه رحت جريت وحده من شماغات حُرّ العد ورده ولفيتها على وجهي عود زلمه وأكيت عليها..
22
فجر ماتت من الضحك على سوالفنا
-دهر دهرچن ولچن ولا چنت أظنچن هيچ صلفات!!
1
دزيت بوسه بالهوى لوردة والتفتت على فجر
-تخبل يابه تخبل
3
ضحكت تمسح بدموعها من الضحك أول مره نشوفها هيچ تضحك متونسه ويانا ومندمجه، حيل فرحنا وأدري وردة تستحي بس لخاطر فجر من شافتها فرحانه طارت من الفرح
التفتت عليَّ فجر طگتني على أيدي
-حرّ يجيب بالدفاتر وأنتِ تكيتين بيهن كون يشوفچ هيچ تشگگينهن يطيح حظچ.
-دخلي يطير غير عنده مره تخبل..
8
ضحكت وردة حتى أنه مصدومه بيها منين متعلمه الرگص الحلو، تعرف تهز رگبه وتعرف تهز شعر وتعرف تهز أچتاف كلهن تعرفلهن ورگصها حيل حلو وأنه متحمسه ساعه أكيت عليها بأوراق دفترها الجديد وساعه أصوفرلها لو أطگ أصبح وأتغزل وفجر تضحك على خبالاتنا ومصدومه برگص وردة..
1
خلصت الأغنيه وعفنا الرگص
گعدت وردة بالگاع تهفي على وجهه وأنه فحطانه
-رايحه أجيب ماي بسرعه متت من العطش، فحطنا من الرگص بس من أجي هم نرجع نرگص.
1
التفتت عليَّ وردة وگامت وياي بعدها لابسه الحزام
-ديله راح أضل أتانيچ يم الباب لمن تجين.
-مو تقفلينه
5
-لا أضل وراه خاف يجي واحد بسرعه تعاي
-أي بيتنا كلهم منطمرين أجيب ماي بسرعه وأجي..
عفتهن يسولفن ويضحكن سوى وفعلاً تغيرت نفسية فجر شويه تونست ويانا هم ضغطت على روحها ترجع مثل گبل وهم صدگ ضحكت من گلبها وحيل فرحنا رحت للثلاجه طلعت دولكة ماي وبعدني على الدرج وشهگت بخنسه من شفت حُرّ يدگ باب غرفتنا!
6
لابس دشداشه سوده وشماغ لافه على راسه ومشلح اسود بي مسدس مبين هسه راد للبيت، متت من الخوف وهوَّ أول ما دگ الباب نفتح، لأن وردة واگفه كل ظنها أنه لأن گلتلها بسرعه أجي صار وجها بوجه حُرّ، جمدت بمكاني وهِيَّ أول ما لمحت حُرّ طبگت الباب بوجهه..
12
نزلت ورحت للمطبخ خاف يشوفني وتطيح الرزاله براسي من دخل لغرفته رحت دگيت الباب جاوبتني فجر
-ياهو؟
-أنه صخيييمه كلاررة أفتحي الباب يا وردة الحماره
8
فتحته تخزر بيَّ ولابسه شالها ونازعه الحزام أول ما طبيت وجها أصفر أخذت الدولكه تشرب ماي فحطانه يمكن من المستحى وفجر تضحك
-عادي چا وإذا مو حرام
-والله أستحيت..
التفتت عليها أضحك متشمته
-هسه يگول عندي مره لو رگاصه؟
أجت عليَّ كفختني وشبعتني كتل
فجر: أيام وليالي من العذاب، بس متعوده أوگف على حيلي وآبين للناس كلشي ما بيه رجعت على حيلي هاي المره لخاطر البنات التغورگ عيونهن كل ما صدن عليَّ ولخاطر حُرّ اللي ما عايزه هم وأجي أچملها عليه أنه..
+
ما حچينا بس بچينا وبقت بس ترجف ادينا
وما نسينا بس تجاهلنا ومشينا..
16
واگفه بالممر المتعوده أگعد بي لأن محد يجي لهنا وأنتبهت لـ جسام واگف بالحوش يدخن والدنيا ليل صافن وسارح باله مهموم، أبتسمت ورف گلبي من شفته ما حلى بعيني زلمه غيره
8
وجهه متعوب وجوه عيونه لون اسود، ضعفان وعيونه طافي بيهن الفرح متروسات هم وحزن والجگاير ما تطيح من أيده، چان يسأل عليَّ ويدزلي كلام بأيد البنات بس أنه چنت ما الي خلگ الدنيا كلها وآخر چم يوم گطع التواصل وياي كلش وصرت ما أسمع أخباره!
1
يتردد حيل يجيني للغرفه أو يسولف وياي حتى لو يشوفني وگطع تواصله وياي علمود ما تجيني حچايه أو تصيرلي مشكله من وراه رغم أدري بي متعذب ومتأذي على الجاي يصيرلي..
تقربت عليه مبتسمه وصلت لمكانه وضيگت عيوني هيچ تعبان بغيابي بحيث متمرض وضعفان أكثر مني
-جسام.
أنتبه لوجودي فز گلبه وأبتسملي بفرح
-هلا فجر..
5
وگفت بصفه الدنيا ليل وماكو واحد هنا، تعمدت أحچي وياه لأن هوَّ يخاف ويتردد يحچي وياي يخاف يطلعون سمعه مو حلوه عليَّ
-شلونك؟
جر حسره طويله وضل ساكت ركزت عيني عليه وگلت
-تعبان هواي!
-فراگچ تعبني..
5
سكتت مقهوره لأن جسام ما عنده غيري
ودائمًا يسولفلي أنه كل أهله وحياته، بلعت ريگ أحچي بتوتر
-رجعت على حيلي.
أبتسم أبتسامه واضحه على وجهه المتعوب وبنبره متروسه فرح وحنيه
-أي هاي الأخبار الحلوه..
مبتسم فرحان وأحس عيونه متروسات سعاده تبدل ذاك الحزن الچبير الطاغي على عيونه لـ نظرة فرح وسعاده، فرحت أشگد وجودي بحياته يسوي فرق ومهم مو بشر عادي أنه عنده.
1
أستحيت من ركز بيَّ كلش ونطقت بتوتر
-متغيره أنه..
-صايره چنچ العافيه.
3
رفعت عيني اله مستغربه صاير جريئ بالكلام
-شمالك؟
-گلبي طاگ عليچ ما تشوفيني متغير..
-شعجب بعد ما سألتني على البيه؟
-أخاف عليچ النوب تردين لنفس ذاك التعب من أذكرچ.
عندك الأهم تعرف لو عافيتي؟
-عافيتچ عندي تسوى الدنيا شتحچين أنتِ!
1
-فتره وعدت وأن شاء الله ما ترجع..
-أهم شي راحتچ وعافيتچ وياريت أبعد عنچ الأذيه
-ياما وياما بعدتها أنتِ مفضل عليَّ هواي
-وسفه والله لو أفضل عليچ واجبي هذا سمرتي.
6
سكتت مشتعل وجهي نار مستحيه من الحچايه أحبها من لسانه شلون يحچيها بصوت عاشگ، باوعتله بدون تعابير بس بداخلي فرحانه عدلت شالي
-أنه راح أروح محتاج شي؟
-سلامتچ عيوني.
3
عفته وطبيت لجوه مقهوره، لو ما صالح والسواه بيَّ چا هسه أنه وجسام متزوجين وعايشين حياتنا وحتى يمكن عدنا أطفال وحياتي مستقره ومرتاحه لأن أدري جسام الأختيار المناسب والصحيح الي ومستحيل أتندم عليه بس صالح الله لا يوفقه خرب عليَّ كلشي..
2
گعدنا أنه و وردة نسولف سوى لأن مختنگه وهِيَّ تسمع الي
-هواي مقهوره لأن طول عمري أنه أحبه من فتحت عيني عليه، چان حرّ بالسجن وموصي علينا جسام صارلنا سند وزلمه رغم حياته المتعبه.
التفتت عليَّ مقهوره
-سولفلتي كلارة تگول هوَّ سندچن تحبه مثل حُرّ
-محد وگفلنا غيره حرّ حطنا أمانه عنده وهوَّ ما يوم خذله ضل محافظ على أمانة حرّ لحد ما رجع..
-زين هوَّ صدگ الحچو عليه لو مجرد إشاعات
-بخصوص أهله؟
-أي، أتذكر حتى من چنت ببيت رياض مرة رياض تعيره وتگله مسوي روحك شريف وتگله مستشرف وكلنا نعرفك ويعيرونه بماضي أمه!
-صحيح وردة، من چان صغير أمه نهبت ويَـ صاحبها چانت مصاحبه على گاطع ونهبت وياه وظل هوَّ متحمل هاي السمعه وتركب العار براسه وكل اليتعارك وياه يعيره بأمه الناهبه ويحچي عليه وبرجولته لأن هيچ أمه الخسيسين يرحوله فدوه..
أشگد خطيه صعبه والسالفه تهضم!
-ما تشوفين شخصيته شلونها، كله بسبب الصار وياه أقرب واحد أبوه اللازم يصير سند يعيره كل ما حچه حرف لهذا السبب جسام صار عصبي ودوم محترگ دمه..
+
-سبحان الله ثنينكم متعوبين وتلوگون واحد دوه للثاني.
-صعبه وردة أتمنى اليوم گبل باچر أتزوجه بس صعبه..
1
-ليش صعبه؟
-كرهت الزواج وكرهت الدنيا كلها
-حاولي لا تيأسين تموتين روحچ قابل!
-مستحيل حتى النقاش بهذا الموضوع عقيم، ما أتزوج وأن شاء الله بس أشوف وكت مناسب أحچيله لا يتآمل بيَّ لأن أنه من سابع المستحيلات أتزوج..
2
-وردة: حُرّ بعد الصار ويَـ ماهر تغير حيل، نفتحت دفاتر قديمه ومؤلمه من حياته سبب دماره ودمار عائلته ماهر الشافه گدام عينه بعد سنين طويله، يوم يجر يوم حُرّ ما يطلع من غرفته ولا المحه كل ظني بره البيت نصدمت من عرفت بي نايم..
1
وبنفس الوكت أستغربت، يوم وره يوم يوم يجر يوم حُرّ ينام أربعه وعشرين ساعه ما عده يوميه تگعده فجر يروح يغسل وياكل شويه ويرجع ينام، حتى من ياكل عينه بأكله وما يحچي ويَـ واحد أبد ولا حتى ينطق حرف ومن يروح يغسل بين الصاحي والنايم يرجع يغط بنوم عميق وياكل وجبه وحده باليوم وأكل قليل!!
9
غلست على الموضوع بس طول الوكت أنه أراقبه لأن الموضوع غريب، حرف ما ينطق طول هاي الأيام ياكل وجبه وحده باليوم بين ما يغسل وياكل ويرجع هم ينام ما يكلف من يومه غير تقريبًا ربع ساعه نص ساعه گاعد ومن يحط راسه على المخده ويغمض عيونه بسرعه ينام؟؟
الخلاني بحيره وأستغراب چبير، حُرّ يصارع يله تغفى عينه مرات يضل أكثر من تلث أيام بدون نوم ما تغفى عينه لحظه وحده بس هسه أختلفت حالته، حتى البنات ما مستغربات كلش لو خايفات ما متأثرات بالموضوع وطبيعي عدهن!
وردة: عود ليش ما مستغربات حالة حُرّ!
فجر: لأن طبيعيه.
وردة: طبيعيه؟
فجر: لحالته
وردة: ما فهمت؟
فجر: حُرّ نفسيته ما مستقره وتعبانه، مشاعره مضطربه ودائمًا عنده حالات أنهيار وحالات شبه فقدان وحالات تعب والى آخرى، لأن نفسيته متدمره ومنتهيه وما عنده أستقرار ما تشوفينه يوميه شكل..
3
لميت سجادتي وطلعت من الغرفه بخنسه ومو صعب عليَّ وصلت لغرفته لأن قريبه من غرفتنا فتحت الباب وطبيت لغرفته ظلمه وبارده جريت حسره ساكته وصافنه مقهوره عليه أحس بي متأذي!
2
تقربت عليه أمسح على وجهه وأحط أصبعي گدام خشمه أشوفه يتنفس لو لا، صرت أخاف عليه يموت أسم الله كررت هاي العاده دائمًا أشوف تنفسه لأن حالته أشبه بالموت أحس بس النفس يفرقه عن الموته..
3
صرت أشتاقله هواي حتى من يشوفني بوكت اللي يتغده لو يروح يغسل ما يحاچيني هوَّ صحيح ما يحچي ويَـ الكل بس هسه حتى وياي لحد ما عبر فوگ الأسبوع وبالي دوم وياه طگت روحي وبزعت وبنفس الوكت حيل نقهرت عليه
گعدت بصف فجر وبتردد نطقت
-زين فجر هوَّ حيل صعب ينام، كل چم يوم يله تغفى عينه شلون هسه ينام بأستمرار!
فجر: گتلچ گبل نفسيته ما مستقره، ورجعت عليه هاي الحاله أو تراكم الضغط عليه من شاف ماهر وأتذكر الصار بي والصار بيَّ من وره ذاك اللي الله لا يرحمه، تعب حيل وهسه تلگي راح يموت من القهر تأزمت نفسيته بسبب أستذكاره للصار وياي..
2
ضجت حيل وضليت أدعي يرجع زين مثل قبل
ومرت الأيام وبيوم من الأيام لگيته گاعد وكل ظني نفس كل مره هسه يروح للغرفه علمود ينام بس تقرب عليَّ وهوَّ يگول
-غزالة.
-راح ترجع تنام بعد لو لاله؟
-هههههههه لاله.
5
-والله خرعتني كل ظني راح تموت!
-عار ما أموت أنه.
-والله خرعتني كل ظني راح تموت!
-عار ما أموت أنه.
4
STORY CONTINUES BELOW
-أسم الله عليك، شجاك دخلت غيبوبه!
-ما أدري والله..
-ما فهمت شلون ما تدري أكو واحد ما يدري بروحه؟
-شايفه من تنامي وتگعدي يوميه؟
-أي
-أنه هيچ نمت الأحد گعدت الأحد الوراه..
2
-نمت نومة أهل الكهف
-ههههههههه مشتاگلچ والله
سكتت مدنگه صدگ ضجت عليه ونقهرت
مسحت وجهي وهوَّ گاعد بصفي يدخن
-اليوم گعدت بنشاط من الفجر.
رفعت راسي اله مبتسمه
-ليش؟
-حلمت بيچ
-أمممم ولهذا السبب گعدت نشيط
-أي صار بيَّ حيل.
2
رفعت حواجبي مبتسمه تحمحمت وضيگت عيوني مباشرةً من فكرت
-أگلك
-گولي كبد
-شتحلم بيَّ أنتَ؟
-ليش مضيگه عيونچ!
-أنه وردة المعدله خاف تحلم بيَّ أتزعطط لو شخصيه مو شخصيتي!
3
ضحك ضحكه عاليه بعد ما گلت وردة المعدله وهز راسه
-لا لا أبد مو هيچ
-چا شني سولفلي؟
-شي بعيد كلش
3
-أمممم ما ترضى تسولفهن شأفتهم منك، سوالف مو زينه؟
-لا غزالة وداعتچ وأنتِ العزيزه.
1
-چا شني؟
أبتسم سارح باله وبلش يسولفلي بهدوء
-أحلم بيچ أحلام حلوه كلش، بس أغلبيتهن نفس الشي كل مره تجين بحلمي من أنه بعز تعبي ونفسيتي الصعبه تجين چن دوه لعلتي، چن ضوه لظلمتي..
12
تلمع عيوني سارحه أباوع عليه شلون يوصفني وشلون يحچي من كل گلبه فرحان والفرحه مبينه بصوته وعيونه وحتى أبتسامته التارسه وجهه
-مره من المرات بالسجن حلمت بيچ حلم، چن جايتني للسجن وچان الحلم بوكت حيل صعب عليَّ أجيتي وأسمعچ تگولي أنه جايه على حرّ..
أول ما گعدت من الحلم مستغرب، ليش جايه عليَّ، ومنيه هاي البنيه، وكل مره حلم ثاني يختلف عن الگبله بس كل مره حلو مره تمسحي على وجهي وتواسيني بحچي حلو ومره تلعبي بشعري، مره تباوعي عليَّ من بعيد ومقهوره على تعبي أنه من أنام بصعوبه كلش وتعب فـ تجيني على هذا تعبي وبكل مره جيتچ حنينه وشخصيتچ وياي ماكو بمحنتها.
6
أبتسمت وحسيت روحي طايره من الفرح لأن حتى بالحلم ما خاربه صورتي بعينه، وأهم شي ما يتحلم بيَّ حلم مو حلو أو مو زين ويكون سطحي وسخيف بالعكس حسيته فرحان لأن حنينه عليه وحيل فرحت هوَّ ما عنده نوايه وصخه وياي بالعكس نيته سليمه ومتروسه حب وحنيه..
-الحمدلله طمنتني
-أنتِ دوم مرفوعة مقام ما تتلوثي لا تخافي.
1
أبتسمت فرحانه وأنتبهت لإيناس طبت للهول صفنت عليَّ من شافتني گاعده يم حُرّ وأسولف وياه أحتقن وجها وبينت الضوجه بملامحها تحمحمت متقربه عليه
-شلونك حرّ شلون صرت؟
3
حچه وياها من طرف خشمه بالگوه
-الحمدلله.
-أرجع على حيلك شتاقينالك البيت فاهي بدونك..
8
ما رد الها راح للمطبخ يغسل وأنه حتى ما باوعت بخلقتها صعدت للغرفه ساكته، الأكرها بإيناس تعامل حُرّ كأنما شخص قريب منها كلش وما تخجل منه وهذا الشي حيل مضايقني وأحس قاهرني..
1
دائمًا تسولف بي گدام الوادم، كل ما صار شي وتگعد تمدح بَـ حُرّ هوَّ يسويه لأن يفتهم، وماخذه ميانه وياه ويَـ البنات وما تسولف بي بگد أخوانها وأبوها وأنه ما أحب هيچ أكره المره التسولف بزلمه غير زلمة حياتها أنه چنت أسولف بي وهسه أسولف بي وأزامط لأن هوَّ المسؤول عني ولأن هوَّ زوجي!
3
من نزلت حُرّ طلب مني أسويله چاي رحت للمطبخ غسلت القوري رغم بي چاي بس أحميه بس هوَّ ما يحب الچاي اليتحمى أكثر من مره وسويت الچاي مثل ما يحب هوَّ خليته على النار وگفت أباوع من باب المطبخ
1
حُرّ سافط سيارته بالحوش بالفياي، لأن حوشنا كلش چبير يدخلها للحوش ولأن صارله أيام ما طالع بيها صاير عليها تراب، هوَّ واگف وبأيده الجگاره يدخن وسارح باله مضيگ عيونه ويسوي هاي الحركه من يفكر، ما منتبه لوجودي تقرب على جام السياره وكتب بأصبعه على التراب
"وردة الغزالة".
لاحت أبتسامة فرح على ملامحي شويه ومسحه بأيده خاف واحد يشوفه، طبيت للمطبخ خفت الچاي يحترگ صبيته اله بگلاص ورحت لغرفته من شفته طب الها وقدمتله الگلاص بأبتسامه أخذه مني وأنتبهت لـ أصبعه الأبهام بين الأظفر واللحم طابه خشبه بلعت ريگ وهوَّ أخذ الچاي ما منتبه الي
1
بسرعه گعدت گدامه وجريت أيده
-أصبعك!
عگد حاجبه بأستغراب
-شبي؟
باوع وياي شافني وين صافنه، لازمه چف أيده بين چفوف أيديَّ ومركزه على أصبعه الأبهام داخل بين الأظفر واللحم خشبه ومحاوطها زراگ يكزبر الجلد منظر أصبعه دمعن عيوني
-ليش هيچ هامل روحك!
4
صدگ منظر أصبعه يقهر
وبنفس الوكت نمردت روحي عليه بأيده الثانيه يشرب الچاي وبهدوء رد
-عادي مو شي چبير.
3
رفعت عيني لعينه خازرته وأريد أحچي عليه لأن هامل صحته بس فهمت من خلال كلامه واللي أصلاً توضحلي هذا لا شيء من التعذبه بالسجن صارله ١٥ سنه وكله تعذيب وأذيه وتعب خشبه صغيره بين الأظفر تأثر بي؟
1
نقهرت بالزايد وأنمردت روحي
توجع فكرة أنسان متعود على الوجع جريت حسره
-زين ليش ساكت عنها على الأقل طلعها علمود ترتاح ليش هيچ تسبب لروحك أذيه!
حط گلاص الچاي بالگاع
-ما مسبب والله بس چنت أشتغل والتهيت عنها بعد نسيتها هسه أنتِ ذكرتيني بيها..
ضليت كاضه أيده
وأمسح على أصبعه مكزبر جلدي رفعت راسي وبتردد نطقت
-طلع الخشبه من أظفرك لخاطري.
-تدللي.
-صدگ لو ماخذني على گد عقلي؟
-لا والله تدللي أشلعلچ الأظفر كله.
1
-حُرّ جاي أحچي صدگ!
-أي والله عاصيه جوه ما تطلع الا أقلع الأظفر.
2
-يبوووو والله صعبه
-لا غزالة أن شاء الله كلشي سهل..
-روح للصيدليه لو للمستشفى حتى لو يحطولك تخدير ويقلعون الأظفر ويضمدونه وبسرعه بسرعه تطيب أن شاء الله.
هاي سوالف مدللين، أقلعه من عرجه ببلايس وأنعل أبوه يرجع يطول مثل الچلب.
10
-ترى أظفرك مو عدوك!
-چا نمونه؟
1
-لا تعبني حُرّ شمالك ترى وجعها يضل يسعر بگلبك!
-خل يولي هوَّ وگلبي..
2
سكتت أباوعله ضايجه من حچيه وتصرفاته، لأن صدگ نقهرت ما أحب شلون هامل روحه ومهتم بينا وحتى البنات ملاحظات هذا الشي يعني والله أنه لو أظفري طويل وينطخ بشي وينكسر تشوغ روحي مو خشبه وصاير أصبعه أزرگ من وراها!
من شافني ضجت گرص خدي مبتسم
-لا تخافي يرجع نفس گبل هسه شويه وأگوم أقلعه
-زين على الأقل لفه بشاش علمود ما يلتهب
-تدللي.
گمت من يمه وطلعت من الغرفه خايفه، أحس مقهوره وصارت عندي رهبه چا شلون چانو يعذبونه هناك وصار عنده الآلم شعور طبيعي حاله حال أي شعور عادي!!
مشيت للمطبخ أغسل مواعين، شويه وطب هوَّ بأيده گلاص الچاي
-ها كبد بعدچ هنا؟
-أي أغسل مواعين رايد شي؟
-عاشت أيدچ الچاي يخبل أطيب چاي شربته بحياتي.
3
-بالعافيه
-ما تصبيلي بعد واحد؟
أبتسمت وهزيت راسي متحمسه أخذت منه الگلاص صبيتله جديد وقدمته اله أبتسم وأخذه من أيدي شربه يمي على السريع وطلع مر الوكت وبالليل من صادفته لاف أصبعه بشاش..
1
بس أنتبهت من هوَّ گاعد بالهول وره العشه حاله حالهم جون أبن فقار بأيده ألعاب ومن ضمنهن كلبچات على شكل لعبه يباوع لـ حُرّ ويضحك وكل شويه يحطها گدام عين حُرّ بس ما منتبه فـ جون قدمله الكلبچات
1
حُرّ صفن على الكلبچات ونتر بعصبيه
-يا أبن القندره
3
ضحك جون وحُرّ كضاه من أذنه ضايج
-أدب سزز العب وياك؟
1
ضحك صمد يباوعلهم ويشرب چاي
-چا مچذب، حتى الفروخ يعرفون ماضيك..
5
حُرّ هد آذن جون ضايج وأحسه صدگ الموضوع حز بخاطره، فقار جر جون لحضنه حاول يلطف الجو
-يتشاقه وياك لأن يحبك..
باوع لأبنه خازره وأشرله على حُرّ
-گوم بوسك عمك وگله أشاقه وياك.
+
ضحك جون وگام خايف راح على حُرّ باسه بخده
-أچاقه وياك عمو.
1
أبتسمله حُرّ وضل ساكت
جون أغلبية الأحرف يحولهن لـ حرف چ، ضحك ضيغم
-الفروخ حرف الـ "چ" ما تلفظه اله جون بكل حچايه يحطه.
رحت للحديقه گعدت
وحُرّ اليوم ما طلع من البيت طبت زهراء وجون لازم أيدها
-ما تخلين جون يمچ، شلع گلبي ما يرضى اله يجيچ..
2
هزيت راسي وهوَّ أجه يمي
گعدنا أنه وياه نسولف وأمسح على شعره وهوَّ كله يصيح لأمه
-چهوره
1
ضحكت من كل گلبي
-ليش تسميها چهوره؟
-غير هِيَّ أسمها چهراء..
2
ضحكت وهوَّ تلفت يأشر على الحوش
-گبل چويه چفت أبو شوارب هناك
2
أبتسمت من سمعته يگول "أبو شوارب" مثلي
-ليش أنتَ تخاف منه؟
-أي أخاف..
-ليش؟
-عيونه يخوفن هيچ يخچرن
-يخزرك؟
-لا يباوع هيچ..
نفتح الباب وطب حُرّ رفع حاجبه من شاف جون
-شتسوي هنا؟
-يم وردة
تقرب علينا وجون گاعد بصفي، أنه وياه أصدقاء رغم هوَّ
حيل صغيرون بس لأن أنه زينه وياه صار يحبني كلش ووعدني يتزوجني..
10
حُرّ أحسه يريد يضوج جون من شافه گاعد يمي
-روح لأهلك يله
-أريد أضل يم وردة
-لا ما تضل يمها ما أرضى روح لأهلك
5
جريت أيده من جون أضحك
-عوفه شمالك
-ضليت أكرهه..
1
-هههههه يتشاقه وياك
-ليش هوَّ دوم لازگ بيچ؟
-يحبني وودعني يتزوجني
2
أحچي وياه رافعه حاجبي وأضحك
التفتنا ثنينا على جون وحُرّ يفر بأيده جون راح ركض للباب
-أنه رايح لچهوره..
ضحكت من شرد وضلينا نسولف أنه وحُرّ لحد ما رحت نمت بفراشي، ثاني يوم عدنا خطار أخوات زهراء وأمها جايات يشوفنها مريضه، زلمنا أغلبيتهم طالعين والباقين بالديوانيه بس ضيغم سبح ومن صعد يبدل علمود يطلع طبن النسوان للهول وضل معلگ فوگ
حُرّ مد راسه من الباب
-وحده منچن تصعد تصيح القندره المعلگ فوگ.
6
صعدنا أنه وكلارة نصيح ضيغم، رغم ماله داعي نروح ثنين بس أحنى متعودين كلشي نسويه سوى بحيث لو نغسل
گلاص وحده تفتح الحنفيه وحده تغسل الگلاص كلشي نسويه سوى..
دگيت باب الغرفه وكلارة گالت
-ضيغم
-تعاي
فتحت الباب وطبينا للغرفه هوَّ كاشخ ومتمدد على الجربايه
يگلب بتلفونه
-ها خير؟
كلارة طلعت الحچايه من كل گلبها
-حرّ يگول خل ضيغم القندره المعلگ فوگ ينزل.
6
رفع أصبعه بسبه وگام من مكانه
-نعلى على أبوچ
وردة: ترى حُرّ متانيك هوَّ والزلم البقيه علمود تطلعون
ضيغم: گليله ضيغم ما يرضى ينزل، أخاف أنزل والنسوان يگصصن أيديهن من جمالي..
25
كتمت ضحكتي صافنه عليه وكلارة تباوعله بطرف عينها ما مقتنعه وتفر بأيدها، جريتها من أيدها ومن كل عقلي أريد أروح أحچي لـ حُرّ كلام ضيغم جرت أيدها كلارة مني ملتفته عليَّ
-شبيچ ماما شايفه هسه حرّ إذا يسمع يشمره من السطح
-هههههههه شبيچ خلينا نشوف رد فعله..
1
-خو أنه أگلچ شني رد فعله
-لا أريد أشوفه هوَّ بله شيگول؟
ضحكت تفر بأيدها نزلنا وحچيتله الگاله ضيغم وهوَّ وجسام موجودين جسام يباوع للباب متاني ضيغم كل ظنه راح يطلع، حُرّ باوع بنظره حسيته يريد يصعد يكتل ضيغم
-خل ينزل لا وستر زينب أنزله بالنعال گدام خلگ الله.
1
صعدنا أنه وياها وهِيَّ تغلط على ضيغم وصلتله كلام حُرّ وهوَّ يضحك
ضيغم: عمي ما أريد أنزل!
وردة: بس لا هم عندك مرسال لـ حُرّ بأيدنا؟
ضيغم: أي گلله..
كلارة: شني زاااااجل أحنى كل شوية مودينا؟؟
3
خزرته ضايجه وأنه أضحك، جرتني وطلعت من الغرفه شويه وأجه ورانا هوَّ سلم على الموجودات مدنگ عينه وطلع للزلم بسرعه، شخصيته حيل لطيفه وفرفوش بس للأمانه حتى عينه ما رفعها رحنا نباوع عليهم شلون راح يستقبلونا أجاني
فضول قبل لا يطب ضيغم، جسام گله
-ضيغم أدخل علينا..
16
ونفجرو ضحك هوَّ وضيغم، وحُرّ مطنگر ليش ما أدري الأكيد مو على السالفه بس يباوعلهم بطرف عينه ويهز بأيده طلعو
وأنه بعدني أضحك على كلامهم حيل متأثرين بمسلسل يوسف الصديق
گاعدين أنه وجون بالهول والبيت هدوء الكل بغرفهم جاي العب وياه لأن ضايج ومحد هنا يلعب وياه گام يركض وأنه
أمشي وراه وأضحك نطب من مكان لمكان لحد ما طب لغرفة إيناس أختفت ضحكتي من وجهي وعبست ملامحي ضايجه، ما أحب أطب لغرفتها لأن أصلاً ما أحب أشوفها دائمًا تتعارك وياي على أتفه الأسباب طبيت للغرفه وكل تفكيري بسرعه
أطلع جون من الغرفه ونلعب بغير مكان..
أول ما فتحت الباب وطبيت كل ظني هِيَّ ما موجوده بس طلعت بالغرفه، ياريت ما طبيت ولا شفتها جمدت بمكاني من منظرها!!!
158
يتبـــع...
