رواية يا اجمل الوحوش الفصل الثالث والعشرين 23 بقلم رسل فهد
يا أجمل الوحوش
- رُسل فَهد
...
20
للحلوة الحزن مَخلوق
انتِ جميلة ؟ هذا يعني عليكِ دفع ضريبة جَمالك بالدموع
عداً نقداً حتى انتهاء المَطاف
مكتوب دَوم إلها الحِزن
هيَ دموع بلا وَعي
تنزِل تنام بخَدها !
شَنسوي قِسمتها بَعد
چا همه گالوها قَبل
كِل حِلوة حَظ مَا عِندها
-رُسل فَهد
....
73
" روز "
47
كاعدة بالغرفة اباوع للحيطان عليها شخابيط بأقلام رصاص
و أثار صور سود مَشلوعة من الحايط و الواضح من السواد صار الها سنين معلگة و ما متحركة من مكانها
74
دموعي تجري على خدي و اني كاعدة على الفراش البطانية
على رجلي و صوته بره الغرفة يسولف البردة ستن مشجرة لون اخضر حتى الشمس من تضرب الشباك لون الغرفة بسببها يصير اخضر
66
الخوف محتل كل جسمي و دموعي ما نشفت ايدي بكل لحظة اباوعلها ترجف و صبغ الأظافر صاير على الجلد اكثر من الأظفر
عيني على الباب و أتنفس سريع من البارحة لليوم ما ادري بيهم
شيردون بس كل الي اعرفة البيت مو بعيد لان هو ما مشى مسافة طويلة و جابني لهنا
62
كل الخوف البداخلي بجهة و تفكيري الي ما يهدأ بهذاك الشخص
بجهة ثانية بعدة گلبي ينطي فرص و بعدني لسه مصدگة ،
فزيت و قطع تفكيري دخولة لمن فتح الباب برجلة طب و بيدة
قوري چـاي و كوب ولفة
70
غطيت روحي أكثر بالبطانية صعدتها لوجهي و هو رجع طبگ الباب
برجلة طبگت روحي وي الحايط أكثر باوعلي و عاط بوجهي
- شكوووو تبچين
جنت ابچي على كيف بسبب صيحتة گمت ما الحگ على دموعي
و النشغة شكلت عندي
143
حط البيدة بالگاع و عدل الكرسي جرني من الفراش من الخوف
قبل لا يمد أيده وگفت گعدني على الكرسي رجليه ترجف و أتلفت
لف الحبل على جسمي بس ما شد ايدي اشهگ و امسح دموعي
اباوع لأيدي كلها صخام ، اخ هاي الكحلة ما خلصت
جر الكرسي مالته و گعد گبالي
- ترى تخوفين تدرين بروحج لو لا
217
درت وجهي عنة و اني مستمرة بالبچي جر وجهي بيدة
واني مغمضة عيوني اخاف منه خله الكلينس على عيوني ويمسحهن
قوي احس حتى الجفن تشگگ
روز : عوفني الله يخليك
- خل امسح وجهج چنج هذّني الراهبات
171
مسحت وجهي بأثنين ايدي و هو گعد عدل
روز : بداعت اهلك رجعني
- اهلي ؟ ، انعل ابوج لابو حتى أهلي
198
نسيت كلشي و بچف أيدي ضربتة قوي
روز : اهلي ميتيييين لا تسب ابوي
سوه روحة متأذي وهو يستهزء مصغر عينة و لاوي رگبتة
و لازم اثر الضربة
40
- هاي الضربة كل قوتچ لو شاربة بروتين وياها
روز : انتَ شتريد مني كتلك والله محد يدفعلي ولا
ربع رجعني لأختي
61
- شدگولين نتزوج و توگع الفلوس ، لو قافلة على الضابط ؟
روز : عوووفني الله يخليك لا أريدك
و لا اريد الضابط اصلاً اني جنت مموافقة عليه
62
مد چف ايدة قريب وجهي
- جا بوسي أيدي أنا مخلصج من زواج غصب
روز : و شنو الفايدة خاطفني و تريد فلوس والله ما عدنه
اني عندي كلادة ذهب من امي هدية انطيها الك والله بس رجعني للبيت والله ما أكول انتَ خاطفني
109
- شكم مثقال يالله گلادتچ خل اشوف تسوة
مديت ايدي امسح دموعي
روز : والله ما اعرف بهاي السوالف اني بس هي صغيرة
و ما عندي بس هيَ جنت حالفة ما أبيعها
69
- لا متسوه أنا أريد من زِناد اقل شي أربعين مليون
شهكت و خليت ايدي على صدري
روز : ما يدفعلي والله لو خاطف جُمارة يدفعلك يجوز بس اني لا ، ميقربلي هو بس يصير حفيد خالتي
165
- أنا اول مرة بحياتي اشوف هيج
خالة عفطية و ما تهمها بت اختها
روز : لا ، اني اموت عليها بس زِناد يدفعلها ويطلعها اني محد يطلعني
186
- هسة نشوف منا لشهر ما معقولة ما يدفع
أنهاريت من كال شهر و گمت أبجي بصوت عالي
روز : منو يقبل بية بعد شهر العالم راح تطلع عليه أشكال الحچي يمكن حتى تغريد ما تدريني ليش تشوهون سمعتي علمود الفلوس الله يخليك اذبحني و لا هيج تسوي
71
ما جاوبني مد ايده للقوري صب چـاي و انطاني لفة
- آكلي آكلي الدنيا متسوه
بقى لازم الكوب بأيدة و البخار يطلع من الچاي اتمنيت أحرگة بي درت وجهي و اللفة خليتها بحضني ما أخذتها
60
روز : ما أريد
- لتتعيقلين آكلي و أنجبي ترى أنا مو حبيبج
156
روز : ترى والله الله راح يحاسبك اني يتيمة ما عندي اهل
- طبعاً يشردون للگبور إذا انتِ هلگد تلحين
116
الغرفة هدوء و اني كاعدة بمكاني و ماكو غير صوتة لمن يشرب الچاي ينرفزني وهو لمن شافني اغمض عيني مشمئزة كل ما يشرب گام
يعلي نبرة الصوت
174
خله الكوب بالگاع و شال اللفة من حضني بقيت ساكتة ماكو غير دموعي التجري لمن خلة ايدي ورة الكرسي و شَدها بالحبل
شفتي ترجف و شكل بجسمي يرجف گعد بالكرسي مالته و فزيت من سحب الكرسي مالتي عليه أكثر
68
رجعت جسمي على حافة الكرسي أكثر
لزم فكي و بيدة اللفة يريد يوكلني درت وجهي بس من صارت ضغطت ايدة قوية و توجع أسناني اكلت لگمة
- عفية بالحبابة
82
يباوع لحركة حلگي و بلعومي شوگت ابلع اللگمة حتى يرجع يضغط على فكي و اكل دموعي تجري على خدي حتى اللگمة الـ أكلها
منگعتها الدموع گتله شبعت و هو مو يمة يباوع لدموعي
لمن تجري
81
جر الكوب نفسة و صب بي چـاي قربة لحلگي نسيت هو چان يشرب
بي شربت اول كمعة بعدها بحلگي شمرتها بالگاع و باوعتله بقرف
وهو يشربني مبتسم حسيتة من البداية يعرف راح أسوي هيج
ضحك بصوت عالي و كل ما يسكت يرجع يضحك
143
بعنادي گام يباوعلي بنظرة مقرفة و يشرب من المكان الأني شربت منه
و ما يشرب اعتيادي يسوي حركات مقززة أحس روحي محترگة
من القهر و العصبية بس ادري بروحي اقوى شي اسوي
هو أكعد ابجي عاف الكوب على الكرسي وراد يطلع رجع اخذه و خلى بعيد عني
79
بقيت گاعدة وحدي الفراش گبالي و يم راسي العلاگة الجايبها متروسة
حلويات مر وقت هواي و اني ماكو و ما جنت أفكر شلون ارجع بس جنت أفكر لو رجعت يستقبلوني عادي لو اول اجراء يسوو بحقي
يأخذوني للدكتورة و أصير حچاية على كل لسان
74
شعري داخل بالثوب و على وجهي مضوجني حتى روحي كارهتها
التفتت على الباب طَب و بيده الصوبة خلاها بنص الغرفة و جر الكرسي گعد يتدفى يمها و شعره كله مي بهذا البرد من يمي جمدت
16
طلع جگارة من جيبة ورثهـا من الصوبة و يباوعلي
درت وجهي على الجهة الثانية أعض بشفتي الجوه من القهر
- شبيها أخت تغريد
44
روز : انتَ ما عندك أخوات اني محجبة و شعري گدامك
طالع مو گتلك اني يتيمة
- ادري هاي كلمة يتيمة شنو آثبات ملكية
215
روز : ممچذبة عليك اني يتيمة
- ميتين و تبجين عليهم احسن أنا اهلي عدلين و حالي
حال اليتامى
67
روز : ليش ؟
- ساقطين ، حرامية باگو فلوسي و سكتت
و من راحلهم ديّان علية أتبروا مني
69
روز : يبقون أهلك
- انعل أبو أهلي تعاركت علمودهم و أنكتلت
تالي رحت حرگت بيوتهم و السيارات و أنا هسة مهدور
دمي يم أبوي و يم ذولاك الناس
136
روز : صدك ، صدمتني يعني متروح لأهلك
- لا و لا أريد أروح خليني هنا عايش حياتي اخطف
حلوات و آخذ عليهن فلوس
71
روز : و شتسوي بالفلوس هلگد و انتَ وحدك
- آكلچ شنو انتِ أرتاحيتيلي ترى أنا خاطفج
سكتت و رجعت درت وجهي عنه
121
- احب وحدة و أريد أبنيلها بيت أعوضها
روز : تعوضها بفلوس حرام !!
- عادي هي هم مستهترة مثلي
310
أبتسمت و خفيت أبتسامتي بسرعة من تذكرت هذا منو
لحد العصر هو يطب و يطلع أجه يريد يفتح الحبل قبل لا يفتحة
وخر شعري من وجهي هزيت راسي قوي حتى يعوفني
- شلون اني بعروس وادي السلام
194
فتح الحبل من ايدي و جسمي آثار الحبل توجعني اباوعله بخزرة
كعدت على الفراش الغرفة دافية لان الصوبة موجودة و الباب مسدود
تعبت احس عيوني قفلت تمددت و غطيت حتى راسي
15
فزيت بنص الليل الغرفة ظلام هندس ماكو غير ضوه الصوبة الخفيف
و جمرة جگارة مشتعلة ، ريحة دخان تارسة الغرفة
كعدت الم بشعري فتح ضوه تليفونة غمضت عيوني بسرعة
لان صار الضوه قوي بعيني
26
- حتى و انتِ نايمة تصيحين أنا يتيمة
روز : أريد اروح للحمام أغسل
- ترى خاطفج أنا ما مگعدج بفندق خمس نجوم
103
بقيت ساكتة أوخر بصبغ الأظافر الـ على الجلد بيدة الفلاش فتح الباب
البيت هندس و بس ضوه التليفون مالته موجود
روز : ماكو كهرباء
- لا ماكو يالله فضيها
17
امشي ورا و اتخيل البيت بي جناني گلبي يريد يطلع من مكانة ما خفت من خطفوني بگد ما خايفة هسة طبيت و هو بيدة الضوة سديت الباب صار المكان يخوف فتحت الباب بسرعة اباوعلة
روز : ظلام أنطيني تليفونك
- لا والله ؟
53
حجاها و گام يرجع ليورة بس موجه الضوه عليه طب للغرفة
اني من الخوف مشيت ورا قبل لا اوصل الغرفة طلع بيدة تليفون
فتحة و فتح بي الضوه انطانيا طبيت للحمام بين خايفة من
الظلام و بين خايفة منه قفلت الباب و اني اقرأ ايات بصوت عالي
34
من سديت الدوش أندگ الباب گلت ها و صوتي يرجف
البس بالثوب رجعت بي نفسة
- هاي هدوم
ما جاوبته نشفت روحي بنفس الثوب و لبسته و طلعت
18
لكيته واگف منتظرني صرت اطگ سن بسن اول ما وصلت الغرفة طبيت جوه البطانية شال الصوبة و خلاها قريبة عليه كعدت و مديت ايدي
يمها اتدفه هو هم جر الكرسي و گعد يمها
روز : ما خابرتوا زِناد
56
مد ايدة يورث جكارة و يباوعلي
- گال أنتظروني
بقيت ساكتة اباوع لنار الصوبة من تصعد
27
بقيت بمكاني هو اخذ الكرسي و خلى على الحايط
انتچه على الكرسي و غُفى عاف الصوبه يمي اتدفى بيها مرت
ساعات و هو غافي بده الضوه يبين من البردة
اباوعلة و أباوع للباب
13
رفعت الغطى على كيف بدون ما أسوي صوت شعري ظفرته
و امشي على أطراف اصابيعي وي كل خطوة أخطيها اباوع
لعيونه لا يگعد مديت أيدي على يدة الباب أنزلها على كيف
گلبي يدگ سريع و أيدي ترجف
91
انفتح الباب و طلع صوت غمضت عيوني قوي اكيد كعد مرت ثواني
و درت وجهي عليه لا بعده نايم طلعت جسمي قطعة قطعة من الخوف على گد المسافة الي نفتح بيها الباب من شف الباب الي
يوديني للگراج حسيته باب الجنة
16
گلت ما أدير وجهي حتى ما اخاف اكثر أول ما مديت ايدي
على يدة الباب حسيت بشيء بارد صار على رگبتي
237
بَارد انتَ و أنا بارود التفگ مو مثلي حَار
....
86
" عالية "
30
علي : ولج انااااا مضحك عندج انااااااا
حچاها وضربني راشدي طحت بالگاع جريت نفسي سندتها بالحايط
و هو أجه عليه منهار يمكن لو يأكلني ما يبرد غليله
عالية : بس هدني و عوفني بحالي
حجيتها و خليت ايدي على عيوني أنوح
42
هو صار نار اكثر من شافني هيج جر شعري و هو كاعد گبالي ركبة
و نص و بإيدة الثانية لزم وجهي قوي حسيت
سنوني كلها راح تنشلع من مكانها
علي : أحچـي لج رجعتي تحجين وياااااااا
فزيت بخوف من شفته هيج يفكر
21
عالية : لا لا والله لا ما أحچي ويا ردت أحچي وي شريك
علي : چا والرقم المسحتي ولج عالية أنا جاهل گبالج
غطيت وجهي بأثنين أديه و أبجي أتذكر من شريك طبگة بوجهي
25
كل ما أبجي اكثر علي يشتعل اكثر لزمني من رگبتي بأثنين أديه
علي : شحچيتي ويا لج عالية هذا كله و ما أنعدلتي
عالية : ما حچيت ويا والله وداعت و وداعت شريك
- انعللللل ابوججججج لابو شرررريك
44
حچاها و صرت مثل التمثال بين ايده يتفنن منين يكسرني
كل ما يضربني أكثر أعاند أكول ويامن حچيت أكثر وهو ينهار
أخوته يدگون الباب وهو فاقد ما يسمع أحد
وأنا ما طلعت صوت اعاينله من كثر ما تعبت ايده كعد على الچرباية
يفرك بيها
105
و أنا بصف الميز لامة روحي و دموعي على خدي شعري مفتوح
و جسمي يون عليه من كل جهة بس صوت نشغتي بالغرفة و هو ساكت
كل ما تنزل دمعة أمسحها قبل لا توگع بطني گامت توجعني بشكل مو طبيعي مديت رجليه و أنا طابگتهن قوي ، دگ تليفونة وهو بالگاع
26
دنگ ياخذة و أنا عضيت إصبعي قوي اسكت بروحي
لزمت الميز و سندت روحي حتى أكومن و أعاين النزيف أخذني
و هو واگف يعاينلي و يعاين لايدة
78
أنا من الخوف و المستحى بقيت صاكة بمكاني ما تحركت
شال الچرجف الفوگ چربايتة و لفني بي فتح الباب غمضت عيوني
وهو شايلني يطببني للحمام و أنا فوگ ما هو سببها
مستحية منه
130
دموعي تجري و أنا ما مقهورة لا من علي و لا من السواه
كل قهرتي من شريك و صوته يرن بأذاني هم يجي يوم
شريك يعاين بوجهي بعد
24
اجتي مرت سلام دگت الباب عليه و أنا الغصة كاتلتني
عالية : آريج مابية شي ، هسة اطلع
- هاج هاي هدومج ولج ترى انتِ بكد بناتي
فتحت الباب أخذتهن منها و هي بقت تنتظرني برة
62
أخذتني للغرفة علي ما موجود فوگ عظامي الـ تصل
لازم أنظف الغرفة رحت افتح الغسالة و آريج كالت اجيبلج حباية
اخوته فاتحين ألباب مال غرفتهم و يسولفون بالباب عاط بيهم ، طبو و سدو الباب
+
اعاينله و أنا واگفة يم باب الحمام و هو غسل الغرفة يمسحها بأيد
وحدة و مسيطر و أنا بأثنين ادية ما ينشف الكاشي اجت
آريج جابتلي حباية
- عيونج جثير حُمر من يوم الاجيتي لليوم خلت ايدها على راسي و گالت روحي نامي ترى انتِ بگد بناتي أنا اكمل الهدوم
لا تستنكفين
140
امسح بدموعي و مبتسمة الها
عالية : متعودة أنا
آريج : بس تحسين روحج جثير متوجعة گليلي
بقت واكفة يمي لحد ما خلصت جابتلي لفه و اخذت السلة شرتها
من كثر ما كلهم نابذيني اخاف إذا واحد تعامل وياي عدل
31
من أعتاد القلق ، ظَنّ إن الطمأنينة كمين
93
طبيت للغرفة أسحل بروحي هو متمدد على الجرباية و ساند روحة على الحايط و يدخن بعدها عيونه غير الشر ما يطلع منها و الجگارة بنفس واحد توصل للنص سحلت فراشي بعيد عنه اسحل بي و اعاينله من الخوف
17
تمددت بسرعة و تغطيت من تمددت حسيت بوجع الضرب
على جسمي من كل جهة إندار عليها توجعني اكثر كمت آون من الوجع
ما نمت لحد ما راح بيومها امه من كد ما مرتاحة و مشتفي غليلها
حتى ما دزت عليه
45
كعدت فتحت عيوني على كيف فزيت من لكيته كاعد على الچرباية
و يمة صوبة كهربائية يلعب بالتليفون أعاين لشموع الصوبة
فزيت و جريت الغطى على روحي ، رجعت ليورة و ايدي على حلگي
الخوف واضح بكل جزء مني من صار يتقدم عليه
5
مد ايدة على شعري عبالي راح يجرة غمضت متوجعة ..
بس فتحت عيوني على كيف من ما جر شعري قوي
دموعي قبل لا تعرف بشيء تنزل أباوعله شكلة ما بي رحمة
هاي المرة أتنفس سريع و صوت النفس بس موجود بالغرفة
17
علي : أحچي و رَيحيني أحسن ما أبقى عايش بقلق
نهايته أخلي طلقة براسج و أكتلج و أنا ما اريد أتسرع
45
عالية : ويَـ شريك حچيت
گلتها و خليت ايدي على وجهي ابچي بصوت عالي
هدني و گام للكنتور فتح القفل و كل طگة قفل احس روحي تطگ وياها
أعاين لأيدي رجفت و ريگي نشف من عاينت المسدس بيدة
31
علي : أنا حسبالي تنصلحين بعد كل هاي القساوة
عالية : أنا ما خابرت احد خابرت أخوي
بس شريك سد التليفون بوجهي و عَزت عليه
روحي أكلك طبگة بوجهي
37
بقى ساكت يباوعلي
علي : يعني هسة اخابر شريك أنا أكلة اليوم اختك خابرتك لو لا حتى أصدگ مووو ، إذا شريك ليش تمسحي
عالية : مسحتة ما أريدك تعاين كسرتي و إذا تريد
تخابرة خابرة هسة و اسئلة
19
علي : اي اخابرة اشكك بأختة مو ، انتِ بابا من يا طينة الله خالقج اريد افتههههم
عالية : انتَ شتريد مني أنا ما راح احبنك و لا بيوم من الأيام
راح اضحك وياك أنا عايشة هنا انتظر شوكت اموت و أرتاح
لا تتعب روحك وياي
118
أعاين كل كيانة تغير ايدة حتى المسدس گوة مسيطرة لازمتة
علي : لچ انتِ منو بحالج أنا هنا جبتج حتى أندمج
و اشوفچ السويتي شنو عقابة و غصباً ما على خشمج
امشيج ع السراط المستقيم
58
عالية : شتشوفني اكثر من الشفـتة وياك انتَ مخليني
اتمنى الموت و لا العيشة وياك
علي : لان هاي نتيجة الغلط السويتي
15
عالية : أكرهك ، أكرهك ، أكررررررهك
احچيها وايدي على ضرباتة الي تصل بجسمي ووجعها
58
علي : طبچ الف مرض ، و لا أنا منتظر من خلقتچ تحبيني
من زماااااان چزت روحي منچ
68
گمت أنفت كلامة يشگ گلبي بـ مية الف سچينة
درت وجهي عنه و أنا بارود و هو گعد بارد تمدد و عينه على السگف
شوية و خله ايده على عيونه و أنا للفجر بمكاني گاعدة ما ضلت فكرة
ما أجتي بدماغي
12
ثاني يوم أخبز و عيني على التنور و برودة الجو تذكرت أحنه البارحة
شلت صينية الخبز و نزلت خليتها على راسي لان ما اكدر أشيلها بأثنين ايدي اخاف أوگع من الدرج ويَ نزلتي صار هو گبالي يسولف
ويَ اسلام اخو وشايل بت سلام بيدة يلعبها
10
خليت الخبز على الكاونتر و مديت ايدي اغسلها بالبوري عمتي اليوم ماكو الصبح طبت بيدها غراض ركضت رحمة أخذتهن و صعدتهن
عفتهم بهوستهم و صعدت ، رحمة فاتحة باب الغرفة النظفتها
و تخلي العلاليگ و تباوعلي بشماتة
47
طلعت من الحمام طبيت للغرفة هوَ واگف قريب على الميز
كل ما أطب للغرفة من يجي من الشغل الگا واگف هنا
و گفت گبال المرايا أنشف وامشط بشعري ضفرته من يم الگذلة
ظفيرة من الجهتين و لميتهن اثنينهن بظفيرة وحدة درت وجهي چان يعاينلي بساع خله عينة بالتليفون
115
دگت الباب بت سلام و طبت بيدها صينينة صغيرة
- عمو علاوي هاي امي دزتها لخالة عالية ، تقبل أطب
علي : طبي حبيبتي
يباوعلهة مبتسم چان متمدد گعد و هي لابسة
دشداشة و مسوية ظفاير أثنين فتحلها أيده هي خلت الصينية يمي
و راحتله تركض
48
شابگها ويحجي وياها
علي : أحنة مو گايليلج ما تطلعين
للدكان البارحة شعندج طالعة
- انا ؟ لا عمي وداعتك وداعت مرتك وداعت
امي وابوي و عمامي
72
يضحك و هو لازم ايدها تريد گوة تفلت منه
علي : يعني ما طالعة البارحة بدشداشتج الوردية
و لاگية غسان هناك و خاتلة وره سلة الچبس
70
دارت وجهة عليه نظرتها دگول نقذيني هي من تشوفة يضحك
تضحك ويا و من تشوفة يحچي صدگ تبوسة بخدة حتى يرجع يضحك لزمها من أيدها و هي تتلفت من كل جهة
16
علي : ماكو إذا شفتچ طالعة بعد وحدچ ، آچويچ
و اذا تچذبين بعد ماااااكو
لزمت وجهة بأثنين أديها تبوس بي
- وداعت عيونك بعد ما أطلع أنا أنتظر واحد من عمامي
يجي وياخذني ويا
16
مد ايدة لمحفظته أطاها الف
- الله يحفظلك مرتك
باسها و طلعت تركض و هو يضحك دگ تليفونة فتح خط و سبيكر و راح يفتح الباب سمعت صوت زِناد
علي : ها شيخ
15
زِناد : وين انتَ
علي : بالبيت والله گبل شوية رديت
- تعال حـصتك
90
عاف الباب اجة اخذ التليفون بسرعة سد السماعة و يحچي باللهفة
جر قمصلته من التعلاگة ورة الباب و طلع يركض بقيت مصدومة
و كاعدة بالگاع صار العصر و هو ماكو ما أجة اسمع هوسة بالهول الفوگ أصوات اخوته يصعدون غراض
12
فتحت الباب أشرولي طبي جوه مرت ساعتين و هم نفس الهوسة
المغرب يالله دگوا الباب گالوا طلعي نزلت أشرب مي و صعدت
هن بالمطبخ يباوعلي على الدرج واسمع امة تصلي على النبي
ام سلام : والله لو ما حرام چان هلهلت
يمة علاوي أشوفنـه عريس گبالي صلاوات على محمد
72
فتحت عيوني بصدمة باوعتلها و رديت اعاين على وجوههم مدنگين
و إيدهم على روسهم عصرت ايدي حتى أهدي روحي
طبيت للغرفة و قفلتها بساع دموعي تجري هسة انا ما أحبنه والله
ما أحبنه شمالني ضالة أحترك
92
كعدت بالگاع اصبر بروحي على الراح اشوفة
مسحت دموعيو اعدل بشعري من أندگ الباب فتحت الباب
و درت وجهي بسرعة ما اريدة يشوفني تمددت بفراشي و تغطيت
8
انقفل الباب و صوت علاگة تخلى على الميز
علي : گومي جيبلي گلاص مي
حبست أنفاسي و عاينت العلاگة سودة و هو واگف يبدل
فتحت الباب و نزلت اخليله مي بالگلاص
رحمة : شصايرة هدى تجنن مميشة شعرها صايرة
تشع گالت أمي بيوم الحنه يطگنها عين
136
عفتهن و صعدت فتحت الباب لگيته ما موجود و صوت الدوش مفتوح
خليت الگلاص على الميز و كعدت عفت الباب مفتوح شوية و جهال
سلام كل شوية يفتحون باب الغرفة يطبون يصفگون و من يسمعون احد صعد يطلعون بسرعة
38
راد يطب الخاولي على راسة
و طلعو بسرعة جهالهم خايفين وگفوا بـ باب الغرفة
علي : شعدكم هنا شتسوون
كالوله منسوي شي ما صدگهم فتح باب الغرفة بقى واگف بالباب
يعاين ما تحرك و الجهال نزلوا يركضون طبگ باب الغرفة قوي
و طَب ضايج
42
حاولت أبين ما أعرف شي و لا شفت شي عيني على الكنتور صافنة
و ايدي على خدي صاحولة على العشا گاللهم مآكل هناك
گلاص المي حتى ما شرب منه شوية و أندگ الباب أنا طبيت جوه الفراش و تغطيت من سمعت صوت امه
17
طبت باستة و گعدت يمة
ام سلام : جا ليش ما نزلت تعشيت يمة
علي : اكلت يمة رحت ويَـ زِناد و تعشيت
- ما تچفيني شر زِناد يمة هم ردينة
- ابن عمي و آخوي و ما أسوى شي بدونه أنا
24
ام سلام : هسة ما علينا اليوم ابوك جابلك الغرفة شفتها شحلاتها فصلها الك تفصال
علي : اي شفتها
- شبيك ضايج بعد عمري
31
- ما ضايج يمة ما بية شي
- اليوم چنت يم خالتك الظهر و جبت وياي غراض هدى
خطيبتك تسلم عليك خالتك دگول ما يجيبنا و لا يمر
- شغل يمة ما تشوفين ، الله يسلمها
67
ام سلام : ما تدري بهدى شصايرة من جمال گتلها علي لو يشوفج يمكن يتسودن
علي : لا تسولفين بيها يمة حرام شني السالفة
ترى ما عاقد عليها أنا
70
ام سلام : اي جا شبقة بس هذا الشهر هي الك الك
قابل تصير لغيرك
- الله كريم
- بعد گلبي علاوي
تبوس بي لحد ما طلعت و سدت الباب
46
اكثر شي مُر يمر على ابن آدم من يعاين لروحة ماكو شي يسوه حتى يعيش لخاطرة ، كلشي ضدة اهلة ضدة و الناس الكاعد يمهم ضدة ، حتى نفسة ضدة و المن يشرد المهضوم من روحة
142
نامت الوادم كلها و أنا على گعدتي ما مر على عيني النوم
ما ادري شبية و شريد من سمعت حركتهم الفجر يگعدون سويت روحي نايمة اول ما راحوا گامت امة تصيح انزلن اليوم شعدها من الفجر
- يالله كعدن عدنه خطار
10
ما نزلت انتظرت يجي وكت الخبز و يصيحولي تمددت على چربايته غفيت فزيت على صوت امه فوگ راسي
ام سلام : عيني العروس امشي نظفي وياهن و عجبني يالله
من وكت اليوم الخطار تاج راسج
63
غمضت عيني بنفاذ صبر و گمت نزلت وراها أنظف وياهن و أعجن
و الهوسة ما تنوصف جهالهن يبچن و هن يخافن يعوفن التنظيف من
وره عمتي رحمة كل شوية نازلة بثوب لامها دگللها البسه لو غيرة
اول ما شفت العجين أختمر اخذت المعجنة و صعدت حتى اشرد
و أخبز وحدي أنا و الطيور
18
يعني راحة ماكو من غبشة للظهر و ينامن شوية النوب تجي هوسة الليل هذا كله و هي ما راضية اليوم العجين چثير خبزت لحد ما أنهدت متوني صارن صينيتين نزلت الاولى و صعدت اجيب الثانية
من نزلت صارت هوسة مال مباوس و سلام أنا ما اعرفهن منو خليت
و صعدت فوگ وي طبتهن طبت الولد
14
طبيت للحمام لان ادري راح يصير ازدحام عليه و انا أسبح
أندگ الباب گلت أنا
علي : فتحي الباب
تيهت حتى بوري الدوش منين ينسد
31
عالية : انا عالية
ضرب الباب قوي
- أدري صخااام فتحي
124
حرت شلون استر روحي فتحت الباب و گلبي أضنه من كثر الدگ
طاح بالگاع فتحت الباب دفرة و طَب هدومة كلها طحين و فايرة روحة
مد ايدة يفتح بالقميص و يعاين على زنودي مستغرب أنا ساترة روحي بدشداشتي گمت أعاين لزنودي و اغطيهن كلهن آثار زرگ
علي : هاي مني ، أنا ؟
درت وجهي على الباب و هزيت راسي بـ أي
و أنا العبرة خانگتني
187
لبست دشداشتي بساع و أنا مغطية روحي بالثانية
طلعت بساع للغرفة رغم البرد بس من المستحى أعاين جسمي حار يفور مشطت شعري و هو جايب عطرين جديدات واحد اسود
و الثاني وردي شكلهن حلو اشتميتهن يخبلن
19
شلت الوردي حطيت منه أنفتح الباب و طَب هوَ استحيت رجعتة
گبل للميز قبقة انتحر و شمر روحة من الميز كمت أركض وره
و أنا شوية بعد أبچي من الفشلة
عالية : ماخليت هواي والله رشة وحدة
ضحك و هو وگف يم الميز ينشف شعرة بطرگ الفانيلة
129
علي : هوَ الج هذا
أبتسمت و أجيت يمه حتى أرجع القبق فتح العطر
الأسود و قَربة على خشمي
- شوفي طيب بالله
133
سويت روحي ما شامته قبل صغرت
عيوني عود حتى اريد أنطي رأيي أندگ الباب و أنفتح
عالية : لا طيب
13
رحمة : علاوي شوف منوووو أجاك
حچتها و تغيرت كل ملامحها هي و الواگفة يَمها
342
بعد كل الجرايد ذيج ، عَلينة تعز الحچاية
ما تدري يَـ بايعنة .. أجيناك أحنه شَراية
.....
79
" جُمارة "
45
گمت اركض وين ما تأخذني رجلية زرع عالي و نخل
و الطيور تفتر فوگ النخل عثرت و طِحت بالگاع على رجلي من الفشلة
بقيت كاعدة بمكاني ما گمت و اني عاضة أصبعي
وهو جاي متحلفلي ما يگدر يركض يستحي من العالم لا واحد يشوفة
99
من وصل يمي سويت روحي رجلي متأذية
زِناد: لچ أنا وحدة بعرامتچ ما شفت
گومي لا افلش وجهج
70
باوعتلة بهضمة و اني مسوية روحي متوجعة مصغرة عيوني
جُمارة : هاي علية ؟
43
أبتسم رغم العصبية الواضحة على وجهة و مسح شواربه
و رجع يحچي بعصبية
زِناد : استغفر الله ، گومي لج گومي
77
كمت بعصبية انكث بثوبي و هو يستغفر من فوك الصاية لزم ايدي
و أخذني للبيت سحل و اني مسوية روحي اعرج حتى ما يحاچيني
من طبينة للبيت هدني و باوع لرجلي
زِناد : انلوت رجلج مو
هزيتلة راسي بـ نعم
24
زِناد : كلش زين لان لو ما ملوية چان رميتها
ابتعدت شوية و باوعتله بعصبية و ضربت رجلي قوي بالكاع
جُمارة : اصلاً چذب و كلشي مابية
حچيتهن و طبيت اركض من وصلت باب المطبخ درت وجهي عليه
لگيته يضحك
193
بدلت و طلعت اغسل جدة صاحتني بيدها فستق
رهينة : يمي بالسيارة تسوين روحج ما تحجين ويا
و من أنزل تخنسين عليه
72
جُمارة : اي جدة مو أطرد عيون أخاف منج لا تطگيني عين
شالت عكازتها و أنا ركضت اضحك لغرفتها أنام فزيت على حلم بطتي مذبوحة طلعت اركض للهول حتى ما ادري الساعة بيش
لگيتها تفتر ركضت عليها شلتها أبوس بيها
72
لكيتهم يضحكون عليه كلهم كاعدين بالهول ولد عمي عمار الثلاثة الكبار و شريك و ولد عمي عدنان بس زِناد و علي ما موجودين
رهينة : شمالج ولج مخترعة
جُمارة : جدة حلمت بيها ميته
نورس : كمل ثوبها عود من اصعد تعاي اخذي
52
ام عدنان : ولج مضرگة على مكان عمج اليوم شسوه الظهر
جُمارة : رزق رزق ، خالة بعدها صغيرة من تكبر أعلمها
98
شريك : شو لسة ما أجة
رهينة : هسة على جية ادري انتَ بليت
زِناد بلوة شيسويلك بعد فهمني
شريك : چا وين أروح هااا وين اولي گليلي
23
غسان : شريك هسة زِناد خل يحصل اليريدها
النوب يجيبلك التريدها
يضحكون و نصهم يباوعون عليه استحيت
77
رحت للمطبخ
صار هوَ بوجهي درت وجهي على السنك مد ايدة لجيبة
و خلالي ككو على السنك بدون ما يحجي ، أبتسمت كعدت على الكرسي اكل بي و هم صوت ضحكهم عالي بالهول طب ولاء و يا
بنتة تخبل طالعة على امها بيدها ككو مثل الي اكلته
54
وگفت بـ باب المطبخ هم ناس كاعدة بالكاع و ناس على القنفات
و البقية واگفين جدة تمر بأسعد لحظات حياتها أحفادها يمها
دمعة واگفة على الدرج صافنه عليهم يمكن تريد تشوف منو الآحلى بعد
حتى تحول عليه
196
رهينة : ها جدة شسويت على سالفة آخيك شريك
زِناد : وحيد أمي أنا ، جدة منيلي خوان
و البقية يتحارشون بشريك يگلولة لالا هو دار وجهة زعلان
48
زِناد : تعال يمي تعال
گوّم يونس من مكانة و اجة شريك گعد يمة
هو حاضنه بأيد وحدة ويضحك
شريك : يريد يملچها ابوها بفرحة الزهرة
زِناد : يملچها الك
39
ابتسم رغم ما مبين مأيس من الحياة باوع لجدة
شريك : يعني شراح يصير بالله لو ترحين تصالحين ربيعة أنا ما أستاهل لو زِناد يحب من بيت ربيعة
چان حتى أديها بستيها
زِناد : تغار مني انتَ شنو
38
رهينة : يا و من خُفت ولك جم مرة رحت لاهلها ما رضو ينطوها شسويلهم أنا على كرامتي كلكم أبيعكم
كلولها كلهم حتى زِناد ؟؟؟
غطت وجهة بالشيلة تضحك و تباوعلة
66
رهينة : هسة زِناد شني رايد غريبة
انتو كل سالفة وخليتوه بالنص
- لا جدة أحجي الصدك بداعتنة
رهينة : اي حتى زِناد چـا هاي كرامتي و هيبتي
حجتها و تباوعله و تغمز
59
صار ضحكهم بصوت عالي
غسان : جدة دگول كلكم نفس المعزة و هي زِناد إذا ما أجة
تخلي ايدها على مكانة ولا يگعد بي واحدً
عدنان : لا و إذا تمرض
شالت المندر و شمرتة عليه
37
رهينة : يمة اسم الله من عابت لهاي الشكول
ولاء : الشرح مع المثال
69
كعد عدل و أشر بيدة على بنت ولاء أجتي بحضنه كعدت على رجله
رهينة : ولج جُمارة الصغيرة بيبتج ليش ما تجي شنو راسها كبـران
106
فزيت عبالي اني بس انصدمت اكثر من شفت الطفلة تجاوبها
اسمها جُمارة !! هاي اول مرة ادري
14
نزلت ورود گالولها چـاي
محد يعكر مزاجها غير شراع ابو النسوان
وگفت تخدر و صافنة على القوري
جُمارة : لا معليكم أصلاً هو ما يجي على بالي
ضربتني على ايدي
8
جُمارة : اكلج هاي دمعة شو حاطة عينها على زناد
ورود : اشم ريحة حرگ منج لو من الچاي
65
جُمارة : هيو ترى أحجي وياج صدگ
ورود : الله لا يراويچ الشفتة عوفيها تولي صيحي
حسبيهم من يمج
24
اجة غسان اخذ الچاي و اني وياها بالمطبخ ضحكهم العالي ما هدأ
الا لمن بدوا يرحون واحد وره الثاني طبيت للهول صاحتني جدة
بت ولاء لسه كاعدة بحضنة و كل شوية تمد ايدها بجيبة و هو يسويلها
- تــؤ
7
باوعتلها لگيتها هم تباوعلي اشرتلها بعيوني وخري رفعت چتافها
بمعني ما و جدة تأشرلي تعاي گعدي يمي
جُمارة : ما أكعد جدة أني اريد امي وخالتي
زناد : خالتچ جاي ندورها و أمج ما تريد تجي
62
جُمارة : جا وديني لامي
زناد : تـــؤ
35
عقدت حواجبي معصبة باوعت لجدة أشرتلها حاچي
رهينة : تعاي حبيبة يمي مالج غرض زِناد يجيبهن
روز خاطفيها يردون فلوس
12
جُمارة : صدگ ؟؟ شگد
ولاء : خمسين مليون
درت وجهي عليهم و شهگتي شعلوا صوتها
59
كعدت يم جدة صافنة بغير عالم منتظرة ولاء و شريك يرحون
حتى أحاچي ، ولاء گوة شلع بنتة من زِناد النوب هاي منين اجتي
زناد : روحي حبيبتي أنا بعد شوية أجيكم
- تنام يمنة
- و إنام يمكم صار
59
درت وجهي على جدة حجيت بصوت ناصي
جُمارة : شو هاي اول مرة اشوفها حتى من رحت ويا امي لبيت عجيبة ما لگيتها
رهينة : هاي بته الچبيرة بس دومها يم بيت جدها
تحب خالاتها
بقيت ساكتة و عاقدة حواجبي حتى يعرف اني ضايجة
34
زناد : الصبح جدة يجيج علي عود گليلة يلحگني يم اهل
الجملة لا يروح للمعمل
رهينة : ما تخابرة چا يجدة
- الوكت متأخر يجوز نايم علي جثير يتعب بالشغل
يريد يطلع بـ بيت
63
رهينة : اريدن اروحلهم عالية اريد اشوفن حالها هاي مرت عمار حية تسوگ على الچناين مو النوب عالية
زناد : گتله ابقى بس هو علي أعرفة نفسة عزيزي جثير
يعجبني عندي هو و ذاك الساقط شي خاص
68
رهينة : محمد ، يمة مشتاگتلة ليش ما رد تلگي متونس
هناك شعله گلبة
زناد : ههههههه اي متونس
315
رهينة : جدة لا يقنعوك بسالفة شراع ترى ابن اختي والله
خوش وليد و ورود جثير تحبة عدنان مثل المسودن يخرب كلشي بلحظة
2
زناد : شبيك عيني
حجاها و رفعت نظري عليه لگيته يباوعلي مبتسم
64
درت وجهي عنه ساكتة
رهينة : چا عمي احنه ماكلين شاربين
خمسين مليون بيهن بيت
زناد : نطيهم حصتهم من الورث
وگفت بسرعة اباوعلة مبتسمة
19
جُمارة : عادي قابلين بس رجع خالتي حباب
زناد : صار
كعدت على القنفة أوزع ابتسامات و هم يسولفون
20
كال لجدة يالله أنا اروح انام جدة گامت باسته و راحت للغرفة
طلع و اني وگفت يم باب المطبخ وصل لنص الساحة ودار وجهة
شافني رجع مبتسم
زناد : روحي نامي انا أرجع امج و خالتج
جُمارة : انتَ احسن واحد بالعالم
207
زناد : ههههههه ، امشي تجين وياي
جُمارة : مو راح تروح يم فضة
رفع حواجبك اثنينهن مبتسم
زناد : هااااا هههههه لا رايح لبيتي
59
جُمارة : جا فضة مو خطية
زناد : انتِ ما تعرفين علاقتي بفضة شنو وما راح تصدگيها
20
أحس گلبي من جبت طاريها مدري شصار بي حاولت ما أبين
خلى ايدة على شالي ابتسمت بوجهة و طبيت
گبل للفراش غطيت راسي تلمست دموعي تجري !! ليش
105
اني شگاعد يصير بية ويا هذا هذا الانسان
مرة ما اريدة ومرررات هواي أريدة نمت و گعدت الغرفة فارغة جدة ابد ما تگعدني من النوم لو اكعد العصر ما تحاچيني
اباوع البيت هوسة مثل هوسات العزايم
جُمارة : جدة شكو
- هلا جدة ماكو شي صحبان الشيخ مسيرين عليه اليوم
11
جدة بيوم العزيمة ما تخلي وحدة ما تخابرها تجي تتغده
صعدت نورس سحل حتى تنطيني ثوب البطة سبحتها وياي
و كشختها لبست ثوبي الي لبسته بيوم نقرني البطات وبدت قصة حبي وياهن لان اكثر ثوب يلوگلي ورود شدتلي
حزام الخصر من الجهتين عدل
جُمارة : ولج ضيگ
ورود : هيج يالله يصير حلو
99
كعدن يرتبن بصحون الفواكه و نزلت دمعة كاشخة تموت كلهن يباوعن الها اني فرحانة بالبطة اكثر من روحي جدة تمشي و تباوع
مثل هذا الي يخلي ملح للأكل ويكول اني سويته جرت ايدي فزيت
رهينة : هاج هذا المفتاح فتحي كنتوري تلگين وي ثيابي شال مشذَر أخذ لبسي
60
جُمارة : لان اني الشيخة مو
رهينة : أنجبي لج شيخة غير ماكو عود
من اموت صيري شيخة
رحت اضحك للغرفة فتحت الكنتور من طلعت الشال انصدمت من الجمال اسود و عبارة عن شذر ابيض ناعم تارس الشال ترس
79
خليت شالي جوه مخدتي و رتبت شعري
شمرت الجديد على راسي فتحت حلگي بدهشة من جماله ما ينوصف
حسيت حتى شخصيتي تغيرت صارت مال شيخات
طلعت مبتسمة اريد أغور جدة ما لگيتها بالهول طبيت للمطبخ
26
چانت واگفة يم زناد وهو يعلم حياة شلون ترتب الصحن
و يسولف ويَـ جدة عصبي و يغلط على امجد
رهينة : هم آخيك جدة
زناد : جدة لا تخليني أسب حتى أخيي
37
جُمارة : جدة هذا
باوعلي قبل لا تباوع جدة حَتى يمكن أنعجب بية اكثر من ما اني
انعجبت بروحي يباوعلي مصغر عيونة مبتسم و جدة گالتلي اي
أباوع لجدة ضربتة على زندة گام يضحك
159
مديت ايدي على الصحن ردت اخذ تفاحة وهن مرتبات
حياة : ولج لاااا انا اطيچ لا تخربين البلم
شلت ايدي منه و هي أنطتني وحدة اخذتها و بادلتها وي الموجودة
رهينة : بعد بت تغريد إذا قفلت على شغله
48
يبقون كلهم متوترين لحد ما تكمل السفرة مال الخطار طبت عجيبة
و چناينها و ام شريك بس مرت عمي عمار زعلانة حتى من جابت بتها ما اجت فضة من تباوعلي تبتسم بس اني ما ادري
ليش احس بتأنيب الضمير اتجاهة
36
فرشن السفرة و كعدنا ناكل كعدت گبالي بت ولاء يمة كل شوية و خازرتني و اني أخزرها و لو ما استحي أكوم أكتلها
اليوم الجديدة على العزيمة و مصدومة بالأكل الطيب مرت عمي هاشم
اللبنانية ، والله زين منها صابرة عليه
29
من خلصت هوسة الخطار طَبوا و هو يتشكر منهن دمعة تبرم بگذلتها گباله اول ما گعد راحت بت ولاء گعدت بحضنه و فضة مَشت الكرسي
مالتهة و گعدت بصفة ، نهاية التخم صارت هي بينة و بين جدة
الكاعدة بالگاع هاي كلها الوادم تريدة
84
هوسة سوالفهن تطرش الأذان طبوا عمي قاسم و هاشم و فاخر گعدو فضة قربت راسها تشاوره هزلها راسة بَـ نعم
ورود : جُمارة تعاي أخذي الچاي
كمت من يمهم لان جنت كاعدة يم جدة بالجهة الثانية يعني گبالة
اخذت الصينية منها و أجيت أقدملهم من وصلت اله لگيته صافن على خصري أشرلي بعصبية على الحزام هزيت راسي بمعنى ما فهمت
148
و رجعت گعدت گبالهم فضة اشرتلي على مكان الخصر تگلي فتحي
رفعت چتافي بمعنى ما مو قبل شوية جنت بالمطبخ شنو ما أنتبه
هاشم : هاي غرفة شراع راح اطلعها برة خلي يجي ياخذها عود باجر توصل غرفتي
رهينة : بالله ما تستحي من خالتك يا مكسور الرگبة
شلون تدزون غراض الولد شمسويلكم هااا والله أطردكم
كلكم إعلمود شراع
27
هاي الحية بت ولاء طالعة على بيبيتها من يوم الخزرتها لسه تغث بية
عفتهم و رحت للغرفة راسي يوجعني بشكل مو طبيعي
كعدت على الچرباية و مثل كل مرة أنقهر بيها أكعد الصخونة الگاها ماصدقتني و تواسيني
34
احس روحي ضايعة و ما ادري وين لا ام و لا اهل و لا احد
گلبي جاي يعيشني مشاعر مدري شلونها ما مارة عليه قبل بس مرة الگة روحي فرحانة و على لحظة الگاني مقهورة ، اريد أحچي
صوتي ناصي و راسي كلش يوجعني
15
الغرفة ظلمة و اني متغطية گمت فتحت الباب و طلعت اريد اوصل لجدة بدون ما أحجي خليت راسي على رجلها حتى ما ادري منو كاعد يمها جاستني و صاحت يمة بنيتي
22
احس روحي دقيقة وياهم و ساعة لا شهكت بصوت عالي
من انفتح علية المي البارد و ورود لازمتني خايفة علية
ورود : ولج شمالج جمارة ياااا
أخذتني لغرفة جدة و جدة تلوب فوك راسي تقرا آيات
52
بقت ورود يمنة كاعدة غمضت عيوني دموعي تنزل
جنت متصورة من اخلص السادس راح تتلگاني حياة وردية
بس لو ادري بالراح يصير والله مستعدة ابقى كل عمري اعيدة
و لا أمير يروح و اخسر حلمي و نضيع هذا الضياع الماله تالي
45
قربت اللعابة على حلگي ابوسها
- والله لو أبوية موجود چان ما وصلنة لهيج مرحلة
عيوني مغوشة من الدموع أنفتح باب الغرفة و أيد ترجع شعري ليورة
رفعت راسي جر الكرسي وگعد گبالي
زناد : ها حبيبتي شبيج
درت وجهي على الحايط مد ايدة يمسح دموعي قبل لا تنزل
124
زناد : منو وياج غير أفتهم ليش تبجين
جُمارة : انتَ
56
زناد : أنا ؟ ولج جُمارة أنتِ روحي شلون أذيج أنا
جُمارة : لا تتقرب مني بَعد گلبي يوجعني
91
زناد : چـا وگلبي ؟ ولچ
47
جُمارة : رجعني لامي
- اششششش
حجاها ويمسح بدموعي أجتي جدة جابتلي دوة هو شربنيا
كعدت الفجر جسمي احس فزيت من لگيته نايم بالغرفة و جدة مغطيته بـ بطانيتها الجديدة حتى اني من ردتها ما أنطتنياها
شعلـوا المسافة بينة و بين الگاع
76
رجعت غمضت و جدة گامت تصلي گعدته
رهينة : يبعد جدتك ما تجيبلي الصوبة
لهنا لو تعبان ما تگدر
ما جاوبها بس طَب بيدة الصوبة شوية و صار صوته من يتشاهد بالصلاة بصوت مسموع
9
رهينة : بالله صدگ تنام بالگاع يجدة يمة الگاع تكسر عظامك يبعد عظامي
زناد : اسم الله جدة لا شني السالفة ترى هاي الگاع كبرتنه
21
رهينة : لو نايم أعلى چربايتي بس ما تكفيك ما ترتاح بيها
زناد : جُمارة مبهذلة حالي تبهذل
67
رهينة : لا يغرك عمرها انا هسة يالله عرفتها هذن سرى و زهرة عقلهن اكبر منها و رچيچة ما تتحمل
زناد : طبعاً هاي مرضتها كلها بسبب فضة
181
رهينة: جثير انا گايلتلها هو ما بينة و بين فضة شي
جا شنو قابل توها درت بفضة من زمان تدري
زناد : جُمارة غير شكل جدة ما تتحمل
41
رهينة : نام انتَ مو تروح تتريگ يالله تروح
زناد : لا نعسان
صارت الغرفة هدوء و جدة تقرا قرآن بصوت مسموع
تحركت و هو صاح جُمارة ما جاوبته ما ردت أبين اني گاعدة
17
رجعت نمت و فزيت على صوته يگعدني فتحت عيوني على كيف
زناد : گومي يالله شو عاينيلي
عفتهم و طلعت من الغرفة غسلت وجهي كلها نايمة و محد بالهول
رجعت للغرفة جدة حاطة القوري على الصوبة
وريحة الچاي تارسة الغرفة
28
هو كاعد على چربايتي كعدت يم جدة بالگاع البردة مفتوحة
و الدنيا تمطر جدة تگشر بيض سلگ واني مخليتلي ماعون
گيمر عليه دبس
رهينة : نخيت وردة سوتلي ريوگ اليوم الجو جلاب
راح أكعد بغرفتي و ما اطلع جُمارة مريضة تريد دفو
39
زناد : شلون صرتي
- زينة
حجيتها و اني منزلة راسي يحجون اثنينهم بس اني ساكتة
6
بنص حديثهم رفعت راسي عليه و عيوني مدمعة
جُمارة : أريد أمـي
بقى يباوعلي ساكت جر القوري يصب چـاي
زناد : يالله تريگي هسة
66
رهينة : صدگ جدة بهالمطر الدروب خطرة والله ما تطلعون
زناد شني تريد تموتني و انتِ جميرة تأدبي شواي
والله ما ترحين
9
زناد : تشوف امها و ترد ما تبقى هناك
رفعت راسي اعاينله بخزرة عفتهم و گمت طلعت للساحة الدنيا تمطر
فتحت الباب مال الشارع الدنيا تزخ و شارعهم فارغ
مشيت و هاي اول مرة بحياتي ما أحس بالخوف
30
مسافة طويلة عبرت و اني أعاين لباب الشارع ما أنفتح
جانوا مطمئنين لان يعرفون ما عندي هيج سوالف و ولا مرة طلعت من البيت بدون علمهم عبرت كل البيوت و صار بيت جدة ما يبين من أدير
وجهي ...
9.9K
تَـايه يا وَطن بيكم يجي يلمنـي ؟
123
- رُسل فَهد 🤎
426
